رواية المنجمة للكاتبة كفاية كاظم الفصل الثاني والعشرون
بارتين طبگ
السبت خلصناه بس شيخلص الاحد
ولاتضل كاعد عل باب يمالك احد،!
كواكب.
بلعت ريكي بخوف وكمت على طولي سرت رجفة بجسمي من ابتسم اشرلي اطلع بنظراتة الخبيثة يخزر بية غمضت عيوني بتعب وطلعت اشرحلة.
مابية حيل تعبانة جسمي تكسر
الاعراج: ماماخذينج تشتغلين عمالة امشي شغل سهل العافية بالتدريج
وبدون لايسمع اكثر طلع جبرت روحي البس واتنقب جاي اللبس بالشفقة دخل مد راسة.
الاعرج: ماريد شفقة جنج ولد انزعيها وانزعي الثام رتبي روحج شوية بسرعة
عكدت حواجبي وتقربت منة بعصبية اصيح
شنو شترررريد انت شعليككك شلبس شعليك
فتح عيونة بوسع سحبني من رگبتي خنكني بقيت افتح بدية بكل قوتي رخة ايدة من طلع روحي وبتحذير نطق
الاعرج: شغلتج تنفذين
سحبت روحي منه بصعوبة كحيت وجهي صار نار
وعيوني دمعت.
كواكب: كلتتت اشتغل كلتتت ماسوي شي موزين.
ضحك ضحكة طويلة مستفزة اكتافة ترتفع من يضحك انقرفت وتمنيت اركعة على صلبوخة اخلي دمة طشار.
الاعرج: ماكتلج البسي بدلة رقص عدنا شغل يحتاج بنية عادي مسترجلة المهم تنعرف بنية ملابس مرتبة شغل مرتب عدنا طلعي ملابس زينة
ماعندي
مال عيد مال عرس مال فاتحة اي شي
هم ماعندي.
خزرني صدك خزرتة تخوف الواة على خزرة ضيغم عاد عيونة ملونة الا هذا مد ايدة بجيبة المسدس واضح هزيت راسي طلع هو طلعت ملابسي احجي وي نفسي ذولة شيردون مني ياشغل اسويلهم
جان ناقصني شكولهم ماصدكت اخلص من سالم طلعلي الاعرج ابو راس المصلبخ.
بدلت التشيرت والبنطرون نفسة جينز نزعت الشفقة وطلعت شعري على المراية عدلتة لكيتة منتظرني برا بسيارتة صعدت برجلية للتهلكة
شغل السيارة الوياة وهو كاعد بصفي يشرحلي.
الاعرج: راح ترحين تشتغلين يم دكتور نفسي
سكرتيرة ليوم واحد بدال السكرتيرة مالتة
سكتت لحظة استوعب كلامة وبتعجب نطقت
ماخذيني اشتغل يم دكتور نفسي!
تقرب يوصلي الفكرة ابتعدت منقرفة منة
الاعرج: دورج تجيبين ملف لشخص عندة
كواكب: وضح اكثر
اوضح واوضح لج اسمعي هو يوم واحد اريد ملف مريض اسمة عبد الناصر وهنا ينتهي شغلج وياة بس تجيبين ملف
كواكب: شتريد من الملف؟ وليش ما خليت البنية التشتغل عندة تجيبة الك؟
مدد ادية منا ومتا وباريحية كال
المن جايبج انتي وين هي ماتكدر تنحسب عليها وتروح بيها
واني شلون
انتي راح تداومين بدالها بس يوم واحد وبعدها تختفين محد يعرفج
شتسوي بية؟
مو احسج ماخذة راحتج بالاسئلة لو اني ما مراويج العين الحمرة شدكول قامة؟
رد علية اليسوق
قامة: والله ما راويتها العين الحمرة اول مرة اشوفك لطيف وي واحد
الاعرج: شفتي ولج كالها لطيف وياج واني ابد مو لطيف جري عدل من هسة حتى لا ابدل وجهي.
درت وجهي اسب بيهم ماريد احجي وياهم واترادد
بس اريد اشوفها شلون تخلص وي ذولة الزبالة نزلوني يعلمون بية على الشغل هزيت راسي مشيت بس گلبي يوجعني اخاف اكو كامرات مخفية
عفتها على الله ودخلت للعيادة استلمتني بنية وجهة اصفر شاحب بتعب اخذتني تعلمني على الشغل لبست جنطتها وقبل لاتمشي كالت.
بس اليوم صيري بمكاني باجر اني ارجع كلش تعبانة وصحتي ماتساعد
طلعت من الجنطة عشرين الف خلتها على الميز.
هاج عيني فدوه مشي الشغل اني كلت للدكتور عليج
هزيت راسي راحت والتوتر يقرا الف المراجعين تجي امشي بيهم اخذت الدفتر اكلب بالاسماء وين عبد الناصر صار كومة مراجعين والسجل كلش جبير للظهر واني بس الاسم ما لاكيتة.
مدنكة راسي ومركزة بكل جهدي ادور بالاسماء والتواريخ مال المراجعين فزيت بخوف بين على ملامحي ورجفة سرت بيدي.
الدكتور: انتي بديلة السكرتيرة؟
اي دكتور
وياج فرات دكتور نفسي.
بلعت ريكي يتفحصني بعيونة ويعدل بنظارتة هز راسة ارتبكت يباوع للدفتر لازمتة بيدي مفتوح طبكتة وخليتة على صفح ايدي ترجف باوعت بوجهة ابتسمت لانت ملامحة وذب نفس.
الدكتور: بابا بس اليوم خل تمشي
اعرف مو شغلج
ان شاءلله دكتور
شنو اسمج؟
صبا
اممم حلو.
حسيت گلبي يدك بقوة همزين ماجفصت وكلت اسمي الحقيقي راساً اجة على بالي اسم حبيبة المثقف ابن المثقفين العيادة فرغت وقت استراحة نزع نظارتة طبكهن خلاهن بجيبة وطلع باوعت بالمكان اكو كامرات بس كالو معطلة شلون مافهمت.
طلعت وراة اشوفة راح يمكن ياكل رجعت اركض لغرفتة رجلية رجفت بهاي شغلتي راح اضر احد بس مجبورة لزموني من ايدي التوجعني باوعت بحيرة وضياع بالرفوف بمنو ابلش اول تقربت بتركيز كل ملف مكتوب علية اسم وتاريخ بس اعداد ضخمة ضخمة مراجعين كل هاي الاعداد تعبانة نفسياً!
واحد واحد اقرا اسمة لزمت خاصرتي ومن الجوع بطني صوفرت هلكت واني واكفة على طولي مر وقت طويل كملت قرائة نص الملفات واكثر.
ماكدرت ابقة طلعت خفت يجي ويشوفني هنا شنو اكلة ويصدكني.
بمجرد ماكعدت دخلو ثنين رجال ومرتة بعدهم شباب سلم الولد والبنية كعدت مطنكرة دايرة وجهة عنة تهز برجلها هو مدنك راسة بيدة سبحة ملتهي بيها صارت عيونها علية خزرتني بحقد وصاحت.
شعندج تباوعين على رجليي
رفعت حاجبي بتعجب وهو رفع راسة مستغرب مدت كف ايدها وضربت الثاني بية بعصبية نطقت
عيونج زرگ تردين تاخذينة منيي
هزيت ايدي اضحك لزمها يسكت بية بصوت ناصي.
مامباوعة علية وداعتج
لا لا باوعت انت لاتدافع انعجبت بيها ترة هي ضعيفة معصعصة ماتفيدك شعرها، كاصتة مو طويل نفس شعري
يريد بس يسكتها يهمسلها عيب عيب وهي مستمرة تحجي بخبال سكتت مانطقت بحرف واحد عرفتها طكة ونص وجاية تتعالج خطية.
روح تزوجها ررروح بس احرگك حررگ
يلزم بيدها وهي تدفعة نزلت دموعها بحركة وقهر
اني والله احبك لاتكسر گلبي مثل قبل
اجيبلك جهال بس لاتتزوج وتسمع كلام امك.
احس گلبي انمرد من سمعت كلامها وعرفت جزء صغيرر من قصتها ومعاناتها هاي حالتها بسببة
حضنها خلت راسها بصدرة تبجي ماسكتت ولاهو سكت يسكتها منا لمن اجة الدكتور سلم عليها وبقى يحجي وياها ماترد علية خازرتة بس اخذها زوجها للغرفة شوية وطلع وحدة كعد على الكرسي يفرك براسة ويجر نفس كوة.
ترة حرام عليكم
رفع راسة باوعلي عيونة حمر كملت.
كلش تحبك مبينة واضح انت السبب بحالتها اذا على الجهال مايدخلونك الجنة ولا يخلون حياتك وردية
دنك راسة يكرر
صح والله صح
دنكت عيوني اكلب بالاوراق صارن اخواتي كدام عيوني خفت عليهن لايتخلن بهيج موقف مجرد تخيلت گلبي اذاني كون اموت ولا اشوفهن يتأذن
ذبيت حسرة وجريتها فرد جرة تدخل مراجعين اليشوفهم مابيهم شي اصحة مني وبيهم العكس مبين عليهم تعبانين نفسياً صار الليل واني ماجايبة الملف وبس اليوم الي.
فرغت العيادة من المراجعين من التوتر ماكدرت ابقى بمكاني بس لاخلص الدوام درت وجهي على الباب سمعت هوسة ورجال مد راسة يصيح وين الدكتور بصوت عالي ملامحي بهتتت من اشرلي للغرفة عرفتة هما دازينة او وياهم.
طلع الدكتور مستغرب صاح بية
تعال اطلع اطلع نتفاهم برا مثل الاوادم اني ما اريد اتجاوز وياك.
ماعرفت على شنو هادين علية وشنو المشكلة دخلت للغرفة اكمل ادور على الملف فز كلبي بخوف من قريت اسمة تاريخ المراجعة قديم سحبتة وكعن الملفات دنكت الم بيهن وايدي ترجف.
كملت ولفيت الملف جوة ملابسي طلعت صار بوجهي الدكتور حسيت الدم وكف بجسمي وعيوني فاتحتهن بصدمة استغرب من ردة فعلي حاولت ارجع طبيعية واشرحلة لاتخرب بعد ماكملت.
كواكب: خفت لايهجمون علينا ودخلت هنا
لا بابا ماكو شي بس سوء، فهم صار
الحمدلله.
همستها وطلعت رجعت لمكاني الملف بملابسي ردت اشرد بية بس خفت يحس علية وانلزم مادام الدوام راح يخلص اطلع بصورة طبيعية مرت فترة خلص وقت الدوام رحت علية لكيتة يكتب استحقرت نفسي من ابتسملي بلطف.
دكتور اطلع
اطلعي بابا اخذي راحتج مع السلامه بنتي
وي كلمتة كلبي وجعني تمنيت ارجع الملف بس ماكدرت طلعت الدمعة بطرف عيني كوة لازمتها
الشوارع بيها حركة قوية ناس تفتر السوك ماشي
مشيت ومشيت الى ان حسيت سياره تمشي وراي.
التفتت شفت قامة النعال ابن النعال وحدة موجود صعدت وشمرت الملف بوجهة اخذة يضحك من قرا الاسم وردد كلمة فرت عقلي.
قامة: واخيراً قصة حياة المقدم عبد الناصر صارت عدنا نقطة ضعفة ونقطة قوتة بين ايدنة
صفنت استوعب الكلام الكالة لزمت راسي اعصر بية من الوجع وبصوت تعبان سالتة.
هذا الملف شتسوون بية
ضحكة انتصار على وجهة بفرحة جبيرة كال
هذا اكو ضابط حاسب روحة.
راقبناة هواي بس ردنا نلزم شي علية ماكو شفناة يراجع الدكتور وهسة قصتة ماضية حاظرة يمنة
رفع الملف بيدة يضحك حرك السيارة ومن الصدمة والخوف ماحجيت شي راح يتأذة شخص بسببي دخيلك ربي ركعت راسي بالباب رفعتة احجي وياة
شنو راح تسوولة فدوه كول
مانسويلة شي بس نساومة لان راح نبحث بحياتة وهو يمشيلنة شغل
انعل ابوكم ولد راح تورطوني وياكم
لو ماجايبة الملف وفرحان بية جان خليت وجهج ازرك
عود صاير زلمة ابن النعال.
دك تليفونة فتح الخط وطكها ضحكة بصوت عالي وصوت ذاك الخايس ابو راس المصلبخ ضحك يكلة
الاعرج: ها دبرتها
قامة: دبرتها لو مااحنة وياها
الاعرج: كللها اختها كلش حلوة طلع اسمها نجمة
هههاااهااااهههاهااا
اخذت التليفون منة ارجف اعصابي تلفت
كواكب: بس عوفها بس عووووفها شعليكككك بيها
الاعرج: واني طالع شفتها تروح للدوام شعندي وياها قابل بس طلعت تداوم بشركة ×××.
كواكب: انعل اهلكككك واحد واحد شترررردون منااا خر بيكم مو اجيت وياااااكم
الاعرج: لسانج هذا من اجي اعدلة
غلطت علية وشمرت التليفون شكد حجة هذا الكلب ماجاوبتة راسي موتني اني كلني تعبانة وذولة طلعولي صفح وصلني وراح حتى صرت اخاف ابقى وحدي دراهم لحد هسة مارجعت حرت بيمن افكر وعلى منو اخاف ونفسي شامرتها بنص النار.
دورت على شريط الحبوب اخذت وحدة شربتها ونمت باقل من دقيقة وصارت ترجعلي الكوابيس التخنكني خنك والمقاطع القديمة تمر براسي افز مخنوكة اتنفس وارجع اغفة لحد يكلي اسم الله ولا شبيج دموعي احس بيهن ينزلن ماعرف من الواقع لو من الحلم.
ومثل كل يوم بحياتي اكعد بتعب واصبح على تعب هالمرة على مجهول مر صبحت امر من المريت بية مايعوفوني بعد تاكدت وايست يعوفوني بعد ماشفت الاعرج بالبيت كاعد مخلي رجل على رجل.
فركت عيوني ضحك
الاعرج: شمسج عالية اليوم شوفي شكد حباب خليتج على راحتج تكعدين اففف اففف وين اكو مني
بس النعال مثلك
رحت اغسل اسمعة يكول
الاعرج: بعدني مانسيت البارحة ليش تذكريني
مسحت وجهي بتعب مليت اني والله مليت من الدنيا اتمنى اموت واخلص اشفت من عمري ماريد اكمل اكثر.
كافي مو جبتلك ملف البارحة عوفني كاافي
اريد اعيش تعبت فوك ما اني تعبانة اجيتو انتو تعبتوني اكثرر
وراح اتعبين اكثرر واكثرر واكثررر.
دمعت عيوني والغصة خنگتني همست بعتب
ليش
وكف صار مقابيلي بملامح جدية نطق
الاعرج: الدنيا تدور المتعوب اتعبة لحد ماتطلع روحة ماتروح للمدلل روحي بدون نقاش حتى لا اروايج شي مايعجبج لمي جرودج العندج.
شكو من الصبح
شعندج باقية هنا عدنا شغل والج نسبة مو بلاش امشي امشي
دفعني للغرفة دخت والدنيا افترت بية خليت راسي على البوفية دموعي نزلت شوية وسمعت سحبة اقسام غمضت عيوني بالم من خلاة برگبتي يضغط بية رصيت على اسناني بقوة وصحت بية.
خلصني يلااااااا خلصني
الاعرج: دراهم بضيافتنة تريدينها لو نفرغة براسها كدامج
رجف جسمي بخوف وكلبي دك مثل الطبل شهكت.
دراهم خوش مرة والله ماتقربلي بس كعدتني بيتها شعليكم بيها عوفوها
من تسمعين كلامنا وتمشين ويانا نبتعد عنهم ونعوفها يلا امشي اني وجودي خطر، هنا لمي بسرعة شعندج.
ابتعد مني دنكت الم بالجنطة الطلعت بيها من سالم لميت كل ملابسي ودموعي تنزل جمر نار بگلبي تجوي سالم سبب دماري كلة هو الشمرني بالشارع هو الخلاني اعيش مثل الولد حتى احافظ على روحي اخ يسالم اتمنى تطيح بيدي لو اشوفك تحترك ما اطفيك عفتني للمصايب عبالي اخلص منك ونعيش براحة اني واخواتي لحكتني وطشرتنا شيلمنا بعد شيلمنا.
لاول مرة احس نفسي ضعيفة ماعندي ارادة كرهت اليوم الصرت بية مشيت وياهم انفذ الهم وين ليا مكان حتى ماسئلت طايحة اني طايحة.
وصلنا لمكان بية بيوت متفرقة اشك بيها بيوت وناس عادية عايشة بيها ومن نزل اليسمونة قامة يكل للاعرج.
رايح لبيتي اشوف المرة
الاعرج: مو تنام
قامة: لايابة شنو السالفة
دار وجهة علية اتمنى ادفر وجهة بس حتى حيل مابية اشرلي وامرني.
الاعرج: انزلي كدامي.
نزلت بيدي جنطتي اسحل بيها سحل مشيت وراة يحجي ولا اسمعلة بالي مو وياة وصلنا كدام بية سحب سيم انفتح الباب مدلي ايدة ادخل بقيت بمكاني.
وين جبتني؟ رجعني لبيت دراهم واشتغل وياكم ماعوفكم رجعني رجعني
دفعني بقوة بدون مايرد علية ردت اوكع على وجهي الا شوية كمت ارد اهجم علية من حركة گلبي حتى لو يطگني ما اهتميت بس الحقير ركع الباب بوجهي انداريت اشوف مرة طلعت تصيح
وين تعاي هنا جوة.
اباوعلها من فوك ليجوة مرة عادية شكلها ملابسها وضعها اخذت الجنطة من ايدي سحبتها منها ماقبلت تاخذها.
كواكب: منو انتي؟ عوفيني اطلع جابوني بالتهديد انتو عصابات
اني مرت سرحان
عكدت حواجبي
منو سرحان
الاعرج
اسمة نعال اني شكو جايبني يجيبلج بنات مو منو بالبيت غيري هنا
اجيت ادفعها لزمتني نترت ايدي منها بقوة
انتييي عاررر. ورجلج عااار اكلج جايبينييي بالتهديد يهددوني ب اختي وامي وعدج عادي.
مايسويلهم شي ماطول تسمعين كلامة
ها واروح اكتل وماعرف شنو اسوي نفس الشي ماسويت بالتالي جبت الاذية لغيرري
هو شغلة على الخفيف مايكتل امشي لاتطيحين وجهج اصفر بعد دخلتي هنا ماتطلعين لاتحاولين
رحت افتح الباب مامنعتني بس كالت
المنطقة بس النة مكطوعة هاي مايخلونج تطلعين تعاي ارتاحي جوة.
خلصت ودخلت جوة عافتني بعد ما افكر، تعبت اني تعبت مشيت وراها خايفة يطلع شي بوجهي مالكيت شي البيت فارغ مبين بس هي موجوده جان بيت عادي حالة حال اي بيت مو مثل مافكرت الجاي على النار يفور مثل كلبي بقيت واكفة اجت هي بيدها طماطة وبيض خلتهن على السنك غسلتهن وبدت تثرم.
فوتي اسويلج ريوك
ضحكت باستهزاء هسة ماعرفت ساسي من راسي كل شوية انصدم بشي دخلت يمها باوعت جوة سالتها.
منو هنا
محد بس احنا.
بدون ماارد عليها دخلت جوة اتاكد رجعتلها على وكفتها سحبت كرسي وكعدت طكت البيض خبطتة دارت وجههة علية.
لاتخافين
هه ما اخاف شلون ما اخاف اني من طلعت من بيت دراهم قريت على روحي الفاتحة بس اهون علية من اقراها عليها طلعيني منا حاجي رجلج
عوفج من السوالف هاي وخل احجيلج عن نفسي شوية ونتعارف اني اسمي بلقيس مايصير عندي جهال وانتي
كارهة روحي لاتساليني
اكلج طلعيني احجي وي رجلج.
بلقيس: شغل هذا وهو كلشي ولا شغلة لو احجي سنة مايسمع مني ما يأذيج ماطول جابج لهنا هو اول مرة يجيب بنية لبيتنة
خليت راسي بثنين ادية ماعرف شفكر وشسوي هسة اريد كواكب الحقيقة ترجع ماكو اختفت وعافتني مربطة، خليت الصينية بالكاع وكعدت
بلقيس: تعاي اكلي وياي لاتطيحين
اني تعبانة والله كلش گلبي يوجعني روحي توجعني حتى جسمي يوجعني شوفي كصتي
رفعت شعري اراويها نزلت اكعد يمها واشكيلها.
قبل فترة سويت حادث ايدي انشكت كلش تاذيني بعدها ما طابت ورجعت وكعت وانفتحت
ذبلت ملامحها بقهر ولزمت ايدي بحنية اشك هاي مرتة لذاك الحقير لو تنتمي اله بصلة.
بلقيس: الله يساعدج حبيبتي اكلي وارتاحي ما اخلية يطلعج اليوم
اني بس اريد اعرف ليش جابني هنا وشنو يريد مني
هو مايكدر يطلع بعيد وانتي بعيدة عنة يمكن جابج حتى تصيرين يمة.
سحبت الخبزة وبديت اكل شيصير خل يصير هسة اني شلون حالي عايشة جنت فوك الغيم اكلت وشبعت بطني طز بيهم وبالراح يصير نحلت صارلي هواي، ما ماكلة حتى ماحس بالجوع وكفت تغسل مواعين نعست هو مادري ليش هيج يمكن من ورة الحبوب الاخذتهن مفعولهن قوي.
اكلج بلقيس
كولي عيوني
تعبانة انعس
روحي نامي
مو تذبحوني وتاخذون اعضائي
ههههههه روحي ولج شطلعت هاي ماواصلين لهاي الدرجة.
رجلج مجرم اصلع راسة مربع وفوكاها ااعرج وباقية وياة على شنو حتى شوفة مابية
روحي نامي
امدة النسوان التقبل بهيج شكول
كلتها بتعب ونعاس مشيت شوية تمددت بس خليت مخدة جوة راسي نمت بيا حال وبيا وضع اني نمت ماعرف حسيت بيها تغطيني وتتحرك هواي بعد ماحسيت مر وقت مامعلوم اسمعهم يحجون.
بلقيس: سرحان عوف البنية خطية مردت گلبي مرررد ولك يتيمة مو انت كلت يتيمة.
الاعرج: هو لان يتيمة جبتها محد راح يطلع ويبلغ عنها ماتتت عاشت محد يهتم
دكت على رجلها ترد بانفعال
بلقيس: وتريد تشمرها بالموت ولك يالماتخاف من كل بنية بعز شبابها اشافت وفوكها ماعدها احد
ما اكتلها بلقيس وداعتج بس اعلمها على الشغل شوية شوية تتعود علينة ابقيها يمج تفيدني دوم نحتاج بنية بشغلنا ومو كل بنية بنية هاي تفكيرها تفكير زلم وافعالها هيج محد تكدر تسوي التسوية هي ذيبة هاي احتاجها.
بلقيس: لاتكسر گلبي بيها اروحلك فدوه توسلتني اني ماتحمل وتدري بية باقية وياك بالاكراة
عيديها ثاني مرة حتى اكووم افلش وجهج
بالاكراة باقية جديدة عليك واني لو عندي غيرك ومكان ثاني مابقيت
احس صارت حركة وصوتة انفعل يصرخ
كلشييي جبتلج كلشيي شتردين مني بعد
شغلك كلة حرام خطف وتهديد مخدرات وبيع شباب ضيعتها شبااااب.
انكسر شي صوتها اختفى بس صوتة يصيح مثل المخبل شوية وطلع من مرت دقايق كمت اشوفها تلم بالكزاز بقيت واكفة اباوعلها فركت عيوني تحركت من مكانها لانت ملامحها تسألني بابتسامة
صح النوم اسويلج اكل
فندق شنو هذا
والله ماعرف شكلج بس اتعودي على الوضع
راحت شمرت الزبالة غسلت وجهي صحصحت رفعت التشيرت طلعت ايدي اشوفها صايرة احسن ناشفة كم يوم رادلها وافتح الخياطات لكيتها تباوعلي صافنة رفعت حاجبي الها.
لا هيج بس اشوف وشوم بجسمج
اي
عدلت ملابسي وابتعدت عنها
مايوجعن من دكيتيهن
كلشي يوجعني بقت على الوشم
هسة ماكلتي اسويلج اكل
لا
كلتها وطلعت برا اجت بالي ذهب اخواتي وين هنا سالن علية عذرني اموري كال تواتب وين معقولة ماسألو علية معقولة محد افتقدني هيج هيج بسهولة انسي واضيع محد يمد ايدة ياخذني.
من القهر نزلن دموعي فكرة محد يسال عليك ويفتقدك لو تبقى دهر تموت الواحد رفعت راسي اباوع فارغة السما بالي بيت دراهم والبعيجية اشتلعت روحهن كون تعودت عليهن وعلى صوتهن المزعج.
انداريت اشوفها وراي صارت بصفي مادة ايدها إلى بيها موزتين وتفاحة.
مو ماتردين اكل اكلي ذني
اخذتهن من ايدها خليتهن بجيبي وموزة وحدة اكشر بيها.
منو موجود هنا
شكو واحد شارد من الشرطة ومطلوب
معقولة الشرطة ماتندل اماكنكم وماجاية هنا.
لا اكو ضابط موكفهم مايخليهم يوصلون
هه ضابط يحمي المجرمين
اي لازمين علية لزمة هما شغلتهم يصطادون بالماء العكر اشياء مامفكر بيها العدو يسلطون عليها ويهددونها بية
البارحة جبت ملف لواحد اسمة عبد الناصر
اي هذا جاي يخرب شغلهم وينطي اوامر ضدهم هسة بعد مايسوي شي الملف بية حتى اسماء اليحبهم عنواين كلشي راح يهددونة ويسكت والا هي العصابات ليش باقية والقانون موجود.
فتحت عقلي بكلامها طلعت بدون ماحجي وياها ولا كالت اي شي فتحت الباب بصعوبة طلعت المنطقة مابيها اي خدمات حتى تبليط ماكو يكول بصحراء عايشين مشيت افتر طلع واحد بوجهي اذا اباوع بشكلة ازوع تجاهلتة صاح بية.
ارجعي لمكانج لايصير شي مايعجبج
رفعت حاجبي وبتحدي كتلة
شيصير مثلاً.
باوعلي بنظرات قذرة مثلة رجعت مو مال اعاند اخذت الدرب اغلط عليهم طلعت الموزة من جيبي جاي اكل بيها اريد ارجع للبيت تلاكاني الاعرج بسيارتة ياشر بيدة اصعد.
خيررر
امشي شغل خفيف على السريع اصعدي بسرعة
ماجاوبتة عفتة اريد اطلع صرخت بصوت عالي من ثارت طلقة قريبة مني التفتت خايفة فاتحة عيوني صرخت بية.
كواكب: همزين ما صوبتنيييي شبيك مخبل
الاعرج: اصعدي لا اخليج عرجة مثليييي.
مطلع مسدسة من الجامة نازل وي ايدة صعدت بخوف گلبي يدك سريع هذا مخبل حقير نذل شغل السيارة يهدد بية.
الاعرج: لاتتحديني ولا تلاسنين شكلج نفذي احسن ما تشوفين شي مايعجبج خطوة وحدة غبية اخلص على شكو واحد براسج وما اخلص عليج اخليج مثل لكل واحد يتجاسر
وين ماخذني كتلك رجعني لبيت دراهم واني اشتغل
اااانتي زمالة زمااالة ماتفهمين ماكدر نجي لمنطقتكم
كواكب: انعل ابوك انت الزمااال.
ضربني بالمسدس على راسي بقوة صرخت وشلت مدالية ردت اشمرها علية رجع يريد يضربني رجعتها لمكانها ورفعت ايدي.
لاتضرربني راسي يوجعني
فحطتيني اسمعي لج من الاخير اسمعي
سكت واني الزم براسي افرك بمكان الضربة كون كسر بيدة يحجي باريحية ابن النعال.
الاعرج: راح تنزلين ادكين الباب تطلعلج مرة رجال مو مهم تكليلهم اني صديقة لارا اريد اشوفها
يا صخااامة وين اروح
خزرني بقوة سكتت لايضربني لزمت اعصابي كوة احجي بهدوء.
شسوي هالمرة
مو جاي ليش تقاطعينيييي
كمل بعد ما اقاطعك
ترحين للبنية تجيبين الفلوس منها وترجعين شفتي شكد سهلة
فلوس شنو الاجيبهن
فلوس السم التاخذة نطلبها ماتدفع تهددينها تكلين لاهلها اذا ما انطتج
جاي تحطمون بالشباب بالسم ماتخافون من الله شبابهم دمرتوة
حافظي على روحج معليج بالناس.
درت وجهي لو شكد ما احجي مايفيد ناس منتهية ومغسولة عقولها حظي جابني الهم لا والله غضنفر ورطني بيهم جانت دراهم تطردة واني اطردة مايفيد شمرني واختفى من اشتعلت روحك كون
كواكب: وين غضنفر
شعندج وياة
اسال سؤال
لاتسئلين يشتغل ماتخصج اخبارة
دراهم وينها
رجعت لبيتها
جانت عدكم
اسكتي ما احب الحجي الهواي
دخلت اصابعي بشعري اسحب بية بقوة سكت واني كاعدة احس الدنيا تفتر بية ماعرف وين تشمرني.
وكف السيارة وبدا يدليني البيت نزلت اشر على عيونة بمعنى اشوفج ومن مشيت صاح وراي
الاعرج: لاتخطين خطوة غبية تتندمين عليها
من يحترك كلبي بس اغلط واسب ماكدر اضرربة ويرتاح گلبي بية وصلت للبيت اعدل بروحي دكيت الباب ايدي ترجف دخلت للحرام دخلت واني جنت اسوي كلشي في سبيل اعيش بالحلال وافتخر بنفسي وافرح بتعبي.
رفعت راسي من انفتح الباب طلعلي رجال عمرة يطلع بالثلاثين بقة يباوع بوجهي بلعت ريك.
هلو عمو.
هلو بابا تفضلي
اني صديقة لارا اجيت اشوفها
بس اني اول مرة اشوفج
اي ما جاية من قبل بس عندي تواصل وياها صديقات من زمان اسئلها اذا تريد
گلبي دك بقوة انتظر ردة بس لاتطلع وتكول ماعرفها ابتعد يفتحلي الباب ماد ايدة.
تفضلي بابا
دخلت مترددة وخايفة بيت وناس ماعرفهم يذبحوني ماعرف شيسوولي روحي اشمرها بالمجهول المجهول دخلت وهو يصيح.
وينج بابا لارا اجت صديقتج شاسمج بابا
ها عمو صفا.
طلعت امها بعدها شابة جهال جوة يلعبون حالتهم المادية كلش زينة استقبلتني امها تكلي.
تفضلي حبيبتي هي كلش ضايجة هالفترة بلكت تفرح بشوفتج
دخلت جوة تلمست جيبي بعدها السجينة بية تطمنت والله شكد ما اخاف اتطمن من اخذها وياي عاد ادافع على روحي بيها، دكت الباب المرة.
حبيبتي لارا صديقتج هاي افتحي الباب
ماردت شوية وانفتح الباب الاضائة خافتة كلش البنية مايبين شكلها مادة راسها تباوعلي فتحت الباب دخلت احجي.
هلو لارا حبيبتي شلونج
اول مادخلت سدت الباب خفت وصرت ادور على الضوة وين النقطة وين فتحتها وشهكت من حسيتها وراي التفتت اشوفها واحس رجلية ثلجت البنية صغيرة بس شكلها يخوف بشرتها باهتة وجوة عيونها سواد مو طبيعي شعرها مكفوش اي ملامح ماكو بوجهة اهلها وين عنها ليش مايراقبونها ويعرفون بتهم شكاعد تاخذ.
ابتعدت ارجع ليورة وهي تقربت
شتردين ماعرفج اني
كواكب: الاعرج دزني يريد الفلوس
ماعندي فلوس.
هو كال اذا ماتنطيني الفلوس اكل لاهلج
نزلت عيني لايدها لزمت مزهرية عرفتها مو صاحية من ورة السم وتريد تفلشها براسي لزمت ايدها بقوة بس اريد افلتها شقواتها بيدها الثانية ملخت ركبتي بس سحبت المزهرية شمرتها على الجرباية وسطرتها راجدي ترس وجهها اجة موتتني بدون صوت هجمت علية قوووية قوووية رغم مو ضخمة خنكتني بيدها اريد افلت روحي ماكدر طلعت السجينة بصعوبة فتحتها وخليتها بخاصرتها
بانفاس لاهثة هددت.
كواكب: انبتها بطنج عوفيني بسرعة
خافت وابتعدت انداريت بوجهة بسرعة رافعة السجينة بوجهة تريد تلزمني بس اصير انبة منها وافلت ماخليها تلوح السجينة بس تلزمها تموتني
كواكب: الفلوس بسرعة الفلوس
راحت بسرعة مثل الخبلة تحك براسها بصورة مو طبيعية فتحت الكنتور نثرت الملابس طلعت ذهب وفلوس اسمع صوت امها عالي تصيح.
وين رايح مو كلت انعدل هاي بدال ماتاخذ ذهبي وتصرفهن على سوالفك
اسكتي منا الباب مو وكتها.
مو صوجك صوج اليبقة يمك يا حيووان
البنية جمدت بمكانها من سمعت صوت امها تصرخ مبين كتلها الحيوان لان غلطت علية.
دمشي امشي علساس كاعدة بالبيت هو انتي تردينها حجة حتى ترحين
اني اعلمك الساقط فلا ارجع بعد روح جيب بالنسوان وتعال البيت فارغ.
اختفت الاصوات مبين راح تلم ملابسها وتطلع وهسة عرفت سبب حالة البنية كلة يرجع لاهلها ومشاكلهم ماكو رقابة اليشوفهم يكول شلون ثنين بس بالحقيقة مشاكل مشاكل وطلعت اثارها بالاطفال اجتني خلت كلادة ذهب بيدي وفلوس ايدها ترجف وصوتها خشن.
لارا: اخذيهن وامشي بعد مايطلبني
هاي كلادة امج انتي بكتيهن وعبالها ابوج اخذهن
هو ابو نسوان شعلية دوم يتعاركون مو علمود الذهب من زمان يلا يلا اطلعي بسرعة.
اجت تدفع بية خليتهن بجيبي احس اختنگت
بهدوء كتلها.
لاتضيعين روحج بالسم عوفية بعدج شابة وصغيرة
روحي شوفي نفسج بالاول هههههههههههههههههه
طلعت روحي مسلوبة وضحكتها ترن باذني اني هم نفسها ضيعت روحي! بس شي عن شي يختلف
طلعت البيت فارغ الجهال خطية طفرو يلبسون باحذيتهم شنو ذنبهم هيج متبهذلين هيج بسبب اهلهم؟
غادرت البيت بعد ماتاكدت مو كل بيت فخم ناسة مرتاحة وكل شخص مو زين وراة اهل هما السبب.
وكل واحد عندة معاناة وقصة.
دخت واني ادور على سيارتة لكيتها بعيد دخلت طلعتهن من جيبي شمرتهن علية ادية وكل جسمي يرجف حتى صوتي من نطقت.
خل الفلوس تفيدك دمرت بنية شابة
هي اجتنا مو احنا العرضنة عليها تاخذ مخدرات
بقيت اكل بشفتي وهو مستمتع فرحان بالفلوس والذهب.
الاعرج: خوش تشتغلين هاج ذني
شال فلوس مدهن إلى باوعتلة بقرف
الاعرج: اخذي تعبج
وخررررهن منيييي لاتخليني اموت روحي وخطيتي بركبتك.
هههااهااي غبية غبية بعدين تحتاجينهن وتطالبين بيهن مطالب هاي البدايات بس
انعل ابو البدايات الوياكم
مارد علية شغل السيارة ماسالتة وين رايحين روحي توجعني اعصر بيها عصررر صار الغروب اذن الاذان اسمعة الى ان اقتربنا من جامع يخابر طلع بقيت كاعدة بدون روح طلعو المصلين بعد ماخلصت الصلاة وصار هدوء غريب رجع علية الاعرج يبلغني.
رايح اخلص شغلة وارجعلج صيري عاقلة ماكو مهرب لاتحاولين تخسرين.
لح لح ولزك بهاي الكلمة راح طلعت من السيارة خليت ضهري عليها مكتفة ادية الجامع بوجهي مسجد الله ضحكت ونزلت دموعي بصوت عاتبتة
كواكب: هذا بيتك محد يدخله بس يصلون ويطلعون يقفلونة نمت بالشارع وبيتك موجود!
جنت اتمنى اصير مثل اخواتي اصلي اذكرك بس ماردتني لو ردتني سحبتني مو خليتني انجرف اكثر ماتريدني تريد بعض الناس بس حتى من يغلطون
ترجعهم للطريق.
مسحت دموعي النزلت احس گلبي نار رجلية وحدهن اخذتني للجامع نزعت حذاتي كزبر جسمي
ماترددت ادخل الحرارة الجانت بجسمي بهوى بارد لفحني بردت ريحة طيبة اجت بخشمي مشيت وصار كدامي رجال كاعد يقرا بالكتب لابس نظارة وملابس اهل الدين عمامتة بصفة مخليها.
تقربت امشي بدون صوت رفع راسة شافني طبك الكتاب وابتسم براحة وجهة لطيف ملامحة مريحة
نزع نظارتة ولخبط شعرة بيدة.
كواكب: السلام عليكم
وعليكم السلام ورحمة الله وبركاته.
شيخ اريد اسألك احجي وياك انت مو تعرف الله وتقرا هواي جاوبني عنة
تفضل استريح
كعدت اباوع بوجهة گلبي يتطمن بدون تردد حجيت بالبگلبي وشرحت عن الافكار التجيني.
كواكب: ليش رب العالمين من نحجي وياة ونشكي مايسمعلنة مو هو يكول ادعوني استجيب لكم
ابتسم بهدوء وبصوت هادئ عذب جاوبني.
الشيخ: مو صحيح ان رب العالمين ما يسمعلك، هو يسمعك بكل حرف، بكل تنهيدة، بكل دمعة تنزل من عينك. بس مرات، الاستجابة مو مثل ما نتصورها إحنا.
الله يقول: ادعوني أستجب لكم، بس الاستجابة إلها أشكال يا ينطيك الشي اللي تريده.
يا يدفع عنك شر كان راح يصير.
يا يخليها لك أجر وأفضل بيوم القيامة.
وإنت يمكن تگول بس أني تعبان هسه، أريد حل هسه، وأتفهمك، لأن الوجع لما يضرب، الصبر يصير ثگيل، ثق بالله، مرات تأخير الإجابة هو نفسُه رحمة، وأكو شي وراه، يمكن ما واضح إلك هسه، بس باجر راح تشكر الله عليه.
سولف ويا الله مثل الصديق، ابچي إذا لازم، حچي من قلبك، وگله: يا رب، أني تعبان، لا تخليني، وراح تشوف شلون يبعثلك راحة من حيث لا تدري.
كواكب: ليش اكو ناس تعبدة مهيأ الها الاسباب واكو ناس لا مايخليها تتقرب اله حتى لو جانت رايدة قربة؟
الشيخ: حبيبي سؤالك جداً عميق انت تكول
ليش أكو ناس متهيئة تعبده وناس تحس كأن الباب مسدود بوجهها؟
تنهد وبصوت هادئ كمل.
الله خلق البشر كلهم بنفس الفطرة: حب الخير، حب النور، والرغبة بالقُرب من الخالق.
بس الحياة مو سوية لكل الناس. أكو ناس الله يبتليهم ب الضياع أو ب الانشغال أو ب الظروف، مو عقوبة، بس لأنهم بطريقتهم راح يوصلون الة أقوى وأصدق.
وهمين، مرات الله يخلي واحد يتخبط، يبتعد، ينحرف، بس مو لأن ما يريد يقربه بل لأن هو يريده يرجعله برجعة ما تنعاد.
رجعة كلها صدق مو بس طقوس.
أما الناس اللي تشوفهم متهيئة، يمكن هما محتاجين ظروف مختلفة حتى يثبتون قربهم وكل واحد اله اختباره الخاص.
فلا تفكر إنو رب العالمين يبعد أحد عنه، هو دايمًا فاتح بابه، بس مرات الطريق اله يمر من طريق ضبابي، تعب، صراع، بس يوصل
وإذا إنت تحس إنك مو متهيأ أو ما ينطيك فرصة، فأنت بالضبط الشخص اللي الله ينتظره.
لأن السعي إليه، حتى لو بصعوبة، هو عبادة عظيمة.
نزلت دموعي والغصة خنكتني حجيت.
كواكب: جاي احس مستحيل ارجع نهايتي قربت ماعندي احد وحيدة لاهو يريدني ولا الناس تريدني.
راح اغرگ بالذنوب والمعاصي اشخاص غلط يطلعون بوجهي كل ماريد اعيش صح تنكلب حياتي للاتعس شسوي تعبت؟
الشيخ: اجي وياك وحدة وحدة
أحس مستحيل أرجع
لا، مو مستحيل حتى لو حسيت كلشي انكسر.
الله مو مثل البشر، ميگلك ليش تأخرت؟
يگلك: رجعت؟ أنا هنا
أكو حديث قدسي يقول: من تقرّب إليّ شبراً، تقرّبت إليه ذراعاً. ومن تقرّب إليّ ذراعاً، تقرّبت إليه باعاً. ومن أتاني يمشي، أتيته هرولة.
يعني أنت بس تبدا حتى بنية بسيطة، الله يركض الك.
نهايتي قربت
أحياناً، شعور النهاية يجي مو لأن فعلاً هي النهاية بس لأن الروح وصلت أقصى وجعها، وقرب الفرج.
الموجة القوية تجي قبل ما البحر يهدأ.
فلا تصدك الإحساس هذا، هو مو نهاية، هو منعطف.
ماعندي أحد
بس عندك الله، وهذا مو شي بسيط.
إذا ماكو أحد يسمعك هو يسمع.
إذا الكل غادرك، هو موجود.
كافي ترفع عينك للسما وتگول: يا رب، كلهم راحوا، لا تروح إنت وشوف شعور غريب ينزل، راحة خفيفة، حتى لو لحظية.
لا هو يريدني ولا الناس تريدني
هو يريدك
والناس؟ مو كلهم، بس يمكن لحد الآن ما صادفت ناسك الصح.
وحتى لو الكل بعد، الله ما يريدك تمشي وراهم، يريدك تمشي بإتجاهه، لأن هناك الراحة الحقيقية.
راح أَغرگ بالذنوب.
ماكو شي اسمه غرگت للابد، لأن الله هو الغفور الرحيم أكو ناس ظلوا عمرهم يخطأون، بلحظة تابوا، ورب العالمين غسلهم غسلة، وبدّل سيئاتهم حسنات.
كل ماريد أعيش صح، تنكلب حياتي للأسوأ
أنت مو ضعيف، أنت قاومة، كل مرة تحاول تنهض هذا مو ضعف، هذا قوة عظيمة.
واللي يحاول يعيش صح، الشيطان يشتغل عليه أكثر، لأن يعرف شكد قيمته عظيمة لو استقام.
كواكب: السؤال الاخير شيخ راح يساعدني؟ يستجيب الي؟ اعيش براحة؟ اعيش صح؟ وما اكول مستقبلي واخرتي ضاعت؟
الشيخ: إي، راح يساعدك
إي، راح يستجيب إلك.
إي، راح تعيش براحة، وراح تعيش صح، وراح توگف بگلب التعب وتگول: ما ضاع مستقبلي، وما ضاعت آخرتي لأن الله جان وياي من البداية للنهاية.
بس اسمعني زين، من شخص گلبه وياك: أكو شي بداخلك أقوى من كل اللي صار.
مو صدفة الله خلاك تحجي هالكلام وتجي للبيتة وتحچي اللي بداخلك والتفكر بية لأن هاي بداية الرجعة.
السواد اللي تحسه هسه؟
هو مو النهاية هو الليل اللي يسبق الفجر.
و الفجر راح يجي، لأن ربك وعد وقال: إن مع العسر يسرا
مو بعده وياه يعني الألم والفرج يمشون سوه، بس إنت بعدك ما شفت الوجه الثاني.
أنت مو شخص ضعيف أنت إنسان عميق، حقيقية، تحترق من الداخل بس بعدك تسأل عن الله. وهذا بحد ذاته أعظم علامة إنك مو تايهة إنك مختار.
الله نفسه وياك.
بس كول: يا رب، دربني، نبهني، قويني، لا تخليني أضيع وهو راح يسوي كلشي.
هسة انت بداية شبابك لاتضيع دربة دوم موجود هو يسمعك سولفلة لاتسولف لغيرة يرد عليك ويريح كلبك بس لاتعوفة.
لا تنسى هالشي:
الله ما يضيع أحد يلجأ له بصدق.
وإنت لجأت ف أبشر.
طلعت گلبي فارغ واحس نفسي خفيفة بخفة الريشة بعد كلامة وياي ابتسم واني امشي واردد ف ابشر كل مايصير ظلام اسود كلما يقترب الفجر
ضحكت بفرحة غامرة روحي مسحت عيوني واخر شي كتلة قبل لا يجي الملعون.
يارب عينك علية رجعني الك دوم لاتخليني
افقد الامل.
نجمة...
امشي بالغرفة رايحة وراجعة اريد شي البسة حلو هسة استاذ فقار وكتة يخابرني شلحك طلعت اشوف مرت خالي لكيتها تريك بجهالها عصرت، ادية بتوتر رفعت راسها انتبهتلي.
ها نجمة
خالة فدوة حبابة تعالي وياي نطلع ملابس
حيجي الاستاذ ياخذني للدوام
رفعت حاجبها
منو الاستاذ التقصدينة بس لافقار؟
اي ايي هو امشي وياي عيب يتاخر
سحلتها وياي جهالها يباوعولي باستغراب ينگطون ثقافة وهدوء فتحت الكنتور اطلع وارويها.
ها خالة يلة اختاريلي خررب ميس الجلبة لو الزمج الا اخنگج العوووبة
هسة البنية شدخلها
كلة من وراها عافتني جانت تنسقلي ملابسي.
كلتها وفركت عيوني ماريد ابجي ابتعدت وهي تختارلي نسقتلي لبسة طبعاً اني ما البس بناطير احب الفساتين والتنانير بس لان شركة تنورة وستر لو شي يناسب الدوام والوان هادئة جابتلياهن.
اخذتها من ايدها اركض طايرة قبل لا ادخل الحمام زلكت رجلي راحت ليكدام عضيت شفتي بالم ومن الاستعجال كمت ماحسيت بوجع هسة مال اكعد ابجي بس مو وكتها نجوم لبست على السريع ورجعت طايرة للغرفة لكيتها واكفة تختارلي اكسسوارات.
انطتني ساعة وسوار ومحبس لطيف مديتلها ايدي
لبسيني بسرررعة لبسيني
علي كيفج لايوكف كلبج شنو اول مرة تداومين
لا خالة بس انتي ماتدرين البنات التعاركن وياي
كلهن طردهن هيج كدام الموظفين كلهم جامعهن ولزم فايلاتهن شامرهن بوجوهن وبصوت عالي صاح بيهم.
يلااااا من شررركتنا احنا ما نلفي بنات منافقات حقودات يحجن على البنات الحبابات والحلوات امشن يللا لعبت شكولنا منجن لاطخات المكياج لطخ وعيونجن زايغة تغارن منها برررررا
اشرت بيدي الثانية على الباب احجي منفعلة رفعت حاجبها بعدم تصديق تكلي.
هو هيج كال؟
اي هو وراد يكتلهن بالقندرة بس كال اني ررررجال مامد ايدي على نسوان عارات مثلجن
اوووو والله استاذ هذا
اي والقران كلش حباب هنا نغارن مني لان سوالي.
مكتب حلو وكتب اسمي هيج هيج يتلامع خلاة نجووووووم
صدك؟
اليجذب الله يذبة بالنار تعرفيني ماجذب
ولا ابالغ ابدددد
ديلا عدلي ربطتج وعدلي وجهج
خليت واقي وشوية حمرة لخدودي وشفتي ومنا ومنا حواجبي الصاكات مشطتهن بمشط صغير والمسكارة بس اخليها تفكس عيني عدلت ربطتي
خالة حلوة
تخلبين بس خلي كحل
اه
اي خلي شوراج
اخذت القلم منها كحلت عيوني بقيت ارمش كدام المراية واضحك: خااالة شبيج تباوعيلي هيج جهزي جنطتي وياج.
راحت تطلع جنطة واني شريت عطر ورطبت ادية لبست حذاتي على السريع اباوع بالمراية خاف ناقصني شي افتريت اشوف نفسي وشمرت بوسة لروحي الصاكة.
جنطتج
والله انتي مرة كلش حبابة
تروحلج فدوة افنان وصبيحة وجناينهن العارات
بستها بخدها واخذت الجنطة بقيت انتظر بالكراج رفعت موبايلي صورت فيديو لنفسي ودزيتة لميس
ها ام الوصخ طاح حظج شوفي شلابسة
ولج طيبة وغادة طردوهن علمودي بالدفرات والتكفخ صار فلم هندي وانتي ماكو فاتج العوبة.
طفيتة من اجت مرة خالي تباوعلي بهدوء
نجمة: ها خالة
استاذ فقار متزوج وعندة بنية
اي وبنتة تخببببل بس ماتخلي واحد يبوسها
والله بعد ابوسها غصباً عليها
اي جبير هو منفصل هم
اي خطية خوش رجال كون يتزوج بعد ويجيب درزن جهال
ضحكت وهي ابتسمت بهدوء مسحت على زندي بلطف: انتبهي وركزي وي الناس
التفتت على صوت السيارة مشيت بسرعة اودعها
باي خالة بااااي رايحة.
طبكت الباب وراي ابتسمت من شفتة يباوعلي مبتسم خليت ايدي على خدي: صباااح الخير استاذ
ضحك من حركتي خرب هاي مال واحد يريد يصيح امداني اذا ماصير بية خير انداريت فتحت الباب الورة صعدت اندارلي رافع حاجبة.
فقار: شو كاعدة ورة
اي كعدت
اني سايق تكسي
لا
ابو خط
لااا وين
شوفير؟
هم لا شنو السالفه استاذ
اي لعد ليش كاعدة وراي
مو حرام استاذ
رفع حواجبة ثنينهن خازرني
منين جبتيها هاي نجوم.
استاذ سمعت السيد كال حرام بس الزوجة والام تصعد بصف رجلها واني لا زوجتك ولا امك
حلو شنو اسمة السيد
ماعرف بس هو سيد حلو وجدة رسول الله هم
دار وجهة وحرك السيارة يحجي
مايصير بابا احنا بالعمل ياخذون نظرة موحلوة
وخاصة لو طلعنا اجتماع
خيولون استاذ شعليك بيهم هما الناس مايقتنعون بشي
نجوم احس بيج شي
لا استاذ والقران مابية شي
الوعي مو زين يكتل كتل
ها
اي اي نجوم.
سكت واني سكتت بس بية مرض ماعرف اسكت هواي احب احجي على كلشي لزمت روحي شوية ماتحملت وحجيت وهو كانة منتظرني شوكت اسولف.
استاذ هاي سيارتك والله حلوة
كدامج هي وصاحبها
لا استاذ ماريدها اني اذا اسوق الطشها بالحايط
اعلمج سهلة
لا استاذ ماتفيدني اسوي حادث مو اني ابطش بيها
عضيت شفتي اشوفة بالجامة مصدوم خرب هسة الا احجي: تبطشين نجوم!
ها لا اكول اكول مو شسمة حلو من واحد يبطش.
والتايرات تشخط شخططط بالكاع والدخان بووووياااا
ضحك واني سكتت ولو ينطيني فلوس بعد ما احجي كافي اسكت حتى عيب علية احجي
سويت روحي اباوع للطريق ومركزة بعد ماباوعت اله ومن التفتت اشوفة يباوعلي من الجامة.
لاتسوي حادث انتبهة للطريق
منتبة
استاذ ليكدام باوع مو ليورة هسة اني ماعرف اسوق بس افتهم بالسياقة
انتي بكلشي تفتهمين بس يمي تصيرين تطفين عقلج.
لا والله افتهم انت مو علمتني بسرعة لكفت الشغلة حرام عليك استاذ لاتجذب اليجذب الله يحركة
وصلنا طبك السيارة بالكراج نزلت كلي
روحي بابا اجي وراج
ماجاوبت رحت وحدي بس ضجت هو ماجابني ليش خلاني ادخل وحدي انوب استحي من ادخل كلهم يباوعولي التفتت بابتسامة وكبرت ابتسامتي من شفتة.
عرفت من عطرك على صباح الخير
صار بصفي يضحك بهدوء مشينا سوى تعودت ماانتظر منة رد.
علي خو ماكو يباوعولي اني راح اباوع ليكدام.
بس اذا شفتهم باوعولي الزمهم وراجديات على وجوهم حتى بعد مايباوعون على البنات وين كاعدين احنة بسوك خوما سوك
صعدنا سوى راح لغرفتة واني رحت اشوف رزان كامت فرحانة حضنتني بقوة.
رزان: ها لج اشتاقيتتت ماتداومين عيني
ردت ابطل بس من كالولي ذني راحن اجيت
اي عيني اي هاي علمودج كلها حدت سنونها منا النسيب ومنا اخو النسيب ومنا صديق النسيب ومنا ابن عم النسيب شلون ما ينكلعن.
اي غير صارو كرايبنا على وقبس والاستاذ وي اخواتي بنفس البيت صارو مايقبلون علية
باوعت لمكانهم اكو بنات جدد عفست ملامحي
اكلج خطية ذني وين يرحن بعد هنا صح غثة بس المفروض يعتذرن بس مو مال ينفصلن
رزان: اهلهن اجو حجو وي استاذ فقار بس قافل كلش يرجعن نقلهن لغير شركة بعد ماهواي موظفين حجو علية ودخلو واسطة
االحمدلله هم عاد يشتغل يكلج قطع الارزاق
ولا كطع الاعناق.
بقيت كاعدة يمهن شوية وطردتني اروح لشغلي السوالف وي البنات نستني الشغل دكيت الباب ورحت لمكتبي الشغل صاير كومة كومة بديت بية ورة ساعتين تقريباً صار كدامي رفعت راسي وحلكي متروس حلاوة بس اريد ابلعها لا اغص واموت بمكتبي حتى ماتهنيت بية.
فقار: عندي اجتماع وي شركة ×××
جهزي نفسج نطلع
كمت من مكاني واخذت مي شربت
هسة نطلع استاذ
اي
شلون اجهز نفسي اروح ابدل لو حلوات ملابسي.
بس لمي غراضج والملفات التخص الشغل
كالها وطلع شوية وطلعت نزلت جوة انتظرة اندرت على الدرج اشوف سمار يطفر على البايات اشر بيدة الي.
سمار: واخيرراً نوررت الشركة يابة
هلو سمار
اهلا اهلا بنجمة ام خد المگر
لزمت خدي بيدي وهو يضحك
نجمة: هاي رصعة من زمان بية شنو هستوك شفتها
لا اكيد غير انتي النهار كلة تضحكين حتى نشوفها
يااا
مو اني اكول هاي غادة تكول هيج.
بس همزين خلصنا منهن الج عزيمة ماطول الشركة تنظفت من هاي الشكول التعبانة
سكت من وكف المصعد ونزلو قبس وفقار خزرة فقار واشرلي امشي قبس دفع سمار مني يدك على ظهرة.
قبس: امشي كدام ابني
سمار: هسة من المصعد طردوتني شعليكم بية
ضربة بقوة غلط علية ومشة كدام صار يمي يمشي
بقيت اخزر بية.
قبس: شبيج تخوزرين
اختي شلونها
زينة
اي واضح مادام تشوفك كلش زينة
هز ايدة ومشة كدامي طلعت وراهم بسيارتة اشرلي اصعد وسمار دخل.
قبس: وياي بس انت نعال شكو
سمار: بس نجمة اني ماتريدني صرت
نسيبتي ابني اخليها تروح وياكم
سمار: ابو الغيرة العراقية اويليي عليك
نجمة: اكلكم اني اشتغل وي استاذ فقار مو وياكم يعني اروح وياة لان سكرتيرتة يلة باي
سمار: لج كفووو واحلى فشلة للنسيب
رحت وبقو يتعاركون صدك غير هو استاذ فقار كلي كومي واني اشتغل وياة ومجهزة الشغل لكيتة ينتظرني صعدت بمكاني انتبهت اله من كال.
شعجب مارحتي وياهم.
مو استاذ اني اشتغل وياك مايصير
مشت السيارة اباوع سيارة قبس ماكو سالتة كال
طريق بديل يلحكونة هسة
وصلنا للشركة على بعد مسافة لاتقل عن شركتنا فخامة واعتقد ثنينهن على نفس المستوى انتظرناهم يجون ودخلنا سوى.
قاعة جبيرة تتوسطها طاولة طويلة تحيطها النساء والرجال ببدلات رسمية العيون اندارت علينا يباوعولنة بدقة القى استاذ فقار السلام الكل رد علية بصوت جهوري نهض الشخص المتمركز الوسط مد ايدة لاستاذ فقار تصافحو بحرارة بعدها هو والولد وصل إلى كلهم صارو يخزرون بية وجهي اشتعل نار وهذا ماد ايدة يرد اصافحة ابتسمت وخليت ايدي على صدري رجع ايدة وبابتسامة كال
او نسيت محجبة اعتذر
لا عادي.
تنفست براحة من اشرلنا نستريح مشيت وراهم سحب استاذ فقار كرسي والولد كعدو بقة يباوعلي افتهمت إلى كعدت وهو كعد بالكرسي الوسط كدام الشخص السلم علينة.
بعد المقدمة الكالها والترحيب بدا الاجتماع طولو بية واخيرراً خلص بس احنا الموظفين طلعنا بقو المدراء مشيت بالمرر انتظرهم جعت حيل اكو شاب عيونة علية ابتعدت عنة كلش وطلعت تليفوني.
اكلب بية فتحت عيوني على وسعهن وگلبي دك بقوة من لكيت ميس قارية رسائلي ورادة علية ب
راجعة للعراق
شهب.
وي اصواتهم طلعت وريتني ماطلعت ولا سمعت الصار واكفة اريد افهم شكو ومنين البنية هاي الدتحجي، جانت وياها مرة جبيرة نسوان البيت كلها ملتمة عليها وهي تصيح.
بنتي حامل تعرفون شنو حامل وين اوديها هسة طلاكها باطل
صارت مشادة بالكلام وكل وحدة تحجي شكل اخر شي دفعت البنية بالبيت وبجزع كالت.
ضرغام مو بس يعرف يتزوج هاي البت وحيرو بيها اني مرة وحيدة ما اربي جهالكم
طلعت وعافت البنية بالبيت من قوة الكلام السمعتة مارمشت اباوع للبنية تجي بداية التلاثين حلوة مرتبة بجت بنصهن تحجي.
اسيل: هو وين ضرغام اتصل بية مايرد خابرو فدوه خابرو
بعد ماسمعت شي دخلت جوة كلبي يوجعني اختي ماصارلها شهر متزوجة تجيها مرة ثانية وحامل هم، شيصير، بيها لو درت وردة لزمتني من ضهري دفعتها عني جانو يعرفون بيها وين جانت هاي.
اجت نيزك تريد تطلع منعتها ماكدرت احجي بجيت بحضنها اكلها اجت مرة رجلج.
بعدتني عنها خايفة وردة زودتها تسال بينة ثنينة مانحجي عافتنا وطلعت طلع اركض وراها دموعي تصب ومجلبة بيها باوعت بجمود على الموجودين
التفتن عليها يباوعلها سحبتها اكلها
امشي ندخل جوة
اوكفي شنو هاي الهوسة
سندس حاضنة البنية وذيج تبجي اجت باتجاهنا تحجي بقهر مصطنع.
هاي زوجة رجلج الاولى ماعرف الثانية المهم هسة هي حامل تكول وامها كالت حيرو بيها.
اباوع لاختي ما رمشت بقت تباوع بالبنية دارت وجهة بدون اي كلام ودخلت جوة سحبت امير وصعدت رحت اركض وراها قفلت الباب علينة
وبهدوء ولاصوت طلع الها طلعت كم قطعة ملابس الها واخذ بس التحتاجهن لمتهن وملابس امير رتبتهن واني بس ابجي واشهك سحبت امير خلتة على الجرباية بدلتلة وطلعت عبايتها لبستها شمرت روحي بحضنها حاضنتها قوي.
شهب: فدوه لاتنقهرين لايصير بيج شي
احجي اي شي فدوه
نيزك: كافي ماكو شي
وين راح ترحين
هسة اخابر خالي يجي ياخذني
طلعت موبايلها ايدها ترجف اتصلت بية وبلغتة
نيزك: خالي فدوه تعال محتاجتك
انتظرك مو تتاخر
شمرت الموبايل وبقت على كعدتها اندك الباب سهلةتحجي محد فتحة الها حقدت عليهم لان محد كال ضرغام متزوج كالو مطلك وبهاي الحالة تذكرت كواكب وكرهة اله وشلون جانت تحجي علية واحنا مانقبل طلعالسبب الحقيقي.
حضنتها دموعي تنزل نار تحرك خدي هي مريضة عود عروس كلشي ماشافت من عرسها.
احجي نيزك احجي لاتسكتين ابوس ايدج
احجي
شحجي كال جنت متزوج وطلكتهن هاي كدامج ماصار اسبوعين من تزوجتة اجت مرتة بنية شابة وحامل شحجي
شتسوين وياة
ما ابقى وياة للموت ما ابقى اروح يم خالي
الباب كل شوية يندك ويجن علينا ماطلعنا ولا حجينا شي رجعت نيزك خابرت خالي كال وصلت كامت جلبت بيها ودموعي ماتسكت عكسها مانزلت دمعة من عينها.
شهب: اجي وياج.
نيزك: ابقي انتي مالج دخل
نزلنا جوة ماباوعت بوجهة واحد بيهم جنطتها صغيرة كلش نسبة للاغراض العدها سهلة وجهة كركم كاعدة على صفحة تشرب بحباية.
سندس: ها وين رايحة
ماجاوبتها طلعت وهنا حايرات شيكولن اجت مرتة لزمتها من زندها نترتها بعيد عنها وبقرف باوعتلها
اسيل: حبابة لاترحين والله من اجيت، ما قصدي اخرب عليج ماعندي احد وحامل لهسبب اجيت
ضحكت نيزك بصوت وكالتلها
انتي خربتيها من اتصلتي علية بالسليمانية.
عافتها وطلعت بدون ماتحاجية لاكتنة ذهب برا واكفة مدنكة راسة اجت باتجاهنة تحجي بفشلة
ذهب: والله حبوبا مادري شكول وشحجي وياج اني مستحية حيل مستحية لجن شاهد علية العباس مادري يضرغام متزوج ولو ادري ما اخطبج اله الله يشهد حبيتج وردتلج الزين
ابتسمت نيزك بهدوء واني هذا المخبلني هي عصبية منين اجاها الهدوء! لزمت ايدها رفعتها باستة.
نيزك: حبوبا مالج دخل انتي هو بالسر ماتعرفن الذنب ذنبة لاتلومين روحج اني وانتي نعرف بعض
استودعج
بعدها مامتحركة اندفر الباب ودخل ضرغام يمشي سريع وحواجبة مشدودة سحب الجنطة من نيزك بقوة شمرها جوة يصيح بيها.
ضرغام: وين رايحة ووووووووين
نيزك: ميخصك
ضرب على راسة بقوة وبصوت عالي وحركة يصيح
ضرغام: وولح شنووو مايخصني لاتخبليني
ضحكت تهز بيدها
نيزك: روح تخبل على غيري روح مرتك اجت
طلع خبالك عليها.
سحبت ابنها وطلعت رجعها مانعها يصيح
ضرغام: ماتطلعييييين ماتطلعين ادخلي جوووة اسولف وياج ونتفاهم
نيزك: ماعندي اي شي وياك نتفاهم بية عوفني اطلع مالك شي يمي الحمدلله امير مو ابنك هسة اخذة واطلع
بهتت ملامحة من ردها طلعت وهو وراها يسحبها وتسحب روحها يهدد ويتوسل بس ترجع وصوتهم صار شعلوة دخل خالي للبيت يصيح بيهم.
همام: خل تجي وياييي بعدين تفاهمووو
ضرغام: ماتطلع نتفاهم هنا ماتطلعععععععععع.
نيزك: واني طااااااااالعة مانتفاهممممم
كلشييي انتهى وهالزواج بذاك اليوم خرررب
جيب شيخ وطلك انتهتت.
كالتها وصفكت اديها بحركة خلتة يلطم لطم بس يريد يلزمها خالي بالنص يبعدة عنها يقنع بية بس تروح وياة كم يوم وهو قافل ماتطلع من البيت فحط خالي وشالها على كتفة شمرها واخذها يركض وهي بصوت عالي تصرخ وتضرب بية.
نيزك: ملختة تملخ بس مايحس ولا يسمع صوتي العالي صعدني للغرفة شمرني على الجرباية نهضت ارجف نار صار فوكي قيد حركتي تخبلت بالزايد
لزم ادية يتنفس سريع وگلبة يدك بقوة.
ضرغام: لاتمشين فدوه بس خل نفتهم ونحل السالفة سهلة والله سهلة مايحتاج تطلعين من البيت على، مودها
عوفنييي امشي عوووفني مالي خلك مرادد وقهررررررررررررر.
صرخت بحركة وغمضت عيوني بوجع احس صدري ذبحني ابتعد عني رفعني ينزعني عباتي وشالي ويفرك بصدري دفعتة عني ادير، وجهي من الوجع حانية ضهري وهو متخبل يدير بية علية.
ركض جابلي العلاج يشرب بية ماشربت تخبل يصيح: اشربي ولج اشررربي
عوفني اطلع واني اشرب عوفني
هسة اشربييييييييي ولج اشررررررربي
الالم يزود ماينقص لملمت شعري ورفعت عباتي الزمها نترها من راسي.
ضرغام: ماترحين والخلقج
بحركة وعصبية ضربت على صدرة بكل قوتي.
ما ابقىى وياك وتحلم تشوفني بعددددد
اني مو ماعندي احدددد
استغليتني واستغليت وحدتي
بلاااش اخذتني مالي رداد عبااالك
تحلم ابقة يمكككككك
روح لمرتك ولم جهاااالك
لزمت صدري وكعت بالكاع عيوني جمرت.
شهب: نزل ضرغام من الدرج متخبل شايل نيزك ويصرخ صريخ وجهة دمممم واختي بحضنة منتهية لطمت على وجهي ركضت وراة بلا وعي
خلاها بالسيارة وياسمين اجت تركض بيدها عبايتها صعدت وشخطها طاير بينة.
دكيت على وجهة وجهة كركم تفتح بعيونها وتغمضهن دموعي نزلت على وجهة.
نيزك فدوه لا نيزك مابيج شي انتي
شفتها بيضة يابسة ابتسمت وهمست
مابية شي السلام عليك ايها العبد الصالح المطيع لله ولرسولة ولامير المؤمنين والحسن والحسين
صلوات الله عليهم اجمعين ورحمة الله وبركاته.
غمضت عيونها ورخت اديها تخبلت عقلي طار من راسي صرخت بوجع اختي ذبلت بين ادية مثل الوردة جانت مفتحة وذبلت وراحت وصلنا للمستشفى لكفها بحضنها يركض بيها واحنا وراة نركض اخذوها منه طاح بالكاع على رجلية والدم نثر الكاع صار ينزف من خشمة التمت علية الدكاترة واخذتة كوة حتى مشي مايكدر يمشي يصيح بيهم ماتن رجلية ماتن
بقينة وحدنا بالممر وحدة ازيد من الثانية لمتني بحضنها وكعدنا على صفحة صرت ارجف رجيف.
وهي تسكت بية ماكو دقايق وضيغم دخل يركض
يسال عن ضرغام.
ياسمين: ارتفع ضغطة روح يمة روح اني هبطت ماكدر اتحرك بعد
وراة بشوية اجو ولد عمة واخوة ترسو المستشفى بعد ولد وياهم خالي اجت بقينة نفتر على نيزك كلوبنا خلصت والدكاترة ولا حاجونة خالي حاضني يبوس بية واني ابجي بحركة.
همام: ماعوفجن خالي والله اني اهلي عفتهم علمودجن لان باطلين.
انسحبت منة رفعت راسي اشوف قبس عاكد حواجبة وجهة مايتفسر سحبني علية واخذني على صفحة.
كافي لاتبجين مابيها شي نعلعلة
بقة يباوع منا ومنا اخذني يم ياسمين يكللها
غطيها بعباتج جاية بملابس البيت
المن جاية
اختيييي ماااتت من ورة ابن عمك ابو النسووان والله لو صار بيها شي اكتلة وادخل سجن ماخلية يتهنىىىى
رفع حاجبة مستغرب مني بقيت ارجف على اختي وين يلا الدكتور اجة يحاجينة.
االدكتور: كلبها مو زين بعدها شباب.
تلاحكنالها ملاحگ
همام: هسة دكتور شلونها
يحتاجلها راحة مايصير، تشوفونها ولاتحجون وياها
وعلى كعدتنا بقينة ضرغام كلهم يمة دخلو اجة قبس يكلي: يلا امشي للبيت
ماروح واختي هنا
احلفلج بالكائنات والمخلوقات اجيبج بس تبدلين وترتاحين شوية مايطلعونها الا يشوفنها كلش صحت
بقيت ابجي وهو يقنع بية اروح للبيت خالي بقة يحجي علية وهو يلطم: بملابسج هااي كلها تباوع الصخام والمصخمين امشي للبيت امير نط خطية.
سحب ياسمين ودخلني بعبايتها صاير بصفي طماني طم ما ابين صرت اخذني للبيت وامير مفرفح لكيتة يلعبن بية البنات شافني اجاني يركض حضنتة وصرت ابجي گلبة يدك بقوة
اخذتة وصعدت فوك سهلة راحت وي قبس وهاي مرتة كاعدة وكانها ام البيت تسولف وي دعاء وامها
حلوكهن مشكوكة من الضحك والسوالف صعدت والبنات بضهري.
مر اليوم محد اخذني الها نص الليل يلة اجة قبس لكاني كاعدة كرص خدي وشمر روحة على الفراش
قبس: كاعدة سنجوبة.
مو كلت اخذج بس ارجعي ليش تجذب
المن رايحة اني موجود بدالج
اختيييي بالمستشفى مو اختتتك
نهض سحبني نترت روحي منة
شبيج
عوووفني
اوووف اشو عصبية
اخذني الها يلة
خل انام شوية واخذج الها تعبان ميتت ميت هذا ضرغام ابو راس فحطنة تفحط
ابو النسوان خل تفيدة النسوان
لا لا، لا عيب بنتي لاتحجين على الاكبر منج
مامجذبة عليك واختي بعد ماترجعلة
اي بس تعالي اريد انام
نام اني ما انام.
سحبني وغصب عني خلاني بحضنة روحي ممرودة على اختي هسة هي وحدها وينمرد گلبي اكثر من اتذكر كواكب ما اجت هاي طيحتين الها وهي ماكو صدك عافتنة كواكب وبعد ماتريدنة شلون والله ماصدك هي تذبح روحها علينة ليش عافتنة وحدنا
كافي سنجوبة ام خدود
شهكت ماجاوبتة حضني اكثر يمسح بخدودي بدون لايباوع بوجهي.
هو علساس يحبها وهيج اذاها انت شلون
قبس: شنو شلون؟
ما ابقة وياك حتى لو احبك بس تفضل غيري علية
نامي
الما اهمة ما افكر بية.
اششش
نمت كعدت الصبح لكيتة مبدل كالعادة يكعد من وقت لازم موبايلة يشتغل بية ما انتبهلي اخذت ملابس سحبت وطلعت انشف بشعري ما لكيتة بدلت ونزلت جوة رضا كاعد بحضن وردة توكل
وين اموري وردة
وردة: راح لامة يبجي عمي اخذة
ذبيت حسرة گلبي ورم من القهر.
حفصة: شلون صارت اختج
شهب: زينة
كلتها وباوعت لاسيل كاعدة وبكل صلافة ولايكول اختي بالمستشفى من وراها صحت بيها بعصبية.
شهب: لا عبالج اخليج ترتاااحين اطيح حظ حظج والقرآن تسولفين وتضحكين واختي من وراح بالمستشفى اجيج اركع راسج بالحايط مو شفتيتي ساكتة
دعاء: شبيج عيني وي البنية شدخلها هي
شهب: انتي لاتدخلين ميخصج سالفة اطلعي منهاااا
سندس: يمة منج الخوينسة طلع لسانج طلع بعد بعد تعاي اخذي راجدي من بنتي شعليها
شهب: انتي وبنتج لا تدخلن ما حجيت وياجن عدها لسان تعرف ترد مو بس للسوالف لسانها.
اسيل: اني ماريد احجي وياج حبيبتي اني اجيت على راس اختج قبل لا يشوفها ضرغام اني زوجتة مو هسة تزوجتة
شهب: زوجتة ليش محد يعرفج ولا سامع باسمج؟ ليش محد يعرف بزواجج؟
لاتقارنين روحج وي اختي اختي اخذها كدام شيوخ صاح بيهم مرررتي وكدام العالم سوالها زفةةوعرس مو نفسج بايعتها برخص
كلتها وطلعت خليتهن يحجي وراي قبس يضحك لاكاني يهز بيدة.
قبس: وين جان هذا لسانج ام لسان واني اكو ماتحجي.
ما احجي من محد يأذيني لا والله احجي بس يدوسولي على طرف
قبس: راح انطيج لايك اعجبني هسةة وين رايحة شو مبدلة
لاختي تاخذني هسة
بس اتريك على السريع
انتظرك
سحبني وياة
قبس: اكلي شي لاتوكعين انتي هم
ما اشتهي والله
اكلي بس شوية علمود الضغط
دخلت وياة لازمني من ايدي لكيت الدراما تصيح هذا اني اسيل تبجي وتنوح تسولف قصتها لحفصة وجناينها كاعدات يسمعلها بس.
اسيل: اجة خطبني من امي وكال ماريد عرس وافقت لان اني ماعندي احد وكاعدين بالايجار امي كالت اخلصي زوجتني اله وتالي طلكني رجعنا نلم فلوس لم للايجار امي جانت عد اخوالي كاعدة بس من عرفت بية حامل و طلاكنا بطل ماقبلت كالت اني ارجع لاهلي انتي مرتة هو مسؤؤل عنج
مو رخيصة اني
دعاء: حبيبتي متفهمين هسة على شنو البجي
سندس: ناس ماتخاف الله تحجي شامي عامي.
كعدت بصف قبس كوة اكل كعدو يمنة شباب تلاثة ثنين يتشابهون كلش قبس يخزر بيهم مايباوعون النة ابد بينهم يحجون وياكلون.
حسين: موحسن تشم ريحة جذب
محسن: اشم روائح مختلفة
حسين: حدد الرائحة اخي
محسن: اكشن خاب الحموضة صعدت عندي
حسن: احنا مانخلص من دوخة الراس والجالي المعلك
حسين: ولاول مرة يتفق ويانة حاسن انطية موحسن حباية كرط بعد جايتنة الحموظة الكبرى
تلعب روح روحك
نكت ايدة عافس وجهة.
حسن: حتى روحي لعبت اكل بالكافتريا مخلمة محتركة وكلها زيت ولا هنا اكل
نشغت من كرصني قبس فتحت عيوني خازرتة
شبيك ليش تكرص
قبس: عيونج
سكتت مارديت هسة واذا باوعت اصلا هما مبينين حبابين نكت ايدي وكمت اغسل انتظرتة برا طلعو ذولة لابسين ملابس مدرسة كتبهم بيدهم
حسين: السلام عليكم اختي
شهب: وعليكم السلام
محسن: السلام عليكم ورحمة الله وبركاته اختي
ابتسمت
وعليكم السلام خوية
حسين: نكللها؟
محسن: لا عيب.
ححسين: يلة من نكعد شهر هيج نكللها هسة جدد مو
محسن: اي والله بعدنا بالباكيت
باوعت بوجوهم وكلت
كولو محتاجين شي؟
رادو يحجون وسكتو من اجة قبس صار بنصهم حاضنهم باوع بوجهم وبوجهي يكللهم.
قبس: هاي مرتي
حسين: اختنا
محسن: وتاج راسنا وراسك اكيد
قبس: زين زين
تغيرت ملامحهم انداريت اشوف ضرغام اجة وضيغم يركض وراة قميصة مفتوح من فوك دفر باب المطبخ برجلة يصيح
ضرغام: اليوم اشرررب من دمج بنتتتتت الكلببببب.
دخل جوة وقبس والولد ركضو وراهم رحت لكيتة لازمها من راسها رافعها من الكاع رفع لمت البيت بالصريح يريد يدخلها للغرفة وضيغم يسحب بية يصيح بية يعوفها شمرها على الحايط ركعها ركع وبراجدي مو راجدي من قوتة خدي وجعني.
ضرغام: راااحت من ورررراج لج كتلججج انطيج فلووووس هو انتييي تدورين فلوس جلبة فلووووووس اخذي نغلج وروحي عيشييي حتى لو بالصييين عوفيني اعيش وياااها.
سحبها يخنك بيها قبس بقة يباوع من بعيد بس ضيغم وسندس يبعدونة عنها وهو متخبل بس يريد يلزمها يصيح بخبال.
راااحت بعد لابيت خالها ولا بالمستشفى موجودة راااااحت رررراحت اخذت ابنها ومشتتتت.