رواية وقار الغريب للكاتبة حوراء السعيدي الفصل الثالث والعشرون
ظافر.
نزلنا من السيارات صرنا قريبين على المكان المتواجد بي
مأمون، أنطيتها وعد أرجع اخوانها الها شهدت هالفترة
عذابها، وسهرها بالليل ودموعها إلى تنزل بكل مرة أسمعها
أحس بروحي تموت ويا كل دمعة تنزل منها وصوت أنينها يستوطن عقلي مو بس گلبي.
أجه ظافر قريب مني قبل لا يتقدم
حازم: ظافر أنتَ ابقى هنا لا تتقدم ويانه.
أخذت نظرة للمكان إلى حاوطوا الجنود جماعة حازم
ظافر: حازم الأطفال انتبهوا عليهم.
هز براسه رجعت السيارتي گاعد على نار ما اگدر ادخل وياهم
راحوا يمشون بخطوات مدروسة چان كلشي مخطط إله ومدروس
ضامنين كلشي من صالحنا.
أقتحموا المكان صارت الأصوات العالية الدقائق
أشتعل البيت الگاعدين بي بأصوات أطلاق النار
قبضت أيدي عاضها من ظهرها، أصبر بنفسي ديطلعون
زادت الاصوات وبعدني كلشي ما فاهم جوا اطفال ونساء ورجال كبار بالعمر شياب.
بَس رايدهم يطلعون، طلعوا قابضين على الموجودين.
بداخل هذا المكان، و وياهم ميسون وباقي إلى يشتغلون
وياهم، ألا مأمون ما أله أي أثر، حازم محذرني أتقرب
لأن غلط تدخلي بشغلهم، گاموا يطلعون بالأطفال
وكل شخص مظلوم داخل هذا المكان بقت عيوني تراقبهم.
طلعوا الكل، ألا أخوان اسراء مو من ضمنهم شجاي ايصير
القلق طلع روحي اريد المحهم بينهم ماكو، مرت ساعة كاملة، طلع حازم
من الباب يحچي ويا الجنود رفعه جهازه خابرني بسرعة جاوبته.
ظافر: ويننن اخووانهاا حاززم.
حازم: ما ادري شگلك ظافر بَس.
ظافر: بسسس شنووووو لاااا تخبلنيي دين مابقى برررراسيي ماتحچيي گوا گاضب روحيي ما اجي
حازم: الكو مأمون چان داخل يعذب بيهم ومن حَس بهجمومنا
گتلهم وگتل نفسه، ظافر الله لا يشوفك المنظر والغرفة شلون انترست بدمهم.
نزلت الجهاز مصدوم، ماتوا، اخوانها ماتوا شلون راح اواجها
واني إلى انطيتها وعد اليوم ينامون بصفها وتكحل عيونها بشوفتهم.
ضربت ايدي بالسيارة من وجع روحي عليهم ما أحس بالوجع.
راحوا بذنب ما ألهم بي اي علاقة ذنب امهم إلى ذبتهم ونستهم
وخلتهم بركبة اختهم إلى اتحملت مسؤؤلية طفلين وهيَّ ب أمس الحاجة للاحتواء.
مر وقت وطلعوهم من البيت ما أجه أبالي غير عيونها من راح
اتشوفهم أثنينهم مو واحد اثنين، وهذا الشعور مايحس بي بَس العايشة.
طلعوا بيهم، طلعت وراهم أمشي شلون أواجها هسه
يول الله اكبر على هالفاجعة شلون أحط عيني بعينها واگولها اخواني ماتوا.
دخلوهم للمستشفى نزلت وراهم أجه حازم لزمني.
حازم: خلي ايشوفون شغلهم
ظافر: شلووووون ماگدرررتوا تحمووونهم
حازم: ظافر مأمون موته مو خالية ولا موت هل الاطفال خالية
ظافر: مايهمنيييي كلشيييي مايهمنيي انييي صارلييي اسابيععع واسابيععع
اخطط علمود أطلعهم وأرجعهم الحضن اختهم شلووون أواجهااا هسسسه.
أخذنه كلشي يخص مأمون لأن مستحيل واحد مثله
يموت بهالسهولة ظافرررر شبيك فكرررلهاا
إذا طلعت امهم وره كلشي أموووتها بأيدي عسسا ما أرووح بيهاا مؤبد.
دخلنا الداخل المستشفى ننتظر يكملون كلشي ويسلموهم ألنا
حازم: والله شايل هم شلون اختهم راح اتشوفوهم
ظافر: اخخ يا حازم اخخ ياسواد وجهي گدامها
أمر الله هذا بعد
ونعم بالله
انتظرنا الساعات حد ماكملوا كلشي اخذناهم للمغيسل
غسلناهم وطلعت بيهم البيتي مختنگ من المواجهة.
چان وگت غروب من وصلنا فتحنا الباب ودخلنا
چانت واگفة منتظره وضحكتها مرسومة على وجها ماطولت وهيَّ تختفي
وتكبيرات الله اكبر أعتلت موقف قشعر كل جسمي.
أذان يكبر، وجثث مظلومين، وأخت بگلب والدة منتظره .
نزلوهم الجنود للأرض وهيَّ عيونها رافضة تباوع ألهم
تحچي وتسئل والجواب ضايع من لساني أحتارت شتسوي
لزمتها بس أريد أثبتها واعرف شحچي وياها أتخبلت فقدت
دفعتني وصارت قريبة منهم رفعت ايدها تأشرلي
اسراء: أخواني؟
هويت براسي بدون ما انطق نزلت راسي أسمع
صوت صرختها الطلعت من أعماق روحها
اسراء: لااااا فدوووةة ظاافررررر مووو گتليي راااح اجيبهمم الچ.
اجت جدتي امل لزمتها وهيَّ گعدت بنص بين التابوتين.
اسراء: أصيل، أسامة، ياروحييي انتم اگعدووا
فدوة اروحلكم لاااا تعوفووونيي والله سوويت كلشييي علمووودكم أگعدوووا وحاچوونييي
انييي اسراء بسسس حاچووونيييي.
وگفت تفتر بين توابيتهم مثل الشخص المامصدگ
رادت تفتح التابوت ركضت عليها لزمتهاا وهيَّ أتصارع جوا ايديَّ.
ظافر: اسراء
اسراء: وووولك أخوووانييي راحوووو ماتووووا اخووواني ماتووووا.
ظافر: راحوا المكان أحسن اترحميلهم لا اتسووين هيچ
اسراء: وانيييي وانييي شلووووون يعوفوونييي
انييي ربيتهم بذني ايديَّ، أمنا ماچانت الهاتف علاقة بيهم
هذووله ولدي والله ولدي شلووووون يروحووون مني هيچ.
أجه حازم أول مرة أشوفه بهيج حاله ودموعه تنزل
من ذاك اليوم لهذا اليوم، گعد گبالها
حازم: خوية گولي يا الله مظلومين راحوا مكانهم
الجنه ان شاء الله، مكان أحسن من هالدنيا الظالمة.
ضربت وجها تصرخ فاقدة، لزمت جدتي ايديها ماهدت ولا هودت
ساعة كاملة هيَّ تبجي وتصرخ بعلو صوتها متخبله
وحگها انا الفاگد وعايش شعورها ينعل صفحته
الي يلوم فاگد ويگله لا تبچي لا تصرخ.
ظافر: جدة جهزيها نروح ندفنهم
عفتها بحضن جدتي ودخلت جوا الغرفتي أخذت إلى نحتاجه
وبعدها مستمرة بونينها وعتابها.
دخل حازم يدور بعيونه
حازم: ظافر لو نخليها الفجر نطلع للمگبره مو بهذا الليل
واسراء ويانه ندخل بنص المكابر مو زين عليها.
ظافر: والأطفال؟
حازم: الجو بارد ماعليهم شي نخليهم هنا جوا نصلي الصبح ونطلع.
ذبيت حسرة
هايهيه خوية
هاي اسراء راح اتموت شوفلك حل وياها بروح امك
طلع علمود يدخلوهم جوا طلعت وراه أشوفها بعدها گاعدة يمهم
فزت من رادوا يشيلونهم لمن گالها حازم ندخلهم جوا سكتت.
دخلوهم جوا حطوهم بالصالة وطلعوا گعدت يم روسهم
حاطه راسها على واحد من التوابيت وايدها الثانية على الثاني.
اسراء: مو وعدنا بعض نرجع ننجمع مو گتلكم انتظروني أرجعكم الحضني
ليش بس گلولي ليش عفتوني وحدي اني شلي بالدنيا وانتم مابيها.
الليل كله گاعد مگابلها وهيَّ على نفس الشي ماسكتت
ولا دمعتها نشفت من عيونها، واليموت گلبك عتابها وياهم
للصبح صلينا صلاة الميت عليهم وطلعنا متوجهين للنجف.
منتهيه بقت بس جسد روحها طفت ويا اخوانها
الطريق كله جدتي حاضنتها لحد ماوصلنه بعد ساعات مُستمرة.
اجه الدفان يحفر بگبورهم سبحان الله بالدنيا سوا وماتفارگوا
والآخرة گبورهم بصف گبر رويحة حلال الله يرحمهم.
كمل الدفان راد الدفان يحطهم باللحد طفرت من مكانها
اسراء: لااااا ابوووس ايدكم لاااا
ظافر: أكرام الميت دفنه، مايصير
اسراء: ويعوفووني؟ لاااا ظاافرر اني ما أگدر أعيش بدونهم هو عمري كله چنت فانيته الهم شلووون اتريدون تاخذونهم مني.
امل: جدة خليج قوية، يابعد روحي سوده بوچهي على مصيبتج.
ما أهتمت الأي كلام جاي ينحچي وياها راحت للتوابيت وگفت گدامهن
اسراء: مااا انطيههممم وولدي ذوووله ربيتهم بتعببب والله تعبت وانييي اررربي بيهم.
أتقربت الها لعل الگه حل وياها
ظافر: أنتِ بنيه مؤمنه وقوية ما ايصير تعارضين حكم رب العالمين.
ردت عليه من بين دموعها وصوتها الرايح
اسراء: رب العالمين يدري بكلشي چنت دائماً اشكيله
لأن ماعندي أحد اشكيله رب العالمين أقرب ألي من اي احد.
چنت احچيله شگد احبهم، وادعي دائماً يحفظهم الي
ليش أخذهم مني هسه يدري بيَّ ما أگدر أعيش بدونهم أحنا أيتااام ماچان النه غيرر بعض
دمرتني بكلامها خلت كلامي كله يضيع شتحچي
وتخلي هيچ بشر يقتنع بالصار، رجعت گعدت يمهم رفعت عيونها المليانه بدموعها
اسراء: أريد أشوفهم بس هذا الطلب.
حتى الدفان بچى على حالها ووضعها طلعوهم
حطوهم بجهه
ماكو أحنا زلم شگدنه ماگدرنه عليها انتهت تحضن بواحد.
وترجع تحضن بالثاني وصوتها عج بنص المگبرة حد ما اغمى عليها.
رفعتها من الارض خليتهم يكملون الدفن حطيتها بالسيارة
سحبت بطل ال مي اغسل بوجها وجدتي بعدها يمهم
تون كأنما رجع انفتح جرحها بهذا الموقف.
ظافر: اسراء أتسمعيني
خفت عليها أشرت الحازم رايح أجاني يركض
حازم: وين رايح ظافر
ظافر: ما أتشوووف حالهااا خلي أشوف بلكي اكو مستشفى هنااا قريبة
حازم: تمام اكمل دفنهم واجي عليك.
صعدت بسيارتي طلعت بيها ادور مستشفى لو مستوصف
بالنص ساعة أدور مو كلش اندل بهاي المحافظة
وهيَّ بعدها ماگاعدة، عيوني گمت ماشوفن بيهن
لحد ماسئلت ودلوني على مستشفى أخذوها مني دخلوها جوا
وگفت حيلي رايح، خابر حازم انطيته العنوان
طلع ممرض لزمته سئلته عن حالها
ظافر: على بختك خيي، البنيه إلى جبتها شنو وضعها
خوية هبوط لا تخاف سوينه للازم.
أتشكرته وراح، وينن اتروحين مني ايديَّ بسس الكفج حرام لاطلع قهرري من هذا اليوم بيج.
مرت ساعات رجعت لوعيها واجوا جدتي وحازم دخلنا الها
فاتحة عيونها هادئة ساكتة، دارت وجها تباوعلي
بنظرات هادئة باردة عيونها النعسانة ذبلانات.
راحت ألها جدتي گعدت يم راسها تحاچيها ماتحچي
صحت للدكتور ايشوفها بعد مافحصها وسئل عن سبب حالتها
حجيتله مختصر گال السبب الصدمة إلى تعرضت الها تحتاج تتقبل الوضع يله ترجع الطبيعتها.
امل: يااع جدة ماتحچين الله لا يوفق الچان السبب حسبي الله ونعم الوكيل
طلعتها من المستشفى راجعين ماتحچي ولا تبچي
أباوعلها راسها مايله بي للجامه وساكتة تباوع بعيونها
للطريق، دخلنا البصرة ماكو أي ردت فعل منها نزلت وحدها
بدون ما أحد يساعدها وگفت يم الباب تباوع بعيونها للمكان
ماطولت راحت تمشي وحدها دخلت جوا.
ظافر: جدة انتبهي عليها
راحت وراها رحت ال حازم واگف يخابر
شصار وياكم حازم.
هاي ميسون ال معترفه تگول جاي تهديد المأمون من ام اسراء
و على هذا الأساس مأمون أخذ الاطفال يعذب بيهم
ليش تهدده هيَّ؟ شنو إلى بينها وبين مأمون وهيچ ايسوي ويگتل روحه.
الجواب هذا محد يعرفه غير أم اسراء.
عفته اريد اصعد لزمني
حازم: وين رااايح ظاافررر
لهااي بنت الكلب
لااا تستعجل وتخرب كلشي لااا تنسى احنا شمخططين
هووو التخطيط إلى يخصها ويخص شكو شي وراها قرررب مابقاله شي.
لااا اتروح هسه ظافررر وبهاي حالتك تخرب كلشي بنيناه
أدوس بمصارين بطنهاا هاي بنت الكلب بسببهااا ماتووووا
تأخذ جزاتها وداعتك.
سحبني دخلني للبيت، طلعت جدتي من غرفتها تصفك أيد بأيد بدون صوت بقهر.
امل: ماتحچي شكثر حچيت ماتحچي
حازم: خلوها ترتاح ذني اليومين جدة
ظافر: مثل ما گال حازم لازم تتقبل الوضع.
عفتهم رحت الها فتحت الباب مغطيه روحها من جدمها الراسها سديت الباب رجعت يمهم جوا والايام مشت وهيَّ بنفس الحالة عجزت ارجعها مثل قبل.
صفا.
ضلت عيوني تباوع بعيونه، گلبي دگ داخله دمام
ونبضه مُتسارع من كلامه، رجعت لوره بخطوات معدودة
صفا: أشرف ماراح يخلينه ننجمع
آدم: أنتِ أنطيني جوابج ومالج علاقة بشي بعد
صفا: أبوي يدوس علينا كلنا ومستعد يأذي الكل علمود مصالحه.
أدري بكلشي بدون ما تحچين شي.
معناها خلينه مثل ما أحنا
صفا.
مسحت بأيدي دمعتي إلى نزلت وأردفت
آدم اني ما أريد تتأذه بسببي
تخافين عليَّ؟
أي اكيد اني ما أريد أنتَ تتاذه أو غيرك.
ههههههههه
رفعت راسي أباوعله مستغربه
شبيك آدم؟
منو يگدر يأذيني لو يأذيج
ما فهمت؟
يا بعد الروح، أنتِ هسه بظهرج آدم أبن امه إلى يتگرب الچ
وآدم بظهره العُمدة وأنتِ فهمج كفاية.
أباوعله يحچي بكل ثقة وماكو ذرة قلق أو خوف
آدم: صفصف تعاي اگعدي.
گعدت بدون ما احچي، گعد مقابيلي فرك أيديه من البرد
قبل لا تجين لهنا دائماً اگول ما راح تتقبل واحد مثلي
صريح وياچ، اني شخص لا صلاة ولا صوم أشرب داخل اماكن موزينة.
فتحت عيوني متوسعة على كلامه
صفا: شنووووو داخل اماكن مووزينة
آدم: انطيهن الچ من البداية ليش اغشج واسوي نفسي گدامچ نبي
اي كمل
بس الله الشاهد ما متقرب لأي وحدة
أنتَ وين لكيت هالكلاوات تشرب وما تتقرب لوحدة.
أحس دمي فار من كلامه ايععع من طاح حظك على هيج اطباع خايسةةة
آدم: وداعت امي الماعندي أعز منها مامتقرب لبنيه بسوالف موزينة
بس مجرد كلام وياهن، شاب طايش وضايع بين الصح والغلط
صفا: وين الحب معناها؟ وأنتَ متونس ويا البنات
آدم: بالماضي احچيلج من دخلتي گلبي عفت هالسوالف ونفسي صارت ماتتقبل اي وحدة.
شنو إلى يثبت
بكيفج شتريدين من أثبات اني جاهز
ايعععع ابو النسوان
ماضي.
رفعت عيوني للسماء وجهي دخن، هسه شبيچ ماتگليلي.
أهز برجلي بعصبية، يا حب يا نعال انچبي صفا اسكتي.
آدم: سكتي
صفا: شگول قابل شعليه اني بهالشغلات اني إلى يهمني تتعالج
مو علساس اصدقاء و واحد يحچي للثاني شو من حچيتلچ عيوبي ضجتي.
ضحكت اغطي وجهي النعال إلى انقلب
هههههههههه جنت ويانه بكاميرا خفيه
مسودنه احلف عليج.
آدم
هاا، يا بعد الروح
أنتَ ليش حچيت هيچ
شحچيت.
خزرته ضربت رجلي برجله، لزم رجله عاكش وجهه
من سئلت علمود تتحكم بمشاعرك مادري شنووو.
چا أنتِ غير راح تكونين ويايَّ بفترة علاجي اريد جواب
منج علمود أعرف شتصرف اني ما اريد اضايقج بشي.
آدم
أويلي عليج يمه، اسمي من تنطقينه اذوب
احطلك ثلج وتجمد
مايفيد، ضحكتج وكلشي بيج ينعل عشيرة آدم
هسه غير يسمعني
اتفضلي.
ركزت نظراتي بوسط عيونه بلع ريگه تحمحم وأشرلي احچي.
أني ما أريد أتلاعب وياك وبمشاعرك، ما أحب اضحك على أحد
چنت أگدر اقنعك تتعالج وانطيك أمل وامثل احبك مثل ماتحبني.
بَس والله اني مو هيچ، حتى وَهج ماتقبل اسوي هيچ شي
هسه تگول وَهج شدخلها، لا دخلها هيَّ مو بس اختي امي هاي ما اسوي شي اله وهيَّ عندها علم بي وقابلة.
ادري بيج صفصف
ف اني ما اگدر ما انطيك جواب واني ممتأكدة من نفسي واخلي عندك أمل
زين
اني إلى يهمني تتعالج، چنت اگدر اعتبرك حالك من حال عيسى
بَس لا أنتَ وين وذاك الخايسسسس وينن
زين
ف خلي هسه المهم علاجك.
چنت خايف تنفرين مني عشت بعذاب الليالي.
تشهد كل عذابي، خفت ماتتقبليني من تعرفين
هذا مرضي الياكل بروحي وفشلت أكثر من مرة انجح بعلاجه
والسبب الثاني إلى چان يمنعني أتقرب الج ابوچ، أفعاله تخليني مرات أخاف يأذيج.
ثبتت عكس يدي على رجلي واصبيعي جوا حنكي مثبته
أباوع بي شلون يحچي من يحچي عن موضوع مرضه تحس ملامح الندم والخجل تترس وجهه.
صفا: وهسه شنو إلى اتغير
أبتسم وهوَ يگول
آدم: اني صرت شخص مدمن هالضحكة وهالانسانة.
الگاعدة گبالي إذا ما أشوفها كل يوم عبالك مضيع شي
أخطف نظرات منها بدون ماتدري، أبتسم ويا ضحكتها اخخ يا ضحكتها العتت گلبي عت.
بدون وعي أبتسمت لكلامه، بَس سرعان ما ذكرت أبوي
اتلاشت ابتسامتي واختفت
آدم لا تعلق نفسك بيَّ
تخافين؟
أي اخاف من أبوي
وتخليني عايش بهذا العذاب.
نزلت راسي ألعب بأصابيع أيدي
ما حابه تتأذه آدم
چاا أرحمي بحالي، اني تعبان صفا أريد اجي واذب تعبي بين ايديچ.
اختنگت من كلامه نهضت من مكاني بدون.
ما أباوعله
ردت اروح ادخل جوا سحبني من ردني بدون مايخلي
ملمسه يطخ بملمس بشرة جسمي
آدم: ويننن رايحة
صفا: آدم لا اتسوي هيج
شتريدين أنتِ بس گليلي
أريد تتعالج
وهاي راح أتعالج علمودج صفصف.
اي هايهيه ما أريد شي ثاني عوفني آدم شبيك لا يطلع أحد
خلي يطلعون بعد الكل عرف آدم عاشگج.
رفعت راسي أباوع للباب لا يجي أبوي عيوني دمعت بقهر
بس عووووفني الله يخليك
شبيچ صفااا.
أبتعد عني يمسح بوجهه.
آدم: اسف والله ما اقصد اضوجج بسسس افهمينييي
صفا: أنتَ هم افهمني وانطيني مجال
آدم: أرفعي عيونج باوعيلي صفا.
رفعت عيوني والغصه خانگتني
صفا: أنتَ تستاهل إلى أحسن
بدينا بالتمسلت، استغفرالله ليش تخليني اچفص
واني الساني متبري مني، ولچ بابا افهمييي آدم يريدد صفااا ما ايريدد غيررررها.
سكتت وهو ساكت بس صوت أنفاسه وحسراته مسموعه
اني راح اروح جوا هسه يستفقدوني
وووويننن وينننن رايحة ماكوووو روحه اله تنطينيي جواب.
جوابي واضح
احط طلقة براس أشرف ونفضها.
مشيت بخطوات وأردف بنبرة لعبت بحالي لعب
آدم: على الأقل انطيني جواب اصبر روحي بي لا اتصيرين أنتِ والزمن عليَّ
صفا: ما اگدر انطيك جواب اني بنفسي مامتأكدة منه.
اجه دار صار مقابيلي عيونه تحچي حُبه قبل لا لسانه ينطق.
اني متأكد هسه مثل ماشايفچ، گلبج يريدني
بَس عقلج إلى رافض هذا الشي، وعد مني الج
راح أسوي كلشي واخليچ تعشگين إلى گدامج مثل
ماعاشگچ وعاشگ، وعاشگ كلشي بيج .
سحب راسي
من فوگ الحجاب باس براسي، وهذا كان بمثابة تحدي اتحداني بي.
عافني بنص هول صدمتي من كلامه ما أستسلم ولا مل
رحت للمغسله الموجودة بنص الحديقة غسلت وجهي أرجف
يمه گلبي، ديربالچ صفا ديربالچ لا تدمرينه وتدمرين نفسچ
أشرف مايعوفكم والله مايعوفكم يكسركم ويدمركم
ماراح يهتم لأي شي لو ننمد جنازه گدامه.
ر
جعت جوا للبيت جدي أجل الثواب لباجر وگال
يجون ريم و وارث هم قابل ريم شمسوين وياها وماتدخل بيتنا.
الثاني يوم راحوا الولد اتسوكوا وجابوا كلشي أشرفن
علي الطبخ باجي سلمى ونادية راح جدي يجيب ريم يگول اني اگدرلها.
وَهج عندها عطلة والكل مجتمع بس أكيد ابوي ماموجود
يطلع مايگعد بالبيت نادراً يگعد ضمن العائلة
زيد: زيارة الف رحمه على روحج اليوم راح ناكل براسج.
كفخه عميد الدين
عميد الدين: زيارة لاعبه وياك بالطفولة لا جدي يسمعك وتدري بي شيسوي
زيد: صلو على محمد وآل محمد الله يسود وجهه إلى مايصلي على النبي.
الكل صلى على النبي عليه افضل الصلاة والسلام
زيد: شفتوا حصلتوا حسنات بزودي
آدم: هو أنتَ زين منك وبيك فائدة
زيد: قابل عندي بطل وافتر بنص الليالي لا لا مامقبوله منك
أكرم: خايبين منين اخلص من لغوة المستشفى لو من لغوتكم.
آدم: هاا ابو رحيق على كيفك هسه شمسوين احنا
جاي نغيرلكم جو، لو هاي مرتك الحيه دفعتك علينا.
دارت زينب عليه
زينب: أنتَ بكلشي حطيتني بالنص
آدم: والله حيايه بس كيوتات بعد روحي.
أكرم: احترمني رررجلها گاعد زماال.
نادية: آدم ماتخابر عمتك شو اتأخرت
آدم: يا عمه منهن الحيه لو الحبابه
زيد: الحبابه راحلها جدي، ف اكيد الحيه
سلمى: كافي استحوا عماتكم ولكم
آدم: لا تگلولي عمتي ناهدة راح تجي لا بشرفكم لااا معدتي من هسه ضربها جالي.
عميد الدين: وسعو صبر ببطونكم والله كريم
رفع آدم الجهاز حطه بأيد باجي نادية
آدم: خابريها أنتِ
ضحكت باجي أخذته منه وگفت تخابرها اتشوفهم.
وين صاروا لأن جدي عازمهم، خابرتها گالتلها ماباقي
شي ويوصلون جايبه جنتها وياها هم.
دقائق ودخلوا بيت عمتي نجاة وجدي وريم ووارث
سلمنا عليهم حضنت ريم
صفا: شنو عيني تستنكفين تدخلين هنا.
أبتسمت بوجهي
ريم: لا ما أستنكف
واحنا بعدنه واگفين دخلت عمتي ناهدة وايفان واولادها
اثنينهم من ضمنهم إلى اتزوج هم صار السلام وهوسة السلام.
كلنا انجمعنا بالصالة الجبيرة واحنا البنات رحنا للمطبخ نكمل.
بالشغل وَهج ماتخلي زينب تشتغل لأن حامل ببداية حملها
وحسب كلام الدكتورة لازم تنتبه اول أشهر
سحبت الجداحه
اريد اسوي الحشوه مال التمن ماتشتغل دخل آدم.
صفا: اگلك آدم
راد يطلع بس رجع من سمع صوتي
آدم: هاا يا بعد الروح وأهلها.
صفنت والبنات كلهن بقن يباوعلي بلعت ريگ بتوتر
وَهج رفعت حاجبها تباوعله بمعنى شكو هو غلس وايفان
كل عين نطت شكبرها علينه، مسحت ايديَّ
صفا: اريد جداحه هاي ماتشتغل.
طلع من جيبه جداحه حطها گدامي مبتسم وطلع بسرعة
درت وجهي اكمل بالشغل، اني أعلمك المُتنمر تريد تضل تحرج بيَّ.
اجت وَهج وگفت بصفي بحجة اتشوف شجاي اشتغل همستلي
وَهج: شجاي ايصير.
همستلها بنفس مستوى همسة صوتها عن
لا يسمعنه أحد
صفا: بعدين بعدين أسولفلج مو هسه
هزت براسها وراحت تكمل الشغل إلى عليها.
ريم گاعدة تنظف بالخضرة وساكتة
صفا: ايي ريمه اخباركم
ريم: ماكو شي جديد
صفا: شلونه ابن عمي وياج.
قلبت عيونها ماعاجبها.
ماشي الوضع
ايفان: تدرين والله اني بمكانك ولا أسامحه.
صفا: مااا تسدين حلگج، لو تحچين حچي بي خير لو تسكتين
ايفان: وأنتِ شعليجج
صفا: لأن مجاي تحجين كلام منصف هو غلط كلنا نعرف
ويمكن ماتحچين كلام يبرد الگلب ويهدأ الوضع گاعدة تبثين بسمج
ايفان: احچي الحق شنو يعوفها بصباحية عرسها.
أباوع الريم ساكتة وجها احتقن
وَهج: ايفان لا تدخلين أنتِ المشكلة تخص ريم و وارث ف إذاً هم يحلونها بينهم.
ايفان: كل شخص والرأي التابع أله مو من حقجن تدخلن.
نرفزتني بكلامها مو طبيعية تس مثل أمها والقرآن عجيبات غريبات
صفا: هيچ رأي محد يريده وخليچ بنفسج
ايفان: ريم إذا سامحتي تهينين كرامتج والله
خاااب هيووووو شوف منووو يحچي بالكرامة سمعتووا لو اني غلطانه
هيووو بعينج لحد الان ساكتتلج.
هزيت اكتافي عود أرجف
شتسوين مثلاً
تربية خدامات شتطلعين مثلاً.
رفعت أبهام أصبعي
تقصدين علينه تربية خدامات؟
وگفت نافخه روحها وتحچي معلك.
ليش اكو غيرجن هنا امج جانت خدامة وچلبت ب خالي
ونادية خذتوها هناك تشتغل عندكم خدامة هم وهن ربنجن.
دارت وَهج منطيتني ظهرها حچت بهدوء وهيَّ تقطع بالبصل
وَهج: صفصف شوفي شغلج الواضح الناس إلى هنا تحب اهوايَّ تنهان.
ذبيت الخاشوكة من أيدي وحطيت الطاوه على جهه
صفا: أنتِ الظاهر مثل بنت كوثر تحبن تنسحلن أشوووو تعااايييي اليوووم منووو يخلصچ من أيدددي.
هجمت عليها أول ماسحلتها من شعرها هيَّ فاتحه الحجاب.
بدون لا دنبوس ولا شي بس مخليته على شعرها
وگعتها بالأرض وهيَّ صريخهاا صار ماله واالي تضررب بيَّ
الحيوووانه الخايسسسةة وأضرررب بيهااا.
ايفان: أنعل اااااامچ بنتتتتت الحيوووانه.
صفا: عزززززا تغلططينننن على أميييي يبوووووو ولكم تغلططط على تاج راسهااا
فريت وجهاا برراشدي، البربوك طكتلهاا صوووت صوت بنت الشوارع.
دخلوا الولد يركضون فتحوا عيونهم على منظرنه
وحدة لازمه شعر الثانية وريم تريد تفاككنه ماتگدر.
زينب وَهج مكيفات على الوضعية نوب بنت القندرة منزعتني الحجاب شعري كله انفتح.
ناهدة: يمه بنيتيييي
اجت هيَّ وچنتها يدفعن بيَّ واني عبالك علچ والإمام على ولا عفتها
رجعت أضرب بيها وأضرب والولد بعدهم واگفين ما اجوا ولا ادخلوا
بَس أسمع صوت آدم يصيح
آدم: هااا هاااا وين وين داخل ابقى برررا.
سحبتني وَهج تغمزلي عاط آدم
آدم: لبسيهاااا الصخام على راسهاااا.
بسرعة سحبت حجابي لبسته وايفان تبجي بعيارة امها لزمتها.
دخل جدي يباوع علينا صرت وره وَهج خفت ينعاط بيَّ
عزام: عليمن اتعاركتن؟
صفا: جدو هالتس تحچي براس ريم على وارث
ومن گتلها عيب ومايصير تحچين هيچ وهذا ابن خالج تهجمت عليَّ
ايفان: چذاابةةة بقت تجاوووز عليَّ.
صفا: عزززززززا انييي اتجاوووززز لا لااا مامقبوولةةة منچ بنت عمتي
وارث: ايفان أنتِ شكو تدخلين بشي مايخصج؟
ضلت ساكتة من عاط بيها وارث
عزام: علمود هاي اتعاركتن؟
صفا: تگلي تربية خدامات تقصد على امي وباجي نادية.
شنووووو يمه خدامات ذنييي تاج راسهااا وراس كلمن يحچي وراهن.
ناهدة: وشنيي ماحچت غير الصدك
عزام: ناااهدة
بوية انتم انطيتوهن مجال لذني البنات وخليتوهن يتجسررن علينه
ماالج شغل اخذييي بنتج واطلعي للصالة يلا يم وولدج بووويةةة
اخذت بنتها وجنتها وطلعت والولد طلعوا وراه بقوا بس آدم وزيد.
زيد: احلف عليج چذابةة
صفا: عززززا اني اچذب لاا لااا آدم شوف شيحچي ويايَّ.
غمزلي آدم واتقدم يمشي باتجاهي.
آدم: الحجي بينه صدك كتيلها عيب ومايصير
صفا: لااا گتلهاا ماتسدين حلگج، اجيت اكلها لا احط بي شبشب وَهج بس لزمتني أخلاقي
آدم: اويلي عليج يمه تتعامل كله بالاخلاق الكيوت.
زينب: لا صدك آدم هيَّ بدأت تحچي براس ريم على وارث
وصفا ردتها بَس ذيج وحدة حقيرة ضلت تچفص بالكلام
آدم: لا هاي ماگاتلتها ريم هاي گتلتها الغيرة وگالت شلون أطلع قهري طلعته بهالسالفة.
باوع الريم الساكتة.
آدم: وأنتِ لا اتصيرين عربانه مع احترامي الچ، أخوي غلط وجاي يحاول
يصحح غلطه، انطي فرصة أسمعي منه الكلام مو بس الچ خوية.
ماردت عليه طلعت صدك متغيرة ريم
زيد: هااي شبيهاا صايرة فد مرة ماتعودنا عليها هيچ
آدم: انتقلت صفات الحيه الها لا تستغرب تريد تأدب اخوك خاف يفكر يرجع يغلط وياها
زينب صاحلها أكرم وراحت زيد وياها بقينه اني وياه و وَهج
اجه وگف يم الطباخ يباوع ال وَهج ويباوعلي
وَهج: هاا خير شعندك هنا.
آدم: خليج بشغلج يا حيه
وَهج: بكلمة مني اخلي عميد الدين ياخذك سحب منا
آدم: جربي بله.
رفعت حاجبها مبتسمة، راحت وگفت يم باب المطبخ صاحت بصوت اله
عميد الدين
ثواني وصار گدام الباب مزروع ضحكت بصوت
حاوطت أيدها بأيد عميد الدين خلتني صافنه وهو هم صفن على حركتها.
وَهج: عميد الدين، آدم يتحرش بيَّ ويگلي الحيه.
رفع راسه النا تحس الرجال تخردل تخردل
من وره اختي وحركاتها
عميد الدين: آدم شبيك وياها.
آدم: ماتخليني اوگف يم اختهاا.
تعال أطلع عوفهن يشتغلن
ما اطلع
شتسوووي بنص النسوان
لا تدفعك مرتك عليَّ خوية لا تنسى الزاد والملح إلى بينه.
ضحك عميد يهز بأيده، راحت وَهج فتحت الثلاجة
عميد الدين: تجي لو انا اجي اخذك بطريقتي
آدم: تعال.
قبل لا يوصل عميد الدين اله بسرعة همسلي
إذا شعرج بعد يطلع گدام أحد احرررگ أشرررف حرررگ
طفر من گدامي لزمه عميد الدين سحله طلعه اجت وَهج تباوع وراهم تضحك.
رجعت اكمل شغلي، هالكلبه مزلغه ايديَّ المهم اني گتلتها وسحلتهاا
كملنه كلشي واجن باجي نادية وسلمى يصبن الاكل
بس نادية مبين ضايجة يمكن من سمعتني شحجيت
شگالت ايفان بس متفاجئة من نفسي شلون دافعت الها
معنى هذا الشي بعمري ماكرهتها ولا راح لكرها
رحت بصفها انطيها صحون تصب تمن اتفاجأت
من تصرفي أبتسمت بوجهي، أباوع ال وَهج ماحجت شي
عندها الوضع طبيعي، بقينه انساعد بيهن حد ماكملنه.
اجو زيد وآدم ينقلون بالاكل حد مانقلوا كلشي
ردت اطلع عارض طريقي آدم.
آدم: أنتِ وين رايحه
صفا: غير اتغده وياكم.
دنك حك وره أذنه رفع راسه.
هذا ابن ناهدة الثانية ما ارتاحله لو تبقين هنا مو أحسن
لا اتصير كلش آدم شعليه بي
تمام تعاي، بَس اگعدي يمي
هههههههههههه
لا تضحكين احچي صدك ترا.
هزيت براسي وطلعت وياه چان اكو مكان يم وارث وريم گعدنه يمهم
كلنا انجمعنا ك عائلة كلمن بصف زوجها ماطلع غده عليَّ من وراه
آدم: لا تضحكين.
صفا: يعني ابجي
لا دخيلج غير اموت
ولا يستقر المرصاد.
ياكل وعيونه على ابن ناهدة وهو الولد أصلا ولا يباوعلي
ايفان تباوعلي وتخزر، وعناد بيها كل شوي مسولفه وياه واضحك
وأسويلها حركات عود شوفي عناد بيج اوعع مادري شحسيت
واني أسوي هالسوالف بس كلشي چان أريده احرگ گلبها.
ريم.
أجه جدي للبيت وأستحيت أرده خصوصاً بعد ما گال
اجيتج خصيصاً الچ، كل ما أحاول اخلي نفسي تتخطى.
ذاك اليوم يجي أحد أو يصير شي يذكرني بي مثل ماسوت ايفان
وارث: ماتاكلين ريم
ريم: دا اكل.
كملنا اكل وگفت أسويلهم چاي لأن البنات وَهج وصفا
أكثر اثنين اشتغلن، وماقبلن أحد يغسل المواعين غيرهن
بين ماخدر حطيت الاستكاين بالصينية صبيت الهم
بس وارث حطيت قليل اله شكر أخذته الهم كلهم گاعدين
قدمته عيني على الاستكان مالته خاف أحد يأخذه مد أيده زيد اله بسرعة گتله.
ريم: لا لا مو هذا أخذ الثاني.
زيد: هاا ذاك للعزيز، احسنتي زوجة صالحة
دخذه أخذه
ضحك أخذه مني ورحت اله انطيتهياه
وارث: شكراً دكتورة
ريم: عفواً
تعاي اگعدي يمي
أريد اروح يم البنات
بعدچن تشتغلن
أي
من تكملين تعاي.
مارديت عليه رجعت يم البنات گعدت
وَهج: شبيچ ريم
ريم: دكتور مناف هالفترة دا يتجاوز حدوده ويايَّ
اثنينهن هيَّ وصفا اجن گعدن يمي يستفسرن
صفا: شبيه وياج؟
صرت أسولفلهن كلشي لحد اخر مرة شصار وشگال.
وَهج: بعد لا اتروحيله من يدز عليج لا يوگعج بسالفة ريم
ولا تنسين وضع وارث، البارحة بالليل خابر عميد الدين
ويقول يسولفون عن موضوعكم تدرين جاي يحارب مرض الشك علمودج.
ريم: گلتله أحب واحد.
فتحت عيونها وَهج مامستوعبة كلامي
وَهج: تشااقين رريم
ريم: جنت ضايجة وحجيت هيج
وَهج: عفواً ريم بس هذا تطفل منج.
نزلت دموعي
شسووي وَهج والله مدا انسى ذاك اليوم وصدمتي
هوَ أذاني، ادري زواجنه جان كله أتفاق بس مو بيدي.
اني أحبه ومن سوا هيچ جرحني بتصرفه
صفا: اثنينكم غلطانين بدون زعل
ريم: اي والله اثنينه، غلطي وافقت على هذا الزواج كله من الاول غلط بغلط.
وَهج: لا تنسين هو سوا كل هذا الزواج علمودج
ريم: أريد اعاقبه
صفا: شتسوين يعني هو غير هسه ومشوفته النبي عربي شتسوين أكثر
ريم: ما ادري المهم انتقم منه.
وَهج: امممم عندج فرصة تكسبين وارث
ريم: ما أريده شسوي بواحد گلبه يم غيري
وَهج: يأبه وداعت ابني قرة عيني، وارث ماحب نريمان.
ويجي يوم ويعترف بنفسه بهذا الشي، هو اتعلق بيها لا أكثر.
دخلوا جدي و وارث النا للمطبخ أتقرب جدي مبتسم يباوعلي
عزام: رايد اطلب طلب من حفيدتي ولو كثرت اليوم بطلباتي
ريم: لا شنو السالفة جدي اتفضل عيوني الك
عزام: رايدكم ترجعون هنا بعد انتم عشتوا سووا
شنو إلى يمنع ترجعون هنا، انا رايد احفادي يمي وهيج گلبي يرتاح.
ريم: أفكر بالموضوع
عزام: فكري بي زين معناها.
للعصر رجعنا للبيت، وارث طلع وامتحاناتي ماباقيلها غير يومين
لليل وهوَ ما راجع، سئلت امي عنه
نجاة: شو رجلج اتأخر
ريم: ما ادري قابل يگلي وين رايح و وين راجع يووم.
مر الوقت وما راجع حتى امي نامت بقيت گاعدة لل 12: 30 ادرس
وهو ماكو، أسمع الباب انفتح، رفعت الملزمه الوجهي
شكلك اقرأ هو اني كملت من شويَّ، اباوع الرجلي
صارت گبالي لزم الملزمه بأيده نزلها من وجهي
وارث: بعدج گاعدة برنسس
ريم: ادرس.
نزل المستواي يباوعلي بنظرات غريبة أول مرة اشوفها منه
وارث: شوگت تنامين
ريم: هسه رايحه انام.
ضل مُستمر بنظراته الغريبة إلى وترتني ردت اگوم
رجعني بخفه أيده المكاني اتجحظت عيوني على تصرفه
شبيك وارث؟
أنتِ تحبين واحد گتيلي مو
ما يخصك
علمود أروحله اكله مرتي تحبك تعال اخطبها مني.
هه هه مصدك نفسك مرتك
غصباً عليج قبلتي ما قبلتي أنتِ مرتي
ديلا خوش، وخرر اريد انام
نهضت من مكاني ركض گدامي سد الباب مانعني اطلع.
ريم: شبيك اليوم؟
وارث: عندي احساس غريب اتجاهج.
أتقربت اله أريد افتح الباب مايخليني دارني ظهري صار
علي الباب وهو محاوطني بأيدي سرت رجفة خوف بجسمي
منه ومن تصرفاته، لف أيده على خصري وأيده الثانية
فتح شعري نثره من الجهتين
ريم
شوف لا تخليني أصيح هس...
ماكملت كلامي، أخذ شفايفي بين شفايفه بقبلة طويلة
غريبة مثل مشاعرنا وأيده تتلاعب بخصري بسلاله.
أبتعد عني حاضني الصدره، أحاول استوعب إلى صار.
رفع أيدي حطها على گلبه، نبضات گلبه أحس بيهن
وارث: هو ليش بس يمج هيچ يدگ
ريم: أنتَ شلووووون تتجرأ هيچ اتسووييي
أبتعدت عنه رجع لزمني حاضني
اش ابقي برنسس
لا تخليني اكررهك أكثر
چذابه والله ما اتكرهيني
لااا اكرررهك اموووووت منك وإذا ما اطلعلك گلب ثاني.
طلعي
اييي شبيك دعووووفنييي شنو هالتصررفات
شبعته تكفخ وضرب يله رخى أيده مني كمزت من يمه امسح بشفايفي والدمعه بعيني
حيووووان
عيب
تروح فدوة للحيوان
لا تچفصين.
بكيفيي وردة بكيفيي.
رحت أخذت ملازمي اريد اطلع واگف معارض طريقي
شبيكككك شبيكككككك اليووووم
أنتِ ليش ماتنامين يمي
لووووو اتمووووت، يله وخرررر لا أصيح هسه واخلي امي تگعد.
فتح الباب أشرلي بأيده اتفضلي تحركت اريد اطلع رجع سحبني اله
باسني بخدي بكل قوته جعص خدي جعصصص
يله روحي برنسس هسه رويت نفسي.
حيووووان وحق الله حيوووان
يله روحي لا هسه الحيوان ايصير حيوان صدك
طفرت الغرفة امي اركض وگلبي واگع بأيدي من الهبطه.
يا سافل يا حيوان يا مضحكة نريمان اني أعلمك
نمت بصف امي أرجف واتوعدله عبالك امررها الك اله اخلي سكرك يصعد ويجلطك.
للصبح مثل كل يوم باوعت شفته واگف بالحديقة
ركضت للغرفته إلى هو بيها محضر ملابس دوامه
يريد يطلع الدوامه، وقميصه ابيض كاوي السافل فد مرتب
ركضت للغرفة جبت تربة خبطتها بماي وگعدت گبال القميص
أباوع بخبث، صرت اجيب من الطين إلى صار وادهن بالقميص.
دهنت ايديَّ الاثنين ولزمت القميص عفسته تعفس وذبيته على الچرباية.
وهنا عبالك عندي سباق كضيتها كله ركض رياضية صباحية
وهو بعده يخابر ههههاااي انشوف هسه شتسوي
غسلت ورحت للمطبخ وگفت أسوي ريوك دخل يباوعلي
باوعتله بطرف عيني دخل جوا اباوع وراه دخل لزم القميص
يباوعله بتعجب، حطيت ايدي على حلگي أمنع ضحكتي تطلع
ورجعت المكاني اسوي نفسي كلشي ما ادري اجه دخل عليه.
وارث: هاااي انتِ مسووويه هيچ
ريم: بحالك اني
ررررريم
نعم؟
أنتِ مو
لااا
متأكدة
مامجبورة اخليك تتأكد.
حطيتله الريوك مالته وطلعت عفته بمكانه يصفن
بعدك ماشايف شي لعد اني تبوسني غصب عني بسيطة أشوف منو يسكتلك.
اجه بأيده كارتون حطه گدامي
هذا جهاز الچ تحتاجينه
هه علمود كل يوم تجي تفتش ومن أحد يخابرني
وأسده تجي تگلي اتصلي بي خلتأكد ويامن تحچين
ريم
بدوووون ريم ولااا شي، ما اريد جهاز
لا تبقين تتصرفين بهالتصرفات.
ذبه گدامي وطلع باوعتله فتحته چان من ذني الحديثات رجعته بكارتونته وذبيته بالكنتور
وَهج.
طلعت من غرفة أبوي عيوني بگصتي من طلبه دخلت
للغرفة عميد الدين واگف يبدل من شافني عاف كلشي واجاني
عميد الدين: شيريد منج
وَهج: يريد واحد من الملفات إلى عندك
عميد الدين: شگتيله أنتِ؟
وَهج: أحاول.
خوش غلسي عنه ذني اليومين بحجة جاي تحاولين
بين ما أرتب الملف واسلمه الچ
شصار على موضوع عيسى.
ام سَند عيسى يبقى بمكانه، گلبي مامرتاح اله يجوز يغدر بينه
چا شراح أتسوي
يتسلم للقانون
مافهمت شلون
عندي ملفات تخص عيسى يخلنه مؤبد راح يتسلمن للقانون
منيلك هالملفات
اليوم تعرفين كلشي.
أخذ مفاتيح سيارته وطلع، وگفت أفكر شيقصد
اليوم تعرفين كلشي، نزلت علمود اروح ويا ابوي للدوام
بوست سَند وطلعت وياه، وصلنه للشركة لگيت گدامي بشار
أتجاهلته ورحت للمكتب، دخلت الموظفة انطتني بعض الملفات إلى لازم اشتغل عليها.
ماشفت باسل اليوم مو من عوايده تقريباً ساعتين
وصوت ابوي رج الشركة رج طلعت أشوف شصاير
الصوت جاي من مكتبه والموظفين كلهم يتسائلون بينهم عن السبب.
دخلت شفته وضعه متخربط والباشا يخابر بجهه ومخبوصين خبص
ضرب الميز ابوي يصيح ويهدد اريد افهم شكو
أشرف: اليووووم أرررريده
وَهج: شبيكم شصايرر؟
أشرف: باسل ال باااكنااا، باااك الشررركة هوَ والمقاووول إلى متفق وياه خسرررنا المشروووع راح من ايدينااا.
اچذب إذا اگول ما انصدمت مثلهم شو عميد الدين صاير
يشتغل بدون مايحچي، بنفس اللحظه اجاني رسالة من عنده كاتبلي.
عميد الدين: هذا الخبر الچ هدية من العُمدة اضحكي على خسارتهم وانتعشي أم سَند ماباقيلهم شي ويخسرون كلشي يملكونه.
رفعت راسي اباوعلهم شلون انخبصوا ومقهورين
لأن إلى أخذه باسل مو شي قليل هم چانوا ثاقين بي
واكيد بعقله الشاطر خلاهم بفترة قصيرة يسلمونه كلشي الاغبياء.
وهنا كان لازم ندخل بدور التمثيل أردفت واني أتصنع الصدمة
وَهج: شنووو لااا مستحيل باسل غدررنا
أشرف: وين يروح من أيدي وووينننن.
گتله بگلبي حير بروحك هسه راح ينهدم كلشي بنيته من سنين وينوخذ منك حق كل قطرة دم بركبتك.
طول اليوم ماضل واحد ما خابروا علمود يلگون باسل
وهوَ باسل فص ملح وذاب، ابوي حتى جلطه اجت اتصير بي
لو مامتلاحگينه بشار والباشا شلون شلة چانوا گدامي
والي خبله وخلاه يفقد عقله من اجته رسالة.
بحساب مجهول گاتبله بيها عن عيسى
أبنك صار خارج العراق انتهت الهدنه إلى بينه.
اكيد هذا عميد الدين، ضرب الجهاز بالحايط فلشه تفلش
الباشا: اكو واحد جاي يتلاعب بينه
بشار: منووو هذا
أشرف: واحد يعرررف كلشي عنه دارررس كل شغلنههه وعيسى مخلي عنده يستغلني بي.
عفتها يحجون رجعت المكتبي اول مادخلت اتمايلت بخصري اضحك خابرته
وَهج: عميد الدين
عميد الدين: عيونه الشهل
راح يموووتون هههههههههه
العارات للأسف مايموتون
باسل وين صار.
صار بمكان الجني الازرگ مايلگاه بي بين ما تنتهي سلسلة الباشا وأشرف يرجع للساحة.
وعيسى وين
بنفس مكانه
يعني ماطلع خارج العراق
لا اكيد بس يحتاج نعذب أشرف بي
بشار هم هنا
هم حچه وياچ
لااا
ما أوصيج من يتقرب الچ شتسوين.
شنو قصدك اليوم أعرف كلشي الصبح گلتلي
بالليل نطلع انا وياچ يُبا
تمام چا اروح ارجع اتشمت بيهم
وَهج
أي عميد الدين وياك
راح ادزلج غده اكلي زين شو وضعج ماعاجبني
كل يوم تدزلي غده
وإذا
امممم
شبيچ أم سَند؟
لا تدللني اهوايَّ بعدين اتعلق بهذا الدلال ويصعب عليَّ أتخطاه
يُبا غالية عميد الدين تستاهلين الدلال.
ضل يسولف ويايَّ شوي وسديته صفنت بكل حرف يطلع منه
اني والله اخاف أتعلق بهذا الشخص واحنا نهايتنا معروفة
وهوَ يهتم لأصغر تفاصيلي، رجعت يمهم بعدهم متشعوطين ويريدون يموتون من الخسارة.
لليل من رجعت للشغل جهزت نفسي منتظرته يرجع من الشغل
اتأخر، أنفتح الباب دخل ذب شغلاته على الميز
عميد الدين: أسبح بسرعة يُبا ونطلع.
وَهج: براحتك
راح يسبح بقيت انتظره بين مارجع بدل ونشف شعره الكثيف
لبس الساعة والخاتم الخاصات بي رش عطر ولبس حذائه.
عميد الدين: يله يُبا جاهزة
وَهج: أي بس احنا وين رايحين
عميد الدين: نوصل وتعرفين
طلعت وياه نزلنا صار گدامنا سَند يباوعلي بزعل
وَهج: شبيه قرة عيني
سَند: خلي اروح وياكم بليز ماما.
رايحين بشغلة وعد اني اطلعك
ليش مو هسه.
أخذه عميد الدين مني شاله باسه بخده.
عميد الدين: حَبيبي رايحين نكمل شغلة وباجر انا بنفسي اطلعك بابا متفقين يابطل؟
هز براسه موافق أخذته صفا وطلعنا صعدت وياه طلعنا من المنطقة.
دخلنا بطرقات ما ادري وين
هسه غير أفهم وين رايحين زين على الأقل لمحلي
هاي شنو طلع ماعندج صبر
سبريزاتك توگف الگلب يالعُمدة
لهيچ لازم زوجة العُمدة صاحبة قلب قوي علمود تتحمل السبرايزات.
اختفت ابتسامتي من عارضتنا سيارة وترمش علينا بالضوء مالتها
وَهج: شجااي أيصررر.
بقى ساكت عميد الدين وعيونه تراقب بالسيارة طابك حواجبه
السيارة تروح منا وتجي منا خبلتنا عبالك واحد شارب
عميد الدين: ايا كلب يا ابن سطعش كلب.
وگف السيارة نزل منها يركض صرخت بصوت من خوفي وركضة عميد الدين
نزلت رجليَّ صارت خيوط من الخوف رمشت بثكل
من إلى شفته گدامي من هول صدمتي وگعت بالأرض جاحظه عيوني.