رواية وتيرة الأعرج للكاتبة حوراء السعيدي الفصل الثامن والثلاثون
غياهب
چانت گعدتهن بالعكس ظهرهن صاير باتجاه الباب ما يشوفن منو يدخل و منو يطلع
، رفع اصبعه خالي يأشرلي بمعنى ما اطلع صوت دخل بهدوء وهنَّ لا زالن مُستمرات
تمنيت وحدة منهن تنتبه بس بعد يريد ينفضح كلشي مجرد صار گدامهن
وجوهن فلتت وصوفرت صارت تنطي الوان من هول الصدمة، رجع ايديه
وره ظهره يباوعلهن بينما هنَّ تحسهن حتى انفاسهن انكتمت من الموقف.
عمران: ليش سكتن بابا كملن إلى چنتن تحچن بي.
نهضت نيروز من مكانها و الصدمة أعتلت ملامحها و التوتر كان اله
جزء من حالها إلى تغير صارت تفرك بايديها من توترها و خوفها.
نيروز: بابا
اي بابا.
هدوئه خوفني شكله مو مال أحد ما سامع كلشي نزلت راسها نيروز
و اذا نرجع للحقيقة هيَّ هم مذنبة غلطت بمراهقتها و چان لازم تاخذ هالغلط درس الها للأبد.
حتى خالي چان موصيها يبقى درس مدى الحياة الها، بس الحياة تلعب.
دورها و أكو فرق بين عمر وذاك الشخص بس جيب إلى يفهم هذا الكلام
رفع راسه يباوعلها بنظرات قلقتني المعروف خالي عمران انسان عصبي
و مو بسهولة يسامحك من تخطأ و أقرب مثال ابوية مانساله الماضي
وكلشي صار وسنين طويلة مرت يله سامحه.
عمران: ليش ضميتس عني؟ عاجبج ترجعين تكسرين الثقة إلى بينا؟
نزلت دموع نيروز و هيَّ تهز راسها برفض.
نيروز: لا بابا
چا ليش رجعتي غلطتي شحچينا قبل احنا؟
اسفة
اگعدي.
مسحت وجهي لان راح أتكب بينهم، دخلوا ابوية و خالتي للصالة إلى احنا بيها بقوا صافنين بالوضع بأستغراب.
سلطان: خير ان شاء الله
وجدان: شبيها نيروز تبجي.
صك خالي على أسنانه و أردف بجواب الخالتي.
عمران: بنت اخووووج ماااا تااابت من المااااضي.
غياهب: خالي ممكن تسمع كلشي قبل لا تحكم؟
ليش خالي؟ عتبي عليجن انتِ و اختج تعرفن بكلشي و ساكتات و گاعدات هنا تقنعن بيهااا
مو كلشي مثل ما امفكر حاول تسمع.
سلطان: احد يفهمنا شكو صرنا مثل الاطرش بالزفة.
غمضت عيوني و خفت يصير شي من حنين بدأت تحجي شيسكتها؟
حنين: من رخصتك خالي بس يعني انتَ هسه بأسلوبك هذا و عصبيتك
راح تفهم شي؟ أكيد لا رجاءً لا تعيدون غلط غياهب و ارسلان لليوم حاقدة عليكم بسبب موقفهم.
فتحت عيوني من صار هدوء بعد كلامها اباوعلها خازرتها على كلامها
اتقدم الها خالي و ابوية واگف ما فاهم اي شي من إلى ديصير خزر خالي حنين.
عمران: لااا تخرطين بالحچي.
ليش وين الخرط؟ اگعد ويا بنتك و أفهم منها من حقك تتعصب محد يلومك والله و يگلك غلط بس انتَ من راح تتعصب شنو راح تستفاد غير الوضع يسوء.
بقت تتسوله بنظراتها يحاول يتفهم كلشي.
سلطان: غياهب.
درت بنظراتي اتجاه صوت ابوبة.
غياهب: ها بابا
شجاي يصير؟ واختج ليش تحجي هيج.
حنين: نيروز و عمر جانت بينهم علاقة.
الصمت أحتل المكان ناس الصدمة أعتلت وجوهم و ناس الخوف ينقرأ بعيونهن رد ابوية عليها.
سلطان: شنو هذا الحجي بابا شجاب نيروز على عمر.
مسحت نيروز دموعها وايدها ترجف و صوتها گوا طلع اتأكد كلام حنين لان ماكو مفر من الحقيقة.
نيروز: كلامها صح عمو.
بس شلون عمو شجابج انتِ و عمر البعض.
جمعتنا الصدفة حسب ما عقلي جان فاهم و اگول الصدفة جمعتنا
بس ما چانت صدفة جان كلشي مخطط اله علمود يصير قريب مني وياخذ معلومات عنكم.
عاط خالي عمران و هوَ يگلها.
عمران: بالمختصرررر خلااااج أداة و وسيلة أستغلااال.
غمضت عيونها بقهر هزت براسها اي صفك خالي بايديه.
عاشت ايدج بابا
سلطان: عمران خلي نفتهم كلشي لا تستعجل بقرارك.
شهگت من دفر الطبلة إلى گدامه و الگلاصات إلى عليها كلها وگعت تكسرت عض أصبعه محترگ گلبه.
احچي كلشيييي نيروز راااااح أفقدددد عقلللي وياااااج.
بدون أي تردد بلشت نيروز تحجيله وتسردله كلشي صار بينها و بين عمر
تحچي وتشهگ بدموعها انتهت خالي عيونه تباوعلها بملامة و قهر
لزم.
جهة گلبه ركض عليه ابوية و خالتي لزموا وگع بين ايديهم نيروز تخبلت
ركضت الابوها گعدت بصفه لازمة ايده تبوس بيها و تبجي.
نيروز: اسفة بابا اسفة والله.
فتحوا دكم قميصه غسلوا وجهه قاسوا الضغط لگوا مرتفع عنده.
وجدان: لا مو مال نعوفه سلطان خلينا ناااخذه للمستشفى.
ساعدت ابوية لازمينه طلعنا بي للسيارة و هوَ يسحل بروحه سحل.
سلطان: راح ناخذه انا و وجدان انتِ ابقي هنا ديربالج على نيروز.
غياهب: بس فدوة طمني بابا.
صعدوا بالسيارة و اتوجهوا للمستشفى رجعت جوا للبيت شفتها گاعدة حنين
حاضنتها تهدي بيها وجها مكلوب كلاب من البجي عفتهن صعذت الغرفتي
ادور على جهازي لگيته بدون اي تردد اتصلت بي كلشي بسببه اذا احد
لازم يتعاااقب ف هوَ ماااكو غيره، عضيت اصبعي أكتم غضبي و الاتصال يرن بس محد يجاوبني رجعت اكررر انفتح الخط.
غياهب: وينننن انتَ؟
ارسلان: غياهب؟ خير
شوووووف كلشييي بسببك دمررررت النااااس بسبب أفعااالك و أنتقااامك
شبيج؟
خااالي عررف بكلشي يخص عمر و نيروز و من قهره هسه بالمستشفى.
تغيرت نبرة صوته و واضح تعبه بصوته بس كلشي بسببه.
علي كيفج لا تصيرين عصبية لا تجيج النوبة انا احل كلشي بس على كيفج ويا نفسج.
نزلت دموعي مختنگة.
شتحللل وانتَ دمرت كلشي بأيدك.
سكت الثواني رد.
عمر مسافر انا راح اجي بنفسي و احجي وياه و إلى يريده يصير
ايييي ووشتگله انااا إلى لعبتتت بعقللل اخوي و خليته يتقررب البنتك؟
لا تزيدين قهري بكلامج هذا.
طبعاً تنقهررر لان تعررف بنفسك إلى سوووويته غلطط
بس اهدأي بداعت ابوج لا تجيج النوبة ولچ
اني وينننن احجي وانتَ بشنووو مهتم.
رجع سكت اسمع الحسراته.
خايف عليج گلبج راح يدمر من هالنوبات
اذا النوبات ما دمرت گلبي انتَ دمرته وقضيت عليه.
سديته بوجهه، گعدت بطرف چرباتي والله تعبت تعبت شوگ ارتاح اذا الموت
بي راحة إلى خلي رب العالمين ياخذ امانته، طلعت غسلت وجهي ونزلت.
الهن شفتها نايمة على رجل حنين و على نفس الرنة دموعها تتسابق على خدها.
حنين: ما اتصلتي بيهم غياهب شوفي خالي شنو وضعه
غياهب: شوية بعد و اتصل.
اثنينا عيونه تباوع ال نيروز إلى تنزل دموعها بهدوء باوعتلي عيونها صايرة دم من البچي.
نيروز: كلشي صار بسببي
غياهب: ما عليج انتِ غلطج من دخلتي بهل العلاقة.
غصت بدموعها.
ابوية وگع گدامي و بسببي
ان شاء الله مابي شي.
مرت ساعة و اتصلت ب أبوية أشوف وضع خالي.
سلطان: ها بابا غياهب
غياهب: حَبيبي شنو وضع خالي
ضغطه و هسه احسن الحمدلله شوية ونرجع.
الحمدلله، تجون البيتنا لو تروحون البيت خالي
لا نجي البيتنا خلي نتفاهم لا هم ام نيروز تنهبط و ما يتفاهمون ويا نيروز.
تمام ننتظركم.
سديته منه اجتني نيروز تسئل بلهفة خوف.
نيروز: هااا غياهب شگال عمو شلونه ابوية.
احسن احسن حبيبتي شوية ويرجعون للبيت ضغطه السبب
تمام رايحة البيتنا
لا ابقي لان راح يجون هنا.
گعدنا ننتظرهم حنين مطنكرة ذكرت كلامها إلى حجته ويا خالي.
غياهب: حنين انتِ ما أتوبين؟
رفعت بانظارها اتجاهي طابكة حواجبها.
حنين: شسويت؟
الف مرررة گتلج موووضوع ارسلان سدددي لااا تفتحي
و منو فاتحة؟ اني انطيته مثال ما يعيدون غلطهم
كلامج كلش ما چان اله لزوووم.
وگفت تباوعلي بغضب اول مرة تحجي ويايَّ بهل الطريقة وصوتها العالي بوجهي.
شبيه كلامييي؟ شووووو جناابج تحبي و مااا تحچين و بااقية تعذبين بنفسججج.
و بيه عليمننن هل الأذية و حتى سفررررج هذا داتتهربين منه تخافيننن تضعفيننن.
لاااااا تحچين من وحدددج انتِ تعرررفين ليششش اريددد اسافرررر ياااا بشررر تعبااانة
ادررري تعبااانة بسسس كاافي تكابررين.
نزفزتني باسلوبها حتى لو كلامها صح ما اتحملته غثتني.
ماااا الج اييي علاقة بحياااتي خلليج بحيااااتج بدون مااا تفكرين بيَّ.
بلعت ريگها صافنة بردي عيونها انملت بدموعها اخذت جنطتها بدون.
ما تحجي و طلعت لزمت راسي راح ينفجر طلعت اركض وراها اصيح. غياهب: حنينننن اوگفي.
ردت وهيَّ تمشي.
حنين: شررايدة مر ما تريدينن احد يدخل بحياتج.
ركضت اسرع لزمتها اسحب بالنفس لزمت بايدها أشرلها تسمعني.
حنين: اني شوگت متدخلة بحياتج شو كلشي تسوينه ماعندي علم بي و لا بيوم ضغطت عليج بشي.
والله ما اقصد أحجي وياج بهل الطريقة بس ليش مُصره بكل مرة تذكرين ارسلان.
اسئلج سؤال لو ما هم اتفقوا على طلاگج رغم ابوية إلى راده والباقين سكوتهم جان معناه احنا وياك و محد بيهم منع هالشي جنتي راح تطلگين منه؟
صفنت الثواني بسؤالها مسحت وجهي ايديَّ يرجفن.
أي أطلگ كرامتي أهم من شي اسمه حب و هالخرابيط.
بابا شبيج اصحي على نفسج انتِ تحبي وميتة بي و هوَ ما يقل عن وضعج.
شنو الفائدة؟ تبقين ويا شخص أذية روحج و گلبج منه.
بقت ساكتة حطيت ايدي على گلبي تعبانة دگاته عبالك سباق عندهن.
غياهب: الحجي سهل حنين كلنا نگدر نحجي باللي نريده بس التطبيق صعب.
رادت تطلع لزمت ايدها للمرة الثانية اول مرة يصير بينا زعل اني وياها.
راح تروحين وانتِ شايلة بخاطرج مني.
نزلت دموعها مسحتهن.
ما شايلة بخاطري منج بس داتعب على تعبج كافي ارحمي بنفسج.
طلعت من البيت راجعة البيت خالي، گعدت يم الباب من الداخل طلعت نيروز اجت گعدت گبالي.
نيروز: تعاركتن بسببي.
ابتسمت بوجع من گلبي نغزاته صارت تأذيني.
غياهب: لا و لا تهتمين الشي، فكري بموضوعج.
باوعتلي بخوف و قلق تتسائل.
شبيج شفايفج نگلب لونهن؟
بس گوميني اغسل هسه أصير زينة.
ساعدتني دخلنا جوا غسلت وجهي شربت مي گعدت متمددة راسي
راح ينفجر بقيت على هالوضع بين مارجعوا، گعدت دخلوا خالي لازمة
ابوية و خالتي تمشي وراهم، صارت عيون ابوية ناحيتي منتبه الحالتي گعد خالي و اجاني.
سلطان: شبيج نظر عيني
غياهب: شوية تعب صرت احسن والله لا تخاف
متأكدة؟
اي والله
وين اختج.
راحت البيت عيالها
مو علساس تبقى هنا اليوم
خالة جوهرة وحدها.
هز براسه و رجع يم خالي إلى نيروز استقتلت بنظره منه بس هوَ ما رفع
راسه و لا باوعلها راحت تمشي بهدوء تبلعم بخوف گعدت لازمة ايده.
نيروز: شلون صرت بابا خفت عليك.
سحب ايده منها بنتر مارد عليها متجاهلها، و هنا اصعب شي على الانسان من يتلقى التجاهل من إلى يحبهم.
عمران: رجعتي خسرتي الثقة إلى بينا
سلطان: گول يا الله خوية.
بشنووو قصرت ويااج انااا احجيلي قصرررت بشي؟ نقصت عليج شي رفضتلج طلب بيوم؟
نزلت دموعها اكثر و هيَّ تجاوبه.
نيروز: لا ما قصرت بشي بس هوَ هم ساعدني هواية اطلع من إلى جنت بي
ليششش انااا ما ساعدتج شگددد تعبتتت ويااج
تعبت والله تعبت ما انكر و ادري بيك بس.
بس شنوو؟
علمني هواية شغلات منها خلاني اصير قوية غير عن شخصيتي قبل علمني اعتمد على نفسي
هههههه وبعدين شسوا؟ انطاج صدمة اضعاف من صدمتج إلى عشتيها قبله.
بقيت ساكتة تاكل بروحها من القهر.
غياهب: عمر غلط و غلطه ما كمل بي خالي و طلعها من كل لعبتهم الي
ربطتهم و جانت علاقة صداقة لا اكثر خاف عليها تتأذه من انتقامهم.
عمران: تدافعين عنه؟
عشت وياهم و عرفته شنو، رغم بالبداية جنت اكرهه و ما اطيقه و گتله حيل بيك كلشي يصير وياك.
يحبها؟
عيوني دارت على نيروز تباوعلي بنظرات وجعت گلبي بيها.
اي يحبها و حاول وياها تسامحه بس نيرود رفضت، جانت تصده بكل مرة و لليوم ما سامحته.
التفت بتعب عليها و سئلها.
وانتِ؟
نيروز: شنو بايا
تحبينه؟
انخطف لون وجها من سؤاله ادري بيها خايفة تحجي.
عمران: الواضح ما تحبينه معناها وافقي على رسول
نيروز: بس اني ما اريد اتزوج
معناها تحبينه.
سلطان: احچي عو لا تخافين انا يمج ابوج جاي يحجي علمود يفهم منج.
دارت بوجهه عيونها انفجرت تبجي حچت بصوت مختنگ.
اي بس أنتهى كلشي و انطاني وعد بعد ما يتقرب الي
عمران: اشووف زلمة ابن زلمة يرجع يتقرب.
وجدان: على كيفك هسه مطلعينك من المستشفى خفف من عصبيتك.
ابوية گعد صافن كأنما يفكر بشي و بهز برجله رفع راسه الخالي.
سلطان: لو ارسلان مسوي نفس إلى سواه عمر ويا غياهب راح اسامحه.
عمران: بس حجي
لا مو حجي انتَ فكرلها عدل يخوي هوَ ما وهمها بحب و لا سوا شي غير
اخلاقي وياها، جان بس ياخذ معلومات منها غلطة اذا تقارنه بغلط اخوه ما يطلع شي.
تضحك عليَّ لو عل روحك بهذا الحجي عمر استخدم بنتي علمود يووووصل للي يريده.
و شنو إلى راده مجرد معلومات ما هددها و خلاها تتزوجه غصب و لا شلع
اظفرها بليلة زواجهم مااا عيشهاا بايام سودة ماخذاهاا و اختفى بيها اشهر و حرمها من اهلها.
باوعلي ايوية.
سلطان: أدري هل الاشياء صعب ذكرها گدامج بس غلط عن غلط يختلف و لازم يتوضح
غياهب: عادي اخذ راحتك.
گعدت و داخلي متحطم من كلشي بكل مرة اگول راح احاول انسى
الي صار يصير شي يرجع يفتح كلشي ويذكرني بكلشي عشته، بقوا يحجون اجتني رسالة على جهازي.
ارسلان: وين انتم؟
سحبت نفسي منهم وگفت قريب من باب المنور.
غياهب: بالبيت
و خالج
يمناا
ماشي جاي انا بالطريق.
استغفرت ربي هذا شلون ديتحرك و هوَ بهذا وضعه والله راح يخبلني
جرحه بعده بس ما مهتم الصحته، البارحة جايني نص الليل و هسه
هم رجعت گعدت بمهم و عيني على الباب دقائق مرت و أندگ باب بيتنا طلع ابوية
يفتحه، صرت اكل باظافزي من التوتر شوية ودخل ابوية وياه ارسلان.
و الخال كُميل اتنفست براحة همزين أجه وياه على الاقل يگدر يسيطر على الوضع.
كُميل: السلام عليكم.
ردوا الكل السلام گعدنا كلنا و الوضع صار مشحون بالتوتر بين ابوية
الي يباوع الارسلان بتك عين وبين ارسلان إلى عيونه ناحيتي.
ارسلان: الحمدلله على سلامتك ابو نيروز.
عمران: الله يسلمك.
ابوية باوعله بشك.
سلطان: شعندك جاي؟ و شمدريك بالصار؟
عضيت شفتي منحرجه كبل ادخل الخال و أتلاحگ الموضوع.
كُميل: غياهب خابرتني و حجتلي كلشي صار و اجينا نتفاهم.
خزروني ابوية و خالي على گولت حنين بلعت العافية بس سويت نفسي ما مهتمة.
عمران: بشنو نتفاهم
ارسلان: بخصوص إلى صارلك علم بي عمر و نيروز.
اي ليش لا اتفضلوا انشوف شعندكم.
عمر ماله علاقة بكلشي صار، انا إلى جبرته وخليته يسوي كلشي.
سلطان: قذارتك واصلة مرحلة.
باوع ارسلان الأبوية بعد كلامه مارد عليه بقى ساكت رجع يكمل كلامه ويا خالي.
ارسلان: اخوي غلط بس انا السبب بغلطه انا إلى دفعته اتجاه هذا الغلط.
عمران: يبقى غلطه سواء بسببك او بسبب غيرك
كُميل: ابو نيروز حقك شما تحچي و تگول ولدنا هواية غلطوا بحقكم
و بحق بناتكم بس أنتم أعلم بكلشي، كلشي اله اسبابه مو دفاع عنهم انا اول شخص گتلهم إلى سووا غلط.
وگف أرسلان بهدوء دگ صدره غمض عيونه بألم رجع فتحهن.
ارسلان: الغلط غلطي انا الوحيد مو غيري محد اله ذنب بشي اذا تريد الحگ.
تاخذه مني انا بس، و عمر بريئ من كلشي إلى تريده يا ابو نيروز تاخذه
مني اخوي ماله علاقة بشي و اذا الك نية تسامحه هاي گدام الكل أخطب بنتك الأخوي و كلي شرف أناسبك الك
كلها سكتت متفاجئة من كلامه حتى ابوية، نيروز كأنما سطرتها بكف من إلى سمعته.
عمران: ما موافق.
رد عليه.
لا تستعجل بقرارك الك الوقت تفكر بي، اخوي رايد بنتك بالحلال و گتلك اذا تريد ألحگ اخذه مني لا تعاقبة على غلط غيره.
كُميل: نترخص منكم و اذا صار حجي ثاني وغيرتوا رأيكم احنا بالخدمة شوگت ماتحبون نجيكم.
طلعوا و من الاصول نوصل الضيف للباب طلع ابوية وياهم راحت خالتي الخالي.
وجدان: ليش تستعجل بقرارك دام الولد و البنيه رايدين بعض شنو إلى يمنع
عمران: شبيكمم انتم شنووو انطي بنتي الواحد استغلهااا المصالحة.
غياهب: الغلط غلط ارسلان، و عمر أخذ جزاة غلطه خالي اتمنى ما تستعجل.
رجع ابوية رافع حواجبه بأعجاب باوع الخالي گبل گال.
عمران: ماااا انطيهااا
سلطان: بنتك وبكيفك ما ندخل هنا.
گام خالي من مكانه ضايج و عيونه بگصته من العصبية اخذ نيروز وراحوا
البيتهم يگلك شلون ترتاح و المصايب تركض وراك مو راضية تعوفك انتبهت على كلام ابوية.
سلطان: اشوف غلط عمر يستحق يتسامح عليه و اخوه بنفسه اعترف هوَ إلى جبره.
هزيت براسي عفته گاعد هوَ و خالتي يحجون بالموضوع طلعت للحديقة
گعدت على المرجوحة إلى موجودة غمضت عيوني، اكثر حقيقة تأذيني.
من يحجون عليه بالسوء و يحجون باغلاطه گلبي ينزف قهر عليه بس كلشي
من ايده ما عندي الوجه إلى ادافعله بي، الثاني يوم طلعت اشتريت
كم شغلة خابرت حنين گالت تعبانة ما تگدر تجي ويايَّ ما ادري لان صار بينا زعل.
، نيروز بدأ عقابها بالتجاهل خابرتها اطمن على وضعها خالي ما يحجي وياها
و الموضوع صار يم امها و هم الاثنين بدوا يقابلوها بالتجاهل و وجوهم
ثكلت عليها، اخذت كم شغلة وطلعت أمشي بالشوارع البغدادية اسمع احد.
يصيح ورايَّ ب ست، التفتت ورايَّ شفته نفسه هذا الاشكراني المحامي
راهب منين طلعلي هذا وگفت اجه يمشي باتجاهي.
راهب: مرحبا ست
غياهب: اهلاً.
مسح على لحيته رفع راسم مبتسم بوجهي.
انتِ شنو دائماً هيج؟
ما فهمت؟
اقصد دائماً شكلج عصبي وعصبية
محتاج شي؟
لا بس حبيت اسئل عنج بذاك اليوم الولد الجان وياج شفته عصبي و ما يتحاچى
أنحلت
محتاجة شي
سلامتك عيوني.
أشرلي بأيده مع السلامة و كمل طريقة يمشي شوضعه هذا؟ ما ادري.
حطيت اغراضي بسيارتي وصعدت انطلقت من المكان شغلت شعر اني
و الاشعار مو كلش بس من كم يوم سمعت مقطع شعري بحثت عنه طلع للشاعر ايهاب المالكي عنوانه حكايتنا
أفترگنا و جرى بنهر أرواحنا الموت
و بياض گلوبنا على الروح غيم
أتفقنا نموت لكن و احنا عدلين
نضحك بس أكو بخاطرنا مأتم
الهوا يلاگينا لكن ما مبينين
مختنگين بس نگول نشتم
أفترگنا بليل ليل ونايمة الناس
خفنا من النهار الناس تعلم
تركنا اروحنا الماترضى انروح.
بالدمعة العزيزة نريد نسلم .
غرام.
رجعوا الولد ارسلان و خاله و أستلمتهم لان وضع ارسلان ديتعب يوم بعد يوم بس مدينطي النفسه مجال يرتاح.
مليكة: وتااالي وياااك ولك يمة بعدك مررريض وانتَ تطلع ما تخاف على روحك.
گعد ابتسملها بخفة.
ارسلان: الروح ميتة، والروحه تموت ما يهتم الشي.
كُميل: أكل تبن خالي.
گعد بصفه كُميل.
كُميل: عمران رفض طلبنا
ارسلان: طبعاً يرفض قابل يگلك هاك كبعها واخذها، خالي شگد تمسلت
الله يطيح حظك.
حقك الاحمر لاعب بحالة مخليك حتى تفكير مل تعرف تفكر.
نزلت عيوني بسرعة على سراج وجهي بوخ الله ياخذج غرام على هيج
جفصه راح يبقون كل فترة يبسمرون بيها گاله كُميل.
كُميل: جلدك يحكك حبيبي
لا صدگ ترا احنا دخلنا بنته بانتقامنا و خليت اخوي يستغلها شتريده يگلك مسامحكم وهاكم بنتي.
كااافي اكل تبن السانة السان وحدة سززز.
باوعله ارسلان صفح گامت مليكة لزمت ارسلان من اذنه.
مليكة: أكسر رجليك بعد اذا تطلع.
خوش بس عوفي اذاني ملصتيها.
گعدت رجعت بمكانها طلبت منهم يحجولها كلشي صار بينهم وبين ابو نيروز
حجالها كُميل على كلشي لطمت على وجها من گاللها.
كُميل: نوب ابوها من قهره طايح وماخذينا للمستشفى حتى من حچى ويانا تعبان
مليكة: يمن دهرررر يفرك ياا ارسلان.
ارسلان: منين اتلگاها منها من اهلها منكم
يالاغم موووو نفسك خليت اخوة يسوي كل هذا.
زفر بعصبية حچى بنبرة مغلفة بعصبية.
اييي اناا.
چبج لهل الوجه عمير راح بالرجلين من وراك.
صار هدوء من شفته يباوعلها بقهر حسيته انقهر من كلامها لان وين ما يروح
يگلوله انتَ السبب من يمي اتعب و گلبي يأذيني من اسمع الكلام شحال گلبه هوَ.
ارسلان: انا غلطت وراح اصحح هالغلط.
وگف لازم بالحايط كام خاله يساعده رفض راح يمشي الغرفته بخطوات
بطيئه دخل الغرفته التفتت الخالتي هم متعصبة.
غرام: خاله صح غلط بس لا تبقون تقهرونا بكل مرة هوَ أدرك غلطه وفهمه.
وديحاول يصححه و محتاج أحد يوگف وياه مو ضده.
مليكة: هوَ غلط و بنفسه يصحح غلطه شكثر گناله ولك يا يمة غلط غلط الجاي تسوي بس يباسة راسه شيگدرها.
كُميل: يمة كافي؟ بس تدافعين العمر گدامه جاي تخلينا يحس تحبين
بس عمر و ما تحبينه رحمة الوالديج على كيفج وياه ادري بيج ما تكرهينه
وتحبينه بس جبتي عمرج واگفة ويا عمر و تدافعيله بكلامج هذا تحسسينه منبوذ بينا.
طلع من يمنا ضايج ما قابل على امه صارت تبجي و تگول ما افرق بينهم اثنينهم ولدي.
ندري بيج والله خالة بس كلامج شوية قاسي وياه.
انفتح باب غرفة ارسلان عيونه حمر دارت على مليكة اجاها گعد لزم ايديها يبوس بيهن يباوعلها بنظرات أذية.
ارسلان: ليش تبچين.
حضنته مليكة تبجي و هوَ مبتسم بس للاسف جانت واضحة ابتسامة مجاملة.
مليكة: خافنك ضجت من كلامي
لا ما ضجت لان ما حجيتي شي جذب كلشي بسببي انا.
رفع راسه يباوعلها.
بس لا تبجين لان عبالج ضجت منج؟
بقت ساكتة و هوَ أحتار شلون يسكتها يبوس براسها وايديها.
ارسلان: كافي عيارة مو كنالج ماضجنا لو تحبين تسوين دراما زايدة.
ابتسمت اباوعلهم و اخيراً ضحكت على سوالفه ماعافها الا لمن رسم
الضحكة على وجها اخذت ابني غسلتله دخلت ابدله كُميل گاعد طابك حواجبه ضايج.
غرام: ها ابو سراج ضايج.
التفت الي.
كُميل: مقهور على ارسلان
اجه المليكة و ما عافها الا لمن ضحكتله.
هههههههههه هاي سوالفه شگد ما زبالة بس حنين
هسه هذا مدح لو ذم
شمدريني.
حطيت سراج يمه رحت اطلع ملابس رجعت عليه ابدله واضحك بوجهه رفعت راسي يباوعلنا و على شفافه ابتسامة.
كُميل: شلون اطفال اثنين
غرام: يعني اني طفلة؟
احلى طفلة.
ضحكت كملت تبديل سراج حطيته بحضنه ملت براسي على كتفه.
اريد ارجع ادرس بس اريد ابنا يكبر بعد
ان شاء الله
يعني عادي ارجع.
ليش شوگت منعتج انا؟ من هالشي، المرأة شعندها غير شهادتها عيناي ما يفيدج غيرها
مو فكرت لان اجه سراج راح تتردد
لا و شعندج قابل، امس هنا وهيَّ تدير بالها عليه.
ان شاء الله حبيبي.
خايبة غرام ما اتصلتي بهاي البنيه نيروز مردت گلبي من شفتها شوفيها شلونها
اي صار.
نزلت من عنده اخذت جهازي ورجعت المكاني اتصلت بيها جاوبتني
بصوت مخنوگ من البچي باوعت الكُميل إلى يسمع ويايَّ بزعل عليها.
غرام: نيروزه شلونج؟
بچت أكثر تشهگ.
نيروز: شلوني غرام تعبانة
ميخالف حبيبتي اتحملي هالفترة وابوج هسه متعصب و اكيد راح ياخذ موقف منج الفترة بعدين يهدأ ويفهم كلشي.
حتى امي وجهه صار ثكيل عليَّ و ابوية يگلي خسرتي ثقتي رجعتي خسرتيها للمرة الثانية.
حچت اخر كلماتها وشهگتها طلعت متت قهر عليها.
عمر ما يعرف بشي لان مسافر.
هدأ صوت بكائها و أردفت بتفاجئ لان ماعندها علم.
مسافر؟
اي سافر ويا ناز علمود علاجها و ما أدري شگد يبقون هناك بس لا تخافين ارسلان گال راح يحل كلشي.
بس اخر مرة بينا عمر انطاني وعد بعد ما يتقرب الي.
ما عليج بكلامه حچى هيج لان حس نفسه ديضايقج و يزعجج بس اذا
عرف تريدي مثل مايريدج راح يرجع و يحاول صدگيني هالمرة ارسلان بظهره مو وحدة
خلي اهلي يسامحوني و كلشي ما اريد والله
اصبري حبيبتي.
أستمريت اسولف وياها وگضتها تبجي وتسولف الي، هامها اهلها.
وزعلهم سديته منها مقهورة على وضعها والله ما تستاهل.
كُميل: هاي صوت بچيها وصل الي
غرام: تعبانة خطية
ابوها هم راسه يابس مثل سلطان و المشكلة ما تگدر تگلهم تصرفكم غلط لان من حقهم.
عدلت گعدتي و سئلته.
صدگ هم شفتوا عو سلطان
چا احنا وين رحنا غير البيته نوب تحسي مجبور دخل ارسلان النص
بيته حتى شمر بالحجي عليه بس ارسلان بقى ساكت
عزا شگال؟
يگله قذارتك واصلة مرحلة
اوف خطية ليش هيج يحجي.
بعده ضايج منه وكارهه شيگله عاشت ايدك يعني
غياهب موجودة من دخلتوا
اي وارسلان لو بيده ياخذها بحضنه و يضمها
هسه شنو هاي دانقهررر هاي ليش حباب ساعدوهم يرجعون البعض
وين يرجعون و البنيه تريد تسافر
شمدريك؟
ذيج الليلة من جيت ارسلان منها يگلي شفت جنطة سفرها مخليتها بجهة و تريد تسافر
يمة
و لو تشوفين بذيج الليلة شصار بي گضاها يبجي و يگول راح تعوفني
خلاني صافن چنه طفل، يگلي خالي.
راح تروح وتعوفني و انا العاشگها عشگ بس ربي يعلم بي .
نزلت دموعي عليه والله ظلم هذا باوعلي كُميل ضحك.
انتِ ليش تبجين علويتي.
ابچي عليهم
ممكن ابوس گلبج
ليش
لان طيبته ماكو منها.
مسحت دموعي بايديَّ.
اذا سافرت غياهب ارسلان يدمر
حاچيته و گتله خليها ترتاح البنيه تعبت بينك وبين اهلها متعوبة تاليتها شوف مرجوعها لو الك لو الاهلها.
ليش هيَّ تريد تسافر للأبد بعدين مو گالت لغيت فكرة السفر
ما أدري.
سمعنا صوت الجرس مال البيت يدگ باوعتله.
غرام: هذا منو.
كُميل: خلي اطلع اشوف وهذا الزمال جاي يتحرك هواية يريد يجيب اخرته.
حط سراج بحضني و طلع باوعتله نايم.
غرام: يا ماما منك من الشيطان نايم بدون ما تگلبها علينا.
حطيته بمكانه عدلت حجابي گدام المراية باوعت النفسي لبسي صاير
ضيك غيرته بسرعة لان ارسلان هنا وحرام يبين شي مني ابتسمت برضا وطلعت ويا طلعتي صاح ارسلان.
ارسلان: لا هلا و لا مرحبا.
بالاول عبالي ويايَّ وجهي فلت متفشلة بس من دخلن اقاربهم إلى قبل اجونا نور وسما افتهمت.
اتفاجئت اخر مرة كُميل طردهن شنو هالصلافة وحدهن امهن مو وياهن دخل كُميل گال.
كُميل: ابوهن جاي وياهن گوم ارسلان.
أشرله ارسلان على نفسه.
ارسلان: ياهوا انا اگوم؟
أي چا ياهوا خيالك
مريض انا ما اگدر اتحرك الدكتور مانعني من الحركة.
رفع خاله حاجبه يباوعله.
كُميل: صحيح حتى وصاك لا تطلع نص الليل للعالم.
اخخخ بوية اخخخ مريض سلمنا على ابو عقيل و كله ابن اختي مريض مايحرك اصبعه.
طلع خاله و هوَ بقى گاعد يباوعلهن بأشمئزاز عبالك واحد لعبانة نفسه
سلمن على مليكة و على ارسلان بس ما سلمن عليَّ ما اهتميت علساس
شلون شخصيات و اهتملها، دخلت حضرة الضيافة حتى لو ما سلمن خيولن
بس مافشل عيالي گدام خطارهم و اخليهم يطلعون يحجون عنهم جهزت
صينيتين وحدة الابوهن ما اعرفه اول مرة يجي و وحدة الذني الحياية، دخل كُميل للمطبخ.
كُميل: ها علويتي كملتي
غرام: اي اتفضل.
اخذها و طلع و اني اخذت الصينية الهن دخلت للصالة ارسلان گاعد على جهة
وبايده جهازه متجاهل وجودهن حتى السلام من سلمن مارد عليهن قدمتلهن الضيافة و گعدت.
سما: خالة مشتاقتلج والله اجيت اشوفج.
ارسلان: بدأ الجذب بوية.
ضميت ضحكتي وهيَّ باوعتله.
ويايَّ؟
رفع راسه باوعلها.
تحسين بنقص؟
لا طبعاً
چا ليش خذتيها على روحج.
سكتت و خالتي هم مو هالگد وياهن بس خطار بعد.
نور: شلونك ارسلان.
ارسلان: ما يخصج نورة ام تنورة.
ما تحملت اكتم ضحكتي اكثر ضحكت حطيت ايدي على حلگي هنَّ
شافني من ضحكت بقن يخزرن اثنينهن بيَّ رد عليهن ارسلان.
ارسلان: هيووو عيونج لا افگسهن الچن.
سما: شبيك ويانا عباك عدواتك
ليش أحد كايللجن انتن صاحباتي لو من احبابي هلت و أعوزت اخلي الحياية صاحباتي
علي كيفك ما حجينا شي بس هيَّ ما يحتاج تضحك هيج لان ماكو شي يضحك
عجبها تضحك البنيه شتريدينها تضمها.
حچت نور غيرت الموضوع.
نور: شو مرتك ماموجودة
مرتي حية و إلى يغثها ما ترحمه الافضل لا تشوفنها
لعد جيلان ما جذبت من گالت مرتك صدگ حية
اممم جيلان لازم سولفتلجن على الگتله الكلتها هنا.
سما: عود شعاجبكم بهل النسوان وتحبونهن وبصراحة لا تزعل بس مرتك مو ذاك الجمال كلش.
عدل گعدته و اباوعله صافنة اريد اشوف ردة اردف بصقة خلاني ابتسك بفخر و هوَ ينطيها الجواب.
ارسلان: احنا إلى نحبها نخليها تاج على الراس، نقدسها كأنما شي مقدس وهسه فهمج كفاية بعد هذا الجواب.
لصمها لصم على حلگها وجهه انكلب ضحكت تغير بالموضوع هم.
سما: ما شفنا ابنج
غرام: نايم
گولي ماتريدينا نشوفه عليمن هل الاعذار
ما يحتاج اطلع اعذار لان لو اريد ابني وبكيفي حُرة بي ف گتلج نايم يعني نايم.
ارسلان: سراج ممنوع تطلعي علوية لقاء الحياية مضر اله.
نور: شدعوة عليكم ما مصدگيم عندكم ولد شو ضالين عند الناس الفروخ.
ارسلان: لا تگولين فروخ يا جاهلة گولي اطفال، ثانياً اي والله متعجبين بي مثل الماشايف وشاف حقنا نضمه عن العيون النكسة.
فتحت عيونها على كلامه.
صارررلك ساعة تشمررر بالحجي ماا تستحي.
مخلي المستحة الغيري يتصنعها انا بايعها و مخلص من زمان
انتَ تدري هسه اگدر اطلع احجي البابا
لا صدگ؟ شلون خفت جان هزيتلج بس ما اگدر اعذريني.
الفتت الاختها بوجه مغضب.
نور: گومي سما احنا غلطنا و اجينا هنا ناس ما تحترم العتب على خالتي مخلية هيج ناس ببيتها.
مليكة: انجبي ولچ لا أفرگ حلگج يمن تروحيله فدوة هوَ و كل واحد بهل البيت.
طلعن زعلانات من البيت هز بايده ارسلان.
ارسلان: لو يبيعون كرامة چان اشتريتلهن على حسابي.
مليكة: انتَ هم ما تگعد راحة اسكت عنهن
ما اگدر الساني يبقى يحگني أختنگ اذا ما افشلهن واشوف الحياية.
دخل كُميل يهز بايده هم ماعاجبه.
كُميل: چنهن حصان أبليس و الزهرة و هذا ابوهن لا يحل و لا يربط.
ارسلان: چا توك تدري هو ابوهن حرامي شتريد بناته يطلعن.
اتكابلوا
اثنينهم گصوا الرجال گص شردت من يمهم لا يلوحني طشار من الغيبة مالتهم.
جرت الايام و ارسلان كل يوم يخابر عمر يفتحون كام و يبقى يحجي
ويا ناز الدكتور گايل عن وضعها سببه صدمة و ما متخطيتها و حالة نفسية
متراكمة عليها لان بحال ما يذكرون شي من الماضي تبقى ماشية بنظام الهدوء.
مجرد ذكره يتغير كلشي و هالفترة يبدي علاجها بس ما انطى ضمان % تتشافى.
ما حجينا شي ال عمر عن إلى صار لان ارسلان گال راح يتشتت تفكيره
و يبقى يفكر، كل هل الايام ارسلان هادئ ماطلع من البيت الا لمن اجاه اتصال بالليل و احنا گاعدين.
ارسلان: أسمعك.
ما ادري شگاله المتصل تغيرت كل ملامح ارسلان غلق الاتصال بدون ما يحجي شي قبض الجهاد بين ايديه.
كُميل: شبيك ارسلان.
رفع راسه بلع ريگه جاوبة مختنگ و علامات الحزن بدأت تتوضح بعيونه.
ارسلان: راح اتسافر باجر
شحجينا احنا خالي.
عض شفته الرجفت هز براسه هزات متتالية.
ايي ايي هايهية خليها تسافر
أدري بي الموضوع يأذيك بس خليها تسافر و ترتاح.
مسح وجهه وجهه احتقن من عصبيته الكاتمها.
گتلك هايهية.
وگف يدور ما ادري على شنو دخل الغرفته و طلع بايده مفتاح سيارته صاح وراه كُميل.
وينننن رايح
اريدددد ابقى وحددددي شنووووو حرررام؟
لا تروحلها ارسلان ادري بيك تريد تروحلها
ماااا اروحلهاااا مختنگ محتاااج ابقى وحدددي
اجي وياك؟
لاا اگدر، اريد ابقى وحدي مابيَّ شي.
طلع من يمنا كلنا اكتفينا بالصمت هوَ الله إلى يعلم وين راح، باجر مر غياهب راح تسافر روحه إلى راح تروح منه.
غياهب.
وگفت اجهز نواقصي بالجنطة انفتح الباب دخل ابوية ابتسمت بوجهه
گعد گبالي طلعت ملابسي حطيتهن بجهة صرت اخذ قطعة قطعة واسفطهن الداخل الجنطة.
سلطان: ما هاين عليَّ تروحين بس راحتج اهم عندي
غياهب: اذا ترجع تگلي لا تسافرين ما اسافر
لا سافري هل المرة اريدج تسافرين و ترتاحين.
أكتفيت بالسكوت مختنگة اريد هالسفر بس بنفس الوقت شي بداخلي
رافضه ادري بنفسي اذا ابقى هنا راح ابقى اتعذب و اعذبه ويايَّ ارسلان
من المستحيل يستسلم و يبتعد عني، وگف ابوية موجه سؤاله الي.
بشنو تفكرين
مو بشي محدد
لا تعبين عقلج بالتفكير
امم ان شاء الله.
انتبهي على نفسج هناك، اذا صارت فرصة اجيج
الي ترتاحله.
طلع گعدت وحدي ارتب بالجنطة على كيفي مشاعري تعبت گلبي، كملتها
وحطيتها يم الباب الصبح أطلع للمطار دخلت سبحت وگفت جوا الدوش
المي ينزل ويا دموعي إلى دتنزل طلعت لافة شعري وگفت گدام المراية انشف
بشعري رجعتني ذاكرتي للحظات إلى عشتها وياه اصبعي صار على شفتي و اني اتذكر اول مرة قبلني.
بيها اغلب لمساته إلى جانت كأنما شي مقدس ويخاف عليه بس من يصير.
الاعرج الشيطان يختفي كل هذا تغيرت ملامحي اختنگت أكثر من ذكرت أذيته
اجه صوت رسالة على تليفوني رحت فتحتها جانت من عنده كاتبلي.
ارسلان: أدري بيج راح تسافرين باجر، طلب واحد بس خليني أشوفج اخر مرة.
كتبتله و جسمي يرجف.
گايلتلك من قبل ما اگدر ابوية بين عيوني لاتحطني بموقف محرج گدامه.
سويها مرة وحدة و فكري بيَّ مثل ما تفكرين بالكل
بس هذا ابوية؟
ما حاجي شي عنه الله يحفظه الج، انا ببيتي إلى گدام بيتكم راح انتظر منج جواب للفجر
گتلك ما اگدر ارسلان
أعتبري فضل منج و جاي تتفضلين بي عليَّ و بكيفج بعد.
ما جاوبته بقيت واگفة بمكاني ادري بروحي بس اشوفه راح اموت و مشاعري
تصير متناقضة ذبيت التليفون عفت شعري ما نشفته وگفت أفكر مرة اگول اي
شوفي اخر مرة، و مرة اگول لا، رفعت راسي للساعة صارت بالوحدة ونص بالليل.
تقدمت بخطوات باتجاه الشباك باوعت البيته سيارته موجودة، زفرت نفس و گلبي ما ادري شبيه استهتر.
حطيت المنشفة على شعري ونزلت جوا الاضوية كلها مطفاية معناها
اهلي ناموا عضيت شفتي وگلبي يرجف ويا كل جزء بجسمي من إلى راح اسوي دزيتله رسالة.
غياهب: راح أنتظرك بالحديقة.
كتيتها و ايديَّ يرجفن طلعت امشي على كيفي سديت الباب بهدوء لا ننفضح
رحت لباب البيت الخارجي فتحته و إلى مطمني ماعندنا كاميرات عفته مفتوح.
علمود يدخل رحت للحديقة بظهر البيت وگفت متوترة من إلى داسوي
كمزت من اجاني صوت الرسالة ممنطيه جهازي كتم كتمته وفتحتها كاتب.
وينج انتِ؟
بالحديقة إلى تصير بظهر البيت مو بالامامية.
دقائق وشفته يمشي باتجاهي بطوله وصل يمي يباوعلي.
ارسلان: ليش طالعة هيج
غياهب: شلون يعني
جنتي تسبحين مو
اي
هسه تستبردين و تتمرضين دفي راسج عدل.
عدلت المنشفة على راسي وشفايفي ترجف ما ادري برد لو من الموقف.
اي ارسلان ليش طلبت تشوفني ما اگدر ابقى اهواية.
نزل عيونه الرجله إلى يحرك بيها بهدوء.
أودعج غير
اهاا
امممم.
بقيت ساكتة و هوَ ساكت رفع راسه تشكلت أنظاره عليَّ اتقدم بخطوات ناحيتي رفعت ايدي أحذره.
لاااا تتقرب و لا تنسى حرام تسوي شي
ما اسوي شي عقلج دائماً سخوفي
لان انتَ سخوفي
ما اسوي شي
تمام أبقى بمكانك.
شگد راح تبقين هناك
ما أدري.
اممم وين رايح تسافرين يعني اقصد بيا دولة
ميخصك
اممم براحتج.
رفع ايده لازم عيونه يعصر بيهن فرك وجهه رجع مرتد لوره دايخ بلا وعي لزمت ايده اردفت بخوف.
غياهب: بيك شي.
نزلت عيونه على ايدي إلى ماسكة ايده بقوا.
يا لمساتج إلى تحرگني حرگ
سحبت ايدي منه وگفت عدل و هوَ عدل وگفته دايخ مبين.
صار لازم ارجع اني انتَ هم ارجع البيتك.
مشيت بخطوات راجعة للبيت شهگت فاتحة عيوني من انسحبت من ايدي حاوطني بايديه حچيت من بين أسناني.
شجاااي أتسوووييي.
انفاسه صارت قريبة على وجهي بلعت ريگ و اني داحارب بايديَّ اريده
يبتعدد صرنا امالخ و ما استسلم سحب اطراف شعري الطالعات من المنشفة سحب نفس بعمق همس بصوته.
اريد أترس ريتي بعطرج
ارسسلان ابتعد إلى دتسوي حرررام
راح أنتظرج الاخر يوم بعمري شگد ما ابتعدتي باقي أنتظر.
ابتعد عني عيونه ذبلت دار وجهه عني ما ادري شيهمس ويا نفسه بينما اني مسطورة بفعلته و كلامه دار الي.
تعبتيني وخذيني كل حيلي بعنادج
ما مجبور اتعب نفسك.
بس انا اريد اتعبلج اريد اخذج بالتعب هالمرة اريد احس بطعم الانتصار و انا ماخذج بالتعب أولريش .
ما أريدك
جاي تموتيني بهل الكلمة احچي كلشي الا هالكلمة لا تحچينها
أطلب منك طلب؟
عيوني الج انا
ما اريد منك غير شي واحد أجمع نيروز و عمر ويا بعض
أجمعهم والله
هايهية كلشي ما اريد منك
و احنا؟
قوست شفايفي امنع دموعي تنزل.
ماكو شي اسمه احنا، أحلفك بأهلك إلى الما واصللهم سويت كلشي.
علمودهم أعتقني تعبت اني ارسلان ماعندي طاقة بعد اتحمل شي
لو بيدي من زمان عفتج.
انطيته ظهري ما اريد ايشوف دموعي النزلت ما گدرت أسيطر على نفسي فشلت لا حيل تغيرت اني مو غياهب الأولية.
ارسلان: غياهب.
اردفت من بين دموعي.
غياهب: شتريددد
ليش تبجين
تعبت منك أطلع من حياتي
وجودي هيج متعبج؟
هواية
أخاف ألزمج و ما تقبلين دوري وجهج عليَّ.
مسحت وجهي ودرت عليه بدون ما اباوعله.
باوعيلي
ما.
اسمع صوت ضحكته طلعت.
باوعيلي غياهب.
يابه هيَّ گوا ما أريد
بغلاة أبوج باوعيلي.
نترت بي نتر باوعتله.
يله هاااييي باوعتتت ارتاحيتتت؟
شلون ما ارتاح و بنظرة منج تشعليني و تطفيني
ما تحس نفسك رحت على الترابي زايد اني مو مرتك مثل قبل وتحجي بكيفك
صرتي علاج الكل جرح بيَّ
روح ارسلان
رايح بس خليها ابالج راح ابقى انتظرج.
انطاني ظهره الهدوء أحتل المكان قبل لا يروح نطق جملة بصوته المبحوح مختنگ.
ارسلان: و ما ذنب وقتي حين يفتقد حديثك و ما ذنبي حين أريدك في كل وقت .
دار بنص نظره و گال.
مودعة بالله غياهب.
بقيت واگفة بمكاني گلبي احسه يريد يطلع من مكانه بلعومي أحتقن
أختنگت شهگت بالنفس گعدت بالگاع روحي منتهية بقيت على هالوضع
لمدة رجعت للبيت صعدت الغرفتي صعدت الدرج بخطوات ثكيلة اتندمت على
هذا اللقاء، فتحت باب غرفتي شمرت نفسي على فراشي ضامة وجهي.
بمخدتي روحبي محترگة من كلامه، حررت دموعي براحتهن بچيت بهل الليلة
الى ان حسيت گلبي راح يوگف ما ادري شلون گدرت أغمض و عيوني تغفى. ، الثاني يوم الصبح گعدت على صوت خالتي.
وجدان: يله ماما هم يالله تجهزين نفسج حنين جوا تريد تودعج ما تگدر تروح وياج للمطار.
رديت عليها وصوتي مطبك.
غياهب: نازلة
اسم الله شبيه صوتج وعيونج شبيهن
يمكن استبردت مابيَّ شي.
صارت گبالي مكتفة ايديها تباوعلي.
باچية غياهب
لا
لا تجذبين
أي باچية.
ما راح اسئل عن السبب لان معروف.
عافتني وطلعت نهضت من مكاني رتبت فراشي طلعت غسلت باوعت العيوني
عبالك مورمات و مثل الخطوط الحمر بيهن، رجعت بدلت وسويت شعري حطيت
مكياج خفيف اخفي إلى صاير بوجهي جهزت نفسي بالكامل لزمت نظاراتي وجنطتي نزلت الهم جوا.
جانت حنين گاعدة و نيروز يمكن هسه بالجديد جاية لازالوا خالي و خالتي
يعاملوها بالتجاهل وديعاقبوها بهذا الشي، عفت جنطتي على جهه.
غياهب: ها عيني جاياتني من الصبح.
حچت حنين وهيَّ ضايجة.
حنين: نودعج غير عيني.
حضنتها حضن قوي عبالك للابد ماراح اشوفها اول مرة راح ابعد عن اهلي بهذا الشكل و وحدي حسيت بيها تبجي.
وين رايحة هيَّ فترة و أرجع.
اردفت من بين دموعها.
موبيدي
انجبي كافي لا تبجين حطيت مكياج عود لا تبجوني ويخرب اطلع چني مهرج استري عليَّ.
بقت حاضنتني توصي بيَّ.
حبابة غياهب لا تطولين علينا
غياهب: ان شاء الله.
ابتعدت عني اخذها ابوية الحضنه يحجي وياها هم مايدرون داموت.
من اشوفهم بهل الحالة حضنتني نيروز إلى التعب واضح عليها بملامحها.
نيروز: ترجعيلنا بالسلامة.
همستلها و اني حاضنتها.
غياهب: ارسلان انطاني كلمة راح يجمعكم انتِ و عمر بس أصبري
عمر مسافر ويا ناز
انتظري وانطي فرصة يحبج والله
و ابوية
راح يوافق بس أنطي مجال يهدأ.
هزت براسها بوستني و ابتعدت خالتي واگفة عيونها مدمعة.
غياهب: يابه و النبي تحسسوني رايحة للموت شبيكم.
حضنتني و هيَّ تضرب بخفة على كتفي.
وجدان: چا راح تروحين ما ادري شگد تريدينا نضحك
اروح فدوة لحنية گلبج.
حنين: هييي غياهب والله اذا تطولين اجيب ابو جلطة واجيج اسحله يسحل
غياهب: ههههههههه ميخالف
سلطان: يله بابا لا نتأخر.
أخذ جنطتي گدامي و طلع ودعت عائلتي بروح تعبانة متهشمة من كلشي
قبل لا اصعد باوعت البيته سيارته بعدها بمكانها انتبهلي ابوية توزعت نظراته
بيني وبين بيت ارسلان، صعدنا و اتوجهنا للمطار بنص الطريق مد ايده بيها ورقة.
غياهب: شنو هذا بابا
سلطان: هذا رقم و عنوان كريم صديقي تعرفي مو
اي أتذكره بس شسوي بعنوانه
من فترة أستقر ب لبنان اذا تحتاجين شي هوَ يمج و هوَ راح يتلگاج هناك بالمطار
بس اني اريد اگعد بفندق
لا لا بابا تگعدين يم كريم هوَ ماعنده بس بنيه وحدة بعمرج لا تتقيدين
اعتبريهم عائلتج وانتِ تعرفي شنو من انسان ما يحتاج أمدح بي.
هايهية إلى تريده يابه.
ما عارضت خلي امشي بكلامه افضل مما يصير شي و أنلام و اول كلمة.
راح اسمعها ليش ما خذتي بكلامي اني اعرفه ال عمو كريم صديق ابوية
من زمان انسان طيب بس ما جنت ادري بي استقر خارج العراق
باوعت بالجامة
الي بصفي فتحت عيوني هاي سيارة ارسلان شتسوي ورانا خفت لاأبوية ينتبه
بقيت ساكتة الطريق كله احاول ما اخلي ينتبه شيسوي جاي ورايَّ البارحة شچان الحجي بينا.
ياربي راح يسودني هل الرجال مر وكت بين ماوصلنا للمطار نزلنا ونزلت جنطتي
دخلنا لداخل المطار باقي نص ساعة على طيران طائرتي.
غياهب: بابا اذا تحب روح انتَ ماباقي شي لوقت طيارتي
سلطان: نظر عيني شلون اعوفج والله لو ما الظروف ماخليج تسافرين.
حضنته وكلي خوف لا يظهر ارسلان گدامي رفعت راسي مبتسمة اختفت ابتسامتي
من شفت هذه المحامي الاشكراني دخل للمطار درت وجهي خاف يشوفني
لدقائق رجعت الابوية اسولف وياه بين ماصارت النداءات لزمت جنطتي بايدي وعبرتي خانكتني.
حبيبي انتبه النفسك و أخذ علاجك بوقته ولا تضوج
عيونه لمعت بدموعها باسني براسي.
ان شاء لله اول ماتوصلين طمنيني عنج
صار حبيبي انتَ.
ظلت عيوني تدوره من بين الموجودين وينه انه شفته و هوَ يمشي ورانا ودعت أبوية
ورحت امشي وكل شوية ملتفته كملت ترتيبات السفر وروتيناته اتوجهت اصعد بطيارتي.
صعدت كعدت بمقعدي سحبت نفس رايحة وتاركة كلشي ورايَّ راح ارتاح؟
راح اتجاوزك؟ راح اتجاوز واتخطى كلشي عشته؟ لو راح ارجع واني ما متخطية
اي شي درت وجهي بالطيارة للطرف الثاني بملل اتبسمرت بمكاني.
من إلى شفته گدامي رمشت بثكل مصدومة.
غياهب: انتَ؟
كُميل.
گاعد بمكان شغلي دخل عليَّ ارسلان بس مو ارسلان إلى اعرفه كمت
من مكاني اباوعله عيونه خابطة حمر لزمته من ايده
شبيك خالي
حجچى و هوَ مختنگ يحارب بدموعه ماتنزل.
ارسلان: راحت سافرت
مشيته من ايده گعدته فتحتله بطل ماي حطيته گدامه.
لشوگن تبقى مبهذل بروحك
رجعت راحت رحت وراها للمطار بس ما گدرت امنعها
گوم نرجع للبيت مو مال تبقى هنا.
اخذته ورجعت بي للبيت الطريق كله اباوعله صافن وهادئ يرمش بعيونه
بثكل وكل شويه فارك عيونه وصلنا للبيت نزلته دخلنا للبيت لاكتنه امي
وغرام يباوعله مستغربات، ثواني وماشوفه غير طاح بين ايديَّ.
ارسلان
فتح عيونه بثكل نزلت دموعه صوته منتهي من الخنگة إلى بصدره.
ارسلان محد يريدني كلها عافتني كلهااا
كُميل: لا خالي ليش هل الحجي عندك ناس تحبك وتريدك واولهم انا
أريد اروح للنجف.
باوعت الامي خايف اخذه و هوَ بهذا الوضع يموت عندي.
صير زين وانه اخذك.
گام من مكانه وجسمه مامتوازن.
انا أروح
گتلك انا اخدك خالي ما أتشوف روحك
اليوم اروح.
كُميل: هايهيه إلى تريده بس اگعد هسه ارتاح دايخ انتَ.
كوا گعدته
بين مايرتاح لاحظته هواي جاي يدوخ من عمليته لليوم حتى راحه مثل البشر
ما ارتاح كضاها يقهر بروحه، دخل يبدل ملابسه وانا هم باوعت الامي وغرام.
شلون اعوفهن وحدهن هنا الله لا يخلي عبد بحيرة وجهال انسام هم عندنا
بس مجبور اروح وياه مو مال اعوفه وحده.
يمة احنه نرجع لليل انتبهن على نفسجن وخصوصاً جهال انسام امانه يمنه وهمه حركين انتبهوا عليهم
مليكة: روحوا ولايضل بالك بس خلي نار گلبه تطفى راح. يموت و هوَ ضام بگلبه وماواصل الهم.
هزيت براسي رحتله دكيت الباب طلع مبدل طلعنه اثنينا متوجهين للنجف
وما ادري شبيه خايف من ردت فعله ارسلان من اتوفه المرحوم حسين.
ماوصله ومن اتوفت اختي نفس الحاله شلون راح يكون للقاء هذا
الطريق كله خليته ينام.
ماشايف الراحة ولا النوم مثل البشر ساعات هيَّ و دخلنا النجف اتوجهت للمگبرة
امشي بسيارتي بين الگبور واباوع للصور إلى بالمگابر روحك تنمرد
مرد الموت ما يعرف لا جبير ولا صغير اطفال شباب كبار بالعمر تباوع للشباب كل شاب بعمر الورد
كلنا على هذا الدرب وهذا المكان بالاخير إلى يلمنا ماناخذ شي ويانا غير.
اعمالنا والچفن الابيض ماياخذ بني ادم شي وياه لا مال ولا امور الدنيا كلها
الي جاي تلهي ويتعارك عليها، صفيت السيارة گبال الشارع إلى بي حسين وعفاف نزلت من السيارة باوعتله نايم.
كُميل: اخخ ياخالي شگد تعبت بحياتك.
درت عليه فتحت باب سيارته فتح عيونه رفع ايده لگدام عيونه من الشمس الضربت على عيونه صفن بالمكان إلى احنه بيه بلع ريگه عدل گعدته و يباوع للمكان بعيونه.
ارسلان: الله يساعد الفاگد عزيز هنا.
نزل من السيارة وعيونه تباوع للمگابر دخلنا بالشارع نمشي وه هوَ يمشي
ويباوع بالصور المحطوطه شفته وگف گبال گبر الطفل صغير يقرأ اله الفاتحة
وگفت بمكاني انتظره بين ماكمل يمشي ويتلفت للگبر استغربت شبيه لحد ماوصل يمي.
شبيك خالي تمشي وتتلفت للگبر
شلون اهله گدروا يفارگونا شوفه شلون حلو
الموت مايعرف لا چبير ولا صغير
يمكن لو انا اموت وراه.
كملنا مشي و هوَ كل شويه ملتفت اله مابطل الا لمن صحت بي.
كافي ارسلان لا تباوع.
هز براسه مشينا لگدام ام شويه وصلنا لاعزازنا شافني گفت گال.
شو وگفت
وصلنا
بلع ريگه واجه يمشي جان اكو ولد يبيع ماي ورد رحت اخذت منه دبتين
ورجعت شفته واگف بمكانه بعده ما واصل الهم بس عيونه تحجي وضعه لزمت من ايده.
امشي خالي.
مشيته ويايَّ لحد ماوصلنا كلش الهم ذبيت حسرة وانا اشوف گبورهم
واحد بصف الثاني انطيته وحدة من الدبات مد ايده ترجف وعيونه تعلگت عليهم.
فتح الدبة وغسلنا الگبور قرينا الفاتحة الهم اباوعله شفايفه ترجف وايديه
ترجف دموعه تنزل بدون ما ماتوگف وگفت على جهة ادخن أباوعله گعد بينهم بالنص وبدأ العتاب
ارسلان: زعلانين مني لان ما أجيكم ماجنت اگدر ماعنده القوة إلى توصلني الكم.
مسح دموعه بايده ويحجي بصوت مبحوح هل المرة ما خنگتني الجكارة
بگد ماخنگني صوته ورجفته وهوَ يحجي وياهم.
يابه انا حتى ما ادري شنو احجي بس إلى اكوله محتاجكم عفتوني ورحتوا شلون انطاكم گلبكم.
دار بوجهه على كبر عفاف بچى بصوت وونات تشك الگلب.
يمة من بعدج ماشفت الحنية سويتيها انتِ هم وعفتيني گسرتوني اثنينكم
كسرتوا طفل ولليوم ما الاگي إلى يجبر هل الكسر.
حط ايده على وجهه واخخ ياصوته إلى دمرني بچه من گلبه.
تعبان يمة الدنيا تعبتني جنت فرحان صار عندي ام واب يحبوني بس انتم هم سويتوها وعفتوني مشتاگ لكلشي بيج ريحتج وحنينج ارسلان انعدم من بعدكم.
حضن گبرها هد حيلي كلامه.
عمري أدفعه لو أدري تردون اخخ يا يمة يا حبيبة، رجعت انكسرت
أليوم الانسانة إلى خلت گلبي يرجع ينبض بفضلها راحت اليوم عافتني حتى هيَّ ما رادتني.
ابتسم بنص دموعه.
يمة غياهب تشبهج بالتصرفات مثل حنيتج وخوفج، ايديها لو لزمتهن.
اشوف بيهن دفو مثل دفو ايديج من جنتي تلزميني بيهن
الفراگ چتال والله چتال .
رجع راح الگبر حسين يحجي وياه.
كبرتهم الك مثل ما جنت تگلي دائماً جنت تگول من الله ياخذ امانته
انتِ إلى تصيرلهم اب بمكاني، زوجت انسام و عندها اطفال اثنين
عمر كمل دراسته
و صار رجاا بس هم بسبب غلطي اتعاقب بس لا والله ما اخلي يتعذب اكثر
انا دمرته، شهگ بنص دموعه، و نار يا شوغة ناز بگلبي يابه هديتوا حيلي.
اشوف بيها امي عفاف تشبها مثل العيون مثل الشعر كلشي بيها يشبها
كل واحد بيهم عنده صفات منكك الا انا احس بروحي منبوذ ردت صفة
وحدة بيَّ منكم بس أدركت الحقيقة ما تنكر انا ابن فاروق مو ابن حسين.
لزمته انتهى.
كُميل: لا تحجي هيج ارسلان انتَ كافي اخذت حنيتهم اخوانك لو يفرون
الدنيا كلها ما راح يلكون واحد مثل حنيتك و لا راح يلگون واحد يتعبلهم ويضحي مثلك الهم.
رفع راسه عيونه دم حچى مهضوم.
بس أبقى مو اخوهم الحقيقي.
أكو اخوان من نفس الدم بس ما سووا مثل إلى سويته انتَ ولك كافي
انتَ اشتغلت بشرف ومامديت ايدك الواحد انا خالك ما مديت ايدك إلى بيوم و لا طلبت شي مني انتَ مثال و فخر للخوة و الخوة خوة المواقف مو الاسم .
كافي يله گوم انتهيت راح يوگف گلبك.
لا اريد بعد خليني اشبع منهم
كافي خالي فدوة أروحلك شوف حالك شصار بي.
شلعته گوا منهم و عيونه عليهم مابطلت دموعها غسلت وجهه گعدته بعيد عنهم.
اذا يبقى اكثر يدمر كافي روحة غياهب وسفرها بقت عيونه تراقب اهله
ملابسة كلها تراب گام وگف رجع الهم حچى بصوت مبحوح.
ارسلان: ثأرك اخذته بقى بس سالم خليتهم يموتون بقهرهم دمرتهم
سالم بس الگاه وحگ روحك الصارت جوا التراب اختم ثأري بي و ما انعد على الزلم اذا خليته يعيش بهل الدنيا.
دار على كبر امه.
يمة لا تخافين على اخواني اذري بيج روحج من الدنيا هم بعيوني احطهم بس ليش ماتجيني بالحلم زعلانة مني؟
كُميل: ما زعلانة خالي
ارسلان: چا ليش ماتجيني بالحلم
يجوز زعلانة لان ما تجي تزورهم و هسه اجيتها متأكد راح تبقى تجيك يلا گوم بعد خالك مليكة و العلوية وحدهن.
وگف على حيله بس من تباوعله ماعنده كا حيل الفت الي.
ارسلان: نروح نزور؟
يله امشي ونصلي بالامام و نرجع للبيت.
صعدته لان يمشي گوا طلعنا للأمام على عليه السلام مو كلش بعيد صفيت
السيارة بمكان دخلنا للحمامات نغسل و نتوضأ علمود الصلاة طلعنا دخلنا.
الداخل الامام صلينا اصلي و عيوني على الناس إلى تفوت تمشي وتباوع الارسلان يبتسمون لان هوَ من الطائفة الثانية كملت صلاتي و گعدت انتظره.
يكمل ندخل نزور جوا، ذكرت جيتي انا و العلوية من جبتها ونذرت بيومها
جكليت و اوزعه بس خلي سراج يكبر اجيبها و اوفي نذري وياها، كمل صلاته
رفع ايديه للدعاء مغمض عيونه ويدعي ما اسمع شي بس شفايفه تتحرك
اخر شي كمل ونهاية الدعاء نزلت دمعته مسحها وگام يسحب بالنفس.
ارسلان: ندخل نزور
كُميل: تعال يله.
دخلنا جوا زرنا و عيوني عليه تراقبه كملنا وطلعنا.
خلي نتغده يجوز هبوط عندة شوف وجهك شصار بي.
مو جوعان خالي بس اريد ارجع للبيت ارتاح راسي راح ينفجر.
حطيت ايدي على كتفه اطبطب عليه.
خليك ارسلان إلى أعرفه لا تضعف، انا وياك دائماً بس الغلط يبقى غلط راح تلگاني هنا ضدك و ما اقبل عليه.
انچب خالي
ههههههههه ما أتوب أمشي ناكل بطني صارت تطلع اصوات من الجوع.
طلعنا للمطعم گعدنا بي جابولنا اكل اتصلت على البيت اشوفهم.
اكل وجهك ليمونة.
كُميل: هلا علوية
غرام: هلا بيك وين صرتوا؟
نتغده ونجب خوماكو شي يمكم
لا ماكو شي خالة گاعدة گوا تغدت تفكر بارسلان وجهال انسام غديتهم و جاي يلعبون
خير ان شاء الله ما نتاأخر احنا
شلونه ارسلان
من ارجع نحجي
بس گلي زار أهله؟
أي
يمة الله يساعده
عيناي كم ساعة ويمكم.
سديته منها تغدينا وهذا ما ياكل الا ارزله يأكله شوية ويرجع يصفن.
ردت ادفع الحساب بس دفعه قبلي وطلع طلعت وراه صعدت اباوعله.
كُميل: زمال شلون تدفع الحساب
ارسلان: چا تريد ابقى بمنيتك علمود تعيرني
من طاح حظك إلى يسمعك يصدگ
خالي يله سوق راسي انسطرت سطر منه.
رجعنا البغداد و هوَ الطريق كله لازم راسه خفت عليه بس ما اگدر انطي
اي علاج خاف يصير شي دخلنا بغداد بعد كم ساعة بوجهي للمستشفى
نزلته شافوا وضعة مثل ماتوقعت سبب ضغط حطوله مغذي بين ما كمل رجعنا.
للبيت نزلت من السيارة ويا نزولنا صار صوت صرخة من البيت هاي صرخة غرام؟
باوعلي ارسلان فاتح عيونه ركض گدامي للبيت صرختها جانت فرفحة بيها.