رواية بين قلبها وعينيها كبرياء للكاتبة شمس العراقية الفصل الأول
أزهار كاعده أدقق المعاملات المدير طلبهن لابسه مناظري وكل تركيزي بالمعامله وما حسيت غير انشمرت معامله بقوه على المكتب مالتي رفعت عيني رجال طويل وسيم وشكله ما يبشر بالخير قبل لا احجي حجه بعصبيه
مشيلنا هالمعامله ترى طلعتوا ارواحنا أجدي منكم جداوه ما صارت هاي حلولو خبزتكم عاد
عفواً
لا عفواً ولا سهلاً الكدامج مو يشتغل عدگم يوميه روح وتعال مشيها وخل انكلع على? شغلي.
خليها واحنه نشوفها ونمشيها إلك وتكدر تتفضل برا
لا والله تطردديني حضرتج شنو الدائره مسجله بإسم إبوج وماادري انعل ابوج لابو اللي سواكم موظفين بهل الدوائر خشموكم متر وتشتغلون على? مزاجكم
كام يصيح ويغلط والموظفين كلهم ضلوا صافنين عليه ما انطه مجال خبص الدائره بصوته العالي شبيك انت تصيح شكووو هو، شو هسه اجييت وكبل كمت تصيح اخذتنا حاصل فاصل انطييي مجال.
يا هسسسه ترى صار شهر جد جدي انصمط يوميه عايف شغلي ورايح جاي وحضرتج شمدريج منو يطب ومن يطلع ملتهيه ولا تدرين
كافي تجاوزت حدودك وياي احترم نفسك تقرب باوع بنص عيني بكل جراءه نظراته مليانه شر
خليت الاحترام الج بس سهله يصير خير!
جر معامله من كدامي بعصبيه الا وكع الاقلام والمعاملات البقيه وطلع عصبي مسحت وجهي باوعت على? رشا صديقتي ومحمد هذا شبي مخبل قسم بالله.
رشا لا ولج خطيه صار كم مره يجي معاملته بيها اشكال وندزه? غير دائره ويرجعونه علينا اعذري المشكله هو ما يتفاهم
محمد حتى لو شطالع بيدنا عباله معاملته تمشي بالصياح واحد مريض وخبل
أزهار ما جاوبتهم بس دمي أحترك واني أتذكر نظراته والشر يتطاير من عيونه السود مو عيون بلوه!
ومر وقت وهو ما بين بعد وخلص الدوام وطلعت من الدائره وبطلعتي جان موجود ومخلي بيده بجيوبه عاگد الحواجب ويباوعلي بنص عين من فوك ليجوه نظراته مال واحد حاقد شسويله قابل بكيفي يريد معاملته تمشي من دون الكل وبسرعه عبالك اشتغل عنده
تجاهلته ومشيت شغلت سيارتي ورن تلفوني عمي فاضل جاوبته واني مبتسمه هلاو عمو شلونك
فاضل هلا بزهرتنا شوكت تجين العائله كلها منتظره حضرة جنابج تشرفين? الغده.
جايه عمو مسافة الطريق، قطعت الأتصال وقبل لا اشغل السياره عبر من يمي وكال بعصبيه
طبعاً اذا تصعدين سياره أخر موديل شمدريج بالفقير شياكل ششيرب حقج عمي من ترفعين خشمج علينا وما تمشين المعامله حكومه هي گوه
لا اله الا الله زفرت نفس بغضب شلون ويه هذا اليوم الاكشر راح اقدم استقالتي من وراه جايني اول مره وتعالي اليوم تمشيين المعامله لا فوك القهر ما انطاني مجال أشوفه شيريد شهل الورطه هاي ناقصه عطلات.
مشيت بسيارتي وهو واكف? الرصيف والشمس قويه كلش شغلت التبريد وصارت عيني بنص عيونه مليانات تعب مسح كصته عبرته وضليت مدققه نظري عليه بالجام شخص عادي وأنفعالي تجاهلته وكملت سياقتي.
تأففت احس روحي مخنوكه ما اعرف الجو حار لو هذا اللي ازعجني بصياحه وشال الدائره بهوسته وكلامه مثل السم محد يقدر تعب الموظف وجهوده
وصلت بيت جدو دكيت هورن وانفتح الباب اخوي الصغير مجد هااا حبيبي شلونك.
مجد هي مال شلونك فوتي يمعوده الجو حار مو مال سلام
اي والله تصمط، طبكت السياره بالكراج بصف سيارات اخواني عصام ومروان وعمو فاضل توجهت للبيت دخلت كلهم مجموعين هلاو شلونكم كلهم رحبوا بيه تقدمت بوست جديتي شلونج جده
زينه بشوفتج اكعدي ارتاحي بنيتي مبين عليج تعبانه ودمج حار
اي والله عطشانه اكوم أشرب ماي بارد متت حر كلبي ماع الله وكيلكم شنو هالحر الشمس اليوم نازله.
عصام وأنتِ شلج بالشغل تخرجتي واكعدي بالبيت وسكتي كافي عليج هوسه الدوائر
أزهار عاد بهوسة الدوائر صدكت بس شنسوي نتحمل شلونك عمو
فاضل بخير بخير دام انتوا مجموعين اني بالف خير
عصام والله عمي تكمل بوجودك طال عمرك
أزهار بعد روحي عمو كايمه اشوف وصال خانم وعمتي زينب شمسويات على? الغده لن كاتلني الجوع
فاضل روحي وكوليلهن خل يستعجلن لن أبوج ما يجي عنده شغل
أزهار تمام عمو عفتهم وكمت للمطبخ شلونكم عمه زينب شلونج.
زينب زمان هالگمر ما بان زينه الحمدلله بالجذب سألي ذكري عمتج لو هالوظيفه أخذتج من عدنا
وصال اي والله اخذتها ملتهيه وكلشي ما شايفين منها وهي مو بحاجة الشغل ما اعرف ابوها منين طلعها النا وظفها بواسطه رغم أخوانها ما موافقين بس ابوها بعد
أزهار عوفونه من الشغل شطابخات اليوم فتحت الجدوره الله دولمه اوفيش وفاصولياء وتمن وحشوه شعريه شنو هالدلال عمي يوميه انجمعوا بيت جدو واطبخوا هل الاكلات الطيبه.
زينب تعالي كُل يوم وتدللي عليه أسويلج اطيب الأكلات كم زهره عدنا هي هالوحده
أزهار يا بعد گلبي عمتي، فتحت الثلاجه وجريت بطل ماي وشربت وبردت گلبي وتذكرته واگف? الرصيف الجو حار غمضت عيوني أحاول أتلاشى صورته
جريت الكرسي وكعدت وامي تصب الغده وعمه زينب تساعدها جريت تفاحه وأكل بيها صدك زوجة عمي فاضل وين والبنات ما يجون
زينب رباب البارحه عمليتها جابت وراحت يمها ما يكدرن يجن مجموعات يم أختهن.
وصال جان جابتها اهنا أداريها خطيه وين تكدر لوحدها وابنها بعده صغير
زينب والله ما ادري سألت فاضل كال بكيفهن
وصال خل تفض سالفه أسيا وعصام ونروح الها نبارك الها
أزهار صدك ماما أسيا مو على? أساس اليوم ترجع للبيت جرت نفس وهي تهز برأسها بقهر
وصال إذا إخوج عصام شالع گلبها منين ترجع ما يبطل سوالفه مستصغر الكل بعينه ما اعرف شلون ربيته أني.
زينب والله أسيا فقيره وحبابه بس عصام ما ينجرع هسه شعليك بإهلها? كل سالفه تعلق صرت أب وتتنظر طفل بالطريق
وصال أولادي كلهم طالعيين على? أبوهم المستويات فوك گلشي خشمهم فوك السما هما أذا خوالهم ما يرحون عليهم لا بالعيد ولا بالمناسبات شتترجين منهم
إزهار تحجي ومقهوره رايحه أغسل رحت غسلت وعصام يحجي على? بعصبيه وعمو فاضل يگوله
فاضل هدي هدي أستهدي بالرحم?ن على? كيفك أبني.
عصام والله هذا العندي عاجبها ترجع أهلاً وسهلاً ما عاجبها طبها الف مرض وجهال باجر اجي اخذ أبني عندي وبنتكم عدكم ديله عاد
أزهار كعدت بصف جديتي وأخوي مروان ساكت شبي شصارله
مروان أخو أسيا خابره تعرفين سوالف عصام وأسسيا بسلامتها روحي خليهن بحلگ أخوانج وتعالي اللي يفضها
مجد هسه يجي بابا ويخربها وتعرفون شيحجي.
الجده نعيمه هو شكووو يحجي على? العالم مو عيب تنگال هالحجايه ناس على? كدهم ما ضاريين احد شگوو ناسبتهم ما دزوا عليك خط مصخم أنت رحت دگيت بابهم وقدروك وانطوك مره هالحجي شله داعي
أزهار ليش شنو حاجي
الحجيه نعيمه گايلها بنت الفگر.
أزهار لا أله الا الله بله هاي حجايه تنگال، سكتوا وهو يشيل روحه ويركعها بالكاع والتلفون ما يطفه لزم أخوانها اكس مربع ويغلط وفشار يفشل لسانه متبري منه.
عصام أهلها كواويد أني كواد رحت دگيت بابهم منو يناسبهم هما فگرهم كاتلهم صايرلي شريف ويداعي بگرامة أخته اجفص عليك أنتَ وأختك وأنعل شكو واحد يطلع وراكم مشكله بيني وبين زوجتي اخوانها شگو بنص
الجده نعيمه كافي أستجلبت لسانك توجه عليهم جان أستحيت على? شواربك زارعهن بوجهك عيب هاي مرتك وام جهالك لو وصال وكمال انطوك خبز ما انطوك تربيه
عصام جده خليني بقهرري يرحم جدي النايم بترابه.
أزهار سگتنا ومحد تغدا ضلينا ننتظر بابا يرجع من الدوام وهم علمود سالفه أخوي عصام وزوجته أسيا
أحنه عائلتنا تتكون من أب عسكري اسمه كمال وأم ربة بيت أسمها وصال وبنت وحيدة أهلها اللي هي أني أسمي أزهار وعندي أربع أخوان عصام ومروان ضباط وعمر ومجد بعدهم يدرسون عمار يدرس بالخارج ومجد بعد بالاعداديه.
وبيت جدي جديتي نعيمه وعمي فاضل متزوج عنده بس بنات ثلاث بنات كلهن متزوجات، وعمتي زينب ما متزوجه وجديتي بعد ما توفى جدي ضل هذا البيت الجبير عايشين بي عمو فاضل وزوجته وعمتي زينب وجديتي واحنه بيتنا لوحدنا بغير منطقه بس مرات ننجمع بيت جدي اهل أبويه.
اندك الباب كام مجد يفتحه ومروان أبرد من الثلج متجاهل الوضع وعينه بتلفونه شوي ودخل بابا عصبي ويصيح على? عصام وطلعت ماما والعمه زينب من المطبخ.
كمال ما نخلص من مشاكلك أنتَ ومرتك وأهلها يوميه هي، دامك هيج شكوو عاندتني ورحنه خطبناها الك
عصام يابه
كمال وجعة ابوي شوف ولك سالفة مرتك تنحل من جذرها ما اريد صوتننا يطلع ادعوا ربكم عدكم ولد
جان طلكتها وخلصت منها ومن اهلها ومشاكلكم
وصال أهلها شعليهم الناس هو عصام يعثر بالكاع ويرجع عليهم
كمال أنتِ أنجبي محد طالب رأيج وأنت سمعتني شنو حجيت لليل سالفتك تنحل وأبنك كرم يرجع البيت.
أزهار ماما نزلت رأسها مقهوره ومشت للمطبخ اجه كعد بصفي هدي بابا والله موزين عليك ما تستوجت هو ومرته يحلون مشاكلهم
كمال شلع كلبي من يوم تزوج صوجج يمه طاوعتيني كتلج خل اخذله وحده من أصدقائي ناس معروفين محترمين والهم اسمهم لا الا تلبين رغبة عصام أفندي أستلمي كل واحد عقله شكل البيت راح انترس جهال وهما ما متراهميين
الجده نعيمه والله يا أبني دلالك هو خرب وولدك وتربيتهم إحنه مو هيج ولا تربينا هيج.
أزهار جديتي كامت مقهوره وكمت لحكتها لاتزعلين تصير بأغلب العوائل
الجده نعيمه لا يا جده ما تصير أبوج وأخوانج شايفيين نفسهم هواي ويتعالون على? الاوادم وأسيا اذا برأسها عقل ما ترد لأخوج.
أزهار حالة عصام وعقليته ميأوس منها، رحت المطبخ وساعدتهم بنقل الأكل على? الميز واجوا كلهم الا بابا ضل كاعد وعمي فاضل يطبطب على? اكتاف عصام يحاول يهدي الوضع
تغدينه ومروان أول الناس شغل سيارته وطلع البيت.
مجد يلة كومي نروح البيت بسيارتج لن مستحيل اروح ويه بابا
أزهار يلة كوم ودعتهم وبابا على? كعدته تقربت بسته من رأسه وأبتسملي رايحه لبيت قبلهم وأنت وماما تعالوا وطيب خاطرها اعرف بيك تسرعت بالكلام
كمال ماشي بابا ديري بالج على نفسچ أنتبهي بسواقتج
أزهار إبتسمت ان شاءالله ومشينا اني ومجد ورانا عصام هم طلع وتوجهنا للبيت عصام طلع وراي بس وصل قبلي لن سياقته سريعه
مجد على? هاي سياقتج شوكت نوصل للبيت.
أزهار نوصل نوصل، باب البيت مفتوح طبكت سيارتي بصف سياراتهم مجد نزل وطفر لغرفته واني اخذت بطل ماي من الثلاجه توجهت لغرفتي سبحت وتمددت على? السرير غمضت عيوني بتعب وتذكرت أسيا شراح يصير بيج اذا رجعتي شورطج وياه خبل لا يروح ولا يجي بس هم حقها عصام يجفص بالبطن بسوالفه ادون سبب يعيب ويستنقص منها رغم عاش علاقة حب وياها بس ما اعرف ليش هيج أطباعه صعبه.
نمت للعصر يله كعدت على? صوت عصام مزعوج نزلت لكيته كاعد ويأكل بروحه هو ما مزعوج لن أهلها خابروا مزعوج لن أسسيا خلتهن كدامهم مثل شاف روحه أستصغر بعيون أهل مرته دام هيج شكوو تحجي عامي شامي ضبط لسانك عن البشريه، شفت الجو مكهرب
عصام سويلي جاي ما شاء الله البيت مههجوم ماكو مره تكعد تخلي القوري على? النار
أزهار متسوي أنت شيرادله ما حسيت غير طفر ولزم ظفيرتي عصاااام والله ما قصدي.
هذا لسانج اذا ما تضبينه وتحجين مثل الاوادم اجفص عليه فاهمه
اي أي بس عوفنيي دفعني وانضربت بالكاونتر درينه ضابط وحلو اطلع عضلاتك على اختك المسكينه اوفاا عليك يا اخويه يا سندي يا حزام ضهري
فضينا وبلا لواگه هالسم هم ما اريده
شال سترته وتلفونه وطلع صحت وراه وين
وأنتِ شگو مرتي وتحاسبيني!
عزا العزاك على? للسان راح وانركض باب الصاله كل قوته بس سمعت صوت بابا عاط من غرفته
كمال عصام من غضب على? يومك ادري مخلف ثور.
أزهار ضحكت والله حشا الثور منه بري من افعال عصام المسكين شجابه عليه.
فتحت الخانه طلعت كهوه سويتلي واجه مروان صب فنجان اكول على? سوالف عصام وأسيا ما نفرح بيك
مروان مخابيل أثنينهم نفس الشيء هيج زواج الافضل من أولا أنفصال احسن اله وإلها.
أزهار لا يمعود، طيب أنتَ لو ردت تزوجت تمشي على? رغبه أهلك لو على? رغبتك.
طبعاً على? رغبتي ومن نفس مستواي علمود تتطابق أفكارنا وما نواجه مشاكل بالمستقبل ويوكعون بيها الأطفال.
أهاا تمام
التجربه خير برهان
مشه وبيده فنجان الكهوه أعرف شُنو يقصد علمود سالفة شاهين أبن خالي يريدني بس أهلي ما وافقوا ولا أني وافقت ما كلت لا أي ولا لا لن اعرف ب ماما تزعل وتنقهر والولد من شافنه ساكتين ما ردينا الجواب هو هم سگت وفعلاً كلام مروان صحيح!
الثاني يوم لبست كملت وشلت جنطتي ونزلت لكيت ماما كاعده تتريك لوحدها صباح الخير كاعدين من وكت
وصال طلعوا كلهم
أزهار هاا تمام الله وياهم تردين مني شيء
لا سلامتج
أزهار الله يسلمج طلعت والكراج فارغ ثلاثتهم طالعين الله يحفظكم، بس ماما ومجد ضلوا واحنه نتوجه لدوامنه.
نهاية الأسبوع وصلت الدائره صباح الخير
رشا صباح النور استلمي الشغل كومه اليوم.
أزهار عادي متعودين، كعدت أشتغل لما خلص الدوام وطبعاً أخذت أستراحه، طلعنه للبيت ورشا گالت
رشا ما بين بعد
أزهار منو؟
هذا اللي خبص الدائره بصياحه ما بين بعد الظاهر أنكظت شغلته
الله يسهل اله أحتمال شغلته مو بدائرتنا على? شُنو الصياح ماله داعي، يله حبيبي اني أتوكل للبيت عندي كومة شغل
شغليش شعندج
أريد اروح الصالون وصديقتي عيد ميلادها بعد كم يوم تريد هديه تعرفين بعد هوسة العيد ميلاد.
لا والله ما اعرف ما حاضره عيد ميلاد الاعياد الميلاد الكم ولحلالكم
شُنو هاي جديده
شبيج أتشاقه يمعوده.
أزهار يله باي شغلت سيارتي وهي ظلت تباوعلي ومبتسمه وتوجهت للبيت البيت هدوء وماما ما طابخه اخذتلي تفاحه وصعدت غرفتي سبحت ونمت.
بعدها كعدت لكيت ماما بالمطبخ تجهز الغده حضنتها وهي تشتغل بعدج زعلانه من بابا.
وصال هو هذا أبوج من يومه يستنقص مني ومن الكل عبالك الدنيا بس اله هو ولده وصايره ولا أكدرلهم عمار ركب رأسه والف سيف يدرس بالخارج ليش شبيها الدراسه بالعراق مو احسن جامعات بيها شو خلك الله كلها جاي تدرس وتأخذ أحسن الشهادات لو هذا هم حظي
شتسويلهم هما تربوا بوسط هالشيء على? الحاضر وأمرك وتدلل ولبيك ما تكدرين تسيطرين عليهم وهما كبار.
لا والله الصوج لإبوج كله يضرب من رأسه ورأئي ولا اله أهميه ولا كأنما اني الحملت وتعبت وربيت عصام ومروان دخلهم كليه العسكريه وخلوا كلبي بيدي نوم ما نايمه مثل الامهات الف فكره وحسبه تجيني.
غير يريدهم يصيرون مثله والهم اسمهم ومركزهم وبعدين شحلاتهن ضباط وعسكرين ورجال دوله جمال وقيافه أدعيلهم الله يحرسهم ويرزقني واحد مثلهم ضربتني على? رأسي وعصبت ليش يا ماما.
شتسوين بالعسكري ينشلع گلبج وياه والله تموتين ناقصة عمر على? خوف وقلق يا راح يا اجه
ابوج وعصام شُنو نسيتي سوالفهم المكسره وخياناتهم المتخلص الله يساعد گلبي وگلب اسيا والله يعيين التاخذ مروان
شو هيچ ماما گلبتي عليهم فرد گلبه خوما كلهم سويه مو شرط
شمدريج أنتِ.
أدري وأخواني يشبهون بابا هواي بكل صفاته طبعاً يطلعون مثله ف لاتخليهم مثال مو كل اصابعج سويه ان شاء الله اخذلي عسكري بس اني بحياته! أحلى امنيه والله
ضربتني وطفرت بعيد عنها وشايله الجفجير وتحجي وتأشر
من أنعل ابوج لابو أهلج قليلة تربيه اللي أستحوا ماتوا عمت عينج على? هيج أمنيه عليمن تطلعين الخلف على? الخلفوه نفس طينة ابوج واخوانج غاسله ايدي منكم.
خلص سگتنا بس لاتزعلين.
أني اريدلج الستر ورجال يحبج ويخاف عليج لو هم تمررميين مثلي ويه ابوج اخ لو ابوج وأخوانج يوافقون واسوي اللي بالي
هاا أمي رجعنا
أي رجعنا ليش شبي مو ابن خالج ورجال شاغول هذا الباب ما يفوته رجال بي حظ اخته تعشگه شبي حظي متردينه.
?ُل عقلج ماما حبيبتي، بعدين أنتِ مو شايفه عيشتهم وبيتهم طين وشغل وزراعه وفلاحه وأخواته سته وياه وما عنده شغله ثابته يعني عاجبج تنطين بنتج دارسه ومتعلمه ومتعينه وتعبانه على? روحي لفلاح شگلتي لنفسج.
شاف الذهب وگال مزنجر ليش شبي الفلاح ما عاجبج بنت أبوج شيطلع منج خشمج متر، والله مو صوجج صوج أبن اخوي رايدج ويهواج خو أنتِ الخسرانه كلتلج اني رجال بي حظ يحبج ومشتريج شتسوين بالبيت والشغل والجاه اذا ماكو راحه
تفكيرج سطحي ماما
لا والله تفكيري عميق أنتِ تفكيرج السطحي، لو بس تشيلين المثاليات والتباهي من رأسج جان عرفتي امج تريدلج السعاده بس شسوي محد يأخذ بكلامي.
ماما أني مو رفضته عيباً بإبن اخوج شاهين يخبل الف وحده تتمناه بس مقصد كلامي عقولنه مختلفه البيئه تختلف يعني راح يعاني من هالسالفه غير مثل أسيا وعصام بس يعيب عليها وعلى? أهلها وما يگولها غير بنت الفگر ومن هالحجي اليغث
واخوج الزمال وأبن خالج واحد
لا طبعاً أخوي فدوه لعينه الضابط عصام على? سن ورمج هيبه وشخصيه واله مكانته وشخصيته
بالعكس ماما بالعكس روحي شوفي مجد كاعد اريد أدزه ل الاسواق
خوما زعلتي.
علي? شُنو أزعل الما يسمع گلمتي هو الخسران خليكم ورا ابوكم والجاه مالته والخشمه عالي هي تكعدلكم حظ اني بنت الفلاح منو يأخذ بحجايتي روحي امي روحي.
أزهار حسيتها زعلت طلعت عفتها ورحت دكيت الباب يله مجد أكعد الدنيا عصر كوم كافي نوم
مجد أجييت بس اسبح.
أزهار ديله والغده جاهز وأمي تريد أدزك ل الأسواق ما رد عليه طلعت كعدت بالحديقه وأندك بابنه بس لا خالي اجه لن خوالي بس من يطلع بابا يجون طلعت امي على صوت الجرس صيحي مجد يفتح أني رايحه لغرفتي
وصال وين موليه فتحي أنتِ مجد نايم عرب متكعده هذا خالج اجه سوده عليه ركضي موكفته يم باب
أزهار هم اكو احد وياه
وصال ما ادري دتروحي فتحي لما اطفي الجدر.
أزهار وجدرج متطفينه الا هسه ماشي رايحه امري لله رحت فتحت الباب خالي سلمان هلاو خالوا بوسته وراه شاهين يباوعلي بنطرات غريبه وركز على? دشداشتي جانت جوه الركبه بشوي ودلعه وفاتحه شعري واصل لخصري اتفضلوا اتفضلوا ماما هذا خالو سلمان
سلمان ماكو أستر من هالكلابيه يبعد خالج والستر حلو
وأنتِ جنج جماره والعين عليج تجيبين التايه الله وكيلج.
أزهار مشوا وشاهين عافنه وراح على? سيارته نزل صناديق الفواكهه والخضره واني لازمه الباب انتطره يدخلهم باوعلي وتركيزه بنص عيوني
شاهين وين أخليهم
خليهم اهنا مجد عود يدخلهم اتفضل أنتَ
هاي كل واحد يدك الباب أنتِ تفتحينه وبهذا لبسج
لا طبعاً
لا واضح
وأنتَ شگو
شُنو اني شگو أنتِ بنت عمتي عرضي أمشي تستري بويا الله يستر عليج امشي أنكلعي من وجهي.
باوعتله ما راضيه ومشيت كدامه وهو ضل يتأفف بإنزعاج دخلت الصاله وخالي نزل رأسه واجتي امشي تحجي عليه اي شگوو شبيج
وصال روحي لبسي شيء مستور فضحتيني كدام خوالج شيكولن عليه ما مستره بنتها
علي? كيفج هذا اللبس لابسته بالبيت ماكو احد وبعدين أنتِ طلبتي افتح الباب الهم لاتجيين عليج بكلامج اوه عوفيني عفتها وصاحت وراي.
هذا دلال ابوج طلع عينج روحي لبسي شيء مستور وغطي شعرج سودتني ابن اخوي راح تجيبلي الجلطه صعدي وتعالي قدمي الضيافه تحركيي عاد
كل سالفه ذبيتها ورا ابوي خلاص رايحه، صعدت لبست بجامه عريضه وفانيلا وذبيت شال على? شعري ونزلت حضرت الضيافه واخذتها الهم قدمتلهم وصلت لعنده عيونه أكلتني لما عيب جان كلبت الصينيه عليه شدعوه شيل عيونك
مشيت وإمي تغمز وتهمس زفرت نفس بقلة صبر ابتسمت وكعدت بصفها وبحضني الصينيه.
وصال اي يا أخوي شلونكم سناء والبنات شلونهن ابويه وإمي والباقين كل منكم
سلمان الحمدلله كلهم بخير يسلمون عليج وعلى? خلفتج والطريق ما تبعده سياره لو غاسله ايدج منهم كلهم
نزلت رأسها بخيبة وجاوبته
عدهم دوامات والتزامات وخفارات احنه ما جاي نشوفهم.
سلمان لا تبررين خيتي لاتبررين وتغطين على? زلمتج ولدج نعرف گلشي ونطلبج جيه تجيننا وتجييبن وياج أزهار وأمي وأبوي اكدوا عليه أبلغج دام ولدج ما منهم فايده على? اقل زهوره خوالها يحبونها ويسألون عليها شتكولين بعد خالج
أزهار الله كريم خالوا يتعاتبون بينهم واجه مجد سلم من بعيد وامي تأشر برأسها تقدم وباوسهم واني كذلك مجد تحرك وجع مجد
مجد شلونك خالوا شاهيين شلونك
سلمان الحمدلله
شاهين زين.
ازهار مشه وطلع لبرا وأمي انقهرت وخالي شوي وكام
سلمان لاتقهرين بروحج ابوهم منو يله خيتي نسلم عليج أزهار عود تعالي ويه امج خالاتج وجديتي وجدج يردون شوفتج
أزهار ان شاء الله خالو بوسها ومشه وتقدم شاهين باسها من رأسها ومن بين عيونها
شاهين ولا يهمج عميمه فدوه إلج
وصال فدوه لطولك الله يرضي عليك
أزهار عبر من يمي هي نظره هي أبتسامه ومشوا امي وصلتهم الباب واني رجعت لملمت الضيافه بالمطبخ واجت عصبيه.
وصال تردون تموتوني أنتِ وأخوانج حضرتج ما تحترمين لبسج مو قانوني والثاني يسلم من بعيد ويطلع بس مكتوب عليه شلعان الگلب من كبل لاتصيرون ابوج ما احترمهم ولا قدرهم على? كد السلام ويمشي لا رجال ريح كلبي ولا خلفتي والله لن مو من مقامهم حضرة جنابه قسمة الگشره وساعة السوده الصارت.
راحت لغرفتها عصبيه واجه مجد باوع الصناديق
مجد منو عاتب عليهم وكايلهم جوعانين شنسوي بي.
أزهار شعليك أنتَ فوك ما جابيين وأنت الما راضي
ليش هيج تصرفت مو خطيه امي يضلون خوالنا ويحبونا ما شايفيين منهم الا كل الخير
شمسوي شحاجي شكايل اني يمعوده هو سلام الا مباوس واني توني كاعد من النوم روحي بخشمي وهما الا هسه يله يجون
شو ماتعرف تحجي اسكت اسكت لاتسمعك امي، صب من الجدر وكعد يأكل باوع? الصندوق وكال
غسلي النا من هالخضره شكلها يشهي
ما عرفناك
ترى توني كاعد من النوم فضيناا أزهار.
لاتعيط عابت هالشكل، غسلتها وخليتها كدامه وكعدت انظفها واعزلها خليتها بالثلاجه والبصل بالسله برا كملت ورحت عليها يمه كومي تغدي
ما اريد اتغدي أنتِ عزلتي الصوغه
اي كملتها ورتبتها بالثلاجه رحت حضنتها خلاص باجر نروح اني وياج نبات ونرجع شتكولين
شكول كوون ابوج يوافق تروحين وياي
يوافق ما عليج منه اني احجي وياه اساساً اني ضايجه وماله من نفس الروتين بيت ودوام اريد اروح واشوف جديتي وجدو وخالاتي ابتسمت وارتضت.
لعد قنعي خل مجد يروح ويانا
واذا مجد ما يروح
لا يروح بس يشوف اجواء القريه يتونس وخل مروان يووصلنه هذا شوي زين
تدللين يله كومي كامت وصبيت الغده وكعدنا ناكل والدنيا غوربت واحنه هسه نتغده كلهم دوامات.
كاعدين نباوع على? التلفزيون ومجد طلع لبرا وإمي عينها على? تخاف يتأخر ويجي بابا يضل يحجي ويخبصنا واندك الباب ركضت فتحت باب الهم ابوي وراها سياره عصام مروان ما اجه شعجب إحتمال عنده خفاره دخلوا وامي استقبلته نزع البسطال والسلاح كلهن واجه عصام وجه زين خفت عصبيته
عصام اكو أكل
وصال اي امي طابخين تحب اسويلك مقليلات او اشويلك
عصام لا تعبين نفسج صبيلي من الموجود فايت أسبح.
أزهار بقيت وحدي بالصاله واجه ابوي سابح اخذ الريمونت مني كام يگلب? الاخبار وحته وهو يباوع التلفزيون متعصب الله يساعد ماما عليك
كمال شلونج بالدوام بابا
أزهار زين يعني
ليش خوما يضايقج كوليلي بابا انعل والديه
لا بابا شسالفه ماكو شي اقصد تعب وهوسه دوام بعد
اي بابا ادي وظيفتج احسن ما يكون لاتخلين قصور خليج ذيبه مثل ابوج واخوانج بس اخ لو مجد يطاوعني ويخلص وادخله كلية عسكريه مثل أخوانه.
وصال لا يا رجال عوف الولد على? راحته هذا مستقبله لاتربطه بالعسكريه انتوا ما قصرين ما شاءلله صرنا عائله عسكريه الاب ولده
ليش مضايقينج بشيء
لا يبوه شگلت اني بس اقصد كافي كلهم عسكريه اني هم أم واخاف عليهم هذول ولدي
وأني اب محد يعرف مصلحتهم بگدي هذا خدمة شرف خدمة وطن لاتصيرين حجره عثره بطريقهم
سگتت عمي أنتَ اعرف بمستقبلهم
اي سكتي محد طالب رإيج.
بالگوه لزمت اعصابها عليه هو جان يحجي وعيونه تباوع الاخبار أول باول خلت الصينيه كدامه واجه عصام تكابلوا هو وياه وابوي باوع يميين يسار عرفت يدور على? مجد
كمال مجد وين
ازهار أني وامي وحده تباوع الثانيه بقينا ساكتيين وعصام عاط بينا
عصام مو يحجي وياجن مجددد وين
وصال طلع ويه جماعته هسه يرد
كمال أني مو مانع محد يطلع من تغيب الشمس والا بعلمي شو كلمتي صايره ما الها اهميه وصااااال.
وصال لا عيني انت لا هسه يجي ما تلكاه الا فاتح الباب
عصام كايم اشوفه وأنتِ يمه لاتنطي عين الولد مراهق ويستجلب علينا يضل دايح بالشوارع خل يخلص اذا ما كظبته التدريب
ازهار عصام طلع وأمي كعدت مقابل بابا وكاعدين ننتظرهم مر وقت ودخل عصام لازمه من اذنه
وصال لا على بختك يمه رجال عوفه ابني
مجد مو بالله يمه رجال شوفي أبنج يسحل بيه
كمال اي ابني رجال ميخالف أخوك ويخاف عليك.
عصام رجال تسمع كلمة الأكبر منك مو صايع بالشارع ويه ربعك الهتليه يله اطلب السموحه من الوالد
مجد اسف بابا
كمال ما اريد هذا الشي ينعاد اللي أكوله هو اليمشي كلام زايد ناقص ما اريد كلمه فوك كلمتي بهل البيت متصير فاهميين
أزهار الكل سگت كمت يله تصبحون على? خير رحت بوسته عافيات باباتي
كمال? كلبج حبيبة ابوها ابقي جايب خوش حلويات.
ازهار لا بابا تعبانه واليوم نهاية الأسبوع ارتاح انام من وكت وتذكرت خوالي نسيت اكوله صدك بابا اريد احجي وياك ماما باوعتلي بقلق
كمال گولي بابا
ماما تريد تروح لخوالي
خل تروح منو مانعها عصام عود ودي أمك لخوالك
بابا وأني هم اريد اروح وياها عصام ذب خبزه وخزرني وجاوب قبل بابا
عصام وأنتِ شگو موليه بنيه شگدج شكبرج كعدي بالبيت كافي عليج وظيفتج انوب تروحين خوالي ولدهم كلهم هناك.
أزهار أي بابا عفيه گوله هما خوالي خوما غربه وهم اطلع شوي تتغير نفسيتي والله مشتاقه لجدو وجديتي وخالاتي من زمان ما رايحيين وخالوا سلمان وشاهين جانوا يمنا العصر وأگدوا علينا
كمال شو ما عندي خبر وصال أهلج جايين
وصال اي مروا ساعة زمان وراحوا
كمال هما هذول أهلج على? السريع جياتهم
عدهم شغل مو كيفهم يله على? الجايات
عصام سألوا على? ولدج
وصال انتوا ما تسألون على? خوالكم عبالك غربه راحت بنفسي تروحلهم.
يمه فدواتج منو عنده مجال يحك رأسه يله باجر نروح ونسلم عليهم ونتغده هم بس لاتزعلين
أزهار هاا بابا اروح
كمال أي بابا روحي
عصام خو أنتِ محد يرفضلج طلب الأميره ديانا
أزهار شکو مزعوج
انزعج منج ششايفه نفسج أنتِ
شايفه نفسي بيك اخوي الضابط عصام بابا وماما ضحكوا وهو اختنك باللكمه
عصام ينعل بليسج
كمال شوف عرفت شلون تسگتك ولك هاي شمعة البيت من كثر اخواتك، لعد مجد هم اخذوا وياكم لاتعوفونه بالبيت لوحده.
مجد وأني اخر الناس بالجذب أخذوا رأيي الك الله يا اخر العنكود
عصام محد طالب رأيك كافي تسمع الكلام وتنفذه
كمال گافي متلاغين بينكم عصام أبني باجر اخذهم لخوالك وارجع ووصال لاتطولين يومين ورجعي
وصال ان شاء الله
ازهار يله اني اروح اجهز جنطتي عفتهم وصعدت غرفتي تمددت بفراشي ولكيت رشا متصله ما جاوبتها تسأل رحتي الصالون لو لا ما إلى خلگها.
كمت جهزت طلعت جنطتي ملابسي مال بيت ماكو ثوب طويل هاي شلون سالفه نزلت ماما عادي اخذ تراكسود وياي
عصام علمود اشنقنج بي
كمال عصااااام، عادي بابا بس اخذي مستور ردان كامله
عصام بابا صدك تحجي ترى تنجلب علينا بعدين
كمال لا تتدخل شنو تستجلب تعلم الأحترام ولك هاي أختك شوف عصام اذا تضل ورا اختك متلوم الا نفسك.
أزهار فدوه لعمرك حبيبي عصام وجه صار دم وماما تعض بشفايفها دخلت طلعت تراكات والغسول مالتي والمرطبات والعطر وجنطه مكياجاتي كملت كلشي وتمددت ومر وقت واندك الباب منو
عصام اني وجع شو فتحي
ازهار خير شتريد فتحت الباب نعم جان بيده جيس شمره بوجهي شوي خلي عندك ذوق شُنو هذا
عصام ملابس لبسيهن هناك تستري بويا عينج طالعه بدلال ابوي ويا ويلج ما تسمعين كلمتي
بابا عايش واسمعه كلمته هو يقرر انت حكمك على? مرتك مو عليه.
أزهار خلي النفس عليج طيبه لا اشوهلج خلفتج
تمام فهمنا منين جبتهم
من السوك منين يعني
سوده عليه رحت اشتريتلي
اي من وراج غير خو لسانج ما يعرف يكول كلام حلو
رفعت نفسي وبسته من خده مشكوره من سيادتك
العفوا يله تصبحين على كعدي من وكت.
ان شاء الله راح وفتحت الجيس دشايش طول وردان بس شُنو يخبلن وحده أحلى من الثانيه عاد هو ذوقه يفوز ملابس أسيا كله هو يجيبلها لبستهن على قياسي نفس قياس أسيا جانن ثلاثه والوانهن تخبل خليتهن بالجنطه ورجعت كملت نومتي.
باجر أروح لخوالي ونغير أجواء ونرفه عن نفسنا من زمان ما رايحتلهم.
وبين التفكير وبالگوه نمت لن بالعاده من عندي طلعه النوم ينشال من عيوني أضل الليل كله سهرانه بعد وقت هواي يله غفيت وما حسيت غير الباب يندك بقوه!