رواية الرمق الأخير للكاتبة شمس العراقية الفصل السابع والأربعون

رواية الرمق الأخير للكاتبة شمس العراقية الفصل السابع والأربعون

عصبت هذا تخبل وراح يسويلي مشاكل الها اول ما الها تالي شيخلصني من حسين، وكف ابو الخط مع السلامه نزلت برأس الفرع وأتصلت عليه ورد شجابك للبيت
جواد شُنوْ شجابني إبن خالچ ترى مو غريب
الطاف جواد روح الله يخليك.
ما رايح الأ أشوفچ ونكعد نحجي أشوف ليش رافضه الزواج مني شُنوْ السبب.

قطعت الخط وشفت الأسواق مالتهم مفتوحه وسيارة جواد طابكه يم بابنا صخام الوجه، عبرت من يم الأسواق شفت عباس باوعلي نزلت رأسي أكيد شافه وبلغ اخوه صاك عنده علم شلون ورطه.
أباوع اله لابس رسمي وتخصر يم السياره وبيده تلفونه ومبتسم، وصلت العنده، السلام عليكم.
جواد يا هلأ بنت عمتي شلونج ست شُنوْ هاالجمال والأناقه عمي الوظيفه ما تلوك بس ألچ.
لأ تبالغ.
أكدر ادخل البيت لو تطرديني.

ضليت متردده، طلع عباس تخصر ويباوع النا
جواد تكدر تروح ما عندي حجي بعد الزواج ما موافقه عليه وخلاص شوفلك غيري تناسبك أني شايله فكره الزواج من بالي ليش متعب نفسك رايح جاي كلتلك من الأول ما اتزوج ليش هالملحه.
غير اعرف ليش، ماكو عارض أهلج وأهلي موافقين
وعد أسويلج عرس ما صار وشتردين أني حاضر بس غير أعرف ليش رافضه الزواج.

مسحت وجهي بقلة صبر وسمعت صوت شخطة سياره باوعت حسين أجه من الشارع العام يريد يشيل التبليط بسرعته شخطها وطبكها بصف الاسواق والتراب ترس الشارع نزل وركع الباب بكل قوته.
جواد هذا شبي شاخط شنو شارع الخلفوه شباب أخر وكت.
الطاف أباوك عليه وكف يم الباب وصافن علينا عن أذنك لازم أدخل مشيت ولزمني من إيدي نفضتها بعد ايدك وخليني محترمتك.
علي كيفج لاتعصبين، خل اشوف ابوج ونحجي.

كتلك ما عندي حجي وياك، وأني احجي وعصبيه اجه ابويه باوعت حسين ماكو، عفتهم ودخلت البيت ومزعوجه وطافره روحي هسه عباله عندي شيء وياه.
شمرت جنطتي وشفت طيبه تقربت ضربتها كف كله منج دمرتي حياتي هسه أذا حسين سحب تميم مني شسويلج.
طيبه گلشي لمصلحتج والله.
بعياط ما اريد احد يدور مصلحتي ما اريد منكم گلشي بس عوفوني بحالي وين اولي بعد واخلص من تحكمكم بيه بس عاد زهتكونييي كرهتوني بعيشتي.

ذهب خلص اهدئي ما يكون الا خاطرج طيب.
ألطاف خاله يا خاطر ليش هما خلوه بيها خاطر عفتها ودخلت غرفتي وقفلتها وكعت بالكاع بجيت من گل گلبي وهالمره حسيت روحي وحيده ومالي أحد والكل يريد يتخلص مني ومن حملي رغم كاعده بيتي بس ما خلصانه من تحكمهم بيه ياربي عجزت
جريت التلفون دخلت واتساب، طلع يكتب الان ضليت أنتظر ماكو شيء بعدين اختفى اخر ظهور، شُنوْ كتبت ورجعت مسحته اعذرني والله ما أتزوج.

ضليت كاعده بالغرفه وأسمع زينه أدك بالباب وتون تبجي، كمت لحيلي فتحته وحضنتها أسفه ماما تمسكت بيه وطيبه صافنه عليه ليش ما وليتي لبيتج شعندج جايه ما اريدج لاتجين ولا تسألين عليه اعتبريني ميته.
زينه الصبح تخربطت وضليت يمها.
زينه شبيها، رفعت وجهه شبيچ ماماتي شصارلها
جانت مصخنه وطول الوقت بس تبجي ما فهمت منها شتريد بالضبط كتلها تحجين ويه ماما هزت رأسها برفض.
واني ليش ما عندي علم، ليش ما بلغتوني زينه مصخنه.

زينه ماما شبيچ كوليلي فهميني اني افهم بالاشاره ما عليج من احد محد يفهمج بس ماما، كامت تحجي بالأشاره يعني تروحين بعيد وتعوفيني! وين اروح راحت روحي اذا رحت وعفتج ما اروح باقيه يمج حضنتكها وتمسكت بيها.
أباوك بغضب ل طيبه كله منج، خربطتي عقل البنت صارت بيها خوفه اعوفها واروح ما كافي عليها لحد الان ما رايحه من بالها من عافها ابوها.
شمدريني عبالي يصير برأسج خيك.

ما يصير براسي خيك يا أختي عاجبني وضعي وحياتي هيج، بيتي وملكي وظيفتي وراتبي بجيبي وجهالي مرتاحين واروح الدوام وارجع الهم وتميم نهاية أالأسبوك يروح بيت جده ومتفاهمين اني وأبوه وعلاقتنا محترمه، ونظام حياتي مستقر بس كله منج خربتي الأول والتالي.
اخ من عنادچ، هسه جواد بعده بالأستقبال أبويه كاعد وياه، يريد يحجي وياچ.
صخام لحد الأن ما وله لحد الان سيارته يم الباب.

طينتي عيشتي دفعتها ودخلت الاستقبال شافني أبويه وگال.
حاتم بابا اذا ما موافقه احجي وياه وفهمي.
ألطاف حجيت وبلغته ما موافقه ولا راح اوافق مو عيب بيك لا والله أنت شاب الف وحده تتمناك شوفلك غيري تسعدك أني فكرة الزواج شايلتها من رأسي ولاتزعل لن رفضتك والله يعوضك.
عفتهم وطلعت وأحس أرتاحيت لن ضل ساكت، دخلت المطبخ لكيت خالة محضرتلي الغده كعدت أكل وأنركع باب الحوش راح مو.
طيبه أي وكلش ضاج.

غير من وراج من ورى لكافتج تتصرفين من رأسج
شمدريني أنتِ ثوله.
ماكو ثوله غيرج، خليني محترمتج أحسن، وسالفة الزواج تشيلنها من رأسج وكلش زين تعرفين اني أحب حسين ف لاتصيرين عنتر برأسي ومصلحتج ومدري أيش عوفيني يرحم أهلچ ترى شلعتي گلبي بسوالفچ.
عافتني وكامت وخاله كعدت يمي طبطبت على أكتافي.
ذهب هم حجيتوا أنتِ وحسين
شنحجي وضحت اله الصوره عقل ما ضل برأسه وحالف ومتوعد الا يأخذ تميم.

ترى مو من حقه يأخذه منج، شنو متشوفين حياتج من وراه، والله شنو أخذ ابني منج، اني مو وياه بهل التصرف لايرحم ولا يخلي رحمة الله تنزل وبعدين قسمه وأجت والولد كله عيب بي كامل من كلهن والكمال الله، شو بيت لوحده وعنده وظيفه والله مكنه ورايدج وكتل نفسه عليج بس بعد القرار يرجع الچ.
حقه ما يريد أبنه يربى يم الغريب
عشتوا هيج شايل هم إبنه ما يرجع امه ويفضها هاي حجه مبين بعده يحبج بس يكابر ويعاند بيچ.

سگتت بعد ما جاوبت ولا حجيت بموضوعه، كمت نظفت غرفتي وعزلت ملابسي وكعدت وزينه يمي تلعب وتذكرت وليدي أشتاقيت الك يروح إمك باوعت التلفون وأتصلت عليه ميجاوب رجعت أتصلت على العلويه نرفضت أكيد هو رجعت على زهور وردت الو
زهور هلأ الطاف هلا عيني شلونج.
ألطاف الحمدلله تمام، أنتِ وين
بيت أهلي والله ليش.
اي همزين فدوة رحتلج تميم يمج أريد أحجي وياه
هاا اي لا لا طلع من ساعه هو حسين
َ حسيت أحد يمها، هاا وشوكت يرجعون.

ما أعرف ما كالوا، أتصلي عود على حسين
تمام، شُكراً، نهيت الأتصال شُنوْ معناها تحرمني من أبني مو من حقك أبداً مو من حقك.
دزيتله رساله أريد أبني، شافها وما رد حسين مو من حقك تحرمني من أبني، أنت عادل وتعرف الحق اللي تسوي الله وعباده ما يرضون بي.
شبسرعه حنيتي البارحه اخذته منج لو تردين حجه وسبب علمود تحجين ويه حسين!
حسين الصار عوفه صفحه وأني أم مثل ما أنت أب وأعرف أنت بالبيت وأنت منعت زهور تكول بالبيت.

عليك الله أبني اريده مشتاقتله.
نايم
كول والله
والله نايم.
تمام من يكعد أمانه، دزلي لايك ورجع دزلي
رفضتي بكل احترام
أرفض اوافق شيء يخصني
ماشي راحتچ
ما جاوبته عفت التلفون ناقصه تغير أسلوبك وياي والله ما ناقصه.
وخلص اليوم ما رسل أي شيء ولا بلغني كعد أو لا
عفته وما لحيت اذا هو يرضاها وقابل ضميره يحرم طفل من أمه خلي علىك راحته.
الصبح كالعاده كاعده وصافنه على مكان تميم أشتاقيت الك يروح امك، نزلت دمعتي ودخلت طيبه.

طيبه أسفه
ألطاف شيفيد الأسف مالتچ متسويلي أي شيء لو الكون كله يتأسف جروحي ما تطيب.
وتمر بينا الايام وكل خبر ماكو من أبني، أتصلت كم مره ومحد رد تالي عفتهم على راحتهم وبيوم اندك الباب ركضت فتحته عباس هلا خويه فتح الباب نزل تميم
بيده شهادته فرحان حضنته ناجح وليدي جان عنده 8 ميخالف لن تاخرت يلة تسجلت السنه التجي تطلع الاول.

دخل البيت فرحان حضنته وابوس بي عيني وليدي كبر والسنوات تمر بيج يا الطاف شتشوفين بعد الحمدلله
وتمر الأشهر حياتي فارغه وجافه من كلشي طافيه جانت من طرفي فقط، عايشه ل اطفالي وملتهيه بيهم واودي واجيب واشتري واعتني واهتم واربي واسولف گلشي جنت اسوي وياهم ما أخليهم لوحدهم، بس الجان يحزنني غيابه بردوه قساوته بالكلام من يوم ما عرف إبن خالي تقدملي هو قطع التواصل وبس كد السلام ولو مو إم ابنه حتى السلام يشيله.

أباوك منشوراته ماكو شيء سلبي متفائل بالحياة منشوراته إيجايبه رغم قليل ينشر بس مميز بحضوره وغيابه، انطيته اعجاب بس ما علقت وطلعت عفت التلفون الى متى ألطاف إبنج راح الثاني أبتدائي وأنتِ تتأملين تأملات مستحيل تكون أو تحقق أجيت انام وبعز صفنتي فزيت رساله من عنده
شُكراً رفضج الزواج واعتذر تصرفي المراهق وياج وباذن الله ما تنعاد بعد.

ضليت صافنه بكلامه ليش هيج تتصرف وبعدين تعتذر رجعت جاوبته لا عادي ولا يهمك اني هم اسفه خاف عصبتك وخليتك تنزعج
لا عادي كلش ومتعود على طبعچ، وهسه تصافينا وتعادلنا محد زعلان من الثاني
جاوبته بدون وعي وأدارك ازاعل الدنيا واوادم كلها ولا ازعلك
هو ماكو ادامي غيري
لاتنغر علينا
يحقلي الغرور حقيقه ميه ميه
نعم
نعم الله اعظامچ، اقصد انعم الله عليچ
ليش حقود
مو حقود بس بعض التصرفات ما تعجبني أضوچ منها هاي كل المشكله.

تمام
محتاجه شي
لا سلامتك، انطه اعجاب وراح رجعت أقرا كلامه عجيب أمرك حيرتني وياك بس مع ذلك يكفيني وجودك وكلامك وياي
خلصت العطله وإبتدئ الموسم الدراسي عام 223 افرح من يجي الدوام اقل اخلص من كعدة البيت والجو يخنكني من أكون لوحدي اتكأب الوحده تقتل إما بالدوام لا زين اشوف صديقاتي مدرسات وياي طالباتي يصيرلي واهس للحياة.

تجهزت أني وياهم وخاله ذهب رحت السوك، اخذت ملابس مدرسه ل تميم واخذت اليه ملابس دوام واحتياجات البيت وكل النواقص، ورجعنا وتميم فرحان ركض يرتب بيهن وشايل جنطته والقرطاسيه كعدوا هو واخته، واني رتبت ملابسي بالكنتور ورن تلفوني حسين
جاوبته الو
حسين شلونكم.
ألطاف زينين الحمدلله
شسون
جنت بالسوك والله رحت أشترينا ملابس لدوام وتميم فرحان ويرتب ملابسه
ليش ما حجيتوا صوريلي ملابس تميم أشوف، راح اتصل فيديو عادي.

أي عادي وأتصل وجهته تميم جان كاعد وصافن، تميم ابوك يحجي وياك هاك التلفون حبيبي، اخذه وفرحان كعد يشوفله شُنو أشتره
تميم كومه اشتريت باوع بابا شوف ملابسي حلوات
حسين بالعافيه حبيبي اي كلش حلوات.

ألطاف خليته يحجي وياه واني كاعده الجربايه ارتب شغلاتي، جنت بعدني بملابسي ما غيرتهن، زينه ماما انطيني ملابسج ارتبهن احجي وياها وتميم يضحك باوعت عليه شبيك! موجه التلفون عليه ويضحك كمت ردت اخذه وهو يركض بالغرفه وخربان ضحك تميم وخر التلفون ما يصير ماما
تميم خل ابويه يشوفج.

ألطاف جريت التلفون من عنده وراح يضحك وقلبت الكاميرا وجهتها على الجربايه وهو صافن ويتمعن بالنظر وك وجهه أبتسم، زفر نفس وتأفف حاجيته عود شيسمونها أنت كلتله مو حسين عيب عليك هالحركات
عوفج من العيب هالخريط كله خل نحجي بالنضيف شنو هالتبرج هذا كل هالتبرج العالم شافته، ترى حرام خاف متدرين ما يصير بابا.
وأنتَ ليش عصبي ومزعوج حرام عليه وذنبي برقبتي.

صلوات محمد فاهمه ما شاء الله عليچ، طفي الكاميرا طفيها شگوو موجهتها على الجربايه شتردين!
شهگت ولطمت صدري عزاا حسين شُنو هالحجي الجهال كاعدين يمي
خير ليش اني شحجيت قابل ليش نيتج وين راحت!
وجهي احمر ومن فشلتي ما جاوبته بقيت ساكته
وينج شو راح صوتج
موجوده
جهزيلي تميم راح أجي اخذه اشتريله ملابس مدرسه
مو اخذتله اليوم ميحتاج بعد تسلم
ميخالف اني هم اريد اخذله يصير بدال شنو يعني
ليش تكلف نفسك.

شُنو أكلف نفسي تميم إبني مثلما يكون إبنج
ماشي تعال أخذه.
ماشي.
ألطاف قطع الإتصال، وشكله أنزعج من كلامي تجاهلت رجعت ارتب ملابسي واندك الجرس وطلع يركض خاله طلعي اجه يأخذه.
ذهب ماشي يلة أمشي إبوك اجه ياخذك.
ألطاف. راح وضل يمهم أيام وأبتدى الدوام وهو ماكو راسلته تميم ليش ما تجيبه الدوام أبتدي وتروح عليه دروس واجباته صار أسبوك من بدا الدوام الرسمي هم يتأخر ويخرب نظامه ومثل السنه الفاتت جاب ثالث على الصف.

حسين ما عليج بي
شنو ما عليه شبي هذا شهل التصرفات راح يخبلني وياه
عفته اعررف يريدني احجي وياه علمود ينفجر بيه أضل ساكته وتميم هو يرجعه ما معقوله يحرمني منه سكتت وصلتني رساله من جواد! هذا شذكره بيه
جواد شلونج شخبارج شكو ماكوو
ألطاف زينه ماكو شي سلامتك
حاب نكون أصدقاء ممكن
جواد ممكن تفك عني أظن حجينا ونهينا كلشي وكلتك رأيي والله يسعدك بحياتك ليش داخلي بطريق الصداقه.

لن حبيتج دخلتي دماغي كلامج شخصيتج أنثوتج لطافتج شكلج عصبيتج كلشي بيج يوحي لجمال ألطاف اني رايدج ومشتريتج ليش أتعبيني وياج
أني مو سلعه تشتريني بس الظاهر الكلام ما منا فايده وياك واعذرني على اللي يبدر مني مع السلامه، قبل لايرد عليه حظرته حتى لو تدخلي من رقم ثاني احظرك شكول عليج طيبه انطيتي رقمي ولزكلي عود اني ناقصه كافي عليه تصرفات حسين.

الثاني رحت الدوام وبالي يم أبني مشتاقتله اليوم احجي وياه خل يجيبه هواي طول يمه ما اعرف ليش هيج يتصرف وياي عود اني ناقصه
وصلني خبر نقله من مدرسته وأهنا جانت الصدمه! رحت أستفسرت وتأكدت فعلاً تم النقل الطالب تميم حسين!
جان يوم خميس طلعت من المدرسه وأني كلني خيبة أمل من اللي ما متوقعه منه هالشيء يحرمني من أبني.

وصلت البيت روحي هادئه ما بديت أي ردة فعل تجاه الموضوع ولا راسلت ولا حجيت هايہ هي الطاف سوه الزين وياچ وصارله طفل منج وأخذه وعافج أنتِ شُنوْ بحياته منو أنتِ اصلاً زين منه ساعدج وطلعج من الخيسه والقذاره، كتمت عبرتي ونار تأكل بگلبي وأبني يا ناس أبني روحي بي ابني
ذهب لطوفه حَبيبتي شبيچ ليش بالگوه تمشين الطاف الطاف.

وكعت بالكاع بجيت بقهرررر، تميمممم تميممممم اخذه مني خاله ابوس رجليج جيبلي ابني رجعي لحضنيييي طكت روحي عليه ما كادره اتحمل فراكه أكثررررر اخذتني لحضنها وتواسيني.
ذهب هسه اخلي يجيبه وغلاتج اجيبه وارجعه لحضنج ما عاش اللي يحرمج من أبنج ماكو قانون يحرمج من أبنج، خليج أرتاحي.
ألطاف لميت نفسي وأعتكفت وهي لبست عبايتها وطلعت وابويه زينه كاعده بصفه يباوك اليه ودمعته على خده، خليت رأسي بين رجليه ياربي تعبت.

للمغرب وأني متمدده على الجربايه وبصفي زينه
سمعت صوته من بعد ما راحت ذهب وجانوا طالعين العلويه ما راضيه وكايله الها بس يرجعون اخلي يجيبه الها.
نهضت بتعب وأجاني يركض بيده لعبته حضنته بقوه وابوس بي من عيونه من خدوده من رأسه شعره ضميته لصدري واطفي نار الشوك أخذت روحي والله، مشتاقتلك، بادلني الحضن وضل متمسك بيه، باوعت خاله تبجي.
ذهب روح أحجي ويه ابوك مو كلك شوف امك وتعال احجي وياك شوفه شنو يريد.

ألطاف طلع باوعت الها هو جابه
ذهب أي وسألته ليش متجيبه گال هو تعلم أهناك وما يرضى يجي شسويله، اذا تحبين اطلعي احجي وياه وافهمي منه بالاخير أنتوا أب وام ل تميم.
لا ما يحتاج خليني، شوي وأجه هاا حبيبي.
تميم ماما راح أبقى يمج.
ألطاف أي أبقى البيت بيتك حبيبي، أخذته لحضني بوسته وراح باس زينه ويسولف وياها عيني جهالي مسحت دموعي وأني أباوك الهم.
ذهب الله يحفظهم ألچ.

أمين، ذهب راحت على ابوي تنطي علاجه، واني ضليت مكابتلهم والعب وياهم الا أن نعسوا وسحبته أخذته بحضني وابوس بيه ومتمسكه بي قوي مر هل الليل واني ما غفلتي عين، صافنه عليه والعب بشعراته خايفه بعد ما يريدني خايفه اهله يأخذونه مني واني لاحول لا قوه.
يومين هو وضعه طبيعي بس يصيح ودائمًا يطلب ابوه وما يرضى الا يروح عليهم عجزت وياه يعارك اخر شيء صرخت بي خلص ترى شلعت گلبي بيتك أهنا وخلص.

تميم ما اريد بيت جدو ما اريدج خابري بابا
الطاف تميم حبيبي اني ماما تعوفني مو ازعل عليك
ما خابري يجي ياخذني بيت جدو يم ملاك وسن وبابا ياخذنا مدينه العاب وبيت جدو العاب كومه وغرفتي
زينه موجوده العب وياها وعندك العاب واجيبلك بعد
ما تحجي وهذن العاب مو حلوات ولا جديدات واريد الغرفه مالتي.
هاا هيج صاكت، والله كبرت وصاير لسانك طويل.

عافني وزعل وكام يبجي رحت وراه ميفيد وصار وقت العشه وعناد حاولت وياه يكوم يصرخ بوجهي تعبني كلش خاله ذهب أتصلي على العلويه يجون ياخذونا.
شلون ادزينه الهم.
متشوفينه كطع نفسه من الصبح لحد الان لاياكل ولا يشرب ولا يدرس معند وراكب رأسه الا بيت جده، عفتها رحت احاول وياه قافل وزعلان، خلص خابرته هسه يجي ياخذك، كمز فرحان
يعيش بابا.

ضليت صافنه عليه البعد خلاك تنسى أمك وتتعلق بأبوك وبيت جدك هواي، معقوله يقرون برأسه عليه
كعدت بالصاله وسمعت صوت الجرس وهو ركض للباب، ذهب وصلي لأبوه.
ما تطلعين علىك اقل احجي وياه وأفهمي منه ليش هيج يتصرف تميم وما يريد يبقى يمج.
لا اطلع ولا اشوفه واضحه الشغله هما غيروا وخلوا يتعلق بيهم بالعاب وجهال أقاربائه علمود شوي شوي الطاف تمل ويسحبونهه منها ما ينراد الها تفكير.

كمت دزيتله عفيه عليك أنت الفزت كدرت تسحب تميم الك وتسيطر على عقله وتاخذه من حضني لحضنك وتحرمني منه، أحيك حسين.
شُنوْ تخربطين بكلامج، تعالي طلعي بعدني يم الباب أريد احجي وياج بخصوصه وصدكيني ما دخلني هو من ذاته يريد يبقى يمي وبعدين من بعده طفل ما حرمتج منه تردين هسه أحرمج منه.
ولازم أصدگك.
ما مجبور اكذب عليچ الطفل هو يريد بيئه يختلط بيها يريد جهال يلعب وياهم شسويله امنعه لو اطرده.

دام هيج ليش نقلته من مدرسته!
والله هو طلب علمود ولد عمه وياه بالمدرسه وهما يداومون مدرسه أهليه وقريبه عليج بس يجون بخط
نقلته وياهم وهم أمن عليه أكثر ومستوى التعليم مال هذيج السنه ما عجبني، أهليه افضل واحسن اله، يلة تعالي أنتظرج.
ما اجي لاتتنظرني روح تميم مشتاق ل وسن وملاك والعابه وغرفته.
علي راحتچ.
ألطاف عفت التلفون ولكيت زينه تبجي شبيچ ماما، باوعت علىك الباب يعني ليش راح وخلاني.

حضنتها تبجين على أخوج شسويلج يا أمي وَك أثرها زينه أنتكست صحتها وتمرضت ورجعت سكنت بيها المُستشفيات، ارتفعت حرارتها وأنشمرت وهي وضعها الصحي تدريج بالگوه تمشي، تعبت بالزايد ودخلوها المُستشفى وضليت نايمه بيها
وطول هالفتره تميم يم أهله ولا اجاني ولا شافته عيني جنت ملتهيه ب زينه وهو الأدبسزز ولا أستفقدني.

أجت خاله وبيدها جيس بي ملابس ل زينه أخذتهن منها مشكوره اريد اغيرلها خطيه تضايقت من ملابسها. ، يلة ماما، كمت اخذتها الحمامات غيرتلها ورجعنا لكيتها جايبه حلويات شدعوه هالكثر متأكل والله.
ذهب مو من عندي من العلويه أجت وياها تميم وسألت عليج ودزتهن بيدي لزينه.
ياربي هالانسانه شُكثر طيبه ربي يحفظها، شافتهن وفرحت كعدت تأكل، وتميم ليش ما جبتي وياج.

اهله ما رضوا لن المُستشفى وكلها امراض يخافون عليه كالوا هي تجي ونجيبه الها لن هالفتره متنحس ويريدج ابو رأس ضعفان ولا عرفته.
صُدك سوده بوجهي، يمه شُكثر مشتاقتله.
العلويه كالت جان يريدها بس أحنه كلنا خطيه ملتهيه
ب بنتها يشلع گلبها ترجع البيت عود ناخذه الها
هاا هيج گالت.

أي والله ما راضيه على كل تصرف حسين ولا نقلته من مدرسته كالت إحنه ما نأمن عليه غير يم أمه ماكو واحد احن عليه غير امه بس شسويله لحسين ينفذ طلبات هالفصعون وشابع دلال وخربان والله من جان يمها شلون ولد عاقل وسميع الكلمه هسه حتى كلمه ما ياخذ من احد وبس يصرخ.
فدوة رحتلج علويه، اكيد التصرف الاعوج محد يرضى عليه، لعد هسه رجع وياها.

لا هي رجعت وحدها وهو يبجي يريدج ضل بالاسواق ينتظرج، كومي روحي البيت وأني اليوم ابات يمها.
تمام، باوعت الها زينه ماما اروح أشوف أخوج والصبح أمرلج عادي، هزت رأسها واجت الممرضه تصيح أسمي.
الممرضه أم زينه أم زينه.
ألطاف هاا عيني كمت بوجهه.
الممرضه اكو ولد يسأل عنج كال تكون أمي!
ألطاف أمه منو هذا!
تعال
رفعت رأسي واجه من ورى الممرضه قبل لا اركز بشكله كال.
يمه شلونج أني ذاكر!