رواية بين قلبها وعينيها كبرياء للكاتبة شمس العراقية الفصل الثالث
أزهار لأ ولا أريد أسمعها مشيت وكف بطريقي شتريد اريد أروح
شاهين وإذا سمعتيها مني
تكون ناقص غيره على? بنت عمتك بنص بيتك وتتغازل بيها ضغطت على? ايدي بكل قساوة يمتلكها وعيونه بنص عيوني بقيت اباوعلها بكل تركيز وصگيت على? سنوني وجاوبته عوف أيدي راح تخلعها ابتعد عني ترى ميصيرلك خير
شتسوين!
شُنو شسوي أكلب عليك الدنيا شو ما تعرف تحجي
أحجي عدل لا أكسرلج سنونج بلحكج شو ما تحترمين.
والله لن وكفتك وياي غلط وحركاتك كلها ماله داعي
أريد احاجيج وما لكيت الا أمنعج لن أنتِ ما تنلزمين الكاع گوه شايلتج متكوليلي شُنو من صنف النسوان هيج شرسه وقويه
كتلك بعد عن طريقي خليني أرجع يم أمي هسه تسأل عليه واذا طلع اخوي الضابط عصام وشافنه ما يصيرلك خير احسن ألك ابتعد، تقرب وجرني احس عظام جسمي تكسرت بقساوة جسمه صرت نتفه بيده
كال بغضب
أنتِ نسخه من أبوج الشايف نفسه شوفه على الاوادم
شايفج نفسج أنتِ.
شايفه روحي بنت عائله عسكريه
تخوفيني مثلاً! شوفي لج زلمه وخليتج برأسي وجدي وعمامي راح يحاجون أخوج الضابط عصام وعميمه بالسالفه كلها وكتها نحجي خوش حجي وحجي اليعجبج ويسر خاطرج وخاطري!
قصدك سالفة الزواج بابا لاتحلم بابا هذا الشي ميصير نجوم السما اقربلك مني
وليش أني أبن خالج وأكسر رأسج وما أخليج تروحين للغريب ولد عم ما عندج غصباً عليج أنتِ إلى وما تصيرين لغيري.
مستحيل أوافق على رجال همجي ومو مستواي ولا طموحي الزواج مو مرجله على المره رادت يضربني بس قبض إيده بكل قوته وأني دفعته ومشيت بس حسيته صار بركان يلهب لحظه يلتهم المكان مشيت وركضت وصلت وأخواته واكفات يم الباب بالكوه أخذ النفس وحده تباوع الثانيه ويضحكن.
سهاد انحصرتي
أزهار أنجبي وحده جاهله عفتها ودخلت يم أمي وجديتي خافت ضلت مركزه على وجهي وتلمس وتفحص شكلي.
الجده وضحى ولج حبوبه شبيج وجهج مخطوف لونه وجسمج كله يختض شمالج منو حاجاج
وصال يمه أزهار شبيج أمي جديتج تحاجيج أيديج يرجفون خوما تعاركتي أنتِ وبنات خالج ولج عيب ماما
أزهار بصياح شُنو شايفتني علمود أتعارك شعندي وياهن قابل ضربتني بقوه على راسي وصاحت بيه وحبوبه كامت تحجي عليها
وصال لعد شبيج تزاكطيين وانكلبت خلقتج شجاج
أزهار هسه هسه خل عصام يرجعني للبيت هسه.
لا والله مو عصام يشتغل عندج وجايزه منه ادزه لوحده شجاج توج جنتي كلشي ما بيج
مسويه روحج ما تدرين جايبتني مناك لهناك علمود تزوجيني ل ابن اخوج شاهين خليها ابالج مستحيل هذا الزواج مستحيل يصير لن مو من مستواي واحد همجي ومتخلف لا شغله لا عمله حبوبه ضربتني لميت رجليه ما اريده هي كوه ليش تزعلين وتضربيني
الجده وضحى ولج خوما كسرتي گلبه بهذا لسانج.
أزهار والله هذا الموجود وخل ياخذ من ثوبه اني وياه ما نتوالم وما اريده ما اريده امي كامت تضرب بيه عوفينيي ما الج حق تضربيني لن رفضت ابن اخوج الزواج مو غصب مو غصب تقربت سدت حلكي بقوه
وصال ولج صوتج فضحتيني شيكولون عليه وصال ما عرفت تربي بنتها وهذا لسانج راح يعم عليج ويه أخوانج ما خلصانه انوب ويه خوالج تردين تنكسر ركبتج سكتي لا بارك بيج
أزهار عافتني من اجانا الصوت من برى.
شاهين عمه عوفيها لاحد يضغط عليها حبوبه تعالي ابوي دز عليج
أزهار كامت حبوبه مقهوره مني وأمي صارت عصبيه وتعض اصابعها رجعت دفرتني بخاصرتي وكالت
وصال راجعتلج يا أدبسزز اني الج على? اللسان عبالج أبوج يرضى بهذه تصرفاتج والله يملص ركبتج وينسيج الدلال العيشج بي.
أزهار يمه لاتصييرين ضدي الزواج مو غصب شنو ما تردين سعاده بنتج واني وحيدتج شلون ينطيج كلبج تشمريني ل شاهين بهيج مكان وهيج عيشه وبيوت طين وزرع وحلال واني ما تربيت هيج ابن بنت دلال ابوي
لو ساكته وضابه لسانج جان عرفت شلون احاجيج مو تشمرين بالحجي وجديتج كاعده ما أحترمتي احد هو هيج ربيتج، شوفي ولج اني طالعه يا ويلج اذا لحكتيني اكعدي وانجبي بمكانج
طلعت وضليت كاعده لوحدي وشوي واجت سندس صديت وجهي.
سندس دامج ما تردين أخوي ليش غثيتي بحجايتج جان تكدرين تكولين ما موافقه وكان الله يحب المحسنين بس كالتها امي بنت كمال ما تعيش عدنا واذا عاشت تضل تتبجج وتتتفيك علينا بشهادتها ودلالها وصدگت.
أزهار أني ما مستنقصه من إخوج بس السالفه وما بيها أني وياه ما نتوالم مو من ثوبه حتى أفكارنا ما متطابقه وراح نتعب بحياتنا والحياة الزوجيه عمر مو يوم ويومين ومن حجيت من نار گلبي خفت يوافقون ينطون اله رغم متيقينه بابا ما راح يوافق.
سندس إن شاء الله ما يوافق وهذا الزواج ما يتم وأولها احسن من تاليها الشفناه والسمعناه منج كافي وزايده ما توقعج هلكثر مغروره وتستنكفين من عيشتنا وزرعنا وحلالنا مع الأسف عليج أنتِ بنت عمتنا والله يا حيف روحي أخذيلج واحد من ثوبج بلكي يترس عينج.
أزهار طلعت وحيل أنقهرت من كلامها حسيت وإدركت بروحي هوايه جفصت بالكلام وقسيت أني شبيه أنهديت عليهم اي شمعرفني كله من ورا أمي من يومها تحلم وتتمنى اخذ شاهين والله يا امي ما اعرف شگول عليج
مر وقت ومحد بين وسهاد فرشت السفره لونها ماروني وخلن الخضروات وللبن وسلطه وگلشي من احسنه وجابن الأكل ما يباعن بوجهي أبداً حقهن قسيت على? أخوهن وهو حيدتن كبر لفني شبيه.
أجت امي مغسله فرشت سجادتها وصلت وأندارت عليه وكالت
وصال أرتاحي
أزهار شصار
صار اللي تردينه بس السالفه لازم توصل إبوج إحتمال يوافق كلشي يصير بلغوا عصام يگوله
ما يوافق متأكده
أنجبي وصوتج ما اريد أسمعه خزيتيني بين خوالج وجهي أسود منهم بس اروح واخلي أبوج يتفاهم وياج أدبسرز
ما جاوبتها اجت حبوبه وصاحت للبنات.
الجده وضحى تعالن يبعد جبدي تعالن تغدن ما عليجن من حجيها الماصخ بنت عمتجن ارعنه ما اداري مصلحتها وكلمن يمدد على? كد غطاه هي متعافيه ما الجن شغل منها عبالي أدامي طلعت مامش منها فايده
أزهار اجن كلهن وكعدن وأمي تسولف وياهن ويضحكن واني ولا كأنما إلى وجود كمت وجان حبوبه تضربني على? رجلي بالعوجيه منعتني اطلع
الجده وضحى وين موليه جنج ضابط شرطه وريحتج تعجل ما ترحمين الاوادم شنهي من گلب گلبج يا ملعونه.
أزهار سويني شيطانه
رجعي كملي الزاد ما تعبن عليه وطبخنه علمود ينذب أحترمي الزاد ورجعي المكانج النعمه ما ينزعل عليها وسوالفج الماصخه أمج تحاسبج عليهن يله حركييي
رجعت بس بالگوه أكلت كم لكمه من كثر ما انقهرت خلصنه وشالن المواعين وحبوبه حكمت عليه أغسل وياهن واني رفضت والله ما اكوم جايه خطار اشوفج لو أغسلج مواعين مو انتوا دزيتوا عليه والله خوش.
امي هم ضربتني يمه شبيج إيدج اخذت على? الضرب ترى رأسي ما جايزه منه سويتي مخي عصير كوكتيل
وصال شو أستجلبتي فد مره
أزهار والله سألي روحج والله لو أدري هيج تاليها فلا أقنع بابا وتوبة اذا اجي وياج بعد
ميخالف أزهار أني الج بس نرجع بس خل يعدي هاليوم على? خير والله اخليهن بحلك اخوانج كل حجايه حجيتها اذا ما خليت عصام ومروان يكسرونج على? قلة التربيه هذه اني مو أمج.
سگتت وخفت صدك تسويها والله افلت على? أبويه انقهرت هواي وجريت جنطتي ودزيت رساله ل بابا كتبت اله بابا حبيبي أحبك وأشتاقيت الك تغديت لو بعدك بقيت انتظر واتصل امي خزرتني رفعت شاشه بابا حبيبي غمتني أخذت التلفون وطلعت باباتي حبيبي يروحي
كمال هاا بابا هاا بنية أبوها شلونكم
أزهار زينين الحمدلله
هاا شو صوتج ما يعجبني
أختنكت وجاوبته لا بابا بس أشتاقيت الك.
يا روح أبوج واني هم أشتاقيت الكم هسه أخابر عصام باجر الصبح تجون لما امج جان العصر اخلي يرجعكم بس امج أطنكر علينا شيخلصنا من الحكومه
تمام مثل ما تريد
يله بنيتي اخذي راحتج
الله وياك نهيت الأتصال جنت بالطرمه أحجي واجه من بعيد يتمشى بهدوء عبر من يمي بدون ما يباو? تجاهلته ولكيت أسيا كومه دازه رسائل خير أن شاء الله
أسيا أزهار وينكم مختفين خاله تلفونها مغلق وعصام حاظرني ضل بالي خوما صاير شيء.
أزهار جاوبتها يم خوالي سالفه طويله من أرجع أسولفلج
تمام أنتظرج اني هم عندي كومة سوالف
تمام كلبي دزيتها ورجعت كعدت يم أمي كتلها بابا كال الصبح تعالوا ما إهتمت لكلامي ورجعت تحجي ويه حبوبه لابستني ولا عبالك بنتها عشتوا.
أسيل
أختي وجهالها يمنا يعني البيت مگلوب والألعاب مطشره والكراج صاير مزبله والاندومي كل شوي على الطباخ وتعالي أسيل نظفي وراهم ادري مخلفتهم وناسيتهم من تجين تذبينهم وتكعدين ولا عبالك امهم تشيل ايدها منهم وتكعد برأسي لما يرحون صوتي يطبك.
خلصت غسل المواعين ونزعت الجفوف وسمعت صوت ركضت لكيته كاسر مزهره ولك حمزززززززه من غضب على? يومك وعلى صوتي اجت أمي وأختي من الغرفه عدهن إجتماع سري على العيال والجناين
جنان ولطما شكووو صوتج يلعع يااا يا جده ليش كسرتها
هديل حمزه وتالي وياك ما خلصانه من بيت جدك نوب بيت اهلي شو ولي اطلع برا انجلبتوا ما تخلون الواحد يكعد يرتاح يفتهم من طلعته شيء.
أسيل ما سوتله شيء طردته برا شو بس من تجين يمنا تصيرين حنينه على جهالج من اخابرج كلشي ما افتهم منج بس عياط والصونده تركع
هديل أسيل جوزي مني رأسي يوجعني من وراهم جايه أرتاح لو اركض وراهم يمه رايحه اتمدد حمزه حرك دمي
مشت وأمي عاطت بيه
جنان يله لمي الكسره وغسلي البيت ودربالج لا كزيره تفوت برجل واحد منهم شيخلصنه من اهلهم.
أسيل هو هذا شغل أسيل بس لو اعرف جنتج ليش من تسمع ب هديل تجي تمشي لأهلها خل تتنظر تروح وتروح وياها الا كلشي يوكع برأسي والله تعبت
جنان أشتغلي ولا تضلين تلغين ومرت اخوج هم بشر تروح تشوف أهلها اخواتها وتكول بناتها بالبيت وتمشي ما الج شغل بيها ولا تسويلنا مشاكل لا انفشلج عطوبج.
شمسويه قابل راحت ولميت الكزاز وغسلت ونشفت وكملت واجه حمزه كمز كمزه امشي ولي برا لما ينشف الحوش لا تضل بس تلوف متكولي شلون الكاع شايلتك من وكاحتك
حمزه مثل ما شايتلج أنتِ هم وكحه
أسيل ركضت وراه وفلت لشارع نزلت ثوبي ودخلت عليهن لكيت امي بيدها فلوس وهديل هم انطتها مصرف وضمت 25 بصدرها وين وين جيبيها أني هم اريد خلصت مصرف.
جنان دولي شسوين بالمصرف أعرفج انطيهن الج بس تخلصيهن على الأندومي والحلويات عبالج ما اعرف سوالفج وشبسرعه خلصتي هذاك الأسبوع أبوج انطاج 25
هسه شعليج بيه وين أودين مهم أنطيني حقوقي الواجبه عليكم وفضيها نفضت ايدها وهديل تحسب وتضم شكوو عليج كل رأس شهر الوالده تخزن الج الاكو والماكو ما راحت بس عليه المسكينه اجدي منها جدواه.
جنان مخليه عينج عليها منين الها رجلها على كده بدال ما أنتِ تنطينها واكفه مثل الشرطي تحاسبينها
شنطي هو اني منو منطيني شو يله طلعي ال 25
ما انطيج عود على رأس الشهر هاي أريدها ل رباب بنت فاضل جابت وعيب ما رحنا الهم ابوج كال جايه يم اهلها بلكي أخوج حسن يجي ويودينه عليهم
هديل منو يروح وياج
جنان أنتِ غير منو قابل مرت اخوج مشت لأهلها اخذج أنتِ
هديل أني ما اروح روحي أنتِ وابويه
جنان وليش ما تروحين.
هديل كتلج ما اروح وخلص
أسيل يمه لاتلحين ما تريد تروح فهمي عاد
جنان السالفه صارلها سنين على شُنو ما تروحين تزوجتوا وخلفتوا بعد شکوو
أسيل أخاف تروح وتلكاه موجود ترى صعبه عليها
هديل سدن الموضوع كايمه اشوف جهالي
جنان اختج فلا تجني عقل وبعدين هو بيت اهله شيجيبه بيت عمه وسمعت من إبوج هو ومرته أسيا مو على صلح ويا ظنتي يطلكها
هديل شعلينا بيهم رجال ومرته
جنان لعد أمشي وياي دام هذا حجيج شعلينا بيهم.
أسيل خلص اني اروح وياج حبابه اخذيني وياج
جنان هو اخذج بس جهال وين نعوفهم ضلي يمهم ساعتين ونرجع على كد الواجب عيب تأخرنا صارلها شكثر من ولدت
أسيل ما مفتحه حضانه تبقين الجهال يمي أخذيهم وياج والله ما اضل يمهن افطسهم كلهم لو اشربهم الرمين وانومهم واخلص من هوستهم
جنان اخبل من أختج ولج هديل جهالج شلون امي وكاح وين نأخذهم يفضحونا والله بنتج روان جنها مكوك حمزه مصراع
هديل خلف الله عليج.
أسيل ليش تزعلين ترى صدك وكحين مال نأخذهم عيب ناس أتكيت
هديل أجفص على الأتكيت مالهم دولي أنتِ وسوالفج نأخذهم ويانا وين اوديهم جهالي قابل اذبهم هاي هيه اهل البيت يتحمل الخطار
جنان اي هاي هيه يمه عود وصيهم لايسون وكاحه
أسيل لا ربحنه ضحكت وخزرتني خلص يله صاعده اجهز نفسي دام العشه حسن يجيبه
هديل خوما تحفين يمه أسيل تحف وجهه
جنان بس وجهه حواجبها لا ما حافتهن.
هديل شو بدوري لا وجه ولا حواجب الا تزوجت يله حفيتهن هسه كله على حل شعرها
جنان شسويلها خلت مشقر وجه تحسس وكامت تحف
هديل والله اذا حفيتي حواجبج اخلي حسن يشلعهن بالبلايس
أسيل العقد النفسيه عشتيها لا اطلعينها برأسي خليني عايشه حياتي عفتها وصعدت غرفتي فوك جانت هديل وياي من تزوجت بقيت لوحدي ومن تجي زيارات تصعد هي وجهالها ينامون يمي مرات بالاستقبال حسب مزاجها واخويه ومرته جوه.
احنه عائلة تتكون من أب إسمه علوان عسكري متقاعد وأمي جنان ربة بيت واخوان اثنين الجبير حارث متزوج وعازل محامي وزوجته أسراء مدرسه بس وكحه نار اكرهه اموت منها عدها ولد وبنات اثنين ريم رهف ورامي
واخويه حسن الحنين معلم متزوج زوجته اسمها نسرين هم معلمه حبوا بعض وتزوجوا وعندهم ولدين مصطفى ومرتضى
وأختي هديل متزوجه وزوجها حالتهم الماديه على كدهم عدها حمزه وروان.
هديل جانت خطيبة عصام سابقاً طبعاً بيت عمو كمال يصيرون ولد عم هو وابويه يعني عصام ابن عم ابويه
أنخطبوا وجانت علاقتهم حلوه وعلى ابواب الزواج بس انفصلوا طلب من هديل بسبب عصبيته وللسانه وتحكمه الزايد بيها كالت واحد نرجسي ومتملك ما اكدر أكمل وياه يموتني ناقصة عمر
هو ما قبل على? الأنفصال وتعارك عرگه شكبرها بس بعدين فضوها بينهم والأهل أتفقوا واتخذوا القرار الأنفصال وإنفصلوا وكلمن بطريقه.
وبابا من نوع ما يحب يجبر على? الزواج وهديل من انفصلت منه هو ما طول فتره وخطب وكالوا يحبها وعلاقه حب كلنا ضلينا مصدومين شلون علاقه حب وهو جان خاطب هديل كالت همزين ما ورطت عمري وياه الله يحبني وخلصني منه وماكو نصيب والله سهل اله بس سالفة علاقة الحب كذبه إخترعها عصام علمود يقهر أختي هديل لن أقل من سنه خطب شبسرعه لحك يحب.
إهنا هديل إول قسمه أجتها كبل وافقت وتزوجت وما سألت عن حالته ماديه ولا عقلت تزوجت سيف بس كلش يحبها ما يرفضلها طلب وهي كذلك صابره ومتحمله لعيونه ولحبه الها
ومن هذاك هديل اليوم ما تروح الهم رغم بابا ما قطع العلاقات بس اكو حاجز انكسر يعني فقط بالمناسبات والواجبات.
فتحت كنتوري شلبس والله حايره ماكو شي حلو على الرغم الكنتور مليان ملابس هسه شختار خلي انسقلي لبسه محترمه بلكي الحلو يجي لبيت عمه كبر شبيه اني اختي واخوه ما تراهموا عود يعني اني وياه نتراهم لا عمي بعيده يله عاد بس هما حلوين قحط زلم اكيد هسه صاير مو حلو واجبات والشمس حاركته والشكل يتغيير.
جنت معجبه بمروان ك شكل حب عابر ما اسمي حب مجرد اعجاب وبس يله خل نعوف السوالف ونفرغ هالكنتور كلبتهن على? الجربايه وكعدت انسق بنطلون كابوي وقميص عريض لون برتقالي احب الوان الصارخه لاحد يعيب حضرتهن ونزلت
لكيت حسن جايب المشويات وهديل ثارمه سلطه بس كعدت اصب السلطه وهي تاخذ ل الاستقبال باوعتلي وكالت
هديل إكولج خوما حرام
أسيل على? شُنو حرام
اذا رحت وياكم وصخيم موجود أهناك شلون.
شنو شلون شمسويه قابل تنامين وياه ضربتني على? رأسي
كبر على? هذه الحجايه شنو هالكلام المنحرف وأنتِ بنية بيت صايره فلا تنجرعين حيوانه
شبيج شگلت قابل يا حجايه ارجعي لمكانج اي هسه تروحين لا لن احسج دايخه
والله ما ادري ما اريد اخون ثقة سيف حتى لو بنظره بس غير أمي لحت عليه والا اني هالروحه كلها مو بعيني بالي يم سيف شنو تعشّى.
يا عيني فدوه لحنينه عادي يمعوده روحي واذا موجود طنشي خيولي أصلاً أنتِ كسرتي خشمه هاليابس متحجر
يله صبي صبي هسه ارجع اخذهن
راحت وكملنا وكعدنا نتعشى وبابا كالعاده عايف روحه وملتهي بأحفاده ويخلي كدام هديل حتى حسن من حصته يوزع عليها وعلى جهالها كلما تجي يدلونها دلال ومن تروح حسن يتسوك الها سياره اشكال والوان ما عدا الفلوس امي تنطيها والملابس تشتريلها.
خلصنه هديل اخذت جهالها وصعدت والمواعين وكعت براسي كمت غسلتهن ونظفت البيت علمود من نرجع كبل انام ولو حمزه وروان يخلون بيت نظيف.
صعدت لكيتها مخبوصه وجهالها متعاركين وهي تنبش بالكنتور عرفتها ادور شيء تلبسه
هديل ما عندج شي مستور البس من مالاتي
أسيل لبست وكعدت ترتب روحها وحجابها واني ادور على القميص والحذاء وين شمروهن يعني وتالي راح اشمركم من السطح شو اكعدوا هديل جهالج يمعوده.
هديل فدواتج غيرلهم ملابس بين ما اخلص ملابسهم يمج على? الجربايه
أسيل تخصرت وجاوبتها عيني واني شوكت
ملابسج وحاضرات شعندج قابل وبنية بيت هسه تجهزين يله يله تأخرنا
هلاو هلاو، اووووف مو وضعيه هاي نفضت ملابس ولكيتهن طلعتهم والله يدك باب الا اعلگه بالبنگه وبدلت وهي لبستهم ونزلوا خلصت كعدت اخلي مكياج شنو هاي عزا كرهت الجهال والخلفه من ورا جهالنا.
كملت ونزلت لكيت امي شايله علب هدايا ما اعرف شبيها وبابا انطاها ورقه باوعتلها انطاج ورقه انطيني 25
جنان شو ولي وامشي يله تأخرنا
أسيل اني أعلمج جنانوا من نرجع اصبريلي اذا غسلتلج المواعين بعد من عيني، بطلعتنا دخلوا بيت حارث وأسماء لابسه كعب ادري وين جايه حظي الكواد
حارث شُنو طالعين
أسيل حسن ضل يحجي وياه وأسماء نبصت الا تروح عاد حارث عاط بيها.
حارث وين تروحين والجهال وين تعوفيهم لاتكوليلي تاخذيهم تردن تفضحنا ويه العالم
إسماء اي شگوو بيها خل أروح
حارث عمي طبي داخل يله هما ساعة زمان ويرجعون يمه لاتطولون نتتظركم
جنان اي يمه دخلوا أبوكم بالاستقبال كاعد
أسيل دخلوا واحنه توكلنا وصلنا بيتهم دك هورن وانفتح الباب مروان فتحلنا وكف السياره وتسلاموا هو وحسن عزا ولا عرفته هذا شلون صاير كرصت هديل شوفي حماج
هديل تسكتين لا اشمرج من السياره.
شاورتها علواه علمود اوكع بحضنه
علي? هذا انحرافج الا أخلي امي تكعدلج گلب متسجلبه
عمي سگتنا يله ننزل شمنتظرين خزرتني نزلت وراها جان يسلم على? أمي ويرحب بينا وأني من صلافتي ما كدرت اشيل عيني عنه مو بيدي هو يخلي الواحد يباوعله.
انكرصت قوي ومشينا لداخل وراهم طبعاً راح هو وحسن ما شفته بعد دخلنا يم الحجيه سلمنا عليها وعلى زينب وزوجة فاضل وبدأ الكلام والمباركات هديل جانت كلش مستحيه بالكوه كاعده من شافت مروان تخربط وضعها يعني اذا مروان اهنا اكيد عصام هم حجت بهمس
هديل ما باوعتي بالكراج شفتي سيارته
أسيل شمدريني شايفتني قناص ناظور اضل أستكشف وأباوعلج اكعدي وسكتي وتبسسمي ترى يباعن ويحسسن.
كتلجن ما اجي لا الأ تجين من ورا عناد إمي ساعة السوده طاوعتجن واجيت
أسيل الحجيه تباوعلنا وتبتسم
الجده نعيمه يا هلا من زارنا يا هلأ شلونجن يالحلوات شلونج هديل ولج اسيل ما عرفتج كبرانه
زينب العمر يركض ركض هذاك اليوم جانوا يلعبون سوا
فريال زوجة فاضل يا هلأ بجيتكم جيتكم عزيزه وغاليه والله دائماً اسأل فاضل عليكم كل فتره جيبي البنات وتعالي هو من اكو بس اني وفاضل وعمتي وزينب.
جنان والله اشغال وملتهين وتعرفين عيال وكلمن وهمه واعذرينا ان شاء الله على المجال
أسيل امي تعذرت وأني باوعت يمين يسار اكو شي داخلي تجدد من ساعة شفته لابس تراكسود أسود شاك گلبه وطالع يموت شوي وسمعنا صوته من كال
مروان عمه زينب چاي چاي
أسيل شفته يمه گلبي تصركع رجعت درت وجهي خفت أحد يلاحظ عليه عيب شيكولون عليه ما شايفه حلوين وانوب ضابط.
يحجن بينهن وناس تعاتب ناس بسبب الكطع ورباب اجت وجابت بنتها تخبل يباعن وأمي انطت الفضل واني عقلي طفر من رأسي راح ل الأستقبال كاعد يشرب جاي وياهم صار نفر يباوعله.
قدموا الضيافه وسمعنا هورن سياره والصوت شال البيت شيل ومروان طلع من الأستقبال سريع ويصيحح
مروان جايك يمعووووود جايك
الحجيه نعيمه هذا أكيد عصام أدري بي متخبل وكاعد.
أسيل هديل شركت بالعصير وكع على? ملابسها بس أنذكر اسمه كلها باوعت الها خرب بيومج تجيبين الشبهه لنفسج كوه شجاج طلعت كلنكس امسح
زينب يله ما صار شيء.
أسيل انخبصت خطيه حسيتها فشلت وتلفونها وكع وأتصل يمكن سيف رادت تجاوبه وسمعنا الصوت
عصام الله يساعدكم.