رواية لبوة علي للكاتبة كفاية كاظم الفصل الحادي والأربعون
غرابة بالموضوع اسئلة تجول بمخيلتي شنو راح يصير؟ فعلاً شنو صار حتى يجي يزورني بعد كل هاي الفتره!
تبادلنة النضرات هو يباوع لشكلي المتغير جذريا واني اباوع لملامحة المتهالكة قاطع الصامت الحاصل من گال: -ها عمي شني ماتضيفين خطار؟
فتحت الباب وابتعدت شوية: -تفضل
دخل وسديت الباب وراة اشرتلة بيدي على الاستقبال: -چا رچلچ وين؟
-طالع هسه يجي
-اي شلونج مالونچ؟
-بخيرر
-الله يديمة عليج
-إن شاءلله.
دخل وراح گعد رحت گعدت مقابيلة ابدد مامرتاحة لجيتة بس العجيب گاعدة گدامة شلون؟ وليامرحلة
وصلت!
سلطان: -شگد بعدلج وتچيبين؟
-ماضل شي
-شايفه الخير
-شكراً احب اعرف شنو سبب جيتك؟ اذا متصير زحمة
-رحمه بوية رحمة
-شكمممم مررة گايلة لاتگوللل هايي الكلمةة
-ههههه چا نسيت اعذريني
-ابد مامعذور
-العمر ماضال منه شي كافي حقد خل ننسة الماضي
ونقوي صلة الرحم الرسول واهل بيتة وصونة بيها
كافي العمر راح يخلص واحنة بحقدنة.
-ههههههههههه گلت صلة رحم صلة الرحم من زمان گطعتوها من جنة بنفس البيت سوة انتم رحرگتو الروابط وما هتميتو لا لاخو ولابنتة اما على الحقد انتم اهل الحقد انتم الزرعتو الحقد ونقلتوة من گلوبكم القذرة لگلبي النضيف تعاملكم وياي كلة بحقد وكرة بس اني ماسويت مثلكم مارجعتلكم الاذية بس بعدت نفسي عنكم ماردت شي بس ردت اخلص وماشوفكم حتى لااتذكر ماضيكم الاسود
-انسي الصار وخلية يولي ونبدي صفحة جديدة.
-ليش الصار ينسي! لابربك شنسى يوم يومين سنة سنتين وحتى لو ردت انسى كولشي يذكرني بمعاملتكم وياي بكلامكم المسموم من الاخير شرايد؟
-اني اعترف فرقتج عن ولدي هواي واذيتج وهاي اني اول مره اعترف بغلطي اليوم مارايد شي منج بس رايدج تبريني الذمة الموت محاوطنة وانتي على بالي دومم
-تذكر من گلت راح يجي يوم تطلب تحجي وياي وماتلگاني مستحيل ابريك الذمة من گلب ولسان.
شعرة وحدة بيني وبين الجنون وصلت لمرحلة صرت احس نفسي مخلبة وانتم السبب خليتوني اكرة كولشي بحيث ردت اعوف العراق واهج من وراكم
عن شنو ابريك الذمة على ياكتلة منهم على ياحبسة
تذكر من تنفخ دخانك بوجهي تخليني اختنگ لو على اقل شي تخنگني بيدك لولو شعد ها گلي تريد اعدهن نضل سبوعين ومانخلص.
-الله غفور رحيم ويسامح احنة البشر مانسامح.
-الرب يسامحنة لان هو خلقنة يحن علينة اكثر ماتحن الام لاطفالها اما اني ماالي صلة بيك حتى اسامحك
-اليوم اني متعنيج وچايچ مايصير ترديني عوفي الصار وتعاي علينة واحنة نجي عليج ترة انتي مالج غيرنة بهلدنيا
-لا والله ذكرتوني خاف ناسية ههه الله اذا تعرفة هو اللي ومال اسامحك وانسى مستحيللل ماگدرر گلبي ماينطيني هاي خيانة لروحي السويتة بية انت ومرتك مو قليلل مااريدكم ولا اريد گاع التريدكم.
عفتة وطلعت صايرة نار لاگاني حيدر يريد يدخل تجاهلتة وعبرت لزمني من ايدي: -شبيج!
-مابية شي.
نترت ايدي منة وصعدت الغرفتي مسحت جبيني المتعرق رحت غسلت وجهي وادية بقيت افتر بالغرفة والذكريات تتراگع براسي بدقايق مر بالي الف موقف وكلهن يهدن الحيل بس كلامهم سم مشى بدمي انفتح الباب دخل حيدر باوعتلة وعفست وجهي ماعرف شنو جاي يصير تذكرت من جان يدخل ويباوعلي بحقد ويضربني رجع احساسي تجاهة بذيج الفترة درت وجهي ماريد اتعارك وياة رحت للكنتور گلبت ملابسي كلهن حسيت بية وراي حضني من ورة وخلة راسة على كتفي نترت بية صرت ارجف من العصبية.
-عوفنييي
-شصاير لبوة عمج حاجي وياج شي موزين؟!
-هسة صرت لبوة مو چنت بلوووة على راااسك تذكررر لو نسيت شتفرق عننن عمييي ثنينكمم نفس الاسلوووب ونفسس الهمجية اكرهكممم ثنينكممم
دفعتة ودموعي نطلقن كل ذرة بجسمي ترجف بقة يباوع مستغرب من حالتي لزمني من ايدي انفجرت بوجهة اصرخ وابچي...
-لاتلزمنيييي، تضربنيييي وهسه رجعتتت تحبنيييي وتهتممم بية وانتتت چنتتت موتنييي كتللل انييي شكووو رجعتلللك هسة تطلگنيييي وارجعع اسافررر مااريددد اشوفكممم كلكممم دمرتونييي
كعدت بالگاع كوة اجر النفس خليت ايدي على گلبي احسة يريد يطلع من مكانة صار حيدر گدامي بيدة الحباية دفعت ايدة.
-عوفنييي اموتت صررت حنينن علية وتحبني مااريدد علاججج وخرر منييي.
راد يخلي الحباية بحلگي سديت سنوني قوي لزمني من فگي وعضني من ايدي الا فتحت سنوني دفع الحباية بحلگي وسداة بيدة بلعتها وغوشت عيوني
جسمي باد صرت اسمع بدگات گلبي جرني علية مسح عيوني وباس راسي دفعتة وزحفت عنه خليت راسي بين رجلية ودموعي تنزل وهو ابد ماعافني اجة حضني: -شبيج بوية؟
-عوفني ماريد اشوفك شكلك اطلععع.
ابتعد مني سمعت الباب ينطبگ نهضت احس جسمي منمل وگلبي مجمر قهر وحقد على الكل جاي اشاهد بعيني روحي تصارع صرت اررد سورة الكرسي الا ان فحطت مسحت وجهي ورحت قفلت الباب ورحت للحمام اسبح احس اعصابي ارتخت من المي كعدت مابية حيل اتنفس اندگ الباب.
ازل: -الوو لبوة تنزلين تتعشين؟
-لاماريد
-مايصير لازم تاكلين وعلاجج غير ورة الاكل شلون تاخذينة
-اكلت قبل شويه لاتهتمين
-زين يعني ماتريدين اصعدلج الاكل
-لاحبيبتي شكراً.
بيهن طبع حلو مايسألن ليش اصواتكم طالعة لو شصار محد يتدخل بمواضيع خاصة ابد ماعدهن فضول حتى خالتي.
اخذت الموبايل واجت بالي دكتوره اسراء عسى ولعل ترد مثل هيج وقت اكيد فارغة محتاجة ارجع دكتور بس مابية حيل احجي من البداية وماارتاح للكل مثل مارتاحيت لهاي الدكتورة تعرف حالتي وشهدت على انهياري.
اتصلت بيها جاوبتني بسرعة سلمت عليها وبديت احجيلها الصار ودموعي تنزل وهي تسمع بكل تركيز
-زين هسه دكتورة شنو اسوي؟
-هذا الشي طبيعي وسببة انج متخلصتي من شعورج بشكل كامل بذيج الفترة تصير امي انتي من النوع اليحبس بداخلة وبالتالي تصير وياج حالة انهيار
باي لحظة مثل منگول احنة بهلجتنة هذا الشخص مأخذ حقة اوصلها الج مثل شخص ضرب الخ وذاك مارجعلة الضربة بقى احساس الوجع بداخلة فتمر بية ايام يجي بالة وجع الضربة والمشكلة وين ميكدر يرجع لنفس الشخص يضربة يبقى بس شعور الالم بداخلة كانة هسة صاير الحدث.
وانتي هيج من صارت المشاكل بينج وبين زوجج جان يضربج وبالمقابل سافرتي ومن اجيتي حالتج جانت يرثى الها اثر بنفسيتج كلش خصوصا بالفترة الاخيرة شي طبيعي امي صارت عليج ضغوطات نفسية تابعة للماضي تتردد عليج بشكل نوبات فحاولي تبتعدين عن التفكير بالماضي ركزي بالحاظر حضري لاطفالج غراض اشياء لطيفة تليق بيهم اتأملي بالمستقبل.
-هو كلت احضر بهاي الايام لان ماضل شي على ولادتي.
-إن شاءالله خير شنو شعورج من تفكيرين بيهم؟
-شعور حلو خصوصا اني اعشق الاطفال راح اهتم بيهم واوفرلهم كولشي
-إن شاءالله تگومين بالسلامة متحمسة اشوفهم
-تشوفينهم اكيد اوففف لحد هسة ماجاي حيدر شسوي
-اتصلي بية گليلة تعبانة احتاجك اكيد راح يجي
-خوش فكرة.
انهيت الاتصال وي الدكتوره رحت للمراية اباوع لشكلي حيل هاملة نفسي هالفترة وحتى حيدر خطية ملابسة يغسلهن وابد مايگلي سويلي اكل لو يطالبني بشي شايلني مثل المي البصينية، بس اني غثة مرات اصفن اگول حقي الحمل موتني حتى بالليل مانام احس شايلة طن ومن غير الرفسات التجي اكيد الامهات يعرفن قصدي واضافة لگلبي متعبني اوفف.
رحت غيرت ملابسي وخليت مكياج خفيف والله مو طبيعية ابد قبل شوية لعبت جولة يمة الله يساعد حيدر علية والله احجيها من كل گلبي، صارت الساعة بالعشرة وهو ماكو اتصلت بية مايرد.
استغفر الله هسه شبية وياي مايگول هرمونات وين راح بهل وقت بس لااخذو وياهم للملهى بحجة ضايج عزاا بس لاصدوك هما روحم بهاي السوالف.
حركت الموبايل علية بالاتصالات صارت ونص وهو ماكو ردت انزل بس بعد شيصعدني اذا نزلت بقيت الوب والله انقاد للافكار ساعه اگول مزوج بالمتعة وهسه يم مرتة يبووو راح يخبلني.
ترجع لوما ترجع الا اسويها بالطابوگ دخل انزل المن باقية هنا فتحت الباب وصار بوجهي...
-ياهلا ومية هلا تفضل عزيزي
دخلتة وسديت الباب كتفت ادية ورفعت حاجب اويلي منا النسوان اذا رفعنا الحاجب.
-اكول يمة وين جنت؟
-صرتي زينه؟
-لاتغلس وين جنت؟
-طالع.
-اي يعني وين طالع للملهى لو يم مرتك لان هاملتك حيدر صدوك بدون چذب متزوج علية عليك الله گول
-انتي من كل عقلج تحجين ملهى ومتعة شبيج بابا!
-لعد وين چنت هاا هسه لو اني طالعة كل هذا الوقت شتفكر وين چنت
-مافكر بيج بشي موزين شهرين انتي مو يمي ولااعرف اخبارج ورغم هذا مافكرت بيج بالموزين
-ليش اني رحت اتونس لو اگضي وقت لاتخلطنة سوة اوفف عصبتني
-حتى زيدين جاذبية
-غير يستقر نيوتن.
تقربت منه وصرت اشم بملابسة حتى نتأكد الحمدلله عطرة ماكو اي عطر اضافة: -دنگ راسك
-وبعدين؟!
-هسه دنگ راسك اريد ابوسك ياعيني
حگ لحيتة وضحك: -اويليي منج هذا اسلوبج مال استخبارات مو مال رومانسيات
دنگ راسة شميت وجهة كولشي يصير والله ماخذة الموضوع من كل عقلي: -لاتهيجينة جنج بزونة
اباوع بوجهة خطية صاير اصفر مدري املح من الضيم منا شغل واني ماخذتلي صفحة وحدي: -ليش هيج وجهج اصفرر ماتاكل؟
-من وراج ماشتهي اكل.
-حقك بس شسوي گلي عندك حل والله موبيدي مادري بلحظة تذكرت فترت مشاكلنة حسيتك مثل ذاك الشخص حيدر ترة اني حاسة على روحي ادري اضوجك هوايي وادري متحملني ترة اني مانحمل وانوب ضغوطات الحمل يتجمعن علية ماابررلك بس ورحمة اهلي ماقصدي اجرحك لو احجي بطريقة مو لطيفة وياك حيدر تفهمني موو؟ والله اتندم على كلامي هواي.
لزم راسي وخل انفو على انفي: -شعندي غيرج ياستر روحي وغطاها حاسس بيج وادري ذيج الفترة مو هينة عليج ولا العشتية هين كلهن اخذن حيل
من حيلج وادري هاي حالتج بسبب عمج ماشفتي منهم خير ولا ارتاحيتي عدهم مايحتاج تحجين شي ولاتبررين افهم عليج بدون ماتبررين وافهم اللغاز التحجينها بكل بساطة احنة واحد
-انت ليش هيج حنين زيادة
-عيب عليج اني حيدرا بالالف مو حنين
-ههه احبك حيدرا هواييي كلش
-حددي.
-امم روح اسبح وخل اسويلك اكل
-ملكة بالتغليس ماريد اكل ابقي يمي
-انت ماتريد وجهالك موتوني يريدون اكل يرافسون بية
-طاح حضهم شلون يسوون هيج وي امهم ولكم اني ماحاچيها انتم ترفسونها بسيطة سهلة هذا مبين على يرفس
-هههه شدراك
-مو على وكح
-يطلع عليك
-هاي شلج بيهة يطلع عليج مصدر وگاحة
-هههههههه ماانكر صدوك وگحة جنت
-ضحكتج عافية ترد الحيل
-احمم روح اسبح والحگني بعد مابية حيل اصعد تمام
-تمام يابة.
نزلت اسوي عشة طلعت لحم من الثلاجة وسويت لفات گص احب هاي الاكلة سويت كمية جبيرة
درت وجهي شفتة وراي...
- الريحة عبرت الحدود
-هههه شدعوة عيني
-تدرين بالدوام من يطبخون اتذكر طبخ حتى تنسد شهيتي
-يا ليش،!
-طبخج وين وطبخهم وين
-هههه لعد ماكو واحد يعرف يطبخ اكل طيب.
-جم واحد مرة متنة جوع وهذا الهتلي طباخنة ماكو ردنة بس واحد يطبخ ويگوم واحد گال اني اطبخ بس شني وصخخخ قبلنة ماعدنة حل شوية وزرگ جلولة شاف هذا عگروگة يطبخ شگد قميصة اخذ الچفچير منة وطبخ بدالة
-يا جلال يعرف يطبخ!
-كلشي يعرف يسوي شتريدينة سبع صنايع والبخت شارد من ريحة باطة
-هههه توقعت علاء اي بس جلال لا مايبين على شكلة هيج
-علاء اكبر خايس هدومة مايغسلهن واذا جاع شيلگة ياكل حتى لو سحلية
-يععع.
-ههههه علاء ماتلعب روحة ابد
-وانت هم مثلة
-لا يابة مرة حطو طباخ بس وصخ ضليت احوس علية وبطلتة خليت واحد بدالة صح طبخة مو طيب نفس ذاك بس نضيف اباوعلة يغسل خوش گبل لايطبخ
-خطية ذاك
-خيولي اذا اسمة عگروگة ويمج الحساب
-اذا هيج حقكم اهم شي الصحة عگروگ يععع راح اتخيل شكلة
-ديري بالج تتخيلين حتى اكل ماتاكلين بعد
-بطلت اريد اكل بس ليش تسمونة عگروگة
-هسه شچلبتي بية
-فضول.
-الكل مطلعيلهم القاب مانسمي واحد باسمة القليل المحترمين عازلين رواحتهم نصيحلهم بأساميهم
-موخوش سالفة
-احنة كلة عدنة مو خوش.
-شتحب اسويلك من زلاطة
-اليعجبج عيناي
سويت رمانية وعصير اكلنة ورحت اغسل المواعين
-عوفيهن اني اغسلهن
-لا اني اغسلهن
-ادري بيج راح تبقين ساعة بيهن مايسون روحي ارتاحي مو زين عليج.
كل مايشوفني اغسل المواعين مايقبل صدوك اني اتأخر بيهن الله يجزية الخير عفتة وصعدت صدوك مابية حيل اتصلت بزينة گالت باجر ولادتها بقينة نحجي شوية وسديتة رحت اغسل ملابس حيدر لگيتة غاسلهن طلعت ملابسة من الكنتور رحت اكويهن دخل يخابر طلع اوراق والحاسبة وكعد يشتغل كويت ملابسة وعطرتهن رجعتهن لمكانهن ونزلت اسوي چاي سويتلة واخذتة الهة گعدت يمة اشوفة يرسم ويخطط.
-فنان ماشاءالله شسوي بيهن
-يريدونهن مني.
-هذا البيت البية اللوحات بيتك؟
-لا بيتنا هذا
-چنتو عايشين بية؟
-هذا بيتنة من چنت صغير گعدنة بية ابوي الله يرحمه اشتراة بفلوسة
-لعد ليش عفتوة؟
-بنائة قديم وصغير كلش گالت امي نفلشة ونبنية ماطاني گلبي بية ذكريات ابوي اذا جددتة تنمحي ذكرياتنة عفتة وبنيت غيرة
-ماتبيعة اذا اجتة شراية
-شتحجين شبيع منة حچايات ابوي بية كل فترة ارجعلة اتذكر شلون چنة ملتمين على ابونة
-اخذني باچر الة
-إن شاءلله
-ارسمني حباب.
-ههههه بس كرشج ياخذ الورقة كلها
-شبيك حباب ارسمني
-شگالولج علية فنان
-اي فنان والدليل الورقة البيدك شلون راسمها
-هذا تخطيط مو رسم
-هسه ماترسمني
-تؤ تأخر الوقت نروح نام غير مرة
لم غراضة ورحنة نمنة گعدت لگيتة طالع اتصلت بزينة وين الا جاوبت.
-ها زنو شلونج
-راح اموت لبوة دعيلي
-الله يكون بعونج ويسهلهة عليج اليوم عندج ولادة
-لا على باچر رجعوني اليوم
-تسهل إن شاء الله.
سديت الاتصال ورحت اسوي روتيني اليومي نزلت اتريگ صارت گدامي مرة خالهم هاي المسمومة
ام السحورة تخوصرت الها.
-خيرر شكو جاية؟
-جاية اشوفج شلونج؟
-اممم هالمرة جاية تسويلي سحر ثاني يموتني اني وطفلي
دگت صدرة ونشغت شاخطة عيونها: -يااا هاي اني!
-لا عروگ اذاني
عفتها وصارن گدامي بيبيتهم ومرة خالهم الثانية وبناتها بس بتهم روان ماجاية سلمت عليهم.
الحجية: -ها حبيبية شلونج؟
-ماشية الحمدلله.
-الله يسهلها عليج حبيبة احنة اليوم چايينچ ومتعنين على مودج وانة متوكدة ماترديني
-افاا اني اردج المثلج ماينرد
-ونعم منچ ومن تربيتج اصيلة مثل ماتدرين صارت
طلايب وياج من ورة نسوانة وانگطعت الصلة بين الاهل، گبل نچي عليكم وتچون علينة هسة ابدد والاريدة منج تسامحين هاي المگموعة وترجع الماي لمجاريها.
-اني ماعندي مشكلة وي احد، هنة العدهن مشكلة وياي دمرنة دمارر بفعالهن القذررة مالي علاقة بيهن ولا اريد اشوف شكولهن كولشي يسون والله ينخاف منهن اما يجن لهنا مايجن مو اني الاحدد اصحاب البيت هما الهم حق بهلشي من ناحيتي مرة بغرفتي خل يبعدن عني
-كفو منچ معدلة وهاي المسمومة تريد تطيح عليج ندمانة على سوايتها السودة
-مثل مگلتي مسمومة واني جرعة ماشايلة فخل تبقى بعيدة عني عن اذنكم وراي علاج اخذة بالموعد.
اوفف عفتهم ورحت اسوي ريوگ اجن البنات وراي يتناقشن بالمعدلات والجامعات يريدن يقدمن هذا اخر اسبوع للتقديم...
فاطمه: -ليش ماتروح ازل كلية علوم حلوة
غزل: -شبيها من اختصاصات
زهراء: -تربية فيزياء وكيمياء وكذا يععع
ازل: لا ماروح كلية علوم اريد هندسة اني حلمي مهندسة
فاطمه: -شبيج قدمي وياي بنفس القسم نصير.
لبوة: -كل شخص اله رأية وشخصيتة مثلا انتي يلوگلج مدرسة ومعدلج ينقبل بالعلوم فروحي علوم اما ازل معدلها عالي مو مال علوم وبما انو هي تطبيقي فافضل هندسة تلوگ بالبنية وتطابق وي معدلها هندسة ليزر او هندسه الطب الحياتي
ازل: -هندسه الطب الحياتي شگد بحثت عنها متتت بيها القسم يجنن
فاطمه: -بس خمس سنين
ازل: -عادي مو مهم
لبوة: -قدمن بنفس الجامعة ومن تخلصن محاضرات تلتقن افضل حل.
فاطمه: -هي هيج صارت والله تمنيت بنفس القسم نصير
لبوة: -عادي يقبلونچ مسائي اعتقد لان معدلاتهم قليلة فيقبلونچ واذا ماعدكم امكانية عادي حبي قسمج راح تبدعين بية
فاطمه: -بلگي اقنع امي تدفعلي مسائي
لبوة: -خل يكون بالج العلوم اسهل من الهندسة بهوايي الهندسه مو فقط كلام ثاني اختصاص بعد الطب
ازل: -اي ولج بحثت وأطلعت على دراستهم كلة انكليزي
فاطمه: -يماااة انگليزي كلشي ماعرف بية بس الضمائر.
لبوة: تتعلمون گلبي لحد يهتم تفائلو بالخير ايام تخلص وتعدي
غزل: -اللهم خلصنة من هذا البلاءء ياحبيبي ياربي طلعني سالمة فدوة اغديلك
لبوة: -إن شاءالله مايصير الة كل خير
صعدت لغرفتي شربت ادويتي واتصلت بسمرة فرحتني من گالت: -ادهمم راح نخطبلة
-صدوك!
-والله خطبتة الثلاثاء
-منين هاي البنية تعرفونهة
-لا والله لج هذا ادهم طلع داهية يحبلة بنية من بغداد
-واوو بغداد عيني كسر قواعد العشيرة.
-سبع اخوي نشمي ولجج تجنن جنها نستلة
-هههه فرحانة اكثر من اخوج
-غير اخوي الچبير
-الله يديمها عليكم كتاكيتج شلونهم
-كبرو صارو ديوچة هههه
-مشتاقتلهم
-من تجيبين تنسينهم
-مو انتي تحددين
سمعت صوت حيدر سديت الاتصال ورحت رتبت شكلي ورة شوية دخل طگ رگبتة وابتسم بوجهي
بادلتة الابتسامة ورحت يمة: -شلونك گلب
-زين بشوفتچ شلونج اليوم
-مثل كل يوم عادي
-هم نزلتي جوة!
لزمت بطني ورحت اطلعلة ملابس: -اي نزلت
-شفتي هذا البلاء الجوى.
-اي حبي شفت
-شسويتي من شفتيها؟
-شسوي عبالك اكتلها وين بعد زين وامشي تولي يجي يومها لاتخاف ماانسة
-اجت اعتذرت من عندي
-افعى سامة تريد ان تبث سمها في كل مكان فاحذر ياولدي ماخفي كان اعظم
-هههههههه والله عندج سوالف ذكرتني بابو هر
-شنو هذا عتوي
-لا يابة هذا داعشي چان زيدان وايوب وياة يشتغلون من اشوفة تگلب معدتي لحيتة واصلة لزرورة
-ههه عوفك من الداعشي وگولي شحجيت جوة؟
-روان وامها مالهن طبة لبيتي وانتهى الجدال.
-وليش گاتلات رواحتهن عليكم هيج يحبونكم
-تؤ
اخذ ملابسة ودخل يسبح راسلت غزل گالت راحن نزلت اسوي غدة خالتي تعبانة هالفترة مبين مريضة بس هاملة نفسها كل مااگلها دگول مابية شي
رحت سويت الغدة والبنات وياي شگد لطيفات ابد مايخلني اشتغل وحدي بحيث اكعد والاريدة يجيبنة إلى كملت الغدة وصليت بغرفة خالتي مابية اصعد وانزل.
صبن الغدة البنات والكل اجتمع ياكل اباوع لخالتي اكلها مو هلگد وحتى كلامها تحجي قليل تغدينة ورحت يم البنات يغسلن مواعين...
-بنات ملاحضات خالتي متغيرة
غزل: -صارلي شگدددد ماشايفتهااا
-اقصد امج شبيج دادة
غزل: -ههه عبالي خالتج
ازل: -اي والله حتى اني ملاحضة
لبوة: -ماتحجن وياها ناخذها للدكتور
غزل: -دگول الضغط
لبوة: -وهي بكيفها تحدد
ازل: -البارحة راحت تاكدت يم الصيدلي صاعد عدها.
لبوة: -الضغط مشكللللة عويصة يبقى مچلب بالواحد
الله يخلصها ويشافي كل المرضى تدرن اشتاقيت لدوامي ومراجعيني
غزل: -ليش تحسسيني انتي مدرسة وعندج طلاب وتصيح طلابيييي تره هما مراجعين مرة مرتين وبعد ماتشوفينهم
لبوة: هههههه من يگول يوم لو يومين؟
ترة بعض مراجعين عدهم امراض دائمية ومستمرة وياهم وخصوصا مرضى القلب عدهم سجلات عدنة بحيث نعرف حالتهم وكولشي يخصهم اكو مراجعين جنت اشوفهم من جنت طالبة ولهذا الوقت.
غزل: -يمة والله عبالي الواحد مراجعتين ويطيب
لبوة: -مو الكل الله يكون وياهم وين ماجانو
سويت جاي واخذتة لحيدر كعدت يمي ولمني بحضنة: -تاخذني العصر مو؟
-وين ذكريني
-لبيتكم ونروح نمر بيلام وبعد نشتري شتلات ونسوي الحديقه
-كلهن بعصرية
-اي
-صار من اگعد العصر اخذج تعاي نامي وياي
-ما والله مااگدر شبعانة نووم
-لخاطري من اغفى عوفيني
جعصني عليه وباسني بخدي: انشلع شلع
-هاي بوسة انتقامية
-اويلي منك ومن انتقامك.
جراني وياة يگرص بخدودي خليتة ينام ورحت اسبح لبست صاية سودة خليجية وشالها وطلعتلة ملابس ورحت اگعدة...
-حيدور رور رور استيقظ عزيزي
-امممم عوفي عزيزج منطمر.
-ميصير امي گوم
شغلت اسلوب الخباثة سحلت البطانية منه وهو ولا كأنة نايم رحت يمة انقر باصبعي على كتفة.
-گوم گوم گوم يلا كبدي عمري قلبي سوف نتأخرر.
چلب بيدي خاف اشرد اجر بيدي اريد افلتها قفل عليها فرگ عيونة وعاگد حواحبة ابتسمت ابتسامة مصطنعة البرائة صرت ارمش بعيوني والوح بيدي
-هلووو نوم سعيد واحلام مخربطة
-اخربط كشختج اليوم
-لا عليك الله قطرة مكياج مامخلية بس لاتخرب لفت شالي اخنگك بالمخدة حذرتك
لزم وجهي عبالي يبوسني نبت سنونة بخدودي
-اخ اخ شبيك ليششش تخلينيي انچلب عليك.
صرت اضرب بية بعدة مچلب بخدي نبتت سنوني برگبتة وايدي الثانية اگرص بزندة يگول حديد مابية لحم وخر مني واني بعدني مچلبة بية...
-طاحلج الدوة بربوك عوفيني
وخرت منه وطفرت للمراية مسوي خدي ساعات
-هاااي ليششش هيججج
-ههههه حتى اتأكد من الوقت كل ماشوف وجهج
-لا بلة بسيطة بس مو هسة
خليت فونديشن مسح الاثر بدل وطلعنة اخذت علج والطريق كولة مشغل اغاني ويضحك واني معبسة فوللل.
-كبدبد فدوة اروح لهل خدد احبچ ريحانتي ام عيون الحلوة ام حلگ المايسكت الوو انتي وياي
يحاول وياي واني مغلسة عنة ولا كاني سامعتة
-قزومم زومم اروح فدوة للربع متر
-هاااا شچاب طولي بالنص ليشش تتنمرر على خلقة رب العالمين مو معناها انت طويل فد شي صرت لاتعيببب
-ابوس خلقة رب العالمين واحطها بگلبي فديت ابنياتي الزعلانات اضحكي اضحكي الدنيا ماتسوة
-ما اضحك هي گوة
-اي گوة.
الطريق اخذة يسولف بالع مسجل ولايسكت طبگ السياره ونزلت فتح الباب دخلت صارت عيني على شجرة الزيتون رحت امشي باتجاهة ردت الوح زيتونة بس ماالوح اجة حيدر جر غصن ونزلاه لمستواي ترست ايدي زيتون: -كافي ماريد بعد
عاف الغصن وراح ورة الشجرة اكلت زيتونة ذبيتة مرة رحت يمة باوعلي مبتسم وعيونة تلمع بالدمع
اشرلي على الشجرة محفور بيها اسماء بس ماواضحات...
-من جنت صغير جنت كسول كل يومية ماخذلي صفر ابوي جان بكلتني يريدني اصير شاطر واني اسمي ماعرف اكتبة صرت افتح الكتاب واخلية جوة الرحلة وانقل من يمة
-ههههه وبعدين
-اثاري المعلم ينطينة كلمات مطشرة ماينطي بالسرة من شافني مرة مرتين اكتب الاملاء كامل مو مثل مايرد شك بيه كتلة استاذ احفظهن حفظ لا والله ويلزمني انقل يبس العودة علية بيومهة
-كسرر بيدة إن شاءالله.
-ودة على ابوي وفهماة القضية گلت اليوم ابوي يعلگني بالبنكة بس العجيب ماحجة وياي كلمة وحدة ومن يومها ابوي بطل يحجي وياي حيل ضجت وگلت خل اقرا مالي واهس بالقراية دوم صرت اطلع بالحديقة واحفظ على الشجرة مسويها صبورة هههه
-حلوة الذكريات
-اخخخ شمخلينة عايشن لو موهي چنة هنا نفرش ونام سوة وازل تغار من غزل لان امي تخليها يمها
-ههههه حقها
دخل جوة ودخلت وراة نفس مادخلته قبل على وضعة دخل للغرفة ودخلت وراة...
-من جنت صغير جان ابوي يگول من تكبر اعرسلك بهاي الغرفة ههه واني اگلة ماريدها موحلوة.
احب هاي الغرفة دائما اجي هنا اگعد ارسم بيها
-تحب الرسم؟
-الأشياء التعجبني احب ارسمها
-بس شلون هيج صرت تعرف ترسم
-الموبايل يعلم كلشي
صرت اگلب بالرسمات حلوات بس القديمات شخابيط
بس وحده كولش حلوة: -چنت اتنمى تجيني بنية تشبهج حتى اخذلها هاي اللوحة اكلهة هاي انتي من جنتي نايمة رسمتج
-يصير
-إن شاءلله.
حسيت بقيمة هذا البيت المتأكل عندة الذكرة لايمكن تتفرط بيها...
ماطولنة هواي، طلعنة اخذنة للمزرعة بس احسة على اعصابة استغربت شبية قبل شوية ماجان هيج لاحظت هواي شباب بالمزرعة اكيد لهذا السبب ضايج
ماطولت هواي بس مشطت شعر ايلام واني كلني سعادة رجعنة للبيت...
ورة شوية اجة رجال گلب الگاع وزرعها حلو التعامل وي الطبيعة لو مو حامل زرعتها.
بقيت اباوع للرجال شلون يگلب الگاع طفولتي خلصتها يم الفلاحين روحهم طيبة يغنون وطول الوقت مبتسمين...
تعشينة و طلع حيدر شوية تأخر ماحب الح علية وين انت؟ وين طالع وين صرت دائماً هو يگلي بدون مااسألة اليوم رايح لفلان مكان عندي شغل وحتى من يتأخر يتصل بية شوية واتصل ابتسمت على طبعة الحلو فتحت الخط واجاني صوتة فرحان...
-لبة عندي بشارة الج
-شنو البشارة گول
نصة صوتة وهمس: -اذا انطيج البشارة تنطيني عشر بوسات.
-هسة غير يگول
-موافقة لو لا
-موافقة بس خلصني
-مرت علاء جابت هستوها
-زينةةةةة!
-لاخزينة جا علاء جم مرة متزوج اي زينة
-صدوك حيدر زينة شلونها
-زينة زينة هههه مابيهة شي هستوها طلعوها من العمليات
-سالمين كلهم
-كلهم كلهم ادري داخلين معركة يلا كبد بعدين اتصل بيح.
ذبيت الموبايل وگعدت ابچي من الفرح الحمدلله فرجت ثاني يوم طلعوها الصبح ورحتلهم الطفلة تجنن صغيرة صح مافاتحة عيونها ولامبينة ملامحة بس حلوة جنها لعابة وام علاء طايرة من الفرح اول حفيدة بنية الهة زينة صحتهة تمام اكلت ورضعت الطفلة ونامت...
مرت الايام بعد اسبوع وادخل بشهري حيدر جهز غرفة للاطفال، من هما صغار يتعودون لان حرام اخليهم بغرفة نومي واني احترم الخصوصية والطفل يصور بدماغة من عمرة يوم.
حضرت ملابس لادم وعلى كولشي كامل اليوم حيدر يلتحق خلال هالفترة روحي صارت معلگة بية بحيث قبل لايلتحق بيوم اگلبهة مناحة يگول طفلة واليل كلة يبقى گاعد وياي لازم يضحكني...
رحت جهزت غراضة احس روحي راح تطلع مو اخر ايام حملي لا اخر ايام حياتي احسهن حتى كتبت بدفاترة وصية وكلام كولشي يصير امي ماتت وهي حامل مانعرف شنو المجهول بيد الله...
رحت لفيت روحي بالبطانية الجو صار بارد شوية حسيت بية دخل للغرفة ماگدرت اسكت شهگاتي فضحتني.
سحب مني الغطة وحضني رفع شعري عن وجهي وصار يبوس بية طفلة شايفين الطفلة اذا بچت جيب اليسكتها...
-فتيتي گلبي فت اسكتي اذا تحبيني
-راح تروح للدوام وتعوفني منو اللي اذا رحت
-وحگ اسد الزهرة اخذ اجازة گبل بيوم واخذج بيدي
للمسشفى
-مو انت بكيفك تأخذ اجايزز.
-انعل ابوهم بس اسكتي انطيتج كلمة ارجع قبل ولادتج وهي اجت عدلة بعدلج اسبوع وتخلصين الشهر واكيد تاكلين اسبوع لخ من التاسع هاي اربعطعش يوم اني يمج
-مااا لاتروح اررريدك يمي
-كلني يمج ريحانتي البچي يأثر على گلبج اسكتي ياروحي
حسيت على نفسي جاي اسببلة اذية بس تصرفاتي مو بيدي ابدد نهضت رحت غسلت وهو لازم ضهري
اخذني بيدة کعدني ونزل جاب صينية خلاها گدامي على الميز...
حضنتة ودفنت راسي بصدرة كرهت وضيفتة شلون جنة مرتاحين منين طلعتنة شغلة الالتحاق دمرت نفسيتي...
-نشوف فلم
-بكيفك
-عاجبني اشوف فلم لمستر بين
-اي مو انت زعطوط
-من عاشر الزعاطيط صار زعطوطن بالنون
-انت زعطوط مو اني
-خوش بس فكيها للنونة
طلع فلم لمستر بين عبالي يتشاقة شوية واندمجت
وياة شبعت ضحك على ماخلص الفلم ماكلة الصينية كلها اكيد حيدر اكلها مو اني اي متاكدة قلصت عيوني هو متحضر لخبالاتي.
-اقرالي شعرررر
-شعر!
-اي حباب حتى تروح الزعلة
-اليسمعج يكول كاتلج حتى زعلانة
- يعني ماتقرااا؟
-لايابة اقرا بس عادي استعين بالموبايل منزل بية هواي اشعار
-تؤ تؤ اقرا الحافضة هذا مثل الامتحان الفجأة
رجع ضهرة على القنفة وعيونة مقلصهن بوجهي واني منتظرته:
يلوموني
وأحسك تكبر بروحي
ويلوموني
وأنا بلا شوفتك شينفعن عيوني
يشوفي
ورجوتي
ودنياي
دنياتي
ولوني
وعذابي
وبسمتي
وشكواي
وضنوني
يخيعونك عليه وبيك خيعوني.
خلصت الوقت بحضنة مااريدة يروح عني طلع الصبح واني رجعت ماخليت واحد ماسبيتة لا دفاع ولاداخلية شكو واحد اعرفة سبيتة هذا هم ذنب علية رحت انام مطيفة...
خلصت الاسبوع الخ اقرا قصص فصليات وشيوخ متت بيهم لو اتصل بزينة وافتح گام وياها احجي وي بنتها ماكتلكم سمتها ريتال صار الضهر صليت ونزلت رحت اشوف خالتي من البارحة الصبح ماشايفتها.
ابد ماانزل ماگدر هنة يجن يمي ولادتي قربت احتمال اخلص الشهر لو بنصة اجيب.
اليوم غزل بالمدرسة وازل راحت تقدم اخذها خالها وي بنتة فاطمة البيت صنطة رحت لغرفة خالتي لكيتها مشمورة على وجهة احس گلبي طاح بين رجلية لزمت بطني وصار ينزل مي علية گمت اتراجف شسوي حتى ماگدر اتحرك...