رواية بين قلبها وعينيها كبرياء للكاتبة شمس العراقية الفصل التاسع عشر
شكر خاص للكاتبه الراقيه مروه السراي على دعمها لروايه عمري ما قصرتي وربي يوفقج وطبعا بنات جاي تنزل روايه اسمها صحوة موت روحوا اقروها وناس تقرأ روايات ناس وهيج نجتمع بكل حب ونفس الوقت يكون الكم فضل بصعود روايتنا marwa 92
أزهار
ردت ما أجاوبه بس نظراته خلتني ارده وأنتَ شعليك مشيت ولزمني من ايدي قوي باوعتله بغضب بابا شبيك عوفيلي أيدي
شاهين شنو شعليه أنتِ عرضي.
عرضك! ليش ششايفني نازله من سياره مشبوهه مو كدام عينك مبينه تكسي وسياره خط لو الا اكعد اشرحلك يله تفهم وبعدين أنتِ شکوو ابويه أخويه واكف بطريقي وتحاسبني شو دوخر دفعته وشد? ايدي ياربي صبرني هالبشريه عوف ايدي داكولك الكاميرات گبالك اذا شافك واحد من أخواني يسونك ممسحه بالشار?.
صايره أدبسزز ولسانج طولان ينرادلج واحد يضبج ويربيج عدل لن الظاهر أنتِ ما مربايه
مو تايهتلك اني
تايهه واكبر تايهه.
الله ياخذك شگد مكروهه دفعته وانفتح الباب وطلع عصام ضل صافن عليه ويخوزر بي وگاله
عصام هلا ابن الخال
أزهار مشيت عصبيه ومزعوجه عبرت عصام وهمس بصوت ناصي
عصام خوما سوالج شيء
أزهار لا شحده ليش يگدر دخلت للبيت وأمي صارت بوجهي والوجه يضحك طبختج وصلت يم الباب
وصال انجبي واحترمي ابن خالج هذا
أزهار خلاله خلت عيونه واحد ما يستحي لزمتني وتنفض بيه بعصبيه وخري عني بالاول سمعي بعدين احجي وضربي هم.
شسمع اعرفج لسانج متبري منج ربيتي ويه اخوانج شتطلعين شحجيتي شصخمتي وجهي من الله يكصف عمرج
ابن أخوج ما يحترم ويغلط وتجاوز عليه شنو يگولي ما مربايه وتايهه واكبر تايهه والله الا اكول لبابا عليه ول اخواني خل يشوف التايهه ما وراها أهل حقيرر
لزمتني من حجابي وتجر بشعري عوفينييي لخاطر الله.
شوفي ولج اذا تحجين كلمه وحده اعدمج انهيج ف جري عدل احسنلج الولد جاي علمود شغله يريد يتطوع بالجيش ويكون حياته ومستقبله لا جاي عليج ولا على جهرتج الزفره.
دفعتني بكل قوتها وانضربت ومشت عليهم صعدت لغرفتي واعصابي فولت??اسي يريد ينفجر محد انطاه عين وجلبه وخلاه هيج يتجاوز ويتطاول عليه غير امي لا والله هو طبيعيته حيوان وهمجي ومتخلف عرضي عبالك جنت بملهى حقيرر.
غيرت ملابسسي وبقيت بالغرفه فتحت التلفون واصلني منه مسج گاتبلي
هشام ازهار حاجيني أنتظرج
ازهار أتصلت واجاني صوته تعبان بالكوه يحجي بقيت ساكته بس دموعي تجري
سمعيني صوتج ميت والله
هشام
يا روح هشام أبويه أنتِ أذا رفضتيني وعفتيني بهل السهوله ف اني ما أعوفج واتخلى عن حبج
يربي شجاوبه هاي هي هشام گلشي أنتهى بينا شوف حياتك من بعدي كلتها بغصه بذبح وتخنگ.
ليش عندي حياة من بعدج ليش الزين واليحبچ والنيته شريفه ما تريدينه
هيج أحسن النا هشام.
شوفي ازهار ما اعوفج اموت وما اعوفج شفت أشياء بيج بالحلم ما تطلعلي أنت الله رزقني بيج بفضلج صارلي واهسس احب الحياة وأشتغل واني مرتاح ومطول خلكي ويه الناس اللي يجفصون بالبطن بكلامهم وجاي اجمع ربع ربع علمود أخذج واعيشج اميرة الاميرات من قصر أبوج لقصر بانيه الج بگلبي بنيته بتعب ومتاكد وواثق تصيرين حلالي وأرفع رأسج وأثبتلج أني حبيتج ووفيت بوعدي وتزوجتج ولو اعرف طول العمر اضل اعزب انتظرج ما اخذ غيرج.
هششام
تهدئين ونحجي حبيبي متأكد مجبوره تحجين هالحجي ما تعبر عليه هاي السوالف يله ارتاحي حبيبتي أنتِ إلى بكل الاحوال.
جاااي اكلك ما اريدك شنو ما تفهم أنتَ
والحسين الشهيد أخذج والخلقج ما اعوفج
شبيك أنت عاط بيه
أحبج شنو شبيه غصباً على? رأسج ورأس الخلفوج تبقين وياي ليش تذليني بحبج
ما ذالتك والله بس جاي اكولك اني وياك ما نرهم لبعض طرقنا مسدوده وأهلي ما ينطونك مره.
شمدريج بأهلج ما ينطوني مره أجييت كعدت على? فراشكم كابلتهم ورفضوني هاااا
لا
لعد تحجين من كيفج ليش شصاير وياج متكوليلي هذا قرار اجاج فجأه گلوب الناس لعبه عندج
هششام روح الله يخليك بعدين شبسرعه حبيتني لهل الدرجه وتعلقت بيه
عبالج الحب ينقاس بالأيام والشهور والسنين أحبج وأخليج معلكه كم سنه على? شنو شوفي اني حبيتج والشاهد ما اضحك عليج ولا اتونس برأسج والله يأخذني اذا عندي هيج نيه وياج.
بقيت ساكته وكلامه تخزن بعقلي وامي صاحت اسمي هشام لازم انزل يردوني
ماشي حبيبي روحي ورجعيلي بعدين ابقى انتظرج
لاتتنظرني روح اخاف عندك شغل
لا كاعد أنتظرج شغليش هذا الاشتغله واني عايش صدمه عمري اجتني منج حتى واهسي طفه من الدنيا كلها
ماشي نحجي بعدين
الله وياج
نهيت الاتصال ونزلت لكيت عصام مزعوج اول ما نزلت لزمني من شعري اي شگوو شبيك.
عصام شلووون تررادين شاهين وتجاوزين حدودج وياه مو عيب فضحتينا خرب بعقلج أنتِ ليش ما تحترمين احد خشمج العالي هذا والعباس اكسره الج واخليج بدون خشم دماغ زز
أزهار شحجيت وياه جذاب والله يجذب عليك هو هم تجاوز عليه ردت احجي اجتني امي گلبت عيونها عليه
شحجى وياج
ما حجه شي
اي ادري بيج أنتِ مو أدامي ما تجرين عدل
ضربني على رأسي وگال لامي
سويلنا چاي.
أزهار رجع الاستقبال وگلبي حقد على هذا العار مسوي روحه زلمه وهو رايح يتشكي مني لاخوي امداك اي والله گبر حتّى گبر
وصال شگوو تدردمين ويه نفسسج
أزهار ماكو شي بس مصدومه بأبن اخوج شگوو يتشگى مثل النسوان جان أستحى على? شواربه
انجبي واحترمي لا اقضي على? عمرج هالايام عينج طالعه وصايره ما تحترمين احد متقصده مو اي اعرفج متفوتينها لاحد
لا ما متقصده على? شنو قابل عفتها ومشيت
وين موليه رجعي تغدي.
ما اريد شبعت مغثه گافي عليه وزايد، صعدت مزعوجه ودزيتله رساله اشتاقيتلك دزيتها بسرعه ما اكدر اعوفه احبه گبل اتصل جاوبته هشام
يبعد أسمي
باقيه وياك لاخر نفس بيه
ردت اموت من عفتيني ولج يشيلون جنارتي ويه رفضج
اسم على? عمرك
لاتروحين بعد ابقي يمي
مستحيل أعوفك اني من البدايه علاقتنا كلتلك قابله بيك أنتَ وظروفك ميهمني احد بس أنتَ
لعد ليش هيج صار شتغير بعلاقتنا ليش انسحبتي وهسه رجعتي
شحجيلك ما ادري.
أحجيلي حبيبتي أسمعج
حجيتله گلشي وضل ساگت
الفارق الطبقي البينا هو ما يخلي علاقتنا تنجح والمستويات تخلي زواجنا يفشل هذا قصدج
اي هذا كلام ماما مو كلامي
إذا أنتِ موافقه وإثنينا نحب بعض وأني ما راح اقصر وياج لو اعرف ليل نهار اشتغل ابقيج عايشه بالدلال
بعد روحي احب كلشي بيك أنت واهلك ودلالك وحنيتك ووخوفك وحبك اليه
الله تدرين زهرتي اليوم ميت تعب بس احس هالتعب كلش حلو لن رجعتيلي وجاي احجي وياج وأسمع صوتج ونسولف.
فدوه
اكولج زهرتي
گول عيني
اكسر الوعد وتجين أبوسج
يااا شو استخفيت صير عاقل
غير طاك گلبي عليج مشتاقلج أنوب تزاعلنا وشلت خشمي عليج ما باوعتلج انطر گلبي بالنص مشتاق لوجهج الحلو يا وجه العافيه أنتِ
لحظه حبيبي عدلت روحي وأخذتله صوره ورسلتها هاك
ولج اني اخاف عليج من الهوا انوب دازتلي صورتج
مو مشتاقلي
ميت عليج باع الخلقه يربي وجهج ردتله العافيه تدرين
غير أنت عافيتي
فدوه لوجهج.
شوي ودزلي صورته مرتاج على? الحايط ومبتسم فدوه لوجهك جاوبته بالبيت اليوم
اي انطيت اجازه لنفسي اليوم بس النا نضل نسولف
عمري ضلينا نحجي واخذنا الوقت واندك الباب عرفتها امي كبل عفت التلفون وكمت فتحته هاا ماما
وصال اريد احجي وياج
ازهار احجي صاير شي دخلت وردت الباب وراها باوعت على التلفون
ماكو شي مو بعدج على كلمتي لو ضربتيها عرض الحايط
اي ماكو شي
هاا ومن رحتي لدوام هم حجيتوا.
لا ما حجينا وگلشي انتهى مو هذا تردينا بعد شكو تسألين.
شوفي ماما أزهار ماكو أم تكرهه بنتها وما تريدلها السعاده وأني هذا كله لمصلحتج بعدين تفكرين بكلامي والحياة مو كلها حب أكو امور افرض منه والعائله هي أولى من كل أمور الحياة خاصه اذا جانوا يحبونج وما مقصرين وياج ومددللينج صحيح عصام يقسي عليج مرات بس من صالحج وأنتِ أختهم الوحيده ويخافون عليج وشايفين وعايفين وكلها كدام عيونهم ف ديري بالج على سمعتهم وسمعتج ولاتمشين ورا گلبج ترا يدمرج.
هزيت رأسي لن ما عرفت شچاوبها بقيت بدوامه طبطت على أكتافي ومشت امي من نوع تكسر وتجبر قساوتها بحنيه وتشوف الامور من زاويه أخرى وتتعمق أكثر بس گلبي اليحب وكع على عمى عيونه شسويله اذا رجعت تخليت عنه اكدر اعيش ويه فكرة النسيان وأتجاوزه شعور يموت.
حاولت أبتعد وغبت أيام بس هو ما عافني حبني بصدق نوايا وتعلق بيه هواي ومرت ثلاث أشه? من بعد كلام امي اليه وصارلنا على ست أشه? على علاقه حب.
نحجي صوت من أخواني يلتحقون لن مروان غرفته فوك وعصام شيطان يحسس بسرعه ودقيق ونظراته ما تفارگني حسيت بي يعرف شيء وساكت لن نظراته مو لله وبديت أخاف واتحذر منه ومن يتواجد قله أفتح نت او احجي وياه اتصال الا يلتحق لدوامه يله وهذا شيء تعبني نفسياً عايشه بخوف وتعب نفسسي وقلق طول الوقت وبطني عطول توجعني ما مرتاحه أبداً.
وماما من هذاك اليوم ما حجت وياي ولا ذكرت موضوعه حتى السياره بابا ما وافق لن يخاف عليه هي ما لحت عليه وكنسلت الموضو?.
يوم خميس ورجعت مزعوجه لن تعبت من هالوضع وهو مغلس بعد ما جاب موضوع الزواج واني ما اريد العلاقه تطول وأنكشف وافقد ثقه بابا واخواني لن تعبت من نظرات عصام اليه ونظرات ماما الحزينه تخليني اكره روحي كأنما تعرفني راجعلتله وتحاجيني بعيونها وتگولي مع الاسف عليج ما سمعتي كلمتي تعاتبني بنظراتها اليه.
كاعده بغرفتي وتلفوني كدامي وابجي احبه ونفس الوقت اهلي مو عارفه شسوي عايشه بدوامه من القلق والتفكير وهو من وصلني جنت مزعوجه ما سألني شبيج وصلني وبعد ما سأل وهسه ساعه 11 بالليل هو ما موجود وحساباته ما فاتح نت على الرغم واثقه بي يحبني وصادق بنوايا وياي بس اهماله بهل الفتره دوخنيي.
وصلني مسج مسحت دموعي فتحته كاتب
ليش ما سألتي مو عادتچ
ما صارلي مجال
هذا مو عذر
كتلك. ما صارلي محال ليش تلح.
ازهار حاجيني عدل مزاجيتج مو وكتها
لا والله شتريد مثلاً استقبلك بالاحضان
ليش مستكثره عليه تكوليلي الله يساعدك
علي شنو
أزهار من الاخير شبيج
ما بيه شي
ترى حافظج ومثلما مفتقدتني مفتقدج وعلى بالي طول الوقت بس شسوي ياعيني كلها هذا المن اشتغل ليل بنهار علمود تصيرين يمي وما اقصر وياج بشيء واللي تردينه اوفره الج ف تحمليني شويه لخاطري وادري تضوجين والله حقج ما الولمج بس هل الفتره اتحمليني وكلشي يعدي حبيبتي.
واذا صار شي
شيصير مثلاً
أهلي اخاف ما يوافقون
لاأن شاء الله يوافقون لو اعرف انام يم بابكم ما اخليج تروحين لغيري لو كاتل لو مكتول وقسمًا بالله راح اخطبج مره ومرتين ومية ولو مو اهلج يرفضوني مستحيل اتخلى عنج ولا راح امل الا ان اخذج وننجمع اني وياج ونكعد نسولف على كلشي مرينا بي وسوالفنا وضحكنا و? لقاءنا الاول شلون جان وهواي سوالف ضامها الج من تجين يمي اسولفهن كدام وجهج الاحب تفاصيله الناعمه والنازكه.
ما تمل
ما أمل أحبج أنتِ وكبريائج
الله يريح گلبك ان شاءلله
وجودج يمي هو يخليني أرتاح
أحبك
أحبج وما راح تعرفين شكد احبج ومستحيل أسوي شي غلط وأخسرج أنتِ نقطه ضعفي أنطيج روحي ولا اشوفج زعلانه مني ياعيني أنتِ
لا خلص رضيت بس ضجت لن ما متعوده على غيابك متعلمه? اهتمامك وحبك طول الوقت
أعذريني حبيبتي وتحمليني جاي الم سياگج علمود اذا اهلج طلبوا اكون كدها واخذج منهم بتعب وبدم گلبي والفلوس يمج تروحلج فدوه.
منين جاي تلم من شغل التكسي قصدك؟!
اي حبيبي
هشام عليك الله صُدك تحجي
اي صدك أحجي ليش؟
شنو ليش على? هالحجي خمسين سنه ما تجمع سياگي ومن گلك تهمني الفلوس
ليش ما أجمع أشتغل خطوط وليل بنهار منا لكم شهر اجمعهم، أزهار ليش تحجين بخشم كم مره گتلج هذا الطبع بطلي حاجيني بعفويه لخاطر دينج بطلي هالطبع.
ما حاجيه بخشم شجلبت بخشمج وكبريائج ترى جاي احجي بالمعقول والمخبل اذا كلتله ما يصدگك شلون تجمع مبلغ زواج من شغل تكسي على? هالحجي سالفتنا مطوله.
تتعمدين الأذيه
مو قصدي شبيك تحسست ترى حجيت من صالح علاقتنا
لا عادي يله لازم اروح عندي شغل بعدين نحجي.
هشام زعلت مني شافها وما رد عليه وفصل النت عفت التلفون وضجت اني شبيه انهديت عليه ما راعيت مشاعره يمكن بسبب المشاعر البداخلي والخوف والحذر اللي اواجهه من اهلي حجيت هالشي كدامه
وهو هم خلي يحس على نفسه وما يطولها عليه اني ما اريد اخسره لن اذا انكشفت علاقتنا من سابع المستحيلات ننجمع اني وياه وراح نتعذب أكثر واكون اني الخاسره الوحيده اخسره هو وثقه أهلي بابا وماما واخواني شلون تفض عليج يا ازهار شلون...
أسيل
مر يومين ما يراسل اشوفه فاتح نت بس منتظرته هو يبادر بالسؤال ونفس الوقت تحز بگلبي ياهي تجي گباله يدخلها خاص وسوالف وتصير علاقه بينهم ضل هالشي ينخر بعقلي بس مع ذلك گلبي منعول الوالدين يعشقه ومدمن شيء أسمه مروان هو وتفاصيله وسوالفه الاحبهن
اغسل المواعين ومبتسمه وگلني واهس نظفت المطبخ سويته يلمع وامشي وأغني ويه روحي وكل شوي اشمر شعري واتمايل بجسمي جني حورية البحر فديت الواثق من نفسه.
باوعت على الساعه خرب انه اشتاقيتله شمرت شعري واصدمت بامي طيرت الحب من خشمي خلتني اكمز غير تتنبهين يا يمه طار خشميييي وعلى طاااار
جنان وثول أنتِ متشوفين كدامج عود جايه افرحج
نفضت راسي بفرح على? الرغم خشمي الوجع يموت بس ميخالف كولي بشنو تفرحيني
شو خل اشوف خشمج مو تكولين طار وين طار خندوره
عوفي خشمي هسه هو يطيب
كلت اخذج لسوك واشتري البخاطرج لن جاي اشوفج جاره عدل وصايره خوش ادامي
هاا
وجعا مو وجه نعمه.
فديتج بستها وهي ادفع بيه شوكت نروح
ساعة زمان لما يجي حسن يودينا أنتِ تجهزي لن ساعه علما تخلصين لبسج
ماشي لعد اصعد اتجهز صعدت فرحانه من زمان ما رايحه من ورا حارث منع عليه الطلعه قبل لا افتح الكنتور كلت خل اشوفه لكيته دازلي
وينج عيني ترى والعباس درينا بيج ثكيله
ضحكت وجاوبته يا هلأ بيك موجوده والله
لعد ليش ما سألتي عليه
اسأل عليك
أي شبيه اني أثنين بالعراق ماكو مني
عجيب يربي باوع الثقه.
أنتِ شايفه گلهم يدخلون آنذار من يشوفنيي
شبيك عيني دتستقر
مستقر عيني مستقر احمدي ربج جاي تحجين وياي غيرج يحلم ويتمناني
يمه يمه التلفون دخن
عابت جهرتج الزركه
لاتتعدى حدودك وياي ما اسمحلك
يمه يمه خفت
ضحكت هذا سينما بربي عزاا اريداكوم البس شلون انهزم منه
صفن ابو صابر
مروان
هاا شيب مروان
ليش انت مشيب
اي كله من قهرجن وحدتجن مصيبه عوذه منجن بس مغثه ينعل بليسجن
لازم خاتمنا على ايدك
لا مو هيج شبيج
لعد شلون
بعدين اسولفلج.
من يكول بعدين احجي وياك
ليش وين تروحين
موجوده بس يعني
شبيج
ما بيه شي
بعدين احجي وياج هسه اجاني اتصال مهم انتظره من ساعه
اصلا اني اريد اروح قبل لا انت تنهزم
حلكج استخدمي بس ل الاكل خوش
باي شافها وما رد عليه عود زعل ما اعرف ليش حسيت هالاتصال من عدها يمكن تراضوا واذا تراضوا حبيبته ومصيرهم يرجعون لبعض واكيد بينهم علاقه حب قويه ومطوله بعدين اذا رجعوا اني شنو موقعي بحياته اكثر ما بنت عمه وبس.
عفت التلفون وكمت غيرت ملابسي ونزلت لكيت أمي تتنظرني ورحنا السوك واخذت كل شغلاتي الاحتاجهن ورجعت البيت مخنوگه على الرغم طلعت بس ضايجه صعدت غرفتي عفت أغراضي بالاكياس وكعدت شفت التلفون فاتح نت ومتواجد اريد اراسله بس خاف يكول ذابه نفسسها عليه لا خليني عزيرة نفسس.
ومر شه? نحجي بس على كد السؤال والجواب وشلونج وشسوين وهالامور روتين عادي حديثنا يستمر دقايق ويروح ومرات يطول حسب مجاله حسيت بمكانتي كصديقه اله هيج بينلي من البدايه وراسم حدود وكلش محترمها ولحد ما متجاوز حدوده وياي.
خلص اليوم وهو ماكو لا راسل ولا سأل واني تركته? راحته بس نار مشتعله بگلبي عليه أحبه وروحي بي وهو ويه غيري سعيد وعايش علاقة حب.
تمددت بفراشي والتلفون بصف?اسي جانت الساعه 12.
دزلي سمايل نعسان تجاهلته رجع دزلي سمايل معصب غلست عنه ورجع أتصل ورفضته ودزيتله مروان مره ثانيه لاتتصل بدون ما تكولي اني مو كل الوقت على التلفون كبل كتب
أسف بس أفتقدتج
أهتضمت بكلمته ما يدري أني كاتلني الشوك جاوبته موجوده بس أنت ماكو
مشغول والله العظيم مو قصدي ما اراسلج بس ما تعرفين شلون تعب بالدوام
الله يساعدك
تسلمين غلا شلونج شخبارج
تمام وأنت
موزين
گلبي وجعني بكلمته وجاوبته عالسريع ليش شبيك
هبه
هاا مروان.
ما اعرف احسج تفهميني صارلنا شهر نحجي ومن خلال كلامج حسيتج خوش بنيه وبنت اودام وحنينه
شكراً هذا من طيب أصلك
سؤال
جواب
ولا مره سألتيني عن وضعي الاجتماعي متزوج مرتبط منفصل ارمل هذا الشي مدوخني بيج وشاغل فكري من شهر كامل
ليش اسأل
هاا ما عندج فضول
لا
عجبتيني فوك أعجابي بيج
اذا أسببلك ازعاج بحياتك تكدر تحظرني عادي اني ما راسلتك اني دخلتلي خاص وجاوبتك واخذنا الحديث
لا أبداً والله بالعكس ارتاح من احجي وياج.
الله يريح بالك
ما ظنتي
ليش
دايخ بسالفه انفهمت غلط واني مااحب يتأخذ عني نظره موزينه ونفس الوقت ما احب ابرر لاحد
دام هيج راح أدوخ أكثر المقابل يحتاج تبرير علمود يفهم أنتَ ما غلطان بحقه
هيج تششوفين مشگلتي ماانزل رأس ل أكبر واحد مو عاد بنيه
بنيه مبينه حبيبتك عذراً? التدخل
لا عادي غلا على شنو تعتذرين.
حسيته مخنوگ مبين شالعه گلبه من خفت وجهج واخلاقج الزفت هيج واحد تزعلينه وتقهرينه مو هذا ابن روحي حرامات بيج اخ يالقهرررر بقيت صافنه ما اعرف شكتبله وشحجي وياه واني موجوعه اكثر منه رجع كتب
هبه
هاا مروان
تسمعيني
أي اسمعك گولي
حاب احجي وياج اتصال تكدرين
أخاف مروان أنت ما تعرف وضعي
اسف وحقج عليه عوفيها لعد
ماشي اتصل بس لاتطول
ماشي احجي وأنتِ كتبي لن ما احب الكتابه تريد خلك واني خلگي بخشمي واليوم روحي طافره.
تمام كمت شفت ماكو احد وقفلت الباب وأتصل وجاوبته بس كلت الو جر حسره شگبرها وحسيته يدخن
هبه
هاا مروان
أول مره احب اسمي بلحكج وصوتج مليان حنيه
شكراً دمعت عيني اريد اكوله حنيتي بس الك ويه اهلي سم وزقنبوت بس ازاكط عليهم ضل يدخن واثنينا ساگتين
هبه اذا احجي ارتاح
اي ترتاح
ما تضوجين
علي? شنو اضوج
أخاف معجبه بيه واجرح مشاعرج ما اريد اظلمج وياي.
شلون اكوله مو بس معجبه جاي اموت من وراك انوب صوته يمه صوته والبحه والخنگه البصدره شگت گلبي وسوته وصل
شو سگتي
لا وياك أنتظرك تحجيلي علمود ترتاح عادي اسمعك يمكن المتعبك حبيبه
أي صدكتي حبيبتي وشالعه گلبي وياها بس تتزعل وشگوگيه لا مرت اخويه ولا خبرها بسبب وحده علقلتي تعليق وصار حجي بينهن وفهمت اني أخونها وزعلت واختفت وغلقت كل حساباتها
ليش غلقت حساباتها ونهت گلشي بهل السهوله
گتلج شكوگيه وغيوره هواي هواي.
هاا فهمت يحجي واني ابجي التلفون شگل من كثر الدموع الصارت عليه نار تسعر بگلبي يحجيلي عنها وعن حبهم واحس روحي دخلت لعذاب برجليه جبت الوجع الرأس لنفسي گوه لو باقيه? النظرات هواي اشرفلي من هالقهر
وين رحتي
موجوده جاي اسمعك
هبه حبيتها ووفيت وياها بشكل متصورينه لدرجه بس عافتني ردت شي اجلب بي لن جنت مستند عليها وسوالفنا وضحكنا گلشي يذكرني بيها
مقهور.
گلشش لن بلحظه نست حبي الها وركزت على نقطه وحده ودمرت علاقه على ابواب زواج ومحضر نفسي واريد افاتح اهلي بالموضوع وصار اللي صار
لاتزعل نفسك كام يكح وسلب روحي من صدري كتمت صوت عبرتي مروان لازم اروح
أخذي راحتج انوب شغلتج وياي بس والله اول مره ارتاح واثق لشخص هالكثر لدرجه لكيت روحي أفضض الج بكل اريحيه
لا عادي ولا يهمك أخذ راحتك
الله وياج عيني تصبحين على خير غلا.
وأنت من أهله بقيت الخط مفتوح وهو هم ما سده اسمع صوت أنفاسه اريد اخزنه بعقلي بخلايا دماغي الممدمنه تفاصيله گبل غلقته لن تعبت كلش طفيت النت ونمت وگلبي يوجعني حيل أشسويت بروحي حبيت شخص گلبه مو اله ويسكنه وحده ثانيه ومبين شگثر تعبان على? فراكها نبرة صوته دليل على? صدق حبه الها يحبها يحبها يحبها وأنتِ وحده يفضض الج وهاي هيه حتى ما سألني متزوجه مرتبطه ارمله منفصله من وين شنو أصلج مجرد وحده عابره وثق بيه وكعد يسولفلي عن حبه وكم يوم ويرجع الها ويكنسلني لن حبيته تغار عليه اوف يالقهرر اني شسويت بعمررري انوب متتت قهررر.
.
أسيا
من بعد رسالتي اله ما حجينا وضل كلامي معلك ما مقروء يمكن سوالي تقيد محادثه اعرف سوالفه من يضوج مني يشمرني بالتقيد ويخليني انكز من القهر.
مر يوم كامل كلت خلص ما يسأل لن هو رسائلي لحد الان ما شايفهن ولا يسأل ضجت كلش وبهل الاثناء دز رساله والرسائل شافهن وما رد عليهن غلسس
عصام شلونج الجهال شلونهم
أسيا زينين الحمدلله
جود ديري بالج عليها الجو بارد
ما يحتاج توصيني أنت مو احرص مني عليها.
ما اوصيج بس مجرد كلتلج گبل كبيتي
ما گبيت بس شيسموها احجي وياك وتروح وتعوفني وحتى ما كلفت نفسك ترد على رسائلي
موو حجيج ما بي معنى ليش ارد
سگتت ما جاوبته
حضري روحج العصر اجي اخذج
منو گلك ارجع وياك لاتجي ولا اتعب نفسك
بدون لغوه زايده العصر اجي وخلص
كلامي صار لغوه زايده عصام طلگني
تدرين هالكلمه سامعها منج أكثر من كلمة أحبك بابا أنتِ ليش تتبطرين? نعمتج أنتِ شايفه مشاكل اللي جاي تصير.
أني عليه بمشگلتي وياك أنتَ خنتني خنتني فضلت غيري الله يدري شحجيت وياها
ما خنتج ولا فضلت أحد عليج عقلج نظفي من هالافكار وصفي النيه يا بنت الناس تراني تعبان وروحي طالعه
تعبان من ايدك
من ايدي والله من ايدي بس گافي رجعي
ما ارجعلك
أنتِ ما تفكرين
لا ما افكر موزين انت تفكر
أسيااا
وجع
هاي عليمن
مو عليك الكيبورد كام يعلس.
والله من أنعل أبو اليسأل عليج بعد بس الظاهر أنتِ ما تحبين أحد يحترمج تحبين تنهانين بالقندره يله تجرين عدل.
طلع من المحادثه وفصل النت وعصبت بالزايد اني شبيه جفصت وكت جفصات هسه وهو متحمل گوه
ضليت ميبسه رأسي وما راسلته ولا سألت عليه ومر أسبو? نفس حالنا وهو كام قله يفتح نت جنت مراقبته
طول الوقت واريد اتصل? ازهار واسألها بس اخاف تكوله وعباله حنيت ومهمته ل أمره تجاهلت الوضع.
وخلص الاربعين وهو يجي يسأل على جهاله وأمي تأخذله جود يشوفها ويدزلي مصرف وكل الأحتاجه يجيبه بس أني لا يحجي وياي ولا يسأل عني بعده زعلان
جاي أغير لبنتي وكرم يلعب بتلفوني واجت رواء كعدت يمي شگلها ضايجه شبيج
رواء يمعوده تردين زلمه شريف ماكو كلهم خونه
أسيا خير يا ستار منو خانج
محد خاني هيج يمعوده احجي بكيفي اي وأنتِ شلونج ويه الخيانه بعده على سوالفه ومكسراته
بقيت ساكته.
ولج اني لو منج ايبس رأس واعند وما ارجعله الا شروط فرگسي گلبه شعوطي خلي يحير بزمانه
شسوي مثلاً اطربينا بإفكارج الجهنميه
ولج شبيج يحظي صيري مثل النسوان اضل أعلم بيج وأنتِ الثوله اذن من طين وأذن من عجين.
أحجيلي يمعوده الزبده.
لاترضين الا بتخم ذهب من هذا الزين اقل شي ب 7 مليون وخلي يجيبلج تلفون من الراقيات ومبلغ محترم تروحين بي لسوك بردي گلبج هلسي نتفي ريشاته لاتخلين عنده ولا فلس ما تدرين شضاملج هذا ما دام خانج يسوي الأكبر منها والله العنده فلوس وطاك خوفج منه يتزوج عليج لهذا گبل يسويها شوفي شغلج واشتغلي عدل واخلي دايخ بزمانه.
بس اني مو هذا النوع ما تهمني الفلوس وهو ما مقصر وياي بگلشي شريد يوفره اليه وأذا على التخم الذهب هو بولاده كرم جابلي واحد بدون ما اطلب وتلفوني هو يجيبلي واصلا جديد قبل فتره جابه بس تعاركنا وانكسر
واذا على الملابس ارقى الموديلات يجيبها اليه بدون ما اطلب كل ملابسي على ذوقه واختياره لا رواء ما اسويها
ولج اني علمودج لايكسرج اقصد نتفي لاتخلين ولا فلس بجيبه
هيج تكولين
اي يحظي شبيج.
ما ادري شگولج جاي نحجي واجت دره
دره رجلج اجه يريد يشوفج
رواء كوليله ما تريد تشوفه خلي يتحرمص عليها ويحير شلون يراضيها مو اسيا
دره رواء عوفي الرجال ومرته بينهم ليش تشبين النار اذا منذر يسمع بيج متدخله مو يسويلج مشكله
وأنتِ شدعوه ضايجه فوك ما مقهوره على حماتي وشايله همها المسكينه صايره مكفخه للغريب لا صداد لا رداد.
دره اسيا راح ابلغه تروحين ل الاستقبال لو هو يجيج
رواء خل هو يجي مكسسر
دره رواء بسسسس.
أسيا لا اني اروحله لبست شالي وطلعت لكيت امي مقدمه اله الجاي ويسولف ويضحك وشفت اكياس مسواك وصناديق فواكهه يم الباب وامي بس ما تريد تبوسه من حلكه بس تتفداه وتدعيله اريد ادخل متردده گلبي يگولي شيء وعقلي شيء ثاني
فوزيه يولي دره أسسيا وين صارت
عصام شنو نايمه اذا نايمه عوفيها غير مره اجي
فوزيه لا يمه شعدها تنام واذا نامت اكعدها خليك هسه اشوفها
أسيا طلعت وشافتني.
فوزيه هاي أنتِ هنا واكفه شعندج مثل الفاره ماطبين
أسيا فشلت ودخلت وهو گبل رفع?اسه باوعلي بلهفه ورجع غيره نظرته كعدت مقابيله الله يساعدك صفن على الباب وشرب الباقي من الجاي وگال برود
عصام ويساعدج الجهال شلونهم
اسيا زينين الحمدلله
ما ترجعين بعدج على عنادج
أي بعدني كام من مكانه واني هم كمت طلع محفظته وطلع فلوس وصفن بعيوني وطول صفنته وفتح جف ايدي وخلاهن بيدي وگال.
مو ما تردين ترجعين هذا مصرفج وتحتاجين شيء خابريني
ما اريدك ولا أريد فلوسك جاوبني بعصبيه
شوفي أسسيا طلاك ما اطلك تردين تضلين بيت أهلج ضلي ما عندي مشكله وأكسر حلكج وأفرگه بس تنعاد هاي الحجايه
شال تلفونه والسويج وطلع مزعوج ويلبس بحذاءه على السريع وكرم كام يبجي وراه وهو انزعج بالزايد
هااا بابا هااا وين اخذك وياي تعاااالي اخذي اريد اولي.
رحت اخذته كطع روحه وراه ابوه رجع حضنه ويبوس بي بالكوه سکته بالربع ساعه يقنع بي وتالي راح بدون ما يباوعلي رجعت بغرفتي وامي استلمتني اكس مربع ضلت تحجي وتغلط وأني ساكته وأخر شيء رن تلفوني عمتي وصال كملت عليج أسيا جاوبته هلا عمه
وصال لا هلا ولا مرحبا ليش ما رجعتي ويه زلمتج
أسيا هيج احسن.
شنو الاحسن شبيج زمال أنتِ عايفه زلمتج بهل الغرفه بارده تصرع وصوبه معند ما يشغل ملابسه ما يقبل احد يغسلهن لعد اني شگووو مزوجته يرتاح لو ينشلع گلبه من وراج
والله اني مو خدامه.
خدامه وغصباً على راسج هذا زلمتج لعد منو يخدمه اني لو اخته تخبلتي أنتِ شجاج محد صار عنده مشاكل بهل الكوكب بس أنتِ والله عمي ابني زين منه متحملج بس دواج عندي اصبريلي اذا ما خليته يكسر هالخشم اني مو وصال وعصام يا اسيا الا ازوجه وحده تفداه وتباوع على طوله وانتي ابقي متنحه بيت اهلج.
أسيا تزوجينه!