رواية لبوة علي للكاتبة كفاية كاظم الفصل الخامس عشر
سميت بسم الله ودخلت على حسابة كتبت وايدي ترجف ماعرف تصرفي صح لو غلط وشراح يصير كلشي مجهول مسحت دموعي النزلن الموضوع مو هين ابدد ياما بنات راحن بيها. دزيت...
مرحبا اني غزل ممكن تساعدني حباب أنته مو گلتلي بس تحتاجين مساعده بلغيني
صارن خطين يعني قرأ المسج ضربت على راسي هسه اني شسويت جبت صاحب اخوي بهيج سالفة غبرة شگد ثولة اني هسة لو حيدر يعرف شيسوي بيه الله اليستر بس بسرعة مسحت المسج كتب
احجي بيج شي.
لا هيج بالغلط اسفة
طلعت من المحادثة ومسحتها سديت الموبايل شفتة يهتز مخليتة صامت رفعتة اشوف منو طلع جلال ادية يرجفن افتح لو لا بقة يتصل ما رديت انفصل شويه ورجع اتصل ثاني مرة فتحت الاتصال وكلني ارجف مثل السعفة حتى صوتي يرجف
-الوو غزل بيج شي گولي بشنو اساعدج
رديت بالگوة مسيطرة على نفسي ما ابچي
-ما بية شي گتلك بالغلط
-ادري بيج طابتلج بمشكلة احجي ولج.
عجزت اسيطر على نفسي طفرت شهگاتي وبدت دموعي تنزل: -گتلك ما بية شي
سديت الاتصال بوجهة وهو هم بعد ما اتصل شوية اجتني اشعارات فتحتهن مكتوب بيهم
بأجر منتظرج يم الأسواق وامشي وراي بدون كلام افتهمتي.
ردت اكتب انحذف الحساب مسحت وجهي بعنف گلت هاي هيه اروح اشوفة شيريد شيصير قابل شحده يسويلي شي الا اگتلة بمكانة وأخوي حيدر يطلعني منها بعد هو ضابط رحت للمطبخ اخذت سچبنة خليتها بچنطتي ونمت من كل علقي افكر ماعندي حل وتفكيري سطحي مامطلع على العالم الخارجي وشبية من مصايب...
گعدت الصبح صليت ركعتين لام البنين بدلت وطلعت بدون ريوگ رحت وحدي مشي الخط بطل تف علية كلة من وراة عابتلة وأزل گعدو يقرون امشي واعصر بايدي ماعرف صوابي.
امشي والتوتر يقرا الف احجي وي روحي بلكي تهدأ
-شيصير يعني اشوفة شيريد زين وإذا ما رحت شيسوي ينشر صور مفبركة منو يصدگة قابل بس هنه چنهن حقيقيات اخ اخ چلب نذل الله لايوفقة شمسويتله...
خوب امي إذا شافتهن تنجلط بمكانهة شمعرفها بيهن فبركة تصدگ والله تصدگ...
زين وحيدر شيسوي إذا عرف يصدگني زين هم راح يسأل منين جاب الصور الا إذا اني دازتهن اله يعني اول وتالي راح تطلع براسي واطلع اني مو خوش حتى محد راح يثق بية بالمستقبل راح ياخذون علية نظرة مو حلوة ويحطون عليه علامة اكس...
امشي واحجي ما ادري شوكت وصلت للمدرسة باوعلت ادور علية ماكو بقيت يم الأسواق بدت الطالبات تدخل للمدرسة الشارع شبة الفرغ شفتة يأشر براسة بمعنى امشي وراي بدأ يمشي بعلت ريگ و طلعت السچينة خليتها جوةردن القميصامشي والتلفت وراي ارجف رجف شيريد يحجي مثلا...
وصلت لمكان شبة المعزول اول مرة اشوفة بقة يمشي دگيت رجلي بالگاع وصحت وراة: -اوگف مو تريد نحچي يله اوگف احچي شتريد
حجة وهو يمشي.
: -امشي وراي وبلا لغوة زايدة تريديني احچي هنا
: -لعد وين تحچي شبيك مو احچي وياك رد
بقة ساكت وصلنه يم بيت مبين قديم وگف ودار وجهة عليه شبة ابستامة على وجهة صحت بعصبية واني على بعد منة بس الخوف مسيطر علية
: -انته شتررريد مني اعرفك تعرفني وهاي صوري منين وصلنك يله احچي وامسح الصور گدامي تررره احچي لخوي الا اخلية يسحلك سحللل ويخليك عبرة لمن اعتبررر.
: -واووو گلتي اخوي لعد ما جبتيه وياج خل نتعرف علية شو بله هيج صيري خل اشوفه ماشاء الله والله اخو عندج غير تگليلي علية
-: ديلا بلا مسلتة گول شرايد
: -افااا ما تدرين شرايد
هزيت براسي لا بكل سجاذة اجه تقدم علية جفلت بمكاني من جرني من ايدي نفضت ايدي حيل ماكو مچلب بيها قوي صحت بيه.
: -لككك زمااال غبي عوووف ايدييي لا اموتك بمكانك.
: -دشوف منو التموتني هم حلوه وهم متمردة الله لو يخلق لو ما يخلق اروح فدوة للمتمردة
: -انچب واكل نعل يله امسح الصور المدري منين جبتهن
: -هسه اراويج منين جبتهن
جرني من ايدي حيل للبيت ثبتت رجليه بالگاع اريد اثبت ماكو سحلني سحل طلعت السچينة من ردن
القميص ونبتتها بزنده لزم أيده بوجع الايد
الصاحيه لزم بيها السچينة عتاها من ايده وشمرها بعيد.
طلعن عيوني من محجرهن مابية شي واليد الثانية لازمني بيها احاول بكل قوتي أفلت روحي من عنده بس هو قوي مدري شنو من قوة عنده فرفحت بين ايدية ما احس الا خسف وجهي براچدي وسحلني احاول باديه افك نفسي ماكو اخرمش بيه ما يفيد ارفس بيه هم ما يفيد...
شمرني على الحايط وصار مقابيلي لزگ عيونة على جسمي كل ذرة بجسمي ترجف ماادري بغبائي راح يوصلني لهلمكان حجيت بصوت يرجف: -انته مو گلت احچي وياج بس.
ضحك بحقارة حرگني من گال: -هههههههههه وانتي لهدرجة غبية وتحبين السوالف هههههههه
لزم خصري وثبت رجليه على الحايط برجل وحده اريد اعيط صوتي ما يطلع قوتي من الخوف راحت بس اضرب بيه وانخي اهل البيت ما اشوفة الا مگود بالگاع واحد فوگة يضرب بية بقوة بقيت بمكاني جامدة...
بقيت ارمش بعيوني وارجف واني اشوف شلون واحد شكبرة وشگدة گاعد على بطنة ودگ بوكسيات خلة الدم من كل مكان يطلع منه...
بقيت واگف بالزاوية ارجف وبس صوت شهگاتي وهذا مستمر يضرب بيه اريد احرك رجليه واطلع ماكو احس شي مجلب بيهن گعدت بالزاوية واباوع شلون يضرب بيه ودموعي تتناثر گام الولد الچان فوگة ودار وجهة من شفتة يبس الدم بعروگي...
ردت اموت من شفتة جلال اجة باتجاهي شرايينه يريدن يطلعن من العصبية جرني من ايدي أحسها انخلعت حتى ما اگدر اصرخ بس ابجي طلعني خارج البيت وضربني راچدي الدنيا افترت بية بقى يضرب بيه وجهي گمت ما احس بية يگول ادية من حديد مو ادين بشر...
لزمني من اچتافي يهز بية خضني خض روحي راحت حچة بصوت شگد اذني شگ: -شعندجججج جايةةة لهناااا حيوانةةةة احچييييي.
ما حچيت شي بس ابجي انهاريت من البجي كعدت بالگاع حطيت راسي بين رجليه وارچف وابجي سمعته يحچي بالموبايل
-الوو عزت دز الولد بسرعة هسة ادزلك الموقع. لا تسااال مو شغلللك خوششش
حسيت نفسي انرفعت من الگاع: -امشييي گدامييي
فتح باب السيارة شمرني شمر طبكاه قوي ورجع للبيت وره عشر دقايق طلع ينكت بملابسة شغل السيارة وطلع حچة بهدوء: -احجي شعندج جاية هنا منين تعرفين هذا السگط.
ماحجيت شي بس ابچي طبگ السياره شوية وفتح الباب انطاني بطل مي: -هاج اشربي واهدي
رفعت راسي اخذت البطل منه وگع مني ادية ترجف لزم البطل وشربني بيدة: -اغسلي وجهججج يله
غزل: غسلت وجهي ودموعي من وحدهن ينزلن دخت كمت ما اشوف شي من الضرب
جلال: -كافي بچي رحمة للكائنات اسكتي وسولفيلي
المقتل
مسحت وجهي وبديت احچيلة من البداية لحد هسه بقة مقلص عيونه يباوعولي بشك وإني ارجف رگبتي صارت بيدة.
جلال: -يعني هسه انتي ما تعرفينة مجرد دخلتي بيتهم بالغلط شو احس المسلسلات الهنديه ماثرة عليج اصحي بابا احنه بالعراق لا تصدگين روحج ترة مارة عليه اشكال والوان لا عبالج تضحكين عليه
غزل بعصبية: -طبك مرررض الصدگت والمااا صدگت مووو مشكلتي هاي وليش حتى اچذببب عليك و منو أنته حتى تحچي وياي هيج
: -مرض اليمرضج أن شاء فوگ شينة گواة عينه السانج ضبيه لا اجي الگصة الج
: -وهسه اني شگلت وحتى هيج تحچي وياي.
: -وهو انتي المفروض ما احجي وياج اخلي حيدر هو يحجي وياج
: - كله من وراة كل ما ردت احجي وياة بالموضوع يغلس لو الگاه طالع شغللل شغللل تفففف على هيج شغل هسه هو لو سامعني چا ما صار كل هذا
: -يلا هسه نعرف الحقيقة الجميلة بس اذا طلع حجيج صدگ الا اشلع اذاناتج على الثول الشايلتة
: -هسه شبيك تغلط علية فوگ الضرب الاكلته من عندك ماكفاك انوب السانك
: -لا تريديني اصفگلج براوو يحلوة ادائج اعجبني ياغبية.
: -اتجاوزتت وسكتتلك هواي لهنا وألزم حدك الضاهر اخذك الواهس يله نزلنيييي
بحده: - السانج الزميه
: -كافيي نزلنيي
جلال بصياح: -ويننن انزلججج وإذا انزلج وين تروحين
: -للبيت وين اروح يعني
: -وشدگولين لامج وين جنت وليش رجعت بهذا الوقت
شغل السيارة ومشه سريع بس ينافخ واني منهارة گوة حجيت: -وين ماخذني
: -للمدرسه
: -بس تأخر الوقت خاف ما يدخلوني
: -لاتخافين يدخلوج اني احجي وياهم وبعد منا ورايح ما تجين وحدج الا خط.
: -اصلا بعد ما اداوم
: -مو بكيفج ام حلگ اليلزگ ما تداومين
: -هسه شبيك وياي
: -بيه سم السمج أن شاء الله
: -لاحول ولاقوة الا بالله
: -والله طلعتي تعرفين تحچين
خزرتة وسكتتوصلنا للمدرسه نزلت ونزل وراي حچه وي المديرة وراح خلصت دوام وبالرجعة رجعت وي البنات دخلت للبيت روحي رايحة وامي استلمتني.
بسمه: وعليكم السلام ورحمه الله وبركاته شكبرج بعد تصيرين وانتي سلام ما تعرفين تسلمين.
غزل حچيت بتعب: هسه واحد تعبان جاي من جهنم وتريدوه يسلم بله هاي هم عيشه هاي
بسمه: اكلي تبن شبيها عيشتنه الناس تتمنه تعيش عيشتج هاي الماعاجبتج
غزل: ما حچيت شي صعدت لغرفتي اسحل بروحي لو ميتة ولا هذا الصار هسه شيكول علية يمكن يگل لحيدر ويبطلني من المدرسة سودة بوجهي وبتفكيري الخايس
بسمه: تعاي ولج شبيج وجهج احمر وجنج تريدين تموتين
غزل: حچيت واني اصعد الدرج. ما بيه شي بس تعبانه من المدافرر.
دخلت لغرفتي شمرت الچنطةوبوجهي للحمام شغلت ألمي كل مااذكر الموقف جسمي يرجف وتلعب نفسي هسه لو ما جاي جلال شصار...
يمكن الله دزاة إلى تلمست وجهي وغمضت عيوني بقوة من اتذكر شلون ضربني صوت الراچدي بعده يرن بذني كون كسر بايدك يا جلال مو ادين صح خلصني بس ضربني بقوة حقيرر خلصت سبح صليت ولفيت راسي ونمت.
بسمه: يمه أزل صيحي لاختج وتعالن تغدن
أزل: يمه غزل نايمه
بسمه: اگعديها خل تجي تتغدة وترجع تنام.
أزل: گعدتها تگول ما أشتهي ماكله بالمدرسة
بسمه: والله ما مرتاحتلها ما شفتي شكلها من اجت شلون صاير
أزل: هسه تلگينها لو ما مجاوبه بالامتحان لو متشاحنة وي الطالبات تعلميني بسوالفها
بسمه: اخخخ لو ادري يمتها تعقل هالبنيه
أزل: تعقل لا تخافين بس هي طبيعتها هيج.
يمه صدوگ حيدر شو ماكو لا يتغدة ويانه ولا يجي بالعشه حتى صايرين ما نشوفه
بسمه: سودة عليه يمه شغله هذا.
أزل: ليش مو جان يتعشه ويانه ومرات يجي على الغده لو والله مو مرات دائما ياكل هنا بس هسه مدري شبيه صرنه نتحصر على شوفته قبل عشر تيام بعشرة وينزل هسه عود بنفس المحافظة شغلة وهيج لو يرجعونة مثل قبل مو احسن.
بسمه: يمه هذا شغلهم وانتي تعرفين اخوج شغله مو هين كله عصابات ومجرمين كل ساعة طالعتلهم سالفه صفح
أزل: افف شوكت يخلص العراق من الإجرام والمجرمين مو طلعت رواحتنا.
بسمه: ما يخلص تخلص الدنيا كلها من المصايب الا العراق
أزل: الله يكون بعون العراق والعراقيين
بسمه: امين، شلونج يمه وي الدراسه
أزل: مطيحه صبغ صبغي النهار كله اقرا
بسمه: شدي حيلج وجيبي معدل عالي يرفع الراس وكلشي يهون تگضي وتضل سوالف
أزل: أن شاء الله
-----------------
جلال-رحت بوجهي للمركز فاير دمي اليوم الله ما يخلصة مني. صحت بعزت وين الامانه العندك
هز ايدة ويحجي باستهزاء.
عزت: شلون امانه ما ضال عظم صاحي بيه. خليت الولد يسحلونه سحل إلى الأمام درر إلى اليسار سرررر تلگاة بوجهك
جلال: رحمه لدينك شوكت تبطل سوالفك الماصخة
عزت: بس خليلها ملح حووبيي
جلال: حبتك حبايه مسلبايه نامت ب...
دخلت لگيته يون حجيت وياه بهدوء اريد اعرف السالفة بالمظبوط ختى لا اضلم البنية وواصلها لخوها وتصير مشاكل الها وهي بريئة أول ما حاچيته نكتهن نكت شلون واحد عاار...
جايب حسابها من بنيه وياها بشعبتها ومخترق حسابها ومفبرك الصور ويهددها لزمته زوعته العافيه الا اخليه يعفن بالسجن الوصخ ابن الوصخ هسه لو يسمعه حيدر الا يحط طلقة برأسه...
دخلت للمسؤول حتى لا تجيني عقوبه سويتها عليه ظلمه.
سيدي مرت اخوي تخربطت ورجلها ما موجود وصلت الموت وجنت وياها بالمستشفى.
-مبين
-اكيد يبين جا مجذب عليك من گبل
-دروح بس لا تعيدهة
-بعد روح تدلل.
طلعت من غرفتة رحت اشوف الولد: اگول سالم شو ما شفت حيدر اليوم
سالم: سيدي طلع عنده شغل
جلال: هو ويامن طالع
سالم: علاء راح وياه وباقي الولد
جلال: ها خوش
شوية ورجعو اباوع لحيدر صاير نار گبرة ساحلينهم ولد دخلوه لغرفه التعذيب حيدر دخل وراة و ما نسمع بس صوت الصريخ يکول مرة حتى النسوان موهيج تصرخ.
جلال: اگلكم شني السالفة منين هذا الولد وشني سالفته.
علاء: هالنذل مغتصب طفلة بعمر عشر سنوات وماخذينها للمستشفى ما لحگو عليها ماتت
بالطريق
جلال: الله اكبر انوب لحگتم الاطفال دمرتم طفولتهم شهلدنائه النفس عايف الگ. راجع على طفله شيصير بينه بعد شعرة وتنگلب بينه
علاء: لا والنوب ماتت ولو تشوف أهلها خطية امها يبووو تكسر باب الگلب
جلال: الله يستر بعد محد يامن حتى على الولد مو بس البنيه
علاء: اي والله.
جلال: ما طلع حيدر لا بساعة ولا بساعتين خفنه لا يموت بيده ويتعاقب دخلنه اني وعلاء لگينه الولد ما يبين رأسه من رجليه عبارة عن دم
علاء: حيدر كافي تسودنت عوفه لا يموت بيدك
حيدر: ذوله حرام يعيشون ولك ما شفت امها شلون تبچي خسرت بتها الچبيرة ذوله ما يستحقون يعيشون مجرمين مختلين عقلياً رجعوا عالاطفال
جلال: دعوفه بأجر محاكمته اكيد اعدام يحكمون علية
حيدر: خل اطلع حرگت امها واهلها.
علاء: ولك كافي ما شبعت صارلك فوگ ساعتين
جلال: جست الولد نبضه ضعيف. خلص عوفوه بينه وبين الموت شعره علاقل خل يتحاكم. عافنه حيدر وطلع
علاء: حيدر وضعه ابد ما عاجبني
جلال: انوب گام يلعب وي الروس الكبار
علاء: هذوله داهيه ما يخفه عليهم خافيه بس يعرفون الينبش وراهم يخلونه بخبر كان شني حيدر ما يخاف على روحه.
جلال: سولفت هذا الحجي قبلك وگتله أمك وأخواتك منو الهن ولا مهتم يكول هويتي سريه اي معلومه عني ما راح يحصلون شخص مجهول لا يعرفون وين ومنين
علاء: ما يرتاح إذا ما يسوي الباله بعد هذا حيدر عشرت عمر حفظنه اطباعة يحوم مثل الصگر عليهم
جلال: يعجبني هلولد سبع اگلك هسه عوفك منه وانت شوكت تعرس ماتگلي
علاء: ما ضل شي عن قريب مسالت اسبوع سبوعين واعرس
جلال: بيها الخير أن شاء الله
علاء: يوم الالك ضلعي.
جلال: ويني وين الزواج اني رجال اخاف على بنات العالم انوب تموت بيدي وانشمر ورة الشمس وتجون انتم تسوولي بيباي من وره الشمس
علاء: وانته شبيك ما شايف مهروش وطاح بكروش
جلال: جا شتريدني بله اگعدها بوسه ونيمها بوسه
علاء: والله أنته الترضه بيك ما رايده روحها من صدگ أنته شخص عنيف اوييي
جلال: من اروح فدوه لل اوي التطلع من حلگج فدوه لحمديه اروح اني
علاء: انچب اني راح اتزوج لا تضيع وقتك وياي.
روح شوف غيري بعد ما أفيدك انيي
جلال بسرعه: اجه العقيد احمد وگفنا بانضباط
: احترامي سيدي
العقيد: شعدكم واكفين هنا دكون حنك چنكم نسوان أرامل يله كل واحد لشغله
جلال: دخل العقيد لغرفه حيدر واني وعلاء كل واحد راح لشغله بعد ما تفشلنه گدام الجنود
العقيد: اي حيدر شعرفت من معلومات عن العصابه
حيدر: لحد الان جاي اتحره عنهم وان شاء الله اسبوع وتجيك الاخبار.
العقيد: حيدر تدري الموضوع بغاية الخطورة بس يحصلون عنك معلومه وحدة تعرف شيصير بيك
العصابه هاي تابعة لروس بالدوله ولروس كبار هم للمعلومه
حيدر: لا تخاف سيدي اي معلومه ماراح يحصلون هويه مجهولة وشخص مجهول يضيعون وقت لا اكثر
العقيد: ادري بيك سبع ما ينخاف عليك بس الحذر واجب دير بالك
حيدر: أن شاء اللّه
طلع العقيد صحت بصوت عالي: سالمممم
دگ الباب سالم: احترامي سيدي ردتني
حيدر: ادخل وسد الباب وراك. وين وصلت الخطه.
سالم: قيد التنفيذ سيدي
حيدر: انطيني مهله يخلص بيها العداد
سالم: ما ضل شي حتى ينتهي العداد
حيدر: وبالنسبه للسريه
سالم: لا تخاف سيدي حتى الولد ما يعرفون. زرعنه جماعتنه بكل مكان وأن شاء الله هما گدها
حيدر: أن شاء الله واي خبر يوصل تخبرني، تگدر تطلع
سالم: احترامي سيدي.
حيدر: اجتني معلومات جديده بخصوص عصابة جديده تدگ بيوت الناس بحجه محتاجه فلوس تشوف الحاله الماديه وشگد عدهم ولد وبنات تحفظ معلومات عن البيوت الناس وباليل يبدي الشغل...
والبعض يجن يبيعن ملابس ومن هل سوالف خربن بيوت العالم بس وين يطيرن لزحل للمريخ هم نصعد ونسحلهن سحل گ...
مو بلد منين ما تجي تلگه الحراميه تنهب بيه
حيدر: عزت اريدك تراقبلي محمود وجماعته
عزت باستغراب: محمود ليش الا هو!
حيدر: سوي مثل ما گتلك.
عزت: بس سيدي هما شغلهم ويانه شلون يطلعون معلومات عنه
حيدر: ومنو گال يطلعون معلومات السالفة اكبر من هيج اشك بيهم يشتغلون ضدنه
عزت: شلون سيدي متأكد هيج واحنه ما لازمين شي عليهم شني المخليك واثق من كلامك لهدرجة
حيدر: الخطة شلون خربت بهلسهولة وتصاوبت جانت ماشية عالي العال وبلحظه انگلب كلشي علينه والله ستر وطلعنه منها سلامات
عزت: كلشي توقعت من عدهم بس مال يشتغلون ضدنا هاي ما توقعتها.
حيدر: كلشي اتوقع احنه عايشين بالعراق هسه اريدك تراقبهم بس تكون حذر فتح عيونك زين ترة هذا محمود اكبر داهيه
عزت: تدلل سيدي إذا هو داهيه اني ادهه من عنده
حيدر: هههه هاي شلون رهمتها
عزت: اعجبك سيدي اني كلشي ارهم
-كون هيج رهمها بدربك وحصلي معلومات مرتبة
-صاار سسيدي
-----------.
جلال: بعد ما تأكدت من كلام غزل حزت بخاطري لأن ضربتها لحد الآن صورتها أبالي عيونهة صار لونهن حمار على صفار ووجههة خطيه صار قطعة حمرة من غير الرزايل الاگلتها مع هذا تستاهل واصله بيهة تروح لولد مهددها ما تعرف شي عنه
بدون متخبر أحد...
بعد ماتاكدت مستحيل اخبر اخوها لهنا ونسد السالفة خطيه خاف تتأذة.
كسرت خاطري الغبية اخذت الموبايل واتصلت بيها مرة مرتين ما جاوبت لانعل ابو الساعه الفكرت اعتذر منها يطبها طوب مو وجه نعمه هاي...
---------
غزل: گعدت من النوم جسمي مكسر وميته جوع نزلت جوه راسي يون علية احسة شثگلة لگيت امي وحيدر گدامي غلست ما سلمت عليه صاح وراي.
حيدر: من شوكت تشوفيني وما تسلمين ست غزل
بسمه: والله مستهترة هالايام حتى اني امها ما تسلم عليه.
غزل: سكتت ما رديت عليهم طلعت الاكل من الثلاجة احميه حسيت بيه وراي درت وجهي شفته مكتف اديه لصدره حچيت گالبة وجهي: - شويه اريد افوت
حيدر: لا والله شو لابستني ولا جنج تشوفيني گدامج
غزل: حشاك بس مالي خلگك
حيدر: لا بله وشوكت يصير عندج خلگي
غزل بعصبية: مثل ما انته ما عندك خلگ إلى اني هم
حيدر: وشبيج تصيحين لا اجيج براچدي افر بي وجهج فر.
غزل: هيه بس عوز تضربني، دمعت عيوني ردت اعبر ساد الطريق ما تحملت گوة متحملة خليت ايدي على وجهي گمت ابچي، هسه شبيك مو اگلك وخر
حيدر بقلق: شبيج بنيتي. سحبني لحضنه وصار يمسد على راسي، أحد ماذيج
غزل: اي
حيدر: منووو!
غزل: أنته
حيدر باستغراب: اني
غزل: اي أنته البارحة اجيت احجي وياك ولا كاني درت وجهك ومشيت حتى ما سمعتني
ذب حسرة وحجة
حيدر: البارحه اجيت ميت تعب تعذريني غزالة
غزل: والى متى تبقى هيج.
حيدر: شغلي شسوي اعوفه
غزل: واحنه ما النه حق عليك مو اخواتك واحنه ماالنه غيرك أنته ابونه واخونه وكلشي النة
حيدر: الجن كل الحق ما اعتبرتجن يوم اخواتي انتن بناتي ربيتجن على أيدي من جنتن صغار بكد الفصمه
غزل: هاا اي يعني هسه احنة كبرنا
حيدر: اكيد لا اطفال بدجن
غزل: يا طفلتيش ترة عمري 17 وانته تگول طفلة
حيدر: اكلي تبن بعدج صغيرة حتى لو صار عمرج فوگ العشرين.
غزل: اگولك شو انته نسيتني السالفة كلها ترة اني زعلانه عليك وما أريد احاچيك بس أنته لا ذمه ولا ضمير مغلس على الموضوع
حيدر: هسه اراضيج يله روحي بدلي انتي وأزل وتعالن بسرعة
غزل: وين راح تاخذنه
حيدر: نشوف مكان حلو يله بين ما أسبح الگاجن جاهزات تمام
غزل: تمام...
مسحت وجهي ورحت صحت لازل بدلنة ونزلنة امي بقت بالبيت ما بيها حيل اخذنه لمنتزة مابيه هواي عوائل فترينه المنتزة فرر وحيدر بس يدخن.
لعبنه كل اللعاب وحيدر الله يسلمه ما خله شي ما جاباه النه واخير شي اشترالنه موطه ورجعنه للبيت...
حيدر عن جد شكرا
حيدر: تونستن
غزل: مو بس تونست اصلا توهست صار عندي واهس طلعتني من جو الكابه
حيدر: وانتي ازولة گلبي تونستي
أزل: اكيد تونست غير أنته الماخذنه الله يحفظك النه
غزل: اميننننن
حيدر: تونس بوية شعندي غيرجن احبل اخلف اجيب
غزل: ليش عيني شناقصك تحبل وتخلف وتجيب هم.
أزل: اشوف حيدر گبل التفت عليها، لا قصدها تخلف يعني يصير عندك جهال الله شگد متحمسه اشوفهم هيج يخبلون احسهم وعلي
غزل: ها اي هيج قصدي. صدوك شوكت نشوف جهالك ما ناوي تزوج بلكي علاء يحل جبستك
حيدر: الله كريم
غزل: وهو منو گال الله بخيل من فدوه اله عيني عينه شو اكرم الكرماء بس انتم مدري شبيكم كل ما تريدون تسدون سالفة گلتم الله كريم.
حيدر: يمه ام اللسان السانج بطول القندرة بعد مديه ما اعول اخلص من حجي امي تجين انتي چمالة
أزل بهمس: ها هسه ارتاحيتي يطبج مرض السانج شويه الزميه
غزل: يووو هسه اني شگلت گبيتو عليه فرد کبه راعو مشاعري ترة اني هم بشر
حيدر: اليدگ الباب يلگه الجواب
غزل: سكتت هو اني صوچي من امداني لو ابقة ساكته اشرفلي
أزل: مو بله. اللهم لا شماته.
غزل: بوزت حلكي وسكتت وصلنه للبيت صعدت لغرفتي متت تعب بدلت وگعدت لزمت الموبايل وانغبض گلبي من اتذكرت شلون وصلتني الصور بس اكيد لازم افوت الموضوع وكانه شي لم يكن
واتعلم من الصار وما اروح من وحدي مسوية روحي جانتان غسل الغسلني على هذا التفكير.
شفت جايتني هواي شعارات مكالمات فائته شفتهم من جلال بله هسه هذا شيريد وجهي لحد الان يوجعني حتى اكل بالگوة اكل كلت خل اشوف شيريد دزيت مسج.
خير شتريد.
سرعان ما قراه ودز
مو اشتغل عندج عدلي اسلوبج لا اجي اصلخج براچدي اوديج لبغداد
دحترم نفسج هالمرة الا اكسر ايدك لا تشفوفني سكتتلك عبالك هاهيه ترة الموقف إلى اني بيه سكتني لا اكثر بعد لا تمزلگ بالحچي
شلون موقف خايس مثل وجهج
لا والله مثل وجهك الخايس المعفن تروح فدوه لوجهي
هاي اني الخايس بسيطة إني اعلمج
لا بله شتعلمني ترة أنته البديت ويله گول شعندك متصل علي
عود ردت اعتذر منج بس انتي مو وجهه نعمه.
شبيك متحامي على واعتذارك ما مقبول، والا اگلك نص مقبول ورغم هذا اقدم شكري الك وأن شاء الله الموضوع ما يوصل لخوي
لا تخافين اعتبريه ميت بالنسبة إلي
شكرا مع السلامه
استودعتج الله
غزل: ضحكت على كلمته استودعتج الله اول مرة اسمع شخص يگولها سديت الموبايل ورحت صليت صلاة شكر لان طلعت من الموضوع سلامات
اوفف لو مو جلال اليوم اني بخبر كان الففف الحمدلله عدت على خير...
-عايش المن
لا حضن يتلگه تعبي
ولا اذن تسمع غناي.
البايع الدنيا لاجلهم بايعيني
لبوة: حضرت كولشي يخص سفري بس عندي كم احساب اخلصه قبل لا اسافر طبعاً بهذي الفترة اداوم مستمره لكن مو دائماً هم أخذ اجازات حيدر بعد ما شفته ابد من بعد الكلام الصار بينة...
ملتهين نحضر لعرس زينه الما باقيله كم اسبوع.
طلعت للدوام ردت اروح للايلام لكن سيطرت على نفسي وكملت طريقي شي مو بيدي ابد رغم اني متعوده عليه لكن ما يسمح لي أخذه وياي للسفر لو حيوان صغير مثل كلب بزونه يمكن عادي...
نفسيتي بيها وما تتعب بسبب هالشي تنهدت وطلعت للدوام إلى لعبانه نفسي منه دخلت وسمعت شخص يصيح باسمي عفست وجهي وصحت طالعة روحي: اهوووو هم أنته استغفر الله وتاليها وياك...