رواية مرواد الظلمة الجزء الثاني للكاتبة هيلانا الفصل العاشر
الجو بالغرفة هادي والمكان كله هنا هدوء. أسمع بس صوت سوالفهم برا وأعتقد عدهم نيّة يبقون هنا لأن شعلوا نار وملتمّين عليها سوالف وضحك وخدروا جاي.
جنت كاعدة يم البوفية وأقرا. فتحت أول صفحة، مجرد كلمات و أدعية بس غريبة وأكو صفحات آيات
ومكتوب بخط مايل والخط تحسه مرعبل عبالك واحد إيده ترجف من كاتب هذا الكتاب همهمت
: - شنو هاي.
كلّبت الصفحة إلى بعدها جانت مشكوكة بي أكثر من صفحة مشكوكات وأكو باقيات على النص والورق يابس هذا وين جان مشمور وليش هلكد تالف
لكيت بي أدعية رد المطلقة عقد لسان أكو إخضاع الزوج والتفريق بين الزوج والزوجة وبين العائلة
الوحدة يعني حرفيًا كلشي جان بي أدعية من هالنوع شنو هالأدعية الغريبة إلى تخرب علاقات الناس والله شي فضيع
فتحت صفحة بعدها بيها كلمات بس مو عربية بس الأحرف عربية. حاولت أجمعهن وأتهجّاهن واني.
كاعدة أتهجى حسيت بكفخة هوا بوجهي رفعت راسي ماكو أحد
دنكت بعدني ما فاكة حلگي وحسّيت بشي يسحلني من شعري
سحلني بشكل قوي بحيث جرّني من البوفية وشمرني على الحايط.
طحت يم الطفل همزين ما صرت فوكة جنت مخليته على بطانية
بعدني ما مَفتهمة شديصير وياي وحسّيت بشي دفعني وكعت على ظهري وثكل فوگي صار قيدني.
كمت ما أكدر أحرك نفسي أحس إيديه مثبّتة أباوع كدامي بس هواء ماكو شي ملموس تحس بي كش ماكو أريد أحجي أريد أنطق أريد أصيح
: -أجياد ساعدني
بس انخرست حسيت بضيق بصدري وألم صار ببَطني وشي غريب ديضغط على جسمي لحد ما وصل لمناطق جسمي بلمسات مغزّزة
وأكثر الضغط جان على ركبتي بقوة
يطيني مجال أتنفّس ويرجع يضغط بقوة
عبالك يتلاعب بيه يخليني أجر نفس ويرجع يگطعه.
ختنكت كوة وابلعم بريجي.
استمرت هاي النوبة دقايق لحد ما آخر شي انضربت بنص وجهي وعلى أثر الضربة فقدت.
ما وعيت غير بالمستشفى جنت نايمة ومن وعيت لكيت يمي بس الدكتور واكف حجة وياي
: - الحمدلله على السلامة
: -الله يسلمك دكتور
: -المرافق خليته برا ومنعت أحد يدخل عليچ أريدچ تحچيلِي متعرّضة لاعتداء حضرتچ
ردد كمل: -تشتكين أحجي بابا
ضليت صافنة بوجه
: -على منو أشتكي
: -جابچ شاب هنا والظاهر اله إيد بالهجوم إلى متعرّضة إلَه
: - ليش أني شبيه.
: -أنسة زينب فاهم وضعچ واضح خايفة بس هسه إحنا وحدنه تكدرين تشتكين.
: -دكتور ما جاي أفهم عليك على منو أشتكي
: - إنتِ ضاربينچ وحتى إيدچ مكسورة كليلي منو مسوي بيج هيج
من كال إيدچ التفت على إيدي جانت ملفوفة وليش ما حسيت بيها وجنت شايفة بيها خراميش
: - ما أدري دكتور بس محد ضاربني وحتى ما شفت أحد فجأة هيچ صار وياي ولكيت نفسي هنا
: -يعني الرجال البرا مالة إيد
: -لااا هو أصلًا شسمه أخوية.
: - ها أخوج العفو لعد الحمدلله على السلامة وإذا ببالچ تشتكين كليلي وبسرية تامة
هزيت راسي وهو مشى.
وراها دخل أجياد وسألني
: -اشبيچ
سولفت له السالفة بس هو هم جان مستغرب وقلق لاحظت شكد جان قلقان عليّه والمصيبة جايب الطفل وياه.
أخذتلي يوم كامل وطلعنا بس إلى جان يصير بهاي الفترة كوابيس متنوعة وغريبة
كل يوم أشوف شي شكل بس الأغرب كله يتركّز على شي واحد
شخص غريب ما أكدر أشوف ملامحه
يركض وراي مرة يخنكني.
أحسه حاقد عليّه ويريد يكتلني
ومن أنهار وأكوم أبچي
أحسه يضوج عليّه ويصير عطوف ويعوفني
مرة كمت أبچي وتخبلت كلش وأجياد ما جان
موجود ومن الخوف عفت الطفل بالغرفة وحده وشردت برا يم الطعوس كعدت
والغروب كلش وحدي وعلى أبچي شكد خطيّة أني من حلات روحي هجيت من الغرفة وطلعت
جنت وحدي وحسيت بشخص شبگني
لهسه أتذكر الشبكة مالته حسّيت بي إيدي شابكتني
الحضن جان دافي وحنين بس هاللحظات محدودة بدقايق ينكلب عليه ويخنكني.
هالحالة تعبتني واني ما أسولف لأجياد أحس ما يكدر يسويلي شي
هو حسباله ماثر عليّه موت محمد أو انصدمت من الأحداث إلى صارت بس هو ما يدري شنو كاعد يصير بيا وكالي
: - آخذچ للسيد يقرا عليچ بلكي ترتاحين
واني شبه اقتنعت بكلامه كلت
معقولة هالهلوسة والكوابيس من إلى صار
خاف هاي روح محمد تركض وراي لأن كتلتَه بس أني والله ما جان قصدي
جنت خايفة وما قاصدتَه أني مو مجرمة
لو خاف رب العالمين كاعد يعاقبني.
وراها بكم أسبوع صرت زينة وبذني الاسابيع ما صار وياي اي شي جان هدوء
طلعت الخبز إلى جابة أجياد جان خبز أشعير وبارد كوة ينوكل جنه أحجار حشة نعمة الله لو طاحنة
وجايبة وأني أعجنه وأخبزة أحسن على أقل حار ينوكل
طلعت برا أخذت حليب من المطية فورتة للطفل
وبالمناسبة أحنا لحد هسه ما مسمي اي أسم
خطية شگد مظلوم هالطفل هم أبو أستشهد وهم أمة متعرف شنو وضعها وأخوالة أثنين ماتوا
وعمة عندة عداوة ويه أخوالة شنو هل مصايب.
معقولة يوعى. على هيج حياة غريبة ومتعبة
فورتة وخليتة بستكان وشربتة جنت مخليتة بحضني وأرضع بي بس هو ضعفان
وشكلة مو هالكد تعلعل كلش، أنتظرتة لحد كام يدفعه ويوخر راسة حسيته شبع
نومتة على البطانية وطلعت برا تمشيت للكبور
الي دفنة بيها الجثتين
كعدت يمهم قريت سورة الفاتحة الهم وأستغفرت دعيت رب العالمين يغفرلي ذنبي ويتغمدهم برحمتة.
وهم يغفر ذنب هذا أجياد هم ولو أتوقع اني هو ما متاثر بالموضوع دحسه مو اول مره يكتل بشر
ولا كنما أكو شي أنوب تصرفاتة مو واضحة وما تعرفة شيريد وساعة كلامة جدا اكابري وتحسه مختلف وساعة لا لهجته مثل الناس إلى هنا
رجعت للغرفة كعدت ادور بيه ماكو شي محدد بس هيج أفتش اريد اشوف شكو ماكو
بس كل ما ادور الكة كتب واي كتاب الگا كدامي أشمرة ما أقرا صارت بيه خوفة، واوراق أهواي مو اوراق عادية لا رسال.
بس شنو من رسال كله
: -اليوم نتغدة باجة بالمكان الفلاني
: باجر نشرب جاي جيب الشباب وتعال المكان الفلاني
اكو رسالة مكتوب بيها: -جماعتك متعشين باجة بس ما ضاميلك
وحدة ثانية هم: -اكلت عين الباجة وعفت لسان الك ادري بيك تحبه
ذولة شنو مشكلتهم ويه الباجة معقولة لهل درجة يحبونها انوب كله برسال باجة
بعدني دكلب بالاوراق والباب أنفتح
التفتت...
أجياد واكف مثل عمود ما يتحرك إيدي بخاصرته نظرته ثگيلة كال بشك.
: - شني كاعد تسوين
بلعت ريگي وحجيت
: -لا جنت أفتش يعني مو أفتش أفتش بس أشوف أتونس أضيّع وقت
أبتسمتلة لان شفت وجه محتد يمكن أقتحمت خصوصيته ودشوف أشياء خاصة بي
مشّى كم خطوة وسحب الاورق من ايدي بسرعة بدون ما يباوع ابد
: هذوله مو إلج.
: - ليش شبيهم
: مو شغلچ
: -هااا بس ترا هن رسائل باجة يعني مو أسرار دولة
وهيج أنفعلت
وكف التفت عليه بنص ابتسامة مثل إلى مستهزاء
: و أنتِ شمدريچ شنو الباجة عندنه؟
: - باجة يعني باجة يعني لحم او مو لحم هي منيلها لحم بس عظام المهم باجة ناكلها لعد شنو شتريد تصير بعد
قرب مني منحني انوب هو جنه عمود طويل اني اكصر منه أني مو قاصرة طولي حلو بس هو جنه عمود مايل وسحب الرسائل وجمّعهن بيده
: هاذا كود
كتلة بتاكيد: -كوا يعني مو خوش
: -لج بابة كود
: -شنو يعني كود أني سامعة بس كوامن اول ما أجيت هنا وهل كلمة تتطايرة مثل تسبيحات هنا
: كود مثل ما نكول رمز شي سري حسب فهمج.
: -ها وصلت يعني الكود شي سري
: إي كود مصطلحات بينه وبين الجماعة
: - يعني أنتو كلكم تتغدّون باجة
: لا
قرب راسة وكمل
: موش دوم باجة مرات يطلب نتغدة حلوات
رمشت أستوعب كلامة كتلة بستفهام
: -شنو يعني تاكلون بنات هم نسوان وهالسوالف
حك لحيتة مبتسم وهز راسة فكيت عيوني
: -العباس عليك أني أختك وعلى خوما عندك نية تاكلني
رمش ببطء وحجة
: حلوة و أنتِ هيج فطيرة
: -زين ليش ما دكلي شنو يعني باجة.
عقج وجهه يريد يضحك اني متاكدة هو ديضحك عليه بداخلة بس مايريد يبين
يلا مو مهم المهم اعرف شنو هاي سالفة الباجة
كال
: هاي مو شغلتچ وبعد لا دورين بشي مو إلج.
: - زين يعني هاي رسال سرية
: مشفرة
: -معناه انت ما قصدك اكل
: صح
: -اي كمل
: شكمل حلتلج السوالف
: -لا كملي عن باجتكم بمانوا دكول رمز
رمز لشنو
: رمز حتى الأذن اللي تسمعنة تتوقع نحچي عن مطعم مو عن شغل ثاني.
: -يعني هاي الرسائل كلها حجي مشفّر
هز راسه اي.
: - زين چنت أقرا وحدة بيها اكلت عين الباجة وعفت شنو يعني
قرب مني كسر المسافة حط إصبعه على الورقة وكالها ببرود
: يعني سوّينا شغلة جبيرة وخلّينا الجزء الصعب إلك
: -هااااا زين ليش ما تكولون مثلاً العملية نجحت ليش الباجة
: لأن الأمن بكل مكان الطير الطاير يطيح بيدهم
وقبل لا أجاوبه لوّح بإيده بملل.
: - بسس لا أدورين على شي بعد أي ورقة تلزمينها وتقرينها غلط تسوين مصيبة وتعرفين أسوالفج ما تخصج وتوبي مو اخر مرة تمرضتي
: -وليش خايف أعرف شي مثلا خطير
: خايف عليج مو علية براشدي واحد أتزوعين كلشي تعرفينه تبقين مغمضة هيج أحسلج حتى اذا لا سامح الله وصار شي ما متوقعة ما تتأذين لان بالاساس ما تعرفين شي اما في حال وشموا ريحة أنتِ تعرفين شي راحن يحطون عليج اسوالف أنتِ ما تدرين شني هي من بلاوي
: -شكلك دارس.
: شلون
: -كلامك مال واحد محنك وفاهم
: جا بس الدارس يعرف يحجي
: -لا مو هيج بس ماادري حسيت دارس فد اختصاص سياسة او شي من هالقبيل
: لا ما دارس شي رجال ريفي افتر ورة حلاللي وزرعي
: -يلا ميخالف يكول ابو المثل أمشي ورة الجذاب لحد الباب
: ملاحظه نفسج هواي تجاوزين على يوم أكفر بيج أنتِ وأمثالج
: -لا ما مجاوزة هذا مثل والامثال تضرب ولا تقاس.
قرب خطوة مو هواي بس خطوة تكفي تشمين ريحته اللي هي خليط تراب وجكاير مدري بيا ترابة متمرغل وجايني
: إي تضرب ولا تقاس بس تدرين شني مرات من واحد يكرر مثل بوجهك يعتبر تجاوز
رفع حاجبه نبرة صوته صارت أهدى بس أخطر
كمل وهو يخلي عيونة بعيوني بدون ما يرمش
: خصوصًا إذا اللي كباله ما متعوّد أحد يحاچي بهالطريقه
: -يعني شنو هسه صرت متجاوزة لأني گلت مثل
: لا مو تجاوز بس أنتِ ما تفهمين أنتِ تحفرين.
ومشكلة اللي يحفر مرات يطلع شي ما يريد يطلعه
همس بجمود
: ومرات يطيح هو بالحفرة.
تنفستِ بعمق حسّيت بنغزة من الخوف
: -أنتِ موجود تساعدني ما أطيح
حبيت أصير لوتية يكولون دوم الرجال حسسي بالمسولية وأنو أنتِ ضعيفة وتشوفي هو ولا غيرة
يطيج روحة هاي طبعا أسوالف بيبي الله يذكرها بالخير مدري عايشة مدري متوفية هسه من زمان أنگطعت أخبارها عني فزيت من كال بتلاعب
: موو سهلة طلعتي
: -ها شلون اكتشفت هالشي
: واضحة.
: -حلو تقرا الناس حضرتك
: -عجبتچ؟
: أسالك سؤال
: - لا تجاوبين سؤالي بسؤال
: سوالك مدري شلونة شنو عجبتج لا ما عجبتني مدري أشلونك جنك عمود مايل
كال: -أستغفرالله موش أكصة
: -شنو هو
: السانج الطويل
: -لان كتلك عمود يلا بعد ما اكلك
ما أهتم للكلامي دييريد يطلع رجعت حجيت التفتت
: -بعدين انت ليش هيج متعصب ترا اني بس بس يعني آني چنت أتونس
: بعد لا تتونسين
: - تمام بعد أكضي وقت يم المطية ما ادنة لاغراضك.
غمض عينه راسه نزل بخفة ما عاجبة كلامي وأنوب خلة وطلع والاوراق أخذهن خلاهن بسيارتة
أباوعلة دحشهن جوة الكشن رفعة وخلاهن جوة
: اكول خوية أجياد
رد عليه بضجر: -بس اناا مو أخوج
: -أخوي بالاسلام
: -احجي شتردين
: -لشوكت نبقى هيج
: -لما الله يفرجها
: -لا صدك يعني شنو راح أبقى يمك هنا
: -تكحلين أعيوني اذا تبقين يمي
من حجاها بقيت أباوعلة وهو هم حس على نفسه شحجة رد يعدل كلامة.
: يبااا اقصد عيني غطا وعين أفراش تضلين هنانة ونشوف شراح نسوي بعد
: -ها تمام خوية
: -مو وجه نعمة لا والله
ضحكت عليه بداخلي بس ما جاوبت وراها
مرّت الأيام وبقت هاي النوبات تجيني
بس مو بشكل دائمي تجي بأوقات متفرّقة بس كمت أميز اليوم إلى ممكن تجيني بيه هيچ نوبة
أختنك من العصر وأبلش أسمع أصوات غريبة بالغرفة وجسمي كله يبرد وأرجف رغم الجو زين.
بس برودة تحتلني لأن صرت أحس بوجوده مرات ما يضربني بس أشوف أحلام وأشوفه بالحلم وما
أميّز ملامحه وأفز مرعوبة
ومن أفز
ألكه جسمي كله كدمات وزرك
وشعري بدى يوكع شوي شوي.
حيل أتمرضت هالفترة
فمرة أجياد كعدني كدامه ويحجي وهو يباوع على إيدي إلى بيها أثر زرك
: -هاذا الزرك بس على إيدچ لو أكو بغير أماكن
جنت فاهمة قصده كتلّه
: -إي بس على إيدي وركبتي ورجلية تقريبا وأكثر شي ركبتي
تنهد واستغفر وحجى باستفهام.
: - احچيلِي أكو شي أني من أعوفچ وحدچ هنانة مرات يصير وياچ شي خاف لا سامح الله طافر عليچ شي المغربية گرطة شي احچيلِي كلشي لا تضمّين عليه شي
: - ما أضم عليك أصلا اعتبرتك أخوية
جر نفس وكال
: -إي شي عمي المهم احچي لا تضمّين عليه يلااا ولا تستحين مني.
: - شوف أكو أشياء يمكن هسه تشوفها تافهة بس هي دوم تتكرر يعني المشط مالتي دوم يروح وحتى الملابس الجبتها إلى هم راحن جنت شارتهن يم الساكية وراحن كلت خاف طارن ويه الهواء لو شي بس الغريب ألكاهن كدامي بالبوفية
فكرت بنفسي وكلت خاف أني جايبتهم وناسية
بس الموضوع تكرر هواي
غير مرات أحس أصوات بالغرفة وهم حتى ابن أخوك مرة لكيته مسحوب من فراشه ومحطوط يم البوفية والمغربية كلش أختنك ويجيني خوف يغزيني.
والدنيا تضيّك بعيني لهذا السبب أكلك لاا تتطلع وقت الغروب ابقه يمّي إذا يمي أحد ما يصير شي بس إذا وحدي
سكت وبعدين كملت وأني أرجف.
: -وأحس أكو أحد يراقبني ويحوم عليه مرات أحسه حنين عليه من أنهار وأكوم أبچي أحس بشي غريب يحضني ومرات لا يضربني ويخنكني يجوز هسه تضحك ودتگول هلوسة بس والله يا أجياد مو هلوسة أحس بس ما أشوف كدامي ماكو شي بس وجوده أحسه وحتى بالأحلام كمّت أشوف رجل بس بدون ملامح وأوقات هواي أحس بالوحشة والخوف بدون سبب
كال بتسأل و عيونه احتدت بشك
: - قريتي الكتاب
: - يا كتاب
: -ززززينب.
: - إذا تقصد كتاب قاهر الأرواح لا هو مو قريت بس فتحت كم صفحة وباوعت بيهن أصلًا ما عرفت أقرا
انفجر بعصبية عليه و كام يفتر ويتأفف ويعصر بجف إيده رجع عليه انحنى بطوله
جنت كاعدة رجعت ليورة حجى بحدّة
: -حچيتي عن كلشي إلا الكتاب ما جبتي طاريه عليش هااا شوف شكيت والله
: -يعني الكتاب شنو علاقتَه أشبيك
: - لج بابه هذا كتاب سحر
بلعت ريگي روحي فزت
كالتله بتكذيب
: -لا فدوة گول غيرها
: -لا ماكو غيرها.
: - يعني شنو هسه أني مسحورة
: -لا ما أتوقع أعراضچ مو أعراض مسحور أكو شي ثاني
من خوفي كمت من مكاني الكاع ما تلمني.
ما أكدر أكعد إيديا كلها ترجف
قبل رغم كلشي صار بس جنت أقنع نفسي إنو هاي هلوسة وخاف سببها موت محمد
بس هسه لأ زعت العافية بالزايد.
روحي فرت
: - شسوي هسه هااا شنو يعني راح أتخبل مو
حسيته حاير يتقرب خطوة ويرجع يبتعد.
فرك وجهه وحك لحيته بفتور.
: -لا اصبري عليه أروح أجيب عمچ أعگاب أزوعه مصارينه وأطيح حظه حتى نلكيلج حل
: -ليش عمي شيعرف بي
رفع حاجبه وكال بحدة
: -عمج الكوا أكبر ساحر وعار
انصدمت گلتله
: -بس الكتاب عندك شتسوي بي انت لعد
: - أنااا أخذته منه علمود شغلة مهمة ردت أفوّضه بي أدري عنده مهمات ذني الكتب يبيع عرضه علمودهن بعده يمه اثنين غير هذا بس شمدريني إنتِ راح تقرينه هاي الماحسبتلها أحساب بس لا تخافين هسه أطيح حظه وأيشوفلج حل.
: -إي فدوة أجياد أني بشاربك.
صفن بوجهي لحظة وحجة بصوت هادي
: - أزينة والله إذا ما أعالجچ
: - نروحله هسه
: - بس يطيح الظلام أروحله هسه ما أگدر ألكفه.
: - مو بالليل أني وحدي وأخاف
: -آخذج وياي تبقين بالسيارة إنتِ وابن أخوي وأنا أنزله وأسحله من عگاله وأجيبه.
طلع جكارته يدخن وضايج
: - الله يطيحه وحظ أعگاله رجال شكبره وشكد شلك بهالسوالف الطايح حظها
: - هسه شنو نروحله.
: - إي جا شلون لزوم نروح تضلين هيچ تتعبين وما نضمن بعدين شراح يصير
طلعت برة وهو فتح السيارة من فتح الكشن الورة طلع تفگة ومسدّس جانت جوّه الكشن
سألته باستغراب
: - إنت شنو تشتغل
التفت عليه مستغرب من سؤالي
رجعت كلتلة
: - صار هواي يمك بس ما أعرف شتسوي وأصلاً ليش ضليت يمك
: -وإنتِ منو الج غيرر وين ترحين مثلاً إذا خليتج تروحين
: - لبغداد
: -منو الج هناك
: -محد
: -جا شكو رايحة
: -لعد شكو باقية ويه رجال غريب.
حجة بضوجة من كلامي
: - اعتبريني من بيت عمّج مو چنتي عايشة وياهم أني هم ابن عم أبوچ مو غريب
: - ذولاك چنت مجبورة أعيش وياهم
: - وهسه هم مجبورَة تعيشين هنانة لا تنسين عليچ جريمة كتل
: - بس محد شافني.
: - بس إنتِ ما متأكدة محد شافچ
: -الجثّة محد يندلها والسلاح عندك يعني ماكو دليل عليه.
: -عمچ بيده سلطة هسه وبالحزب بلمح البصر يذبج بالسجن وبالأساس رايدين يتخلصون منج وأحسبي أحساب ولدة أثنين ميتين عمج عكالة طاح عقلة مو براسة توقعي كلشي منه
: - ليش تسدها بوجهي
: -هذا الصدگ
كتلة مرتبكة: -هسه أني مريضة خل أصير زينة وأفكر ما أريد أبقى هنا وابن أخوك انت حاير بي أصلاً المطية جاي ترضعه هو مو بحاجتي
ضحك وهو ينضف السيارة
: - إنت مجرم
: - عليش
: - كتلت خالد
: - و أنتِ كتلتي محمد.
: -چنت مجبورة لا تذكرني
: -جا أنا هم مجبور
: - شنو الجابرك
: - لو ما كاتله يكتلچ
: - هو راد ياخذني مو يكتلني
: -نفس الشي
نزلت راسي بخجل
: - كلما أفكّر بي أشمز شلون سولتلَه نفسه يحط عينه عليه واني مرّت أخوه
: - عار وناقص غيرة جا شلون
: -أجياد
رفع عيونه إلى رديتله بارتباك
: -من أول ما شفتك أحس نفسي أعرفك ما أدري عيونك حتى يهامتك مو غريبة عليه ما أعرف وين شايفتك من قبل
رجع عيونة على البنيد.
: -لا ما شايفتيني أنا أول مرة أشفتج بالكاع چنتِي سارحة
: -0 ما أدري بعد زين سؤال
: -شني
: - إنت حرامي
ضحك ضحكة واحد متفاجئ
: - عليش
: - هواي تتطلع بالليل والصراحة بس الحرامية تطلع بالليل حسب معرفتي
: - شني هاي تحليلاتچ العظيمة
: - أني كلّش عظيمة بس الوكت تعبني
ابتسم وحجة بنفي
: -لا
سكتت وهو كمل السيارة وكلي
: -جيبي الطفل وتعاي أنروح للبيت عمج
: -هسه
: اي زين ونوصل كبل لا يجلجل الليل.
رحت لبست وجبت الطفل جان كاعد ولافته بحضني
ما فتحت الباب انتظرتة هو يفتحة
لان الطفل بيدي كالي: -اصعدي عليمن صافنه
: منتظرتك تفتحة الي
: -عمي والله شيخية وتامرين
: -ترا ابن اخوك بحضني
مد ايدة فتحة ودفعتة صعدت يمه والمسدس بينه مالتة رجعت كتلة بضوجة
: والله احسك قاتل شنو احسك قاتل هو انت قاتل
رد عليه بسخرية: تنوع ياهو يحجي
: -مجبورة ياااخي هو صح اني هم قاتلة مثلك بس كله جبر ماكو شي اجة من ايدي.
: -محد بينه يوصل هيج مرحلة بكيفي كل واحد بينه أنجبر
: -تمام زين كلي شنو تشتغل
: فلاح
: -والأوراق إلى شفتهن والباجة
: -انااا احب الباجة
: -اي صدكتك الله عليك بداعة ابن اخوك كلي
باوع للطفل بطرف عينه وحجة
: يكولون حرامي اشتغل ومرات يكولون مجرم
: -وانت شدكول
التفتت عليه رافع تك حاجب
: -كيفهم شيكولون قابل اكدر أكول لا
: -أحس أجذب عليه وجاي أسايريني
: -وعليش أجذب
: ما أدري يجوز اكو أسباب.
جر نفس وزفرة بقوة وحجة: -هواي تتفلسفين ام الاسباب
سكتت عنه وبقيت أباوع للطريق جان مظلم
وطول الطريق هو ساكت وأني ساكتة
لحد ما وصلنا بيت عمي طفة الضوة مال السيارة والتفتت اخذ أسلاحة خلاة بخصرة كلي بتحذير
: ضلي هنانة مو تيين وراي حتى لو تسمعين اي صوت أهنانة مجانج ممنوع أطلعين من السياره
هزيت راسي وهو راح بقيت قلقانة وأدعي يعود صراحة هو احسن من اعمامي طول هالفترة
يجيب إلى ملابس صح مو حلوات ويلعبن النفس.
بس مدبرة روحي بيهن وهم يجيب اكل وينوع دوم إلى بالاكل ودوم حاير بالطفل اكثر مني
وكل ما اكولة خوية يضوج يكلي أنااا مو أخوج
يعني مثلا شكلة رجال عود احترمة واكولة خوية
ميقبل يعني اشلون اكولة عمي بس خاف عيب هو شاب وزحمة يزعل فززني من تفكيري طكت الباب
التفتت شفت عمي اعگاب مجتف وادية مربطة وعيونة مخلي السلاح بخاصرتة وصعدة
بالكشن الورة وهو يتلفت ورة خاف احد يحس بينه بس دنيا ظلمة وهدوؤء بس ضوء الكمر.
شغل سيارة وبدون ما يشغل الكلوبات يتحرك على كيفة لحد ما طلعنا وبعدنة من القرية مجرد ما صعد الشارع شعل ضوء سيارة وطار يمشي سريع
أخذنة للبيتنا وصلنا هناك بالثنتين بالليل اول
ما نزلت كلي
: - فوتي للحجرة نامي انااا هنانة بالباب خاف تردين شي اندهيلي
: -عمو اعكاب شراح أسويلة
: -مو شغلج روحي نامي
: -عفية مو تكتلة والله صارووا هواي
: -لا شلون أكتلة جا ياهو يطيبچ
: -اجياد بعد ما أوصيك لا تكتلة.
: -يباااا شكالولج أمشي وأذبح بالوادم اريدة يشوفلج حل احسن ما تموتين
: -ها تمام بس خفف ايدك ويا
: -صار يجرالج اكو طلبات بعد
: -لا ماكو بس اهم شي مو تتهور وتكتل الزلمة
تأفف بملل وأني فتت جوة اخاف يكتلني أني بمكان عمو اعكاب اذا ابقى الح عليه
نومت الطفل لان هو اصلا نام بالسيارة داخ من الفرفرة ما تعبني كبل غفة بس غطيتة
وتمدتتت بصفة بس أذاني يمهم وما أسمع شي.
بقيت شوية احاول انام بس ما أجاني نوم مديت راسي من الرازونة شفته مشعل نار وعمو عكاب
مجتفة ومكعدة أكبالة وهو يحرك بالنار ويسولف ويا ما ادري شيكلة صوتة مو قريب
اريد اروح يمهم أفهم شيكلة، بقيت مترردة بإمكاني ودحاول انام لحد ما اندك الباب وصوت اجياد اجاني
: -زينب نمتي
: -لا بعدني
: -تعاي
كمت حطيت حجابي على راسي وطلعت شفت عمو يباوعلي بنظرات ما راضية عبالك متقزز هذا شبي.
ولا كنما أني بت أخوهم والله شو ماعدهم محنة عليه
: اكعدي
انداريت وين ما أشىرلي اجياد اكعد. صارت كعدتي اكبال عمو وهو راح فك ادي وحط الكتاب بحضنه
: يلا بساع أقرا على بت أخوك
: -وترجعلي كتابي
: -اخذة زربس طيبها
عمي تجاهل صوت اجياد وعيونة عليه كالي بلائمة
: هاذا ورثة ورثة ما تنوخذ لغير أهلها شلون تفتحينه
اجياد: -يلااااا اعكاب بلا لغوة
جان كام فتحه كلب كم ورقة وطلع ورقة أخيرة حط الكتاب بحضني جفلت كالي بأمر.
: إقري هاي الصفحة عالصوت
: -لا اااخاف عمي والله هسه حسّيت بدوخة ورجفة ما أگدر
قرب مني وجهه ريحته ريحة تراب ريحة شي معفن وعيونة مدري أشلونهن هو عمي أعكاب بدون شي يلعب النفس انوب سحار تفل بوجه الشيطان
أعكاب: -إقري زينب
لزمتة وادية ترجف اخر مره لزمته وفتحته شصار بيه خفت اني ما عندي ثقة بعمامي بس بيجاد
وهو اصلا ما اعرف شلون قنعة اجياد يمكن هددة لان مستحيل يسويها وحدة
زينب: -ب، بسم الذي...
شهكة قوية كطعت نفسَي وادية ثكلن بس بعدني لازمة الكتاب
حسيت نفسي بردت وشي لزمني من أمتوني والله أباوع لاعمي واجياد واكفين أكبالي
لعد منو إلى لزمني من أمتوني ظهري كام يوجعني
حجيت بوجع
: -عمي ماااكدر ظهري يوجعني وجسمي كله باد أحس أختنكت
هو هيج جان يباوعلي جامد عبالك يشوف احد يمي واجياد عاط بي
: شكووو صافنن شوف البنية شبيها مااااشوف تتلوى من الوجع
: -الزوم تتحمل راح أعزم عليها.
: -اشتعلوا اهيلتك شتعزم لا تخبلها
: -لا ادش بشغلي انااا ادري شسوي اسكت
سكت اجياد وهو اخذ الكتاب يقرا بصوت عالي فوك راسي من يقرا روحي تتطلع من داخلي
اعكاب: نَدعوك باسمائك التي لا تُكتَب...
جلدي كزبر واني أسمعة يردد أسماء غريبة وجسمي كله يون عليه والله حسيت بصابع على ركبتي.
مثل واحد يفتر عليك يريد يخنك بس ما يكدر اني هيج جنت احس يمي احد هو صح ما أشوفة بس أحساسي بي فضيع وأتهيس لمساتة هذا هو ما راضي يعوفني متلازم بيه بكل قوتة واحس يريد يطلع بروحي بس ما بيدة
بقيت جامدة بمكاني وبيه وما أتعب وينهد حيلي اكثر حتى راسي بلش يثكل
لحد طحت بالكاع فاتحة عيوني شفت اجياد اجاني بهمة وهو صاح عليه كالة
: -عوفهة.
جان حاير بقى واكف قريب مني يباوعلي بقلق ويفرك بوجهه يفتر بمكانة اسمع صوت عمي بعدة يقرا بس الثكل الجنت احس بي خف وروحي شوي هدت ماكو ضغط على متوني ولا أصوات
حسيت بخفة عكس ذيج الايام الجنت احس بيها روحي طالعة ومخنوكة دوم هو وكف واجياد اجة كومني من مكاني دخلني جوة وغطاني
جنت مسكنه حاسة براحة اول مره احس بيه عبالك واحد منطيني دواء مخدر شفت عمي بعدة يسولف ويه اجياد كالة بتحذير وبنبرة متعصبة.
: -رجع زينب كبل لا تعرف العشيرة وابو حسن وما يصير خير
: ما ترجع البنية بمانتي
: -ياهوو امنها عندك
: -مو شغلك اعكاب ودير بالك تنسة الحجيته كلمة وحدة أضيعك وحق على خوش
: -ماااحجي بس فكر زين تاليتك سودة اذا بقيت بعقلك هاذا المجيم
: -روح بابة معليك اهتم بشونك ولا تحط خشمك وبت اخوك امانه يمي انااا اعرف المن ارجعها
كالة بشك: -انت الك ايد بموت خالد والا اشلون زينب وصلتك.
: -شني شلون تربط الاحداث شني الاتهامات طبعا لا البنية دخلت عندي ادخيلة محد ينطي ادخيلة اعكاب وراحن تضل عندي
عمي جان وجهه ممتعض وما راضي طلع واجياد طلع ورا واني بقيت اباوع بالسكف جنت منتظرة النوبة تجيني هي ترجع من ابقى وحدي اريد اتاكد
هسه اني زينة لو لا وصدك ما حسيت بي شي
حتى الغرفة تحسها تنفست جانت مظلمة وكاتمة على نفسي
أنتظرت اجياد يجي بس هو ما فات واني غفيت.
ثاني يوم الصبح من كعدت مالكيتة اجياد ما أهتميت لان جنت خفيفة وزينه
منتعشة ومكيفة شوي رحت رشيت ماي على الكبور وقريت الهم الفاتحة
ورجعت أتمشى وأضحك بتجاه بيتنا اجيت من جهه الساگية وأشوفلك دورية الشرطة بربضة واكفة يالله شنو هاي منين اجوا ذولة شعدهم
شدلاهم بينه معقولة عمو اعكاب خبر علينا انوب الطفل بالغرفة
رجعت ركض للساگية كعدت يمها ما ارجع خاف الزم بلكي يجي اجياد بقى بالي يم الطفل خاف ياخذونا.