رواية بين قلبها وعينيها كبرياء للكاتبة شمس العراقية الفصل الثالث والستون
ازهار گبل دك جرس الانذار عندي گلبي بعده معلك بهشام مستحيل أوافق على اي شخص جاوبتها بقهر اسيا منو الخطابه
أسيا عصام كال رافع وعمامي اجوي خطابه ل أزهار بعد ما أدري.
لا عليج الله أنوب?افع أني ويني وين الزواج أسيا أني حالفه ما أتزوج من بعده وأني شنو شفت من زواجي الأول عاد الثاني ومتزوج ومرته تعشقه أهجم حياة أنسانه عايشه على أمل ما يكسرها بمره ولاتنسين بنتي وين اوديها هم اشلع گلبها وياي گافي عليها أبوها مو على?أسها يعني دمار لنفسي ولبنتي.
كمت ابجي ما أريد ما أريد بعدها روحي متعلكه بهشام أموت روحي والله وما أتزوج والله بعده جرحي ينزف على هشام لا عبالج ناسيته صعبه عليه وأني وياه واحد يحب الثاني شلون اكدر أتزوج غيره شلون أسيا ما أريد أتزوج.
شتسوين ياعيني شطالع بيدي عليج أنشلع گلبج
هو هذا هم حظي بس ما تتخيلين شكثر مصدومه?افع وهذا شبي يتزوج على مرته مرام ذهب صافي.
لا والقهر خابرتني گالت كوليلها خل توافق هي ولا غيرها أني ازهار أحبها اموت عليها موافقه زواج رافع منها
ها شبيها مرام خبله من كل عقلها أوافق أتزوج رافع لا مو صاحيين هي ورجلها بيهم شيء وهو شيسوي يتزوج منو عنده مره تارسته البيت ولد.
علي أساس الولد تمنعه من الزواج هو مخلي ب?أسه لو عشر ولد ما تمنعه بس خطيه انقهرت عليها گالت كظه عمره يهدد أتزوج أتزوج شلع گلبي وهسه من گالي أزهار وافقت گلت هي ولا غيرها خل يتزوج ويفگني من لسانه.
مصدومه مصدومه
مو بصدمتي لا والقهر عصام يگول بعدها ما متطلگه هو حاجني عليها گايله محجوزه من هسه واليوصل بابكم انومه بالباب لا غريب ولا ذيب محد يأخذها غيري متشوفينه راح وياكم المحكمه.
طلع كلام هشام صحيح.
أي هسه دمشي امشي نحضر الضيافه مجد جابها هسه أخوانج يخبصوني وين رحتي واني اجيتج ركض اكولج وأنزلهم.
روحي أنتِ اني اضل يم بنتي
ازهار امشي وهي نايمه شگو عليها وعمي وعمتي راحوا على أسيل يراضونها بلكي الله والنبي وترجع
خطيه والله مروان تعلعل وراها كلما ينزل يضل صافن وعقله وباله مو يمنا.
الله يهديها ويثبت عقلها والله ماله داعي هالعناد والزعل بس شنسويلها بعد كلمن وقناعته وقرارته مالنه گوه عليها.
يله ننزل نشوف تاليها شلون تصفى نزلنا وحضرنه الضيافه وكعدت بالمطبخ نص ساعه واجت امي وابويه وياها ها يمه كعدت مقهوره شصار وياكم
وصال والله يمه حجينا حجينا الا بزعنه حلكي يبس وعمج يقنع بيها ويريد واني اقنع قافله بالموضوع الا يطلگني ما تريده معنده عناد و?اكبه?أسها واذا سمع مروان يتخبل
شلون لعد التالي.
أبوج گال خل تمر فتره ويصفى بالي وخل مروان يلتحق واخذ عمامه واروح عليهم بلكي يلين?أسها وترجع ويانا.
الله كريم.
أي منو الخطابه عصام يهلهل عليه راح اتناسب وياه
مبين فرحان بهل النسيب
أسيا عمه رافع
وصال من كل عقله اكسر بخت مرام هذا رجلج شبي لا اني ولا أبوه نقبل على هيج هجمان بيوت
اني أكس? گلب مرام المسكينه احنه نهدي وننمنعه يتزوج عليها لو نكوم نزوجه بنتنا.
ازهار يمه فدواتج ما أريد أتزوج أني بعدني والله بعدني گلبي شابه بي نار متعاجزين من خبزتي تزوجوني بهل السرعه و?افع ومتزوج لا دخيلج احجي وياهم وفهميهم ما اتزوج لا?افع ولا غيره.
وصال ما عليج اني احجي وياهم شُنوْ بكيفهم نايمه على گلبي ارجعي وظيفتج وربي بنتج وعيشي حياتج الا تتزوجين من كثر بناتي عاد.
ازهار أستبشرت خير بكلام امي وهي تمسح دموعي واجانا عصام حسيته فرحان لن?افع متقدملي اي طبعاً أبن عمه وحبيب روحه.
عصام ها يمه شگلتي.
وصال اسكت اسكت لا تحاجيني لو ما منطي الضوه الاخضر ما جيه من كيفه بكيفك تخطط
عصام أي طبعاً من اشوف ابويه العزيز اكو تخطيط أباله اخربه واخلي تحت الأمر الواقع?أفع ولا غيره.
لا هنا جاي تلعب بالنار أبوك ما ينكدرله خاف يسكت وما يحاجيك بس راح يعاندك بكلشي لان كلمته التمشي مو كلمتك يا بجري.
ازهار سكت مقهور وما حجه واخذ الضيافه
وصال شكلها مخططاتك تفشل يا أبني وابوك ما يبني سعادة أحد على تعاسه أحد.
أزهار راح وضلينا كاعدين وگلبي نار مشتعله بي وأرتفعت أصواتهم وأشتد النقاش ناس تعا?ض ناس ومنا بابا اجا مزعوج من اسيل ومنا?افع واتعصب وضغطه صعد وطلعوه تعبان وعمامي مشوا وعصام.
أحتار بإبويه اخذه للغرفه يرتاح واجه علينا
عصام بس أريد أعرف شلون يفكر سيادة الوالد يعني من كل عقله يحجي ينطيها لانكس خلق الله شاهين! ابو النسوان من ملهى لملهى واحد مسقط خرب بحظج ازهار أذا صارت.
وصال لعد شو جنت تكول سيرة مثل المسك
هسه طلعت خياساته وسوالفه المكسره ما تحجي هالحجي ل أبوك قبل لا يكسر رگبتها بهل الزواج.
عصام طبعاً أكولج هيج أبن اخوج أغثج علموده هسه عوفينا منا شوفيلي أبويه ترى مو حجي هذا بكيفه يتخذ قرارات ويزوج لعد احنه شُنوْ دورنا
مروان ها إشسويتوا
وصال والله يمه حرت وأحتاريت بيك لو بإختك بزواجها اجانا صفح وقرارات أبوك ما تدخل العقل
مروان هل الزواج ما يتم قحط زلم خلصوا ما ضل عليه بس شاهين وابويه هالمره أوكف بوجهه كافي عاد ساكتين اله.
وصال وهو وين جان قبل ما وافق على شاهين من جان أعزب هسه صار شاهين خوش زلمه من صار عسكري والله أبوكم واحد يدور مظاهر ومكانه وشصار عليها اختكم ضاله بركبتهم حايرين بعيشتها لو بعيشة بنتها بس يريد يزوجها ويكس? رگبتها أني بنتي وادري بيها بعدها روحها معلگه بهشام ما صارلها اشه? من تطلگت.
مروان اني ادري بسوالف ابويه يستحي من حجي العالم على بنت فلان مطلقه ومن هالحجي الخايس ويخرب البريستج مالته شلون بنت كمال مطلقه ثكيله عليه هذا أسم ومكانه.
علي اساس ما عدهم بنات مطلقات هو ما هجم بيوتنا غير حجي العالم وهيج خايف على سمعته وأسمه ومستعجل على زواجها ويريد يطمم سالفة طلاگها ما يوافق على?أفع شبي رجال والنعم منه وابن عمنا ونعرفه ومن نفس الطبقه وقريبه علينا ليش رفضه ووافق على شاهين ابو شارب.
عصام اني هذا الكاتلني قهر رفض?افع وقدملي شاهين لا والقهر يصير نسيبنا لو باقين هشام اشرفلنا.
مروان مليون مره أشرفلنا على اقل رجال سمعتة طيبة بين الناس ويخاف الله وما عنده سوالف مكسره بس صار حيوان من طلگها وصدمنا بي.
وصال أني رايحه أشوفه شلون صار ونكعد نحجي وياه كلنا لن هالزواج ما عاجبني ما موافقه عليه شجاه أبوكم شو قبل ما أنطه مره وناسبه هسه صار شاهين خوش رجال.
مروان اي يمه روحيله وشوفي لن والله انتحر اذا شاهين يصير نسيبي ويضل يتميضك كدامي واني تافل على شاربه.
أزهار أخواني معصبين وامي عافتهم وراحتله وضلينا ننتظر أمي وتأخرت عنده واني گلبي مثل النار شلون سالفه هاي وبنتي جابتها أسسيا خليتها بحضني وكعدت وخوالها يباعون إلها و دخل علينا عمار مزعوج خير يا ستار.
عمار تعالوا فهموني شُنوْ هذا السمعته صُدك?افع اجانا للبيت وحجالنا گلشي وجديتي تخبلت غسلته غسل ما موافقه ما تريد تكس? بخت مرام بس صدمنا من گال ألنا على شاهين يمعودين لا?أفع ولا شاهين شُنوْ متعاجزين من خبزتها لو عيشتها وعيشة بنتها عمي اني اتكفل بيها هي وبنتها بس سالفة الزواج شيلوها من بالكم.
مروان أني?افع موافق عليه وابصم بالعشره على أقل احسن من شاهين وأبن عمنا بس شاهين لو ينصب بالذهب ويتغسل بماي زمزم ما ينظف گلبي منه يا أخي بي شعره نكسه ما ارتاحه مو بيدي.
عصام عمار هي مو مسأله متعاجزين من خبزتها لو عيشتها شُنوْ قابل ما عدنا شو خيرنا أعلى من رؤوسنا بس السالفه وما بيها يم سيادة الوالد تعرف هواي يهتم بالسمعه والمكانه والاسم يعني افهموها.
عمار أهوو ما نخلص من هالحجي هذا يعني بدال ما يرجعها لوظيفتها وتعزز من نفسسها وتحاول تلمم روحها يجي ابويه يطعسها بزواج من شاهين والله جريمه بحقها وجديتي ما راضيه تخبلت والله
مروان خل يكعد ونتفاهم وياه انتفضوا ضد شاهين كلكم على موقف واحد نرفض شاهين نوافق على?افع
عمار بالنسبه اليه ولا واحد منهم لا?افع ولا شاهين ولا تزوج ترجع لوظيفتها وتربي بنتها.
مجد اني هم متضامن ويه عمار لا?افع ولا شاهين.
عصام عمي فاضل يتصل اكيد جديتي خلي تعلك وادري ب?افع خبص الامه العربيه لن رفضه هاا عمي
ازهار عصام يحجي ويه عمي انوب أستملته جديتي وخلص الأتصال واجه باوعلي وگال
عصام جديتي صايره نار ما انطتني مجال ما موافقه عليهم اثنينهم ومنا للمغرب اذا يضل على قراره تجي تأخذ أزهار يمها هي وبنتها.
عمار احسن حل
مروان عليمن أحسن حل ليش أبويه ينكدرله حتى جديتي ما تكدرله وشوفوا واني عايش وانتوا عايشين.
ازهار توني ردت أكوم اجه بابا باوعلنا كلنا وامي وراه هزت?اسها بقهر يعني القرار متنهي منه گبل نزلت دمعتي.
كمال على الخير مجتمعين كلكم صايرين أحزاب
عصام والله يابه أحزاب وما نرضى بالغلط
كمال يا غلط شو ما تعرف تحجي
مروان يابه أعذرنا بس هالزواج ما موافقين عليه وشاهين! خوما قحط لو خلصت الزلم هو شُنوْ ومَنوْ حتى انطي ازهار وأكب??أسه واناسبه.
كمال وشبي شاهين ما يعجبكم لازم مو مقامكم العالي ومستواكم الممروق وهيبتكم وشخصيتكم طبعاً شاهين ما يناسبكم لن ما تكدرونه اله لن زلمه تردون واحد مثل هشام على گد إيدكم تگفخون بي وما تحترمونه لأ انتم ولا أختكم وگلمتكم گلمه عليه وهو ساكت ومتحمل أنتوا هذا اللي تردونه والعالم عبيد عدكم.
عصام لا يابه شدخل هشام ب شاهين بس السالفه وما بيها هالزواج مو راهم هو وحيد أهله وگومة عيال وبالقريه واكو فرق شاسع بينهم يعني ما سوينا شيءطلعنا من طينه دخلنا بوحل بالعكس لو ضالين على هشام أشرفلنا على اقل دارس ومتعلم ورجال سمعتة طيبه وما عنده سوالف مكسره وقريبه علينا تروح القريه اهنا اهنا كطعيه وتكسر?كبتها بهل الزواج.
عمار والله يابه أنت رفضت?افع وأرفض شاهين هم وأزهار حياتها ما توقفت على طلاقها من هشام خل ترجع لوظيفتها وسيارتها وتكعد على بنتها وكان الله يحب المحسنين.
مجد أي يابه والله خطيه ازهار تزوجها ل شاهين لو رافع ومتزوج خليها يمنا.
كمال لو ضالين على هشام أشرفلكم مو
مروان أي طبعاً.
كمال والله لو مو هشام أنتوا ما يعجبكم العجب لعد ما جان أحترمتوا وما شفتو نفسكم عليه هسه صار هشام خوش زلمه وبعدين شبيها القريه صارت ما تعجبكم ولد الوزير حضرة جنابكم تردون من مقامكم جايبلي?افع وهو متزوج واكسر بخت مرته
ماكو لا وظيفه ولا سياره ولا?أفع ولا غيره وهذا الزواج يتم وافقتوا أو لا القرار اتخذته وانطيت موافقتي وخلص.
عصام ليش تنطي موافقه واحنه شُنوْ دورنا كأخوانها قبل زوجتها وما سمعت من عدنا حجينا وما أهتميت النا ومشيت بقرارك وافقت على زواجها من هشام بعد كل اللي صار من صور وكلام وكعده وزلم وحجيت وكلتلك هذا الزواج يفشل وتاليها ترجعلك مطلقه لن فرق المستويات يلعب دور بس محد سمع مني وكلمتي صارت ثكيله عليكم بس أنت قررت وصممت وثبتت ألا تنطيها لهشام وبلعناها وسگتنا وگلنا هاي هي.
كمال گلت اطلع من خطيتها وما اظلمها.
عصام يابه يا خطيه تحجي عنها هيج قرارت ما تحكمها عاطفة هذا قرار مصيري تتخذه من عقل ما جان تكدر تضربها راجدين وتسكتها تبجيلها يومين وتسكت شهر شهرين وتنسى وتكمل حياتها بس انت إشسويت شجعتها وكفت ضدنا وياها على الرغم كلشي صار كدامك وعندك علم بعلاقتها هي وهشام لن عزيزة كلبك وافقت على زواجها والله خاف بعدين تگول ابوي ظلمني وعلى أساس هسه ما راح تظلمها من زواجها من شاهين وراها طفله صغيره.
مروان يابه والله شاهين ما يصلح يكون رجلها واحد فاسد.
كمال لا يصلح يكون رجلها رجال سبع وشهم ويعجبني وأني مقتنع بي واذا على عيشتها بالقريه شكو بيها يم خوالها.
وصال هسه صارت العيشه بالقريه شگو بيها مو وتريد تكسر?گبتها وادزها للقريه بكومة بنات وعيشه زقنبوت اني ما جايزه من بنتي اشمرها بحلك جلب ولدك ما سمعت منهم بس تسمع مني لن اني أم وهاي بنتي وأنهضمت بزواجها من هشام ما اريد اظلمها ويه شاهين.
كمال وشبيها العيشه بالقريه تبزز ليش أنتِ وين جنتي عايشه بالمنصور! مو هذا مكانج وعيشتج وعيشة أهلج لو هسه تطورتي وصرتي حال واحوال ورفعتي خشمج على عيشة أهلج وصارت ما تعجبج ست وصال.
وصال لا مو ما تعجبني ولا رفعت خشمي عليهم ولا أستنكف من عيشتي وواقعي بالقريه واني بنت عرب بس الوضع هسه اختلف وهنا مرته هججنها وشالن خطيتها شلون أقبل أنطيها لشاهين واني اعرف بنتي مدلله اشمرها هالشمره ليش جايزه منها من كثر بناتي.
كمال ها هيج الحجي شو لعد بالأول طربكتي الا شاهين لو شاهين لو ازهار ما تتزوج عندتي وركبتي?اسج وعاديتي العيال كلها مو بس بنتج والله شلون ترفضون أبن اخويه ومو من مستواكم وأنت شايل خشمك على أهلي وما تعترف بيهم وحجيتي وأني ساكتلج وهسه گلبتي الحجي كله واكفه ويه ولدج عليه متفقين وصايرين أحزاب كل هذا لن وافقت على شاهين.
وصال ما اريد اعيد الغلط مرتين واظلم بنتي.
كمال لاتخافين هالمره صح والغلط انعاد مره ما ينعاد مره ثانيه وهالزواج يتم رضيتوا والما رضيتوا ما يهمني لا أنتِ ولا ولدج موكفتهم بوجهي ولا حتى امي ولا اخويه ولا أبن عم محد اله حكم عليه بنتي واني المسؤول عنها واني أعرف بمصلحتها وانتهى النقاش.
ازهار مشه وباوعلي نزلت?أسي وعصام صاح وراه
عصام گلشي سويته علمود المكانه والأسم
كمال أي عندك مانع.
ازهار مشه وعافنا وأخواني ضاجوا حيل وأني كمت أبجي وأشهك مروان اخذ غزل مني وتقربت امي عليه تبجي وياي يمه ما أريد أتزوج ما أريد حسسسو بيه بعده جرحي ينزف
تقرب عصام وأحتضني
عصام اني أخوج ان شاء الله ما يصير الا خاطرج طيب يا روح اخيج خلص لاتبجين أمشي وياي أسيا تعالي.
ازهار اخذني لغرفتي يسكت بيه واني احتركت بنار من جهنم غسلت وهو وأسيا ينتظروني دخلوني الغرفه وضلوا واكفيين يمي ويحجون بالموضوع واني روحي شابه بيها نار أتزوج من بعدك يا هشام تدمرتي يا أزهار.
أسيا كل هالأيام المرت اني حايره بأمي ومشاكل منذر ونسوانه الما تخلص يوميه متخربطه من وراه رحتلهم وشبعت قهر ورجعت
لكيت منذر راجع وكاتل نسوانه اثنينهن وامي متخبله لن رواء ما الها ذنب هو گتلها لن ما تسكتلها ورجع عليها وعلى هذيج هجامه البيوت الما يخافن الله تعرفين بي متزوج شکو لزكتي لدينه الا خليتي يتزوجج وينشلع گلبه وحياته بس مشاكل.
بس يستاهل مو ادمي فرط ب رواء ام اطفالة وعشرة عمر خلي يأكلها محمضه اليجي من ايده الله يزيده واني ضد الزوجه الثانيه والما ارضاه على نفسي ما ارضاه على بنات العالم حتى لومو خوش ادمي هذا مو اسلوب ولا حل هو لومو ادمي هي ما صارت هيج السبب من اخويه بنت العالم زين منها متحمله وساكته يعوفون عيوبهم ويطلعون العيوب بينا.
ومنا عيالي ومروان وأسيل وزعلهم وما توافق ترجع ومعنده ومصممه على قرارها الأ طلاك ولو ما اعرف شگو بينهم والغرف اسرار بس اكول الله يهديهم ويبثت عقلهم أثنينهم لن واضح الغلط بيهم الاثنين هي صغيره وهو ما جاي يفهمها ويفهم عقلها يتعامل وياها بحكم عقله وهذا خطأ ويتعبون يله يفهمون بعضهم ولازم واحد منهم يتنازل عن مبادئه.
علمود تكمل العلاقه وتنجح أما اذا يبقبون هيج في تفكك ونزاع دائم حتى لو يرجعون يضلون مشاحنات بينهم لن أساساً واحد ما فاهم الثاني.
وأخر شيء سالفة ازهار هاي كسرت گلبي شبعت قهر عليها بالاخص بعد قرار عمي وقناعته واصراره على الزواج من شاهين وهذا غثه منين طلع النا.
طلعنا اني وياه من يمها دخلنا غرفتنا عصام فدوه لطولك سوي اي شيء وأمنع هالزواج والله خطيه يعني عمي شجاه هيج تغيير على ازهار مو جانت روحه من الدنيا وعزيزة گلبه هيج بهل السهوله يتخلى عنها ويشمرها على شاهين وبالقريه اني ما مستنقصه من العيشه بالقريه بس كلمن واقعه وعيشته صعبه عليها وهي بنت دلال والله ادمرونها
عصام مو گدامج حجيت وما فاد شسويله بعد
هسه لو موافق على?افع بيها مجال.
أسيا انوب أنتَ طلعتلنا برافع.
عصام على أقل احسن من شاهين وهو رفض رافع لان مزوج وجديتي ما تقبل رافع ياخذ ازهار كايله أتبرء من كمال اذا انطاها وكسر بخت مرام يعني السالفة مليوصه على?افع وعلينا.
كل عقلك ازهار ومبادئها تنزل لمستوى تأخذ رجال من مرته لازم تبدولنها بالخدج ازهار حتى تأخذ رافع
اي مو اعرف أختي بس كلت أحاول أهون من شاهين إلى ابويه مسوي علينا نبي يوسف.
انت لا ادخل روحك بهيج شيء ويتزوج على مرته لو عاجبك تثني مثل أبن عمك!
لا اني نساء العالم كلهن بيج
اي لا شك عندك إعتراض.
لا أبداً ليش اكدر اعترض خاف تطرديني اني وجهالي وين ننطي وجوهننا
لا خطيه الدنيا بارده وين تروحون
اووووي عيني
اسكت فضحتنا شُنوْ هالمياعه عصام طاحت الهيبه.
يمج أحب اكون على طبيعتي
فديتك ياقلبي
قلبك هذا شحبه
هو هم يحبك حضني من خصري ويبوس برقبتي اجتك فرصتك ما تضيعها
أموت على الفرص بالاخص اللي تجي بوقت بدل ضائع هاي الها طعم خاص.
هسه عوفنا من الفرص بالليل شغلهن اروح الم الكلاصات والهوسه بالمطبخ أنت تعطلني على شغلي فرصك ما تخلص.
روحي واني هم أتصل على?افع اشوفه شسوه
دير بالك تمشي بزواج?افع خطيه مرام يعني اني ارضاها تاخذ عليه مره والله اشنقك شحالها هي
ينخاف منج.
اي حبيبي خاف مني ديربالك والله أشنقك واخنكك بالمخده وأنتَ نايم فه عوفلي?افع وزواجه هو لو ادمي جان رضى بالعنده واقتنع بيها شبيها شحلاتها جمال وطول ونداره وام بيت وخلفه شيريد بعد لو وكح ما تترس عينه.
هو بنفسه يتزوج يعني شسويله ترى اني ما موافق يتزوج على ام الحسن وصارلي سنين أقنع بي وامنعه يتزوج وحتى سألي ام الحسن.
خفت نفسه اي والله، اي حبيبي ادري بيك ما يحتاج اسألها زوجي وأعرفك گلبك طيب فدوة ألك زلمتي بعد هنيالي بيك.
فدوه لحلكج
مشيت وتمايلت بخصري كدامه بحركات أغراء ومليانه خباثه تشعوط ونظراته كلها فساد
مو أجيج ما أخليج تطلعين منا سلامات والله
ما تكدرلي
بهاي صدگتي اني اعلمج بالليل الزمج وين تطيرين مني الا اصعدج فلقه على هالعمل هذا حرگتي صفحة أجدادي النايمين بالگبور.
غمزتله وشمرتله بوسه وطفرت للمطبخ بلشت المم الهوسه وبس عمتي بلصاله كاعده هي وعمار ومجد ومروان ماكو عمه مروان وين لعد شُنوْ راح على أسيل
وصال لا راح للمعرض.
أسيا هاا ماشي رجعت اكمل شغلي واجه ها خابرته
عصام أي أبويه وين لعد شو ماكو.
ما اعرف والله بس مروان رايح المعرض صدك على طاري مروان أمشي شوف أسيل معنده ما ترجع بلكي العصر اني وياك وازهار نروح ونرجعها وخطيه يرجع مروان من المعرض يفرحها بوجودها قبل لا يلتحق لدوام والله متبهذل وحيل أنقهر عليه الرجال من دونه مرته يضيع والله
لا هاي عنادها عناد أختها!
صفنت عليه مال هسه اركعك بهالصينيه واخليك تفقد الذاكره وارتاح منك ومن أختها.
أشاقه ردت أستفزك ياحلو ووجهك يدخن ويعطب من نار الغيره أشتاقيت لغيرتج والاكشن
اي عبالي اذا على أكشن عادي فد عركه مرتبه واشغلك الاكشن مالتي
لا دخيلج هو احنه صايرين أكشن خلينا بالاكشن مالت أبويه بعدين احنه ما صدكنا ركدت الموجه وتصافينا.
هم صُدك
ديله لعد تحضروا بالليل نروح لبيت حارث على أسيل بلكي ترجع ويانا.
ماشي
وازهار تروح ويانا
اي ليش لعد.
ما ادري صعدي شوفيها لاتبقينها لوحدها حاولي تهدينها وتخففين عنها واني هم ارجع احاول وياه
ماشي حبيبي راح ورجعت لميت صحون التقديم والكلاصات ورتبت المطبخ وكملت العشه وصعدت على ازهار ابلغها تروح ويانا على أسيل نرجعها ويانا.
أسيل من بعد خروجي من العمليه رجوعي للغرفه
وخسارتي لطفلي جنت أنتظره أني ومروان ومرضي وهواي أمور تعقدت وعمليتي بعدها تاذيني ومروان يجيني بس ما يفتح موضوع يضل بس يباوعلي واني هم تعبانه مالي خلك أتناقش وياه طاقتي صفر.
عمتي وصال يوميه تجيني ادرايني واسماء ما اقصرت بس اني أرتاح بس لعمتي هديل بس أول يوم راحت وامي تجي كفاله وجها تذب سمها على اسماء تروح وجودها يمي بس مشاكل ووجع?أس.
واجتي عمتي سبحتني بدون متبلل العمليه شكد ارتاحيت ومشطت شعري ودهنت ايديه إلى صارن عبالك ايدين عجوز من الكانونه ورطبت وجهي وخلتلي كحل وحمره وأهتمت بيه بأدق تفاصيلي
وصال نفسيتج تتحسن من تشوفين نفسج حلوه
وصال فدوه لگلبج عمه
وصال عيني عيونج أنتِ بنيتي الصغيره والله غلاتج من غلاة مروان أمنيتي يكون عندي بنيه بس ما صارت قسمتي تكون عندي بس ازهار بس هسه ايقنت انه رب العالمين رزقني بيج
الله يخليج ولا يحرمني منج.
يلا اني اروح غير وكت اجيج
الله وياج عمه
واذا اجه مروان يشوفج ليني لاتضلين حجاره ترى متبهذل وتعبان.
هزيت?اسي وسگتت وهي راحت الله وياها وضليت كاعده وريم تكتب واجباتها كدامي وتذكرت دراستي لازم ارجع اكملها واكمل حياتي منين ما توقفت وأدرس خارجي واخذ شهادة السادس وادخل كليه وما ادمر حياتي ومستقبلي بعد خسرت صحتي من ورى أمي واذيتها وگملها مروان بالضرب وقساوة الكلام والفعل ما رحمني أبداً ولا رحم ضعفي وقلة حيلتي لهنا وگافي مروان أنتهينا.
بعد صفنه طويله أتخذت قرار وقررت أرجع أدررس خارجي سادس واجتي أسماء وحجيتلها واقتنعت
أسماء اي شگو بيها ميخالف اشوف حارث شيگول واردلج خبر واذا يوافق الكتب اني اجيبلج وكملي
أسيل تسلميلي ما تقصرين أبتسمت وللعصر اجتني ها شيگول حجيتي وياه
أسماء حجيت ما ردلي جواب ضل ساكت بس أنتظري هو يوافق
أسيل ماشي عيني خليتها عليج وضلينا بمحاولات لما يقنع ويوافق ارجع أكمل دراستي.
اسماء يحضي گولي لمروان بحجاتين يفر راس حارث ويخلي يوافق
أها أخاف مروان هم ما يقبل
لا ليش هو يدور رضاج بس تكوليله يقبل
أها ماشي من ينزل يمرلي أكوله هو هسه بالدوام
اي كوليله متأكده ما يرفضلج طلب والله يموت عليج ويريد رضاج بس لو الله يهديج وترجعيله.
ما حجيت وعافتني وضليت كاعده وعايشه بدوامه ويه أفكاري وقرارتي واحس صرت قويه بالأخص من بعد ما خسرت صحتي حسيت الدنيا ما تسوى اضل عايشتها بقهر واضحي بنفسي لناس عذبوني وأستهانوا بيه وبمشاعري واستباحوا اذيتي بدون رحمه.
وضليت على هل الحال ومرت أشهر واني نفس وضعي ماكو جديد كل مره يجي يحاول وما ارجع وياه عمتي تمرلي بين فتره وفتره بس اني قافله بالموضوع.
جنت نايمه دك الباب وكلت اتفضل فتح الباب ودخل مروان كعد ويباوعلي ضليت صامده ونفس كل مره وموقفي واحد.
مروان شلونج
أسيل زينه
ما شتاقيتلي
لا
يا مرحله واصله وياي من الكرهه لدرجه هاي المره العاشره اجي وأنتِ ما ترجعين وياي وأرجع وأيديه فارغه بدون أيدج ليش هيج حقوده ليش كبل من جنت قاسي وياج وبلا گلب ما حجيتي ما أنتفضتي ليش من حبيتج غدرتي بيه
ما جاوبته.
جان هين عليج من عفتيني وخليتيني ضائع ليش سمحتيلي أضربج وأجرحج واهينج وما أنتفضتي وطلعتي قوتج وحجيتي ليش سكتي وخليتيني أتمادى? واستقوي عليج ليش ما واجهتيني بغضب مثل ما هسه ركنتيني بزاويه ظلمه ما ترحم
ردت تعرف اني شكد وصلت وليا مرحله وصلت من حبك بس أنت إشسويت بوكت إلى اجيتك مكسوره وحاسه بغلطي أنتَ استلمتني وما رحمتني ضرب ضرب حته الحجر جان يصرخ واني ما أصرخ.
وشوكت حبيتني عد ما اني كرهت نفسي وكرهت ضعفي وكرهت حبي وكرهت أهلي وكرهت الدنيا والي بيها وخسرت صحتي هو إلى بيها مرض مثل مرضي تكدر تعيش طبيعي لو تكدر تخلف مثل العالم حتى أم ما أكدر أصير بسببكم بسبب اذيتكم
لهذا خليني أعيش باقي حياتي مثل العالم بس أريد معروف أخير منك تگول لحارث يخليني اكمل دراستي خارجي.
ارجعي واني أخليج تدرسين والله
الدراسه بوجودك ما أريدها
هيج كارهتني.
اني بطبعي حقوده وما أنسى? اليجرحني لو بعد الف سنه لحد هسه ادك بگلبي سوايه حارث من بطلني وتهمني باطل وخلاني مسجونه بغرفه ظلمه وادررت على روحي من الخوف العشته بهذاك اليوم بس هسه ما أريد گلشي لأ أم ولا أهل ولا أنت بس شهاده اسند بيها روحي
اني اسندج والله أني أعوضج.
هيج سند أعوج بلحظه يتزلزل ماأريده بلحظه يطير مثل الرمال وأقل تصرف وخطأ مني يتبخر واني تصرفاتي ما موزونه وعقلي ما كامل مراهقه اليوم أفكر بشيء وباجر بشيء ثاني ماأكدر اكلك راح امشي مثل الساعه بس أحاول لوحدي وأضل أحاول
بالقران اوكف وياج بكلشي ولا بعمري راح أشك بيج لو أزعلج
اذا تحبني من صدك اتزوج واعيش حياتك ويخليني اكمل حياتي من دونك.
هينه عليج تعيشين بدوني ليش اني گلبي يوجعني من تكولين أعوفك وأنتِ تكولينها بكل سهوله.
رب الحط حبك بگلبي هو حط برود وكرهه
لج لسانج هذا أذا ما اكصه واخلص من اذيته
عادي وأسكت عنك ولا عليه بيك بس أنتَ تعوفني
أسيل رحمه لدينج ارجعي هذا حارث يكول خل ترجع وياك ما عنده أي مانع بالعكس هو ما موافق ولا مرتضي على الطلاق لن هذا مو حل.
أغسل إيدك مني والكعبه ما ارجع اخذت قراري نهائي ما أرجع وياك وتسوي فضل عليه لو تجبر گلب هناس وكسرتها وتتزوجها لن اني ما ناقصه ذنوب بحياتي كافي عليه الذنب إلى أرتكبته بحق نفسي وياك وما أريد خطيتها تلاحگني عفتك خليني اكمل حياتي وأنتَ هم گمل حياتك ويه الأنسانه التحبها وتحبك لاتضيعون سنين الحب العشتوها سوه
أسيل وتالي وياج
خلص مروان أنتهينا وأذا عندك كرامه بعد ما توصل للبيت.
ماشي على راحتج.
الله وياك طلع وسد الباب وراه ودخلت عليه أسماء وحجيتلها رفضي.
أسماء شلون تنطينه ألها بكل برود حتى لو قاسي بمعاملة وياج بس يبقى رجلج وسندج شلون تكولين اله روح گمل حياتك وياها أنتِ واعيه على نفسج شسويتي بنفسج وبرجلج قدمتي بطبق من ذهب.
أسيل أي.
لا مو واعيه ولا حاسبه حساب لأي كلام تحجينه وهو ساكت ومتحملج لن عارف ومتقين أنتِ ما واعيه على نفسج وتصرفاتج ونفسيتج تعبانه لهذا رايح جاي بدون ملل ويحبج لما يحبج جان مل منج ولن الرجال كرامته فوك گلشي لا أنتِ ولا أهله يقدمهم على گرامته يمكن يقدمج على نفسه بس على كرامته لا وكلمتج الأخيره اذا عندك كرامه لاتوصل البيت كلش مو حلوه بحقه وحق نفسج.
أسماء أني تعبت منه.
كلنا تجينا فترات نتعب حتى من نفسننا بس ما النا حق نهدم بيوتنا ونخرب گلشي بسبب هالتعب حتى لو عندج تراكمات وعانيتي بحياتج ومن معاملة أمج ألج وقساوه أخوانج وهواي أمور مريتي بيها مروان مو سبب بهل التراكمات ولا اله ذنب يعني أنتِ جاي تحملينه كل الذنب وكلشي صار بحياتج ذبيتي على مروان وحملتي السبب برأيج هذا أصناف بحقه.
هو هم سبب.
سبب بس مو أسباب تخليج تطلبين الطلاق وأنتِ مَنوْ الچ غير مروان أمج اللي تصرفاتها مو موزونه لو أبوج اللي قرارته بوقت متأخر ويمشي وره عمتي أبسط شيء شوفي أختج هديل وين جانت وين صارت أحترام محد يحترمها لهذا فكري زين
هزيت?أسي
مشكلتج بعد وأنتَ أعرف بيها وأني قدمت النصيحه وإتمنى تفكرين بعد بقرارج ولا عبالج ماله منج لو متعاجزه بالعكس والله بس علمودج وهسه.
اخليج ترتاحين أكوم أشوف حارث طلب مني قهوه عنده قضيه ودايخ بيها.
ماشي عيني، راحت وضليت كاعده وصفنت بكلامها وهم تذكرت قساوته وكلامه وگلشي سواه ما يجي ربع أذيت امي وقساوة أهلي هو هواي أذاني دمرني
ولليل تعشينا ورجعت لغرفتي أنتظر موافقة حارث علمود ارجع اكمل دراستي أحسن ما ضاله كاعده وسمعت صوت أمي تصيح أجتي وهسه تتعارك أنفتح الباب بقوه ودخلت عصبيه.
جنان شُنوْ هالغرفه خايسه ما تنظفنها لو بس أكل ونوم لظهاري وطلعات وصالونات هذا الفالحات بي أي ادري كله أدري بي واني اكول حارث ميت وفلوسه وين تروح بس هذا حظ الخايسات.
أسيل يمه شُنوْ هالحجي مو عيب وأنتِ جايه زياره تشوفيني لو تبقين تحجين هذا نظيف وهذا وسخ بيتها وأطفالها وهاي غرفتهم شيء اكيد هوسه وكتبهم منثره والعابهم مطشره لعد وين يرحون طفل اذا بيته ما ياخذ راحته لعد وين يولي مثلج أنتِ كظيتي العمر تركضين ورانا حرمتينا من اللعب وهو أبسط حقوقنا.
أشوفج طلعلج لسان وأدافعين للخايسه هسه أسماء صرتي تحبينها وما تقبلين أحد يحجيها عليها هسه الله يرحم هذيج الأيام جانت هي ورجلها طگه بيج وطگه بالجلب بس أنتِ عار وتموتين على التكفخ.
والله اذا جانت تكفخني ومو ادمي فه السبب منج أنتِ مو منها وطلعت أحسن منج ومن أختي وهسه أسماء صارت خايسه الله يرحم هذيج الايام جنتي تصلين على ذيالها بس تردين رضاها هسه صارت موخوش ادمي وبس تحجين عليها وانفتح الباب بقوه ودخلت أسماء الظاهر سمعتنا.
أسماء شردين من عندي عمه اليسمعج يگول ماخذه منج وعايشه على راتبج ترى راتبي وتعبي أتونس اطلع اعزم صديقاتي أهتم واعتني بنفسي اروح صالون محد اله دخل بيه بس رجلي دام هو موافق وراضي محد اله حكم عليه لا كلمه والثانيه ادري وادري وتسمعين حجي وهذا بيتي وأطفالي مخليتهم على راحتهم لعد تردين أضربهم وأقسي عليهم وأحرمهم من للعب ويصيرون كلهم عقد نفسيه وطفل اذا بطفولته ما يستمتع لعد شوگت.
جنان يمه يمه يمه منجن يمه عوذه حتى عوذه وحدتجن أكلتني وشربتني شحجيت أني أتفقتن عليه ولج وسفه على تعبي بيج وسفه تالي أنتِ هيج تحاجيني وكظيت العمر اركض وراج أنتِ وجهالج وانظفلج وامسح جهالج واطبخ وادزز هذا الجزه.
أسماء ما ناكره تعبج وأخليج على?اسي وأشيلج بعيوني بس تجين بكلمه طيبه مو تسمعيني كلام وبيتج وسخ وجهالج وسخين ترى مليت من هالحجي كافي على اقل لخاطر ابنج كلما تجين تسويلي مشكله وتمشين واني ما حاجيه وساكته بس هسه طگ گلبي كافي تعيريني اذا مسويه زين ابنج وجهال أبنج قابل غرب شنو هاي ماكو هيج قابليه طگ گلبي والله.
أسيل عافتنا ومشت وحارث كل هالكلام وهو ما أجه وملاحظه أسماء ما ادخله ولا تحجيله لن هواي تحبه وتشوفه يتعب بشغله، كعدت وصاحت
جنان رامي وجع ريمه تعالوا جيبولي كلاص ماي
أي شلونج رجلج مكصوف العمر هم يجيج
أسيل زينه ليش تحجين عليه ما ضارج هو
جنان ما أحبه وجه المجرم مكروهه اي سمعت عيالج يردون يجون عليج ما اجو
منين سمعتي
عمج كميله مخابر على ابوج علمودج ويردون يجون عليج هو وعمتج وصيله.
شو قلبتي أسماءهم وهلا بيهم خل يجون
خما ترجعين وياهم
لا ما أرجع
أي عبالي خل نخلص من سالفة حسن ونسرين ومروان يطلگج تجين يمنا شگو باقيه خدامه لنسواين مسويتج مربيه جهالها تنظفين وتطبخين وادرسين خوش لكتج على كد أيدها والا هي مو محبةً بيج بس مصلحه لن ماكو احد تبقي جهالها يمه اني وخرمشتني ما خلت وجه طيب يلفي جهالها
يمه گافي ما مليتي
شحجيت قابل أكوم اولي تأخرت يله تضل يمج العافيه عود اجيج.
الله وياج راحت وجيتها عليه بس لمشاكل تتعارك وتمشي كمت وراها لكيتها تحجي هي وحارث واني جنت بالمطبخ بس هما گبالي واكفين بالحوش شو عافته وأجتني ها يمه
أگولج عصام هم جاي عليج!
لا من زمان ما جايني أجه مره وحده ويه مروان ليش تسألين عليه
هيج سألت يعني هل الأيام ما جايكم
لا ما جاينه خير يمه شتردين منه.
هيج سألت عليه هجم بيت أختج وخلاها برگبتي لاتزوجها وستر عليها ولا هي ترضى تتزوج غيره لو عصام لو ما أتزوج منين اجيبلها واحد يشبه عصام أستنسخه الها.
صدك تحجين يمه صافه وياها على غلطها
دولي ليش مو هو هجم بيتها هو ومرته جنها زرافه
هاي هي سگتنا هما هجموا بيتها
اي لا أدافعين الهم يله اني أروح حارث وين صرت تعال وصلني للبيت.
طلع حارث وراحوا ورجعت لغرفه وصفنت على أمي صايره فدمره ما جانت هيج وأنوب سالفه هديل غيرتها فدمره لا والقهر واكفه وياها الله يهديج يا يمه ضليت كاعده وأسماء نومت الجهال واني هم نمت وأفكر باجر شراح يصير، وياي.
ومرت الأيام ونفس الروتين ماكو جديد ومروان ما بين بعد واني هم مرتاحه بهل البعد وأسماء خطيه جابتلي كتب وملازم وكعدت اقرأ بكل واهس وشغف وفرحانه بروحي وحارث فدوه لعينه أشترالي تلفون سويت واتساب وفيسبوك وأقرأ على التلفون
بس مروان بعده حسيته ما مقتنع بالدارسه ولا التطورات الصارت بحياتي نوعاً ما حسيت ماكو قبول
حارث بلغه بگلشي علمود لا بعدين يعرف ويحجي لن بعدني على ذمته لازم نبلغه.
وللعصر جنت كاعده أقرا وفاتحه تلفون على اليوتيوب وأباوع وكل تركيزي مشتغل وأنفتح الباب وحجيت وأني منزله?أسي رامي حبيبي شتريد لاتضل تنكز على?أسي اريد أقرا
مروان رامي صار حبيبج وحاضنه التلفون وكتاب ودفتر وقلم وناثره الشعر ومدلعه الثوب والصدر ظاهر فتيله بنص حرب شُنوْ هالتطورات إنفلاقيه
أسيل مروان
والله زين تذكرين أسمي
شينساه أسمك
لا واضح
شبيك ضايج عبالك ما راضي.
أي ما راضي وليش أني أخر الناس يله أدري ترى بعدج مرتي وعلى ذمتي سجلتي خارجي وتلفون اني ما عندي مانع تكملين دراستج بس جان لازم تكولين إلى وتحصلين موافقتي يله مو رجل گرسي.
بس أني بيت أخويه مو بيتك
بس مرتي وأني المسؤول عليج أسيل لاتخبليني بتصرفاتج تردين دراسه ادرسي ما امنعج بس امشي كملي دراستج عندي شگو باقيه بيت أخوج نضل رايحين جايين عليج كلما أنزل أنتِ ماكو ما گافي.
مروان لاتخرب واهسي خليني أكمل دراستي يعني تجي تحبطني
أحبطج ليش ما أبطحج وانعل ابو الدراسه والزعل
ترى ما رضيت ورجعه ما ارجع واذا مليت من روحه والجيه محد عاتب عليك وكايلك تعال انت من كيفك تجي
أويلي شلون شلعتي گلبي مو بنيه أنتقام
ما جاوبته نزلت?أسي وعدلت دلعه وهو مراقبني
أحم شُنوْ رقم تلفونج
شتسوي بي
نتعرف
ما يحتاج
معجب بيك
ما انطي رقمي
شال حالي
مروان شتريد
رقمج شريد يعني ليش عندج شيء غير الرقم؟
أستغفر الله.
شحجيت قابل شسويلج أنتِ عقلج منحرف ونيتج راحت بعيد والا أني نيتي سالمه ورجل صالح وياج
شعجب ما علقت على التلفون
رديلي الرقم
ولا فتشته مو تشك بيه
جيبي أفتشه جيبي
أخذه منه وسجل الرقم وگلب شوي بي وشمره عليه ها سجلته
أي منو سوالج حساب فيسبوك
أني ليش
علي رقمج
أي
ماشي يله أني اروح محتاجه شيء
لا بس ما تجيني وتطلگني
أحترمي نفسج وطلاك ما أطلك لاتحلمين.
عافني وراح ما أخذت منه لا حق ولا باطل كمت سديت الباب ورجعت كملت دراستي وشديت حيلي
واجتي الامتحانات وضليت أقرأ وهو مبتعد وباقي أيام واروح أمتحان نصف السنه وأشتغل وأنظف اسوي غده واني شايله كتابي بواهس وحب للحياة زين ليش من جنت بنيه ما تعاملت وياهم بهدوء ليش جنت دوم اتجاوز واغلط عليهم رغم هسه كلش حابتهم وحابه حياتهم ايقنت انه اني جنت إنسانه طايشه وما عندي أحترامات.
كملت دراسه وتغديت ونمت كعدتني اسماء.
أسماء عمج وعمتج اجو عليج كومي لبسي شالج
كمت لبست شالي ودخلت عليهم سلمت وعمي باسني من?أسي.
كمال يابه الحمدالله عالسلامه بنيتي شلونج شلون صرتي ان شاء الله احسن.
أسيل الحمدالله بوجودكم اني زينه الحمدلله
كمال عمي بحياتي ما تدخلت بينكم بمشكله ولا بعادتي اتدخل بين الزوج وزوجته شكد صارت مشاكل بين عصام واسيا ابد ما تتدخلت بينهم وانتو هاي أول مشكله تصير واكتشفت انه جان إلى دور بمساعده هالمشكله تتطور.
اني انسان واعترف انه غلطت بدخول هناس بس لكن ما كنت اعرف راح نوصل لهل المواصيل كانت نيتي اخلي حارث يلزم القضيه لكن فاجأني أبو هناس بإنه يدزلي بنته ويكول بنتي تتكفل بالقضيه راح تكولين وهو شلون عرف لما أنت تكوله
بگلبي أي عليه عمي على لساني وما حجيت ابتسملي ورديتها مجامله رجع گال.
اني بيوم إلى زعلت ازهار وقررت الانفصال اخذت اجازه ورحت بمكان خاص وعمتج تعرفني وتعرف شغلي ما أكدر احجي لأي احد فخابرني وسألني شبيك ليش ماخذ اجازه وكذا وطرحت الموضوع كدامه لا أكثر ولا أقل ولا أعتقد البنيه الها اي سبب يخليكم تضوجون من وجودها ولا سوت شي خلاكم تضوجون الخلل بيج أنتِ وياه ما تتخطون الماضي
اذا عليها متأكد مليار بالميه محت مروان من قاموس حياتها.
بس عمي أنت ما شفت مروان شلون يباوعلها بعده يحبها ولا ينساها
ماكو أنسان ينسى الحب الأول هاي عمتج تعرف نفسها مو الحب الاول بس متقبله الوضع لا ضارها بشيء ولا مقلل احترامها بشيء بس يبقى داخل الأنسان حر بي يحتفظ بالانسان اليريده بمكان مغلق لان الحب إطمئنان قبل ليكون مشاعر وأحساس.
والله يشهد عليه ما كان إلى اي قصد اسويلكم مشكله وهاي رأسج ابوسه بس ارجعي ومروان يمي وعندي اخلي مثل ميل الساعه وياج واذا غلط بحقج اني بيدي اجيبج لاخوج وانطيج ورقه الطلاق شكلتي بنيتي.
عمي كلامك على عيني وعلى راسي بس رجعه ما ارجع هذا قراري الأخير وهناس مو سبب هناس كانت سبب وخلتني أراجع حساباتي واقرر الانفصال
يعني أخر كلام
أي عمي أخر كلام ما ارجع
براحتج عمي عافني وطلع مزعوج عمتي باستني وكالت.
يولي بنيتي لخاطر جيتنا لخاطر عمج لخاطري اني شُنوْ ما إلى خاطر عندج هسه عوفي مروان موخوش ادمي ميخالف قابلين أحنه نريدج جنتنا ومعتزين بيج واجينا نرجعج واكس?ي الشر وتعوذي من أبليس وأمشي ويانا يا ماما يا حبيبتي
فدوه رحتلج عمه ما أكدر أتراجع عن قراري هذا هو خل ننفصل أحسن من أولى احسن من تاليها
شسويلج بعد أجبرج ما تنجبرين حجيت ما يفيد يله لا تنقهرين بس انتِ شويه زودتيها وهسه أهم شيء تصيرين زينه.
باستني ودعتني وراحوا الله وياهم ورجعت لغرفتي وحارث ما حجه ولا ناقشني حتى أسماء ما تدخلت وللعصر أسماء لبست وطلعت هي وحارث ومرت عليه.
أسماء أسيل عيني نروح تسوي تحليل عندي التهاب بالمثانه ما نتأخر
أسيل ماشي عيني راحوا والجهال ضلوا يمي لليل تأخروا يمكن مروا لسوك سويت عشه وعشيت الجهال وأندك الباب رامي فتحه ودخلن هديل وامي نشفت أيدي وطلعت عليهن
جنان اي شلونج.
أسيل الحمدلله.
جنان گالوا راح تتطلگين خوش صايره خدامه لحارث ومرته ليش مو اني امج وكلبي محترك عليج ليش هيج
بيت أخويه وأخويه ومرته ما مقصرين وياي لا خدامه ولا شيء واذا أشتغل وانظف من طيب نفسي واحلل خبزتي لعد خوما أضل كاعده شنو معوقه.
بيت أخوج انهجم بيتج كون هسه صار أخوج شُنوْ نسيتي هو بطلج من مدرستج وكفخج وحبسج بالغرفه نسيتي شسوالج لو مخليج مكمله دراستج جان هسه حال وأحوال.
والله أخويه بطلني اني جنت مو ادمي وتصرفاتي ما موزونه شنو الفرق هسه جاي ادرس وجاي يساعدني اخذ شهادتي واذا جان مو زين فه هاي اخليها بالجان والجان معنى كان وكان واخواتها افعال ماضي
اني عليه بالحاضر اريد اطلك
اي عفيه اطلكي واكسر خشومهم ناس شايفه حالهم وهم انكس خلق الله
عيب عليج يمه اذا بيت عمي كمال انكس خلق الله لعد احنه شُنوْ احسن خلق الله.
أنجبي لج شو تمسلتين متعرفين تحجين صايره مثل رجلج يرد الكلمه بعشره ايا ساقطه.
أنتِ أم وهاي كلمه تنكال لبنتها.
هديل على كيفجن تتعاركون شبيجن دگولي تفضلن لو المحروسه تخاف تطلع تهلي بينا
أسيل لا هي مو هنا
جنان وين موليه
أسيل اخذها يسويلها تحاليل
جنان بلكي الله بيها خبيث.
أسيل بيش طالبتها بعدين مو من صالحج تموت جهاله وين يروحون اجيبج يمي وافتحلج غرفتين الهم وادارينهم خافي الله كافي بطلي سوالفج عاد جاي احجي واندك الباب فتحته آسيا وعصام وازهار
اتفضلوا عيني أتفضلوا يا هلا بيكم عيني عصام تفضل
عصام هلا بيج يابه أبو رامي وين.
أسيل والله طلع هو وزوجته للمختبر
عصام أها لعد عندي شغله اخلصها واجي
أسيل تمام براحتك أبو كرم.
أسيل راح الله وياه واني كتلهن اتفضلن لو هديل استلمتني غلط وفشار يفشل
هديل الجلبه السلوكيه واني وامج بالجذب ما كلتي تفضلن أنتِ ادودين عاليهينج ويمسح بيج القنادر
امشي يمه امشي ميشرفني اكابل هيج اشكول خايسه
أسيل وجاوبتها أزهار
أزهار كلمن يشوف الناس بعين طبعه خايسه وعينج خايسه فتشوفينه خايسين العتب عالنظر
هديل ليا قندره تستاهلين من طلكج وكسر خشمج العالي والله حلالات عليه هل هشام زلمه ما لفه هيج شگول وسخه.
أزهار اووو هاي بعدها على الأصدار القديم متعرف أني بنت كمال تعوف وما تنعاف شبيج حبيبتي اليوم اطلك باجر أتزوج وبنتي بحضني منو يكدر يبعدها
والخطابه تارسين الشارع واحد يروح واحد يجي وعلى مزاجي والكل وياي ومو مثل بعض ناس يفترن على الزلم يدورن واحد يبرد دودتهن.
أسيل كملت كلامها واشو امي هجمت على ازهار ولزمتها شحط وخطيه اسيا كوخ جلبت بالبنيه وتالي شافت الوضع تأزم انطتنياها وعافت جهالها وجلبت بأمي تدفع بيها وهديل نامت فوك اسيا ما حسيت الا ازهار تضرب هديل دفره خلتها تعيط وتنكز فرفحت ولزمت امي كلش كفش من شعرها
أزهار ولجن انتن صدك مو مال أحترام
أسيل ونزعت الحذاء.
أزهار بالقرأن التصير مره ادكها بالحذاء واخلي طابع بوجها وأنتِ اسيا امشي كومي امشي وأنتِ اسيل احنه اجينا نرجعج تجين هلا بيج ما تجين من الصبح أزوج اخويه وابقي بيت أخوج.
أسيل لا ما ارجع فدوه لكلبج يعمرري لا تزعلين مني والله ما أكدر أفهميني أزهار.
أزهار لا يبوي ليش ازعل احنه وياج مو جنه وعيال احنه أهل وأنتِ وحده منا وبينا ودمنا ولحمنا شرفنا وعرضنا وحقج شتسوين حقج ضلي كملي دراسه وانعل أبو الزواج لابو خيره التخلي هيج شكول تغثج على أبو ما تزوجتي ما صارلج ولد يبو ومن هاي السوالف الطايح حضها كملي دراستج وخلي شهادتج وسلاحج لا تصيرين طايحه حظ مثلي وركضت وره الحب عبالي الحب كلشي والحمدلله الله عوضني بهل البنيه.
أسيل باستني وراحت واسيا هم ثنت عليه وباستني
أسيا كملي دراستج وأستقلي خلي شهادتج بجيبج ولاتزعلين طز يمعوده منو يفيدج تقهرين روحج يتلفكج مرض على مالمن منو يستاهل صحتج ونفسج أهم شيء بالدنيا يله حبيبتي ديري بالج على نفسج واني اخذ رقمج من مروان وأتواصل وياج أي شيء تحتاجينه تعالي عليه.
أسيل فدوه لگلبج تسلمين وخابرت عصام يجي عليهن وكفن بالحوش وامي وهديل مشن وهديل غمت أسيا.
هديل أمداج أنتِ ورجلج ولج فضالتي هذا اني عفته الج.
أسيا ولجن هدني عليها أشرب من دمها
ازهار خليها أخلاقها وسخه ما ننزل لمستواها
أسيل طلعن وشوي وصل عصام وراحوا واجه حارث وحجيتله وتخبل وضل يحجي
حارث فضحني ما خللي وجه بين العالم وتالي شلون وياهن أمي وهديل شلون
أسماء والله بس ضب هديل أمك تسگت
حارث هو هم هيج يصير خير.
أسيل عفتهم يحجون ودخلت غرفتي لكيت مروان مراسلني
مروان ليش ما مشاركه بالعركه.
أسيل مو مال عركه اني
ليش شبيج حبيبتي
ويني وين العركه ضربه منهن توكف گليتي لو تنفجر الأكياس على الكبد هو حالي تركد
ما بيج شيء التزمي بالعلاج واخذج دكتور نشوفه شيقرر على عمليتج
خل أخلص امتحانات والله كريم حارث گال يوديني
لا أني اوديج
لا حارث
ماشي عيني حارث حارث
أريد انام باي
باي.
طفيت تلفون ونمت ومرت الأيام وأمتحنت نصف السنه والحمدلله جاوبت لن شديت همتي وطول هالايام مروان ما راسلني يدري بيه واهسي أكمل ما ضغط عليه
ومن بعد ما كملت أمتحانات اجه ونفس محاولاته كل مره ينزل بيها لكن عبث كلبي قفل عليه.
كاعده اني وأسماء بالمطبخ تعجن كليجه واساعدها وسمعنا صوت ودخلوا زلم عمامي وعمي كمال وحسن وياهم كلها جايه دخلوا واجه حارث
حارث أسيل خويه عيب ارجعي
أسيل متعاجز من لكمتي ارجع يم اهلي.
حارث لا هذا هو براحتج ما أجبرج
حسن وينج تعالي أمشي ادخلي على الزلم
حارث وين تتدخل عليهم شبيك أنتَ
حسن لا تتدخل وتكول الهم ما ارجع وياكم علمود بيت كمال يعرفون قيمتهم زين يله تحركي كدامي
حارث حسن عوفها يمعود لاتسويلنا سالفه وتخزينا كدام عمامي عيب فضاحه اني أحاجي عمي كمال وافهمه بس مال تدخل عليهم وبنصهم هاي واكفه
حسن لا الا تتدخل يله
أسيل سحبني من أيدي وحارث ورانا ما مرتضي.
دخلت وكل خليه بجسمي ترجف باوعتلهم وكتلهم ماأرجع مروان اذا عنده كرامه لا يوصل البيت ويحاول ويايه ما أرجع حجيت وطلعت وحارث أنزعج حيل وحسن كام يحجي.
حسن عفيه أخت أخوج ذيبه أي يا جماعة الخير هسه سمعتوا من البنيه وكلامها واضح بنتنا ما تريد أبنكم واحنه ما نريد نسبكم عمي بايعينكم بكشر بصل وهل الصله تجمعني بيكم ما اريدها شُنوْ شفنا منكم بس العار قبل سالفة أبنكم عصام مسويلي روحه خوش زلمه وأبو ك?م وهو يحاجي المزوجات ناقص شرف وهسه اجانا العاقل مروان
لا اولها ولا تاليها يلحكها طفل ويتكاثر نسلكم عوذه
أسيل گاموا كلهم وطلعوا وحارث لحك عمي كمال.
ويحجي وياه ويفهمه طلع معصب ورجع حارث على حسن ويصيح عليه
حارث أنتَ إشسويت شلون هيج تحاجيهم مو عيب هذول عمامك هنتهم ولك خزيتوني وبيتي هنتوهم وتالي ما وراكم بس المشاكل والفضايح وجه ما خليتوا اليه بين العالم وأختك هديل لو شريفه ما تحاجي عصام وأنت الافندي متباهي بسوالفها بله هاي جاهله ما أعتب عليها أنتَ شبيك تخبلت.
حسن دكافي عاد فضنا صاير ممسحه بيد عصام ومروان عود نسابه وهم لابسينك وأسيل يطلگها مروان تجي بيت أهلها هسه اخليها مريضه عالجوها ويصير خير يله اني رايح.
أسيل طلع وحارث كعد لزم?أسه واجتي عليه أسماء اشرتلي اروح خفت منه يعصب عليه
ولليل هدأ الوضع وتعشينا بس حارث ما تعشى وكام وأتصل على عمي كمال وأسمعه يحجي وياه.
حارث عمي هاي هي خل مروان يطلگ بالحسنى توصلنا القرار نهائي أي أحسن ما نتخارب واني ما أريد خسارتكم واللي صار بيتي صعب عليه أي اي حاجيت عصام وفهمته و?افع ادري والله متفهميني بس اني ما اريد لا خسارتكم ولا خسارة بيت عمي داوود ما إلى بمشاكل أهلي وولد عمي يضلون ولد عمي ومروان يطلگ احسن ما تطول السالفه ويصير بيها حجي زايد ومغثه.
أسيل هواي حجه ويه عمي كمال وباوعلي وطلع كمت غسلت ورحت الغرفه صوجك مروان طولتها وصلتنا للمشاكل يعني هيج أحسن واني محروك دمي منه وصلتني رساله من أزهار
أزهار أرتاحيتي هسه بابا راح يزوج مروان وهناس.