رواية لبوة علي للكاتبة كفاية كاظم الفصل الخامس والعشرون
غزل...
احلى شي بالبنية الثگل حلو من البنية تكون ثگيلة وتعوف مشاعرها على جهة احتراماً لسمعة أهلها ونضرة العالم الهم والها...
حيدر صح أخونة بس دائما ينصحنة ويحجي ويانه بمواضيع عامة...
جان يكلنة إذا وحدة بيجن حبت شخص مو حرام بس خل تخلي هذا الحب مكدوس داخلها لاتحاولن ابد تكشفن عنة ابد...
الرجال آله حق يبوح بحبة لأن محد راح يستغل هذا الشي ضده أما البنية بالعكس راح يستغل حبها لصالحه وبنفس الوقت راح تكون بنضرة بدون أخلاق ويأخذ عنها نضرة مو حلوة...
دائما اشوف الولد تزحف على البنات وخاصة يم المدرسة بس مال اشوف بنية مو تزحف لا تشمر روحها على رجال هاي ماصايرة ولاسامعة بيها...
روان حركاتها ابد ما تعجبني اشوفها اختفت رحت لحگتها فص ملح وذاب دورت بكل الغرف ماكو شفت باب غرفة حيدر مفتوح قليل...
مديت راسي وأشوف روان كاعدة على الجرباية وحاطة رجل فوك رجل وشعرها فالتة والحمرة طوخ...
طلع حيدر من الحمام لاف المنشفة على جسمة ومدنگ ينشف بشعره دار على المراية واجت روان
لزكت بية احتضنت ضهرة العاري...
يمة احس حرارة كامت تطلع من وجهي اني من يمي استحيت كامت تبوس بضهرة وتطبع الحمرة علية...
ماشوف الا حيدر دفعها وسطرها راچدي شمراها بالگاع على القوة مالتة احس اذني صارت بيها رنة على قوتة...
باوع عليها بغضب وحجة كاز على سنونة...
حيدر: -شتسوين بغرفتي اطلعي بكرامتج لا اسحل بيج الگاع
كامت من الگاع لأزمة خدها وملابسها ضيگة بشكل
لزمت ايدة دفعها مسافة رجعت اله وهي تبجي.
روان: -حيدر ليش ماتفهمني اني احبك ومو هسة من زمان من اشوفك عقلي يطير شسوي گلي اني اعشقك اتنفسك مانام إذا مااشوف صورتك...
حيدر: -حاسبجن مثل اخواتي الصغار عمري مافكرت بيجن لو نضرتلجن غير نضرة...
تفكيرج اكبر غلط مثل مااني معتبرج مثل اختي اعتبريني مثل اخوج وهاي الحركات لاتعيدينها مرة ثانية لا اتصرف وياج تصرف ثاني...
حطت اديها على خصرها ورفعت حاجب وهي تسوي حركات بوجهة...
روان: -ليش مااعيدهن اثرن بيك لو حركن مشاعرك
حجت الكلام وعضت شفتها بهل الأثناء اجاها راچدي شمرها صفح حجة وجهة نار يفح من العصبية...
حيدر: -ادبسز هاي تصرفاتج مال بنات الشوراع مو مال بنات بيوت ولي من وجهي لا احط طلقة براسج.
حيوانة اني شحجي اطلعي برة...
بشر ماعندة ذرة احساس بكل وقاحة فوگ الضرب تحجي ولايهمها...
روان: -خل يكون بعلمك انت إلى متصير لغيري اني من زمان هايمة بيك لاعبالك اخلي وحدة تاخذ من عندي بليلة ويوم...
لزماها من فكها احس سنونها تكسرن ودفعاها حيل...
حيدر: -وانتي منو حتى تحجين وياي هذا الكلام لمي كرامتج واطلعي لا اسحلج سحل...
غزل: نزلت اركض قبل لا يشوفوني يكول مسوية جريمة جسمي كزبر منضرها وحركاتها طبعت براسي يمكن لان واول مرة اشوف هيج حالة كدامي...
لزمتني زهراء من ايدي...
زهراء: -شبيج غزل
غزل: -ها لا مابية شي
زهراء: -لج شوفي وجهج احمر
غزل: -ها لا مو الجو حار
زهراء: -اكولج روان وين راحت
غزل: -ما ادري ماادري تعاي نصب الغدة
زهراء: -والله بيج شي دشوفي حالج بس يلة وين تطيرين اول وتالي تحجين.
غزل: -نزلت روان وجهة احمر وتطك بعلجها ولا كأنما صاير شي شني من بشر خلتني اشك بنضري...
روان: -هاي بنات اساعدكم بشي
أزل: لا كلبي ما عندة شي خلصنة
فاطمة: -شبية وجهج احمر
روان: -مبيه شي بس تحسس
فاطمة: -ليش التحسس يصير هيج شكلة هذا اثر واحد ضاربج
روان: -اويي شبيج شنو هو تحقيق لعبتي نفسي باسئلتج اوففففف اطلع احسلي.
فاطمة: كبر حتى كبر شلون جهرة لعبت نفسها ليش مو هي لعبت نفسي
أزل: -عوفيها تولي لاتحطين راسج وياها.
فاطمة: -ماتشوفينها تتنغوص النواصة تف على شكلها مامخلية شي مامخليته خلطات وحبوب.
زهراء: شاربة الدكسن كلة
أزل: -بنات عيب نحجي عليها وهي مو غريبة كل شخص وحر بنفسة وبشكلة عوفونة من عدها.
غزل: -صبينة الاكل اباوعلها تلعب بموبايلها ولاكانها اني من يمي اتاثرت والله صوت الراجدي بذني يرن نزل حيدر بيدة السويج وهي ولا تجوز كصتة كص من رجلة لراسة...
حيدر: -يمة اني طالع محتاجة شي
بسمة: -لا يمة سلامتك تغدة واطلع.
حيدر: -عندي شغل ضروري هناك اكل بالعافيه عليكم
ديمة: -شغليش هذا الضاهر شغلك دسم والأكل منصوب الك
حيدر: -اعتقد مايخصج
ديمة: -ليش مايخصني ترة مستقبلك يهمني وبدال ماتروحلها جيبها لبيتك
حيدر: -انتي شجاي تحجين شني جيبها شني اروحلها الضاهر تجاوزتي حدج واني مااريد أتجاوز عليج لأن مرت خالي واكبر مني بس ثاني مرة اعرف شحجي وياج انتبهي لطريقة كلامج...
ديمة: -وهسة اني شكلت وصرت اعصاب غير مستقبلك يهمني الله يشهد اهم بيك مثل ولدي
حيدر: -لا تهمين بيه عندي ام وهاي وضيفتها
ديمة: -ترة اني ماردت شي بس اريد افرح بيك
حيدر: -اني فرحان بنفسي وامي فرحانة بيه انتي شكو
احلام: -قصدها شوكت تفرح بزواجك
حيدر: -عن قريب إن شاء الله
غزل: -حجة الكلام وطلع صاير نار والله غثة هي وبناتها بكولشي ومدخلة نفسها بس حل فشلاها...
ديمة: -شفتن شلون ماحترمني ولا كاني مرت خالة.
بسمة: -ماكال شي لو تجاوز عليج بس هو مايحب أحد يحجي بموضوع يخصة وبالنسبة لزواجة هذا شي راجع اله مادام هو مرتاح هيج محد اله حق يحجي بيه...
ديمة: -والله خية انتي وحدة فطير وعلى نياتج وين ضال واحد مامتزوج لحد هذا الوكت على الأقل يحس برجولتة...
احلام: -على كيفج خية من البنات كاعدات
ديمة: -ليش هي ضلت وحدة ماتعرف بالهل وكت
اشو ينطن دروس صايرات...
بسمة: -والله إذا بناتج عادي عندج تحجين وياهن اني بناتي ملتهيات بدراستهن وبعيدات عن هيج مواضيع
وكتلج حيدر عوفية لاتحجين بية...
ديمة: -ليش مااحجي بية خاف يتزوج متعة لا من شاف ولا من درة وهو حتى البيت مايكعد بيه يمكن حتى احفاد عندج وانتي ماتدرين هههههه
احلام: -خية سدي الموضوع خلينة ناكل مو نعمة كدامج...
ديمة: -هسة اني شحجيت وكمتن علية محد يحب يسمع الحقيقة بهذا الوكت...
غزل: -خرب يومها شايلة السم كلة طلعت رواحتنه سوت الاكل سم علينة كمت وزهراء طفرت وراي
زهراء: -بوياييي ولج هذا اخوج والله ركعها بوري معدل بس هي ماتحس
غزل: -غير لزكة هسة هي شدخلها بيه كبر حتى كبر اي والله
زهراء: -وكبر لبناتها وياج لأن طلعن رواحتنة
غزل: اكولج انتي شلون عايشة وياهن بنفس البيت الله يساعدجن عليهن...
زهراء: ولج حياية وين ما يمشن يذبن سم بس طلعي منهن مرت كرار خوش بنية وهم شمسويات بيها...
غزل: -خطية شعجب مااجت وياجن
زهراء: -ماخلتها ديمة السيمة
غزل: -هههه خوش سيمة
زهراء: -لج اسكتي اجت نور
نور: -شبيجن سكتن احجن عادي لو جنتن تكصن بينة
زهراء: -ليش انتن شيش كص حتى نكص بيجن
غزل: بم طارت الجبهة وصلت إلى اعنان السماء
نور: -شلون شكول تسد النفس امشي ابركلي
زهراء: -اي والله تسد النفس مو شكول
احلام: ها يبنيات شلونجن
زهراء: -هذا لوني اشو مكابلتني أربعة وعشرين ساعة
مامليتي انوب سالين على لوني.
احلام: -بت عاقة ماميتة عليج اسئل بغزولة
غزل: -الله يسلمج خالة
احلام: -فدوة يمة شعرج يخبل سويتيلي واهس اكص شعري
غزل: والله خالة امي طاحتلي بالأربعة والأربعين
طينت احلامي...
زهراء: -تستاهلين جنج صخلة شاردة من أهلها
احلام: -بالعكس لايگلهة كلش والله لو مو عيب جا كصيت شعري بس هاي المفضوحة تشهرني بالعشيرة
زهراء: -يمة انتي مايفيدج خليني اني اكص شعري اطلع افلش.
احلام: -تفلشين خاب تطلعين جنج جاية من كفار قريش لو تشبهين حرملة هيج مثلة ملحة وحتى شعرج املح مثل شعره عينن
زهراء: -وتحسبين روحج ام انتي حطمتي ثقتي المفولة...
احلام: -وتحسبين روحج بت انتي
غزل: -احلام تسوي جو هي وبناتها صديقات ولا يكول ام وبنتها بقن يمنة لورة الغدة شربن جاي وراحن.
العصر اجت اندك الباب رحت فتحتها.
أم علاء: -ها غزيلة شلونج
غزل: -الحمد الله خالة مشتاقيلج مختفية ماكو.
أم علاء: -والله بهل دنيا نجر ونعر ولج هذا شعرج شبيه ماكلة الجريذي.
غزل: -ههههه لاخالة كصيتة بس اني الجزيذي ياكل شعري شني السالفة...
أم علاء: -لدالي كبل النسوان تتمزة بشعرها الطويل وانتن هسة تبترن بيه والله وكت اغبرر
غزل: -يمة مو شعر ساعه السودة من كصيتة كل اليجي منطي محاضرة هي تحجي واني اهز براسي
أم علاء: -دمشي جدامي جيبيلي مية ريگي يبس
وصيحي امج كلها راح الوكت...
غزل: -صار رحت جبت مي شربت الصلاحية كلها
وحطتها بيدي ادري معدة تانكي...
بسمة: -يله يمة ديري بالج على البيت هسة حيدر يجي
غزل: -وين رايحة
أم علاء: -شغيلة شوية ونرجع يلا طبي جوة
غزل: -راحن واني ضليت احوس وين راحن شنو من شغلة عدهن...
زينة...
كعدت من النوم مابية حيل داخية احس راسي يريد ينفجر هم واحد نايم ولا مشتغل وهم يكعد دايخ وأبيه حيل شنو السالفة...
اخذت الموبايل اشوف بيش الساعة لطمت على وجهي الساعة بالثنتين واني لسة نايمة...
طفرت من مكاني رحت بدلت ونزلت جوة لكيتهم متغدين والمواعين بعدها مامغسولة...
-شلونجن بنات
وسن: -هلا بزنو اشرقت وانورت
هند: -هلا بيج خية
زينة: -بنات تعذرني بس اخذتني النومة.
هند: -صدك جذب شعدنة وياج قابل يمتها مايعجبج دكعدين اكعدي...
وسن: ترة احنة ماعدنة شغل هواي ومقسمينة
بيناتنة
زينة: -وآني هم اريد اشتغل وياجن اقسملي شغل وحد عنجن
هند: -ترة بعدج عروس هستوها طلعت سبعتج
زينة: -والله احس نفسي من زمان متزوجة ولاجني عروس ههههه...
وسن: هههه اخذتي علينة اكلج اشو ماسويتي سبعة
زينة: -والله نسيتها ابد ما اجت بالي وتعرفين من
نخطفت لبوة التهيت وياها...
هند: -عادي نسويها الج هسة مصار شي.
زينة: -شلون يصير،!
وسن: -اي عادي اليوم الج العاشر
هند: -اليوم نسوي حفلة يا الا العب لعب واكسر الكاشية...
وسن: -نشوف بعد كلبي تسوينها سودة
هند: -شعبالج لعد وانتي زينة شسويلج غدة شمشتهية
زينة: -والله ما مشتهية شي
هند: -شني شماكلة شو لاريوگ ولاغدة
زينة: -ماادري بس مااشتهي ابد خلني اغسل المواعين
هند: -بس لا حامل
زينة: -ياا شنو السالفة ماصارلي شكد من تزوجت
هند: -حب قلبي اكو من اول يوم يشيلن.
وسن: -ترى اليمجن سنگل على كيفجن
هند: -والله انتن السناگل سالفتجن سالفة دروحي حطي گطنة بذنج الا تسمعين خل اشوف مرت اخوج الفاهية.
وسن: -انتي فرد نوب مامخليتلي احترام راح ازعل
هند: حتى اني شوية وازعل وراج وانتي زينة شكد صارلها فايتج
زينة: -ماادري
هند: -هو شنو ماتدرين ماحاسبتلها شكد يمته اخر مرة
زينة: قبل لااتزوج بثلت اسابيع
هند: -دروحي اخذيها من عندي حامل وهاي كصتي
زينة: -لا يمعودة كولي غيرها.
هند: -ترة اختي هم هيج حبلت من اول اسبوع واني شهر وصار عندي حمل
وسن: -شني جنج ما تريدين اطفال
زينة: -لا مو هيج بس بعدني مامفكرة بالموضوع
هند: -الله كريم خية بس أخذي حذرج
وسن: -ليش ماتسوين حمل منزلي
زينة: -لا مو هسة خل تصير فترة وإذا ماكو اسوي
هند: -جنج خفتي ههههه
زينة: -والله ماادري بس يمكن اي
هند: -سهلة سهلة يوم ويمر على خير
وسن: -يكلك اسئل مجرب ولا تسال حكيم
هند: -برسم الخدمة ضلعي.
زينة: -دعوفن هذا الحجي خلني اشتغل
وسن: -كضوها كضوها حمت البت امشي بابا اني اغسل متعودة هسة غمض فتح المطبخ صار بالباكيت
هند: -هاي البت تعشق غسل المواعين الصراحة اني حبيتها كلت هاي البت نادرة فول
وسن: -مصلحچية غير بس بعد عرفتلها وماخلي واحد يستغلني اطلعن برة مطبخي يتعذرجن يله برااااا
زينة: -صدوك حمت علينة يلة دادة امشينة لاتطيحلنة بالجداري
هند: -داخلة عليك سيد محمد احفضها النة من كل شر.
وسن: -امينننن وانتي زوينة شسويلج غدة علمود اغسل فرد نوب
زينة: -فدوه الكلبج حبيبتي من اجوع اسوي
وسن: -يله انقلعن براااا
هند: -طالعين يابة على كيفج
زينة: -اكولج اشو عمتي ماكو
هند: -طلعت بس المن الله اعلم
زينة: -ها خوش
هند: -العصر نسوي حفلة الج
زينة: -صدوك تحجين
هند: -اي والله شعدنه قابل هسة اعزم حماتي خل تجي وبعد اعزم عبير واسراء وام فهد ذني خوش بنات
زينة: -بكيفج اني ماعرف أحد.
هند: -تمام دخل اروح احضر نفسي وانتي شوفي شتلبسين حضري سبع فساتين عندج لو ننطيج
زينة: -عندي هسة اروح اشوفهن
هند: -خوش لعد
زينة: -صعدت لغرفتي واني افكر بكلامهن معقولة حامل مدري احس بقلق تجاة هيج موضوع مهم...
طلعت فساتيني وكمت اجرب بيهم مااحس الا راسة برگبتي شوكت يفوت ماادري يمشي على اطراف اصابعة يمكن...
علاء: -شلونها دكتورة روحي
زينة: - دكتورة روحك خوش اسم هذا
علاء: -اكيد خوش غير اني مطلعة.
زينة: -دارني علية وباسني بشفتي عطره ممزوج بريحة تدخين احس معدتي كلبت من شميتة وخرت ايدي منه عفست وجهي هو هم لاحظ هالشي...
علاء: -ها شبيج ترة مامسوي شي هي بوسة
زينة: -عليك الله وخر من يمي نفسي لعبت شمخلي من عطر
علاء: -هو عطري نفسة مامغيرة
زينة: -بعد لاتخلي من يمة وخرت من عندة وركضت للحمام استفرغت اجة لحكاني...
علاء: -ها شبيج
زينة: -اطلع مابية شي هسة اصير احسن
علاء: -غير تگلي شبيها شماكلة خاف تسممتي.
زينة: -روح ما ماكلة شي
علاء: -والله ولا اطلع خاف يصير بيج شي
زينة: -مايصير بيه شي بس اطلع
علاء: يله طالع بس من تريدين شي صيحيلي اني بالباب
زينة: -تمام نفسي تلعب وهو واكف على راسي اريدة يطلع ماكو غسلت وطلعت لكيتة ا بالباب متخوصر بقلق...
علاء: -يله امشي بدلي خل اخذج للدكتور
زينة: -يابة مابية شي بس لعبت نفسي شبيج ماشايف ترى حالة طبيعية
علاء: -وين شايف هاي اول مرة اشوف.
زينة: -اجة قرب علية لا علاء روح أسبح والله ريحة عطرك مو طيبة
علاء: -رايح حتى البوسة صار بالاقصاد حضي مجيم
طايح بالخيس من يوم يومي
زينة: يععع راح استفرغ اسكت لاتلفظ هيج اللفاظ
بعد ترى نفسي تلعب
علاء: -لا لا سكتتت التوبةةة بس اكلج شتلعب ماتخليني العب وياها
زينة: ضل اضحك علية يصير خير...
رحت طلعت جكليت ونستلة اكلتهن وطلعت ملابسي علاء راح نام واني ضليت الوب.
اتصلت بلبوة بلكوة اسحب الكلمه منها رجعت اتصلت بتبارك خطية ضالة وحدها تكول جني يتيمة خلافجن...
الصراحة ارتاحيت من الدوام وهوستة وإذا صدوك طلعت حامل اكعد واسكت...
للعصر صارت الحفلة بسيطة بيناتنه لبست فستان احمر قصير جوة الركبة وردنة تور هذا الاول...
والثاني ابيض مسطرة وبية فتحة طويلة والثالث ازرگ منفوش من جوة والرابع علاء جلب بيه صوجي لبستة اسود صدرة محفور سبعة وضهرة هم وضيگ وبيه فتحتين...
-شبيك خلي انزل البنات منتضراتني عيب
علاء: -ما اريد حصتي
زينة: -يا حصة يمعود بعدين من تخلص الحفلة
علاء: -شني انتي ماتستحين طالع صدرج وضهرج وزرورج يتلامعن...
زينة: هنا بس بنات
علاء: وإذا بس بنات ماتطلعين بهذا لبسج
زينة: يا شبيك عللولي
علاء: هاي شني انوب عللول علية
زينة: -بستة بخدة بس أريده يعوفني
علاء: -بربوك من تبوسين بوسي عدل
زينة: -ليش هاي شبيها
علاء: -ليش هاي هم محسوبة بوسة علية اريد حلگ.
زينة: -شلون يخليني استفرغ بوجهة
علاء: -انتي مرة سويها
زينة: -مو هي بكيفي والله تلعب نفسي حتى من اللفاظ مصطلحاتك بدلهن عفية...
علاء: -ليش ماابدلج مو احسن
زينة: -لا بعدين مو هسة خليني انزل
علاء: -بس ترجعين تلبسينة
زينة: -اكيد ألبسها يدلل عللولي
علاء: -ديربالج تعيدين هاي الكلمة اموتج بعلي
زينة: -لا بله عود ليش
علاء: -زلمة شواربي جنهن حبل بيت ابو سمير ساحل روس وانتي عللول...
دخل يسمع جلولة الا يشرني على الحبل تخيلتة يصيحلي كدامهم عللولي بصوتة الخايس الا اشگ هدومي وامشي مصلخ بين الوادم...
كلشي ولا جلال ومحمد يضحك الوادم علية بطلي سالفة علول رحمه لحنش ترة يسويها الحض ويسمعها جلال...
لو اجيب حمدية ام البن بشحمها ولحمها ماتسكتة الله لا ينطيك جلال حتى بالحلم صرت اخاف من فضايحك سودة بوجهي من صاحبتك...
زينة: -خربت من الضحك على سوالفة نزلت فحطانة وكلها تسال نمتي بعد لو ضالة مو احسن متت بدمي عبالهن غير شي...
لبوة...
صارت واهسي بالنوم ماافكر بشي بس اريد انام صار نص ساعه واني اتكلب بالفراش ونوم ماجايني...
بقيت احوس احس كلبي انقبض كمت واني افرك بصدري صرت كدام المراية باوعت لنفسي شصاير بيه يكول طالعة من القبور السواد محاوط عيوني وجهي شاحب...
طلعت ثوب قصير شوية ومخصر لونة مشمشي سبحت ونشفت شعري خليت شوية تنت لخدودي ولشفتي خطيت كحلة لفيت شعري...
لبست حجل وسوار باوعت لنفسي ادري مراهقة شهل سوالف مال العصريات بطبعي ابد ماخلي مكياج بالبيت بس من أطلع ومرات قليلة ينعدن...
صار فرق جبير بشكلي نزلت جوة لأزمة المشط بيدي ادور على خالتي تسويلي ضفيرة هندية مدري شيسمونها...
صارت بوجهي خالتي هي وام علاء وام حيدر وياها تفأجات من جيتهن بقيت اباوع بوجوهن متفاجأة...
أم علاء: -صلاوات على محمد لبلابة حطمت الارقام القياسية بالحلاة...
بسمة: ماشاء الله عين الباردة عليها
لبوة: -ابتسمت وسلمت عليهن
ندى: -تفضلن عيوني
أم علاء: -يلا ام حيدر تفضلي عبن اني صرت من أهل البيت
ندى: -اي والله انتي صرتي منا وبينة
لبوة: -دخلن وگعدت يمهن مامتعودة اكعد بنص مجموعة ويحجن مااذكر مرة كعدت بنص نسوان الوضع غريب بالنسبة إلى وبعد هنة جايات يشوفني ميصير اخليهن وي خالتي هنة يسولف واني مستمعة لكلامهن حتى نسيت مشطي بيدي...
أم علاء: -شني لبلابة تريدين تمشطين تعاي امشطلج عبن شعرج بسرعة يتمشط مو اعكش...
لبوة: رحت يمها تمشط شعري...
بسمة: -اي يمة شلونج ايدج هم توجعج
لبوة: -الحمد الله احسن بهواي
أم علاء: -مابيها شي عبن هي جوية مايهما مو لبلابة
لبوة: -بالضبط
بسمة: -يمتها ترجعين داومين
لبوة: -بعدني مامقررة
أم علاء: -شسوين بالدوام اكعدي شهر شهرين أخذي استراحة شمي هوة شوفي الدنيا شبيها مابيها فرفري مثل ربعج
لبوة: -هو هيج.
أم علاء: -بعدج تحجين بالاقصاد ماتبطلين وتحجين زيادة شوية احسن مبيوگ السانها
ندى: لبوة طبيعتها هادئة كلش تجاوب على كد السؤال
بسمة: -بالعكس خوش طبع هذا الهدوء حلو
أم علاء: -موش طبع طبيعتها
ندى: -نفس الشي طبع طبيعة معناها واحد
لبوة: -طبيعة الإنسان تكون مرافقتة منذ الصغر إن كان هادء أو عصبي اللخ أما الطبع يأخذه أو يكتسبة من شخص ويبقى مرافقة...
أم علاء: -جا اني شكول عبن اني هم مثقفة ودارسة واعرف بهل سوالف شفتي خوش تعرفين تحجين
لبوة: -كلج خير وبركة
أم علاء: -اروح سبع فدوات جا انتن مدري ليش شو بساع تنحبن...
لبوة: -الانسان المحبوب يحب الناس بسرعة والناس تحبة اسرع...
أم علاء: -بعد اختياري هذا اضفر شعرج مو
لبوة: -اي
بسمة: -اشو احسج صغيره مو شكل دكتورة...
لبوة: -ملامحي ناعمة
ندى: -طالعة على امها الله يرحمها هم جانت كلش ناعمة
بسمة: -الله يرحمها.
أم علاء: -الخلف ما مات لبوة بمجانها ضلت
لبوة: -عيوني نملت دموع اخ ردت اگوم تحججت بالجاي حجيت بصوت مبحوح اسويلكم جاي...
دخلت للمطبخ ودموعي نزلن امسح دمعة تنزل عشرة مجرد ينجاب طاري اهلي أو شخص يسالني عنهم كلبي ينغزني يكول البارحة ميتين ولاجنهم سنين...
احساس صعب احجي عنة بس الفاقد اهلة يعرفة مااتمناة لعدوي هذا الشعور...
خليت ايدي على عيوني اوكف دموعي المستهترةحسيت بشخص يمي وخرت ايدي بسرعة صانعة ابتسامه مصطنعة...
بسمة: -مو قصدي اجيب طاري واحد من اهلج واذكرج بيهم الله يشهد علية...
لبوة: -كولش عادي اصلا اني شوكت نسيتهم يوم واحد ماراحو من بالي حطيت
اصابعي على كلبي واني مبتسمة.
-هما عايشين هنا عايشين دائما وابدا بس اني مدري شبية من ينجاب طاريهم يسوء حالي...
بسمة: -الله يرحمهم ويغفر الهم ادعيلهم بالرحمة هذا حال الدنيا أن لله وإن إليه راجعون...
شبيدنة يا يمة مات ابوي واني صغيرة من تزوجت رجلي عوضني غيابة جنت كلش متعلقة بيه هو امي وهو ابوي من مات تيتمت مرتين وصلت الموت خلافة والله رجعني لجل وليداتي بقة بداخلي ذكرة طيبه...
لبوة: -الله يرحمهم ويبقي الذكريات دائما وابدا...
بسمة: -ان شاء الله
لبوة: -شتحبين شريبن جاي كهوة عصير بارد
بسمة: -شسوين اشرب مأكول لا.
لبوة: -اذا علية اني مااحب الجاي فراح اسوي عصير
بسمة: -هذا هو عصير عصير
لبوة: -سحبت الها كرسي تگعد علية: - تفضلي خالة
بسمة: -زاد فضلج يمة
أم علاء: -شني شو كعدتن بالمطبخ ودكن سوالف وعايفاتنة وحدنة...
لبوة: -بس اسوي العصير والحكج وبعد انتي اجيتي
ام علاء: -ولج لبلابة طكت حوصلتي أنه بعد مااتحمل احنه ما جايين نشرب عصير عدنه سالفة ثانية...
لبوة: -الي هية؟
أم علاء: -جايين نخطبج لحويدر السبع ابو الغيرة ابو طول الحلو عبن ابنا خوش ابن وما تلگين منه عسى ماتخمين المنطقة لاععع شني المنطقة لو تفرين العالم اي هيج احسن هاا شدكولين...
لبوة: -جنت داطلع كيك وحلويات عدنة بالثلاجة جمدت بمكاني مادخلت الفكرة ببالي عفت البيدي وصفنت...
أم علاء: -اشو صفنتي دخل اسولفلج وليدنة هاويج وشتطلبين احنة حاضرين من الاف للياء بس كولي بلي بيج خير وادللي.
بسمة: -والله يا ام شجن اني ماحاضرة من كبل خطبة لو عندي ولد هذا الجبير وهل الوحيد وانريد ناسبكم وبتكم هاوينها وجايين نطلب أيدها على سنة الله ورسوله...
ندى: -الله يحفضة الج ونسبكم العامر أن شاء الله واني ماعندي مانع يكولون الكتاب مبين من عنوانه وانتم مبينين ولد حمولة وناس خيرة بس بعد القرار الأول والأخير يم لبوة هي صاحبه القرار...
أم علاء: -ها لبلابة شدكولين لاتكولين انطوني وكت افكر هسة كولي يو اي يو اي عبن اريد اركص بعرس عليوي ما شبعت ركص...
لبوة: -ملامحي جمدت صرت لااخذ ولا انطي دمعت عيوني بدون سبب مستحيل تدخل فكرة الارتباط ببالي...
بسمة: -عوفيها على راحتها تفكر وترجعنة خبر
أم علاء: ماكو أنه وعدت الولد اجيبلة خبر حلو من كون هيج اني اضل يمهم منا يمن تكول اي.
لبوة: -اجت بذني اصوات متراكمة من زمان انتي متوحدة محد يتزوجج متوحدة تبقين وحدج طول عمرج المتوحدة المتوحدة المتوحدة تبقين وحدج المتوحدة المتوحدة محد يريدج...
احس اذني نطرشت وانملت من هاي الكلمات حرارة كامت تطلع من وجهي ونفسي صار عالي ودموعي وحدهن نزلن...
بلحظة اجت أصواتهم البشعة من كبار وصغار يهتفون بالمتوحدة بس اني مو متوحدة اني وحيدة...
دائما أتردد اكول هاي الكلمة اني وحيده مو متوحدة شهل خباثة الشايلينها بثم سمهم بداخلي...
هزتني خالتي احاول افهم شتحجي واركز وياها...
ندى: -لبوة لبوة شبيج يمة
لبوة: -مسحت وجهي بيدي الترجف ودرت وجهي اكمل شغلي ما اريد ابين بية شي.
.
ندى: -انتي زينة لو اخذج للدكتور
لبوة: -مابية شي بس يمكن خربطت بوقت الأدويةوصار هيج.
أم علاء: يعع لبلابة هاي مرة، ثانية مرة فتشي عيونج عدل وانتي تشربين بدواج...
بسمة: -انتبهي ثاني مرة احسن لاتزيد الأعراض لو تتاذين...
لبوة: -صار اريد اطلع الحلويات ايدي ترجف سحبت ايدي لو توكع واتفشل...
رحت لسنك غسلت وجهي وهنا ماعرف شيحجن طبعاً اني متعودة هيج يصير وياي مو اول مرة هاي بالريش ولا شي من اليصير وياي...
اجة سؤال بالي يمكن كلامهم يطلع صح وابقى طول عمري وحدي يمكن صدوك اني متوحدة لا اكيد اني مو متوحدة اكيد راح اعيش طبيعي مثلهم هما زرعو براسي هالفكرة بس مستحيل اسمح بتطبيقها...
أم علاء: -يلا يلبلابة تاخرت شني شكلتي...
لبوة: -مسحت وجهي ورصيت على شرايين ايدي حجيت بصوت متحشر ماعرف عقلي وين ولا فكرت بشي من كلت هاي الكلمه...
-موافقةةة
ليت كل شيء يختفي ونفقد الذاكرة...
وننسى كلمات كانت في الروح مبعثرة...
سنين طوال وهذا الروح في الظلام غائرة...
هل هذه النهاية ام أنها البداية ياترى،؟