رواية بين قلبها وعينيها كبرياء للكاتبة شمس العراقية الفصل الثاني والأربعون
أسيل ما جاوبتني رجعت تحجي وياها أتصال.
جنان هاا شوكت تجين وشبيها عمتج وشگو بس أنتِ أدارينها ما عدها بنات جنايين شطلعت كله ب?أسج فوك عازتهم وراضيه وساكته انوب تعالي داري إمهم
رجلج لا عليج بي لاتعلين صوتج وياه بس حاجي حمواتج خل وحده منهن كل كم يوم تجي تغسل الها وتنظفلها أنتِ هم وراج جهالج تناوبن عليها.
أسيل ما عجبني كلام أمي لن مهما يكون أمه خوما يذبها طبعاً يبقيها يمه الوكت صاير يخوف والبشر ينخاف منه خلصت أتصال هاا تجي لا.
جنان متلاغيات هي وزوجة حماها من ورا عمتهن كله عايفاتها على هديل وأختج هم بزعت شتصير كافي كاعده بنص العيال والعيشه تلزك وجهالها وراها يردون مدارات
اي وتالي خوما تعاركت هي وسيف
لا گايلته لو تشوفلي حل لو اروح لأهلي گايلها امي ششوف من الحل وگالت هسه راح يجيبني.
خوما تزاعلوا.
لا ما عدها شيء هي وسيف بس من ورا زوجة حماها لن شايله ايدها من عمتها خل تجي ونفهم منها شبيها ما بيها أنتِ كملي عشاج وتعشي خاف زلمتج يجي يأخذج خما تروحين بدون عشه.
لا عادي ما جوعانه مشت ورجعت كملت العشه وانفتح الباب دخلوا الجهال وهديل تسحل بجنطتها جنطتج جبيره مبين الأقامه مطوله.
من ورا سوالف عيالي شالعين گلبي
شجاهم هسه شلعوا گلبج.
شمدريج أنتِ عايشه بالنعيم تدرين بالدنيا شبيها ما بيها اي تعالي بوسه شلونج مروان شلونه وياج أسيا التس خوما تتحارش بيج وتذب سمها عليج.
زينين لا حبابه وماكو منها علواه أنتِ حنينه عليه مثلها هي أحن عليه منج.
دنجبي أنتِ وياها عاد من حورجن بصخول أثنين ما اسرحجن اي امي وين يمه يمه اني أجييت.
فاتت تصلي، دخلت ومشيت وراها ها ولكم شلونكم ما تكولن نجي على خالتنا نبوسها نسلم عليها لو طالعين على أمكم متحنون.
شو تشمرين بكلامج وبعدين شسويلج أحن عليج تلفون ما عندج نخابرج نسأل عنج وتعالي صدك ليش ما عندج تلفون! مانع عنج تشيلين التلفون مو
ما مانعه بس تلفوني من كسره حارث وبعد ما گتله ولا هو جابلي وشسوي بي ما أحتاجه هو جنت يمكم شمسوين بالمحنه عاد من تزوجت أتصالتكم تركع بالسؤال عني وعن أخباري.
دنجبي ذبتها ب?أسنا كولي رجلج عقله وسخ ومو نظيف وكله السوالف والمكسرات عنده وشگاك وما مخلي بيدج تلفون عباله كلها نفس تفكيره.
لا عقله يوزن بلد ما أسمحلج تحجين عليه
عشتوا رجلها متقبل
أي رجلي ما أقبل تقبلين أحد يحجي على سيف
لا يمه همزين خلصتي صلاتج متأخذين هاي من فوك?أسي بس تطنطن عليه فارات عقلها وصال وجنتها أسيا.
جنان شبيج ويه أختج
أسيل شبيه قابل رايحه أصب عشه
جنان تعالي سولفيلي شبيهن وياج.
هديل أخلي تلفوني على الشحن وأجيج راح يطفئ
أسيل صبيت العشه وهي وأمي كاعدات يحجن وأجه ابويه وحسن وطلعت سلمت عليهم وكعدنا نتعشى وتعللنا وعيني على الباب ما أجه ولا خابر
ولا سأل وتأخر الوقت هو ماكو أغسل مواعين التعلوله وعيني على الباب ما بينت ليش.
هديل تتنظرين أحد.
أسيل اي مروان على أساس يجي يأخذني.
ما يجي لاتتنظرين
شمدريج
هيج أحساس يله تعالي نامي تأخر الوقت
ماشي قفلت الباب ونشفت أيدي هديل عادي أستخدم تلفونج.
تراسلينه
أشوفه اذا فاتح نت
?اسلي على الماسنجر
اي شيء عادي
هاج بس لاتطولين اريد أتصفح جهال ما يخلون الزم التلفون بس بالليل من ينامون
ماشي ظلمتيها عليه اخذته منها بس قبل لاتنطي كلبت بي لكيتها حاظرته على الماسنجر رحت على الواتساب دخلت الواتساب كله حمواتها عراكات هي وياهن واني جاي أدور على محادثة مروان وشفت رقم وصورة عصام واخر رساله قبل لا افتحها
تمام على راحتك
أسيل بقيت مصدومه ضليت أباوع لصورته.
حتى مروان نسيته وفتحت المحادثه اريد اقرأ كلامهم واجتي.
هديل هاا خلصتي
أسيل ما فاتح يمكن نايم
يله بعد أحسن يجلبلج امشي نامي تضلين كاعده
اي بس أفرش أسناني هسه الحكج راحت وكعدت مصدومه عبالك واحد ضربني على?أسي بشيء ثكيل صورة عصام إذن هو ويتواصل وياها ومن يمتى هو من يوم أنفصلوا حرف ما حجه وياها وأنقطعت كل سبل التواصل من هذاك اليوم ليش هسه رجعوا يحجون يارب لطفك وسترك شجاي يصير!
أني شبيه أنصدمت يجوز راسلته وأعتذرت منه
لا لا مو هيج لن هي من حجت وياي هذاك اليوم وهددت بإسيا نيتها مو سليمه وبرأسها شيء تخططله وتريد تنفذه غضب على?أسج هديل سليمة الكبور تلفج اذا هالحجي صحيح يمه
عزا العزاج.
. فرشت أسناني وغسلت وجهي وخليت كريمات ومرطبات عنايه واني أخلي لاحظت الأثار طابعه برقبتي ومكانهن بنفسجي على? لون وردي تلمستهن هذا طبع شفايفك على أنحاء رقبتي وتذكرت شگله وانرسم بمخيليتي شورابه وعيونه ونظراته تنكلب من قساوة الى حنيه بس هالانقلاب بالنظره فقط بالعلاقه أشوفه يصير طفل بين أيديه منين ما أباوعله يميلي تداركت نفسي أنطيته مساحه بالتفكير أكثر من اللازم لا أسيل تعاهدتي ويه گلبج ما تحنين ولا تتراجعين عن قرارج خليج صاحبة موقف ثابت تجاه مشاعرج.
صعدت الغرفه انام الجهال كلهم نايمين بس هديل ماكو بفراشها وين راحت طلعت اشوفها وصارت بوجهي فزت وين جنتي
هديل وگعتي گلبي شبيج كاعده ماتنامين
أسيل شعليج بيه أنام بكيفي وين جنتي
أخابر سيف
متخابرينه بالغرفه ليش خارج الغرفه؟
شعليج أنتِ هف شكد تلحين وصايره حشريه ولي عن وجهي.
الشكوك تربعت ب?أسي بس معقوله تطلع منك أبو ك?م والله لو أشوف بعيني ما أصدك ما يسويها هو عاقل ويحسب الف حساب لسمعه يعني توصل بي مراسلات هو وهديل وهي متزوجه وهو كذلك.
. رجعت لغرفه لكيت مغطيه?أسها بس الضوء تلفون مبين ضليت كاعده أباوعلها ومر وقت سويت روحي نايمه وافتح واغمض لما كامت خلت تلفونها على الشحن ورجعت نامت مرت ساعه وكمت سحبت تلفونها وفتحته دخلت الواتساب ما حاذفه المحادثه وأنصدمت گاتبله أشتاقيتلك عزا العزاج
عصام وين تردين توصلين
هديل إلك
نكول وصلتي وبعدين هديل؟
بس أني وياك مو مهم البعدين
وزوجج وإطفالج تتخلين عنهم بهل السهوله علمودي
أي حتى أهلي ابيعهم علمودك.
دام هيج گاتله روحج عليه ليش تخليتي عني وطلعتي الف سبب وعيب علمود تنهين علاقتنا
غبيه ما عرفت قيمتك الا خسرتك ورجعت بعد فترة متندمه وأنت ما أستقبلتني جنت على علاقه بإسيا مو وبسرعه أرتبطت بيها ليش عصام بسرعه نسيتني وحبيتها يجوز ما تحبها تزوجتها علمود تنساني مو صح.
لا مو صح
لعد شنو تحبها
أعشگها وأتنفسسها مو بس أحبها
تكذب عليه ادري بيك تريد تقهرني.
مشكلتج بعد مو مشكلتي اني عايش حياتي وكلش مرتاح وياها وكل يوم اشكر ربي خلصني منج وجمعني بيها لن لو متزوجج جان اللي جاي يصير هسه يصير وياي؟
شقصدك
فهمج كفايه.
مو لهل الدرجه لتصير قاسي عليه عصام لاتكابر بمشاعرك مو اعرفك والله
شوفي هديل ما أنكر بيوم حبيتج وعشكتج عشك حدكطع النفس نكزتي بعقلي بس ما تستاهلين ذره من حبي الج.
شنو انطته الك اسيا واني ما انطيته الك
أگلي
فهمتني غلط.
حتى لو شيء خاص بيني وبينها منو أنتِ أحجيلج أني أهلي ما حاجي الهم
هيج مقدس علاقتك بيها
هي مقدسه
لهل الدرجه
هسه فهمت تواصلج وياي على شنو
لا عصام
عوفيها اعدمج اذا تتقربين صوبها
يجرالك حبيبي
هديل
عيونها
گافي بابا
أشتاقيت لكل كلمه منك وعصبيتك ورجولتك
مو ملكج
أعرف مو ملكي بس جنت املاكي
جنت
متحبني أبداً
شبيج أنتِ واعيه على نفسج شجاي تحجين
أحبك
وتالي
أعشقك
هديل كافي رخص
الماضي ما فارگني عصام عايش وياي بكل ثانيه.
أنتِ السبب ما رضيتي بقسمتج وتقبلتي واقعج من يومج متمرده ولحد هسه
أنتَ السبب ما أحتويتني كل وقتك دوامك وأجتماعاتك وكل الوقت مشغول وأني أخر أهتمامتك
ترى الفتره الجنتي تطالبين إهتمام اني بوضع صعب ومهام صعبه وعملي حساس وانتظر ترقيه كتلج اصبري اصبري شويه جنتي تردين الزله واجتج
بس أنت بسرعه تخليت عني
تعبت منج أسبابي هواي خليني ساكت
أني حبيتك والله ليش ماتنسى
شنسى? وحده أثنين أنتِ ما حافظتي على علاقتنا.
ترى حريه شخصيه وين الغلط بالموضوع
الحريه شخصيه تعليقين على منشور ويدخلج واحد يردلج وتضلون تحجون بالتعليقات هاي تسمينها حريه؟ فاهمه الحريه من.
بس جان مجرد ردود أنتَ عقلك كام يفسرلك غير أشياء ومن طلبت حساباتي يعني كمت تشك بيه واني رفضت لن من حقي هالشيء ما الك الحق تفتش وتراقب حساباتي.
ما إلى حق اي هاي هي
أنتَ جنت تريد سبب وتعوفني عذرك مو تعليقاتي على المنشور ولا الردود والنقاش الصار كلام عادي
أي.
يعني هسه اسيا ما تعلق على منشورات
أكلي
شحجيت گبل تكوم تغلط شدعوه خوما نبي
لج من تزوجتها لحد الان تلفونها ما مگلب بي واشك بنفسي وبيها ما أشك اطلع من بيتي ظهري بارد عايف وراي زلمه خشنه ربع من اظفرها متوصلين فه لاكل موضوع ودخلينها ضمن كلامنا لن ما راح اجاوبج هذا اخر جواب الج.
ماشي عيني هذا مثل ما تريد.
ماشي
مروان ما اجه اخذ أسيل خطيه شكثر أنتظرته.
أمي ما قبلت كالتله خليها تشوف أهلها وسيادته هم وافقها الرأي وما أعترض صدك شلونها
زينه بس صايره ثوله مو مثل قبل جانت شكد وكحه
المتزوجها زلمه
ليش جايب من ربه خبز شدعوه هيج صاكرها وراعبها ترة ملاحظه أسيل بيها خوفه من مروان بس ساكته لن ما اريد مشاكل
غصباً عليج تسكتين ما الج حق تتدخلين بين الرجال ومرته لاتخلقين مشاكل كعدي عاقله هديل
لخاطرك هاا
يله ولي روحي انحمي
گلبي ما ينطيني أفاركك
نعست
وين أنتَ هسه
شعليج.
تمام الصبح نحجي اتصال
ماكو
ليش
فيمالا
الله وياك عيني.
أسيل رجعت التلفون وضليت مصدومه بإختي وعجبتني ردود عصام ما منطيها مجال بس نفس الوقت خفت منه ليش يحجي وياها ليش ما رزلها وحظرها شنو السبب وهي شلون تحجي وياه وهي متزوجه جاي تخون سيف بكل حقاره وتتغزل بغيره حسبي الله عليج يا هديل بس كاعدتلج واشوفج وين توصلين اصبريلي يا هديل.
ما نمت الليل كل أفكاري صارت بيهم وبعلاقتهم اكو شيء مخفي من جانب عصام وگلبي ما مرتاحه معقوله يسحبها ويتدرجها بالكلام بس شنو غايته.
بقيت أيام مراقبتها وطول هل اليوم تلفونها ما يوكع بكاع كامت تضمه بصدرها يجوز تطورت العلاقه وكامت تخاف بس لو ادري وين تردين توصلين وين ماخذه عمرج بهل التصرفات والصدمني بيها عافت جهالها وسخين ويبجون هملتهم الى درجه كمت اني اسبح بيهم وامشط شعر بنتها لكيته كله عكد حاولت ما يفيد ولج هديل شعر بنتج مكعد شسويله جاوبتني وعيونها بالمهجوم التلفون.
هديل كصي شالعه گلبي ما ينمشط يمه العصر اخذها ازينها ولادي؟
جنان لا خطيه شعرها شطوله والشعر البنيه خوما للولد وصار بي عكد خاف ما تمشطينها زين شو تعالي بيبي
أسيل اخذتها يمها وحاولنا وياها وتالي كصينه العكد اني وامي وهي ملتهيه تراسل وتضحك تخبلت لما امي اكوم اجفص بطنها بس متاكده اذا حجيت امي متصدكني عبالها اتبلى عليها.
جنان كومي غسلي رأسها بتايت زين
أسيل شو بالتايت خطيه
بي قشره
دزي على شامبوا خاص للقشره.
وين ادز هسه منو يجيب غسلي الها لما العصر اروح واجيبلها كومي يله
كمت اخذتها الحمام وهي تباوعلي بحزن شبيج روان
خاله راسي يحكني بي دود
دود تعالي خل اشوف فليته الها وبي گمل كبل نزلت دمعتي واخذتها الها لكيتها ما موجوده امك وين
صعدت بغرفتج
اخذتها وصعدت الغرفه لكيتها تاخذ صور لنفسها شتسوين
هديل شسوي صبغت شعري الصبح وهسه سشورته وكعد اتصور هاا شو ما سبحتي الوسخه
أسيل روان حبيبي نزلي يم اخوج هسه اجي اسبحج.
روان ماشي خاله.
أسيل راحت وقفلت الباب وجريت التلفون منها وهي كامت تصيح واني ادفع بيها دخلت الواتساب ممكن تشرحيلي شجاي تصخمين بنفسج ووين ماخذه عمرج
جيبي تلفوني جيبي منو سمحلج
منو سمحلي ترى ادري جاي تحجين ويه عصام
اي ابن عمي شكو بيها
ابن عمج وعايفه رجلج بحجه مشاكل أنتِ وحمواتج وجهالج ذابتهم وبنتج الگمل وعكد الشعر وسخها كاتلها وابن عمج ليش هديل ليش ما جنتي هيج تخبلتي.
دنجبي شتخربطين بسوالفج ومشاكلي اني وعيالي لاتتدخلين وروان هي من يومها هيج شعرها خشن والكمل من بنات عمها من المدرسه جابنه انظف بي ويرجعلها شسويلها اني هم بشر شصير.
صيري زوجه وام وحافظتي على زلمتج وجهالج
دكلي كمتي تلوصين اليسمعج يكول جاي اكود
لعد شتسوين
ترى ابن عمي وسوالف عاديه لاتخافين ماكو شيء غاسله دماغه الخايسه
بس تسواج.
دنجبي أنتِ وياها واروح اسبح بنتي ولا منيتج عليه بس هالمره سبحتيها كمتي تعيرين عوذه لجنايين تكرفين وسخ جهالهن بس جهالي تطلعين لسانج عليه امشي ولي غاد.
كعدت حيلي مهدود لازم أرجع احجي وياها بلكي تأخذ بالكلام نزلت وراها لكيتها تمشط بروان وتبجي شافتني مسحت دموعها اريد احجي وياج
هديل ولي ما ناقصتج.
أسيل هديل عيني أنتِ والله جنتي شحلاتج وتخبلين وعاقله وتعقلين على الما عدهم عقل تذكرين من جنت اجيب طاريه تتخبلين وتضلين تحجين وتغلطين عليه وما تردين سيرته ولا ذكراه ليش هسه انكلبت الموجه وصرتي كل وقتج على المبايل وعايفه جهالج والله غلط عالشيء جريمه بحق نفسج وعائلتج شمرت المشط وصاحت بيه.
لن أنتوا السبب ما انطيتوني فرصه انساه كلما نكعد تحجون بي وبمرته يا كال عصام يا كالت اسيا هم انتي وهم امي وهم اسماء ضليتن تركضن وراي واني اخلي على جرح ملح واريد انساه عايشه بحرب ويه گلبي بس علمود انساه ملامحه وأشيله من عقلي وافكاري.
لج اني حبيته عشكته واول حب إلى بحياتي وتدمرت بسببه هو دمرني وانتوا ما خليتوني انساه وهسه واكفه تحاسبيني لاحد يحاسبني ما اريد اسمع اي حرف منج لا والقرأن اخابر مروان يجي ياخذج ويخلصني منج ومن نكج امشي ولي عن وجهي
أسيل على صوتنا دخلت امي عصبيه
جنان شكوو صوتجن عالي كل وحده بكد البغل ومتعاركات.
هديل كوليلها لبنتج شلعت گلبي والله راحت تسبح روان كامت تطعن بيه وبإمومتي صايرتلي خوش مره ومعدله الخايسه الله يستر على هذيج الايام خيستج بالغرفه جنتي ليل نهار على هالمبايل هسه صرتي مستشرفه براسي ليش لازمه المبايل وعايفه جهالج هذا حجي ينحجي يمه ترضينها
أسيل أمي لزمتني من شعري قوي يمه على كيفج شلعتي شعري اخ يمه يمه خلص بعد ما عليه بيها والله علمودها شريد منها قابل كفختني على?أسي.
جنان ولج تردين تهجمين بيت اختج شنو هالحجي هذا بعدين متكولين على روحج مو جنتي كل الوقت عينج بالتلفون شو محد حاجاج لو تزوجتي وسحب التلفون منج صار عقلج وسخ مثل زلمتج يعني كل وحده لازمه التلفون عدها شيء على هالحجي محد يشيل مرته تلفون والله افكار اسيل.
. شوفي لج هالحجايه سمعتها اليوم مره لخ اذا تنعاد املص رگبتج وهسه تخابرين زلمتج مروان يجي ياخذج وتنكلعين لبيت عيالج ما ناقصه مشاكل كافي عليه عيالها وحمواتها ناشبات وياها وشالعات گلبها انوب عليه أنتِ شديتي وياها.
بس أنتِ من يومج شالعه گلبي صخم الله وجهي بهذيج الليله الساعة إبوج نام وياي وصرتي بيها سوده مصخمه انطيها التلفون تخابره.
أسيل دفعتني ولميت شعري وابجي وكلمتها الأخيره تكرظ بگلبي مسحت دموعي وهديل شمرت التلفون وأتصلت عليه وگبل جاوبني.
مروان هاا سليمه مو حاظرتني شگو تتصلين عليه
أسيل مروان أني أسيل
مروان هاا عيني سوسو القحبه شلونج حبيبي
لج شبي صوتج يصوصي جنج فريخ جاعصته همر
ما بيه شيء شوكت تجي تأخذني كلت العصر وما أجيت
شتاقيتلي لك فديت
تجي لو لا
الا تكولين شتاقيتلي؟
بجيت وجاوبته أي.
اخ الله وينج من البارحه بليل التحقت الصبح خابروني يله من انزل امرلج اخذج وأعوضج على هالأشتياق اضعاف شرط يومين ما نطلع من الغرفه نتمزمز على الحلويات والنمميات الا اخليج تمشين صفح.
مروان
لج مشتاقتلج
مروان
بربج كولي أسمي مره لخ
ليش
كولي خرب بيومج احترك گلبي
ما أكول
كولي لج
ما
كلتي حرف الميم ضلن اربع احرف كمليهن عاد
باي
اعدمج اذا قطعتي الخط بوجهي رجعي
مروان
اوف اوف أوف ينعل جد مروان وين ما نايم
يله باي.
بعدني ما شبعان من هالصوت ما تروحين تبقين وياي الا ارتوي يله
مروان ليش هيج تسوي
لج اريدج كون هسه اني وياج بحضن تدرين شسوي بيج والخلقج ثلاثة أيام بحالهن ما اخليج تشوفين الشمس تصبحين وتمسين بوجهي شلون وجه هو جنه العافيه امي متنسيه بي بعسل من فدوة لوجهي.
ترى درينا حلو
وهالحلو تحبينه تموتين على ربه
لا غلطان
أثبتيلي شلون اني غلطان
ما احبك
العكس صحيح
شمدريك أنتَ
ادري بيج تحبيني
بجيت واختنكت وسگتت
تبجين
لا.
هالمره من انزل ما أقسي عليج
شعجب
لن مشتاقلج
ماشي
أختج يمكم زياره باقيه لو ترجع
أي باقيه
هاا زين لعد أراسلج منها لن امج اتصلت مرتين متجاوبني شبيها منو كارصها
مروان
جلبتي عاد من اريدج تصحيني بلحظات دين ما باقي ب?اسي تتعززين عليه وهسه مروان ومروان
شتريد هسه شبيك عصبت
أمشي ولي ولا تتصلين عوفي تلفون أختج اذا تلزمينه اموتج التزمي بكلامي خوش
ملتزمه والله
اي صيري خوش مره مريت مروان بعد.
ماشي قطع الخط ورجعته الها اخذته بعصبيه
هديل هاا شگالج
أسيل بالدوام ملتحق الصبح من ينزل يمرلي
هاا اي زين اسيل لاتزعلين والله ما قصدي بس أنتِ كلامج ما اعرف شلونه قهرتيني
لا اني الصوج مني نصحتج والظاهر أنتِ مو مال نصيحه وواصله مرحله وعابرتها بسوالفج وللي ينصحج يبتلي على عمره وهسه ثبتلي أمي ما عرفت تربينا أثنينا لا أني ولا أنتِ وما إلى شغل بعد بيج شتسوين سوي وأنتِ أكبر مني وعقلج اكبر من عقلي وفهمج كفايه.
عفتها بس بداخلي نار منها وعليها تراهق بعمر مو بعمرها وتصرفاتها طايشه بدون عقل ما تلاحظ وين جاي تأخذ نفسها ليا منحدر ونصحتها وما أخذت بنصيحتي هاي هي سويت إللي عليه والمو عليه.
ومرت الأيام ومروان ما بين ولا سأل او يمكن عباله هديل راحت لبيتها وهي حاظرته فه ما مراسل نهائي رحت على تلفون أمي دزيتله رساله مروان أني أسيل
گبل أتصل جاوبته
مروان هاا شتاقيتلي
أسيل وين أنتَ.
صاير عزيز.
بگلبي هو أنتَ عزيز جاوبته هم تجي عليه
باجر العصر أجيج بعدني ما نازل
تمام على راحتك
أسيل عيني عوفي تلفون أمج
ترى ما لازمته بس أنت كلت اسأل عليك
لا تسألين اذا أريد اني اسأل ولاتشوفين نفسج مهمه عندي خوش وتلفون أمج تعوفينه فاهمه
تمام قطع الخط وتندمت لن بادرت بالسؤال متصيرلي چاره طايحه حظ سألت عليه وتفكيريه شطح لغير شيء الله يدري شيفكر هسه.
بعدها ما سألت وهديل مستمره تتراسل هي وياه وما جنت اشوف المحادثات لن كامت تحذف ومره من المرات لحكت عليهن وشفتها كاتبه
هديل من يوم التحقت ما حاجين اشتاقيتلك
عصام هديل تعبان?اسي مصدع فگي عني لخاطر ربج متكوليلي شتردين كل شويه جايتني من رقم
بعدين نحجي انزل اشوف جهالي.
أسيل ما مجاوبها وعرفت هو بالدوام وصدمتي بعصام ليش باقي على خط تواصل وياها شنو غايته ما مدرك لخطأ اللي جاي يسوي ويمشي ومستمر بالمراسلات الى متى تبقون هيج ونفس الوقت عصام حسيته متناقض ليش ما يحظرها!
. وبيوم كعدت على صوت همس رفعت البطانيه
تحجي بصوت ناصي تقربت شفتها دزتله بصمة صوت
هديل امانه خليك وين تروح جاي نحجي حبيبي.
أسيل عفتها ورجعت نمت ضلي ضلي شسويلج.
الصبح كعدت من وكت لكيتها تصيح ومتلاغيات هي وامي خير شگو شبيجن.
جنان كومي لبسي وامشي ويه رجلج اجه يأخذج وتعذر مني وگال أمي وين اوديها خوما اذبها امشي لخاطر زلمتج يولي حاله يكسر الخاطر منا امه منا أنتِ وجهالج امشي تحمليها كم سنه خوما تريد تعبد باجر عكبه تموت ليش تخسرين زلمتج بعنادج.
هديل والله مشكلته امه خل هو يتحملها اني ما مجبوره اتحملها ترى گلبي فركس منه ومن أمه ونسوان اخوانه كل خير ما بي لا يحل ولا يربط
شسويلج هسه اطلكج منه عكب ما خلفتي منه محد ضربج على ايدج تاخذينه شو كومي لا ابتلي بيج كومي وكسري الشر يله رجلج ينتظرج.
لا اللي الرجال كايمه واخلصكم مني
هسه شحجيت وياج تتنرين بوجهي يله بيبي كوموا اسيل غيرلهم ملابسهم لما اسوي أستكان جاي لسيف عيب.
أسيل ماشي راحت وكمت غيرتلهم وهديل كامت تكتب بالتلفون عرفت تبلغ عصام راح تروح لبيتها
كملوا وهي جهزت ملابسهم وطلعوا وسيف واكف بالطرمه سلمت عليه ودنك يبوس بجهاله وهي گالبه خلقتها
سيف شلونج عيني يابه حقج عليه امشي وما يكون الا خاطرج طيب يله بابا صعدوا السياره.
أسيل حجه وياها وما جاوبته ومشت وراحوا ورجعت عيني على تلفون مروان ما بين ولا سأل وهو ماكو كلت خل أتصل وأتصلت وأجاني صوته بعصبيه.
مروان الله يأخذج أنتِ وأختج يا كح.
أسيل قطع الخط بوجهي شگو يارب سترك.
أسيا أقرأ بالمحادثات اللي رسلتهن ازهار
وعقلي على ثانيه يتوقف واللي مستغربته كلامه مليان تناقض دام ما تريد تتواصل وياها شگو مستمر بالمراسلات وأوقات متأخره وراكم لعبه
بس ما أخليكم تكملونها خلص الكارت وصار وقت التنفيذ والنهايه ما تعجب الكل واولهم أنتَ.
رجعت أكمل قراءه والمشاعر عاطفيه تتأرجح حول الاطفال ما شاءالله عليكم اصحاب عوائل وعدكم مسؤوليات.
هديل اطفالك يخبلون بالأخص كرم نسخه عنك.
عصام أي عيني هما هذا زلمتي أسدي.
ربي يحفظهم الك شعجب ما سميت ليث نفس ما اتفقنا
أتفقت وياج وما صرتي زوجتي أذن سقط حقج
بس ذكرى حلوه وخاصه بينا
يمعوده يا ذكرى حلوه بطرانه
كلشي يخصك أتذكره
اي جهالج شلونهم
زييين بس عصام حيل وكحين متعبيني بشكل
ليش
ما يسمعون الكلام ويعاندون
أهتمي بيهم
والله اهتم ما يفيد مثل الزمايل حشاك.
اطفال يمعوده ملائكه هذول اتقربي الهم طفل بهيج عمر ميعرف روحه شيتصرف طايش ويحب يستكشف لهذا لازم تطولين بالج وياهم وعليهم
ك?م هم هيج وكح مثل العندي عبالك وحوش
لا أبداً كل صفات اللي اريدهن موجوده بي
تربيتك بعد هذا الشبل من هذاك الاسد
تربية أمه
بس أنت إلك دور
كلشي عليها هي قايمه بگلشي صايره وياه صديقه مو بس أم أني أغلب اوقاتي التزامات ودوام تعرفين بعد
اي صح اي وين أنت هسه
كاعد والله صدك شوكت ترجعين لبيتج.
ما ارجع
ليش
هيج أحسن
كيفج يله لازم اروح
وين خليك
فيمالاا
عصام
هاا
أعشقك
أسيا ما مجاوبها اخذت نفس وجمعت كل المحادثات بحافظه وقفلت عليهن وكمت باوعتله كاعد بالحديقه رجل على رجل وجكارته بلحكه وصافن وأندار وصارت نظراته ناحيتي بقيت ثابته وهو ما شال عيونه عني رفعتله أيدي وأبتسمت وغمزتله بس بدر منه اي حركه كأنما يحاول يستكشفني!
رديت البرده وكمت رتبت الغرفه وعطرتها وجبت الملابس عزلتهن وكويت اللي يحتاج الكوي وجاي اعلك بيهن بالكنتور ودخل هو خله التلفون على الشحن وتقربلي وحضني من خصري وأيديه تتجول على انحائي بهدوء معتم.
عصام مشتاقلج.
أسيا دارني عليه وأخذ شفايفي بعمق وأني اريد اتقيء بس تحملته وقاومت للنهايه أنتهى ونومني بحضنه ويلعب بشعري?أسي على أيدي تلمست ذراعه بهدوء وامشي بإصابعي بخط كتبت اسم هديل.
عصام شكتبتي؟
أسيا ما كتبت الشيء جاي العب لعبه الحية والدرج
قلبني وصار عليه وأحتضن وجهي بإيديه الاثنين.
هل الأيام ملاحظ عليج تغير
شنو هل التغير سولفلي بله
قلة أهتمامج
لا بالعكس مشبعتك أهتمام بس أنتَ ما يغزر بيك وتحسه قليل بحقك المشكله عندك مو عندي.
هاا
اي حبيبي يله خل اكوم اشوف كرم
طالع ويه مجد
شلون تخلي يطلع ومتكولي
بس كالي
ميخالف اضل بقلق عليه
تعالي أريد بوسه
اخذ منو مانعك
اريدها منج.
تمام تقربت عليه أخذت شفايفه وعنفته وقسيت وياه بشكل مرعب عضيت شفايفه بحقد هو كله هذا ما اصدر اي ردة فعل كأنما يگولي عذبيني خدران وفاقد نزلت على رقبته عنفته وتركت أثاري بجنون قاتل ومدمر أصبحت ساحة حرب ملطخه بالدماء ورفعت نفسي على وجهه واحتضنته الى أن وصلت عيونه صفنت بيهن وبسته من عيونه بشغف وبتكرار وهو فاقد كانت بوسه مثل الوداع نهضت ومنعني وانقلب عليه واستولى على گلشي وبعدها راح الحمام.
جريت تيشرته لبسته لن ملابسي انشمرن بعيدات عني ضعت بي وسحبت تلفونه دخلت الواتساب المحادثه كلها محذوفه ورجعت تلفونه وبقيت متمدده وأجه ينشف بشعره وصافن عليه شبيك
عصام مجنون بيچ.
أسيا حبيبي والله راح المرايا واني نزلت رجليه من الجريايه كلشي مكشف لابسه بس تيشرته باوعلي وصغر عيونه ونظراته عميقه وبيها الف معنى!
شاك گلبج وطالع منا وهيج لبسي من ملابسي
ماشي كمت وصاح وراي
أسيا
عزا شگو شبيك.
شمسويه برگبتي ينعل بليسج ولج فضاحه وعلي
تقربت عليه هو متشعوط صاير نار وأعصابه فايره تقربت بستهن وحده وحده هذن ختم ملكيتي.
أسيا صدك تحجين هسه شسوي بسوالفج باجر التحق حظ الحلو تسويني مزق كدام جماعتي.
ولا يهمك هسه اخفيهن ألك لحظه طلعت خافي العيوب تعال أكعد سحبته من ايده واجه وراي كعدت بحضنه وهو صافن على حركاتي ولبسي غمزتله وين بالك
يمج حبيبي كملي
اخلي ببطئ وهو نظراته ربكتني لاتباوعلي هيج أدوخ.
هو أنتِ دايخه؟
صفنت بوجهه وإبتسمت دايخه بيك يله كملت تقرب صفن بوجهي واخذ شفايفي بهدوء وبادلته بس داخلي نار منه شيء يكولي استمر وشي يكولي انفري شنفر روحي بي وتقربلي لن دوخته واستمر بالموجه وضلينا بغرفتنا وبعدها نمنا بنوم وسبات عميق.
عصام تعبانه
عصام روحه لعصام اسف حبيبي
أسيا متصرفلي الاسف كوم اسبح واسبح وراك
كومي أسبحج بيدي يله
لا عصام ما أحب عوفني
ماكو متصرفلي لا
أخذني لحمام وسبحني مثل الطفله ولفني زين.
يله ادعبلي اريد اسبح
شكراً
العفو يابه
طلعت من الحمام ودخلت الواتساب لكيتها دازتله
هديل وين صرت طولت عليه ترى راح اتصل هالمره وما التزم بكلامك شتسوي بيه سوي عادي ميهمني غيرك.
أسيا جنت نايم بس افوت اسبح شافتها وما ردت
حذفت رسالتي وبقيت رسالتها وسويت الرسائل غير مقروءه وعفت التلفون وكمت لبست وسشورت شعري وخليت معطرات جسم وخليت كريمات وترتبت كامل وهو طلع اجه ناحيتي رفعت نفسي اخفي الاثار
علي كيفج صايره قاسيه.
دنطيني مجال واني اخفي بيهن أتصل تلفونه ضل واكف طبيعي ما أهتز يله كملت رجع يخلي معطرات جسم ومشط شعره وشواربه وتلفونه يرن واني سويت روحي مو يمي السالفه ولا ابالي كمل واخذ تلفون گلب بي وباوعلي رجعت اعدل بشعري
اني طالع محتاجين شيء من برى?.
لا سلامتك أذا احتاج اتصل عليك
ماشي حبيبي.
طلع وصفنت على روحي بالمرايا والأثر برقبتي تلمسته بحزن وصدمه اني شكد غبيه ليش هيج أستسلمت اله وهو خاين لا وفواكاه تدللته على الإخير غرقته بالإهتمام الحب والعاطفه هو ما يستاهل ذره حب مني شمرت الحمره بالكاع وبجيت بقهر خليت?أسي بالمخده وابجي ليش خنتني ليش مو اني حبيبتك مو اني روحك ليش ما يغزر بيك كلشي ليش شسويلك بعد أكثر من هيج.
مرت نص ساعه تعبت وكمت غسلت وقررت بعد اتجاهله شيصير خل يصير كمت غيرت الجرجف ورتبت الغرفه وغسلت ملابسنا نشرتهن ومغصتني بطني صار عندي وجع قوي يبووه وگتج هسه اني الثوله هم ما أخذت حذري ولا هو يدري ويأخذ باله يمكن العلاقه أثرت على الطفل الله ياخذج هديل كسرتي فرحتي بطفلي حتى ولا كلتله ما عنده علم.
طلعت يم عمتي بقيت كاعده وتسولف على أخوها ومرت أخوها متعاركين هما وزوجة شاهين تحجي واني بالي يمه تأخر وين صار معقوله راح يشوفهاا.
وصال ادري مخليه عقلج ويه جنتج جان أستحيتي مره غريبه تطردينها من ورا بناتج كل وحده بكد البغل زوجيهن وخلصي واشتري راحتج وراحة بال أبنج على شنو هالمشاكل يحظي.
أسيا ليش طاردتها.
متعاركه هي وياها كومي وطرديها من البيت وشاهين بالدوام سوده عليه خابرني گلبه محترك هالولد أنشلع گلبه بهل الزواج فلا شاف الراحه يوميه مشاكل هو وأمه وأخواته لو ضال عزابي اشرفله.
أسيا قسمته بعد فتحت التلفون الواتساب نشط الان تراسلها مو كمت أتصلت عليه مشغول! عقل ما ضل برأسي كمت ركعت التلفون قوي على الميز الا عمتي فزت ونهضت بخوف
واصل أسيا شبيج امي وگعتي گلبي صاير شيء!
أسيا أسفه عمه خوفتج بس أعصابي تعبانه عن إذنج دخلت الغرفه واباوع لحسابه نشط الان وأفتر بالغرفه واضرب ب?اسي ليش ليش ليش ياربي ليش.
وكعت بالكاع واضرب على وجهي ليش مو قبل ساعه جنت بين إيديه جنت بحضني حتى وانت تخون بيه اني ما مقصره وياك شسويلك بعد شصيرلك علمود اشبع عينك الفارغه شلكيت بيها وما لكيته بيه شلكيت ضليت بالكاع ابجي ونار نار بگلبي الا ان تعبت وحيلي أنهد دخلت الحمام غسلت بماي بارد وضليت أباوع المرايا والحقد مرسوم على ملامح وجهي وطاغي ومعتم لهنا وينتهي گلشي ما اكدر اصبر وأتحمل اكثر ما أكدر لعبت نفسي من هالقرف.
بنتي كعدت تصرخ يربي انطيني الصبر والقوه نشفت وجهي وطلعت عليها شلتها بحضني واراضيها اسفه يا ماما اسفه يروحي اسفه حبيبتي لميتها بحضني وأبوس بيها وضلت صافنه بوجهي وبجيت وشهكت وهي شافتني برطمت وكامت تبجي يمه سوده بوجهي لا حبيبي لا عمري لا ماما لالالا.
سمعت صوت الباب أنفتح مسحت دموعي وكمت افتر بيها علمود لايباوعلي ودخل هو وكرم مشترين واجاني كرم فرحان يبوس بإخته.
كرم هذن اشتريناهن الج هذن بابا وهذن اني تحبين شوكولا
عصام وتحب الكرواسون جبتلج كارتون
أسيا شكراً حبيبي اخذتهن منه وعبرته ودنگت ارتبهن بالثلاجه وهي بحضني
جيبيها يمي تعالي بابا تعالي
اخذها مني وعيني على تلفونه بيده يتصل وصامت!
درت وجهي ونزلت دمعتي مسحتها على السسريع
تجهزوا نطلع نتعشى برى
كملت وجاوبته بثكل ما يحتاج
شبيج
ما بيه شيء كرم تعال اغيرلك ملابس علمود تروح ويه ابوك تتعشون أنتَ وياه اني ما اروح.
وليش ما تروحين
ما اروح وخلص كافي تلح.
لاتتنرين بوجهي طبج مرض لاتروحين مو وجه نعمه لا والله امشي كرم نروح اني وياك.
كرم ماما تعالي ويانا
عصام الولد يتوسل بيج كومي لبسي لخاطره
أسيا روحوا ماما ما أروح
عصام امشي بابا عوفها اجنها جنانني هسه ركبنها.
أسيا أستغفر الله وأتوب اليه يارب منك الصبر كرم تعال اغيرلك ملابسك اخذته كشخته ورشيتله عطر وطلع انيق بشكل مديت?أسي واكف يلاعب بنته يله روح وتونس حبيبي عود صور نفسك تمام
كرم اي تمام ماما
أسيا حبيبي حضنته وبسته وهو يباوعلي بشك يله ابوك ينتظرك مشوا وباوعلي نظره وصديت وجهي عنه وشلت جود دخلت الغرفه دزلي رساله.
عصام شبيج خلقتج أنگلب شصارلج عفتج مثل الورد ارجع الكي وجهج يلطم شگوو.
أسيا ما جاوبته طفح الكيل منه ومن سوالفه صرت ما اطيق اشوف اسمه مو بس شگله وصوته ورسائله
رجع دزلي
ليش ما تجاوبين
ما جاوبته
أسيا شبيج ابويه
ما جاوبته عفت رسالته معلقه
ابقي متنحه ابقي
بقيتت رسائله معلقه ما فتحتهن واخذت جود رحت ساعدت عمتي بالعشى وصبينا واجه عمي ومجد وكعدنا نتعشى سألوا على عصام وجاوبتهم بس عمي ضل يباوع لعمتي بنظرات يعني شكو شبيهم حسس الوضع مو مطمئن.
كملت شغلي وكعدت شويه وياهم عمتي جانت تحجي ويه ازهار عمي ما حجه بس باله يم عمتي شنو تحجي وياها واشرلها بأيده يعني محتاجه مصرف هزتله?أسها لا وبعدها ترخصت منهم واخذت بنتي نومتها وبقيت كاعده فتحت واتساب من زمان ما فاتح شعجب مو بالعاده.
بقيت كاعده وأني أتصفح طلع كدامي تعليق منور باشا لصورته من حساب دخلت الحساب نفس الصوره يعني مسويه حساب جديد شنو من صنف النساء ادري رجلج وينه عنج وهيج مبقيج على حل شعرج يا مسكين ما مقهوره بس عليك مخليها بيتك وهي بكيفها تهجم بيتي بس السبب مو بس منها السبب من زلمتي سامح الها ومنطيها مجال
رجعت اشوف التعليق ولكيته محذوف حذفه!
اذن خاف او شك اني شگيت بشيءوحذفه او كالها تحذفه والواتساب ما متواجد اذن تحولوا المراسله على الماسنجر دخلت لكيته نشط الأن اي احجي وياها على راحة راحتك هو راح اعوفك الها خل تشبع بفضالتي الخايسه اعوفكم بخياسكم وقذارتكم
غلقت الانترنت وخليته على الشحن وحضنت نفسي واني هادئه من الخارج محتركه من الداخل شعور مألم من تعاني لوحدك وهو عايش حياته على حساب أذيتي...
بعمق نومي فتحت عيني على حركته بعصبيه من أتجاهله يعارك الحياطين وكلشي كدامه يفرغ قهره بي ركع باب الكنتور وصحت بي على كيفك جود نايمه جر ملابسه ودخل الحمام شكد صلف
عصام عليمن صلف أسيا.
أسيا ما جاوبته كمت رضعتها وشفت كرم مغيرله ملابسه ونايم بتعب صفنت عليه وبجيت وبسته من اصابعه فدوة لهل النومه.
راسلت أزهار وطلع هو مزعوج ومعصب اعرفه يريد قربي يمه لن باجر يتلحق لازم يرتاح قبلها ويودعني وهو مطمئن عليه.
نام بصفي وأنطاني ظهره واني كذلك عاملته بالمثل والصبح كعدت ما لكيته كمت مفزوعه كل ظني بالحمام ما يسويها ويروح لا عصام عصام وتوقفت من شفت ملابسه على الجربايه حسبي الله عليج يا هديل شتتيتنا وخربتي حياتنا واخذتي مني.
فتحت التلفون گبل وصلتني رساله منه
عصام شبعت بوس وهمس ولمس وأنتِ مو حاسه شبيج صايره تخربين على النوم فاقده على الأخير والتحقت واني شبعان ومرتوي منج ما كعدتج لن.
ما انطاني گلبي اخرب نومتج الأحبها أحبج عشگي
أسيا قريتها واني دموعي تنزل على شاشة التلفون اخرب على النوم لن حامل بإبنك وأنتَ ما عندك علم عفت التلفون وما جاوبته بقيت صافنه والافكار أكلت?أسي أكل ومر يومين اني حيل تعبت وصخنت وعمتي وصال ما عافتني ونامت يمي وهو صار عنده علم لن يتصل وعمتي تحجي وياه بس اني ما حجيت وياه نهائي لن ما اريده بعد.
لليل الجهال نايمين على الجربايه بصفي دزلي
عصام شلونج حبيبتي.
أسيا زينه
باجر روحي الدكتوره جيگي اوضاعج شنو سبب الصخونه
ما يحتاج
لا يحتاج بس أعرفج عناد واني من اجي اوديج
كيفك أريد احجي وياك كاميرا
ما أكدر
ليش
عندي شغل هسه
تمام على راحتك نهيت المراسله وياه وأتصلت على الخط لكيته مشغول يعني يحجي وياها ويراسلني ليا ناقص على هالسالفه شمرت التلفون تخبلت رجعت اتصلت نفس شيء بقيت لوحدي ابجي واعاني منو اللي المن اروح وما لكيت نفسي غير متصله على أزهار جاوبتي ازهار تعالي فدوه.
أزهار هاا يروحي شبيج
مخنوكه راح أموت
اسم الله عليج استغفري الله واحجيلي
اريدج يمي طگيت لوحدي گلبي يريد ينفجر كلشي صار أكثر من طاقتي ما اكدر بعد.
تعالي مراسله هشام يمي
تمام قطعت الأتصال وحجيت ألها
شوفي تصرفاتج كلها غلط أنتِ هيج خربتي كلشي يعني تحملتي وهسه تخربين گلشي.
مو بيدي ازهار نار بگلبي تفهميني منو يفهمني ويحس بشعوري مره رجلها جاي يخونها تعرفين شنو خيانه.
ميخالف خليج قويه تعرفين شتسوين هسه
شسوي.
كوليله مشتاقتلك
خرب بإفكارج ازهار اني كارهته اموت منه شتحجين أنتِ.
لعد شلون والله ما ادري دخت وياج
تكدرين تجين باجر
اي عادي اجي تدللي الصبح من يطلع الشغل خلي يوصلني تمام
اي فدواتج كلش محتاجتج محتاجه حضنج
يمه وليدي باجر اني يمك واشبعك حضن ليش حضن عصام ما مكفي
لاتخليني أغسل السيره الذاتيه مالته عوفيلي عصام هسه خليج بيه
الصبح يمج اوك
انتظرج رجعي نامي اسفه قلقتج
ولا يهمج أنتِ روحي وأنتي هم نامي وارتاحي.
أسيا تمام حبيبي نهيت المراسله ولكيته كومه دازلي رسائل لن مسويتله تقيد
عصام أسيا اسيا يمعوده أسيا گلبي وينج زعلتي خرب بحظ الكواد وانعل عصام ولشته جاوبيني شنو نمتي لا ما نمتي طنگرتي عليه خير أن شاءالله.
عفته ونمت وكعدت الصبح على صوت الباب يدك كمت نعسانه منو
ازهار اني ولج فتحي اعرف غباشه جايتج بس شسوي رجلي من الفجر يطلع لشغل.
أسيا ازهار فتحت الباب وحضنتها بكل قوتي وبجيت بحضنها مشتاقتلج ردت الباب وكعدنا بالصاله وابوس بيها وهي كذلك وتمسح بدموعي اخذتني بحضنها ازهار الخيانه تموت
ازهار الله يعين گلبج أنتِ مؤمنه خليج قويه لاتخلين هديل وامثالها يأثرن عليج ويخربن بيتج والله هدفها واضح هديل تريد تهجم بيتج ونيتها واضحه من كلامها واني مو ادافع لاخويه بس ما منطيها مجال ولا منطي بيج كدامها.
أنتِ مو قريتي المحادثات كلها ما لاحظتي عصام كلامه متناقض عصام مو خالي والله مو خالي لن حبكم قوي مستحيل يفرط بيج وبحبج شغلي مخج وفكري بالاحداث كلها من يوم ما هديل دخلت حياتكم لحد هاي اللحظه ترى هواي أمثالها خربن بيوت وعساها لاتهنت بحياتها هل الساقطه والله العظيم فد مصدومه بيها معقوله تربيه عمي علوان هيج تطلع هديل السكط يمه عقلي راح يوكف نوب شفتي شكتبب مشتاقتلك وحبيبي عزا عزا شتحس.
أسيا تحجي واني صافنه وجاوبتها بهدوء لهنا وگافي
گافي على شنو
علي? گلشي
أسيا باوعيني وأحجي وياي على شنو ناويه
علي كل الخير خلص هاي هي أتخذت قراري
وصال أسيا ازهار أنتِ أهنا أمي
ازهار امي اجتي سكتي مسحي دموعي تصرفي طبيعي بعدين نحجي تمام اي ماما اهنا.
أسيا مسحت دموعي وكامت فتحت الباب وسلمت عليها.
وصال اي عيني من الباب گبل تفونين عليها متكولين أمي اسال عليها لوحدها حتى ابوج راح الدوام بس اني ومجد واجاني كالي ازهار اجتي من الصبح شوفيها خاف متعاركه تعالي احجيلي خوما متعاركه ولج شجابج من الصبح حلمانه بإسيا.
ازهار لا يمه لاتخافين ما متعاركه يله تعالي احجيلج اسيا غسلي وجيبي الجهال وتعالي.
أسيا غمزتلي وراحت دخلت الغرفه اخذت تلفوني لكيته متصل عليه هواي تجاهلته أنتَ بعدين اتفرغلك وارجعلك هسه خلي اخلص من عشيقتك وجايكم الدور واحد واحد ومن عيوني الاثنين شلون مجهزتلكم سبرايز عالمي!
دخلت الفيسبوك دورت على حسابها الجديد لكيته نفس صورة الواتساب ام الحسابات اجتج نهايتج على ايدي ما وراج زلم بس وراج اسيا عبالج أغادر الساحه واعوفج تاخذين راحتج لا حبيبة البي اذا ما امسح بيج الكاع اني مو بنت ابويه النايم جوه التراب اني أسيا بس أسمي كافي عليج يهزج ويهز عرشج يا ساقطه.
اخذت سكرين لحسابها ودخلت على حساب عصام دورت على حساب أخوانها دخلت التعليقات لكيت حساب أخوها حارث تعال أنتَ تبين خوش زلمه بس اختك قحبه دخلت حسابه وزوجها المسكين شلون الكاه وينك وينك اقرأ بالتعليقات وينك وينك أي هذا أنت سيف عرفته من صورته وصورة اطفاله هذول جهالها اي أهلاً واخيراً لقيتك يا أخي لازم تتوضح الك الحقيقه صفنت المن ادزهن؟
ل أخوها حارث لو ل زوجها سيف اي واحد منهم؟
بعد معركه دامت دقايق قصيره وقع الأختيار على سيف اخذت نفس دخلت اله خاص السلام عليكم اخويه دزيتها وعفت التلفون ودخلت سبحت وتعطرت وخليت مكياج واوا ودخلت ازهار نظفنا الغرفه وسبحنا الجهال بس ما كتلها شنو سويت عفتها تلعب جود ومشغله الهم التلفزيون بالصاله
فتحت التلفون واصلتني رساله منه منذ عشر دقايق
سيف وعليكم السلام اتفضلي.
أسيا لحظات توصلك سكرينات
سكرينات ل شنو.
ما جاوبته ما اريد اخذ وانطي بالكلام عيب رجال غريب شيكول عليه دخلت المعرض حددت كل السكرينات ما بقيت ولا سكرين واخر شيء سكرين حسابها رسلتهن وانتظرت دقايق انرسلهن كلهن وانطيته حظر باي هديل باي حبيبتي جنتي خوش بنيه الله يرحمج مقدماً على روحج السلام والفاتحه.
فزيت على ازهار وكعتي گلبي عبالي اخوج سحبت التلفون مني وعلى ملامحها الدهشه وفاتحه حلكها
ازهار أسيا إشسويتي
أسيا سويت اللي لازم اسوي.
ولج إشسويتي صخام بوجهج شو هيج ليش رسلتيهن لزوجها عزا هذا سيف شلون تتصرفين من?أسج بدون ما تكوليلي تدرين راح تعلنين حرب
هذا هو
أسيا ععوفيلي بردوج تدرين راح تسوين سالفه جبيره وتقيم القايمه وتشبين نار بين العمان وبين رجلها وهي منتهين منها تطلكت اذا ما تنذبح عزا العزاج أسيا.
ونسيتي عصام اكثر واحد ينضر لا والقهر دازتهن بدون متقصين صورته يربي حتى داخل الواتساب ومحادثات اصدقائة ورافع من ضمنهم يعني دليل ثابت تردين تكسرين ركبته يمصخمه مو هيج مو هيج.
كامت ادك وتلطم وتلفوني بيدها وعمتي صاحتلنا
وصال ازهار وينج يمه تعالي أخوج مروان نزل تعالي سلمي على أخوج والريوك جاهز صيحي أسيا والجهال وياج يله تعالن.
أسيا امشي نتريك هسه مروان يسأل عليج
ازهار الله يستر امشي.
أسيا طلعنا اني وياها وهي شايله جود وكرم كدامنه ركض على عمه اخذه بحضنه يبوس بي وعمتي مجهزه الريوك على الميز بالصاله سلمت عليه وكام سلم على ازهار وكعدنا نتريك وحده تباوع الثانيه.
واحنه كاعدين رن تلفون مروان كام فتح الخط
مروان هلا عصام
عصام أسيا تلفونها وين
مروان أسيا تلفونج وين
أسيا بالغرفه
مروان شگوو شبيك تصيح الو شكو متصل لعد وتسده بوجهي خليني أتزقنب براحتي.
أسيا انشال البيت وأنركع بصوت الهورن مالت سيارته باوعنا الكاميرات عصام.
مروان هذا شبي تخبل مجد كوم افتحله.
أسيا أخذت نفس ومجد كام وازهار تباوعلي بخوف وعمتي تباوعلنا شكت أكو شئ ومروان يأكل مو داري بالدنيا شگو دقايق وعلن عن حضوره وصاح بعلوا صوته رج البيت رج
عصام أسيا اليوم أشرب من دمج.
جايتكم بطلب اريدكم تابعون صديقاتي فرحوني وفرحوني ما تصورون شكد تفاعلكم ويه الروايه يسوي حماس للكاتب يستمر بمهنته لهذا اريدكم تسون هجوم كاسح عليهم???????
نجي على ابداع كهرمانه بهل القصه غير ما يحتاج احجيلكم على ابداعها لن معروفه بجمال سردها وقصصها وأريد منكم ما تقصرون گلبي وتبيضون وجهي لن أعرفكم متقصرون عمري أنتوا
عنوان الروايه حيازة الصيهود
يوزر حسابها arijaloar لاتقصرون گلبي أنتوا ويه صديقتي?.
واريد منكم تابعون صديقتي الغالية الكاتبه بصره الربيعه وقصصها والله العظيم تستاهل الدعم وتنشهر قصصها خو السرد عالمي ادمان
اسماء قصصها
صماء الباشا
خصم الكلام انتِ
ذروة العشق القديم اليوزر 20nana29.