رواية بين قلبها وعينيها كبرياء للكاتبة شمس العراقية الفصل الثالث والثلاثون
أسيل هو راح واني شلت الكلنكس من الكاع وفتحت جنطتي وطلعت المرايا وطوخت حمرتي ومسحت دموعي تجري وامسح بيهن خليج قويه أسيل لاتضعفين كدامه لاتضعفين ويتسلط عليج.
. عدلت شالي ومشيت من وصلتهن عمتي وازهار لاحظن وعمتي سألتني جاوبتها بس ما أقتنعت رحت الحمام غسلت وجهي وبجيت بسگوت وكاتمه عبرتي شوكت اروح البيت وابجي بغرفتي على مخدتي صفنت بالمرايا وتلمست طبع أيده احمر حتى أنتَ طلعت قاسي لعد ياهو اليحن عليه منو اليه
خفيته بالمكياج ورتبت شكلي وطلعت همزين ما جان موجود راح وامنت.
طول الحفله اني بعالم ثاني فاصله عن الكل بس لفتني حبها ل أهلها هواي بجت وعمتي وصال أنتهت عيونها ورمن على بنتها باوعت ل امي ملتهيه بجهال حسن تمنيتج مثل الامهات يا أمي نزلت دموعي ومسحتهن عالسريع
امي راحت سلمت عليهن ومشينا وگفنا بالحوش ننتظر حارث واجه مجد فتحله باوعت لكراج ما موجوده سيارته الحمدلله.
وصفنت وگت جنت اتمنى وادعي يكون بالبيت علمود أشوفه حتى لو نظره وهسه انقلبت الموازين رأساً على عقب وصرت أكول الحمدلله ما موجود لن صار مثل الكابوس بحياتي.
صعدت من يم الجام وشغل وطلعنا وبالفرع أحنه نمشي عبروا من يمنا بالأول سيارة عصام وكف سلم على أمي وحارث وهديل صدت وجهه تحجي ويه بنتها ومشه واره مروان عبرت سيارته من كدامي صارت عيونه بعيوني صديت وجهي عنه تجاهلته دك هورن قوي ما أهتزيت ولا ألتفت وحارث صاح بي
حارث وجع شبيك صرعتنا بالهورن مالتك.
أسيل ما باوعتله نهائي ومشينا بقيت هادئه من الخارج ومن الداخل بركان يثور ويغلي ولهيب مشتعل بصدري ومعدتي نار ملختني أحس سجاجين تكطع بيها باوعت على حارث خويه اوكفلي يم الصيدليه أخذلي حب معده معدتي حيل تأذيني.
حارث أي هسه من شوكت توجعج
جنان لن بيها ابو صفار
حارث هم رجعتيها على الدكتور مالتها بعد
جنان لا والله ما صارلي مجال وهي على بهريز احسها زينه وجهه زين هالايام اخذها اسويلها تحاليل.
اسيل وكف يم الصيدليه جابلي علاج وشغل وصلنا وراح البيته وكفت اشرب علاجي وأجتني هديل
هديل اسيل مروان على الخط يريدج
أسيل بعدين
وين بعدين الخط مفتوح تعالي.
تعبانه أريد أرتاح ما فارغتله، عفتها تصيح وراي ودخلت غرفتي أخذت ملابسي ودخلت الحمام وقفلت الباب وكعدت جوه الدوش فتحته وابجي وكاتمه صوتي بإيدي الأثنين أريد أصرخ بعلوا صوتي بس منو يفهمني ومنو يحس بيه وكعت بيد أنسان ما رحم ضعف حالي وحيلتي ولا راح يرحمني راح ابقى تحت سلطته ورحمته ويعيشني بعذاب أزلي.
الباب يندك وصوت هديل يتردد بمسامعي فزيت ونفضت جسمي من الماي وسحبت البرنص لفيته ونفشت شعري وفتحت الباب.
هديل شبيج شهل التصرفات الطايشه
أسيل هديل فگي عني
شفگ عنج ليش شبيج مو احاجيج باوعيلي
بصياح عوفيني لوحدي بشر يريد يبقى لوحده حرام يعني ليش هالملحه.
فوك ما اسألج غير خفت عليج
أهتمام المتأخر ما أريده
يا أهتمام أسيل شبيج
لزمتني من كتفي صرخت بيها لاتلزميني وخري أيدج عوفيني بحالي.
تمام لاتصرخين أخليج لوحدج أرتاحي هسه وهذا تلفوني مروان خبصني بإتصالاته يريد يحجي وياج صدك تلفونج وين؟
ما جاوبتها.
ماشي على راحتج بعدين نحجي.
عافت تلفونها وطلعت وأتصل أباوع الشاشه مروان يتصل ضليت أباو? على رقمه حتى رقمه مرعب أنتهى الأتصال وما جاوبته تالي غلقت التلفون تريد ترجع تكمل اللي بديته تنهيني على الأخير تنزلني للقاع يله ترتاح.
غيرت ملابسي ومشطت شعري وتعطرت ونزلت سويت عشه اللي وتعشيت وهديل غسلت المواعين وگالت.
هديل باجر ما أحضر العرس لو أروح بس أشوفها واباركلها وهاي هي لن سيف خابرني عمتي مريضه
أسيل كيفج.
تلفونج وين
عاطل
وليش ما تجاوبين مروان
بعدين اني احجي وياه
متزاعلين
ما جاوبتها تصبحين على خير صعدت غرفتي وگبل نمت وروحي بارده وبداخلي گومه جروح تنزف الكلام والأذيه اللي السمعتهن وشفتهن منه ما تنسي أبداً.
كعدت الصبح معدتي تعصر بيه جريت العلاج واخذت وكمت غسلت ونزلت امي ما موجوده ونسرين رايحه الدوام والببيت وسخ والجهال ناثرين الالعاب وهوسه لعبان نفس اخذتهم سبحتهم وسشورت شعرهم وريگتهم وخليتهم بالشمس ونثرت العابهم ضحكوا بوجهي وصفنت عليهم مرتضى مصطفى هم تحبوني.
مصطفى ومرتضى اي عمه هواي نحبج
مرتضى اني احبج اكثر من ماما.
أسيل دمعت عيني وحضنتهم واني هم هواي احبكم هم تزعلون مني من احجي عليكم من توسخون الكاع وملابسكم
مرتضى لا نحبج عمه
مصطفى اني هم احبج عمه
أسيل بقيت حاضنتهم وابوس بيهم يله ابقوا العبوا بالشمس هسه بيبي تجي وتجيب حلويات واني اجيبلكم هزوا?وسهم وضلوا يلعبون بفرح.
رجعت نظفت البيت وغسلت الملابس وخليت الغده على النار واجتي امي من السوك كعدت ترتب المسواك وگالت
جنان معدتج شلون صارت.
أسيل صفنت بوجهه أستغربت سؤالها جاوبتها زينه
هديل اسيل تعالي
جنان روحي شوفي اختج شتريد عوفي الغده اني اكمله اذا لحكتي غسلي الملابس بالغساله.
أسيل غسلتهن من نظفت البيت عفتها ورحت على هديل جانت هسه كاعده من النوم هي وجهالها هاا
هديل مروان يريد يحجي وياج؟
أسيل سكتت اني اخابره عود
منين تخابرينه مو على أساس تلفونج عاطل جذابه أسيل تلفونج وين
موجود مشيت ولزمتني من أيدي اي شبيج
تلفونج وين؟
شعليج أنتِ.
لا عليه ونص خشمج عالي وتحجين بنفس وشايفه روحج شوفه شمصخمه أنتِ؟
شتخربطين بسوالفج شمسويه قابل
تلفونج وين
يم مروان
وليش يم مروان
هو اخذه
ليش شنو سبب ياخذه منج
ماكو سبب أخذه گلب بي واجه حارث ونسى ينطيناه وضل يمه
بس هيج
اي شكو قابل
وليش البارحه ما رجعه الج لا هذا شايف روحه عليج ومن هسه يريد يتحكم بيج خل اضعله حد وأوكفه عند حده شو اتصلي عليه كدامي
يمعوده عوفي هو يرجعه
گتلج اتصلي يله ولاتضلين خوافه وتنطينهم وجه.
أتصلت واني خايفه وجاوبني مُباشِرةً
مروان هاا
بصوت ناصي فتحي سبيكر
مروان أسيل
أسيل فتحت هاا مروان
شلونج حبيبتي وينج ياعيني خبصت هديل من وراج
بصدمه ودهشه بغرابه! موجوده بس معدتي توجعني لهل السبب ما حجيت وياك
سلامتج حبيبتي صدك عود اليوم لاتجين العرس
ليش
هيج بدون ليش ما تجين وخلص لاتناقشيني.
هديل سحبت التلفون مني وجاوبته.
هديل وليش ما تروح الع?س بإي حق تمنعها مو روح حالها حال البنات تطلع وتشوف لو بيكم مرض التحكم بالمره وتمشونها على اصابعكم مثل الريبورت
مروان اظن مرتي وأني أمر وانهي وافرض اوامر محد اله دخل بحياتنا لا أنتِ ولا الأكبر منج
هديل لا اسمحلي يا المثقف
مروان عليمن شبيج أنتِ منو يمج.
التحكم بالمره وتمشونها على كيفكم مو من صفات الرجال وأنت لكيتها على گد ايدك تمشيها بكيفك وتمنعها تحضر عرس أختك وتاخذ تلفونها منها من سمحلك تاخذ تلفونها بأي حق شكالولك علينا ما وراها زلم لو بس انتوا زلم وراه جنتكم وبنتكم.
لا الظاهر أنتِ تردين تتعارگين
شوف مروان أسيل تحضر العرس وتلفونها هسه ترجعه ومن تصير بيتك عود تحكم بيها وافرض قوانينك عليها بس مال هي بيت ابوها وانت تتحكم بيها لا هاي واكفه.
هديل خلينا أصحاب لاتخلين?اسج براسي
ليش شمسويه مجرد گتلك جيب تلفونها ليش صعبه عليك مسافة الطريق؟ جيب تلفونها ولا تطولها وهي قصيره يله مع السلامه.
أسيل قطعت الخط بوجهه أشسويتي أنتِ
هديل وعشتوا ليش خايفه؟
لا ما خايفه
اي هيج أريدج يله اكوم أتريك اني وجهالي.
راحت واني خليت أيدي على گلبي وكعت ب?اسج أسيل أكليها اجتج على البارد المستريح لحكتها وأمي كملت الغده وهديل تتريك واندك الباب.
هديل فتحيله الباب اجه برجليه كسرت خشمه صيري مثلي شبيج يحظي.
أسيل لبست شالي وكمت فتحت الباب صار بوجهي نزل مناظره وتفل بالكاع ومسحها.
مروان ما تسوين تفله دازتلي أختج لو بيج خير جان اجيتيني واجهتيني وطلبتي تلفونج بس أنتِ معروفه بس بغير أمور تجين!
أسيل دام تلفه ما اسوى ووصلت لهل المواصيل اني وياك طريقنا مسدود لهنا وكلشي ينتهي ردت اسد الباب لزمني من ايدي وضغط عليها.
طبي داخل لاتسترجلين يالمايعه لأ أكس?لج?اسج
دخل وياي وأمي سلمت عليه وهديل ضلت مستمره تأكل وهو جر الكرسي وگابلها وكام يأكل
مروان صبيلي أستكان جاي
هديل صبيله جاي
جنان يمه اكعد بالأستقبال واسويلك ريوك
مروان لا عمه مشكوره بس على الواهس
هديل جبت التلفون
مروان وأنتِ شگو خاطب أختج ما خاطبج
هديل هاي عود وصيتك عليها وتتحكم بيها
مروان لاتخافين اني احرص واحد عليها محد يخاف عليها بكثري عالعموم تجين لعرس مو
أي ليش.
نتبارك بيج
خبيث
نفس صنفج
أسيل شرب الجاي وهو حار جره وحده وكام وطلع تلفون جديد وباوع لهديل وكال
مروان اخذته علمود أفاجئها بإحلى وارقى منه نقلت حساباتها وارقامها لتلفونها لجديد وشمرت القديم يعني الدلال والاهتمام تسمينه تحكم يا ست هديل.
هاا هيج الحجي يله مشكور ما جان يحتاج كل هالبطوله منك؟
يله فيمالاا أسيل تعالي وراي.
لحكته بعد مسافه خله التلفون بيدي وتقرب باسني كدام هديل وقشعر جسمي من شفايفه وشورابه لامست خدي شعور غريب ومرعب وهمس بصوت غاضب
أذا الصار بيني وبينج احنه أثنين والشيطان الثالث اذا دخل الرابع على الخط أسيل أعدامج يصير بث مباشر.
أبتعد ومسح شفته وصفن بعيوني
وأنتِ أعرف شنو صار بينا وبالعميق المفصل ولما حابته ما وثقتي بفيديو وضل يمج محفوظ فترة طويله جنتي تستمتعين بالمشاهده!
گرصني من خدي ومشه ضليت مصدومه وفزيت على صوت الباب من سده وراه وشخطة السياره من مشت سريع بلعت ريگي ورجعت الهن.
هديل شو خل اشوفه واوا راقي اخر اصدار جايبلج هذا مروان خطير ديري بالج عليه ولج يحبج بس يحب يطغي برجولته ويتمرد على الرغم اكرهه هيج شخصيات من الرجال بس مروان ما جان هيج يابه جان شكد حباب هواي متغير
جنان لا متغير ولا أبداً هو هو ولد مثل الورده شبي قابل لاتخربين عقل اختج عليه.
هديل لا يبوه اتمنالهم كل الخير عليج بالف عافيه
أسيل اخذته وصعدت غرفتي فتحته ودزلي صوره فتحتها صوره للمقطع غمضت عيوني كارهه روحي
مروان بس شيء باقي عقلي ما جاي يهضمه الج ليش سجلتي فيديو شنو جانت غايتج أحجيلي أسيل.
ما عندي غايه
لعد ليش حفظتي عندج الا اني حذفته بيدي
ما جاوبته
مال جنتي تردين تنشرينه ما تخرط عقلي صعبه عليج لن خوافه بس اذا يإمور ثانيه أكولج اي؟
ما جاوبته
همزين أخذت تلفونج لن باقي منه نسخه!
شلون اني حذفته وفرمتت التلفون شلون باقي نسخه مروان جاي تخوفني
ليش أنتِ ما خايفه الا اني أخوفج
لا مو هيج
لا أنتِ ما تخافين من أحد لو تخافين واصله مرحله بالانحراف
شلون لكيت نسخه منه صدك تحجي لو تشاقه
ليش وضعنا يسمح بالشقه! بالمحادثه القديمه لكيته تذكرين من هددتيني بي من جنتي سباعيه وخوش بنيه يعني عندج بطولات على الزلم
ما جاوبته.
رجعت الحسابات مالاتج كلهن صارن يمي عشتي والله عمي أنتِ ماكو منج بس نسخه وكعتي بيدي.
شتسوي بيهن رجعتهن
اسوي اللي أنتِ جنتي تسوينه صدك كم واحد
مروان كافي
لحظه وكوليلي مروان كافي.
دزلي محادثات ولد داخلي خاص وكلام سخيف عني لن ما مجاوبته بالطلبات المراسله
جنتي تحجين وياه مو
لا والله ولا اعرفه ركز على كلامه هو لن ما مجاوبته نازل عليه غلط وكلام سخيف.
لا كولي خلصتي شغلتج وياه قطعتي اله كارت احمر وسويتله تقيد وهو نزلج بالعميق ويعدلج بالهندي.
لا والله اني مو من هذا النو? بيش احلفلك وتصدكني
شلون أجاج منين يعرف حسابج هيج من كيفه
ما اعرف والله بس جنت انشر مقاطع حزينه وحسابي مسويته عام ولهل السبب
شفت المقاطع شنو هالتعنيف الاسري التعانين منه منو معفنج غيري هاا
محد.
احسن ومعوزه حنان سوده بوجهك مروان سوده مصخمه ملطمه من كلهن والله اني لازم اوصيلي على كرون ستيل واشدهن
أني عرضك بنت عمك وما غلطت ويه الغريب وشرفي محد شافني وسمع صوتي وقرأ رسائلي ولا فتحت گلبي لأحد وأمنت وثقت بإحد غيرك أنت وأنت من دمي ولحمي واني انحسب عليك وأرجع الك وأنت الجبير والواعي والعاقل والتفهم وأني الطفله وانغلبت عليه عاطفتي ومشاعري.
شافها ما رد وفصل الانترنت خليته على الشاحن ونزلت تغديت بدون شهيه وبعدها تحضرنا بالبيت واجه حارث واسماء كاشخين وعافوا الجهال لن نسرين ما تروح.
طلعنا واني طول الطريق كلامه بذاكرتي كلمه كلمه
وصلنا كلهم موجودين رافع جان جاي هو وزوجته
وصلنا الباب وطلعوا هو وعصام سلموا علينا وهديل هم سلمت عليهم طبيعي باوعتلها شنو تراضيتوا أنتِ وعصام.
هديل لا بس خوما ما يرد عليه السلام واني جايه بيته عيب عليه.
أسيل اهاا مشت ومشيت وراها دخلنا جانت بعدها ما جايه كعدنا ومروان طلع يحجي على التلفون وعصبي يمكن هو راح يجيبها ومر الوقت واجو ودخلت تخبل طالعه بس حزينه طلعوا من الاستقبال وشفت حب عمي كمال الها وحب أهلها الها حب أخوانها بالأخص عصام عيونه دم ما اهتم للكل وهديل بصفي گالت
هديل رجال شگدك شكبرك تبجي جان استحيت.
أسيل ما جاوبتها بس اباوعلهم عمي تقدم حضنها ولكيتها حجه وفرغت روحي بجيت الا طكيت وهديل تسكت بيه انفجرت بالدموع
هديل شجاج يمعوده هما يبجون على بنتهم أنتِ شبيج.
أسيل مسحت دموعي وبقيت أباوعلهم واخذوا صور وعمتي وصال اجتي سحبتني وگفتني بصف مروان السترة مالته لاصقت فستاني بالكوه ثبتت بمكاني واخذوا الصوره ورجعت وهديل سيف اتصل عليها هاا تروحين.
هديل اي والله اجه يله مع السلامه عود نتخابر.
أسيل باركت ل ازهار وسلمت عليهم وراحت ولاحظت أسيا نهائي ما اهتمت لوجود هديل الحمدلله عدت على خير بدون مشكله.
اجو وتقدم العريس سلموها اله وراحت ازهار الله وياها وخطيه انخبصوا وعمتي شايله كرم يبجي على عمته ازهار تأثر بالاجواء بين العاطفه والحزن وجود بحضن عصام نايمه ويفتر بيها عصام صاح على عمتي وكالها
عصام خوما ادزنها لوحدها ما يصير
وصال لا عمتك فريال تروح وياها
عصام اسيل عيني بلغي اسيا هم خل تروح وياها.
وصال اروح وياها اني هم
عصام روحي عيني عادي منو يمنعج
اسيل اجه مجد من الاستقبال وكال
مجد سيادته يگول خل ام رامي تروح وام الحسن وأنتِ وأسيا يرحن وياها.
وصال والجهال شلون وين اعوفهم
مروان أسيل موجوده يمهم ما تروحين هسه بعدين اني اوديج
وصال هاا
عصام يله لعد اسيل كولي ل اسيا فدووه لن ما تتحرك اذا ما تاخذ موافقتي.
أسيل ماشي لعد رحت بلغتها وفرحت ورجعت انطاني جود سويتلها ممه وكعدت بالمطبخ ارضعها وهما نزلوا اغراضها من غرفتها وجنطها كلهن وعبالك بيتهم شال وجوهم كلهم حزينه.
كلها راحت وكمت رحت على امي أسمعها تحجي ويه حسن على التلفون
جنان يله تعال أنتظرك.
اسيل هاا يمه خوما تروحين أنتِ هم.
جنان اي لعد شعندي ضاله كلها مشت وأسماء هم راحت وياهن وتتأخر والجهال وحدهم بالبيت ونسرين حامل وين تكدر الهم كافي عليها جهالها خابرت حسن هسه يجي يأخذني وأنتِ ابقي سويلهم جاي ونومي البنيه خطيه.
أسيل لا عفيه يمه لاتروحين وتعوفيني لوحدي اي دبقي شعندج بالبيت والجهال خل يدبرون نفسهم هاليوم عاد
وين ابقي شبيج أنتِ وشگو عليج شنو هالعياره بيت عيالج وعمامج قابل غرب.
يمه صدك تحجين تعوفيني لوحدي من كل عقلج.
وين عايفتج قابل مو بيت عيالج گافي تلطمين
عاطت بيه والبنيه فزت لميتها بحضني وسكتت وعبرتي بصدري ورن تلفونها شالت جنطتها وطلعت واني وراها دموعي تجري راحت وبقيت لوحدي بالصاله هوسه لضاليين وجود بحضني وطلع عصام خطيه تقرب اخذها مني
عصام مشكوره عيني انطيناها انومها بسريرها ترتاح
شنو عمتي راحت
أسيل اخذها مني اي هسه حسن اجه اخذها، راح الغرفته وطلع مروان انرعبت من شفته تقدم ناحيتي
مروان سويلنا جاي مهيل.
أسيل اي.
دتحركي شوفيني طولج يفتر بالمطبخ
مشيت وهو وراي انخبصت ادور على القوري وهو مرتجي على حافة الكاونتر افتح بالخانات ماكو يربي
اجي اساعدج.
لااا كلتها بخوف واجه ناحيتي يمشي بطئ وكلبي يريد يشك صدري ويدفره دفره يشمره للاستقبال من الرعب السكنه وبقربه حواليه.
بثواني أسر? من البرق التصق بظهري جسمه التصق بجسمي بشكل مقزز لزمتني الرجفه رفع ايده وفتح الخانه الفوك وطلع القوري ورجع حاوطني من خصري بإيد وحده ولفها مثل الحيه من تلتفت على الفريسه وأنفاسه تتضارب برقبتي شحنتي شحن من الخوف والهلع والارتجاف الروحي بالتصاق حول أوتار وانحاء خصري لازمتني الرجفه والتوتر من قربه
ليش ترجفين
مروان الله يخليك عوفني
نعله على أسمي شبيج خدرتي ادبسزز تريدني مو؟
أحجي تريدين أتقربلج!
قبل لا انطق حرف فزيت بضربة قوية على خلفيتي بحيث رجليه تجمدن من شدة الوجع لن ضربته قويه قبضت ايدي ونزلت دمعتي ضغط على خصري نبت أظافره بلحمي.
طلعتي مو بس رخيصه ضعيفه هم وشهوانيه
نطق كلماته مثل السم نثره بكل أجزاء وخلاياه روحي ابتعد عني وگلبي ينبض ينبض بسرعة فضيعه إنفاسي تتضارب وتتسابق وصدري يرتفع وينزل وأيدي ترتجف بقوه لزمتني الرعشه اشبه بالصر?.
. شلت القوري ترسته ماي وخليت الجاي من العلب على الكاونتر شغلت الطباخ خليت القوري وبقيت واكفه منطيته ظهري بس احس بقربه لن ريحة الدخان أخترقت خلايا روحي تمنيت أكون جگاره تنشرب وتنطفئ وينتهي دورها بالحياة.
اصعد الغرفتي من أنزل الجاي جاهز
ما جاوبته بس اريده يروح وراح وباوعت ماكو احد اخذت نفس اشهك اشهك لزمت خلفيتي وانكز من الوجع شاغت روحي مو ايد جادوم اويلي يمممممه.
غسلت من السنك كتمت صوتي مسحت دموعي عالسريع طلعت استكانات والصينيه جهزتهن ونزل لن سمعت خطواته عالدرج ويحجي ويه اخوه
مروان هاا بنتك نامت
عصام بالكوه يمعود الا خليت شال أمها يله نامت
مثل أبوها
خرب بيومك صوتك عالي كعدت دنصي صوتك بس تجعر اجييت بابا اجييت هاا باباتي هاا حبيبي
اسيل حسيت بخطواته اجه ناحيتي
مروان كمل
لحظات
يله فضيني هو چاي.
هسه شلت القوري وأريد اصب واجه وگف بصفي لازمت القوري وايدي ترجف الجاي يتطافر أخذ القوري مني وضربني على?اسي ودفعني بقوه وهو صب الجاي.
عصام مروان شعندك أهنا
مروان أجيب الجاي
دعوفه مجد يجي يأخذه
لا ما يحتاج
گتله عوفه يله امشي.
غسلي الصينيه ولمعيها ورجعي احمي الجاي وما اريد جاي بالماعون ولا الصينيه لا أعدمج.
أسيل عصام مشه قبله وهو لحكه وسويت مثل ما كال حميت الجاي وصبيته واجه مجد اخذه وباوعت المطبخ هوسه كمت نظفته ولمعته كله احسن ما اضل كاعده واضوج كملت المطبخ وبديت بالصاله ونفضت التخم وكنسته بالمكنسه حتى الدرج مسحته وهمزين هو بعد ما طلع كملت تنظيف الداخل ودخلت الحمام وقفلته خفت منه يجي نزعت شالي غسلت ورتبت حجابي وطلعت صار بوجهي انرعبت وشهگت.
مروان شنو جنتي تسوين بالحمام؟
أسيل غ غ غسلت ورتبت حجابي.
وليش قافله الباب
مروان مو لهل الدرجه گبل سحبني من ايدي ودخلني المغاسل وقفل الباب ولزمني من وجهي عصر فگي وحجه بغضب
شنو جنتي تسوين
والله أغسل والله
تكذبين
مروان الله يخليك گافي ارحمني
ويامن تحجين هاا
والله العظيم اغسل
تلفونج وين بصدرج مو ضامته.
لا لا خله أيده واني احاول امنعه لا مروان حباب ضغط على ايدي برجله من رفعها على حايط خله ايده داخل صدري ويدور واني ابجي كشت نفسي من لمساته ابتعد من ما لكه شيء فتح الباب وطلع
بقيت مخليه ايدي على حلكي وابجي بقهر كاتمه صوتي وفز گلبي من سمعت صوت عصام
عصام أسيل وين
مروان فاتت تغسل
عصام وصيت على عشه امشي نجهزه عيب من حارث ورافع
هسه تطلع هي تجهزه.
لا احنه نجهزه وهسه اوديها للبيت ضلتها غلط ماله داعي بقيتها جود وكرم واني نومتهم خطيه تعبت ونظفت لو ادري بيها منظفه فلا اخليها.
يمعود دتخليها هي تجهزه
ما مرتاحلك عوفها البنيه تستحي مو نفس التعرفهن صير عاقل دصبر عاد لاتضل ملاحگها
ما مسويلها شيء أخوك عاقل
تخرخر عقل دمشي كدامي.
أسيل أختفى صوتهم مسحت دموعي وغسلت وجهي ورتبت حجابي وطلعت ماكو احد باوعت المطبخ هوسه موصين على مشاوي ومبقيلي حصتي منين إلى نفس أكل شگول عليج يمه
عفتيني ورحتي.
خليت القوري عالنار ولميت الهوسه ونظفت المطبخ وعصام ومجد جابوا المواعين مو هواي لن جاهز لميت كلشي وصبيت الهم جاي وانطيته لمجد
عصام عيني أسيل اعذريني تعبناج ويانا
أسيل لا ابو كرم تعبك راحه
بعد عيني تعيشتي بقيتلج عشاج على الكاونتر.
اي تسلم.
بالعافيه يابه
الله يعافيك وبحضنه جود وكرم بصفه يسولف وياهم مبدلين ملابسهم ومغسلين فتح الثلاجه وطلع عصير ولفه وكعد يطعم كرم كملوا وراحوا
الاستقبال.
دورت على جنطتي ماكو وين خليتها دورت عليها لكيتها بصف التخم طلعت التلفون وأتصلت على اسماء جاوبتني
أسماء هاا اسيل
أسيل وين صرتوا
بالطريق راح نوصل بعدج لو رحتي
اي بعدني
تمام راح نوصل حارث ينتظرني ناخذج ويانا
تمام أنتظرج قطعت الاتصال وصلتني رساله منه.
مروان راح اجي اوصلج البيت تحضري
أسيل ما يحتاج اروح ويه أخويه
مروان لا تروحين وياي
ويه أخويه
نشوف كلمة منو تمشي
ما جاوبته شلت جنطتي وسمعت صوت الباب انفتح وصوت حارث برى ومروان فتح الباب داخلي مال الاستقبال وصاح عليه
رجعي وين موليه اني اوديج
تجاهلته وفتحت الباب وشفت حارث طارت روحي وهو حسيته تفاجئ
حارث أسيل شمبقيج أهنا خويه
أسيل أمي عافتني وراحت
يصير خير تعالي يمي.
تقدمت وگفت بصفه وطلع مروان انرعبت صديت وجهي ودخلن وسلمن ومرام ورافع ترخصوا وصعدوا سيارتهم وراحوا وأسيا كبل اخذت جهالها وتبوس بيهم واني بصف حارث منطيته ظهري
حارث يله يابه تصبحون على خير
عصام تلاكي الخير حبيبي ابو رامي العلم ما قصرت نخدمك بإفراحك.
اسيل مشيت بدون ما اباو? وراي صعدت ليورا وحارث يحجي بعصبيه ويه اسماء
حارث ليش ما گلتيلي أسيل اهنا باقيه.
أسماء شمدريني عبالي تدري واني هسه يله عرفت باقيه لوحدها عبالي عمتي ضاله وياها كلت انت باقي يم الزلم هسه ومحد ضل وعلمود جهال عصام تضل يمهم شكو بيها الناس لناس وهي شكو عدها منو بالبيت شو نسرين وحسن وعمي بالبيت بعد شكو
هسه بالطريق خابرتني وسألتها كالت لا رجعت وعفت اسيل بمكاني حتى ام عصام ما رضت كالت شلون تعوفها لوحدها وتروح وكامت تحجي والله فد تفشلت منهن فد موقف صعب نص عمري راح جوه الكاع.
حارث ليش اني تمنيت الكاع تنشك وتبلعني اخ منج يمه اخ.
أسيل يحجي ومقهور واسماء تهدي بي وصلنا ودخل عليهم وكام يحجي على أمي وصوتهم صار عالي واني كعدت بالمطبخ بس صوتهم ينسمع.
حارث شلون تعوفينها لوحدها وتروحين شلون مو عيب يعني ترخصين بنتج كدامهم ادري ما عدها اهل ما عدها زلم من راحت ازهار هي باقيه شگلتي لنفسسج لا مكلفه على روحج مخابره اسماء تسألين وبنتج ما سألتي عليها.
جنان شگوو قابل وين مبقيتها عيالها وبيت عمها
حارث عيالها على?اسي بس بعدها مخطوبه ما متزوجين وين عايشين احنه وانت المفروض ما تقبلين مو تعوفينها وتجين ادري شعندج بالبيت طفل يرضع شنو من أم أنتِ.
ايييي لاتصيح وتخبصنه هسه صرت حنين وشالتك الغيره والحنيه على اختك اليسمعك يگول عايفتها بمكان مشبوه هي بيت عيالها ورجلها وعمامها وبقيتها تسويلكم جاي وعشه وعينها على جهال عصام اني رجعت جهالكم منو يدير باله عليهم فوك زينيتي وانت الما راضي دوخروا ما وراكم بس القهر شمحصله منكم بس مر ووالزقنبوت.
هسه شحجيت وتزعلين.
دمي محروك منك هسه صرتلي أخ حنين وكمت تخرخر غيره ومحنه بعد عيني من شفت حنيه ولد عمك على اختهم شلون قدروها ويحبونها وشالتك ونفضتك الغيره منهم.
ودام دمك محروك على أختك خابر ابن عمك خل يجي يأخذها ويخلصني من همها بعدها طالبه شديت وياها وبطلتها من مدرستها وحرمتها من مستقبلها نشبت وياهها خليت?اسك وعقلك يمها حاربتها بلكمتها يوميه تضرب بيها وتسلحها لبيتك سويتها خدامه الكم ولنسوانكم تكرف وسخكم وتداري جهالكم واسب واغلط وأضرب بيها وادعي عليها وهي ساكته الرايح والجاي يكفخ بيها سويتوها خدامه لنسوانكم والكم ومكفخه جوه ايدكم وهسه واكف تحاسبني وتكولي شنو من ام تطعن بإمموتي.
اني خسرت بنتي علمود ارضيكم واداري جهالكم هسه صايرلي الاخ الحنين هسه بعد وكت يمه بعد وكت بس الصوج مو منكم الصوج مني اني فرقت بينكم اني السبب الصوج بيه الصوج بيه.
شنو هالحجي هذا يعني أخ ما يضرب أخته وهي هم لاتنسين لسانها شطوله وما تحترم أحد وبس تتذمر وتتبطر احاجيها كلمه تردها بعشره تلزم الجهال تضربهم وتجاوز على نسوان أخوانها شوفيها هسه من خطبها مروان صارت أدامي واحترمت نفسها حتى اسماء صارت زينه عليها لن المحترم نفسه منو ما يحترمه بس الما محترم روحه ومو ادامي ينركع بالقندره.
. لاتذبين الصوج بس بينا بنتج اسيل هم مو ادامي مو بس أنتِ شايله همها اني هم شايل همها وانطيتها المروان أريد أرتاح منها دراسه وماكو شگو كاعده وتششكى من شغل بيت أهلها وتالي طلعتي أنتِ تكولين مسوينها خدامه شطلعت هاي انوب شنو البنات ما يشتغلن بيوت اهاليهن.
هاي هي خل تزوج ونخلص منها ومن همها.
أسيل نزلت دمعتي شلت جنطتي وعبرتهم وضلوا صافنين عليه گبل صعدت الغرفه بدون أي كلام طفيت الأضويه ونمت بفستاني ودمعتي على خدي.
ما أعرف شكثر مر وقت كعدت?اسي مصد? فتحت الگلوب باوعت الساعه ب 2 ونص كمت غيرت فستاني وجريت جنطتي فتحت التلفون ولكيته دازلي رساله على واتساب فتحتها
مروان نايمه من وگت؟
أسيل جاوبته محتاج شيء مُباشِرةً رد عليه
هسه كعدتي
أي
أمي رادت تحجي وياج
الصبح أتصل عليها
إسبو? اليجي أعرس عليچ
ماشي.
شو ماشي فرحانه حضرتج
شجاوبك لعد
هم صح
اخذ راحتك
وين تولين ليش كعدتي لعد شعندج؟
لاتخاف ما عندي غيرك مارد فصلت الأنترنت ونمت بس يانوم يجيني مية مره أنگلبت مية فكره ب?اسي الصبح كعدت على صوت أتصال رفعت التلفون عمتي وصال باوعت الساعه ب 9 جاوبتها هلأ عمه
وصال هلأ حبيبتي خوما نايمه وازعجتج
أسيل لا عادي عمه
فدوة لهل الصوت حتى صوتج يجيب العافيه ولك مروان نيالك دتصلي صلاة شكر شبيك صاير ملحد.
مروان سويتني مُلحد الحمدلله والشكر.
وصال اي يمه أسيل عرسكم قدمناه مو علمود مروان احنه نريدج بيتنا والبارحه من رجعت ولكيت البيت مرايا غسلت مروان غسله من هاي التبرد الگلب أدري مبقينج تنظفين عود وصيته وگلتله زايد تسويلكم الجاي ما اقبل بعد
لا عمه ما مسويه شيء أحسن ما اضل كاعده
فدوة لبنيتي أمج وين
موجوده جوه أني بغرفتي فوك
البارحه ما رضيت عليها وحجيت لاتزعلين.
لا هي خطيه علمود الجهال رجعت رادت تبقى بس خابروها ونسرين حامل ما بيها وضعها وحملها تعبها ف راحت واني بقيت
هاا اذا هيج خطيه حقها لعد واحنه هم كلفنا عليكم بس الشغله صارت ركض بركض لو ادري هيج جان دزيت على زينب بس صارت و أعتذريلي من امج حبيبتي
لا عادي عمه تدللي ما صار شيءإحنه أهل.
اي والله أهل وهسه لازم نبلش بجهازج هم يله نلحك وعلى كيفنا وما ننخبص مثل ازهار اني راح اخابر أمج اجي عليكم ونطلع سوه نجهزلج أو تحبين أنتِ وامج وأختج كيفج اللي يناسبج ويريحج حبيبتي.
كيفكم عمه ماكو فرق.
اخابر امج واتفاهم وياها وأنتِ هم كوليلها
أن شاءالله عمه
يله عيني أخذي راحتج.
الله وياج نهيت الأتصال ونزلت لكيت أمي تطبخ الغده يمه عمتي وصال خابرتني.
جنان اي وشگالتلج.
أسيل علمود جهازي تكول تحبون أجي وياكم نطلع سوه نجهزلج أو أنتِ وأمج وأختج كيفج إلى يريحج
لا گوليلها خل تجي تأخذج وروحي أنتِ وياها جهزي!
أني وياها وأنتِ يمه؟
أني شبيه
مو لازم أنتِ تجهزيلي
ما بيه رجليه يوجعني وجدج مريض اريد اروحله ومرت أخوج تعبانه وين أعوفها والبيت ما بي أحد يجينا خطار أحد منو يضل
يعني جدي ونسرين والبيت والخطار ضروريات هسه
شسويلج يا امي ظروف بعد قابل بكيفي وشگو بيها مو وصال حسبة أمج.
بس أنتِ أمي
أسيل لاتسوينها سالفه
لعد خلي هديل تجي ونجهز اني وياها
عمتها مريضه ومتعارگه هي ورجلها مشاكلها گابه لستار وينها ووينج
أسماء نسرين اي وحده
زعلانات مني من حجيت ويه اخوج حارث
سديتها بوجهي فدمره ما جاوبتني اللي أعرفه البنيه أمها لو اخواتها يجهزنها مو عيالها وعمتها عاطت بيه
لاتضلين بس تلطمين شسويلج كتلج ما اكدر وعمتج هي تريد تجهزج روحي وياهن وخلصيني عاد
بس اني اريدج أنتِ تجهزيلي مو هنا.
خرب بيج وبجهازج زين لو لا ولي عن وجهي مية الف شغله وراي جاي أكولج ما اكدر زوملتي فوك?اسي مثل الثور
ماشي هاي هي يمه يجرالج صعدت الغرفه وبجيت أتصلت على هديل ما جاوبتني دزيتلها رساله اريد احجي وياج فدوه
هديل ما إلى خلگج بعدين.
أسيل يا يوم الج خلگي حتى بعدين
دنجبي ناقصتج أني.
حظرتني من الواتساب هاي شبيها خبال أي والله اي واحد يغثها گبل تحظره اني صوجي أجيتج عبالي أختي وتفهمني وتقنع أمي طلعتي حرامات بيج الاخت
صفنت وبجيت حتى عيب ابلغ عمتي وصال هما يجهزوني ومحد من أهلي يمشي وياي بالجهاز بقيت كاعده وحصره بگلبي نار نار تلهب مختنگه حيل.
أزهار كعدت على بوساته بخدي هشام عوفني نايمه
هشام يله حبيبي أكعدي گافي نوم تدرين الساعه بيش
حتى لو نعسانه
ما جعتي
لا رفعت نفسي بسته من خده شعندك كاعد
كاعد لن ما مصدك مخليج بغرفتي خاف بحلم بوسيني علمود اصدك
أنت تبوسني
ليش مو أنتِ
لا أنتَ
خشمج نزلي عوفيلي كبريائج هسه
ما ينزل باقي شامخ
نعله على روحه شو تعالي
سحبني وكلبني على بطنه ويلعب بشعري واني العب برجليه انت فد واحد كلش حلو ولطيف.
وأنتِ فد وحده كلش عرمه وخشمها فد يابس
فديته خشمي
طالعه على اخوانج
فخري وأفتخاري
اي افتهمنا
تغار
علي شنو أغار
منهم
أنجبي
هشام لاتجاوز
شبيج حميتي شحجيت
ما احب الغلط افتهمها هاي
اي على كيفج عيني
نزلت رايحه أسبح
أوكفي اجي وياج أخاف تضيعين
ليش يمه أضيع
أدليج شبيج بابا دتعالي اني اسبحج
لا استحي
فديته اليستحي غير اموت على ربه والله اسبحج بيدي أنتِ ناعمه جنج لعابه.
هشام استحي والله ما أكدر
روحه لهشام بنيته حبيبته.
حضني ويبوس بيه من?اسي بس متباوع
ميخالف
متفقين
متفقين يله امشي خل اشوف الصاله فارغه واجيج حضري مناشف منشفتي تلكينها بالمجرات.
تمام طلع واني رحت دورت منشفته ولكيتها قديمه حيل تعبانه وتذكرت امي اخذتله جديده طلعتها اله وداخليات مالته كلهن قديمات انقهرت عليه من اروح لاهلي اشتريله، فتحت الكنتور زين تراكسودات زينات طلعتله واحد وملابسي ومديت?اسي وفتح الباب اشرلي وركضت وجرني وقفل الباب...
طلعنا سوه وأخته شافتنا وهو استعجل وكبل قفلنا الغرفه ويفرك بوجهه
هشام شافتنا طلعنا سوه من الحمام مو
ازهار اي ليش
شنو ليش عيب بنات بيت يله اخر مره
ما حجيت لبست وشسورت شعري وخليت عطورات ومرطبات عنايه وهو حاضني ويباوعلي
فديت النظيف خليلي من هذا المرطب
جيب ايدك اخذت المرطب وكعد على حافة الجربايه وخليتله ورجليه ولبسته جواريب
تعلميني على الدلال واني ما متعلم
اني أدللك لعد شنو شغلي أنت حبيبي وزوجي.
عسى من انحرم منج
أكوم أسوي ريوك
يا ريوك وگت غده هسه كعدي لاتطلعين الأكل هو يجيج من حقج تدللين عروستي
كرصني من خدي وطلع وشويه ورجع وكعدنا بالكاع دوشك أسفنج مفرش ومخاد اثنين سحبني جوه ايده ويعدل بشعري واندك الباب
أدخلي.
دخلت إيمان بيدها صينية خلتها كدامنه وهشام باوع الأكل ما مرتضي
وين الغده
إيمان هذا خويه
هشام شنو هذا ليش ما طابخات.
ازهار حسيتها منحرجه مني باوعت الاكل مركة لحم وتمن بايت ودجاج مبين مال غده العرس باقي وياه طرشي وخضروات حجيت يله حبيبي عادي شگو بيها مرگة وتمن نعمة الله عاشت ايدج ايمان
أيمان الله عافيه عيني يله اروح اسويلكم جاي
أزهار مديت ايدي واخذت الخاشوكه يله أكل
هشام لا رايح اجيب غده من برى واجيج عوفي.
ازهار لا والله متكوم قابل غريبه عنكم مو صرت زوجتك هاي هي بعد حالي من حالكم شتأكلون أكل وقابل ما مأكله لحم لو مشاوي اني أصلاً مشتهيه تمن ومرگه يله مد ايدك بسم الله.
هشام فدوه لهل الحلك ينكط عسل شو بوسه
باسني من شفتي ورجعنا كملنا أكلنا جنت جوعانه وأكلت وهو صافن عليه شلت الصينيه ما قبل هو شالها ومشيت وراه للمطبخ خلاها عالسنك.
غسلي وتعالي وراي.
تمام شفت الجاي محضرات الكوابه عالسنك بصينيه نظيفات بس شعور غريب أباوع عالمطبخ تعبان والرطوبه مأكله الحايط والكاونتر قديم بس نظيف ومرتب ما بي هوسه والسنك فارغ ما بي ولا ماعون لن اول يوم اجاني هيج شعور مع الايام اتعود
صبيت الجاي واجت افراح خبطت زاهي وكفت تغسل المواعين وگالت بحديه.
أفراح ياريت اللي صار اليوم ما ينعاد مره ثانيه لن موو لوحدج ساكنه وياج بنات بيت ثلاثه واني شفت وغلست ولو الصوج مو منج لن طبيعتج تختلف الصوج لاخوي المسحول وراج.
أزهار عفواً شتقصدين
أقصد طلعتكم من الحمام تسبحين أنتِ وياه عيب هاي مو من أصول التربيه وحمواتج بنات بيت ويلاحظن ليش الرجال يسبح ويه مرته انتبهي لتصرفاتج ومنو عايش وياج أوك.
إيمان هاا فار الجاي اصبلكم.
أزهار لا اني اصب صبيت واخذته ورجعت الغرفه مصدومه بكلامها وطريقه صياغة إسلوبها ما عجبني تقلل إحترام بطريقة مبطنه بصوره غير مُباشِره.
كاعد يتصفح انطيته كوب الجاي
هشام شبي حبيبي
أزهار ما بيه شي عيني اشرب جايك كعدت بصفه اشرب ونباوع مقاطع سوه وصارصوت صياحهن عالي عاف الكوب على الميز وكام
هشام لا اله الا الله ما نخلص احنه.
ازهار طلع ورجعت أباوع المقطع بتلفونه وصوته على? عفت الكوب وگفت وراه الباب.
افراح شسويلها يعني
هشام أفراح لسانج يعني ما خلصان من مشاكلج أنتِ واخواتج انوب تشدين وياها ليش هضمتيها اني مو نبهت عليج وكلتلج ايمان مهضومه وخط احمر اذا غثتيها اكسرلج?اسج ليش تجبريني أقسى عليج
أيمان هذا هو خويه روح على مرتك عيب شتگول علينا من اول يوم مشاكلنا اني واخواتي شسوي هاي هي تعلمت وتعودت عليهن مو جديده عليه هنا هم خطيه عاذرتهن.
هشام لا ما اسمح لاحد يغثج وغصباً عليهن يحترمجن وينجبن والا استخدم اسلوب ثاني بالمعامله والمو ادامي اركعها بالقندره على حلكها وامشيها على صراط المستقيم وهذا الكلام موجه للكل بدون أستثاء
أفراح ومرتك هم
هشام انجبي مرتي ما الج شغل بيها اني كلامي وياجن ومرتي محد اله حكم وسلطه عليها عداي اني وبس وهي تعرف نفسها شلون تتصرف ما يحتاج احد يفرض حكمه عليها.
ازهار رجعت كعدت وأجه مزعوج شافني وأبتسم.
احميلك الجاي مره لخ.
ما يحتاج حضنج يكفي ويوفي تعالي
لمني بحضنه وروحه مليانه تعب تمسكت بي ميخالف حبيبي عادي تصير بإغلب العوائل هونها تهون صعبها تصعب سهلها تسهل.
فدوة لحلكج ونعم ما أختاريت ازهار أنتِ عالمي الكه بي راحتي من تعب دنياي أنتِ مسكني وراحتي.
حضنني بإحضانه دافئة، وقلبه يخفق بقرب قلبي ونبضاتنا تتواصل في وحدته، روحانا متقاربتان، جسدانا متضامنان في دفء وحنية العميقة وكلمات الحب والغزل تتراقص على شفتيك، بينما تتمرد رجولته على أنوثتي، تدلّ على عطاياه وحبه وتستوحذ منحنياتي بلمسات حنينية وقبلات نارية تنتقل من شفتيّ إلى رقبتي، تنتهي بقبلة خفيفة على راسي وننغمر في نوم عميق، محاطًا بهدوء الحب.
مرت تلك الأيام كانت أجملها عشتها بكل تفاصيلها وساعاتها وثوانيها ولحظاتها من الحب والغزل والحنيه عالمنا كان مليئًا بالاطمئنان والأمن والأمان، حبيبان، روحانا متقاربتان، بجسد واحد نفهم بعضنا البعض من نبرة ومن نظرة. عيناه تنظرلي وعيناي تفهمه
حبينا بعضنا، وعانينا المشاكل معًا، في كل الظروف والمراحل من الحياة قررنا نساند ونعاضد ونواجه معًا الحلوه والمره. وما نخسر لو كل الظروف والعقبات تواجهنا.
كتفًا على كتف، يدًا بيد، نمشي معًا في درب الحياة، نستمتع بجمال الحب، ونستمر في رحلتنا معًا، بثبات وعزيمة.
اليوم سبعتي كعدت من الفجر صلينا وسويتله ريوك وراح الشغل الله وياه كعدت نظفت غرفتي وعطرتها وغسلت ملابسنا ونشرتها على الرغم المجفف كوه يجفف بس ميخالف، رجعت شطفت الحمام والمغاسل والاستقبال مفروش مدات ما بي تخم كنسته بالمكنسه ما تشفط كوه واير كل اشوي يفلت شمرتها وتكأبت واختنكت وصفنت على الوضع مزري والوسخ بكل مكان هوسه كعدت اخذت نفس وبقيت صافنه بحدود الساعه...
استغفرت ربي وكمت اكنس ويفلت وارجع اكمل واضغط على روحي وصلت بيه اريد اعيط تالي تحملت وكملته وجبت معطر من غرفتي عطرته وضل الحوش نعالات مشمره والماي المغسله يجري والصابون ملزك لعبت روحي من الوضعيه لفيت شعري ورفعت ردان التراكسود.
. وبديت اشتغل جبت السطل وخليته جوه البوري وبشلت تنظيف وغسل وساده خشمي ميخالف تتعودين ازهار غسلت المغاسل بس تقيأت ما تحملت ما متعوده اغسل اول مره والمكان مختلف واجهت صعوبه بشكل ما ينوصف ولا ينطاق بس سكتت وما بينت وتحملت وكلت ميخالف اتعود.
افراح شكوو ساده خشمج
ازهار فزيت على صوتها لا هيج
المكان مو مكانج تواجهين صعوبه حقج
لا عادي ماكو صعوبه
لا واضح من الفجر تنظفين ولحد الان ما مخلصه
نظفي وياي ونخلص سوه.
الشغل نوبه حبيبي واليوم نوبتج يوميه التنظيف على وحده يله وخري افوت المغاسل.
عبرت ودخلت شمرت الماسحه واستغفرت ربي رجعت اكمل غسل الحوش كملته ورجعت المطبخ ايمان منظفته ومسويه ريوك كاعده هي وخاله وسجى وصبا صباح الخير
الحجيه صباح العافيه كعدي بنيتي تريكي ويانا
ازهار لا خاله تريگت اني وهشام
ايمان الف عافيه عيني.
ازهار الله يعافيج عفتهن ورحت الغرفتي لكيت اسيا متصله عليه اتصلت عليها هاا حب.
أسيا هلا حبيبي وينج اتصلت ماكو
جنت انظف واغسل وهسه اجيت اسبح
فدوة صايره ام بيت والله ناعمه مو مال تنظيف خوما تعبتي
لا عادي بالعكس الشغل حلو
فديتك خلصتي هسه
اي والله شوكت تجون
ازهار العصر نجي عليج.
هاا ليش
نكلف عليكم غده هي مباركه العصر افضل علمود لاتنبخصين أنتِ هشام ومصاريف زايده
هاا والله ما ادري عادي يمعوده
لا حبيبي مو عادي هو هم خطيه عمتي خابرت نسوان عمامج عالعصر ننجمع ونجيكم
تمام حبيبي هذا هو.
يله اخذي راحتج حبيبتي روحي سبحي
ماشي عيني نهيت الاتصال وأتصلت على هشام هاا حبيبي
هشام عيون حبيبج گملتي كعدن ساعدنج
هاا اي كعدن وكملت
خابرتي أهلج شوكت يجون
كالوا عالعصر
ليش مو عالغده هسه وصلت الكصاب اجيبلكم لحم طبخون غده
لا حبيبي لاتكلف على نفسك ما يحتاج العصريه مباركه وهاي هي.
ما يصير ازهار
لا يصير يله كلبي اروح اسبح
الصبح سبحتي لاتتمرضين ليش تسبحين هسه
نظفت البيت وغسلت الحوش لازم اسبح.
هاا ماشي حبيبي الظهر اشوفج
لاتتاخر
بعيني بوسه لشفايفج الاحبهن
وصلت
باي حبيبي
الله وياك گلبي نهيت الاتصال واخذت ملابسي دخلت الحمام ماكو الطشت طلعت حبت سطل
وسبحت وغسلت ملابسي ومجفف شلع گلبي بالكوه نشفن نشرتهن وللظهر اجه اخذت منه الضيافه خليتها بالثلاجه صبن الغده ورحت اساعدهن كلهن بالمطبخ شمسويات غده
صبا ما مسوين مركة البارحه بايته وتمن.
افراح ما تاكلينها مو حقج ما متعلمه على الأكل البايت ومركة ناشفه اكلج كل كسور لحم ودجاج يله مع الايام تتعودين هاي اذا تعودتي.
صبا خطيه والله يله امشن الاكل راح يبرد يله الاكل جهز تعالوا تغدوا سجى سليمه تعالي ايمان جبيبي صراكعيج وتعالي.
ازهار ضليت صافنه وفزيت على صوت هشام
هشام شو واكفه امشي نتغده
ازهار اي مشيت وياه فارشات سفره بالاستقبال كعدت بصفه باو? المرگه وحجه
هشام مرگة البارحة ليش ما طابخات.
أفراح مرتك اليوم الطبخ عليها ما طبخت
وانتن شنو شغلجن
حالنا من حالها وهذا الموجود شنطبخ يعني مو دائماً هذا اكلنا لو نغيره علمود مرتك ما متعلمه عليه.
شو لسانج طولان افراح راسج يتكسر
الحجيه كملوا اكلكم يمه أفراح سكتي ضبي لسانج
ازهار بالكوه ضبط اعصابه وسگتلها مديت أيدي اكل وهو يباوعلي اشرتله اكل عيني اكل لكمتين وراح الغرفه.
وقررت منا وهيج اني اطبخ عالرغم ما اعرف كل الاكلات بس اخلي ايمان تعلمني ميخالف اصبر واتحمل لخاطره
ايمان أهلج اليوم يجون مو
ازهار اي عالعصر يله عليكم بالف عافيه كمت غسلت ولحكته لكيته نايم غيرت ملابسي وحضنته ونمت للعصر كعدت على الاتصال يبوه راحت عليه نومه هشام طالع لشغل جاوبتها الو اسيا
اسيا وينكم يمعودين كسرنا الباب شنو نايمين.
ازهار راحت عليه نومه محد كعدني هسه كمزت لبست ثوبي ولفيت شعري ركض وطلعت الاستقبال هوسه والسنك مواعين الغده ضاله ردت ابجي عود صبح منظفه خرب هسه شسووي والباب يدك طلعت ايمان فدوه اهلي اجو بس الاستقبال رتبي عالسريع
ايمان والله نظفته ونمت اني وجهالي منو وسخه اووف روحي عيني فتحيلهم هسه الملم.
ازهار نعالات مشمره فتحت الباب واسيا صفنت على شكلي اتفضلوا عيني بوستني ونسوان عمامي كلهن كشخات ولبس فاخر والكعب سلمت عليهن ودخلن وايمان والحجيه طلعن استقبلهن واني افرك بإيدي وامي صافنه عليه
ركضت رديت باب المطبخ ودخلن الاستقبال ونزلن الهدايا بالحوش اشكال وانوا? اجتني اسيا
اسيا ليش ما مرتبه ما متحضره مو بلغتج
ازهار راحت عليه نومه
يله ميخالف امشي هسه اطلعج عروس يله حبي.
دخلنا من باب المطبخ وصفنت عالمطبخ امشي لغرفتي دخلنا وبلشت مكياج ولبست وكشخت واجتي امي
وصال شنو عيالج ما يدرون نجي عليكم
ازهار بلي يدرون
لعد حمواتج وين
بغرفتهن هزت?اسها وباوعت لغرفتي غيرتلي الجرجف وشالت ملابس هشام خلتهن بالكنتور
وطلعنا اني واسيا لكينه ايمان غاسله المواعين ومنظفه المطبخ مسويته يلمع واسيا طلعت ضيافه جايبتها وياه فدوة لروحج هشام جاب بالثلاجه
اسيا مو كتلج اني اجيب وياي يله خير زايد.
ازهار كعدنا وايمان ساعدتنا وضيفنه الهن وكعدت بصف الحجيه وتباوعلي مبتسمه
الحجيه ونعم منكم شلون بنيه ذهب ذهب
ازهار تمدح بيه وامي عيونها تلمع بالدموع وتباوع البيت وضلينا كاعدين وهشام اجه باس امي وسلم عليهن وباركن اله ويهلي ويرحب بيهن وطلع ولحكته لغرفه بس لكيته مزعوج شبيك
هشام اهلج دازيلج ثلاجه وغساله وبلازما وميز بلازما واوتي شنو هاي شله داعي ما عندي اثاث لو مجدي بابهم عيب هالسوالف ليش يستصغروني.
ازهار منو مستصغرك وين العيب بالموضوع ترة كل الاهل من تتزوج بنتهم هيج الهدايا تكون حسب الامكانيه بعد ليش تتحسس وتاخذ على نفسك وتخلي بيها النا
يعني عادي عندج تاخذيهن
اي عادي هدايا من اهلي ليش ما اخذهن وانت كلتها دازيلج يعني إلى مو الكم دام تتحسسون لاتاخذوهن
ماشي
حسيته زعل عفته ورجعت يمهم وصار لازم يكومن ترخصن وسلمن وطلعن كلهن انطن فلوس اوراق وامي خلت بيدي ظرف وكالت.
وصال هذا مليون ابوج دزلج 500 الف من اخوج مروان ومجد دزلج كارتون اندومي كال تجوع بالليل تاكله اعرفها روحها بالاندومي.
ازهار عيني سلميلي عليهم كلهم وبابا شكر خاص
وصال يوصل شلونج أنتِ حمواتج ما بيين زينات وياج لو
الف الحمدلله زينه لا زينات خطيه عدهن دراسه ملتهيات بغرفتهن هزت راسها واسيا خلت بيدي ظرف وگالت.
اسيا مليون من اخوج عصام واني كلاده ذهب وكرم دزلج كارتون حلويات وعصائر مشكل اخذ ابوه واختاروا الج من كل الانواع ويسلمون عليج هواي
ازهار فدوة اروحلكم والله هواي
وصال تدللي يمه والثلاجه وبقية الاثاث ابوج واخوانج اشتركوا بيهن ودزوهن الج وهاا صدك عمار يكول زعلان عليها ما ادزلها هديه خابري وراضي خطيه مقهور حيل سوده عليه هالايام يجي يحضر عرس مروان ويرجع
ازهار تمام اخابره ليش مروان راح يتزوج.
اسيا اي غير خليناه يشد غرفته هو وعصام ورافع وناجح وخالد مخبوصين وياه وباليل نروح السوك نكمل جهازها بعد ما مخلصينه
هاا بيها الخير يمه عود اعزموا هشام عالعرس
وصال الله كريم يله يمه اسيا تاخرنا ورانا كومة شغل يله ازهار بنيتي ديري بالج على نفسج شنو تحتاجين خابرينا وتعالي خل يجيبيج هوسة العرس لاتفوتينها وابوج وعصام اكدوا كالوا خل تجي.
ماشي ودعتهن وراحن واخذت الفلوس ضمتهن بالكنتور وجريت تلفوني دزيت رساله ل اسيا
أسيا حبيبي اخاف اهلي عصام وبابا او مروان يسالونج على الوضع والبيت يعني هالامور امانه امانه حسني الصوره كولي كلشي تمام واني راضيه بكلشي الحمدلله مهم الله يستر عليه وعلى هشام ما اريد گلشي عيني مليانه بي، دزيتها الها وباوعت عليه
كاعد يباوع تلفون بعدك زعلان
لا
لعد كوم دخل الثلاجه بالغرفه
عوفيها هسه.
وين اعوفها بالحوش أخاف توكع عالجهال.
گتلج عوفيها ياعيني لاتلحين.
عفته ودخلت الهدايا والفواكهه قسمتها بالنص واجن يباعن كلشي قسمته بالنص خليته عالكاونتر ايمان هاي حصتكم
ايمان ياعيني ليش كلفتي على نفسج
لا عيني ما بيها شي احنه بيت واحد وأني ما عندي أخت انتوا أخواتي
فدوة لهل الوجه
هشام جان واكف وابتسملي تجاهلته ومشيت منعني عوفني
زعلان حبيبي
لا
حقج عليه يله اني اعتذرلج
هالمره مقبول اعتذراك بس اتمنى ما يتكرر.
ماشي حبيبتي.
عفته ودخلت غرفتي وكعدت ارتب الاغراض جايبتهن اليه أسيا شغلات وصيتها مواد تنظيف وسائل ومعطرات غسل ملابس وشغلات احتاجهن
وهو دخل الثلاجه ورتبت الفواكهه بيها والحلويات
والعصائر مالت كرم حبيب عمته كملت كلشي وهو كمل البلازما وشغلها والاوتي خليته بالصاله والغساله خلاها بصف القديمه.
هشام أخوج مروان الخميس يتزوج مو
ازهار اي تأخذني الهم
ما تطولين مو
فترة العرس
كم يوم
أسبوع
واني وين تعوفيني.
حضنته ما اعوفك بس هذا اخويه خوما يوميه يتزوج
طلباتج مجابه تدللي عليه تبقين وياي على اتصال
من عيني
ابوسهن عيونج
فدوة اروحلك باجر توديني
باجر
اي
بالليل
غمزلي تمام ادللك
راح اشتاقلج فراكج يهد الحيل شيسكنها الغرفه ولج وين انطي وجهي من دونج.
لاتبجيني
ما عاش ولا انخلق ينزلج دمعه بعد روحي.
غمرني بحنيته ما عافني ولا ثانيه بس اطلع يلحكني لن باجر اروح ما يريد يفوت دقيقه لما اجه الليل سهرني للصبح وكعدت قبله وجهزت وهو لبس وكشخ فديته حبيبي شكد حلو وانيق
لعد ليش حبيتني
حبيت رجولتك
اعشقها اني اعشقها هسه وكتك مروان تعرس دصبر كم سنه
دمشي وديني يله
لاتستوكحين بدللي
استوكح عليك عليمن قابل
كلشي بيج ينحب
حضني ويبوس بيه ودعته بكومة بوسات وطلعنا لبيت أهلي وبلغت أسيا وفرحت دزتلي سمايل يركص شخبله واحبها.
طول الطريق نصور فيديو وصور نضحك ونسولف ونتذكر ايام حبنا ولقاءنا الاول شلون جان نخرب ضحك.
وصلنا البيت ودك هورن خل ننزل
هشام لا وين غير يطلعون النا
ازهار خوما غربه هما أهلي
أزهار أدوس على كرامتي علمود كلمة أهلي اصبري هسه يطلعون بعدين مو كاميرات كبالهم ما معقوله ما شافونا ومن طلعتي بلغتي مرت أخوج بعد شگو.
سگتت ودك هورن مرتين وأتصلت على أسيا وجاوبتني أحنه بالباب
هسه عيني.
قطعت الاتصال وأنفتح الباب طلع مجد وأمي وراه ونزل هشام سلم على مجد وأمي وبوستني
هشام عمي موجود
وصال لا طالع اتفضل يمه
هشام لا عمه مشكوره وبالخير عليكم مع السلامه
ازهار شغل وطلع ليش ما طلعوا عليه
وصال ما تعرفيهم قابل وملتهين بعرس أخوج يله فوتي يمه لاتنقهرين هسه بالعرس اخليهم يخابرون ويعزمونه هو وأهله
ازهار هزيت?اسي. ودخلت وشفت سيارة بابا وعمي فاضل وسيارات أثنين منو يمنا.
ولد عمج داوود ناجح وخالد اجوا على مروان
هاا خير أن شاءالله دخلت الصاله وعصام طلع من الاستقبال وضحك تقدمت وحضنته وحضني بقوه ويبوس بيه أشتاقيتلك خيي
عصام مو بگدي شلونج أخبارج زينه
ازهار الف الحمدلله وصرت زينه اكثر بشوفتك
الله يسلمج يله فوتي كرم عمتك اجتي اركض لك
كرم عمه حبيبتي.
ازهار يروح عمتك شلته ابوس بي واجتي اسيا حبيب روحي حضنتها واخذت جود منها وابوس بيها ونزلوا ولد عمي وياهم مروان سلموا من بعيد يستحون ودخلوا الاستقبال ومروان رفعلي ايده وهاي هي ودخل ولا گالي شلونج عصام حك شاربه
وصال يله تضلين واكفه امشي يمه.
ازهار مشيت وياها وصعدت جنطتي بغرفتي وغيرت ملابسي ونزلت اسيا تحضر العصير والكيك كعدت يمها وصلتني رساله من هشام.
هشام عيب عليهم أهلج هذا التصرف مو مال ناس حموله شتلوني يم الباب ماكو زلمه يطلع يسلم عليه وياخذج دازيلي مجد وامج وعذرهم ملتهين بعرس مروان هذا مو عذر وادري كلش زين بيتكم مليان زلم كلهم يمكم بس هاي هي بعد صارت.
ازهار قريتها وأختنكت وسكتت حتى ما جاوبته شجاوبه وزواجي صار غصب عنهم وهما سابقا وضحوا وكالولي وبلغوني وهذا الشيء مو بس هو ما يقبله وينقهر اني انقهر اضعافه بس ما بيدي شيء.
فزيت على صوت امي تحاجي أسيا.
وصال متشوفيلي مروان وين خل يجيني يروح يجيب أسيل علمود بالليل نروح نكمل باقي جهازها
شوكت نلحك
أسيا وين أكوله ما شفتي شسوه بيها من راحت ويانا طلع الطلعه من عيونها سواها سم وزقنبوت
حارث اخوها خاف ما يقبل ما شفتي هذاك اليوم شسوه بيها بالسوك كل شوي مخابرها وثولها
ومن تأخرنا كام يحجي على مروان يعني منا اخوها منا مروان تكسر الگلب هالبنيه.
وصال لعد شلون شو هنا ما جهزنها ما كافي الخطوبه لغاها بس والله الا اسويلها حفلة حنه بالقاعه الا اخلي العشيره تتباهر بيها والا اخلي يفر ب?اسه بكيفه يقرر من?اسه ويلغي ادري يوميه تزوج بنيه شوكت تفرح غير فرحتها بجهازها بخطوبتها وحنتها وعررسها لا الافندي يريد كلشي على مزاج حضرته
والله عمه ما ادري بس مروان صاير ما يتفاهم وروحه بخشمه عبالك مغصوب.
خيولي امشي صيحلياه خل يروح يجيبها هي هم حلك الفطيمه لاتحجي ولا تفتح حلكها رايحه خلصانه انفخ عليها اطير ادري امها ما تتنبهين على بنتج والله جنان مال دك بالصونده
ازهار راحت دزت كرم واجه حتى ما كالي شلونج عذرته كلت يمكن مخبوص بعرسه ودايخ
مروان هاا خير دازه عليه
وصال روح جيب أسيل
شسوي اجيبها دتخلييني اشتاقلها منا الخميس يوميه جايبتها مخليتها بوجهي.
انهجم بيتك دتروح يله وكولولها خل تجيب جهازها الجنط اليمها بالليل اني وازهار واسيا نرتبه الها
ليش اجيبها خو اجيب جهازها وانتن رتبنه
نروح نكمل جهازها
ماكو روحه شگو رايحه أنتِ وأسيا كملن الباقي
شنو ماكو روحه مو امشي على كيفك
گلت ما تروح وخلص لاتلحين يا يمه
لا الح وأكسر?اسك هم بنيه هي تجهز نفسها خطيه يله تحرك
يممممه
ولا كلمه واذا غثيتها بالطريق اغضب عليك والله
يعني عندتي
أي يله امشي تحرك
ماشي بعد
هاي هي.
هم تتاخرون
ما ادري
يله اذا تأخرتوا خليها تبات
شعندي مخبله ابيتها ما وراها اهل امشي لاتتسخف دتحرك يله
ماشي رايح أمري لله...