رواية بين قلبها وعينيها كبرياء للكاتبة شمس العراقية الفصل الثامن
أسيا
مرت هالليله على? نار گلبي ميلون فگره تربعت بعقلي ماكو زوجه متغار على? زوجها وتخاف وحده تأخذه منها اني هالشعور عايش وياي قبل لأ أزعل جان عنده معجبات أكثر من شعر من رأسي مرات يجاوب ومرات يتجاهلهن.
المشكله هو من النوع كلمته تمشي على? الكل ميحب احد يفرض عليه ويتحكم بي ما خله عليه لزمه ما شفت منه شيء ملموس ولا علاقه ثابته ما اعرف هو حريص لو لو اني حسساسه أكثر من اللازم لا اكدر اتجاهل الوضع وأرتاح ولا اكدر ابحوش وارتاح بالحالتين الوضع مميت
مسحت دموعي النازله بسسببه وكمت شفت ابني لكيته نايم بحضن عمي اخذته منه
كمال على? كيفج عمي يمكن مصخن شو رأسه حار أنطي خافض حراره وديري بالج عليج بابا.
أسيا أن شاء الله عمي، اخذته نومته بجربايتنا وانطيته خافض حراره بقيته بحضني والتلفون گبالي سحبته وفتحته ما فاتح نت ونشط من ساعه العافني شعجب نايم من وكت! يمكن ظلمته ردت أدزله رساله تالي تراجعت طفيت النت ونمت اني وأبني.
الفجر والوقت متأخركعدت على? التلفون يرن تململت بإزعاج كرم نايم سحبته حبيبي يتصل بقيت صافنه ما اريد اجاوبه بس هو أتصل من الفجر ما كدرت الوضع مو مال تجاهل جاوبته هلأ حبيبي.
عصام كليبي فدوه لهل الصوت كعدت صليت وأشتاقيت وأريد أرتوي منج
أسيا تقبل الله حبيبي يعني ما هنت عليك تعوفني زعلانه ومقهوره منك
طبعاً ما تهونيين و? شُنو زعلانه حضرتج ليش هو شگو
كيفك
منيح كتير
بعصبيه عصااااام
هاا روح عصام مشتعلين أهل أهله ترى متصل مشتاق مو مال نك ونكد من الفجريات الجو مال حضن بوس للعظم عظامي كلها تصل عليج من اشتعلوا اهلج
أهلي شگو من الفجريات عوف العالم بحالها جر حسره وحجه بصوت ناصي.
مشگلتهم غصباً عليهم يتحلموني أني ولساني شعبالهم لعد هذا النسيب يصير حبيب ويريد زبيب ولج مشتااااق أريد أشوفج انوب ظلمه والوضع محاصر نعله على? يومك رياض كافي تجعرررر جنك ثور
ضحكت عليه تستاهل
هو هذا الله كدرچ عليه
أحبك
كوليها بصوت ذايب اريد احس بذوبانج ذوبي اسيا روحي ماعت
والهيبه وين راحت
مشتاقلج وحايرتلي بالهيبه بابا رجلج بهيج وضع محرج عوفي الهيبه على? صفحه كلشي واله شغله اريدج رومانسيه رب الحلو.
كلتها بصوت مايع حبيبي
حبيبي جنج دجاجه جاعصتها هَمر
شبيك رومانسيتي مبطنه
لا والله مجفنه كبل لنجف، أعرفج تلكطين العافيه بس تشوفيني من اعصرج بين أيديه روحج اقرأ عليها السلام بس من التحق ادكينها كرامه وعزة نفسس برأسي واني اهل اهلي اشتعلواا
تعال هسه واشوفك الرومانسيه على? اصولها بالواقع احلى تكون حاره ومكسبه
أي اجيج ليش لا علمود بالكطنه
لا اسم الله اتشاقه شبيك دير بالك تجي.
لا يابه شسالفه تخبلت ساعة زمان وتخف حرارتي وارجع انام
اي گلبي خليك عاقل
أني أعقل على? اوادام احجي عدل أسيا
فدوه لعقله حبيبي شعجب اليوم كاعد تصلي من الفجر
بلال الحبشي اليوم كعد يأذن
منووو، يحجي واني بالكوه كاتمه الضحكه على سوالفه.
أستغفر الله عبرت على? الموته الاولياء والصالحين هذا رياض يصعد ماي كل شوي ويشفط ويرجع يسوي انزال طير ابو النوم من عيني تالي اكوم اكب سطل ماي واخلي يلكط العافيه هووووش ومرض كافي تجعر
رياض شعندك من الفجر تخابر عوف هالمهجوم خلي بنات الناس ينامن لازمهن سره
من لزمك صرع ما تلكه دواك خبل عليه الحرمه خبلها
أسيا هاا لازمهن سره.
عصام أي واخذهن على? كد عقلهن وأنتِ كبري عقلج إذا كل وحده تتدخلي خلص وأحجي وياها وادخل بعلاقه اصير واحد يلعب ستين نفس والمن عايف حلالي هذا عقلج كبري يا بنت الاوادم
غير أغار عليك
غاري منو كايلج لاتغارين يله حبيبي لازم اروح هذا كعد وكاعد يحوص ما اكدر اخذي راحتي بالكلام بعد هو احاجيج بالهمس وسمعان شحجي بعد بالاشاره
ماشي گلبي اخذ راحتك
يا بعد راحتي ديري بالج على نفسج ورجعي كملي نومتج.
تمام راح ورجعت التلفون وكملت نومتي نوعاً ما ارتاحيت بس گلبي ما يخلى من الشك ينزل بالسلامه وأحاول أفتح حساباته بتلفوني هم اتأكد وهما اريح گلبي
أسيل
واجبات بكد شعر رأسي أدرس وما الحك گلشي صار اكثر من طاقتي جنت خلصانه ومسيطره على? دارستي هسه حتّى هي لحكوني بيها وطفوا شغفي وواهسي بيها
كملت وضلتلي الرياضيات هاي تريد الها گلب ما مدشن.
وفزيت على? صوت أمي ودفعت الباب بكل قوتها بقيت منزله رأسي بكتابي لن أعرف طلباتها وشتريد
جنان گومي ساعديني الف الكبه مسوين كميه علمود اجمدها للعشه وبيت أخوج يجون على? العشه مو احاجيج
أسيل ليش ما عدهم بيت يتعشون بي كل يومين جايه وجايبه جهالها وتجي تأكل وتمشي ماعون ما تغسل كله برأسي يمه والله اني هم بشر وأتعب.
جنان شمسويه هنا شغلات بيت وبعدين أنتِ بنت هذا البيت هذا بيتج شكوو تعاجزين بنات أخر وكت شو لحكيني واذا نزلت وما اجيتي اجيج بالماسحه اكسرها على? رأسج يله صفطي كتبج بعدين عود درسي ما تطير الدراسه عندج الليل شطوله يله.
أسيل راحت وطشرت الكتب امري لله رفعت شعري ونزلت وكعدت الف بيها لما خلصانها مية وخمسين كبايه ركبه ما ضلت عندي وكمت سويت منها للعشه وسويت بيتزا لجهال صينيتن واجو بيت حارث والبيت انكلب هوسه ولعبان نفسس
مو عن شيء بس اسماء شايله ايدها منهم ولا تنهم جاهل ولو يكسرون أغراض البيت ولا تحجي افه من الفاهيه بس بيتها غرضها عزيز يمنا اغراض مال حرام.
صبينا العشه واسماء حاسبه نفسها خطار لازكه بصف حارث نسرين ساعدتني كعدنا نتعشى وحسن باوعلي وگال.
حسن دام مجموعين اكو الموضوع احاجيكم بي
حارث خير أن شاء الله شنو موضوعك
حسن أسيل جماعه تقدموا الها لزواج
حارث وينها وين الزواج خل تتدرس بالأول
علوان بعدها أبني خل تكمل دراستها
جنان ما ازوجها هسه اذا متخلص وتتوظف يله
حارث انهي الموضوع بطريقتك كولولهم صغيره وجاي تدرس ومن هالحجي.
أسيل يحجون ولا احد فكر يسألني لما عيب جان كتلهم أني موافقه على? الزواج بس اعرف راح انبصط من حارث والبيت ينگلب على? رأسي ورأس الخلفوني طبعاً ما يوافقون منو يخدمهم منو يحمل جهالهم ما شاء الله هم خدامه وهم مربيه.
كملت أول وحده وعافن المواعين عليه نسرين غسلت وتحجت بظهرها وظهرها يوجعها من السنك ينترس مواعين وهذيج صبت جاي واخذته الهم باوعت المطبخ مگلوب ويوسخن بدون وجع گلب لا يبوه شگو عليجن.
أستغفرت ربي وسگتت وبديت أغسلهن وكملت تنظيف المطبخ والحوش عفته لما يرحون جهال حارث عفتهم كاعدين وصعدت الغرفتي قفلتها لن الجهال بس يكمزون على رأسي مثل الفيران.
كعدت ادرس كملت واجباتي كلهن رتبت غرفتي وتمددت لكيت تقى مراسلتني هلا تقاوي شلونج
تقى ليش ما اجيتي أنتظرناج
أسيل ما لحكت والله عود غير مره على? الجايات
علي? راحتج حبيبتي.
تعذرت منها ونمت للصبح كعدت لبست وشلت جنطتي ونزلت لكيتهم كاعدين يتريگون كعدت أتريك وأمي كالت
جنان أبو حارث اليوم العصر كلت اروح بيت ابو عصام بنتهم دخلت مستشفى وطلعت وما رحنا عيب منهم
علوان شعندج رايحه يا مره خلي رواحتنا لبيت ام فاضل وهاي هي
لا يا رجال ما يصير خوما تكاطعت فدمره وأذا على هذيج السالفه صارلها عمر والفات مات اروح ساعة زمان اعافي الها وأتحمدلهم على? سلامة بنتهم أزهار.
يله ميخالف روحي وتأخذيمن وياج
اخذ جناين نسرين وأسماء
نسرين لا عمه أعذريني اخذي وياج أسماء گافي
جنان ماشي هذا هو لعد ما اخذ الجهال اعوفهم واسيل ديري بالج عليهم مو تكتلين البنات على? ساعه تسكطيهن.
علوان خفي على? البنت يا مره واخذيها وياج عود روحي ويه أمج
أسيل ما حجيت شيء هزيت رأسي وطلعت أنقهرت من امي تريد تعوف الجهال يمي ويرحن همزين أبوي حس وحجه يله زين اجت منهم بدون ما اطلب اروح وياهم.
وصلنا المدرسه وطول الدرس ساكته ورن الجرس والدرس البعده شاغر المدرسه ما جايه واجن هاجر تقى كعدن گبالي حجيت الهن وضحكن
تقى فرصتج ولج واجت على? رجليها
هاجر عيب خوما هي تصارحه وانوب كرايب لا أسيل ديربالج الثكل زينة البنت
أسيل لا شسالفه عزا مو لهل الدرجه هو مجرد اعجاب لا اكثر وتورطت حجيت الكم عاد تأخذونه طابو.
تقى لا يمعوده شگو بيها كلنا على? هالطريق بس أقصد مو تصارحينه أنما الفتي أنتباه حسسي بوجودج حسسي عنده بنت عم وحليوه وطيبه ومظلومه وشابعه ضيم وتكفخ من أهلها خرب راح ابجي ونبي لو عندي أخ الا اخذج اله حتى لو متزوج ازوجج اله بس مهم ما اشوفج بهل الضيم العايشته.
أسيل لا يمعوده عادي الحمدلله على كل حال
هاجر اي والله الحمدلله موزين عندج أهل اني ما عندي أهل بس بيبي بس الحمدلله الله عوضني بخطيبي.
أسيل الله يسعدج يروحي والله تستاهلين كل خير
ضلينا نسولف وتقى گلبت جنيتها على? مروان گوه تريد تضبطه اليه يمعوده عوفي الرجال بحال سبيله يجوز مرتبط.
لا شگله سنگل أني اعرف هالنماذج من شگولهم وأن شاءالله ما يرتبط بس بيج حبيبتي الغالية أخ لو ينطوني أسماء يوم واحد يوم وبصحراء قاحله شسوي بيها افوخ گلبي وخاله جنان اويلي يابه، ولج ومنا هيج لاتسكتين حتى لو يضربونج هو حي على? الصلاة شابعه تكفخ على? أقل بردي گلبج.
أضحك عليها و? حرگة گلبها عليه وضلينا نسولف ونضحك كلش أرتاح من اجي المدرسه اتخلص من الضغط وأتونس ويه صديقاتي مو صديقات اخوات بالن يمي وشايلات همي اني أمي ما شايله همي بكثرهن.
درس ورا درس الى أن خلص الدوام ورجعنا البيوتنا.
لكيت أمي تصب الغده واجه حسن ونسرين صعدت غيرت ملابسي وساعدتها وتغدينا وعافن المواعين عليه يمه ما يصير اني هم جنت بالدوام وتعبانه شو هي من الصبح طلعت حالها من حالي لا شغل لا عمل ما يصير على أقل تغسلها ماعون شطلعت هاي
جنان شتغسل مو وراها جهال اثنين ويردون منها شتصير المره وظهرها يوجعها وهنا ماعنين غسليهن ولاتأكلين رأسي
يمه گلبج يوجعج على جنتج ما يوجعج على بنتج.
شمسويتلج يا أمي وهذا بيت ابوج والبنت ما تتعاجز من شغل بيت أهلها باجر عكبه تتزوجين بعد ششوف منج تعيريني بغسلة المواعين وناشبه ويه نسوان أخوانجن جفينا شر المشاكل يمه مالي خلكهن.
يله دتكملي البيدج وصعدي تجهزي لبيت عمج كمال دانروح هم يله النهار كصير بين ما اخابر أسماء شوگت تجي.
سگتت وكملت غسل وهي راحت تخابرها غسلت وصعدت غرفتي طلعت فستان مستور وحلو ومرتب لبست ورتبت شكلي وشلت تلفوني وجنطتي ونزلت لكيت أسماء موجوده تفاجئت الافنديه عبرتها ودخل حارث
حارث وين وين موليه
أسيل اروح ويه امي
حارث وشعندج رايحه يممممممه أسسيل متروح
أسماء صدك تحجين عمه لعد الجهال وين اعوفهم واسيل تروح ويانا شگوو مأخذينها هي بنية بيت حتّى عيب.
جنان ليش عيب قابل مأخذتها أدلل بيها ابوك هو گال أخذيها والجهال رهف أخذيها وريم ورامي يبقون بالبيت ووصي نسرين عليهم
حارث كلت متروح يعني متروح
أسيل گول هذا الحجي لابويه هو گالي روحي
حارث أنتِ أسگتي چلبه
أسيل نار شبت بصدري حجيت بصوت ناصي مثل مرتك غير ما حسيت غير ضربني بكل قوته بأيده وضربه على? حلكي وخله دم يتطافر شك شفتي وامي كامت تحجي عليه.
جنان ليش ضربتها شسوتلك وابوك كال اخذيها وياج ما تكعد راحه الا تسويلنا سالفه وانتِ متعرفين تسكتين روحي غسلي نولي
أسيل غسلت على? المغسله وخليت كلنكس كوه أنكطع الدم الشك من داخل شفتي خليت مرطب شفه وطلعنا وجان مزعوج ويفتر وأسماء گلبت خلقتها لن شافت امي ما رضت واني مستغربه من امي يمكن مفعول السحر خلص ههه ورجعت امي طبيعيه.
طلعنا لبيت عمي كمال واخذنا تكسي وبالرجعه كالت تخابر حسن يجي ياخذنا وصلنا بيتهم ماكو فرق عن بيت جدهم وعمهم فاضل بس هذا مرتب وأحلى وحسيته أوسع الحوش كبير ومليان سيارات ثلاثه يعني موجود بالبيت لحد علمي أزهار عدها سياره وعصام وعمو كمال وهو ياربي موجود.
مجد فتح النا الباب ودخل يصييح عليهم وشوي وطلعت عمتي وصال تهلي وترحب بينا
وصال يا هلأ عيوني يا هلأ توه ما نور البيت اتفضلوا اتفضلوا.
أسيل باوستنا وصلتني باوستني وصفنت بوجهي وأبتسمت ودخلنا الأستقبال ويا ما عمه وصال فتحت الباب مروان نايم كبل كمز لابس بس داخليات وبأذانه هيتفون جان على? اتصال ويمكن كاميرا لن كبل كلب التلفون وتفاجئ خطيه نزل رأسه ومشه سريع ودخلنا الأستقبال وهو اسمعه يحجي على امه
وصال شمدريني نايم اهنا مو عندك غرفه
مروان هاي سوالفج تحممي كولي بالله عليج هاي سالفه سالفتج خليتني بموقف محرج كله جفت وصال خاتون
لا وانوب مصلخ.
اي دتروح بدل وتعال سلم على? مرت عمك عيب
ضل بيها سلام
أسيل كعدنا وأسماء باوعتلي وكالت
أسماء ياا خطيه فشلنا الرجال وأستحى من عدنا وضل يحجي على امه هو فشل لن اسيل موجوده ويانا
جنان ما صار شي حسبة اخوانها
أسيل سگتت واجت ازهار وأسيا زوجه عصام سلمنا عليهم وأسيا جانت كلش حلوه وكاشخه تلمع لمع وتذكرت هديل وأزهار راحت جابت ضيافه قدمت النا وأسماء أستلمتها
أسماء ما تزوجيين نفرح بيج
أزهار بعد وكت.
أسماء يا بعد وكت شو دراسه وخلصتي وتوظفتي تزوجي نفرح بيج
أزهار قسمه الله كريم اتفضلي
أسيل وصلت لعندي ضيفتني وسمعنا صوت تحمم غصيت الا شويه دخل وسلم على? أمي اكلها وشربها بالسلام صاحب ملكى الحلو ابن الحلو
مروان يا هلأ بيكم سلمينا على? عمي علوان و? الولد
جنان بالمهلي يمه يوصل ان شاءلله الله يسلمك ويعزك.
أسيل جان لابس وكاشخ شكله يطلع طلع وأشر ل أزهار ضحكت ولحكته اني شبيه مراقبه حركاتهم اخذت نفس لن توترت من وجوده يقلق على? رغم شكله وطوله وشخصيته تجيب العافيه.
جنان شلون صارت والله سمعنا انقهرنا خطيه بعدها وينها وين السكر وينزل
وصال الحمدلله عدت على? خير اي والله يخيتي
جنان الله يجفيكم شر الامراض تنذكر ما تنعاد وربي يفرحج بيها صلاوات صايره شحلاتها وأنتِ هم ما طلعينها ضامتها.
وصال ههه والله اختي لا ضامتها ولا أبداً هاي بنت ابوها شحدها اللي يحاجيها وبس تخرجت وظفها وعلمها السياقه وحتى صعدها سياره منو بدورنا صعدت سسياره اني لو أنتِ بس لن وحيدتنا وتستاهل الدلال عيني طولها
جنان هاا ما شاء الله الله يحفظها الكم.
أسيل امي باوعتلي وسگتت نزلت رأسي ضامتهن بگلبي
اجت تضحك وكعدت بصف امها وشوي واجه كرم طفر عليها شالته تبوس بي وأسيا كامت شالت الضيافه.
وكمنا وعزمونا على? العشه بس امي ما قبلت وتعذرت منهم عاد كالت
وصال دام ما تضلون على? العشه مروان يوصلكم ما يصير والله أزهار شوفي أخوج كاعد بغرفتنا يله امي
جنان لا يمعوده نأخذ سياره ليش اتعبينه هو نازل تعبان خطيه
وصال لا شصار قابل يله أزهار وين صرتي
أزهار هسه بس يجيب المفاتيح السسياره بغرفته ويجي.
أسيل شوي وسمعنا صوته يصيح امه عاد كمنا واسماء مشت أول وحده يربي هالبنيه شكد خفيفه كون يشوفج حارث الا يملص رگبتج لا والله هو شاطر بس عليه الاخت مسيطره.
طلعنا هو مشه والتفت علينا اجت عيونه بنص عيوني بس بدون أنتباه مجرد نظره عاديه بس يمي مو عاديه احس سحب شريان من نص گلبي وازدادت نبضاته ينبض بقوه لاحظت أيديه بيهن رجفه خفيفه.
نمشي واني نظراتي عليه هاي بالبيت وهيج كاشخ لو تطلع شلون تكون الكشخه مشكلتك دخلت راسي وتربعت بگلبي.
شغل السياره وازهار صاحتله
أزهار سيادتك لاتنسى الوصيتك عليهن
مروان على? هالخشم
أسيل لحالي ابتسمت حبيت عائلتهم وحبهم لبعض شغلها وامي صعدت ليكدام اني صرت ورا امي وأسماء بصفي ودعناهم وطلعنا للبيت ساكت يمكن هو طبيعته هادئ.
وصلنا وأمي تشكرت من عنده واني نزلت مستحيه بس تمنيت الطريق ما يخلص هو شكله حلو يجيب العافيه
جنان مشكور يمه تعبناك ويانا الله يحفظ لشبابك اتفضل فدوه لعينك والولد موجودين
مروان لا عمه صدك جذب احنه اهل من عيوني الاثنين سلمي على? عمي علوان والولد واعذرينا غير مره ان شاءلله يله فيمالاا
جنان في حفظ الرحم?ن يمه درب السلامه وليدي.
أسيل راح الله وياه ليش هم رفع عينه على? وحده بينا هم باو? لا والله عفيه شُنو من اخلاق وثكل ورزانه شايل هم حلو وهم شخصيه وهم أخلاقك عاليه اي يا مروان.
جنان الله يحفظه شلون ولد أبداً ما رفع عينه والله ونعم تربيتج يا وصال زلم بيهم حظ الله يحفظهم ويفرحها بيهم.
أسماء أي ما شاءلله مبين خوش زلمه.
أسيل عفتهن يحجن وطفرت للغرفه فتحت الباب فتحت الشال ونثرت شعري وتمددت على? الجربايه وغمضت عيوني وهذاك الطول انرسم بخيالي ومخيلتي خليت ايدي على? گلبي وابتسمت رفعت ايدي خصلات شعري واحس ريحة عطره بخشمي خشونة صوته مشيته بطوله الحلو هدوئه وثكله والاهم عيونه كبار واسعات النظر.
بقيت مبتسمه وفرحانه احس بروحي طايره بدون جناحات بهل السما الحلوه روحي هادئه وساكنه وعايشه شعور الملكات شعور حلو وينعس شعور الحب الحقيقي هو حبك يا مروان وتحول الأعجاب من نظره الى نظرات الى حب وهل الحب شلون راح تكون نهايته.!
أزهار
من بعد ما راحوا رجعت لميت الضيافه وغسلت المواعين واكفه اغسل واجه مروان خله الأغراض الوصيته عليهن مشكور تعبناك
مروان بالعافيه يابه
جر الكرسي وكعد وعينه بالتلفون اكول مروان نفخ الدخان وحجه
گولي
ويامن جنت تحجي بالاستقبال ولكفتك الوالده
تحقيق لو شُنو وبصفتج منو تسألين
أختك منو قابل
لااطيحين ميانه زايده
تمام بس مره گتلي أحجيلج حابه اعرف
من يجي وگتها مو هسه
يعني مرتبط.
شعليچ يله اني طالع لاتتنظروني على العشه وأحتمال اتأخر
وين رايح اليوم نزلت بعدنا شفنه منك هسه يجي بابا ويسأل عليك
وين أطير قابل شعندي مكابلجن يله فيمالا.
الله وياك راح ورجعت اكملهن واجت امي
وصال وين راح مروان شعنده طلع
أزهار وين يروح قابل يم جماعته وگال يتأخر
شوكت ازوجه وارتاح على? اقل اضمن وجوده هسه عصام من ساعة تزوج كعد على? عقله
الله كريم
شفتي أسيل شلون بنيه حلوه وتنحب
أي شفتها بس مو ذوق مروان.
وليش مو ذوقه شبيها شو عين هالكبر والطول شحلاته شيريد اخوج انجلينا جولي
يشلع گلبها والله اني اعرفه يحب الحلوات فد مره هذن ناعمات وبشرتهن مثل الورق ثلج ثلج عكس عصام ما يهتم لجمال بكثر ما يهتم بالاخلاق
مو معوز اخلاق يعوض
والله ضحكتيني
الله كريم بس احاجي عليها بس خل اشوف أبوج بالاول اني هالبنيه عجبتني حبيتها وبنت عم ابوج
كيفج اللي تشوفينه يله ماما غسلت المواعين شلوني.
شلونج يرادلج عمه وحموات يشوفجن نجوم الظهر
ليش ماما بيش طالبتني
هذا مو شغل ماما المفروض منج تعرفيهن بدون ما اعلمج البيت يريد هواي أمور وأم البيت لازم تعرفهن كلهن مو شرط تكون موظفه ما تعرف بالعكس الموظفات قايمات بواجباتهن على? اتم وجه ف مغزل كلامي اتعلمي امي محد يفيدج لا اني ولا غيري احسسن ما تسمعين حجايه تغثج وتضل تأكل بگلبج العمر كله.
الله كريم أتعلم شوي شوي عفتها وصعدت غرفتي وتمددت وكلام امي برأسي يعني شرط الوحده تتعلم اي شرط لعد شلون يله منا وهيج احاول اتعلم الطبخ والحلويات وكلشي يخص المطبخ سهله ان شاءالله
فتحت تلفوني وراسلت أيات وأستبرق وحجيت الهن ايات ضحكت لن نفسي كلشي متعرف بس أستبرق لا متعلمه على? أبواب زواج راح ادخل العش الزوجيه.
أيات ازهار اني وياج نقدم على تقاعد شنسوي بالزواج وتعالي رجال وعيال وبعدين يجون الاطفال ومسؤوليه يمه شُنو هالحياة الله يساعد أهلنا
أستبرق لعد شعبالجن هاي الحياة
أزهار واني احجي وياهن رشا دزت رسائل دخلت على? رسائلها وكاتبه اتصلي أتصلت عليها وحجت
رشا ازهار أريدج تساعديني
أزهار عيوني الج كولي
هذا هشام رفض يأخذني بالخط ما اعرف ليش وهو عنده مكان فارغ حاولت وياه يكول ما احتاج وبيتج بعيد وبيتي اقرب من ست رقيه.
ليش وشمعنى
ما أعرف والله حسيته ما يريدني وأني رايدته وحبيته نوب عليه صوت بالتلفون الا يموت
منين حصلتي رقمه
دبرته وهسه شلون صديقتج وكعت بالعشك حبيته ما جنت اظن بهل السرعه راح أحبه ولج ثكيل وما ينطي مجال وكوه يحجي عباله بهاي التصرفات راح ابتعد ما يدري وكعت على? عمى عيوني
أخاف يدك ثكل برأسج
لا لا مو من هذا النو?
وشمعرفج بي
مبين الشخص من النظره ينعرف وأني عرفت اطباعه بحكم عصبيته ونظراته اللي سلبت گلبي.
تحجي وصوتها مخنوك الاخت عاشگه فعلاً والبنات يدزون رسائل وهي تحجي جاوبتهن لحظه صديقتي بالدوام جاي احجي وياها صاعده أتصال
أيات بس لا تكولين رشا
أزهار اي هي ليش
أيات من خلال كلامج عنها ما ارتاحيت الها ما اعرف ليش هيج گلبي ما حبها ولا حب اسمها
أستبرق ولا اني حبيتها عوفيها ختولي قحط صديقات مو عندج احنه موجودين وعلاقتنا قويه لاتثقين بيها ختولي.
رشا ازهار وين رحتي شو سگتي اني اتصلت مو علمود تضلين ساكته حاجيني فدوه رايده مساعده منج
أزهار بشنو اساعدج والله ما أعرف والحب مو غصب ولا اجبار احتمال الرجال متزوج او مرتبط بوحده ثانيه وما جاي ينطي مجال لهل السبب
بس اني حبيته
حبيتي بس لاتسحلين نفسج وراه خليج ثكيله الرجال يكره الخفيفه والتركض وراهم اني حسب اخواني احجيلج بعد كيفج.
ما حبيتي قبل
شنو معنى هالسؤال اظن شيء خاص بيه
مجرد سؤال شبيج.
اي حبيت بس ما صارت قسمه انفصلنا من زمان
وتزوج بعدج
ما اعرف الصراحه ولا اريد اعرف
ليش أنفصلتوا
علمود أمه ما رادتني واني كبل نهيت
علاقه قويه لو هيج عابره
اكعد احجيلج شيء صار بالماضي مالي خلك عوفينا من هالموضوع خلينا بموضوعج شراح تسوين
ما أسوي شيء ومثل ما كلتي احتمال يحب ثانيه
مجرد إحتمالات لاتخلين بالج عوفي وثكلي اذا يحبج هو يصارحج هيج افضل
ماشي يله باي
وين تروحين شو گبل باي.
أخواني بالبيت ما اكدر أطول على? التلفون تعرفين الاخوان
اي حقج الله وياج راحت وما اعرف حسيتها تجر لساني بالكلام واني الثوله شكو حجيت الها يله قابل قاتله الولد حبني وما صارت قسمه وراح الله يسهله
ايات ولت لو بعدها وينج
أزهار اي راحت
استبرق شتريد
أزهار عدها موضوع وطلبت مساعده ونصحتها
ايات لا تثقين بيها ما مرتاحلتها
استبرق اي ديري بالج منها.
أزهار يمعودات شبيكم أنكلبتوا عليها البنيه كلش حبابه وما شفت منها شي مو حلو من يوم توظفت بالدائره هي لطيفه وياي
ايات مهم نصحناج كيفج
أزهار تمام مشكورات على? النصيحه نهينا المراسله ودخلت ابحث عن وصفات صارلي واهس طلعت ونسختهن ونزلت اسوي عشه كملت ورجعت ادور على وصفه ثانيه واشم ريحة شعواط لما انداريت الدخان وين واصل واجت امييي تركض وتصيح عليه طفت الطباخ.
وصال لا خوش تعلمتي من اولها حركتي الطبخه وجان حركتينا وياج اذا هالمهجوم التلفون بيدج منين تعلمين من عين جدي عوفي لخاطر الله هالطبخ مااريده منج لاتتعلمين
أزهار ليش تحطمين واهسي شصار اذا احتركت الطبخه عادي مو من اولها تضبط وياي خل اجرب مره مرتين ثلاث لما اتعلم
اي وتحركيلي الجداري والمطبخ كله دهن وسماد ودخان على? هالحجي نحترك لما حضرتج تتعلمين عمي ازوجج كعيدي يمي علمود لا طبخ ولا شي تخلصين
شنو كعيدي.
يكعد ويانا
اي هاي العايزه طلعت وضلت تدردم وتحجي حطمت واهسي يبووو شجاني غير انتبه على? الطبخه خل تضبط الاولى عود طبخه الثانيه يجي وكتها ضجت حيل
وحلفت بعد ولا اتعلم شيصير خل يصير وهالزواج هم ما اريده ولا اتزوج قحط.
الثاني كعدت من وكت ومعصبه مزاجي متعگر لبست رسمي وشلت جنطتي وشلت السويج ونزلت الكل نايمين فتحت الباب طلعت سيارتي من الكراج وتوگلت لدوام.
وصلت طبكت سيارتي واني نازله عبر من يمي بالسياره موظفين ولاحظت فعلاً اكو مكان فارغ ليش رفض يأخذ رشا وياه مشيت ونزلوا وسلموا عليه اهلاً أستاذ احمد
احمد اي عمي شگو عليج سياره وأحنه ناجر خطوط
رقيه لا استاذ احمد لا انوب اطكها بعين مدلله ابوها بعد ما عليج من كلامه
لا شسالفه اتشاقه والله عليج الف عافيه تستاهلينها.
أزهار الله يعافيك تسلملي مشوا واني مشيت لفت أنتباهي بعده واكف ونظراته متوجهه ناحيتي تجاهلته ومشيت وراهم دخلت ودزيت على كهوه كعدت اشربها ودخلت رشا مزعوجه خير شبيج
رشا ضايجه والله ومخنوكه نفس الروتين ماكو شي جديد
أزهار اخاف من ورا هذولاك الناس
رشا قصدج هشام
اي
اي بس شسويله قافل عليه ما يقبل ياخذني بالخط مالته ليش هالعناد ما اعرف
عوفي وشنو يعني لا يقبل ابقي بالخط مالتج.
لا ما اعوفه ما حبيته علمود اعوفه والمن اعوفه
شبيج تعصبتي كيفج لاتعوفينه
لاتزعلين امانه حجيت هيج من حرگة دمي
لا على? شنو ازعل
دام هيج اليوم عازمتج على دولمه الا تموت سويتها البارحه باليل نطلع من الدوام وتروحين وياي نتغدأ وبعدين رجعي بيتكم
لا ما اكدر ما طالعه لغير بيت
ليش شگو بيها اني صديقتج مو غريبه
أعذريني ما اكدر والله اذا تحبين اني اعزمج.
اي عادي اوافق لن من يومج تعزميني ويصير شيءوتغلسين عليها واني مو مثلج حقنه وأرفض العزيمه وجدر الدولمه أي على? شنو عازمتني
تعالي وتدللي
لعد من يخلص الدوام اروح وياج
اي تعالي هلا بيج يله خل نكمل شغلنا هواي حجينا
رجعت كملت شغلي وهيج لما خلص الدوام ورأسي صد? والله اليوم تعبت وعبالي اروح السوك شكلي راح اكنسلها
رشا لا ليش اروح وياج واسويلج واهسس
أزهار أخاف تتأخرين وأخوانج يضلون يحجون.
رشا لا يمعوده أكول الهم حفلة عيد ميلاد وصديقتي تاخذني وترجعني ميكولون عادي لن يعرفونج بالبيت من تتصلين ازهار كلهم يصحون ازهار اتصلت
أزهار يا عيني خلص لعد امشي للبيت نتغدأ وبعدين نروح السوك
رشا تمام متفقين
أزهار فرحت هواي وطلعنا سوا وبطلعتنا جان موجود عبرنا من يمه ورشا ما شالت عينها وهي نظراته مو يمها ومن صعدت رشا كالت
رشا شفتي شلون يباوعلنا او بالاخص يباوعلج الج
أزهار خل نمشي هسه.
هاي سيارتج شگد حلوه احلى من هذيج بيش اخذتيها
من معرض بابا هو جابها اليه
هاا تستاهلين نيالج على? أبوج
شغلت سيارتي وهو هم ورشا ثولتني بس تحجي وتسأل واني ما اعرف شجاني ارتبكت بالسياقه مو بالعاده هيج يصير وياي
رشا مبين معجب بيج من اسالج تكولين لا ماكو هيج شي باعي نظراته مال واحد عاشك وولهان.
أزهار لا اله الا الله جلبتي بيه بعد لزكتي سگتيي عاااد انزعجت منها لازكتلي شيء مو ابالي واني أيدور السياره ضربت سيارته بقوه
رشا عزا العزاچ أشسوووويتييييييي؟
أزهار إشسوووويت.!