رواية بين قلبها وعينيها كبرياء للكاتبة شمس العراقية الفصل التاسع والستون
ازهار حجه وسگت وگأنما ينتظر بابا يعارض لأن من خلال كلامه بين اله الأولويه بالكلام رجع بابا جاوبه
كمال وشُنوْ الشرط مالتك!
مروان أريد أتمزمز بي على كيفي اطلع قهر وضيم الله كله بي أرجعه لبطن أمه أشوفه المحد شافه هذا شرطي مو ما تخليني أكتله بحجه العيب وأبن خالك ولخاطر من خاطر والله لا تعب روحك وياي ولا أحد يناقشني اذا ما أجفص على?أسه وأتفل بشاربه كل شعره جواه شيطان لاحد يحاجيني بموضوعه.
عصام يابه كلام مروان صح وأني وياه لأن اذا ما جفصناه ما راح يحجي ويگلب الكعده علينا ويصير هو أبو الراهي وصاحب الحق ويفضحنا بالزايد وما أضمنه يگوم يفلت بسوالفه ويه أزهار لأن سافل گلشي أتوقع منه.
كمال يا أبني السالفه وما بيها شرف وعرض وثگيله وحق أختك وأذيتها ما أتنازل عنهن صح السبب مني لأن قدرته وأحترامه وجبرت بنتي توافق على الزواج منه بس مو معناها يتعالى على أكتافي ويصير نذل ويتحقر ويه بنتي يسب ويطعن بشرفها ويتجاوز علينا وعليها ويطعن بسمعتنا وعرضنا ويتهمها بالخيانه السالفه سالفة شرف وع?ض ولازم يكعد للحق ويتقاصص على كلمه گالها بحق بنتي وبحقنا.
أني بنتي مربيها وأعرف تربيتي شُنوْ وأنتوا هم تعرفون أختكم وحتى من عصام حجالي وضحلي ما جنت ما أحتاج أحد يوضحلي الصوره لأن صورة بنتي بيضه محد يلوثها بس دام هالنذل أتحاقر وأندك بينا لازم يتعاقب وبالقانون ويطلگها وأني من گتلگم تجيبونه اليه مو ترحون تسحلونه ونزيد الحجي علينا لا بابا القصد نتكاتف وناخذ حق أختكم من بين عيونه
وهسه خابرلي أبو?امي خل يجيني ونتفاهم.
مروان والله يابه هذا الحجي منتهين من عنده رجليه فوك?أسه يحضر الكعده وأكعده للحق وأخلي يحجي گلشي كدام الكاعدين كلهم.
وسالفة يطلگها غصباً عليه وعليه وعليكم كلكم لاتخلوني أعدلكم بالنظيف لأن هذه قرارتكم كلها ما?اضي بيها ومحد وگع بيها غيرها هي وتالي ما تالي تطلع بفضيحه وبنتها تخلبت بسبب أفعال وقذارة شاهين لا اني هذا الشيء ما أسگت عنه ولاحد يمنعني اذا ما ابرد گلبي واتفل على شواربه وأجفص على?اسه أني ما نازل من ظهرك.
عصام أني ما گاتلني قهر غير خالي سلمان يحجي بالشرف وهي بنت أخته شرفه عايده اله يحجي ويهزبز والباقين وضع متفرج عادي عدهم ويحجي الحجايه ما يثمنها ولا يوزنها بثكل وهذا العمدة زلمة الجبير حتى هو أكعدة للحق هو وأبنه الساقط وكلمن يشد على ايده ويطعن بشرفنا ويندك بينا أودي ورا الشمس
مروان وبدون ما تگولي اني خابرت ابو?امي وبلغته بگلشي وهو تكفل بيها وكال يمرلنا بس لازم نجيبه ونجفص على?أسه.
كمال خل يجي أبو?امي ونتناقش بنتي هناس حضري روحج
هناس تدلل عمي من عيوني.
مروان والله الأ أكس?ه وأخلي يروح المحكمه على الك?سي وشرط خالي سلمان اليدفعه عاجبني أشوفه مذلول أريد أذلهم واحد واحد لأن هيج ناس مو مال أحترام منك وبيك هيج طعنتوا بشرفنا لعد شخليتوا للغريب هذا سالفته الناقصه العدو ما يسويها كواويد ياهو نقدره ونحترمه نطي جوهره يستجلب علينا وتعالوا أخذوا أختكم والله من أنعل أهل أهلكم على هل القسمه الكشره العرفتنا وجمعتنا بشگولكم الزفره.
أزهار طول الكعده يحجون وأمي عيني عليها
وعصام هم حس بيها وكال
عصام لاتزعلين يمه ندري موقفج صعب والله يساعدج مهما يكون أهلج وأبن أخوج بس شفتي بعينج شسوا لأتلومينا.
ازهار ما حجت سوده عليه بس ساكته وتباوعلهم وحزينه أنقهرت عليها لأن أهلها وموقفها صعب كدام بابا وكدام أخواني وكدام عيالها تالي ما تالي طلعوني بفضيحه وصخموا وجهي بيها ويامن وياه طليقي صخام بعيني ساعة جاوبته وما حظرته من أولها اني هم الصوج مني بقيته على تواصل المفروض ما انطي من وقتي ثانيه بعد كل الاذيه اللي شفتها منه عافني اني وبنتي بحلك النكس وخلاني مكفخه للوگت.
خابروا حارث وأجه وكعدوا بالاستقبال ودزوا على هناس راحتلهم وحجوا بينهم وأتفقوا ومر وقت واجتي هناس ها بشري شصار
هناس كل الخير شوفي باجر الصبح نأخذج ونروح ل المستشفى نطلع تقرير طبي وبعدها للمحكمه نرفع ضده دعوه وندفعه الثمن غالي.
أسيا كفوا ينطح كفوا
أسيل عيني مو بس هي أخويه هم
هناس هو البركه بأبو?امي رجال معدل ويعرف حق الله بس راح أتصير أتفاقيات سريه خليتهم يتناقشون بينهم بخصوص شاهين.
أسيا تعالي سولفيلنا أتفاقيات شُنوْ!
أزهار لازم ما فهمتي منهم شيء لو مروان أگد عليج ما تحجين مو
هناس لا والله بس باجر گلشي يبين ولا تخافين حقج يرجعلج وكلنا بظهرج والا تنكس? رگبته هالخسيس أحم اخاف جفصت أعذريني خاله
وصال لا بنتي على شُنو تعتذرين اليجي من إيده الله يزيده وهو تمادى هواي خل يأخذ جزاته على أفعاله جان قدر وأحترم وكال بنت عمتي بس نذل.
ما تصيرله چاره وجان يتبجج يمي ومطلع روحه المظلوم وأمه الموخوش أدمي طلعت ماكو أدمي غيرها بس شيريد أكول الله يهدي.
ازهار جانت تبين روحها طبيعيه بس حاسه بيها وبكسرتها كسرة الأهل ما تنسي أدك بالگلب أجو طلعوا من الأستقبال وأسيل كالت
أسيل أخويه راح
مروان أي ليش
ما شفته شُنوْ ما سأل عليه
لا والله سأل وبعدين غير أنتِ تجين تسلمين عليه خوما هو يجيج
هم صدك لان كاعدين تحجون بموضو? ازهار ما أجيت
يله باجر يجي وشوفي.
أزهار بنتي شافتهم لو تخلبت صوتها شال البيت شلتها وصعدت لغرفتي خليتها بحضني شابكتني وتبجي شسويلج حبيبتي غزل ماما حبيبي سوده بوجه أمج وابوج ضليت شايلتها وأفتر الا أن تعبت ونامت وصعدلي بابا دنك باسها وصفن عليه
كمال بعدج زعلان من أبوج
أزهار لا بابا ما زعلانه بس بعده خاطري مكسور وگلبي ملجوم بالأخص بعد حالة بنتي ما أعرف شبيها.
يوم عن يوم تسؤء أكثر تخاف من الكل ما تأمن بس بيه بابا أحس خسرت بنتي تقربلي سحبني بحضنه ويسگت بيه ضليت أبجي وهو حاضني باسني من گصتي وگال
كمال أرجعلج حقج أخذيها من أبوج اليحبج
أزهار ربي يخليك النا
كمال يله بابا اني رايح على أبو حرب ديري بالج عليها وبلغت عصام يدورلها على دكتور أخصائي نعرض حالتها وأن شاءلله ماكو شيء لاتخافين بابا.
أزهار أن شاءالله بابا طلع ورجعت يمها حتى ما نزلت بعد أسيا جابتلي الأكل ضلت يمي تدرين حيل مشتاقه لكعداتنا وسوالفنا اي شخبارج مكاني فارغ مليان
أسيا وأني هم كلش مشتاقه شقصدج؟
والله ما أدري القصد واضح
لا حبيبي مكانج محد يأخذه باقيه متربعه على عرش قلبي
فديت قلبك زين الجنايين ما مأخذات مكاني
للامانه كلش حبابات أسيل أو هناس وأنقهر عليهن أثنيهن حتى عصام هم مقهور يگول أنظلمهن بقرار أبويه وزواج مروان من هناس.
ليش
شوفي كلنا نعرف مروان جان يحب هناس ويعشقها وحب أربع سنوات ولا يوم ولا يومين لهنا تمام
أي گملي
بس أحس ما يحبها
فدوه ل أحساسج مو شرط يبين الكم هو يحبها مروان حبه ل هناس عميق هو من جان أعزب ما يسولف عن علاقتهم كلش حريص عاد من تزوجوا
لا أزهار غلطانه مروان ما يحب بس أسيل
شلون عرفتي
ما يحتاج أگولج شلون لاحظي نظراته إلها وتعرفين
يحب أسيل لأن محتويته ومنطيته الحب ومشبعته.
ومعوضته الحنان الفاقده وتكون نسته حب هناس هيج قصدج
اي اذن من حقه يحبها الها
وهناس شُنوْ ذنبها
تدرين الصراحه بدون زعل اني مو أدافع ل أسيل بس هي شافته تنازل عنها من الأول ليش رجعتله وهو متزوج هو صحيح أسيل تصرفاتها ما تعجب وما موزونه بس تبقى زوجته
أكولج ترى أسيل هي تنازلت عن مروان ألها مو جانت تگوله روح تزوج هناس اطلع من خطيتكم
وهناس وافقت لأن تحبه ترى حقها لا يوم ولا يومين عمر هي وياه.
والله الواحد يحير عليمن ينقهر وها
هناس قويه عكس أسيل شخصيتها هشه بعدها تحتاج حب وأحتواء وحنان شيء اكيد تنقهرين على اسيل
أي صحيح بس أكو شيء ثاني
شُنوْ
هناس ما تغار عليه ومستحيل ماكو زوجه ما تغار على زوجها وانوب متزوج كلش طبيعيه وأحسها تشفق على أسيل ما أعرف أكو شيء يلعب بعقلي.
مو شرط تظهرلج غيرتها أنسانه تتحكم بمشاعرها وعاطفتها يجوز نزل من عينها وما ضلتله هذيج القيمه القديمه لان كسرها وخذلها صار الأمر طبيعي عدها، وشنو هذا الشيء اليلعب بعقلج
معقوله مروان حاجي ل هناس عن أهل أسيل
شبيهم أهلها ليش مو شافتهم هناس اكيد وضحت الها الصوره عن أمها وأختها وأخوها طلعي منهم بس حارث.
يا أنتِ ما تعرفين
ما أعرف شُنوْ
بس ما تگولين لأحد
أحجي كعدت تحجيلي وأني مصدومه صدك تحجين يعني مو بنتهم.
لا بس من الأم
لا عليج الله
أي والله فد مقهوره عليها خطيه مكسوره خاطر متشوفين هديل وأمها شكد حقيرات وياها شبعنها كتل وهي أبداً ما رفعت ايدها عليهن
قهرتيني
اي والله تقهر
لا لا ما أظن مروان يحجيلها ليش أسيل محتاجه عطف من هناس علمود مروان يكعد يحجيلها لا ما يسويها مو بالحيف مروان سراني
ما أعرف شگيت
مجرد شگ.
يله اني أنزل تأخرت على عائلتي عفت هناس هي وعصام يحجون بقضيتج وابو الحوارث مشكل على الخط طلعت صديقته بالمحكمه
أي گالتلي
يله حب اني ادعبل تحتاجين شيء أتصلي أجيك طياره
لأ گلبي سلامتج نزلت وضليت سهرانه والعب وياها الى ان تعبت ونامت ومن الصبح سحبت نفسي تجهزت وطلعت هناس تحجي أتصال وطلع مروان من غرفة أسيل
أسيل حبيبي لا تروح أسويلك ريوك يله
مروان ما رايح صباح الخير أزهار شلونج عيني.
أزهار صباح النور الحمدلله عيني هناس گملت
هناس أي نزلي جايه وراج مروان تروح ويانا مو
أسيل وين!
مروان أي نزلوا أبدل ملابسي واجيكم
هناس لا تتأخر
مروان هسه اجي.
أزهار دخلوا الغرفتهم وصوتها ينسمع حتى هناس أنتبهت وهزت?اسها
أسيل وين تروح وياها شعندك والله ما تروح
مروان وين مولي لخاطر الله
مروان ما تروح
لا أروح مو بكيفج هي ما اروح أسيل لاتكفريني من صباحيات
هناس أمشي أمشي تأخرنا.
أزهار نزلنا لكينا أمي مجهزه الريوك والكل كاعدين صبحت عليهم وكعدت أتريك وأمي صبتلي الجاي وبابا سوالي لفه مثل قبل ويخلي عليها عسل انطاها اليه وأسيا وعصام أبتسموا أخذتها وأبتسملي ولمعة حزن بعيونه وهو مركز على شگلي والكدمات وعيني طافيه والأثار الضرب والتعنيف واضحه.
كمال غزل نايمه
أزهار اي والله نايمه لان تأخرت يله نامت
هناس يله أزهار تأخرنا
عصام ومروان مو يروح وياكم
هناس يمكن ما يروح.
مروان لا أروح صباح الخير يمه صبيلي الجاي
أزهار كعد أكل لفه وشرب الجاي ومشه كدامنه وتوجهنا المستشفى وأخذت التقرير طبي عن كل أثار الضرب والتعنيف وبعدها المحكمه اجانا حارث وحجوا هو وهناس وكملنا شغلنا بالمحكمه بفضل هناس وحارث
حارث يابه الباقي عليه ما عليكم بعد أخذ أختك ومرتك وأتوكلوا البيت اني يخلص الدوام وأجيكم
مروان مشكور حبيبي ما تقصر عود مثل ما متفقين
حارث أكيد على الأتفاق ورفعنا عليه دعوة محاولة قتل.
مروان لا هاي الدعوه خلوها عليه اني أقتله بيدي
هناس هو فعلاً محاول يقتلها الأثار واضحه على رقبتها ناهيك عن باقي الصور ما تنشاف هذا المفروض يصعد أعدام علمود يصير عبره لأمثاله القذرين يضربون ضرب الحيوانات ويعنفون النساء بكل وحشيه وهمجيه مثل شگولهم المتوحشه
مروان يله أبو الحوارث نترخص منك مشگور حبيبي
أزهار ترخصنا ومشينا وهناس أنزعجت من مروان.
وبالطريق أسيل أتصلت عليه ما أعرف على شنو وصته وطبك السياره ونزل وهناس صافنه شبيج
هناس ما بيه أفكر بيج وقصتج تقهر مثل قصتي تماماق.
أزهار شلون مثل قصتي
أثنينا واجهنا الخذلان الفرق الوحيد أنتِ غادرتي
وأني بقيت
ليش أحسج مهمومه وكاتمه بداخلج
الحمدلله سدي الموضوع ولاتكوليله عني حجيت وياج عوفي.
ليش ما أگوله هناس لاتشغلين بالي صاير شيء بينكم متزاعلين متعاركين.
لا عادي سگتي سگتي أجه
هناس شبيج.
ما بيه شيء عوفج مني خلي نخلص من شاهين ونكس??كبته الباقي مو مهم حالياً أنتِ شاغله كل تفكيري ما أرتاح اذا ما اخذ حقج منه.
بعدين نحجي تمام ما جاوبتني وأجه مروان خله الاكياس وكلها روائح شُنوْ هالعطر الطيب
مروان معطرات جو وملابس
أزهار شغل وطلعنا نوب طبگ سيارته وين راح هسه بنتي كعدت اجه جايب بيتزا وطلعنا البيت وصلنا گلبي نار على بنتي نزلت قبلهن دخلت
وأسيل عيونها حمر شگوو ماما شبيها أسيل.
وصال من راح مروان لحد هسه مطنگره
أزهار وين راح قابل جاي احجي ودخل هو شايل علاكيك خلاهن على الميز وهناس فتحت الثلاجه تشرب ماي
مروان جبتلج بيتزا مو زين عليج اللحم
أسيل هلكد مهتملي
شلون ما مهتم جبتها بالفطر مثل ما تحبينها
وصال ما تكبر عقلك وياها شبيك مزاعلها
مروان والله يمه ما مزاعلها هي لحالها طنگرت
شو تعالي أحاجيج باوعيني وين تولين لج اوكفي
أزهار مشت وتبجي أخذها بحضنه يبوس من?اسها ويراضيها وأمي تضحك عليهم.
وصال فلا يعقلون لا والله جنت بمروان صرت بمروانين نسخه من عنده نفس الأطباع نفس الطناگير.
أزهار أشرتلها على هناس كاعده تشرب ماي تباوعلهم شلون يراضيها وتضحكله عاد أمي صاحت
وصال مروان يمه
مروان ها يمه
هناس خاله الغده كامل لان تعبانه أذا يتأخر اخذ دوش وأنام
وصال بعد التمن ما كامل
هناس ماشي لعد لا تكعدوني.
أزهار صعدت وهو باوعلها وصار وقت الغده تغدينا وبابا سأل على هناس وأمي جاوبته وصعدت الغرفتي وطول هالفتره المرت عليه من أصبع فترات عمري
وحرمات من خلصت عمري ويه هيج واحد نذل طلع منها بأقل الخسائر ما راحت على نفسيتي ونفسية بنتي عيشنا ح?ب داخليه وصرا? ونزا? نفسي بالأخص بنتي هيج تمرد گلبي مرد على حالها.
وبيوم كالوا حارث وعمي فاضل يمنا نزلي لبست شالي ونزلت ولكيتهم مجموعين وحارث يحجي وياهم كعدت ومروان متوتر أكثر الكل وعصام هذا تفسير ثاني وحارث يحجي أتصال وفاتح سماعه وسلمت على عمي حضني وكعدني بصفه.
حارث يا هلا أبن عمي
شاهين ضل بيها أبن عمي ليش عمك وولده خلو بيها عم خال على سوالفهم الما تنحجي.
والله هسه عرفت والصراحه ما رضيت وحتى عمي كمال ما رضى وگام يحجي تعرف أحنا أهل وبينا وهيج مواضيع خاصه لازم تنحل بالتراضي ما تحتاج محاكم ومراكز شرطه مو صحيح بس نسوان غضب الله على نسوان عدهم هاي جنتهم هي ماخذتها ومسويتلها تقاير ورفعوا عليك دعوه وشلوا حالك.
أنت گلتها غضب الله عليهن يعني تراضاها بشرفك بشرفك تراضاها اني بالمركز اتشحطط رافعه عليه دعوه تكس? الظهر ويجوني مرتك مشتگيه عليك محاول قتل يعني اني منتسب وتطلع عليه هيج سالفه بالسلك العسكري والله العظيم مخازي أبن عمي.
فوك سوالفها الما تنحجي فوك هي صاحبة الحق ب?أسسي عمي خل أهلها يطممون عارها لاتضل بالمحاكم ترى فضحتنا وشنو مره اخليها تروح المحكمه فوك شينها گواة عينها شهل الصلافه أبويه.
والله حقك شما تحجي حقك فضاحه وعيب أحنه أهل توصل بينا للمحاكم والناس تضل تعلج بلحمنا ونريد نحلها بالتراضي.
أبن عمي عگب سالفتها دخلت المحاكم ما ضل بيها تراضي ودام هيج لو تموت ما أطلگها الا أخليها معلگه وعلى ذمتي طول العمر عمي هيج نسوان تحتاج تربيه وركع بالقندره.
أزهار يحجي واني أفور فور من القهر وبابا يصفك بإيده بقهر وندم وعمي فاضل يهدي بي وعصام گوه لازم نفسه ومروان خانك روحه فرفح بس لازمين نفسهم.
أبن عمي السالفه وما بيها أخذها من?أس الجبير أبو العائله ما عليك من السحج
مروان لك عليمن السحج
أزهار عصام سد حلگه وحارث رجع كمل كلامه
لهذا عمي كمال يريد يحجي وياك بخصوص الصار وتكعدون وتحجون وتتراضون وتأخذها وياك لأن ماله داعي طلاك تضل بنت عمتك وأنت ابن خالها سندها واليها وشايفينك بعين الجبيره وعمي لما رايدك ما قدرك وأحترمك وأنطاك بنته وأنت تعرفه شكثر يحبك ويعزك.
لا لا ما ضل بيها صلح عمامك وبنتهم أبداً مو أوادم رضى الله على عمي كمال بس عمي أخوانها ما يحترمون وأختهم أنكس منهم وحده صلفه عرمه الكاع ما تشيلها كل تربيه ما عدها احاجيها بكلمه تردها بعشره واني ادري عمي كمال ما يرضى بهذا العمل لان ولده وبنته مستفلتين وهو رجال قيادي يفكر ليكدام ويحسب الف حساب خوما مثلهم.
وأنت گلتها بلسانك تعال وأكعد وياه ونحلها بدون محاكم ومراكز شرطه
وأخوانها لا عمي وين أجي.
ما موجودين ملتحقين لدوامهم بس عمي كمال واني هسه أجيت عليه وطلب مني أتدخل واكون طرف صالح وتعال بحمايتي وحماية عمي محد يتقربلك
أني ما خايف منهم ما يخوفون جلبي فارغين بس هوسه رحمه الله والديك والله عمي أنتَ كفوا ما ترضى بالعوجه
شعبالك اني ويه الحق وأخذها من شاربي حقك يرجعلك ومحد يتقربلك وأنت ابن عمنا ونسيبنا
علي?اسي والنعم منك.
سالم رأسك هسه تجي لا لان اريد ارجع البيت تعرف هسه خلص دوامي واريد ارجع وعمي طلب مني أتدخل
دام أنت متدخل ما اردك تدلل راح اجي ونكعد ونحلها بينا بدون محاكم
يا هلا بيك ابن العم.
أزهار أنتهى الأتصال وحارث أخذ نفس وشرب كلاص ماي وضحك ومروان يطبطب على أكتافه بفخر.
حارث يا يابه شكثر يحجي هلكد يلغي أنفتك عليه شُنوْ هاي ماكو هيج قابليه ونفسيه تعبانه يتشكى مثل النسوان اخ الا اخلي يتندم على يوم الصار بي اويلي حاب اشوف نهايته هالخسيس
مروان هو حتى على النسوان ما ينعد دخل يجي الا البسه شيله واطلعه منا محمل اني مو مروان.
أزهار ضلينا كاعدين بالصاله نباوع الكاميرات وأندك الباب ومجد أخذ نفس وطلع فتح الباب ودخل وهو صافن ما حس الا مروان من ورا الباب جفته من وره نام عليه بوكسيات وجلاليق جفصه تجفص وطلعله عمار مبرم ويرفع بحواجبه
عمار جيت والله جابك مروان لك هلا بيهم هلا بالطلايب دتعال أشوفك المحد شافه
ازهار لزموا من وسحلوا وهو يغلط ويفشر فشار بتأريخ الامه العربيه ما نزل عليهم يسب ويلعن.
شاهين گواويد جلاب نكسيين والله ادفعكم الثمن غالي أنتوا واختكم الساقطه عوفوني فوك سوالفها انتوا زلم انتوا هاي سوالف نسوان ودگه ناقصه ما تنحسب عليكم وعلى شواربكم يا عارات لك والله عيب عليكم والله.
مروان أشوفك العيب شلونه الا أنزعلك الأكو والماكو أخليك تتمنى الموت وما تلاكي يا خسيس
عمار لك سافل طم روحك وسد حلگك لا أكس?لك فجوجك وأخليك تعتعت.
أزهار لزموا وسحلوا وهو صوته شال البيت يصيح ويغلط ويفشر ويدافع بس شنو جنا فريخ يم عمار يشحط بي ودخله للاستقبال ما تحملت كمت رحت اشوف شيصير وعمي فاضل وبابا وحارث كاعدين يحجون بكل هدوء واريحيه واني وهناس نباوع من الجام مال الاستقبال عصام كاعد كعده ملوك وشمروه يم رجليه
عصام حالف الا اخلي البسطال على راسك وأجفصك لك اني أختي واحد خنيثه وعار مثلك يحط راسها جوه بسطاله وتجفص عليها وتهينها.
أزهار جفص عليه ويفرك بوجهه وشاهين ما خله فشوره ما فشرها عليهم ويدفع ومروان كل شويه يرفعه ويتفل بشاربه ويضرب بوكس بحيث شوه معالم وجهه السافل وعمار تولاه من يم زروره يضرب بي.
عمار الا اخليك تشتهي المره وما تكدر تلزمها أبو الملاهي الساقط صاير على أختي رجال وتضربها وتهينها وأحنه أخوانها موجودين لك ما عشت ولا صرت والله الأ أكس?ك وأعلمك شلون تمد أيدك على مره وتسقوي عليها وعلى بنتها يا سافل يا منحط يا حشره حتى الأجنبي أشرف منك يا بلا شرف.
مجد شو بلا وخروا سوا اليه مجال اني رجال شاب بعده التدريب العسكريه بخشمي أخوتي خلوني اعيد الأمجاده هل الساقط.
أزهار وأستلمه مجد أكس مربع واحد يحله واحد يلزمه وشاهين تحسه فقد وعصام شمر عليه صلاحيه الماي على وجهه وفز مرعوب.
عصام اكعد العار عبالك خلصنا جلب دوني لك مسقط
مروان أني ما برد گلبي أريد بعد
ازهار واجه عمي فاضل ودخل عليه وهو منتهي على الأخير
فاضل سافل أحنه تخلي البسطال ع راس بنيتنا ازهار الجانت شوفتها حسره على خلقتك الزفره
ازهار حط شحاطته وفرك راسه فرك.
فاضل أعلمك شلون تتطاول على أسيادك يا نكس.
وشلون تفكر تمد أيدك على مره علمود تصيرلك عبره طول عمرك ما تضرب مره وتصير رجال عليها يا بلا رجوله أشحطوه وذبوه برى وباجر مثل الجلب تجيب اهاليتك عدنا كعده نكعدك للحق ونأخذ حقنا من بين عيونك.
أزهار تقدم بابا عليه
كمال شوف بالك زمانك تفكر تشتكي أوديك وره الشمس انت واهاليتك مو أنت التخلي راسك ب?أسي.
هذا قليل بحقك بس نكتفي لهنا وورانا حساب بعد ناخذه منك ما تخلص بهاي أنتَ وكلمن يفكر يندك بإعراض العالم ويطعن بشرف بناتهم يا خسيس.
أزهار يحجون واكف وساكت ويمسح بالدم من وجهه وتفل على مروان تفله كلها دم ترس وجه مروان دم
مروان لك إشسويت أشسويت والله الا أموتك
أزهار مروان لزمه دك بوكسيات شووه وجهه خلاه يفقد وتقربوا عمار وعصام رفعوا وشالوا شمروا باب الحوش واجو وعصام ينفض بنفسه وعمار يضحك.
شافني عصام وتقرب عليه
عصام شلوني أعجبج خوما قصرنا
أزهار يفدوه الله لا يحرمني منكم أحتضني وطبطب على أكتافي بحنيه وابتعدت وجهي مورم من الضرب يوجعني وكله صاير كدمات لونها بنفسجي.
تفركسين گلبي امشي لا اروح اخلي براسه طلقه وابتلي بي صار ايام مستمم تسمم من وراه
مشيت وياه ودخلنا الاستقبال مروان يمسح بالكلنكس لعبانه نفسسه
مروان من رخصتكم رايح أسبح بقاصر وتايت هذت الجلب نكسني السافل.
أزهار مروان طلع لزمني عمي فاضل ويحجي
فاضل ما عاش ولا كان الا يهينج ويذلج واحنا عمامج وكمال أبوج ولو غلط هواي وغلطته جبيره وما تنهضم ولا تنقبل ومحد?أضي عليها بس البشر يتعلم من أخطائه واحنه كتف على كتف ما نخلي هيج واحد نكس يفرق بينا ويخرب علاقتنا وخلصنا منه ومن قذارته وأنتِ تبقين بيت أبوج معززه مكرمه بين أهلج وناسج وشاهين وأمثاله بالمزابل.
أزهار نزلت دموعي وخدي يحرگني ونار بگلبي مشتعله گلشي بيه يوجعني الأذيه الشفته منه ما شافتها حره خلاني أتمنى الموت بسبب الانحطاط العاشه كدامي وكدام أنظار بنتي كلشي أنعاد بذاكرتي ودموعي تعبر عن حالي وكسرتي حجه بابا بصوت تعبان.
كمال ها بابا ها بنيتي برد گلبج طفت نارج أدري ما تطفى ولا تهود ولا تنسى وغلطة أبوج جبيره بحقج وبحق أخوانج وعمامج وأهلي وناسي لمن لفيت هيج واحد منحط علينا ومو من مستوانا وطلعج من بيته بفضيحه اللي صار أيام مسممنا حتى الماي النشربه سم علگم
وأني السبب والصوج مني وما راح أسامح نفسي على اللي سويته بيج طول عمري والأذيه أرتكبتها بحقج وحق بنتج.
بس عبالي أدمي وأبن خالج وهو تقدملج وگلت ما أريد أتعالى عليهم وما بيها شيء أبن خالها واليها ورايدها وأحسن ما تضل عايشه تحت مسمية كلمة مطلقه تنستر بيت رجلها وتعيش بين خوالها والفقر والعازه مو عيب كلنا مرينا بمشقات وتعب بهل الحياة واني ربيتكم بالتعب يله وصلتكم لهل المستوى وگلت تعيش فترة بين خوالها ما ردت يكولون من أولها تكبر علينا وعلى عيشتنا ويريد بنته تعيش يمه بالمدينه وبعدين أجيبها لمدينه أشتريلج بيت وكلت هم رجلها منتسب وهو قريبنا علينا.
قدرته وأحترمته هو وأهله وتغاضيت عن أخطائه وحلفلي يصونج ويكون كد الوعد والأمانه.
وكل هذا ما تعاليت عليهم وجبرتج وأنطيتج اله رغم الفوارق الطبقيه واسعه ومحد جان راضى والكل عارضوا وجديتج من الناس لحد الان ما تحاجيني بسبب غلطتي بحقج بس طلعوا مو مال أحترام والبشر بهل الوگت ما يقدر وعفت مستواي ومكانتي ومنصبي على صفحه ونزلت لمستواهم وقدرتهم وضحيت بيج علمود سمعه وكلام الناس الما يخلص والله بنت فلان مطلقه لو أدري هيج تاليتها فلا أخطي هيج خطوه بسبب تسرع قراراتي بحقكم.
أزهار گمل كلامه وأني أنهاريت ما كدرت أضل كاعده أترخص منكم أروح الغرفتي
كمال مرخوصه وغاليه بابا
أزهار صعدت لغرفتي بجيت بجيت فرغت روحي من گلشي هواي تأذيت هواي حسبي الله ونعم الوكيل بيك.
. ضليت معتگفه بغرفتي الثاني يوم كان يوم مهم وحاسم لأن السالفه جبيره وشاهين يهوبز عباله ما وراي أهل ويكدر يكس?ني السافل والحمدلله من أهلي وكفوا وياي وساندوني الله يرزق كل بنت مكسوره ومخذوله أهل يوكفون وياها ويساندونها بدال ما يلومونها ويصيرون ضدها بحجة العيب وكلام الناس وهواي أمور ثانيه ونضيع بسببها بوسط هل القرارات اللي نهايتها كانت فقط أذيه مستباحه
لكيتهن كاعدات وأمي تفرك بأيدها ها أجو لو بعد.
أسيا كلهم حضروا الأمه أنكلبت بعد بس شاهين وأهاليتها خابروهم بالطريق جايين وشلون ما أشوف راح يكس?ون رگبته ورگبة أهله وياه
أزهار شلون يعني
هناس العرف العشائري ما يسكت عن هيج سالفه تمس سمعة عائله ومجتمع وعشيره كامله لأن قذف وطعن بالشرف والعرض وطلعوج بتهمه باطله وتشهير بحقج وبحق أهلج يعني بالمختصر يفصلونه فصل عشائري ورد أعتبار.
أزهار ما حجيت كعدت وأمي تفتر وسمعنا أصوات اجو كلهم وكومة زلوم معلگه وشاهين يمشي بالأخير وخالي سلمان يدفع بي بقوه ومنزل?أسه بفشل.
أبو ح?ب يابه گبل كلشي أريد اشوف البنيه وأعرف شُنوْ أساس الموضوع من لسانها
عصام تأمر عمي
أزهار أجه عصام وبلغني لبست شالي وأجه عمي أبو حرب وكعد عالتخم وحجه
أبو حرب يابه بنيتي ابوج حجالي بعض من إلى صارلج لكن اريد اعرف اكثر حتى اكدر اخذ حكج
عمي قبل گلشي وأول شيء أريده يطلگني.
ما طلبتي الا حكج يبت كمال أحجيلي أبويه أنتِ بنيتنا واللي صارلج ما نگبله على نفسنا ولا على بنياتنا ومو من شيم الزلم تسگت عن هيج سالفه ونخلي واحد مثل شاهين يهينج ويهينا.
كعدت أحجيله واشكيله على كلشي صار وياي من ضرب وأهانه وسب وشتم وشلون فضحني وكل سوالفه ومكسراته وأنحطاطه كدامي وكدام انظار بنتي وكل الاذيه والحرب النفسيه العيشنه بيها.
ما يكون الا خاطرج طيب مو بت كمال الينحط البسطال على رأسها وتنجفص وتنهان أحط البسطال بحلكه وأعلمه وأربي مو المره تنهان وتنجفض وتنداس برجلين هاي السالفه ما مگبوله وأگلب الكعده على?اسه و?أس أهله الما عرفوا يربون خلفتهم السكط
گام مزعوج ودمه محترك وراحلهم للاستقبال وطلع مروان حضني بقوه جنت منهاره لدرجه العدم أبجي على صدره وهو يهدي بيه عبرتي تخنگي وگل جسمي يون عليه.
أخذلج حقج من بين عيونه وأرجعج مثل الأول وأحسن مو أخت مروان تنهان وتنذل أختي وحيدتي أعدملج شاهين كدامج وكدام بنتج ولا أشوف دمعه منج نازله وأحنا بظهرج ونبقى سانديج طول العمر والما شالج البيت تشيلج عيوننه وگلشي صا? خلي برگبتي وحقج علينا و?أسج أبوسه.
باسني من?اسي ومسح دموعي بسته وحضنته عسى ما أنحرم منكم ومن خوتكم وحنيتكم ياعزوتي وسندي والله بعد ما أفرط بيكم ولا أقدم اي مخلوق عليكم ريتني ما مشيت ورا گلبي وسمعت گلمتهم جان أني هسه بإحسن حال.
الحياة تجارب وكل العوائل والأهل تمر بظروف قاسيه بين أبناءها وبيهم يوصلون للفقد مو بس أحنه حياتنا لازم كلها نعيشها حلوه لازم نتأذى نتعب ونعاني ونتكاتف وننسد بعضنا بكل مشكله تمر علينا.
. والحمدلله الله ستر علينا وكدرنا نحلها ونأخذلج حقج مربع من بين عيونه هالسافل والمنحط وقذر لاتبجين ولا تنقهرين خليج قويه مثل ما أعرفج لاتخلين شاهين وأمثاله يعدمون كبريائج خليج قويه
بكل الظروف وما عاش وما جابته أمه اليذلج ويهينج وأحنه أخوانج وأهلج وعمامج كلنا وياج...
يا عوضي ربي ما يحرمني منكم وطالبتك بطلب الله عليك اتصل عليك وافتح خط وسوي كتم اريد اعرف كلشي يصير أريد نار گلبي تبرد وتهدأ.
بعيني خيتي تدللي.
ما يدلل عليك عدو يعيون أختك راح مروان للاستقبال وفتح خط وخلاني أسمع كلشي.
أول شي نبلش بي ونريده منكم أبنكم الشفيه يطلك بنتنا ونخلص منه
سلمان لا شلون يصير أبغض الحلال عند الله الطلاق ما نريد نوصلها لهل المواصيل وأبني غلطان وجايين نتعذر منكم عن كل اللي صا? ونرجع أهل وحبايب وأحنه خوالها وهي بنت أختنا وكل بيت ورجال ومرته تصير بي هالمشاكل وأنتَ سيد العارفين.
أبو ح?ب من تعرفون الله وتعرفون الحلال من الحرام وأنت خالها وهي بنت أختك ما شفت هالبنيه شصاير بيها ما كلت هذا حرام ليش هالأذيه بحقها الله ما تعرفونه لا تحجون بي الله بري منكم ومن أفعال أبنك السكط وسوالفه المكسره والمنحطه بحق بنتنا أم غزل مسكطها وجهه ما يبين من الضرب عينها طافيه.
بأي حق يضربها هالضرب وهو يعرف بيها بريئه ويتبلى عليها بكل وقاحه ويعذبها مثل الحيوان شنو شايف نفسك ولك ما وراها أهل ما وراها أب أخوان ما فكرت ما گلت هاي أهلها يسكتون الك لو عبالك يصفگون الكَ ويصدگونك ويظلمون بنتهم فتح عينك على وسعها أحنه تربيتنا معدله ومتعوب عليها مو أحنه التطلع منا العوجه ما عشت تلزك بذيال ثوب بنيتنا فضيحه.
هسه تحاجيني وعرفتوا الله وأبغض الحلال عند الله الطلاق، يله أمشي كدامي ترمي عليها يمين الطلاق اخذه عصام خلي يرمي اليمين على أختك ويجي
أزهار دقائق وانفتح الباب وتقدم هو مدنك وعصام لازمه من أكتافه
عصام سافل لا ترفع راسك انطق اليمين وخلصنا منك
أزهار مدنك ورمه اليمين ثلاث مرات
شاهين أزهار أنتِ طالق طالق طالق.
ازهار احلى كلمات مرت مسمعي تحررت من هالسجن يالله رجعت حره حضنت أسيا وبجيت وهي تبجي وياي وأسيل تبجي وهناس كاعده بصف امي تواسيها لأن هي هم تبجي مثلي اجتني وكعت يمي حضنتها يمه طلگني وخلصت منه يم خلصت
أسيا گومي خل نسمع شيصير بي يابه بردوا نار گلبي
ابو ح?ب ثاني شيء أبنك يحجي كلشي سواه من قذاره ولزكها بنتنا وتهمها وطعن بشرفها وطعن بينا وبسمعتنا.
سلمان أبو حرب ما يصير هيج صير طباب خير أحنه جايين نحلها بالتراضي وهما ما مقصرين بي مشوهين وجهه.
أبو حرب انت اسكت اسكت لاتحجي لو صدك مثل ما تكول خالها وبنت أختي ما تسون بيها هالعمل انطيناها ل هشام لا سب ولا شتم ولا أتجاوز على أي واحد بينا لهذا يومه يجي بإحترامه لنفسه لا شتمها ولا سبها رجال أبن أوادم محترم نفسه وفارض أحترامه وطلگها لأن ما راد يظلمها وياه وشاف روحه ظلمها بهل الزواج بسبب الفوراق البينهم لحد هسه
أخوانها يحترمونه لأن ما هان أختهم ولا سبها وهو غريب.
وأنتوا خوالها الله يجرم يكومها أخوانج الكواويد وابوج رخصج وباعج اليه لك اليقدرك ويحترمك يبيعك مره ليش المره تنباع.
يعني طلگناها من هشام كلنا ننطيها لشاهين ابن خالها وما بيها شيء أبن خال حامي عرضها من دمها ولحمها وشسوه شاهين النكس وليش احجي على شاهين ليش مو أنت أبوه شيطلع شاهين نبي اذا انت بنت أختك وتحجي وتهوبز بوسط أهاليتك وأنت رجال وهي مره صرتوا زلم عليها يا خالها أخو امها.
ويكولون الخال والي هذا الوالي شسويت والله لو انت خال بناتي الا اتبرى منك مو عيب عليك بدال ما تصير محضر خير حتى لو نفرض غلطانه خل شويه يغزر بعينك طلعك من حبل الإعدام أنتَ هسه مگابلني بفضل كمال
وأبنك الشفيه مو جان خلكه راعي سواه منتسب ومو أبن اختك يهجف من بلديه لبلديه مو عينه وجابه للمدينه وعيش عائلته مو بنات اخوك كلهم تعيين بجال كمال لو أنتوا ناس مكاره نكاره تعضون الايد التنمد ألكم.
انطيناكم بنتنا تتنقمون منها والله ابوج شايل خشمه علينا بشنو شايل خشمه عليكم وأختكم عنده ترى ناسبكم وأم عصام ذهب مصفى دره ثمينه نتباهى بيها هي جنتنا وبكل كعده نذكرها بالطيب سيرتها الطيبه بكل مكان كافي خلفتها وتربيتها مشهود ألها
أذا عبالكم شايفكم مو كد المقام أنتوا غلطانين بس عقولكم هيج تفسرلكم وولا بارك الله بيكم على هالسالفه فضحتونا وخزيتونا.
وأنت تعال هاي عمامها وعمامك وأهاليتك والكاعدين كلهم أريدك تحجي كلشي نكس سويته وياها والأ والله انز? عگالي وتصير موخوش لأن السمعته يوگف العقل.
كعد يحجي واشمئزيت من صوته وگمل كلامه وتعالت الأصوات وصياح وعرفت عمي سلمان ثار على ابنه لان ما عدهم علم بگلشي.
سلمان يا جماعة الخير السموحه منكم ومن بنتكم
وحقكم عليه وعلى?أسي من فوك شُنوْ تطلبون أني حاضر لان سالفة أبني تصخم الوجه والغلط مني.
وگفت وياه بس ساعة غضب وششوفني التلفون وكل واحد مكاني يصدك أعذروني والله فشلان منكم مالي وجه بينكم فشلتني الله يفشلك.
الله يهدي على طريق الصح ويعتدل ولو ما اظن امثاله تنعدل وتنهدي
الله يكس? رگبته
أي وما نطولها عليكم الدعوه موجوده بالمحكمه بجال أبو الحوارث وجنتنا الكريمه هم محاميه
المحاكم النت والمراكز مسقطنا وابوها الدوله وعندك الحساب تأريخنا يشهد النا.
ننهيك عن كلشي باجر يروح يطلك محكمه ويه أبو الحوارث وينطي المقدم والمؤخر وفوكاهن قندره على حلكه مو بت كمال التنجفص بالبسطال انت إلى ينحط البسطال بحلكك مثل الورده انطيناها الك كلمة ابن خالها وابو المثل ما خلى شي ما كاله الغريب ينكع الظفيره بالدم وما يتندم وابن العم يضرب الجف ويتندم لا والله تروح فدوه لشحاطة هشام لا ضرب ولا سب ولا شتم لو ما أنك نكس وقليل رجوله ذكر جان هشام اتفاعل وياك ونام وياك عالموبايل يا سافل وصلت بيك المواصيل تجرجر الزلمه ترى اجانا وحجالنا السالفه واحنه نعرفه برئ لأن تربيتله مشهود إلها أبو شهيد والربته أمه عمي ونعم التربيه رجال يخاف الله.
واخر شيء نريد تعويض على كل إلى حصل ل بنيتنا تعويض مادي يكون تغيير معنوي لنفسيتها.
أطلبوا هذا حقكم.
أحنه الحمدلله ما بعازة الفلوس الخير من الله وخيرنا أعلى? من راسنا
تأمرون
وأعتبروها حقاره شتعبرونها أعتبروها وهم تكون عبره اله ما يندك بأعراض بنات العالم ويطعن بشرفهن وبسعمة أهلهن عبره الك ول أمثالك.
طالبين فصل 20 مليون أريد أحفيكم حتى تعرفون الله حق وشلون تحجون على كمال وابنك النكس لو ما شايف وسامع من الكبار يحجون هو ما حجه من گيفه بس شنحجي هاي هي بعد و20 مليون مع المقدم والمؤخر وخلقته ما أريد ازهار تشوفه.
أزهار أنتهى الكلام وصا? ووقت السلام وخالي وخوالي أعتذروا وطلعوا وطلع عصام حضن أمي وراضاها وهي تبجي وگالها الها.
عصام طول عمري جنت أتمنى أسمعها منج صارلج عمر ساكته ليش ما گلتي أبويه نقذ خالي سلمان من حبل المشنقه وأهلج انطوج اله هديه مقابل خروج خالي من السجن وفگ ركبته من الأعدام ليش بقيتي ساكته لهل الدرجه متأذيه منهم يمه.
وصال لاتفتح جروح يمه لاتفتحها
عصام أضمج بروحي يا يمه ولأ اشوفج مقهوره ودمعتج على خدج دمعتج عزيزه وغاليه.
أزهار حضنها وبجينا واجه مروان هم حضنها وعمار ومجد واني ولمتنا بحضنها أمي أم ونعم الأم?.