رواية بين قلبها وعينيها كبرياء للكاتبة شمس العراقية الفصل الحادي عشر

رواية بين قلبها وعينيها كبرياء للكاتبة شمس العراقية الفصل الحادي عشر

أسيل الوجع يدك بگلبي ضليت ادك وأصيح محد يرد عليه ولا فتحولي الباب شنو من أهل انتوا صدكتوا وحكمتوا بدون ما تسمعوني.
خلص اليوم واني مقفول عليه تضايقت بشكل لايطاق يمه فتحيلي اريد اروح الحمام يممممممه تسمعيني وينج يمممممه فدواتج تعاليلي وينكم.

البيت هدوء مليت واحس مثانتي راح تنفجر وادررت على? نفسي من لا جاره شگول عليك حارث غمضت عيوني واحس الدمع مثل الجمر يلجعني بخدي يممممممه تسمعيني ياربي وين رحتي باباااااااا يممممممه وينكم
مليت وصوتي شبه الاختفى نمت على? الباب على أمل امي تفتحلي للصبح فزيت على صوت المفاتيح تفتح بالباب أبتعدت ودخلت نسرين كبل سدت خشمها دفعتها وطلعت ركض للحمام واسمعها تحجي.

نسرين عزااا شُنو هالريحه طاح حظك يا حارث حسسسن حسسسن
حسن شبيج تصيحين شگو فتحي الها الباب ونزلي
نسرين خطيه مسويتها على? نفسها
وجايه تبشريني رايح المستشفى ديري بالج على الجهال
ماشي واذا اجه حارث واخذ المفاتيح مني
لاتنطينه عود خابريني واحد متسر? جان سوالنا سالفه وصخم وجوهنا يله رايح اني
الله وياك
أسيل طلعت واخذت ملابسي اريد اسبح واجت نسرين باوعتلي بنظره شفقه وين جنتوا كومه صيحت عليكم.

نسرين غير عمتي تخربطت واخذناها المستشفى
أسيل شُنو وهسسه شلونها سوده عليه شصارلها ليش شبيها شكالكم الدكتور
علي? كيفج لاتخافين ما بيها شي ضغطها جان مرتفع هسه حسن راح يجيبها هي وعمي يله نازله اشوف الجهال وأنتِ لاتنزلين هسه اخاف حارث يجي ويضل يحجي ابقي بغرفتج.

أسيل ما جاوبتها ما اعرف شحجي صارت الجنايين هي تتحكم بيتك وتقرر مصيرك تموت أو تعيش نزلت وغسلت الغرفه وعطرتها وسبحت وتمددت بفراشي راسلت صديقاتي وحجيت الهن كلشي وتقى خابرتني تحجي وتدعي لا تقى لاتدعين يبقى اخويه شسويله عقليته تحكمه
تقى لا والله گولي مرته تحكمه جان أستحى على? شواربه زارعهن بوجهه مستقوي على? أخته لا حول ولا قوه الا بالله
أسيل الحمدلله على كل حال احسن شي.

تقى الحمدلله والله اسيل تردين الصدك ومن الأخير
أي
أنتِ تتزوجين احسن الج لن اذا تبقين هيج نسوان اخوانج يطلعنج بفضيحه ولحد الان دارستج ما معلوم مصيرها شُنو
بعد ما ارجع هاي هي شحصلت من أهلي علمود دراستي
لا يل الثوله حرامات هذا مستقبلج وحياتج مرتبطه بهل الدراسه ديري بالج تعوفينها بسبب أهلج منو يفيدج بعدين
ما اريد كلشي لا دراسه ولا أهل هاي هيه بعد اكعد بغرفتي وأسكت.

وتبقيين هيج ودراستج وتعبج من سنين كله يروح من ورا أخوج ومرته
شسوي مو بيدي حكم القوي على? الضعيف حارث متجبر وفرض حكمه على? الكل لدرجه امي متخربطه اذا مو ابوي هم
اسيل لاتسستسلمين لواقعج المر دراستج اهم انتظري يهدأ الوضع ورجعي حاجيهم يولي مستقبلنا هذا مو ناوين ندخل نفس الجامعه ونكمل المشوار سوا صحيح اني وحيدة أهلي بس والله حاسبتج اخت واكثر وأعز.

يروحي ربي ما يحرمني منج هاي هيه الحمدلله سمعت صوته اجه كبل عفت التلفون وضميته جوه المخده وسويت روحي نايمه بس والله خايفه وگلبي يوجعني
حارث نايمه من نامت عليج طابوكه كبرج بهل الغرفه اذا نزلتي اجنزج وكبرج بوادي السسلام يا أدبسزز.
أسيل ما تحركت من مكاني وسمعت الباب إنقفل رفعت رأسي وصوت حسن وأمي اي هاي امي
جنان تريد تموتني عوف اختك بحالها بس اذا شايف واحد بغرفتها يله تسوي سوايتك.

حارث يمه رحمه لاهلج سگتي من ساعه شفتها نازله من سياره الولد شاب وهم مو تكسي عقل ما خلت برأسي بنتج السكط
علوان خلصت حجيك يله امشي ولي لبيتك كافي عاد خبصتنا تحجي وتدعي على? شيء ما صاير.
حارث بس يابه
علوان بعدني عايش وهيج لو اموت شتسون بيها يله انكلع لبيتك وهاي السالفه تنسد من عرجها وأختكم يا ويله اللي يحاجيها وأنتِ صعدي شوفيها وحاجيها.
حارث وسحبي التلفون منها نسيت أخذه.

علوان لا اله الا الله صعدي يا مره شوفي البنيه
حارث رايح بس قبل لا اروح اسحب التلفون منها نسرين بلا امر عليج صعدي سحبي تلفونها
علوان صعدي يابه صعدي خنشوفه وين يوصل بسوالفه
جنان جيبي وتلفونها يضل يمي محد ياخذه ولو متأكده منها ما عدها شيء بس اشوفكم وين توصلون ب بطلكم عليها وعساها بحظكم وبختكم وتطلع ان شاء الله كلمن ذب حجايه ولزكها بثوبها.
حارث يممممممه
جنان لا الك الأمممم خليت بيها يممممه.

أسيل متلاغين بينهم وصوت أمي صوت مكسور تعبانه سمعت صوت على? الدرج رجعت كعدت وأجت نسرين باوعتلي خير شتردين أنتِ الثانيه
نسرين يردون التلفون دزوني عليج جيبي احسن ما تصيرلج مشاكل اني اعرف ما عندج شي بس نكسر الشر ونتجفى شر لسان حارث.

أسيل اخذي شعندي بي قابل انطيته الها ونزلت حزت بگلبي امي وابويه اوادم كبار وحارث يتحكم بالكل لو يصير شي عليهم يسوووني وصله ممسحه الهم ولو هما عايشين شمسوين بس يبقون عزوه وأهلي احسن من اخوي مشاي لكلام مرته.
شوي وصعدتلي أمي صديت وجهي عنها
جنان يله نزلي ما عليج من كلامه يرطن من رأسه يحجي يحجي يسگت شسويله هو من يوم خلفته زمال.

أسيل وسمعتوا كلامه وخليتوني يوم كامل بغرفتي تدرين سويتها على? نفسي وصوتي طبك واني ادك بالباب ومحد فتحلي
وبالاخير سحبتوا التلفوني ادري شفتوا عليه كبل حكمتوا هاي بس لن نزلت من سياره لزمني الضرب وهو ما عنده دليل ضدي ششايف بس لو شايفني بالجرم المشهود يله.
والله انتوا اهل والنعم منكم تربيتكم عظيمه وتخافون الله.

جنان الدنيا ما بيها أمان واخوانج يخافون عليج وأنتِ المفروض منج تتصلين وتبلغينا الخط مالتج عاطل جان واحد من اخوانج اجاج لو اني البس عبايتي واجيج يرادلها فهم يا امي ملاحكتلي تقى هاي لا صداد ولا رداد
اي هذا الله كدرج عليه ترجعين تذبين الصوج ببنت العالم شحجي ليش ضل حجي ينججي اذا حارث افندي متحكم بيج أنتِ وابويه كل دور ما الكم بالعائله كثره بلا خثره تحجين منا وتتراجعين منا صاكرجينج حارث ومرته.

أنجبي محد يتحكم بينا اني وابوج بس اخوج وخايف عليج والله تستاهلين من ورا لسانج عم عليج لو ادامي محد يعاملج بالقندره، يله نزلي عاونيني البيت جايف
هو البيت كظه عمره جايف خير شر جايف
كومي لا اكوم اكسرلج حلكج ادبسزز لسانج شطوله جافت لشتج اي والله شالعه گلبي فوك قهررري.

نزلت تحجي وتدردم عليه نفضت نفسي بقهر ولحكتها ودخلت الاستقبال مخربط طن وسخ بي كطوف جكاير وگشور فواكهه وكرزات كهوه مو مكان خطار وكعده ادري متنظفن بس اسيل كل اعتمادكم عليه طيحتوا حظي
فتحت الشبابيك وغسلت كل البيت ونظفته وعطرته لما خلصت ظهري انكسر
نسرين اسيل الغساله بيها ملابس الجهال فدوه نشريهن بين ما اكمل الغده
اسيل كملي غده ونشريهن أنتِ شبيج
متشوفين جاي اطبخ عفت دوامي لن اهلج جانوا بالمستشفى.

جنان اسيل روحي شريهن على الحبل مو تشوفين مرت اخوج جاي تطبخ يله يمه
اسيل اي يمه ليش لا عفتها ولكيت الغساله مليانه ملابسها هي وحسن وملابس جهالها ما مغسولات ركعت باب الغساله بقهرررر وعاطت امي
جنان كسرتيييي الغساله موو اجييي اكسر راسج جري عدل اسسسسسسيل لاتعليييين گلبيييي.

اسيل ليش شمسويه ما حجت رجعت اغسل بملابسهم والافنديه عايفه ملابس النوم استغفرت ربي وكملت غسل كملتهن ورجعت على? المطبخ عبوه ومفجوره لو ما طابخه اشرفلها مكومه مواعين بالسنك الا كايله بسس.

لملمت المطبخ وصبينا الغده وتغدينا يحجون واني ساكته لن بعمري ما حسيت بإنتماء لهل العائله ابويه حنين بس فقير حارث عازل بيت لوحده وهو مسيطر يعني ما خلصانين من طغيانه وتجبره وهسه عرفت هديل ليش بسرعه تزوجت من هالضيم الشافته لو باقيه جان دكوا الها طبل وفضحوها خلصت عمي ما وكعت بس براسي هسه لو يجيني جلب مجلوب اوافق واني ممنونه ولا اضل خدامه لنسواين ومكفخه بيد الرايح والجاي بيت اهلك ماكل طن نعل وشابع ذل.

أسيا
الصبح كعدت وهو ما موجود بس ملابسه? الجربايه أكيد طلع شيكعدته بالبيت علمود يأخذ راحته شعنده مكابل أسيا تنگ على? رأسه.
جاي ارتب بالجرجف اريد انظف الغرفه ودخلت عمتي كامت تحجي عليه لن أشتغل
وصال مو كالتلج الدكتوره أرتاحي يا أمي شعندج كاعده تفترين عوفي الشغل هسه صحتج وطفلتج اهم من كلشي
أسيا كلت انظف الغرفه وسخه والطفله خوما معلكه بخيط الله الحافظ.

الله الحافظ ونعم بالله بس هذا علم ماما مو كيفج ولا كيفي تستاهنين بروحج منو يفيدج متكوليلي شو عوفي من ايدج ورجعي تمددي يله
رجعت تمددت بفراشي وهي اخذت من أيدي نظفت الغرفه خطيه وفتحت الشبابيك وغسلت ملابسنا وملابس عصام كلها ونشرتهن وغسلت الحمامات واخر شي شغلت المبخره وتريد تطلع عمه تعبتج وياي.

لا بنيتي تعبج راحه شمسويه قابل ما مشتغله وهاي غرفه أبني يله رايحه اجيبلج لكمه تأكلينها وتغذين رويحتج خليج بفراشج مو تلحكيني
ماشي راحت وبقيت بفراشي جريت تلفوني لكيته نشط الان فاتح نت تجاهلته بس هالتجاهل ما اعبره بلاش اخليك تسرح وتمرح ويجي يوم نتواجه لان گلبي حاسني بيك شي وهالأحساس مستحيل يخيب ماشششي عصام.

مر وقت وأجت عمتي بيدها صينيه مليانه مشاوي معلاك وهبر لحم وخبز حار وخضروات شُنو هالزحمه يا عمه والله كلفتي على? نفسج
وصال أكلي وما عليج مني يله مدي ايدج كلهن تخلصيهن هذن رجلج شواهن الج خلصيهن بالعافيه
أسيا ليش عصام اهنا
اي جاي يشوي هو وأخوانه من الصبح كعد راح جاب ذبيحه لسلامتج وأجه ليش ما تدرين
هاا
جنكم متزاعلين
لا عمه ماكو شي.

ماشي يله مدي أيدج رايحه اشوفهم هسه يضلون يصيحون وراي الطلي نوزعه يله خلصيهن مو تضلين تنكمشين خلصي ماعونج.
راحت وعفت اللكمه وأختنكت اني شبيه ظلمته من صباحيات الله رايح جايب طلي علمود سلامتي وحاير بيه ويشويلي واني افكر خاينني لو لا، هو هم ما ادري شلونه ما برر ولا حجه طبعاً أشك وميه فكرة تجي برأسي.

صافنه على الأكل انسدت نفسي ودخل هو بدون ما يباو? لي خله تلفونه على? الشحن وفتح الكنتور اخذ ملابسه ودخل يسسبح
ما طول شوي وطلع من الحمام باوع على الصينيه وگال
عصام ليش ما تأكلين
أسيا أنتظرك
أكلي أنتِ عليج بالف عافيه
ما تاكل وياي
لا رايح اشوف كرم
عصام زعلان مني
لا
لعد ليش متباو? بوجهي
خلينا هيج أحسسن
ونضل هيج
اي
ما أكدر على? فراكك خلص انسى وعد بعد ما اشك بيك.

ما تكدرين بيج ذاربه وسخه متبدلينها روحج وأمج وأبوج النكد والمشاكل واني مليت من هالشيء ارجع من الدوام ارتاح لو اكظيها تزعل ونكد هنا وحده أثنين.
مشه وصحت وراه عصام
كملي أكلج تعبت بشويهن خلصيهن بالعافيه رايح اشوف كرم ينكز يم عمامه اخاف ينجوي شيخلصنا من لسانه لسان أمه
إبتسمت اله ماشي راح ورجعت كملت الأكل بس گوه مخنوگه خنك شوي ودخلوا گبل للحمام سبحه وطلع خلاه على? الجربايه يغيرله ملابس عطرله ومشطله وبوسه.

عصام يله اطفر على? جدو يله وليدي فدوه لطولك
أسيا كرم اجه باسني وراح وهو جمع ملابسهم الوسخه بالسله وين ماخذهن
عصام لأمي تغسلهن.
لا بقيهن أني اغسلهن
لا أنتِ ارتاحي ما الج شغل تأكلين وتنامين وبس منا لما الله يسهل الج
طلع وشوي ورجع اعرف بي ما يكدر على? فراكي يحب يكابر بزعله بس احس بي منتهي وذايب على? الاخير تنام
لا طالع
وين تطلع
يم جماعتي واذا تضوجين شغلي التلفزيون اشغله الج
لاميحتاج ضوجتي متروح بالتلفزيون.

يله فيمالاا.
راح وهو زعلان وروحي ذابت وراه اريد اكوم واحضنه وأمنعه يطلع ويضل بحضني بس كابرت وفزيت على صوت الباب انرد راح أسيا لحكي منعي خلي يمج شيسوي بجماعته يريدج الج ضليت بين مشاحنات بين عقلي وگلبي وما سويت شي.
للظهر هو ما بين وعمتي وصال جابتلي الغده تمن ومركه للحم صفره وخضروات عمه عصام رجع
وصال وين يرجع هو ما طلع
أسيا شلون يعني
ما طلع موجود بالبيت
أهااا عبالي طالع.

لا يمه كاعد بالاستقبال يله تغدي اروح اصبلهم الغده هسه ازهار رجعت من دوامها
ماشي ازهار منو وداها لدوام
راحت ويه أبوها وهسه هم إبوها راح يجييبها
ماشي عيني عمه مشكوره
بالعافيه بنيتي.
طلعت وضليت أباو? الأكل لما البطني مالي نفس اكلت شوي ودفعت الصينيه اخذت التلفون فاتح نت دزيتله وينك گبل شافها وكتب
موجود
وين
أنتظر الغده يجهز ليش
هيج سألت عبالي طالع
لا ما طلعت
كرم وين
راح على? جده هسه اجوا هو وأزهار
ماشي
تغديتي.

أكلت كم لكمه مالي نفس هالكد
بالعافيه
الله يعافيك، أخذ راحتك شافها وما رد عليه بعد
عفت التلفون وشلت الصينيه وطلعت وبطلعتي دخلت أزهار مزعوجه گبل صعدت فوك لغرفتها ما فهمت شبيها اجه هو شافني وأجه ناحيتي وگلبي ينبض بكل سرعته بحضرته سالب روحي من صدري أنوب الزعل مبين على? ملامح وجهه غير طالع يطك بالكا?.
وين
أكعد يمكم ضجت
تعالي.

اخذ الصينيه من أيدي ومشيت وراه كلهم كاعدين حوالين الميز بالمطبخ وعمتي وصال تصب الغده ومجد يساعدها عصام عاف الصينيه على? السنك وكام يصيح? أزهار
عصام ما تجييييين تساعدين أميييي نمتي فوك
أزهار شعندك تصيييييح نازله
عصام ومحمد اصعدلج اشمرج من فوك مرادد لا تراددين
أهوووووو
وجعااا التوجعج من انعل أهل أهلج وشيب الخلفج لابو وظيفتج يوميه طالعتنا بسالفه جديده ولد مراهق مو مثلج.

وصال عصااااام لسانك أبوك بالحمام أذا سمعك تفشر وتسب وتلعن شيسوي بيك هسه شگووو نزلت على? الكل بس تلعن إلزمك لسانك نازل على? الاوادم لعنه وعوف اختك بحالها ما ضاره احد هي وابوها يحلون السالفه شگووو حارك دمك يا أمييي
عصام أي طبعاً أسكت لن هاي البرنسيسه أزهار ما شاء الله عليها لا شغله لا عمله أكل ونوم ودوام.
وصال أبوك طلع من الحمام أسكت وضب لسانك شويه.

أسيا سكت بس على أعصابه ونزلت أزهار أبتسمت بوجهه وهو خزرني أني شكوو، اجه عمي وكعدنا كلنا وبسم الله اني انفتحت شهيتي بديت أكل وهو يجيب ويخلي كدامي أبتسمت اله وخزرني عاد من نخلص من هالزعل والطنكوره ما تفض الله يعيني ويصبرني عليك.

أزهار نهاية الأسبو? ويكون أكثر الايام متعبه وأريد يخلص الدوام بسرعه وأرتاح بالأخص بعد السالفه الصارت وأخذت حيز من تفكيري ليش ما أدري على? الرغم بابا حل الموضو? بطريقته بس الوقت الحجينا بي وطريقه حوارنا والعصبيه التجمعنا متربعه بخلايا دماغي
بعز صفناتي أبتسمت لا أرادياً نفضت دماغي من الأفكار وكملت لبسي وترتيب حجابي القيت نظره أخيره على وجهي وأصغر تفاصيلي كلشي تمام.

شلت أغراضي وجنطتي ونزلت لكيت الريوك جاهز بابا وماما موجودين ويضحكون مو? العاده بس فرحلتهم صباح العافيه شنو هل الصباح الحلو
وصال صباح النور الصباح منور بوجودج أنتِ وأبوج
كمال اليوم أمج كالبه فدمره على? غزل على? كلام حلو.
وصال عاد لاتطوخها
كمال لا عمي شگايل يله بابا أزهار خلصي ولحكيني اوصلج وارجع عندي شغل بالمعرض ووصال عود كعدي مروان خل يلحكني للمعرض عدنا شغل.

أزهار ماشي بابا مشه وأمي صافنه وراه شبيج ماما
وصال هاا لأ هيج ماكو هيج ما أعرف صارلي يومين ما مرتاحه مكوبسه واحلامي مخربطه
أسم الله شبيج أخاف تثكلين بالعشه
شمأكله يا أمي حالي من حالكم
ماكو شيء تصير عادي صبتلي الجاي وصعدت تكعد مروان وبهل الاثناء أتصلت رشا تجاهلتها شتريد من الصباحيات والله بطرانه.
ضلت تتصل جاوبتها خفت صاير شي الو رشا.
رشا وينج أتصل ما تجاوبين
أزهار موجوده خير صاير شي.

لا شيصير يعني حبيت اسأل عليج تجين لدوام لا
اي هسه اجي جاي أتريك
ويامن تجين
ما أعرف بعد
شُنو ما تعرفين ترى ما ضل وكت
يله روحي لعد بعدين نحجي باي كنسلتها هواي صايره تلغي وبس تسأل عبالك أختي مأخذه راحتها لازم أحطلها حد.
كملت ومشيت ونزل مروان وتوجهت لسياره بابا وصعدت وطلعنا وطول الطريق أتصالات هوسه تلفونات ثلاثه يحير المن يحجي دخت باوعتله بابا الله يساعد ماما عليك شمفتهم من حياتك.

كمال أي والله بابا ما مفتهم من حياتي گلشي يرادلي تغيير جو وسفره أبتعد عن هالتعب والهوسه
أزهار أخذ ماما وسافروا فد يوم خطيه
أمج متحب أجواء السفر وبعمرها ما سافرت مو جوها ولا أجواءها الله كريم شوف شلون ترهم يله وصلنا
شكراً بابا توني ردت أنزل بابا طفه السياره
هذا مو هشام مبدل سيارته روحي بابا خل اسلم عليه.

نزل وتسلاموا هو وياه عبرتهم ومشيت والتفت يحجون بينهم ضليت واكفه بس بعيده عنهم وهالحديث مبين طول وفزيت على? رشا المزعجه
رشا هااا ازهار اجيتي منو وصلج أبوج الانيق
أزهار شبيج تحممي فززتيني
رشا شدعوه عليج صايره ما تتحملين مني اي شي ليكون صرنا ما نعجب مقام حضرتج.

جاوبتها بعصبيه اي والله لن صايره هواي تلغين وتحشرين خشمج بأشياء متخصج شعليج منو وصلني وبعدين شويه أستحي تتغزلين ب بابا وكدامي ترى بمقام والدج عيب عليج هالتصرفات حتّى لو بداعي الشقه مو حلوه وكلش أتنرفز من هيج وما أحب ف ياريت تتنبهين لنفسج وتصرفاتج الطفوليه ولاتعبرين حدودج لا بالكلام ولا بغير شيء.

مع الأسف عليج وأني معتبرتج صديقتي المقربه وأمون عليج وبالاخير هذا كلامج اليه بس من يومج خشمج يابس وعندج كبرياء لا صعد لا نزل شتصيرين يعني بس الظاهر اني الفطيره عبالي كلها مثل طيبة گلبي شفتج صديقه وأخت يلا على? العموم ماله داعي الكلام بعد أحسن ما نقهر نفسسنا
مشت وشگلها زعلت يمكن طوختها وياها يله احسسن تجاهلتها ومشيت وبلش الدوام والشغل وجان يوم متعب نهاية أسبو? وحل علينا التعب.

خلص الدوام وطلعوا الموظفين ولاحظت رشا ما موجوده شعجب طالعه أول وحده ليكون هاي زعلت مني لازم أراضيها عيب ما بيها داعي يمكن قسيت عليها خطيه
أتصلت على? بابا ورفضني طلعت وشفت سيارته بس تفأجات رشا واكفه وياه ويتبادلون الحديث وبابا يضحك!
? شنو يضحك ورشا منطلقه وياه عبالك تعرفه من زمان احس نار شبت بداخلي احتركت مشيت سريع هلاو بابا
كمال هلا بابا
رشا خطيه ابوج من زمان ينتظرج يله أني اروح فرصه سعيده أستاذ كمال.

كمال وأني الأسعد صعدي نوصلج بطريقنا
رشا لا مشكور متقصر عندي خط وينتظرني غير مره يله أزهار باي
أزهار باي راحت وبابا مبتسم مبين جنتوا تحجون
كمال اي سلمت عليه وتشكرت مني على? غده هذاك اليوم يله اصعدي تأخرنا أمج خبصتنا بالأتصالات.
ماشي صعدت وشغل ولاحظت سيارة هشام ما موجوده ما أعرف أفتقدته مو? العاده مشينا ورجعت تفكيري لرشا وكفتها وضحكتها ويه بابا معقوله تكون خبيثه ووو...

وأني ما ملاحظه عليها لا شسالفه رشا مو من هالنو? فقيره وبنت ناس على? كد حالهم أهلها تعبانيين بتربيتها اني شبيه شطح تفكيري بعيد مجررد سلمت سلام عادي وتشكرت ما بيها شي اي هذا هو.
بالطريق وأني صافنه بابا اجه اتصال وضل يحجي ويضحك وگال
كمال هذا هو لعد الأسبو? الجديد أنت توصلها لدوام
أزهار ما فهمت شيء أنتهى الاتصال وباوعلي.

الأحد هشام يوصلج لدوام، الولد أخلاقه عاليه وعجبني ووياج موظفين بالدوام وسياره بعد ماكو بابا سياقتج مو مضبوطه وهالمره عدت سلامات والولد تنازل اخاف مره ثانيه تسويلنا سالفه.
شو هسه يله تكولي بابا أظن لازم يكون عندي علم
علميش بابا اني اكول كلامي وخلص لاتناقشينييي بعد تروحين وياه وخلص لاتطولينها وهي كصيره خط يوديج ويجيبج حالج من حال الموظفين الوياج شفرقج عنهم
بس
لا بسسس ولا هم يحزنون كافي بابا.

ما جاوبته حتى ما أنطاني مجال احجي مخطط ومتفق ومرهم كلشي وأتصالات وكذا وأني أخر من يعلم ويكون عندي خبر هشام يوصلني اروح وأجي وياه يضل بس يتأمر وما يتفاهم أحسسه صعب وكل عقلي أخذ سيارتي عقوبه فتره ويرجعليلها أثاري هاي هي بعد ماكو سياقه بعد قل الدلال يا أزهار.

وصلنا كلهم مجموعين على? الغده صعدت لغرفتي مزعوجه من تصرف رشا وتصرف بابا اثنينهم ما عجبوني اليوم، بقيت متممدده وعصام شال البيت بعياطه شگوو لخاطر شبي هذا انكرص صحت بي بعصبيه شكوو تصيح نازله كام يعد ويغلط ويلعن سگتت لن خفت منه وصارت بيه خوفه من أخر مشكله صارتلي وياه.
نزلت كلهم كاعدين ساعدت ماما وكعدنا وأسيا أبتستملي ورديت الأبتسامه مجامله گلبي مقبط بعدين نحجي هزت رأسها وبلشنا الأكل.

كمال أختكم أزهار أجرتلها سياره منا وهيج يجييها خط موظفين وياها بالدائره يرحون ويرجعون وياها وسياره بعد ماكو أنوب تسويلنا سالفه ونبتلي حبيت يكون عدكم علم
عصام لو تشلف الوظيفه بعد أحسن دام السياره طارت وضل ذاكراها على? البال على? البال
كمال عصااااام گاااافي عاد هذا تعبها حالها من حالكم شيل أختك من رأسك خل تشوف دربها لاتضل رأسك من رأسك كبر عقلك
عصام ماااااشششي ومنو هذا الاجرته.

كمال هسه الا تعرفه اني اعرفه وأجرته وخلص ينسد الموضو?، يله كملوا غداكم
أزهار باوعلي ونزلت رأسي بماعوني معقوله اذا شافه يعرفه بس هو جان ما واضح بالكاميرات مجرد مد ايده وانطاني الرقم والتصوير بوكتها مروان حذفه علمود لاتصير مشاكل ولا اعرف ليش حذفه بوكتها يمكن يفكر لبعيد لن عقل مروان ما يشبه عقل عصام وحتى عمار اللي بس بالاسم موجود أنعزالي وعايش حياته بالخارج.

بهل الاثناء ذكرته أتصل على? بابا وعاف الاكل وضل يحجي وياه وأنطاه لامي وكامت تبجي وتسأله شوكت يرجع
كمال عوفي الولد براحته لاتضلين تنكين وتتبجين على? رأسه رايح يدرس قابل رايح يلعب وكت بجي هسه حاجي وأطمئني عليه وهاي هيه.
أزهار حسيتها فشلت حجت كلمتين وانطت التلفون لمروان وكامت تجمع المواعين الفارغه وعصام ضاج وعاف الأكل وابويه عاط
كمال شگووو زعلت أنتَ وأمك شحجيت أني
عصام منو كلك زعلنا تفسسر على كيفك.

كمال عصاااام احجي عدل ويه أبوك
وصال يمعودين شصارلكم
كمال من وراج ومن ورا زعلج زعل الافندي عليج وعاف الأكل هاي تربيتج أستلمي عيشه زقنبوت أنعل ابوكم لابو الرباكم كواويد
أزهار بابا حجه وعصب وعاف الأكل ومشه ومروان يحجي على التلفون وقطع الاتصال وباوعلنا وكال
مروان عمار يگول توبه بعد اذا أتصل.

عصام زحمه عليه والله زحمه يعلس نعل مكلف على? نفسه والله متصل حملت وسهرت وربت وتعبت والافندي مستكثر الأتصال وسيد الوالد ما عاجبه والله يالله.
أزهار مشه لغرفته وأمي هزت رأسها ل أسيا معناها لحكي زلمتج، مروان شال تلفونه وطفر لغرفته هذا عاشك الولهان وقريباً ننصدم بي.
وصال أبوج اليوم شبي متحمل علينا
مجد شبي يعني هذا ابويه
أزهار أخاف ضايج على? عمار لو مشتاقله
وصال ليش منو دزه يدرس بالخارج اني لو ابوي مو هو.

مجد يمه لاتزعلين قابل جديد عليج يله اني شبعت
أزهار مجد كام وضلينا بس اني وأمي بقيت ساكته انقهرت عليها وما أعرف شحجي اخفف عنها بابا قسى عليها وحقه عصام يعصب ويزعل على? زعلها، كسرت الصمت البينا وحجت بگلب مكسور.

وصال أتمنى ما تأخذين رجال يشبه أبوج يمكن أنتِ تتمنين مثله لن مددللج وما يرفضلج طلب بس الدلال مو كلشي بالحياة أكو أشياء اهم بالحياة يله الحمدلله على كل حال شنسوي كبرنا بعد شيتغير عكب هالعمر هاي هي
أزهار ما حجيت بقيت ساكته انقهرت عليها
وصال أي ما كلتيلي منو هذا الولد أجره الج يوديج ويجيبج گال موظفين وياج
أزهار اللي دعمته بسيارتي
تحجين صدك ماما
أي ماما قابل مجذبه عليج لو الوضع مال اتشاقه.

وهذا الولد شبي يحظي وافق يأخذج بالخط مالته وأنتِ داعمته جايز من روحه هذا أبتلى على? عمره الظاهر أبوج لزكج اله مبين هههه
تتقشمرين ماما
اي والله شبيج لو هو شاخط لو أبوج
الله وكيلج أثنينهم شاخطين هذاك هم مو قصر
يله موزين ما شلف وظيفتج منج
شلف شنو عفيه منين تجيبون هالمصطلحات أنتِ وعصام
شلف يعني راح طار هيج يعني تفسلفين برأسي كل كلمه تعيقلين أنتِ وأبوج عليها
أسفه ماما مو قصدي هيج والله.

لا عادي تعودت قابل جديدين عليه يله كومي أرتاحي أكوم أغسل المواعين وراي ملابس مروان تريد كوي وراه ألتحاق شوكت يتزوج وأسلي همه وأرتاح
هو يتزوج لاتستعجلين على مريته اكول صدك شصار على أسيل.

حجيت ل أبوج مبين ما وافق يكول ما يتوالمون هو ووياها وأبنج يحب من طيينته يعني على رغبته مو ابوج ما تزوج على? رغبته ف يخلي أخوانج يتزجون بأرادتهم اني رأيي وكلامي هيج يكولي منين طلعتي بيها هي اختها ما توالمت هي وعصام وطلكها انوب هي شتحجين وياه بعد خليت وسگتت
أي احسسن ماما لادخلين نفسج بمواضيع الزواج والله بعدين توكع برأسج شيخلصج من لسانهم هو حياته وأعرف بأختياره
أني بس أريد ارتاح من ناحيتج.

لاتخافين ما عليه شيء
الله كريم
عوفيهن روحي أرتاحي.
خاف تعبانه امي دروحي نامي اني أغسلهن
لا والله عوفيهن اني أغسلهن
ماشي بنيتي
مشت وكمت أجمع المواعين أخذهن للسنك أغسلهن طلع عصام بالصاله وعصبي ويحجي ويه نفسه وراه اسيا
عصام ساعه السوده ال نزلت بيها للبيت من صركاعه توكع على? رأسي وأخلص منج ومن مشاگلج
أسيا أي طبعاً علمود تخلص مني لا نكد ولا نگ وتأخذ راحتك ويه الكحاب مالتك.

عصام والله من انعل أبوج لابو الرباج بنت الگلب
أزهار كمز عليها راد يضربها وأمي وكفت كدامه تمنعه واسيا كامت تخاف وتترجف من الخوف وهو قافل الا يكتلها ويفشرررر ويغلط عليها و??ُل سلالتها
عصام بنت الگلب انييييي تحاجينيييي هيج والله لا أنكعلج البسطال مالتي وين اليوجعج يممممممه رحمه لشكوووو ميت وماله أهل عوفينييييي أششوووف شغلي وياهاااا.

وصال ولك مرتك حامل وحالتها خطره أنوب تصير عدها لاده مبكره تريد تشيل خطيتها وتموت بنتك شو عوف خبالك? صفحه فدوه لهل الوجه الحلو لخاطر طلوكتي بيك مو طلعت من بين عيوني حس بتعبها وعوفها اني احاجيها
انيييي احاجيها الموضوع بيني وبينها كم مره حجيت واكلت خ وكلت لاحد يتدخل بمشاكلييييي.

خلص خلص محد يتدخل يجرالك يمه يجرالك بس أعصابك لا يروح يصيرلك شيء ما جايزه منك يمه فدوه لطولك حيلك يرجف على? شنو متكولي من ورا اسيا خفت وجهه ولج شمسويه متكوليلي مخبلته
أسيا شمسويه والله عمه من ورا
أزهار رادت تحجي وعاط بيها وسگتها
عصام سكتيييييي أكسر حلكج اذا تفتحينه يممممه من بعد أذنج هديني وخليني احل مشاكلي لاتخافين ما أذيها
وصال احلفلي
لا اله الا الله ليش أحلف بطنها روح جايز منها اضربها.

وخري عن دربي خليني اشوف شغلي وياهاااا يرادلها صيانه من زمانه من ضابها
بس على كيفك وياها هي هم فطيره وتخربط بسوالفها
ماششششي
أزهار أبتعدت امي من أسيا تقدم جره من ايدها بس اسيا قطعه صفره يذبحها قطره دم ماكو بجسمها من الخوف بس سمعنا الباب أنركع بكل قوته وأنضرب قفل خوما يأذيها.

وصال لا بس راح يحاجيها ولو تنضرب اشرفلها لن راح يعاملها بالقندره وكل كلمه يكوللها الها تعادل عشره ضربات وهي زين تدري وتعرف اطباعه بس ما أتوب الله يدري شخابصه بسوالفها جنتي وأعرفها أسيا زماله.

أزهار مشت امي حيلها يرجف ولاحظت لا مروان ولا مجد ولا حتّى بابا طلعوا لن مره تعاركوا وطلعوا وعصام طردهم ومن هذيج المره محد يطلع على صوتهم بس اني وأمي بعدني ما ماشيه من غرفتهم سمعت أصواتهم عاليه وأكثر شيء صوت عصام
عصام انوب عليه نسوووان أخوانج داخلتي وياهن على? الخط ومسويتني صباح الخير يا عرب وتعال عصام لاتغلط وصير اداميييي شسويلج متكوليلي شسويلج
أنت خاين
شفتي بعينج اني خاين شفتييييييي.

طلكنيييي ما اريدك بعد
أطلكج ليش لا واطلك عشره من امثالج بس مو هسه
أزهار سگتوا وصوتهم مو هلكد ينسمع عفتهم ورحت كملت المواعين ونظفت المطبخ وصعدت غرفتي تمددت بفراشي راسلت البنات ما موجودات وأستغربت رشا ما مراسلتني ولا سألت معقوله أخذت على نفسسها وزعلت
بهل الاثناء أجتني رساله من رقم غريب
السلام عليكم
صفنت بالرقم منوو اخاف رشا غيرت رقمها لا شسالفه خوما تحجي رسمي جان كالتلي رجع دز
الو.

أتصل رفضت ورجع أتصل مرتين يله جاوبت اجاني صوت رجال خشن
هشام الو السلام عليكم
أزهار وعليكم السلام نعم
متجاوبين
ما اجاوب ارقام غريبه
بس جاوبتيني
باي
وين رايحه يمعوده اني هششام
ازهار هشام!