رواية الرمق الأخير للكاتبة شمس العراقية الفصل الخامس والعشرون
مرور وقت
ألطاف هواي ماشيه السياره بينا لان الجو مغرب بس خيال الرجال الي
يسوق كدرت افتح عيوني وحرگت أطراف أيدي
أندار عليَّ ويفرك بيده بوجهه همست وين ماخذيني
ليش ما فهمج فيصل
وين مأخذني حررام عليكم إلى تسوونه بيه رجعوني لبيتي
سكتها يمعود تكعد تحلل وتحرم علينا
خله أيدهك خشمي عبالك رايحه عالم ثاني
لا تنومها خليها صاحيه
شفته شلون صارت حالته بلا شوف وليد شلون
صار ولو يستاهل بس يلا لخاطر أبنه.
الطاف أسمعهم يحجون رجع أتصل مكالمه
هاا ولك اي أمشي مناك عود أني أتصل وأبلغ اهله
لهنا وخلصت مهمتنا! أرجع أتصل أم عبد هي تفهمك، اي أخته بالفندق يمكن شمدريني اني
لا تلح كتلك شمدريني وينها طبهم وجع يلا ولي
ألطاف احسهم يمشون عليَّ
گلبي وجعني حيل كلهم مو بعيني بس بنيتي
شٌنو مضموم إلج أتمنى ذهب ما تقصر كملي عني يا غنچ گلبي ديري بالچ عليها هاي بنت روحي...
بعد طريق طويل حتى ما باوعت أحنا وين رايحين بس صافنه انطوني ماي ما أخذت
لحد ما وصلنا نزلوني من السياره ما بيه امشي دايخه واميز شكولهم ولا وين أني بس الشمس غايبه.
نزل شالني بحضنه وخلاني بالسياره الثانيه ورجع كال ارتاحي محتاجه شيء أجيبلج تردين ماي
همست ساعدني فدوه
ما أكدر والله
رجع كال ل صاحبه
دير بالك عليها لاتنطونها منوم بعد خطيه
رد صاحبه هاا ولك أنعجبت بيها
لا بس مبين مغلوب أمرها.
يلا اني اروح لبيتي مع السلامه
ألطاف راح وأستلموني سياره ثانيه بيها زلم أثنين واحد منهم باوعلي
بيج شيء ليش متخشبه
رد الثاني هاي زوجته تدري لو لا
لا بربك هذا ارعن شبي
الظاهر الصار أقوى منه يبجي مثل المره وتخربط
مو يبيع مرته طاح حظه
ألطاف يحجون بينهم ويباوعلي بالجام أنطاني ماي ما أخذت وقف السياره وأندار عليَّ
أكدر أساعدج قبل لأ نوصل أذا مو هاويه هذا
المكان.
رد الثاني شَ تساعدها أنتَ.
تخبلت لازم. شغل السياره خل نولي
اريد ارجع البيت هسه المره حرگت الدنيا عليَّ
رد خليك بروحك أنتَ
رد الثاني قسم بالله أذا لعبت بذيلك أميحك
شغل السياره خالتي دزتني مو اضحك عليها
ألطاف تلاغوا بينهم تمنيت بيهم رجال وكفو
بس كلمن و مغلوب أمرهُ ما بعد نظره عني
وصلنا نزلت بخطواتي تعبانه أحس أريد اوكع من طولي هذاك شغل السياره وراح بقه بس إلى شافق عليَّ!
وصلنا المنطقه بساتينها أكثر من بيوتها.
نمشي لحد أظلمت الدنيا يم بيت كبير مو فخم لأ
بنائه قديم شكل القلعه أنفتح الباب وحده بعمر ذهب تذكرتها أختنگت
شلونج روزه
روزه هلا يمه الحمدالله أتفضلوا
ألطاف دخلوني البيت سانديني البيت سيارتين بالگراج نافوره ماي بالحديقه البيت شگله طابقين
شنو سالفتج أحجيلي
ما جاوبته أحس لساني مربط
تمام راحتج
ألطاف دخلتنا البيت طلعت وحده مشلتحه وملابسها فاضحه وتعلج تقربت حضنته وباوعتلي.
شهل الصيده الحلوه يلا ماما دخلي يم البنات
وانتَ تعال أنطيك حسابك
دخلت بنات مجموعات ولبس ومكياج وشرب وأغاني وهوسه فضيعه هذاك الوقت حسيت بروحي صحيت أباوع إلهن وهنا يباعون الي
وأنقفل الباب هاي شجاي يصيررر
أني وين!
يصررخت بعلوا صوتي
طلعووووني منا رجعووووني لبيتي يا ظلام حقررررراء سفله طلعووووني منا هذا المكان وسخ
أني مو هيج والله وفقدت وأنهارت أعصابي
رجعووووني لبيتي و جهالي فدوه.
كمت أضرب وأملخ بنفسي وأدفع بيهن
يحاولن يهدني ويدخلني الغرفه بس تخبلت حتى صوتي أختفى وأذيت روحي خرمشت وجهي
صخام الصخمج ألطاااف تصيرين رقاصه وشغل وسخخخخخ الله ياخذك يا خوياااا يا مازن
دخلنها الغرررفه لا أحط طلقه برأسها خووش و تدخل المكان برچليها بعدين طلع خبالها علينا
ناقصين خبال أحنا دخلنها وأخذنها من كدامي
ألطاف بعد تعب من الصراخ أحس كلشي أتگتم بروحي ما بيه أمشي شالني دخلني الغرفه بيها.
سرير نومتي بيها وأحس رأسي ينفجر من الوجع
صحيت وقت متأخر وحده لازمه أيدي بيدها أبره نهضت وجريتها منها صحت بيها شتسوووين شنو ضربتيني
روشان أني دكتوره خاصه لا تخافين ضغطچ نزل وخليتج مغذي أشوي وتستقر حالتج
أمانه أحجي حق ما ضربوني منوم لو شيء مو زين
بعدين وين أني طلعيني منا فدوه
لا ماما شسالفهہ.
ماكو شيء أجباري وبعدين أذا هيج حالتج ورافضه هالشيء شدخلج لهنا؟
شعليج أنتِ
كيفج مبين عليج لسان.
ألطاف ما جاوبتها سحبت المغذي وشمرته بقت مصدومه رجعت صاحت
روشان شهيناز أني خلص شغلي تعالي شوفي حل ويه هالشرسه...
ألطاف صرت أصرخ واعيط بعلوواا صوتي طلعوني منا يا نااااس الخيره يا عالم يا اهل الرحم ساعدوني فدوه ولج خيتي من ذكرتها شاغت روحي ودموعي تصب صموا حلگي وأخذوني سحل لغرفه ما بيها كل بشر بس سكراب وانفقل الباب عليَّ بقيت أدك بالباب، ولك فيصل يا نذذذل ليش خليتني أمن بيك.
وغدرت بيه هو هيج اليحب تالي بعتني لناس ما معروفين شمرتني شمره الچلب حسبي الله ونعم الوكيل بيك...
مر وقت والغرفه ظلمه توحش صوتي بالگوه يطلع من كثر ما صرخت بس ماكو نتيجه رچيت رأسي الباب وأردد ساعدوني فدوه أني مو هذا مكاني رجعوني لأهلي وبنتي...
أسمع همس وحده ويه رجال؟
خابرتها وفهمتها كلشي والباقي عليكم
ما يحتاج بعد نتواصل وياهم بالجهنم تأكلهم
أمهم مو زينه مواته وهو حالته تعبانه فد مره.
گتلك ما ألنا شغل بعد أستلمنا حصتنا وخلص
أكتفي بنات أختج وبس
لا تعلي صوتك خليك ع گد مقدارك فاهم
َ أختفى صوتهم أنفتح الباب مره متوسطه العمر رفعتني من الكاع بالگوه أمشي تسحل بيه وأني أدفر بيها عوفونيييي طلعونييي منا
كافي عاد ترى أتصرف وياج غير تصرف خلي النفس عليج طيبه ومتحملتج لا أبتلي بيج.
دفعتني نفس الغرفه كنت بيها أول مره بقيت متوحشه المكان ولامه نفسي ومعتگفه وأباوع إلهن ومستغربه شگولهن همست كانت تضربني أبره اول ما چيت
روشان أريد اولي لبيتي أبقى مگابتلج أني شلون بلوه هاي
ألطاف ما جاوبتها بس خايفه أنفتح الباب دخلت وحده سبحان إلى خالقها ومبدع بجمالها بدون مكياج طول وجمال وأناقه
تقربت كعدت بصفي تلمست وجهي.
روشان أني راح أمشي ترة عندي شغل وأمي خابرتني جهالي طگوا عليَّ.
شهيناز روحي الله وياج
وأنتِ ماما شلونج هسه
الطاف َ جاوبتها مو زينه فدوه رحتلج طلعيني منا أني مو هيج والله ولا هذا مكاني أني أبوي حاج بيت
كل آلبنآت بآلغرفهہ يبآعون ل آلحآلي بآوعتلهہن وگآلت
شهہينآز روشآن أخذي البنات وخلينا وحدنا ومري أم عبد تنطيج تعبج ويانا
روشان أي خيه يلا أمشن شبيچن صافنات لو تحرگت مشاعرجن يلا ولجن تحررررگن
شهہينآز بصيآآآح روشاااان لأ تصيحين البنات
روشان اي خيه فهمنااااا.
ألطاف طلعوا كامت قفلت الباب وكعدت يمي
باوعت ل أيدي ركزت نظرها حلقتي
شهہينآز متزوجه
أي متزوجه وعندي طفله
شجابج لهنا لعد؟
ورجلج وينه!
هہو أهنأ القهر ولحد ألان ما مستوعبه ولا چاي أصدك إلى صار وشلون وصلت لهيج مكان
زوجج بايعچ؟
أي
شگد نذل يعني أنتِ مجبوره
عادي أحجيلج كلشي وتساعديني أطلع منا
شوفي ماما أني أهنا مسؤوله عن البنات حاسبتهن بناتي وصديقاتي وقريبه منهن أسمعهن وأحل مشاگلهن.
بس أساعدج تنهزمين منا معناتها أحفر قبري بيدي
مو هاي إسمها روشان ماكو شيء ب أجبار؟
أي صحيح بس يخلوج تتعودين وتحبين المكان
شلون يعني
طرقهم الخاصه بيهم وفلوس ودلال وشنو تريدين يجيج تحت رجلج
ياربي اقتل روحي وأخلص
هذا مو حل
ألظاهر أنتِ سالفتچ سالفهہ
رآح تعبيني ويآج؟
حآلياً أرتاحي وتعرفي البنات وبعدين نحجي
أمانه ساعديني حبابه ما أريد اشتغل أهنا فدوه
نزلت أبوس برچليها بس طلعيني منا.
بعدين نحجي هسه لازم أروح أحتمال يومين وأجي ابقي معتگفه لما اشوف وحده صديقه ويانا
تمام ماما
تمام
شنو أسمج
ألطاف
فدوه شلون أسم حلو
أوك لا تكولين عن أسمج اذا لحوا عليج
كولي طيف اتفقنا
أتفقنا فتحت الباب وطلعت دخلت وحده لافه رأسها بالخاولي فتحتها شعرها طويل لظهرها كعدت أشسور بي وأجت وحده بصفها ضربتها وضحكت وهي تكول
رونوش اليوم ما تتحاجين جيبك مليان
بعدنا ما مولين خليتي عينج
هفف شنو يصير لو تنطيني من شعرج.
أكو باروگه أم عبد تسويلج
ما احبها ثگيله كرأسي ومزعجه
الطاف يحجون بينهم ويضحكون أني بس أباوع دخت
رنا شنو أسمج ومن وين
طيف من بغداد
أهلاً عود حلقتج نزعيها وضميها ترى أم عبد تأخذها منج وأذا لابسه سنسال هم تأخذه
ترديهن أنتِ أخذيهن
لا خليهن مو بحالهن
تمام اي شيء تحتاجي كولي والبنات ما يقصرون وياج حسبه ألاخوات هنا أخواتي رشا وسجى اختي
الصغيره وشهيناز صديقتنا ويانا.
ألطاف طلعن يتهامسن بينهم بقيت بفراشي لافه الغطا روحي وأباوع الشباك
يارب رحمتك شكول عليك فيصل شكول
بقيت لثاني يوم بليل وقت متأخر لبسن أحلى لبس وطبعاً كله فاضح وأجزاء من أجسامهن ظاهره ومكياجهن وعطرهن
ودخلت شهہينآز أبتسمت بوجهہي
شهہينآز هاا شلونج هسه
ألطاف شلوني يعني باقيه أنتظرج
وكل لحظه تمر عليَّ بهذا المكان أختنك.
شهہينآز تتعودين يلآ أني رايحة
أم عبد موجوده وروزه موجودات.
يلا أمشن ألا أحصل رزاله من وره تأخير مالتچن
يلا أمي تحركن بسرعه
ألطاف كلهن طلعن وحده دقق لبس الثانيه وكلهن شكلهن راضيات بوضعهن كان
عددهن أربعه...
بقيت وحدي صافنه بالحياطين تالي كمت ومشيت أطراف أصابعي بلكي أكدر أنهزم وأخلص روحي
الصاله فارغه بس الهوسه ب غرفه الضيوف غمضت عيوني نفس المشاهد جنت اتخليها صارت واقع كدامي...
أفتريت طابق الثاني هدوء قاتل وبعض الغرف مقفله أنتابني صوت أهات وصلت قريبه أحدى الغرف وسرت الرجفه بكل أجزاء جسمي...
رجعت أتعثر بخطواتي بس أريد اوصل الغرفه أستوقفني صوت خلفي وجمدت مكانيي من الرهبه والخوف بهذيج اللحظه
شعندج طالعه من الغرفه
أنداريت رجل طويل القامه أسمر الوجه وشم مغطي أجزاء من جسمه جاوبته ب تعثلم شگله مو غريب عني شايفته نفسه إلى أجه فيصل يعني صديقه
داخله عليك طلعني منا.
تعالي وياي وأخليج تعشقين هذا المكان
عرفت قصده وشنو يريد وتندمت اللحظه فكرت إطلع من الغرفه أنطيته ظهري ومشيت سريع رجع صاااح ألا صوته عبئ المكان!
من أحجيييي تبقين متخشبه
شنو من بنت صلفه أنتِ
حمار كدامج ولج
لميت روحي خايفه من قربه ناحيتي وأني ازحف للخلف ما أريد أحد يلمسني ما أريد روحي تصرخ
مصيرج أنعدم إلطاف، ونقذني صوت من الدرج
شهہينآز عميد البنت جديده وعدها رهبه من المكان يعني مغصوبه ياريت تتبعد عنها.
عمد ماشي لخاطرج لأن أنتِ غاليه عليَّ
أخذيها لغرفتها وعلميها كلشي لأن تبين خوثه
شهہينآز بعيوني أمشي ماما
ألطاف مشيت وياها بس هالمره الغرفه الطابق الثاني رجعت حجيت ليش مو نفس الغرفه جنت
بيها ليش جبتيني أهنا
شهہينآز لا تخافين
أهناك بنات القديمات ومتعلمات الوضع
أخليج ويه ليال بنت حبابه وفقيره
ألطاف ماشي بس فدوه لا تعوفيني وحدي.
طيف حبيبتي حاولي تكونين قويه ولا تطلعين من الغرفه لان مو كل مره أنقذج أدعي الله جنت ناسيه شغله ورجعت واصلاً بالي يمج
ماشي مشيت وياها الوحيده أرتاحيت بقربها
دخلتني الغرفه بيها سراير أثنين تمدد وباوعت السرير الثاني وحده حامل نايمه...
شهيناز ليال طيف أمانه يمج ديري بالچ عليها وأني من أوصي أحد معناها مگانه كبير عندي
ليال بعيوني لا توصين حريص
البنت جديده أعتقد.
ألطاف بقوا يحجون بينهم وأني أريد اصرخ من كلشي تارس روحي
شهيناز يلا أني رايحه تصبحون خير
ألطاف وأنتِ من أهله
تمددت السرير وأباوع إلها ليال ترتب ملابس بالكنتور وبطنها بارزه حجيت بيا شهر أنتِ
ليال بشهور الاولى
أبوه وين
ھَہھَہھ ليش تسألين وتتوقعين أكولج منو أبوه
أبن حرام مو
أكيد بس أني أعرف أبوه متأكده ما يعترف بي
بنت ليل وحقه أذا ما اعترف بي
شلون دخلتي لهنا
شلون دخلت أجاوبج عليها؟
من زوجي توفى بقيت يم عيالي عندي طفله وناس تشمرني ناس عيالي شمرني أهلي ورجعوا أهلي شمروني عيالي كرهت روحي
وبنتي مريضه وهما ملتهين بالمشاكل بينهم لحد ما ماتت وبعد ما ماتت أني كرهت كل شخص أشوفه منهم سؤاء أهلي او عيالي وهجيت منهم
ما لكيت نفسي ألا إهناا
و مرتاحه ب ألي سويتي
لا.
بس ماكو مكان التچئ اله وحده مجديه جابتني لهنا وتعودت بالبدايه مثلج خايفه وعندي رهبه من المكان بس تعودت لان ما عندي حل وهما الناس ما يچبرون أحد
ما جاوبتها! لأن مصدومه أحس نفسي بمسلسل وأتمنى ينتهي ويخلص الدور بس مع ألاسف الشديد حقيقه والحقيقة توجع وكلش قاسيه
تذكرت بيتي وجهالي وحتى هو تذكرته
ودموعه وشلون حضني معقوله جبروك!
بس مستحيل ألتمس إلك العذر يا نذل
أني الغبيه وثقت بيك وأنت ما عندك شرف.
غمضت عيوني أحاول أجبر نفسي أغفه
مر وقت وأنفتح الباب مره متوسطه العمر شكلها
يخوف بسبب گحلتها ومكياجها مخربط تقدمت ناحيتي وعاطت بيه
أم عبد كوومي أشوف طولج
نهضت وقفت أطراف أصابعي
ركزت جسمي وچرت الشال شافت شعري
مو فاهمه تصرفاتها
زينه ما بيچ قصور
بس يحتاج ألچ تعلوم لأن ثوله
انتِ تعرفين فيصل
أني ألي أعرفه عاجنته وخابزته الله يأخذ عمره
شنٌو السبب خلاه يبعيني الج؟
ما يخصچ بهيج مواضيع أكبر من حجمچ
شهيناز وينج تعالي.
شهيناز هاا عيوني ام عبد أمريني
أم عبد علميها وفهميها شٌنو شغلها وليش هي إهنا
وتعرفين الباقي ما حاجه كل مره أشرحلج ولا تعلميهااا الدلال أريد ادفعه الثمن غالي
شهيناز أمر من عيوني
ألطاف كلامها يوقف العقل تتنقم مني طلعت بقيت أباوعلها شهيناز اعتبريني أختج أحجي وياها خل ترجعني ل بيتي حبابه
شهيناز مو بيدي والله
وأنتِ أول وحده تجينا مجبوره
مو بس مجبوره مغلوب أمري.
متأكده هما جبروا أو هددوا هو كان يحبني وگلش زين وياي بيوم وليله يصدمني ويبيعني
هذا الشيء بينج وبينه مفروض تفاهمون قبل
لأ تطلعين لأن صدقاً محد ناقص قهر ونكعد نشرحلج الوضع والكتاب مبين من عنوانه
وام عبد طيبه بس ما أعرف وياج قست
ما جاوبتها
كامت وخلتني بقيت صافنه بالسقف شتسوين ألطاف شلون تخلصين روحج من هالورطه
مرور أسبوك.
بقيت ب الغرفه بس أروح الحمام وأرجع ويه ليال ومراقبه عليَّ حتى النفس يحسبونه عليَّ وحتى أكل وياها وشهيناز ما عافتني تسأل عني
جابتلي ملابس وصت البنات بيه حبيتها وأرتاح
كَلبي إلها ومتأمله بيها بلكت تطلعني منا!
صافنه وأباوع الحديقه من الشباك وصلني صوت مو غريب عني رفعت رأسي أحلام!
أحلام ألطااااف هاي أنتِ شجابج لهنا ولچ
ألطاف هجمت عليها شجابني لهناً مو!
هجمت عليها أريد أموتها يا حقيره يا نذله طلعتوا.
بايعيني أنتِ وأخوج ليش بنات الناس لعبه عندكم
بالگوه خلصنها مني رجعت نفضت نفسها وصرخت
أحلام هيي ولج أنيييي شلي دخل
أسألي رجلج المصون أصلاً أنصدمت بيج أنتِ أهنا
لا تكذبين يا حقيره تمثلين عليَّ وأني سمعت يحجون بيكم انتِ السبب والله و أنتوا سفله بس الصوج مو بيكم.
الصوج بيه أني وثقت وأمنت وأنتوا ناس قذرين وشرف ما عدكم وأني ثوله يوم إلى عرفت بيكم بيت دعاره ورقص وملاهي وتغاضيت والتمست العذر و كلت فيصل يختلف...
ما. طول تعرفين شرررف ما عدنااااا أي شرف ما عدنااا وناس وسخين ليش بقيتي وياه ليشششش يل الغبيه أكو وحده تعيش ويه شخص رخص أخته وشرفها وما يسأل عن أهله
تتوقعين يحافظ مرته وشرفها النذل يبقى نذل.
بشنو يختلف أخووووي بايعج يل الرعنه ومستحيل تطلعين مناااااا فاهمه بايعج بايعج
أنتِ هم متفقه وياه أنتوا بايعيني من زمان
وأنتِ سبب دمارنا ودمار اخوج أنتِ مرض دخل حياتنا واحنا كنا مرتاحين وكلشي طبيعي كله منج.
أنيييي شلي دخل.
خل احير بروحي بعدين التفت ألكم مو كلشي تسمعي عني تصدگينه أعترف اني قذره بس مو نذله ومستحيل أدخلج هذا المكان لأن أعرف معدنج وأنسانه أصيله يكفي رضيتي ب أخوي بكل عيوبه وأغلاطه لفيتي وحفيتي وما قصرتي بحقه بس الظاهر أخوي ما يعرف النعمه العنده
كذابه كلشي تحجينه تكذبين بي ما أصدگج وكعت بالكاع أني غبيه صدقت كلام حياة عنه وكالتلي لا تعوفينه أخوي فقير وأختي تحاول تجره لطريق المو زين شمدريني شمدريني.
وثقت ونسيت وطويت صفحه وبديت صفحه جديده و كلشي بحياتنا كان مستقر بس من بلغني لحد الان ما مستوعبه كلامه وأحس بروحي ب حلم
أضرب برأسي وأحجي ملخت نفسي تقربت شهہينآز رفعتني من الكاع تهدي بيه وأني فقدت أنتوا مرض مررض
أحلام ألطااااف صدگيني ما ألي دخل
وعد احاول أساعدج وأني وياج وما راح أخلي أحد يلمسچ فاهمه لهذا لا تخافين أطمئني وأرتاحي...
وأنتِ شهہينآز وليال ما اوصيكم.
عليها الكلام صار كدامكمم وعرفتوا الصله تجمعني بيها هاي أمانتي فااااهمات...
ألطاف توصي بيهن وأني لميت نفسي وأعتگفت
صوتي أختفى من كثر ما صرخت بقهر
بعد مرور وقت والهوسه صارت وأصوات أرتفعت
ما أهتميت اجت ليال تركض عليَّ خفت الموضوع يخصني!
ليال تعالي سمعي حماتج وعميد تلاغوا بكلام
عزا حماتج شُككر تحبج تخبلت والله
وحده كذابه وحياله عدها وجهين.
مشيت وياها طلعنا من الغرفه البنات كلهن واقفات يم المحجر الدرج يباعون من بينهم وقفت
أتسمع تنفض بيدها بوجه وهي تكول
أحلام ألطااااف تطلع منااا أخر مره أعيد كلامي خلص أنهو كلشي البنت ما تستاهل تبقى أهنا
عميد طلعتج من أيدج
لأ تحاولين بعد
صاير ما تفهم الكلام
عميد لأ تخلي رأسك ب برأسي
الشيء يخصني أريده والي أطلبه يتنفذ فاهم
لا تنفشين ريشج عليَّ ترى جناحتج أكسرهن.
وهذا المكان ماكو منا طلعه وما جابر وحده تبقى تكدرين تسأليهن وحده وحده وشوفي
وهذا الشيء صار ب أمر منج لا تخليني أطلع خياسچ كله وأنشره الحبل وأخلي خلگ الله تتفرچ
تتحداني يعني
طيف ما أدري ألطاف ما تطلع مناااا
وأذا أنتوا زود وكفوا تعالوا اخذوها
وأعلى ما ب خيلج أركبي...
ماشي يا عميد سهله
يسهل أيامج
ألطاف باوعتلي بَ قهر وعصرت كف أيدها ونظرتها اليه كأنما تشرحلي الوضع خلص ما أكدر أساعدج مشت مقهوره صحت وراها.
أمانه لأ تعوفينيييي أهنااااا أحلام بغلاة أخوج
أخذيني ويااااج راحت وشهہينآز صعدت عليَّ
وهو أندار وبقه يباوعلي رجعت حاجتني شهيناز
شهہينآز شَ طلعج من الغرفه أمشي وياي
ألطاف مشيت وياها للغرفه وقفلت الباب وجابت ماي تغسل بوجهي نومتني رجلها
شهہينآز أحلام لعبت ب النار
أردفت ليش شسوت
ماما أنتِ رجلج بايعج ما جايبج أهنا بلاش وما جابرين أحد
عميد هو المسؤول.
لأ أبن أم عبد هي المسؤوله عن البيت والبنات بس هو من يومه ولد أهنا وعاش أهنا وفارض نفسه وشخصيته من يومه شيء أكيد يمنع أحلام تفرض كلامها عليَّ أو أمه
أهنا كلشي حرام
طبعاً لعد شتدرين
بس ربج يطلعج منا
حاولي لا تطلعين من غرفتج
ليش
لا تطلعين وخلص!
لما نشوف أحلام شتسوي؟
بقت تلعب بشعري ألا غفيت وحسيت بيها تغطيني فتحت عيوني راحت يربي شُككر حبيتها
بقيت صافنه وخايفه نفسي وأفكر بمصيري
شٌنو منتظرني!
وينج عني ذهب وينك يابا تعال شوف بنيتك رخصوها وباعوها حتى ما أدري أي مكان
مر أسبوك حسيت روحي وسخه حيل أريد أتسبح ما متعمله بس خايفه ألمن أسال و شهيناز غايبه صار يومين سألت عنها كالوا عدها شغل
دخلت ليال بيدها صينيه ألأكل خلتها كدامي
نفسي ما تريد أخذيها ل البنات مشكوره
ليال أكَلي محد يفيدج مدي أيدج يمعوده
الطاف ليال أريد أسبح وأغير ملابسي وين.
ليال أهنا أكو حمام وطابق الاول هم بي بس أم عبد ما تخلي إلى ساكنين طابق الثاني يسبحون بي كلمن يسبح بحمام الطابق ساكن بي
ثولتيني بس فهمت
هسه تأخذيني أتسبح
بس شهيناز طلبت مني ما تطلعين الغرفه
شوگت تچي هي
ما معلوم
هي ما تكول يمتى تجي
تمام أنتظرها
راحت بقيت كاعده وحدي أنفتح الباب فزيت خرب وكعتي كَلبي
شهہينآز أشتاقتلج ولچ أخذتي معزة البنات كلهن
وأني بعد حبيتج وينج تأخرتي عليَّ
أوفف جنت طالعه طايح حظي
يعني.
اي وشايب لعبها ل روحي
اي هسه ما علينا شلونج
زينه بس أريد أتسبح وسخ گتلني
أي ليش لأ بس أنتظري عميد يطلع من البيت لأن هو ساكن بغرفه من الغرف يفتر عنده دوريه اليوم
تمام
شهيناز كل البنات هيج تخافين عليهن
ألي مغصوبه تجي لهنا وهي شريفه ولا هذا مكانها أضمها بروحي مو بس أخاف عليها
أم الباقيات إلى عاجبهن الوضع ما إلى دخل بس
اوفر كلشي يحتاجونه.
ماره عليج مثل حالتي
قليل.
بيهن أنسترن وأساساً بيوت وهسه أمهات بيوت وأم فلان هكذا الحياة توجع وتعلم
بقيت أتسمع إلها سوالفها حلوه ومر وقت طلعت ملابسي جابتهن اليه قبل فتره وطلعنا الممر فارغ دخلت سبحت أباوع الحمام خاف بي كاميرا!
خلصت ولبست السريع وهي منتظرتني الباب لفيت شعري بالمنشفه وطلعت شافتني وأبتسمت
شهہينآز نعيماً حبيبتي
ألطاف مشيت وياها صادفنا صاعد من الدرج تقرب ناحيتنا أني صرت وره شهہينآز بَ صيااح.
عميد شهہل آلتصرفآت شهہينآززززز
شهہينآز أي تصرفآت عميد
خل البنت تطلع تتنفس وتأخذ رآحتهہ ويه البنات لأ تبقين حاسبتها
أني مو وحش ولا دنيئ قابل أسحلها من شعرها
لغرفتي وتعرفيني أني شنو ما حاجه أعيد كلامي
شهيناز مثل ما تريد أمرك
عميد ألطاف دور الضعف ما يلوكچ
لأ تحتمين ب أحد أحتمي بروحج
ألطاف ما جاوبته مشه وخلانا رجع كال
عميد خل تنزل جوا
شهيناز ماشي.
ألطاف ل الغرفه مشطت شعري ولبست شالي عدلته وهو تفتر حسيت متوتره شبيچ شهيناز!؟
شهيناز هاا لأ ما بيه شيء
أمشي ننزل وهم أتصل أحلام شو تأخرت
الطاف ما أرتاحيت خفت كَلبي لعب
نزلت وياها لگيت مشغلات تلفزيون يباعن رقص
أخذتني ل الحديقه كعدنا الگراسي وهو تلفت شبيچ أنتِ ترى بديتي تخوفيني والله
شهيناز علمود أحلام أنتظرها تجي
هاا باوعت وين ما جانت تباوع
شفته يباوع إلنا وينفخ الدخان
همست خوما يخليني برأسه
شهيناز أي.
لهذا أنتظرها تجي المغضوبه
لأ عفيه شهيناز أنتِ كلتي أساعدج فدوه لعمرج
حاولي طلعيني منا رجعي أتصلي عليها
أجاها أتصال باوعت أله وكامت بعيد عني تحجي وهو نفس وقفته يباوع إلنا وأني الخوف سيطر عليَّ وين أنطي وجهي وأخلص منك خفت حيل نظراته ما تبشر بالخير وشهيناز طال أتصالها أجت تمشي مستعجله هاا طمنيني فدوه.