رواية بين قلبها وعينيها كبرياء للكاتبة شمس العراقية الفصل الثالث والسبعون
أزهار طول هل الأيام المرت أني عايشه بعذاب نفسي خلصت من عذاب شاهين وأنفصلنا بس ما خلصت من عذابه السببه لبنتي وصلها لمرحلة الأنهيار حطمها لصفر أيام وليالي مرت وأني سهرانه وياها وامي وياي بس المشكله ما تريد اي أحد فقط اني تقبل يلمسها تتخبل من الكل نادراً تهدأ واذا صار هدوء خلفه صراخ وانهيار ما تسكت بالساعات هي منهاره وحزت بداخلي هالأب لا يسأل لا يگول ادري شُنوْ من گلب شايل ما تحن على بنتك وكل اللي صارلها بسببك دمرتني ودمرتها...
أحجي عليه وعصبيه ودمي محترك منه ومن تصرفاته وأهماله لبنته دخلت أسيا مسحت وجهي بقهر وصحت بيها سگتي عاد يا ماما سگتي ما تكوليلي شسويلج بعد اوف يمه
أسيا شبيج عصبيه عوفي الطفله لاتصرعينها هي بدون شيء گوه حالتها تعبانه تزيدينها عليه خطيه بعدين شصايرلج اليوم.
شبيه نفس كل يوم
لا مو نفس كل يوم باعي روحج تردين تنفجرين.
مقهوره من هشام نار بگلبي عليه واحد أناني بس هو اذا عاف بنته تربي عند شاهين القذر عنده مشاعر أبوبه لا والله واحد أناني ما يفكر الا بنفسه ما راحت بس عليه وعلى بنتي احنه دفعنا الثمن وهو عايش حياته منو أزهار منو غزل.
علي كيفج وياه لاتظلمينه
أظلمه هو ظلمني وياه ما تسكتين اسيا لا أفرغ قهري بيج
عود اجيت أكولج بس دمج محترك عليه ولاتحجين عليه ترى يضل ابوها بس احتمال ظروفه اقوى مني ومنج.
شتكوليلي شبي أنوب كلشي ما بي عرج ما يطگه لو فعلاً هو أب جان سأل على بنته شو من جانت يم شاهين يسأل رسائل صارلي الأب حنين بس اهنا شال ايده ومن بعد الطريق بس دام هيج والله لو يكطع روحه يم الباب ما اله بنت عندي خل ينساها
هشام أمه توفت
لا لا خاله ماتت لا يالله
أي والله هسه يحجون بينهم وعصام رايح الفاتحه
الله يرحمها جانت شگد طيبه وحنينه وتحبني
الله يرحمها
شوكت توفت.
بهاي الفتره من سالفة شاهين وطلاگج هي ماتت وخطيه عصام يگول جانت بس تريد تشوفها شكد انقهرت عليها ماتت وما شافتها.
ما أعرف شحجي صدمتيني خطيه
وأنتِ ما قصرتي بي
من قهري من ضيمي منه هو السبب والله هو السبب لعد هذا حالها مو هو الوصلها لهل النقطه
گولي يالله وان شاءالله ما بيها شيء عصام حجزلها يم خوش دكتور مضبوط العصر ترحون اله.
ماشي سكتنا بس بداخلي قهره وغصه منه للعصر تجهزت اني وياها ونزلت وطلع عصام لابس فدوه لعينك أخاف هم مثل القبله يضل يلغي ب?اسي وبنتج وبنتج
عصام لا خوش دكتور وأنتِ هم تقبلي الكلام البنيه مريضه قابل يحجون من كيفهم يا عيني كلما يكولوج مريضه تكبين بيهم على كيفج
ازهار لا مو مريضه منو گال مريضه بنتي كلشي ما بيها حتى أنت يا عصام.
لعد لوما مريضه شگو مأخذينها الطبيب والمرض مو عيب مو شرط مرض جسدي مرض نفسي واكيد اله علاج وجلسات ومتابعه ومع الوكت تصير زينه.
حضنتها ومشيت وياه وطلعنا طول الطريق أباوعلها وابجي مختنكه شابعه قهر عليها هي دفعت ثمن غلطتي شنو ذنبها تعاني وتتأذى نفسيتها، وصلنا وحاجزين حجه هو والسكرتيره ويأشرلها على الدفتر وهي تعاند خلته يصير عصبي ولا عبالك سكرتيره عبالك هي الدكتور تحجي بخشم وكب بيها عصام انفجر عليه الله يستر...
عصام أنتِ ششايفه نفسج جاي أكولج من يومين حجزت مو خابرتج وثبتي الحجز وكلتي كدامكم أثنين شگو هسه تكولين كدامهم 16 وين صايره
السكرتيره على شُنو تصيح ما عاجبك تكدر تتفضل
فوك هو الما عاجبه
أتفضل مو تطرديني
والله أمثالك ما محترمين شسويلك جاي أفهمك ما تفهم
والله أمثالج قندره ما تسوه وأصبريلي اذا ما طيحت حظج على هالخشم هذا تتعاملين ويه العالم من وره خشمج شايفه روحج شوفه.
اخي وين داخل اوكف اوكف هسه أدخلكم.
ازهار عصام أوكف راد يدخل هي وكفت بصدره هو انسحب ويمسح بوجهه وطلع الدكتور يحجي والواكفين حجه وكلهم انتفضوا على السكرتيره الظاهر ويه الكل هي هيج باوع النا
الدكتور أتفضلوا.
أزهار دخلنا وهي ضلت ورانا وعصام أعتذر من الدكتور عن اللي صا?
عصام أعذرنا دكتور بس اني حاجز ومثبت الحجز قبل بيوم والطفله مريضه ما تتحمل اجواء وضوضاء
الدكتور فاهمكم ومعذروين اي بابا أحجيولي شبيها أريد أعرف كلشي عنها.
ازهار بديت أحجيله گلشي وهو صافن عليها حاول يلاطفها بالكلام قافله أخذ نفس وباوعلنا باوعت لعصام ها
عصام أصبري
الدكتور الطفله مرضها نفسي علاجها سهل يعتمد عليكم والحاله النفسيه ترتبط بالأهل من أهم العوامل تساعدها على الشفاء.
عصام طيب الدكتور اكو علاج.
الدكتور أكو بس ما نكدر ننطيها الا شيء قليل يساعدها على النوم فقط والهدوء النفسي علمود ما تنفعل وتشد أعصابها وتسؤء حالتها وراح ارسلكم الى مركز خاص بهيج حالات عنايه خاصه وأضافه انتوا الكم دور بتحسن حالتها النفسيه.
ازهار لا عفيه مركز شُنوْ بنتي ما بيها شيء
الدكتور كل هذا الحجيتي وبنتج ما بيها شيء
عصام ازهار اخذي غزل وأنتظريني برى
ازهار طلعت بررى وهو تأخر يمه وطلع وخزر السكرتيره وكال الها.
عصام صيري أدمي عاملي العالم بأدب وطولي خلگج عليهم البيهم مكفيهم ولاتخافين ما يطردج حجيت وياه وفهمته بس كون ينفع وياج.
السكرتيره مشكور
عصام العفو
ازهار امشي جلبت بيها وين وتشوفك أسيا
عصام لا دخيلج بس هي صلفه شفتيها شسوت
أزهار بلي شفت امشي شعلينا بيها طلعنا هاا شتكول ندخلها مركز يعني ضروري وهو مو گال يعتمد عليكم يعني المركز مو ضروري.
عصام شبيج ازهار ترى دكتور يحاجيج وهو أعرف بحالتها وضعها أنتِ أفهم منه طبعاً نأحذها وباجر الصبح نوديها وكولي يالله تحمدي ربج على مرضها غيرج ما لكه علاج
ازهار ما حجيت ومشينا أخذها مدينه الالعاب گال علمودها بس ما تريد كامت تبجي وتعيط تتخبل من الأصوات كبل طلعنا للبيت وصعدت لغرفتي عفته يحجيلهم ونومتها وضليت صافنه عليها سوده عليه وين جان الج هالمرض...
الثاني يوم أخذناها والمركز جان كلش راقي ومرتب.
دخلناها بأول أيام معاناة وتعبت نفسيتي أكثر منها انتهيت نزلت لصفر تحطمت واني اشوف تصرخ وكأنما خسارتها أنرسمت گبالي وصلت لمرحله أيست منها وكلت صعب تتعالج بس الحمدلله يوم عن يوم تفرق وطبعاً عصام وياي ما خلاني لوحدي من يلتحق عصام يجيني عمار فدوه لعينهم ما قصروا
مواقف أخواني الحلوه ما تنسي.
نزلت وكلهم كاعدين بس بابا جان عصبي ومزعوج ومن ضمن الكلام سمعت اسم هشام شياطين الأرض كلها نكزت ب?اسي عليه كعدت يم ماما وأشتد النقاش وعصام حجه بعصبيه ورجع باوعلي
عصام تره هشام جاي يتوسل يريد رضاكم ومستعد كلشي يسوي حتى ترجع أزهار لان الرجال مو هو السبب وضح گلشي شتردون بعد.
ازهار جاوبته واني ما مستعده أرجع لانسان فاشل ضيعنا وضيع نفسه بسبب تهوره كلمه والثانيه روحي لاهلج لا عيني ما مستعده اكرر هالغلطه.
مروان واني ما جايز منها وقراراتكم احتفظوا بيها لنفسكم متعاجزين منها اطلع اجر بيت واعيش اني وياها كافي هالمهزله نعيدها من جديد گبل غلطنا هسه شبينا نرجع نغلط واذا على غزل لا أول طفله ولا أخر طفله تعيش من دون أب بالمختصر ازهار ما ترجع وهشام لو يبوس قنادر ما اله مره عندي ترجع تعيش مثل ما كانت وظيفه وسياره واليحجي اطب بعينه.
عصام على كيفك يابه اني كلت الرجال يتوسل ما كلت أزهار أمشي أرجعي شييك حامي علينا مو اجي احطك بالمجمده
مروان اني ما صدكت على الله غزل رجعت بحضني انوب مريضه ونفسيتها زفت عمي شيلوا هشام من قاموسكم أب لابنته وهاي هي.
مجد خيتي الحنونه الله عليج لا تعوفينا
ازهار اني اكبر غبيه اذا فكرت ارجع وعندي اربع اسود كلها تحلم يكونون أخوانها واذا على بنتي اعيش كل عمري الها.
كمال أزهار بابا اني ما اريد ترجعين اله هو اب لبنتج وبس وحياتج ترجع كما كانت وظيفتج جاهزه تكدرين تباشرين الأحد بشركه. قريبه على مكان، وعملها رائع صح راتبها مو هواي بس تخلصين من الروتين وتطلعين وتعيشين حياتج إلى دفنتها بيدي كان المفروض من البدايه اخليج بوظيفتج واعوف حجي العالم على صفحه واهتم بمشاعرج كونج أنسانه واعيه وتعتمدين على نفسج.
ازهار أبتسمت بفرحه وكمت بسته من?أسه وصعدت لغرفتي فرحانه طايره وأخيراً رجعت لحياتي الأحبها تمددت بصف بنتي نايمه بستها وغطيتها راح أدوام وارجع مثل ما كنت قبل وصفنت وأتذكرت وخطر على بالي هذاك الما كدرت أنساه وأتخطاه
نفضت?أسي ما فكر بينا حرامات اضيع ثانيه وأفكر بي وسبحان الله خطر على البال وحضر وصلتني رساله من عنده
هشام شلونج
أزهار ضليت صافنه توني ردت أحظره تراجعت راسلت أسيا وبلغتها هاا وينج.
أسيا بحضن أخوج
عزا والرساله خوما شاف شيء
لا ولج نايم بسابع نومه بس اني كاعده جاي أحجي ويه رواء متعاركه هي ومنذر وتريد مني نصائح بما اني زواجي مثالي فدوه لعيني تاج وباج تعلمن مني شبيجن.
ام المثالي تعاليلي اني هم أريد نصيحتج
أوكفي خل أسحب نفسي مربطني بأيده غير لو يتزحزح أدري اطير منك خوما أطير
خرب بيومج هسه يكعد
اي والله أخاف يگعد
شفتي رسالتي
أي شفت جاوبي شبيج
من كل عقلج.
اي شگو بعدين مو وگت كبريائج الرجال أمه ميته وأنتِ ما كلفتي على نفسج تعزينه عيب مهما يكون جدة بنتج.
بعد كل اللي صا? أجاوبه لا ما يستاهل خلي أحظره
جاوبي وأخذي من خاطره عيب هسه تلكينه مكسور ومتأذي امه ميته وابوه ميت صار يتيم رسمي لا تصيرين أنانيه وحقيره يله
تمام
الصبح نحجي أخوج كعد
أوك عفتها وفتحت رسالته جاوبته أهلاً.
هلا بيج شلونج غزل شلونها
بخير
الله يجعلكم
شكراً
أمي ماتت.
أي سمعت الله يرحمها ويصبركم على فراقها
بعد وگت واني متوقعج أول الناس تطبين خاطري المكسور بفراگج وبفراك غزل وكمل بفراك أمي
أطيب خاطرك! العفو شو اني محد طيب خاطر من خليتني ملطشه للوكت ومعلعله وراك لو حقك حق وحقي باطل لا اطيب خاطرك ولا تطيب خاطري
أدري ظلمتج وياي وأستعلجت بقرار أنفصالنا وحسيت بحجم غلطتي بحقج وحقج عليه
بعد وكت وأحساسك هذا وين جان نايم بيا سبات عفيه رجعه خلي يرجع يكمل نومته.
ما متعلم عليج هيج تحاجيني
لا تعلم والأ أكولك ما يحتاج أصلاً زايده مني جاوبتك
ليش شمسوي
اذا أنتَ نفسك ما تعرف شمسوي اني أكولك
أزهار خلينا نحجي مو وگت كلام الخشن ما متعلم عليج تحاجيني بهذا الأسلوب والنبره!
لا وگته وياريتني من زمان محاجيتك بهذا الأسلوب جان ما وصلت لهل النقطه ولا عيشت بنتي بهل العذاب ودمرتها بسبب حبي الك وبالأخير شمرتني اني بنتي بإعذار تافهه قنعتك روحك بيها.
عوفينا من هالحجي غزل شبيها.
حقك ما تعرف شبيها أصلاً أنتَ اذا عندك بنيه هم ما تدري فقط منسوبه لأسمك عود أنت أبوها
أحجي شبيها
ما أحجي لان ما يهمك
أزهار أحجي شبيها غزل
لاتراسل بعد
لا اراسل بنتي عندج لاتنسين
لا ما ناسيه زين ذكرتني
حاجبني شبيها عزل ترى بنتي من حقي أسألج وتجاوبيني احجي شبيها
لا مو من حقك ما الك حق لا يمي ولا يم بنتك
رسلتها حظرته وشمرت التلفون هسه متذكر بنته وعود خايف وشالته الحنيه على بنته واحد أناني.
راسلتني أسيا تسأل جاوبتها حظرته واني طايحة حظ اذا جاوبته وإذا كلتيلي جاوبي لأ أعرفج ولا تعرفيني صوجي سمعت منج وجاوبته
أسيا شگو شبيج شصار
أزهار حرك دمي
خرب راح أصعدلج
لا وين عصام يشك عوفي الصبح احجيلج؟
ماشي قلبي نامي لاتضلين تفكرين شمدريني گلت خطيه أمه متوفيه مكسور خاطره
لا ما يستاهل
الصبح نحجي.
اوك حبيبي راحت وحضنت بنتي ونمت وأفكاري مشوشه خرب كل عقلي شگول عليك هشام دخلت حياتي خربتها فوك تحت وأني الثوله لحگت گلبي وحبيتك وما حصلت من هل الحب بس الخسارات والأذيه بحق نفسي وأهلي وبنتي.
مر كم يوم واني متحمسه لدوام ورجوعي لحياتي القديمه ورحنا اني وأسيا اخذنا ملابس لدوام وكل نقوصاتي وبنتي كذلك جهزتها ومنتظره باجر.
كعدت الصبح تحهزت اليوم أحد أول يوم دوام إلى بالشركه سيادة الوالد حب يكفر عن ذنبه إلى أقترفه بحقي وخلاني أعيش معاناة بحياتي ما جنت أتوقعها كانت نقطه بحر معاناتي ويه هشام مقابل ما كنت أعيشها ويه شاهين الزفت وانحسبت مطلقه للمره الثانيه بس اخواني سندي كان الهم رأي أخر نقذوني من هالمستقنع ورجعت لحياتي السابقه بكل حب
نزلت الصبح وصادفتني هناس هلاو
هناس صباح الخير يحلوه شُنو هالجمال.
ازهار صباح النور عيني مو بجمالك ما تكوليلي شوكت تولدين
يمعوده لزكت بطني
ليش أنتِ كم شهر
بالسادس بعدلي وين
ليش خما تردين تجيبنها بالسابع من هسه ضايجه منها
هي الله لو يهديها عليه هسه اجيبها
لج باب ما كامله تحجين صدك
والله طكت روحي تعبانه حيل عبالك حامله بإربع جهال عمتي تگول طفلج خشن وهيج تعبتي مروان يضحك يكول عليمن تطلع
فدوة ربي يگومج بالسلامه أنتِ وياها
الله يسلمج شوكت ترجعين
من يخلص الدوام ليش.
لا هيج خاف تجين وما تلگيني أحتمال اروح بيت أهلي
ها براحتج
شو براحتج تردين تخلصين مني
لا مو هيج القصد بس هذا قرارج بعد شيء راجع الج تبقين تروحين كيفج وأنتِ أتخذتي القرار تنفصلين
أي والله لأن أحسن قرار إلنا كلنا واليه أكثر
الله كريم يله من رخصتج ماما غزل نايمه خاف تتأخر بالنومه لاتخافين هذا من العلاج علمود تهدأ اعصابها واليوم ما تروح المركز باجر ان شاءالله.
وصال ماشي ماما روحي الله يفتحها بوجهج.
أزهار أمين يارب، مشيت لكيت عصام ينتظرني وجكارته بأيده صباح الخير
عصام أهلاً أهلاً عمي شطالعه من اول يوم لبس رسمي دتصعدي سيادة الوالد منطينا أوامر نوصلج لشركه ونوصي بيج.
أزهار ربي يخليكم اليه صعدت وطول الطريق أتصالات مهمه وبعدها وصلنا الشركه نزلنا سوه ومشيت وراه دخلنا قابلنا المدير وحجوا هو وعصام واستلمت مكتبي كعدت فرحانه وباوعت عليه هواي يحتاج ترتيبات مكتبي حبيبي مبتسمه وأباوع ودخل عصام كعد عالكرسي صدقه
عصام هسه تمام
أزهار ضحكت كلش تمام.
عصام يله أني اروح من يخلص دوامج أجيج بينما يجهزون سيارتج علمود ما تصيريلج عراقيل وبالليل عمار يفرفرج تجربه أعادة سياقه اكيد ايدج ما تاخذ عليها مثل قبل
أزهار ماشي عيني راح ورجعت لمكتبي واجتني موظفه علمتني وفهمتني على طبيعة شغلي والقسم مالتي سهل ما بي تعب ولا اشكالأت مزعجه الحمدلله.
ورجعت البيت تعبانه كلش گبل اخذت دوش وطلعت لكيت بنتي امي مخليتها وكاعده ومحضرتلي الغده شُنوْ هالدلال ماما حبيبتي.
وصال أذا أنتِ بنتي ما أدللج ادلل منو
أزهار فدوة لكلبج
شلونه الشغل
كلش حلو
الحمدلله يله تغدي أكوم أنزل أشوف هناس
ليش ما راحت
لا وين تروح
ما أدري گالت تمشي ل أهلها
شو لعد نزلت بغرفة مجد مو گالت هسه ما تروح ومجد فوك على أساس يتحول لغرفة أسيل وأخوج الصبح گالي اسيل ما تريد السويت رافضه ومعنده عبالي احجي وياها وأقنعها لان أخوج دايخ وين يخلي أغراضه السويت جبير شيسوي بي
يمه ترى حقها ما تريده.
ليش شگو قابل جلاب نايمه بي
لا مو هيج بس زوجها جان بي ويه زوجته وشيء صعب عليها يعني لاتلومينها وتلحين عليها أذا ما رادته
شبي يا امي تعتبره بيت ومأجر وتنظفه وتكعد بي
يمه مو غصب ونفسيتها هالشكل تجبرينها قابل
والله بنات اخر وكت تتبطرن هسه لعد أخوج مجد شلون
شُنوْ شلون خل يكعد بي يدبر وضعه
شوف شلون ترهم وهناس شمدريج تروح لأهلها شو ما گالتلي
الصبح گالت أحتمال اروح لأهلي ما اعرف بعد.
والله حيرني نسوان أخوج شگول عليك كمال
هو أبويه دمر الكل بقراراته شتگولين
يله نازله كملي غداج
ماشي نزلت وتغديت وللعصر نزلت لكيتهم مجموعات اسيا والجهال وهناس تدفع بگرشها بس اسيل ماكو!
أسيا هلا بالحبيب شلون الدوام سولفيلي
أزهار تعبانه بعدين نسولف
وصال يولن ما تشوفلي أسيل شو ما نزلت ما عحبتني
أزهار هسه من نزلت بابها مسدود
أسيا هسه أصعد أشوفها
أزهار اجه مروان هلا
مروان هلا شلونكم يابه
أزهار هلا بيك عيني.
مروان أسيل وين لعد ما نزلت
أزهار لا بغرفتها يمكن نايمه هسه أسيا كالت تصعدلها
مروان هسه جنت احجي وياها كالت راح انزل
أسيا هسه أصعد اشوفها
هناس أسيا صعدت شويه وسمعنا عياطها رج المكان
أسيا مروان الحك على أسيل.
أزهار مروان يشرب مي وكع الكلاص منه ما حسينا برواحنا شلون عبرنه الدرج وشلون وأسيا أدك بالباب بكل قوتها وهي تشوف الدم عابر من جوه الباب وتصرخ ومروان حيله نهد يدفع بالباب ماكو اجا مجد دفعه دفعتين بقوه وانفتح ونلكاها متمدده وخشمها وحلكها مدمر عباره عن قطعه صفره ومغطايه بالدم
جان الموقف صعب ماكو احد بينا مصدك الشاافه
لحد ما هناس شمرت ماي وجهها تشوف النبض وتبجي واحنه نتراجف.
هناس مروان نبضها قليل مروان الحكلها لاضل صافن شبيك مروان مروان باوعني شيلها راح تموت.
أزهار مروان اجته الجمده وهناس عاطت بي واجه عمار عالصوت شالها كبل ومروان مستسلم بس الدمع يجري ويصيح
مروان ماتت ماتت أني موتتها اني موتتها كله مني والله اني موتتها.
أزهار عفنا كلشي ورحنا وياها ركض يركض مروان يسوق بالسياره وعمار حاطها بحضنه يحاول يصحي بيها ملابسها مدمره واني مخليه الكلنكس على خشمها وحلكها بس اسيل انتهت عمار صاح
عمار لك مروان جسمها ثلج مروان راح تموت بيدي أستعجل مروان
أزهار وكف السياره مروان ونزل
مروان أنت انزل اخذ مكاني بسرعه
أزهار خلاها بحضنه يبوس برأسها هي فاقده.
مروان حبيبي كعدي كافي لا تموتيني وياج لا تغدرين بي اسيل كعدي فدوة أروحلج كعدي أسيل أكعدي فتحي عيونج
أزهار صار يصيح بهستيريه وينفص بيها لحد ما رفعت اريدها ولزمت صدره وصرخت بكل قوتها
أسيل أخ راح أموت.
أزهار كان موقف صعب شرحه بالكلام خاصتا هو بكل قوته وهي بس عيونها مفتحه ودموعها تجري وصلنا المستشفى الدنيا مغرب دخلوها الطوارئ وخابروا على دكتورها واجه ودخل مستعجل ركض واحنه كلنا واكفين اخذوها من كدامنا بلحظات وهي لازمه ايده وتصيح
أسيل جيبولي أمي جيبولي أمي
مروان اني امج وابوج اني امج اني كلشي لا تعوفيني الله عليج ما اكسر خاطرج لا تعوفيني.
أزهار أخذوها للعمليات ومروان انهار بشكل تقربت عليه حقك الله يكون بعونك تقربت امي حضنته وتواسي كام يبجي طلع الطفل داخل مروان
مروان يمه اذا صار عليها شيء ما أعيش والله ما أعيش وراها
وصال اوف يمه سوده بوجهي ولك يمه كول يالله وأدعيلها شوو تعال لاتخاف ما تعوفك والله ما تعوفك.
أزهار عاف أمي مسح وجهه ويفتر وطلبوا دم لازم أحد يتبرع دم أني وعمار مشينا ومروان تعرضلنا
مروان خما شارب كحول صخام ب?أسك.
عمار لا أبداً والله دم انظف من وجهك.
أزهار مشينا وياه وتبرعنا وخلال ساعات المستشفى أنكلبت علينا أجه رافع وعمي فاضل وابوها وحارث وحسن وامها ملثمه وهديل وسيف هم موجود!
حرفيا المستشفى أنترست عمي داوود ولده ناجح وخالد وأعتقد عمار مبلغ الكل المستشفى قبطت ومروان كاعد وحاط راسه بحضنه وشهكاته مسموعه وامي يمه تطبطب على أكتافه واجه بابا وياه عصام وراهم هناس لان ضلت بالبيت وهسه اجتي وياهم وجهه أصفر وترجف اجت وكفت بصف شجابج
هناس أجيت أمانه الله خوما تموت كولولي تره راح انجلط اني?أسي موتني
أزهار أخذوها گبل صالة العمليات فهمت الكبد مالتها تعبان عمليه للكبد.
والله حسيت بيها صارلها فتره هي مو طبيعيه وجهه اصفر وما تأكل يارب تكوم بالسلامه
امين يارب
أكولج تعبت خل هديل تكوم من الكرسي واكعد مكانها شعدها حاجزه الكرسي اني حامل هي شبيها
أسيا تعالي كعدي بمكان عمي
وصال هناس ليش جبتوها لاتروح تولد وبعدها نص بالسادس تعالي كعدي بمكاني تعالي
أزهار كعدت بصف مروان وأجه عمار انطاها بطل مي وترجف يمكن لأن شافت الدم ومنظر اسيل خطيه ما يفاركنا.
أسيا امشي أقيس لج ضغطج تره الطفل يختنك
.
ازهار خذتها وأجتي كالت
أسيا ضغطها معلك
أزهار راح عليها ابويه وعصام واحنه واكفين باب صاله العمليات مروان يفتر وامي تقرا قران اجا مجد شايل بنتي مشيت عليهم واجه عصام
مجد هاج يمعوده فضحتني مناك جهال عصام بالسياره عفتهم خزوني راح اسربتهم فد شارع وانهزم
عصام أمشي وديهم لبيت رافع همه وغزل
مجد واذا ما سكتت
عصام خابر ابوها عليها
أزهار لا شسالفه عصام بنتي اني اخذتها وارجع.
وجهالك هم اخذهم اني شسوي قابل الله يطلعها بالسلامه يارب.
عصام ماكو روحه أبقي حالج حالنا اذا بهيج يوم ما ثبتي نفسج شوكت لعد.
أزهار سكتت وما حجيت اخذ الجهال وراح رجعت بصف أمي ومروان حاط راسه عالحايط ويدك بي وعصام لازمه وعمار يهدي وهو قافل كل شويه يدفر كراسي الاستراحه وعيونه انطعن دم يبجي اول مره اشوفه بهالحاله صاحوا عليهم ياخذونها للغرفه.
مروان تحرك بسرعه وطلعوها من الصاله جسمها كله كانولات وبطاله الدم والمغذي والمسكن وحالتها حاله الوجه اصفر عبالك ما بيها روح وتحجي ويه نفسها
أسيل يمه يمه يابه يابه حسن حارث يابه راح أموت مروان وينك مروان وتصيح بصوت عالي موتني خلصني موتني الوجع يذبح.
أزهار جان صوتها بس صريخ والشفايف زرك على أصفر شكلها يكسر گلب يبجي حتى الصخر دخلوها للغرفه ومر الوقت واكفين وبعدها طلعوا الكل صاحوا لاحد يدخل يبدل الها وامي مشت وأمها رادت تدخل ومروان وكف بالنص
مروان ما يحتاج أحد يدخل.
أزهار عاف الكل بصدمه دخل وامي وراه وأمها واكفه مثل الصنم المفروض هالشي هيه تبادر بي لان بنتها قطعه من روحها وهي لا بس واكفه دخل مروان هو وأمي وهناس اجتي جايبه تراك وملابس الها وخاولي وهالسوالف أخذتهن امي ودخلنا وهناس سدت الباب واني وكفت يم الباب امي وهناس بدلن الها لبست ملابسها وهناس مسحت وجهه بكلنكس مرطب والاجهزه مشكله عليها حالتها ما مستقره عدها مضاعفات قويه طلعنا والممرضه ضلت يمها هي وأني وهناس طلعنا تغسل ومروان يحجي وياها.
مروان هناس الله عليج خوما بيها شيء لا تخوفيني
هناس مروان شگولك حالتها ما تعجب يعني دكاتره شنو شغلهم مطلعينها هيج ودمها مصفر اقلها يخلولها بطلين دم نوب ومغذيات جسمها كله يرجف مثلجه ما سوينا شي جبناها مثلجه وهي مثلجه رجليها ندبات زرك يعني اله تموت لا سامح الله حتى نفكر الافضل تحولها على غير مستشفى
أسيل وضعها حيل تعبان
مروان هناس توها سوت عمليه شون احركها وافرفر بيها وحالتها ما مستقره شتحجين أنتِ.
هناس لعد دكتورها عليش سوه العمليه وانهزم
مروان هسه اشوفه
ازهار راح يشوفه ورجع هو وياه يتمشى دخلت وهي متغطيه بردانه اخذ يقيس حراراتها والضغط يسمع دكات كالها يفتح بعيونها
دكتور زين مرت ساعتين عالعمليه حتى اثر البنج راح ليش هيج أنطيتوها علاج إلى كتبته
الممرضة جاوبته دكتور اي علاج ما استلمنه
مروان بس عمار أخويه جابلكم العلاج وين راح
ممرضه اخي ما استلمنا اي علاج.
أزهار طلع مروان وره دقايق رجع جايب علاكه علاج شكلوه الها شويه ونامت مسح ع رأسها وأمها تبجي دموع التماسيح هاي لو امي كطعت نفسها عليها وهي جنتها ضغطها ما نزل اسيا حايره بيها وعصام حاير بابويه عبالك بنتهم شبعوا قهر ابويه الدمعه بعينه تلمع
مرت ساعات فرغوا المستشفى من الزائرين كالوا يضلون اثنين مرافقين بس من أهل المريض زوجها او واحد اقربائها
هناس اني اضل يمها
مروان اني ما اتحرك من مكاني.
وصال أني هم اضل بنيتي ما أعوفها سوده بوجهي
جنان اني جهال حسن ما أكدر امن عليهم يم هديل تكتل بيهم اروح والصبح اجي عليها
مروان لا تشوفيني خلقتج بعد الما تحسب حساب بنتها هسه لا تحسب حسابها باجر الاهتمام اليجي بغير اوانه ماله فايده حتى الغريبه حنت عليها وهي شريكتها وما عافتها وبادرت بموقف مشرف اكثر من تاريخج
جنان مروان اني ساكته لخاطر بنيتي لا تخليني انطلق عليك.
مروان شو دنطلقي متلوكلج كلمه بنيتي لان هاي تمثيل فاشل عليمن أم حارث عليمن هالتمثيل
وصال مروان اسكت أبني عيب وجنان سدي السالفه وروحي على جهال ابنج احنه اهلها وما نقصر وياها
أزهار شالت عباتها بنار ومشت تهف وتباوع بحقد لمروان مروان حجز غرفه ثانيه النه بجناح الخاص ابويه ما عافنه وعصام وعمار وواسيا راحت ادير بالها على الجهال واني كاعده اجه عمار حط ايدي على جتفي
عمار تصير زينه لا تخافين.
أزهار عمار هواي عانت وينها وين العمليات طفله هاي ثاني عمليه عاشت حياتها بين الابر والمقويات شون تتحمل
عمار سباعيه اسيل.
أزهار أباوع عليها بجيت من كلبي بحركه اشكد انضلمتي يا اسيل صدك كسره الاهل محد يرممها كلهم راحو بس حارث بقا وعصام ما قبل لان جهاله ومرته وحدهم أبويه دزه واحنا كاعدين على امل تصحى وتكعد تحجي ويانا هناس كاعده يم رأسها لازمه ايديها تفرك بيهن حسيت بحنيتها بنظرتها الدافيه الها كأنو اخت الها عاملتها بطيب أحسن من أمها وهي غريبه
مروان من الصفحه الثانيه يمسح ع رأسها لحد ما تململت وكعدت تون.
أسيل يمه يمه وينج يمه أريد أمي
مروان ها يابه ها عيني اني يمج شتسوين بأمج رب الحلو
أسيل انت وينك ما اشوفك وينك راسي موتني اريد مي عطشانه مي مي واتردد اكثر من مره
أزهار رفعت رأسها علينا وشافتني ما خلت تفشوره ما فشرتها عليه وعلى اسيا تسميها اللوكيه
أسيل كلجن لوكيات أزهار أنتِ حيه من جوه ما تحبيني حيه.
أزهار يبوه عزا نزلت علينا كلنا حتى امي لاحها طشار ومروان يسكت بيها وهي انطلقت اثار البنج بيها بعد وشويه وكامت تتقيء وهناس لازمتها وهي ادفع بيها
أسيل وخرري خطافه الزلم وخرري بگتي مروان من عندي أخذتي وهو مالتي حبيبي والله ما انطي الجن بس اليه انطيجن وجع وسم بكلوبجن
مروان لج أنفضحنا أسيل عيني لسانج
أزهار لسانها انطلق واحنه نضحك عليها وعمار يصور بيها ومروان يحجي يريد ماكو قافله وتصيح.
أسيل راسي راسي موتني راسي اريد مي اريد مي
أزهار ما يقبلون دكاتره لان كبل تتقيء لحد الفجر يلا صحت على روحها واجو شافوا الخياطات عقموها وراحو وهي كعدت جابولها عصير وبسكت خفيف تاكل بس هي ما تريد
أسيل ما أريد لعبانه نفسي طلعوني منا طلعوني.
أزهار مروان يهدي بيها وبعدها كلهم راحو وبقيت بس اني وياها وهناس اخذناها للمغاسل بيها دوش وحمام كامل دخلت هناس وياها واني لازمه الملابس لبستها بس قمصله التراك وغسلت رجليها من ديتول ونشفتها بالخاولي غسلت وجها ونشفتها هناس طويله كالتله
هناس اسيل بس شويه حته الم شعرج.
أزهار لمت شعرها ولبستها شال خفيف حتى لا تضوج منه مسحت ايديها بمعقم متكدر تغسلهن لا كانولات من الجهتين طلعت ولكت مروان بالغرفه ينتظر لونها يباوعلها بخوف وهي تتململ موجوعه
أسيل مروان وجع مو طبيعي.
مروان هسه اصيح هذا ابن الكلب ينطيج مسكن
أزهار رجعناها لسرير وأجوا انطاها علاجها ومسكن.
مر يومين بقينا اني ومروان يمها وهناس راحت وياهم دزيناها للبيت لان حامل تتعب واسيا يم الجهال وبنتي تبهذلت امي تجي وتروح من تشوفها ضغطها يعلك ومروان ما يقبل تضل رايحه جايه نخاف عليها وهي باجر كالوا يطلعونها...
كاعدين وهي نايمه ومروان يم?أسها يقرأ قرأن
بالموبايل ودخلوا علينا ابويه وعصام وعمار وعمي داوود ورافع الغرفه صارت ازدحام وامي وياها هناس ها شجابج.
هناس اجيت وجبتلها ملابس أسيا صعدت جابتلي شلونها اليوم
أزهار لا الحمدلله زينه فدوه بنتي شلونها
هناس لا زينه اليوم اخذوها المركز مجد وعمار اخذوها لايضل بالج ما بجت هواي ساعه ساعتين وسگتت
ساعه ساعتين ومو هواي
أي شبيج هما الجهال كلهم يبجون كلهم مرضى
ما ادري گلبي نار عليها أجت وكفت بصفي وابويه وعصام واكفين ورافع مقابلنا عيونه صارت عليه نزلت?أسي وهناس ضربتني بكتفي شكو
منو هذا يباوعلج
أبن عمي.
وأذا ابن عمج شعنده يبصص يياوعلج صدك ما يستحي.
خرب سگتي لسانج سكتت وهو يسولف هو وياهم بس بثواني يخطف نظره أستغفر الله اكولج خل نطلع منا.
أي عفيه أختنكت أمشي
طلعنا اني وياها برة وأمها أتصلت عليها وحسيت عصبيه لان هناس توضح الها
هناس اي خلص ماما راح اجي اي هسه گتلج هسه تمام ما اتأخر...
أزهار شگو شبيها أمج
هناس ما بيها شيء بس تگولي تعالي البيت يله اني اروح أفوت أسلم على أسيل واطلع أروح أشوف أمي.
أزهار تمام براحتج راحت ضليت كاعده توني ردت أكوم اجه رافع مشيت سريع وأستوقفني بكلامه
رافع هل المره شيوخ معگله ما تأخذج مني والله أسويها دمايه وما أخلي غيري يتهنىء بيج.
أسيل ترتيب حياتي صار شكله تعجيزي بالاستقرار ما مكتوبلي الراحه أبداً اليوم خروجي من المستشفى ومروان راح يكمل الأوراق وياخذ التعليمات كالوا 10 تجين نسحب الخيط ونار بصفحتي تشتعل حتى النفس كوه اسحبه من الوجع أمي مرتين اجت تحجي وياي بس مروان ما طايقها أبداً كعد يمي لازم ايدي
مروان شلون صرتي
أسيل الحمدلله مدالله روح نام تعبت أنت هواي
ما يجيني النوم وأنت هنا من فدوه لعيونج ماعوفج وأنتِ باعز حاجتج الي.
حبك كومه
كومه مال قش
ههههه احبك اهوايه
هوايه مال ملايه
مروان
عيونه الماشافن النوم بغيابج
أشتاقلك وانت يمي
غير تطلعين حتى انومج بحضني ميت على حضنج
والعمليه شلون
من صفحه الثانيه اخليج
وأنت مو تروح لدوام منو يداريني
ً أمي موجوده وأزهار والكل يحبج
وهناس
شبيها
موقفها كلش حلو
مو أكولج تتصرف وياج على نياتها بس أنتِ ما تفهمينها
طيب اتحبني مثل ما تحبها.
ارجع واكلج أنتِ شي مختلف بروحي انتي شحجي دائما الكلام ميعبر عن الشعور افعالي هي تحجي نضرتي خوفي قلقلي أحساسي اليرجف بنظره منج دمعتج كفيله تخليني ابجي
اني ليش احبك مليان حنيه اخذ ايدي باسها هما كلهم كاعدين ويحجون اجا الدكتور وهو عدل نفسه وكف سلم عليه
دكتور اي شلونها اسيل
أسيل عندي وجع بالعمليه هواي.
اكيد يصير عندج لا تخافين عمليتج نضيفه وناجحه بس حاولي تحافظين على مستويات دمج ونسبه الحديد تضلين عالعلاج إلى كتبته بالأنتظام وحاولوا طفل حالياً ما يصير وانتوا اعلم بصحتها ما يحتاج ابلغكم أو اوعيكم على هذا الموضوع.
أسيل ان شاء الله دكتور ما قصرت
تدللون يابه هذا واجبي ما تشوفين شر معافيه أسيل
الله يعافيك دكتور راح هسه اطلع ويي راح ارتاح تعبت وأخيراً
مروان اي گلبي اذا ما بيج تمشين راح اجيبلج الكرسي.
أسيل لا حبيبي شسالفه هسه امشي وياك وأجتي ازهار هي هناس ودخلوا عصام وعمار.
أزهار شلونكم اجينا ناخذكم بابا مسوي عزيمه شكبره بمناسبة سلامة أسيل.
عمار تستاهل الورده مرت أبو الحكم بعد
مروان لا تضل تصبغ حتى تاخذ المعلاك ادري بسوالفك امي كالتلي.
عمار عوذه شكد نحس بحال المعلاك مالتكم
عصام الحمدالله عالسلامه عيني
أسيل ربي يسلمك عيني أبو كرم.
يله أستعجلوا تأخرنا الوالد منتظركم يريد يذبح بسلامتها وعمامي كلهم موجودين.
يله ما عدنا شيء يله أسيل.
نزلت ومروان احتضني من كتفي ويمشي بطيء ويمشون ويانا عمار سجل خروج ودفع التكاليف وإجا ويانه شغل السياره مروان صعدني وإجا من الصفحه الثانيه احتضني نمت على كتفه بين ما وصلنا وأزهار وهناس ويه عصام ونزلنا اني جنت لابسه تراك وفوكاه عبايه مفتوحه مروان سدها ونزلني كلهم مجتمعين بالحديقه كام رافع لازم طليان اثنين ذبحهن وعمي كمال احتضني شفت ابويه عيونه مدمعه وحزين أجه سلم عليه احتضني وباسني صح مو ابويه بس رباني جان احسن من امي وجان يحبني حالي حال ولده وبناته مو أمي أنخلقت من روحها ولا عبالك بنتها.
ابتعد ما حجه شيء وحارث اجه وسلم عليه وحسن هم وعرفت العلاقه راجعه متحسنه وعمامي كلهم عمي داوود وعمي فاضل وجديتي وحلكي انعوج
دخلت للبيت وهناس مشت كدامنا دخلت لغرفتها وما طلعت اني كعدت بغرفه عمتي أسيا وعمتي اجتي سلمت عليه وجديتي وعمتي كاعدات ويسولفن ودخلت هناس اجت سلمت عليه وكالت.
هناس يله عيني أني حدي لهنا اروح كافي بعد أمي لوحدها واني وجودي غلط بحياتكم بس شبعت أذيه وصعبه عليه وأولها أحسن من تاليها وأمانه الله اي شيء تحتاجين اني وايفين موجودين اني تعبت وهالبنيه شلعت گلبي خاف من أدخل السابع أولد لأن بطني نازله.
أسيل لأ أن شاء الله ماكو شيء يخوف وربي يكومج بالسلامه أنتِ وبنتج
هناس الله يسلمج
أسيل سلمت عالكل وإجه مروان سلم على جديتي وشافها متحضره.
مروان ها خيرج شو هسه دتغدي وأوصلج
هناس لا عيني بيت العامر ان شاء الله عليكم بالف بالعافيه وان شاء الله أخر الاحزان ما بيها غير العافيه
مع السلامه.
أسيل طلعت واحسها مخنوگه وكوه تحجي خاصه من أجه هو وصا? گبالها توترت وعيونها يلمعن بس تكابر وتباو? بالوجوه كأنما أحد يوكفها ويكول إلها ابقي واتنازلي عن الطلاق لكن عبث الكل ساكت وما ناقش مبين علر وجوهم الآنزعاج وعدهم الرضا بهل القرار بس ما بينوا هالشيء وراحت هناس...
مر الوقت وأني كاعده مروان كل شويه يجي ويروح اخر مره گال
مروان ما تعبني تنامين خوما تضلين كاعده
أسيل صرت جنازه يلا اترخص منهن خل اروح انام.
حتى غدا ما أريد
مروان لا خل نتغده وطلعي غسلي وبعد لأترجعين عود اني اوصي امي تترخص منهن
ماشي جابو الغده معلاك وعمار يركض وره مروان
بشرفك بس لفه صار ساعه اشوي بي عيوني صارن سماد
من تشبع انطيك لا تصير جوعي
مروان انطي سواله لفه وانطه وهو على أساس زعلان يهز براسه ويباوع عاللفه
عمار ما أريد ما أريد بالطلاك ما أريد
أسيل وكلها تضحك كلمته
مروان هو دخل نلكالك وحده بيها خير ترضى بيك.
عمار والله موجوده أسال عمتي زينب بس ابوك معند يكول وين تسكنها هم يمنا انت ما تنجرع واني اريد يمكم اعيش اني جيت من الخارج علمود اعيش وياكم لو اكضيها من بيت لبيت.
مروان اندري غير مسربت بس گول صدتلك صيده وتريد ابويه توافق وهاي دروبك نعرفها أصلاً أنت ما تريد تعيش يمنا.
عمار لا شسالفه جده احجيلج كلمه
الحجيه والله شو كمت ما صدك بيك شو البارحه بليل تگولي خلي ابنج المصون يبنيلي مشتمل بالحديقه.
وأنتِ أصلاً ما حاجيتي وياه ادري بيج
لا حاجيته وكال هذا المكان اريد أبني بي بيت لمروان
أسيل باوعت عليه صدك تحجي
اي صدك يبني بيت اليه
كول على شُنوْ خايف تريد ترجعها وتكعدها بالحديقه واني تخليني نكره هنا طبعا صرت سكراب شتسوي بيه
يمعوده والله الج
جذاب والله جذاب السويت هم كلت الج وانطيته الها شلون أصدك بيك بعد
سوده بوجهك يا عمار حبايه بخشمك تطلع كون ليش فتحت عالموضوع.
اني دخنت عفت الخبزه وما اكلت هو ضايج وعافني وكام واني لفيت?أسي ونمت وابجي ما اخلص منها ما اخلص تاريخ اسود صار بحياتي جيره ولزكت بكصتي من اجي تطلعلي ندبه سوده بحياتي
نمت وتغطيت بالبطانيه وجديتي تحجي عليه
الحجيه شگو بس تتزعلين شگالج هو مو تشوفينه يريد رضاج وخاطرج لا كل سالفه تسويلج زعله وتشيلن خشمج عليه هذا رجال مو جاهل تمشينه على كيفج كبري كبري عقلج هذا كبري.
أسيل ما حجين وعمتي وصال أجتي وتحجي هي وجديتي
وصال تعارك هو واخوه ذبه قهره منج يأخوه يله أنتِ العاقله گومي لغرفة مجد أرتاحي
أسيل اخذتني نمت عالسرير وتغطيت لكيت تلفوني على الميز شسيوي هنا فتحته ضليت اكلب لحد ما غفبت وونمت كعدت لكيت مخلي راسه يم شعري ونايم خليت ايدي على وجهه فز كبل يباوع بعيوني مثل إلى مسوي جريمه ويخاف منها.
مروان بس أنتِ بگلبي لا تخلين الافكار ترسم طريقها بخيالج واتعبج وتعبيني وياج.
بسببك انت كمت ما أثق بيك مستحيل تترك هناس بهالسهوله أنت ما تتخلى عنها ولا هي أصلاً مصدومه بيكم شلون حب أربع سنوات أنتهى بهل السهوله
اني ما تخليت عنج، اتخليت عن هناس مره ومره ثانيه هم اتخليت بس لحد هذا يومي ما اتخليت عنج رغم جنت أكدر اعوفج بس ما عفتج رغم كلشي صار ولا راح اعوفج لحد ما أموت.
اسم الله عليك يروحي خليت راسي على كتفه ورجعت غفيت باسني من خدي ويمسح على راسي بكل حنيه.
كعدنا المغرب على أصوتهم بالصاله والجامع يقرأ قرأن وأمتحاناتي تأجلت
ضليت فتره بغرفة مجد عمتي اداريني وأزهار هم ما قصرت كلما تجي من الدوام تمر تسلم عليه وتصعد وامي مرتين اجت مرتين حالها حال الغريب وهديل مره وحده اجت سلمت وراحت وعرفت بيها راجعه لسيف وأجتني فرحانه صح هو تزوج وهي أنكسرت بس مع ذلك لم شملها هي وأطفالها صدك ما گلتيلي منو رجعج.
هديل الناس الأوادم رجعوني خوما مثل شگلي ما خليت وجه ما خرمشته كرهت بنفسي بكل البشريه أمي خلتني محراث شر ل أعمالها وحقدها.
منو رجعج
عمي كمال وعصام وحارث هما تدخلوا بالسالفه ومحاجين سيف ومفهمينا على گلشي أي ورجعوني
الحمدلله وشلونج مرتاحه
أي الحمدلله بيتي لوحدي على أقل?أسي جهالي يمي خلصت متت من الخدامه امي خيست صفحتي
الله يسعدج ويهنيج بحياتج ديري بالج على جهالج.
أبتسمت ودعتها وراحت حسن اجه اخذها حارث واسماء يوميه بليل يجون يتعللون ويرحون مرت أيام وسحبت خيط مكان العمليه والجرح طايب مروان وياي خطوه بخطوه داومه صار يومي يروح الصبح يرجع ورى الظهر بفضل عمي ربي ما يحرمنه منه
مرت أشهر صرت أحسن وضعي وصحتي أستقرت وملتزمه على العلاج بأنتظام الحمدلله وخلصت السنه دبرتها بأخر ايام بالكوه وأمتحنت ونجحت.
اليوم عندي مراجعه يم الدكتور بس خايفه من شيء وكاعده وأبجي ونفسي تلعب ودايخه الشهريه ما نزلت مر عليها 12 يوم خمنت خربطه ماحاطه على بالي شيء ثاني لأن كل شه? نفس المعاناة ماكو حمل وأساساً الدكتور منع الحمل حالياً الا يستقر وضعي الصحي.
نزلت لكيتهم مخبوصين وفرحانين ويخابرون أستغربت شگو شبيكم فرحونا وياكم
أزهار هناس جاي تتولد
أسيل اها بالسلامه كعدت وأزهار تحجي على التلفون.
أزهار ها وين أنت يعني رايح المستشفى أي مو وأبويه راحوا كدامك وگالوا خل يجي اهاا خابروك ماشي عيني بالسلامه يارب عود طمنا نتتظرك.
أسيل عرفته رايح المستشفى ضلينا كاعدين وازهار على أتصال وياهم وفتحوا كاميرا عرفت صايرتلهم بنيه وسماها سيدرا فرحتله تتربى بعزك ودلالك...
للعصر هو ما بين ولا أجه ولا أتصل ولاسأل ولا أني أتصلت كمت لبست وتجهزت أخذت تقارير مالتي والفلوس ونزلت لكيت أزهار رايحه المستشفى عمار جاي مأخذها بس أسيا موجوده ومجد
أسيا ها أسيل وين
أسيل عندي موعد مراجعه يم الدكتور ومروان تأخر عادي أنتِ تروحين وياي
أسيا أي عادي تدللي بس هسه يجي عصام يم رافع علمود ابقي الجهال يمه وأوديج.
أسيل ضليت كاعده أنتظرها واجه عصام حجتله وافق خطيه لبست واجتي ومجد وصلنا العياده دخلت عليه ويحجي واني بالي مو يمه كتبلي على تحاليل اخذتهن ومشينا سحبولي الدم وطلبت تحليل حمل على الرغم متاكده ما عندي بس هيج اريح گلبي وكعدنا نتتظر مر وقت وأسيا تلفونها أتصل وكامت تحجي يمكن علمود هناس يستحن يحجن كدامي صاحوا اسمي كمت رحت عليه باوعلي أبو المختبر العفوا تحليل الحمل طلع
أي
أكو حمل
أي مبروك أنتِ حامل
أسيل حامل!