رواية وقار الغريب للكاتبة حوراء السعيدي الفصل الثالث عشر
ريم.
بعد ما راحن البنات يم عميد الدين بقيت بمكاني
بعدها طلعت يم جدي گعدت وخالة سلمى تلوب أتريد تعرف ابنها وين
عزام: زيد اتصل بأخوك
زيد: ياهوا بيهم اثنين حاليًا مفقودين
عاط بي جدي
عزام: شووووف وارررث وذاك سهلة انا اعلمنه يرجع مو مايرجع
اتصل زيد ب وارث بَس مايجاوبه رجع يتصل فتح خط.
زيد: وينك يمعود صدگ جذب طلعت وبع...
بعده مامكمل كلامه
وسكت يبلعم ولون وجهه انخطف سده وعلامات الصدمة محتلته.
سلمى: شگااالك شبيكككك يمةة
بدون وعي گال
زيد: وارث ضاربته سيارة
شهگت ايدي على حلگي بخوف عيوني متجحظه
وخالة سلمى صرخت وتصيح وليدي مات
و على أثر صراخها
دخلوا عميد الدين والبنات ورهبة الخوف بوجوهم.
عميد الدين: شبيكم شكووو يمةةة
وگف جدي گوا موازن روحه
عزام: اخوك صاير وياه حادث
منوو اخوي؟
وارث
ضل الكل بحالة صدمة طلعوا اخوانه يركضون وجدي وراهم
واشتغل النوح والطم ماينطون مجال نفهم، امي ونادية.
لا زمات الخالة سلمى اتخبلتتت وتصيح ابني راح.
ركضت ال وَهج
ريم: عفية وَهجج خلينه نروح للمستشفى
وَهج: شلون انروح ومانندل المستشفى ولا نعرف شي وماكو أحد يوصلنا
دخل خالي أشرف يباوع بأستغراب على البيت وشلون انقلب
أشرف: خير ان شاء الله
وَهج: وارث صاير وياه حادث
بيا مستشفى
ما ادري طلعوا عميد الدين وجدي وزيد رايحين اله
طلع هو هم يخابر بيهم بقينه وحدنه.
سلمى: گلبي چان حاسنيي ابنييي صايرله شي اخخ يايمةةة.
نجاة: گولي يا الله أنتِ انسانة مؤمنة مايصير اتسوين هيچ بنفسچ
جرت ساعة بعد ساعة وماكو اي خبر عنهم نزلت شذى
من فوگ واكيد صار عندها علم بكلشي اتقربت يم وَهج مبتسمةة
بشماته وصوتها مسموع إلى لأن قريبة منهن گالت ال وَهج بهمس.
شذى: هذهِ حووبتي شفتي حوبة المظلوم ماتروح خالي ببلاش
وَهج: تروحين منا لا هسه اخلي الحوبه مال المظلوم تكسر ظهرچ كسررر
شذى: عساكم بلوعه اكبر من هل اللوعه.
وَهج: إذا تحجين بعد حرف زايد تعرفين شسوي اتكفي الشر وروحي منا.
عافتها ورجعت صعدت مبتسمة عجيبة هالمراة
شلون تدعي هيچ دعاء على غيرها، اجت زينب عيونها حمر من البچي
زينب: گلت الاكرم هسه راح يروحلهم لأن بغير مستشفى منطينه خبر
وَهج: أن شاء الله خير
بقينه گاعدين وكل اعصابي أحسه بدأت تموت اعصابنا انتهتت
محد يجاوب علينه واكثر شي أكرهه من يروحون للمستشفى
ويختفون يبقون حتى على أجهزتهم مايجاوبون.
يتلفون اعصابنا، يخلون الأفكار بعقلك تسوي سيناريوهات.
أيست احد يجاوب لأن وَهج تتصل بيهم محد يجاوب عليها
حتى ابوها اتصلت بي ينطيها رفض وهنا الإنسان مابيده شي
غير يقدم الدعاء، عفتهم وطلعت من المكان روحي ممرودة مرد
أتوضيت ورحت الغرفتي إلى ننام بيها اني وامي فرشت
السجادة مال الصلاة وگفت اصلي الغصه شگت بلعومي شگ.
سجدت ودموعي أخذت مسارها شهگاتي مكتومة أتجنب
أحد يسمعها، تعبت ياربي تعبت أشكيلك همي وغمي يا الله.
تعبانين هالدنيا، اختباراتك صعبة مو گدها رجعه الحضن امه الفرفح گلبها على ضناها
بقيت ساجدة الوقت طويل دموعي ماوگفت رفعت راسي
ثكيل وعيوني تأذيني نمت على السجادة دايخة ونافرة
الدنيا من عيني، بجسد مُبهت ضعيف
غفيت فاصلة عن الدنيا مادري شگد فزيت من سمعت صوت امي تگعد بيَّ.
نجاة: ريمه
بسرعة فزيت گعدت اسئلها
ريم: هاا ماكو خبر عن وارث يووم
نجاة: جاوبونه مدخلينه عمليات عنده نزيف داخلي
ريم: نزيف داخلي؟
اي براسه وضعه خطر
عافتني ورجعت طلعت باوعت للساعة
ب 2: 00 بالليل
النزيف الداخلي يخوف وخطر وممكن يأدي للوفاة لا سامح الله.
طردت هل الأفكار من عقلي صرت افتر بالغرفة
والافكار تتضارب بعقلي اطردها وترجع ضربت راسي
كاافيييي كافيييي تعبتنيييي
الثاني يوم الصبح محد نايم ولا شفته النوم شنو طعمه
وَهج: هسه يدرون بينا گلوبنه رايحه من القلق شبيهم
يدقون الواحد دق يله يجاوبونه شنو هل العادة المزفته.
صفا: وهذا آدم هم ماكو مختفي
دخلت زينب عيونها ذبلانه
زينب: أكرم يگول البارحة جدي ماقابل يرجع للبيت وضال بالسيارة
هوَ والولد ينتظرون، ولحد الصبح ماكو تحسن بوضع وارث
وَهج: خابرج
زينب: اي هسه خابرني.
صفا: باجي سلمى وضعها تعبان كلش إذا تسمع هل الاخبار يسوء
وَهج: گولن محد جاوب لا تحچن شي لا تروح بيها خطية
زينب: ريم شلون منو ياخذج للدوام وهم كلهم بالمستشفى
دخلت نادية وسمعت حديثنا گالت.
باجي نادية: ادخلي بدلي اني اخذچ ماما.
هويت براسي ودخلت بدلت عليك يا الله لو بيدي ما اروح ولا اداوم
طلعنه اني وياها نمشي وصلنا للشارع العام وگفنا علمود ناخذ تكسي
باوعت الأيدي للساعة مو اهوايَّ باقي للدوام خفت اتأخر ومايدخلوني
و على حظي اول محاضرة دكتور مناف عندنه
ريم: باجي ساكتة
رفعت راسها دموعها تلالي بدموعها
باجي نادية: حادث وارث ذكرني بحادث رائد
بلعت ريگ بخوف من كلامها إلى اعرفه رائد هم اتوفه بحادث.
ريم: ندعي رب العالمين مايخيب ظنه بي
« أَنَا عِنْدَ حُسْنِ ظَنِّ عَبْدِي بِي ».
ونعم بالله
وگفت تكسي صعدنا بيها متوجهين للجامعة ملت براسي
علي كتفها ساكتة وهيَّ لازمه ايدي بحضن أيدها
باجي نادية: ماتراجعين
حتى لو اراجع ماكو فائدة لأن عقلي مشوش ومشتت
وصلنا الرجال قريب من الجامعة نزلت وهيَّ گالتله ينتظرها
لأن مُرجع، وصلتني يم الباب وتوصي بيَّ انتبه النفسي وراحت.
دخلت للجامعة بَس اليوم أحسه غير عن كل يوم
صح بكل يوم من يوصلني أما نتعارك أما نخلي الصمت بينا
سيد الموقف، بس بنفس الوقت أحس بالأمان قريب منه
بلعت غصتي من شفت سُرى اجتني من بعيد حضنتني
مادري شبيه بس حضنتني انفجرت بالبجي وهيَّ احتارت شتسوي علمود اتسكتني.
سُرى: اسم الله الزهرة شبيچ خيه
ريم: ابن خالي صار وياه حادث ووضعه خطر حبابه ادعيله
سُرى: يااا خطية الله يشافي بحق الله وام البنين
ريم: آمين.
اخذتني تغسل بوجهي فات دكتور مناف من يمنا طبك حواجبه من شافنه اجه قريب علينا
مناف: خير شبيها
سُرى: شوي شي خصوصي دكتور
رفع حاجبه يباوع ال سُرى
مناف: اهاا إذا بقت بهذا الحال لا تدخل المحاضرة
عافنه مكمل طريقة ضحكت سُرى
سُرى: لا تدخلين للمحاضرة لأن ايريد ايسوي امتحان مفاجئ للطلاب.
ريم: مادارسة عدل امتحانيش اخوج هم يخوط بصف الاستكان
ولچ احترمي عامودي
اسكتي روحي احسها جاي تطلع والله تعبانة اني.
گعدتني شربتني ماي وروحي مسحونه سحن
هذا كله لأن ابن خالچ بالمستشفى
دا اگلچ وضعه خطر مو ضربات عادية عنده نزيف داخلي براسه
اسفه مو اقصد اضوجج بس ما عبالي علاقتكم هيچ قوية.
ردت اچفص واگلها زوجي بس سكتت لأن موصيني
ما اطلع اي سر يخصني لأي مخلوق مهما كانت علاقتي بي
وسُرى عرفتها من اول مابدأ الدوام لليوم مامتعمقة وياها
عن حياتي غير حاچيتلها چنت بالحلة وأجريت هنا يم خوالي اني وامي بعد وفاة أبوية.
صار وگت المحاضرة واصريت ادخل بلكي انسى شويَّ
والافكار تبتعد عن عقلي مادمرني غير التفكير
اول مادخلنه للقاعة
صارت گدامي وحدة هيَّ شويَّ ضخمه صاحبة جسم
ضربتني بمتني رفعت راسي عليها باوعتلي نص نظره
وراحت بدون حتى ماتعتذر لو تحچي شي.
سُرى: شبيهااا هل الهايشةة
ريم: يمكن مامعلوفه زين الصبح
گعدنا بأماكنه دقائق ودخل دكتور مناف يمةة ياصلابته
بالكلام والجدية وجها أبدًا مايضحك بدأ بالمحاضرة.
ايدي جوا خدي وعيوني عليه بس عقلي مو وياهم
طلعت من دوامة أفكاري من شفته واگف فوگ راسي صرت أبلعم.
مناف: اي ريم شنو الوجبه
ريم: العفو مافهمت
مناف: شنو اخر شي شرحته
عضيت شفتي بأحراج والطلاب يباوعولي وأكثر
فئه اكرها إلى يبقون يضحكون ويشمتون من دكتور يرزل طالب ويخلي بموقف محرج.
سكتي
استاذ تعبانة ومو هلگد ركزت
اطلعي برا
رفعت راسي باوعتله سحبت ملازمي وجنطتي وطلعت
من طاح حظك وحظ محاضرتك صوچي دخلتلها.
لو ماخذه صفر أشرفلي ولا اتحمل ثقل دمك مااتنهضممم لووو تموووت.
گعدت بالحديقة مال الجامعة فور دمي من الله يفور دمك
حتى جهاز ماعندي اخابر أحد ينطيني اخبار بقيت الوقت گاعدة بمكاني
حد ما خلصت المحاضرة وضلت محاضرة تجر محاضرة
خلص وقت الدوام شلون ارجع هسه راحت سُرى بقيت واگفه بباب الجامعة.
صفت سيارة يمي ركزت بيها هذا زيد زفرت نفس كبل ركضت
صعدت وياه، واول ماصعدت سئلته
ريم: شلون صار وارث
چان الحزن مغيم بملامحها.
زيد: بقت يم الله
انقبض گلبي من كلامه
ريم شگالوا الدكاترة
زيد: سوينه إلى علينا وبقت يم الله هذا كلامهم.
حچاها بنبرة مختنكة تحمحم وشغل السيارة راجعين للبيت.
بنص الطريق خابروا مادري منو انطاهم العنوان مال المستشفى
وصلني للبيت راد يحرك صحت وراه
زيد راجع للمستشفى
اي
الله عليك فدوة أخذني وياك
جهزي نفسچ ويا امي بس ماتوقع يخلونچن اتشوفنه
هزيت براسي دخلت للبيت اركض ادور على خالة سلمى.
شفتها گاعدة عيونها حمر من البچي سودا عليَّ.
ريم: خالة زيد گال خلي تبدل ياخذنه اني وياچ للمستشفى
ماصدگت من گتلها بسرعة راحت تبدل واني بقيت بملابس
الدوام هن اسود مو ذات أهمية ماطولت وطلعت تلبس بعبايتها
ذبيت الملازم وانطيت خبر الأمي وطلعت وياها صعدنه وياه.
سلمى: ماتگلولييي شبييي اخووووكم
زيد: يمةة استهدي بالرحمن ادعيله أنتِ أم ورب العالمين يتقبل دعائج ادعيله
اخذت الطريق كله تبچي وتدعي مابي شي خطر بَس.
ما ادري شلون راح اتشوف وضعه وهو بهذا الحال
بعد فترة نزلنا گدام المستشفى ويا نزولنا وگفت سيارة
نزلت منها نريمان خطيبة وارث وياها رجال معكل هم.
بس شافتنا اجت ناحيتنه حضنت خالة سلمى وتبچي
سلمت على زيد بس اني اتجاهلتني والواضح تعرف اني منو
دخلنا للمستشفى عميد الدين صار گدامنا حضن أمه
عميد الدين: يمةة ليش اجيتي
سلمى: اخووك شلونه عميد الدين بروح عزيزتك المالحگت تفرح بيها گلي اخوك شلونه.
بلع ريگه عميد الدين مجرد حلفته هيچ
يمةة وارث وضعه بعده ونتأمل ايصير بخير
دار بنظره وجهه احتقن من شاف نريمان واگفه بس ماحچه شي
أخذوا امهم ودخلوا بيها بقيت بمكاني واگفه سمعت صوتها ورايَّ.
نريمان: أنتِ شتسوووين هنااا
مارديت عليها اتجاهلتها سحبتني من ايدي بقوا حسيتها انملخت
ريم: هيوووو شبيچ ايددديييي
نريمان: هذهِ البرائة ماتمشي عليَّ مثل مامشيتيها على وارث.
لزمت ايدي متألمه وزعت نظراتي على المكان كلهم اختفوا ماموجودين.
ريم: المطلوب
نريمان: كلشييي صار بسببج الله لاا يوفقچ
كملتي؟
دفعتني لوره أردفت بحقد
وين كرامتچ تبقين ويا واحد مايشوفچ گدامه ولا الچ اي معنى بحياته
مخليه الكرامة الچ وايدچ بعد إذا تمديها اكسرهاا الچ
وارث يحبني إلى ومايشوف غيرررري فلا اتعبين نفسچ
ردت اغلط عليها وعلى وارث بس ذكرت هوَ بيا حال ومايستاهل.
عود ميخالف.
مدت أيدها گرصتني بأيدي شاغت روحي عيوني دمعت من رفعت رداني
مكان الگرصه صارت حمرة دم من حلاة روحي صلختها براشدي
خليتها اتصفن مثل المطي فاتت ممرضة اتباوعلنه بتعجب
الممرضة: شجااي ايصيررر هنا
عفتهن ورحت أمشي امسح بدموعي الحقيررة مو أيد سم
لاگاني عميد الدين ودموعي على خدي.
عميد الدين: شبيچ بنيتي
لزمت ايدي بنت الكلب خلتني افرفح بالوجع هم سحبتها همزين ما انملخت وهم گرصتني
ريم: ماكو شي وين خالة.
أتقرب إلى ويباوع ورايَّ
نريمان سوتلچ شي
گرصتني
وسكتي الها
لا صلختها براشدي
عاشت ايدچ، بس كون محد شافچن
بَس ممرضة وماهتميت الها.
ادخلي للحمام غسلي يُبا
ما اندله
تعاي ويايَّ
مشى گدامي واني أمشي وراه اجت نريمان تخزر بيَّ
دخلت للحمام غسلت وطلعت رجعنه مايقبلون انشوف وارث وجدي حال الضيم حاله.
نريمان: بابا خلينا نرجع للبيت دام مايقبلون أحد أيشوفه
اخذها ابوها وراحوا، ضلوا الولد يقنعون بجدي يرجع للبيت.
لأن گعدته هنا مامنها فائدة گوا بطلاع الروح قنعوا
والكل رجع بس عميد الدين بقى وأكرم لأن دكتور يعرفونه
رغم غير مستشفى بس اله اصدقاء بيها.
رجعنه للبيت وجدي يسئل عن آدم إلى ماندري وينه اختفى
يتصل بي زيد مايجاوبه وحتى جهازه غلقه خلانه بقلق عليه
الكل يسئل عن وضع وارث ومتأملين يسمعون خبر عنه
بس للأسف اتبخر حتى الأمل من سمعوا حالته.
زينب: والله سالفة آدم ماتسولف وين راح
صفا: خاف عنده اصدقاء ويمهم باقي.
زينب: لا مو من طبعه يبات يم صديق من اتزوجت لليوم، ما شفته بقى يم أحد
ريم: يرجع قابل وين يروح.
ومشت الايام لا يوم ولا يومين ولاثلاثة جرت اسبوع كامل
وارث داخل بغيبوبة وماكو اي تحسن بحالته البيت اسم الله
عبالك عزاء بي اختفت حتى ضحكة المجاملة هنا
وآدم نفس الحالة مختفي ماندري شي عنه جدي انتهى
من جهه وارث و وضعه، ومن جهه آدم إلى فص ملح وذاب
اخوانه ماخلو واحد ما خابروا يعرفه يگلولهم مانعرف شي ولا اجانه.
عزام: ويننن راح بسسس ارريدد افهممم
أكرم: ماضل مكان مادورته بي ماكو
باوع زيد للبنات ورجع باوع ال جدي كأنما اجه اباله شي
زيد: جدي خاف راح للنجف
شيسوييي بالنجفففف
يجوز ال رائد
لليل إذا ما رجع تطلع باجر للنجف تدوره هناك.
اباوع للبنات مجرد انذكر اسم اخوهن لمعت عيونهن
صفا مابقت طلعت، و وَهج حضنت ابنها ساكتة
رجفت شفايفها ماتحملت تبقى عافت المكان كله وطلعت
اتحسرت عليهن والله لو تمر الآلاف السنين ماتبرد جمرة.
أحبابك داخل گلبك لو حتى تقبلت وفاته.
شايفة رائد بالصورة من زينة الشباب اهوايَّ يشبه عميد الدين
طلعت وراهن شفتهن گاعدات برا وحدهن وصفا تبچي
من شافتني مسحت دموعها
ريم: حاره عليجن هنا ليش گاعدات
صفا: لا زين الجو
انقهرت عليها شلون تحچي وصوتها مختنگ گعدت بصفها حضنتها.
ريم: الله يرحمه
بچت بصوت وتحچي بقهرر
صفا: الوحيد چان زين ويانه كلهم چانوا يضربونه
ويهينون بينا، بَس هو عكسهم بكل مرة يحتضنه.
نزلت دموعي وياها طريقة كلامها أذتني وذكرتني ب أبوية وحنيته.
وَهج: اني راح اطلع أحس البيت خنگني
اخذت ابنها وراحت دخلت جوا
دقائق وطلعت مبدلة وياها زيد طلعوا اثنينهم
ريم: تگومين ندخل جوا شوفي راح يصير الغروب
صفا: لا ما اريد ادخل عوفيني هنا.
ريم: تدرين شفت نريمان بالمستشفى
مسحت دموعها تباوعلي بتسائل
صفا: تعرفچ
اي وشوفي شسوت بأيدي
رفعت ردن قميصي شوفتها الأثر صاير ازرگ
عزززا شمسوويةة.
بَس ماسكتتلها انطيتها راشدي فر وجها فر بس گرصتها
قوية من ذاك اليوم لحد الان الأثر موجود
بعد ايدي ايدچ تستاهل اوععع هذهِ إذا اجت هنا يوميا اتسوي مشكلة.
كل هذا مو مهم المهم هسه وارث يطلع بخير
راح اجيب جهازي واجي ابقي هنا
راحت دخلت للبيت، حضنت نفسي صافنه بالزرعات
الزارعينهن بالحديقة، رجعت وبايدها جهازها گعدت بصفي
خلي نجرب نتصل ب آدم
جهازه مغلق
بلكي فاتحه شنو شكو غالقه وليش مختفي والله اشتاقيتله.
هذا المُتنمر، ماكو احد تتعارك وياه ولو الكل مو بوضع هالسوالف.
دخلت على الانستا جاوبت بنيه بقن يحچن بالانكليزي رسائل
صفا: هذهِ صديقتي مسيحية بس عايشة بالسويد
ريم: يعني تعرفتن على الجهاز
لا لا جانت جيرانه يم بيتنا بس بعدين انتقلوا سافروا للسويد
اممم الله يديمكم
شكرًا، اوكفي هذا آدم مخلي ستوري يعني فتح جهازه
بسرعة اتصلت عليه ويرن عنده طول يله فتح خط عليها.
آدم: هلا صفصف.
صفا: لك عيني ياصفصف وينك أنتَ الناس راح توگف
گلوبها من القلق عليك فروا البصرة كلها عليك يدورون عليك
آدم: راجع
صفا: جدي اتحلف بيك
ميخالف
بيك شي؟
سكت الثواني جاوبها
لا
بس صوتك يگول غير
اسمعه يتحسر بقينه وحدة تباوع بوجه الثانية چانت فاتحه مكبر الصوت.
صوتي تعبان لأن تعبان لا اكثر هسه راح اسده ماباقي شي واوصل للبيت
سده الاتصال قبل لا اتجاوبه
ريم: شبي هذا
رفعت صفا اكتافها بمعنى ماتدري.
صفا: يجوز صدگ تعبان، شو خلينه أنشوف الستوري مالته
دخلت أتريد اتشوفه لگت ماكو محذوف والحساب مابي اي ستوريز
شوف الازرگ حذفه لو انطاني هايد.
إذن المغرب ودخل آدم بس شصاير بحاله متبهذل
والتعب تارسه وجهه شاحب، بس جدي چان اله رأي آخر
لزمه من قميصه يعت بي متخبل وآدم حتى مدافع عن نفسه
عزام: وينننن چنتتتتت؟ ولك لااا ليلنةة ليل ولا نهارنه نهاررررر
آدم: صارتلي شغلة
شغلةةة شنوووو ابن الكلب
شغلة بغير محافظة.
سحبه جدي أخذه ودخل بي الغرفته گعدت خالة سلمى
مهدود حيلها، الكل سكت منو يگدر يحچي ويا جدي أصلاً
راحوا يصلون وجدي بعد ماطلع ولا عاف آدم يطلع.
وَهج.
نمشي بالشارع اني وزيد، حتى زيد متغير مو مثل شقاه وضحكه
گعدنا بمكان عام، البيت صار ماينطاق ولا ينگعد بي
كله مشاكل من اجينه لليوم ما ارتاحينه تشرد من التعب يلاگيك تعب أكبر وأكثر.
دگ جهازي رقم غريب فتحت خط بدون ما اگول عنه شي
وَهج: الو
اتفاجئت بالمتصل.
الباشا: وَهج اني الباشا
وَهج: نعم
الباشا: تگدرين تجين للمستشفى.
صفنت مستغربة من طلبه أردفت
ليش؟
بشار بالمستشفى وضعه ساء
واني ليش اجي
جيبي ابنچ وياه خلي ايشوفه
مو قبل ما يكتمل اتفاقنا
هذا المحامي موجود وياه كل الاوراق كاملة
لثواني رجعت الذاكرتي من بشار گال بذاك اليوم ابوه مايقبل يتنازل
وعلساس يتنازلي بدون علمه شلون هسه شو الكلام اختلف.
باشا ماعندي ثقة بيك ممكن يكون هذا ملعوب منك.
سديته بوجهه وبنفس الوقت عقلي اتضارب تفكيرة
أما فعلاً بشار مريض أو جاي يلعبون لعبة علمود يحصلون إلى يريدونه
زيد: شيريد هذا؟
باوعت السَند واگف يباوع للناس وياكل قريب علينه
وَهج: يگول بشار بالمستشفى ويريد اجيب سَند يشوفه.
وصدگتي
لا
شوفي وَهج اكيد شي راجعلج بَس خلي ايشوف ابنه مرة
استلم التنازل، وشگد مايريد ايشوفه خلي ايشوفه ماعندي مشكلة
أنتِ فاقدة حنان الاب واني هم فاقدة واتوقع اثنينه.
نعرف شعور هذا الموضوع، سَند من يكبر راح يعاتبچ عليه
يعاتبني؟ زيد هوَ حتى ماشافه ولا قبل ايشوفه اول مانولد.
صيري احسن منه
اني كلشي عندي سهل بس مستصعبة حقيقة بشار من يكبر سَند
ويعرفها ويعرف ابوه منو وشچان يسوي ويايَّ وشلون عذبني وهاني
براحتچ
سحبت جهازي ورحت بعيد عنهم اتصلت
ب عميد الدين صرت من اضيع هوَ الوحيد إلى يدليني بالطريق.
عميد الدين: هلا يُبا
وَهج: عندك وقت نحچي
عميد الدين: يفداچ.
أبتسمت تذكرت قبل هم نفس الكلام صار ونفس الموقف.
وَهج: خابرني الباشا
اي
يگول بشار بالمستشفى
واحنا شعلينه
يريد اجيب سَند
ومنو يگول كلامهم صدگ
اسمعني من فترة بشار حچالي گال مريض وهم طلب
مني ايشوف سَند، ف گتله من تتنازل بالكامل اخليك اتشوفه
باوعت للاتصال عبالي انسد رجعت احچي
عميد الدين ويايَّ تسمعني
أي اسمعچ
ساكت
غير انتظرچ تكملين كلامچ يُبا بدون ما اقاطعچ.
شهل الاحترام
واجب.
كبر بعيني تصرفه هذا بس يبقى الخوف والحذر دائمًا أبالي
اني طالعة ويا زيد وسَند، والباشا يگول المحامي يمهم جيبي سَند واخذي التنازل
سكت شويَّ وگال
جاي يچذبون مو مريض بشار والنكسس يبقى نكسسس
تقصد لعبة هذهِ بس علمود ايشوفون سَند.
مثل مافهمتي، وبكيفچ وَهج بالنهاية القرار والرأي راجع الچ ابنچ هذا
تمام، ماكو تحسن بوضع وارث
علي حطت ايدچ
الدكاترة ماشافوا تحسن بوضعه.
ماكو دكتور يطلع ودكتور يدخل نفس الحچي وباقية يم الله
صارلك اسبوع بالمستشفى لو تجي وترتاح وخلي واحد من الولد يجي بمكانك
أكرم دوام ومامقصر يوميا يجي، وآدم مختفي
اتصل ماكو، دوروا عليه نفس الشي سودني.
عميد الدين
اتفضلي ام سَند
آدم من شوگت يحب اختي وهو حتى ماملتقي بيها
لو نخلي هذا الشي هو يجاوبه بنفسه إذا حب يحچي بي
انتم هم وراكم اسرار مثل ابوي وعيسى
ماكو انسان بالكون ما عنده سر أو اسرار تخصه
يعني أنتَ هم عندك.
گتلچ ماكو واحد ما عنده، المهم احتاج الاوراق إلى تخص المشروع الجديد مال ابوچ
بعدها أوراقه ماكاملة اخزنها بفلاشة وادزها الك
لأن ابوي صاير حريص وما اريد اخرب صورتي گدامهم
جاي احاول اخلي يثق بيَّ شگد ما اگدر
ماراح يثقون بسهولة انتبهي يجوز يسوولچ اختبارات
ايشوفونج بيها گدها اولا أو مثل مايردون لو تلعبين من وراهم
أبالي كلشي فاهمتهم بحيث الورقة إلى تتسلم الي.
اعيد قرأتها أكثر من مرة واركز بيها بَس عندي الك فلاشة من زمان
اخذتها من عيسى وبيها شغل ولليوم يدورون عليها ومنا ابوي گام مايثق يخلي شي يم عيسى.
طلعتي لاعبه جوله بعد روحي
صرت حرامية بفضلهم
الشغل الفاسق مابي حرام
بركاتك شيخ
سكت الثواني ورد مختنك ادري بي ضام ضحكته لو ماله خلك يضحك
چا فضيها وگولي انا نفسي إلى هكرت حسابهم مال الشركة.
مشتبه شمفهمني بهالسوالف اني
خير ان شاء الله يجي يوم ونعرف كلشي.
ردت ارد عليه وشفت شخص من بعيد عيونه علينا
بلعت ريگ بخوف خفت لا بيت الباشا دازينه
سويت نفسي ماشايفته.
عميد الدين اكو واحد جاي يراقبنه
ادري بي
منيننن تدررري
غير انا مخلي
ليش
بينه اتفاق لو نسيتي وانطيتچ وعد أنتِ وابنچ بحمايتي
وهسه بعيد عنكم اكيد ماراح اهملكم وانساكم وهذا الشخص من طرفي لا تخافين.
ختمت اتصالي وياه، قبضت أيدي شنو موقفك من تعرف
كلشي جاي اسوي وياك هوَ خداع الك لأجل اشياء خاصة.
شنو موقفك من تعرف هذا الزواج اني إلى ردته أكثر منك ولعبتها عليك
علمود ابلش بخططي واطبقهن، بس ياترى لو تعرف راح تعذرني بيوم؟
صفا.
آدم من عرف وارث بالمستشفى راد يروح وماخلاه
جدي، حبس نفسه بغرفته وبعد ماطلع و وَهج
اتأخرت
خابرتها گالت راجعين بالطريق اجت كوثر وبنتها
عبالك جنطه وين ماتروح حاطتها وراها اوعععععع
جنت قريب من الصالة واسمع كلامها شلون تبث بسمها يم باجي سلمى.
كوثر: من اجن لليوم فكرنكم شوفي بيتج انترس بس مشاكل
سلمى: كافي كوثر مو وگتها انا بيا حال ابني بالمستشفى حاله حال الميت
فرح: خاله ترا كلام امي صح ذني بنات الخدامة من اجن لهنا بيتكم صار كله مصايب.
ماتحملت دفرت الباب، برجلي والله دفرته ودخلت
صفا: هيووو أنتِ وياها تكرمناا بسكوتچن لوو شلوون
كوثر: تربية خدامة
حطيت ايدي على خصري
صفا: ههههههاااي ضحكتيني، حبيبتي تربية خدامة ولا وحدة مسموومة مثلچ.
فرح: گومي ماما خلي انروح هن ذني شنو واحد يحچي وياهن
امهن تبوگ زلم شيطلعن قابل، لو بيهن خير ماطلگوا وحده منهن.
يمةةة حسيتتت واحد وشعلنيي بالناررر هجمت عليها
لزمتهاا من شعرها وره الحجاب واضرب بيها
ولچ احناااا صحححح بنات خدااامةةة واختييي مطلقة بسسسس أشرررف منكم وأشرررف من كل واحد
يحچي عن وحدة مطلقة وشرررف بنيةةةة.
دخل آدم طابك حواجبه وروحه بخشمه صايرة
آدم: شكو نوب.
صفا: هل القذرررة الخايسسةةةة تحچي على امي واختي
آدم: چاا كملي إلى جاي اتسوينه وهذا اني گاعد هنا اشوف بربوك تتقربلچ
ماصدگت انطاانييي الإشارة رجعتتت گتلتهاا كتله تسوووا عمررها
كوثر: عسااچ بمرررض مامنه علاج
آدم: آمين بنص گلبچ.
سلمى: آدم كافييييي عيبببب
آدم: العيب مات ويا أهله
سحلني البنات إلى دخلن على صوت صريخ هل الخايسةةة
صفا: شوووفن خابببب والله إلى تحچي على اميييي واختيييي.
ادووووسها دووسسسس وانهيهاا نهيييي واسووويهاا وصلة مسححح امسحح بيها الأرض.
طلعت هيَّ وبنتها، واني الخفقان هاج عندي وهو بالاساس عندي خفقان
لأن اشرب گهوة اهوايَّ، گعدت التنفسي سريعع
طگيتهاا بچبه من كل گلب وهم كلهم وگفوا فوگ راسي يريدون يعرفون شبيَّ.
آدم: ليششش تبچيننن اذتچ بنت الخوش آدمي
أردفت من بين دموعي
صفا: لاااا، انييي گتلتهاا
چاا شبيچ رحمه لكلمن عنده رحمه
ليششش تصيحح عليَّ
شوكت صيحت
هسه.
فرگ وجهه بنفاذ صبر
صبر أيوب ربي بس هالشي اطلبه منك.
عافنه وطلع، گعدت ابچي مثل المخبله بنفسي ما ادري شبيَّ
دخلت وَهج مجرد شافتني اجت حضنتني بخوف
وَهج: شبيچ أمي
صفا: ما ادري ابقي حاضنتني
بقيت بحضنها تبوس براسي وبايدي بين مارجعت طبيعية وسَند يمسح بدموعي.
سَند: خالة ليش تبچين گليلي منو واني اضربه
سحبته الحضني
صفا: روح خالتك أنتِ يروحولك فدوة العارات
وَهج: اكو احد غاثج.
اجت كوثر وبنتها التس، وشمرت بالكلام گتلت بنتها وراحن
شگالن
خيولن
هم رجعت گالت بنات الخدامة مو
اي بس ماسكتت الها.
باجي نادية: لا تهتمين الها هيَّ هيچ كوثر الحقد عاميها
جاوبتها وَهج
وَهج: يله حقد ولا غدر
باوعت الها بنظرات وطلعت من يمنا
صفا: رغم إلى سوته بس لليوم شي بداخلي يحن الها
كل ماگلبي يگلي حني عليها وهيَّ هم تعبت عليكم أتذكر غدرها
يخليني انفر من كلشي، تعبني غدرهم.
جان كلامنا بهمس بينه طلعوا الكل بقينه اني وياها.
نزل آدم من غرفته مبدل صاحت امه وراه
سلمى: وين رايح
آدم: للمستشفى ولو جدي يجيب النعال ويگطعه عليَّ
گدام الوادم ما ارجع، عافها وطلع هذا هم طكه ونص
صبوا الاكل كلمن اكله شويَّ وهيج ايامنا صارت كلشي باهت بيها
كلمن داخل بقوقعة مشاكلة و وارث ماكو أي تحسن بحالته
بحيث حتى الدكاترة يأسوا من حالته عميد الدين محد شايفه مگابله بالمستشفى.
بيوم بالليل گعدت عطشانه النعاس مسيطر عليَّ
طلعت بتراك النوم ردنه نص، دخلت للمطبخ أشرب ماي
صبيت إلى بكلاص واستداريت اريد ارجع بس رجليَّ انشلت
من إلى گدامي ونبضي صار يدگ براسي من قوة الرهبة
واحد ملثم بس عيونه طالعة صرت أبلعم من الخوف.
كمزت من شذى دخلت للمطبخ وصارت تصرخ طلع يركض
اتجمدت بمكاني طلع الكل بسبب صوتها الرج البيت رج
عزام: ياعلي ابن ابي طالب احضرنا
شگد اتوقعتها وحدة رخيصة وعار بس ماتوقعت.
الهلدرجة رفعت شذى أيدها وهيَّ تگلهم.
شذى: عمي صفا مدخله واحد للبيت
اتشخصت عيوني عليها بصدمة أريد احچي وادافع عن نفسي
ما اگدر انبلع الساني بدون اي تفاهم ومقدمات ابوي سحلني من شعري صرخت بألم
أشرف: تريدننن تنزلينننن راسيييي
هجمت وَهج عليه أتريد تخلصنيي منه كام يضرب بيَّ بدون أي رحمه صرت ما اشوف الضربه تجي
بوچهي ببطنني فرفحت جوا فتح كف أيده وبكل ما عنده قوة ضربني رفست بشوغه من قوة الضربة.
وَهج ضمتني بحضنها وهوَ يسحبني منها گام يضرب بيا ويضرب بيهاا
هيَّ ما هامهاا شي غيرر تحمينييي من هذا الوحش الظالم.
دفعه جدي بعكازته يصيح
عزام: ووولك خليييي نفهمممم
أشرف: شنفهممم بووويةةة شنفهممم جايبةة واحدد النص البيتتت
اليوووم اذبحهاااا ذبححححح
غوشت عيوني وأسمع أصواتهم العالية انسحبت من حضن وَهج وهيَّ صرخت بعد ماجان عندي طاقة استسلمت للظلام.
عميد الدين: انا انا عميد الدين وَهج.
اخذها مني اختي صايرة جنازه خشمها حلگها ينزفن
جسمي يرتعش رعش
وَهج: والله ماتسووويهاا اختييي ما اتسوويها
رفعها من الأرض وطلع طلعت وراه اتعثر بخطواتي
حطها بالصالة منتهيه مغمضه عيونها كل ملامحها البريئه شووها بالضرب الظالم.
أستداريت للباب شفتها أتريد تصعد
وَهج: اصبريلي وكلام الله المقدس لأخليچ تعضين اصابيعچ ندم دقائق بس وراح تصيرين أنتَ بمكانها
عفتهم وطلعت اركض اناشغ بدموعي كل ماتذكر.
صرخات اختي تصرخ بكل وجع وشوغه صاروا سبب
أذيتنا اهلنا ومن زمان كل دمعنا وشهگاتنا هم السبب.
طلعت جهازي ماراح اشوفه الفيديو لأن عيسى عندي
شغل بعد وياه بس شذى لهنا وتنتهي ورقتچ ويانه طلعت تسجيل المكالمة
الي صفا مسجلته وهيَّ تحچي ويا غير واحد مو عيسى
القذرة عندها علاقات مو علاقة وحدة وكل هذا جنت ضامته الها.
اخذت الجهاز وطلعت شفت عميد الدين يدفع ب ابوي لأن يريد.
يهجم على صفا هوَ أنتَ حالك من حالها لمرتك ليش تبيعون شرفيات ما ادري
وَهج: اترركه عميد الدين، بعد هو رجال وعنده الشرف غالي
أتقدمت ناحيته رفعت الجهاز گدامه وهيَّ واگفه بنص الدرج
اتخربطت كل أوضاعها وصارت تبلعم بخوف نزلت تركض
وگفت بصفه لازمه أيده وعيونها على الجهاز
أشرف: شنووو هذا
رغم عذاب گلبي وعذابي على اختي إلى انضربت بذنب مو ذنبها أبتسمت بشماته بوجهم
وَهج: حقيقة زوجتك.
شذى: لاااا تصدگهااا أشررررف وحدددة چذابةةة اتريددد تخررررب زواجنا
أشرررررف تدررريييي بيهننن يكرهنييي.
وَهج: أسمع زين وراح تعرف الشريفة منو بيهنن أسمعع
أخذ الجهاز مني ونظراته تتوزع بيني وبين شذى
الوجهات انگلب كركم بحاله رجعت بانظاري الاختي الگاعدة
زينب تداومي بيها وتبچي حتى الغريب بچى على حالنا.
وهنا أيقنت كما تدين تدان مهما مرت عليك الدنيا.
ومهما غرتك بمحارمها ولهوها يجي اليوم إلى ينتهي بي كل هذا وتأخذ عقابك
لحظات هي واشتغل التسجيل مال المكالمة.