رواية وقار الغريب للكاتبة حوراء السعيدي الفصل الثاني والأربعون
ريم.
فتحت عيوني بنتي تبجي، ذبيت نفس بقهر مدا انام طبيعي
نهضت مكاني شلتها أفتر بيها قبل شويَّ مرضعتها
بنص تعبي و اكتئاب الولادة إلى يصيب أي وحدة بعد ولادتها
أبتسمت وأني أباوع بملامحها بستها بخفه بخدها.
دمعت عيوني من أتذكرت بابا، أتمنيت يكون موجود و أيشوفها
بقيت أفتر بيها بالغرفة حد ما نامت حطيتها بمكانها
دخل وارث، عيونه بسرعة راحت على مريم أبتسم حط أغراضه على الميز.
راحلها بهدوء گعد يمهاا، طاير بيها، عض شفته مكزكز عليها.
ريم: بنتك تعبتني
وارث: سوده بوجه زيد
ريم: دا احجي صدددك تعبت تنام بالنهار تگعد بالليل
وارث: هم ذوله الاطفال حبيبتي.
يسولف وعيونه عليها ما يباوعلي، اني منا نفسيتي
صايرة خايسة واعصابي تلفت و هوَ هيج أتصرف أتمنى
ألزمه اگطعه بأيدي، أتقربت اله غرست أظافري بكتفه رفع راسه.
شبيج برنسس
ليشش ما مهتم إلي.
نهض من مكانه وگف گدامي وما شاء الله على فرق الطول بينه.
أخذني الحضنه يمسد على شعري، أحس بنفسي تعبانة أريد بس ابجي
شلون ما أهتملج.
نزلت دموعي ما أدري شبيه أتحسست ضل صافن بيَّ متعجب
أهتمامك كله لبنتك ناسيني.
لا بوية يتهيأ الج، لأن تعبانة
والله والله أي.
مسح دموعي حاني نفسه الطولي يضحك
محد يجي بمعزتج والله.
أريد احجي ورجعت مريم تبجي، گعدت ابجي تعبت بس تبجي تبجي ماتسكت.
ريم: أخذ بنتك و أطلعووووا بررررا
وارث: هاااا
ريم: اخذهاااا موووو بس أني أمهاا أنتَ أبوها هم.
وارث: احم. تمام أعصابج.
اخذها بين أيديه يتبسم إلها
ليششش تتبسم الهاااا.
رجع صفن بيَّ خفى أبتسامته
بعد ما أبتسم حبيبتي صار هسه راضية؟
أطلعووووا.
هز براسه وطلع بيها نزلوا جوا، گعدت ابجي والله مو عيارة
هاااي ولا دراما زايدة بس بعد الولادة الأم تتعب حتى نوم ماتشبع
صح هم هذوله الأطفال بس شي مُتعب خصوصاً نفسيتك إلى تتأزم.
نمت بمكاني مانايمة غير ساعة وحدة بنتي اهوايَّ تبجي.
حتى نزلتها ال أمي وخالة سلمى لأن هن اكبار وأفهم مني مالكوا
بيها شي، يگولون طبيعي هو هذا الطفل أول مايجي للدنيا.
غمضت عيوني، بس گلبي مامرتاح اني أريد بنتي تحضه
بالحنان ما أريد بيوم تكبر و تگول ماحسيت بحنان امي عليَّ.
أخذت ملابس أسبح، طلعت للحمام، دخلت سبحت كملت
رجعت الغرفتي نشفت شعري مشطته باوعت الوجهي
بسبب السهر الهالات داير مداير عيوني صايرة بشكل مو حلو لبست حجابي.
عدل لأن الولد هنا، وإذا هم هنا لازم نتبه البسنه وحجاباتنه.
نزلت جوا، أبتسمت من شفت آدم بين أيدي مريم ويفتر بيها
آدم: أويلي عمو مال هسه أحطج بصمونه واكلج
رونق: أنطيناها آدم
آدم: ما أنطيهااا
رونق: شبيك حباب والله مالازمتها من البارحة
زيد: غير تكبر علمود أدخلها دورات يمي
آدم: علمود ريم تشگك.
وارث: لا تطيح منكم آدم أنتبه
آدم: افا عليك ابو مريم أحافظ عليها مثل ما أحافظ على شرفي.
زيد: أهم شي الشرف.
دخلت يمهم أشرلي وارث أگعد يمه، رحت گعدت بصفه
أتقرب يمي همس.
وارث: بعدج مطنكرة
ريم: أحترررم نفسك شوكت مطنكرة أني
وارث: اهااا. هم صح هذا أني إلى أطنكر.
باوعتله بطرف عيني گالت امي
نجاة: شلونج ريمه.
مجرد گالت هيج نزلت دموعي الكل ضل يباوعلي
نجاة: يا يمه اسم الله شبيج
اجت يمي حضنتني وأني مُستمرة ابجي هيج اتمنى أگطع شعري املخه تملخ
آدم: چااا نحتار نسكت مريم لو أم مريم
زيد: أسكت عنها لا تطگك بوحدة أحترم نفسسك.
زينب: ريم حبيبتي طبيعي لا تنقهرين هيج كلنه بعد ولادتنه
ندخل باكتئاب فترة و أيروح وأنتِ ساعدي نفسج لا تبقين هيج
و إذا على بنتج هم الأطفال أول مايصيرون عبارة عن بجي
حتى لو شايلته و مجرد تحطي بمكانه يبجي
ريم: بس تبجي ماتسكت أحتار وياها.
رونق: والله الواحد يحتار يكرطج لو يكرط بنتج تنگطن أنوثة
آدم: وكياته هم.
زيد: مو بس هيج تحس ريم فد وحدة هيج رقيقة
تموع بسرعة ما تتحمل النفخة وأحس بنتها تطلع مثلها.
وارث: زمااايل مرررتي لا تنسون.
آدم: العفو نسينه بس أحنا ماحاجين شي جذب تررا.
وگفت رونق تفر بروحها و أتصفك بأيديها تغني
رونق: يا بنات يا بنات إلى مخلفش بنات مشبعش من الحنية
ولا نقش الحلويات، حلوة الأيام في عنيا عشان خلفت بنيه.
اخذت بنتي من آدم حطتها بحضنهاا وتغنيلها بهل الأغنية
باوعت للبنات اسراء وصفا مبتسمات بس من راحت وَهج لليوم
تحس اكو غصه بداخلهن بس يحاولن يتعودن هيَّ أتخابرهن.
بين يوم ويوم بس يبقى وجودها مهم بالنسبة الهن.
دخل جدي صاير أعصاب بس يحاول يتماسك نفسه گال
عزام: وين أخوووكم
زيد: منو بيهم
عزام: عميد الدين
آدم: والله ماندري يا جدي، بَس گال محتاج أبقى وحدي.
هز براسه ساكت عميد الدين ماكو مختفي من يوم إلى سافرت وَهج بي
بس أكيد آدم عنده اخبار عنه لأن أكثر واحد قريب من عميد الدين
وارث: آدم معقولة ما تدري بشي عنه صارله أسبوعين
ماكو ماشفناه، من يوم إلى سافرت بي مرته.
آدم: ما گال شي غير يريد يرتاح تعبان.
رفع حاجبه يباوعله وما مقتنع بكلامه گعد آدم يم صفا
يسولف وياها ويحاول يغيرلها جو يخليها تتناسى الموضوع
ضل زيد يباوعله مقلص عيونه عاط
زيد: أمداااهااااا من خووووه خربتهاا النسوان
صفا: محترگ گلبك بس أتشوف واحد منهم گعد يم زوجته أتزوج وخلصنه
زيد: منين أتزوج ياهي أشوفها گالتلي خوية من خاوة عضامهاا بجاه أم البنين.
آدم: وجهك ما يساعد تتزوج
زيد: لا بس البطاله أتساعدني.
قلب عيونه آدم يضحك
آدم: يله اجيبلك فد بطلين بلكي يمشنك
زيد: غدي
اسراء: شوف بخطوبتي شفت بنات حلوات من أهل ظافر
أنشوفلك وحدة منهن لا تبجي يله
زيد: شنييي شنييي شبيه مسودن ماعندي عقل أتزوج وحدة أنتِ أتجيبيها.
اسراء: چاا شبيه
زيد: خلينه ساكتين
اسراء: لا أشو إلا تحجي
زيد: موتي بفضولج ما احجي هيهيهي.
سكتت عنه رجع آدم يسولف ويا صفا أبتسمت وأني دا اشوف
آدم يم صفا أيصير شخص ثاني من حُبه الها على گولت وارث.
يگول مخبل بيها هذا، ومحد ينسى هيَّ چان الها دور بتغيره هم.
كلنا رفعنا راسنه على صوت زيد وگف يم الباب يدگ عليه
ومسوي نفسه حزين و داخل بالجو
زيد: تيرارا من أمداها من خوه، الزلم إلى تغيرها النسوان من أمدهااا
يا حيف ويا وسفه تنسى العشرة اويلي عليج يمه خذن ولدج الحيايه منج.
سلمى: ولك زيد بسك
زيد: يمه اخواني باعوني من يوم إلى أجن الحيايه وولج يمه اخخ گلبي
آدم: بسك تتعاير
زيد: اخخ يايمه شوفي شيگلي.
ضلوا يضحكون لأن يعرفون سوالفه، جدي ماله خلگ شي
وهذا زيد لغوه يثولك ثول إذا تگعد يمه.
مرت كم يوم
يحاولون يتواصلون ويا عميد الدين ماكو أختفى
و جدي لزم آدم وحلفه بس آدم حلف للأسف ما يعرف أي شي.
حد ما بيوم دز رسالة الوارث گاله اني بخير لا يضل بالكم
بس أحتاج هالفترة أبتعد ارتب وضعي و أرجع
بلغ وارث جدي والكل
وارث: ريمه
ريم: اممم
وارث: ماتسمعين
ريم: شسمع؟
مريم تبجي يمكن جوعانة.
فتحت عيوني خزرته
رضعهاااا أنتَ عوووود.
حك وره شعره رافع حواجبه، واني ولا أدري بجفصتي وشصخمت
أني ارضعهاا؟
أي.
غطه وجهه بأيده ما أشوف منه شي بس جسمه يهتزز
وگف يم الشباك يكح وجهه انقلب أحمر من الضحك.
ريم: ليش تضحك؟
وارث: ماكو شي بوية بس گومي البنتج
ريم: بنتك مزززعجة مثلككك
وارث: رحم الله والديج.
رحت الها اخذتها گعدت بيها اسكتها واغفي الساعة ب 3: 00 بالليل
أرضع بيها و اغفي و هوَ گاعد گبالي قريب منه يباوعلنه.
من شافها سكنت وشبعت اجه اخذها مني حطها بمكانها
رفعني من مكاني باس خدي مثل عادته من نعاسي ماعندي الطاقة احجي
حطني بمكاني أتمدد بصفي سحبني الحضنه
وارث: نامي يله.
ريم: و مريم
وارث: اني گاعد بوية أرتاحي أنتِ شوف شصاير بيج من السهر.
هزيت براسي، رغم هوَ ما مقصر يسهر ويايَّ بكل ليلة ماتاركني وحدي ساندتي بكلشي.
الثاني يوم گعدت تقريبًا شابعة نوم اتفاجأت صوت بنتي ماكو.
باوعت الساعة ب 10: 00 الصبح، نهضت من مكاني أشوفها مالكيتها وينهاا؟
غيرت ملابسي إلى لابستهن مال النوم ونزلت بخطوات سريعة
أدور عليها وگفت من شفت وارث حاطها بحضنه
گاعدين وحدهم بالصالة أيسولف وياها.
وارث: هاا بابا ها ياروحي، شنو هل الترافه.
تجيت بجسمي
علي الباب مانتبه عليَّ بقيت أباوعلهم مبتسمة
رجع يسولف وياها
أعذري ماما هالفترة تعبانة، وأخاف احاجيها وينعاط بينه.
ف شنو نتحملها هيَّ هم بنيتي مثلج بس شلون اذا كبرتي
خايف أتصيرن من الروس بسبب الغيرة امج مخبلة مال غيره.
ما أتحملت ضحكت طلع صوتي رفع راسه من شافني ضحك
وارث: وهاي لزمتنه، هسه تگوم وتگعد أحترم نفسك
ريم: أي صدك أحترم نفسك دا تحجي عني بغيابي
أنتَ وبنتك من هسه تتفقون عليَّ.
وارث: وين نتفق عليج شحدنه غير أتهجولينه من البيت.
أغسل واجي
رحت غسلت ورجعت يمهم البيت هدوء
ريم: ماكو أحد.
وارث: أكرم راح ويا جدي أيشوف بيت للبيع
ليش شنو أكرم يريد يطلع؟
يگول كثرنه هنا وهم ماشاء الله عائلتي بدأت تكبر
ف راح ياخذ هنا بيت بنفس المنطقة جدي گاله بكيفك
يبقى هذا البيت مُرحب بيك شوكت ما أجيت خذه ام رحيق
وياه هم علمود أتشوفه يمكن البيت جديد هسه بناء جديد
بس صاحبة يريد يبيعه رغم طابو ومكانه حلو
ريم: هاا بيها الخير لعد.
للظهر رجعوا والبيت عاجبهم و أتفقوا ويا
ابو البيت.
رادوا اخوانه يساعدونه بمبلغ البيت بس ماقبل ياخذ گالهم
الي عندي يكفيني أتشكر منهم والحلو بيهم هنا بين الإخوة
دائماً يحبون واحد يساعد الثاني ما يحبون أيشوفون أخوهم حاير
واكيد هذا الشي سببه التربية والتعاليم إلى أتعلموها
إلي أهمهن دائماً كون سَند لأخوك مهما صار بينكم.
رونق: اكلج ريم بعد شگد وبنتج أيصير عمرها أربعين يوم
ريم: باجر
رونق: خوش
ريم: ليش
علمود أكون موجودة من يسبحونها گلت خاف عندي شغل.
هم تحجين ويا وَهج؟
أي أكيد عندها تواصل ويانه وحتى سئلت عنج بس جنتي نايمة
بالليل أخابرها
أن شاء الله
هم سئلت عن عميد الدين
لا حتى ما تذكره ولا تحجي عنه رغم أتقصدت
احچي گدامها و اگول عميد الدين مختفي ما شفتها أهتمت ولا أنطت ردت فعل.
مو كأنو عميد الدين قسى
كلنا عندنه وجهة نظر مختلفة، كل شخص بينه أيشوف وجهة نظره الصح.
بقيت ساكتة خصوصاً بعد ما عرفنه سبب إلى وَهج بالاول رادت تطلگ بي.
وطلعوا مهدديها بأخوها و عميد الدين كل هذا آدم سولفه النا.
ريم: تتوقعين يرجعون
رونق: المشكلة عميد الدين صعب أحد يفهمه خلاها أتسافر وهسه أختفى
ريم: بس إلى سوته وَهج رفعة راس مو أي أحد أيسوي ويتحمل كل هذا الضغط
رونق: أكيد محد ينكر هذا الشي اني كلش فخورة بيها والله
بَس تبقى القضية بينها وبين زوجها مو من حقنا ندخل.
مر اليوم طبيعي مابي شي الولد بشغلهم وارث عطلة لأن خلصت المدارس.
من فترة، وزيد يمشي ويصيح أمداها من خوة مللنه
الثاني يوم حضرت كل شغلات بنتي لأن اليوم الاربعين مالتها
هو أحنا سبحناها بس هاي سبحة الأربعينية مثل أي عادة عراقية
والكل منجمعين يخربون ضحك ولا عبالك سبح عبالك فد مؤتمر مهم ومنجمعين حتى قصي موجود.
عزام: ولكم شنييي شعنده وليمة كلكم گاعدين
آدم: جدي غير أنشوف
عزام: ووولك شتشوف
آدم: ابن زيارة مالك شغل أحنا عاجبنه.
خزره جدي لأن گال ابن زيارة والله جدي يموت ضحك.
مايقبل واحد يگول اسم أمه وهم يتقصدون يحجون هيج يضوجون بي.
عزام: اسراء
اسراء: ها جدي
عزام: بالليل خطيبج راح يجي جهزي روحج بوية.
ضلت اسراء مثل الفاهية من گالها هيج
اسراء: شنووو أيشوفني أني.
گرصتها صفا خاف تجفص بشي بعد ملكة التجفيص هيَّ.
أي بوية أكو مشكلة؟
هاا لا جدي ماكو هلا بي.
صفا ضامه ضحكتها عنها، گعدت گدام أمي وخالة سلمى يسبحون بمريم
وصفا تصور حتى هاي السالفة أتصورها.
آدم: هاي ليش تبجي
زيد: أمها ياهيه.
آدم: احتررم نفسك
زيد: والحسين محترمهااا.
خزرتهم لأن يقلدون عليَّ رجعت أباوع البنتي
شعرها مثل أبوها كثيف
اني شعري نوعاً ما خفيف مو مثل شعره.
عزام: صفا شلونها أختج
صفا: زينة جدو
هز براسه ساكت و هوَ الوضع كُله ما عاجبه
عاد هنا گالت رونق
رونق: زيد تذكر جان جدي يگتلك يله تدخل تسبح
آدم: چان مجربن (وسخ) چوومة انكتل
زيد: جذابين غيررر جنت چني نمرشه
رونق: شگد تجذب غير من وسخك جانت امي تسبحني وتبدلي.
وتسويلي ظفاير أطلع شحلاتني بس أتشوف أمي تدخل للمطبخ
تاخذني و تخليني ألعب وياك بالرمل والتراب تذكر بيت ابو صادق
چان اكو رمل يم بابهم تخلينه نسبح بي وتشيل رمل وتذب بشعرري
ومن نرجع أمي تبسطنه أثنينه وتدخلنه للحمام
أردف قصي و هوَ مدنك على جهازه
قصي: مو ذاكرة هاي لابتوب لخزن المعلومات
رونق: طبعاً أكو شغلات تمر بحياتك ماتگدر تنساها
من ذكريات طفولة أو غيرها، مثل ما أنتَ عندك ذكريات.
قصي: بس ياريتها مثل ذكرياتكم بالطفولة أني عشت طفولتي وحدي.
ضلت تباوعله الثواني غيرت مسار نظرها رجعت تحجي ويا زيد
ويستذكرون
أيام الطفولة مالتهم رغم صعوبتها الا بيها أيام حلوة ماتتنسى
كملنه سبح بنتي بدللنالها وكل مستلزماتها جاهزة.
أخذها وارث ضمها الحضنه يشم بيهاا
وارث: أوفيش ياريحتج الطيبة يا بوية.
آدم: يمه البنات يمه ولك أنطينياهاا.
ضحكت عليهم والله إلى أيشوفهم يگول بحياتهم.
ما صاير عندهم أطفال، ولا شايفين طفل خصوصاً
آدم أكثر شخص ياخذها تضل بالساعات عنده
فرحانة البنتي
عندها هيج عمام حنونين عكس أمها إلى ماشافت هذا الشي.
لليل دخلت ويا البنات أنسوي عشه زينب أتسولف
عن تصميم البيت مالتهم الجديد ولازم يبدون يجهزون اثاثه
صفا: هسه شكو طالعين وإذا مجيوسين ببيت واحد والله حلو هيج
زينب: قرار أكرم، يگول اخواني هم عوائلهم تكبر، وحتى عميد الدين عنده بيت يمكن هم يطلع.
صفا: ما أحب العائلة تطشر
زينب: ما نطشر عمري أحنا هذا هنا بنفس المنطقة
بعد شارعين مو بعيدين أصلا تلگني يمجن صبح وليل
كملنا العشه واسراء تحوص لأن ظافر هسه راح يجي حتى عشه ما أتعشت.
اسراء: اكلچن گولن اسراء مريضة
صفا: انجبي ترا رجلج
اسراء: لو صاير أيدي ولا رجلي سوده بوجهج اسراء
جنتي فرحانة طفرتي منه بالخطوبة نسيتي هو يگدر يجيج شوكت ما أيريد.
صفا: لا تبالغين ماراح ياخذج يذبحج بنص الجلاب.
امده حظي أمداه الف مرة.
روحي جهزي نفسج أخذي حمام ورتبي نفسج.
هزت براسها وطلعت أبتسمت صفا وراها
صفا: بس السان الفطيرة
زينب: هيَّ ليش هيج تخاف من خطيبها
صفا: لأن من جانت عنده لاعبه بي لعب تگول اكيد هسه ضامهن إلي.
رجعن يشتغلن مايخلني أشتغل وياهن طردني من المطبخ
صفا: روحي البنتج، هسه أدللج، علمود من أصير حامل واجيب ترجعين كل هذا إلي
ريم: هههههههه أن شاء الله.
رحت يم الموجودين گعدت شوي وصعدت فوگ بنتي يم أمي.
دخلت للغرفة شفت وارث يبدل علمود يستقبلون ظافر.
ريم: أستاذ
وارث: عيونه
ريم: تحبني
وارث: لا
احترررم ن...
بسرعة اجه غلق فمي بأيده
أموت عليج بس عوفي ال أحترم نفسسك.
بعد أيده
قيدني بين حضنه صارت عندي قشعريرة من أنفاسه داعبت بشرتي
فتح حجابي غرس راسه برقبتي يوزع عليها بوسات عشوائية.
رجع يوزع بوسات عشوائية بوجهي رفع أيدي مشاها على لحيته
أحس دخت من لمساته وعطره، باس باطن أيدي كرص خدي بخفه أيده.
وارث: ههههههههه شبيج دختي
ريم: يمكن نعست أريد أنام.
وارث: سبحان الخالق إلى أبدع بخلقه
ريم: اني مو كلش حلوة ليش هيج تحجي وارث.
أشوفج أحلى بنيه بعيوني.
أخذني من أيدي وگفني گدام المراية و هوَ ورايَّ
حضني من وره، ثبت راسه على كتفي.
وارث: الشخص بينه من يحب راح أيشوف إلى يحبه
أجمل شخص بعيونه حتى لو چان مو ذاك الجمال
واني عندي بس جمال روحج كافي بالنسبة إلى وهاي عيونج وسحبتهن.
أممم هن عيوني بس الحلوات.
أول ماشفتج من اجيناكم البابل، گلت بداخلي شنو هاي عيونها شكبرهن
هههههههه لا تذكرني وگعت گدامك بعدها بالطين ايععع الفشلة
جنتي أتسوين بالماطور
وأنتَ تخابر، وگلت امداج ريم شوفي نظافته.
هاا هااا يعني جنتي معجبة بيَّ
لا والله ولا أبالي، بَس ما أدري بعدين شبيه أتخبلت
انجبي حبييتي سوالفج صارت تجلط أذكرج بيهن
اني عاقلة بس أنتَ خبلتني من أشوف نريمان يمك.
لو من خطبتوا گدامي، نزلت دموعي، من ذكرت الموقف اشگد متت بيومها.
وارث: لا تبجين كله ماضي راح و وله، هسه منو الدام؟
منو إلى أخذ گلب وارث، منو إلى صارت ام بنته؟ أنتِ برنسس ولا ممكن يجي يوم أحد يدخل حياتي غيرج.
درت عليه حاوطت رقبته أباوعله، صعدت فوگ رجلي بأطراف أصابعي
طبعت بوسه بطرف شفته، غمض عيونه.
ريم: أني أحبك حُب البنت الأبوها، ما أتحمل أحد يشاركني بيك.
حتى لو چانت أنانية ما يهمني، لأن مو بيدي أريدك بس إلي
لو يوم مر ما تگلي برنسس أنهضم وأضوج
و أگول
ليش ما گال برنسس ليش ما گال ريمه ليش ماباوعلي خليك دائماً يمي
اني خسرت أبوية مرة، ما أريد أرجع اخسره مرة ثانية.
باس جبيني
وارث: إذا الله كاتبلي عمر طويل ف إذا مو وياج مو ويا غيرج بابا.
دگ جهازه باوعتله چان آدم، فتح خط عليه
وارث: نازل، انجب، هههههههه خوش ولي.
سده منه رجع باسني وأبتعد.
وارث: اجه الولد ظافر، تنزلين لو تبقين هنا
ريم: لا أنزل وياك اخذ مريم بقت يم أمي
تعاي يله.
لبست حجابي لزمت أيده نزلنا جوا آدم واگف يم الباب من شافنه هز أيده
آدم: نمت شنييي.
طلعوا اثنينهم يمكن الباقين گدامهم گعدت يم أمي وخالة سلمى صفا ويا اختها.
أسراء.
باوعت الخلقتي أي تمام، همزين اتعلمت شلون أحط المكياج
حطيت شي خفيف، طلعت إلى فستان بسيط بي حزام لونه بنفسجي فاتح
لبست شال متناسق وياه، وأسوار بسيط بأيدي.
باوعت النفسي أبتسمت راضية على نفسي أرضاء تام.
أتصلت ب وَهج أتشوفني، أحب أخذ رأيها رغم بعدها عنه
إلا ما هملتنه وبقت مهتمة النا، ويعحبني أخذ رأيها بكلشي
فتحت الكام باوعتلي ضحكت
وَهج: اوووو شهل الحلاوة
اسراء: حلوة يعني
وَهج: تخبلين أمي.
أحس متوترة
ماكو شي يدعي للتوتر خطيبج وحلالج وحلاله لا تخافين
خاف ينتقم مني.
ضحكت، ضحكت ويا ضحكتها بس التعب واضح بملامحها
من نسئلها اني وصفا عن وضعها تگول مرتاحة ماتحجي شي.
وَهج وين سَند
يلعب ويا اخو زوج ليلى
ليش زوج ليلى عنده أخو وياه
أي بس مو مثل أهله هم جان مسافر وراجع من كم شهر وگاعد يم أخو
وگاعد وياكم بالبيت
أي، خوش ولد.
صفنت بيها هسه عميد الدين لو يدري بهيج شي شيسوي.
وَهج: وين صفنتي اسراء
اسراء: لا ماكو شي يله راح اروح أدعيلي أطلع اني المنتصرة
وين رايحة للحرب
بمثابة حرب صدگيني جنوبية وابن الغربية شتصير من حرب
روحي روحي أنتِ متأثرة بالمسلسلات والافلام الهندية.
سديته منها طلعت صفا واگفة تجهزلي الضيافة
صفا: أي عاشو هيج صيري
اسراء: شو خايفة
صفا: ترررا بالغتي هو شكو وتخافين
اسراء: طبعاً أنتِ وآدم گاطعين عرج المستحى ف عندكم الوضع عادي وطبيعي.
يمعودة اني حتى بخطوبتي ما أتهنيت لا تذكريني
بذيج الأيام السوده عساها لا ردت شفت الضيم بيها.
أنطتني الضيافة، طلعت ورجعت الها
اگلج البس عبايتي لولا
ولد عمج وجدج وزوجج عباية المن
هاا يعني هيج رأيج
أي
خوش، بس ادعي مايعوفونه وحدنه.
دفعتني بخفه من المطبخ لأن لحيت طلعت للديوان أمشي
طلع قصي منه باوعلي بوجه بشوش
قصي: شلون نزاكة هاي تعاي أبوية بطلت
ما أزوجج.
أبتسمت الكلامه دخلنا سوا، وطبعاً لازم أصير خجوله وكلي أنوثة أصير أقطر تقطر.
بلعت ريگ تحمحمت وأردفت
اسراء: السلام عليكم
الكل رد السلام بديت أقدم بالضيافة جاي وحدة
وصلت يمه رفعت عيوني اله، ما باوعلي بس وجهه
مبين ذاك هو حابس ضحكته حقه أول مرة أيشوفني مؤدبة.
وأقطر أنوثة وصوتي گوا ينسمع بعد ماجان فضيحة.
ظافر: تسلم أيدج
اسراء: و أيدك.
حطيت الصينية على الميز عبالي بعد هايهيه خلصت
ردت أطفر وصلت يم الباب صاح جدي ورايَّ
عزام: تعاي بوية وين رايحة
آدم: أعذرها جدي بنتنه خجولة خربطت
قصي: هههههههه تعاي اسراء.
رحت گعدت بصفه والعباس حتى اني ماعرفت روحي
هيج أخجل بس لا مبدليني؟ التغير فضيع
عزام: أي بوية ظافر شلونك الأهل شلونهم
ظافر: الحمدلله حجي بخير.
آدم: و الحجية شلونها.
ظافر: بخير والله
آدم: والله يا ظافر ما أضم عليك
ظافر: خير ان شاء الله
آدم: جدتك ما تتزوج جدي؟ شرط مهرها بمهر نسوانه.
غطوا وجوهم ولدنا خربانين ضحك عليه وفوكاها
هو يحجي بكل جدية بدون مايضحك عاط بي جدي.
عزام: وولك استحي أنتَ عليمن طالعلي هيج
آدم: جدي اني وظافر فاهمين بعض مالك شغل. هسه شگلت ظافر
ظافر: هههههههههه ما بيها شي وين نلگى أحسن من حجي عزام.
آدم: طبعاً ماتلاگي غير جدي بشبابه بعده شوف الجمال.
ضحك جدي يدري بي يشاقةة وهم لأن يعرفون ظافر
من زمان بينهم ميانه، رجعوا يسولفون ببعض المواضيع العامة
حد ما گام جدي بطني خبطت من گال
عزام: خلوا ويا خطيبته ولدي.
آدم: شنيييييي وحدهم؟
أي أي ولك آدم أنقذني بشاربك اني
وارث: آدم
آدم: لا شنيييي نوب هاي وحدهم عمي
أكرم: تعال آدم عندي سالفة وياك.
رجع گعد بمكانه ما يقبل يطلع هم أستحوا وهو ولا چنه
آدم: عادي أطلعوا اني باقي يمهم مشتاق الظافر.
قصي: جدي هو مو شافهاا بعد ليش يبقون وحدهم
عزام: ولكم مناعيل الوالدين چا انتم من تخطبون ما بقيتوا وحدكم ويا نسوانكم.
آدم: منين هو اني هم عشت خطوبة مثل البشر
سحبه جدي گوا طلعه الولد يضحكون
و ابو راس ساكت
خوفني هذا هدوئه وسكوته طلعوا كلهم بقينه اني وياه.
راح للباب قفلة، بلعت العافية من شفته قفله.
لابس رسمي بدون رباط، حط أيده بجيوبه رفع راسه يباوعلي
بدأ يمشي بخطوات أتجاهي، عيونه تتفحصني من فوگ لجوا.
اسراء: هلو شلونك
ظافر: هلوات عيني
ظافر: شلونك
اسراء: اسئل عنج أنتِ شلونج يولي.
كلش زينة بس لو ماجاي چان بقيت كلش زينة كلش كلش
أهااا، شبلاج خايفة
منو اني؟ لا ليش أخاف
أهااا
أي طبعاً، تدري بيَّ ما أخاف بس من إلى خلقني
أكيد أكيد.
من شفته صار قريب كلش طفرت للجهة الثانية
أي ما گتلي شلونها جدة امل
گلتلي بوسها إلي
لا بدون ما أتبوس وصلت والله العظيم وصلت شسالفة
اسراء
هااا
تعاي هنااا.
أشرلي يمه هزيت راسي برفض.
شبيه ما رايدة نفسي.
ليش يولي تعاي هين مشتاگلج
هسه مو قدمنالك ضيافة وشفتني ماتروح البيتكم
بعد ضيافتي الأصلية ما أخذتها منج
يماااا، يا ضيافة هااي
عجل هاي مافهمتيها بَس غير شي تفهمي بسرعة
بس أثبت على لجهة مو دمرتني ساعة أنباري ساعة جنوبي ساعة بغدادي
أي والله لهجتي صارت مشكل يا لوز وصارت خبط.
شلونه حازم
يسلم عليج
الله يسلمه مشتاقتله والله
واني مشتاگلج
شلونهن خواتك
وصوني أبوسج
عمي وحگ الله واصلات رحمه الله والديهن.
لا يولي ما أيصير لازم أوصلهن بالحق
شتقصد
سلامتج.
بقينه ساكتين أثنينه، صفنت هسه شلون أطفر منا
ظافر: اسراء
اسراء: اگلك والله خايفة منك شو.
ما أسوي شي تعاي هين بس أنسولف
أحلف
ههههههههههه المهيلكة
شفت أدري بدروبك
والله أسولف وياج.
مد أيده إلي، وگلبي الزمال يتمركص من التوتر
حطيت أيدي بأيده شهگت من سحبني اله حاضني.
اسراء: ووولك ظافررر عوووفني
ظافر: لووو أتموتين
اسراء: خدعتنيي مووو حلفت بالله أدعي عليك هسسسه.
ظافر: اللسان اللسان.
گعد و گعدني على رجله، أحس بشعور غريب وأحنا
بهذا القرب، وجهي بوخ من الخجل من أيده ملتفه حول خصري
من دگات گلبي السريعة حتى أنفاسي سريعة ويا نبضاته.
طبك حواجبه مبتسم
ظافر: وصلولي خبر صايرة عاقلة علساس
اسراء: أي والله صرت عاقلة.
صايرة حليوة هم
من زمان حلوة ما أتشوف سحلتك أنتَ وشواربك.
ضربت شفايفي من كلامي فاتحة عيوني رفع راسه يضحك يهز راسه بيأس
يول وين العاقلة اللسان هو هو ماكو تغير.
يعني شوف اني صرت من أسولف صوتي مو عالي ولا أتجاوز
شوف هسه مو ضوجتني أتجاوزت عليك؟ لا
وبعد سولفيلي شلون گضتيتها هين
ويا أهلج.
سحبت نفس بديت احجيله عن كل شخص هنا وشگد
هم زينين ويايَّ وأحتووني ماجرحني أحد منهم ولا بكلمة
اسراء: خصوصاً وَهج صارت مثل الأم إلي
ظافر: وأنتم شنو قدمتوا الها.
طبكت حواجبي بعدم فهم، لأن كان سؤاله بكل جدية
رفعني من خصري گعدني على القنفه و وگف يوجهلي الكلام.
إلي خلاني أوعى على شي الكل غافل عنه
اسراء: ما فهمت قصدك.
ظافر: سؤالي واضح، وَهج أحتوتكم كلكم سندتكم كلكم
ضحت أهووواي علمودكم، بالنهاية كلمن صارت اله حياة
وتقريباً حياته استقرت وهذا كله وَهج وراه بس أنتم
شنو قدمتولها حاولتوا تحتووها؟ حاولتوا أتفهمون إلى بيها شفتوا تعبها؟
اسراء: من أنخابرها ونسئلها ما تحجي شي والله رغم أنحاول وياها
ظافر: بعديش يولي بعديش، الگلب من يحترك يبرد.
نزلت دموعي بقهر كلامه صح محد بينه أحتواها
كلنا عفناها براحتها، وهذا الشي جان خطأ منه نتركها هيج
ضحت علمودنا وسندتنه بس ولا واحد بينه رجعلها ولو جزء بسيط
من كل هل التضحيات، ورغم كل هذا إلا هي لليوم ما بينت زعلها منه وبقت مهتمة النا.
ظافر: وَهج أعرفها من سنين، هالبنيه لو جانت اختي
والله أعيش و أموت واني أعيش شعور الفخر يولي هاي أم سَند
إلي أتحملته مو شي قليل، اسراء اختج تعبت ومن تعبت اخر شي.
مالگت إلى سندهااا، اخ منك عميد الدين.
مسحت دموعي وجاوبته
ماموجود عميد الدين من سافرت وَهج لليوم مداخل البيت
ولا شايفينه واخر شي بلغ وارث گاله محتاج أبقى وحدي
أدري بي عجل اني منين أعرف كل هذا سولفلي كلشي.
يعني شنو بعد ما يرجعون؟
الله العالم، عميد الدين تعبان وعنده الحق بس هم غلط و اختج نفس الحالة
بس أختي ضحت علموده وعلمود قصي
أي فاهم ضحت علمودو، بس هو ضايج عش ضمت عنه.
بدون وعي نهضت من مكاني لزمت أيده أباوع بعيونه
لا تسمح الهم يفترقون فدوة ظافر
خلي يرتاحون هالفترة.
هزيت براسي موافقته الرأي، بس ضل موضوع وَهج
أبالي من محد بينه قدملها مثل ماقدمت النا.
فزيت من صفنتي من أرموشي أنباسن
ظافر: هنَّ عيونج مكبسلات وتبجين، أرحمي بحالنا ول خالي.
أبتسمت الكلامه، باوعت الأيده أختفت أبتسامتي
اسراء: ابو راس
ظافر: شكو المهيلكة
اسراء: ليش مالابس حلقتك
رفع أيده يباوعلها تحمحم.
ظافر: يمكن نسيتها بالحمام.
لا گول خاف النسوان أتشوفني وماتتقربلي لأن لابس حلقة
أفكارج سوداوية أتجاهي
لأن هذا الصح
يا غضب گتلج نسيتها بالحمام يمكن لو بغرفتي
أن شاء الله رب العالمين يطيحك بصخونه مالها علاج إذا جنت تجذب.
سحبني من مقدمة فستاني يم صدري، لزمت قميصه هم
نزلت أنظاره على أيدي، رفعت حاجبي اله بثقة
جرب أتسوي شي أفضحك
بس فهميني شلون صرتي عاقلة ماشوف أي عقالة بالموضوع.
حياتي أسمعني أني وياك تحترمني أحترمك تكفخني أكفخك.
قرب نفسه لوجهي صرت أبلعم من قربه
تعترفين اني حياتج
مجرد كلمة مو شرط إلها معنى لا تطيرلي جناحاتك.
ما أحس غير أجتني كفخه على راسي
اسراء: ليشش
ظافر: هسه لازم أطبق وصية جدة واخواتي
يا وصية ترا هسه أصيح أخوي و ولد عمي لا عبالك مثل قبل.
يواش يواش يا أم عيون النعسانة
اووويي لا تگول يواش يواش ما أتحمل
اه صدك اسراء
ولك أي، بس عوفني ياا شبيك ماشايف.
لا والله وين شايف هيج حرمه ورتني ور.
الله لا يوفقج أربزي هين
ما أريد
ليش بيوم الخطوبة ما اجيتي
جنت مشغولة
هااا مشغولة، لو خفتي
أتريد الصدگ
أي
خفت تحصرني.
مجرد گلت هيج طكها بضحكة بصوت عالي حطيت أيدي
علي صدري شبيه الرجال أتخبل شحجيت اني هسه لا ومقتنعة بكلامي
كامل الاقتناع كبورر أي والله، هسه شيگول
ظافر: اخخ اخخ منج ومن السانج يول سوالفج غصب تضحكني
اسراء: المفروض تشكرني لأن ضحكتك أدري بيك مشتاق السوالفي.
حتى لو بعدهن مال سرسرية تحبهن ابو الظوافر.
مو بس السوالفج مشتاگ الج گلج.
بقيت ساكتة مثل الثولة بس أصفن و أوزع أبتسامات
راد يتقرب يبوسني طفرت منه لزمت الكلاص بأيدي كزاز
عود عباله يأثر عليَّ، لك بابا اني اسراء اخذك للشط أرجعك عطشان
يولي هسه شمسوي اني
عمت عيني أخليك تبوسني.
گعد يحك بطرف ثغره
شبلاج
خلص وقت الزيارة يله ماما يله حبيبي البيتكم
ليش ماما بعد وكت
بعد خلص وقت الزيارة شنسوي غير مرة نحدثها أن شاء الله.
هز براسه يسلكلي واني احجي برحابة صدر وبكيفي
بكل ثقة، هو شيعم علينا غير ثقتنه، نهض
من مكانه يعدل بملابسه
ظافر: أن شاء الله من اجي بالمرة الثانية اجيب جدة أتشوفينها
اسراء: أي جيبها بالخطوبة ماشفتها زين
هيَّ گالت من ترجع من السفر نروح أني وياك
تدرين جنت خارج البصرة بسبب شغل وذني اليومين رجعت ماتشوفين اليوم يله اجيتج.
يمعود لو باقي شكو اجيت
هم صدگ يول قابل عندي مرة مثل النسوان تتلگاني
أندري والله مادري شلونك.
مشى بخطوات أتجاه الباب ودار ناحيتي الكلاص بعده بأيدي
دحگي هين بعيوني.
باوعتله
دحگنه
هساع أنتِ شاردة مني شنو السبب بس لا متصرگعة؟ روحي لايچة عليج من زمان.
والله يا ظافر من تگول لايجة عبالك تگول طماطة لا چعة.
رفع أيده عض أصبعه
الله يساعدني عليج أعيش العمر كلو وياج
أحد جبرك تجي تخطب والله يا الله.
رجف گلبي بخوف من شفته أجه سريع أتجاهي
صخام بعيني لو ساكتة مو أحسلي ركضت بنص الديوان وهو ورايَّ.
اسراء: أصرخ والله أصرخ
ظافر: مهبولة والله مهبولة.
دروووووح
إذا ماوريتج ور يا اسراء
دروووح اني إلى أورررك وررر.
رجع يم الباب قبل لا يطلع گال
دحگي يالعثرة
هاااا
أحبج.
طلع من الباب وخلاني بنص الديوان أبتسمت أفررر حول نفسي
أضحك مثل المهبولة، الثواني انتبهت النفسي.
بسرعة لميت الضيافة وكل شوي أتذكرها وأبتسم
طلعت شفت الولد واگفين وياه يسولفون وهو واگف يم سيارته.
جان الباب مفتوح مال البيت من خلاله شفتهم دخلت جوا للبيت، أتلگتني صفا
صفا: هااا بس لا فشلتينه
اسراء: لا ولج وين غير ضل مصدوم من أخلاقي.
قلصت عيونها تباوعلي
متأكدة أنصدم من أخلاقج
أي وحگ الله بحيث من صدمته گال وين التغيير شو ما أشوفه.
غمتني لطش بكصتي وصعدت الغرفتها رحت للمطبخ حطيت إلى بأيدي
ودخلت الغرفتي أضحك، شفت رقم متصل عليَّ غلست عنه.
صفا.
والله اسراء ويا ظافر ما تتغير سوالفها لو يجي الريل.
غيرت فرشة السرير مال غرفتي فرشت وحدة جديدة
مشتاقة ال أختي و أبنها خصوصاً سَند روحي مفرفحة عليه
هذا مو بَس أبن وَهج، أبني هم ربيته وياها وأتعودت عليه.
اجه آدم الواضح ظافر راح، باوعلي
آدم: هااا ام خشه
صفا: ديله من جمالك هسه تقلد
آدم: أحلفي اني مو حَلو
صفا: حرام نحلف.
أويلي عليج يمه
آدم عميد الدين مو طول غيابه
أي
معقولة ماعندك علم عنه انتم قريبين البعض.
حالي من حالكم والله، حتى رحت البيته گلت يمكن الگاه هناك بس ماكو.
تمام. شوكت تحجي ويا قصي علمود شغلي
من زمان من گتلي راح تحجي وياه وتتفاهم وياه
شنو رأيج تشتغلين ويايَّ بشغلي
يعني شلون تقصد أشتغل مصورة وياك
أي يا بعد الروح، شو ماعاجبني تشتغلين بشركة بنص الزلم.
أني صح أحب التصوير بس آدم مو حلمي هذا
أويلي
ماتثق بيَّ؟
لا ماله علاقة بالثقة صفصف، إذا على الثقة أثق بيج واني مغمض
چاا خلي أجرب الشغل ويا قصي
هايهيه.
شوگت تحجي وياه
باجر أن شاء الله.
ركضت حضنته أضحك
أتسرسح بالكيوتات
أتسرسح بالحلوين
أويلي.
أبتعدت عنه گعدت أمشط شعري وهو بدل گعد بمكانه
صفا: آدم
آدم: أي صفصف
صفا: أحسك حيل تعلقت بمريم بنت وارث وريم
آدم: أي والله سبحان إلى زرع محبتها بداخلي
رغم أحب رحيق كلش بس مريم غير ما أدري.
بقيت ساكتة أمشط رشيت عطر و رحت بصفه أباوع وياه بالجهاز
منو مريم؟
رفع راسه بعدم فهم
شبيج عمري
منو مريم ليش سميت بنت وارث مريم
صدگ تحجين؟
گوا مصبرة روحي ما أضحك من شكله إلى تغير
آدم أحسك تجذب عليَّ أني مو أول بنيه بحياتك
انجبي صفا
چاا منو مريم، وليش أنتَ أتسميها ليش مو أهلها وليش هيج حبيتهاا
فد مرة گولي تخوني وفضيها، وبعدين تعاي ولج صار
أربعين يوم من سميناها شو ماحجيتي ليش اليوم إلا حجيتي.
هسه أجه أبالي، ف أعترف أفضل
بشنوووو أعترف
أنتَ لو ماعندك شي ما تتنرفز هيج بس بتصرفاتك كشفت نفسك.
بس شوووف يا آدم مو اني إلى أنخان وهسه رايحة الأخوي احچيله كلشي.
بقى صافن بيَّ متفاجئ شمر الجهاز أتقرب
آدم: عود صدگ تحجين
صفا: شتشوف شكلي مال وحدة تشاقةة؟
آدم: لا أتصيرين طفلة، واني أحب عقليتج وتفكيرج
صفا: وشبيه تفكيرري هسه؟ عزززا قصدك اني تفكيري همجي.
حضن وجهي يحاول يفهمني بهدوء
لا حشاج ياروحي، بس مامتعود عليج هيج وأنتِ تعرفين آدم شنو
مريم منو
بنت وارث وريم
لا أكو غيرها.
وحگ أبو فاضل ابو راس الحار ماعندي وحدة أسمها مريم.
من شفت شكله شلون يحلف ما أتحملت ضحكت
أبتعدت لازمه بطني من الضحك على شكله شلون صار
آدم: ناااااصبة عليَّ صفاااا
صفا: اسفة بس حبيت أتلاطف وياك هههههههههههه.
لزمني من ياخة القميص مال النوم خربانة ضحك عليه
آدم: هيييي مال هااي السوالف بهل الزلك
صفا: هههههههههههه أشاقةة اوويي شدعوة ماتتحمل
راضيني
ليش خيه ادومه شنو رجلج مزعلج ولميتي ملابسج وفرحتي الاهلج
أنجبي.
عافني وراح للوسادات إلى مخلينهن على السرير صار يجيب
ويشمر عليَّ، هنَّ خفاف ما يأذن كل مايشمر وحدة أرجعها اله
صفا: كافييي يا مُتنمر يالازرگ
آدم: أم خششششه اني تنصبين عليَّ.
شمر اخر وحدة اجت براسي رجعت لوره أنضربت
بالباب مال الكنتور لزمت راسي بألم بسرعة كمز أجاني يتلمس براسي
اتأذيتي؟ جنت اشاقة وياج صفا.
سويت نفسي متأذية وراح يغمى عليه وهو كله جذب.
گعدت بالأرض طابكه حواحبي مغمضة بألم يمي المخدة.
رفعتها ضربتها براسه وطفرت من مكاني أضحك.
آدم: وووولججج صفااااا.
ركض ورايَّ جعص راسي جعص بالضرب بالمخاد حچيت مختنگة
إلا اگول القصي وياخذني منك.
رخت أيده رفعت راسي باوعتله ملامحه تغيرت
صفا: شبيك آدم
آدم: صفا هم يجي يوم تعوفيني؟
فهمت جفصت لأن آدم المفروض ما أطرق وياه بهيج مواضيع
السبب هل الإنسان إلى گدامي مايحبني بس حب لا مهووس ودائماً اصفن بهذا الشي.
حضنته اطمن بي
لا أكيد، جاي اضوجك لا أكثر.
بادلني الحضن ساكت كلمات عادية بس غثنه وهاي مو مبالغة
بس أي موضوع بي فراق مايحب أفتحه حتى لو چان بالشقة صرت أخذ حذري من هذا الشي.
نمنه حط راسه على أيدي مغمض عيونه أباوعله
ما عنده شكل أو ملامح تخليك تخوف مثل إلى يشربون
بس تحسه داخله طفل من يتعلق بالشي هايهيه هو نفسه
باثناء ما صافنه بي وغاطه بتفكيري و هوَ مغمض عيونه
سمعت صارت هوسة، وصوت بنيه تبجي أستغربت شنو هذا الصوت.
صفا: آدم حَبيبي.
فتح عيونه بنعاس هو راسه بمعنى شكو
آدم: ها صفصف
جاي تسمع هذا الصوت؟
صفن الثواني نهض من مكانه و هو يگول
أي صدگ شنو هذا الصوت ومنو هاي البنيه ما أحسه صوت بناتنه.
طلع من الغرفة سريع، بدلت ملابسي ورحت وراه
ايدي على گلبي شصاير وليش كل هالهوسة لاگتني ريم طالعة من غرفتها
ريم: شكو صفا
صفا: والله ما أدري.
نزلنا جوا چانت الهوسة بالصالة الجبيرة شهگت من شفت
زيد مدمه ولد گدامه هم وبنيه گاعدة بعبايتها تبجي.
أريد أركز منو هذا لمن أتقربت أكثر أتجحظت عيوني من شفته
حيدر ابن كوثر هذا مرت عمي هادي شيسوي هنا و هو مطرود اخر مرة
عميد الدين گتله وهانه وطلعه من البيت بعد مادخل اله.
رجعت نظري البنيه وجها عبارة عن آثار ضرب.
حيدر: اختيييي أنتَ لعبت عليهااااا وغصباً عليك تاخذهاااا.
عاط زيد إلى أول مرة أشوفه بهيج عصبية صاير بركان
زيد: أنعلللل ابووووك لا أبوووو أختك لووو أتضل أختك اخررر بنيه ما اباوعلهاااا.
الولد صايرين بالنص بينهم واحد يريد يلزم الثاني.
عزام: كاااافيييييي، زيدددد شنووو موضوع هاااي البنيه
زيد: عووود صدك تحجون اني أخررر عمررري أتقرب العرج كوووثر
جدددي شتعررفنييي، عوفنيي منها بسس تتوقععع اأتقرب الوووحدة بالحرررام؟
حيدر: اختي تاخذهاااا لوووو هسه تنذبح گددام عيوووونكم.
ما أشوف غير آدم شاله بكله بنص وجهه لزم حيدر نام عليه
وهو منا شلون يحبه و لا تعذب بطفولته بسببه يريدون يشلعونه منه.
ما يگدرون دگ ضرب ضرب واحد يضرب بالثاني
سحبوا آدم وارث و أكرم گوا و هوَ يتهدد عليه
آدم: ابن الكلب جاااايننننن گووووا تلبسوووهاا برووووسنه.
گام حيدر سحل أخته ماشايفتها هل البنيه غير مرة وحدة
هيَّ أتصير بنت كوثر من رجلها الاولاني عمي هادي ماعنده
من كوثر اولاد لأن قالعة الرحم. حيدر: احجيييي ولللج موووو لزمتج تحجينننن ويااا لووووولااا.
البنيه منتهيه ترجف رجيف وتبجي بخفه أيده ضربها صرخت بألم عاطوا بي ولدنه.
وارث: زززماااال، أفهمممم بالاول لا تبقى تطلععع بطولاتك على مرة.
سحبها جدي منه دفعه بعكازته عنها و أخذها
عزام: سولفيلي لا تخافين يمي أنتِ وإذا الج حگ راح تاخذينه
صح كلام حيدر عندج علاقة ويا زيد؟
زيد: صددددددگ تحچووووون انتم
عزام: ززيددد أسكت خلي نفهممم
زيد: الكلام موووو بس ألهممم.
دخلت كوثر تصلخ بوجها وتصيح
كوثر: الله لا يوفقكم دمرتوا بنتي، بنتي راح أتمووووت من وراكم.
آدم: والله من الله لا يوفقج الج ولا يوفق رجلج وياج
والله لا يوفق كل واحد جابج ودخلج حياتنه.
لزمت بنتها گطعتهاا تگطعع بحيث الكل صافن البنيه نهوهاا
سحل جدي كوثر من عبايتها ذبهاا على عمي هادي
عزام: الززززمها لااا أنعل والديكم.
لزمها عمي هادي، البنيه حتى حجابها ذبوه شعرها طلع
راحت عليها باجي سلمى سترتها ولبستهه عبايتهااا.
زيد: ولك أنتَ لوووو اخووو بيك حظ چان عررفت أختك شنووو.
لووو زلمه صدگ فهمت من اختكككك ياا حيوووان يااا سگط
بسسس إلى يلعب بأعراض الناس أيشوووف حتى عرررضه مو زين وسگط مثل عقليته.
أكرم: غيررر نفهم شكووو، زيددد شنو علاقتك بيها؟
ليش أنتَ إلى أتهمووووك ليش مو غيررك؟
عزام: يله فهموونه فضحتوووونه بنص الليل
آدم: وأنتم من كل عقلكم اخووووي يگلب هيج عائلةةة ومنووو بنت كوووثرر.
كوثر: تخسى السكير نسبي يشررفك
آدم: نسب ال شلووون يشرفني فهميني بله.
لزمت راسي صدعت من الأصوات وماكو كلها تصيح أتريد
أحد يفهمك شكو الى أن جدي عاط بيهم للمرة الثانية يله سكتوا
عزام: إذا أشوف واحد يفك حلگه أطرده من البيت كله خلووونه نفهم.
دار على زيد مد أيده اله
عزام: أنطيني جهازك
زيد: ليش؟
خزره جدي بغضب
عزام: أنطينياه لوووو ماعندك شي تسلمه.
لفت أنتباهي
نظرات زيد على البنيه ذب حسرة طلع الجهاز سلمه الجدي.
صار هدوء قاتل من يمك يخليك تتوتر بس صوت بُكاء البنيه واضح.
آدم: خااايب زيد إذا صدگ طلعت عندك شي وياهاااا اتفل بگصتك وحگ اخو زينب
أكرم: كاافي آدم خلي نفهم إذا ماتتحمل أطلع برا
مو وگت عصبية بهيج مواضيع حياة البنيه بخطر.
أباوع الجدي زيد فتحله الجهاز ضلت يتصفح بي حد
ما أستوقفت أيده الدقائق صافن بالجهاز رفع راسه جاحظ عيونه أتجاه زيد.