رواية بين قلبها وعينيها كبرياء للكاتبة شمس العراقية الفصل الثاني عشر
أزهار ضليت ساكته مصدومه ومتفاجئه يمكن الأثنين راساً جاوبته لحظه كمت تأكدت من الباب ورجعت أخذت نفس وجاوبته تفضل محتاج شي
هشام أنتِ ليش تحاجين العالم بخشم يابس ترى محد يشتغل عندج وهالكبرياء ما لايكلج
وأنتَ شگوو شعليك بيه
حاجيني عدل ما متصل على? خشمج اليابس
لعد شتريد
أبلغج الأحد اجي أخذج تأخير ما اريد وياريت تضبطين الوقت زين ما احب الانتظار
ماشي باي
الله وياج.
أزهار قطع الأتصال وتلقائياً لكيت روحي مبتسمه هذا شبي متحمل عليه وفزيت على? دگة الباب قوي خفت الصراحه عفت التلفون وكمت فتحته ماما
وصال ليش قافله باب غرفتج
ازهار ليش اكو مانع ترى غرفتي خصوصياتي خير وصال خانم بدأت التحقيقات وبعدين شمصعدج طابق الثاني مو مفاصلج توجعج
سدي الباب وتعالي
رديت الباب وراها وكعدت على? جربايتي وبالكوه اخذت نفس طلعت من صدرها تلفون ولاحظت هذا تلفون بابا شيسوي يمج.
سگتي ونصي صوتج تعالي شوفيلي هاي منو تتصل على أبوج زهكته يسد خط بوجهه وترجع تتصل ورجعت اتصلت من رقم ثاني انتظرته ينام واجيتج شوفليها منو هاي
تغارين ست الحبايب من معجبات بابا
اي ليش ما اغار شنو ما عندي گلب
بستها من رأسها لا يا روحي أنتِ، حقج والله هسه أشوفه الج طلعت الرقم وبحثت عليه ما بي حسابات متصله عليه 10 مكالمات واخر شيء بابا حاظر الرقم ونوب متصله برقم ثاني باوعت لامي ما مسجل بأسم.
ليش ما مكتوب اسمها ماكو شيء يطلعها
ماما هم ملاحظه على بابا فد تصرف معين خلال هالفتره
لا ما ملاحظه هو أبوج نفسسه ليش
اخاف متزوج لطمت على? وجهه خلص خلص ماكو هيج شي مجرد احتمالات
يمه اسم الله فال الله ولا فالج خلي رقمها بالسله مالت الزباله وختولي تنكلع من انكلعت روحها منين طلعتلي
وشوفيلي تلفون ابوج نبشي اني اعرف انبش دورت ماكو شي بس اخاف منا منا مدحوسات.
ماشي بديت اكلب بكل حساباته ماكو كلشي فارغ كلهم جماعته وناس من المعرض واخواني وعمامي ماكو محادثات بنات نهائي ماما ماكو شي لاتخافين بابا ميسويها
الله يطمن گلبج يا امي وهاي رقمها شلفي بالزباله
حظرتها انتوا سمعتوا صوتها اخاف ولد
اي لعد شلون غير جان نايم واتصلت وجاوب وحجت وضل يغلط عليها وهي لازكه تعرفين ابوج من نايم لاعصام ولا خبره نعل اهل اهلها.
عاشت ايده الله ياخذهن كبور لهيج نماذج لاتخافين حبيبتي اباوع وجهه مصفر حضنتها بابا الج وما يصير لغيرج اطمني وروحي نامي يمه رغد
هيج تكولين
اي والله
ماشي امي رايحه وتلفونه خل ارجعه اخاف يحس تعرفينه ما يحب احد يفتش بتلفونه ويرجع يحجي عليه.
بستها من راسها وابتسمت وراحت سوده عليه وجهه صاير نوميه من يومها تخاف على بابا تاخذه وحده وحقها منو متخاف على? ابو بيتها والله اني اخاف على? بابا واكلها بسنوني تتقرب عليه الله ياخذهن
رجعت تمددت وتذكرت المكالمه بيني وبين هشام أبتسمت لن صوته خطر على? بالي صوته رجولي وحلو يجذب السمع نامي ازهار وكافي.
أسيا
من بعد الغده لحكته الغرفه لكيته يگلب بالتلفون سريع شافنيي كبل طفاه وتهرب من نظراتي تصرفت طبيعي ورحت نومت كرم بس بالي يمه ما مرتاحتله گلبي يلعب ناصب حفله يريد يطلع من صدري منا شوق ومنا أفكار شيطانيه توسوسلي يخونج اي على? علاقه ويه غيرج
نفضت الافكار السوده من رأسي ورجعت أنوم أبني.
سمعته يحجي أتصال خليت أذني وطلع صاحبه وصار صوت كهكهات ضحكته عاليه والأمور عاديه عنده ولا مهتملي أن زعلت أو رضيت احسس القهر صعد بدماغي
ميخالف عصام خليك نشوفك وين توصل بهاي تصرفاتك جنت ضايجه ومحتاجه افرغ القهر الكاتمته جبت تلفوني وكمت اكلب اتصلت على امي ما جاوبتني
رجعت راسلت دره وحجيت الها بگلبي برساله عود جاوبيني محتاجتج ضروري بلكي تنصحني شسوي بعمري وبرجلي المراهق.
انتظرتها ترد ما جاوبت راسلت رواء اسألها? دره شلونج رواء كبل ردت جانت فاتحه نت
رواء هلا والله زمان القمر ما بان شدعوه عليج شدعوه هيج عصام ماخذج من الدنيا كلها احنه نسوان اخوانج بالجذب اتصلي سألي علينا و? أخوانج
حقج عليه بس أعذزيني هم ملتهيه هي هاي الدنيا مأخذتنا بمشاغلها شلونكم أخباركم
بخير كلنا زينين أنتِ أخبارج رجلج شلونه وياج اموركم
الحمدلله تمام
شو تمام لازم شالع گلبج بعده.
شسوي اي والله رواء ما اعرف شاگه بشيء ومتردده أخاف اكون ظالمته ومنا طول الوقت فاتح نت ما اعرف
والله المثل رجلج گلشي توقعي منه والشك ما يجي من عبث اكيد عنده شيء وگلبج لعب منه هذا احساسج الداخلي ينطيج أشاره علمود لاتضلين غافله عن سوالفه
هيج تكولين ما اعرف
اوكفي خل نسوي كروب وندخل رسل ودره ونتفاهم على? سالفتج ونلكيلج حل هذول الزلم يشلعون الگلب بسوالفهم.
لا يمعوده يا كروب اني مجرد شگوك لا اكثر ولا اقل عوفي السالفه حبابه ومالي واهسس اكعد اكتب
أنتظري شبيج فوك ما دمي محترك عليج من ورا رجلج ابو النسوان اكيد هسه تلكين ملفيله وحده اثنين بحساباته والواقع الله واعلم الج الله يا اسيا أنتِ فطيره و? نياتج وهذا لكاج على? كد ايده بكيفه يلعب ويسرح ويمرح.
لا حبابه لاتوكعين گلبي اني بدون شيء عقل ما ضال برأسي من كثر التفكير ما ردت عليه شوي ودخلتني بمجموعه رسل ودره هم موجودات وكعدنا نسولف ونشارك بالكلام بس دره ما شاركت بس تشوف الرسائل طلعت واجتني خاص دزتلي
دره طلعي من المجموعه وعوفي رواء وأختها ما وراهن بس هجمان البيوت.
اسيا جنت محتاجه افضض راسلتج ما جاوبتيني ما اعرف أنهديت بالكلام وكلمه تجر كلمه وحجيت وفرغت كلبي.
فرغي گلبج ياعيني بس مو هيج شگو خرطتي الاول والتالي كدامهن يضل زلمتج وابو ابنج انطي مجال تأكدي يحظي شبيج مستعجله على? شنو
نار بگلبي دره محد حاس بيه طول الوقت فاتح نت واراسله ميجاوب ويگولي راح اطلع وبعدين اسمع بي نايم بالاستقبال هاي شنو تفسيرها هو يجيب الشك لنفسه كوه وانوب متجاهل وجودي بالليل اكعد الكاه كاعد وعيونه بالتلفون شيسوي ما اعرف.
ترى رجال لا مثلي ولا مثلج عنده اصدقاء ودوامه يفرض عليه طول الوقت متواجد على? النت مو شرط عنده علاقات وسوالف مو زينه، رجلج رجل عسكري مسؤولين على تواصل وياه شبيج تكبرين المواضيع اكبر من حجمها تشترين المشاكل شرايه يحظي مدللج ومعيشج بعز عيشة ملوك ويحبج على? شنو راكضتلي ورا الهم والقهر وتحمسين بروحج
مو بيدي والله صعبه.
حقج أعرف صعبه كلش هم منو ترضى رجلها يحاجي بنات بس شطالع بيدي وبيدج هما كل الزلم هيج يحجون ويملون فتره ويرجعون هذا الطبع بالدم ذاك من ذاك ما عنده وتلكي مرته حاكمته لو هو مال من هالسالفه ف فدواتج عوفي رواء وسوالفها وهالمجموعه طلعي منها ترى تجاوزت على? زلمتج عيب لا انوب الرجال يشوف الغلط نوب نتخزى كدامه رجال غريب وهاي مشاكل خاصه بينكم تنحل وتصافى القلوب ما بيها داعي والله.
ماشي وهسه يعني اعوفه ما اراقبه
عوفي والله بس قهررر خلي هيج يحسبلج حساب
ماشي مشكوره وينج من راسلتج ما جاوبتيني
أخوج أبراهيم جان كاعد بصفي ما حبيت احاجيج وهو موجود لن هيج مواضيع خاصه الافضل تضل بيني وبينج ما ندخل الزلم بيها.
شكراً دره كلامج ريحيني جاي أكتب وحسيت أحد يمي رفعت رأسي لكيته فوك رأسي بلعت ريك أني شلون تغاضيت عن وجوده بالغرفه وما حسيت بي من اجه الشاشه جانت مفتوحه والمحادثات كباله وعيونه تباوعلي بشك بدون اي كلام سحب التلفون بهدوء ومشه الغرفه
راح واحس گلبي راح يوكف راح يقرأ المحادثات أني شبيه ما اتوب كمزت رحت عليه عصام جيب التلفون
عصام لحظه لحظه.
اسيا عصام جيب التلفون عيب تقرأ المحادثات سوالف نسوان تلاولينا اني وياه بس بهدوء احاول اسحبه لزمني وقيدني وخلاني بصدره والتلفون بيده دخل على? المجموعه وبلش يگلب والكلام مسطر كدامه يقرأ يقرأ اخر شي راح على? محادثه دره قرأ اول سطرين وشمر التلفون وتكسرت الشاشه غمضت عيوني بخوف لزمني من شعري ويحجي بغضب ووعصبيه عارمه.
عصام شنو هذا القرته عيونييييييي سر غرفتي ليششششششش بالمحادثااااااااات يعني اكعد بالليل ضايج والدنيا طالعه من عينيييييي لن حضرتج لابسه وجهج رقم أربعين واكعد اكلب بتلفونيييييي تجيييين حضرتج تسوينهااااا سالفه من الماكو اكوووو ومسويتنيي كوووواد فد مره سوينيييي ادخل ملاهي ليليه ما هي مرت اخوج كالتها ضلت عليج
اسيا دفعته وجاوبته بعصبيه اي قابل كذب أنتَ طول الوقت فاتح نت ومشغول وتصرفاتك. توحييي عندك شي.
تفسسررررين على? كيفج دماغج يوحيلج اني كواد وخاين تصدكين شسويلج يعنيييييي
اي اصدك اصدك اللي جاي اشوفه
شنو شفتييييييي احجيييييي شنو شفتيييييي شووووو سگتييييتيييييي شنو شفتييييييي اسياااااااااا
تحجي ويه بنات
يا بنات وينهن حظ الكوااااااد يا خ0
وهذه لكيتك مجاوبها شتسميها
واخذتيها طابوو ركبج الشيطان على? هااااااي موو شفتينييييي ما حاجيييي وياهاا وما منطيها وجه ولابستها بسطالي هالاكلان الخ شيسمووووا شيسمواااا.
كذاب هاي مخليها تبعد الشبهه عنك عندك غيرهااا حبيبه وعشيقه لسوالفك ومكسراتك ومتأكده مبلغها من تجي يمي ما تراسلك لن من تطلع من يمي تفتح نت وطول الوقت نشط الان
اكيد متفقين بينكم تحجون لوحدكم ويمي تصيرلي شريف برأسييييي گبل ضربني كف بكل قوته بحيث وجهي نمل وخدر من قوته.
شوفي لج انيييييي شريف وغصباً على? سلالتج كلها ودام عقلج فسرلج الامور هيج ابقييي ما ابرررررلج لو تموتين لن ياما حجيت وأنتِ مثل الحصان واكفتلي على? نغزه مسسسمتني بعيشتي وياج.
مشه وصحت وراه وين راييييييييح ارجع ما كملنا كلامنا وين تتهرب مني ارجع خل نحجي عصااااام طلع بالصاله وكام يحجي وادخلت عمتي وازهار
وهو تعصب فدمره لن اني جفصت وكلتله رايح على? الكحاب مالتك علمود تخلص من النكد والنگ مالت اسياااا.
راد يضربنيييي بس عمتي صارت حاجز وضلت تتوسل بي ومنعته وهو تخبل عقل ما ضل برأسه من ردت احجي السالفه لعمتي لن سألتني أخر شيء سحبني من ايدي ودخلني الغرفه وقفل الباب ويباوعلي يحير شيسوي ابتعدت ليورا خفت يضربني بس صاح بعلواا صوته.
يمتي تصيرين ام بيت وتجنين عقل وتبطلين مشاكلج يمتى يمتى ارتاح مثل خلك الله ترى قسم بالله دين ما خليتي برأسي اني هذيج المره والسالفه الصارت بينا وصلتيها لأخوانج لا عبالج غفرتلج لااااا والف لاااااا لحد الان أدك بگلبييييي تأكل وتششرب وياي أخوانج استحي أباوع بوجهم استحييييي اسلم عليهم من ورا منووووو من ورااااااااج أنتِ من ورررااااا سوالفج ما تعرفين تحفظييييين حجايتي ولا تعرفين تحافظيييين عليه بس تردين الزله صخمتي وجهيييي ويه اخوانج سويتني نمله ما اسوه كدامهم سكتتت وبلعتها وعديتهاوكلت ميخالف لحظه عصبيه وانقهرت منك واجتمعهن حبايب بينهن وفرغت گلبها ميخالف عصام تبقى مريتك عزيزه وام الجهال ميخالف مع الوكت تنسيييي.
انوب عليه نسوووان أخوانج داخلتي وياهن على? الخط ومسويتني صباح الخير يا عرب وتعال عصام لاتغلط وصير اداميييي منين اصيررررر اداميييي شسويلج متكوليلي شسويلج
أنت خاين
شفتي بعينج اني خاين شفتييييييي
طلكنيييي ما اريدك بعد
أطلكج ليش لا واطلك عشره من امثالج بس مو هسه.
أسيا لحظه خفت عليه يوكع من طوله جسمه كله يرجف وعيونه حمر بالكوه مشه للحمام وركع الباب وراه كعدت على حافة الجربايه حيلي يرجف وگلبيييي يدك سريع شويه وطلع ناكع بالماي وجهه وصدره كله ماي وايديه يرجفون اخذ مخدته وغطاه وراح للصاله وتلفونه عافه يمي على الميز ما تقرب عليه.
نام بالصاله ولزمت بطني توجعني تغاضيت وتمددت بفراشي لو صاير شيء عليه منو يفيدني نمت وهالليله كلمن نام بفراش وأول مره تصير نتباعد عن جربايتنا وكلمن ينام بمكان هيج عصام هيج تاليها تعزل فراشك اشوف وين توصل علاقتنا ليا حد ليا نهايه.
ازهار كعدت الصبح يوم جمعه فتحت عيوني ساعه 12 الظهر عزا شكثر نايمه جريت التلفون ولكيت رساله من رقم فركت عيوني منو هذا بعدين تذكرت يبووه نسيت احفظ الرقم هذا هشام فتحتها وكاتب
هشام شيجيب الاحد
أزهار تمددت وضليت صافنه بالرساله اكتب لا من زمان دازها عيب وليش داز هالرساله شيقصد معقوله كلام اسيا صحيح هشام معجب بيه اي معجب لن نظراته ما توحي غير اعجاب تنازلت عن كبريائي وكتبت اله.
ليش استغبيت عليه شوي أنتظرته شوي ورد
هشام أشتاقيت لفد واحد خشمه عالي
أزهار ضحكت واني شگو بالرساله الظاهر غلطان بالعنوان الارسال.
لا ما غلطان العنوان مضبوط
ما جاوبته شوي ودز
اخذي راحتج
تمام شافها وما رد عفت التلفون على? الشاحن وصرت كلني نشاط هيج شعور داخلي مثل الفراشات معقوله حبيته لا شسالفه شبسرعه يمكن مجرد اعجاب بأهتمامه
فزيت على صوت امي تصيحيني.
وصال أزهاااااار كعدي يا امييي ساعه 12 توضي وصلي ونزلي ساعديني بالغده
ازهار نازله ماما، دخلت الحمام سبحت وسرحت شعري ورتبت شكلي وصليت ونزلت لكيت امي غاسله ومنظفه وطابخه دولمه على? الغده بما أنو اليوم جمعه ومجموعين كلنا على? الغده
عصام كلب الدولمه بالصينيه وعزل بماعون وخلاه على? صفحه دفع الصينيه وكال لامي
عصام يله يمه كلبتها مجد عوف البلاي وكوم صيح ابويه ومروان بالاستقبال كرم يلا باباتي أرفع ردانك.
أزهار اسيا ما تجي تتغدا ويانا تقربت امي وحجت بصوت ناصي لن هو جان كاعد ويحجي ويه كرم
وصال لا ما بيها اخذيلها هاج اخوج عزل حصتها مفكر بيها قبلنا اخ منها لوتقدر حب اخوج روحي وديلها غداها
واذا تريد تجي تتغدا كيفها كوليلها امي تكولج خل تعوف الزعل وتأكل بطنها روح
أزهار ماشي شلت الصينيه وعصام باوعلي مشيت لغرفتهم لكيتها تكوي بملابسه وتبجي شافتني مسحت دموعها عيونها دم هذا غداج شبيج اسيا
أسيا ما بيه شي مشكوره.
أزهار يمعوده ما كافي مشاكل والله ما تلوك الكم
من اخوج غير كوليله هالحجي شگو بس تجن عليه
الله يهديكم بعدين من تهدأ أعصابج نحجي
اخذي الغده ما اريد ما جوعانه
أمي تكول خل تعوف الزعل وتأكل بطنج روح الاكل شعلي تزعلين عليه راح اعوف الصينيه والحك على? الدولمه گبل لا يصير هجوم كاسح
ازهار
مشيت وصصاحت هاا
عصام موجود على الغده مو
اي موجود اذا تحبين تعالي تغدي ويانا لن كلنا مجموعين كيفج بعد
أخذي الصينيه هسه الحكج.
تمام اخذت الصينيه ورجعت وهو باوعلي كانما يگولي ليش رجعتيها عاد امي كالت بعصبيه
ليش ما تتغدا الا اكوم ارزلها
توني ردت احجي هي اجت
أسيا لا اجيت اتغدا وياكم ما احتاج رزاله
وصال اني علمودج يا بنيتي ومنا وضعج مخطر وين صاروا اهلج الدولمه راح تبرد خل يعوفون شغلهم هسه
مجد عدهم شغل على? الحاسبه هسه بس يلم الاوراق يجون اجووو انطيني الخبز ازهار
ازهار هاك انتظر خل يجي بابا الزم نفسك ابو بطن.
وصال اسيا ماما اللبن على? الكاونتر صبي ووزعي الكلاصات وعمج وعصام صبيلهم بالكلاصات فافون
ازهار اجو بابا كعد ترأس الميز واني جنت كاعده بصف عصام وكرم بحضنه امي هزتلي راسها وكالت
وصال كومي كعدي بصف مروان اسيا تعالي بصف زلمتج
كمال اي والله عاشت ايدج على? هالدولمه تعيشين عمي معدله يا بسم الله مدوا ايدكم بابا
ازهار كعدنا واسيا صبت اللبن وزعته واجت كعدت بس حسيتها متشنجه بالكوه تاخذ النفس كعدت وبسم الله.
وقت الاكل اتصل تلفون بابا وماما كبل باوعتلي رفع الشاشه وانزعج وكال
كمال هذا الرقم جلب تجلبه ما صايره زهكني والله
عصام جاوبه خاف من المعرض لو جماعتك
مروان جاوبته اني ماكو صوت حظرته ورجع اتصل من رقم ثاني الظاهر رايد ابويه بالخصوص بس سيد الوالد ماله خلك لهيج نماذج يمكن معجبه
كمال عيب بابا شنو هالحجي أنوب معجبه
عصام جيبه اني اجاوبه وانعل والديه منو ما يكون.
ازهار اخذ تلفون من بابا وفتح خط وسبيكر واجانا صوت بنت تحجي بصوت مايع وناعم ما اعرف شكالت وعصام سد سبيكر وضل يسمعها وهو ساكت وبابا ياكل عادي وعايف الشغله على عصام ومروان ناصب على? بابا ويضحك بسگوت
كمال مروان متجوز مني ادري بيك جلبت عاد.
عصام وياج أبنه شوفي لج اذا اخليج برأسي أنتِ وهذا صوتج تموعين بي اوديج ورا الشمس بنت الكواويد ادبسزز شغل وعمل ما عندج تتصلين على هذا وهذاك والله من انعل والديج على? هالتربيه السكط جربي تتصلين على? هذا الرقم انوب اجيبج سحل بالقندره يله ولي وليييي.
ازهار قطع الاتصال وبحوش بالتلفون ما اعرف شسوى رجع التلفون ل بابا وغمز لامي وأمي أبتسمت عصام محبوب گلب أمي
مروان ليش كطعت خبزتها المسكينه.
عصام وأكطع عرج اهلها همين وحده أدبسزز
كمال عوفوها ختولي وكملوا غداكم يله بابا.
أزهار رجعنا كملنا الغده او بالاصح محد عاف الغده ليش الدولمه تنشال الايد منها مدوا ايدهم والحلو بالموضوع كله أمي بهيج مواضيع ما تتدخل أبداً ولا تنگ ولا تحاسب بابا ولا تگوله منو هاي ليش هم دخلت نفسها وسألت نهائي عصام شاف شغله وحظر الرقم ويمكن هذا السبب نجاح علاقه بابا وماما عكس أسيا وعصام اللي من تزوجوا لحد الان مشاكل ودائماً في زعل.
كملنا اني كمت أغسل المواعين ومجد عافوا عليه الجاي ويصب ويتذمر شبيك هو جاي
مجد هي هاي الضلت سويتوني جاجيجي
عصام صب وأنت ساكت كلها بس هالسنه وتوجه لكليه العسكريه
مجد رجعنا لمربع الأول
مروان هو احنه ما طلعنا منه خلص ونكظبك التدريب وتخلف شورنا نشمرك ورا عمار خلي الغربه تفيدك
مجد بابااا
كمال مثل ما كالوا اخوانك بابا العسكريه تريد زلم وحالك من حال اخوانك أنت زلمه الحك ربعك يا ابني.
مجد بس بابا طموحي مو عسكريه والله
مروان بله شنو طموحك
مجد تدريس
مروان باو? هذا والله بطران
عصام جيب الجاي وفضنا خلص دراستك ويصير خير واخلي الطموح بالتدريب يغردلك.
أزهار صب الجاي وقدملهم وكعد بصف بابا وبابا خلاه بحضنه وهو زلمه ونصبوا عليه أخواني سوا مزق وابويه يحجي عليهم ويرزل بيهم ضحكت عليهم كملت ولاحظت أسيا ماكو ماما أسيا وين كلت هيج وعصام راساً دار رأسه بس سمع بإسمها اختل توازنه خرب بيومج أسيا مطيحه حظ اخويه المسكين
وصال گومي شوفيها ما عجبتني خاف عدها وجع سأليها خوما تشگي من شيء علمود ارجعها على? دكتورتها.
أزهار كمت ورحت الغرفتها لكيتها نايمه أسيا شبيج شو اختفيتي فجأه ضل بالنا يمج خوما عندج وجع وامي تسأل عليج
أسيا لا ما بيه شي بس ظهري يوجعني وأخوج كاعد والجوو متوتر بينا كلت الأفضل ارجع لغرفتي
أكيد
أي لا يضل بالج وطمني عمتي
ماشي ارتاحي لعد، أحتمال اروح الصالون اسوي تنظيف بشره وترتيبات تعرفين جمعه ومناك نطلع لسوك تحبين اجيبلج وياي محتاجه شيء
لا گلبي تسلمين عود أخابرج اذا احتاج شي.
تمام أخذي راحتج طلعت ودخل عصام شايل كرم دخل غرفة كرم وقفل الباب وراه لا الظاهر زعلهم قوي الله يهديج اسيا وكت زعل والله متسوى الله يصلح حالكم
رحت على أمي ماما نروح الصالون حبابه
وصال اي نروح اني هم اريد اصبغ شعري من زمان ما صابغته حضري نفسج بين ما اخابرها
كمال مروان عود أمك واختك عليك وصلهن
مروان ماشي صاعد الغرفتي من تخلصن أتصلن عليه.
أزهار اوك حبيبي صعد وبابا تمدد على? رجلين ماما وتلعب بشعره وهو غفه بحضنها غمزتلها صاعده اغير ملابسي
وصال روحي ولا تتاخرين.
أزهار صعدت غرفتي سحبت تلفوني وباوعت رقمه ماكو شيء منه وصفنت اني شبيه هلكد مهتمه اله يعني أتصال والله تأثرت هالدرجه لا لازم اوازن نفسي مو اليه هاي الحركات عفت التلفون ونفضت الافكار من رأسي وكملت تبديل ملابسي وشلت جنطتي وتلفوني ونزلت لكيت ماما جاهزه وتحجي على? التلفون وبهل الاثناء نزل مروان وعيونه بالتلفون ما حجيتلنا عنها كتلي بعدين وغلست
مروان شحجيلج مثلاً
أزهار مثلاً شنو أسمها ومنين
مروان هناس.
واوو عالمي هالاسم اكيد جميله مثل أسمها
طبعاً
وصال ولك مروان جنها كرديه لو مسحيه الاسم عبالك الاسم مو عربي
مروان كرديه يله اني كدامجن اشغل السياره
أزهار مشه وامي باوعتلي وگالت
وصال أخوج طايح بالشبكه ما ظنتي يوافق على? أسيل ولو أبوج رفض وأني خيلت عليها
أزهار قسمه ما تدرين شمضموم يله نمششي
وصال يله مجد لاتضل تلعب بلي انتبه على? دراستك.
أزهار طلعنا ومروان مشغل السياره واخذنا للصالون وصلنا وأستلمتنا گبل اني قصيت اطراف شعري وصبغته وحفيت وجهي وحواجبي وتنظيف بشره وترتيبات وامي كذلك طلعنا للوز طبعاً كل فتره نجي نسوي تغيرات وأسيا ويانا بس بعد وضعها ميسمح الها ومنا زعلها هي وعصام
وصال شتكولين حلو عليه هاللون
أزهار غير طالعه تخبلين
وصال فدوه لهل الوجه يله ورانا سوك شكد حسابج عيوني
أزهار انطتها الحساب وطلعنا ماما نخابر مروان.
وصال لا بس ناخذ تكسي اخوج مروان هسه تخابرينه يضل بس يعيط عليج انوب عليه الصالونات أخوانج واعرفهم كوه عليهم الطلعه عود من نطلع من السوك نخابره يله امشيي
أزهار وكفنا ننتظر تكسي ماكو الشارع فارغ ماما عندي رقم الخط اللي راح ياخذني لدوام هو يشتغل تكسي نخابره يجي يوصلنا لسوك
وصال هاا اي خابري وانطيني اني احاجي احسن على? اقل ابوج يعرفه تعرفينه يضل يدقق على? الروحه والجيه ويحجي على? اخوانج.
أزهار اتصلت وانطيته للامي فتحت الها سبيكر
هشام الو
وصال الو ابني
هشام هلا خاله
وصال أنت شسمه ولج
أزهار هشام هشام
وصال اي يمه هشام ما تجي توصلنا لسوك بلا زحمه عليك
هشام اي من عيني
وصال سالمه عيونك وليدي تعال النا يم صالون، وتاخذنا لسوك
هشام هسه خاله دقايق واني يمكم
أزهار قطعت الخط وانطتني التلفون وضلينا ننتظر شوي وطبك يمنا صعدنا وسلمنا السلام عليكم
هشام وعليكم السلام والرحمه
وصال اخاف ازعجناك لو عندك شغل.
هشام لا على? بختج خاله صدك جذب كل ازعاج ماكو
وصال رحمه الله والديك وليدي
هشام ووالديج حجيه
أزهار طلعنا بينا لسوك اني بصف ماما لن هي صارت وراه ما اعرف شصارلي متوتره واصابعي زلمتهن الرجفه رفعت رأسي ونظرلي وصارت عيونه بالمرايا عليه يمه گلبي دفر دفره حسيتها فلش القفص الصدري بلعت ريك وامي تگلب بالجنطه ما اعرف شدور شبيج ماما شدورين
وصال ما عندي صرف كلهن اوراق عندج أنتِ.
أزهار اوكفي دورت طلعت 25 أنتِ انطي اخذتهن وانطته
هشام خليها خاله علينا
وصال لا والله يمه ما يصير هذا زرقك و? باب الله اخذ من ايدي
هشام لا والله ما اخذ خليها علينا رجعيها حجيه
وصال ما أرجع يمه هذا تعبك وهاي بقيتها اهنا
أزهار خرد ورجعلنا الباقي ووصلنا لسوك أمي نزلت قبلي وهو باوعلي وگال
هشام أنتظركم لو اروح
أزهار خل اشوف ماما
هشام لعد خابريني تمام
أزهار تمام
هشام شدعوه هالكد شايله حِسن.
وصال يله ازهار نزلي بنجرتي
أزهار اي ماما اجييت جنطتي وكعت ودخت بكلمته وهو أبتسم نزلت وهوسه كومه ناس لن يوم جمعه ومشيت وراها وهو ضل واكف نظراته تتبعنا.
وصال مبين خوش ولد الله يرضى عليه
أزهار اي مشينا ودخلنا المحلات اخذتلي ملابس لدوام وطبعاً لبس مستور وحجابات وشغلات احتاجهن وامي تسوكت واخذت شغلات الها والبيت كذلك كم حاجه واخر شيء اخذت مكياجات وعطورات وكملنا هاا ماما نخابر مروان.
وصال اي خابري شوفي وين اذا ما يجي خابري هشام
أزهار ماشي أتصلت على? مروان وجاوب وهوسه يمه وين انت
مروان طالع يم جماعتي وين صرتوا كملتوا بعدكم
ازهار بالسوك نريد نرجع البيت
مروان منو اخذكم السوك
أمي اخذت تكسي تجي هسه
أتأخر عليكم رجعوا بتكسي لعد وهسه يله تحجون عبالي بعدكم بالصالون
ماشي قطع الخط يكول اخذوا تكسي ما يجي يتأخر
خابري هشام
طلعت رقمه واتصلت عليه وجاوب
هشام الو نعم
أزهار خلصنا
هشام ماشي جايكم.
أزهار قطع الخط واجه وهالمره صرت وراه مُباشرةً وشغل وتوجهنا البيت يباوعلي بس بتحفظ عيب من ماما اني صرت ماكو أعقل مني فعلاً اني عاقله ووصلنا وخطيه نزل ساعدنا بالاغراض نزلهن ويانا واني فتحت الباب وليش ما عصام يطلع بوجهنا اجاك الموت بلعت ريك وامي انثولت
وصال مشكور يمه رحمه الله والديك يله أزهار امشيي امشيي
أزهار دخلنا وعصام ضل واكف يم باب الحوش ويباوعله وهشام شغل وطلع ورجع باوعلنا.
عصام مو مروان وصلكم ليش راجعين بتكسي
وصال طالع كال يتأخر واخذنا تكسي
عصام ماشي أتصلت عليج ام حارث عود اتصلي عليها عازمتج على? ختان ابن حسن
وصال هاا اي ميخالف ليش اتصلت عليك
عصام اي لن متصله عليج ما محصلتج رجعت اتصلت عليه
وصال ماشي يمه هسه اتصل عليها
يمه اني طالع عينج على كرم كعد مصخن وماله خلك عفته يفتر والبيت فارغ محد موجود ومجد وين مولي
ماشي يمه هسه اشوفه وأسيا شلونها
نايمه يله فيمالاا.
أزهار مشه وامي صاحت وراه وهو روحه بخشمه ماله واهسس حتّى كوه يحجي
وصال يمه وليدي حبيبي دير بالك على مريتك ميخالف تصير بين كل متزوجين لاتضل زعلان عليها هي وضعها مخطر واني اعرفها فطيره وگلبها طيب? كيفك وياها.
عصام الله كريم
وصال أي يمه فدوه لوجهك.
أزهار شغل سيارته وطلع ورديت الباب وراه وأستغربت ما حاسبنا ولا هلهل علينا الحمدلله نفذنا بريشنا وعدت سلامات شلت الاكياس ودخلنا البيت وامي عافت گلشي وراحت لغرفتهم وشوي صاحتني
وصال ولج أزهااااار لحكيلي اسيا مصخنه جمر سوده بوجهي تعالييييي ولج
أزهار رحت عليها ودخلناها الحمام أمي طلعتني سبحتها بماي بارد وكرم انطيته شراب وضليت العب وياه وامي التهت بأسيا وتسويلها كمادات.
وصال روحي عزلي الاغراض وصعدي اغراضج ولمي الهوسه ووصيهم على? عشه وياهم خل يجييون ونكعيلي تمن اسوي لمرت اخوج شوربه باقيه يمها لما تصير زينه.
أزهار ماشي سويت مثل ما كالت وصعدت لغرفتي لكيته يتصل رديت الباب وجاوبته نعم
هشام شلونج
أزهار تمام ضل ساكت حسيته مو عارف شيحجي كسرت الصمت وحجيت شكراً تعبناك ويانا
تعبج راحه يابه وامج تبين من أهل الله فقيره وتنحب اهلج كلهم هيج مثلها.
اي ماما طيوبه لا أهلي كل واحد شكل مختلف باطباع وتصرفات حسب
وأنتِ
شبيه
مختلفه عنهم لو تشبهيهم
ليش
هيج سألت
وليش تسأل
فضول
فضولك يخصني اليه لو يخص عائلتي فقط
يخصج الج وعائلتج هم
ليش
هواي تصرفين ليش
غير اعرف ليش
مع الوكت تعرفين
طيب وليش متصل
أسمع صوتج
خجلت ما عرفت شجاوبه بقيت ساكته ومتوتره رجع گال
أسمج حلو ومميز
شكراً وأسمك هم حلو
بس أسمي حلو
جاوبته بثقه أنت هم حلو
شكراً.
حسيت روحي تماديت بالكلام وخجلت من نفسي مسحت وجهي وارتبكت حجيت شسمه هشام أحمم اني اروح مع السلامه
علي راحتج يابه
أزهار قطع الخط وشويه ودز رساله
هشام الخجل العندج حاجه اقدسها.
أزهار ابتسمت وبعدين صفنت هذا شبي يبسمر لو شنو قصده بعدين صفنت على? نفسي شنو حجيت وياه وكلامنا جان اقل من العادي بس مهما يكون عيب وبعد ما اجاوبه شيكول عليه ما صدكت سمعت صوتي واستخفيت زايد يبوووه عليج ازهار شكد عيب وانوب بابا صار يعرفه وبينهم سلام لا لا كلش عيب اي بعد ما اجاوبه رحت مسحت المحادثه كلها والمكالمات على كدما يوديني لدوام ويرجعني هاي هيه وهيج أحسن.
أسيل
صعدت الغرفتي لن حارث جان يمنا وغثنيي حيل بكلامه وحلف بعد ماكو دراسه ودام هيج هاي هي بعد ما اروح وخطيتي بركبتكم فتحت الكنتور وطلعت كل كتبي ودفاتري واغراضي جمعتهن بجنطه ورحت السطح نثرتهن واريد احركهن واجتي امي معصبه كفختني على راسي وصرخت بيها ليششششش تضربينيييي شتردين لخاطر الله
جنان لاتصيحيييين بوجهي اني شعليه.
شعليج ليش مو هذا التردينه اعوف دراستي وأكعدلج بالبيت اطبخ لج وانظف لج واربيلج احفادج مو هذاااااا جنتي تحلمييييين بي أنتِ مو أم الام تحلم بنتها تتدرس وتتخرج وتتوظف وتتباه بيها بين النسواين أنتِ عكس الامهات راحت حسره بنفسييييي أدافعين اليه وأخر شيء مستقبلي بقيتي ساكته لقرارات حارث وحسسسن حرمتونيييي من ابسط احلامييي.
كله من أيدج من لسانج هذا الطويل ما تحترميييين احد من لكفاتج وخفتج طبعاً يبطلونج وما تضل عدهم ثقه بيج اذا نازلتلي من سياره بيضه والسايق ولد شاب شتردين منهم يتصرفون حقهم ترتبيهم ما تسمح الهم اختهم تنزل من سياره ولوحدها والدنيا ظهررررر شتردين منهم يشدون كرون ستيل طبعاً يقسسسسون عليج.
رجعتي عليه وتذبين الصوج بيه هذا هو كثر الله خيرج مشكوره على? أموممتج تجاه بنتج اول مره اشوف ام ماتريد الخير لبنتها وتوكف ضدها قبل لا اكمل كلامي ضربتني كف ولزمتني من ظفيرتي بقوه وگالت
صيري أدامي لا اكعدلج گلب ما مدشن اسيل لاتصخمين وجهي بهذا صوتج ولسانج اختج انسترت بيت رجلها وما سمعنا الها صوت اذا تبقين هيج أنتِ والقندره واحد لكمتج والسم لمي هوستج وكتبج ونزلي ساعديني نكطع اللحم يله ورانا كومة شغل.
دفعتني ومشت وعثرت بالكتب شالتهن وشمرتهن برأسي عبرتي شگت صدري جمعتهن على? السريع وشمرتهن بالبيتونه وقبل لا انزل صفنت عليهن تتطشرت احلامج أسيل.
ميخالف سهله يا أهلي الحره التبقى عدكم بعد!