رواية لبوة علي للكاتبة كفاية كاظم الفصل الثاني والثلاثون
غزل...
ديمة وبنتها ابد مامرتاحتلهن يعني معقولة اكو انسان ماعندة كرامة دايسات على كرامتهن على شنو محبتة باخوي وبينة اكيد لا اكو انة بالموضوع...
بحيث مستهترات بطريقة كلامهن وحتى لبسهن بس بيتنة اكو منو اليردهن ويراويهن حجمهن الحقيقي...
كلش عجبتني شخصية لبوة وردها عليهن گعدت بكل شموخ وترد عليهن برود تشعلهن بية شعل...
حتى من رادت تگوم استئذنت من امي فقط وهناا ضربتهن بعرض الحايط ولا جنهن موجودات عافتهن وصعدت لغرفتها واني رحت اغسل مواعين الريوگ...
ازل سوت جاي لجماعة حيدر جايين يباركولة.
سمعت صوت بالصالة مديت راسي اشوف منو شفت مرة غريبة تحجي وي امي وامي ترحب بيها...
رجعت اكمل غسل امي معارفها هواي يمكن من المنطقة راحت ازل ودت الجاي وارجت تركض...
ازل: لج عمي هنا جاي
غزل: -يا ياعم ولج،!
ازل: شبيج عدنة ميت عم هو واحد وهاي المرة جاية وياه.
غزل: -شعندة جاينة هسة،؟
ازل: سمع بحيدر متزوج واجة يباركلة
غزل: -صاحت علينه امي طلعنة نشوفها
بسمة: -تعالن يمة سلمن على عمتجن وداد
غزل: -بقينة وحدة تباوع بوجهه الثانية طلعت عدنة عمة لا الة الا الله وين جانت مضمومة دفعت ازل: امشي انتي الچبيرة
ازل: -بسيطة اني اعلمج الخايسة.
غزل: سلمت على ازل شبگتها وگامت تبچي ادري جلبتي بيها مو جعصتيها جعص دعوفيها خطيه اختي راحت اختنگت...
وداد: -سودة علية كل هاي السنين عايفينجن وماندري عنجن شي گطع بينة الله بعد شيصير بينة اكثر من هيج...
فدوة لله عمة انتي شسمج،؟
ازل: -ازل
وداد: -فدوة اذكرج جنتي صغيرة وانتي الشهبة تعاي اسلم عليج
غزل: رحت گوة عن روحي هسة تجلب بية مثل ماجلبت بازل سلمت عليها واريد اشلع روحي ماكو.
وداد: -صلاوات على محمد انتي الجبيرة مو،؟
غزل: لا اني الصغيرة ازل الجبيرة
وداد: -عبالي لان انتي اضخم من اختج شني انتي درسين لو گاعدة بالبيت،؟
غزل: اكيد ادرس طالبة مقبلة على السادس
وداد: الله يوفقجن إن شاء واوصلن مثل ما وصل اخوجن.
بسمة: إن شاء لله
غزل: -شلعت روحي من عدهة ورحت للمطبخ غسلت وجهي وازل ميتة ضحك: لاتسمعج صوتج
ازل: هههههه لج شفطتج شفط
غزل: -حضي غير ماكو بس هاي تشفطني.
ازل: -اروح اشوف شتحجي.
غزل: گلعة.
بقيت العب بموبايلي وسمعت صوت حيدر بالصالة
ذبيتة من ايدي وطفرت.
راضي: -ترة مرت اخوي مو من حقك تمنعي اسلم عليها وعلى البنات شماصار يبقن بنات اخوي.
حيدر: -يا اخووو هذاا من عدهمم انتتةة حتى من مات مابچيتوو علية انتضرتوو الفاتحةة تخلص وشردتوو الناس الغربةة احسننن منكممم...
ماسالتوو علينهن بالسمة بالگاع هسةةة صارررن بنااات اخوووك صارنن نسووان الا درنن عدهنن عمم...
راضي: ابوكم ماراضانة واخذنة على خاطرنة منه والموت بيد الله جا موتينة احنة وانت لاتضل بهذا تفكيرك البنات يبقن منا وبيتة وابقى عمهن الرضيت والما رضيت...
حيدر: عمهنن شفتهنن شكلننن شربن شلون عاشن وين درسن وهسه جاي عمهن خيرررر من الله عندددك واكلتت القضىى والمضىى ماذكرتهننن يوم بمصرف گلت يتامة وماعدهن احددد...
راضي: -انسى الصار وابدي صفحه جديده.
حيدر: -انسىةةة شنسةةة انسةةة التعبب انسةة البهذالل الشفتةة من وراككك ومن ورة جشعك.
وداد: -يمة الراح راح واحنة جايين نباركلك ماجايين نتعارك استهدي بالرحمن...
حيدر: -لا شافكمممم الرررحمن إن شاء الله وما رايدد اتباركوليي ابتعدووو عنةة وجفونة شركممم.
بسمة: تعذرونة يابةة بس حيدر شوية عصبي
حيدر: على شنووو تعتذرينن من عدهمم هما
المفروض يعتذرووون من عدنة السووة وياج قليللل
بسمة: لا موقليل بس المسامح كريم.
حيدر: واني مووو كريممم
غزل: -خطيه حيدر صار نارر نزلت لبوة على الصوت تشوف شكو كامو يباوعولها من راسها لرجليها...
راضي: تعاي عمي اسلم عليج
غزل: -هي بقت مصدومة ماتعرف السالفة صاح بيهااخوي
حيدر: -اصعدددي فووووگ
لبوة: باوعت للموجودين وصعدت گبل
وداد: شسالفة عمة حتى مرتك ماخليتنة نسلم عليها
حيدر: -مااريدها تشوفكم ولاتسمع بطاريكممم
وداد: - عاشت ايدك يابة خوش مختار زينة النسوان
حيدر: -خلصتووو بيتي يتعذركممم.
راضي: -تطرد عمك من البيت صدگ ماتستحي
حيدر: -عفت المستحة الك وهذا البيت مو ورث ابوك
جبتة بتعبي خاف تفكر تاخذة من عدنة...
راضي: -يصير خير إن شاء لله يصير خير
حيدر: من تعوفونةةةة يصيررر كل خيرر
غزل: -طلعو من البييت وامي ماقبلت على الصار ابد زعلت على حيدر لان حجة وياهم بهلطريقة...
وهو شوية وعاف البيت وطلع للعصر الا رجع راضة امي واجة علينة باسنة وانطناة كل وحده خمسة وعشرين.
وثاني يوم وسافرو صح متعودين على غيابة جان ماينزل شهر كامل بس حيل افتقدناهم...
لبوة: -م اسبوعين على وجودنة بالبوسنة و17يوم على زواجنة بس خلال هاي الفترة ابد ماصار بيناتنة شي كل ما استعد باخ لحضة اتراجع وهو ابد مايحچي وياي مخليني على راحتي...
احس بتأنيب الضمير مرات اگول ابالغ ميحتاج للموضع هل كبر...
التفكير اكل عقلي اكل كل شوية براي ساعة احب قربة وحركاتة وساعة اتنفز منه گمت احس بنفسي عندي انفصام...
خلال هاي الفترة تونست ونسة حتى باحلى حلم إلى مامتونسة هيج وخطية حيدر طلعت روحة اذا مااعاندة ماارتاح وهو يعبرلي ويضحك واني ازعل واعوفة ويجي وراي لا اضيع...
اجو زينة وعلاء تغدو يمنة لان زينة متعرف تطبخ ومخلصينها مطاعم اما بالنسبةالي ابد ماندخل مطعم شيريد اطبخ كل يوميه اسويلي اكل شكل...
خلصنة غدة وطلعنا نمشي بشوار البوسنة المكان ينطي طاقة ايجابية فضيعة نمشي اني وزينة ليورة وهما ليگدام زينة مخلصتهة تصور وتنشر ماخلت شي مانشرتة بس اني ابد ولانشرت شي...
زينة: -انطيني ايدج بسرعه
لبوة: شسوين بيها،؟
زينة: -شبيج ناخذ صورة لايدينة وكتب اسامينة وفد كتابة
لبوة: اني مااحب هيج شغلات صوري انتي وعلاء
زينه: -شكد حقيره
لبوة: -مو قصة حقارة بس كولشي يصير واني ماناقصة
زينه: بس ردت اغورهن.
لبوة: تغورينهن ويضربنج بليزر عوفي النشر
ماتسمع كلامي ابد راحت تمشي سريع وحملها بعدة بدايتة: امشي على كيفج زنزن موزين على الطفل
زينه: -فديت اليخاف علية مو مثل بعض الناس لاضمة ولاضمير...
علاء: -اگول حيدوري شمسويلك يابة.؟ هم على كيفك وياي شوية
حيدر: كلشي ما مسويلي بس غثيان بالمعدة ولعبان نفس كل مااباوع بوجهك اتذكر ريحة جواريبك احس معدتي تفور.
علاء: -اويلي شلون ريحة الكل اتفق عليها اطيب عطر شامية حتى فرنسا ودت علية تريد جواريبي تستخرج منها عطر والي نسبة...
حيدر: بعد شتريد وعندي نصيحة الك روح اشتغل بالمگابر اخذ تك جواريب شرط كون هستوك جاي من الدوام و نازعهن وافتر بين الکبور وين ماتشوف ناس تبچي على موتاها اعرض عليهم طلع جواريبك وافتر على الگبور حتى الميت يگعد من الريحة.
علاء: -خوش شغلة اصير ملياردير وحتى شغلي اعوفة احسن ما ضال ديگون فوگ راسي واخذ مرتي ونجي نعيش هنا...
حيدر: -وشغل جلولة وياك ريحة باطة هم تشتغل
لبوة: -ترة لعبتو نفسي مو صوجكم صوجي اني امشي وياكم يلا زينة امشينة.
علاء: زينه تجي وياي شني مخلفتها وناسيتها يلا زوزو امشينة.
لبوة: صار بيها زوزو
حيدر: هسة احنة شورطنة وجبناكم ويانة عقلي وين جان
علاء: -بالغابة مدحوس.
حيدر: -انجب جربوع يلا ولي شلون شكل حتى بسفرتي لاحگني.
علاء: وراك وراك حبويي
لبوة: راح علاء وزينة وبقينة نفتر وحدنة لزم ايدي وبقينة نتمشى شعور يجنن والمكان عجيبب...
راح حيدر يشتري عصير جاب ثنين إلى واله...
حيدر: -ريحانتي لخاطري اشربية.
لبوة: -اشترالي عصير من ذولة العندهم مثل العربانات يبوعون على البحر بس المشكله تلعب نفسي مااگدر اشرب من اجينة ولجاي حتى اكل بالمطعم ما اكل استحيت اردة بيدة اخذتة وشربت منه شوية...
حيدر: -كلة كلة يلا عفية بالسباعية
لبوة: -شربتة فرد مرة بس احس روحي طلعت مسحت حلگي وعفست وجهي...
حيدر: -طيب مو
لبوة: -يي.
الصراحه حتى ماحسيت بطعمة بس عيب منه كل مايجيب شي مااخذ منه بقينة نمشي شوية احس معدتي كلبت.
: اريد اروح للحمام بسرعة.
اخذني للحمامات اتقيئت العصير الشربتة كولة مو بيدي ما اگدر اشرب شي يسوونه بيدهم...
خطيه حسيتة ضاج لان يدري بيه مااشرب بس لان اصر علية اخذت علج وكملنة مشينة...
حيدر: -نرجع.؟
لبوة: -لا خل نفتر بعد...
رحنة للشلالات الجو بارد وخصوصا العصر وباليل
لابسة ملابس شتوية بس موكولش ثگيلة...
لزمني من ايدي ودخلنة بالمي نازعين احذيتنة المي ثلججج.
حيدر: -صيري يم الشلال خل اخذلج صور.
لبوة: -المنضر يجنن وكلة خضار هي البوسنة كولة طبيعة صرت جوة الشلال بس مايلوحني مي وهو يسوي حركات اقلده وياخذلي صور...
: يلة هسة اني اخذلك
صار بمكاني واخذتلة صور خرافية داير وجهة وفاتح رجلية لو مدنگ يحب هيج صور حركاتة مثل عارضين الازياء والمشهورين...
: لك شنو هاي ايبااا عالمية شوف اني شكد عندي مواهب اروحلي فدوة...
حيدر: احمي زين لان الجو بارد اني حلو مو الصور حلوة.
لبوة: -مغروررر.
حيدر: -بحبچ طبعاً، يلة تعاي خل ناخذ سوة
لبوة: -صار ياخذ سلفي بس اني ابد مو حلوة احس نفسي ضايعة بالگاع: انت طلع روحك حلو واني لا جيب ماتعرف تاخذ
حيدر: -شلون تريديني اكعد وانتي تاخذين سلفي
لبوة: هه هه هه لاماتگعد عوفها علية...
شفت صبة عالية من صخر طبيعي صعدت فوگها
: يلا تعال صير گدامي
حيدر: -نغغغغلةة
لبوة: اعجبك ابو دحام
حيدر: -الرومانسيه تلطم بصف الحايط
لبوة: -دتعال وعوف الرومانسيه تلطم وحدها.
صار گدامي واني صرت اخذ سلفي واسوي حركات واخلي راسي على راسة خاطر نبين بنفس المستوى.
اخذنا صور شگد وصورت المكان ماخليت شي يعتب علية...
رحنة لغير مكان راح يشتري واني بقيت اباوع بالمكان...
طلعت نستلة وكمت اكل بيها باوعت گدامي بنات شكد وكلهن حلوات اجت براسي فكرة تكسر الهدوء مايصير كولة هدوء جايين نغير جو وحركات...
اجة حيدر مشتري حلويات جاهزة...
حيدر: -من تقلصين عيونج تجي من وراج مصيبة.
لبوة: حيدر انته تحبني.؟
حيدر: -مايحتاج تسئلين اني عاشگج
لبوة: -يعني هسه انته عابر مرحلة الحب بس شنو اليثبتلي كلامك صحيح.؟
قلص عيونة وحجةة.
حيدر: -كل هذا مايكفيج
لبوة: افتهمتني غلط اريد دليل هسة دگول شنو الدليل اني اكولك شنو الدليل
حيدر: اي بلة شني الدليل.؟
لبوة: اليحب يسوي لمحبوبة كولشي وانت اذا تحبني من صدوگ وتريد تثبت تنفذلي طلبي
حيدر: ادللي بس شني طلبج،؟
لبوة: -تشوف ذني البنات تروح تسلم عليهن وتگل لوحدة منهن اني احبچ بلة خل نشوفها شدكول...
حيدر: شبيج انتي خبلة شني اروح اكلها احبچ دوريلج غير سالفة
لبوة: -شوف ترة احنة مو بالعراق لا تخاف مايطگونة بفصل هنا الموضوع عادي وهم نشوف شخصيتك تشتغل بس بالعراق لو بكل مكان...
حيدر: -ماطول بيها شخصيتي يلا ميخالف بس خاف تسحبني للفندق.
لبوة: مو لهل درجة ترة بس البلعراق يكتلن روحهن عليك هنا محد يگلبك لو تصلخ وتمشي يمهن
حيدر: هههااييي نشوف يازوجتي المنحرفة
لبوة: رفع شعرة ومشة بثقة وغرور راح يمهن واني رحت اركض وراه جريتة من ايده ومشيت...
حيدر: شبيج خليني احجي وياهن
لبوة: -خوب انتة ما صدگت گبل رحت
حيدر: غير انفذ طلبج
لبوة: لان طلب مابية خير رحت ركض تنفذة...
اخذت صفنة تخيلت تاخذة وحدة منهم وتبوسة متتت لو ماكلتني الخنازير ولا گايلتلة عود اقلد الافلام امداني.
حيدر: -خليني اكمل طلبج
لبوة: -يريد يرجع الهن جريتة جر حيلي راح.
: طاحلككك الدوةةة بسيطةة حيدررر تريدد تمشي يمهن وتعوفني احنة هيجج اتفقنةة
حيدر: -ههههههه انتي گلتيلي واني انفذ
لبوة: واني شگول لازم تنفذ لو هاي لان بيها بنات
حيدر: -قصدج حلويات
لبوة: حلويااتتت موو بسيطة حيدر صارنن حلوياتت.
مو عيبب عليك هستونةة متزوجين عدك مرة تسحل الشياب قبل الشباب.
حيدر: -وشايف منها اشو كولشي ماكو هي بوسة وبالگوة عود جايين شهر عسل عمي العسل وين اروح اشتريلي قوطية واكل.
لبوة: شقصدددك هسة من شفت البنات غيرت رائيك مو قبل عندك عادي وتصبررر علية صارر هسة
حيدر: -ماصار شي امشينة
لبوة: -لا ما امشيي كولشي انتهى ارروح اشمر روووحي بالبحيرة بلكي التماسيح تاكلني وضل انتة دوررر حلوياتتت.
رحت امشي باتجاة البحيرة وصايرة نار اسمعة يضحك بصوت عالي بسيطة رحت صعدت على المحجر وفتحت ادية عود اريد انتحر يمةة الهرمونات...
انتضرتة يجي هسة اذا وكعت بية حيل اتنگع شوية طوقني من ورة وصار يبوس بية.
: رووح من عندي انته ماتحبنييي واني هم ما احبك
حيدر: -انچبي
لبوة: -وتغلط عليةة فوگاهااا
حيدر: -اسكتي وجهج بارد خل ادفية.
لبوة: -سكتت ادري بية يتشاقة واني الدزيته بس التمثيل شي حلو حسيت بالدفو وخشمة بخدي مخلية...
: حيدر عليك الله انت تحبني،؟
حيدر: -شعندي غيرج ياستر روحي وغطاها
لبوة: -ابتسمت وحفرت هاي الجملة بگلبي لگيت انسان يحبني من صدوك واخيرا طلع كلامهم كولة جذب...
درت وجهي الة باوعت ناس رايحة وناس جاية بس كل واحد مركز وي نفسة ماالة علاقة بالثاني لزمت راسة بثنين ادية وهو مركز بعيوني طبعت بوسة على شفايفة وهو بقة مثل المصدوم...
: احبك يافرح عيني وبچيها
حجه بذبول وهو يگرص بزندي بس وين لابسة كوت
حيدر: زيطة الا بالشارع هلبت بالفندق هيج
لبوة: -درت وجهي عنة مستحية: بعد هي اجت هسة
حيدر: -نرجع للفندق،؟
لبوة: -لا لا خل نتمشى الجو حلو.
بقينة نتمشة وهو كل شويه جاعصني بحضنة ويهمس...
حيدر: احبچ يا اول عشگ
لبوة: -واني بس اضحك بقينة نفتر فوگ الساعتين واني ولايهمني امشي...
حيدر: -كافي خل نرجع للفندق تعبت
لبوة: افاا ابو دحام يتعب
حيدر: چا نفسج اني رجال بسرعه اتعب
لبوة: -بس لا تحط عينك علية من هسة اگولك باجر اذا ماافتريت معناها حسدتني وگبل احرك ملابسك
حيدر: -دخيلك ياعلي ولج وصلت بيج تحرگيني وبشهر عسلي اللهم اجرني من هذه السفاحة.
لبوة: -لا اني تفاحة
حيدر: -واني جوعان ومنا اموت على التفاح اويليي
لبوة: -لزمت ايدة وضميتها إلى حجيت واني مركزة بعيونة: حيدر تدري من انخطبنة هوايي تغيرت جاي الاحظ نفسي احجي هواي واشاقي واضحك...
قبل احجي على گد السؤال هسة اخذ وانطي وياك
احس نفسي انقادلك صح كلامي مابية رومانسيه بس صدك غيرتني واني من اسكت مو معناها ما احبك بالعكس بس اني ماعرف اعبر فابقى ساكتة.
ابد ماجربت الحب ولا انطيت فرصة لشخص فماعرف شلون يكون الحب بس صدگ انتة كولش جبير بالنسبة الي...
مرات احسك تضوج من كلامي بس شسوي هو كلامي هيج اجفص بس لاتاخذ بالك عليه...
ومها صار لاتعوفني حتى لو غلطت بحقك لاتفرط بية كلها فرطت بيه بس انتة لاتصير مثلهم جلب بية بكل قوتك وحتى لو قررت ابتعد عنك انتة لاتبتعد عني.
اخذني لحضنة وضماني قوي...
حيدر: -بالعكس ابد مااضوج الناس كلها تضوجني الا انتي كلمة منج تزيل كلشي وخليها بالج مستحيل اتخلة عنج بيوم من الايام مستعد اضحي بروحي وما اضحي بيج وخلي يكون بعلمج مايفرگنا غير الموت...
لبوة: اسم الله عليك يومي قبل يومك شعندي باقية
حيدر: -انچبي لاتحجين هيج
لبوة: گرصني من خدي حيل: اخ مو هيج
توجع رجع باس مكان الگرصة.
حيدر: - اسف نرجع
لبوة: يلا.
رجعنة للفندق اطلالتة البحر حاجزين بية يومين جان سويت عبارة عن غرفة وبيها طباخ صغير وحمام بس كولش غالية...
نزعت الكوت وجنت لابسة كلاو لافة بية شعري ولابسة هايلاينك رگبتي كلها ماتبين...
رحت سبحت ولبست تراك...
: شتحب اسوي على العشة،؟
حيدر: -شتسوين نعمة.
لبوة: -رحت طلعت بيتنجان وكشرتة سويتة مخطط وگليتة وسويت حميسة لحم مثروم وبصل وثوم وفلفل واكيد البهارات فتحت البيتنجان وحشيتة سويت صوص وذبيتة علية ورجعت رشيتة جبن مثروم ودخلتة فرن...
رجعت سويت تمن وهو اجة طلع خيار وطماطة وليمون بقة يثرم زلاطة...
خلص واجة فتح الفرن وصوفر بصوت عالي ضحكت عليه وهدرت التمن...
حيدر: يروحلج فدوة امهات الدلفري فنانة بالطبخ يحانتي.
لبوة: اعجبك.
حيدر: -هو انتي بكل الحالات تعجبيني ا.
اگلج جوعان،؟
لبوة: -حتى اني بس انتضر شويه ويجهز العشة
حيدر: -نسوي فقرة بين مايستوي الاكل
لبوة: -الله وايدك يلا
سحبني عليه وجر شفايفي باصبعة: -اغسل ايدك بالاول واني ماعرف بفقرتك هيج عبالي تلعبني فد لعبة اوهيج شي.
راح غسل ادية اكثر ونشفهم واجة سحبني الة وطاوقني.
حيدر: -وهسة
لبوة: -شنو هسة خل نتعشة والله كريم
حيدر: -سبحانك ربي من يوم يومك كريم.
لبوة: -بدا بسوالفة منا لمن صحت بية: التمننن احتررررگ
حيدر: طاح گلبي عبالي البيت احترگ
لبوة: -رحت طفيت التمن وخليتة بلم وهو طلعهن من الفرن وگام يشيل بيهن ويخلي فوگ التمن.
حيدر: -بعد حتى مطاعم ماادخل كسرتيهم كسر بطبخج
لبوة: -احسن لاتدخل شمدريك بنضافتهم انت گاعد ويجيك الاكل مرتب وماتدري صرصر واكع بية منو طابخة شلون طابخة.
حيدر: يععع كافي كافي بطلت بعد ماروح لو اموت جوع.
لبوة: -هههههه جا مجذبة هذا واقع لايقرك شكل المطعم
فرش سفرة بالگاع نقلنة الاكل وبدينة ناكل.
حيدر: -عاشتت ايدج الاكل روعة
لبوة: -ادري
حيدر: -الثقةةة گامزة للستار عندج
لبوة: -شسوي لعد مجذبة ادري بطبخي طيب
حيدر: حسيت مزوج شيف ولا يگول دكتورة كل
يوميه مسوية شكل هسة هاي الاكلة شسمها
لبوة: -ماعرف اسمها بالضبط بس اكلة تركية
حيدر: -بعد شريد حتى تركي تعرفين تطبخين.
لبوة: -سوري لبناني شكو اكلة تعجبني اسويها من نرجع ذكرني اسوي مكدوس.
حيدر: -على هاي السالفه راح ارجع للجم
لبوة: -حتى اني اريد اروح جم
حيدر: -دگعدي راحة هو انتي شضال بيج
لبوة: -اهووو هواي بالغتتت انيي مو ضعيفة
حيدر: -راح تنكسرينننن
لبوة: -خزرتة وتذكرت التمر رحت جبتة ورجعت گعدت...
حيدر: شني فاطمينج بتمر بس بالريوگ ماتحطينة
لبوة: -شسوي احبة واذا احب شي مااستغني عنة
طبع كولش محلو.
حيدر: بالعكس هذا احلى طبع بس انتي ماتعرفين
لبوة: اكلت شوية وبقيت افلس تمر
حيدر: عايفة هذا الاكل كلة وراجعة للتمر دكلي تمن بلكي تسمنين
لبوة: ماريد اسمن وعوفني اكل تمر متعودة...
من جنت صغيرة جنت اصعد الشجرة واطيح منها رطب ابقى اكل بكل وقت حتى جنت اتريگ بية يشبع ويغذي بنفس الوقت ويكفيني واحلى شي جان متوفر مجانا...
حيدر: ليش ما چنتي تاكلين وياهم،!
لبوة: مرات اذا بيبي لوفاطمة مرت عمي دز علية اروح بس مرات ينسني...
حيدر: وعمامج مايسألون عليج اكلتي شربتي.؟
لبوة: تؤ بس بصباحية العيد يفتقدني سلطان يودي علية حتى ابوس ايدة واني اقرف بشكل مو طبيعي واحصل عيدية تخبلل لان مابست ايدة...
حسيت على روحي وغيرت الموضوع...
: اسويلك جاي.؟
حيدر: -دكملي اكلج بالاول
لبوة: -شبعت
حيدر: -تحجين صدك صارلج شكد تطبخين وبالاخير ماتاكلين
لبوة: -عادي مرات اسوي وما اكلة اصلا.
حيدر: -ابقي ابقي على عودج راح يجي يوم و تنكسرين
لبوة: -لاتخاف ماانكسر على فكرة وزني مثالي ومناسب كولش وي طولي
حيدر: انتي منين تجيبين هذا الحجي شايفة اذا سمنتي وانتي گصية تصيرين جنچ بطة.
لبوة: ولهذا السبب ما اريد اسمن
حيدر: -يصير خير يجي يوم وتذكرين كلامج هذا
لبوة: -صبيتلة جاي واجيت اغسل المواعين
حيدر: عوفيهن اني اغسلهن
لبوة: -شنو السالفه هسه اغسلهن
حيدر: -تؤ تؤ مادام انتي سويتي العشة المواعين علية.
لبوة: براحتك
عفتة ودخلت للغرفة رحت للبلكونة وباوعت للبحر شكلة هادء وتحس بية اسرا الهدوء مخيف رجف جسمي من البرد...
دخلت جوة باوعت لنفسي بالمراية وخليت گذلتي ورة اذني بللت شفتي لازم اكسر البعد والحواجز هواي مر وقت...
رحت حضرت نفسي وگعدت ميتة قلق رفعت راسي شفتة واگف ويباوعلي تماثلت القوة ورحت باتجاهة
بلعت ريگ وميلت راسي: نبلش
حيدر: -شدگولين جاهزة،؟
لبوة: -شاف حالتي استائلت بالايام المضن لذالك سالني هزيت راسي وتقربت علية: -حتى لو طلبت من عندك تعوفني لاتسمعلي...
تقرب مني وطبع بوسات على وجهي وبدات ليلتنة مليانة بالرومانسية...
گعدت الصبح قبلة سويت اليوگ سمعت خطواتة متت من الخجل اريد اضم روحي فد مكان...
سويت نفسي اشتغل گمت ارگع ماعون بماعون
حضني من ورة وهمس بذني...
حيدر: -صباح العسل
لبوة: هلو
حيدر: -هههههههه شني هاي هلو صاحبتج اني.
لبوة: حيدر شبيك ماتشوفني اسوي الريوگ عوفني
اكمل لاتحترگ
حيدر: -هو اني من اعوفج احترگ يحانتي اريد اتريگ
لبوة: -فد شوية ويكمل
حيدر: -ماتحمل هاي الشوية
لبوة: -لا اله الا الله خليني اشتغل
حيدر: شبيج راح تموتين ترة خلصت المهمة بس عاجبني اتريگ عسل
لبوة: -روح جيب من الاسواق بين مااجهز الريوگ
حيدر: -مايحتاج متوفر گدامي
لبوة: حيددرر كافييي
حيدر: -ريحانتي اعصابج ترة جوعان ومن زمان ماماكل
لبوة: -استغفررر لله.
حيدر: -يعني ايي
لبوة: -خلصنة ريوگ وطلعنة قربب بس اليوم ونزور غير منطقة اتصلت بزينة گالت طالعة من زمان طبعاً زينة ماتگدر تمشي مثلنة طفلها نازل بس بعد اجوي ويانة على الواهس...
علاء جان مقرر يرحون لدهوك لان التكالف اقل بهواي بس هي دگت رجل الا ويانة هههه...
رحنة نفتر بس ابد ما باوع بوجهة ولا احجي وياة استحي...
شفت يسون گهوة بس بطريقة تجنن والجو بارد واشكال الاكل الصراحة اشتهيت والمشكلة حتى حيدر مايشتري تضامنن وياي...
: اگول حيدر اشتري كوب گهوة.
باوع علية مثل المتفاجا...
حيدر: -من عيوني
لبوة: تسلم
راح اشترة كوب واجة الإبتسامة شاگة حلگة يگول صار فد شي جبير ابتسمت واخذتة من عندة وهو مترقبني اشربة...
: اشرب منه شوية واذا طيب اشربة.
اخذاة مني و شرب منه وگام يسوي حركات مثل الغواء شايفين من تريدون تقنعون طفل يشرب شي بالضبط نفسه...
حيدر: -الطعم خيالي بويااا يفوتج
لبوة: -اخذتة من ايدة مترددة وهو مركز وياي قربتة وشميت ريحتة لاباس شربت منها شوية وانطيتها اله
: كملها
حيدر: -كمليها والله طيبة ترة ماكو هيج بالعراق
لبوة: ترة هي مو شبع خلص...
صدوگ شگد بعد ونرجع،؟
حيدر: -بعد منطقة وحدة ونرجع
لبوة: -كون بيها جبال اريد اتسلق.
حيدر: -هههههه بله وگعتي وتكسرتي شحصل
لبوة: -لا تخاف قابل اصعد جبل كلة شوية وانزل حيدر عوفني هنا وارجع.؟
حيدر: اكو واحد يعوف روحة وراة
لبوة: عادي ارجع علية حبيت الجو المكان وين احنة عايشين بس البرودة والخضار عالم ثاني
حيدر: -مهما كان المكان حلو نبقى خطار وغرباء وابقى افضل بلدي على كل البلدان...
احب العراق بكل خرابة ومشاكلة العراق احسة امنة وابونة بدونة نضيع...
لبوة: -فعلا بس المكان جذبني.
حيدر: -اقترحو علية ماليزيا بس لان البوسنة طبيعتها خلابة فگلت ريحانتي تحب هيج جو.
لبوة: -فعلا يجننن مادري شلون ارجع
حيدر: -اني عكسج ماحب ابقى
لبوة: -حقك لان عفت اهلك وراك انت لو سامع كلامي وجايبهم هما تلث نفرات
حيدر: غير مرة نجي كلنة
لبوة: إن شاءلله
افترينة بالمزارع والابتسامة شاگة حلگي رحت اركض بالزرع وفاتحة ايدي يگول اريد اطير.
حيدر: -لج مو زين تركضين
لبوة: ههههههه تعال نلعب
حيدر: انتي العبي واني اصورج.
لبوة: -بقيت افتر واركض يكول طفلة وهو يصور بية وصوت ضحكتي عالي
حيدر: لج شبيج تخبليتي
لبوة: -هههههه تخبلت المكان يخبللل من صدوك
رحت يمة رفعت رجلية وطوقتة من رگبتة...
: حيدوري فرني بالزرع
حيدر: تدلل ريحانتي بس بالاول بوسيني
لبوة: -بستة بكل مكان بوجهة ولزمني من خصري
بثنين ادية وفرني واني ميتة ضحك احس نفسي بعالم ثاني وهو يضحك على ضحكتي...
حيدر: -كافي فحطتي لاتضحكين هواي
لبوة: -ما ما بعد فرني.
حيدر: -دخل نتمشى وبعدين افرج
لبوة: -خل اني افرك باوعتلة فحط من الضحك گوة واگف على طولة
حيدر: -ششيلين مني الا تقسميني
لبوة: -لاتستهزا بية ترى اني قوية وهسه تشوف رحت يمة وهو يضحك لزمتة من رجلية اريد ارفعة يگول جبل مايتحرك حركة...
: انت عمدة مثبت رجليك بالگاع لو مامثبتهن جان شلتك على العموم اروح اكمل طريقي...
حيدر: اي واضح تعاي وين رايحة
لبوة: -هنا اشوف المكان.
حيدر: -لج هذا المكان مال ناس ميقبلون واحد يدخلة
لبوة: -رحت اركض وهو باقي بمكانة صحت بصوت عالي حتى يسمعني: مااسوي شي بس العب واذا شفت واحد ارجع...
رحت اشوف المكان وطايرة بالهوى مااحس الا دست بفد شي، سمعت صوت چلب ينبح...
خفت وباوعت منين يجي الصوت باوعت وراي چلب اسود چبير وسنونة طالعات من شفتة طاح گلبي بالطين...
صار ينبح علية واطگها ركضة بكل قوتي وهو يركض وراي اذا گضني يسويني وصلتين...
گمت اركض باسرع ماعندي ومااشوف شي گدامي وانرگع على وجهي بالبحيرة.
والمي مثل الثلج واني ابد ماعرف اسبح اريد اطلع منين اطلع راسي اشم الهوى وارجع اغطس گمت بس احرك بدية اريد اطلع اختنگت شبعت مي...
گمت افتح عيوني واغمضهن صرت قالب ثلج اجة حيدر يركض نزع قمصلتة وذب روحة زرگ لزمني واني مجلبة بية من رگبتة طلعني لليابسة...
صرت اذب مي من خشمي وحلگي طبگ حيدر ادية ثنينهن وبقة يضغط على معدتي المي يطلع من حلگي انتهيت...
صرت ارجف من البرد.
حيدر: -شلون حض اغبر عندج مادوملج الفرحة
لبوة: نزع قمصلتي تنگط مي بقيت بس بالكيمونة باوع صفح محد بس احنة جاب قمصلتة ولبسانيها
بس بقت ملابسي كلها تنگط مي وشعري هم...
لزمني گومني واخذني يمشي بية واني ارجف خطيه هو بقت بنص ردن ومنگع...
: وين رايحين،؟
حيدر: -بلكي اكو ناس بيوت هنا يساعدونة على مانوصل للفندق نصير ثلج
لبوة: مشينة مسافة ولاگتنة مرة جبيرة لابسة ثوب طويل وفوگاه قبوط ولافة مثل الجفية على شعرها
وجهة احمر مبينة مسلمة واكثر سكان المدينة مسلمين...
طبعاً القلة يعرف انگليزي حجة وياهة حيدر بلغتهم بقت تحجي هي وياه واني كولشي مافتهم بس سن يطگ بسن مشت ومشينة وراها...
: شراح تسويلنة،؟
حيدر: -تاخذنة لبيتها.
لبوة: -اخذتنة لبيت شايفتة بافلام كارتون مثل الكوخ من خشب فتحت الباب ودخلت وبقت تحجي وحيدر يرد عليهة بيتها حيل صغير بس نضيف بشكل ويخبلل راحت ورجعت جايبة وياها ثوب وقبوط.
حيدر: -البسيهن لاتنصگعين ترة نضيفات
لبوة: -باوعت بوجهة كل البراءة والحنية بيه تحسها مو بشر عادي وجهة ينگط دم اخذتهن من يمها ودخلتني لغرفة وسدتها علية...
لبست الثوب ضعت بية شلتة منا ومنا ولفيتة شوية گصر لبست الجاكيت مصنوع من صوف بس ريحتة تجنن طلعت لحيدر من شافني كتم ضحكتة.
: اضحك اضحك ناقصتك اني
حيدر: زيطة ماتگعدين راحة لو سامعة كلمتي وباقية يمي ماصار بيج هيج
لبوة: -تشمت بية حيدر بسيطة وفوگاها تضحك علية
سحبني وكعداني بحضنة شمني قوي وصاح.
حيدر: -افيشش مو ريحة تخبل اني اضحك عليج امداني اذا صدگ وانتي لاتضوجين وعبالج مرعبلة ومو حلوة بالعكس تسطرين سطر جنج اجنبية...
لبوة: -عليك الله اني حلوة
حيدر: -تسودنين العاقل
لبوة: -گعدني وراح يم الحجية اسمعة يحجي اخذملابس بدل و اجة جايب بيدة مشط خشب.
حيدر: -هذا منو الراح امشط شعرة
لبوة: مو اني
حيدر: -لا امي يلة تعاي
لبوة: -هسة احنة بحال شعر مانمشي
حيدر: غير انشف ملابسج جا نروح بذني
لبوة: -عدهم غسالة.
حيدر: -چا شمالهم ماعدهم
لبوة: -عبالي لان بالريف
حيدر: -ترة احنة مو بالعراق وهنا اهل الريف عايشين احسن عيشة قابل مثل ربعنة ينتضرون المي يحلو عليهم.
لبوة: -مشط شعري ولفاه بجفية مددت على القنفة ميتة برد غطاني بجرجف وراح غفيت على الدفو.
گعدت على لمسات على خدي.
حيدر: -يلة رياحنتي كومي اكلي وخل نروح راح يتاخر الوقت
لبوة: -فتحت عيوني ونهضت روحي شفت المرة گدامي هي وحيدر.
حيدر: -سوتلج الحجية شوربة دفي بيه معدتج.
لبوة: راد يوكلني اخذتهة من ايدة وصرت اكل خلصت اخذ مني الكاسة ومسح حلگي گمت احس حرارة بجسمي صخنت انطاني ملابسي.
حيدر: -ابدلج
لبوة: لا ميحتاج اني ابدل.
اخذت ملابسي ورحت بدلت لف شعري وخلاة جوة الكلاو حجة وي المرة وطلعنة وهي تاشرلنة بيدها بمعنى باي شكد لطيفة الله يحفضها.
حيدر: -صرتي زينه
لبوة: -اي بس منين تعرف تحجي بوسني
حيدر: -لازم اعرف لغتهم لان احنة نتعامل وياهم.
لبوة: رجعنة للفندق گبل ذبيت نفسي على الفراش لفيت روحي زين ونمت مااحس بالدنيا طشت رشت.
گعدت سن يطگ بسن بردانة رحت ادور حيدر لگيت الگدورة على النار وهو يغني ويثرم حس بوجودي والتفت...
حيدر: هاا ريحانتي صرت زينه
لبوة: -بردانةةة راح اموت من البردد
عاف البيدة وراح غسل واجة ضمني حيل وبقة يمسح على ضهري شميت ريحة شعواط.
: شنو الاحترگ اشم ريحة شعواط
عافني وركض طفة الطباخ والدخان ترس المطبخ.
: شسويت صرت نادر.
حيدر: كلة من وراج اجيتيني بردانة ودورين رومانسيات رتاحيتي احترگ طبخي هسة شاكل
لبوة: اني شكوو انت عديم المسئولية وحرگت الاكل وجاي تذبها براسي
حيدر: -هسة لو ماحاضنج ما احترگ الاكل
لبوة: -ضل ضل ارجع انام وانت تفنن بالطبخ على راحتك
حيدر: -وين رايحة فوگ ماخربتي اكلي وراح شغفي بالطبخ عايفتني وارح تنامين
لبوة: -مشكلتك اروح للبطانية دفيني
حيدر: -لاحگج بس الم الهوسة مو تنامين.
لبوة: رحت ذبيت روحي گبل غفيت حسيتة يدغ بية
باصبعة: شگد غثيث عوفني انام
حيدر: عفية عليج اني صرت غثيث فوگ ماجايبلج اكل.
لبوة: -سمعتة طلع من الغرفة رحت وراة دورتة بالمطبخ مالگيتة بالحمام هم ماكو التفتت شفتة واگف بالبلكونة رحتلة دار وجهة ورجعة. :
حيدر: -طبي جوة الجو بارد لاتتمرضين بالزايد
لبوة: -اعتذر مو قصدي گلتها بالشغة
رد برود
حيدر: -ماصار شي روحي نامي.
لبوة: لاتحجي وياي برود حتى لااعاملك بالمثل وبرودي خطير...
سكت ماجاوبني وگفت يمة وبقيت اباوع وياة
ثنينة ساكتين دخلت بحضنة ولميت ايدة شدد ايدة علية: لاتزعل على كولشي
حيدر: اكو واحد يزعل من روحة
لبوة: -حضنتة قوي وبستة: لا امشي نتعشى
رحنة تعشينة وبدات سهرتنا رغم اني مابية حيل.
عندما تخسر شيئا ثمينا تاكد ان العوض اثمن.
گعدت الصبح متاخرة دورتة مالگيتة بدلت ورحت لزينة هم ماكو طالعة رجعت سويت ريوگ انتظرتة شگد ماكو...
رحت بدلت ولگيت دفتر جايبتة وياي كاتبة بيه شويه اخذت قلم وطلعت گلت يمكن الگاة گدامي واذا ماكو ابقى شوية وارجع...
لبست قمصلة ولفيت شعري ولبست الكلاو بقيت يم الفندق واگفة محد موجود وگفت على صفحه واباوع لجمال المكان والناس رايحة جاية...
اخذتني رجلية بقيت اتمشى مسافة قصيرة گلت شوية وارجع الجو حلو زادني وهس مشيت مسافة كولش طويلة تعبت وكفت على جهة اكتب...
شفت گدامي منضر اكثر من كونة رائع اب شايل بنتة على ضهرة وبيدها شعر البنات مديت ايدي بجيب القمصلة اطاع موبايلي حتى التقط الهم مالگيتة نسيتة بالفندق...
ضميت الدفتر وكملت مشيتي وتمر بالي ذكريات مراهقتي وغيرها وگفت على جهة اتفرج على الناس...
ابتسمت على لطافة المكان لاحضت ثنين شباب يباوعون إلى ويحجون قررت ارجع بس المصيبة منين اجيت مااتذكر...
صرت امشي بين الفروع منين اجيت شهل حظ هسه اني شجابني مشيت مسافة بس مو نفس المكان وذولة اشوفهم يلاحگوني...
وحدي ولااعرف احد هنا ولاافهم لغتهم شلون سالفة تعبت واني ادور على طريق للرجعة...
رحت اسال الاشخاص اليبيعون عن مكان فندق قريب بس المصيبة مايعرفون انگليزي...
بقيت امشي واندب حضي هسه اكيد حيدر يدور علية شيگول وين راحت نزلن دموعي بقهر صرت مثل طفلة مضيعة ابوها...
وينك حيدر حباب دورني لاتعوفني دخيلك ياعلي رجعني لمكاني درت وجهي واشوف نفسهم ذولة الشباب وراي...