رواية لبوة علي للكاتبة كفاية كاظم الفصل الثلاثون

رواية لبوة علي للكاتبة كفاية كاظم الفصل الثلاثون

غزل...
نضفنة البيت خليناه يلمع لزمت المعطر وارش بالجو وازل راحت تنضف بالحديقة...
شني هاي ولايگول عرس دخل اسوي اجواء للبيت عود احنة اخوات العريس امداني اخت جيس حب على كولت ام علاء الجريذي ماكل شعرج هههه والله عدها سوالف...
رحت طلعت الديجي عدنة قديم بس مانشغل بية اغاني ربطتة بموبايلي وطلعت سجودة خالة ويخالة جبت شال وشديتة على خصري وبقيت اردح اني بالرگص فنانة ترة الرگص فن...

ازل: -ولج شسوين فضحتينة شبيج تسودنتي
غزل: -اهووو شبيج غير عرس اخوانة تعاي الفاهية گابليني خلينة نحمة للعرس اذا مانرگص بعرس اخونة روان النواصة ترگص بية...
ازل: -أي والله صدوك بس اني ماعرف ارگص
غزل: -شوفي ترة الرگص الوحيد الماينرادلة تعلوم انتي بس افتري ادبچي بالگاع وسوي بيدج هيج وهيج صارت رگصة محترمة...
ازل: -ليش هو الرگص بية محترم وغير محترم.؟!

غزل: -چا شعبالج كولشي بية محترم وغير محترم يله تعاي گابليني لا اصمطج بتاك
ازل: -هههه عبالي دفرة
غزل: -لا منين بية دفرة.
بقينة اني وازل نرگص حرامات گصيت شعري عاد شلون يفيد بالرگص اندگ الباب ركضت طفيت الديجي ونزلت الشال راحت ازل فتحت الباب اجت امي ضايجة...
رحت جبتلها مي وانطيتها...
ازل: ها يمة شبيج.؟
بسمة: اخ يمة خلني اتنفس بالاول
غزل: -على راحتك بسوم
ازل: -اجرتن بدلة لا.؟

بسمة: -لا منين فرينة المحلات فر ماخلينة
غزل: -شسالفه طارت البدلات
بسمة: -موجودات بس مايعجبنها لو وصخة لو ملبوسة لو تلگينها شكبرها مال وحدة طوم بجسم
وهاي صاحبتنة هلكداتها
ازل: -خطيه وهسه شلون.؟
بسمة: والله ما ادري دخل يجي اخوجن واگلة سودة علية دمعتها بطرف عينها
غزل: -حقها باجر عرسها وما تلگة بدلة
ازل: -إن شاءلله تلگة
بسمة: -ماشاء الله يمة فدوة لبنياتي شلون منضفات البيت
غزل: -بعد امنة بسمة...

بسمة: -تروحلجن فدوة بسمة
ازل: -لا والله احنة نروحلج فدوة
غزل: -دخل حيدر وامي سولفتلة المقتل سبح وطلع.
رحنة سوينة الغدة سمعت هوسة ونسوان طلعت اشوف منو باوعت العشيرة كلها جاية خالاتي كلهن ونسوان اخوالي وبناتهن...
بعدهن ما طبن وصارت الجهال تتمالخ بيناتها...
رحت سلمت عليهن وحده ثنين حتى حلگي گام يوجعني من المباوس...
جابتلهن ازل مي وقدمتلهن.

ديمة: -اي خية وين وصلتي اشو ماكو حنة واحنة محضرين رواحتنة واشترينة ملابس.
بسمة: -الحنة راجعة لبوة هي بكيفها ما إلى غرض بيها.
حوراء: -عود شني ماتسوي حنة شني ماتريد تشوفنة
احلام: -ليش تاخذن الامور من هالناحية البت وراها عرس ومابيهة حيل للحنة تطيح صفح...
حوراء: -اشو بناتنة كلهن سون حنة شو هي حتى بالخطبة ضايجة يگول مجبورة مدري شبيها...
عذراء: شلجن بهل سوالف باجر البنية عرسها عوفنها بحالها...

روان: -على كيفج عمة ترة هنة ماگالن شي بس هاي حقيقة وانتي شفتيهة بعينج شلون رافعة خشمها...
ديمة: -متكبرة
غزل: -مو متكبرة بس انتن تشوفنها هيج لان تحسن نفسجن صغار كدامها.
ازل: -بالعكس لبوة وردة وانتن شكو تحجن عليها ترة هي مرت اخونة. صارت.
ديمة: -علكيفجن يمة كل وحدة السانها بطولها ترة مامسينة العنب الاسود
بسمة: -تره مايصير تحجن على بنية راح تصير جنتي وباجر عرسها هالولدجن عرسم هم حجيت هم علقت.

ديمة: ليش تجيبين جنتج وي جناينة
غزل: -اكيد لا لبوة وين وجناينجن ووووين.
روان: -خو انتن محاميات الدفاع لست لبوة
ازل: -دكتوره مو ست للتذكار
احلام: -خاب شجاجن كلبتنهة عرك جايين للماطل احنة
غزل: -ماتگولين لجماعتج اول ماگعد بدن ياخذن بعرضها يمهن بصوبهن البت...
رحت شغلت الديجي وشديت الشال غمزت لازل ازل فاهية وتستحي بس مايصير ارگص وحدي اجت ازل همزين مافشلتني وكمت اهز طحت صفح رحت اهز جتف يم روان...

: اگول روان ماتجين ترگصين ويانة ترى الراح يتزوج ابن عمتج وانتي ما شاء الله بكل عرس يجيبوج رقاصة.
روان: احترمي نفسج شنو رقاصة
زهراء: -ليش مجذبة عليج
فاطمه: احنة نركص وياجن ابن عمتنة بعد يستاهل حيدر بويةةة هي شلون لبوة العيون.
زهراء: -اويليييي خضر
فاطمه: -البياض
غزل: - اويلييي گطن
روان: -اوييي شگد تبالغن ترة مو لهل درجة حلوة واصلا ضايعة بالگاع متبين.
غزل: -شتريدينها لعد مثلج بعير.

روان: احترمي نفسج شنو بعير شو انتي ماتعرفين تحجين.
غزل: -لحضه لحضه اني گلت بعير شبيج حبي يتخيلج لو تريدين تسوين مشكلة بنات انتن شاهدات يمتها كلت جنها بعير.
زهراء: يمة شبيج روان يتخايلج ترة غزل ماگالت هيج بس انتي لان ضخمة اخذتيها على روحج.
فاطمه: واني اشهد
روان: -اوووفف انتن مو مال واحد يحجي وياجن وينطيجن حجم
غزل: -مانريد تطينة حجم بيبي
زهراء: -يمة غثة غثة ولجن راح تموت لان حيدر راح يتزوج...

غزل: -اويلييي عليك خوية
فاطمه: -اجة ولجن اجة...
غزل: -ابن الحلال بذكرة.
اجة حيدر سلم عليهن وراد يصعد لغرفتة...
حوراء: -اليوم حنتك وضايج شسالفه.؟
حيدر: -ماضايج بس من اجيت دعمت ابو ستوتة خطية.
بسمة: اسم الله بس لاصار بية شي الولد.؟
حيدر: -لا مابية شي بس الستوتة من ورة راحت
حوراء: -وهسه شسويت.؟
حيدر: خسرتلة فلوس واعتذرت منه
ديمة: - من هسة وبدت المشاكل وجهة هاي البت عليك فگر بعدك بالبداية.

حيدر: -وشدخلها البت بالحادث.؟
ديمة: -ليش اشدخلها ماعدها عرضة هي حتى اهلها جاسحتهم.
حيدر: -احترمي نفسج ومرتي لاتجيبين طاريها ثاني مرة عوفي لبوة بحالها لااتصرف غير تصرف وبالنسبة لاهلها روحي اسالي رب العالمين...
اي واحد يجيب طاري لبوة بكلمة مو زينة لايطب بيتي ويخطي عتبتة جبير صغير كائن من يكون.
ديمة: -علكيفك يمة هسة شگلنة بعدها ماصارت مرتك وهيج اكلتنة بكشورنة.

حيدر: -اليحجي عليها حجة علية واني مااسكت اذا واحد يجيب طاري بالموزين.
هسة البت يمجن وتحجن عليهة عوفنها بحالها وشوفن وحدة فايخة واحجن بيها مفهوم.
غزل: -يمةةة اني من يمي كلبي كام يرگص من رد عليهن عافهن وصعد لغرفتة.
ديمة: -عود اجينة انبارك الكم وفرحانين لفرحكم وتالي هيج ابنج يحجي ويانة.
احلام: -حقه جا تحجن على مرتة گدامة وتريدنة يسكت شني ماعندة غيرة...
عذراء: -أي والله صدگ البت شعليها دخلتيها بالسالفة.

ديمة: هسة صرت اني الغلطانة فوگاها...
بسمة: -حشاج من الغلط بس مايصير تحجين على مرتة كدامة.
ديمة: عمي غلطنة ومنكم السماح نعتذر يابة.
بسمة: -سدي السالفه ماصار شي.
غزل: هسة مال اكض ديمة السيمة من شعرها واگطعة تگطع
زهراء: ووياها روان ونور يمة نايمات على گلبي نوم
فاطمه: -خوب شفتي بعينج ساعه وماتحملتيها شلون احنة اربعه وعشرين ساعة مگابلينهن
غزل: -خية الله يساعدجن عليهن
ازل: -يلا بنات امشن نجهز الغدة.

زهراء: -وين مال غدة ترة الدنيا العصر كولن عشة
غزل: گضيناها شغل وامي جانت وي لبوة فهسة فرغنة.
رحنة نحضر الغدة وما اسمع الا الباب تعطر
رحت فتحتة وانصدمت جمدت بمكاني لبوة جاية هي وخالتها...
والوجة قطعة حمرة وشعرها طالع ودموعها تصب الله اليستر الصاير وياها حجت بصوت يرجف.
لبوة: حيدر وين،؟
غزل: فوگ بغرفتة
لبوة: اخذيني الة بسرعة حبابة.

غزل: منضرها يگطع الگلب مدري شصاير وياهة اخذتها ومشيت من دخلت الصالة كلها تفاجات بوجودها جلبت بيدي وركضت صعدت الدرج واني وياها على الواهس...
ضلت تفتر بعيونها اخذتها ودگيت الباب ماكو مارد گضت وفتحت الباب ودخلت واني بقيت برة...

لبوة...
باخر فترة إلى اكتشفت حيدر عوضي بهاي الدنيا شفت بية حب صادق مابية شهوة حب الاب لبنتة وخوفة وحرصة عليها...
يتعامل وياي بكل حنية وفهم كل حالاتي حتى مايضوج من كلامي اكرر حيدر هو العوض...
خسرت أشخاص مهمين بحياتي وانقلبت عيشتي راسأ على عقب تعبت لدرجة ماعندي طاقة اخسر شي يخصني مو حيدر...
تزلزلت روحي بهلخبر مااريد شي بس يطلع سلامات واعوفة واسافر واخلية ينسى اسمي بس لايصير بية شي...

نفسي ضاع وجسمي يرجف وكعت فاقدة بس عيوني فاتحتهن اشاهد روحي تنازع گدام عيني...
الكل احتار يعرف السبب الوصلني لهاي الحالة خالتي تغسل وجهي وهمس تفرك بية وشجن تقرا قران والكل يعالج بطريقتة...
ندى: دخيلك يا على شبيهاااا ولجن شجاهااا راح تموتتت امشننن جيبن الها ملابس خل اخذهااا
لبوة: -لزمت ايد خالتي ودموعي تصب حجيت وصوتي يادوب ينفهم: خالة حيدر اخذيني الة
ندى: وين اخذج ماتشوفين حالتج امشي اخذج للمستشفى.

لبوة: ابوس ايدج بس اخذيني لبيتهم
ندى: -ماندل بيتهم شلون اخذج الة
لبوة: -خالي يندل بيتهم گليلة هو ياخذنة الهم
ندى: -راح امشي اشوفة وانتن حضرنها بسرعة
لبوة: لبست صاية وشال شلون ماجان ومشيت گوة واگفة على طولي امسح دمعة تنزل عشرة...
اصعب احساس جاي امر بية عافني على ولحد الان ابجي على افراگة وهسه حيدر لا مو ثنينهم يرحون ويعوفني...
اخذنة زوج خالتي لبيتهم الدقائق تمر بالساعات على مااوصل روحي خلصانة...

وصلنة لبيتهم واحس گلبي نار لزمتني خالتي ودگت الباب محد يفتح زدت بالچي احس عيوني مااشوف بيهن...
فتحتنة الباب غزل توسلت بيهة بنضراتي اخذتني لغرفتة على ساعة ينغمي عليه من الخوف فتحت الباب ودخلت طلع من الحمام لاف المنشفة على خصرة مابية شي...
انصدم من وجودي وحالتي واني تفاجات ركضت حضنتة قوي واني اناشغ بحضنة...
حيدر: شبيج لبة ياهو وياج ماتحجين،؟

لبوة: -لزمتة من وجهة اتلمس بية وابچي: انت مابيك شي تلمست صدرة العاري مابية اثر زدت بالبچي حضنتة باقوة ماعندي من قوة...
رفع راسي من حضنة ومسح وجهي بدية.
حيدر: -طيحتي گلبي لبة شصاير وياج گولي.؟
لبوة: حجيت واني اشهگ عبالي متت بالحادث
حيدر: -يا حادث هذا.؟!
لبوة: -انته سويت حادث هيج گلولي
حيدر: اني مسوي حادث يا گود گالج.

لبوة: مادري اتصلت بيك وردت علية بنية گالت حيدر سوة حادث وبين الحياة والموت رجعت حضنتة واني ابچي...
حيدر: -كافي ولج راح تموتين مابية شي هاي گدامج
لبوة: ردت اموت والله كلبي يوجعني عليك ما اصدگ انتة مابيك شي
حيدر: -مابية شي ريحانتي كافي بسيطة اني اشوف شغلي وي هلگح
لبوة: ابتعدت من عندة واشوف الكل مجتمع بالغرفة
حجت خالتي وملامح الغلق بوحهة...
بسمة: -ها يمة شصاير وي لبوة.؟

حيدر: مدري ياكلب ابن الكلب راد عليها گايللهة مسوي حادث وحالتي خطرة...
لبوة: -يباوعلي بنضرات مشمئزة بدهن ياكلني لان جاية وخصوصا حيدر مالابس شي بس المنشفة لافها علية...
عفتهن ونزلت فاير دمي واسمع بنية تضحك...
نفس الصوت الردت علية باوعتلها تنضرلي بنضرات حقد عرفتها هي صح مابية حيل والهبطة زلزلتني بس احترگ كلبي بالزايد من شفت الخبر جذب...

نزلت ورحتلها والزمها من شعرها رفستها على بطنها واگلبها وانام فوگاها واشبعها عض حتى براسها عضيتها...
رغم هي ضخمة بس ماتعرف تعارك العرك موهوبتي لزمتها نتفتها تنتف طلعت حرگتي بيها اضافري نبتتها بيها ماخليت بيها عضم صاحي وهي بس تصرخ اجن البنات يريدن يطلعنها مني ماكو لزگت بيها...
كلهن التمن بس وحده لزمتني من شعري واگوم من عدها والزگ المجلبة بية دفرة من ورة الاعافت شعري.

نزل حيدر يركض ويدگم بقيمصة وهنا التمن علية مايدرن بية طلعت الاولى بالفنون القتالية...
وهاي الفگر بقت بالگاع تون بس ذني هجمن علية صار حيدر گبالي وصاح بيهن...
حيدر: -كافيييييي شبيجنننن تخبلتنننن
ديمة: -ماتشوف مرتك شسوت بنتي مووتها الله لاينطيها...
لبوة: - طبها الف مرض محد گايللها تندگ بية ردت اموت الة شوية تگلي حيدر بين الحياة والموت.
عذراء: هسة اجوز تشاقة وياج بس مو هيج تسوين بيهة.

لبوة: -ليش هذا الموضوع بية ضحك لو صاير بيه شي منو يفيدني شقاها الماصخ اعرفها تعرفني تشاقة وياي.
ديمة: كسر بيدج ان شاء الله
لبوة: -لا والله كسر بيدج وبيد بنتج العوبة دير بالجن مني هاي المرة صارت ثاني مره ماتصير.
حيدر: يلة كافي روان غلطت تتحمل غلطها
ديمة: -وانته تدافع لهاي الگحام الشوارع حقك مشبعتك بعد شتريد تدافع عن بتي الما مخليتك تشوف منها شعرة...

حيدر: احترررمي نفسج واطلعي بكرامتج هواي تجاوزتي وقبل شوية حذرتج بس انتي مايفيد وياج
ديمة: -تطردني علمود هاي ام المستشفيات تنام خفارة وي الرايح والجاي
حيدر: بررررااااا يله انتي وبنتججج مااريد اشوف وجوهجن ثاني مرررةة بيتيييي لا اسحلجننن سحلل
لبوة: -اخذني من ايدي وهو يكت عصبية اني اسكتلها وتحجي علية: دخل ارجعلها ارفس بطنها
حيدر: كافي عوفيها ختولي مو طاحلج الدوة
لبوة: جا اسكتلها واخليها تحجي بشرفي.

حيدر: عوفيها ذني مو مال واحد يرد عليهن امشي لبوة المفترسة
لبوة: -فتح باب السيارة وصعدني بيها واني ابتسامتي شگت حلگي فوخت گلبي منها بقت بس امها بس لو مخليني الوحها بس الزمن بينة تطير...
غزل: صعدت لبوة ومن شفتها حضنت اخوي وهو ما لابس شي استحيت مت بدمي كبل نزلت وقوات بدر كلها صعدت بقت بس روان مبتسمة بخباثة بقينة اني والبنات وحدة تباوع للثانية...

روان: هاي مرت اخوجن ماتحملت لباجر تريد تخلص المهمة اليوم ههههههههه
غزل: -ردت ارد عليهة وما اشوف الا لبوة جافتتها ضلينة بس نباوع شگاعد يصير وتنام فوگها بس شني موتتها تموت...
شعرهة گطعتة بالگاع شلون ذني المصارعات اليعاركن صح هي صغيره بس ملختها تملخ...
شفنة روان وجهة صار احمر اختنگت نريد نطلع لبوة منها ماكو خلفلة على حيدر الا عافتها...
واحد مال يعوف كلشي ويشبع ضحك لزمتهة ديمة من شعرها وترفسها بطنها...

ازل وزهراء خربن ضحك واني بقيت متعجبة شني هاي صدك لبوة محد يگدرللها ابد من هسة اضبط روحي وانتبه لكلامي وياها خاف هم تسحلني...
بعد شيخلصنة من لسان ديمة وانوب حيدر طردهن بس صدك يستاهلن عينك عينك يحجن عليهة...
صين البيت بصوتهن دوخنة الا مشن وروان جنها طلي يسحلن بيها هههههه...
فرغ البيت وصارت الحنة بالبيت والشباب بويةةةة
عينك وماتشوف واحد احلى من الثاني منين جايين
شلون اهلهم يخلونهم يطلعون...

ومن دون البشر تطيح عيوني على جلولة يگول مخليلي مغناطيس يفلش بية شي يجذب المفلوك.
:
لبوة...
طول الطريق اضحك على خبالاتي وخالتي كالبة وجهة علية بس المهم بردت گلبي بيها بس عيب من خالتي ام حيدر شدگول عليه...
ههههه شلون كتلة رجعت للبيت وسولفت للبنات ماتن ضحك.
شجن: ههههههههه يمة بطني ولج باجر عرسج وانتي اليوم سويتيها مجزرة لو مخليتهة لباجر
همس: هسة حتى الولد يبطل هههههه.

لبوة: لا والله مو هو بكيفة يبطل غير اموتة شحدة
همس: -هههههههههههههه مفترسة
شجن: -شحدة بوية شوفي شكلها شلون ههههه هاي اشارة لحيدر اجت حتى ينهي كولشي هههه
لبوة: -يلا بلا كلام ماصخ بيش تفاوللي رحت اخذت الموبايل واتصلت بحيدر: شلونك كلبي شخبارك إن شاء الله بخير
حيدر: شني الخبر اثر على عقلج اشو كلبي شني السالفه.؟
لبوة: كلبي وعمري وحبيبي شعندي غيرك غير انت ابو زعاططي البعدهم ماصايرين.

حيدر: -شني السالفه انتي لبوة لو وحدة من بنات خالتها.؟
لبوة: -يعني ماميزت صوتي لهل درجة مو مهمة عندك
حيدر: -شبيج لبوة انضرب عقلج لو متراهنة وي البنات
لبوة: لا والله شبيك كاعده وحدي واذا تريد افتح گام.
حيدر: -صدگت مايحتاج
لبوة: -اي شلونك
حيدر: شلوني فتحتي علية باب شگول عليك يلبالي
لبوة: -شبيك حيدور يعني شفت حالتي كله بسببها تستاهل اكولك خو ما امك زعلت عليه.؟
حيدر: لا مازعلت.

لبوة: هاك هاي بوسة مني الك اموووحح وروح جهز نفسك لحنتك وارگص رگص معدان ووصل الطين لچتافك...
ادري هو عرس واحد بالعمر استمتع بعد حيلي اروحلك فدوا...
حيدر: -وحگ على خبلة مو صاحية لبوة تنطي بوسات ورومنسيات...
علواة ضمي هذا حچيچ لباچر اروحلج فدوه...
لبوة: -ههههههههه باي
شبية اني صدوك تخبلت بس حرگن گلبي يستاهلن يمة باچر وراي عرس هلو هلو اروح اجهز روحي.

جبت مقشرات اشكال وانواع وگمت اجيب واحط حتى جسمي صار احمر من الفرگ.
رحت صليت وتعشيت وي البنات وخالتي بعدها زعلانة على شنو مادري.
: شبية النونو زعلان.؟
ندى: انتي صدك ماتستحين ابد ولاشوية ولج بيتهم وتگتلين خطارهم ترة هاي ماصايرة
لبوة: لعد عجبتج حالتي ردت اموت من وراها وهي تضحك بكل خباثة وحيدر وما حچة شي انتي شبيج
ندى: -اخ منج صدك لبوة واني اكول فقيرة.

لبوة: لاتخافين علية اقود معارك واطلع منتصرة وهسه خو ما زعلانة بعدج.
ندى: لا وين زعلانة انتي ينزعل عليج.
لبوة: عبالي يلا تصبحين عله خير واحلام سعيدة
ندى: وانتي من اهلة
لبوة: رحت انام ونخيت اهل البيت كلهم كون مااتحلم ابد لابالماضي ولابشي ثاني بقيت اردد الاستغفار الا ان نمت...
گعدت وي الفجر مامتحلمة بحلم مو زين الحمدلله رحت صليت وقريت قرآن وبقيت گاعدة...

سويت ريوگ للكل گعدو تريگوا ورحت اشوف تليفوني يرن فتحت الخط: الوو صباح الخير
زينه: -صباح النور يا عروس شلونج،؟
لبوة: -تمام وانتي والبيبي شلونكم.؟
زينه: -زينين وابني يسلم عليج
لبوة: -فدوه تروحلك خالتك هسة مال ابوسه اني مااتحمل اشوف طفل صغير بودي اكلة...
اكولج زينة ماتنطيني ابنج اكبره وارجعة الج...
زينة: -هههه والله عندج سوالف هاهية متفقين اني هم مابية حيل.
لبوة: اي شكو ماكو.؟

زينة: -اني اسئلج هذا السؤال مو انتي محضرة لا.؟
لبوة: -ماعندي شي
زينة: والكوافيرة.؟
لبوة: -حيدر گال عوفيها علية، وانتي ماتجين.؟
زينة: -شلون ما اجي ميت صاحبة عندي بس اتريگ واخلي عمتي تجيبني.
لبوة: عفية مو تتاخرين
زينة: -لا يابة شوية وابدل
لبوة: -بقينة نحجي اني وزينة ومن بعدها بدة الوقت الحازم اخذت الاشياء الاحتاجهن ورحت سبحت
والبنات وخالتي مخبوصات ينضفن ولو هو البيت منضفاتة من زمان...

نشفت شعري ورحت اساعدهن شوية...
رضا: -هذا صاحبج بالباب
لبوة: -منو حيدر.؟
رضا: -اي هو
لبوة: -ردت اروح اشوفة صاحت خالتي
ندى: -ولج مايصير تشوفينة انتضري الزفة يلة
لبوة: شنو السالفة غير اشوفة عليمن جاي
ندى: انتي ضلي اني اروح اشوفة
لبوة: راحتلة خالتي واني مشيت وراهة اشوف شكو لاگتني بنية عمرها وسط بيدها چنطة جبيرة وضاربة المكياج والعطر سابقها...
: مرحبا اني الكوافيرة اسمي نهى
ندى: -هلا بيج يمةة.

لبوة: اتشرفنة عيني اتفضلي
: شكرا
لبوة: دخلت الكوافيرة واني فرت جايبها وجاي وحدهم بالسيارة بسيطة انوب حلوة وبعدها شابة راحت خالتي وي البنية واني اشرتلة بيدي اوگف.
جريت شال من الحبل خليتة على راسي وطلعت
بالباب نزل من السياره...
: شكو جايب البنية وجاي ماتستحي ماعندك حية حضوري شگلت لروحك واليوم عرسك.
حيدر: -يواش يواش السان رشاسة شبيج غير جبتلج كوافيرة باقية دگين وتلطمين عليها.

لبوة: سواني ادگ والطم ترة مو لهل درجة كتلت روحي هاي اولا وثانيا ماتگدر تجيب امك وياك وحدة من اخواتك على الاقل مو وحدكم...
حيدر: ترة ماسوينة شي بس سولفت عن رجلها وشلون تطلگو وبس.
لبوة: -عزااا بعينها شلون تحجي هيج وياك شمعناها هاا گلي شمعناها
حيدر: -حسب فهمي تريد تستقر ويمكن تريد تزوج
لبوة: اي خوش فهم يابة تدري لو مو خالتي جان طببتك جوة واملص اذاناتك تملص على هذا الحچي.

حيدر: -هههههههههههههه خاف املص شفتج تملص بس تدري الطعم يجننن اويلييي لحد الان بحلگي ماتسوين مجال حتى لو بالسيارة بس معطة...
لبوة: بسيطة حيدر بسيطة اني چلبة وقبلت بيك لو مسافرة ولا سامعة هذا الحچي وشايفة هاي الشوفة.
حيدر: -ريحانتي تغارين علية مو.؟
لبوة: -هههه ضحكتني انييي اغار اخررر وحدة بالعالم تغاررر هي اني على شنوو اغار والله يالله.
حيدر: -واضح حبي روحي اشربي نومي زين علمود ضغطج.

لبوة: طبكت الباب بوجهة ورحت حل يتساهل جايب وحده وياه طول الطريق مدري شيحجون فار دمي رحت غسلت وجهي ورحت يمهن...
اباوعلها تخبل اني بت وانعجبت بيها معقولة حيدر ما باوعلها اففف...
: نبدي بشعرج ماشاء الله كولش حلو صابغتة
لبوة: -لا عيني هو هيج لونة
: بية نوع من الشگار لونة مميز
لبوة: -ادري
بقت تخلي ماسكات مدري شنو على شعري. : اكول شنو هذني التخلينهن على شعري لا يحترگ انوب.

: لا كلبي لاتخافين هاي معالجات وكرياتين تعالج وتنطي لون.
لبوة: ترة شعري مامتقصف
: اي مبين
لبوة: -بقت تشتغل على شهري بالساعة سحبتة صار حرير ولونة فتح صار يخبل شقار مخلوط بسواد بجوزي هيج شي مثل الميش بس اني ماميشتة...
لفتة وعافتة.
: نبلش بالمكياج
لبوة: بعد وقت اشتغلي للبنات اذا يردن
سوت شعر همس عفتهن ومشيت لاگتني زينة لازمة بطنها وتمشي صفح.
زينة: يابة هلا بالضلعة مشتاقين بيززز.

لبوة: رحت سلمت عليها هي و عمتها.
أم علاء: يمة شني هاي لبلابة شعرج يعجب
لبوة: -تسلمين گلبي خالة مشتاقتلج
أم علاء: -اغديلج فدوة واني هم...
لبوة: -اخذت زينة وخليتها تغسل وجهة لان ملطخة ومادام مهى مدري شسمها موجوده خل تمكيجهة بفلوسها جاية...
صارت الساعة بالوحدة بدت تخليلي مكياج.
استخدمت الوان ترابية للعين وحواجبي على رسمتهن اكثر شي حبيتة الاينايلر رسمتة بطريقة تجنن خلصت مكياج صفنت على وجهي.

فنانة بمعنى الكلمة مو شلون ماكان طلعت احلى من الخطبة بعشر مرات رجعت لشعري سوت بيه فيكة بسيطة كولة ليورة وبية مثل البروش بالنص والباقي مبروم على طولة وطلعتلي خصل من الجانبين مبروم التسريحة فد شي مرتب...
سوت اضافري ولونتهن بوردي غامق او وصخ مثل مايسموة بلون الحمرة وكتبت احبك بزخرفة هسة بس لو ادري منو ينتبة لهيج شغلات...
بقت بس البدلة رحت لبستها تخبل تصميمها كولش عجبني...

الفرق الوحيد گصت الصدر مو مفتوحة والردن جاية من فوك كاملة بس كتصميم نفسها حتى الردن واكيد اكو اختلاف عن الصورة...
اجن البنات ساعدني بيها خليت لجسمي بودرة عاجبني عطرها كولش.
باوعت لنفسي بالمراية كلت هسة شلون اطلع والناس تشوفني بهذا شكلي...
طلعت جميلة بمعنى الكلمة ابد مو مبالغة بس المكياج والبدلة البيضة شكل ثاني وكل بنية تشوف نفسها حلوة بهيج مناسبة...

لبست ذهبي حيل يگعد وي الون الابيض ولبست سوار الجابة حيدر بالخطبة بية شذر اخضر...
ندى: -اللهم صلِّ على محمد وآل محمد عين البارده عليج يمة...
لبوة: -كلمة يمة حيل تحز بخاطري اجة الوقت الاحتاجها وياي كل بنية تحتاج امها وياها بهيج مناسبة دمعت عيوني مااريد اتذكرهم وابچي.
بقت خالتي تقرا المعوذات حضنتني وگامت تبچي.
ندى: -راح استفقدج هواي تعلمت على وجودج بيتي الله يساعدني شلون اتحمل فراگچ.

لبوة: بلعكس لازم ترتاحين ماجبتلج غير الهم.
ندى: يمة انتي شتحچين والله معزتج اكثر من معزت بناتي ولدي انتي معتبرتني خالتج بس اني معتبرتج بتي وبت اختي واختي لان حيل تشبهينها...
لبوة: خالة انتي كفوو جنت ماخذة نضرة موحلوة عن الاقارب كرهت اخولي وعمامي لان ماحبوني واحتواني بس انتي غير عيشتيني جو عائلي حلو ولطيف مثل وجهج الله يحفظج ويخليج النة.
حضنتها بكل قوتي هاي المرة بيهة ريحة امي عاشت وياها سنين...

همس: -احم احم شنو السالفه كافي اطلعن
شجن: گلبتنها درامة علينة شبيجن
همس: -عادي نشاركجن بهاي الاجواء
لبوة: -اكيد اجن البنات حضنتهن حيل حبيتهن رغم كلامي مرات يضوج بس هنا ابد مازعلن لو صار بالهن علية...
همس: راح نشتاقلج هواي هواي
لبوة: -حتى اني
شجن: -بعد منو النجي نتحرش بية ونريد نضحكة
لبوة: هههه خالتي
همس: -حرامات شلون صرنة ثلاثي وحدة دمها لطيف والثانية عاقلة وراكزه والثالثة خبلة وعراكة هههه...

لبوة: -هههههه من صدوگ خبلة
زينة: هاي شنو لبوة صار عدها صديقات اني بعد صرت قديمه اقرا على روحي الفاتحةة
لبوة: -انتي الاصل زنو اجت زينة حضنتها
: يلا طشن صارت خنگة عزلنة
زينة: ابد مو مال عاطفة ووداع
لبوة: دمشن امشن
أم علاء: -صلاوات على محمد شيخلصج من عيون الناس لو ادري مسويتلج حجاب من العين
لبوة: مايحتاج گلبي...

جاي نسولف ودخلت تبارك مانستني ولاعافتني هي وزينة كبرن بعيني هلبنات سلمت عليها وبست ابنها صغير فدوة ينگرط...
تبارك: -شنو هاي لبلب تموتيينننن انطيج معلومة اليوم تنوكلين.
زينة: -خية نصيحه مني لاتبقين بمكياجج هواي ترة يثير المشاعر من دخلين گبل امسحيةة
لبوة: والله وزمن زينة وتبارك ينطني نصايح
همس: زمن اغبر حشاج
تبارك: چا واحنة ماكو حشانة
همس: -نو
تبارك: -ها زينة ام طحش شگد بقالج وتجيبين.؟

زينة: -بعدلي هواي راح يصيرلي شهرين
تبارك: شگد بقالج والله كسرتي خاطري كل هذا التعب وبالاخير ابنج يطلع ازرگ على ابوة...
زينة: -حنطاوي حنطاوويي مو ازرگ
تبارك: -ازرگ وين حنطاوي وجهالج يطلعون زرگان
لبوة: -علكيفج تبو شسالفتج وي البنية درينة برجلج ابيض بس مو هيج وشبيهم الزرگان عيني اشو يخبلون مملوحين.
تبارك: -اي لان حيدر اسمر تحجين هذا الحجي
لبوة: -حيدر حناطاوي مو اسمرر.

همس: -دكافي كافي تتعاركن اسمر وحنطاوي كلهم خير وبركة بس فضنهة
لبوة: -هههه تبارك عدج سوالف دخلنة بحرب
اسمع خالتي ترحب بطريقة حارة هيات نفسي اول مدخلت سمر گمت الابتسامة زينة وجهي...
شايفين من انتم بين ناس علاقتكم بيهم جديدة وتلكة صديق تعرفة من سنين كبل تطفر علية حتى لو علاقتكم باردة...
احساس حلو من شفتها اجت حضنتني شوية وابتعدت درت وجهي انتعشت روحي من شفت فاطمه مرت عمي...

فرحتي كبرت اجت سلمت علية وباركتلي وهنا الماجنت متوقعتها بيبي زمرد صار فترة كولش طويله ماشايفتها...
باوعت لهيئتها تمشي محدبة الضهر تستند على العكازة وملامحة متهالكة...
رحت بحنيني وشوگي الها حضنتها وبقيت ابچي وهي هم.
زمزد: هلا بريحة على افيش يا ريحتج ولج لبوة طگ گلبي عليج ليش گلبج قاسي علية.؟
لبوة: -انتو قسيتوة بس ابد ماقسيت عليج هذا اختيارج انتي اختاريتيهم زمرد واني سحبت ايدي منج بس الشوگ يهزني...

فاطمه: -كافي لبوة مكياجچ راح خرب
لبوة: -لزمت ايد زمرد وامشي بيهة التفتت عيوني واشوف ذيج الشوفة بحياتي مامتوقعها تجي...
اكثر شخص تاذيت بسببة اكثر شخص حاقد ويذب سم علية جاي بيوم فرحي شنو من سم هالمرة جايبتة وجاية.
شتوقعتو سعاد احب اكلكم لا الحية الصغيرة مصدر للسم واساس المشاكل بت سعاد رهف...
شفت جهنم بعيوني من وراهة دخلتني بمشاكل بس الله وحدة وكف وياي وطلعني منها...
اجت وبكل خباثة تريد تذكرني بالماضي.

سلمت علية وكعدت خلت رجل فوگ رجل بس لازم اتخطة وما اتأثر بكلامها...
رجعت گعدت بالكوشة اختفت الابتسامة من وجهي من شفت خلقتها...
اكو ناس من تشوفهم يذكرونك فد حدث وهي هيج صفحة طويلة مليئة بالاحداث...
باوعت لايدي وابتسمت تلث نجمات بيدي مشكلات بسلسلة بسيطة هديه متواضعة من طفلة بريئة يقين.
صرت افرز بالنجمات على نجمة ايلام.
هذا الاسوار احلى واجمل هديه حصلت عليها...

بين ثنايا الروح هناك جروح فالرجاء لاتلمسوا شيئآ
لطف بهذة الجروح.
مرت الدقايق وعيوني دور بالموجودين اتخيل امي واگفة بضهري وتعدل بالبرگع عدلت برگعي وابتسمت
رغم الغصة البداخل...
ميلت راسي واني اسمع صوت ضحكات طفل دمعت عيوني ايلام راح طفل بس لو باقي چان دخل بهيبتة ودعاني...
الفت احداث بدماغي واني اتخيل على الحنين يباوعلي بعيون مدمعة ويسلمني لحيدر كاي ابو يوگف وي بنتة بمثل هذا اليوم ويوصية علية...

فقدت هذي المشاهد على الاقل اتخيلها...
دقات قلبي همت والروح سألت مالها ياترى.؟
اتعلمو احتجتهم بقربي يد امي وعيونها طغى حزنها واب حنون هاج قلبة المآ...
اعاتب القدر وافاوضة الا ترجعهم لي ولو في مثل هذه اللية ام اقطع الَآمًلَ.
اعتلت صوت الهلاهل اشارة على قدومهم دبكات واهازيج من قلوب مليئة بالفرح...
كل هذي الضجة تثير توتري...
دخل احدهم ينتظر بفارغ الصبر رؤيتي وابتسامتة تجعلة مثيرآ...

گمت من مكاني تقدم إلى وقبل راسي گعد بصفي وبدات المصورة تلتقط صور الكوشة كولش جبيرة
اخذنة راحتنة وبدا يتفنن بالحركات ما منعتة اخذ على راحتة همس بذني بخفوت...
حيدر: كلمات الغزل تستحي منج طغيتي على الجمال بجمالج والرقة كامت دور دروب من وراج.
لبوة: -ابتسمت على كلامة اجت خالتي بسمة لبستني اساور ذهب وفاطمة لبستني گلادة كولش حبيتها...
وبيبي اساور ذهب وزينة وام علاء وخالتي ويوووو.

شگد لعبت نفسي اني اسوار واحد وبلكوة البسة مو كيلوات...
اشتغلت اغاني هادئة الكل ابتعد والصالة كولش جبيرة اخذني من ايدي وكفنة بالنص بقة يرگصني بكل هدوء واني التوتر والخوف من المجهول بدا ياكلني...
مو خوف التشعر بية البنات لا شعور قديم زارني...
رفعت عيوني ركزت بعيونة الفرح غامرهن خلة طرف خشمة على خدي صابتني قشعريرة بجسمي.
حيدر: دخيل عيونج شگد بيهن سوالف تدرين عيونج والعافية يتشابهون.

لبوة: دنگت العب برجلي بحذائة.
حيدر: -تريدين دوسين على رجلي حتى تصيرين مسيطرة...
لبوة: تؤ مو بالي هيج سالفة...
حيدر: مبين
لبوة: -اكيد يبين
حيدر: -احبچ يا عشگي الاول والاخير
لبوة: بلعت ريگ ودنگت الساني انربط بقة طول الوقت مركز بتفاصيلي واني مدنگة...
الا ان گالو يلة لبست الكبوس واجت رهف وكفت بصفي حجت بخباثة.
رهف: امي ماگدرت تجي بس ودت بيدي هدية الج كلش راح تعجبج.

لبوة: -فتحت ايدي وخلت بيها ماشة جبيرة احس گلبي انقبض من شفتها فصلت وركزت بتفاصيل الماشة وقصتها فززني وكل وحده بيهن تعدل بية...
رفعت عيني واشوف شخصي المفضل داخل بكل جبروتة الشخص الوصلني لمرحلة ردت انتحر واخلص من الدنيا بسببة...
دشداشتة البيضة تعكس سواد وجهة وروحة عباتة مشمورة على متنة باحكام عگالة الثابت فوگ راسة.
عيوني غوشن واني اتمايزة حجة بصوت خشن زلزل فرحتي.

سلطان: -بلمبارك بلمبارك الطيبون للطيبات وحيدر ابنة صار اخلاقك معروفة والوادم تحجي بيك مايحتاج اوصيك على بتي وبت اخوي الله يرحمه...
لبوة: -اسوء شعور كتال روحي يوصي العالم بية بحياتي مامتخيلة الجاي يصير باسوء تفكير الي.
لو متخيلة هذا المشهد بحياتي مااتزوج ولو اني جنت مامفكرة ابد بالزواج...
ضجيج الروح اعتلى والانفاس تتسابق كل من في الروح يتسابق على هلاكي تمنيت مماتي في هذه اللحظة...

باوع علية وباس راسي واخذ بيدي خلاها بيد حيدر.
سلطان: شايف كل الخير توكل بوية اخذ مريتك
والله وياك...
لبوة: -كل ذرة بجسمي رجفت عصرت الماشة البيدي حيل وسلمت نفسي لحيدر يمشيني واني دخلت العالم الموازي...
هدوء الجو يعاكس ضجيج روحي ذكريات تكرهك بنفسك وبالعالم كلة...
فتحت عيوني على طاسة مي لاحتني بطرف رجلي باوعت بعيوني بيت چبير احس حيدر يمشي بية مو اني كعداني وطلع...

رجيف بجسمي ثار لزمت ايدي خالتي وصعدتني الغرفتي على اثر الهلاهل والهوسات رفعت الكبوس عن راسي حاولت بكل مااگدر ابين طبيعية.
ندى: -مايحتاج كل هذا الخوف حيدر مايجبرج على شي اني متاكدة يصبر عليج خليج هادئة وطبيعية ماكو شي يخوف...
لبوة: -حقها خالتي ماتدري بروحي الراحت من سنين وبقت اثر ورجعت بنيتها بنفسي من جديد واليوم نفسهم اجم يشهدون على تاريخهم.
هزيت براسي وطلعت خالتي وعافتني وحدي.

الهوى مايعبر صوبي نزعت الگلايد والاساور والتراجي وشكو شي لبسوة إلى جريت البركع وشمرتة...
حالتي البلخطبة نقطة بوسط بحر من هسه گمت الاهث ادور على الهوى طار صوت تنفسي ينسمع على بعد انتبهت للباب ينفتح...
دخل حيدر علامات صدمة على وجهة اجة يمي ويمسح بوجهي
حيدر: -شبيج ريحانتي.؟!
لبوة: الهوى حيدر اريد هوى راح اموت...