رواية بين قلبها وعينيها كبرياء للكاتبة شمس العراقية الفصل الحادي والأربعون
أسيا گلبي ينفض ينفض وإيديه يرتجفون مصدومه صدمه عمري ماكو شعور بالكون كله يوصف جرح الخيانه وشخص مخلي روحك بي شخص تحملته بكل حالاته جيت وياه من الصفر لحد ما صفرت
ما قريت شيء على السريع سكرين لكل المحادثات حتى لداخل الواتساب ومحادثات اصدقائه ما مفتوحه فوك محادثتها علمود ما يلوفها عليه ويكول واحد يستغل اسمي يلكه لعبه ويضحك على عقولهم ما يدري اني اسيا.
سكرنت المحادثات واسكرن كلامهم كدامي ما اريد اباوع ما اريد أقرا واركز واثور وأعلن حرب واحركه هو وياها لا أسيا خليج ثابته لاتنهزين الوضع يتطلب منج الهدوء والتصرف بعقل بدون طيش وتهور.
انتظر يوصلن لن رسلتهن لحسابي وبعدين حذفتهن من يمه ودخلت المعرض والمحذوفات الاخيره حذفتهن واثناء الحذف شفت صوره اليه ماخذها وأني نايمه صفنت والوكت مو مال صفنات عفت تلفونه بعد ما حذفت اي دخول ما اريده يشك بيه وسمعته يكح يعني راح يطلع كمل سبح وانثولت ودخت واني دموعي تجري على خدي وحالتي حاله اذا طلع وشافني راح يعرف اني كشفته ويضيع حقي
علي السريع شلت تلفوني وطلعت بالصاله الجبيره وهو يصيح وراي بذكر أسمي.
عصام أسيا وينج وين رحتي أسيا
أسيا خليت بيها أسيا شخليت بيه واكفه بالنص ودايخه واحس الصاله تفتر عليه اريد اصرخ اريد الطم اريد اعارك اريد اطلع قهري ركضت المغاسل دخلت وقفلت الباب ولزمت المغسله اشهك اشهك اشهك وايدي على شفايفي كاتمه صوتي وعبرتي تخنك شيء مثل الشيء وكف بعلومي وغصه ونار بگلبي شعور صعب ومميت الخيانه موجعه وأذيه صعبه تنقبل گلبي احترك نار مشتعله بثنايا روحي.
بقيت ابجي وكاتمه صوتي وأباوع لشكلي بالمرايا وجهي أحمر وعيوني حمر مليانات دموع واني صافنه فزيت على صوته
عصام اسيا وينج اسيا تسمعيني
أسيا كحيت اريد احسن صوتي ما اريده يشك بيه جاوبته اي حبيبي بس اغسل واطلع
شبيج
ما بيه شي عيني هسه اطلع وعلى صوته اجتي عمتي وانوب عمي يبووه التموا عليج اسيا غسلت وجهي على السريع وابجي اووف كافي كافي اريد اطلع ما اريد يحس عليه ما اريد.
وصال أسيا بنيتي يمه شبيج عيني.
أسيا عمه والله ما بيه شيء
كمال بابا اسيا متعاركين شبيكم
اسيا فتحت الباب وطلعت وهو باوعلي بلهفه وخوف جاوبتهم ما بيه شي بس نفسي تلعب.
وصال أخاف حامل
أسيا استحيت من عمي عن اذنكم مشيت من يمهم وهو لحكني يحاول يفهم مني شبيه
كمال افهمي منها شبيها ما عجبتني وصيحيلي عصام خاف مزعلها لو متعاركين
وصال لا ما بيهم شيء مو شفته شلون مرعوب عليها ومكابل الباب بس اسالها احتمال حملت.
أسيا رحت الغرفه وهو اجه وراي ابتسمت شبيك
عصام أنتِ شبيج
شبيه قابل ادلل عليكم شنو مو من حقي ادلل على زوجي حبيبي زلمتي الأحبه احجي واحس داخلي ينزف دم وگلبي يسبني مسبات عظيمه بحق نفسي.
تدللي يحقلج الدلال حبيبتي.
تقدم سحبني بحضنه خلاني على صدره غمضت عيوني وتمالكت نفسي وسيطرت على أعصابي ومديت نفسي بالقوه قدر الأمكان علمود حقي ما أتنازل عنه هالمره لو أني لو هو ما نرهم بعد بس بعد ما اتأكد وعندي أثباتات وأدله قويه تخصهم هو وهل الساقطه هديل.
يمسح على وجهي وعيوني كأنما يحاول يفهمني ويقرأ ملامحي أبتسمت وبسته من خده وهمست بصوت خافت ومجروح احب أهتمامك بيه وبإدق تفاصيلي بحزني وضوجتي وزعلي وكلشي بيك يوم عن يوم أتلو? بي ويزداد أعجابي بسيادتك.
عشگي فدوه لوجهج وهسه عوفي الغزل على الليل نبدع ونتفنن على راحتنا وروحي سويلي عشه من أيدج الحلوه لن كاتلني الجوع وتعبان طلعه المطعم تأجلت
تأمر من عيوني الأثنين
ابوسهن هنا وصاحبتهن شحبهن.
إبتسمت واخذت تلفوني وطلعت من يمه وأخذت نفس وإيدي على صدري تحملي تحملي تحملي وصلت المطبخ لكيت عمتي تسوي العشه ها عمه كمل العشه
اي دقايق تعالي كوليلي شبيكم
ما بينا الا العافيه حبيبت ادلل عليكم
تدللي عيني بس مهم ما نشوفج زعلانه وعمج باله يمكم
الله لا يشغل بالكم يله لعد اكعد بينما يكمل كعدت وراسلت ازهار كتبت الها على السريع
لحكيلي جاي أموت
ازهار اني بمكانج اسم الله على عمرج شگو شبيج
أخوج
شبي
خاني وياها.
عزا ويامن
هديل
لا
لحظه راح ادزلج المحادثات تبقيهن وتحفظيهن يمج واذا حذفتيهن بحجه تخافين من اخوج اعتبري صداقاتنا أنتهت الى الابد
انجبي اني بهيج مواقف أني أختج مو اخت عصام دزيلي أشوف واحفظهن وحذفيهن من يمج لن كرم يبحوش واخاف يلكفج.
هو هيج اقصد دزيتهن الها وصلن وكعدت اقرا بيهن
هديل مرحبا شلونك
عصام مراحب منو؟
يهمك تعرف منو
أكيد لن واضح أنتِ تعرفيني ورقمي محد يعرفه بس بالدوام والأهل؟ شلون وصلتي اله.
ما يصعب عليه شيء
هاا
أعجبك
ما يحتاج أعجبج لن مو مهم اعجابج اي ما كلتيلي منو حضرتج
حضرتي أنسانه تعرفك وتعرفها ومهتمه بأخبارك
اسيا غمضت عيوني وحذفتهن وسمعت صوت الباب انفتح عفت التلفون كمت اساعد عمتي.
عصام تتأخرون
واصل شعندك مستعجل
عصام هسه تتأخرون لو لا
أسيل باقي شوي.
عصام ماشي
أسيا راح كعد يم عمي يباوع أخبار ومندمج وعصام عيونه بالتلفونه وعيوني تراقبه شويه وكام اجه درت وجهي عنه وراح الغرفه وعمتي صاحتني.
يله نصبلهم مروان ما يجي خابرني يتعشى برى
هاا اي ماشي تحجي وبالي مو يمها سمعت صوت بنتي تبجي عمه رايحه اشوف جود
مو عصام يمها روحي جيبيها وتعشوا كرم تعال ساعدني بيبي.
دخلت الغرفه منطيني ظهره ويكتب وبيده جكاره وجود لكيتها كاعده وتضحك حبيبي كاعد مثل الفز وأندارلنا العشه جهز يله تعال.
اي دقايق
خليتها بحضني وكعدت اغيرلها حفاظتها وهو خله تلفونه على الشحن لج حليانه اكلج اني اكلج احبج لن تشبهين ابوج.
فديت يله كمليها وتعالي تعشي
هسه بس اكملها راح عفت بنتي وكمت فتحته همزين ما مغير الرمز واعرف سوالفه اذا يغيره واسأله ليش مغيره راح يلاحظ أشك بي ومراقبته گبل دخلت الواتساب دورت على المحادثه ماكو حاذفها والرقم هم واني ادور وصلت منها رساله.
هديل لا تتأخر أنتظرك
ضليت صافنه على رسالتها شنو حجو ليش حذفهن يعني دخلوا بالمحظور والعميق معقوله عصام! رجعت دزتله
ليش متجاوبني من تشوف رسالتي تبقى ساكت؟
يبووه عبالها عصام كمت حذفت رسالتها ورجعت التلفون ومسحت دموعي ورتبت شكلي وخفيت احزاني بالمكياج وشلت بنتي ورحت يمهم يضحك هو وعمي وضحكته من گل گلبه وصار عندي شك مريب وأفكار مخيفه معقوله فرحان لن على علاقه وتواصل هو وياها.
صرت ادقق وأخلي بالي يم كل حركه يسسويها وأربط كلشي بيها وأشوف تاليها وين توصل وشلون تكون العواقب والنتائج ترضيني لو ترضيك لوما ترضينا أثنينا حتى الطرف الثالث ما راح يرتضي!
خلصنا وكعدنا نتعلل ومروان اجه اخذ جود ويبوس بيها صاير يحب الجهال اكلها اكل واله واهس يلعب وياها وكرم على رگبة عمي ويلعب وياه وصافنه عليهم ومتجاهلته عايفني أني وجهاله وعيونه بالتلفون لوما ما مهتم ليش عازل روحه وعايف جهال مروان وعمي مهتمين الهم.
مروان يله اني أترخص رايح أجيب أسيل عصام تجي وياي
عصام لا.
وصال وين تجيبها شبسرعه خليها تشوف أهلها خطيه خوما بس ألك هم عدها أهل امها وأبوها وأختها وأخوانها ونسوان اخوانها عوفها هسه.
كمال أسمع كلام أمك ولاتناقشها.
أسيل عمتي إبتسمت بفخر لن عمي انطاها القرار ومروان باسها من?أسها وگال
مروان تدلل حكومتنا الموقره مثل ما تردين هاي هي يجرالج ابقيها.
أسيا كل هذا الحديث الدار هو ما مشارك بس يكتب وباوعلي صارت عينه بنص عيني أبتسمت اله وصغر عيونه غيرت نظرتلي وأخذ جود يله كرم امشي تنام يله تصبحون على خير.
الكل وأنتِ من أهل الخير
أسيل أخذت جهالي ودخلت نومتهم وجبت كرم يمنا اذا بابا سألك شو اهنا نايم كوله اني اريد انام يمكم اخاف ماشي
كرم يس يا سلام تعيش مامي.
أسيل يله اطفر جيب تراك مالت النوم كعدت غيرتلها ونومتها بسريرها وكرم كذلك حضني ونام وفتحت تلفوني دخلت على حسابه نشط الأن نار وشبت بصدري دزيت رساله ل أزهار كاعده.
ازهار أي والله أنتظر هشام شلونج اخبارج
أسيا موزينه فاتح نت وجاي يحجي وياها ازهار لوما مهتم لأمرها ليش يراسلها وفاصل عن الكل؟
والله ما اعرف شحجي بهيج مواقف أنتِ قريتي المحادثات كلها
لا ما صارلي مجال وحذفتهن
ادزهن الج هسه.
اي عادي هو عفته كاعد بالصاله
شوفي دزيله رساله مهتمه لأمره لاتعوفينه الها وتلكيها فرصه وتلعب على الوتر الحساس وتغري بكلمتين الرجال ضعيفين أمام النساء.
شدزله مثلاً
كوليله مشتاقتلك اي شيء.
لا اذا دزيت راح يلاحظ لن هو نظرلي وخفت من نظرته عوفي هيج خليني اشوفه وين يوصل هو وياها
ادزلج المحادثات
دزي كلهن ولا وحده تنحذف
شبيج كمتي ما تثقين بيه
حقي
والله حقج الله يساعدج دزيتلج لحظه يوصلن
وصلن وكعدت أقرأ بيهن.
عصام شاك بإمرج
عرفتني مو
شوفي مطول خلكي وياج وجار عدل خلصيني منو أنتِ؟ لن دوختيني صارلج أيام تراسلين وتلحين بإسلئتج شتردين محتاجه فلوس محتاجه مساعدة كولي علمود اوكع على علتج لن ما فارغ لأمثالج.
ما أريد شيء مجرد أسال عنك واسلم عليك واعرف أخبارك لن تهمني
أهمج اذن أنتِ قريبه عليه؟
كلش قريبه منك وحده تعرفها كلش زين ومهتمه بيك بأخبارك؟
ياهي منهن هنا هوايه؟
بعدك عندك معجبات
أختصري عندي شغل.
عصام أني حبيبتك هديل؟
هديل؟
أي ليش مستغرب
والله شگيت بيج بس ردت اتأكد وبعدين شنو أني حبيبتك أنتِ واعيه على نفسج شجاي تحجين وتخرطين وتلوصين بكلامج بابا أنتِ متزوجه على ذمة رجال.
اظن ما مسويه شيء مجرد كلام عادي وأنتَ أبن عمي
أبن عمج على عيني و?أسي بس أنت متزوجه أحترمي نفسج وزوجج وهالسوالف عيب رجلج وينه عنج عايفج على حل شعرج.
شعليك بي
شعليه هديل لاتخليني أعدلج بالنظيف
أسفه
علي شنو.
علي گلشي بدر مني وأنت أنزعجت بسسببي.
منو أنتِ علمود أنزعج منج بابا رجعي لعقلج وصوني رجلج وبيتج وأنتبهي على جهالج.
ما عندي شيء وياك بس رددت أبرر موقفي تجاهك وما تضل زعلان مني وتشيل بخاطرك عليه حتى سالفة التعليقات ومن بلغت حارث علمود أسيا وضربني اني ما أهتميت لن الاذيه اجت منك
أستغفر الله العظيم واتوب اليه
وأسيا ما عندي شيء وياها صحيح تصرفاتها ادق وتتحرش بيه بس ما شايفتها كدامي لن ما اريدك تنقهر مني.
تاج?أسج شيجيبج ألها لاتأكلين وأحجي عدل
تمام والله أني احبها وكل مشكله ما عندي وياها وتعرف اختي صارت زوجة أخوك وطبه وطلعه وزياره ومناسبه وناس تشوف ناس يعني راح تجمعنا الصدف ونلتقي هواي خما نضل متزاعلين ومقهور مني.
خلصتي
وما أريد تصير حساسيه بوجودي
خلصتي
بعدك مقهور مني
هديل روحي عوفي هاي السوالف
ما أروح قبل لا أسمعها منك واذا كانت صوت تكون سويت عليه فضل رضاك عني اشتري بدم گلبي.
شو كمتي تمسلتين بسوالفج.
لعد افتح الحظر عني
ما أفتحة
مو أنت الحظرتني هي الحظرتني اي هي الحظرتني لن انت من ايام علاقتنا وإنفصالنا وبقيت الصداقه بكل وديه اذن الحظر من زوجتك
اني حاظرج من الواقع ماله داعي المواقع وزوجتي ما ألها دخل عقلها جبير وواعي تعرف يمتى تثور ويمتى تتحكم بعقلها فه لاتخلينها ب?أسج ترى أعدمج.
عوفني منها مو اهنا سالفتنا وكذب لا تكذب نظرتك اليه من تشوفني ما هيج تكول شوف سگتت أذن صح كلامي خلص لاتجاوبني وصل جوابك يله لازم اروح باي.
أسيا أنتهى الكلام وعقلي وكف يم كلامه من گال ألها ياهي منهن هنا هوايه؟ وفزيت على صوت الباب ينفتح حذفت المحادثه وسويت روحي اتصفح واباوع وامثل اني مندمجه واضحك على مقطع
عصام دوم الضحكه والفرح لوجهج حبيبي.
أسيا أبتسمت اله بتمثيل متصنع وخله تلفونه عالشحن ودخل الحمام شنو تسبح.
عصام لا شعندي هسه اجيج وبعدها أسبح.
عرفت يريد قربي شلون أتحمله بس راح الحمام كمزت فتحت تلفونه ودخلت الواتساب صار رقمها گبالي حاجين ومحادثات موجوده سكرين على السريع وادز واحذف وركضت المعرض حذفت ورجعته لن انفتح الباب وصلن على تلفوني وصوت الأشعارات
منو يراسل بهل الوكت ازهار لو نسوان أخوانج
ازهار بلعت ريك دزيتهن ل أزهار كتبتلي
تم.
من ينام أجيج
أنتظرج حبي
حذفت المحادثه وهو يرش عطر وغير ملابسه واجه شاف كرم وعكد حواجبه
ليش جايبته اهنا
هو يريد ينام يمنا
والا يوم بالذات شبيج أنتِ
شبيه قابل كل شوي شبيج؟
شكو منومته بالنص مو اليوم نزلت وأريدج يمي ليش تسوين روحج ما تعرفين ما حافظه اطباعي لو ابني نازل من ظهري ياخذج مني ما اعترف بي.
خلص لاتعصب شيله ودي على جربايته
والله عندج سوالف.
سوالفيش كلتها وضل صافن وبعدها نفض?أسه وشال كرم نومه وأجه ما ردت أتعارك وياه لازم أسايره حتى لو ما منطيها مجال واذا خوش زلمه يحظرها ليش مهتم الها ومنطيها من وقته عايف الكل ويراسلها خل ينام واكمل قراءه شحاجين بعد بهل الاثناء هو ينوم كرم وصلتني رساله من أزهار
ازهار تعالي بسرعه
أسيا شگو
وقع بالمصيده
منو
شبيج أنتِ منو قابل عصام عصام
قريتي المحادثات
أي وخلصي وتعالي
يريد ينام وياي شسوي ما اريده.
حقه وحلاله انطي خليج طبيعية ولاتبيين ما تردين قربه لن راح يحس عصام شيطان حتى لو اضطر الامر تمثلين عليه
أجه اجه حذفت المحادثه وعفت التلفون وأبتسمت
وخري
دفعني وراح الفراشه شبيك زعلت
ما زعلان
لعد شگو ادفع
بكيفي
ماشي بكيفك بكيفك عفته ونمت وأنطيته ظهري وگلبي نار مشتعله بي يعني فوك سواد وجهك وتتزعل وتتنر بوجهي هيج صلافه ما شفت.
الصبح كعدت هو نايم حتى ما حضني ولا حجه بعدها لعد شكو نومت كرم بفراشه هو نايم كمت على كيف سحبت تلفونه فتحته ودخلت الواتساب
دازتله
هديل وينك اليوم شنو لحد الان نايم كتلي لاادزين رسائل بس ما صبرت أشتاقيتلك.
أسيا اريد اكوم اجفص بطنه بيدي تلفونه وعلى رسالتها وعيني تباوعله بكل حقد والله هو انطاها مجال يكدر يرزلها ويحظرها بس الافندي متونس بيها واهتمامها شعجب ما مهتمه برجولتك لو هاي السالفه الطايح حظها ب?أس أسيا موت الاخذني شهل القرف رجعت قريت رسالته ومحادثات حاذفهن كمت سويت الرساله غير مقروءه علمود لايلاحظ مفتوحه رجعت التلفون وشلت بنتي كعدت اغيرلها وتضحك وتصيح هو ولا اباله يكعد هذا شبي.
خليت أيدي على كتفه حتى لمسه ما اريد المسه ندهته عصام عصام أكعد اليوم تأخرت بالنوم عصام
كعد كوه فتح عيونه باوعلي بتعب وباوع لحضنه فارغ صفن بوجهي
عصام ليش ما نايمه بحضني
أسيا تأخر الوقت أكعد
من اسألج جاوبي
أنت نمت تعبان ما حبيت اضايقك بنومتي على إيدك لن واضح التعب عليك.
ميخالف تعرفيني من أتعب أريدج بحضني وبكل أتعابي حضني ما تفاركينه.
ماشي سحب أيدي وباسها وكام لحمام ويمد بجسمه مبين عليه التعب من ينزل يحل عليه تعب الدوام كله دخل الحمام سحبت التلفون ودخلت الواتساب لكيتها دازه رسائل
هديل لحد الان نايم اريد أتصل واكعدك بس أنت منعتني والتزمت بكلامك
أسيا متطوره الأمور يابه گبل فتحت نت ودزت
هديل كعدت حبيبي
يمه ما استحملت اكثر اخذت لقطه ورسلتها وسويت نفس كل مره ورجعت دزت
إشتاقيت لك.
سويت الرسائل غير مقروءه وطلعت ورجعته لمكانه ورجعت نومت جود وطلع هو ينشف وجهه
عصام البارحه على أساس أطلعكم مطعم بس جنت تعبان فه اليوم نطلع تجهزي أنت والجهال من وكت العصريات نطلع لن كرم يريد مدينة إلعاب.
ماشي ياقلبي.
جودي نايمه كاعده لج نايمه لظهاري مثل أبوج.
يحجي ويضحك هو وبنته واني افكاري بعيده وفزيت على صوت أتصال سويت روحي ما مهتمه علمود لا يلاحظ وشلت بنتي واضحك وياها هو شاله ورفض الأتصال وعينه بالتلفون شفته يكتب قبل لا يباوعلي ويلاحظني بعدت نظري عنه...
عافه عالشحن وراح على كرم الغرفته شاله ويبوس بي وطلعوا لصاله كمت فتحته ماسح الرسائل!
وهي فاتحه نت معقوله حذرها ومنعها ادز اي رساله رجعته ورحت راسلت ازهار صباح الخير.
ازهار صباحو حبيبي شلونج.
أسيا شلوني دزيلي المحادثات
يحتاج
اي يحتاج ازهار لاتخلفين بوعدج وتكسرين بيه
ما اخلف ولا أكسسر بيج بس لاتستعجلين بقرارتج
وكل رجال ينجرف بالكلام المعسول وهديل راضعه ويه أبليس من خلال كلامها لاحظت عليها شيطانه عدها كل اساليب العلاقات ومتمكنه بطرق الأقناع يعني تصوري بكلام واحد تهزه وتهز عشيرته وتحيي الماضي ومخلفاته.
وأخوج شدعوه هيج خفيف لما اكو شيء بداخله تجاهه ما يتأثر ويهتز اذن هو عاجبه الوضع وما ناسيها واجتي بوكتها واعادوا امجاد علاقتهم على حساب أذيتي واذيت رجلها المسكين اللي مرته كاعد تخونه وتتغزل برجال غيره بإسم الماضي
بس أحب أكولج هذا موو ماضي هاي خيانه بصريح العباره ماكو سبب يغفرلهم امثال اخوج وهديل شوهه اسم الحب بتصرفاتهم مليانه طيش وقله عقل وقلة أدب وتربيه.
هاي عود أخوج الواعي العقله راكز الفاهم المتفهم وهو سامح الها تعبر حدودها وياه وصدكي لما هو منطيها مجال هي ما تتمادى وياه ولوما عاجبه الوضع ما استمر بالمراسلات وياها وهي متزوجه أخوج اكبر خاين شافته عيني وحسبي الله عليه.
وهسه شتسوين
دزيلي المحادثات أقرأهن
وإذا اجاج وشافهن عندج
شوفة عين جدي ازهار دزيلي المحادثات نقاش لاتناقشين ترى البيه مكفيني لاتزيدنها عليه وتخليني اتندم رسلتهن الچ.
شوفي أسيا أني ما اريد أصير وياج وينهجم بيتج واخسر اخويه ولا ضدج وأخسرج بالحاليتين صعبه عليه أثنينكم اعزاز وسبحان الما يغلط وهديل نيتها واضحه وضوح الشمس هدفها توكع بينكم وتخرب علاقتكم ما لاحظتي بدايه كلامه وياها.
لاتبررين رجاءً أزهار رجاءً وبعدين لاتخافين بيتي مهجوم مهجوم وأخوج بعد ما يصيرلي رجال لو يعلك روحه بشعره ما ارجعله اني وياه على طريق المحاكم وخلي يلكي وحده مثل أسيا تحبه وتقدسه وتمجد بي وبرجولته خل يكلي وحده تتحمله بكل حالاته هو الخسرني بسبب الماضي مالته خل هديل تفيده.
أنتِ كلتيلها ماضي.
ماضي ليش يرجعه اني مشكلتي ما وگفت على الماضي ولا هديل لن كل شخص بينا عنده ماضي خاص بي بس مال يرجعلها وهي على ذمه غيره لا لهنا نقطه وخط أحمر وصدكي وأعتقدي وتيقيني لوما عنده مشاعره تجاهه ما باقي لحد الان يتواصل وياها ما عنده اي مبرر وكل ساعه تمر وكل يوم يزداد وهو على تواصل وياها ينزل أنزل أسفل السافلين سقط من عيني لعبت روحي منه متزوجه على ذمة رجال ثاني يا أسلام شيحس أخوج وتجين تكوليلي ماضي!
حقج والله
دزيهن بسرعه ما بيه حيل احجي بعد تعبت
تمام هسه يوصلنجن خلص لاتعصبين كولي يالله
أستغفري الله واهدئي لاتثورين وتخسرين نفسج
ماشي دزي يله بهل الاثناء دخل هو ابتسم واجه يمنا تمدد هاا رجعت كرم وين
يم أمي جاي يتريك يله خلصيها وكومي لحد الان كاعده.
هسه كام شال تلفونه وطلع رحت الواتساب دخلت حسابه شفته نشط الان فتحه تشعوطت كمت الطم على بوجهي بسكوت ملخت شعري دخلت غسلت بماي بارد احاول اكون طبيعيه رجعت خليتها بالحجله ورتبت ونظفت الغرفه وعطرتها وفتحت الشبابيك شغلت سورة البقره والبخور وغسلت الملابس نشرتهن وكعدت اكوي ملابسه وابجي امسح بدموعي وتنزل غصب عني كلشي صار اكثر من طاقتي تعبت أمثل القوة والسلام الداخلي.
عيوني تلع بلمعة غاضبة وأتبتسم بابتسامة هادئة. أحمل الوزن الثقيل لدماري الداخلي، وأخفي وراء قناع من الهدوء والثبات وفي داخلي بركان يغلي وأن النار تأكل أحشائي وتلتهم روحي تعبت من الكتمان...
كملت وكعدت وصارت صورة زواجنا گبالي كمت تلمستها ونزلت دموعي بحزن أنتظرك واشوفك أنتَ وياها وين توصلون يا مرحله من الانحطاط وبعدها أعوفك وكلشي ينتهي بينا والى الأبد لا عوده...
أزهار صافنه على المحادثات وأبجي ما تمنيت توصلون لهل النقطه ليش عصام ليش مو أنت العاقل ليش سمحت لطرف الثالث يدخل بينكم ويخربكم مو أنتوا أحلى? ثنائي شافته عيني
عفت التلفون وكمت نظفت الغرفه وعطرتها وغسلت ملابسنا ورحت طبخت الغده وهنا ينظفن اليوم عليه الطبخ كملت طبخ واسمع صوت أفراح تهلي مديت?اسي وحده كاشخه وكشختها أوفر؟
أفراح هلا بنت العم هلا والله صبا سجى رغد أجتي
رغد هلا بيج حبي.
أزهار هاي منين طلعتي تجاهلتها واجن المطبخ كعدن يسولفن حتى ما سلمت عليه شكلها مو راحه وعيونها تراقب الباب.
افراح أزهار سويلنا جاي بعد هواي للغده
أزهار كومن أنتن سون اني جاي أطبخ
صبا اليسمعج يكول جاي تطبخ طلي هي دجاجه
أزهار مهم أطبخ أحسن ما كاعده اتأمر
افراح شو عبالك تردين نتعارك
أزهار ما جاوبتها تجاهلتها لن هاي تشتري المشاكل بدم گلبها واكفتلي على الزله.
رغد اني اسوي يمعودات عوفنها يجوز متعرف تسوي جاي لن معلمه على الخدم والحشم
أزهار اي حبيبتي بنت دلال فجرت جبهتها وكملت طبخ ورحت الغرفه گلبي فحم دزيت رساله ل أسيا
اريد احجي وياج كلبي راح ينفجر
أسيا منو سبب الأنفجار
شحجيلج هذن مو بنات حيايا
صيري عربيد
ما فهمت اصير مثلهن قصدج
اقوى منهن إلى تهاجمج هاجميها شوفي راح أعلمج على أسلوب تضمنين هشام بجانبج ونفس الوقت تبعديهن عنج وهاا تخلينا هو يبعدهن عنج.
شلون لن هو بسرعه يتأثرن بكلام أخواته
شغلي كيدج ومكرج شغلي باباتي
شلون
شوفي حسب كلامج فهمت هذن ناويات على نيه گشره وما ينفع وياهن الطيب بس ما يعرفن بيمن اندككن هسه سمعيني وركزي
كعدت تحجيلي واني صافنه عليها عزا أسيا استحي
ترة مرته وحلالج وين المستحى بالموضوع اذا تضلين تستحين يروح لغيرج يتمتع ويشبع وأذا ما تشبعينه عندج يروح يأكل من برا اكل بايت لن هما مثل الجلاب حتى من المزبله يأكلون عادي عدهم.
شوفي الزلم يحبون الجريئه بس بحدود مو تنزعين المستحى فدمره والله اسيا علمتني لا حبيبي ركزي
. حدودج حافظي عليها لا تسقطين الحواجز والحدود والأسرار التخصج وعيوبج لان كلما حافظتي على الحدود البينكم راح تجبرينه غصباً على?أسه ورأس الخلفه يحترمج.
وتمردي بإنوثه اطغي بدلع احتركي واطفي بوسه على الشفايف انطي بإصاف وهو يكثر بالعطاء منين ما يجي تعاليله بس اطغي بشخصيتج خلي مثول كل اليوم ودايخ بيج.
شوفي حبيبي الزلم يموتون من الشخصيه الضعيفه عقلهم يطير وينجلبون ويطلعون عضلاتهم عليها وكل عقدهم النفسيه يفرغونها ب?اسها لن ضعيفه على كد ايديهم ويستقون بيها بضعفها يصنعون قوه شايفه هيج معادله طايح حظها.
وأما الشخصيه القويه يعبدونها يركضون وراها يحبون اللي تسحلهم وتمسح بيهم الكاع لن قوتهم بس من الخارج بوسه وحده ينضحك عليه وبالأخص اذا كانت رومانسيه أمتزاج بين النوعين قويه وصلبه من الخارج أنثويه ورقيقه وعنيفه من الداخل يعني يصير طفل بين أيديج بالخارج شكل والفراش شكل تخلينه دايخ بشخصيتج.
وكل فتره اتصنعي شكل لاتكثرين بالعطاء ويشبع بمره وحده قلل ودلل اوف ازهار كون اجمعهم كلهم واعلمهم درس ما ينسونه والله گلبي مفحم من العندي راح يجيب اخرتي وشكلي اتغسل بدمه.
لا اسم الله أنتِ عاقله بس أسيا أنتِ خطيره
بشنو خطيره شايفتني ناسفه اخوج ومفجرته
هو تالي تخلينه ينضم لداعش ويقاتلج
يقاتل بكواده لاتخليني اغردلج خليني ضابه لساني
سقطت الهيبه والرجوله سقطت بالقاع!
ما تسقط هذا ابو كرم العلم.
اي خوش علم يهفي بي بالخاص جهالج شلونهم حنين بعد بيتي صايرلهم الأب الروحي كافل الخائنات
شصار بعد هم شفتي المحادثات بعد
الشيء الوحيده الحبيته يخاف مني
راعبته
هو جاي اجهزله فلم رعب وأكشن منا وهيج ماكو دراما الا يخلي يعيد المشاهده علمود يستوعب
شتسوين
سبرايز يا حلوتي يله حبي لازم اروح انطلقت صفارة الانذار كام يعيط لن لابسته مو اكولج اللبس مستواهم واذا جنتي طلقه ناريه وتشتعلين كدامه اوف تخلينه يطلم بسكوت.
شلون يلطم بسكوت
يسب نفسه
هههه خرب بيومج صايره خطيره
اعجبج يله شوفني عضلاتك
فديتج تسلميلي أستاذتي
النساء لنساء عزيزتي اي لافيو.
باي حياتي نهيت الأتصال وياها وكفت رتبت نفسي والله أسيا خطيره كملت وطلعت وسمعنا صوت هورن وصل هشام مشيت افتحله الباب
رغد اني افتحله.
أزهار وكفت عرض كدامها وأنتِ منو تفتحيله امشي رجعي لمكانج رجلي أني أفتحله يله وخري
مشيت فتحتله الباب ونزل تقدمت بسته من خده
هلا بيك حبيبي.
هشام البنات گبالنا مو وگت بوس
وشنو يعني زوجي وحلالي بايگه قابل
نزلي المسواك وعوفيلي حركات المزعطه منين متعلمتن بوس على الباب
صارت حركات مزعطه
اي وعيب بنت عمي موجوده وأنتِ العاقله متلوكلج هيج تصرفات ومو لعمرج.
ماشي لعد كول لبنت عمك تنزل المسواك مشيت وصاح وراي
ازهار رجعي وبله خبال.
ما اشتغل عندك
ازهار قسم برب العزه اذا ما رجعتي ما يجرالج خير.
لاتقصر مشيت وعفته محترك وراي عبرتهن گبل لغرفتي وبلحظات اجه وراي لزمني من ايدي وباوعت بنص عينه
تريد تضربني علمود سبب تافه اضرب مد ايدك يله
أزهار
ازهار مو عبده الكم ول أفعالكم وهيج مهتم لعيب شگو بنت عزباء جايه بيت عمها ليكون جايه تعرض نفسها وتبرز مفاتنها ألك راد يضربني خليت ايدي وتوقف
تماديتي هواي بس اني اعلمج على هذا لسانج.
طلع وعدلت روحي وطلعت وراه وهو يمشي لزمت أيده أحاسبك عليها بس مو هسه بعدين الا اندمك
خليته متصنم ودخلت صبيت الغده على اتم وجه واجه هو وكعدت بصفه حشگت روحي جنت مسويه دجاج فصخته وخليته كدامه عافيات عيني.
ضل ساكت وإيمان حست الوضع شاحن كملت أول وحده وكمت غسلت المواعين علمود لايلكن سبب ويخلقن مشكله منين ما يجن اجيهن وشكلهن دخلني بحرب وياهن مو مال عيني وأغاتي الزين بهل الوكت ينأكل يعاملني بطيب اخليهن على?اسي يتمادنن اتمادى المعامله بالمثل.
رحت الغرفتي وهو ضل كاعد ورغد موجوده دزيتله رساله الك دقتيقين اذا ما تطلع من الأستقبال ما يصير خير
هشام رجعي لعقلج.
أزهار لاتخاف عليه عقلي يوزن بلد أوزع عقل للما عنده عقل.
يمعوده ما اريد مشاكل
دقتيقين راح يخلصن بلحظات أنفتح الباب دخل باوعلي مشيت من كدامه جسمي طخ جسمه وقفلت الباب ورجعت اتصفح
شنو هالتصرفات شو مجلوبه شنو تصيحيني تعال وتعال وبعدين تقفلين الباب وتمشين شبيج أنتِ.
أكسر الشر ما اريد مشاكل
لا والله جاي تخلقين مشكله
اني نايمه
نامي نوم الظالم عباده.
رحمه الله والديك انطيته ظهري ونمت واجه تمدد. بصفي مر وقت واجه حضني هشام ابتعد لاتتقرب
شسويتلج
تعرف بنفسك إشسويت
أنتِ تماديتي ولسانج صاير طويل ولا عبالك أعرفج
أنتَ أكثر شخص يعرفني شجاك صرت متعرفني
نمت وهو كام فتح الكنتور بقوه ولبس قميصه تطلع
اي خلص من نكدج وزعلج اضل برا ولا اكابل خلقتج
أبقى منو مانعك لفيت?أسي ونمت
طبعاً ماكو رجال يضبج.
أستغفر الله ما جاوبته وسمعت صوت الباب أنركع قوي وصوت سيارته كمت باوعت من الشباك رغد فتحتله الباب دزيتله رساله قبل لاتضبني ضب بنت عمك
وحق على جايج اصبريلي راسي شيب منج
تعال هلأ بيك رسلتها وأنفتح الباب اجاني يهف رديت البرده وكفت انتظره وادك برجلي بالكاع دخل وقفل الباب تقدم باوعت بنص عينه تريد تضرب اضرب
أزهار.
تقدمت بسته من شفايفه وهمست بإذنه عيونها الما يشوفن غيرك رجال يل سالب عقلي بشخصيتك وطولك وجمالك اذوب بحبك اذوب.
أسر? من البرق أخذ شفايفي وطبقت كلام اسيا وتفاعلت وياه وتمردت بانثوتي وهو اجن عقل ما ضل براسه كام ما يعرف شسويلي
اليوم صايره نار لج اموت على الخلقج.
هدأت بين احضانه بعد حرب طاحنه صفن بعيوني
كل يوم أتولع بيج كلشي بيج مميز انوب بالفراش اويلي يابه وبالاخص هسه شوفتيني شيء ما شايفه
غمضت عيوني بخجل.
فديت اليستحي خجلج حاجه اقدسها اوف يابه
حبج دمار.
نام وسحبت نفسي دزيت الها رساله أشسويتلنا ولج الرجال نام على وجه جفي
أسيا برافوا
ازهار أستمر
بقوه بس مو يومين وتملين تردين تعيشين براحه ولو ماكو حياة أبديه براحه لازم ننسحل ذهاباً واياباً ونحصل كم كفخه يعني لازم تطولين بالج وخلكج وياه اني انطيج نصائح لن الحياة تجارب وبدايه زواجي محد علمني وعانيت ويه اخوج واكلت طن وحل وهسه هو وگلني طن
لا حشاج.
بعدين نحجي اجه اخوج سليمه
لا هيج تحجين
گلبي نار منه زعلان وتعالي مثلي الدور الزوجه الصالحه وانطي حقوقه انطي وجع يوجعه شهواني ونذل.
الله يصلح حالكم
باي حب ادعبلي على هشام هه
ضحكت وراحت وضجت عليهم ورجعت حضنته ونمت وكعدت العصر لكيته سابح تطلع
گلبي ما ينطيني بس لازم لن عندي كروه زينه
بنت عمك راحت
لا بس تروح متضل أنتِ عوفيها لاعليج بيها
تمام شفت ايمان متجهزه شنو طالعه
أيمان اودي امي لطبيب.
هاا تمام عيني مشيت لحمام خليت ملابسي ورجعت اجيب الشامبوا الغسولات ودخلت سبحت وكملت وباوعت ملابسي ماكو ولا قطعه وين راحن ولا منشفه توني خليتهن بالتعلاكه ادري تبخرن يربي
صحت هشام بعدك موجود هشام هشام أيمان ماكو صوت شلون سالفه.
رجعت باوعت الحمام ماكو كلشي فارغ اوف ايمان ايمان خاله يووو يمكن راحن ويه هشام لطبيب.
افراح صبا سجى تسمعني يمعودات وينجن ماكو اي صوت مليت وتالي فتحت الباب مديت?أسي الصاله فارغه ومشيت على كيف وركضت واسمع اصوات ضحكهن وكلامهن.
افراح شفتن جسمها مسويته ليزر بنت الدوله
صبا حتى الشسمه
رغد فايخه بس عليها جسم يموت شفتن البياض هاي يستخدمن كريمات تبيض لو يضربن ابر نضاره
افراح هاي سوالفهن جمالهن تصنيع وعمليات تجميل ماكو شي طبيعي حتى نافختها بأبر.
صبا اعيعع قرف هذا هشام مضحوك عليه امشن امشن صارت سينما الفايخه الشايفه نفسها علينا
ازهار قفلت الباب وصوتهن اختفى صرت نار لبست ملابسي وأتصلت عليه وجاوبني بسرعه هسه تجي
هشام شصاير احجيلي شبيج
تجي لو لا
غير اعرف شبيج منو وياج
تجي لو لا
جايج انعل ابو الشغل بس اوصلهم
بسرعه
ادري شصاير متكوليلي
هشام تعال واحجيلك
ماشي.
قطعت الاتصال وافتر بالغرفه وأعصابي نار وسمعت هورن السياره عافها يم الباب وفتحت البرده ودخل يمشي بطوله الاحبه والعصبيه واضحه على شكله وبلحظات اندك الباب بقوه
ليش قافلته
فتحته فوت
شگو شبيج تلهبين وجهج يتطافر منه شرار.
استخدمت وياه اسلوب الحزن الطفولي وكمت ابجي واحجي وفعلاً بجيت من گل گلبي وهواي انقهرت اني بنت كمال واخواني عصام ومروان هيج يصير بيه والله لو يدرون يحركون هشام واهله كملت كلامي ومسحت دموعي وهو مصدوم ويفرك بوجهه جر الحزام وتوجه لغرفتهم وقفل الباب وبس اسمع صوت صراخهن وتوسلهن حتى رغد كتلها بالنص الساعه وطلع شمر الحزام وكعد على الدرج لازم?أسه ويأخذ نفس بصعوبه رحت اخذتله ماي اشرب.
حقج عليه يا بنت الاوادم اني ما مربي اخواتي
كوم بالغرفه أرتاح
شرتاح وجسمج شافنه الادبسززيات اخ الله نار بگلبي عليهن
اخذته الغرفه أرتاح ضل ما طلع لشغل بعد وايمان اجتي هي وخاله وكامن يحجن لن قاضي عليهن ورغد كذلك طلعت تبجي خابرت اخوها واجه هداد يبوووه السالفه راح تنلاص وطلع هشام طردهم.
هشام رجلها اكسرها اذا وصلت بيتي اعدمها مو بس اضربها والمو ادامي اعيد تربيه واختك وحده سكط وما مربايه وجايه تسويلي مشاكل بين مرتي واخواتي ومرتي مره غريبه مو عيب تريدين تفضحينا
بارق صدك ولج شمصخمه
رغد خلينا اروح البيت
بارق امشي الله ياخذج شوفي الطلعه بعينج بعد
هشام رغد اعدمج هاا والله أعدمج
بارق كافي فهمنا صاير مثل نسابتك تحجي بس بالتهديد والاعدام.
ازهار راحوا وهدأ الوضع بس ما بردت نار گلبي حقدت عليهن والله يدري شبدعن وياي ما يفوتنها اليه شلون سالفه اني جارعتهن هنا وكلامهن مثل السم ومتحمله ظيم العيشه وراضيه كلشي لخاطر عيونه فدوه اروحله مستعده اتحمل كلشي لخاطره.
مر اسبوع هدوء وابتعدن عني بس هالبعد ما مرتاحه اله لن نظراتهن بحقد وغل قررت ما عليه بيهن لا بعيد ولا بقريب مالي خلك مشاكل وصار كل وقتي لهشام واتواصل ويه اسيا يوم عن يوم وضعها يسؤء كمت احسس بيها تعبانه صوتها متغير اسيا
وبيوم بالليل نايمين بوقت متأخر أتصل تلفوني هشام كعد قبلي ويفرك بعيونه
هشام خير يا ستار شوفي منو متصل بهل الليل.
ازهار سحبت التلفون المتصل أسيا يارب سترك جاوبتها هاا أسيا اجاني صوتها تبجي.
أسيا ازهار تعالي فدوه.!
أسيل گالي ثاني يوم العصر امرلج اخذج وما اجه ولا اني اتصلت عليه كلت يجوز بالليل يجي يأخذني
كمت سويت العشه طلعت كبه وبورك وامي تحجي على التلفون توقعت مروان منو يحاجيج مروان مو گالت
جنان لا هاي أختج هديل.
أسيل شبيها؟