رواية بين قلبها وعينيها كبرياء للكاتبة شمس العراقية الفصل الثاني والسبعون
أسيل رجعت الغرفه وعفت الباب مفتوح وبداخلي غصه مخنوگه وأحس نفسي أريد أموت مو لأن هو غايب عني ولا لأن هو يمها لا شيء أكبر من طاقتي تمرد على خلايا روحي المهشمه من يوم يومي عايشه على خط الهامش أذا عند الأهل أو عند الزوج...
خنگتي تحتاج أم أي أحتاج أم مثل الأمهات اللي يحبن بناتهن ويخافن عليهن وقريبات منهن وصديقاتهن ويفهمهن من النظره وشنو يعانن وبشنو مرن من تجارب قاسيه ومره ما رحمتهن ياريت عندي أم أستند عليها جان ما هذا حالي أدور الحب والحنان والعطف من الكل مو بس من مروان حقيقه صعبه تنفهم بس الما عنده أم يفهمني بس اللي أمها بعيده عنها وراكنتها بالزاويه من زوايا البيت حالها حال أي لوحه حلوه بس لنظرومحد يعرف شُنوْ بداخلي ومن شُنوْ أعاني.
تمنيت أمي مثل الأمهات يمكن جان رحتلها و
واجهتها بغلطتي وحجمها جان نصحتني وگفت وياي لگتلي حل ساندتني حتى لو تقسي عليه ميخالف راضيه بس تكون اللي أم تخاف عليه وتريد مصلحتي حتى القسوه راضيه بيها دام تنبع عن حب وحرص وخوف عليه...
لو هي منطيتني الحب ومشبعتني من حنانها وأحتواءها وما خلتني عطشانه جان ما رحت أدوره ولا دخلت بطريق مظلم ومهلك ودمار شامل لنفسي.
ولا سويت حسابات بهذيج الغرفه اللي ركنتي بيها بهذيج الظلمه بهذيج الزاويه وحيده وضايعه أدور على غصن أتشبج بي ياريت أمي كانت لي أم...
مسحت دموعي ومر وخطف خياله من أم باب غرفتي عبرني ونزل كمت أستندت على حايط وگفت باب الغرفه وشفته نزل ونزلت دمعتي وياه باوعت الها السويت أظلم تمشيت لمحجر وباوعت ليجوه
واكف يحجي هو وعمتي وصال وهو عصبي ومزعوج
وأسمعه وصى عمتي تصعدلها.
عمتي صعدت وشافتني طبطبت على ظهري بحنيه.
وصال نزلي أكلي لكمه يله ماما
أسيل هزيت?أسي ومشت وگفت يم الدرج وعمي كمال وعصام كاعدين والنقاش أحتد بينهم ومروان معصب.
مروان يكولون محضرلي محاضره طويله عريضه عن الطلاق
كمال مروان إحترم نفسك لا افين حظك.
والله سيادتك محترم نفسي من تبطل تتدخل بحياتي وبقرارتي وأني الوحيد إلى مخلين خشمكم بحياته والوحيد إلى مركزين بحياته هو اني هذا عمار يسرح ويمرح من بيت لبيت ومن مكان لمكان محد إله يتدخل بي ومجد كذلك عصام هذا إشعاراً أخر النبي المنزل بس مروان تتدخلون بحياته وتعدمونه بالحياه ما أله أي رأي أو قرار قبل دمرتني من رفضت زواجي من هناس وهسه دمرتني من زوجتني منها.
بس ل هنا وگافي وصلت خط النهايه وهالمره بكيفي اطلك بكيفي اتزوج وأعتقد اني هالشيء من حقي مو حقكم وهاي حياتي مو حياتكم.
بس مرتك حامل شلون تكسرها هذا مو كلام
أبني لاتفكر بس بعاطفتك شغل عقلك بينكم طفل.
ما جان فكرت بيها من البداية اذا هي أنسانه غرتها عاطفتها وعبالها أبقى عايش على ذكراها بس أريد أعرف أنتَ ما فكرت من تكسر هالطفله وهي ما داخله العشرين سنه وتعيشها حروب نفسيه والغيره والتفكير مرات احسها تريد تحركنا بنار وبانزين الصغيره صعبه وهي طفله وانت اعرف باهاليتها شكد نكسين وما منهم خير أحنه والوگت عليها هواي.
مبين قرارتي صارت تزعجك.
والله يابه مو بس تزعجني إنما دمرتني ما أنسى? هذاك اليوم من امي خابرتني اسيل غركانه بدمها ما انسى من فقدت كدام عيني اني بشر ما اتحمل أحد عزيز عليه يموت أو يتأذى
اذا هامك أمر هناس هواي فحب أگولك القرار مو يمي راجع الها عي قررت تنسحب وما تريد تستمر واني ما عارضت لان ما أريد أظلمها وياي وهناس تستحق حياه توالمها.
مروان هناس بطنها طفل أبنك هذت شلون تفرط بي شبيك أبني أبنك من صلبك.
طفل وامه هناس يعيش ما يصير بي شيء وأني موجود ما أعوفه وكلنا موجودين عنده أهل من كل صوب بس أسيل بدون أهل تموت بدوني تموت أنت مقدر حجم الكارثه إلى تسببتها إلها وأشسويت بيها دمرتها حطمتها بقرارتك هي طفله وما تعرف تتصرف احنه شُنوْ! اذا هي مراهقه وما ناضجه وتصرفاته ما موزونه أحنه شُنوْ مو كلنا ناضجين وواعين شسوينا ها واحد منكم يگولي شسوينا أحنه حتى ما جربنا نتعامل وياها على أساس عمرها ما طولت خلكك وياها ما أخذتوها على كد عقلها كلكم ضحكتوا على تصرفاتها واخذتو كلامها على محمل الجد والله.
وركضت وأتفقت وخططت والغبيه هناس بسرعه وافقت على هذا الزواج الفاشل إلى مصيره النهايه
ليش أظلمها اني ماأكدر اعوف أسيل.
كمال بس أسيل ما وراها طفل يعني لازم تفكر بأبنك تضحي بي علمود حياتك هو هيج يا أبني
هي طفل ما تحتاج طفل واذا هلكد تفرق بينهن وحاير بهناس أنت قنعها ولو اني متأكد مليار بالميه هيه بايعه ومخلصه واحب أگولك اسيل ما تموت بدوني اني أموت بدونها نقطه راس سطر أسيل ما أعوفها.
عصام مروان هذا مو حجي شنو ذنب الطفل يكون ضحية قرارات فاشله يعني أنتَ جاي ادفع الثمن بأبنك.
مروان أعتقد ذنب الطفل أمه هناس فكرت بس بنفسها وعبالها ترجع وتلكه مروان ينتظرها.
عصام بس هالشيء ظلم مروان بنات الناس مو لعبه عندك تزوج منا وتطلگ منا خاف الله بيها لاتستعجل بقرار الأنفصال أكو غير حلول مناسبه الكم ثلاثتكم بس مال أنفصال لا هذا مو حل وبينكم طفل شُنوْ ذنبه يخلق وأبوه وأمه منفصلين يعيش بتشدد عائلي لاتتأخذ قرار عن عاطفه فكر زين راجع عقلك وأفكار هناس لاتظلمها كافي ظلمتها قبل.
ما ظلمت أحد الانسان يظلم نفسه بنفسه أعتقد هالمقوله تنطبق على كل فرد بعائلتنا أولهم ازهار إلى سيادة الوالد كان سيد هذا القرار بزواجها.
كمال لا تتدخل بأزهار
مروان ليش ما أتدخل البركه بيك وبآبنك ما يحتاج اتدخل
عصام هسه ما علينا خلينا بسالفتك الحل مروان شتسوي.
مروان الحل يم هناس ترتاح كم يوم من صدمتها بوفاة أبوها وتاخذ القرار بعد ما تجيب كل واحد يرجع لحياته والطفل لامه واني موجود ما أقصر مو أول ولا اخر واحد ينفصل ولا اخر بشر ابنه يعيش بدونه مو هاي غزل ما تهنت وما شافت ابوها مثل ما هشام انحرم من بنته اني هم مصيري مثله كلشي بالدنيا دين واذا ما عاجبكم الوضع اني
اخذها واطلع من البيت.
كمال وين تطلع من البيت لاتضل تخربط بكلامك طلعه من البيت ماكو.
مروان لعد من هسه مجد يصعد بغرفتي واني ارجع للسويت ويه اسيل وهناس تنزل بغرفه مجد لان حاليا تريد تبقى هنا تعدي صدمتها يلا تروح لان ذكريات ابوها بكل زوايا البيت وجاي يجيهم ناس والبيت مليان حزن وذكريات وهم حامل واحد يخاف يصير بيها شيء ترتاح فتره وتروح بيت أهلها بعد ولادتها ننفصل.
كمال أني أحجي وياها واشوفها مو على گيفكم تتأخذون قرار الانفصال هذا لعب جهال طلأك ماكو.
مروان أحجي وياها بس متأكد ما تتراجع حتى طلبت مني تنزل جوه
عصام يعني أنتوا تحيرون أكبر واحد قسم بالله
مروان هذه حياتنا وقررنا وخلص واسيل مرتي كلمه زايده ناقصه بحقها اكلب البيت جحيم ما اريد اعيش معاناة بسببكم وتذبون الصوج بيها البشر كلشي يجي من أيده الله يزيده وأذا على هناس ما عدها شيء ويه أسيل بس من تشوفكم تركضون كدام هناس وگلكم وياها طبعا تنقهر وتتحس وتذب قهرها بهناس بس أعرفكم انتوا تطربون عالغريب.
عصام مروان لا تقلل أحترام تره ساكتلك من حركه گلبك تحجي وخايف على اسيل تره اكسر راسك أحترم نفسك.
مروان عصام رجاءً لا تدخل اني وسيادة الوالد لو تضوجون من واحد يواجهكم بالحقيقه هاي هي خلص الكلام.
أسيل صعد واني كاعده عالدرج أحتضن كتفي ومشى بينا للغرفه كعد عالجربايه وكعدني بصفه
ضايجه مني
لا أبداً ليش
لأن هل الفتره هاملج هواي وما سأل عنج
مو مهم أهم شيء اني أبالك
أسيل
ها عيني.
لازم أثبت موقف وياها كافي اني وياج ظلمناها
اني ظلمتها مَن تنازلت عنك وسلمتك ألها على? طبق من ذهب وهي إنسانه حبتك وبينكم حب قوي أكيد ما تفوت هالفرصه والغلط مني
كلنا غلطنا بحق نفسنا لا تحملين نفسج ذنب أنتِ ما كنتي تعرفين عواقب هالشي إلى اختاريتي واحنه لحينا عليج هواي ما انطيناج فرصه تتخذين قرار سليم.
ما أعرف والله وهي شلون هم فكرت بيها
طبعاً لأن أنظلمت وهذا قرارها ومصممه عليه هي تريد تنسحب.
وأنتَ تنازلت عنها ما تمسكت بيها مو صح!
هيج أحسن لازم واحد من عدنا يتنازل للأخر عن قوته وكبريائه وهي فضلت الأنسحاب على كبريائها
ما جاوبته لان واضح متأخذين القرار ومنتهين منه
رجع باوعلي ورفع خصلات شعري وصفن عليه
هسه شلونج شو احسج ضعفانه وجهج أصفر وذبلانه ليش
ما أعرف معدتي توجعني يمكن من العلاج قوي داحس بزفره بحلكي دائماً تلعب النفس
هذا علاج الحديد عبالك زنجار.
أي بالضبط ريحته تموت مروان عادي اروح على هناس أشوفها
بكيفج بس الاحسن تتركينها بحالها حابه تبقى لوحدها هي عافت بيت أهلها لأن أزدحام وأجتي أهنا علمود تختلي بروحها ونفسيتها تعبانه.
براحتك وشوكت أداوم
باجر تخلص أجازتي عكب باجر التحق إن شاء الله
ماشي هسه ما جوعان أسويلك شي تأكله
لا بس اريد أسبح وأنام أي شلونج بالجامعة.
كام وراح فتح الكنتور ياخذ ملابسه جاوبته زينه شويه المواد صعبه ومستصعبه الجامعه بدون إيفين جنت احسها الأمان إلى ومسنوده بوجودها هسه الجامعه تخنك ووحشه بدونها
باجر ترجع
هسه تروح تسبح
ليش رايده شيء أجيبلج
لا مو تعبان انت تريد تنام
لا كولي يروح التعب يمج
عبالي تطلعني مخنوكه ما أعرف صدري يوجعني احس بلوكه على صدري شيء ثكيل كاتم على أنفاسي بس اريد ابجي شمر ملابسه واجه بقلق وخوف ويتلمس وجهي بحنيه دافيه.
شبيج يابه
ما أعرف تعبانه
شوفي والله اني گلبي ما مرتاح هناك وبالي يمج هالفتره كلش هملتج يلا بدلي بين ما أسبح واخذج اطلعج تغيرين جو هم حقج جو البيت كئيب ويخنك
ماشي عيني راح يسبح واني كمت لبست وتجهزت بوكعدت بحضني الموبايل لازمته واباوع عليه شلون يمشط ويرتب بشعره باوعلي مبتسم وطلعنا وصادفنه عمتي وهناس طلعت من السويت
رحت عليها البقيه بحياتج عيني الله يرحمه ويصبركم.
حياتي الباقيه عمري خير خوما بيج شيء طالعه شو وجهج أصفر.
وصال والله اني احجي واسيا تحجي وهي اكلها قليل تعبتني ما تأكل
هناس ما يصير أسيل أنتِ العاقله تره مو زين على صحتج تضعف مناعتج ويتكاثر المرض بيج
أسيل ما أعرف نفسي ثكيل أحس صدري يوجعني
هناس مروان عود أخذها للدكتور مالتها ترى حالتها مبينه عليها تعبانه مو مال تكعد بيها خطيه
مروان هو ان شاء الله باجر اوديها شُنوْ راح تنزلين جوه.
هناس اي والله احسن اختنك من اصعد ما بيه اتنفس الدرج طويل وما ارتاح هنا احس بعيده عن الكل اقلها جوه اشرب مي اكل اطلع للحديقه
مروان براحتج يابه
هناس بس هل كم يوم واروح لامي بس هسه شويه بعد لان الناس رايحه جايه ويجون واني اضوج كلت اجي هنا ارتاح وأختلي بروحي
مروان هناس ماكو داعي تبررين البيت بيتج ومفتوح الج بكل وقت وماكو أحد عليه سلطه عليج وين تروحين وين تجين
تسلم ماشي عيني اخذو راحتكم.
أسيل أخذت الجنطه وعمتي شايله ملابس وأغراض ومجد وراهم طلع محمل جنط كومه راح تنزل جوه
مروان اي احسن وأنتِ خل نرجع للسويت أحسن ومجد لغرفتنا
أسيل لا حباب تعودت على غرفتنا وهم ما اكدر أتقبل هالشيء عوفني براحتي
مروان أريد احجي بس أسكت احسن براحتج يابه
أسيل ما ضغط عليه وبعدها طلعنا نفتر بس مع ذلك مختنگه وأفترينا بالمولات ما أخذنا شيء بس مجرد نغير جو وتعشينا واحنه كاعدين باوعتله وهو حس بيه.
مروان أحجي لاتبقين ساكته شگو أبالج
أسيل قرار الأنفصال منك لو منها؟
لا منها
اها تمام
أسيل صفي مخج خلينا نعيش حياتنا براحه كافي
ما حجيت وصفن بوجهي وسحب أيدي وابتسم
أسيل أني أختاريتج وأضل أختارج وما أعوفج بس أريد منج تنطين فرصه لنفسج وتحررين من الأفكار الب?اسج علمود نعيش بسلام.
أبتسمت بحب أن شاء الله حبيبي
أرتاحيتي بعدج مختنگه
أي أرتاحيت كل الأماكن التجمعني بيك هي?احتي ومأمني غمزلي وضحك سخيف.
من وراج تسخفت جنت ماكو أعقل مني
يمه أنهجم بيتك شگد عاقل
أسيل
ها عيني
باوعيلي أريد أحجي وياج عوفي التصوير هسه گلبي مو احاجيج
أريد أصور أوكف لحظه باوع أي تخبل طلعت لحظه اصور أيدينا كملت تصوير هو يدك بالجداحه عالميز قلقتني شبيك
أريد أحجي وياج بموضوع وأخر مره أتطرق اله بس من أحجي تركزي وياي وتفهمينه بدون ما وتتحسسين وتزعلين.
شُنوْ.
شوفي أسيل غلطتنا أني وياج واللي صا? بينا بهذيج الليله مبني على خطأ فادح وحرام يعني زنا بالمختصر من كلامي هذا كله الغلطه من تتصلح وبعدين يجي بعدها راحه مو معناها الغلطه جانت صح الغلط يضل غلط حتى لو بعده اجه الصح ومو مقبول أبداً مهما كانت نتائجه أيجايبه هذا مو مقياس ثابت فهمتي عليه ولا كل بنيه يستر عليها مروان ويصلح غلطتها وبعدين يحبها ويرعي طفولتها ويخاف الله بيها وزمننا يخوف وبي وحوش محد يرحم أحد.
هزيت?أسي
المعنى من صلحت غلطتي وياج وهواي مرينا بحياتنا ووصلنا لهل النقطه مو معناها اني وياج ما غلطنا أريدج تخلين أبالج الغلط يضل غلط حتى لو صا? بعده صح.
ترى أعرف ماله داعي تذكرني
ً وأني من حجيت مو أريد اذكرج أريد أعلمج
ما يحتاج تعلمني
لا يحتاج ويحتاج أني لوما مهتم الج ما أشرحلج.
لا مروان هذا مو أهتمام هذا خوف وشك تخاف أرجع أعيد الغلط بحجة اني غلطت وبعدين أخذت الأحبه واني فزت بي هذا التقصده من كلامك لأن ما عندك ثقه بيه حتى لو تحبني بس ما تثق بيه.
لو ما أثق بيج ما خليتج تشيلين تلفون لوما أثق بيج ما خليتج تكملين دراسه أني فتحت صفحه بيضه وياج وتارك الماضي وصفحه وطويتها ومن حجيت ردت أوصل الج فكره تفهمين اني عن شُنوْ أحجي كلامي ما بي شيء يخليج تزعلين بس ادري بيج وجنت متأكد راح تزعلين.
شو عبالك أنتَ زعلت
لا ما زعلان على شُنوْ أزعل وهذا الموضوع اني حجيت بي وبهذا المكان ينتهني وبعد ما نحجي بي لا أني ولا أنتِ نهائي صفحه وطويناها.
ماشي طلع جكاره ودخنها ليش ضجت
ما ضايج
وجهك معقج وما تباوعلي
بعمرج ما تفهميني عبالج من أحجي اذكرج لو اريد أقهرج بس مشكلتج بسرعه تگلبين عليه
خلص سد الموضوع يله نمشي البيت تعبانه
گومي يله
حضني من كف أيدي
لج شالعه گلبي والله أحبج
حبيت لأن حسيتها طالعه من گلبك بحنيه
هي طالعه من گلبي ومليانه حنيه اني مروان الحنين حنيتي بس يم أسيل
دمعت عيني مسحها بطارف أصبعه
ليش الدموع
هيج اني حساسه بزايده.
لا مو حساسه من فرط حنيتج وحنينه مثلي
أحتضني بكف أيده وطلعنا للبيت هدوء وارواح مستقرّه على الرغم بعد اكو تشتت بالعلاقه.
وصلنا البيت نزلنا سوه وهناس كاعده بالحديقة مقابلنا بإيدها كوب ولازمه بطنها باوعتلنا نظره سريعه جانت النظره ناحية مروان أنقهرت عليها واضح أنسحبت غصب عن قلبها ومشت كدامنا باوعلته غير نظرته ومشينا صعدنا لغرفتنا غيرت ملابسي وهو متمدد اجيت بحضنه ونمننا.
طلع من الصبح واني رجعت انام تعبانه جسمي مكسر
كعدت وهو ماكو باوعت الساعه 11 حيل شگثر نايمه باوعت تلفوني متصل مرتين وأتصل جاوبته الو
مروان هلا حبيبي نايمه
هسه كعدت
فدوه لصباحج
شوكت تجي
توني وصلت أوصل هالامانه المحكمه وارجع
تمام أنتظرك
شبيج كومي تريكي وأشربي العلاج من ارجع العصر اوديج للطبيب يله حبيبي
تمام سديت الخط وكمت غسلت وغيرت ملابسي ونزلت مالي خلك الدنيا تفتر بيه.
أسيا أسيل سويت غدا تعالي تغدي واشربي علاجج
أسيل مالي نفس بس اريد انام
هناس أسيل شبيج نوديج للمستشفى
أسيل لا ميحتاج العصر مروان يوديني اذا عندج مسكن أنطيني اخذه اريد انام راحت جابتلي اخذته وشربت ماي حتى المي طعمه مر بحلكي صعدت روحي طالعه عبالك حتى النفس يخنكني راسي صاير طبل أعراس أصوات تردد بمسامعي صارت تخنكي.
فتحت الباب ورجعت للفراشي مالي خلك كلشي لزمت التلفون أشتاقيت لهديل رغم كلشي صار وياي كسرتهم ما تترمم أبداً بس مع ذلك احس بالنقص
طلعت حسابها بالبحث راسلتها جاوبتني
هديل منو وياي
أسيل اني اسيل
ها عيني شلونج أخبارج
تمام الحمدالله أنتِ شلونج
بخير الحمدالله على الله ماشيه وياي
جهالج شلونهم
الله الهم وأبوهم مزوج وجيه هذاك اليوم يرجعني لخاطر الجهال حالهم بالضيم واخوج حسن مزومل يريدني للخدمه جهاله ما يقبل يرجعني.
وأمج شُنوْ موقفها
هو محد طيح حظنا غير امج الله لا يوفقها كل موقف مشرف ما عدها.
ليش شبيها وياج
ما بيها هججت مرت حسن واني أبتليت بي وهيه
ما تخليني ارجع على جهالي فايدتها خدمه وبلاش وهي دايحه من مكان لمكان ولا تفكر بيهم ما تحاجين حارث أي واحد يرجعني بزعت ومليت والله أضل هيج اني يمعوده نار سيف ولا جنه اهلي
ماشي عيني اني احجي وياه الله يجمعج بجهالج
تسلمين أسوله أنتِ شلونج الحيه الصفره شلونها.
بخير قصدج هناس زينه الحمدالله
الصراحه بيت عمج توالمهم هيج وحده تطلع غادهم لسان ووكحه تعيش يمهم خما مثلج فطيره ينفخون عليج تطيرين.
الله كريم
صحتج شلونها
زينه بس حبيت اسأل عليج
أسوله أنتِ احسن من عدنا حنينه واحنه غلطنا بحقج تسأل عليج العافيه عيني أنتِ
يله أترخص
أخذي راحتج عيني.
عفت التلفون رجعت نمت كعدت على أتصال منه جاوبته ها مروان.
مروان أنتِ وينج شكد أتصل وماكو دزيت هناس كالت نايمه شبيج ابويه بس نوم كومي تحضري اوديج للطبيب
جاوبته لساني احسه خدران مروان ما بيه اريد أموت مخنوكه
راح اجي صرت براس الفرع بس كولي شبيج
رفعت راسي شكبره صاير وكفت اريد اوكف على حيلي من صدك ما أكدر احجي وياه مروان ما بيه نفسي تلعب اريد ازوع وصخونه موتتني
تمام جايج اني بس نزلي جوه.
قطع الاتصال ومشيت لازمه صدري الخنكه ذبحتني وصلت واريد افتح الباب ما ينفتح اجر بي واحس نتهيت شيء بصدري صعد وأتقيئت دم بكثره بحيث الكاع صارت لون أحمر وخشمي هم ينزف ضليت فاتحه عيوني مصدومه وخايفه من منظر الدم وحيلي يرتجف وعيوني الغواش سيطر عليها دكيت الباب بلكي احد يسمعني وحيلي أنهد وكعت من طولي ما حسيت بشيء بعد.