رواية بين قلبها وعينيها كبرياء للكاتبة شمس العراقية الفصل الثالث والخمسون
أسيل على السريع فتحت الباب ودخلت الغرفه وگلبي يدك سريع وميته خوف ياربي إنقذني منه يارب الطف بحالي راح يموتني هالمره يقضي على حياتي خلاص هاي نهايتج أسيل ضربت گصتي بقهر اني الثوله شلون نسيت عمار موجود حتى لو مجد التحق عمار بالبيت رجع من الخارج يالعوبه طاح حظي شلون طلعت بهذا لبسي ومروان شافني يمه گلبي اني ولا أتوب ولاتصيرلي جاره أضل مخربطه.
لازمه گلبي وأدعي وأنفتح الباب أبتعدت ميته خوف ماكو عضو بجسمي ما يرجف وداخل رعب مميت وكل خلايا جسمي ترعص صار بيه صر? من الخوف والافكار اللي برأسه تربعت ب?أسي دخل وباوعلي من رجليه لشعري وركز على شگلي وحجه وهو يحاول يسيطر على أعصابه ويتمالك روحه
مروان خل ينزل أخويه ونتفاهم ما أريده يحس ويأخذ على نفسه لن السبب منج مو منه السبب والعيب بيج بس أصبريلي راجعلج.
أسيل طلع وقفل الباب وراه كعدت على الجربايه أضرب على وجهي وكاتمه صوتي خلي يموتني اني فگر مو مال فرح عود فرحانه بنفسي طلعني لمطعم وتعشينا وإفترينا وتونسنا وجانت من العمر آستلمي
إلا ضربج يصير عمل شعبي اذا ما صعد وكام يدبج عليه ادبج أني مو أسيل.
مر وقت وأسمع الباب ينفتح بالمفتاح دخل وتقرب لزمني من كتفي لازمني من الثوب ويعت بي بس يحجي بصوت ناصي لن ما اريد احد يسمعنا.
مروان لج شمطلعج برى بهذا لبسج لا وفاتحتلي الشعر أحد گايلج مروان ينتظرج بالحمام عارزز فاسده
أسيل والله ما أدري نسيت ما عبالي أكو احد ومثل كل مره بس أني وياك ومجد ملتحق نسيت عمار ما اجه على بالي.
عمار نسيتي حقج وعاذرج ما متعوده عليه جان مسافر ماشي وميخالف اجي وياج وأهل البيت الباقين أبويه عصام مجد ما گلتي لنفسج أني ساكنه بوسط عيال صاعدين نازلين لازم أنتبه وأحشم روحي وأستري معالم جسمي لا أنتِ الافنديه الحسناء طالعتلي بثوب النوم مروان الليل كله جان متولع بي وكملت أخوه شافج بي.
ولج ليش ما تصيرين مره وتفكرين بنفسج لو ما تحسبين حساب بهيج أمور عقلج ليش متشغلينه طايحة الحظ.
بس أنتِ وحده ما حاشمه روحج ولا تردين الستر كل درب مشيت بي وياج ضرب ضربتج حجي وحجيت عليج قساوه وقسيت شسويلج بعد أكثر من هيج يعني الغباء والثول العندج ماله وصف وتتعمدين الغلط عمداً
دفعني بس ما ضربني أبداً رجع وجهلي كلامه
شوفي ولج لاتخبليني وياج لن باقي بتوالي عقل.
ومنا وهيج تسترين وتتنبهين كلش زين حجابج ما ينزل من?اسج رگبتج لو صدرج اذا اشوفه طالع ما تعرفين شسوي بيج فه ستري روحج وأعرفي نفسج أنتِ ما عايشه لوحدج بهذا البيت فاهمه.
فاهمه والله فاهمه وعد ما يتكرر اللي صار
لا هاي العايزه يتكرر علمود گبل أصعدج أعدام
هزيت?أسي وقبل لا يطلع وكف يم الباب گال.
لا عبالج أشك بإخويه مستحيل تراودني فكره عن أخواني بس الغلط راكبج من?أسج لرجليج وأنتِ كلش تعرفين نفسج بهاي طلعتج ولبسج أنتِ غلطانه
أي
وجعي التوجعج أمشي كدامي سبحي يله
بس البس
يله واكفلج برى هو تالي أصير مثل عصام وأسويلج سويت وأخلص من السالفه كلها.
ما حجيت وعافني وطلع مزعوج لبست شيء فوك ملابسي وطلعت ماكو أحد ركضت الحمام سبحت وتسترت وطلعت باوعت من فوك شفته باوعلي معصب نزلت دمعتي لو تدري شكثر أحبك وشكثر تعبك منك وياك تعبت ما ضلتلي طاقه يوم عن يوم أستنفذ طاقتي وياك
مسحت دمعتي ومشيت ودخلت غرفتي مشطت وكملت نفسي ورتبت غرفتنا وغسلت ملابسنا عمتي صعدت الحمام أخذت ملابس عمار شافتني اغسل الحمام أبتسمتلي ونزلت.
بقيت بالغرفه كويت كل ملابسه ورتبت شغلاته على الميز ساعاته ومحاسبه وهل السوالف ضليت الهي بروحي ما اريد انزل ويضل يباوعلي يگتلني بنظراته كلها شگوك وضياع وأنعدام الثقه.
أنفتح الباب ودخل هو ضليت هادئه وأرتب العطورات واحد بصف الثاني تقدم سحب الشاحنه ونزل بدون كلام وتالي نزلت وراه أسيا تصب الغده وكلهم موجودين وساعدتها وكملنا وكعدت بصفه.
بالگوه أبلع اللكمه كملت واني غسلت المواعين لن أسيا جهالها شدوا عليها واخذتهم وراحت وهما ضلوا كاعدين صبيت الجاي وشافني اجه اخذه مني
مروان خلصي وصعدي الغرفه.
أسيل اي هسه رجعت كملت شغلي وصعدت الغرفتي حتى ل ازهار ما رحت ولا شفتها اليوم عمتي طول الوقت يمها وشغل وتنظيف البيت أم شامل من الصبح تجي تنظف وتروح والغده اسيا لن طبخها نفس طبخ عمتي متعودين عليه.
ولاحظت هواي أشياء حلوه بيت عمو كمال رغم أغنياء بس مو دائماً يطلبون اكل من المطاعم ولا دائماً يطلعون سفرات ويسافرون للخارج مثل ما نشوف بالمواقع والستوريات ولا دائماً يطلعون السوك والمولات ولا مثل اسمع ضباط وحمايه
لا ماكو هيج شيء بس عمي والمناسبات الضخمه والاعراس لن الحذر واجب.
وشيء حبيته بيهم كلهم ملتزمين بصلاتهم لن عمو كمال وعمتي وصال يصلون فه البقيه على نهجهم وحبهم لبعضهم وخوتهم وحنيتهم على بعض الغلطان ما يعوفونه لوحده بس يعاقوبنه والجنه ما يصيرون ضدها بس يخافون الله بيها يعاملونها معاملة بنتهم وأعز والصلة الرحم ما مقطوعه علاقتهم بيت عمهم فاضل وبيت جديتي وحتى
بيت عمي داوود يعني بالمختصر بيت عمي كمال كلشي بيهم حلو ومتواضع.
إضافه أنظمه وقوانين ثابته والكل يطبقها ويمشي عليها وقتها صفنت مو كل نفس بيت عمو كمال ولا الكل نفس ازهار عدها اهل واخوان اكو بس القليل مثلي اني عائلتي في تشتت وهلاك وضياع دائم.
مرت ثلاثة أيام هو ساكت وما يحجي وياي أعرف بي يعاقبني بسكوته وتجاهله وهذا الشيء موتني قهر ما متعوده على سگوته.
العصر كعدت هو مغير ملابسه وطالع طلعت من غرفتي باب غرفة ازهار مفتوح واسيا يمها عادي ادخل
اسيا كلش عادي تعالي.
أزهار تعالي حبيبتي.
أسيل كعدت يمهن ويسولفن عادي اريد اسألجن
اسيا سألي
اسيل ما اعرف شلون أحجيلجن بس يعني اذا شخص بس ساكت شتصرفون وياه
اسيا اوبا علاجه عندي هذا يمارس عليج الصمت العقابي شوفي انتِ هم مارسي عليه الصمت العقابي المعامله بالمثل هسه يشوفج ما متأثره بغيابه ويكول هاي ما فاد وياها الصمت ولا مهتمه يعني يمل ويجيج هو يبادر بالصلح لن الزلم ما يصبرون مو مثلنا.
أزهار اوكفي عيني اوكفي اسيل لاتسمعين من هاي تهجم بيتج والله لاتخلين ولا كلمه ب?اسج منها.
اسيا ليش ولج
ازهار لن مو كل الزلم نفس عصام قلوبهم طيبه ومروان مو نفس عصام وكلمن عقله وأطباعه
بيهم يفيد وياهم كلامج وبيهم لا والله يزيد المشكله ويكبرها مثل مروان اذت سوت مثله ومارست الصمت العقابي المعامله بالمثل راح يزيد لن مروان يتصرف بعقل ما تحكمه العاطفه نفس عصام.
يعني لازم تركزين على هالجانب عصام عاطفيّ ومروان عقلي ويكون عاطفي في حال جان الوضع تمام بدون عائق بالعلاقه.
أسيا والحل
ازهار تراجع أساس المشكله ومن شنو السبب ومنو صاحب المشكله اذا هو تبادر مره اذا ما أستقبلها تنسحب اما اذا هي شيء اكيد هي التبادر.
أسيا والله بالأساس ما تبادر لن المبادره مو لنساء.
ازهار أسيا مروان يختلف لاتخربين عقلها يمعوده مو كل الزلم نفس رجلج وبعدهم بداية زواجهم وأكيد ما متعرفين على بعضهم بهواي أمور ولازم تدرس طبيعة العلاقه وتتعرف على? كُل أطباعه وتصرفاته ومن داخله شُنو ومنو أذا ما تكتشف الأنسان الداخله ما راح تكدر تتعامل وياه.
أسيا هاي مهمتها بعد وعن نفسي أشوف شخصيه مروان أنسان عاقل تعجبني شخصيته هادئ بالأمور تطلب الهدوء وعصبي بالأمور تتطلب العصبيه يعني أنسان شخصيته مكس من كل الشخصيات والأطباع الصعبه والسهله.
أسيا لحد الان ما جاي أكدر افهم شخصيته هواي اكو امور جاي أعاني منها واحتاج نصائح وكلامكم يفيدني
أزهار كلام أسيا صح ونفس الوقت حنون وعاطفي اذا كان مرتاح لشخص المقابل واني اكثر وحده تعرفه صح ما يحجيلي دائماً بس اعرفه.
يعني مختصر الكلام يا أسيل لازم ما تطبقين كل التجارب اللي تمر عليج ولا كل كلام ينكال الج ولا كل نصيحه لن كل واحد وشخصيته وأطباعه والرجال ما ينحرزون بيهم الصعب والحنون وبيهم السهل والقاسي والحياة تجارب نستفاد منها مو نطبقها نتعلم مو نغامر نكتسب من الحديث العبره.
وحاولي أنتِ تتكيفين مع طبيعية علاقتكم وتلكين الحلول لكل مشكله تواجهينا لن أنتِ الأقرب وأعرف لا اني ولا اسيا نكدر نفيدج ننصحج أي ونقدملج الدعم بس ما نكدر نفهم طبيعة علاقتكم ومشكلتكم هذا الشيء يقع على عاتقج مهمتج أنتِ تكدرين تفهمين شخصيته وتخلينه يفهمج ويتفهمج صح إلى صار صعب عليكم أثنينكم بس لازم تتعدون وماكو مشكله ما إلها حل ولا راحه بدون تعب.
أسيا ليش شنو صار!
ازهار ها لا هيج اقصد زواجهم بسرعه والمشاكل اللي صارت هديل وهل الامور ما نريد نفتح الموضوع.
أسيا ماشي عيني يله اني نازله
أسيل طلعت وضليت كاعده وياها
أزهار مروان اذا تكسبينه أنتِ التربحين والله
أسيل أي وهشام أتصل عليها وترخصت منها وطلعت ضليت دايخه ومحتاره بكلامهن وصفنت المشكله جانت مني المفروض احجي وياه وافهمه واصلح الخطأ ونوصل لحل خوما نضل هيج هو زعلان وأني باقيه عايشه بدوامة أفكار وقلق وتوتر.
لليل هو ما اجه على العشه كاعده بالغرفه وصافنه ودمعتي على خدي تذكرت أهلي وحزوا بگلبي حالي حال اليتيمه لا اب ولا أم ولا اخت ولا اخ حتى أتصال معدوم على الرغم اكو خط تواصل وكثرة المواقع بس الصله بين الأهل والأبناء معدومه.
أسمع سوالفهم ضحكهم هما وبنتهم وأصواتهم قريبه مني وانفتح الباب دخل مروان بإيده الكرزات والحلويات خلاها بالثلاجه ورتبها وباوعلي.
مروان ليش كاعده لوحدج گومي كعدي وياهم.
أسيل لا خليني هيج مرتاحه.
ليش عازله نفسج امشي حتى أسيا موجوده
لا خليني
علي راحتج
طلع وماطول ربع ساعه واجه وقفل الباب وغير ملابسه واجه تمدد وفتحلي حضنه
تعالي يمي
ضليت مستغربته وأباوعله ورحت عليه نومني بحضنه وهدوء فقط أنفاسنا ونبضات قلوبنا وضلينا في حالة صمت وبعدها گال
گومي سويلنا كعده مال سهره من كرزات وهل السوالف.
ماشي كمت طلعت الكرزات والحلويات والجبس وحضرت كلشي بالصينيه ورتبت هم أشغل التلفزيون.
لا ما يحتاج ما اريد هوسه اريد هدوء واني وياج
وجيبيها على الجرباية.
تمام خليتها بالنص كعدت وعدلت كعدتي ورفعت شعري بالقراصه وهو تقدم سحبها وفتح شعري ونثره ورجع أرتاج على المخده وعدل كعدته وطلع جگارته ودخنها ونفض الدخان وشال لوز وخله بلحگي
بدينا نأكل واني هم شلت فستق خليتها بحلكه أكلها وباسني من اصبعي أبتسمت رجع يكرز حب
وگال.
الأنسان إذا أهله ما أحتوه يضل في ضياع ويدور على الحب والاحتواء بغض النظر عن الطريقه اللي يحتوي بيها مو مهم الطريقه وشلون ويمتى فقط الشيء الاساسي والمهم عنده الاحتواء والأمان إلى حصل عليهن واني هذا الشيء شفته بيج وعرفت طبيعة النشئه بيت أهلج.
يحجي واني مركزه بإذن صاغيه بكل كلمه يحجيها
وأهلج في هلاك دائم لن الأساس منخور
وأساس البيت الأم ثم الأب التربيه ثم القياده.
ما جاوبته لن كسرة الأهل ما تنسي ولا تنحجي تضل بالروح ما تروح
أسيل بابا أنتبهي على نفسج وتصرفاتج وحتى أطباعج أني مو بس أريد انظف عقلج وأفكارج لا اريد أعيد تركيبته من الأساس وازرع الخوف بداخلج علمود تعرفين تميزين بين الصح والخطأ بغض النظر عن معاملتي وياج شلون كانت بالأول وشلون صارت يالأخير والوقت كفيل بالتغير والمعرفة الدواخل مو معنى أنطيج الأمان تنسين نفسج.
أن شاءالله
ما أريدج تخيبين ظني بيج.
أن شاء الله تدلل وبعدها سگتنا وحل الهدوء بيننا رن تلفونه إتصال أبتعد عني شاف الرقم ورفضه ورجع أتصل وهم رفضه وحجيت جاوبه ليش ترفّض إحتمال يسألون عليك لو مهتمين بأمرك؟
منو هما
أنت أعرف بيهم منو هما!
شتخربطين أنتِ
ما مخربطه بس متأكده وبدون دليل
يابه تحجين بالأدله اليسمعج يكول لازمه عليه فد لزمه ولو ما اريد اعيد أمجاد الماضي واغثج بس خليني ساكت ليش توازيني على? الغلط.
هو الماضي ما مخلينا نكمل الحاضر.
أحجي شنو أبالج مبين عندج سالفه؟
أي عندي
وهي
بس أمانه ما تعصب عَّلي
علي شنو أعصب لازم السالفه لاصيه عندج وتخافين مني اعصب عليج احجيلي حبيبي
حبيبي.!
كملي أسمعج لاتخافين ما أعصب عليج أمني بيه
أمن بيك
أي أمني بيه ولا بغيري واني أريدج تأمنين بيه وشيصير وياج تجين عليه تحجينه ونهائي ما تروحين على غيري لا تأمنين ولا تثقين بأي شخص بتاتاً
ماشي
متفقين
متفقين
أي شنو الشاغلج ولايص عندج.
توترت وتندمت يمكن السؤال مو وكته لن ملاحظه عليه التغير وأخاف يگلبها عليها ضليت ساكته وهو يقرأ ويفسر ملامحي بهدوء ونظرات عميقه
اي تبقين ساكته وتكرظين بإظافرج
مروان
ها عيني
ما اعرف شلون أحجيلك بس أنت تعرفني أحبك
أي أعرفج كملي
راجعلها
منو
حبيبتك
قصدج هناس
أي هناس.
لا ماكو هيج شيء منين أجت على بالج وتذكرتيها
أحساس يگولي راجعلها وعلى? خط تواصل
لا والله ما متواصلين وهذا أحساسج شبي عليه
راجعين لبعض مو!
وإذا راجعين خايف منج مثلاً لو تكدرين تمنعيني عنها وعن التواصل وياها.
بقيت ساكته
جاوبيني ليش سگتي ماطول فتحتي الموضوع كملي كلامج وسمعيني وجاوبيني.
لا شيء أكيد ما تخاف وهذا الشيء خاص بيك
أي شيء خاص بيه وماضي مالتي وأني حُر بي ومحد اله الحريه يتدخل ويسألني ويفرض رأيه عليه لأ أنتِ ولا غيرج وهالموضوع أنفتح اليوم ما ينفتح بعد نهائي لن اني قفلته ونهيته بوكته وكلشي أنتهى
والأتصالات والمراسلات.
بعدج ما مصدكه كلامي
لا مو هيج القصد
أسيل شوفي الظاهر عقلج كام يفسرلج أفكار عني وتصرفات أنتِ شايفتها بصوره رسمت الج هناس راجعين واني وياها على تواصل.
بس ماكو من هالحجي ما أريد امدحلج من نفسي بس أني ما اخون العلاقه أنسان أحب الاكتفاء مو شهواني ولا صاحب رغبات أحب الهدوء بحياتي ما احب الهوسه والخربطه مثل مشاكل اللي تصير بيت كل المتزوجين والعلاقات وغيرهم يعني كافي عليه أنتِ واللي صار بينا ترى لحد الان أبالي وشاغل فگري لا عبالج ناسي ومتغاضي يعني أفكاري مو خاليه واجي اضيف عليها هناس.
وأذا على? إلاتصالأت والمراسلات حقج ما شايفه شغلي شلونه ولا إلتزامات والتعب والأوامر والضغط اللي جاي يصير علينا حالياً كل فكري وتفكيري مو صافي حيل تعبان ومع ذلك انطيتج من وقتي وسولفت وياج ولن احب السوالف وياج تسوين واهس واشوف نفسي انطلق بالحديث يعني أستمتعت يمج بكلشي.
أبتسمت خجلانه وهو ضل يباوعلي وأني اتهرب من نظراته مروان گافي والله استحي
أحب المستحى اموت بي
صفه أكتشفتها وثبتها بخانه من خانات عقلي.
وين صفنتي حبيبي
يمك وإذا أصفن أصفن بيك بس
شيلي الصينيه وتعالي گابليني
ماشي شلتها ونزلت وضربني بأيده على خلفيتي مروان
اتنعوصي بإسمي بعد
مروان
أبوس حلكج دعوفيها عاد وتعالي
مشيت على كيف وخليتها على الميز
لا السالفه مطوله على هل المشيه يرادلج فد شهرين يله تجيني.
واجه تقربلي وحضني من خصري وتلمس أنحائي بحنيه وهدوء واني رفعت أيدي على رقبته وحضنته وشفايفي قابلت شفايفه والتهمهن بكل حب وشوق عاطفي ورومانسي بادلته بشيء قليل يبوس بيه واني اباوع على مرايا الكنتور إلتصاق وتناسق طوله ويه طولي وهيئته وجسمه وجماله اليحبه گلبي بقرب أسيل إلى تعشق كل حرف من اسمه مدمنه كل تفاصيله عايشه على ريحة أنفاسه لحد هاي اللحظه ما مصدكه ملكه وتحت لمساته.
كعدت الصبح مجعوصه بحضنه و?أسه برقبتي أنفاسه بإذني وشابكني بإيديه الاثنين مطوق كل خصري وملتف برجليه على كل جسدي سجن اليحبه گلبي لفيت نفسي وأنداريت على وجهه
بسته وهو نايم وخليت?أسي برقبته وحضنته وشميت عطره وكملت نومتي.
كعدت الصبح كاعد وسابح واكف يخلي عطورات ويمشط بشورابه حضنت المخده وصفنت عليه هم احد قبل گايلك أنت هواي حلو
مروان لا بس أنتِ
صُدك
أي والله صُدك وما احب ولأ اريد أسمعها بس منج
مروان
ها.
صاير حباب ولطيف
لن أنتِ صايره أدمي
رفعت الغطا وكمت وكفت يمه رفعت نفسي بسته من خده وهو صافن على رجليه شبيك باوعت نفسي الثوب حيل قصير ياا
لايگلج طالعه تخبلين مثل الكوريات
أنوب عليه الكوريات
أحب الكوريات والهنديات هم
والعراقيات
والعراقيات هم
ماكو لا كوريات ولا هنديات ولا عراقيات
لعد شگو
أكو بس أسيل.
يله سبحي ونزلي صار وقت الغده امي سألت عليج
ليش هم نزلت.
أي يله اني نازل خلصي ولحكيني وأنتبهي من تطلعين أنتِ مو لوحدج بهل البيت.
ماشي عيني نزل واني لبست سترت نفسي ورحت سبحت وتكشخت واني واكفه أرتب بروحي وأباوع المرايا أفتريت على طولي بوسط الغرفه ولازمه أطراف ثوبي ورافعته وشعري طاير بالهوا وأضحك بفرح واحجي بصوت ناصي أحبه يا ناس احبه ونسيت نفسي بوسط حبه الماخذ عقلي والراحه والسعاده اللي غامره روحي وأستوقفت لحظة شعرت بوجوده واكف يم الباب وأيديه بجيوبه باوعتله وحجيت مروان من شوكت أجيت!
مروان من لحظة أحبه يا ناس أحبه منو هذا تحبينه
أسيل فشلت ونزلت?أسي مستحيه
كملي
لا عفيه
بداعتي
لا فدوه
بداعتي رجعي كملي بعفويه ولاتتقيدين بوجودي
رفعت شعري وجهي صار أحمر من الخجل والتوتر وهو يباوعلي منتظرني مروان
يا بعدروح مروان
تقدم وسحبني من خصري بهدوء وقربني لهيئته ورفع كف إيدي وتغلغلت أصابعه بإصابعي ونظر لعيوني وهو هايم ومبتسم گال
تحبين تعيشين أجواء حركات وتفاصيل المسلسلات والأفلام على الواقع.
گلشي وياك أحب أعيشه
عيشي حبيبي عيشي، عيشي وأفرحي وتنعمي
وفرني على مدار خصري وقربني اله وطخ انفة خشمي بخشمه وتعالت انفاسنا ونظراتنا المفعمه بالحب والعاطفه وأستمرينا ورقصنا سوه نفس الأفلام والمسلسلات عيشني شعور حلو جنت أحبه وأتمناه أعيشه وياه وأنتهينا لحظة تقرب لروحي واخذ شفايفي بهدوء وأستمر بتواصل وأتوقفنا من سمعنا صوت عمتي
وصال مروان أنزل يمه يتصلون عليك
عصام مروان خابروا وجاوبتهم انزل يردونك.
مروان بصياح، ما أنزل
عصام ما تنزل شنو
أسيل حس على نفسه وتدارك الوضع وضحكت وكرصني من خدي وهو مبتسم
مروان لج خبلتيني وياج يله نزلي واني نازل رايح اشوفهم خبصوني أكثر منهم بس الخبصه الاحبها يمج اتلاشى وتضيع أخباري بتفاصيلج كلشي بيج جنوني وضياع.
غمضت عيوني برضا وطلع واني فرحانه فرحانه كعدت على حافة الجربايه لزمت گلبي وأحاول أسيطر على سرعة نبضاته والحرب اللي داخلها بحب عمري حتى گلبي يفرح وينكز بصدري من يشوف لطافه حنيه من محبوبه.
نظفت الغرفه وفتحت الشبابيك وشغلت القرأن والمبخره ريحة الغرفه صارت دمار نظافه وترتيب وعطر وهدوء وروحانيه.
واني من نوع ما احب اخلي نواعم وتفاصيل كثير بالغرفه أحبها تكون فارغه بتفاصيل ناعمه ونازكه وضروريه.
تليفزيون على ميز خشبي صغير وتخم قنفه وحده وطاوله وسطيه خشبيه والثلاجه وباقي اجزاء الغرفه حتى الجراجف الوانها هادئه بيجي وأسود ونيلي وفحمي لن هو هذا ذوقه ما يحب الهوسه والخربطه كلشي هادئ خالي من التفاصيل المو مهمه واني صرت مثله.
نزلت ومخصبين هو وعمتي تفتح بوب الكاونتر وهو واكف على?أسها وكفت بصفه وضربني على كتفي بخفه وخله ايده وحضني من كتفي.
مروان يله يا يمه صدك تحجين ادري وين ضامتهن.
وصال تنطون مجال أنت واخوانك خليني اشوف اسيل ما شفتيني وين خليت شياش الشوي الافندي رجلج ما يريد سمج مشتهي تكه.
أسيل اي أدورهن فتحت الكاونتر ولكيتهن وهو ضحك
مروان يمه كم مره فتحتي هاي الخانه وما شفتيهن
وصال يا هذن اهنا واني نبشت الكاونتر كله والله باوعت زين ما شفتهن اعوذ بالله مروان انت من تحضر الشيطان يحضر وياك.
مروان رحمه الله والديج يمه سويتني مشرك يله عيني انطيناهن هو أذب حملي عليج شسوي بإمي.
وصال اي عيني شتسوي بيه بعد أسيل الاوكسجين مالتك دستقر داده دستقر واخذ شياش لأخوك عصام.
أسيل يحجون بينهم وسوالفهم تضحك اخذهن وراح الحديقه ورحت وياه هو بانين مناقل من طابوق ومكان خاص لشوي عمي واكف اشراف عليهم والشيف عصام يتبل وعمار وياه واسيا مساعده شيف وكفت بصف عمي وأبتسملي حبيت الاجواء والشمس والحديقه والأشجار كلشي طبيعي وحلو وكرم يلعب هو ومجد بالطوبه وجود بالحجله راحلها مروان يبوس بيها اكلها اكل وتضحك وياه.
واني صافنه عليه وسارحه بحركاته وحبه ل الأطفال وكل شهر أتامل وماكو اي حمل انتظر هالشهر عندي موعد يم الدكتوره اشوفها شتكولي على الحمل الاكياس الدمويه سببتلي عقد نفسيه مكروهه ومزعجه بشكل لايطاق عذاب نفسي
وصال ولج أسيا وين صرتي
أسيا أجيت عمه اجيت
وصال دتعالي يا بنتي هاج الدجاج انطي الهم دكوم اخبز هسه يا كمال منين طلعتي خبز صارلي شكد ما خابزه.
عصام سيادة الولد مشتهي خبز حار
كمال اي والله وامك تتعزز علينا.
مروان اي والله واني هم يمه خبزيلنا شكو بيها
وصال انوب عليه أنت اسسيا ولج اسسيا
عصام اليوم تفرغ قهرها كله بإسسيا مسكينه يا اسيا رحتي بيها
اسيا صايره إعصاب اتحملها خطيه ولخاطرك عمو
كمال اي عيني بعد عمج ساسيها تحمليها.
أسيل عفتهم يحجون ورحت يمها عمه ازهار ماكو ما شفتها لعد
وصال راحت لبيتها سوده عليه اجاها من الصبح اخذها واخذ روحي وياه.
أسيل عمتي وصال انقهرت عاد غيرت الكلام عمه أنتِ عاجنه.
وصال اي عجنت واختمر بس هسه اخبز بس هذا التنور هسه جابه عمج اريد احمي.
أسيل اي علمود ريحة الصناعه والصبغ تروح منه
شغلته وعافته وبالحديقه فرشت مفرش وجابت العجين والصينيه عمه انطيني اني اشنك عنج
وصال ليش تعرفين تخبزين.
أسيل اي أعرف
مروان الله الله الله عيني مرتي تعرف تخبز خوما مثل هذولاك الناس بس حايرين مملكتنا ومملكتنا
عصام أنجب لك.
كمال تعرفين تخبزين بس بعدج صغيره بابا لا وصال اخبزي أنتِ.
مروان صغيره بس خوش مره
عمار سمعتوا سمعتوا
عصام سمعنا سمعنا راح يخبصنا عاد
أسيل اني اعرف عادي مو دائماً اخبز بس اعرف اخبز.
وصال أثنينا نخبز وخل نشوف منو خبزها مضبوط
ولج أسيا وين صرتي
عصام عيني يمه على كيفج ويه أسيا
وصال أنت اسكت
كمال أسكت بابا اسكت وكلكم سكتوا تحملوها اليوم لخاطر ابوكم.
أسيل كعدت وكابلتها وأشنك بالعجين وهو يباوعلي وكعد يعلمني
مروان جبيره صغريها بعد
أسيل لا هيج احسن تطلع الكرصه جبيره.
مروان هاا اذا هيج كبريها لعد
وصال متكوم من يمي
مروان شبيج امي ترى هي راح تخبزهن ليش ضايج الحلو
وصال واني اخليها تخبز كل عقلك جايزه منها اخليها تلزم التنور دمشي منا امشي انوب اسيل تخبز
أسيل ضحكت وحبيت أهتمامها وخوفها عليه وهو غمزلي ورجعت كملت وشنكت وعمتي تباوعلي بنظرات رضا وقبول وكمت شفت التنور عمه القنينه خلصت
وصال مروان كوم جيب وحده من ورا البيت
مروان ماشي
أسيل اجه عبر من يمي
مروان تعالي وياي.
أسيل باوعلتهم واكفين وين اجي
مروان تعالي وما عليج
أسيل مشيت وياه ورا البيت وشلها اساعدك بيها
مروان لا ثكيله اني اشيلها لج خرب
أسيل شبيك عيني
مروان ظهري طك كله منج ما خليتي بيه حيل اشيل قنينه بلا هاي سالفه
أسيل ادري بي يجذب بس ماشيتها يبو قنينه ما بيك تشيل شدعوه
لج أنتِ فد عار زز وتفكيرج منحرف رب الفساد
ضحكت دشيلها والحكني
لا والله شفتي نفسج عليه دتعالي ساعديني بيها.
اخاف على انثوتي تنجرح اذا شلتها انت زلمه وشيلها هي قنينه صدك تحجي يبو شكد عيب
لج ادبسزز مو اكوم اغلط واعدلج بالهندي دخليني جار لساني عدل وياج وعقلي ماشي على الهدايه لج والله جنت فد خوش ولد عاقل ومأدب ومن وراج وصرت ساقط ومسقط ورب الفساد حرفتيني من خفت شكلج الزفر.
أنت من اساسك ساقط لاتذب بلاءك عليه
عليمن ساقط ولج عليمن.
اجه لزمني من أذني عليه اني ساقطه وادبسزز والله مو عليك لساني اخذ بالكلام ورحت زايد اسفه حبيبي
بعد متعيديها
ما أعيدها وبعدين أنت حجيت على نفسك اني شدخلني مجرد سويت أعاده
لج هم ما ينكدرلج هاا
بس أنتِ تكدرلي
هو بس اني زلمتج وصكارج والمسؤول عنج
أي فديتك
أنتِ حيه تدرين
ليش شمسويه
تعرفين شوكت تصيرين ملسه وتنزعين جلدج
والتف عليك
هو أني ملتفه عليه وهسه راح اني التف عليج.
سحبني بالزوايه واخذ شفايفي بهدوء وبادلته ونسينا نفسنا وضعنا واجانا صوت عمتي تصيح
وصال أسيل وينج
مروان خرب انلكفنا
أسيل عدلت شالي وهو مشه كدامي شال القنينه بكل حيله تشيلها وتشل عشره مثلها زلمتي السبع
أعجبج
فدوه اروحلك
يا أعزازي
گالها ومشه وضلت ترن ب?اسي هالكلمه خلاها وشغل التنور وعمتي جابت الصينيه وبلشت اخبز وعمتي تفتح التنور وتباوعلي مستغربه ومروان ينتظرها تستوي.
جنان هاي أمج معلمتج على الخبز.
أسيل أي عمه واستوت اول كرصه واخذها وعمتي عاطت بي وسحبتها منه
وصال لا تأكل من أول كرصه مرتك تموت اسم الله
مروان يمه شهل الخرافات
وصال انتظر خل تخبز كم كرصه شو مبين طارت بيهن ما شاءالله عليها
مروان مرتي بعد
اسيل وكعت الكرصه واحتركت وخبزت الثانيه هم وكعت
وصال شجاج يمه كمتي تلوصين
اسيل عمه كولي لمروان خل يروح من يمي بس يباوعلي.
مروان شمسويلج يا عيني فوك ما اقدملج دعم.
وصال هم صدك دمشي منا المره تنثول اذا محبوبها فوك?اسها تكوم متشوفها دربها وهي بدون شيء مثوله بيك يله راوينه عرض أكتافك روح ساعد أخوانك وابوك مو جاي يشوون شكو مكابلنا.
مروان رايح عمي رايح بس اخذ كرصة خبز وياي
اسيل اخذ كرصة واني رجعت اخبز وشالها وراح عليهم متباهي.
مروان عيني مرتي خبزت خوما مثل نسوانكم وهذولاك الناس النازكين مملكتنا ومملكتنا حايرين بس يلمعون بمملكتهم الاسد واللبوه عبالك عايشين بغابه دشوفوا خبز مرتي مكسب وحار عمي اني متزوج خوش مره.
عصام أشبع خبز مكسب وراك غده لاتضل تأكل
مروان والله طيب يابه تريد
كمال اي اسيا عمي جيبلنا كرصة خبز
مروان بس الكرصه بالف.
عصام مو عبالك أستجلب
عمار كلش هسه اجعضه بالمنقله مالت الشوي ونشوي عليه
مروان ما تكدرولي الخبز يمي.
أسيل اخبز ومبتسمه وبالي يمه ويم سوالفه طلع الجانب المخفي من شخصيته فدوة أروحله كملنا الخبز وعمتي شالته واسيا فرشت بالحديقه مفرش وفراش وجهزت السفره والخضروات والسلطه والمقبلات والعصائر والماي وكرم يساعدها وصعدت سبحت وكشخت ونزلت لكيتهم مرتبين السفره واسيا واكفه وتصب ماي لعصام يغسل
كملوا وانجمعنا سوه وجود بحضن مروان وكعدت بصفه وعمتي توزع النا عصام وعائلته سمجه وزعت النا وبلشنا بسم الله.
كملنا وعصام يصب الجاي واسيا تخلي الشكر وشربنا جاي على الفحم وبعدها اني وياها استلمنا المواعين غسلناهن بالحديقه على الصونده ومروان شغل الماطور وهما هم ساعدونا نظفوا المناقل وغسلوا المكان بالصونده وعمي كام وباوعلهم
كمال عفيه عفيه خوش زلم
أسيل مروان عاف الصونده وباوع لعصام واحد يباوع الثاني.
وصال كملوا غسل كملوا ما بيها شيء المساعده حلوه ونسوانكم خوش نسوان يستاهلن مو عيب ولا حرام الرجال يساعد مرته واني هم تعبت وهنا خطيه مواعين هواي وانتوا ما شاءالله ما خليتوا ماعون بالكاونتر يعتب عليكم خو عصام خله اسيا تجيب اله كل المطبخ.
اسيا فديتج عمه فديتج
أسيل رجعوا كملوا وهما ساكتين كملوا طلعوا المكان لوز نظافه فول وعمار كاعد على الكرسي يشرب جاي
عمار عفيه بالزلم الخشنه.
عصام مثلك عزيزي عن نفسي ما مستحي لن ساعدت مرتي بالعكس أفتخر، أسيا
اسيا هاا عيني.
عصام احميلي الجاي
اسيا صار
اسيل كامت واني رجعت كملت وعفناهن بالشمس وغسلت وهما واكفين ثلاثتهم يشربون الجاي ويضحكون بينهم وعمي وعمتي راحوا لغرفتهم يصلون وسمعنا صوت عمي صاح الهم
كمال صليتوا
مروان يابه فات الموعد
كمال دمشي صلي لك ساقط فات موعدها خوش تعرف تحجج يله امشوا.
أسيل راحوا يصلون وعصام اخذ جود وكرم ومشوا لغرفتهم واسيا غسلت كوابة الجاي خلتهن بالشمس وغسلت وراحت واني وياه صعدنا غرفتنا توضى واني توضيت وراه وصلينا سوه وبعدها نمنا بوسط هدوء وراحه الانفس الحمدلله على كلشي اني بي حالياً...
أسيا كعدت من النوم لكيت نفسي قريبه منه كلش اني شجابني شوصلني منو سحلني من مخدتي والمزيون فتح عينه شافني صفن بوجهي عاد اني بسرعه تهربت صرت استحي منه خرب صار شكد يمه گلبي شبيك دستقر واثكل وأتحمل بسرعه تسرسحت.
كمت وطفرت الحمام قفلت الباب ولازمه گلبي وأنفاسي عاليه اريد اتحكم وأسيطر على نفسي ما جاي اكدر اريده يربي طايره روحي عليه واندك
الباب وفزيت بخوف ها.
عصام يله وين صرتي أريد اغسل وراي دوام راح التحق
أسيا يمه راح يلتحق وما متراضين الله يدري شوكت ينزل صافنه ورجع اندك الباب
عصام أسيا فضيني عاد عندج ولاده نمتي بالحمام
أسيا طلعت شبيك تصيح فتحت الباب وضل صافن بوجهي
شجنتي تسوين صارلج ساعه ووجهج ما غاسلته
جنت أفكر بيك
هاا زين يله وخري من يم الباب اريد أغسل واروح
متفوت منو مانعك
أنتِ واكفه كدامي منين أفوت
هاا وفعلاً ساده الطريق عبرته هم احضرلك ملابسك لو متطول.
ما ادري حضريهن
شلون ما تدري
حضريهن هسه
ماشي حضرتهن وطلع شمر الخاولي عليه ولبس ورتب شكله ويغني ويمشط شواربه واني صافنه عليه واندار وباوعلي ومشه
اشغل السياره بينما تكمليهن
كملتهن
ماشي
طلع عود زعلان وشايل خشمه ابو خشم الحلو
عزا هذا لابسني ولا مهتملي كعدت مقهوره وگلبي فحم عليه ورن تلفوني أمي؟ خير يا ساتر شعدها
من الصبح متصله جاوبتها هلا ماما اجاني صوتها تبجي.
فوزيه هلا يمه اسيا ولج يمه ما تجين على أخوج منذر والله راح يجلطني من ورى سوالفه
خير يا ساتر ليش شگو شبي سوالفيش
سالفه طويله تجين واحجيلج حابله وحده مطلقه وعدها بنيه وميت على دينها وهاي المسكينه كل هالمده ساكته وهسه انفجرت عليه وصياحهم ماله والي لن الافندي يريد يتزوجها هذا شتحجين وياه تعالي قنعي احجي وياه بلكي يسمع منج.
يبووه صدك يحجي هذا وينه وين الزواج خل يلتفت على هاي المسكينه متحتمله كل هالسنين والضيم والعازه وتالي يكسرها هالكسره شكد ما يستحي ابنج طاح حظك اي والله فوك طيحان الحظ
تجين مو لن والله تعبوني أخوج ابراهيم سحب نفسه تعرفين ما يحب يتدخل بين الرجال ومرته ونصح اخوج ومنذر كام يحجي وعافوا وأختج ديانه خابرتها كالت ما إلى شغل لما الخاتون مقصره وياه هو ما يركض ويه الارامل والمطلقات هاي شتحجين وياها.
هسه اشوف عصام شيكول اذا يقبل اجي ميخالف
اي عيني فدواتج ما اريد يكسر بختها بنت العالم خطيه وراهم جهال واني ادري بي نزوه ويمل منها ويرجعلها وهذاك الوكت إذا رجع رواء تعوفه بعد مترجع والجهال يضيعون بينهم يضلون بالنص.
ماشي يمه هسه اشوفه واردلج خبر
ماشي أنتظرج
نهيت الاتصال
عصام شبيج
اسيا عصام عادي تأخذني ل أهلي
خير شعندج رايحه صارلج يومين من اجيتي
من يمهم ما شبعتي منهم صارلج شكد
لا ما شبعت منهم أهلي.
أهلج شو من جان عصام حنين ما تعوفيني هسه صاروا أهلج ما تشبعين منهم وهيج صار الحجي
هسه تأخذني لو لا
وشگد تبقين
وشتريد مني أنتَ مو راح تلتحق
خو أنتِ تفرحين من التحق علمود تخلصين مني
أنت واضح تريد تتعارك
أي أريد أتعارك وافوخ گلبي بيج يله اوديج والتحق
مو وگت معارك أهلي عدهم مشكله صايره ودازين عليه أحلها الهم
اي عيني دازين تحلين مشاكلهم دحلي مشاكلج بالاول صارتلي حلالة مشاكل الخاتون.
ليش شقصدك.
ما قصدي شيء بس عوفيلي أهلج هسه والتفتي على عائلتج ترى المشكله كلما تطول يله تنحل تكبر
ولأتنسى نفسك أنت أساس وسبب المشكله كلها وگلشي صار احنه عايشين بإمان الله وعين الله علينا شوداك على هديل سليمه بس رجلي وأعرفك حنين بسلامتك تعلمني بيك
فه لاترجع عليه وتريد الحلول مني ليش متفكر أنتَ بالحل وتنهي هالمشكله والنزاع بعلاقتنا كلها لو ثكيله عليك كبريائك ما يسمحلك تعترف بذنبك وتعتذرلي.
ليش بس أنتِ عندج كبرياء.
كبريائي على حق مو على باطل وأنتَ مأخذ موقف مني على باطل لن ما الك الحق ولو بذره الحق كله وياي واتحداك تكولي لا.
أسيا
توديني لو لا
لا
ليش لا مو راح تروح أخذنا بطريقك
بكيفي
عصام مو وكت كيفك لاتصير أناني وأمي خطيه بس هالمره تطلب مني اتدخل دائماً هي لوحدها وشصار
وليش أنتِ بالذات تتدخلين شمعنى
شنو ليش غير بنتهم شبيك عصام
اي أعرف بنتهم قابل بنتي بس أقصد ليش أنتِ والباقين شنو دورهم ما يتدخلون ويحلون المشكله.
لازم مو بعينك
منو گال مو بعيني
والله من كلامك وضحلي هالشيء، احجي بعصبيه وهو بهدوء وسارح وصافن عليه وشگله نعسان.
أنتِ دائماً يوضلحج العكس وتظلميني
أشكرك كثر الله خير طلعتني أني ظالمتك هاي
هي اني المذنبه عمي وكلمن عليه بذنبه مشيت وهو صاح بعصبيه.
هم رجعنا لمربع الأول
هو احنه ما طلعنا علمود نرجع وكول لنفسك هالحجي لاتجي عليه.
ماشي
تقدم شال الجنطه وتلفونه ومشه وأهلي
ماكو روحه
ليش.
كعدي بيتج وأنجبي طلعه من البيت ماكو رجليج أكسرهن اذا طلعتي من دون علمي أعدمج والله
منو طالع گبل حولتني أعدام
أنتِ يرادلج مو بس أعدام لا والله خنك وأشمرج بالبحر اخليج مطوفه والسمج ينهش بلحمج المر
ويهون عليك
اي يهون يهون.
طلع وعافني تشعوطت بلغت امي ما اروح فد أحتركت من القهر شكد أناني ما اخذني الهم شصار عليك عفت التلفون ورجعت كملت نومتي وكعدت والبيت فارغ وين رايحين اتصلت على عمتي ما تجاوبني كرم اصعد شوف عمامك فوك اسألهم على جديتك جدك وين صعد كرم وعصام أتصل جاوبته هلاو عصام
عصام هلاو أسيا شلونكم
أسيا زينين اگول عمو وعمتي وين
گرم ماما ماكو أحد
عصام اي بالمستشفى كلنا ازهار متخربطه ورحنا عليها.
يا شبيها خوما متأذيه وشلونها هسه طمني عنها فدوه والطفله خوما بيها شيء الو عصام تسمعني
أسمعج أسمعج لاتخافين زينه هي وطفلتها بس تحتاج راحه
ها زين الحمدلله ياربي شجاها ما عرفت شنو السبب
اجي وأسولفج
ليش أنتَ وين مو التحقت
لا رجعت
شلون رجعت
هواي تسألين متهمه لأمري ويهمج
لاتحجي كيفك
جايكم بالطريق راح أوصل لتخافون
لا ليش نخاف شگو قابل.