رواية وتيرة الأعرج للكاتبة حوراء السعيدي الفصل الخامس والعشرون
غرام.
رمشت بعيوني بثكل سهم صاب گلبي و اني داسمع كلامه.
غرام: تتزوج؟
كُميل: أي أتزوج
غياهب: سالمين؟ شديصير شنو تزوج.
الغصة اتجمعت بأوتاري ما مستوعبة إلى اسمعه و منين من كُميل؟ رد على غياهب بملامح جامدة مابيها اي ردت فعل.
كُميل: من اتزوجتها هيَّ أتفقت ويايَّ هذا الاتفاق
غياهب: بس لازم تع.
توسلتلها بعيوني تسكت و ما تكمل كلامها عاطت بي امه.
مليكة: ووولكككك شتحچي انتَ.
كُميل: انتم كلكم تعرفون ليش تزوجتها شنو إلى يمنع اكمل حياتي ويا وحدة ثانية؟
مسحت دموعي إلى نزلت مهضومة ما توقعته يكسرني بهاي
الطريقة و بهيج يوم بلعت غصتي إلى صارت تحرگ ببلعومي.
غرام: صح كلامه ما عندي مشكلة يگدر يكمل حياته. رفعت عيوني اله اتصنع الثبات و اني بقمة انهياري. مبروك مقدماً بس صابني فضول منو إلى راح تكون صاحبة النصيب؟
بدون ما ينطي اهمية ولا بنظره اردف.
كُميل: جيلان بنت خالتي.
عضيت شفتي امنع دموعي تتساقط وين نساها؟ وين نسى حبه
كلشي جذبة كلشي عشته جذب ماحبني جان مستعطف عليَّ.
الله يسعدكم.
عفتهم امشي بخطوات مبعثرة الغرفتي اجت غياهب لزمتني ساندتني تباوعلي بقهر دخلتني سدت الباب
غياهب: ليشش بقيتي ساكتة علوية؟
شهگت بنص دموعي مغطية وجهي بايديَّ.
غرام: شنو الفايدة هوَ صارلة فترة مارايدني و لا اله خلگي
بس انتِ حامل بطفل منه؟
شهگت اكثر بگد ما تمنيت هذا الطفل هسه صرت اتمنى لو ما طالعة.
حامل ماريد يجي طفلي بين ام و اب ما منسجمين، لزمت ايدي غياهب طابكة حواجبها.
غرام باوعيلي شصار؟ ليش تغير مو جان ميت بيج
مادري مادري غياهب حتى ما صار شص بينا بدون سابق انذار تغير.
راح احجي ويااه احاول افهم منه
لاااا
ليش؟
مايريدني ماريد اذل نفسي اكثر من هل المذلة إلى انذليتهاا
لِچ بابا لازم اكو سبب شنو الرجال يتغير هيج
ما يهمني بعد ابني إلى يهمني هسه بس شلون راح اتحمل اشوفه ويا وحدة غيري.
ترا تصرفاته مو منطقية غرام ركزي بالموضوع يعني ليش عافها كلها وراج الجيلان؟
لا تنسين هوَ جان قبل يحبها و خاطبها
شي انتهى هذا
المفروض؟ بس طلع ما منتهي شي من إلى حجاه عشت بوهم
ياريت لو ما حابته و لا اعيش هذا الوجع و الاحساس، نزلت عيوني
ودموعي متسللة مُستمرة بيوم من الايام گتله انتَ كل أهلي تالي
ما تالي كسرني مثلهم يا حسافة الكسرة إلى بگلبي زادت كسرة ثانية
غياهب.
ما ادري اذا إلى ديسوي كُميل من كل عقله لاول مرة اتمنى ارسلان
موجود لان ادري بي ما راح يقبل على العلوية مالازم يصير هذا الزواج بس شلون؟
متأكدة جيلان لعبتها صح وإلا من شوگت رجع يطيقها ويحبها
رحت الاهلي اشوف خالتي إلى من الفاتحة لليوم وضعها تعبان و حايرين
بيها علساس ابقى يمها و بلغت ارسلان بس ابوية ماقبل ابقى هواية
يگول عيب من اهل زوجج ومانعرف خالتج شوگت تتحسن.
خوالي وضعهم ما يقل عنها بالتعب و هالحيوان سالم شرد اختفى
ماكو اله أثر حتى معلوماته اتوزعت بالمراكز مستحيل يگدر يطلع من بغداد
من جهة خوالي مستلمين الموضوع و درغام مكلف ناس هم و لحد الان
ماكو خبر كأنما الگاع انشگت وطمته مو بلعته شغلت قصيدة من القصائد
الي دائماً اسمعها بين ماوصلت البيت اهلي جانت خالتي نفس الوضع ابوية يريد يموت من قهره عليها.
حنين: فدوة غياهب سوي شي.
غياهب: شبيدي شگد حچيت وياها خليها تعيش حزنها احسن مما تكتم و تتأذه.
اجه ابوية گعد يمنا متبهذل حاله عليها.
سلطان: حتى اكل ماترضى تاكل
غياهب: ماكو خبر عن سالم
ماكو حتى اسمه اتعمم بكل المراكز و السيطرات
يجي يوم و ينلزم، بس يبقى السؤال شنو السبب إلى خلاه يسوي هيج و يقتلها
كلنا يا غياهب ندور جواب الهذا السؤال و المشكلة هيَّ الله يرحمها دومها ساكتة وتخاف منه.
خوالي شلون صاروا بابا.
تعبانين مصيبتهم مصيبة الله يرضاها محمد امهم مرة جبيرة تموت
هيج موته گدام عيونهم راسها بمكان و جسمها بمكان حسبي الله ونعم الوكيل.
قشعر جسمي مجرد تخيلت المنظر التفتت الحنين من گالت.
حنين: الليلة جمعة خلي نقرالها قران و نخلي صدقة بثوابها هالشي يفيد الميت البجي ميفيد.
سلطان: اي والله خلونا نتوضى ونقرالها رويحة حلال الله يرحمها.
توضينا و رجعنا احنا الثلاثة صلينا بعدها بدينا نقرا قران تقريباً ساعة.
احنا مُستمرين نقرأ كملنا صبت حنين الاكل دخلت الخالتي عسا ولعل اگدر
اقنعها تجي تاكل ويانا عيونها راح تنعمي من گد البچي بايام
الفاتحة بكل يوم تفقد وعيها بسبب بُكائها وحزنها گعدت بصفها.
غياهب: خالة لشوگت تبقين هيج والله حرام هالعذاب إلى دتسوي بنفسج حتى الميت ما يقبل بي.
نزلت دموعها واردفت بصوت تعبان بصعوبة تحجي.
وجدان: صفيت بلايا ام
كل انسان ويومه
بس مو هيج ذبح ولكم امي راسهاااا انشااال من جسمهااا.
ولكم ابشععع موته يمووتهااا الانسان ولكم اندبحتتت ذبح.
صارت تضرب على وجها وتبجي لزمت ايديها من الضرب وجهه انقلب القطعة حمرة
دخلوا ابوية و حنين على أثر صوتها اخذها مني حاضنها يهدي بيها طلعنا تاركينه يحجي وياها.
شهر كامل مر مابي اي شي جديد نفس القهر و نفس الضيم اروح الاهلي
اشبع قهر على خالتي و ارجع ارجع لعيالي گلبي يتگطع على حال غرام
و كُميل كل يوم يحاچي امه تروح تخطبله جيلان ترفض رفض قاطع و تتعارك.
وياه و تگله اخر يوم بعمرك تجيب مرة على راس غرام بس تحسه مو نفسه الخال إلى نعرفه.
ارسلان طول هالشهر مارجع للبيت و اذا يتصل بس بخاله الدقائق
محدودة ويسده المهم يطمن واهم شي عنده ناز و حتى درغام الي
عرفته نفس الحالة نادراً يتصلون يطمنون اهاليهم ويرجعون يختفون.
غياهب: اتمنى هسه ادخل على جيلان بنص بيتهم اطلع قهررر
گلبي بيهااا هل الاستغفرلله ماتستاهل الوث اخلاقي بيها
غرام: مشتهية تمر الهند الحامض.
باوعت للساعة ب11بالليل رجعت اباوعلها.
منين اجيبلج تمر الهند هسه؟
اووف والله شتهيته اريد منه.
هزيت بايدي والله راح تخبلني و بس مليكة عرفت بيها حامل
و حذرتها غرام ماتحجي شي للخال علساس من تضم ماراح بطنها تكبر وايشوفها.
رجلج راح يتزوج وانتِ تشتهيلي تمر الهند
هاي مو اني هذا حبيب امه
لا بله و شمدريج ولد
احساسي يگلي ولد.
غرام
هاا
ليش دتتكتمين حزنج موزين عليج وانتِ حامل.
شسوي لعد حتى شهادة كاملة ماعندي و اگول اطلگ منه و اروح اشتغل و اعيش وحدي، باقية علمود ابني
صدگيني جيلااان لعبتهااا صح و اگص ايدي اذا ما وراها شي.
قلبت عيونها الخضر بملل و تتكتم بقهرها خايفة عليها وهيَّ حامل.
حتى من گال كُميل سحر نفشنا الغرفة نفش مالگينا شي شبيج مايريدني بعد اني ادري
مع احترامي بس تبقين فاهية دنااامي نامي.
خذت جهازها وتمددت بصفي تتصفح بي صار هالفترة تنام يمي.
ماريدها تبقى وحدها قريت كتاب شوية بس نعست ماگدرت اكمله باوعتلها
غاطة بالنوم نزلت من مكاني غطيتها اباوعلها هالبنيه شگد تعذبت وكلنا
يا الله هستونا من علاقتها بالخال بدأت تتطور بس الحظ مدايگعد وياها
تمددت بصفها راسلت حنين هم نفسيتها تعبانة وبالها يم درغام سحبت
نفس اريد انام اندگ الباب الساعة عبرت ال 12 نهضت من مكاني فتحت الباب.
جان الخال كُميل باوعتله مستغربة لان ابداً ما يدگ الباب عليَّ و ملامح وجهه ما تطمن.
غياهب: تفضل محتاج شي؟
مسح وجهه وايديَّ الاثنين يرتعشن اول مرة اشوفه بهيج وضع.
كُميل: ارسلان
ماعندي تواصل وياه يمكن عندك علم بهذا الشي
ارسلان و جماعته مفجورة عليهم عبوة.
اتجحظت عيوني سرت رجفة خوف بجسمي.
عبوة؟
مُجاهد: اذا ابقى اكثر اروح اشگهم واحط رجلي ب جسمي تكسر بعلي صارلنا يومين على هالوضعية
درغام: چنا راح نلگف من وراك ابن الطراك
هسه بس لو تجي الاشارة كفيلك اخو زينب ما يبقالهم أثر
العراقي من يهمبل.
درت وجهي عنه الگاعد يدخن ساكت يباوع بدون ما يشارك لزمت سلاحي.
درغام: الاعرج ساكت.
ذب الگطف مال الجكارة وباوع الجنود رجع يباوع علينا خلانا صافنين بكلامه.
الاعرج: اشم ريحة موت يا ولد
مُجاهد: لا هايهية ربحنا.
مشيت باتجاهه من يم مجاهد منزل راسي لا ننصاد و ننخبز صدگ گعدت بصفه.
درغام: ماكو معركة ماتنطي شهداء
الاعرج: عزيز عيوني كلامك صح.
اجه مجاهد انضم النا و خلقته مگلوبة صارلنا يوميم بنفس الوضعية
مراقبين الوضع بس ما جاينه الامر إلى نتحرك بي ربتت على چتفه.
دضحك يخوي انعل ابو الدنيا
مُجاهد: هم صدك تاليتنا جوا التراب.
بقينا بنفس المكان منتظرين الساعات طويلة عفتهم گاعدين وخذتلي.
زاوية گاعد بيها مديت رجلي تعبان لازم سلاحي حاطة بصفي يا عمي گلبي
اشتاگ الذيج العيون طلعت محفظتي طلعت منها صورة
بلائي الجميل
ادري بيها هسه هيَّ و امي عايشات بخوف و قلق بس هذا شغلنا لازم يتعودن رفعت راسي اسمع ارسلان يغني.
درغام: و كفو بالجبور يابه
ضحك رفع ايده على راسه الثاني يوم اجتنا الاشارة اتحركنا من مكانه جاي نمشي بخطوات مدروسة.
مُجاهد: مو ماتفزعولي ولكم كو.
جاوبه ارسلان و عيونه تراقب بالجنود و المكان.
الاعرج: الما يفزع للصاحب زاد الخوة يشور بي.
و النعم والله.
اخذنا اماكنا وبدأ الهجوم بينا و بين الطرف الثاني ماتسمع غير صوت
واحد إلى لو وين ماتروح بالعراق بأي هجوم و معركة شعار واحد
يتردد هوَ هَلا بولد داحي الباب هَلا بولد الكرار
الاصوات العالية
تارسة المكان صوت الجنود و هم واحد يحاول يحمي الثاني لو جان الثمن روحه جانت معركة صعبة.
مُجاهد: صدددددگ تحچووووون ذوووولة مثل الدووود جاي يطلعووون
درغام: چنهااا انكثت بينا يا خوية بس عيب على الشوارب إلى بوجهما اذا انسحبنا وخليناها الهم.
الاعرج: انتبهوا ياااا ولد.
بقينا مستمرين بالهجوم و گلوبنا احترگت أكثررر وزادت نيرانها
من شفنا طاحوا شهداء النااا اتحرك ارسلان سحبته.
وينننن رايححح.
عيونه بقت على الشهيد إلى طاح.
الاعرج: هسسسه اجي.
مارد عليَّ راحله يركض حالنا صار يرثى لهُ الشمس تصگع بينا صگع.
والترابة كابة عيونا انعمت صحبانك گدامك يستشهدون اصعب موقف
يمر علينا بكل مرة ندخل بمهمة و نطلع منها عيوني على ارسلان
خايف عليه يسحب بالشهيد و الطرف الثاني خلية مو سهلة ركضت عليه سحبته
وياه حطيناه بصف السياج يباوعله عيونه حمر هز براسه رجعنا الاماكنا
ارسلان يشجع بالولد ما يضعفون و لا ينسحبون.
الاعرج: لاخررر نفس لاااا تستسلمووون عيب على الزلم تترك هللل الحثالة تلعببب بأرضهااا.
صاح واحد من الجنود بصوت خشن وبحة عراقية.
الارض ارضناااااا، والووووطن وطنااا وولده اخوووانااا وولدناا.
الاعرج: يله درغام تعال نحووول للجهة الثانية
درغام: جاايك.
أشرت للباقين يجون ويانا لان تقريباً مابقى الا القليل شدوها
من صدگ ولدنا وصاروا وهم بنص الموت ياخذون حگ صحبانهم
الي استشهدوا مربع صرنا بالمكان إلى بي المطلوبين.
الاعرج: من أشر للثلاثة ندخل
درغام: لااا تتخبل وين داخل خلي الوضع يستقر.
شيستقر حبيبي بين ما يستقر الحثالاث طااافرة و كل تعبنا يروح
ولك ارس.
فكيت عيوني من شفت انتحاري رايح باتجاه مُجاهد وباقي جماعتها بدون ما ينتبهون جايبهم من الخلف غدار.
درغام: ووولك ارسلان راح يعلسون جماعتنااا.
ضرب ايده بالحايط.
الاعرج: گتلهممم هذا العددد موووو كاافي
الجندي: سيدي صاررر قريب.
رجعنا نركض انا وياه و الجنود إلى ويانا رفع سلاحه ارسلان يمنع.
وصوله بس ما لحگنا فجر نفسه ماتشوف شي غير الدنيا انگلبت بقيت جامد بمكاني مجاهد وياهم؟
الاعرج: اليووووم شيببب الخلفهمم احررررگه حرررررگ.
رجعنا للخلف و عيوني بعدها تراقب المكان اخوي و عضيدي
بي صوت الطلق ما اتوقف ماتگدر حتى توصل الهم بدون اي سابق
انذار دفر ارسلان الباب بعد مارجعنا النفس المكان إلى بي المطلوبين.
دخلنا وراه غير يلزم روحه گام مايشوف من قهره على جماعتنا.
وذوله مسلحين رافع سلاحه بوجهم و الطرف الثاني رافع سلاحه علينا.
الاعرج: هيَّ موووته وحدة كو تاخذووونا غدرررر.
دخلوا جماعتنا الباقين مطوقين المكان صرنا اكثر منهم تقدم الاعرج
و تحسه اي خوف ماعنده سحب وحدة من المتفجرات الموجودة رفعها يأشر عليهاا.
الاعرج: اقسم بالله إلى ما ينزل سلاحه يروح هسسسه ثرررريد و الاعرج گول و فعللل.
صدگ لو گالوا الروح عزيزة ما طولوا و هم يسلمون نفسهم لزموهم جماعتنا.
و گدرنا نسيطر على المكان بالكامل دورنا على واحد من المطلوبين مفقود رجعت عليه.
درغام: ابو تراب ماموجود وياااهم االاعرج: ابو نعاااال هسه انشوفه وين ضم راسه.
طلعنا من المكان ندور عليه ماكو درنا بظهرنا من شفنا سيارة شخطت
ركضنا لاحد سياراتنا الموجودة بس بعيدة عن المكان مو كلش قريبة صعدنا انا وياه لاحگينه.
الاعرج: اذا مالززززمتك اليوم مايصبح الصبح و انا ذاب الاستقالة
درغام: ماكو غير حل واحد.
التفتلي و هوَ يسوق.
احچي بسررررعة.
أسرع بسياقتك.
سوا مثل ما گتله، طلعت راسي من الجامة وجهت سلاحي على التايرات مال السيارة إلى گدامنا
ديلااا يلااا فضهااا كفيلك الله اذا شرد حتى انتَ أخليك تستقيل.
بسسس سد حلگك خلينييي مركززز
سبع الهورة راح أحترررمك لان انسابة وراح تتزوج اخت زوجتي
بهيج نسابة فوگاها راح تصير عديلي
شددددد
ارسلان مُجاهد هناك روحي راح تروح على اخوي و على الجنود وحگ محمد.
الي كاتبة ربك يصير هسه خلي نلزم هالكلب.
خفف السرعة وصلت للهدف.
خفف السرعة ركزت بالهدف ضربت اول ضربة اجت بالتاير السيارة صارت
ما متوازنة ضربت الثانية و اسرع ارسلان بالسياقة صرنا گدامه طفر
ارسلان من السيارة و السيارة بعدها تشتغل لزمتها بسرعة صحت بي.
ابن الكلللب مووووو راح تموتنااا.
وگفتها نزلت وراه لازمة حاط السلاح براسه.
الاعرج: اخيراً ابو نعال لزمناك صارلي ايام منتظرك انزل انزل خلي اكحل عيوووني بشوفتك.
نزله من السيارة بديت افتش بيها بيها جنطتين وحدة فتحتها
كلها دولارات و ممنوعات مخدرات باوعت للثانية كل ضني نفس الاولى
بس بهتت ملامحي من شفتها عبوة بيها التفتت الارسلان الواگف يسولف
ويا ابو تراب رفعت راسي سيارة الجنود جاية من بعيد ورانا لزمتها
ساحب نفسي بهدوء لزمني من ايدي و ايد رافع سلاحه بعده اتجاه ابو تراب.
الاعرج: انطينياهاا
درغام: لا تتسودن ما باقي شي و تنفجر
انطينياهااا درغام.
سحبها من ايدي بقوا لزمها راح يركض بعيد لازمهااا وشگد ما يحاول يبتعد عنا صحت وراه.
ووولك اررررسلانننن.
دقائق بس شمرهااا انفجرررت طاح ارسلان بالگاع نزلوا الجنود يتراكضون
ركضت عليه حيلي مايساعدني هلكت بين ماوصلت اله منصاب بس بعده ما فاقد الوعي.
ارسلان تسمعني خوية؟ حاچينيي.
رد وهوَ يحچي گوا يغمض بعيونه ويفتحهن.
سبع الهورة عينك راح يشرررد عوفني.
ولككك وين اعوووفة انعللل والديهم.
راح يشرد و تعبناااا يروح.
رفعت راسي جنودنا لازمينه.
لازمينة الولد.
سكتت و انفاسه سريعة يفتح بعيونه ويرجع يغمضهن اجو الجنود ساعدوني
شلناه من مكانه حطيته بالسيارة رجعت الهذا الكلب إلى لازمينه
روحي مفرفحه من جهة مُجاهد و مو جهة هسه ارسلان.
درغام: ادعي من الله صحباني يعيشون و الكفل زينب المسبية
افرررغ الشاجوررر برررراسك اذا واحد منهم مااات، اخذووووا.
طلعت بارسلان للمستشفى فاقد والنزف ماخذه بالي يم مُجاهد ياربي.
لا تفجعني بواحد ذوله اخواتي مو بس اصدقائي مسحت وجهي مختنگ
فز گلبي من شفت الجهاز يدگ لزمته ايدي كلها دم من ارسلان قريت
الاسم وشفايفي رجعت تقرا بالاسم تتاكد المتصل مُجاهد بسرعة جاوبته.
ضلعيييي انتَ بخيررررر
مُجاهد: ايييي زين ضلعي وووينكم
بطريقي للمستشفى ارسلان منصاب
انا هم بطريقي للمستشفى عندنا جريحين و شهداء.
حچاها مختنگ اسمع شهگة دموعه غمضت عيوني.
ماشي خوية اشوفك هناك ديربالك على روحك
لزمتوا ابو تراب.
اي الولد اخذوا للمركز.
سديته منه خايف لا يصير شي الارسلان هوَ اليوم انقذ حياتي لو ما هوَ هسه انا بمكانه فز يكح دم.
درغام: قووووي نفسك فدوة اروحلة بين مانوووصل.
طلعت روحي وفرفحت بين ماوصلت للمستشفى لان المكان بعيد عن المدينة
نزلت اخذوا مني گعدت بباب المستشفى هلكان من التعب، وصل مجاهد
النفس المستشفى نزل مو السيارة هم متأذي و عنده إصابات
بس زين نزلوا الجرحى و الشهداء المنظر يعصر الگلب حضنته.
مُجاهد: خاايب شمالك خنگتني
درغام: اسكت ولك خوية اليوم حيلي انهد لو ما متصل يمكن گلبي واگف.
بعد روحي عضيدي
انتَ هم متأذي
خفايف اليوم سالفتنا ماتسولف
هنيئاً لهم الشهادة يوم إلى النا
شنو وضع ارسلان
ماكو خبر دخلوا جوا
دخلنا الداخل المستشفى اباوع للطوارئ انترست من جماعتنا طلعت ممرضة.
درغام: اگلج خوية
الممرضة: اتفضل
قبل ساعة جبت صديقي هنا مانطيتوني خبر عنه؟
اسمه؟
ارسلان فاروق
اي نعم دخلوا للعمليات لان متضرر.
مشكورة خيتي.
خابرت خال ارسلان انطيته خبر و سديته مابلغت اهلي ادري ب امي
هسه تنتهي بس تسمع و حنين اضرب منهت عفتها للصبح و ابلغهم.
غياهب.
بدلت و اني ترجف بس ما ادري خايفة على منو بالضبط بهل اللحظة على ارسلان لو على ابن خالي.
غرام: بجاه ام البنين عند رب العالمين مابيهم شي
ان شاء الله
اروح وياج
لا لا وين رايحة وانتِ حامل لا تحچين شي المليكة بين مانروح انشوف الوضع
اي خوش بس فدوة طمنيني.
طلعت ويا كُميل إلى منظرني يم سيارته صعدت وياه بسرعة
سئلته و نبضي ببلعومي من القلق و الخوف.
غياهب: منو أنطاااك الخبر
كُميل: درغام
يعني درغام بخير مابي شي؟
اي الحمدلله.
زفرت نفس براحة غمضت عيوني حمدت ربي والله اختي تتخبل اذا صارله شي فتحت عيوني من گال.
بس عندهم شهداء
الله يرحمهم
امين.
رجعت شعري لوره بايدي إلى لازالت ترجف من الهبطة و سئلته بسؤال بي نوع تردد.
و ارسلان؟
هسه رجعت خابرت درغام يگول متضرر و مدخلي عمليات.
سكتت ما نطيت رد بعد، باخر فترة اتجنبني من يوم وفاة بيبي هيلة
بعد ما تقربلي حتى من يتصل بس بخاله يسلم ويسده وصلنا للمستشفى
و الامة مگلوبة السيارات گبال المستشفى دخلنا جوا درغام
واگف
و مجاهد بصفه مضمد مبين هم متأذي بس اصابات خفيفة.
كُميل: السلام عليكم
درغام، مُجاهد: عليكم السلام
ماطلع من العمليات خالي
لا والله بعده.
بأثناء حديثنا طلعت ممرضة اجت باتجاهنا تمشي سريع.
الممرضة: المريض نزززف بكثرة و نحتاج دم باسرع وقت
درغام: شنو فصيلة دمه؟
انطته اسمها بسرعة باوع المُجاهد.
مُجاهد: اي نفسي انا أتبرع
الممرضة: اذا ممكن تتفضل ويايَّ لان مستعجلين.
مشت گدامه اجه اتقرب الدرغام الواگف هاي عود يهمسله بس التقطت كلماته.
مُجاهد: بعد اخوك شوية وتعال ورايَّ لا اخوك ينحصر و تدري بيَّ الا النسوان.
درغام: ولكك هسه وگتك أمشييي الرجااال راح يموووت
بزون سبع ارواح عنده ما يموت.
رأح يمشي وراها والله يا مُجاهد يتخبل من شي اسمه نسوان.
جرت الساعات واحنا واگفين مُجاهد سحبوا منه دم بعد ماتأكدوا يلائم ارسلان او لا وگف يمي درغام.
درغام: لا تخافين خوية ان شاء الله يطلع بخير.
صفنت بجملته الهل درجة مبين عليَّ خايفة؟ اني صدگ ليش خايفة.
و اني ما اطيقه لهل الرجال اكرهه بحيث اشوف دم سنوني ولا اشوفه هزيت براسي واكتفيت بكلمة.
ان شاء الله.
بس كون ما خابرتي احد من اهلنا
لا ما خابرت احد ليش؟
مو مال احد هسه يخابرهم بعد تدرين بأمي
اي احسن لا ينهبطون.
طلع الدكتور من بعد ساعات بقيت بمكاني اسمع الكلامهم
كُميل: هااا دكتور.
الدكتور: الحمدلله الوضع تم السيطرة عليه جان مُعقد لان نزف هواية.
اردف درغام يمسح بوجهه مبتسم فرحان.
درغام: الحمدلله و الشكر و هسه وينه دكتور
حولناه بغرفة خاصة بوضعه بين ما يستقر
نگدر نشوفه؟
ان شاء الله بس يرجع لوعيه.
تشكروا من الدكتور هوَو الولد وبدأت معاير مُجاهد.
مُجاهد: لو مااا دمي جان هسه جاي نحط تراب فوگ گبره
كُميل: خوية بيش طالبة
مو گتلكم بسبع ارواح ما صدگتوني.
ضحكوا الولد بس واضح التعب بي وبدرغام حتى ملابسهم كلها
تراب و الشمس حارگة وجوهم اترخص مُجاهد و گال.
مُجاهد: انا اترخص منكم
درغام: بوجهك للبيت.
يا بيت خوية لازم ننطي خبر الاهالي الشهداء
الله ينطي الصبر الاهلهم.
وانتَ؟
باقي هنا چا نسيت شسوا ارسلان علمودي.
طبكت حواجبي بأستغراب مامفتهمة كلامه شيقصد بي راح مُجاهد
تقدمت الدرغام و الخال هم نفسي ما فاهم مقصد كلامه سئلته.
غياهب: ما فهمت شنو إلى سواه ارسلان؟
درغام: انقذ حياتي اليوم لو ما هوَ هسه انا بمكانه و يمكن ميت.
اردفت بتعجب.
والله؟
اي والله.
شرحلنا كلشي صار گعدت بقمة أستغرابي معقولة ارسلان ينقذ احد.
من عائلتنا و هوَ يكرهم وديسعى التدميرهم والله حيرني عقل هذا الانسان يصفنك بأفعاله.
للصبح انطونا خبر نگدر انشوفه دخلنا اله اني و خاله و درغام راح بشغل
چان بعده ارسلان ماراجع لوعيه بالكامل گعد بصفه الخال يحچي وياه.
كُميل: ها خالي الحمدلله على سلامتك.
ارسلان فتح عيونه ورجع غمضهن يجر بالكلمة.
الاعرج: زيج الك و للسلامة.
فتحت حلگي شبيه هذا؟
الله يطيح حظك يبقى ذيل الچلب أعوج
تريد زيج ثاني لو لا؟
غياهب: عزا هذا بعده ماراجع بالكامل لوعيه يمكن.
كُميل: يعني هسه شنو اسئله يجاوبنا مو
يمكن.
اتقرب اله يسئل بي انتهيت من الضحك اختنگتت خننننگ.
اگلك ارسلان تحبني اكثر لو تحب أمي.
قوس شفايفه و اردف.
مليكة وحدة بردومها زعلانة مني
يعني امي بر
اي
لو تسمعك تشگ حلگك شگ
و احلى زيج الاحلى خال.
ما گدرت اتحمل اكثر و احبس ضحكتي ضحكت بصوت عالي شلون
يحجي و الخال وجهه انحمس حمس من گد ما كاتم ضحكته بالاخير ماتحمل هم ضحك.
الاعرج: وينهااااا
كُميل: منو ولك فضحتنا
هاي ام شعر السلابيح.
باوعلي الخال هز بايده يضحك.
راح يبدي بيج خلي اطلع احسن ما اسمع چفصاته.
طلع بقينا وحدنا گعدت بمكان الخال.
غياهب: ارسلان
اوف ام شعر السلابيح
منو اني؟ وشعري سلابيج
لا خالتج
اتادب
ادبسزز
اخخ كوووون الزمج
دسكت اسكت نخلص من چفصات درغام وتعال هسه اسمع چفصات الاعرج.
شبيه الاعرج ما يعجب
اي ميعجبني
صوووووج ابووووج
والله أبويّة خطية ما يدري بانسابته هتلية.
انتبهت النفسي هسه شكو ارد عليه و هوَ مو بوعيه هم شخطت
اني مرت كم ساعة رجع لوعيه و لا كأنو نفسه إلى شبعنا زياجة دخلوا الولد و ابوية مبلغه درغام.
سلطان: الحمدلله على سلامتك.
رد عليه و هوَ الواضح متوجع من عمليته و الجروح إلى بجسمه.
الاعرج: الله يسلمك عمي
درغام: والله عمي بطل نسيبنا.
شلونهم الولد و مُجاهد بخير؟
للأسف اكو جرحى و شهداء الباقين بخير و مُجاهد الحمدلله بس جروح بسيطة و حتى هوَ إلى تبرعلك دم.
لا بشرفك
ومحمد
راح يگرع راسي.
انفتح الباب دخل منه مُجاهد كملت السبحة تحمد بالسلامة اله و ضام ضحكته مبين يريد ينصب عليه.
مُجاهد: خسرتني دم
الاعرج: ديلااا هسه دمك من ذهب لااا تخبصنا
لو ما انا هسه زارگينك بالكبر
لو زارگيني بالگبر ولا معايرتك.
ضحكوا بينهم عفتهم طلعت راسي موتني اريد اشرب شي اشتريت
چاي گعدت لازمة راسي احرك باصابعي حول جبيني و اضغط
عليه اريد الالم يخف، حسيت باحذ گعد رفعت راسي جان درغام ابتسمتله.
غياهب: ها عيوني
درغام: شبيج مو على بعضج
راسي والله لان يمكن ما نايمة.
غياهب اگدر احجي وياج بموضوع
اتفضل
ما ادري اذا كلامي وگته او لا بس اريد اطمن عنج
خير ان شاء الله
شلونها علاقتج انتِ و ارسلان
طبيعية
مرتاحة وياه؟
ابتسمت مجاملة بوجهه وعيونه تتفحصني.
اي مرتاحة بس شنو مناسبة هذا السؤال؟
من تخربطتي بخطوبتنا انا و حنين هيَّ ملاحظتج ما مهتمة الارسلان
و تحسج ما تحبي انشغل بالي من ذاك اليوم بس ما صحتلي.
فرصة و من ردت احاجيج اجيج للبيت بس سالفة سالم صارت
مالگيتوا شي يوصلكم
لا ماكو هل جاي ندور
الله كريم لا يضل بالكم طبيعي تكون علاقتنا بهاي الصورة بالنهاية زواجنا تقليد مو مثل الزواج عن حب.
مو شرط خوية اكو متزوجين تقليد تلگين علاقتهم احلى من إلى متزوج عن حب
صح كلامك المهم لا يضل بالكم متفاهمين اني وياه مو شرط الا نبين اهتمامنا و حبنا البعض گدام الناس
اتمنى الجاي تحچي صدگ.
نزلت عيوني على الچاي.
طمن گلبك و گلب اختي فكروا بنفسكم و سعادتكم.
هز براسه بس ما حسيته اقتنع بكلامي، مرت ايام و خرجوا ارسلان
من المستشفى و بسبب وضعه اتمدد بقائنا ببغداد بعد مارجعنا للعمارة
و لليوم ما فاهمة المغزى من روحتنا لذاك البيت، مليكة يا مليكة
هل الانسانة شگد ما تزعل هيَّ و وياه بس ماتگدر تنكر حبها اله.
مليكة: خايبين هسه احيرن بيك لو باخوك الطلع من الموت مثلك
ارسلان: باثنينا مليكة قلبي دارينا و دللينا.
دخلت غرام تسلم عليه.
غرام: الحمدلله على سلامتك ارسلان
الله يسلمج مرت خالي.
مليكة و كُميل گاعدين اتقربت إلى منحرجة همستلي بصوت خافت.
غرام: اريد غراضي غياهب
غياهب: وين راح تگعدين
ويا مليكة او اشوفلي غرفة.
انطيتها غراضها و عيون ارسلان تراقبنا اخذت قسم و قسم اني ساعدتها
حطيتهن بغرفة مليكة ادري بيها بعدها مهضومة من إلى ديصير امنيتي اعرف سبب خراب علاقتهم.
غرام: شكراً حبيبتي غياهب.
غياهب: ما الج نيه تحچين اله عن حملج.
دارت وجها وأردفت بصوت مختنگ.
ما يحتاج اني حچيت ويا مليكة عن حملي اما هوَ خلي بحياته إلى راح يأسسها
استغفرلله.
دخلت مليكة و كُميل فات من يمنا خطف نظرة عليها وطلع من البيت
رجعت الارسلان اكيد راح يسئل مثل ما توقعت اول مادخلت سئل.
ارسلان: غراض العلوية شيسون بغرفتنا؟
غياهب: خالك طلب تطلع من الغرفة.
بقو يباوع بملامح استغراب و تفاجئ.
ليش؟
راح يتزوج غيرررر
نعمم؟
وهااا راح يتزوج جيلان حبيت انطيك خبر
شددددد.
سويت حركة بشفايفي بمعنى مع الاسف.
ارسلان: هذا خالي شبيه تخبللل
غياهب: ما ادري لو اتشوفه شلون ذاك اليوم بقى يحجي عن غرام موتهاا بكلامه.
ليش شگااال؟
يگول اني و وياها متفقين اشوف حياتي و انتم تدرون اني ليش
اتزوجتها يعني هيَّ شكوووو تعاالجت غير علموود تتخطى ماضيهاا يجي خالك يذكرهااا
ولججج شبيج اصبرررري شبيج انهديتي خالي مو هيج اكو شي غلط بالموضوع.
أوف ارسلان أسكت احس نفسي صايرة حساسة ايععع
شدددد
لا ونوب فنك شنوووو
شنووو.
اباوعله خافي ضحكته گعدت گباله على الچرباية احچي ومحروگ گلبي على غرام واريد ابجي على حالها.
غياهب: العلوية حامل
ارسلان: شنو صدگ؟
و النبي يا بيبي
دنجبي لِجً.
هذا شبيه
هسه گليلي صدگ العلوية حامل
اي
خالي يدري
لا
وليش شنو منتظرات الطفل يجي للدنيا
لا مو شوف بيبي بيوم مارحنا للدكتورة و، شرحتله كلشي صار.
بس لازم تحچيله هالشي.
لا بيبي العلوية ماتقبل
استغفرلله لِچ عيني عوووووفي كلمة بيبي مو حتى خياطاتي راح اتطگ.
لك عيني شبية تتنرفز من كلمة بيبي
امده الوگت إلى خلانا متزوجين
الف مرة
لِچ عيني گومي من يمي لا أجرح بيج
صوجي احجيلك والله
ارسلان: ساعديني أتمدد ما اگدر
غياهب: ما
ليش؟
تبقى تسوي سوالف سخوفية
سخوفية شنو
سخيفة يعني
ادبسززز هذااا انااا
ايوووا
عبن تفكيرج سخوفي على گولتج فتفكرين هيج يااا سخوفة.
رفعت اصبعي احچي بحدة.
احترررم نفسك ابو النسوووان
شدددد ابو النسوان نوب
دسكت اسكت صوتك مزعج
بيج بخت هيج وضعي امده الوگت.
هزيت بكتفي اغث بي نزلت من يمه.
شلون اخاف.
حط ايده على وجهه يباوعلي.
يله مريض دوخنااك
الحمدلله حسيتي على نفسج.
قلبت عيوني وگفت گدام المرايا رفعت شعري اريد اسويله اكل ركزت
بوجهي طالع بي حبوب اكيد من النفسية رشيت عطر رجعته المكانه ردت اطلع صاح ورايَّ.
ارسلان: چااا شكو مخلية عطرررر.
غياهب: وانتَ شعليك؟ والله يا الله نوب الواحد يخيس ما يحط عطر
انتِ بيج مرض مال نظافة وترتيب و عطورة
مو شرط مرض بس الترتيب و النظافة و العطر الطيب ينطيك راحة نفسية
جيد
طلعت من عنده امشي رافعة ايدي لگدام وجهي اباوع بيها استوقفني
صوتها المقزز
هاي شجابها درت وجهي حطيت ايدي على خصري دخلت هيَّ و امها
و الابتسامة شاگة وجها من كل عقلها تتزوج كُميل وتجي هنا بالصدفة طلعت غرام كبل صحت.
غياهب: علوية شنو هذا الذبان إلى دخل النا اوي قذارة.
وگفت هيَّ وامها يباوعلي، ابتسمت صفح.
جيلان: شنو تقصدين بكلامج غياهب؟
غياهب: اخذتيها على نفسج؟
بللاا ذوق
مخلية الذوق الج يا ام الذوق هل الايام رجلج طولانة النا خير ان شاء الله.
بيت خالتي
لا بله و منو يريدج هنا.
غرام: تعاي غياهب عوفيها.
التفتت جيلان المصدر صوتها.
جيلان: اووه غرام هاي بعدج هنا.
رفعت حاجبي افسر معنى كلامها شدتقصد بعدج هنا و هوَ كُميل حتى.
امه ماراحت و لا خطبت هاي وراها ملعوب انفتح باب غرفة عمر طلع
منها عكازته بايده لان بعده وضعه لبسهن ماسلم عليهن.
عمر: غياهب ارسلان گاعد
غياهب: اي.
اتوجه للغرفة مالتنا سحبت غرام من ايدها ومشيت اتبختر بمشيتي عناد
بيهن دخلنا للمطبخ مو مال ترحيب ذني باوعت الغرام الصافنة
غياهب: وداعت عيون ابوية هاي جيلان مسوية لعبة
غرام: حتى اني بديت اشك بيها شفتيها شلون تگلي بعدج هنا و نظراتها إلى بس شلون نتأكد.
هاي مال شلون نتأكد عوفيها عليَّ هسه اجيج ابقي هنا.
طفرت الغرفتي شفت عمر گاعد يم ارسلان يسولفون سديت الباب.
عمر: خيرج خوية
غياهب: شوفوا جيلان هنا
اي شفتها
هاي مسوية شي الخالكم و خلاه هيج يتصرف ويا العلوية هوَ الخال
مديأذي غرام بشي بس تعرفون بالصار وشگال من كلام و قرار.
ارسلان: الزبدة؟
غياهب: هذا كُميل ما يقبل احد يدخل الغرفته ف شنو اني و غرام راح.
ندخل ندور بالغرفة انتم مو گلتوا اقاربكم شغلهن سحورة اوي ايععع
اي فشنو عمر انتَ تگدر تساعدني بس من يجي خالك انطينا اشارة علمود نطلع بسرعة.
عمر: تمام بس شنو الاشارة
شيرادلها مايرادلها روحه للقاضي بس دزلي رسالة على جهازي مجرد تلمحه او رمشلي هيج نعرف اجه
تمام.
الاعرج: اذا لگيتي شي اريدج تخبزين جيلان خبرة معدلة لان انا مريض ما اگدر.
ولا يهمك بيبي
امشييي منااا.
سويتله حركة بايدي بمعنى دروح و أشرت الغرام جيلان و امها يم مليكة
مسويات نفسهن الفقر منهن و اگطعععع وهنَّ حباية دخلنا الغرفة كُميل وگفنا صافنين بيها.
غرام: اگلج احنا دورنا و مالگينا شي بذاك اليوم
غياهب: دلزمي جهازي
شكو جايبة جهازج
حبي اني بنت سلطان عقلي عقل ابوية.
رجعنا ندور اني وياها جوا الميز و الچرباية حتى بالبازات و الاشياء الناعمة
يمكن حاطة بيهن كلشي يصير بس هم مالگينا شي وگفت اتنفس سريع.
هاي وين ضامته بنت الحلو
خاف مو سحر غياهب ماكو مكان مادورنا بي.
دارد عليها و اجتني رسالة من عمر اكيد كُميل اجه بس جان العكس
و فاجئني من كاتب جيلان جاية باتجاه الغرفة صفنت الثواني نطلع لو نبقى؟
زين هيَّ ليش جاية هنا نبقى و انشرف شتريد اتسوي و ليش بالاساس جاية.
تعاي تعاي علوية
ولچ وين.
باوعت بارجاء الغرفة وين انضم نفسنا علمود ما اتشوفنا نزلت عيوني على الچرباية ماكو غير هالمكان.
غياهب: الواضح اليوم راح نفعل ظاهرة الانبطاح.
صخام الصخمني منو اجه
نعلان جيلان
انتِ خوش عندج اوزان بالعربي ارسلان صخمان، جيلان نعلان وزن وقافية.
دتعاي يا عيني خلي انضم نفسنا و انشوف هاي شعندها.
دخلنا جوا الجرباية عبالك حرامية اختنگنا و هاي بعدها ما داخلة.
غرام: يمه اختنگتت ابني راح يفطس ببطني ورسول الله
غير تجي الهايشة.
حطينا ايدينا هلى فمنا من سمعنا صوت الباب حتى انفاسنا حبسناها.
خاف تشك بشي اخذت جهازي من غرام بهدوء فتحت التصوير ثبته
يا ربي بس كون التصوير عدل ونگدر نشوف كلشي بقينا على هذا الوضع
و الجهاز لازال يصور كلشي بدأت تفتح بابواب الكناتير بين ماطلعت
و اتاكدنا من عمر كاتب رجعت يم مليكة و امها بس بملامح توتر.
طلعنا من جوا الچرباية وجوهنا متعرقة سحبت الجهاز اشوف شنو
الي مصورة النا بس اتمنى شي بي حظ و يفيدنا بقت غرام تگح بقوا رحت عليها.
شبيج علوية.
وجهه انقلب احمر و عيونها دمعت.
شوية اختنگت شوفي شوفي التصوير.
وگفت بصفها فتحنا التصوير و اجسامنا جمدت مم المنظر فاتحين حلگنا و عيونه متجحظة بفعلتهاا.
طلعت مثل العلبة من صدرها گامت ترش على ملابس كُميل شهگنا اثنينا وحدة تباوع بوجه الثانية.
يعني سبب تغيره و كلشي صار سحر
اني اعلمها هاي ام السحورة.
طلعنا اثنينا من الغرفة دخل كُميل للبيت همزين صار كلشي قبل.
لا يرجع ما اشوف غير غرام زرگت الغرفة مليكة و الشر بعيونها بقيت
واكفة بمكاني صافنة، واحد، اثنين، ثلاثة، اربعة، خمسة حسبت
و كب العيااااط بس منو گتل منو ما اعرف اتقدمت بخطوات اتجحظت عيوني ايدي على فمي من إلى گدامي؟
غرام نايمة فوگ جيلان ووين اليوجعك تبچي وتضرب بيها نوب حاااامل
راح الطفل وذيج جيلان صريخها واصل للستار غرام عندها اظافر
جرت خد جيران خلته يطافر دمه خفت عليها لا اتسوي شي و تروح الطفل.
ركضت عليها گوا سحبتها و لاجنها غرام إلى تخجل من خيالها شعرها
الي بي خيط شقار واگع على اكتافها والوجه احمر.
مليكة على نفس گعدتها و ام جيلان لازمة بنتها تدعي على غرام.
ام جيلان: كسرررر بايدج ان شاء الله
غياهب: لا والله بايديجن انتن امهات السحووورة ايع ماال نفط و تنحرگن.
صرخت جيلان وجهه متخرمش من أظافر غرام موجهه كلامها للعلوية.
جيلان: العاااايبة ام الووولد لوووو بيج حظظظظ چاان حاافظتي على نفسج.
رادت تهجم عليها رجعت لازمتها.
غياهب: يمعووودة على بختج ابنج لا يصيرررله شي.
توسعت عيون جيلان بعد سماع كلامي و اني متقصدة احجي هيج
علمود يعرفن غرام حامل درت بعيوني للباب شفت الخال كُميل
واگف يم الباب و علامات الصدمة أعتلت ملامحه اردف و هوَ صافن ب. غرام.
كُميل: حامل؟
وجيلان بنفس الوقت وجها انقلب و كل وضعها تغير.
جيلان: حااامل؟
غرام: اييييي حااامل و حتى رجلي إلى حاووولتي تاخذينه بسحوورتج.
لوووو تطگين راسح بالحايط مااا يتحقق إلى ابالج و لا اخلي الج يااااا حية.
باوعت جيلان ال كُميل تهز راسها برفض.
لاااا تصدگهنننن جذااابات
غياهب: بيبي احنا عندنا دليل قوي قابل اغبياء ونجي نسطر بالكلام ونعرف راح نتطالب بدليل كلامنا.
غمزتلها مشيت باتجاه الخال حطيت الجهاز بايده أشرتله عليه.
ماكو شي جذب و هذا اقوا دليل يثبت جيلان مسوية عمل شعووذة الك و للعلوية.
رفع الجهاز يباوع بالتصوير طابك حواجبه اجه عمر وگف بصف
خاله باوع الجيلان بقرف و اشمئزاز ورجع يباوع بالتصوير و الواضح
جوجو اليوم كتلها راح كتل شعبيّ خصوصاً بعد ما كُميل حط الجهاز بايدي
واتقدم الها بخطوات انحبست انفاسي من إلى راح يصير راح يقتنع بالشافة؟
او لا راح يخيب ضنه بردة فعله لو يفهم كلشي إلى سووا الهم هوَ خراب.