رواية بين قلبها وعينيها كبرياء للكاتبة شمس العراقية الفصل الثامن والخمسون

رواية بين قلبها وعينيها كبرياء للكاتبة شمس العراقية الفصل الثامن والخمسون

أزهار تفأجات بدخولن فجأه حتى أسيا ضلت فاتحه حلگها أفراح سلمت على أسيا وصبا كذلك.
أفراح حضرنه العصير والكيك ما يصير أول مره أهلج يجون علينا.
أزهار أها تمام مشكوره طلعن واخذت نفس يله نطلع
أسيا ما گملتي كلامج عن شنو سألتي
أزهار لا هيج أمشي طلعنا هي راحت الأستقبال يمهم وأني دخلت المطبخ محضرات العصير والكيك.
أفراح ردتي تحجين لزوجة أخوج علينا أزهار يعني أمنا بيج وكلنا ثقه ما تحجين ليش هيج تكسرين بينا.

أزهار ما حجيت لأحد والفلوس أنصرفن بوكتهن وهاي هي الموضوع أنتهى من يمي.
صبا اي عفيه لاتكولين لزوجة اخوج هم عيب تنحسب عليج وهشام يصغر بنظرهم واحنه اخذناهم لن محتاجين وعلمود الاشتراك.

أزهار والله اذا هيج مهتمات لاخوجن جان ما اخذتن الفلوس بحجة هو ما يجدد الأشتراك هذا مو عذر وبعدين كلمن أعرف بروحه هو يتحكم بنفسه وأني هالمره راح اسكت بس عيني عليجن اذا شفت تصرف ما عجبني أبلغ أخوجن بكلشي وهو يتصرف لن هو المسؤول عنجن.
عفتهن وقدمت الضيافه وكعدنا واجتي امي ودخلت ايمان سلمت على أخواني وطلعت عاد ما طولوا وكاموا ضلوا على العشه أمانه.

عصام لا يمعوده جايين نجربكم قابل ولازم نروح لن عشانا بيت جدي معزومين يمهم كلنا نراضي مروان ويه عمار.
أزهار هاا زين
أسيا عصام خليها تجي ويانا والله ما شفت منها شيء بسرعه كمتوا.
عصام ما عندي مانع بس رجلها ما موجود ما يصير وعود تجي زياره وشبعي منها يله نمشي سلمينا على هشام.
أزهار الله وياكم عيني يوصل ودعتهم وراحوا الله وياهم ورجعت وباوعت المسواك اخذت حصتي والباقي عفته الهن ودخلت غرفتي ودخل هشام
هلا عيني.

هشام منو جان يمنا
أزهار أهلي قبل شويه راحوا
ليش ما عزمتيهم على العشه لعد
عزمتهم بس طلعوا معزومين بيت عمي فاضل
شنو المناسبة معزومين بيت عمج
علمود مروان وعمار
ليش شبيهم.
حجيتله السالفه وصفن وگال
وأخوج مروان شدعوه عليه هيج يتصرف برعونيه شنو قابل ما يعرف أخوه شنو تربيته ويشكك بإخوه
لا مو هذا القصد بس لن شافه داخل الغرفه وأنزعج وما تقبل الوضع ومروان بسلامه عصبي وما يتفاهم وصار اللي صار.

أي بس يكدر يسحب عمار على صفحه ويحجي وياه ويفهمه ماله داعي هالعنتره والمشاكل وفاضح روحه كدامكم وبهذا تصرفه ثبتلكم هو ما عنده ثقه حتى بزوجته مو بس بإخوه ومروان هواي مبالغ.
لا عصام تدخل وحل المشكله
شحل منها أثنين على واحد طردوا أخوهم من البيت هذا مو حل وابوج راضي على هذا الشيء
لا طبعاً والعشه علمود يتراضون ويرجع وياهم البيت.
اي عرفت عمي ما يرضى بتصرفات أخوانج يله الله يصلح الحال اي عمتي شلونها.

زينه الحمدلله تسلم عليك
وعليكم السلام رايح اشوف امي اذا عشاكم جاهز صبوا اريد اتعشى وانام جسمي متكسر وراي كعده
ماشي عيني راح على امه رحت لكيتهم مكملات العشه وصبينا وهو كاعد بالاستقبال بس يدخن وتعشينا ضل كاعد ويه خاله واخذتلهم الجاي وكعدت وجهال أيمان يلعبون على تلفون وتعاركوا ريماس كامت تبجي تريد أنترنت وعاطت بيها امها
أيمان سگتي عاد منين اجيبلج لعبي العاب الا نت ما هجم وخرب عقولكم غير هالانترنت.

هشام لاتصيحين عليها طفله شمفهمه ميخالف خالي باجر اجدد الاشتراك يله سگتي ولعبي العاب
أزهار سگتت وأقتنعت بكلامه وشلت الصينيه ولكيتهن بالمطبخ يحجن.
صبا شفتن القهر طفله نزلت دمعتين أقتنع واحنه شهر نتوسل بي مثل الجلاب ومعند ما يجدد النا
افراح سگتن خيولي مو بحاله مو جددنا أشتراك بعد شگوو شنسوي بي ولو ما يجدده هل الشهر افضل علمود شهر اليجي منين النا نشترك
سجى اكوله لاتجدد.

صبا انجبي عبالج تفوته راح يضل يسأل ليش وليش هو شيطان يلكفها على الطاير واذا سحب تلفوناته وشافنه مشتركين على قبلة الكفار لا محال.
افراح يله سكتن سكتن لا ننفضح امشن للغرفه
أزهار شافني وسگتن ومشن غسلت الكوابه وهو عبرني وراح الغرفه اذا حجيتله راح يكولي شو هسه يله تحجين وين جنتي قبل اسكت احسن شيء وهنا الفلوس انصرفن بعد شسويلهن هو كادرلهن علمود اني اكدرلهن شعليه.

لحگته الغرفه لكيته كاعد يگلب بتلفونه غيرت ملابسي بملابس نوم ونمت بحضنه يتصفح على مجاني بالفيبسوك حبيبي أقترن على تلفوني أني عندي أنترنت.
هشام لا ما اريد راح أنام ومنيلج أنترنت مو خلصان الأشتراك
أزهار لا اني عندي رصيد وفعلته
خليهن الج عيني ما احتاج واني مو هلكد ويه التلفون طفي الضوء انام
شنو تنام من هسه بعد وگت باوعلي بنص عين لازم ما عاجبينك عيني هيج تباوعلنا.
لا والله من أشد المعجبين.

باسني وجعصني بحضنه وضحگت هاا مو گلت تعبان وتريد تنام.
وأنتِ وكشختج شلون دتعالي عيني ماكو تعب منو گال هشام تعبان وأصلاً لا تعبان ولا نعسان.
ضحكت ونمنا وبقيت بحضنه أكلب بتلفوني وهو نايم وتالي غفيت وكعدت الصبح لكيته سابح جاي يلبس ملابسه صباح الخير.
صباح العافيه يعافيتي
أحبك
من فدوه أروح ل حبج
تريد ريوك
الله وإيدج.

تدلل حبيبي كمت بسته من خده وسويتله الريوك وجبتله وكعدت اكلت وياه وحضني ويبوس بيه مثل بلابل الحب.
هاي البوسه تضل ب?اسي طول الشغل تنطيني طاقه
فدوه اروحلك وشال السويج وتلفونه ومحفظته وطلع واني وياه وقفلت الباب ورجعت كملت نومتي ومر أسبوع ناويه العصر اروح ل اهلي وبلغته وافق
حضرت ملابسي بالجنطه حبيبي كم يوم نبقى
هشام كم يوم تكدرين تفاركيني
أزهار تختبر نقطة ضعفي.

اذا تكدرين تفاركيني هواي ضلي والأ اني يعز عليه تروحين الصبح واجي العصر اخذج كلش كافي وهو الضال يوم والضال سنه نفس الشي المهم تشاوف الوجوه
لا مو لهل الدرجه أهلي وحقهم عليه
وأني ما مانعج بس لاتبقين هواي يمهم اني رجال ما اكدر على فراكج وانوب غزل صرتوا اثنين يعني صعبه ادخل الغرفه وهي فارغه
أربعة أيام ميخالف
ازهار اني حياتي عدم من دونج هوايه يومين كافي
هذا هو حبيبي يومين مثل ما تريد
اي فدوه لعينج.

يله كوم البس توديني من وكت لعد
بعد وكت اوكفي أنطيج مصرف
فتح الكنتور هو ضامهن واني رجعت أكمل تجهيز ملابسنا اني وبنتي وشفته أنخبص ويدور وگلب الملابس شبيك هشام.
الفلوس ماكو وين راحن
شو دورهن زين حبيبي
دورت فتحي الگلوب اخاف واكعات ورا الملابس
فتحت الاضويه وفرغ كلشي ومسح وجهه
وين راحن أكو احد داخل الغرفتنا
ما أعرف والله قصدك غريب
لا الغريب شعليه شمعرفه اني عندي فلوس
شكد فلوسك.

350 الف أستلمهن البارحه مال خط موظفين باقيات بس 100 الف لا غيرهن
بلعت ريك ماكو غيرهن شافني سگتت وتمادن يمسح بوجهه ويفتر ورجع كلب الملابس كلها وغزل كعدت شلتها واسكت بيها وهو داخ وصاح بيه
سگتيها لخاطر الله.
سويتلها ممه وكعدت ارضعها والغرفه أنكلبت فرغ كل الكنتور ورجع باوعلي
گلبت كل الكنتور يعني لو مخربط جان لكيتهن بس متأكد من نفسي خليتهن بهل المكان.

فتح الباب وطلع مزعوج صاح أيمان وكف يحجي وياها واني أرضع بنتي ما اعرف شگالتله ورجع ها
هيج ماكو شيء وروحة أهلج أجلها بعدين
ليش بعدين
گتلج بعدين يعني بعدين
واني شعليه ادخلني وما تخليني أروح لأهلي
منو مدخلج بس گتلج بعدين وأهلج ما راح يطيرون ما صار فترة من جانوا يمج
أهووو هشام
ازهار سكتي رحمه على أجدادج لاتخليين الشيطان ينكز بينا.

سگتت وهو ضل دايخ لليل جابن العشه وهو يباوع لاخواته وحده وحده وتعشينا هو ما تعشى ضل يدخن وأني متت خوف كملنا واني رحت الغرفتي وهو تأخر يله اجه وضل كاعد واني نمت بصفه شبيك حبيبي
ما بيه شيء نامي
علمود الفلوس مو
أزهار رجاءً سدي الموضوع ميخصج
سگتت بس بالي ما مرتاح عزا العزاجن وين جاي تودن الفلوس بعده الأشتراك ما خلصان واندك الباب وجهال أيمان يبجون شبيهم خطيه
هشام هسه وكتكم يا خالي كومي فتحي شوفيهم.

لبسي شيء فوك ملابسج
أزهار اي هسه لبست وسترت نفسي وفتحت الباب امجد واخته يبجون شبيكم دفعوني ودخلوا على خالهم
هشام هاا ولكم شبيك ولك شمصخم ويه أخواتك
أمجد خالي هشام خالاتي عدهن نت ما ينطني وخالتي افراح ضربتني وطردتني وقفلت الباب
ماكو أنترنت ماكو صخام ايمان ما تجين تلمين جهالج ساعه ب 11 شوكت ينامون اريد أنام ارتاح وراي كعده من صباحيات الله.
امجد لا والله خالي كلهن عدهن أنترنت والله ما اجذب عليك.

هشام يا طلابة النت الما تخلص جيل أخر وكت ولج ايمان صخام تعالي لمي جهالج سحبي تلفونج منهم.
أيمان اجييت والله شلعتوا گلبي هسه شجابكم يم خالهم امشي ابو المصايب.
امجد كلهن عدهن أنترنت بتلفوناتهن بس احنه ما ينطونه.
ريماس اي والله عدهن خاله سجى جاي تشوف المسلسل مالتهه.
هشام يا مسلسل!
ريماس تشوفها على الانترنت
أزهار أنلاصت عليج ازهار نفض الغطا بقوه وگام هشام وين رايح.
أيمان خويه راح اخذهم وأنت ارجع كمل نومتك.

هشام ضل بيها نوم وخري اريد اشوفهن منين الهن نت.
أيمان صدك جذب تصدك بالجهال منين الهن نت
هشام لا السالفه مو خاليه جهال ما يجذبون وخري
أزهار دگ باب غرفتهن بكل قوه وعصبي واني متت خوف هسه يذبنها ب?اسي والله
هشام فتحن الباب لا أكس?ه على رؤسجن وانعل والديجن فتحن شگو قافلاته.
أزهار افراح فتحته ودفعها من يم الباب وكف باوعلهن ثلاثتهن وعيونه من وحده لوحده بنظرات كلها شگ والخوف مبين على ملامحهن.

هشام تلفوناتجن وين
أفراح شتسوي بيهن
بصياح تلفوناتجن وين
صبا اي اي هاك خويه
أزهار صبا وسجى انطن تلفوناتهن بس افراح ما انطته وهو وكف يگلب ويرجع يباوعلهن وركعهن بالحايط فلشهن وصاح بيهن.
هشام مشتركات بأنترنت شهري وكل وحده مشتركه بتلفونها منين الجن فلوس!
صبا مجمعين من مصرفنا وأشتركنا
هشام مجمعات گلتي خوش مجمعات.

أزهار لزم صبا من رقبتها ورفعها من الكاع بحيث ترفس برجليها وايمان تقربت عليه وتتوسل واني ارجف من الخوف.
هشام أريد وحده منجن شريفه تحجيلي گلشي بالحرف الواحد ومنين الجن الفلوس وفعلتن أنترنت على الخط لا قسم بالله العظيم كدامجن أعدمها وهاي هي جاي ترفس برجليها دقايق وتموت بين أيديه تحجن لو شلون.
ايمان هشام ابوس ايديك عوفها راح تموت ولك راح تموت ولك هشام هشام.

أزهار سجى تصرخ وصبا مختنكه وأفراح خلت تلفونها بيدي
أفراح ضمي فدوه لعينج ضمي والله يموتني.
أزهار عوفيني بحالي ما ناقصتج لا يرجع عليه ويعدمني وياجن
أفراح دخيلج ستري عليه دخيلج.
يربي مشيت المطبخ شمرته بالسطل مال التمن وصاح عليه
هشام أزهار.
أزهار صخام الصخمج أزهار ركضت لكيت صبا تكح ولازمه رگبتها وهو عيونه دم يردن يطلعن ودمارات ايديه ورقبته بارزات واعصابه فايره اشرلي بأيده
هشام تعالي يمي.

أزهار تقربت عليه باوع لأخته وحجه
هشام يله احجي اسمع
صبا مرتك هي أشتركت ألنا.
أزهار أني شتحجين أنتِ
صبا اي أنتِ وكلنا الج هشام ما عنده فلوس كلتي ما عليجن من فلوس الفضل مال بنتي وأشتركتي
أزهار لا مستحيل والله مو اني ماكو هيج كلام هشام والله العظيم تجذب شعليه اني بالاشتراك
سحبني من أيدي للغرفه هشام بس خلي افهمك
هشام بالغرفه نتفاهم.
دخلني ودفعني وقفل الباب وصاح بيه
فلوس الفضل مالت غزل وين طلعيهن
صدك تحجي هشام.

أزهار ترى بالكوه واكف ومتحمل طلعي الفلوس وكدامي يلاااااااااااااااا.
صاح بيه بعلو صوته وغزل صرخت شالها وفتح الباب انطاها ل ايمان ورجعلي وصاح بيه
طلعيهن أزهار
ما عندي فلوس أخواتك باكنهن وهنا اشتركن بيهن
تريد تحاسب روح حاسب أخواتك اني ما إلى دخل
تريدين طلعين نفسج منها مو
اني ما إلى دخل ليش اطلع نفسسي.
الفلوس وين.

ما عندي ولا فلس أخذنهن واليوم اللي عصام اجه جابلي حليب اني خابرته لن اجيت ادور على فلوس اوصي أيمان تجيبلي وبعدين سمعتهن يحجن وسألتهن وطلعن هنا ماخذتهن ومشتركات
وليش ما حجيتلي!
ما حجيت شمدريني توسلن بيه وخافن منك
خافن مني! وأنتِ هم خفتي مني من فلوسج تنأخذ وتسكتين ويشتركن أنترنت وهم تسكتين وفلوسي هم وسكتي وعينك عينك تسأليني شبيك حبيبي يعني جنتي تدرين الفلوس يمهن وسگتي وهيج سالفه ما ينسكت هنا.

أني ما إلى دخل شعليه
ما كلتي ينات اخذن فلوس شيسون بيهم لازم ابلغ اخوهن شنو ما خفتي عليهن لو لن اخواتي ولا انوب تكسرين كلمتي ليش منو سمحلج تشتركين الهن أنترنت اني اخوهن واني المسؤول عنهن واني بكيفي أشترك او ما اشترك محد اله دخل بيهن غيري اني تجين أنتِ تكسرين كلمة هشام وتشتركين الهن
وأنت صدگت كلام أختك بدون ما تسمعني.
شسمع وأنتِ هسه يله تحجيلي اصدك بمنو بيج لو بيهن.

والله اخواتك واسألهن شگو جاي عليه لو ما تكدرلهن بس اني صرت زلمه عليه وتحاسبني بيك خير روح حاسبهن كلمة ما تكدر تحاجيهن وشيصير تجي على أزهار.
شگلتي ولج
ما گلت شيء هاي حقيقه فعلاً أنتَ ما تكدر الهن والدليل عفتهن بدون عقاب وسحبتني للغرفه تحاسبني اليشوفك يكول مرته تكود الهن
ازهار أتصلي على أخوج يجي يأخذج ما تصيرلي مره بعد لهنا وكلشي ينتهي.
شنو هشام
روحي لبيت أهلج وما أريد أشوف خلقتج كدامي.

وليش أروح شمسويه اني يعني ذبيت الصوج بيه وبريت أخواتك اني شلي ذنب بسوالفهن.
أزهار لهنا حدج أمشي لبيت أهلج خابري أخوج يجي يأخذج يله
ما أروح لبيت أهلي
أزهار روحي لبيت أهلج
ما اروح وطلعه من البيت ما أطلع تريد تطلع أطلع أنتَ من البيت اني باقيه بيتي وأخويه ما أتصل عليه وشتسوي سوي.
وليش ما تروحين أني ما أريدج.

ما أريدج! شگد سهل الكلام من تگوله وشگد صعب عليه من أسمعه خليها أبالك أني ما أنسحب من أول مره ومن أول مشكله وأنهي گلشي وما تزوجتك علمود أسمع منك هالكلمه ما أريدج وروحي بيت أهلج وخابري أخوج يجي يأخذج وصلتني لشك بيك وبحبنا وبزواجنا أنه أنت جنت متجهز لهذا الشيء ومحضر الكلام قبل بوقت لن ماكو أسهل منها على گلبك.

واني ما طلعت من بيت أهلي علمود أرجع الهم زعلان لو مطلقه مستحيل أسوي شيء وأخليهم مكسورين بسسببي مستعده اجرع السم وياك ولا اطلع من بيتك مكسوره ومخذوله والخذلان الاجه منك مو اول مره قبلها هم تنازلت عني وهسه أنعاد نفس المشهد ما اريدج دامك ما تريدني أني وباقيه بيتك وأنكبر بغرفتي أني وبنتي وتريد تطلع اطلع أنت.

مسحت دموعي بقهر ونار مشتعله بصدري كعدت على حافة الجربايه مصدومه ومكسوره ومخذوله ومقهوره ومجروحه ومتأذيه وكلشي تجمع بداخلي وكتمته اي من يوم حبيتك يا هشام كتمت كلشي بداخلي لخاطر حبك لخاطر ما أخسرك وبالأخير تخليت وتنازلت عني بأول فرصه صحت إلك...
طلع من الغرفه وبعد ما سمعت اله صوت وگلبي ينفض بكل سرعته وفزيت على صوت أتصال عصام
نزلت دموعي بحراره عرفت هشام بلغه ومر وقت
وأنفتح الباب من صوتها عرفتها.

أيمان أزهار اخوج اجه
أزهار منو منهم
أيمان أخوج الجبير عصام أزهار لاتروحين فدوه والله هو يحبج بس ساعة عصبيه وبعده مقهور واني حجيت وياه بس بعده مصمم
هو تبرد اعصابه ويعرف غلطته وأنتِ صيري أعقل منه واذا على أخواتي حجيت وياهن وضربتهن والله احبسهن بالغرفه ولا اخليهن يتقربن الج.

أزهار كمت ومسحت دموعي شفت غزل بيدها اخذتها ومشيت الاستقبال أول ما شفت عصام گبالي نزلت دمعتي وأهتضمت وگعدت گباله بعد مسافه عن هشام كاعد ويدخن ودايخ.
عصام شصاير من خابرتني أجيت من الدوام على عمى وجهي هشام ازهار واحد منكم يفهمني شگو
هشام والله يا أبو گ?م خصم الحجي هاي هي بعد أني وأختك وصلنا لنهاية الطريق حياتنا بس مشاكل وما مستقره والعمر بالمشاكل ما ينكظي ولا ينراد واني ظلمتها ما اريد اظلمها أكثر.

عصام لا والله مسوي فضل علينا ومن اول مشكله تنهي زواجك وبإتصال تعال اخذ اختك ليش اني انطيت الك أختي علمود اجي اخذها منك مطلقه هذا الجزه تقدمه اليه ترجعلي أختي مكسوره.

شوف هشام هذا الزواج ما ينتهي ومهما كان حجم المشكله بس ما توصل لنهاية والنهاية معروفه يعني طلاق وطلاق ماكو لاتحلم بهذا الشيء وأختي تبقى بيتك معززه مكرمه واذا غلطت بحقك أنتَ تحاسبها وتعلمها وأذا ما تكدر اني أخذها يمي وأكعد واحجي وياها والغلط اصححه وترتاح نفسيتها فترة وتجي تأخذها بس مال تكولي وصلنا لنهاية الطريق لا حبيبي هذا الشيء ما مقبول لا منك ولا منها مو على كيفيكم تصدرون قرارات بلحظة عصبيه وبينكم طفله ما تفكرون بنفسكم فكروا بيها شنو ذنبها فكروا بينا احنه ومشاكلكم حلوها بينكم ماكو مشكله ما ألها حل.

أزهار هشام ضل ساكت ورجع عصام صاح بيه
عصام وأنتِ أحجي شمسويه ويه رجلج ووصلتوا للموزينه عليتي صوتج عليه لو تجاوزتي لو غلطتي بحقه والله اكسر حلكج اذا تغلطين عليه او على اهله فاهمه شنو علمانج احنه احترام زوجج وأهله واجب مقدس عليج وتكعدين بيتج وتحترمين نفسج ولسانج ما يعلى على لسان زلمتج بحرف فاهمه.
أزهار أن شاءالله.

عصام وإذا على المشاكل كل بيت بي مشاكل وماتخلص وكل المتزوجين تصير بينهم هالمشاكل بين العمه والجنه والحموات شبعانين من هل السوالف التعبانه وأذا مشاكل خاصه حلوها بينكم وتفاهموا عليها والمره گلشي تتحمل تحملي وصبري خيتي أعرفج أخت رجال تحملي الحلوه والمره ماكو حياة كامله بس نعيم واذا على الماده هذا حاله وظرفه قبل لاتتزوجين يعني غصباً عليج تتأقلمين وترضين وتسكتين وتجين زياره الف هلا بيج بس مال تكولي وصلنا لنهاية الطريق من اول مشكله لا انطيكم فرصه تبرد اعصابكم وتفاهموا.

لن جاريات على گلبي بس مستحيل أوصلها لنهاية
هشام يصير خير
عصام أزهار خيتي باوعيلي
أزهار رفعت?أسي ونزلت دموعي وتقرب حضني ومسح دمعتي وأهتضمت حيل أسفه أجيت من دوامك بسسببي.
عصام عادي ولا يهمج صيري قويه مثل ما أعرفج واعيه وعقلج حكيم وبنت كمال وأخوانها عصام ومروان أحنه واحد يكمل الثاني والبيت مفتوح الج بكل وقت حلوا المشكله وتفاهموا بينكم وبعيني اجي أخذج.
أزهار أن شاءالله عيني.

عصام وأبو غزل يابه أحنه شايفينك بعين الجبيره لاتصدمنا بيك ولا تزعل أختي تراها وحيدتي وعيوني وديربالك عليها وأختي وأعرفها تثقل بالذهب لاتخسرها خسارتنا ما تتعوض.
لهذا حل المشكله ولو ما اعرف شنو نوع المشكله بس تنحل بالهدوء والتفاهم والزوجه والأولاد أساس الحياة وباوع وانظر للبعيد لاتخلي لحظة عصبيتك وقراراتك تهدم الأساس وتخرب كلشي وترى الندم بعدين ما يفيدك والخساره ما تتعوض مرتين.

هشام ممنون منك أبو ك?م جيتك هاي عزيزه وغاليه تعبناك ويانا رحمه الله والديك.
عصام تدلل.

أزهار تقرب عليه وحضني من وجهي وباسني من?اسي وباس غزل وأبتسملي بسته من أيده وسحبها فدوه تروحلك أزهار وطلع هو وهشام وكفوا يم الباب عفتهم ومشيت اني وبنتي ودخلت الغرفتي رضعتها ونومتها ونمت و?اسي على المخده ودمعتي على خدي وحيل مقهوره وكلام عصام ب?اسي سوده عليه حبيبي يابه فدوه لعقلك المتفهم ياريت كلهم مثلك يالحكيم يا أبو ك?م العلم.

أسيل بهل اليومين كبرت أكبر من عمري وعشت كل أيامي السوده والأذيه وأحزاني وعاتبت نفسي وتأذيت وأنقهرت كلهن عشتهن لوحدي.
وشفت الدنيا كلها مو ألك وما يتأمن بيها وناسها كلها تتنظر منك الغلطه وتباوعلك وتترقب سقوطك وعرفت وإيقنت أنه تعيش وحيد أفضل من تأمن وتثق وبعدين تنصدم وتنخذل وتنكسر وتتأذى على حساب ثقتك اللي أنطيتها وتندمت وما يفيد الندم.

أني بأمي ما أمنت وحجيت الها بإختي ما وثقت وفتحت گلبي وجروحه كتمت كلشي بداخلي ليش هيج صار وياي ليش.
شگول عليج يمه خليتني وحيده وبعازة حبج حنانج وعطفج ضليت مفتقده واخذتني عاطفتي أدور عليه وما لگيته وحتى إلى أنطوا إلى غدروني يمه خليتني بحصرة كلمة يمه أتمنى أكولها وينشرح صدري بيها شيصير لو تتصلين وأسمع صوتج بسؤالج عني گلبج ما يحن ما تذكرين عندج بنت إسمها أسيل! أويلي
يا كسرتكم يا أهلي غصه بصدري.

نايمه ودمعتي على خدي والأضويه طافيه والغرفه هدوء وتمنيت هذا الهدوء بروحي جنت قافله الباب وأندك توقعت ك?م لن دائماً يصعدلي ما رديت رجع أندك مره ثانيه وصحت بعصبيه ما أنزل وحسيت الباب ينفتح بقيت ثابته منو! وعرفته هو لن أكيد يكون عنده نسخه من المفتاح دخل الغرفه ما كمت من مكاني وحسيت بي شمر ملابسه على رجليه لن ما متغطيه باوعتله جسمه عاري اخذ المنشفه من المجر وطلع راح الحمام بعدت ملابسه من رجليه وتغطيت باللحاف نمت.

بقيت بمكاني وسمعت صوته هو وأخته يحجون ودخل لبس ملابس ونزل بدون كلام ومر وقت وصعد شغل التلفزيون وعلى لعبه كعد يشوفها ويشجع وباوعلي وگال
مروان گومي من وراي أريد افتح بث مباشر.
أسيل وين أكوم نايمه بفراشي والأ بالغرفه يله تفتح بث مباشر وشعندك فاتح!
شعليج أنتِ يله گومي كشفتج تطلع بالبث.
وأنت كشفتي قالقتك لاتخرب البث مالتك
يله
وين اروح
دبري نفسج.

كمت وشمرت لحاف بإزعاج وكعدت بصفه وشغل الأضويه وطلع وشويه وأجه وجاب جهازه أضاءه شنو هذا شتسوي بي.
رينج لايت للتصوير
وليش تفتح بث مباشر
أسيل ممكن تسكتين وبعدين شمكعدج يمي
كاعده بغرفتي مو يمك
كومي منا
وين أروح انوب عبرني وثبت التلفون مالته وغير تيشرته وكف رتب شواربه واني أباوعله وكعد وفتح بث واني أباوع بس ما ابين.
يا هلا بالربع شلونكم يابه.

فتح تلفونه الثاني يقرأ التعليقات ويجاوب ولاحظته يجاوب بنات هم أحتركت صرت نار دفرته برجله.
هسه أرجعلكم
فصل البث وباوعلي
شنو هالحركات هاا
يا حركات
حركاتج
شمسويه اني كاعده وساكته كول لنفسك فاتح بث وتسولف ويه البنات
ليش عندج مانع!
لا شعليه بيك ميهمني واني نازله اسوي عشه واخليك تاخذ راحتك.
قفلي الباب وراج
ما جاوبته طلعت بس حيل ضجت ونزلت لكيت عمتي تسوي العشه طلعت كبه وخليت الدهن وهي جانت مسويه دجاج شوي بالفرن.

وصال لاتگلين هواي حرامات تضل بس على كد مروان وسوي سلطه ناعمه وياها.
ماشي عافتني راحت وسويت وكملت العشه وأجه عصام بيده تلفونه ويگلب جر الكرسي وكعد واني صعدت الغرفه دگيت الباب وفتحه لكيته مغير مكانه من ناحية الشباك باوعتله يقرأ التعليقات ويجاوب
شوكت تسد البث
مروان من تلعب نفسي منكم اسده
اريد ارتبط
ما تجين اربطج بالشباك مال غرفتي جماعة اريد ارتبط شبيكم لخاطر محمد شتحسون.

مروان متگولي منين طلعتلي أنت يعني حظرتك وما خلصت يله يابه نترخص راح نسد البث.
أسيل سد البث وخله تلفونه على الشحن وباوعلي
مروان شعندج كاعده ومكابلتني.
وين اروح وأجانا صوت عصام.
عصام أبو البثوث انزل أتعشى.
أسيل عبرني وطلع باوعت على تلفونه اليوم أكوله بلكي يوديني بيت حارث ويخلص عشه وأخابرهم طالعه روحي مخنوگه خنك.
نزلت وراه لكيت عمتي وأسيا محضرات العشه هو كاعد يسولف اشرلي كعدت بصفه وتعشينا عاد عمتي
گالت.

وصال وتضل على هذا عنادك ما تراضي أخوك
مروان اني ما غلطان علمود أراضي اني صاحب حق
وصال بس هذا أخوك يمه
عصام يرضون يمه هما يرضون وعمار هم بعده دمه حار خل يرتاح فتره واحنه بعدين نشوف شغلنا وياهم.
أسيل وأجه عمي كعد وباوعلي وأبتسم
كمال ها عمي أسيل شلونج ما شفناج الا نزل مروان شدعوه عمي حابسه نفسج ما تنزلين.

أسيل الحمدلله عمي ما عرفت شنو اجاوبه وبلشنا اكل ومن كلمنا ردت اغسل المواعين عمتي ما خلتني عمه خليني اني اغسلهن
وصال لا اني اغسلهن ما يكلفني.
كمال وصال تعالي وجيبي الجاي وكعدي عوفي المواعين هسه.
وصال هسه راح اخلصهن واجيبلكم الجاي.
أسيل ضليت حايره واكفه ومروان يباوعلي اشرلي اكعد يمه رحت كعدت يمه واسيا اجتي جانت تغسل لابنها وصبت الجاي وقدمت النا.
اسيا عمه تردين جاي.

وصال اي عيني عوفي خلصت بس أنشف ايدي وأنتِ شربتي جاي.
أسيا ما اريد تعرفيني ما أحب الجاي ك?م تعال ماما أغيرلك ملابسك وسختهن
أسيل كعدت بصف عمي واسيا خلت كوب الجاي كدامها.
وصال كمال أريد اروح لبيت أهلي ماطول عصام موجود علمود يوديني.
كمال أي روحي شكد تبقون
عصام ما نبات شتكولين يمه.
وصال هذا هو ابني أسيا تجين ويانا.
أسيا كيفكم عمه عادي نروح نغير جو مو عصام.
عصام يله ميخالف لعد الصبح نطلع من وگت.

وصال اي من الصبح احسن.
أسيل مروان يتصفح بالفيسبوك ما شاركهم ضلينا كاعدين واني أباوع وياه مقاطع وطلع مقطع حلو قربه عليه شفناه سوه وضحكنا وعاف التلفون ويحجي ويه عمو علمود المعرض والزبائن ومر وقت وكمنا سوه لغرفتنا.
دخلنا الغرفه وقفل الباب وخله تلفونه على الشحن وباوعلي وعاكد الحواجب
مروان ما كلفتي على نفسج تجين تعذرين مني على غلطج بحقي ثكيله عليج مو.
أسيل ما حجيت.

صارلج يومين أتصال ما أتصلتي وأنتِ الزعلانه يله علمود تصيرلج عبره تحفظين سرج
اجه يمي طفه الأضويه وسحبني من خصري وكعني على الجربايه وصار عليه ما انطاني مجال گبل اخذ شفايفي وتعمقنا التفاصيل بحب ونمنا واحد حاضن الثاني مروان
ها
ما زعلان مني
قرب وجهه لوجهي باسني من خشمي وصفن بعيوني وكعد وارتجئ على المخده وعدل كعدته
واني هم كعدت مقابله.

زعلت بوگتها ودام غلطتي وياج صلحتها بزواج خلص بعد محد اله حق عليه وأبن أمه وأبوه يوكف ويحاسبني اني صلحت غلطتي ومستمر وياج واكو غيري ينكرون أغلاطهم وبيهم يستمرون ويتنفنون بالأغلاطهم وانحرافهم وبيهم يستقون على الضحيه
ولو واحد غيري ينسحب بشكل طبيعي حتى لو تهدد
مية الف طريقه اكو وينهي هالشيء بدون زواج بس أنتِ بنت عمي وادركت حجم غلطتي وياج خطأ فادح.

والي صار بينا صدكي وثقي ما يتسولف ولو الأهل يعرفون تصير عشائرياً ومذابح وناس تأكل ناس لن تعدي وأنتهاك عرض وشرف وسمعه وكلشي مبني على هالأساس يتهدم ويصبح خراب وهلاك سواء أني أو أنتِ إثنينا نتعاقب بس أنتهت بزواج خلص هاي ينغلق الموضوع نهائي ولن وصلنا لنقطه ما منها رجعه نقطة أستقرار روحي.
ودام روحي مرتاحه وياج واني بقربج وبحضنج أضيع ومروان العصبي كدامج گلبه صار حنين اعرفي اني ما زعلان منج.

واللي صار درس نتعلم منه مو نتزاعل بسببه ومو لن حجيتي لأمي لا أبداً وامي وأعرفها حنينه وگلبها طيب وما جان قصدها تزعلني او تزعلج بس هفوة لسان وساعة عصبيه وعاذرها وأنتِ هم اعذريها وتقبلي الامور برحابة صدر وتفهميها وتعلمي منها.

خليج مثل ما أنتِ اسيل الحنينه بس شغلي عقلج وتحكمي بعاطفتج وأخذي موقف وازعلي من حقج بس لاتطولين ولاتبالغين واثناء الموقف خليج صامته لاتحجين ولا تغثين علمود لاتنغثين ولا تقلقين أحترام ولا تتحسسين من المقابل لا تصرفي بإريحيه كوني طبيعيه ولاتنهزين من كلمه لن الأنسان متقلب.

وشنو يصير بيني وبينج ما يطلع من هل الغرفه نتعارك نتزاعل نتراضى ما اريد احد من اهلي يعرف شكو بينا حتى لو نتزاعل بيني الهم العكس ولاتخربين صورة علاقتنا بالعكس أبنيها وحافظي عليها واهم شي تفهميني وتركزين وياي وتشغلين عقلج وتفهمين كلشي احجي الج.
هزيت?اسي
خليتي بالج وياي لن اني مشغل عقلي ومطول خلگي هواي وياج
أي والله.

ولاعبالج من أكعد وأسولف وياج وأعلمج أنتِ ناقصه عقل لو ما تفهمين بالعكس حلو الواحد من يسمع نصيحه ويتعلم ويطور عقله ويكون نبه وفطن بالمواقف اللي تواجه.
واني أكبر منج ومار بتجارب ما أكولج اعرف كلشي بس تجاربي اللي مريت بيها تعلمت منها واني هم مثلج احتاج واحد يعلمني واحب اتعلم واطور عقلي ومن أعلمج ما أريد تغلطين بعد والأهم من هذا كله ما اريد خسارتج.

نهاية كلامه ما أريد خسارتج أثبتلي أني شگد إلى قيمه عنده أبتسمت وفتحلي حضنه حضنته بقوه وغرقت بحنيته وتمسكت بي ونمنا بوسط هدوء لأول مره انام واني مرتاحه.

كعدت الصبح قبله وبسته من خده وسحبت نفسي بهدوء أخذت ملابسي وسبحت وشغلت الغساله ونزلت البيت هدوء رايحيين دخلت المطبخ طلعت اللحم على السنك وبلشت تنظيف المطبخ والبيت وكملته ورجعت طبخت الغده وطفيت النار وصعدت نشرت ملابسنا ودخلت الغرفه هسه كاعد صباح الخير.
مروان صباح النور حبيبي شنو هالنشاط والحيويه.

أسيل كوم أسبح علمود اصب الغده جوعانه غمزلي وضحك وكرصني من خدي وراح الحمام لحكته بملابسه ومنشفته انطيتهن اله ورحت نظفت الغرفه وفتحت الشبابيك وعطرتها وطلعتله ملابس بيت واجه هو لبس وأذن توضيت وصلينا ونزلنا.

كاعدين بس أني وياه نتغدا والبيت هدوء كمت اغسل المواعين واجه وهو حضني من ظهري ويبوس بالكوه غسلت المواعين مروان بس أصبر دارني عليه وما كدرت اخلص روحي منا وما عاف شفايفي الا وصلنا الغرفتنا والى ما بعد حدث ما حدث.
للعصر لكيته كاعد قبلي سابح وكاشخ ها تطلع
مروان اروح الأسواق الثلاجه فارغه.

أسيل ماشي عيني نزل وسبحت ونزلت وراه طلعت كبه وسمبوسه واجه عمي سلم ودخل الغرفته واجه مروان متسوك اخذتهن من ايده واثنينا نرتب المسواك مروان جايب فلافل شنو رحت لسوك.
مروان أي وشفتها وأشتهيتها على العشه سويلنا مقليات وطماطمه لاجعه واندومي لن ابويه موجود يحب الطماطه لاجعه بس صمون ما جبت.
أسيل اي ماشي خل اشوف عدنا خبز فتحت المجمده مروان ماكو لا خبز ولا صمون شلون
أسيل دبريها ما بيه اطلع خطوه بعد.

شلون لعد ياعيني
أخبزي فدوه خبز حار من ايدج الحلوه
اي اصبغ
ليش أصبغ ياعيني وأنتِ خوش مره معدله ما تحتاجين صبغ يله مريتي اخبزيلي
وطحين اكو
اي هذاك اليوم جابوا شلون طحين صفر الا بشده
يله تدلل ضحك ورحت عجنت وهو فوك?أسي وبين ما حمست الطماطه وثمرت السلطه وحضرت الطرشي وكلشي اختمر العجين وشغلت التنور وبلشت اخبز وهو يفتحلي القبغ ايدك مروان عيني أنت دير بالك لاتنلجع عوفه اني افتحه
هيج تخافين عليه.

حجيت بدون وعي لكيته صافن عليه أرتبكت وأستحيت منه رجعت اخبز وهو طول بصفنته يباوعلي ومركز على حركة أيدي شلون اخبز توترت بنظراته حتى عركت وسمعنا صوت وانفتح الباب دخل علينا ك?م اجوا.
مروان أجو الهوسه
ك?م اخذ خبزه
مروان لا ممنو? هذا خبز مرتي خل امك تخبزلك
أسيل راح عليهم وهما دخلوا واجو علينا وعصام اخذ كرصه وانطه لك?م وگال.

عصام تعالي يمه تعالي تعالي شوفي النسوان المعدله والزلم الزينه صايرين أهل بيت وعشه كامل والمره تخبز والرجال يعاونها شتردون عمي على هالجنه مروان بعد شيحاجي هو بدون شيء ما يتحاجى.
مروان مريتي بعد شوف الخبز شوف نسوانكم تخبزلكم هيج خبز مكسب وحار.
أسيا لا اطكها بعين وتحسدها
مروان فال الله ولا فالج بيش طالبتها عوذه تغارين
أسيا لا ليش اغار موو عيب اذا الواحد ما يعرف يخبز وعادي اذا عصام يريد خبز حار اتعلم.

مروان ما نعلم اسيل لاتعلمين احد
أسيا عشتوا ولا تعلمون عيني ناگل من الفرن شحلاته.
مروان مضغوطين عيني مضغوطين.
أسيل يحجون بينهم ويضحكون وكملت الخبز وعمتي غيرت ملابسها واجتي شالته بالجيس وعصام اخذ كرصه وراح المطبخ.
وصال أسيل ماما روحي سبحي بردي جسمج اني الم الهوسه واسيا تكمل العشه هي تگلي الباقي ما عليج بعد كافي الخبز يتعب.

أسيل هزيت?اسي ومشيت مروان غمزلي وصعدت سبحت ورتبت نفسي ونزلت اسيا مكمله العشه وصابته وكعدنا تعشينا كلنا ومن خلال كلامهم
كمال وشجاه شاهين طلك مرته
وصال من ورا المشاكل امه واخواته شلعن گلبها يوميه متعاركات وتالي طلگها اني سهيله واعرفها وكحه وبنات اخويه ما ينجرعن
مروان لعد شلون ردتي تنطين ازهار ل شاهين.

كمال سد الموضوع عيب بابا شيء بوكته وهاي هي وكلمن اخذ نصيبه ماله داعي الكلام وشاهين رجال خوش رجال سبع يعجبني ويمدحون منه باللسك العسكري سمعته طيبه ونعم منه ومن اهله.
مروان ها زين.
أسيل سكتوا وحسيت مروان وعصام ما يحبون شاهين بس عمو يحبه ويمدح منه وعمتي سگتت وخلصنا ردت اغسل المواعين وعمتي ما قبلت.

وصال لا بنيتي كعدي اسيا تغسلهن أنت خبزتي وتعبتي وصدك اليوم امج خابرتني سألت عليج يمه مروان خطيه اخذها ل أهلها أمها اليوم سألت عليها وگالت خل يجيبها نشوفها خوما يهود ما يصير امها
مروان الله كريم
كمال وديها ل أهلها تشوفهم ما يصير بابا ومهما يحجون يبقون بيت عمك واهلها خوما تعوفهم.
مروان لا اوديها شعندي وياهم قابل.

أسيل ما حجيت بس أستغربت أتصال امي صارلج شكد ما حنيتي اليوم حانه ومتذكرتني والله حتى من عيالي استحي لن ولا عبالك عندي أهل.
اسيا غسلت المواعين واني صبيت الجاي واخذته الهم وعصام يحجي على التلفون ولاحظت هذا اخويه حارث
عصام يا هلا ابو رامي تنورنا بكل وقت حبيبي.
أسيل كعدت بصف مروان وباوعلي وگال.

عصام هذا حارث وهو وزوجته جايين علينا اكو ضيافه لا لن صار ايام ما متسوكين مروان كوم جيب ضيافه لنسابتك اني مصفر وأنتظر الراتب ينزل.
مروان يدلل أبو الحوارث.
أسيل صعدت ولحكته لكيته يغير ملابسه اخذ محفظته وباوعلي.
مروان ما يحتاج أوصيج زوجة أخوج لأتأمنين بيها وتفتحين گلبج وتخرطين الاكو والماكو ديربالج ها
أسيل لا والله
مروان يله رايح اجيب ضيافه وأنتِ نزلي هسه يوصلون حدج بس سلام وشلونكم لاتعمقين زايد خلي حدود.

أن شاءلله نزل واني رتبت نفسي ونزلت وراه وكعدت يمهم مر الوقت ووصلوا واستقبلوهم سلمت على حارث بس شفته أختنكت حضني ويبوس بيه ودخلوا الاستقبال واسماء والجهال دخلنا الصاله وسلمت عليهن وكومه جايبه اكياس!
كعدنا وسوالف واجه مروان سلم واخذت ضيافه منه ودخل على حارث وضيفتها ومروان ضيف حارث
اسماء اسيل تعالي ويانا كم يوم تغييرين جو وهم الجهال يسألون عليج واحنه نريدج يمنا شگو بيها.

وصال والله شكو بيها بيت اخوها وبعد هي كيفها
أسيل اشوف مروان بالاول دزيت عليه كرم واجه لمطبخ
مروان هاا عيني شرايده
أسيل سلامتك بس مروان عادي اروح وياهم.
مروان ويامن
ويه اخويه ابقى كم يوم
لا ماكو روحه
ليش
گلت لا يعني لا
ليش عفيه
أسيل لاتلحين
فدوه رحتلك ماطول بس يومين وهم مناك اروح الدكتوره اشوف الاكياس اللي على الرحم.

گتلج لا ليش تعاندين وتلحين والدكتوره ما مانعج روحي ويه امي والا اكولج اني يصيرلي مجال واوديج بعد شنو حجتج.
يعني ما تخليني اروح
اسيل هواي لحيتي.
خوما أعوف أهلي فدمره
أسيل كافي يله اني رايح لا ادزين ك?م كل شويه
راح وضجت لن والله محتاجه اطلع من البيت رجعت يمهن وبلغتها ضاجت بس ما حجت شيء خطيه ودزوا عليها ودعتها وراحوا وصعدت الاكياس وكرم ساعدني بيهم خليتهن عالجربايه وكعدت ودخل هو.

يا ساتر أستر علينا گالبه خلقتج
ليش ما خليتني اروح ويه بيت أخويه
وليش أخليج تروحين وياهم ما عندج رجال
ما فهمت
اني اوديج أبقي كم يوم
ها هيج تقصد
أي
وبيت أهلي لن امي سأله عني أخاف مريضه
عرج ما يطگها لاتخافين أمج ما تموت راس سليمه
سگتت
عايزه تزعلين
تضل أمي
وأمج تنحسب على الامهات أم من تزوجنا لحد الان وصلتج أتصلت عليج سألت عليج كلهن لا ومن وديتج الهم أستقبلتج رحبت بيج هم لا وبالاخير الكاج يم بيت اخوج مريضه.

أسيل خليني ساكت لاعبالج ناسي قلة الاحترام مالتها من تهجمت عليه ولسانها وسخ وتغلط وتدعي اني اسامح بس ما أنسى وامج واختج مو أوادم وتكونين بعيده عنهن افضل من قربهن واني المسوؤل عنج واعرف بمصلحتج فه لاتلحين عليه أهلي وأهلي.
يعني جاي تكولي أنسي أهلج.

ما كايلج أنسيهم بس اني أقرر يمتى أخذج الهم خليني على راحتي وشغلتين يبقن وياج على مدى الحياة لو يصير عدنا عشر جهال ما يتغيرن عندج سمعيهن زين وركزي بيهن الأولى روحه لبيت أهلج
والثانيه التلفون هذا الاثنين لاتلحين عليه وتحرجيني بيهن ممنوعات عليج.
ليش
بدون ليش وليش اني عقلي وتفكيري هيج ما اكدر قافل عليهن لهذا سمعي الكلام وطبقي حجي زايد ناقص ما اريد لاتبقين تنكين على?اسي لا هسه ولا بعد عشرين سنه.

لهل الدرجه مروان تفكيرك بيه
أي والتلفون ما وراه بس المصايب والمشاكل عاد خابرتج امج واشتغلت الاسطوانه الرنانه والمعتاده على العيال والجنه وعمتج وحماتج ومرت حماج لاتشتغلين وأنتِ مو خدامه ومن هالسوالف التعبانه وهديل هاي الها موجز اخباري خاص بيها ولاتنسين تاريخها ويه اخويه واكيد گلبها حاقد على اسيا واللي صار وياها.

والبشر ما مضمون بكلمه وحده تنقلب موازينه ويفرن عقلج فه خليج يمي وبعيده عنهن قربي ولا قربهن اني اعلمج وارشدج واوعيج امشي وراي ما تخسرين.
صفنت بكلامه بس
شحجي اني هندي شبيج أنتِ
لا هاي هي خلص
اي عبالي تكولين أهلي
ماطول فتحت الموضوع عادي أحجي
احجي
علي التلفون
خير خير شسوين بي
ما أريده والله
وهو منو يجيبلج علمود ما تردين لاتحلمين أسيل تلفون ما تشيلين لو تعلكين روحج بالسما فاهمه
فهمت أعرف بيك بعده تشك بيه.

وأنتِ تروحين وترجعين على نفس ال امشي طفي الاضويه انام نفختي?أسي.
شلت الاكياس وباوعلي
شنو هذن اوكفي
وكف كدامي شبيك
فتحيهن خل اشوف شنو جايبتلج.
عيب سوالف نسوان مروان
علي أساس ما شايف سوالفجن دفتحتي خل اشوف
اوووه مروان صدك تحجي
يله عاد لاتبالغين
فتحتها وكلبهن على الجربايه نثرهن كلهن ملابس داخليه وستيات نوم ومكياجات ومعطرات جسم شافهن كلهن واني دموعي تجري على خدي عرفت شنو نيته وتفكيره بيه باوعلي
شگوو تبجين.

تشك بيه عبالك مرت اخويه جايبتلي مبايل مو
لا
لا والله شگيت الى متى تضل بهاي أفكارك والشگوك لما تخسرني وهواي واضح ما أريد أخسرج لو ما تريد خسارتي جان وثقت بيه حسسني اني نظيفه عندك.

والله أعترف بنفسي غلطانه واشد الغلط بس گافي مروان دام صلحت غلطتنا اني وياك بزواج وتقبلتني بحياتك وأعتبرتني زوجه ليش ما تحاول تثق بيه تضل هيج أدقق وتفكر وتشك هسه بيها مجال واتحمل باجر عكبه وبعد مرور الأيام يصيرلنا أطفال شلون مروان تبقى هيج تشك بأم اطفالك شلون تأمن تبقي ابنك أو بنتك بحضني وأنتَ ما عندك ثقه بأمهم.
گافي سدي الموضوع طفي الاضويه انام.

لزمته ومنعته لاتبقى ساكت ميخالف اسكت بس أسمعني وخليني احجي من يوم التقينا اني وياك اني ما حجيت اسمعني بس مره وحده مثل ما اني أسمعك
ليش تفتحين مواضيع أسيل مو وكته بابا.

لا مروان وكته من حقي أحجي والله تعبت من كلشي مكدس بداخلي انت البارحه من حجيت وسمعتك ل الاخير وما انطيت اي رأي ولا عارضتك بالعكس اني كلمتك كلش احترمها والها قيمه عندي وكلمتك على عيني وراسي وتنكسر ركبتي اذا اكسر كلمتك ومستحيل بيوم أتخطى حدودك اللي أنت رسمتها اليه اللي اني محد رسملي حدود محد علمني محد رشدني محد وعاني محد كالي هذا صح وهذا خطأ كلهن انت، أنتَ رسمتلي الحدود واني باقيه على حدودك.

اكو هواي امور صعب اشرحها الك بس انت فهمتني بدون ما اني أشرحلك انت فهمتني لحالك وهاي زين منك انه انت فهمتني بدون ما احجي وادركت صعوبة الموقف اللي اني جنت بي.
ما حجيتلك عن معامله أهلي عن أهمال أمي عن قساوتها هذا كله أنتَ من خلال نظره وبموقف حكمت عليهم وضحت ألك الصوره يعني انت درست أهلي بنظره.

أنتَ ما إنطيتني الأمان الدائمي، أحتويتني صح بس ما انطيتني الأمان الدائم، تنطيناه بس بعدين أي فعل يصدر مني تعاقبني وترعبني وهذا الامان انطيتناه تضاعف وانقلب خوف.
اني مو بس أخاف منك روحياً اني كل بخلايا جسمي منك داخله حاله رعب ومو بس اخاف من مروان اني مروان كل حرف من اسمه گلبي يرجف منه انت ما انطيتني الأمان بكثر كا انطيتني الخوف.

مقابل هذ ا كله من انت حجيت من كتلي سوي هيج وسوي هيج اني اسوي وسويت واتعب وياك مو اتعب وياك علمود بس أرضيك اتعب وياك لن اني اريد اتغير اني لما شخصيتي زفت ومعدومه من الوجود جانت ما غلطت وياك.
اذن الغلط بيه مو بيك فه اني اريد اتغير اني اريد اتعلم ومقابل هذا كله من اتعب وأعاني علمود اني اتغير انت من تشوفني هيج وتغيرت لنفسي والك ماكو مقابل عطاء.

مروان أحنه متزوجين والحياة الزوجيه اخذ وعطا ما رايده منك كلشي والله حتى ولا مطالبه بحبك اليه ولا رايده منك تحبني هذا الشي راجع الك لن الحب شي مو أجباري الحب شيء نابع من الگلب واعرف اني مو بگلبك وضامنه هذا الشيء ومتأكده منه.

والأنسان مره وحده يحب وأعرف منو بگلبك وراضيه بقسمتي وقدر مكتوب اليه بس من هذا كله اللي رايدته منك أنه تثق بيه أنطيني فرصه اثبت إلك انه اني كدها لاتشك لاتنقص من شخصيتي بقلة ثقتك بيه مروان والله مرضتتني بكثر شكوك اللي بكلشي كمت تشك بنظره اذا اباوع تشك الى متى تضل تشك بيه نضل هيج مروان يعني عليك الله هسه أنت شگيت بيه وفتحت الاكياس واني منعتك لن ما أريد انصدم اكثر لن عرفت شنو تفكيرك وثبت اكثر من گلبت الاغراض وفتحت العلب لعد شكد عمق الشك مالتك واصل مرحله.

سگتت وهو واكف مقابيلي مروان تضل ساكت
ما رد عليه عافني مسح وجهه وطلع الجگاره وكعد يدخن وصافن واني بجيت بقهر وجمعتهن كلهن ونمت وانطيته ظهري وهو عفته كاعد يدخن.

وأذن الفجر واني كاعده ما نمت شگو كلمه حجاها من يوم تعرفت عليه خطرت على بالي كلشي منه مكدس بروحي مو كادره اتخطى أذية الكلام والفعل والشك تعبت من هالشيء مو عمر هذا ولا عيشه مثل الحرب والسباق ياهو يثبت نفسه لثاني الى متى ابقى احاول اثبت نفسي كدامه وازرع الطمأنينة والثقه داخله الى متى يا مروان.

ضلينا على هالحال أيام وفقط سؤال وجواب واني نفسيتي تعبت بشكل أعتكفت وانعزلت عنه حتى هو لاحظ هالشيء، جنت اكوي بملابسه وكملتهن واجه مشيت منعني مروان عندي شغل.
مروان تبقين ساكته مو بطيتي جبدي بسكوتج
أسيل أضل ساكته من تلكي حل لوضعنا ولعلاقتتنا
لن صعب نستمر والشك موجود بينا اكص لساني وأصير خرسه ولا احجي حرف وأنت ما تثق بيه لن جربت تنطيني فرصه.

فرصه انطيج على شنو أسيل ترى هذا حقي وعقلي وتفكيري بيج هيج شسويله اطر?اسي واغسل دماغي بتيزاب أفهميني أسيل ما اكدر اني رجال صعب گلشي مطبوع ب?أسي الافكار الشيطانيه اذا أفتحلج?أسي وتشوفينها ما تكابليني.
علي راحتك
وأنتِ هم أعوفج على راحتج اني ملتحق مولي لدوام من ارجع الكاج أسيل الاعرفها هذا طبع التزعل والسكوت ما عاجبني.
أنتَ عاجبتك أسيل بس شنو داخلها ومن شنو تعاني مو من أهتمامتك.
قصدج جسمج مو
بكيفك.

تمنيين عليه بالنومه ولج اخر ولج تعرفين شنو قيمتها ما إلها قيمه قيمتها صفر يعني تفكيرج وصل اني اريدج بس جسم وهاي هي وهذا اللي يريده مروان من اسيل مو.
أنتَ هيج خليتني أحس وأفكر
يعني أنتَ أحساسج ما يفكر بس بالانحراف
أستغفر الله
لا كملي وكولي مستحيه مني قابل شو صارلنا شكثر متزوجين يعني اخذنا على الوضع.
أنتَ ما تحبني بعد على شنو أكمل.

أنتِ شايفه الأطمئنان الروحي أحلى من الحب بعدج ما تعرفين هاي الأمور مع الوكت تفهمين مروان.
فتح الكنتور واخذ ملابسه وطلع الجگاره وكعد يدخن شوكت تنزل رفع عيونه وباوعلي بحقد
أتأخر ليش شعندج الي
هيج سلامتك تروح وترجع بالسلامة
الله يسلمج يله فيمالا عود خابريني
أنت خابرني اني ما عندي تلفون
شيطان حلو
مثلك
تروحيلي فدوه
عادي
من ارجع يصير خير نتفاهم على شيلة الخشم هاي
ماشي يصير خير
فيمالا.

الله وياك والتحق لدوام ورجعت لروتيني المعتاد من يروح اضل جوه وعمتي تحسنت علاقتي بيها واضل يمها من عمي كمال ما موجود انام بغرفتها
كل وقتي اكظي وياها نسوي حلويات ونظف وياها بس بالي يمه ما متصله عليه وهواي تأخر بالنزول
عمه مروان تاخر هالمره ليش.
يمكن معاقبينه حسب ما فهمت من عمج.

بگلبي يستاهل لا جذب عيني هو تمر الأيام واني طگ گلبي عليه وبيوم جنت توني طالعه من الحمام جاي امشط وانفتح الباب فزيت ولزمت گلبي مروان
مروان وجع اليوجعج ليش ما تتصلين ومن اتصل عليج وين موليه مو اكسر خشمج بربوك.
الحمدلله على سلامتك
الله لا يسلمج
شو هيج
بكيفي نزلي جيبلي غده جوعان مسلوك جد جدي
تدلل لفيت شعري وعبرته وهو صافن يباوعلي بسخافه نزل عينك نظراتك مو راحه.

بكيفي املاكي واني حر اباوع بنظرات اللي تعجبني وتروق لي امشي جيبلي الغده لا اتغدى بيج على الناشف
انهزمت منه ونزلت جبت له الغده لكيته سابح ويحجي على التلفون ويامن
اخوج
خلص اتصال وكعد هاا ششيريد
يريدج طاكه عرج المحنه على اخته البربوك
مروان
وجع بگلب مروان كعدي كابليني والأ أكولج وگليني بيدج
لا تدلل
ادلل بين أديج غير مشتاق لدلالج يا دلالي
أي ما گتلي اخويه شيريد منك
لاتغلسين على رومانسيتي المعوقه.

ضحكت واخذ شفتي واستلمني وعاف الاكل مروان وكت غده يمعود
ما اريد وجع اريدج الج تعالي گلبي مشتعل اهل اهله عليج
جذاب
اي اجذب عليج ولج دماغزز روحي تريدج تكولي جذاب شو دتعالي اشوفج الجذاب شيسوي بيج اذا ما خليتج ما بيج تمشين اني الج.
مو هيج ما احب
شتحبين حبيبي شتحبين يجرالج
احس بيك مو بس بالفراش
شتحسين رب الحلو كل هذا ما تحسين هسه ياعيني دعوفي الاحساس هذا بعدين نكعدله خل نشوف ابو الاحساس وعشيرته.
سخيف.

وياج يا محلاها من سخافه
وتمرد عليه وحيل مشتاقلي ولمني بحضنه وجعصني باوعتله وحجيت حبيبي
ها حبيبي
ما گتلي شيريد منك أخويه
گالي جيببها
اي وأنت شگلتله
ما تباتين
لا حباب
اسيل
بس
اسيل
ماشي شوكت توديني
الجمعه نروح على ازهار واوديج الهم ومن نرجع امر أخذج.
شعجب ما تاخذوني وياكم
هسه تريدين بيت اخوج مشتاقلج لو تجين ويانا يله تعالي ويانا بعد احسن ما تفاركيني شتسوين بأخوج الاقربون بالمعروف
لا حبيبي أخذني ل اخويه.

ماشي هذا هو لعد واشبعي من اخوج
شوكت ترحون
ورا الظهر
شنو هاي ششوف
هاي هي طلابه
لا عفيه مروان
يله بالليل اجي اخذج
شوكت بالليل
اهوو شمدريني من ارجع من بيت جدي لن نتعشى يمهم.

ماشي وسگتت وتقبلت الامر شسويله ما اكدر اخالف امره فارض سيطرته عليه بگلشي رغم حنيته بس مع ذلك مختنگه وبعده يشك ويوم عن يوم اتعب اكثر من القبله واجتي الجمعه تغدينا وصعدنا هو لبس ونزل قبلي كملت ولحكته وطلعنا عافني يم بيت اخويه وراح واسماء ما موجوده رايحه لطبيب هي واختها بس الجهال وضليت مكابتلهم وكاعده وضجت ولليل اسماء ما بينت شگيت اكو شيءلن حارث حيل ضايج واندك الباب واجه رامي ها منو.

رامي عمه هذا مروان يكول خل تجي
أسيل ماشي حبيبي رحت لبست عبايتي ما اكوله اسماء رايحه الطبيب يضل يفشل وطلع حارث كدامي وخله 50 الف بيدي والله ما محتاجه.
حارث لا خيتي خليهن واعذريني اسماء ما موجوده بس جانت تتنظرج وتجهزت والله بس امي سمعت وهدت علينا هي وهديل وصارت مشكله واسماء مشت لاهلها وعافت الجهال واجيتي وهي ماكو.
أسيل وامي ليش هيج سوت
ليش اسيل تجي عليكم ما تجي علينا وتعرفين بعد.

لا اله الا الله، الله يهديها واسماء شوكت ترجع
ارجعها اسماء طيبه ما تزعل شنسوي هاي هي
الله كريم خويه يله عيني مع السلامه ودعته وطلع وياي سلم عليهم وصعدت وطلعنا للبيت حيل ضايجه بتصرفات امي يعني خربتي بيت ابنج عود يعني حابتني والله يا يمه أنتِ عجيبه غريبه.
وصلنا وكبل صعدت وهو ضل يم أهله وبالليل أهلي اتصلوا على مروان بس صياح كلشي ما فهمت منهم تالي غلق الخط بوجه حسن.

مروان أهلج ما يتفاهمون أبداً ادري شگو الغلط يمكم حواليكم شهل البشىريه لخاطر الله.
أسيل واجذب اذا كلت ما انقهر واضوج من تصرفات اهلي التفشل والفشله عرفوا اسماء زعلانه بسبب امي ما اعرف منو كايل الهم كمت استحي منهم والله ومروان كام يحس بيه ولا يجيب طاريهم كدامي وعيالي هم من النوع ما يحبون يگلبون سوالف وقال وقلت كلش بعيدين عن هالسالفه.

وبيوم كاعدين نتعلل ومروان يغمزلي يريدني اصعد واستوكح زايد وعمتي ابتسملي وهي هم غمزتلي صدك جذب عمه ما كافي عليه ابنج ورن الفون.
وفتح الخط.
مروان ها عصام شنو ووين اجي بهل الليل شگوو وشبيها ازهار هاا هيج السالفه يله جاي انتظروني.
وصال هاا يمه شكو سمعت طاري اختك خوما بيها شيء يمه
مروان والله ما فهمت نروح ونفتهم السالفه
وصال لازمك ما حجالك عصام
مروان أزهار مخابرته كايلته جيب اخواني وتعال اخذوني!