رواية وتيرة الأعرج للكاتبة حوراء السعيدي الفصل الثامن عشر
حنين.
ووجهله أبوية السؤال.
سلطان: أنتَ شلون دخلت؟
درغام: أجيت من طلعن منكم ذني النسوان بس جنت أخابر برا.
ها چا همزين أجيت
خير عمي
كل خير ان شاء الله تعال أبني، وأنتِ بابا حنين هم تعاي.
مشيت گدامهم و رجليَّ وحدة تضرب بالخ من الوتر و المشاعر
تلخبطت ما تگدر تثبت على شعور واحد هيج چانت مشاعري
بهل اللحظة گعدت و هم گعدوا گبالي گلبي يدگ يددددگ.
أحسه راح يطلع من مكانه يا ابووو فاضل بدأت اسئلة أبوية إلى سوتلي مغص.
سلطان: درغام أنتَ مو غريب و ثقتي بيك مثل ثقتي ببناتي
أثق بيك و عيوني مغمضة بس عندي سؤال و
أريد جواب منك و من حنين بصراحة.
درغام: أي عمي أتفضل اسئل.
توزعت نظرات أبوية بيني و بين درغام و رجع باوعله
شنو إلى بينكم أنتَ و حنين؟
تغيرت ملامح درغام و نزل راسه أستمر هذا الوضع الدقائق.
رفع راسه منطي الجواب إلى خلاني جاحظة عيوني بعد ما خطف نظرة مني.
درغام: أحبها.
طول نظرته أبوية بي بعد سماع جوابه هز براسه و هوَ يگول.
سلطان: كمل كلامك
هذا الحچي راح يصير گدامها مو وراهاا
أسمعك
أحبها من سنين ما أضم عنك بس وداعت امي
إلي ما عندي أعز منها ما يوم فكرت بيها تفكير مو زين أخاف عليها
أكثر من روحي چنت منتظرها تكمل دراستها و أفتح الموضوع وياها
غياهب تدري بكلشي و الوحيدة إلى چانت تصبر بيَّ بين.
ما تكمل و كملت و صارت و أنفتح الموضوع بس بنتك
ما عندها نفس المشاعر إلى عندي علاقتي بيها صداقة
قبل لا تتكون كل هاي المشاعر و ما مستعد أخرب علاقتي
و أخسرها علمود مشاعري إلى من طرف واحد. مسح وجهه من الأرتباك و رجع يكمل. حنين
حنيني و عزيزة گلبي و إذا أتشوف هذا الشي غلط ف أسمحلي
أگلك انا ما تجاوزت حدودي وياها بيوم و لا راح أسويها و أنتهى كلشي و بقينا اصدقاء.
بقيت أركز ويا كل كلمة تطلع منه و شلون نبرة صوته.
تغيرت و أنطى الجواب بدون أي أماطل أنطاه بكل
رزانه و ثكل أعترف كبر بعيني بهذا اليوم.
گتلك واثق بيك ما أتسوي الغلط أعرفك من الصغر
و لا راح أسويهن.
أتبسمرت بمكاني من گاله أبوية.
بس حنين أجوها خطابة اليوم.
وجهه فحم و هو منا ابيض فحم تفحم من الغضب بس لازم نفسه هز راسه.
شفتهم من طلعوا گتلك
و حنين موافقة.
توسعت عيوني و أني أباوع الأبوية اني شوگت وافقت؟
ردت احچي أبوية أشرلي بأشارة ألتزم الصمت و هذا.
صار يرجف علينا رجف بعصبيته بعد ما چان كاتمها فجرها.
درغام: شنوووووو موووافقة؟ تحچوووون صدگ أنتم.
أبوية يجاوبه ببرود و أستفزاز و درغام كتلة من
النار يمكن أجيت أنجلط من الوضع إلى صار.
مو گلت بقيتوا اصدقاء و الموضوع أنتهى
أييييييي گللتتتتت بسسسس مووو معناهااا أخليهااا تتزوج، هيچ أناااا مابيَّ خير أخلي إلى أحبهاااا أتصيررر الغيري.
چا بوية البنيه ما عندها شي وياك تجبرها درغام؟
لااااا ما أجبرهاااا بسسس انااا عندي أمل يوم من الأيام راح تبادلني هاااي المشاعر
شبيك تصيح أنتَ هسه؟
چاااا شتريد اگلك عفية و أنطيهاا.
خزرة أبوية، رفع أيده الترجف و يحچي بگلب محتررررگ حررررگ.
وحگ ابو فاضل ابو راس الحار حنين مااا خليتهااا تصير الغيرررري، و إذا خليتوهااا تاخذ غيررري طلقة و براس إلى ياخذهاااا و أنتم المسؤؤلين و مااا أنعد على الزلم لو خليتهااا تصير بأسم غيري و بعددد سبع الهورة و تعرفوا لووو حچى.
نهاية كلامه ختمها بهذا التهديد طلع من البيت مفرفح گاعدة
جامدة بمكاني تصرف أبوية و لا فهمت ليش سوا هيج التفتت على صوته.
سلطان: هااا حنين.
أردفت بكلام جرة وحدة بدون تنفس.
حنين: بابااا أنتَ ليشش حچيت هيج شووگت وافقت اني على هذا الزواج مووو گتلك
رافضة و حتى أنتَ من گتلك گتلي مااا موووافق.
أخذي نفس بابا شبيج راح تموتين.
نزلت دموعي بخوف و قهر من ذكرت شكله شلون طلع بروح مفرفحة.
بابا ليش هيج سويت شفته شلون طلع هسه يصيرله شي بسببي.
اجه حضني باس راسي و دموعي مُستمرة.
كافي يا نظر عيني لا تبچين ما يصيرله شي
لاا والله أدري بي هسه يتمرض ذيج المرة من القهر أجه ينجلط.
أهااا يعني من أتمرض أنتِ جنتي السبب؟
بكل ثول جاوبته.
أييي
چا أدري بكلشي انا.
رفعت راسي من حضنه بعدم فهم أباوعله.
ما فهمت بابا شلون يعني
أدري بي يحبج و من زمان، و أدري بيج رفضتي حبه
أدري بيج من تمرضتي قبل و عزلتي نفسج هم بسببه أدري بكلشي بابا.
أنصدمت بكلامه شمعرفه بكل هذا.
بس شلون.
لزم أيدي بوسها مبتسم.
ربيتجن و تعبت بيجن أدري بيجن مو غشيم عنجن حتى لو چنت بعيد.
مسحت دموعي و أني أگله.
لعد ليش هسه هيج گتله؟
رجع ظهره لوره بأرتياح.
ردت أشوفه بعده متمسك بيج لو رخى أيده و أنسحب.
أمم شنو إلى شفته.
نهض من مكانه يضحك.
والله يا بنيتي حتى لو أنتِ ردتي تاخذين غيره
ما أنطيج انا درغام خوش رجال و يعجبني أسلمج
اله بعيون مغمضة و بقى الموضوع يمج بعد بس
أنصحج لا تخسرين هيج رجال متمسك بيج.
بقيت وحدي أفكر بكلام أبوية حتى اني متفاجئة
من قوة تمسكه يمكن غيره يخلي موضوع الكرامة
بالنص و يروح يعيش حياته بس تمسك درغام قوي الدرجة.
بهذا اليوم أنزرع شي داخلي أتجاهه أگدر اسميها
بدأت تتكون نطفة حُب و مشاعر بگلبي دخلت الغرفتي مبتسمة
ما أدري شكو و شبيه بس الإبتسامة ما فارگت وجهي.
كل ما أتذكر شلون هدد و أقسم كل كلامه فراشات
ببطني خلق مر وگت و صار الليل و أني بغرفتي
راسلت غياهب و حچيتلها كلشي صار و چان رأيها مثل رأي أبوية
طلعت من أفكاري و أحلامي الوردية من شفته يتصل
صرت أكمز من توتري شبيه شبيه انييي ياررربي.
أول تاالي أخجل منه و الوقت هم اتأخر فتحت خط عليه.
حنين: هاا درغام.
غابت أبتسامتي من سمعت صوته المختنگ و مغلف بنبرة ماليها الحزن عاتبني.
درغام: ليش تسوين هيج حنين شنو إلى تريدينه بس گولي ليش أتعبيني هيج.
عضيت شفتي بقهر على وضعه.
انتَ تعبان درغام
كل تعبي منج دمرتني.
ما أدري ليش أبتسمت الكلامه هذا الرجال منتهي
و يحجي و أني متسرسحة على كلامه.
گولي شرايدة أنتِ
منو اني؟
لاااا أمي موووو وگت فهااوووتج
ما أريد شي.
چا شوگت گلبج يحن عليَّ إلا تخليني صدگ أنجلط و محمد يا حنين إذا أنجلطت هالمررررة و أجيني محددد يخلصجج مني.
خوش.
سكت الثواني رجع گال.
عود صدگ موافقة بهذا النعال ابن النعال
منو
هذا اليييي خاااطبج
يعني أكو هيج شي.
كاتمة ضحكتي بالويلاه و أعضعض بالمخدة من سوالفنا.
وووولچ حنينننن
هاااا.
هم وين يعرفووونج
شافوني بعرس غياهب
أنعللل أبوووو غياااهب
وولك
خيررر!
ترا دتسب أبووية
مالج دخل عمي و أسب بي
و لا تستحي.
صار هدوء بينا و مبين مو بالبيت لأن چان صوت
هوا يمه حچى عكس قبل شوية من چان عصبي.
اانتِ خاف تدوريلج واحد أبيض
شلون
يعني لأن انا مزنجر أملج تريديلج أبيض.
ضحكت من كل عقله يحجي رجعت أضحك بصوت عالي و هوَ يصيح.
درغام: ولچ صووووتج فضحتيناا.
ضربت المخدة علمود أسكت.
حنين: يمههه.
وسسم شبيج شحچيتتت
الابيض فاهي ما أحبه
أي عفية بنيتي لا تحبينه
أيي أييي
حنين كاافي عوفي هذا الحجي و محمد گلبي يأذيني.
صدگ راح توافقين و لججج شبيه انااا ما تحبينييي أنعلللل أبوووج
وولك عووفه الأبوووية
غير أموت عليه لأن خلفلي طيرة مثلج.
لا تبقى تتغزل عيب ما تستحي دلغام.
لا يبوي منين أستحي واحد مسربت
زين تعترف
اگلج
گول و ما اگول
أحبج
يحبك الله.
عاط بصوته كمزني المزنجر.
من شاااالج الله و ذبج يمي و أنا أعرررف شسوييي
ريلاكس عيني.
أمشييي وووليي منااا صوچي أتصلت انا خرررب بروووحك سالم.
أي والله خرب بروحك سالم
حنيني بلائي
هاااا.
حيل أناني بيج و كلامي ويا أبوج اليوم لا تنسي.
حچى هل الجملة و سد الخط صرت أتمنى أبادله
كل هذا الحب و ما أخلي يتعذب أكثر لفلفت نفسي
و نمت الثاني يوم گال أبوية معزومين يم أهل أرسلان
هيج العادة من وحدة تتزوج من البنات بالثالث
أو السابع أهل العريس يعزمون أهل العروس.
و لازم خوالي ويانا خالاتي ما قبلن يروحن الزلم راحوا
جدي عياش و أبوية و خالي جابر و عمران
و درغام
اما باقي عمامي و خوالي و لا جدي سالم ما أجوا.
لأن هم و أبوية ما يتحاجون من يوم سالفة أمي زمُرد سحبت
نيروز ويانا ما أدري شبيها قافلة ما أتروح و طول الطريق
تلوم بيَّ لأن خليتها تجي ويانا وصلنا البيت عيال غياهب.
متظرينا يم الباب أرسلان و خاله و أخوه و بعد وياهم
ولد ما أعرفه أخو أرسلان تغيرت ملامحه من شاف نيروز
أحنا البنات سلمنا سلام سريع خالتي وجدان ويانا
رحبوا بينا و غياهب زادت فرحتها من شافت نيروز
أخت أرسلان موجودة و أكو بنيه ما أعرفها.
حنين: أخيراً گعدة بنات.
غرام: أحلى گعدة.
حچت هاي البنيه الحلوة بس لمحتها من المعازيم إلى بيوم العرس.
جيلان: الفكر من يشوف شي ما شايفه.
اني و البنات أنظارنا أتوجهت الها مستنقدين أسلوبها الرديئ ردتلها غرام هنا.
كلمن يشوف الناس بعين طبعه و منو يمج أنتِ؟ تكمزين وحدج.
نيروز: صلوا على النبي يا بنات شبيكم.
حنين: أشوف صح ما يحتاج هذا الكلام عيب.
من شافتنا هيج عافتنا، هيَّ طلعت منا. اني و نيروز لحگناها بغمة.
حنين: غدي و لا حبيتهاا
نيروز: مبينة تستوس
غياهب: تصير بنت خالة الخال كُميل.
ما حبيتها
محد يحبها هنا بس مبقينها لأن أهلها مسافرين و تگول ما ترتاح إلا هنا
غرام: جذابةةة باقية هنااا علمود كُميل.
صحنا بصوت واحد حتى غياهب ويانااا.
شنووووو
چانت خطيبة كُميل قبل
غياهب: همزين ما أتزوجها.
سولفت النا علاقتها بالخال من خطبوا و فسخوا
و شلون من سمعتهم يحجون بالمطبخ.
حنين: هاااي لو اني بمكاني مو بس أضربها على.
حلگها الخايس أنام عليها و أگطعهاااا تگطععع.
نيروز: أي والله شلون تحچي هيج متخاف أحد يحچي عليها
الي ما فهمته هيَّ ليش حچت بهذا الأسلوب الوقح وياج.
و هنا أتمنيت مسائلتها هذا السؤال و لا متوقعة
الي راح أسمعه نزلت عيونها تفرح بالحلقة إلى مزينة
أيدها المثل القطن نزلت دموعها و حچت قصتها.
شهگنا كلنا حتى غياهب الچانت صافنة
ما مستوعبين
إلي حچته هاي مصيبة مو أي شخص يتحملها و لا أي بنيه.
تتحمل هيج شي شلون گدرت نفسه تدنى على أخته؟
قشعر جسمي تسولف و تغص بالكلام بسبب بكائها
شهگاتها شگت گلوبنا و گفت غياهب صارت عصبيتها نار.
غياهب: و أني اگووول هاي جيلان من البارحة تمشي و تبسمر بسيطة.
طلعت من يمنا نهضنا من مكانا طالعين وراها وين راحت
نصيح وراها ما ترد دفرت باب غرفة برجلها و دخلت
ما أدري المنو هاي الغرفة باوعت جيلان موجودة
واگفة تاخذ صور سحبت غياهب منها الجهاز و ضربته بالگاع.
جيلان: أنتِ شجااااييي تسووووينننن.
غياهب: بعدني ما مسوية شي هسه راح أسووويي بيبي.
فتحت عيوني من غياهب سحلتها من شعرها خفت
علي أصبعها بس ما أهتمت جيلان بدون حجاب
لأن چانت نازعته و هاي صريخها صار ماله والي سحلتهااا سحللل وهيَّ تحذر بيها.
غياهب: شنوووو شايفج نفسج بشهادتج كلنااااا عندنا
شهااادات لوووو عليمن شاايفةةة نفسججج تحچين
علي شررررق الناس فهمينيي أنتِ أحسسسن منهممم لوووو أشررررف منهم.
هذا الحجي كله و هنَّ يتعاركن بينهن و لا وحدة
راحت و أدخلت بس هنا الله ذب علينا ضحك اني و نيروز
أنتهينا جيلان أضخم من غياهب بس اختي سحلتهاا
رغم أصابتهااا دخلوا الولد كُميل و ارسلان يركضون
علي صوت الصريخ وگفوا بالباب مصدومين من إلي
ديشوفوا وگف أرسلان يم الباب يمسح بذقنه يمنع ضحكته تطلع باوع للباب و رجع گال.
أرسلان: خااالي أركض اجت مليكة.
راح لزم غياهب گوا بينما اختي فعلت وضعية الأفتراس.
گوا لازمها و ذيج تغلط عليها سحلوها من جواها
ذب عليها كُميل حجاب يغطي شعرها دخلت مليكة
أنصدمت هم خطية إلى صار أكشن فد مرة.
مليكة: ولكم شنو هذا الصريخ.
راحتلها جيلان تبجي و أشرت على غياهب.
جيلان: خالة شوووفي شسووووت مرت أرسلان
غياهب: و أطيحح حظج حشى الساااامع بلا أخلاق.
باوعت الها مليكة بدون ما تحچي أخذتها و طلعت و الخال صار يهز رگبة فرحان.
كُميل: لِچ خالي شنيي أنتِ و الزهرة لبوة لبوة يروووحلج فدوة أرسلان العاااررر
أرسلان: چا انا شكووو، تتغزل مرتك گتلها تشگين أرسلان و هسه هم حطيتني بالنص.
كبشة فداء خالي
خلف الله عليك.
بقت عيوني على اختي و زوجها لازال حاضنها من وره أشوفها
وجها صار أحمر تريد تملص نفسها منه ما تگدر طلعنا
و بقوا هم الاثنين وحدهم رجعنا بمكانه و كل ما أتذكر
الموقف ما أسيطر على نفسي و خالتي ما قبلت
تگول عيب شلون غياهب تتصرف هيج.
غرام: غياهب بردت گلبي و رسول الله.
حنين: يا حظي صيررري مثلهاا و أسحليهاا
أي علمود أطلع مگتولة ومزورگة ماتشوفين عليها جسم.
نيروز: صح عليها جسم و إلى يشوفها يگول هيَّ تسحل بس شفتي غياهب شلون لعبت بيها.
بقينا نسولف و لازال موضوع العلوية قاهرني و أتمنى
تگدر ترجع تعيش حياتها طبيعي رغم صعوبة و بشاعة الموقف.
غياهب.
غياهب: دعوووفني شبيك.
شدني الحضنه أكثر يبعد بشعري.
أرسلان: شنو رأيج نستغل الفرصة شتگولين.
دوخرررر عني لاااا تجيك دفرة مثل دفرة الخطوبة.
و تگطعين نسلي
ويضرررربك عرررج.
أبتعد عني يهز بأيده.
متزوج مصارع مو مرة
ديلا يلا شلون أهتم الكلامك هسه اني.
عفته و طلعت هاي جيلان الحيوانة فحطتني هو اني
منا المرض مامخلي عافية عندي أمشي
و أتصنع الحيل
و گلبي طاگ على أبوية أريد أشوفه ما شايفته لحد الان.
لأن الزلم وحدهم گعدتهم لوره الغدة أجه عمر صاح يريدون
چاي أباوع النيروز لون وجها أنخطف وره نص ساعة
أجه أرسلان گال أبوج و خوالج يريدون أيشوفونج.
طلعت وياه دخلنا الهم چانوا بس هم زوج أنسام
و لا الخال و لا عمر موجودين، أفترت عيوني تدور على أبوية
قابلني بأبتسامته شفته لو كأنما الدنيا رجعت تضحكلي مشيتله
بهدوء و گلب ملهوف الشوفته حضنته بقوة أشم بعطره.
غياهب: بابا حَبيبي
سلطان: يا نظر عيني
شلونك يا روحي مشتاقتلك.
بشوفتج صرت بخير.
عيوني صارت تحرگني و الغصة أحتلتني أباوعله
عيونه لمعت بدموعه رجع ضمني الحضنه لزم أيدي باس مكان الأصبع إلى متأذي.
سلطان: شلون صار أصبعج.
دارت عيوني على ارسلان إلى واگف و لا كأنما مسوي شي
عيونه أتثبتت علينا و على الشخص إلى بسببه أحنا بهاي
المرحلة جدي عياش أحس بأرسلان لو ما يخاف يفضح نفسه موته هنا و نهى كلشي.
غياهب: أحسن حبيبي لا يضل بالك.
أنتبهي مرة ثانية والله من گالتلي حنين حسيت بشوغتج و أنا ما شايفج.
نزلت دموعي.
يا بعد روحي أروحلك فدوة.
سلمت على خوالي و درغام و جدي سلام سطحي
گعدت يمهم اريد أشبع عيوني بشوفة أبوية للعصر أترخصوا
يروحون أختنگت أتمنى ما أيروحون و دعتهم وراحوا.
أنسام: خايبة تستاهلين بوسة من الراس
غياهب: ليش
لان گتلتي هل ال
تدللين.
دخل أخوها ما أهتميتله نظراته مخازر البعض مر شهر.
كامل هادئ كذا مرة ردت أدخل الناز يمنعني ما يقبل أدخل
و إذا يروح الدوامه يحذر خاله و أخوه ما يخلوني أدخل
و هيج أنمنعت أرجع أشوفها أهلي رحتلهم مرة أما أرسلان
ما رجع يحاول يأذيني بشي و تعامله طبيعي و يا خوفك طبعاً من هدوء هذا الرجل.
طلعت بالليل شفته گاعد بالحديقة و بأيدع كوب چاي
الجو يگص گص بالبرد ما أدري شلون گاعد بس هوَ إلى بداخله
نار شيحسسه بالبرد فوگاها لابس نص ردن أنتبه الوجودي باوعلي بطرف عينه.
أرسلان: شتسوين هنا
غياهب: أتنزه
ايباااه تحشش
أريد كرسي.
أشرلي على الكراسي الموجودات بجهه.
گوم أنتَ جيبلي
ليش أحد گايلج أشتغل عند الخلفج.
عيب عليك تخلي انثى رقيقة مثلي تروح تجيب كرسي وين الذوق وين الرجولة.
شگلتي مااا سمعت منوووو الرقيقة
اني؟
شدددد.
لازم ما عاجبك
لا يحيلي يعجبني شلون ما يعجبني.
راح جاب كرسي گعدت عليه بس شو مو مريح.
هذا الكرسي مو مريح
عادي تعاي الحضني مريح
دطيررر أبني.
سكت و عيوني تباوع للمكان ثبت نظرها من گال بصيغة سؤال.
غياهب شگد تكرهيني
ماكو شي يوصف كرهي ألك.
بقت عيونه مركزة على الكوب إلى بأيده رفعهن
يباوعلي قلبت عيوني بملل من نظراته هاي نهض من مكانه
عبالي راح يدخل جوا بس إلى صار غير عن توقعاتي
حاوطني بأيديه بدون ما يطخني ثبتهن على رجلين الكرسي و مال براسه.
ممكن بيوم من الأيام نصير أقرب من الرمش للعين .
وبعد؟
الله العالم
يا عيني دوخر وخر أختنگتتت
ليش؟ شبيه عطري مو طيب.
ياااا سالفة العطر الماتخلص
النسوان تموت على عطري و أنتِ ما عاجبج
وانتَ گلتها بيبي النسوان مو اني.
عض شفته يهز براسه.
أخخ يالبيبي مالتج هاي.
شبيها كلمة عادية
مو أحنا زلم شروكية ما تصرف ويانا هالكلمة
نهجم بيت التفخفخ شلون شروگي وانتَ جبوري؟
أجدادي و أهلي من سنين طويلة سكنوا العمارة
حتى جدي و أبوي ولادتهم عمارة مثلي ننحسب
جنوبيين و النا الشرف و إلى يسئلني اگله جنوبي الحمدلله.
أبتعد عني زفرت نفس براحة أخذ كوبه وطلع يمشي بقيت بمكاني اباوع وراه دار بجسمه.
أرسلان: ما تگومين
غياهب: ما جاييني نوم
بس تصيرين بحضني يجيج نوم
لا تحلم أحلام أكبر منك بيبي.
سوالي حركة بمعنى بكيفج دخل جوا تقريباً ربع ساعة
گاعدة وحدي بعدها دخلت جوا لأن صرت قالب ثلج شفته
نايم و أيد جوا راسه و أيد على عيونه غيرت ملابسي
و رجعت نمت أتمددت بصفه و كل شخص بطانيته
وحدة بالنسبة إلى عندي عادي أنام بصفه لأن هو ما يتجرأ.
يتقربلي و لا عنده هالسالفة رغم حقارته بس صارلي
شهر هنا ما حاول يتقرب أو يسوي شي.
عباله أخليله الچرباية وحدة ينام بيها مرتاح
و أني
أنام بالگاع و ظهري يتكسر لا الف لا عناد بي أخذ نص منها
وأنام، هوَ أبداً ما علق على الموضوع و لا گال شعجب
تنامين يمي باجر گعدة غرام مال العشيرة ويا أهلها يارب يوگف
وياها لأن أنظلمت هالبنيه نمت و بداخلي ألف حسرة من الدنيا.
ثاني يوم العصر طلعوا الولد و الناس إلى وياهم و كلها.
أعصابها نار منتظرين غرام خوف بقلق بتوتر شوية وتوگع بطولها من خوفها.
غرام: غياهب راح أموت مو خوفي
غياهب: لا تخافين أن شاء الله يرجعون و حالين كلشي
ان شاء الله.
شنو رأيج نگوم تصلي و نقرأ دعاء أعرفه لقضاء الحاجة.
صدگ والله
أي.
گامت بسرعة و بهذا اليوم تحسها لو تگلها أختمي القرآن
بيوم واحد تگلك أختمه بس كون كلشي ينحل توضينا
و صلينا رگعتين، كملنا الصلاة وسجدت تبچي و تدعي ربها.
يخلصها من كل هذا العذاب رفعت راسها بلهفة.
وينه الدعاء
شوية طويل
عادي نقراه شعندنا ما ورانا شي.
اوگفي كاتبته بورقة خلي أجيبها و أجيبج
رحت طلعت الورقة من بين أغراضي ضامتها هل الدعاء
فعلاً مجرب لقضاء الحاجات و المستعصيات الفاطمة الزهراء عليها السلام
بدينا نقرأ بي من الراحة إلى تحسها تتمنى ما يخلص.
يا الله يا أعز مذكور وأقدمه قدما في العزة والجبروت يا الله رحيم كل مسترحم ومفزع كل ملهوف يا الله يا راحم كل حزين يشكو بثه وحزنه إليه يا الله يا خير من طلب المعروف منه واسرعه في العطاء يا الله يا من تخاف الملائكة المتوقدة بالنور أسألك بالأسماء التي تدعو بها حملة عرشك ومن حول عرشك يسبحون بها شفقة من خوف عذابك وبالأسماء التي يدعوك بها جبرئيل وميكائيل وإسرافيل إلا أجبتني وكشفت يا إلهي كربتي وسترت ذنوبي يا من يأمر بالصيحة في خلقه فإذا هم بالساهرة أسألك بذلك الاسم الذي تحيي العظام به وهي رميم أن تحيي قلبي وتشرح صدري وتصلح شأني يا من خص نفسه بالبقاء وخلق لبريته الموت والحياة يا من فعله قول وقوله أمر وأمره ماض على ما يشاء أسألك بالاسم الذي دعاك به خليلك حين القي في النار فاستجبت له وقلت يا نار كوني برداً وسلاما على إبراهيم وبالاسم الذي دعاك به موسى من جانب الطور الايمن فاستجبت له دعاءه وبالاسم الذي كشفت به عن أيوب الضر وتبت به على داود وسخرت به لسليمان الريح تجري بأمره والشياطين وعلمته منطق الطير وبالاسم الذي وهبت به لزكريا يحيى وخلقت عيسى من روح القدس من غير أب وبالاسم الذي خلقت به العرش والكرسي وبالاسم الذي خلقت به الروحانيين وبالاسم الذي خلقت به الجن والأنس وبالاسم الذي خلقت به جميع الخلق وجميع ما أردت من شيئ وبالاسم الذي قدرت به على كل شيئ أسألك بهذه بهذه الأسماء لما أعطيتني سؤلي وقضيت بها حوائجي يا ارحم الراحمين .
كملت صلاة و أسمع مليكة تصيح على جهال أنسام
طلعت شفتها تحچي عليهم و هم ما مهتمين.
مليكة: من لعنت الله على والديكم ولكم اگعدووووا.
خذيتهم من أيدهم لا تگوم تنعنهم هم صدگ وگحين بس يبقون أطفال.
غياهب: بيبي مريضة أگعدوا عاقلين خطية ما يصير
نسوي وگاحة إذا بقيتوا گاعدين عاقلين أممم بس يجي عمر أخلي يجيبلكم حلويات
متفقين؟
ضحكوا بفرح.
أيييي متفقين.
ضحكت على برائتهم و رجعت الغرام أشوفها چانت مكملة.
غياهب: شلون صرتي.
غرام: الدعاء راحة نفسية أتمنى رب العالمين و فاطمة الزهراء ما يقصرون.
أن شاء الله.
ألتفتت عيوني للباب من سمعنا أصوات الولد راجعين لزمت أيدها.
قوي نفسج مهما صار أتقبلي.
هزت براسها و طلعنا دخلوا الولد يسولفون كلنا واگفين بقوا يباوعولنا.
كُميل: شنو شبيجن واگفات حرس
أنسام: خالي يا حرس دحچيلنا شصار مو گلوبنا صارت بأيدينا
عليج الزهرة
والزهرة.
ضرب أرسلان كتف خاله من شاف وضع غرام.
أرسلان: احچي شوف مرتك شصار بيها.
راح الخال الغرام إلى وضعها كله متخربط.
كُميل: الحمدلله أنحل كلشي و أبن أمه و أبوه إلى يتگربلج بعد من اليوم أنتِ حُرة.
رجع باوع الأرسلان يكمل بكلامه مبتسم.
لو ما أرسلان يمكن الوضع أتعقد بس حلها اليوم بيوم
ما هجموا علينا من رجعنا من المستشفى طلع أرسلان
ثاني يوم ماخذ كاميرات الشارع مصورة كلشي
و اليوم بالگعدة نكروا كلشي نكروا هم متعرضين
النا و أنشدت راية العباس أبو فاضل بينا لا هم يتقربون.
النا و لا أحنا ؤ و أنكتب تعهد بينا و گدام كل السادة و الشيوخ، و هسه أرجعي عيشي حياتج.
ضحكت غرام بفرح و دموع غطت وجها تبچي من گلبها
بس إلى خرب هالفرحة كلام أرسلان بخبر ثاني.
أرسلان: مرت خالي بس أكو شي لازم تعرفينه.
نزلت أيديها من وجهة إلى نقلب القطعة حمرة جاوبته بصوت مبحوح.
غرام: ش. شنو؟
خزرة كُميل ما قابل عليه لأن حچى.
كُميل: مو وگتها هسه.
عمر: لا خالي وگتها خلي تعرف هسه أحسن مما تعرف بعدين و تتأذه.
و رجعت العلوية أنكسرت.
أرسلان: أعذريني على كلامي إلى راح احچي مو سهل بس مجبورين ننطيج علم بي.
تحسه حاير شلون يحچيلها و حچالها الشي إلى دمرها.
أهلج گدام العشيرتين أتبروا منج و گالوا بعد أي صلة ما تربطهم بيج.
أتشخصت عيونها على كلامه و صدمتها أعتلت ملامحها أردفت بضياع.
غرام: أتبروا مني؟
يعني لو أيشوفونج جنازة گدامهم ما يدخلون بيج
و هذا كلام أبوج إلى حچاه گدام الناس كلها.
رجعت لوره لزمها كُميل من قوة الكلام إلى سمعته غمضت
عيونها طابكه حواجبها و بهتت ملامحها رجعت
فتحتهن محررة سيل الدموع من جديد.
يعني هايهية أنتهت؟ بعد اني مو بنتهم.
وگعت بالگاع لازمها زوجها نزل عمر المستواها دگ صدره بكل ثقة.
عمر: ما يستاهلونج مرت خالي على إلى شفناه اليوم
لا تشيلين هم أحنا أهلج، عندج خالي يصيرلج كلشي
و أنا و أرسلان أخوانج و إلى يتقرب الج لو بس
يحاول ينكسر ظهره أمشي و أنتِ رافعة راسج.
گطعت گلوبنا من بچت بصوت عالي منهارة.
غرام: اني أدري ماكو أمل الرجعتي وياهم
و لا راح
يتقبلوني بيوم ب. بس هم زادوا من كسرتي ضمت
وجهه بين أيديها. أخخ ياروحي شگد تلوعتي لچموا گلبي.
بلعومي صار يحرگني من كلامها و كسرتها مليكة
و أنسام گابلنها و يبجن على حالها حاضنها كُميل
و هيَّ لا زالت بقمة أنهيارها طلعوا الولد
و عفناها
بهذا اليوم تنهار براحتها. تطلع شكو بگلبها خصوصاً.
عتابها الأمها. جميلة الشكل لكنها تعيسة الحظ .
مرت الأيام جيلان رجعوا أهلها و راحت وياهم بس غرام
وضعها تعبان و على المغذيات عايشة حتى أرسلان
دخل الها و حچى وياها و ماكو فائدة گطعت الأكل
و الشرب و من هذا الموقف عرفت الخال شگد حابها و شلون خوفه فاضحه.
كالعادة أطلع كل يوم بالليل للحديقة أسرح بأفكاري.
باثناء مدا أمشي أسمع صوت أحد يبچي؟ أي هذا صوت شخص يبچي بس منو؟ أتقربت أشوف على مصدر الصوت وگفت بمكاني وره الشجرة الموجودة بقيت صافنة هذا الخال و أرسلان بصفه گاعد وحال خاله بالضيم يحچي مكسور.
أرسلان: خالي البنيه إلى تعرضت اله مو سهل
كُميل: أدري هواية حاولت أساعدها تطلع من كل إلى مرت بي بس ما چاااانت أتساعدني على هذا الشي و شوف وضعهااا هسه.
انا مو گتلك أفتح موضوع الدكتور النفسي وياها.
مسح وجهه يمسح بعيونه الضوء ضارب عليه.
گلتلها أرسلان و گالتلي أفكر و بعد ما فتحت الموضوع ما ردت أضغط عليها.
أنطوها وقت تتعايش ويا الوضع هم أخوها معتدي عليها و هم أهلها تبروا منها يا خالي صعب تتخطى عوفها تتعايش ويا حزنها.
ولك أرسلان ما تاكل و لا تشرب گطعت كلشي راح تموت.
بدأت سوالف أرسلان الملعبة هنا.
والله خالي تدري شي
شنو
متفاجئ بيك تبچي على بنيه جيلان بكبرها ما بچيت عليها أخخخ أخخخ.
ضربه على راسه و أرسلان يضحك.
تستاهل هاي علويتي
أييييييييي عمي علوووويتي مطورررين
يوم إلى أشوف دموعك على بنت سلطان
تخسى هيَّ و أبوها
و الزهرة إذا ما خلتك تبچي دم أطلع معتب.
وگف أرسلان ينكث بملابسه من الگاع و لاحظته
هل الفترة يدخن بكثرة شوگت ما أشوفه الجكارة بين أصابعه.
مو أنا إلى يبچي على بنيه مخلي هالسوالف الك خالي
الوگت كفيل بكلشي و أذكرك.
ليش جاي تحچي هيج و متأكد.
وگف كُميل طول بطول وياه ربت على كتفه.
الي أخذتها مو هينه و العذاب إلى راح أتشوفه
منك راح ترجعه الك أضعاف أرسلان أنتبه.
عفتهم يحجون و رجعت اچذب إذا اگول ما أفكر شنو
نهايتي ويا هذا الشخص و لا اگدر أعرف شنو إلى أباله
و شنو ضاملي بالمستقبل هاي مرت فترة و هوَ هادئ
ويا خوفي من هيج هدوء أكيد أباله شي.
باوعت للمرطبات إلى گدامي مال عرسي حنين
أشترتهن بس أستخدمتهن يمكن بس كم مرة سحبت واحد
رطبت أيديَّ و ضايعة بأفكاري دزتلي حنين رسالة كاتبتلي.
حنين: شدتسوين
غياهب: أحط مرطب من ذني إلى أشتريتيهن إلى بالعرس
أي عفية فلوس الرجال لا تخليها تروح هيج
ترا والله خبصتينا بفلوسه.
ضحكت و دزتلي.
ولي أنام باجر أول يوم الدوامي
صدگ
أي والله خاف ما حاسة للوقت إلى مر و شگد صار من تخرجنا.
ما جاوبتها تركت الجهاز يعني صارلنا شگد حياتنا عبالك
مسلسل ما متفهمة شي منها و ننتظر الحلقة الاخيرة أنفتح
الباب و طل علينا صخمان درت وجهي أنام أباوعله.
من المراية أخذ منشفه و ملابس اله طلع يسبح نمت للصبح
حسيت أحد يحچي ويايَّ فتحت عيوني وجه قريب مني أردفت بنعاس.
غياهب: شتريد أرسلان.
أرسلان: درغام بالمستشفى.
طفرت من مكاني.
شنووووو مستشفى ليشششش شبيه
زائدة.
بدون وعي ركضت للكنتور أطلع ملابس أبدل علمود أروح المستشفى صاح بيَّ.
يا حية روحي غسلي و صحصحي أكو واحد يبدل هيج.
صارت عندي لحظة أدراك أي ولله شبيج غياهب
ردت أطلع هم عاط نرفزني بصوته المزعج.
ويننننن موووولية هيج.
باوعت النفسي تراك لابسة و ردنه طويلة هم رفعت راسي اله متنرفزة.
انتَ شبيكككك تصيححح من الصبح و حاااط خشمك بگصتك.
شال الروب الطويل شمرة بوجهي.
ألبسي لا تطلعين هيج لازم نسيتييي خاالي
و أخوي هناااا.
شوووف لأن مستعجلة راح أسكتلك.
سحبته لبسته و طلعت غسلت شفت غرام بالمطبخ
فرحت من گلبي بعد ما مرت أيام و هيَّ عازلة نفسها
و حابستها ركضت عليها حضنتها.
غياهب: لِچ عيني علوية والله أشتاقينا لهذا الوجه.
وجهه تعبان و عيونها التعب مترسخ بيهن أبتسمت بوجهي.
غرام: شفت ماكو فائدة من وضعي.
خليج قوية و أرجعي عيشي حياتج طُز بكلشي.
ان شاء الله
يله اني اسوي ريوگ انتِ تعبانة بعدج
لا عوفيني أتحرك جسمي مكسر من النوم إلى نمته
براحتج حبيبتي اني و أرسلان لا تحسبين حسابنا لأن طالعين.
تمام.
رفعت حاجبي مبتسمة.
شعجب ما سئلتي وين
شي خاص بينكم ليش اسئل.
فدوة للي يفهم. راح نروح للمستشفى أبن خالي مريض زائدة
مابيه غير العافية أن شاء الله.
امين.
رجعت وهذا واگف يرتب بنفسه و يحط عطر وگفت و أيدي على خصري.
غياهب: شوگت يخلص السلطان
يااا سلطان أبوج
أطلععع أريد أبدل
عادي بدلي گدامي زوجج انا
عمت عيني أي ولله اني أبدل گدامك
أي والله عمت عيني لأن عايفة واحد مثلي.
تباً للثقة
لا تتأخرين
خوش بس أطلع يرحم والديك.
طلع قفلت الباب هذا مو أمان والله لا يدخل عليَّ بدلت و مشطت شعري.
اخذت مفاتيح سيارتي طلعت شفته گاعد نزلت عيونه على أيدي.
أرسلان: راح أتسوقين
غياهب: أي
لا نروح بسيارتي
لا بيبي اني أروح بسيارتي وانتَ روح بسيارتك
بكيفج.
طلعنا أثنينا كلمن بسيارته أنطاني اسم المستشفى
إلي بيها درغام أزدحامات بغداد إلى ما تخلص وصلنا بس
شو هذا اتأخر ردت أدخل شفته صف بسيارته وگفت أنتظره ندخل سوا.
واگفة هنا شو غياهب
أنتظرك
يحيلي.
قلبت عيوني و دخلت المستشفى بدون ما أحاچي.
سئلنا عن درغام گالوا بالعمليات طلعت حنين بوجهها
لابسة ملابس الدوام هاي شتسوي هنا؟
غياهب: شتسوين هنا
حنين: شنو شسوي غير أداوم هنا
ما عبالي هنا
و حظي الفكر جابوا درغام هنا هم
طلع من العملية
لا بعده ما باقي شي تعاي.
حضنتني من أيدي سلمت على أرسلان و رحنا لمكان بي
أهلنا شفنا خالتي جوهرة و أبوية و خالي جابر سلمنا عليهم
خالتي إذا شي يخص درغام حتى لو بسيط بعد هايهية تنتهي.
همستلي حنين.
حنين: اگلج بطني من هسه خبطت.
غياهب: ليش.
لِچ هسه من يطلعوه من العمليات هوَ تحت تأثير التخدير راح يضل يحچي بدون وعي ما حاس على نفسه.
يا حبيبي ربحنا راح يخرط الاول و التالي
أيي وعلي.
طلعوا من العمليات و مثل ما گالت حنين حتى إلى مايضحك ضحك غصباً عليه.
درغام: وللللججج حنينننن ترريديننن تتزوجينن.
لطمت حنين بصمت.
حنين: صخاام بعيني سدوا حلگه راح يفضح كلشي.
رجع صاح بصوت أعلى.
أنعللل أمج على أبووووج بسسس تأخذين غيررريي.
اختي هم طگه ونص صاحت بي ظ
حنين: دنجب لك لااااا تغلط على أبووووية.
گرصتها تسكت و هيَّ منفعلة.
غياهب: مووو بوعية شبيج.
الكل كاتم ضحكته دنك عليه أرسلان عود يتحمدله على السلامه.
أرسلان: الحمدلله على السلامة
درغام: أه الاعرج
أي الاعرج
تذكر من حضرتك ميلاد بالغرفة.
قوس شفايفه أرسلان مانع أبتسامته تظهر تحمحم و هوَ يگله.
چا غير شغل و مهمة مجبورين.
غياهب: و أنتم شنوو شغلكم النسوان تحصرر بيكم؟
باوعلي مقلص عيونه خزرته و رجع صاح درغام و أكثر كلامه عن حنين.
ووولللچ حنينننن.
ردت عليه و روحها طالعة مبين ضاجت لأن سب أبوية.
حنين: هاااا درغام فضحتنااا من الله يفضحك.
تذكرين من چنتي بالخامس و بستج بخدج.
فتحت عيونها و وجها تعابيرة صارت ما ينحسد عليها گام ينطي الوان درت وجهي مختنگة بالضحك يمه التخدير فضيحة.
لاااا ما أتذكررر لا تجذب شوگت بستني.
أتقدم أبوية اله گعد بصفه.
سلطان: أي عمو سولفلي شنو بعد شمسوي ما أمسوي ويا بنتي.
درغام: شبعتهااااا أتمطك
أهااا و بعد عمو أحچيلي احچيلي
چنت من ما عندي فلوس أبوك منك و من أبوي فلوس و أروح أشتريلها
أي و نوب
بس هاي بنتك تتگلب عليَّ أم حلگ إلى يلزگ لأن شافتني گاتل روحي عليها
چا عوفها
مااا أعوووفها وانتَ مكيف تريد تنطيها الغيري. أشگك و أشگ إلى تنطي الهااا.
حط خالي أيده على حلگه لأن مابقى شي ما حچاه.
و بدأ بالعبار الثقيل يغلط و يسب خصوصاً على مجاهد
و أرسلان مزقهم تمزق طلعنا و حنين وجها ما يگصه السيف اخذتها بجهه احاچيها.
غياهب: كبري عقلج مو بوعيه
حنين: اني أعلمه لِچ هاي صارله فترة بس يسب أبوية إذا ما شگيته شگ.
راح أروح أني و مثل ما وصيتج.
تمام.
باوعتلها من فوگ لجوا لابسة الملابس الخاصة بعملها أبتسمت.
اليوم أنتِ بنص حلمج حنينه
ما تتخيلين فرحتي غياهب بس درغام خربها.
ميخالف گنالج مو بوعيه تدرين بي هوَ ما يحچي هيج.
ودعتها طلعت شفت سيارته ماكو هذا طالع قبلي
صعدت بسيارتي بس ما أتوجهت للبيت أتوجهت للمكان
إلي صارلي اسبوعين أفكر بي بس ما أدري إذا راح يوافق أو لا الوحيدة إلى تگدر تساعدني.
وصلت المكانها دخلت الها دكتورة صديقتي مختصة
و معالجة نفسية ما گدرت أشرحلها عن حالة ناس فضلت
نلتقي شرحتلها عن وضع ناز و شنو الأسباب.
نورس: هيج حالة راح يكون صعب علاجها غياهب و المريض ممكن يتأذه.
غياهب: نورس لازم نعالجها ما أحسها فعلاً فاقدة عقلها
حاولي تجيبينها لعد هنا و نگدر نحدد الحالة.
أحاول.
رجعت للبيت أفكر شلون أقنعه أخته لازم تتعالج
بس شلون و هوَ حتى ما يخليني أدخل إلها أول ما دخلت
گاعد يهز برجله باوعت ال غرام أشرتلي بمعنى لا تحچين شي
شكو شصايرر. بدون أي كلام سحبني من أيدي
للغرفة دفعني ألطشت بالكنتور درت وجهي اله.
غياهب: شهللللل الهمجييةةةة ياااا همجييي
أرسلان: وينننننن چنتيييي؟
يعني هسه كل هذا لأن وين جنت
جاووووبي على سؤالي
و إذا ما جاوبت شتسوي؟ هم ترفع أيدك عليَّ و تشلع أظفري حدد بالضبط شتسوي؟
لااااا تفقدينييي عقليييي
ليش أنتَ منيلك العقل.؟
ليششششش تجبرينيييي أمددد أيدي.
رجع سحبني مقيدني بأيديه عيونه تنگط شر و غصب مقابلتني.
لاااا تخليني أسوي شي بحياتي ما أمفكر أسوي غياااهب.
فهمت قصده شنو بالضبط.
معناها أنتَ إذا تگول عندي رجولة حالياً ف بالوقت
إلي راح أتسوي إلى أبالك أتهين رجولتك بفعلتك هااي.
أبتعد عني غمضت عيوني من ما بقى شي ما كسره.
لا بقت مراية لا تحفيات لا مزهريات كسر شكو شي بالغرفة
حتى العطور مثل المخبل أيديه كلها أتجرحت ماكو أحد
بالبيت بس غرام و مليكة صارن يدگن بالباب بس ما فتحه گعد يلهث جبينه متعرق.
غياهب: كملت؟
رد بتعب فحطان.
وين چنتي طلعت گدامج و وصلت گدامج وأنتِ ماكو
رحت الدكتورة صديقتي.
دكتورة؟ شتسوين
علمود ناز.
نظرلي بأستغراب.
ناز؟
أيي
وگف و أيديه ينزفن دم أتقرب إلى و نظراته تخوف.
شنو ربطها ب ناز
هسه احچيلك بس خلي نداوي أيديك
عوفي أيديَّ و أحچي.
أول مرة أمد أيدي و ألزمه نزلت عيونه على حركتي.
نداوي أيديك و نحچي.
هز براسه و ملامحه هدأت طلعت من الغرفة إلى صارت خرايط صارت بوجهي مليكة و غرام وجوهن صفر.
مليكة: شسوووالج هذا المسرربت الطااايح الحظ.
غياهب: ماا سوالي شي بس أذه نفسه أحتاج علبة أسعافات أولية.
راحت العلوية جابتها و رجعت گاعد نفس گعدتهه
حطيتها بصفه و أيديَّ يرجفن من إلى صار زفرت نفس
بعمق أهدأ بنفسي گعدنا على الچرباية لأن الگاع عبارة
عن كزاز لزمت أيده أنرسمت أبتسامة جانبية على ثغره.
شكو دتبتسم صدگ مسودن أنتَ
ليش ملمس ايدج ناعم هيج.
ما أدري
ليش جاي تسوين كل هذا؟
طلعت المعقم و الشاش احچي وياه بدون ما أباوعله.
شمسوية
تعالجين بجروحي.
يگولون الرفق بالحيوان نحصل بي حسنات.
گرصني برجلي السافل.
اللسان البيكيسي.
اتأدب و خلينا نشتغل على الأقل أحسن منك ما تركتك
بدمك أنتَ عفتني بدمي و طلعت تذكر أكيد ذيج الليلة ما انسى طبعاً.
ما أنطى جواب الكلامي بقى هادئ و أني أعالج بجروحه
كملت رجعت كلشي للعلبة ردت أگوم سحبني من خصري وگعت بحضنه
سالمينننن شكوووو.
ديربالج تصييرين حنونه غياهب ديرربالج أحذرج من هذا الشي.
غمزتله بتلاعب.
ليش تخاف تحبني.
ما عندي عقل و أحل وحدة مثلج أهلها گتالين أهلي.
أريد أفهم أنتَ من تزوجتني و تتصرف بهمجية وين تريد توصل و حتى أهلي ما عندهم علم بشي.
غير الموضوع و سئل.
ما گتيلي شنو موضوع الدكتورة.
دفعته و گفت لعبانة نفسي أكره يصير تلامس بينا
لازم ناخذ ناز الها أتشوف وضعها
ما يحتاج
ليش
خذيتها لأشطر الدكاترة ما فاد حالتها چانت بكل مرة تسوء
خلينا نجرب اني أعرفها الدكتورة من الدكاترة
شاطرين هنا ببغداد هواية حالات صعبة عالجت.
گلت لا
أهوووو شبيك أنتَ كلشي عندك لااا و لاااا.
رفع عيونه خزرني ما أهتميت.
أطلعي براااا
لاااا بله
غياااهب
لو هسه حنجررتك تنشگ مااا أطلع.
بوووووية الصلافة
هسه شگلت
لااااا تلحين.
لا تاخذها أنتَ اني أخذها و تصير من مسؤؤليتي
شبيه هه ما عندي عقل أسلم أختي الج.
عفواً أرسلان ليش اني شنو راح أسويلهاا؟
ماااا أسلم أختي لأي شخص الع صلة بسالم و عياااش.
علاج هذا أبني علاج
ناز مؤذية ما راح يفيدها العلاج
نجرب.
يابه لااااا تلحينننن.
سكتت بعد ما ناقشته بالموضوع لأن قافل الثاني يوم
ألتحق الدوامه بس ما چنت متوقعة من راح يرجع يكون
محضرلي كوارث مو كارثة وحدة و هذا هدوئه كان ما قبل العاصفة.