رواية بين قلبها وعينيها كبرياء للكاتبة شمس العراقية الفصل التاسع
أزهار
طفيت السياره وانخبصت ورشا تحجي وتلطم
رشا عزا العزاج صخام الصخمج ضربتي سيارته خطيه
گااااافي سدي حلكج خل اشوف دربي، نزلنا ولكيتهم نازلين ومجموعين والسياره مالته مدمره من كدام وسيارتي هم متأذيه باوعلي وهو منزعج
هشام اذا ما تعرفين تسوقين شگوو تركبين سياره ما عندج احد يظبج ويعلمج السياقه شلووون.
أزهار أحترم نفسك وأحجي عدل خوش وبعدين أنت ضربت سيارتي مشكلتك مو مشكلتي انت روح أتعلم سياره لا تذب بلاءك على? العالم
عمي أنتِ تردين تبليني دعمتي سيارتي اني رجال اسوق سياره من عمر مو تجيني وحده جاهله تعلمني السياقه.
والله هذا العندي أنتَ دعمت سيارتي وأنت تعوضني والا اكولك هالتعويض هم ما اريده خلي صلح بي سيارتك لن خطيه هم تضررت وكان الله يحب المحسنين، حسيته صار واحد ثاني من عصبيته وكام يعيط وأستاذ احمد يهدي بي.
شوفي لج ورب الكون اذا ما تحجين اعدل أعلمج الحجي شلون بس أنتِ الظاهر مستجلبه على? الاوادم والله لما حرمه جان عرفت شغلي وياج بس الموكفني حرمه مو رجال واذا عندج زلم خابريهم اتفاهم وياهم ما عندي كلمه وياج جاهله وكل منطق ما عندج.
أستاذ هدي اعصابك كول يالله يمعودين تنحل بالتفاهم
هشام ليش تعرف التفاهم أستغفر الله العظيم واتوب اليه.
أزهار مسح كصته بتعب جريت تلفوني أتصلت على? بابا خل هو يتفاهم وياه الظاهر واحد لسانه متبري منه وكعت بسالفه وياه بعد شيخلصني من بابا واخواني
وكفوا على صفحه وأني أتصلت ورن جاوبني بابا وين أنت
كمال بالبيت ليش بابا
أزهار بابا تعال لدائره صارتلي مشكله
مشكلتيش خيرررر شصااااير ازهار باباااا
بابا لاتخاف بس شسمه اندعمت وهذا ما يتفاهم يكولي أنتِ دعمتيني تعال احجي وياه
جاي بابا جاي.
أنتهى الاتصال ورجعت باوعتله كلب عيونه وصد وجهه عني ويستغفر عبالك شايفني مصلخه هذا شبي
رشا ترى أنتِ دعمتي ليش ما تتنازلين وتدفعين التكلفه يصلح بيهن سيارته خطيه هو صحيح سيارتج هم متأذيه بس ميخالف أنتِ عندج خير زايد ومعرض هسه تكدرين تروحين تختارين احسن سياره بس هو المسكين هذا رزقه.
أنتِ أكرمينا بسكوتج لخاطر الله ما ناقصتج فگي عني
عفتها وكفت قريبه منهم وأستاذ احمد يهدي بي وهو ساكت باوعلي وگال.
اذا محد يجي اريد اولي اوصلهم وراي أهل ينتظروني مو اضل انتظر
بابا بالطريق جاي ما جاوبني ومر وقت وطبكت سيارة بابا ونزل تسلاموا هو وياه وأستاذ احمد وكفوا يحجون اله واني ساكته واجه بابا القى نظره وباوعلي
كمال فوك سوايتج تتهمين الرجال داعمج ليش بابا
أزهار بابا هو أكلني حاصل فاصل ما انطاني مجال وما اتحملت حجيت هيج خلصني من هالسالفه فدوه
كمال امشششي صعدي هسه اجي.
أزهار لا ابقى وياك هز رأسه ومشينا وهشام ما يباو? بوجهي عبالك كاتله اهله مو داعمه سسيارته وبابا تعذر منه
كمال حقك علينا أبني ونعتذر منك واحنه الغلطانين وتكاليف تصليح السياره عليه وشتريد اني حاضر وأعذرها بنت وتسوق سياره مو مثلنا احنه الزلم
هشام لا عمي شسالفه هذا هو ما صار شيء والتكاليف خليهن ما يحتاج كلامك كافي الله شاهد وبنتك الله يسلمها لو محاجيتني بالطيب جان انحلت بساعتها.
لا والله ما امشي منا اذا ما ادفع كل تكاليفها وغير كلام ما ارضى بي وأنت رجال تشتغل على? باب رزقك ما يصير أبني الحق حلو
أزهار اجه بابا فتح السياره وكفت على? صفحه طلع مبلغ عباره عن اوراق مبين مبلغ جبير مشه من يمي وراح خلاهن بيده وهشام يحلف وما ياخذ وصارت لغوه وبابا قفل اخر شي خلاهن بيد أستاذ احمد وسلم على? هشام وتعذر واجه وهزلي رأسه مقهور مني واجت رشا تركض هي وكعبها خبلتني هالبنت.
كمال يله صعدي سيارتي وسيارتج بقيها هسه ادز مروان يجي يأخذها جيبي اغراضج وتعالي بسرررررعه.
أزهار تمام مشيت لسيارتي فتحتها اخذت جنطتي واغراضي وقفلتها وهو باوعلي كذلك مقهور ويهز براسه تجاهلت نظراته ومشيت ورشا وراي خبصتني
رشا وهسه شلون
ازهار مو انحلت كدامج بعد شگوو
اي بس اقصد وأني اروح وياج لا، لن خوما اضل لوحدي بلغت اهلي ترى والخط مالتي راح من زمان
نوصلج بيتكم عود بعدين اعزمج
جان استحيتي.
خلاص لاتزعلين يمعوده امشي ويانا وفضينا شيخلصنا من لسانج
هذا ابوج مو
اي بابا لعد منو
ما شاءالله بعده شباب وشخصيه وهيبه الله يحفظه الج
شكراً يله امشي صعدت ليكدام وهي ليورا وبابا باوعلها ورجع باوعلي وصغر عيونه راساً جاوبته بابا هاي رشا صديقتي عازمتها على الغده
كمال اهاا هلا بيج عمو اعذرينا بنيتي
رشا أهلاً بيك لا عادي ولا يهمك.
أزهار يحجون وأني اباوعله شلون متعاند هو وأستاذ احمد علمود الفلوس بهل الاثناء وقبل لا بابا يشغل السياره اجه استاذ احمد ونزل بابا راحوا عليه بابا شگله عصب عليه وهو ولا اهتز ورفض رفض قطعي بابا طبطب على? اكتافه وتشكر منه واجه هزلي رأسه صعد وطلعنا وهشام رفع عيونه توجه نظره ناحيتي نزلت رأسي مو عارفه شحجي!
كمال غرقني بالاخلاقة هالولد ما يقتنع ياخذ طفرت روحي وأني اكوله اخذهن ميبس رأسه نفسه عزيره الله يحفظه لشبابه.
أزهار خلاني أحتقر روحي بلحظتها ذبيت الكلام بوجه وكدام أستاذ احمد بدون ما احسب حساب مشاعره قسيت عليه صافنه وفززني صوت بابا
كمال سياره بعد ماكو
أزهار ما حجيت
كمال نوصل البيت ونحجي.
أزهار مثل تريد بابا، سكتنا وصلنا البيت والتفت على? رشا رايحه بعالم ثاني صافنه على البيت والحديقه والكراج ضحكت عليه وينج
رشا موجوده سگتي استحي من ابوج
أزهار انهجم بيتج ضحكت وطبك السياره نزلنا وهي مستحيه بابا مشه قبلنا
كمال اتفضلي بابا يا هلا بيج
رشا شكراً
أزهار دخلنا واجت امي على ملامحها قلق وخوف شافت رشا بهتت ملامحها وخافت أبتسمت شبيج ماما
وصال قل اعوذ برب الفلق منو هاي ولج.
أزهار شبيج ماما لاتخافين هاي صديقتي رشا نداوم اني وياها نفس الدائرة عزمتها على? الغده اعرفكم على بعض رشا ماما، ماما ورشا يله رشا اتفضلي
رشا هلا خاله شلونج
وصال الحمدلله
ازهار دخلتها الاستقبال وعيون امي ورا رشا عافتنا ولحكت بابا تفهم منه شگو، اعذرينا صارت بوجهج
رشا لا يمعوده عادي تصير بس أنقهرت على هشام خطيه كسر خاطري وأنتِ بسلامتج ما قصرتي.
أزهار لا تذكريني فدوه هو هم ما انطه مجال اكلني بلسانه يله هسه ارتاحي اروح اجيبلج ضيافه بين ما يجهز للغده واشوف ماما
رشا على? راحتكم حبيبتي
أزهار طلعت من يمها وامي هزتلي رأسها تعالي الغرفه
وصال ابوج يريدج شمسويه ولج داعمه سياره الولد صخام نوب عليه أنتِ كافي عليه اخوانج شايله همهم هما وسيارتهم وسرعتهم اجيتني أنتِ
أزهار خل أشوف بابا شيريد وبعدين نحجي بهل الموضو? مشيت ونزل مروان هزلي رأسه معناها شصاير.
مروان خيررر شگوو وجهج ما يبشر بالخير.
أزهار تعال هسه وبابا يحجيلك دخلنا الغرفه جان كاعد يدخن باوعلي بانزعاج وعصبي
كمال مروان تروح تجيب سيارة اختك وترجعها المعرض
مروان ليش غير اعرف
كمال سوي اللي كتلك عليه ولا تسأل
مروان ماشي وراج مصيبه حسبتج مو خاليه
كمال مروان
مروان رايح
كمال وصال روحي شوفي صديقتها عيب البنت اجت وعفناها وازهار سدي الباب وراج
وصال خل افهم منكم عود لاحكين عليها.
كمال وصال گتلج روحي وازهار سدي الباب وراج
أزهار رديت الباب وراها وكفت مقابله أول مره اخاف من لحظه غضبه
كمال هذا دلالي الج تفشليني كدام الاوادم يا بابا لسانج ليش ما تضبينه شنو شايفته واحد من اخوانج وتحاجينه بابا رجال غريب وانتِ محكوگه لو داعمته ومات بساعتها
أزهار لا يابه الله لا يگولها ما اعرف جنت متوتره وما باوعت وراي واني عبالي راح أصلاً شلون دعمت سيارته ما ادري.
يله الحمدلله عدت على خير روحي صبي الغده وساعدي أمج
بابا
مو هسه بعدين نحجي
بس
أزهار لاتحلين بابا.
تقربت بسته من رأسه وطلعت لكيت رشا طالعه من الاستقبال تغسل هاا ما انتظرتيني
رشا اي والله تضايقت عاد طلعت أمج دلتني على المغاسل
أزهار هاا ماشي غسلت وراحت الاستقبال توني اريد اصعد اغير ملابسي امي من المطبخ صاحتني ورحتلها هااا ماما
وصال وجعا التوجعج منو هاي الجايبتها وياج
أزهار شبيج ماما مو كتلج صديقتي رشا.
وشعدها جايه بهل الظهريه وياج ما عدها أهل أخوان يسألون عليها وأنتِ الثوله شگو تلفين صديقات ولا وجايبتها وياج للبيت ومليان زلم
لاتسوينها سالفه عاد البنيه اجت لن عزمتها على? الغده وصار الحادث وأضطرت تجي ويانا وين اوديها قابل
ما جان بطريقكم توصلينها لبيتها
يمه شبيج ترى عيب هاي صديقتي.
عيب هي ما كالت على نفسها عيب من جايه لوحدها لبيت مليان زلم والله عود بيت صديقتها بنات اخر وكت من أمداج أنتِ وهالصديقه وجها وجه وحده مو راحه والحواجب طايره جوه كل حاجب شيطان
لاتزعليني منج عاد
ما ارتاحيت الها ما ادري گلبي لعب منها
بستها من رأسها عديها على? خير ما اريد اتفاشل وياها اكلت رأسي تريد تجي تشوف بيتنا وطالبتني غده شسويلها بعد.
أول واخر مره تلفين هيج شگولات ونماذج مو عندج ايات وأستبرق شسوين بالصديقات امشي امشي بدلي وتعالي اخذيلها الغده وخل تولي لبيتها
ماشي تدللي عفتها وصعدت الغرفتي غيرت ملابسي وشوي اندك الباب فتحته رشا.! مو عفتج بالاستقبال شجابج
ولج أختنكت لوحدي جني مزهريه كلت اجي يمج وهم اشوف جمال غرفتج عاد طلعت أمج صعدتني.
هاا تمام دخلت الغرفه وضلت تباوعلها وراحت الميز التواليت تكلب بالعطورات والمكياجات تنزلين لو تحبين نتغدا اهنا
لا خل اشوف
عود بعدين تشوفينها يله خل ننزل هسه ماما جهزت الغده هزت راسها ونزلنا وصارت بوجهي امي بيدها صينيه الاكل منوعه من گلشي
وصال وين نزلتن جبت الاكل الجن فوك احسن لن ابوج ومروان يردون يتغدون
رشا عادي نتغدا وياهم.
أزهار امي كلبت عينها وعظت شفتها وتستغفر ونظراتها بتوعد اليه اخذت الصينيه منها نروح نتغدا بالاستقبال يله رشا تعالي مشينا وصادفنا مروان صغر عيونه وغمزلي همست بعدين دخلنا وقفلت الباب وكعدنا نتغدا ورحت جبت العصائر وامي تدردم
رشا تأكل وتباو? اكلي الاكل برد
رشا حسيت إمج متضايقه من وجودي
ازهار لا يمعوده صدك جذب هي مزعوجه من سالفتي أنتِ شعليج يلا مدي ايدج لاتخلين بالج، بسم الله.
كملنا وهي انتخمت خرب بيومج كومه أكلنا كومي غسلي واني اودي المواعين والم هالهوسه
رشا لا اساعدج ما يصير
أزهار اجت وياي ساعدتني بالمواعين وجمعنا السفره احنا بالعادة كل اكلنا بالمطبخ مطبخنا جبير وبي ميز طعام غده عشه ريوك عصريه جوعان شبعان بالمطبخ
كملنا وأمي عيونها علينا اخذت رشا المغاسل غسلت وراحت الاستقبال واجه مروان ضربني على? رأسي
مروان منين ملفيه هالعطلات.
أزهار يمعود صديقتي انوب عطلات شبيكم شديتوا وياها
مو الوقت مو مناسب والوجه ما يساعد هسه لو حلوه بيها باب وجواب مو حواجب ساريه سواس من طكن بوكتهن بس اسمع مني يل منجنني
خلقة الله عوف البنت بحالها والله فقيره
خلقه الله بس ملعوب بيها شدعوه هلكثر شامرتهن كوليلها أخويه مروان يكولج ليش عاسله حواجبج
هههه تدلل مشيت وامي هي وبابا كاعدين باوعتلي اكو جاي
وصال اي صبي الج ولصديقتج.
كمال لاتقصرون وياها عيب بنيه غريبه واول مره تتدخل بيتنا
وصال ما قصرنا يله اخذيلها الجاي عيب
أزهار صبيت الجاي ولاحظت أسيا ماكو ماما أسيا وين
وصال بعد وكت
صدك وينها لا هي ولا كرم
نايمه ظهرها يوجعها
ليش شبيها
صار عدها وجع واخذناها اني وأبوج ومروان شافتها الدكتوره وفحصتها وكالت تعبانه ولازم ترتاح وتضل نايمه لن اخاف تصير عدها ولاده مبكره.
يا عيني منين اجتها يله رايحه اشوفها واطمئن عليها.
عوفيها هسه روحي على صديقتج بعدين رجعي شوفيها ما تطير امشي صديقتج كاعده وحدها يله امييييي.
ماشي ماما أخذت الجاي ومروان صادفتني وگال
صديقتج بالحديقه تتشمسس
كالها بمياعه وضحك ومشه يشرب جاي يمهم الله صبرني ويعدي على هاليوم? خير
فعلاً رحت الأستقبال وما لكيتها هاي شبيها ما تعرف تكعد فتحت الباب وشفتها تفتر تعالي اشربي الجاي
رشا ضجت لوحدي وأنتِ تأخرتي يم أهلج كلت أطلع شويه بالحديقه.
أزهار وشگو بيها الحديقه هي مسبح والعاب كرم دتعالي شربي جايج ونصعد الغرفتي
رشا اجيت أكولج هذا المسبح هم تسبحون بي لو هيج منظر
اي أخواني يسبحون عادي بس مو دائماً
هاا حلو، صدك ما تروحين السوك
لا وين من بعد الصار مو مال اطلع السوك ومالي خلك الصراحه واهسس ما عندي
أسويلج واهس خل نروح حبابه
غير مره
ماشي بس مو تغلسين.
لا وعد شربنا الجاي وطلعنا وبابا صار بطريقنا بيده السويج هاا بابا تطلع ما جاوبني ورشا ضلت صافنه عليه شبيج وين صفنتي
لا هيج بس ابوج ما شاءالله بعده شباب وشخصيه وهيبه باعي المشيه والطول جسمه متناسق حتى كرش ما عنده
اي هو محافظ على? رشاقته وصحته كلش وأكله صحي يله خل نصعد مشينا وامي تغسل المواعين شافتنا وتهز برأسها بقهر صعدنا الغرفه تمددت وهي كعدت تباوع من الجام شوكت تحبين اوصلج لبيتكم اخاف اخوانج يحجون.
هاا عادي لا ما يكولون عليج
تمام كعدنا نسولف وامي دزتلي رساله
وصال خل صديقتج تولي لبيتها ما يصير أمي
أزهار ماشي منو موجود يوديها
بس ابوج توه اجه ومروان طلع من زمان خوما تردين ابوج يوصلها لبيتها لا بس هاي العايزه
لعد منو يوصلها لبيتها يا ماما
مشكلتها والله اطلبي الها تكسي وخل تولي ابوج ما ادزه هسه لو دنيا تنكلب وهست احطه بالغرفه واقفل عليه الباب واذا كعدت ولكيتها موجوده ما تلومين الا نفسسج.
ماما شبيج من كل عقلج خايفه على? بابا من صديقتي شدعوه هل الكثر.
اي خايفه على? ابوج وأخوانج هم وعصام لو موجود أسيا هم جان دخلت حاله أنذار لن البنت مبينه من شكلها مو راحه واني كلبي لعب ونكز منها ما ادري من الله ما ارتاحيت الها.
ماششي نهيت المراسله وعيون رشا عليه حسيتها بيها حست بالوضع أبتسمت شبيج
لا هيج ما بيه شي بس خل اروح احسن وهم تأخرت
بعد وكت خليج
لا عيب من أهلج
كيفج خل اشوف مروان ونوصلج أني وياه.
تمام على راحتج
أتصلت على مروان وجاوب وين أنت سيادتك
طالع ليش
تعال نوصل رشا لبيتهم
ماشي جاي تحضروا لعد
أوك قطع الخط يكول تحضروا اكوم اغير ملابسي فتحت الكنتور طلعت ملابس دخلت الحمام غيرت وهي عفتها كاعده يله جهزتي
ما عندي شي نمشي
اي يله نزلنا وشوي واجه مروان وطلعنا لبيتهم وبالطريق أنطلقت ويه مروان تسولف وهو على اعصابه يجاوبها
رشا شدعوه عليك تحجي من ورا خشمك
مروان ثكيل
رشا ندري ثكيل بس خف شوي
ما احب الخفه.
يمعود الواحد لازم يلاطف
وين صاااار بيتكم
وصلنا من هذا الفرع وادخل عليه
خوش
أزهار ما شاركت وياهم وصلنا بيتهم بناء قديم. وضخم من بيوت القديمه حبيته نزلت وسوت حركه باصابعها
رشا باي
أزهار الله وياج مروان هز رأسه ومشينا
مروان وغفت وحمضت على? معده
شبيها يمعود
ما تنبلع بطل سفن وياها صودا وما تنهضم خفيفه هواي اموت من هيج نسوان عقلي يطير منهن.
ما جاوبته ومشينا للبيت نزلني وراح وبدخولي توجهت لغرفة أسيا لكيتها نايمه وكرم نايم بحضنها عيوني غطيتهم وتلفونها يرن مخليته صامت باوعت هذا عصام سحبت التلفون وطلعت بالصاله جاوبته الو عصام
عصام هلأ أسيا وين
أزهار نايمه هي وكرم
شعدهم نايمين لهل الوكت
أسيا شوي تعبانه ونامت ترتاح
ليش شبيهااااا
هاا لا ما بيها شي عرفته ما عنده علم تورطت وجاوبته.
أزهار أسياا شبيها من الصبح اتصل محد يجاوب ودزتلي رساله مشغوله وتعزل الغرفه واعرفها متكعد اشتغلت وتعبت مو
ما اعرف والله بس من اجييت ما شفتها سألت ماما كالت ظهرها كام يوجعها
أي اي كملي كملي
شسمه ماما وبابا ومروان مأخذينها المستشفى والدكتوره كايله الهم إحتمال يصير عدها ولاده مبكره لازم تزتاح وتنام على? ظهرها
وأني ليش محد كالي كل هذا يصير واني هسه يله ادري.
لاتخاف ماكو شي نايمه ومرتاحه إحتمال ما رادت تقلقك وأنت بالدوام كلها ايام وتنزل
ماششي يصير خير خليها نايمه لعد غير وكت احجي وياها
ماشي عيني قطع الاتصال وراح شگله عصب وأنزعج اني شبيه حجيتله خطيه هسه يضل عايش بقلق وهو بالدوام يبوووه عليج ازهار متعرفين تسكتين.
رجعت التلفون وأسيا كعدت باوعتلي وگالت
أسيا ويامن تحجين شُنو خبله لو أني حلمانه.
أزهار لا موو حلمانه ولا خبله جنت احجي ويه عصام والحمدلله على? سلامتج سمعت من ماما اللي صار
جاوبتي عصام خوما حجيتله
اي والله زل لساني ما عرفت اكذب عليه
لا ازهار صدك تحجين
اي والله اسفه مو قصدي والله
هسه يضل يحجي عليه لو يعوف دوامه وينزل ما تعرفين أخوج شگد نكناكي شيخلصني من لسانه.
متخلصين أول تالي يعرف
سوده بوجهج
هي اليوم سوده مصخمه من اولها كعدت وحجيت الها ضربتني على? كتفي وضحكت وغمزتلي خير شبيج.
ما سألتي نفسج شنو سر هالنظرات القاتله
لا ولا أريد أسال
ليش عوبه الولد مبين معجب بيج بس أنتِ ميبسه خشمج وياه ازهار عوفي الكبرياء والغرور ويه العالم ترى صفه مكروه مو محبوبه بالمره
شسوي تجي بلحظتها وبعدين تجيني لحظة ادارك وأتندم على? تصرفاتي بس هو هم ما قصر متعجرف ولسانه وكح
بس يمج متعجرف ولسانه متبري منه
شلون يعني.
بس يمج هيج يصير ما يتحكم بأعصابه لن معجب بيج وأنتِ ما منطيته وجه روحي سألي وشوفي وراقبي تصرفاته ويه الباقين هسه تكلي أنسان عفوي ومحبوب ودمه يلعب
اهاا طلعتي خبره سگتي وأسترنا علينا لا يجينا أبو الهول ويوكع علينا السكف
ههههه لا أخوج ما يشبه احد نادر ومميز وحبيته من ساعه دخل الجامعه يمه فدوه لهذيج الساعه الاجه بيها لجامعتنا وانعجبت بي وكتلت روحي عليه خرب بيومج أزهار اشتاقيتله.
اي كعدي سولفيلي قصة حبكم اللطيفه
سالفه طويله أخوج جان خشم مثلج وما ينطي وجه لكل أحد وثكيل بشكل متصوري واني مشيت على? مايه واكتشفت بعدين يحب الثكل والاخلاق اكثر من الجمال
يعني شيء على? شيء وحبينا بعض
حبكم أسرع من البرق
ولج هو ما يحب العلاقات تطول تعرفنا على? بعضنا كم شه? وكال نتزوج وهيج افضل لن بسلامته هو وكح وما يسيطر على? لسانه كل شوي وجافص بالسالفه ومفلشني ويخليني اطب بهدومي من سوالفه الادبسززيه.
بعد روحي ربي يحفظكم ويخليكم لبعض
أمين أي هسه شلون
شلون
عصام تعالي خلصيني من لسانه يضل يسأل شلون وشلون
ما فهمت ليش يسأل هو ظهرج يوجعج قابل بيدج
سگتي وخليها ليش اني ما عرفت أكرص روحي واكعد كمت جبت منطفات ونظفت الحمامات وجلف من گل گلبي وكرم كام يبجي وأجيت امشي وطرت وأنطبيت بالكاع و? ظهري والله كلت هاي هيه الطفله راحت
يااا صدك تحجين وكت شغل بربج. دكعدي وسگتي.
شمدريني شفتهن وسخات وعصام بس يعيب اقل شي يضل نفسه تلعب من وراه كمت نظفت وجلفت الارضيه
أكليها لعد اجتج على المستريح
يله نتحمل
لا ان شاءلله ماكو شي يله حب اني اروح ارتاح شويه من رخصتج وتضل يمج العافيه وتكومين بالسلامه
أسيا اخذي راحتج حبيبي، الله يسلمج، راحت وردت الباب وراها ورجعت تمددت وجريت التلفون فتحته هو فاتح نت ردت اراسله هو دز رساله شبسرعه
عصام كعدتي
اسيا اي حبيبي كاعده.
حبيبج بس المصايب تجيي تهلهل عليه
الحمدلله
الحمدلله شلونج هسه
زينه
سولفيلي أسيا سولفيلي.
شسولف
أسياا
شبيك حبيبي
أسياا
خلص لاتعصب
راح اوصل وأني اعلمج على? العصبيه
ليش نزلت
لا بعدني انتظرج تولدين وأنزل شعندي نازل عليمن
حبيبي صارت بعد لاتقلق روحك
لا يبوه ليش اقلق روحي مو بنت شارع ملفيج عندي شلون ما ترديني اقلق مية الف فكره تربعت برأسي من وراج جايج جايج واشوف هذا الط الخفيف يمتى يكعد على? الكاع.
ضحكت على المصطلح السخيف وعفت التلفون ورت اكوم ارتب شكلي وسمعت صوت الباب انفتح وكف يم الباب وگالي
رجعي نامي رجعي وين كامزه
أستقبلك حبيبي
ما يحتاج
تقدم بوس كرم وباوعلي ابتسم بوجهه واني متبوسني؟
أكلج مو بس ابوسج بس الاول لازم نتحاسب ونصفي حسابنا عكبها نشتغل على? البوس
علي? شنو
تستغبين وعليمن
مو شسمه
شسمه
شمدريني صارت بعد.
بس كوليلي ليش ما تعرفين تكعدين اكرصي الدوده وهل كم شهر مو تعرفين حبالتج زقنبوت بكرم شلعتي گلبي بهاي عليتني بسوالفج
هو أني ناعمه وما اتحمل
بس تتحمليني
شلون لعد شعندي غيرك
حبيبي والله يله هالمره سماح ومره ثانيه ما يجرالج خير خوش
خوش.
شغل بعد ماكو لا بالغرفه ولا خارج الغرفه اني مو متزوج خدامه تخدمين يريد ياكل هو يسوي لروحه وغرفتج وصيت على? وحده ثقه تجي تساعدج وتنظفلج اللي تردينه ام عزير مره جبيره وتخاف الله
هذا هو اللي تريده يجرالك تامر على? شي ثاني
سلامتج أنتِ كومي بالسلامه واشوفج الاوامر شلونها لاتهجيين المواجع خلينا راكدين يمعوده
ضحكت وردت اكوم ورجعني بخفه ودفع كرم
روح رب الحلو شعندك ماخذ مكاني خوش لاكيها.
حضني ويبوس ويشم بركبتي خرب لا عطر لا ترتيب
يا عطر غير سابحه بالمعطرات تخاتلينها عليه عليمن ولج سگتي خليني اشوف شغلي ومنين ابدي شأكل مقبلات لو گبل ابلش بالدسم.
بسته من خده وصفنت بوجهه احمم اكول
وجعاا انطقي هالجوهره خيرج
ممنو?
والله عرفت تبقيني على? النواشف ادري بسوالفج
قابل بيدي ياعيني وبعدين أنتَ ما خايف علينا اني وبنتك خايف ينكطع حقك ضربني على? راسي بخفه ايده
انجبي واحجي عدل لاتجفصين بسوالفج.
عليك الله خوما زعلت
ليش ازعل شگو قابل وگفت الحياة كلها شهرين وتولدين
بالسلامه عود النا شوط ثاني نعوض الخسرنه
الك كلشي
الله كريم حبيبي بالتساهيل هاي هيج ملاطفه كلام
ليش نزلت
علمودج والله ضليت ما مرتاح واني منا مشتاقلج واجت بوكتها رغم اجت مو من صالحي بس يله تعوضيني.
تدلل بسته من خده تحرشت بي وهو يضحك
خلينا عقال وستري علينا يا حرمه
عاد بس بوسه
اشبعج بوس بيمن تورطتي
عادي بس لاتعنف ما احبك هيج خليك حنين وياي.
مشكل يا حلو
غمزلي وبلحظات جنون أبد? برومانسيته المفرطه يبوس بشفايفي ويتلذذ بيهن بكل حب اكتفى بوسه على? كصتي بحنيه رجال لحببيبته نومني على? أيده وهو غفه بسرعه والتعب مأخذ مساحه من ملامح بشرته رفعت نفسي وبسته من خده ردت اجيس النبض واتأكد منه نايم لو كاعد.
اجاني الشك وسكن عقلي وساعه اكول لا أسيا ابقي مثل ما تعرفي وتعودي على? أطباعه لاتخربين حبج ومكانتج بيدج عوفي مرجعه الج وين يروح قابل هالحضن انخلق اله، اعوفه لن اغلب مشاكلنا تصير من ورا هالسالفه
وارجع أصفن اكول لا أخاف عنده علاقات موزينه لو سوالف أدبسززيه يحجيهن وياي وعادي يرجع يحجيهن ويه غيري غمضت عيوني ابعد هالوسواس من عقلي وگلبي ونمت.
كعدنا وقت متأخرين هو كام للحمام رفعت نفسي وشفت تلفونه موجود بعد ما تأكدت منه بلش يسبح لن الدوش مشتغل والصوت وصل لعندي فرصتج أسيا.
فتحت التلفون الرمز القديم نفسه ما مغيره كبل طفرت على? المحادثات اكيد ما يبقي بس انصدمت مبقي محادثه ويه بنيه دخلت أقرأ
هلاو عمو شلونك
عمى العماج أعرفج تعرفيني سويتني عمج
شگولك يعني كيفك
أهلج وين بابا
الله كولي مره لخ
شگد عمرج
15 سنه
وبيدج تلفون
اي شگو بيها
خير ان شاءلله.
أسيا بعد ما مجاوبها ضاله ادز وهو يشوف رسائلها وما مجاوبها صرت نار عود كايلي ما احجي ويه بنات ومسويلي روحه الشريف العفيف يمكن هذه مخليها يبعد الشبهه عنه عود شوفيني ما مجاوبه هنا لاطشات اليه
بهل الاثناء اجه هو للحظه يوكف گلبي هو ماكو شي بس لن فكره اني مراقبته تخوفني من وجوده وهو يكره اضل اراقب وابحوش وراه
عصام شسوين.
أسيا شسوي يعني أكلب بتلفونك ضايجه والفيسبوك مالتك حلو كله اخبار وصفحات مو مثلي الفيسبوك مالتي كله كروبات وسوالف نسوان
هاا عيني گلبي بي وأخذي راحتج
اي مأخذه راحتي
عاد هالكروبات مستفاده منهن لو هجمان بيوت ويخربن عقلج بسوالفهن
لا شسالفه عادي سوالف نسوان
مو كلشي يكولونه تجي تطبيقنه بحياتنا الزوجيه اعدمج
عصام اني مو طفله تعلمني لاتخاف اعرف بنفسي شتابع.
خوش كومي سويلي لكمة أكل لو ما بيج لا لا خليج خليج اني اروح اصب وأكل أرتاحي گلبي
راح وبقه تلفونه يمي رحت على? الحسابات المقيده ما لكيت شيء كعدت نبشته نبش ماكو اي شيء مملوس والحاجي وياها مبقيها اجه وعيونه عليه وگال
خلصتي حبيبي
ليش محتاجه
اي والله ضوجه اريد أكلب بي
انطيته اله وأخذه وباوعلي
شعندج داخله بالمحادثات رجعنا لشك والنگد
والله اشوف زوجي شيسوي ويه بنات العالم
أسياااا أحجي عدل احسنلج.
وكفت وجريت التلفون منه وهو متفاجئ من حركتي ممكن اعرف هاي محادثه شُنو
ياهي منهن
وتسأل
اي اسأل ليش شگو قابل
مو على? أساس ما تحاجي بنات ومسوي روحك شريف كلتها وجنيت على? عمري كبل سحب التلفون وركعه بالكاع وعاط بيه
من اكولج ما ينطالج عين تنجلبين اني شسوي لعقلج اذا عقل زعطوطه حتّى عقل المراهقه مو مثلج اكو مره تكول لزلمتها هالكلام
من حقي ترى وانت مجاوبهن ومنطيهن مجال يحجن هاي اذا ما طلعت انت داخل خاص الها.
اي وخايف منج مثلاً ترى لو اريد اسوي علاقه لو أخونج لا أنتِ ولا الاكبر منج يمنعني فاهمه ف لاتكعدين تلوصين بحجيح وتجنيين على? عمرج بهاي سوالفج الماصخه
والله گول لروحك هالحجي
كاااافي عاااد فضينا من هالطركاعه ما مسوي شي ولا عندي شي اضمه ولا خايف لو رايد جان حذفتها بس بقيتها لن ما حجيت شي وياها حجت حجت ما لكت وجه عندي وانركعت بنعال على? حلكها
من الاساس شگو تجاوب.
لا اله الا الله ما تخلين يوم يمر وياج اذا ما طلعينه من خشميي تكرهيني بساعه الجيييت بيها للبيت
اي شگو تجاوب جاوبني على? سؤالي
جاوبت كيفي احد اله عنده كيف عندي تلفوني خصوصياتي محد اله وليه عليه كافي رعونيه هذا كبري كبري رب الحلو حشي عقل وازني كلامج لا اعاملج بالقندره.
شال تلفونه وطلع بعد ما كمل كلامه الاخير وضربني على? رأسي بمرات عده وازني كلامج حشي رأسج عقل
ليش تعيش وياك تجني عقل.
بقيت بغرفتي ما طلعت وعفته ولا سألت عنه لليل رجع لفه رأسه ونام ولا كأنما إلى وجود حاجيته عصام عصامم مو احاجيييك
عصام نامي
أسيا ترى من حقي اعاتبك
عاتبي منو مانعج بس مو بشگوكج الوصخه
أغار عليك
هاي مو غيره
لعد شُنو
هاي دوده
خلف الله عليك
العفو.
ً انطيته ظهري ونمت ولا اباله ولا راضاني وعادي عنده الوضع بالكوه غفيت وفزيت على? صوت كرم متنحس كعدت ولكيت عصام كاعد ومرتاج على? ظهر الجربايه ويگلب بالتلفون ويگولي تصرفاتج مراهقه لعد أنت شتكول على? نفسك بهاي تصرفاتك خليتها غصه بگلبي وسگتت ورحت جبت كرم نومته بالنص الاخ عادي ولا ابالي ولا يمه السالفه عاف التلفون ورجع انطانه ظهره وكمل نومته تخبلت خلاني انكز من القهرر.
لازم لازم اكشفه ومتاكده عنده شي والا ليش كاعد يگلب لوحده وأني نايمه مو خالي ومسويلي روحه الشريف العفيف اصبرلي يا عصام اكشفك قابل تكدر تضمهن العمر كله عليه لازم تنكشف وگتها ما يصير خير والله.
أسيل
من اخر شفته بيها وهو ما طالع من دماغي خلاص قفلت على? القضيه لو ربح لو خساره بس الربح سالفتي ضحكت على عقلي وگلبي وكعت وحبيت شخص بعيد على الرغم هو ابن عم ابويه والاقرب بس من بعد سالفة هديل وعصام صعبه اهلي يرجعون يفتحون دفتر شجرة العائله وانضم لعائله عمو كمال.
دخلت الحسابه بعدين تراجعت لا ما اراسله ويعرفني وأخاف يبلغ أخواني لو يراسل هديل واختج واختج واروح بيها جفص بين الرجلين اضل اباوعله واحفظ كل تفصيل بشخصيته اعوف دراستي وأدرسك يا مرواني يا مري وحلاوتي.
بالفرصه وبيدي لفتي وصافنه وبالي مو يم البشريه وناسيه نفسي بين الطالبات والمدرسات ما اعرف عقلي متشوش يمكن هاي بدايات الحب وما ادراك ما الحب الحقيقي نابع من القلب وناشئ على? الفطره.
جنت ايامها وبدور خطوبه هديل وعصام معجبه بي أشد الاعجاب كشخصيه وهدوء وثكل هيج حسيته مميز عن باقي اخوانه وبالاخير لكيت نفسي عشقته وأدمنت التفكير بي وبالاخص بعد ما شفته وصوته تغلغل بخلايا دماغي
فزيت على? تقى بصفي ورن الجرس يله خل نكوم
تقى وين صافن الحلو
أسيل هيج امشي راح نتأخر مشينا لدرس جان كيمياء يشرحون واني عقلي شاطح لهناك شبيه كمت ما اوازن نفضت الافكار ورجعت لدرسي.
خلص الدوام وطلعنا اني وصديقتي وهاجر فرحانه تتنظر خطيبها يجي يأخذها وتتباه بي كدام الطالبات ولابسه الحلقه ضحكنا على? شكلها ونتتظر الخط وما اجه خابرنا من الاداره كال سيارتي عاطله والاغلب بلغهن أهلهن هاا شنسوي
تقى بابا مسافر واخوج الحقنه لو اعرف انخطف ما نخابره ونروح وياه امشي ناجر تكسي اني وياج ونروح
أسيل لا ما اكدر اخاف من أهلي واخاف حارث يمنا.
تقى لعد شلون امشي نضل على كلامج وخوفج من اخوج كلها راحت ودبرت وضعها واحنه ضلينا هسه لو رايحين ويه هاجر وخطيبها مو احسن بس شمدرينا ابو الخط سيارته تعطل امشي اوكف سياره
أسيل يله ماشي وكفت سياره بس مو تكسي بس سياره لونها ابيض
ً كال اشتغل تكسي عادي صعدوا اوصلكم
جان حلو وتقى قفلت الا تصعد وين مصعدتنا امشي نولي.
شگوو يمعوده ترى على? باب رزقه وهواي امثاله قابل بس هو بس لاتردين اوكف شايب يضل يرطن برأسي ويحجيلي تاريخه نوب يروح يدعمنا
احسن من الشاب امشي تقى جرتني وصعدنا وانطته العنوان وبيت تقى قبل بيتي تقى لا تعوفيني
شگوو يأكلح ترا الدنيا ما تكاطعت والولد من ساعه مشينا عينه ما رفعها علينا
ما ادري وكف يم بيت تقى
خيتي وصلنا
اي هذا بس وصل صديقتي لبيتها هي أدليك يله خليج سباعيه والله الدنيا متاكل بشر.
أسيل الله ياخذج على? هالسالفه راحت ومشه وفعلاً الولد عاقل وخابر مرته يسألها على? المسواك اطمئنيت ودليته وصلنا بيتنا وشفت سياره حارث يم الباب عزا العزاج أسيل
خيتي بيج شي هذا عنوان بيتكم لو غلطان
اي خويه رحمه الله والديك نزلت وحارث جان واكف وشافني وضل يباو? لولد بعدني ما واصله الباب ما احس الا اجه لزمني من ايدي بقوه ويسحل بيه مثل النعجه
ويعيط ويغلط وفشار عمري وحياتي ما سامعه بي.
حارث بنت الكواووووويد تجين لوحدج وبسياره بس انتي وياه وبعز النهار وعينك عينك كدام خلك الله ولج ادبسززز هذا الكواد الج والله اليوم اموتج تعاااااالي يمه شوفي الخاتون بنتج شمسسسسويه.
اسيل ما احس الراجديات و. الضرب منين يجيني دفعني وكعت على? حافة الدرج بكل قوته ضربة عدو مو اخ وايدي تيبست خلعها من المفصل اتوسل بي وهو قافل ركبه شيطان عليه بس خلينيييي افهمك فاهم الموضوع غلط والله ما عندي شي وياه مجرد سايق تكسيييي وصلني اني وصديقتي وهاي هي حااااارث بس اسمعني امي اجت تفازع وهو قافل فدمره
جنان انطيها مجال تحجي نفهم منها السالفه گبل توليتها الضرب هو هيج.
هاي دواها مو بس الضرب لا والله مال موت و? الكبور طلع حجي اسماء صُدك عاشگه وتردين رجال علمود تخلصين من الجهال وهوستهم بس عليمن ولج عليمن
جنان خوووش سالفه طلعتوها انت ومرتك اني اعلمها اسماء ما غزر بعينها شايله ومتحمله جهالها انوب تلزك بيها العوجه
ولك جان استحيت شو وخر كسرتها اني اختك اعرفها ما عدها هيج سوالف كتلك وخر جنك ثور راح تموتها ولك حااااارث.
حارث شوفي لج دراسه ماكو بعد وحلم اخليج توصلين مدرسه هي القبلج شطلعت عاد انتي وكبرج الغرفه
أسيل جرني من حجابي ويسحل بيه يممممممه لحكيلي راح أمووووت موتنييي قضى على? حياتي وامي خطيه تتوسل بي ويدفع بيها دخلني غرفتي وقفل عليه الباب حارث بس اسمعني والله فاهم الموضوع غلط
حارث شوفي حارث شيسوي بيج والله انعل والديج وتربيج السكط يا ادبسزز.
سمعي يوم لا اكل ولا شرب حتى لحمام متطلع المفتاح اخذته وياي واللي يفكر يحاول يفتح الباب ما يلوم الا نفسسه
جنان ولك يا ظالم اختك هاي اني اعرفها فقيره بس لسان على جهال ما عدها سوالف موزينه اتعوذ الشيطان وافتح هالمهجوم خل اشوفها مدري كسرت ايدها رجلها
وكسرت عين جدي خل تعفن
ولك وابوك اذا سأل عليها ما يجرالك خير خل نفهم السالفه وعكبها زومل.
د خل يعرف بسوالف بنته اذا ما ذبحها تعالي تفلي بوجهي و? شاربي اني اعلمج ادبسزز عايقه والله اربيج من جد وجديد حيووووانه.
أسيل نزلوا ويحجون بصوتهم عالي وأني امسح الدم من خشمي وايدي لازمتها ما اكدر احركهه احس مكطوعه بسجين من شده الوجع بجيت بقهررر ودموع تحرك بخدي يممممممه ايدي راح اموووووت من الوجع فتحولي الباب والله اسماء جذابه يمممممممه راح امووووت من وجع ايدي لحكيلييي.