رواية عكد الظفيرة للكاتبة زينب جعفر الفصل السادس
جوري ابوسه
باوعتلي مبتسمه واني لا أرادي مغمض عيوني
فتحت عيوني حاس بحركتها كايمه شايله لورد من كاع لافته على شعرها وركبتها
جوري سيدي
ذياب ها
جوري شبيك مبتسم
ذياب لا. من وين جبتي لورد
جوري معليك كلي تجيبلي اندومي؟
تقدمت لمكتبه تباوع للحجار
جوري حلوات
صاحت تريد تطيح ولزمتها باوعتلي مبتسمه تأشر ب اصبعها
جوري هممم باتماني
ذياب وين لاكيتي ضرغام
شافت لحجر الاحمر
جوري هذا لحجر حلو اريده.
ذياب دحكيلي واحجيلي وين لاكيتي لنچس
جوري انطيني لحجر هذا حباب
تنهدت جارها من ايدها
جوري ايييي عوف ايدي
ذياب شاربه وجايتني انا أدربج للدرب انتي وذاك لكواد
جوري وجعت ايدي وخر
طلعتها بره لغرفه باوعتلي عاقده حواجبها ضامه ايديها
ذياب روحي لغرفتج
جوري ماريد
كعدت بلكاع زعلانه مدده رجليها لحضنها
ذياب شبلاج بابا مهبوله انتي لو شنو
سكتت تعضعض باطن شفتها مجتمعات دموعها
ذياب اذا بجيتي أطكج
بسرعه شهكت باجيه استغفرت شايلها.
ذياب ادري بزبوز ومجهزتهن
جوري عوفني كلب ياطبرجي
ذياب انعل امج ارمله
جوري رمله اسمهااا رمللله مو ارمله
دخلتها لغرفتها حاطها على جربايه وسديت لباب قافله
ذياب وچ احجيلي وين لاكيتي تره أجرم بيچ هساع
باوعتلي بكوه فاتحه عيونها هزت ايدها غامتني وتمددت على جهه ثانيه مغمضه عيونها
ذياب مواحاجيج
جوري باجر جيبلي اندومي وهسه اطلع بره
فتحت عيوني جار رجليه مكعدها وخرت شعرها
تباوعلي ضايجه
جوري شبيك امي؟
ذياب وين لاكاچ ضرغام.
جوري من ردت اروح شفته
ميلت راسي مستغرب
ذياب وين ردتي تفلين؟
جوري اريد انام حته اروح للعماره
دفعتها من كصتها راجعه متمدده وهي لزمت كصتها
جوري انعل ابوك
ضربتها من وره خازرها
ذياب لسانچ
مجاوبت مغمضه عيونها حاضنه لمخده ثانيه
سكتت متذكر جانت لابسه حجاب وصايه.
كمت فاتح لباب وهي باوعتلي مأشره بيدها
جوري اانته طفي ضوه
ذياب حلو انته
طفيت ضوه صرخت شغلته بسرعه ساد لباب
ذياب يول مهبوله صوتج.
جوري غير تشغلي ضوهه صغير طفيتهن كلهن شعندك لطبرچي
رحت يمها جار شعرها بس موقوي
جوري اييي وخررر
ذياب ناگص مهابيل انا
عفتها مطفي الاضويه كلهن رادت تصرخ سديت حلكها عايط بيها
ذياب اششش يلا نامي يلا
سكتت كمت غطيتها وهي ضمت راسها كله ضحكت و كمت فتحت باب سطح لكيت نسر موجود ويمه لحمامات
ذياب انته مبتلي بحيواناتها واني مبتلي بيها.
باوعتلها لكيتها مطلعه عيونها من لغطوه تباوعلي وشعرها صاير على عيونها خزرتها انتبهت كاعد اشوفها ضمت وجها بلغطه
ذياب شطبه عوفي سوالف حراميه ولزمي عينچ
اندارت ممجاوبه سديت لباب متمدد يمها حاط عاكس ايدي على كصتي افكر ومرر لوقت تنهدت هامس
ذياب بس لاردتي تفلين للعماره ياعثره.
فزيت عاقد حواجبي على رجلها حاطتها عليه دفعتها رافسها برجلي
ذياب حته وانتي نايمه ماتثبتين
الصباح، 7: 7
جوري: -.
فزيت رافعه راسي افرك بعيوني لكيت نفسي نايمه على بطني تثاوبت حاطه ايدي كمت داكتلي صفنه ماعرف مافكر بس هيج صفنت
جوري شبي راسي هيج يوجعني
ذياب صحصحي وصلنه للعماره
جوري والله؟
انداريت منتبه عليه حاط ايده جوه راسه متمدد يمي وبيده جكارته ياخذ نفس ويباوعلي مضيك عيونه
ذياب وحگ عبد الله
كمت بسرعه خازرته
جوري شجابك هناا شسوييت
ذياب اكرر واعيد مادحكلچ
كام ذاب جكاره بنفاضه متقرب خطوه خطوه يمي رجعت ليوره خايفه.
جوري شبيك
لزم حنجي قوي كاز على سنونه حاجيني بتنبيه
ذياب سالفه تفلين كفيهن لا اطلعج جنازه.
عافني مغمضه عيوني لزمت حنجي يوجعني من قوه ضغط ايده علي
طلع بره لغرفه ساد لباب كعدت متنهده موخره شعري ليوره
جوري غبييه
اجتمعن دموعي متذكره خواتي كمت راجعه للفراش حاضنه لمخده
جوري شسوي هسه انا. ماريده، شصار لبارحه؟
صفنت شوي احاول اتذكر لزمت راسي مغمضه عيوني حاسه راح ينفجر من لوجع شوي شوي بده سيناريو بالي بس بشكل متقطع حجيت وانا مغمضه عيوني
جوري طلعنه وشفنه ولد، جان شارب، بس طلب مني اشرب ليش قبلت؟
صفنت اكثر مغمضه عيوني متذكره
حته اطلع شربت وبعدها، مافهمت شوصلني لغرفه ذياب، ذياب؟، جان غرفه ضلمه وكعدت
فتحت عيوني سريع مصدومه
جوري انا بسته لذياب!
ضميت وجهي بلمخده ارفس برجلي مثله لبجي.
جوري ياربي تحرشت بي، مو بوعي اي نامي كملي نومتج بعد وكت
ضربت نفسي راشدي كايمه
جوري انا ليش شربت ليش
عضيت شفتي شابكه ايدي سويه
جوري وشسويت بعد؟
تنهدت زافره نفسي راجعه متمدده نافخه على خصله شعري لصايره على وجهي.
ساعه 10: 38
كمت على صوت ليده تتحرك فتحت باب وشفتهن خايفات
جوري شبيجن
مسره شيخ ذياب يريدنه بغرفته
نوف ثلاثتنه
جوري لاتكولوها
مسره حجيناها بعد
نوف خل نروح يلا لايعصب جثير.
جوري بنات متاكدات هناك مجان اكو كامرات
او لولد خاف حجاله
نوف هاذ ضرغام من يشرب يطفي حيل ناسي حتى شكد شرب
مسره جوري حجيتي لشيخ شي لبارحه
جوري لا، ماتذكر ماعرف
نوف دحگي شسويتي ياجوري
جوري شعرفني هذا راح يطلع كبالي
مسره خل نروح يلا
جوري روحن انتن انا بس اغسل واجي وراجن
هزن راسهن رايحات دخلن وانا ردت اسد لباب بسرعه اندفر عليه داخل
ذياب موحجيت تعي
جوري بس اغسل
جراني بسرعه من ايدي مدخلني لغرفته ساد لباب وقافلها.
ذياب احجن بلا منو ريسه لسالفه
مسره جوري
اندارلي مبتسم كاز سنونه يهز براسه
تقربت اريد اكعد يمهن وعاط بيه
ذياب وين؟
جوري ا. ا. اكعد
ذياب روحي للحايط و دوري وچچ
جوري اضل واكفه
مجاوب هاز براسه صفح عود اوكفي تنهدت دايره وجهي للحايط حاطه ايديه ليوره لازمتهن سويه
ذياب مسره انتي ولج شبلاج؟
مسره حجيتلها والله لاتفلين بس مارضت وماسوينه شي بس ردنه نقنعها وهي راحت
همست عاقده حواجبي
جوري اي عفيه كتيهن كتيهن.
ذياب لاتغردين اسكتي
سكتت باقيه واكفه اباوع للحايط
جوري تاليتي اگابل حيطان
ذياب مسره راح اسمحج هالمرة لان انعرفج
مسره تسلم شيخنه
ذياب روحي اطلعي
بسرعه كامت طالعه باوعتلها وهو خزرني مأشرلي ادير وجهي استغفرت دايره
ذياب ههلا ب أنسه نوف
نوف خالو والله هيه
ذياب شعندج حاطه روحج ويااها
نوف ماحطيت نفسي والله خالو بس مسره دلتها على درب لباب لثاني وفلن وانا فليت وياهن حته ودعها
ذياب تودعيها ها.
انا دايره وجهي ماشوف شي. لحد ماحسيت بضربه نوف صرخت كايمه شايطه روحي
جوري يمه شجاي يسوي هذا
عاط بيها قوي وهي ركضت بسرعه طالعه
ذياب روحي اطلعي روووووحي
بقيت انا غمضت عيوني عاضه شفتي خايفه
ذياب هلا بلحراميه هلا بلمسربته
جوري هلا بيك
ذياب شو دحكيلي وجج خل اتبرك بي
عضيت اظظفري كارطته عاط بيه
ذياب دوررري
درت بسرعه مدحوسه على لحايط
تقرب بيده لحزام وشرايينه بارزه
ذياب تردين تفلين وين؟ لأهلج ها؟
هزيت راسي اكثر من مره خايفه مجتمعات دموعي
ذياب احجي
جاوبت نازلات دموعي ماسحتهن
جوري اي
ذياب ويه منو ترحين؟
جوري ماعرف
ضربني بلحزام على بطني فكيت عيوني متوجعه كعدت بسرعه بلكاع خايفه راجفه ايدي نزل كاعد واصل لمستواي
ذياب وماتعرفين ها، ابتلي بيچ شسوي ناگص طركاعه انا هااا
مجاوبته ضايگه شوي من دموعي همست بيني وبين نفسي
جوري دموعي مالحات.
انتبهت على يهز بيده قريب على وجهي يحاجييني بنتر عاقد حواجبه وطاكه لعصبيه عنده
ذياب طالعه بنصاص ليالي وماتعرفين وين تفلين مافكرتي شسويج اذا احد مسربت وكواد نفسج لزمج؟ احجيي
مجاوبته وضربني راشدي لزمت خدي مباوعتله باجيه مسحت على خدي حاسه بحراره واذني متصوفره
شاف عيوني تنهد مأشرلي اكوم
ذياب روحي
بسرعه كمت طالعه راجعه للغرفه طالع صوت لبجي مالتي
شافتني هاله مبتسمه وتريد تتاكد مباوعه لوجهي
هاله هي شنو تا تبجي.
نزلت بسرعه حاجيه لحصه وغزاله نوف همست ضايجه
نوف طكاها هم؟
انتبهت لحصه طكت اصبع
حصه لعيد اجه واهل الانبار يفرح بي العيد اجه
نوف جرت مسره بسرعه صاعدين لجوري محركين ليده
جوري ماريد احد يجيني روحو
مسحت دموعي متذكره مايسمعوني مافتحت لباب الهن
تمددت ابجي لازمه خدي
جوري اكرهكم
كمت رايحه للحمام سابحه متخيله لازمه ذياب واضرب بي وهو ساكت
طلعت مباوعه لكنتوري حاكه راسي
جوري شلبس، اي شي المن طالعه اله ابقى هنا.
اخذت دشداشه زركه منقطه نقط صغار اسود ومن ناحيه صدر صاير شريط حجمه وسط على شكل فلونكه بدانتيل ازرك شفاف
رحت للميز كاعده مشطه شعري باوعت للمشط لكيت اهواي متساقط من شعري
جوري صرت كرعه شسالفه
نزلت كذلتين على خدودي صغار باقي شعر سويته صفح ظافرته ظفيره من كدام راس ولفيتها ليوره على شكل دائره مثبتتها بماشات صار عبالك طماطه مسويه ومن كدام ظفيره على راسي واضحه وجبيره
خليت كحل وحمره سائله ورشيت عطرين خابطتهن.
كمت ناحيه لسطح فاتحه لباب وكاعده اتچيت على لحايط اباوع للحمامات
جوري شنوهاي؟
انتبهت لكيتهن كاعد ياكلن حته نسر بس غير شكل اكله
جوري هاي مو اكل طيور ياهو منطيجن، اكيد لطبرچي شكو تاخذن منه عفتن صمونات مالاتي علمود ضروك لكناري ماعرف شسمه
غميتهن باقيه كاعده وياهن ماعرف شسوي من لملل شوي وبدت دموعي تنزل متذكره لراشدي
جوري اسمحلي احجيلجن شعر، گلبي مكسور هسه، اسمعن
حمحمت ماسحه دموعي.
جوري ططيري ياطير من ضربه راشدي وجعت
گلبي حزين وعيوني دمعت
صفنت شوي ماطالع بالي كلام موزون وياه
جوري و، ومن شفتك ياطبرچي كلت غمتين تستاهل وتراجي ودمعتي
باوعت للحمامات صافنات عليه
جوري مافهمتن؟، حقجن انا هم مافهمت شدخل تراجي وخيولي عليش يستاهل دمعتي
كمت اباوع للجوه لكيت فرج داخل بعگاله وعبايته وسبحته بيده
جوري اكوله ابنك ضربني واخلي يرززله بس لا خاف يرزلني الي
كعدت ماعرف شسوي و حالفه مانزل اتغده وياهم.
نوف: -ماتفتح لباب
مسره خطيه
نوف انتي شبلاج حجيتي كلشي لخالو على كد سؤال جاوبي
مسره والله اخاف منه مادحكتي شون معصب
نوف وهل بت خطيه ماصارلها جم يوم يلا تعودت شوي علينه مو نوب هيج
مسره هساع شنو سوي
نوف خليها هساع بعدين نچيها
هزت راسها ممجاوبتني نزلنه جوه بقينه نطبخ لحد مصار وقت لغده فرشت لسفره ننكل الاكل
امينه جوري نايمه لهساع؟
حصه عوفيها تلكينها كاعده وتتبجيج
غزاله اي والله خلينها هساع هيج مرتاحين من خلقتها.
امينه عيب عليج غزاله لاتحجين هيج
حصه ماحجت اله صحيح
مجاوبتها خاله امينه داخله للمطبخ تصب تمن مشيت جايبه صندوك لبن وزعت بسفره
كلهم كعدوا وخالو ذياب يباوع
امينه يمه اگلب هي قدر چثير ثقيله
هز راسه متقدم بنص وگالبها
ضرغام اوخخخ شون دولمه عاشت ايدج يمه
امينه تغديلج لعافيه يمه
رفع راسه ذياب يخزر بضرغام رجعت للمطبخ اجيب خضره وانتبهت على صوته
ذياب نوف
نوف ها خالو
ذياب جوري ما نزلت؟
نوف لا فوك.
ذياب روحي احجيلها خل تجي تاكل
نوف ماتفتح لباب
مجاوبني طلعت لخضره مبتسمه لان مزعل مني وحاجاني طلعت للصاله وهاله جرتني
هاله شحاجاج ذياب وليش طلع فوك
نوف معليچ بيبي.
وخرتني حاجيه كلمه بصوت ناصي ماسمعتها بس عرفت تغلط كعدت ومسره كعدت يمي
مسره ها
نوف راح يراضيها
مسره تطورات
نوف رقم شكثر؟
مسره حسب لأ اعرفنو واحد هههههه
نوف لاوج اثنين خخلاها تفوت لغرفته
حصه اكلن ولا تتهجسن
سكتنه ماكلين ومسره فتحت لبن شاربه.
فرج عجل وين جوري وذياب
امينه فوك
ابتسم هاز راسه مأشر لأمينه
كثريلي اكل الله ينور حضنج بحفيدج سليمان.
جوري: -
باوعت لليده تتحرك استغفرت داخله عايفه باب سطح مفتوح فتحت لباب وشفته كبالي ضجت ردت اسد لباب ودفره داخل وساده
جوري شبيك
ذياب تعي جوه اكلي
جوري ماريد
ذياب جورري!
باوعتله لكيته صدك معصب خفت لايهفني مره ثانيه
جوري خوش
فتح لباب ورجعت مطلعتلي حجه
جوري اريد اروح للحمام
ذياب انتضرج هين عجل
دخلت للحمام جاره طبله صغيره وباقيه كاعده
جوري نشوف شكد تبقى تنتضر
بقيت كاعده ماعرف بساعه بس مر وقت اهواي.
ذياب نمتي يول؟
جوري روح موسبحت ابدل واجي
ذياب خوش
سمعت صوت باب انطبك ابتسمت متنهده
جوري واخيرا اهلهل
فتحت باب ماشفت احد ردت اطلع وجراني فزيت خايفه
ذياب تلعبين عليه ولچ
جوري وخر والله ومحمد وعلى ولحسين مانزل
ذياب دعوفي لاتحلفين دخيلهم
جوري عوووفني
ذياب انعل امج ارمله
جوري اسمهاا رملللل، سكتت متذكره شوي من بارحه حاسه كايله هيج رجعت خازرته
جوري وخر
ذياب عينچ لج.
عافني ركضت للسطح ساده لباب اتنفس سريع ماحسيت ب اي حركه بعدها
جوري بعده. يضحك علي، شو ماكو صوت
باوعت للحمامه البيضه
جوري عطووه عطره لزك بملابسي
رفعت ملابسي شامه لعطر
جوري بس طيب.
باوعنه لذياب نزل مبدل لابس تيشيرت اسود وبجامه شعره مبلل ومشطه ليوره لبس مناظر مورث جكاره وبيده ساعه سوده بيها خطوط ازرك
فرج ماكلت
امينه وين رايح يمه
اخذ نفس زافره
ذياب بلعافيه.
ماطول ب اي كلمه ثانيه واضح ضايج طلع ساد لباب خلصنه اكل وشلناه
مسره تضنين جوري زعلت؟
نوف لو مزعلانه جان فتحت لباب
باوعت لكيت هاله تأشر لمسره تجي
مسره شنو تريد هي
نوف روحي بس لاتحجيلها شي عن صار
مسره عجل شحجيلها
نوف كليلها معليج.
مسره طكني
نوف احجيلها اي سالفه كليلها تعاركوا وماعرف شنو سالفتهم
هزت راسها رايحه طولت وانا عيني على مكانهن
نوف بس لاحجت
شلت وصله امسح بطباخ وانفتح باب لمطبخ داخل
نوف ها خالو الله يساعدك
ذب لعلاكات بلكاع ماخذ كاسه مي فاتحها وشارب منها
ذياب ويساعدج، دحكي هي لكيسه طلعيها فوك للشطبه
اخذتها علاكه سوده انتبهت لبيها
نوف شنوهاي. اندومي؟
ذياب طلعيها فوك نوف
هزيت راسي ماشيه وحجه محمحم
ذياب تعي هين
نوف ها خالو.
شاور اذني وخر مطبطب على چتفي
ذياب خوش هيج احجيلها
نوف حاضر
رحت سريع راكضه فوك احرك ليده عليها
هاله شنو هاي شنو بيدج
باوعت لكيت مسره اجت يمي وهاله واكفه رافعه حاجبها
نوف معليج بابا معليج
اجت تريد تجر لعلاكه مني
هاله دحكت ذياب خلاها بيدج احجيي
نوف اييي وخرري
رادت تجرها وطلعت جوري ماخذتها قوي
جوري لادخلين خشمج بكلشي
أشرتلنه نفوت ابتسمنه فايتين وسدت باب بوجه هاله
نوف جوريه زعلانه؟
مجاوبت فاتحه لعلاكه
جوري هاي الي؟
مسره ايييي ذياب انطاها الج
سكتت مخليه لعلاكه على لميز
جوري ماريدها
كعدت على جربايه وانا ومسره وحده باوعت للثانيه غامزات تقربنه يمها كاعدين يم كب رجلها
مسره لاتزعلين تتدرين يطكنه اذا ماحجينه وهو يعرفنوا لكلشي اصلا
جوري ليش حجيتله
نوف والله ماحجينه هو مادري شون درى
مجاوبت دايره وجها رافعه عيونها شامقه بخشمها
مسره يلا جوري
مجاوبت رافعه راسها ضامه ايديها دغدغناها بسرعه ضحكت دافعتنه نوب طنكرت ساكته.
مسره يلا ياملايه
رفعت حواجبي منزلتهن اكثر من مره مسويتها وغامزه
نوف ياشطبه
ضحكت ضاربتني على چتفي
جوري انجبي ماحب هل لقب
نوف ضحكت رضتت
باوعت لمسره بعيونها دموع وتهز براسها مبتسمه انقهرت حاضنتهن اثنينهن
جوري خخلص رضيت
نوف صدك جوري خالو يكول خل تجي تنضف لغرفه ساعه، 1
مسره ساعه 1!
جوري شكد صلف خالج فوك ماضربني راشدي هيج
نوف يول عادي مادحكين خلاني افرفح من حزامه
جوري ولچ ايده ثگيله حييل خلى اذني تصوفر.
راشدي امي اهوووووون
نوف غير ضابط
جوري جا يطير خدي وذا ضابط
نوف راح اروح اني خلي بالج سااااعه وحده
جوري اي خوش خوش
نوف ها صح أكمري نفسج لعصر بثلاثه ونص هيج بالاربعه
جوري ماروح
نوف محد يضل بلبيت ترى كلنا نروح
جوري مسره
نوف هم تجي مايبقى احد
باوعتلها لكيتها تهز براسها
جوري اضل كاعده بغرفتي ماعندي شي
نوف تونسي ويانه
مسره وشيخ ذياب يقبل تضلين وحدج؟
صفنت اكيد مايقبل غده واجاني
اندارن يروحن وحجيت
جوري مناسبه شنو؟
نوف بنت عمو صالح خطوبتها ليوم
هزيت راسي وهنه طلعن بقيت كاعده اباوع للاندومي اخذت جيس واحد منهن مكسرته ومخليه حار وشوي بهار رحت للبراد مشغله لمسخن
انداريت للساعه وشفتها راح تصير بثنتين ونص
جوري شلبس عود
خليت شوي مي حار على الاندومي وهو بجيس جعصته وبديت اكل
جوري لازم اطلع حلوه. اي بنات جنوب احنه
تمددت مدده جيس يمي
جوري اشو نعست شوي
باوعت لليده تتحرك
جوري عفيه يده راح يشلعوها.
كمت فتحته ماكو احد نزلت راسي لكيته طفل لمكنكر
جوري ها يلتسعيني
فارس اسمي فارس
جوري لا موحلو اسمك مال واحد جبير
فارس عجل انا شنو
جوري انته راسك جبير بس ماكو جسم بلا اشوف
فارس عمو ذياب يكول هاذ الها
انطاني علاكه باوعت جوه اسود بس فوكاه انتبهت برقع ذهبي
جوري دروح يلا
فشر وراد يشرد جريته كارصته قوي مخليته يصيح عفته بسرعه ساده لباب حته محد يشوفني
جوري شجايب.
طلعتهن لكيت ثوب عريض قماش جرجيت اسود بي ذهبي صاير رسمه بنص وشال اسود بطارف هم نقاط ذهبي وبرقع
جوري رايحه لخطبه لو فاتحه شسالففه ذهبي اسود ذهبي اسود
اخذت جيس ماكله اباوعلهن
جوري عود يمشيهن عليه ادري مايريد احد يشوفني.
فتحت شعري مطلعه كاويه مسويه ويي من جوه جبت قراصه شايلته ليوره مسويته حته لايجي على وجهي
جوري شسوي مكياج، ماعرف.
خليت ايشادو اسود وللعين ثانيه هم حسيت هاي اكثر منه خليت للاولى اكثر وحسيت الاولى صارت اكثر من ثانيه وحطيت للثانيه اكثر لحد مباوعت ماسحه عيني
جوري هاي دب بانداا
كمت غاسله وجهي زين منشفه بكلينس طلعت صافنه
جوري هسه انا هم محسوبه على نسوان
كمت طالعه ماده راسي من درج ماشفتهن
حصه ها يمصگوعه شبلاها عينج طكاها ذياب وماندري؟
جوري هه ههه ههه ضحكتيني
دارت وجها تضحك ميلت راسي اكثر وشفت مسره اشرتلها تجي شافتني واجت.
مسره ها
جوري تعرفين تسوين مكياج
مسره لاوين
جوري امشي ولي
اندارت وصحتلها مره ثانيه
مسره ها
جوري نوف تعرف؟
مسره اي بس روحي لغدير اكثر وحده. اشرت بيدها معناها مضبوطه
جوري زوجها خاف يمها
مسره لا فهد طلع
جوري شبيهم كلهم على اسماء حيوانات
صعدت داكه باب صاحت فوت دخلت مبتسمه شافتني ردت الابتسامه لكيتها كاعد تسوي ايلاينر
غدير ها قمرتنه
جوري عادي تسويلي مكياج
فارس مماما هاي طكتني
فكيت عيوني متفشله بدي اضربه مره ثانيه.
غدير حل، تعي هين انتي
كعدت وابنها يخوزرني ضايج
غدير شنو تردين مكياج
جوري راح اللبس اسود وذهبي انا
غدير ها خوش
حطتلي ايشادو اسود ومن فوك دمجته صار عدل خلت مسكاره وايلاينر وكحل من نهايه عيني كحل ابيض فوكاه خلت
جوري هاي شون راحن هالاتي
غدير حطيت كونسيلر
جرت راسي مقدمه شفايفها عود اسوي هل حركه وتخيلي حمره ماتحملت ضحكت ضربتني راشدي خفيف
غدير سوي هيج
سويت هيج مقدمه شفايفي وحطت باوعت للمرايه
جوري اخوف.
غدير قمرره امي
جوري اريد حمره طوووووخ
غدير غير رجلج يهد عليه ستري علي
كمت مبتسمه فاتحه لباب وشفت هاله باب غرفتها مفتوحه مخليه مكياج طوخ حيل وعدسات مغيرتهن لابسه اخضر وخاطه حواجبها لان عندها نص حواجب باقي تكطمهن تحفهن
ماشافتني دخلت بسرعه للغرفه مبدله موخره لقراصه معدله كذلتي وخليت شال طابكته بشكل خفيف بس ضام شعري ببروش ذهب مال عرسي
لبست لبرقع ذهب راشه عطر بس وكعب ناصي ذهبي
نزلت جوه شافني بنات.
نوف بيرررفكتوووو
مسره تجننين
ماعرف شجاوب بس فرحت حيل
جوري خجلتوني
نزل ذياب وياه هاله شافني معدل عگاله
ذياب يلا امشو
مشينه طالعين ماعرف ياسياره اصعد اكو كم سياره كبار سود وبيهن بيهن بيض ضليت واكفه وجرتني نوف مصعدتني ليوره بسياره ذياب
تچيت راسي على جام نايمه ماحسيت اله على نوف تكعد بيه فتحت باب نازله ذياب واكف صاير سداد مامخلي احد يشوفني
ذياب يلا فوتن فوتن...
فاتت نوف ضربها على ضهرها بسبحته
ذياب تركص ماكو.
دخلت مسره مبتسمه ماسوالها شي راد الابتسامه فتت انا ركعني قوي عضيت شفايفي كاتمه صرختي
ذياب سوالف فارغه ماكو
دخلت حصه وهم ركعها فكيت عيوني ضحكت
حصه ايا عاق
ذياب نفاق ماكوو
حصه يابييبي دحكلي هيج
ذياب فوتي فوتي
دخلت وهو مستلم لباقي باوعت مكان حلو جبير مرتب وناعم كعدت بين نسوان ماعرف احد
واجن نسوان كلهم نوف كعدت يمي مطنكره
جوري شبيج ضايجه
نوف مالكيتي خالو يكول لاتركصن
جوري قابل يشوفج عادي اركصي
نوف هاله تنقله.
سكتنه اجت مسره كاعده يمي مدحوسه
جوري هاي لحلوه شنو تعودلكم
مسره هاي جميله ويانه بلبيت ملاكيتها
جوري يمكن منتبهتلها
مسره مرتة لياسين ابن مهى
هزيت راسي باقيه كاعده ومره اجت مبتسمه كرصت خدودي
هي بت منو لحلوه
امينه مرت ذياب
يااا جوريه اندار فدوه
حجيت مبتسمه
جوري وانتي
انتبهت شنو انتي هديت نفسي
جوري انتي هم حلوه.
ابتسمت واضح مستغربه نزعت لبرقع باقيه كاعده لحد ماصار لمغرب لعروس حيل حلوه وبنات يدبجن الها وحده لازمه ايد ثانيه انا ماعرف بس كاعده ومبتسمه حاسه بغربه
هاله اي هايه ههههههه
باوعت لكيت لامه كم بنيه وتأشر عليه وتضحك تفشلت نزلت راسي منقهره رغم مابيه شي بس ماعرف.
فزيت كايمه على شي حار طاح عليه باوعت لحصه بيدها لأستكان
حصه يااا بلغلط.
حسيت رجليه وجعتني مجتمعات دموعي رجعت كعدت لابسه لبرقع اعض شفايفي ماريد احد يشوف دموعي
ييمه بلا ادحك ل رجلج
حصه مابيها شي لاتخافين
ماتحملت نزلن دموعي مسحتهم ونوف اجتي
جوري شوكت نروح
نوف تا تبجين جوري؟
نترت بيها كارهه احد يشوفني هيج
جوري احجيي شوكت نرجع
نوف هسه شوي ونروح
بقيت كاعده على اعصابي بس اريد اروح وايديه يرجفن من وجع لبرجلي صار
نوف يلا امشي ذياب يريدنه.
مشيت بسرعه صاعده بسياره اتنفس سريع رفع عيونه معدل لمرايه يشوفني
ذياب شبلاج؟
مجاوبت نازله من سياره عاط بيه
ذياب ووووييين!
مجاوبت ماعرف وين اروح شفت غدير وكاعد يمها رجال عرفت زوجها فهد
صعدت وياهم بسياره ليوره لكيت فارس ليوره شافني ضاج
غدير ها جوريه بيج شي؟
جوري لا بس عادي توصلوني
فهد من عيونه يابه.
باوعت لفارس لكيته مطلع لسانه يعيب عليه كرصته لازمه حلكه حته لايصرخ وخرت خازرته وهو سكت رايح بعيد للجامه ثانيه درت وجهي لكيت ذياب يباوعلي خازرني صاير عصبي
درت وجهي متنهده ومشت سياره بقيت اباوع للجامه منقهره وسياره ذياب شخطت سابقتنه
همست بصوت ناصي هازه ايدي
جوري باع هذا عساكم تنگلبون
مر وقت وصلنه نزلت بسرعه داخله وصاعده فوك ساده لباب.
نزعت ملابسي مباوعه لرجلي من فوك صاير حرك منشلع جلد مسحت دموعي لابسه دشداشه بيضه عريضه شايله شعري كعكه
تمددت وتحركت ليده تنهدت مفاتحه لباب شلت رجليه شوي متوجعه
جوري والله حرام عليها
حضنت لمخده ساكته ماحسيت على نفسي اله وغافيه فزيت على يده تتحرك باوعت للساعه لكيتها ب، 1ونص
كمت فاتحه لباب ماشفت احد سديته مباوعه لرجلي لكيتها مطكك شوي وماخاف لوجع بلعكس زايد
دقايق وهم تحركت ليده
جوري شسالفه تلعبون وياي.
فتحت لباب وشفته كبالي
جوري شنو
ذياب موحجيت بلوحده تنضفين غرفتي
مجاوبت طالعه وساده لباب جر ايدي مضروبه بلباب
جوري شبيك ذياب
ذياب انتي شبلاج ليش هيج؟
جوري شبيه؟
مجاوب عايف ايدي نزلت جوه بكوه امشي ماكدر اطخ رجلي بثانيه اخذت وصله وسطل صعدت فوك داخله لغرفته ساده لباب تقرب يمي ذاب وصله وسطل من ايدي موخر شعري ليوره لازم وجهي
ذياب ليوم لمفروض ماتسوي هيج يول
جوري اعتذر
ذياب انتي بعد زعلانه؟
مجاوبته ساكته منزله راسي رفع راسي هو بهدوء ميل راسه منتضر جوابي وهم ماحجيت
تنهد وحجه
ذياب جوريتي دحكيلي ابوي انتي
باوعتله مستغربه من حجي مالته
ذياب اعرفچ صغيره وصدكي محاسبج مرتي حاسبج بنتي ماريد تغلطين غلط ولا اريد احد يتگرب صوبج اي شي يصير وياج احجيلي
سكت شوي ماخذ نفس زافره
ذياب لاتخلين بالج بعد تشردين خوش وهم مجهزلج شي راح تحبينه
جوري شنو؟
ذياب احجيلي مزعلانه منك سيدي يلا انطي الج هديه باجر
جوري مزعلانه.
ابتسم متقرب بايس خدي بعمق بلعت ريكي متوتره
مسح على شعري
ذياب يلا نضفي زين
هزيت راسي ماشيه سريع منه منكعه لوصله ذابتها بلكاع دنكت ورجليه طخن شاغت روحي كايمه بسرعه مغمضه عيوني
ذياب شنو بيج يول؟
جوري مابيه
نتر بيه عاقد حواجبه
ذياب احجي
جوري رجلي
نزل لازم رجليه
ذياب شنو بيهن عضم وجعج ماخذات بروده؟
جوري لا احتركن
رفع راسه مستغرب
ذياب وين لحرك وين احتركتي؟
مجاوبته وهو استغفر شالني مخليني على جربايه
جوري ماريد اتمدد.
ذياب اشش
رفع دشداشه وشاف لحرك
ذياب هي من وين احتركتي وچ
سكتت افكر اكله او لا بس شراح يتغير شيسوي مثلا
ذياب شطبه
جوري ها
ذياب متردين ام خشم ليابس
جوري حصه وكعت لجاي عليه
عقد حواجبه ماراد سكتت انا هم كام نازل جوه شوي واجه بيده عصاره رفع دشداشه اكثر وبده يخليلي لزمت شعره قوي متوجعه حاسه مثل لملح عليها
ذياب عوفي شعري اشتعلت ارمله
عفته بسرعه منتبه وهو ضحك ردت انزل دشداشه ولزم ايدي
ذياب خلي يلوحها هوى ضلي هيج.
كام طالع بره لغرفه ماعرفت وين راح بس بقيت على كعده مالتي. شوي وحسيت طكطكه
جوري يمه بس لا اجه لجني
بلعت ريكي خايفه كمت فاتحه لباب على كيف وشفت هاله وحصه واكفات ضميت نفسي حته مايشوفني اتسمع شيكولن
هاله متاكده اكو احد بلغرفه وذياب طلع قبل شوي
حصه وين؟
هاله ماعرف بس ياضني جوري هي لهين
حصه أسكرها غير.
خليت ايدي على حلكي خايفه وذول مايطمنون همه حرك وحركوني ركضت بسرعه خايفه داخله لحمام ذياب ساده لباب جان دوش حوالينه جام دخلت بي ساده باب جام كاعده خايفه
زاد لوضع من طفت لكهرباء وصار ضلام دامس ماشوف شي ابد
جوري ياحصه ياجني راح يجيني
عضيت شفتي حاسه بصوت طكطكه قريبه بلغرفه عرفت دخلوا نزلت راسي اكثر بلغلط تزحلكت مخليه ايدي راجعه خليت شوي من دشداشتي على شفايفي باديه ايديه ترجف.
انفتح باب لحمام حسيت هنا نهايتي ضميت راسي بين رجليه سامعه صوت خطوات كل ماله تتقرب وتتقرب، لحد ماوصلت يمي انفتح لباب سامعه صوته
ذياب حمامه انتي هين؟
كمت بسرعه متنفسه براحه اريد امشي طايح علبه شامبو عليه لزمت راسي متزحلكه ضاربه حنفيه دخل لازمني بسرعه نازل مي علينه
جوري شنوهاي منين اجه لمي
ذياب شجابج هين غير أدري
ردت اوخر وسواري اتثبت بدكمه ملابسه
ذياب أثبتي يبه لاتگلطين علجت هي
جوري مجاي اشوف شي ذياب.
ذياب اشش.