رواية عكد الظفيرة للكاتبة زينب جعفر الفصل السادس والأربعون
شافني ذياب وبهتت ملامحه جان مچتف ايده ورخاهن نزلت دمعتي اباوعله...
درت وجهي منزله راسي شابكه ايديه سويه باوعت النوح لكيته مانتبه الذياب يمسح على وجه
جوري ابني نوح
صاح بوجهي
نوح كاااافي لااسبه
جوري ترا جاي اسكت اهواااي شنو تسبه شبييك؟
نوح اي ابن حبيبج المقدم ليش لاا
ضحك ب استهزاء لازم الستيرن ب اثنين ايديه.
نوح اكيد ماتقبلين اني مثل المخبل ادور عليج منا ومنا وانتي رايحتلهم الببيتهم لووومااا جيراان وين الكاج ها كل هل ايام يمهم ماتسألين على رجلج
جوري تره تلفوني مويمي
نوح يعني ماحافضه رقمي شبيج جوري
باوعت الايده لكيته يرجف مخنوك
جوري طفي سياره
نوح لا
جوري نووووح تريد تقنعني تودينه البغداد بحااالتك هاي
نوح تردييين تسررحين وتمرحين يمهم!
جوري اهدء الله يخليك لاتسوي بنفسك هيج.
وكف سياره بكوه يتنفس وجه انطعن صار احمر مخنوك مديت ايدي فاتحه اول دكمتين من قميصه
جوري شبيك نوح اتنفس
اخذ ايدي حاطها على خدها وصدره يصعد وينزل قوي
نوح انتي مرتي إلى لاتخليهم ياخذونج مني لاتخليهم والله احاول بس باوعيلهم شلون يستقون عليه
سكتت اباوعله
نوح والله العظيم الخاطرج ماسويها محاكم والله وقبلت بكلشي علمودج لاتسوين بيه هيج.
ضليت صافنه احاول استوعب الحيره البيها اجت عيني على دمعته نزلت على ايدي باسها يباوعلي وعيونه ذبلانات
جوري اهدء
نوح نار بگلبي جوري نار بگلبي يامرتي ماتحمل ااحد يباوعلج مونوب اسمع بيتهم كاعده
سحبت ايدي لازمه ايدي اثنينهن افرك عليهن خفيف مغطيتهن بطرف شالي
نوح تحبيني انتي
الساني انربط منعصر گلبي واني اشوف الخطايا الاسويهن وماعارفه شنو اريد نزلت راسي بحيره
نوح ها جوريتي.؟
درت وجهي البطل مي على صفحه اخذته فاتحته مقربته يم شفايفه
جوري اشرب
دار وجه ماشارب يباوع بعيوني وبؤبؤه يلمع منتضر جوابي بللت شفايفي هامسه بصوت ناصي ومبحوح
جوري اي. انت رجلي شلون ماحبك
نوح وذياب؟
جوري ماضي ونسيته
ولا احس ب شي بعد من صرت اشوفه.
جاه
كلها صارت تسأل على جوري ولا اني ولا نوف نجاوب مسوين نفسنه ماندري مثلهم اما عمي فرج فرح كل باله جوري ويه ذياب وتصالحوا.
ناس راحت وغيرنه ملابسنه وساعه عبرت على يوم جديد ومحد اكو لا جوري ولاذياب
نزل فرج يدكم ازرار دشداشته شاف مرته ورفع حاجبه
فرج عش هل بجي؟
امينه ابني ماكو
فرج ههههههههه يابه ترهه تلاكينه صوب مرته عوفيهم وامشي الغرفتج نامي يلا بويه
امي كامت لابسه عبايتها مأشرتلي
فرج وين ام جنان؟
رمله جنت منتضره جوري بس يمكن صدك ويه ذياب ف هذا هوه اروح
فرج لاياهوه حجى هيه ويه ابني اركدي
رمله اانت؟
فرج معليج بكلامي اررركدي.
رمله لامابقى تعبانه يلا يمه جاه
هزيت راسي كايمه بسرعه ماخذه تلفوني امي فتحت الباب وطلعنه لكيت كبالي حشام بيده صونده يرشرش
حشام ها ماشين
رمله اي راح يصير الصبح واحنه بعدنه
حشام ضلوا ناموا هين
جاه لاتسلم
باوعلي مبتسم انطيته ضهري ماشيه وكفت سامعه صوته
حشام جاه خويه
مايلت وجهي اباوعله مخليه عيني بعينه
حشام رجليج خلي دومها دحك هل درب
عكدت حواجبي مامفتهمه هلكد بس ابتسمت امشي لكيت امي تباوع ضايجه.
جاه ليش ضايجه ضال بالج على جوريه
رمله لا بس شو فرج ولده مستهترين صايرين
جاه ستوج تدرين هههههههه
رمله احجي صدك
جاه هوه من فلا.
سكتت فاركه عيني منتبه الجفصتي ردت احجيها...
جاه من ابوهم وشيلي ايدج
رمله وحشام ماجان هيج
جاه لاحشام الوحيد مؤدب بيهم
رمله وقبل شويه؟
جاه شنو؟
رمله افتهمتي كلامه
جاه لاماركزت شكو
رمله قصده يريدج كاعده بيتهم دائما
جاه ها من باب ضيافه
هزت ايدها امي غامتني.
جاه امي ترا بعدني على ذمه رجال مامعقول حاط عينه على ماصار عمي جهاله كلهم يردونه
رمله وين هيه جوريه وموتيها
وصلنه للبيت فتحت الباب داخليين وعيني على شارع
رمله شبيها عينج تحوس بشارع
جاه اشوف خاف اكو جلب
رمله ماكو جلابه هنا يسدوها مناك بليل
همست جاي بالي فلاح
جاه يسدوها ويطفر ادري باتمان ماسوه سوايته
كعدت بغرفتي ساده الباب ذبيت ملابسي فاتحه بال كنتور صافنه بي
جاه حيره ملابس اقوى من حيره طلاكي من الخايس ذاك.
جريت دشداشه سوده بيها من اطراف الجف ايد دانتيل خفيف
جاه هسه امي ماتقبل البس اسود شيصيرر مثلا
اسود فكر منين هاي
لبستها فاتحه قراصه شعري شمرت روحي بلفراش
فتحت عيوني مستغربه شامه عطر
رفعت راسي فاتحه خشمي اشمشم قوي كمت رافعه مخدتي جايني عطر رجالي قوي وخرتها اكح اهفي على وجهي
جاه يبووو راح امووووت
شمرتها بلكاع لعبانه روحي كايمه طالعه من غرفتي رحت للحنفيه اغسل بخشمي مختنكه واكح.
جاه استغفر الله ياررربي راح اسكرر
نشفت وجهي بلخاولي حاسه خشمي يحركني ضغطت على خاولي عارفته
جاه الادبسزز مصخهااا
شمرته راجعه الغرفتي ساحبه تلفوني شايله الحضر منه
جاه كلب
دكيت على وفتحه جايني صوته خشن بكوه يحجي
فلاح همم
جاه لك من اسطرررك راشدي احد يكلي ليش
سكت مستوعب سمعت ضحكته
فلاح هاي انتي شنو اشتاكيتيلي قنبص
جاه اامداك وامده وجهك الخااايس ترا مصختها
فلاح بشنو شبلاج؟
جاه تصير قرد وطفر بلسطوووح سكتت بس تدخل الغرفتي تنجب ومتعيدهااا والله اكول الامي
فلاح ها ردت ازيح الحضر مني بس دحكت تلفون كاضبته بيدج ومتكحزه للعراس بت ام زلم ماتجني
جاه السااانك زفر بطله وعووفني
فلاح صوبج هساع اني؟
جاه بس فهمني منين دخللت
فلاح دحكي بغرفه امج
جاه شنوه
فلاح وهمين ماطول كعدتيني زيحتي ابو نوم من عيني ف تلاكيني فوك اطلعيلي
جاه اسب ابوهااا التطلعلك
فلاح من هساع اكعدي غاد.
جاه والله مافتح الباب ضل بلبررد مووت
فلاح لاصدك جايج
جاه شصخم بيك كافي ولي
فلاح اكو سالفه اريد احجيها الج
جاه شنيه؟
فلاح مو مال هيج وتتاملين بس بصوتي لا اريد ادحكلج فا تتاملين صوتي وصورتي
جاه شهل ثقه؟
فلاح لاصدك سالفه جثيرر ضروريه جثيررر
جاه جذاب ماصدك بيك
فلاح سوي جاي اريد مابيه اسوي
جاه مافتح الباب
فلاح عجل اطك بابكم معليه اني
جاه تطلعلك امي بلماسحه تكتلك
فلاح تكتلني شنو؟
جاه تضربك.
فلاح الله مازت دربي الا ويه عماره
جاه تروحلنه فدوه
سمعت طكطكه صوت دكمه كل شوي صايره
جاه مخبل تشغل وطفي بالاضويه
فلاح اشغل واطفي؟
جاه اي صارلك ساعه طكطك
فلاح بس دا اشغل شنو اطفي
جاه امشي يلا
فلاح سويلي جاي بت عمي
جاه سوي الروحك ولف بلطانيه على عضلاتك المنفوشه واكعد يم الهيترر لاتجييني
ضحك قوي وخرت تلفون افرك ب اذني غامته
فلاح مابيه قوه اسويلي جاي
جاه معليه بس لاتجييني بارده
فلاح اتعنى البرد ودرب خاطر اجيك قنبص.
كشت ملامحي سمعت صوت بوسه سديت تلفوني بسرعه شامرته
جاه قذر
قفلت باب غرفتي وامي صاحت
رمله جاااااه
فتحته متنهده رحت الغرفتها واشوفلك مفتوح شباكها الجبير على حيله
رمله باب شباك مكسور ماعرف شنو تعاي سدي
عرفته منين دخل ملخت شعري متنرفزه
جاه امي صدك تحجين؟
لابسه جادرها وتريد تسده اندارتلي خازرتني
رمله يلا تعااالي عاونيني.
جاه اريد افتهم شغله بس انتي شباااكج بي باب صدك جذب عمي خلي افوت واطلع للشارع بعد منااا باعي شكبررره مسويته ابو البيت شلون قبل تفلشينه
رمله السانج لج ترديني اختنك
جاه امي ذاك البيت شباكج اكبر منه وهسه هذا بكد راسي مرتين يعني اذا تختنكين وماتتنفسين الا هيج انتي ماخذه الاوكسجين كله
رمله ياعاق تحجين على امج هوه خشمي هلكدوده
جاه لابكد فصمه وكلمه عاق مال عمي هاي.
رمله شهل تمضرط قابل مخترع ذره دسديلي شباك ثلجتت
اجيت اباوع للشباك سديته وجانت الايده شبه مكسوره
جاه مكسور شسويله
رمله واضل هيج بردانه؟
جاه نامي يمي اليوم وباجر عمي فرج يدز احد يسوي
رمله خاف الكاه هوه مطلع عضلاته ويسويلياه
جاه ههههههه يحبج
خزرتني سكتت طالعه من غرفتها شوي واجت الغرفتي نايمه على جربايتي
رمله اليوم راسي مات
جاه اي تعب بس اتونسنه
خليت ايدي على راسي افكر بجوري قاطع تفكيري امي.
رمله كومي يلا مواحاجيج
جاه ها شنو؟
رمله راسي يوجعني
جاه اي نامي
رمله شنام سويلي جاي
جاه جاي هسه
رمله اي كومي يلا بسرعه
جاه امي والله تعبانه ومالي خلك
اخذت دبدوبي على جهه تريد تشمره عليه
جاه شنو سالفه امي
رمله كووومي
كمت جاره غطوه لافتها عليه وطلعت لكيت قوري بي جاي قديم قليل واكثريته بثل ذبيته وسويت جديد مخليته على نار بقيت متجيه على طرف كاونتر صافنه
جاه مامرتاحتله نوح.
دخلت اصابع ايدي بفروه راسي متنهده بحيره اجت عيني على قوري فار طفيته صابه الامي اخذته ولكيتها حاضنه دبدوبي ونايمه
ضحكت اهز ب ايدي خليته على صفحه فاتحه بطانيتي مغطيتها انداريت اباوع للكوب جاي
جاه صار من نصيبه اضن
اخذتهن طالعه وسديت الباب اجت عيني على تلفوني يرن منه نصيته شامرته على جهه اتمددت على قنفه مغمضه عيوني
جاه بطران الاخ.
ستوني بديت اغفر وفزيت على طكه باب ركضت بسرعه صاعده فاتحه باب السطح لكيته متمدد حاط رجل على رجل وشابك ايده سويه مخليهن جوه راسي
شافني وغمز مبتسم
جاه صدك مسوووووودن برببك سويتها وضربت الباب
كام بدون مايوكف يباوعلي عيونه حمر نعسان
فلاح نعسان واجيتج
جاه ياهوه جابرك روحح
فلاح انجبي لج ما امشي الا اشرب جاي
جاه موتتني بجاي
فلاح يلا شربيني
جاه اشربك سم
ماحجى كام بكوه يفرك بعيونه
جاه جان كملت نومتك.
فلاح لا اريد احجي وياج
سكتت اباوعله وخر ايده يباوعلي عكد حواجبه مستغرب
فلاح ها؟
انطيته ضهري طابه
جاه انتضرني مو دك الباب هم
فلاح تدلل بت ام زل.
فكيت عيني اباوعله ضحك مهتزه اجتافه اشر على شفايفه بمعنى راح اسكت
نزلت بسرعه فاتحه الباب لكيت امي بعدها نايمه ذابه روحها كلش تشوخر جريت المفاتيح من جوه ساده الباب قافلته عليها حميت جاي شوي وطفيته صبيتله إلى واله.
عدلت الغطوه مخليتها على راسي هم مغطيه كل شعري صعدت هوه لكيته واكف يفرك ب ايده سويه يدفي بيهن
جاه مامتوازي تجيني
فلاح حاجيلج بردان؟
جاه اشوفك ترجف
فلاح دحكتيلي بس ماحجيتلج
سكتت مخليتهن بلكاع على زاويه سطح ردت ارد الباب باوعتله لكيته كاعد يعصر ب ايده فتحت الباب اريد انزل
فلاح وين جاه
جاه هسه اجي
سكت نزلت بسرعه فاتحه باب الغرفه مشيت على كيفي مارايده اكعد امي وجريت غطوه رجعت ساده باب وقافلته.
ردت اصعد وباوعت التلفوني يهتز اجيت يمه لكيت رجلي يدك
جاه شيريد
ماجاوبته صاعده فوك راده الباب وكعدت مقابيل فلاح شامره عليه الغطوه
فلاح شنوهاي
جاه غطوه
ضحك مضيك عيونه
فلاح غطوه شنو
جاه هيه هاي غطوه
لافها على صارت بس على ضهره وموكامل صغيره
فلاح حلو كلمات جديده هاي غطوه
جاه موهيج اتغطى زين
فلاح هيه هلكثرها
رفعت روحي ماده ايديه اسحب بيها قوي اجرجر وهوه فرحان يباوع الايدي ويرجع يباوع الوجهي
جاه شبيك تتمضحك.
فلاح يابه ماتكفي اكعدي بمحلج جاي برد
جاه هسه ليش اجيت
فلاح اشش اشربي
كعدت اباوعله هوه دفه ايدي بلكوب ويشرب
فلاح اخخ احترريت
باوعتله ب استهزاء هوه ابتسم طلع جكاره مورثها
فلاح احجيلي
جاه شحجي بهل برد
ذب الغطوه من ضهره لافها عليه باوعتله
جاه هاي ليش
فلاح سولفي يلا
جاه تضل بردان هيج
فلاح معليج بيه سولفي
جاه ماتبرد
فلاح شنو سالفه مابرد
جاه جا ماتتغطى
فلاح انتي المهم عادي اصبر
سكتت صافنه افكر هوه مال راسه يباوعلي فزيت.
جاه شبييك شهل نضرات
فلاح ههههههههه ليش تطنين
جاه ابو طنينه لاتباوعلي هيج
فلاح ليش؟
جاه يابه شبيك والله اعتبرك مثل ابني انتوا ولد فرج كلكم ماستحي منكم
فلاح ياهوه كلج اريدج تستحين؟
جاه اي اعتبرك مثل فراس مادري فارس
فلاح نعم؟
جاه تفوت جوه
فلاح ها؟
جاه بارده تفوت؟
فلاح وامج
جاه نايمه
فلاح لا لاتكعد وتصير سالفه نضل هين
جاه دكوم معليك
اني كمت انداريتله لكيته رافع حاجبه يشرب بلجاي
جاه كوم
فلاح بيج شي اليوم؟
جاه لاشبيه.
فلاح اضل هين كافي لاتعلكين
جاه ضل وحدك جا
فلاح لا وين
اخذت كوبي معدله غطوه اضمضم بشعري ورحت ردت اسد الباب وحط ايده مديت راسي اباوعله
جاه ها
حمحم بالع ريكه
فلاح افوت
صرت صفح هوه دنك راسه فايت عيونه دور على انحاء البيت سديت الباب هوه نزل
واني وراه
جاه اكعد هنا
اشرتله على قنفه وكعد كعدت بلكاع متجيه على طرف قنفه ثانيه اشرب بلجاي مالتي
فلاح ليش هين كعدتي
جاه هناك اهواي كعدنه بلكراسي متعوده بلكاع رجلي احسهن تكسرن.
حك حاجبه حط ايده كح وكعد بلكاع وياي
جاه هلو شنيهاي
ابتسم يمسح على لحيته المدرجه شارب من كوبه
فلاح طلكتي؟
جاه لابعدني
فلاح شنو منتضره
جاه منتضرتك
فلاح ها
ضحكت مخليه كوبي على صفحه
جاه اني اريد اطلك وهوه هم يدك يطلكني يريد
فلاح اي؟
جاه بس مابيه حيل ماجاي اجاوبه
فلاح ماتحبينه؟
جاه اذا احبه اريد اطلك منه لو سنين ماشوفه؟ وعادي عندي
فلاح ليش
جاه من بدايه ردت اتزوج جانت فكره بالي عن زواج حلوهه
عدلت غطوتي متنهده.
جاه بدايه زواجنه جنت احبه، وموحب يعني بس فرحانه بلزواج واشوف مرت اخو شلون مدلعه رجلها ضليت استخدم مصطلحات ذني حبيبي وهاي وافرح من يحاجيني حتى امي جانت مستغربه شلون حبيته بسرعه بس صدك ماجان عندي مشاعر بس فرحانه بعدين عرفت يباوع النسوان
اخذت كوبي شاربه باوعتله لكيته صافن منتضرني اكمل
جاه ضجت وحاجيت امه
فلاح شنو حجتلج؟
جاه حجت عليه اني كالت عادي رجال وحقه وانتي بعدج صغيره مابيج شي يغري
فلاح هلو؟
باوعتله اضحك ب استهزاء
جاه صدك تره والله بوقتها ضليت محتاره اسكت لا وامي صدك ماجانت الشخص الاحجيله كلشي وخواتي متزوجات كلهن ماكدر اي وكت اروحلهن
وبس جنان مره رحتلها ردت احجيلها بس شفتها محتاره رجلها يحبها بس هم عصبي ومن ذول اليخبصون ومايسوي شي الا هيه تساعده فا سكتت وبس سلمت عليها ورحت
فلاح يطكج رجلج؟
جاه صدك لا مايكتلني لان اصلا مايحجي وياي اهواي بس بدايه زواجنه وبعدين مثل المل كثرت مشاكلنه لان صرت اغار
فلاح من نسوانه
جاه اي، صدك حلوات هنه حيل افتح تلفونه وشكد يطلعلي دازلهن رسايل بيهن حاطات صور من مشهورات ماخذات وبيهن اضن صورهن
انقهرت وصرت اقارن روحي وياهن اخر عركه حجالي شي
فلاح شنو
باوعتله مترردده كمت
جاه اشغلك الهيتر
لزمني من طرف ملابسي جارني مكعدني
فلاح اركدي جاه
جاه ااني بردانه اذا ماتريد.
شغلت الهيتر جايبته مقابيلنه بنص مديت ايدي افرك عليهن باوعتله مبتسمه
جاه مد ايدك
فلاح هوه يحبج دحكين؟
جاه موحب هذا فلاح اليحب يكتفي بشخص واني عرفت نفسي ماحبه واضحك على روحي مامجبوره اضل كل واحد يطلك احسن
ضل صافن يشرب بلجاي
جاه تريدلك عزيمه يلا
فلاح ها؟
جاه مد ايدك
قرب نفسه ماد ايده مخليهن يمي بدون مايطخها حسيته مامرتاح وباله مو يمه
جاه ليش تطننن على كولتك.
دار وجه يباوعلي وسكت رفعت حواجبي مايله راسي مهمهمه منتضرته يحجي
فلاح اضن ضجتي
جاه من شنو؟
فلاح سالفه رجلج
جاه بطل هاي سوالفك اذا من اضوج ابين ضوجتي تره واطلع الساني
طلعتله الساني هوه ضحك حط وحده من ايده على شعره وجه عليه يباوعلي وايده ثانيه على الهيتر
جاه هذا الهيتر اذا خليت ايدي قريب احترك وذا وخرته ابردد واثلج شنو سالفه
عدلت غطوتي خايفه لايطلع شعري.
جاه احلى شي تكعد امي ودكدك الباب عليه وتشوفه مقفول هههههههه
فلاح مقفول؟
جاه اي قفلته حتى لاتجفت كبل
فلاح تجفت شنو
جاه اهووو مبين معناها يعني تفوووت بسرعه علينه
بللت شفتي دايره وجهي رافعه عيوني اباوع التلفوني افكر بجوري وافرك على كيفي ب ايدي ادفه
جاه جو انبار كل شوي شي. ساعه بارده ساعه حاره حيرره ها
درت وجهي عليه لكيته صافن بيه
جاه فلاح
بس يباوعلي باهته ملامحي ويرمش
جاه فلاح.
اخذت مكتاله ذبان اليمي طخيته بطرف ملابسه انتبه الروحه
فلاح شنو
جاه شبيك شنو ترا انطيتك جاي مولحم
فلاح شنو؟
جاه هوه شنو الشنو شبيك تصفن نعسان؟
فلاح لا مشى بالي
جاه وين للديوانيه؟
فلاح لا للمجلس
جاه ههههههه اقصد محافضه مو بيت
حط ايده على وجه دايخ
جاه تتريد روح البيتكم ونام
فلاح انتي حجيتي فلاح؟
جاه اي صحتلك جا شنو كلت خفاشي
ماجاوبني فتح دكمه من قميصه يمسح على ركبته كايم عيونه محمرات.
كمت وياه معدله الغطوه عليه مخليه كوب على صفحه هوه راح يريد يصعد الدرج على سطح
جاه فلاح
دار كل جسمه عليه راخيه ملامحه
فلاح ها
جاه تعرف تصلح شبابيك؟
ابتسمت مايله راسي
جاه لو بس تعرف تكسر؟
نوف
اول ماطلعت خاله رمله بشوي انفتح الباب
امينه ها ذياب؟
فرج كامرات مو علكتهن كبل جم يوم ماتشغلوهن
ماحجينه باوعنه الذياب فات شرايينه بارزه بشكل واضح بكصته وعيونه حادهن فاكهن بكل حيله مشى بسرعه صاعد درج
حصه وين جوري؟
امينه يمه ذياب شبلاك
عمي فرج استغرب كام محاجي
فرج ذياب، ذياااب مو احاجيك
ماستمعلنه بسرعه دخل الغرفته ساد الباب
فرج لك كلب مووو احاااجيك تعووف ابوك وتزتلي ضهررررك
مهى واضح ضايج عوفه فرج
فرج اسكتي انتي ضااايج شنووو البنييه وييين
عاط سليمان باجي اندارينه كلنا عليه لكيناه مغمض عيونه اختفى صوته مفرفح خايف
ركضت على امينه ومهى وحصه زحفت يمه
حصه يمه حبيبي ليش تبجي هساع اموتلك فرييج.
جان بحضن مسره ومسره خافت ماتعرف شنو اتسوي شالته امينه منها داخله للغرفه
فرج لزم راسيه المحجر صاعد الذياب
مهى بالله عليييك عوووفه
اندارلها ياشر بيده يصيح
فرج بت اخوووي ماكووو وهذااا الافندي مطلع خشمه فوووك
راح الغرفه بيها ذياب راد يفتحه وشافه مقفول دكاه قوي ويعيط عالي
فرج ذياااااب زيييح القفل
صار عمي فرج يضرب على الباب يريده يفتحه وهوه ما اله اي صوت كور ايده ضارب قوي وعمي فرج بده يعصب ويغلط ويسب علي.
مهى تبجي وحصه كامت تحاجي يريده ينزل هوه ماقابل ضال واكف
فرج والله اترس راسك طلققق اااافتح كلب
حصه دعوف الزلمه شنووو تحاجيي فراااس انت تراا موصغير ذياب
فرج عليكم جبير بس صوبي لاااا مايسمع كلامي شنووو البت وييييين
دفع الباب قوي وسليمان يصرخ خايف امينه تريد تسكته وعينها على فرج خايفه على ابنها وعلى حفيدها.
فرج بسيطه
نزل بسرعه ركضت مهى تتوسل بي مايسوي شي اجه حشام وسمير مستغربين فهد طلع
فهد شكو يابه.
فرج صم حلكك وامشي الغرفتك معليك
باوع الحشام وسمير خازرهم
فرج شكو
سمير على شنو معلي صوتك بهذا الليل
فرج تنجب وتمشي الغرفتك مو اني زعاطيط تحاجيني وتعلمني
مهى تبجي تباوعلهم بتوسل مارايده مشاكل
فرج وانت حشاام وين اخوك
حشام ضرغام نايم
فرج وياه يلاا يلاا
امينه يلا ناموا حبيبي ماكو شي ماكو
اتكزبر جسمنه كلناا ععلى صوت غراض تتكسر انضرب الباب قوي بشي
امينه يمه ابببني
حطت سليمان بيدي راكضه فوك
فرج ويكسرر سهله.
حصه شبلااااك ترييدلك سالفه
فرج بت اخووويي همن ماكوووو شسويله اطكله اصبعتييين لو شنوو؟
حصه اكيد يعرف بيهاا وييين اسأله موووهيج تتسويلك سالفه بهاي ليل فات الوكت واهل ديره نايمين محشوم يطلع صووتنه
فرج اذاا ابنج ووبت اخوي سكط وحده كل شويه ماشيييه وامها گلبها ياذيهاا وثاني مايحاجيني
حصه هساع كل علواا صوتك وسوالف الخاطرر ام جورري صدك تحجيي!
فرج معليييكم.
عافنه وراح الغرفته اني جسمي كله يرجف خايفه حاسه مغص قوي بطني من الخرعه كعدت وبحضني سليمان ضليت امسح على راسه وهوه ماسكت بس يبجي شايطه روحه
حصه كل مااهاي وسالفه جدديده يمتى نخلص يمتى
بقن كلهن يدكن الباب على ذياب ومافتح وفهد وحشام طلعوا بسرعه من شافوا ابوهم ماكو صارول يحجون ويه ذياب بس يريدونه يحجي وماكو.
مرر الوكت واحنه بهل حال وغزاله بغرفتها طلعت من عرفت ذياب هوه صايره هوسه على ماهتمت ورجعت ساده باب غرفتها رحت الغرفتي ساده الباب اسكت بلولد بس ضل يبجي
دك تلفوني رحت بسرعه لازمته لكيته كرم فتحته
مخليته على اذني
كرم ففو
نوف كررم راح اموت
كرم اسم الله ليش؟ شنو هذا صوت الصوبج.
نوف سليمان جوري ماكو مادري وين مشت وخالو ذياب اجه معصب فات الغرفته بلايه مايحجي شي وصارت سالفه شكثررهاا وهساع سليمان وحده يبجي شنو اسوي ما تا يسكت وبالي يم خالو
كرم ها هدي افتحي كامره
نوف شنوو؟
كرم موعليج على سليمان
نوف وجه صار احمر من البجي
كرم اي افتحي كامره ففو
باوعت يمي لكيت شال مال غدير مشمور ناسيته يمي اخذته مخليته عليه ولافته فتحته مخليه كامره على سليمان واني طالع شوي من وجهي.
ههوه فتحها شفته متمدد حاط عكس ايده على كصته لابس فانيله تعلاكه ابتسم
كرم سليماان عموو
ماسمعه يبجي عالي فاتح حلكه
كرم بسبس سليمااان
نوف جدامك هر
كرم اش معليج
هزيت ايدي حاطتها على راسي هوه ضل يسوي حركات بوجه السليمان هوه سكت يباوعلي ويشهك بصوت ناصي
كرم دحك اجيبلك ابراهيم دحكله شلون يحول عيونه؟
نوف انهبل الطفل
كرم معليج بزعطوط اني وياه
حط اصابعه على راسه مطلع السانه
نوف انت وابراهيم واحد
كرم من هساع اطلكج لج.
ضحكت هوه ابتسم فرحان على ضحكتي بقينه هيج وشوي خف توتري من سكت سليمان خليته على جربايه لازمه تلفون واني متمدده على جهه ثانيه مايشوفني كرم
ضل يحاجي الحد ماحسيت بديت اغفى وتلفون يطيح من ايدي كل شوي افز بين نايمه وكاعده احاول الزمه عدل ويرجع يطيح من ايدي
كمت بسرعه لكيت صاير الفجر نزلت عيني على سليمان نايم وكرم متمدد ومتغطي يباوعلي
كرم صح النوم.
عدلت شالي خايفه لان شافني بسرعه سديت الاتصال بوجه شامره تلفوني بعيد اخذت البطانيه مغطيه سليمان ومخليه على اطرافه مخدات فتحت الباب ماده راسي لكيتها هدوء
رحت كدام غرفه خالو ذياب داكه الباب ماوصلني صوت همست
نوف خالو
رجعت دكيت على كيفي وهم مافتح الباب مديت ايدي الشعري جاره ماشه مدخلتها بفتحه المفاتيح اريد افتح الباب ومايصير رجعت دكيت خفيف
نوف خالو ذياب هاي اني تره
ضل بالي بلعت ريكي مجذبه.
نوف سليمان مريض بس يبجي
ماتريد ابنك؟
من كثر الهدوء سمعت صوت خطواته ابتسمت ذابه نفسي فتح الباب رفعت عيني اباوعله
لكيته بملابسه شعره متخربط وعيونه ذبلانه ملامحه باهته
اجت عيني على الغرفه كلها غراض مشموره وكاسر المرايه نزلت عيني على قبضه ايده مكورها بيها دم
وحتى قدم رجله رمش بهدوء حاجي بصوت مبحوح
ذياب شنو بي؟
خليت عيني بعينه رافعه حواجبي
نوف ها
ذياب سليمان
نوف كبل شويه يبجي هساع نام بغرفتي.
عرف بيه جذبت حتى يفتح الباب راد يسده وخليت ايدي
نوف بس استوعبني شنو صاير خالو
ذياب نامي نوف فات الوكت
نوف ككل وكتي الك احجيلي
عينه صارت حمره تلمع بيهن دموعه راد يفرك عيونه
نوف لاا ايدك بيها دم
استوعب مباوع الايده ذب نفسه بتعب وكسره مسح على عينه ب ايده ثانيه
ذياب مابيه يبه امشي نامي
اجتمعن دموعي منقهره الوضعه فتت الغرفته بسرعه حاضنته قوي
ب ايده مسح على شعري
ذياب يلا نوف.
نوف لاتسوي هيج والله احسبك خالي واخويه وابوي عززيز على گلبه انت
ذياب انتي همن عزيزه
نوف عجل هيج ماتحاجيني وتحسبني غريبه خالو؟
ضل يباوعلي يرمش بكوه دايخ وخر ايده مني ساد الباب
ذياب وين تفوتين دحكي الغرفه
نوف عادي
راح على جهه كاعد متجي راسه على الحايط رافع رجل وحده حاط عليها ايده التنكط دم متنهد
نوف ليش هيج كله الجوري؟
ذياب اشش كافي
نوف احجيلي خالو شنو وينها وين مشت.
ماحجى كاز على سنونه قوي وعبالك متذكر مسح على شاربه
اجيت كباله مدنكه رفع عينه وانتبهت اكو جرح بطرف جفنه
مديت ايدي عاكده حواجبي
نوف خالو عينك
فز جسمه متاذي دار وجه من طخيت جرحه
ذياب من هذا
اشر على كزاز بكوه فاتح عيونه دايخ
نوف اي ليش وينها جوري
ابتسم بكسره هامس
ذياب مشت وعافتني همن
سكتت ماعرف شنو احجي هوه نزل راسه حاط ايديه اثنينهن بحضنه ماد رجله
ذياب السكط اخذها مني...
حجه بغصه عاض شفته مغمض عيونه ماخذ نفس قوي
ذياب كل مايجي بالي يگرب صوبهاا لو يشمهاا گلبي ينفطر خالو ينفطر وحك ريشات گمرهم
تنهد بحسره ماسح على وجه
ذياب طيره القناص فلت
نوف ادري بنوح
ضرب على فخذه من ذكرت اسمه كام لازم الحايط منهد حيله ومحدب
نوف ايدك موزين خالو
ماجاوبني شامر نفسه على فراشه فاتح عيونه بخفوت يباوع على شباك جايه عينه على الغيمه والكمر،.
بقيت كاعده يمه هوه بس ساكت اني خليت ايدي على راسي اباوعله انتضره ينام ومانام بقى هيج الحد ما انتبهت الدمعته نزلت على خده
كبل مسحها رامش اهواي مستغفر
ذياب يبه ناوشيني مي
نوف اي صار
كمت بسرعه طالعه من الغرفه جايبتله بطل مي وعلبه العلاجات رجعت للغرفه شفته نايم صفح
اتقربت يمه ولكيته مطلع محفضته
حاط صوره الكصيبتها ب ابهامه يمسح علي
نوف خالو.
اندار كل جسمه ضام محفضته جوه مخدته مد ايده اباوع الايده يرجفن قوي فتحت البطل وانطيته اله
رفع راسه شارب شوي وانطانياه
نوف لاتسوي بروحك هيج موزين لايصيبك مرض
ماحجاني مرجع راسه سحبت ايده باوعلي بطرف عينه ودار وجه
نوف نام خالو
ذياب ماكدر
نوف بعد اتزوجت هذا هوه الله يوفقها
غمض عيونه متخربطه انفاسه
ذياب من يمتى افكر بالحرام اني؟
نوف ها؟
ذياب استغفر الله
سحب ايده راجع مندار على جهه لخ
نوف خالو ايدك.
ذياب عوفيها يبه امشي نامي
نوف ياحرام تحجي بي؟
ذياب هيج، لايضل بالج ماتوصل بيه اجيبها هين بلايه مايدري رجلها
كام بسرعه لازم راسه
ذياب اني سويتها كبل
نوف شنو تحجي خالو؟
مارد بس يفرك على راسه مغمض عيونه عفته كايمه فاتحه الباب خطفتله نضره سريعه لكيته جر محفضته مره ثانيه يباوع
نوف الله يزيح الهم من كلبك
رجعت العلبه بمكانها رايحه الغرفتي لكيت سليمان بعده نايم اتمددت يمه حاضنته
نوف مشت ماما؟
بست خده مستغربه شعجب عافته وراحت.
ردت انام وكمت بسرعه خايفه سامعه صوت دكه الباب
فتحت الباب نازله ركض للباب رئيسي فتحته شوي ولكيتها جوري واكفه على جهه حاضنه اجتافها بردانه
ابتسامه صارت على شفايفي حاسه مي بارد ونزل على گلبي ردت اطلعلها بس بقيته مردود مشيت سريع اهرول فوك فاتحه باب الغرفه على خالي ذياب
نوف خالوووو، خالووو
جان مخلي عكس ايده على وجه سمعني وماوخرها
ذياب موحجيتلج نامي يبه
نوف جوري جوه بلباب.
وخر ايده بسرعه فاتح عينه للحظه عيونه صارن يلمعن.
بدون مايحجي اي كلمه كام بسرعه رغم رجليه متجرحه بس مشى كل همه وباله جوري موجوده
نزل واني اباوع البايات درج بيهن مسحات من دمه رحت وراه هوه فتح الباب حجى بفرحه مبتسم
ذياب حمامه.
باوعتله حسيتها ارتبكت نزلت راسها فايته جوه رد الباب اني بقيت واكفه بلباب مطل على طرمه اباوعلهم
جوري اريد...
ماخلاها تكمل كلامها جراها حاضنها قوي شهكت مفزوعه من قوه حضنه الها حسيته راح يدخلها بضلوعه
ب ايده المنجرحه وخر من شالها حاط راسه بركبتها مشتمها قوي وكل ماله يعصر عليها
رجف جسمها متخربطه انفاسها هوه همس يم اذنها ضايعه علومه ومامستوعب اليسوي!
ذياب جوريتي يبه حبيبتي
وخرت راسه بكوه تباوعله والخوف بعيونها متكزبره هوه صافن بيها وذبلانه عيونه
جوري وخر ذياب شنو اتسوي
ضل يحجي بصوت ناصي ويردد بكلماته اكثر من مره.
ذياب متسودن بيج. عاشكج.
لزم وجها مايل راسه بايسها
اني من يمي شهكت ضامه نفسي وره الباب بسرعه
صار هدوء شويه ومديت راسي لكيتها تبجي تريد دفعه خايفه هوه عبالك انعمى عيونه بس يريدها
نوف شسوي هسه اني
جوري ذياااب رجلي بررره
ذياب اكسرره انتي الي
جوري شبيك شنوهاي تصررفاات حرااام شسويييت
اني ضليت اكرط ب اضافيري هوه ب ابهامه يمسح بدموعها
ذياب احبج وحك السواج.
سكت مغمض عيونه على راشدي منها خزرته فاتحه عيونها وترتعش قوي ترجع اليوره
جوري حرااااام كافي لاتصير هيج وافهم اني اتزوجت موملكك
طاح بلكاع على كب رجليه يباوعلها بتوسل
ذياب اريدج الي، انتي مرتي مومحرمه عليه
مسحت دموعها بكوه تحجي بصوت ناصي وحركه دم
جوري مو الك ذيااب مو الك هذا هوه روح وانساني لاتفكر بيه ولااا تتخيل اشياء حرام هيج
ذياب ارجعج الذمتي
جوري لا ذياب مامستعده اعوف نوح علمودك.
رخت ملامحه يباوعلها بكسره دموعه ينزلن بهدوء على خده
بللت شفايفها دايره وجها تمسح دمعتها وشافتني
جوري نوف جيبيلي سليمان
ذياب سليمان ابني
جوري وابني اني هم. وتذكر بوكت الولدته فتح عينه على
نوح ابو!
ماحاجاها حجيها جانت كفيله تربط الساني وتصدمه كاسره گلبه مجرد يفكر خسر كلشي مرته وبنته وابنه.!
اني ركضت بسرعه شايله سليمان ونزلت هوه فز كاعد من نومه طلعت وانطيته الها لكيت خالي ذياب نفس وضعيته عينه بس على جوري منقهر
طرف شالها غطت ابنها حاضنته انطتنه ضهرها تريد تروح وذياب حجه
ذياب أثر جدمچ يچويني ياشطبه.
ابتسم تك خد بقهر
حجيتي مره اكسرك وانا بت ابويه، وصدك سويتيها
وكسرتي گلبي وسويتي عليل مايطيب بلياج
ماسوت شي طاحت دمعتها عاضه شفتها جوانيه دارت وجها وطلعت سمعنه صوت شخط السياره ماخذها نوح. رجلها.
رحت يمه هوه طاح بلكاع لازم گلبه
نوف خالو اكعد ضرغام تريد؟
راد يحجي ماكدر بس اشرلي بيده لا وكام فاتح الباب طالع
نوف خالو وين؟
ماجاوبني طلع بدوون شي بس بجيبه محفضته بيها فلوسه وبطاقته وصوره كصيبتها.
حتى حذاء سويج ما اخذ وبهل برد مشى على كيفه ويعرج خفيف من رجليه المجرحه
مشيت سريع صايحه الضرغام اكعده ماكو حشام فز وحجيتله يلحك ذياب بدون ماسولفله شي ركض طالع وراه.
ضليت منتضره ايدي على كلبي خايفه اتاخروا ومررة فوك ساعه ونص واجاني حشام
نوف ها وينه خالو
حشام ماكو شنو شبلااه؟
فتحت حلكي مصدومه والخوف مالي گلبي...
مرةة الايام وراح الاسبوع الاول. والاسبوع الثاني وثالث وذياب ماكو اي خبر اله
بشغله يتصلون وامينه ومهى ميتات من البجي على بحيث ورمت عينهن وغزاله رغم حاقده عليه علمود هاله الا بجت وتدعيله يرجع فرج يعصب يدور علي.
ويكعد يلزم راسه بحيره البيت انخبص كلها بالها يمه حتى فراس
وام جوري رجعت طاحت تمرضت من عرفت بنتها ماكو وراحت عافتها مره ثانيه...
رحت على جهه داكه على كرم فتحه جايني صوته المخنوك
كرم ها
نوف ماكو خبر اله
كرم لا
نوف حباب لاتجذب عليه ادري بي يكلك هوه بكل سالفه تصيبه
كرم والله لا وعافيه امي بعد شنو وتصدكين؟
بجيت شاهكه
كرم صوتج اني بشغلي صوبي وادم
نوف خالو ماكو كرم محد يعرف وينه.
كرم شنو بيدي بويه والله گلبي ميت اكثر من الكل وتعرفين شكثر احبه القناص بس ما ادري بخبر اله
مثل فص ملح وذاب على كوله امي وتدرين حتى هي تبجي علي
نوف نضل هيج؟
كرم كله من الغاد
نوف جوري؟
سكت ماحاجي وسد الاتصال...
جوري
لبست دشداشه مخليه شعري مفتوح خليت تلفوني يم سليمان مشغلتله وطلعت لكيت امه كاعده
هسه نورتي؟
جوري تعبانه مابيه حيل مشاكل
ماعدنه بنات بضهاري شنو هسه طالعه ريوك غده حضره جنابج؟
جوري غده ريوك مو نوح سوه
عدلت كعدتها خازرتني تصيح رافعه ايدها
لج شايفه ابني مرييه ويسوي ريوك المن متزوجج غيرر انتي تسويله
جوري جنت تعبانه وسوه شنو بيها شبيج؟
حجيه كحت تباوعلي مبتسمه
معليج بيها يمه امشي سويلنه غده من ايدج الحلوه
ماحجيت ماطايقتهم وكارهتهم حاسه خنكه بصدري قويه رحت للمطبخ وهيه لحكتني
تتردين المركه متروسه شعر مثل ذيج المره.
جوري ليش تجذبيين ذيج المره شعرااايه شكرره نفس صبغ شعرج اني ويين وين شگاررر
بهل لحظه فات نوح واني اصيح رفع حاجبه ساد الباب شامر العلاليك
نوح ليش تصيحين؟
جوري امك تتهمني بكيفها
باوع السانها باوع
نوح اعتذري من امي جوري
جوري مااعتذررر تألف عليه جذب نوب اعتذر منهاا طلعت روحي كافي
فزيت على صياحه
نوح بت اللككلب لاتصييييحين كتلج
ضربني قوي راشدي لزمت خدي اباوعله امه هزت ايدها وراحت.
اجت الحجيه بكوه تمشي والخوف بعيونها
لايمه دخيلك جوريه ماكو منها دره ليش تضربها ابني
حسيت انكطعت من عالم واصله اخر شعرايه عبالك وطاحت مشيت بسرعه طالعه من المطبخ
نوح جوري
فتت الغرفتي ماخذه جنطتي حاطه بيها ملابسي
نوح ويييين
جوري مووو انيي ابوي كلب نووح
نوح ليش تصيحييين على امي تقبليهااا على روحج
ماجاوبته مكمله الم ملابسي لبست شالي وصايتي ساده جنطه لزمني قوي يعت بيه
نوح ماتررررحين
جوري ولي من وجهي ووولي.
ملخ شعري يجرجر بي
نوح شبييييج تخبلتي هااا
دفعته منهاره شلت سليمان
نوح وييين ولج ماتعرفين احد بغدادد
اخذت تلفوني وطلعت فاتحه الباب بسرعه
نوح لج اددخلي لاتخلييني استخدم اسلوب ثاني وياج
جوري وديني الاهلي
نوح مااودييييج
جوري لاتصيييح والله هسه اعيط هنااا واخلي زلم يلتمون عليك يكتلونك
نوح ادخلي كافي اعتذر ليش هييج ماجنتي تسوين هيج
جوري لان ماقبلل ياجلب ابن جلبه يجي يسب ابويه فاااهم.
سكت خازرني رفعت جنطتي ماشيه بعيد
نوح تعاااي
ضليت امشي وماعرف وين ههوه يصيح وراي كام يغلط بصوت عالي ويمشي سريع يلحكني
جوري اني ابوي جلب سهله
اانداريت لكيته جايني بسرعه رحت دكيت الباب واحد من جيران مافتحوا ضليت اضرب قوي على باب ثاني وفتحته مره مخروعه
جوري تفووتييني؟
ولج منو انتي شكو
جوري هذا يتحرش بيه
يااا هذا موو نوح شيتحرش
حجيت بحده فاكه عيني
جوري تفوتيني لووو لاا.
دخلتني بسرعه وضلت تباوع النوح اني سديت الباب ناسيه تلفوني وياي
ولج شكو يمه شصاير
جوري امه ضربتني وتريد تحرركني هسه اروح الاهلي كتله ومايقبل
ياعزااا تريد تسوي بيج هيج
جوري ماعندج تلفون اتصل على اهلي والله تسوين خير وياي
اندك الباب قوي هيه ضلت محتاره
جوري الله يخليج خاله ابني فرفح من البجي باوعي
ااي من عيوني خاله من عيوني
ركضت بسرعه جوه جايبه جهازها طلعته اريد اكتب رقم ومابالي غير رقمه.
كتبته واتصلت خليته على اذني منتضره والخوف مله گلبي بكل جرأه بعد الخذلان مني رجعت وخابرت
انداريت للباب نوح كام يضرب قوي يريد يفتحون الباب المره اخذت مني سليمان تسكته
ومحد جاوبني رجعت اتصلت مره ثانيه وهم محد جاوبني حسيت بكسره وحيره قدمتلها تلفون
ودك اخذته بسرعه وشفته الرقم فتحته مخليته على اذني واصلني صوته
ياهوه؟