رواية بين قلبها وعينيها كبرياء للكاتبة شمس العراقية الفصل التاسع والأربعون

رواية بين قلبها وعينيها كبرياء للكاتبة شمس العراقية الفصل التاسع والأربعون

أسيل كمل كلامه وكف كدامي ينزع بدلته ومركز عليه عفت الريمونت وعبرته رايحه اجيبلك العشه لزمني من ايدي وصار بصدري ومنعني صديت
وجهي عنه بس مع ذلك خايفه منه حيل خايفه
مروان ما اريد عشه ما جوعان متزقنب ومأكل برى ووجهج لاتصدينه عن وجهي رفعي?أسج وباوعيني
سحبت أيدي منه ورجع شد عليها وحضني من خصري وقيدني جسمي يرجف بلمساته وگلبي ينفض بتسارع نبضاته وبقربه اتشنج وأتوتر وينزرع الخوف بكل خلايا جسمي.

ليش على التلفون متخافين وصوتج يعلى ومن تشوفيني تخرسين وترجفين وتكومين تموتين بقربي وبلمساتي.
أخاف منك وإحترمك مو القصد على التلفون ما أحترمك اني أحترامك فارضته بغيابك وبحضورك بس الفرق من تغيب اني ما اتقيد بالكلام اسولف براحتي أضحك براحتي امشي براحتي وأتنفس
براحتي أحس نفسي حره.
لعد أني ليش أريدج
تريدني؟
اي اريدج ورفعي?أسج وباوعيني وأحجي گبالي لتخافين ما أسويلج شيء أمني ما أذيج.
مو گلت أدبج عليج.

هذا يا گلب گال هيج
لا حشاك بس أنت حجيت بعصبيه ووو
ووو شنو كملي أسمعج
هيج ماكو شيء
هسه ليش ترجفين ما مسويلج شيء لتخافين مني أريد اشوف عيونج مشتاقلهن حيل.

بلعت ريگي ورفعت?أسي لوجهه لكيته صافن ومركز بكل ملامحي ومثبت نظره على عيوني ما كدرت اخلي عيني بعينه نزلتها وأباوع للكاع رفع أيده وحضني من وجهي ويمسح على خدي بحنيه واني احس روحي تريد تطلع من صدري خايفه منه ميته خوف رفع خصلات شعري وأحتضنهن وتقرب اخذ شفايفي ومغمض عيونه ويسحبهن بهدوء وأستمر
دقايق وأني ثابته وساكنه وروحي ترجف منه ومن قربه لروحي.
مشتاقلج كلش
مروان عندي عذر وكذبت عليه.

منو گالج أشتاقيتي لجسمج وتفاصيلج
ما فهمت لزم وجهي بإيديه الأثنين وثبته أمام وجهه
تحبين أفهمج
براحتك
هو أنتِ راحتي أريد ادخل لروحج مو لعقلج اليوم عقلج منطي أجازه اريد روحي تحاجي روحج أريدج بس تسمعيني
هزيت?أسي.
أسيل حاسج فاهمتني وقريبه مني الكي روحي بيج طفل وضايع ولگه أهله طفل يمشي بصحراء وحيد وعطشان وأرتوى بوجودج بحياته
يعني مو بس جسمي.

اي مو بس جسمج شوفي شكد عقلي وسخ بيج بس مع ذلك رايدج مو جسد وبياض ونعومه وشفايف وأنحناءات وسهول وتتدرجات وكل الصفات الاحبهن لا وهذن الصفات هواي متوفراتلي بأتصال واحد بدال الوحده عشره ينزرعن كدامي بس روحي ما تريدهن مثلما تريدج وتهوه قربج وهي نزوه وشهوة متطول عشر دقايق وكلشي ينتهي وترجع الأمور عاديه مو صح.
اي صح مروان يعني عادي عندك تتقرب الحرام.

تحبين أستشرف كدامج واصير مثالي لو تحبين مروان على طبيعته وحقيقي
مروان على طبيعته
كلهن ختمتهن على أيدج
يعني اني أخر وحده.

أخر وحده أنتِ مسك الختام وشليتي عقلي شل تدرين من سالفتج والصار وياي كرهت جنس النسوان ولعبت نفسي منهن ما اعرف شلون كدرتي تضحكين عليه وتجيبيني لطريق لا واليكتلك قهر اغرائتج وغزلج اثرت بي مو بس أثرت عبالك سحرتني وكعت على وجهي ودخلنا الحرام برجلينا بس اكو فرق بينج وبيني المهم مو اهنا موضوعنا اليوم روحي تحاجي روحج بدون حساب فقط كتاب مفتوح
نزلت وجهي من إيديه
تخافين مني
هواي وميته خوف.

هو أني أريدج تخافين علمود ما تغلطين عقلج وأفكارج وكلشي بيج مروان ينظفه ويعيد تركيبته وكل تصرف أتصرفه وياج لصالحج أضربج أقسي
هواي أمور اني عندي معرفه بيها تعلمج وتوعيج
والله بعد ما أغلط بس لاتضربني بعد
خلص ما أضربج ولا أذيج بعد ولكل فعل ردة فعل وأفعالج هي خلتني هيج أصير وياج أني مو هيج وما أحب اذي احد بالعكس اني أحب أحتوي الما محتويته أمه!
يحجي واني صافنه عليه ومركزه على كلمه يگولها.

أنتِ تحملتيني واني محد تحملني وصبر عليه وعلى أطباعي مثلج وبكدج على رغم صغر عمرج وعقلج بس تحملتيني بكل أفعالي وقساوتي وياج وحافظتي على سر قوي مو كل واحد يكدر يحافظ عليه سترتي عليه وسترتي على روحج على الرغم اني هم غلطان وما انكر غلطتي وياج بس الأحبه بيج ما واجهتيني بغلطي وتحملتي بالغلط لوحدج بس لن أنتِ متحملتني وهاي عند كبيره وثمنيه واشتريها بدم گلبي كل واحد يتحملني كلي أقدسه واخلي بمكان اليستحقه.

كمل كلامه واني ساكته اريد شيء بروحي يصدكه ولحد هاي ثانيه وهو ساكت بيه اني الخوف عالن بروحي حاله حرب رجع حجه بصوت متعوب
أسيل
ها مروان
هواي أحب أسمي بحلكج على الرغم أسمي مسببلي عقد نفسيه بس طريقة لفظج اله بحنيه مفرطه خلتني أحبه يعني دلاله أنتِ محتوتيني اني وأسمي مو بس متحمله مروان متحمله اسمه بعد اللي اني ما متحمله.
ليش أسمك حلو أحلى أسم مر عليه
شايفه من تسمعين كلام ويضل منقوش بذكراتج
اي ما ينسي أبداً.

حتى أسمك مثلك كلشي بيك ما مرحمن.
مقهور من هالشيء
مو مقهور بس ما جاي أتخطى القساوه اللي توجهتلي مو مهم منو قسى عليه معنى من الكلام اني حبيت حتى أسمي منج
أي اني أحب أصيحلك بإسمك
واحب أسمي منج
صفنت عليه وأبتسمت وردلي الأبتسامه
تعبتي من الوكفه مو.

لا عادي ولا يهمك تقرب ينظر لعيوني ومركز واني قابلته بنظرات حنينه وتلمست وجهه وامسح بإصابعي بلطف على خده ورمش عينه وتقرب أكثر وتقاربت وجوهنا لبعض ويمسح وجهه بوجهي وخشمه بخشمي سحب انفاسي وهدأت روحي بقربه سكنت بهل الهدوء بوسط دفؤ أنفاسه حجه بصوت حنين ونطق أسمي جعل محد يصحيلي أسيل غيرك.
أسيل
ها مروان
أحضنيني أسيل أحضنيني.
حاضتنك بروحي وگلبي
اريد انلم بين ضلوعج وأنام على حنيتج تعبان وراحتي بين إيديج.

حضني وحضنته بقوه وهو متمسك بيه ويشم بشعري ويمسح بإيديه بحنيه على ظهري وضلينا دقايق هادئين وساكنين بإحضان بعضنا، أبتعد ورفع خصلات شعري وباسني من شحمه أذني وهمس
أسبح وأجي أنومج بحضني وما أريد منج كلشي بس حضنج.

هزيت?اسي وأبتعد خله تلفونه على الشحن وراح الحمام انرد الباب وراه كعدت لازمه گلبي بقبضة أيدي معقوله هذا مروان لا مستحيل يكون هو ياربي أهدي عليه وأستجاب دعواتي بهدايته عليه والله أني أحبه وروحي بي.
شلت بدلته والجنطه مالته والسلاح خليته بصف التلفون والباكيت والجداحه والسماعات والساعه فدوة لشغلاتك.

خليت معطرات جسم وفتحت الكنتور رفعت ثوبي ونزعته بقيت فقط بالداخليات واكفه أختار شيء البسه وفزيت وشهكت من شفته يباوعلي من بالمرايا مروان وكعت گلبي عبالك جني طفر عليه ضحك واجه حضني من ظهري واني ميته خجل باوعلي بالمرايا هو محاوطني من خصري بإيديه وباسني من كتفي
مروان تكولين عندي عذر؟
أسيل بلعت ريگ بخوف أي عندي
ما عندج عذر كذب لاتكذبين على مروان واذا تردين تتقوين لاتتقوين بعدج عني اني قوتج مو ضعفج.

توترت وفشلت منه لن كشفني كذبت عليه علمود لايتقربلي دارني اله واني الم بأيديه اغطي بجسمي عن أنظاره حجيت واني مستحيه مروان بس البس ملابسي.
ما يحتاج تعالي
اخذني من ايدي وقفل الباب وطفه الأضويه ورفع اللحاف ونام وفتحلي حضنه وسحبني ونومني على صدره نومني بحضنه معقوله هذا مروان باوعتله سحب التلفون يگلب بي گبالي حذف الأشعارات وفصل الأنترنت وطفه وباوعلي باسني من كصتي ولمني وشد عليه بحضنه تمسكت بي وهدأت.

واني مخليه?أسي برقبته وهو حاضن كف أيدي هدأنا وغفينا بهدوء النفس وراحه البال.
كعدت الصبح واني غرگانه بحضنه باوعت الساعه بالسته بعد وگت أكوم اصلي سحبت نفسي من بين أيديه على كيفي ورفعت نفسي بسته من خده بهدوء فدوه لهل النومه والوجه الحلو.

كمت لبست ورحت فرشت اسناني وغسلت بشرتي ورفعت شعري وتوضيت ورجعت هو على نومته لبست ازاره الصلاة وصليت وكملت وهو كعد يباوعلي وكام طلع شلت سجادتي عالسريع رشيت معطر جسم ودخل هو ينشف وجهه أبتسملي
مروان اليوم شلون نشاط يفتح النفس
أسيل اخذ السجاده وكام يصلي وكمل واندارلي
نرجع نكمل نومتنا
كيفك
ليش ثبتي التهمه عليج
ما فهمت
ما عندج عذر
ليش أنت مو كشفتني
بس ما متأكد تردين أفحصج يعني
مروان
مروان يريدج وهسه شنو عذرج.

نزلت?أسي
لاتخلقين أعذار وتبتعدين عني اني لما رايدج ما أتقربلج العلاقه والجنس مو شيء أساسي ولا شيء مهم
كول لنفسك هالحجي
شسوي أحبه بس وياج وما أمل أبداً أنتِ فتنه ناريه تغريني وتثير الشهوه والرغبه عندي.
بقيت ساكته ومتوتره
نزلي سويلي ريوك جوعان وأنتِ تردين حيل أشحن طاقه يله أبلش بيج يله تحركي لا اهجم عليج وما تخلصين نفسج غير للعصر.

ضربني على خلفيتي بگلبي يربي شكد سخيف وسرسري مشيت طلعت شال لبسته وسترت نفسي هو يباوعلي طلعت وگال
لا تتأخرين عليه
هزيت?أسي ونزلت البيت هدوء بس أصوات العصافير والشمس داخله من الشبابيك والبيت نظيف يشرح النفس ونفسي منفتحه ومرتاحه كلش ورفعت ردان ثوبي اسوي ريوك بكل نشاط وواهس
خدرت الجاي وسويتله بيض عيونه وخليت اجبان وقشطه وعسل وحميت الصمون كملت وشلت الصينيه وصعدتله لكيته يسوي بالتلفزيون.

الأشتراك خلص ذكريني اليوم أجدده الج
ماشي اجه باوع الصينيه والترتيب وكعدنا نتريك وصبيتله الجاي وكملنا ريوك نزلت الصينيه ما غلستهن لن ينتظرني قبل لا ادخل الغرفه طفرت الحمام فرشت اسناني وغسلت وباوعت شكلي كلشي تمام ما اضعف كدامه اخلي هو لوحده.

دخلت الغرفه واكف يگلب بالتلفون شافني عافه على الشحن وتقدم قفل الباب وسحبني من خصري ودفعني على الجربايه وصار عليه واحتلني وأول الأحتلال رقبتي قبلها بقبل جنونيه مفرطه واني اتململ تحته احاول ما اضعف وقدر الامكان اسيطر على روحي بس هو يمارس كل الطرق يخليني اذوب بحضرته عاف رقبتي واستلم شفايفي بهدوء وأستمر وأخذني اله جانت علاقة روحيه متنسي أحتواني وأحتويته وأنتهى وسحبني وغركني بحضنه واني تعبت ونعست كبل أستسلمت لنوم...

الباب يدك هذا صوت عمتي وصال
وصال أسيل حبيبتي اليوم ما نزلتي ضل بالي عليج
مروان يمه نزلت نزلت
وصال هاا أنت اهنا
اي
لعد أنزلوا ما شبعتوا نوم كافي الساعه ب 11
نازلين يمه نازلين
أسيل ضحكت ودارني عليه ونفش شعري وعصرني وصفن بوجهي باسني من خشمي وحضنته بيدي خل نكوم دنيا ظهر.
ماكو الا اعيد
شتعيد
في الإعاده أفاده
مروان لا عفيه كافي
ماكو كافي.
ماكو منه خلاص وهالمره تعبني أكثر كام قبلي حيل الحصان واني مثل الدجاجه.

يله كومي اذا بيج
طلع راح يسبح واني حضنت المخده ونمت وغفيت وما اعرف شكثر مر وقت كعدت هو ماكو بس مغطيني باوعت الساعه ب 1 اي راحت عليه نومه
كمت اخذت ملابسي ورحت سبحت ولافه المنشفه على?اسي باوعت عليهم من فوك باوعلي وغمزلي خبيث شمرلي بوسه فدوه لروحك الاحبها
مروان يله نزلي.

أسيل بس أرتب الغرفه واخلي الملابس بالغساله وانزل هز?أسه كلني نشاط خليت مكياج خفيف ومشطت شعري وترتبت وكشخت ونظفت الغرفه وفتحت الشبابيك وشغلت المبخره وشلت ملابسه خليتهن بالغساله شغلتها ونزلت هو وعمتي كاعدين وكرم موجود اجاني يركض شجابك يمه فدوه حضنته وبوسته ماما شلونها
كرم زينه تسلم عليج هواي.
أسيل يحبيبي الله يسلمها مشينا اني وياه صباح الخير عمه.

وصال صباح العافيه كعدي اصبلج غده اكيد جوعانه مبين عليج وجهج طافي.
أسيل غلست ومروان يضحك ويغمزلي كعدت يمه وصبتلي وكعدت اكل تغديت
مروان اي الحمدلله أكلي أنتِ يمه عصام وين شنو لحد الان نايم.
وصال لا طلع من الصبح دزوا عليه خابرته ما جاوبني متشوفه وين صار يجي يتغده لا.
ك?م خاف راح على أمي
مروان لاااا لك فضحت ابوك شو هيج كرومي لا عمي لا ما هيج متفقين خربت سر المهنه.
وصال شمدريك يروح على امك.

كرم هو زعلان منها هي امي وكيحه
مروان انشروا على الحبل، يمه الولد تربيه منو
وصال تربيه اسيا
مروان والنعم والله تاج وباج لك لاتكول على امك وكيحه عيب عمو كول ابويه وكح اي بس مال امي وكيحه لا ما اقبل ما يصير حبيبي
ك?م ليش ما تقبل هسه انت وكح عمتو اسيل عاقله.
وصال ههههه تستاهل هيج احسن الك.
مروان اي هيج اقبل الرجال قوامون على النساء خوش زلمتي
كرم اي عمي
مروان فدوة لهل اللسان يبعد عمامي كلهم.

أسيل يبوس بي واني صافنه عليه وعلى صفنتي هو باوعلي وغمزلي أبتسملته وعمتي مركزه علينا رجعت كملت اكل وكمت غسلت المواعين وعمتي تطبخ الغده وهو وكرم يلعبون لعبه بالتلفون ويصيح هو وياه ومندمج وياه باللعب كملت وصعدت نشرت الملابس ودخلت الغرفه اغير ثوبي نكع بالماي قفلت باب الغرفه ونزعت ثوبي وأندك الباب وكام يندفع بقوه اي اي اجيت غطيت جسمي منو
مروان اني منو قابل شگو قافله الباب شعندج فتحي فتحي.

أسيل فتحت الباب ودفعها ويباوع للغرفه ورجع باوعلي وركزي على جسمي مكشف
شعندج نازعه
استغفر الله شبيك والله غسلت ملابسي وثوبي نكع واجيت اغيرله
وليش قافله الباب
غير اغير ثوبي شلون لعد لازم أقفله
هو منو أكو بس اني وكرم
مروان صُدك تحجي يعني شلون ما اغير ملابسي
لا أتشاقه بس ماله داعي تقفلين الباب لن ما عدنا احد يفوت گبل كلهم يستأذون يلا يدخلون هذا نظام ثابت بالبيت فه لاتخافين.
ماشي هذا هو ما أقفله بعد.

ليش ما تنزلين مو كملتي شغلج.
هسه جنت بس أغير ثوبي وأنزل عافني ومشه الكنتور طلع اليه ثوب على أختياره واجه لبسني بأيده
هاي حلوه عليج
سحبني عليه وطخ خشمه بخشمي وگال
الصبح عجبتيني هواي
بشنو عجبتك
بالعلاقه خليتي گلشي عليه وهو شغلي مو شغلج
ما فهمت عليك شلون يعني
أنتِ الظاهر محد معلمج شوفي تذكرين بداية زواجنا وعلاقتنا بالخارج شلون وبالفراش أنتِ شلون تصيرين.
هم رجعت عليه.

هو اني بيج ما طالع علمود ارجع عليج مشكلتج ما تعرفين أساليب العلاقه وممارستها والتعامل وياها شلون تكون
مروان لا تعمق بالتفاصيل.

ما معمق بس جاي اوصلج أحساسي واللي أريده والمطلوب منج وأنتِ ما خليتي شيء مضموم بيج علمود يصيرلي فضول أكتشفه من أول ليله نزعتي المستحى وكسرتي الحواجز وتعديتي حدودج وياي بالعلاقه اللي أكو متزوجين اجداد ولحد الان محافظين عليها لن من تنزع المستحى وتسقط الحواجز وتنعبر الحدود العلاقه تبرد وتموت.
مروان والله حيرتني وياك ما ابادلك تزعل مني وتضل تحجي ليش ما تبادليني وتتفاعلين وياي.

أكو فرق بين الجراءه وبين مبادلة الاحساس النابع من داخلج هذا يجي بالاندماج الروحي والعاطفي ما اعرف جاي تفهمين شحجي وياج؟
يعني ماله دخل بالجراءه والصلافه المتلبسات بيج اذكرج من تبوسيني من رقبتي واني اصيح عليج أسيل وأنتِ تجاهلتي مروان وأستمريتي بكل جراءه وتركتي أثر واضح واني الجرأءه بالعلاقه ما احبها ولا اطيقها.

يعني مخلص كلامي الچ تصرفاتج هي تخليني اشك بيج وعقلي يسكن بي شياطيين الكوكب كله لن جرأتج طلعت مو بس على التلفون ما اكتفيتي بالمراسله رجعتي صدمتيني بالفراش أقوى وأكثر تدمرت تدرين تدمرت متمكنه ومتمرسه يعني أنتِ وصلتيني بتفكيرات وسخه بيج اكول هاي مو بس عالتلفون سوت علاقه وياي لا هاي بالواقع أمارسه
لن ماكو هيج ماكو بنية بيت بداية زواجها وهيج فنانه فهمتي عليه شحجي.
نزلت دموعي وأهتضمت مسحهن وگال.

ما حجيت علمود تبجين شحجيت قابل فوك ما أعلمج
هواي جرحتني بكلامك
ميخالف هيج احسن علمود تتعلمين
حضني وبجيت
گافي يله نزلي
وأنت
أنزل وياج
تمام
ما تكدرين تفاركيني هيج تحبيني ولج
ما جاوبته نزلنا اني وياه وكلامه يرن بمسامعي كل كلمه گالها صحيحه فعلاً اني تجاوزت حدودي وياه شكد عيب منه لا انوب حجالي بصريح العباره وصلي الفكره بطريقه مباشره بدون تغطيه ولا تغويش.

وفعلاً التزمت بكل كلمة حجاها اليه وطبقتها وخليت گلشي عليه حتى بالعلاقه يحب يكون قوام ويفرض سيطرته والتبادل من ناحيتي خليته هو يحس بي مو اني انطي وضحلي اعجابه بتغيري
وصار يينيلي حاجته عندي مو بالفراش.

كأنما طول الاشهر المرت والعشتها وياه كنت تحت أختبار صعب وعميق وصعب شرحه بكل مراحله بكلشي حتى بالعلاقه كاعد يختبرني ومدقق بإصغر التفاصيل وبعدين وضحتلي الصوره هو مو من نوع إلى يحب العلاقه بكثره بالعكس هو رجل قنوع ومكتفي مو شهواني أنما يحاول يكتشفني وينزع شعور بداخلي وضحلي صورته عكس الصوره
اللي رسمتها عنه انه هو يحب النومه وأذا ضليت ملتزمه بتعليماته وكلامه زواجنا ينجح...

ضليت ماشيه على مايه هو بالبيت بعده ما ملتحق بس مجد التحق لن دخل دخل الكليه العسكريه والمعدل مالته كلش ممتاز وانقبل بدون واسطه وعمي كلش فرح لن بإرادته وطلبه يدخل الكليه العسكريه وكلهم مشوا ورى عمي كمال ما عدا عمار يدرس بالخارج وخلص دراسات وراح يرجع العراق
مر شهر واسيا صار ثلاثة أشهر يم أهلها وعمي وعمو كمال حجوا وياه ساكت ما حجه تالي سحبوا نفسهم وخلوهم على راحتهم.

مر هالشهر من حياتنا كلها ومن عمارنا مر عليه بأيامه وتفاصيله بكل حب على الرغم غياب مروان عني لن ملتهي بدوامه والتزامات وهالفتره كلش متشدد علمود الترقيه والايام اللي ما تخلى من شگوكه الما تخلص وتفكيره عقله وقلبه وسخ ما نظفن مع الاسف وهالعقد لازم اتعايش واتأقلم وياها ونفس الوقت اتماشى وياه علمود أثبت نفسي بصوره المطلوبه بس السالفه مطوله العمر يخلص واني ما ثابته جذروري النظيفه أمامه...

وأهلي ما رايحتلهم بس حارث وأسماء اجوني والباقين أتصال ما شايفه منهم تحز بگلبي كدام عيالي ما يسألون عني ولا أمي تتصل ولا ابويه ولا حسن فقط حارث من تلفون مروان يخابر يسأل
وكثر الله خيره طلع هو ومرته احسنهم وكالي من انزل اوديج ل أهلج لن هو هالفتره ملتهي ما عنده مجال وما يقبل احد غيره يوديني الا هو فه گالي من يصيرلي مجال اخذج الهم وكلتله هاي هي التريده.

كاعده بالمطبخ فتحت تلفون عمتي لن اشتاقيتله من البارحه ما موجود دخلت على حسابه ناشر منشور كاتب الله يحفظني والكل معقلين اله حتى عمتي وصال كاتبه اله اريد حفيد يشبهك بكل صفاتك واطباعك راد عليها يمه احنه مو بكروب واتساب فدوة لعينج ضحكت وعمتي باوعتلي
وصال ضحكينا وياج
أسيل تعليقاتكم أنتِ ومروان
وصال صدك مسحي فدوه ما يقبل يستحي ياعيني
أسيل لا شبي يخبل تعليقج
لا مسحي يضوج.

علي راحتج مسحته وقريت التعليقات ماكو احد غريب كلهم أصدقائه واسيا هم معلقه العلم ربي يحفظك وعصام وراها معلق بس قلب ومنطي لايك لتعليقها رحت واتساب دزيتله شلونك جان ما فاتح مرت نص ساعه وأتصل
وصال منو أتصل
أسيل مروان جاوبته هلا
مروان ها عيني دازتلي رساله شلونك حبيت يكون الرد بصوتي واكولج زين الحمدلله
دومك يارب تغديت لو بعدك
اي الحمدلله هسه كملت اي شتسوين
كاعده والله
فوك لو جوه يم امي
لا جوه بالمطبخ
شتسوين.

هي جاي تطبخ واني جنت أقرأ التعليقات
يا تعليقات
هاا تعليقات على منشورك الناشره
هاا أي بس عوفي التلفون الا اني اتصل وجاوبي
ماشي.
يله اخلص شغلي وأخابرج
الله وياك أنتهى الاتصال وعمتي باوعتلي وگالت.

وصال ليش تكوليله أقرأ التعليقات ليش تنطينه أهتمام زايد وأنتِ مراقبته ووصلتي اله أنه أنتَ كاعده والتلفون بيدج وتگلبين بي وهو عقله وگلبه وسخ ويكوم يفكر غير تفكيرات ليش ما تحاولين تكونين عكس الموجه وتشترين راحته وراحتج يا بنتي.
أسيل هو بدون ما احجي يفكر غير تفكير.

لن ماله داعي تحجين بدال ما تكولين كاعده أقرا التعليقات على منشورك ومهتمه بكلشي ينشره خلي هو يتفقد أهتمامج وصدكي فضولج هو يرضي تكعدون وهو بنفسه يقرأهن كدامج ودام ما عنده شيء ليش تقريهن ماله داعي يابنتي.

وبدال ما تكولين كاعده وعمتي تطبخ والتلفون بيدج كوليله جاي اشتغل اساعد عمتي بالطبخ خلي يحس أنتِ مو بحاجة التلفون حاجتج تكون بي بس من تسمعين صوته وتراسلينه وصلي اله صوره عنج غير الصوره اللي هو راسمه حاولي ماما حاولي الحياة ما تمشي ويانا بالسهل لازم نتعب ونعاني.
عمه كلامج شكد حلو
اي شيء متردده تسوينه تعالي عليه أعلمج عليه حتى بعلاقتج أنتِ وياه سولفيلي عادي أنتِ هم حسبة بنتي ماكو فرق.

أن شاءالله عيني عمه عفت التلفون وكمت اساعدها كملنا وكعدنا على التلفزيون اني وياها ودخل عصام مزعوج وعصبي
وصال شبيك يا أبني دمك محترك
عصام جنتج الخاتون راح تخبلني بتصرفاتها قسم بالله ما خلت ب?اسي عقل اكو مره ثلاثه شهور ماتحجي ولا ترد على رسائلي ادري خرسه مرض بلسانها راكبها الشيطان عليه
وصال يمه أستغفر ربك وهدي.

عصام شهدي يمه من خبلتني وياها هسه زوجة أخوها تخابرني اسيا تعبانه يابه شبيها حامل من شوكت حامل كلشي ما فهمت منها مخبوصه
يا ساتر خاف ناصبات عليك لن الأعرفه أسيا مو حامل شو خابرها خل نفهم منها شسالفه.
أسيل يفتر ويتصل محد يرد عليه وشويه واجانا صوت.
دره هاا أبو ك?م احنه طالعين المستشفى تعال لهناك المستشفى...
عصام أسيا شبيها شنو حامل فهميني يا بعد أخيج.

دره أبو ك?م مو وگته الحجي تعال فدوه اسيا راح تموت وتروح من بين إيدينا أستعجل فدوة لعينك وخل واحد منكم يروح البيت الجهال يبجون ورانا
عصام شتحجين أنتِ جاي جاي جاي يا مستشفى بالضبط منو وياكم ليش من الاول ما حجيتي هيج
وصال وين رايح اوكف خل البس شيء واجي وياك
عصام لبسي بسرعه بينما اشغل سيارتي اسيل فدوه محفظتي بالغرفه ركض جيبلياها.

أسيل ركضت الغرفتهم دورت عليها ولكيتها اخذته انطيتها اله وهو مشغل السياره ويتصل ويصيح
عصام غير لو تفتح المهجوم كله مغلق مغلق
يله يمه وين صرتي
وصال أجيت اجيت يارب لطفك يا سترك اسيل ماما قفلي الباب على نفسج وهذا تلفوني بقي يمج خاف يصير شيء هسه عصام خل يخابر مروان بلكي يكدر ينزل يجي عليج.
اسيل ماشي عيني عمه عود طمنيني عليها
وصال ان شاءالله يله قفلي الباب وفوتي داخل.

أسيل ماشي راحوا وقفلت الابواب وتلفون عمتي بيدي أتصلت عليه مشغول رجعت أتصلت هم مشغول تالي عفته وشويه وأتصل هاا عيني
مروان ليش أتصل ومشغول
أسيل غير جنت أتصل عليك عمتي وعصام راحوا المستشفى علمود أسيا تعبانه وضليت لوحدي وعافتلي التلفون وكلت أتصل عليك ابلغلك
أي ادري هسه جنت أحجي وياهم قفلي الباب وابقي بالمطبخ كاعده هسه احاول وانزلج.
ماشي عيني
عوفي التلفون على الكاونتر
عايفته شسوي بي قابل.

ماشي هسه شويه وارجعلج
تمام قطع الأتصال وعفت التلفون وكعدت بالمطبخ وكعدت انتظر أتصاله ومر الوقت ورن وجاوبته هاا عيني.
جايج عيني حصلت موافقه
ماشي هلأ بيك قطع الأتصال عفت التلفون خليته عالكاونتر على الشحن ورحت كعدت بالصاله انتظره.

أسيا تمر الساعات من الأيام من كل شهر واني روحي ساكنه وهادئه والهدوء يوم عن يوم يزداد وصار عندي برود تجاه كل الأمور وحتى تجاههُ بردت مشاعري لن ما تنازل عن كبريائه وأعتذرلي ولا حتى خطى خطوات لصلح والرجو?.

ومن شفته هيج وثابت أشد الثبوت على موقفه وقالب الأدور وعايش دور الرجال المظلوم من قبل إمراتهُ صممت وثبت على قراري وشغلت خط الكبرياء وفصلت خط التواصل وتحيا الكرامه مشكلتي كرامتي ويه النفس صعبه أتقبل الأذيه واعيش دور الضحيه واتقبل خيانته وكسرته اليه ولا كأنما شيء صار وأرجع اعيش وياه بغرفه وحده واكتم حزني واوجاعي بداخلي واني مظلومه مو ظالمه علمود أعاني هالمعانات.

ومتاكده من نفسي وما غلطت بحقه ولو يرجع الوكت ارجع اعيد اللي سويته أضعاف مضاعفه وكلشي ولا واحد يستهان بشعور ومشاعري وحبي اللي قدمته أستنفذته اله بكل صدق وديه بس طلع مو أستحاقه لو حابتلي بزونه وتعبانه عليها ولا حابتك يا عصام.
نهيت الاتصال ويه عمتي ورحت على بنتي كعدت اوكلها رز بحليب ومنششه صايره دبه حميسه وتشبهني ما تشبه ابوها ابداً بس ك?م نسخه عن ابوه وعمامه مكس من عصام ومروان.

شبعت وغسلتها وغيرتلها ونامت حبيبة أمها وكرم معبس وزعلان مني شبيك مطنكر عليه شتريد تريد تشتري دُنيا تاخذك المحل.
ك?م أريد بيت جدو خابري بابا خل يجي يأخذني
أسيا واني تعوف ماما
اي اعوفج لعد بابا مو لوحده نايم بغرفتة وظلمه هسه يجي حرامي لو جني ياكله.
والجني شيلكي بأبوك وياكله هو مأكله وگايله لا حلالات عليه والله يفتهم هالجني اذا يأكل ابوك الا اعزمه اسويله وليمه دسمه.

فوزيه أسيا شبيج خبله تحاجين طفل مو رجال عقلج شاخط قسم بالله عصام ما خله ولا ذرة عقل براسج
اسيا سگتنا يله دروح خلي دنيا تشتريلك دنيا متأخذينه للمحل تنحس على ابوه هسه منين اجيبلك ابوك.
فوزيه على الأقل لخاطر هالطفل فكري الولد روحه بأبوه ليش?أسج يابس ليني يا بنتي
وليش حضرة الباشا مايلين?اسه المصلبخ لا والله فلا الين وأيبس?اسي بالزايد وباقيه نايمه على گلبج بيت ابويه وما اطلع منه شتحجون احجوا ما اطلع.

منو كايلج اطلعي ابقي بهل الغرفه مكابله الحياطين قابل احنه متعاجزين منج لو ثكيله علينا شو ابنج وحاكمه علينا ما نكول ل ابوه ولا ل اهله شنسويلج بعد.
هاا كمتي تهددين
ما أهدد بس طالت يا بنتي والعناد ما يفيدج والحمل لازم يعرفون بي قابل تضلين ضامته عنهم
منا لوكتها اني أبلغهم ان شاءالله بس أنتِ ودره سكتن لاتحجن امانه اني دره ضمنتها بس أنتِ خايفه منج.

لا لاتخافين بهاي اني ما أكسر بيج لن اعرفج واعيه مو زعطوطه وتراهقين بس ان شاءالله ما تطولين
لا ما اطول اني اكوله ميخالف سگتت وهزت?اسها ما مراضيه وراحت ومر الوقت واجتني وجهه يضحك هاا منو عرس
عصام عرس
كذب
لا اسم الله كومي عمتج وابو ك?م والجود اجه كومي وشوفي طولج وحرمصي وشعوطي يله بنتي
يمه اني ليش احبج لن توكفين وياي على الرغم مرات تصيرين ضدي
مره وياج مره ضدج لن أنتِ هم مو ادمي يله تحركي شوفيني كيدج.

راحت وكمت غيرت ثوبي لبست أحمر لون الأغراء وأثارة الفتن والله لا اشعل گلبك يا مشعول الصفحه
ذبيت شالي وشلت بنتي وطلعت وكفت بالمطبخ ورا الباب مثل الوحده جايينها الخطابه ومستحيه عشتوا اخرخر مستحى وقبل لا ازعل ارتبگت معاه الفاحشه نعلة الله عليك يا ابو ك?م
أسمع عمتي تسولف ويه أمي ويضحكن نسوان جاي يخططن يجمعني وياه بس ما تعبر عليه اني اسيا بس اسمي أكبر القارات العالم شتحجون يابه.

وصال وينها ما تطلع تسلم عليه ولج اسيا وينج طلعي شوفينا طولج شنو تستحين من عمتج
اسيا بقيت ورى الباب ساكته وجود كامت تبجي خرب وكتج هسه انكشفنا يبوه فضاحه اندفع الباب وانطيتهم ظهري وركضت اني وبنتي واسمع عمتي تكوله
وصال دشوف الأحمر عيني شوف
عصام يمه صوتج عيب منا الجيران.
اسيا بقيت بالصاله ودره خربانه ضحك سكتي خليني بقهري شافني واكفه ورى الباب خرب طاحت الكرامه مالت اشهر يبووه امداني.

دره سينما وربي سينما ههههه فوتي اروح اسلم عليهم.
اسيا راحت واسمع أصواتهم دخلوا الأستقبال وضليت ما دخلت ودزيتلهم جود بيد اختي واجتني دره هاا
دره امشي سلمي عليهم عيب زلمتج كاعد وعينه على الباب والله كلما كرم يجي هو يفز عباله أنتِ
خرب بإحساسج ولج رجلج يموت عليج عيونه فاضحته بس يكابر دمشي وأنعل ابو الكرامه يم الحب والشوك.

أسيا لا عيني ما افوت أبداً مستحيل الا هو يبادر هسه شيكول ما صدكت رحتلهم واجتني لابسه احمر وسويني سينما وعباله اسامحه وبعدين اني شگو لبست احمر يله اسوي كمين لثور واصيده بس ما ينصاد ثور ضخم و?اسه جبير مصلبخ.
ههههه نعله على يومج كومي امانه والله كسر خاطري يله اني اروح اضيفهم وانتي تعالي وراي اذا سألتني عمتج أكولها هسه تجي
اي كوليلها هسه تجي غمزتلها وراحت ومرت نص ساعه وما رحت وشويه وسمعت صوته.

عصام يله يمه اني انتظرج يم الباب ك?م بابا تجي ويانا
ك?م اي اجي
عصام روح كول ل أمك وتعال.
أسيا اجاني حاجيته بصوت ناصي روح يله
كرم الا اكول لبابا ماما واكفه ورى الباب
أسيا كرم لك كرم راحت وركضت وراه بس ما لحكت بي صاير ادبسزز اني اعلمه بس يرجع.
ما سمعت صوت الاستقبال يعني طلع مديت?اسي هاا عمه أبنج راح
وصال اي راح فوتي
أسيا فتت سلمت عليها وكعدت وجان تكبسني
وصال عصام
عصام هاا يمه.

وصال تعال يمه نسيت مبايلك أرجع أخذه
أسيا والله الا اكوم كمت وجلبت بيه عمه هديني شسالفه هي گوه عمه
وصال كعدي لا تصيرين خبله شو كعدي وجع
أسيا كعدتني وانفتح الباب وانطيته ظهري وعمتي تعد بشعري واهز بكتوفي ما ما.
عصام يله فيمالا
وصال أنتظرني هسه اجي.
عصام ماشي أنتظرج بس لاتطولين.

اسيا راح والتفت عليها ليش هيج عمه يعني حاصره كرامتي صارلي اشهر صدك جذب شهل الموقف خليتني بي انوب لابسه احمر لا اله الا الله تخلون الواحد يطلع عن طوره ويصير موخوش ادمي.
وصال منو گالج لبسي احمر
عصام اسوي كمين لابنج غمزتلها وضحكن خربن ضحك ما ادري ليش حسيته بعده واكف هيج احساس، ضلينا نحجي وعمتي تقنع بيه واني معنده
وصال منا منا ما بيها مجال تمشين ويانا
أسيا لا عيني عمه لاتعبين نفسج
وصال اصيحه وتكعدون تحجون.

لا شسالفه هسه يكول دزتلي امي واسطه لا والله ما تتحركين من مكانج واذا كمتي ورحتي عليه اني وياج نتخارب هالمره اوكفي وياي ل الاخير مو وكفتي من البدايه ليش تراجعتي
مو والله حاله يكسر الگلب لوحده بهل الغرفه ومرات ما ينزل وما يقبل احد يغسله ملابسه معاند.

خل يتحمل المسؤوليه ويعتمد على نفسه بس اسيا حاملته ومغركته بإهتمامي خل يحس بذنبه ويعرف قيمتي بحياته ومن دوني هو لا شئ اني كملته واذا تحبيني تشيلين ايدج عنه حتى اكل لاتنطينه
ولج عوذه خوما يهودي هذا ابني يا ظالمة النفس
عمه حبابه اني جنتج وحبييتج
اوف منج لو الله يهداج وتمشين ويانا وتثكبين الاحمر بالمملكه مالتج.
شعندي زي الوان ضحكن ودز گرم
كرم يله بيبي بابا يصيحلج ماما باي
أسيا باي
كرم بعد ما اجي.

أسيا بكيفك ما تجي علمود اشلع اذانك
كرم اضل يم بابا ماما باي
يتموع ويحجي بخباثه اني اعلمك من ترجع قابل تضل يم ابوك راح ركض طلع على ابوه وكامت عمتي وكالت
وصال عود فتحي تلفونج اخابرج اسأل عليج واسيل تسلم عليج وازهار تريد تحجي وياج ليش هيج كطعتي بينا احنه شعلينا برجلج.
أسيا عمه اني ما عندي مشكله وياكم بس أبتعدت هيج احسن وميخالف عود افتحه تدللي ضحكت وباستني وحضنتها فدوة لريحتج الاحبها ريحة صابون.

وصال بضحك أنتِ مثل مروان يله عيني مع سلامه
ودعتها وبالحوش واكفين وياها وراحت والباب انفتح وسيارته صارت كبالي بس راسه كبالي يحجي ويه كرم توه راد يندار وكفت ورى الباب دره سدي الباب.
دره عوذه منج خليتي بحصرة شوفتج شكد حقيره
أسيا يستاهل خلي يتشعوط دخلت واخذت بنتي وشفت المسواك كله بالصناديق والحفاظات باله كامله والكلنكس والحليب ومخليه ظرف بيد أمي.

دخلت الغرفه نومت بنتي وأمي ودره يعزلن المسواك ونزلت رواء وجهه طافي من يوم اجيتهم هي كاظيتها لو يم اهلها لو بغرفتها سألت امي كالت ما اعرف شبيها عازله نفسها وحزينه حتى اني بس على كد السلام ولا كامت تسولف مثل قبل وتختلط وكل منشوراتها وستورياتها كلها حزن بس محد يعرف شبيها حتى أختها رسل نسألها متعرف من شنو تعاني ومنذر سألته أمي كال كلشي ما بيها شبيها يعني ولو الزلم ما يحسسسون بينا خبيثين.

لليل الكل ناموا كمت طلعت تلفوني ودخلت الشريحه وفتحته وفتحت الواي فاي ورحت نزلت التطبيقات وكعدت انتظرهن ينزلن وصلتني رساله على الرقم من عصام.
عصام لو تعرفين عصام شكد يحبج ويموت بهواج وعندج ثقه بنفسج هذا الانسان ما يخوني ويه خيالي جان ثقيتي ووثقتي بيه وبحبي الج وفائي لحبج مثل ما اني أعرف بيج وواثق منج تحبيني وتوفيلي وما تخويني بنظره.
أقلبي نظريتج لتفهمي الحقيقة عن حبي لكِ.

باوعت تأريخ الارسال عفتها ورحت شفت التطبيقات نزلن وسجلت دخول ل الانستغرام والفيسبوك والواتساب.
دخلت الماسنجر طلع كدامي فاتح نت نشط الأن
بهل الأثناء دزلي لايك يتحرش بس هيهيات اجاوبك
بقيت لايك معلق ما فتحت الرساله سيطرت على مشاعري وركعتها بالقندره وفصلت الانترنت وعفت التلفون دُنيا انطيني تلفونج أكمل المسلسل.
دنيا مو عندج تلفونج لاحكتني على تلفوني مركع ومكسر مية الف كسره.

اسيا حبابه ضايجه اريد اكمل المسلسله وادللي عليه الج مني تلفون جديد يخبل
دنيا كولي والله احلفي
فوزيه شتسوين بتلفون عيب ماما كظي وكتج ومحاضرتج على اليوتيوب بهذا كم مره كلتلج اني جاي اجمعلج واخذلج واحد مستعمل.
اسيا لا ميخالف اني اخذلها جديد هديه
فوزيه أنتِ رجعي بالاول
اسيا هاا دنيا انطته اليه فديتج
دنيا عليج الله صدك تجيبلي واحد جديد
اسيا اي والله اجييبلج تدللي واحلى تلفون هم.

دنيا فدوة لكلبج لعد اخذي ابقي باوعي لصبح المسلسل مالتج عادي اني اصلا نعست راح انام باجر اكمل محاضرات.
اسيا فدوة لوجهج راحت وخليت السماعات ودنيا جابتلي كرزات وكعدت أباوع المسلسل التهي علمود لا ارضخ المشاعري طايح حظها اركعها بالقندره واباوع المسلسل وضليت اباوع وتالي نعست ونمت وعيني على تلفوني ما افتحه اي نامي وهيج ونمت وكعدت الصبح على صوت اتصال عمتي وصال حلمانه بيه جاوبتها هلا عمه.

وصال شنو نايمه لحد الأن
اسيا اي عمه ليش بيش الساعه باوعت كلهم كاعدين وجود ماكو يم اختي عمه اتصلي بعدين نعسانه
ولج الساعه ب 11 كعدي يله كرم تنحس ويبجي يريدج بالليل شد علينا شلع گلب ابوه بس يبجي ما خلانا أنام
شجاه الكذاب مو جان ينام بغرفته لوحده شهل العياره
ديله فتحي تلفونج يريد يحاجيج كاميرا.

يله قطعت الأتصال وكمت غسلت وشلت شعري ولكيت عمتي متصله عليه وبهل الأثناء إتصلت فيديو جاوبتها مخليه التلفون وجاي تطبخ هلاو عمه صباح الخير
وصال صباح الخيرات صح النوم عيونج مخخوات من النوم
ما جاي اشبع من النوم كرم الكذاب وينه مو على اساس متنحس ويبجي عليه.
وصال ديري بالج الكاع محظوره.
اسيا احجي ولا مخليه بالي يم عصام ودخلت دنيا وحجيت وياها اخذي فلوس من الجنطه مالتي جيبيلي مارشميلوا كثري منه.

دنيا تريكي بالاول
اسيا وجيبي وياج قوطيه بيبسي مشتهيه بروده گلبي حار درت وجهي اي عمه رفعت شعري من رقبتي وركزت نظري عصام واكف ويباوعلي جفلت كبل كلبت التلفون عزا عزا عزا اريد افصل الاتصال انثولت شكول عليج عمه استغليتني واني توني كاعده مطفيه اريد اكلب الكاميرا وتالي فصلت الاتصال وكلبي ينفض بسرعته اخذت نفس وعمتي اتصلت جاوبتها هلا عمه
عصام تعالي واتساب راح أتصل عليج.

أسيا قطعت الأتصال وقفلت التلفون هسه متذكر بعد وكت لو ضال فد شهرين لخ والله حنيت وكتلك الشوك والمحنه ودايح وضايع من دوني كلناها قبل تعطش وترجعلي وهسه رجعتلي بس ما الك مكان باقيه على موقفي.
ضليت متجاهلته والثاني يوم فتحت التلفون ولكيته متصل على الواتساب مرتين ودزلي رساله على ماسنجر.
عصام وينج الى متى تضلين هيج
أسيا ما جاوبته الرسائل ما تردلي كرامتي رجع دزلي.

الصمت العقابي عوفي ما يوالمج هذا للزلم مو لنسوان انتن وهل الاساليب شگوو بيش گيلو
ادري بي يريد يستفززني سويتله تقييد وعفته ومر أسبو? بس ويه عمتي احجي وهو عرفت منها ملتحق
وصال حيل ضايج روحه طافره حتى كرم طلب منه گاله وديني على امي عاط بي
أسيا شسويله مشگلته اي كرم شوكت يجيني اشتاقيتله والله
وصال اجيبه الج بس فكري يا بنتي.

أسيا عمه شفكر ترى ابنج ما اجاني ولا كالي تعالي رجعي البيتج وحقج عليه واني اسف وغلطان بحقج ما شفت منه اي موقف بحق علاقتنا وبحقي علمود ارجع
هو هم كرامته عزيزه عليه وأنتِ هم لاتنسين قسيتي بكلامج وياه اني ما خايفه عليه بس هو خطيه والله كاسر خاطري
من ايده مو من أيد احد
الله يهديكم.

راحت وحسيتها زعلت مني وبعدها ما أتصلت وكرم جابوا مروان وصله الباب حتى ما دخل ومر شهر ولا وصلوا ولا دزوا مصرف حتى كرم بعد محد دز عليه ولا عمتي تخابرني انقطعت الاتصالات نهائياً وهو كذلك ما عاد راسل ودام هيج هاي هي انتوا بحالكم واني بحالكم محد كرامته رخيصه عليه.
رحت الدكتوره وطمنتني على وضع الطفل وعمره أربع شهور ضبط وطلع بيه ولد.
الدكتوره وضعه كلش زين ومستقر.

أسيا الله يريح بالج دكتوره كتبلي على تحاليل والعادة المعتاده سويتهن واخذت علاجاتي ورجعنا اني ودره وامي وامي كظت الطريق كله بس تحجي عليه وحلفت الا تكول لعصام اني ضجت وصحت بيها خلص كوليله وفضيني زعلت ودخلت الغرفه مقهوره.
ومر أسبو? وكل خبر ماكو منهم واني هالأسبوع حيل تعبت نفسيتي صفر وبطني عبالك مليانه مي ولا عبالك حامل دره بطني ليش هيج لينه اول مره اشوف هيج حمل ماكو بطن بارزه مثل بطن الحامل!

دره أنتِ بالعادة ما يطلعلج الج كرش بالشهور الاولى وبعدج يله اربع شهور انتظري تلحكين على البطن والثكل.
ما اعرف وامي خوما حجت لعصام
لا بس كوه ساكته وأنتِ صار لازم تحجين كافي
اليوم اخابره وأكوله هزت?اسها وراحت بالليل اجيت اريد اراسله فاصل النت نشط من زمان عفته ونمت وكعدت الصبح وجع بطني مخلني ودم نازل عليه كمت الحمام واجتي وامي يحجن وانخبصن بيه.

فوزيه صار عندج نزيف ابنج تهدد بالاسقاط وابوه واهله ما عدهم علم هاي سالفه سالفتج دره جيبي تلفونج وخابري عصام.

أسيا جابت التلفون واني كمت امووووت يمه لحكيلي يمه راح اموت بطني يمه دره تحجي على التلفون وانثولت واجه اخويه منذر ولبسني عالسريع طلعوا بيه لمستشفى والجهال يصرخون وراي واني ابجي وياهم يمه جهالي يمه كلبي جهالي بالطريق نسيت الوجع واصيح جهالي جهالي ومنذر يحجي ويرزل بأمي خطيه شبعت حجه ومغثة بسببي هي ودره.

منذر شلون تضمن حمل على ابوه واهله شلون أسيا هل الجلابه هاي منين جايبتها لو شفتينا فقره وسكتي امي ودره وشفتنا ساكتين وما حجينا وما تتدخلنا بمشاكلج الما تخلص أنتِ ورجلج بس مال تضمين طفلج عن ابوه واهله لا هاي اكسر عظامج عليها طايحه الحظ قنادر والله الصوج النا من ننطيجن عين تنجلبن على زلمجن وانتن كافي عليجن القندره عمي الله يساعدهم شلون متحمليجن الله يساعد عصام شلون متحملج وجارعج بيته.

اسيا ما جاوبته كتمت الوجع وصلنا المستشفى ودخلني وفحصني ودكتوره تفوت ودكتوره تطلع وحولني الغرفه وشكلوا اليه مغذي بس ولا وحده تحجي وامي تتوسل بيهن مثل الخرسان بس يتراكضن ما فهمنا منهن يمه ابني شبي ليش ما يحجن شنو وضعه احجي وابجي ودخل عصام مرعوب وخايف صديت وجهي عنه
عصام هاا شكالت الدكتوره وينها ليش مو يمها
دره ما كالت شيء بس شكلن مغذي وطلعن
عصام راح احولها خاص هذن ما يفتهمن يموتنها يمه تعالي وياي.

أسيا طلعوا هو وعمتي وامي تبجي وتدعي واني لازمه بطني واجتني لويه قويه وصرخت يمه لحكيلي راح اموووووت يمه اجتني واني كمت ارفس روحي فرفحت وعصام وعمتي ودخلوا وكام يصيح عليهم
عصام وين الدكتوره غضب على?وسجن والله الا احرك ابهاتجن واهجم المستشفى عليجن
الدكتوره شبيك تعيط واخذت المستشفى بصوتك مرتك طفلها ميت بطنها وانطيتها ابر تنزله بس تعرفون تحبلونهن ووكت وجعهن تصرخون ما تتحملوهن.

عصام لا عبالج ابقى انتظرج هسه توصل الاسعاف راح احولها مستشفى خاص
الدكتوره خاص عام نفس الشغل طفلها ميت بطنها الا تنزله شيسوله قابل يحييونه الك
أسيا ما جابوها بس اسمع صوت منذر تهجم عليها وتعارك وياها وحسيت روحي على السديه ويدفعون بيه سريع
عصام عالسريع.

وصال يمه استعلجوا فدواتكم حالتها ما تسمح تحمل الحمل خطر عليها ولك عصام شلون ما تدري شلون يا ربي باوع عليها الطف بحالها ولج اسيا اسيا حاجيني بنيتي سمعيني صوتج
أسيا صوت الاسعاف واصواتهم يمي وايد عصام بإيدي يباوعلي بخوف وقلق وصورته بدأت تتلاشى كدامي عصام
عصام هاا عيون عصام هاا رويحتي
أسيا جهالي
عصام أسيا خليج وياي أسيا فتحي عيونج أسيا
الدكتوره المريضه راح تموت بسرعه حضروا غرفة العمليات بسرعه.