رواية عكد الظفيرة للكاتبة زينب جعفر الفصل السابع
جوري سيدي
ابتسمت جاي مطر على وجهي وجه ونازل شعره صفن بعيوني و عفته وخر هوه موخر شال من ركبته لافه عليه
ذياب يبه لاتورين گلبي لايدحكلج احد
جوري محددد اكو
لزمني من چتفي دايرني داحسني بروحه قوي
ذياب همين ما أريد
فتح الباب وصعدت اباوعله فرحانه وهو سد الباب ماشي سريع صاعد باوعلي شافني كاعد اغني ويه الأغنيه
جوري يانسمه وصارت عليه ياگمره عمري من تهل.
ذياب أحلف براسج مهبوله.
جوري ههههههه مرات لازم ماتستخدم ثگلك
ذياب ليش؟
فتحت أيديه رافعه أجتافاتي
جوري حته تعيش سعيد
ذياب شنوهاي ثگل والأحترام سيد الموقف
جوري لوعي مودائما يوكل خبز شيخ ذياب
مشى وبدى رعيد باوعت للسماء جايتني بروده حيل حلوه ورطوبه
جوري جاي تشوف ضوه الابيض
ذياب وين؟
جوري بسماء
ذياب الرعد هذا يبه
جوري اي اعرف هوه جاي اكلك تشوفه
ذياب هههههه يول هبله اكو واحد مامدحك للرعد.
جوري اكو عندك اختي جليله ابد ماتحب لمطر ولاتطلع بلرعيد تخاف
ذياب وانتي لصگعه طلعين وسطها
جوري صح شعرفك
ذياب مبين
جوري عدنه طرمه ومرجوحه ودائما اكعد عليها واباوع للرعيد
ذياب من حديد؟
جوري عدنه من حديد بس ماكعد عليها من يصير رعيد قوي لان بابا جان مايقبل
ذياب على شنو تكعدين عجل؟
جوري بابا سوالي مرجوحه من خشب
ذياب شون هي
جوري اي وحك على بن ابي طالب من خشب ورابطها من حبل طويل وبسكف
ذياب سكف؟
جوري يعني هاي لفوك هيج ليغطي لبيت بس احنه بطرمه مسوينه من قمريه بابا ماعرف شلون ثبتها اكو هيج
اشرت بيدي وهو ضحك
ذياب يبه افتهمج افهم حجيج
هزيت راسي مكمله حجي
جوري وسواها إلى وحطلي ورد لجوري جابهن إلى من سليمانيه حته طيور مالتي جابهن من ديالى عندهم طيور حلوه ومره جابلي بلبل بس مات وره فتره طويله
ذياب رايحين السليمانيه
جوري لاهو يروح يحب يسافر محافضات...
سكت شوي متنهده باهته ملامحي.
جوري بس جان يروح بسيارته، بعدها لا
ذياب ليش؟
جوري ديون صار عليه فا انجبر يبيعها
باوعلي وانتبه منزله راسي ضايجه حك حاجبه راجع يسوق
ذياب شكثر اخت عندج
جوري احنه خمسه جنان وجليله وجاه وجميله وانا جوري
ذياب ادري مشترين حرف ج
جوري هل حرف اله قصه شيخنه
ذياب غرديلي قصه الحرف
جوري اول مكان التقوا بي ماما وبابا بلكوفه جانوا يردون يزورون
ذياب اي؟
جوري اي فا امي تحب جمار تعرف شنو يعني جمار
ذياب اي اعرفه ماكله.
جوري رايح للكوفه يعني؟
نصى صوت مسجل حته يسمعني اوضح وخطفلي نضره
ذياب لجمار موجود مو بس بلكوفه شطبتي
جوري ها لمهم. فا هناك صارت عركه تقريبا
ذياب هههههه ليش
جوري جان اخر جيس عند لرجال وامي من نوع تتعارك بس ابويه يحبه كال الها انا اجيت قبلج
ذياب وارمله شنو حجت
جوري رمله، كالت انا فكرت بي قبلك ولنساء اول بكلشي
ضحك ذياب هاز ايده
ذياب امج همن ماعرف شونها
جوري ذيييابب ترا صح كلامها.
ذياب هو جمار ولزلمه گرب على اول من حقه صار
جوري بس ماما اشتهته اول الامام على جان اذا شخص راد شي قبله ينطي اله
مجاوب ساكت
جوري شو سكتت
ذياب ماعندي شي اكوله
جوري جؤ. شيخ بلگعده لگول گوله
ذياب وتالي سالفة ام كصايب غلبوا اله.
ضحكت دايره وجهي مخليته على لكشن شوي وكفت سياره
جوري ليش وكفت
ذياب صبر
سحب السويچ للناحيه ثانيه يحاول يشغلها استغفر ضارب على رجله
جوري شكو
ذياب خلص البانزين
راد يفتح لباب وجريت ايده
جوري وين.
ذياب حاط بانزين بالهمخ اجيبه
جوري شنو همخ
ذياب صندوك سياره يبه
جوري مطر قوي
ذياب ويابت نزلتني جبر؟
جوري هسه زاد ورعيد حيل قوي لاتنتل
ذياب مايصير شي بابا
جوري لااع
ذياب لاعع شنو
جوري أيي لاتنزل رعيد قوي حيل
وخر رافعلي حاجبه هزيت راسي بمعنى شكو
ذياب قبل شوية تحجيلي سالفه حياتچ ملزوقه بسقف وفوكاج الرعد
جوري شملزوكه ابو اذانات
اندار عليه مصدوم من كلمتي ضحكت خايفه
جوري اقصد لطبرچي
جراني من ملابسي ناحيته خازرني.
ذياب لسانج چثران ولچ
جوري هددد خلي افهمك
ذياب اني ابو اذانات؟
جوري لاوالله بس اسمعني
ذياب انعل امج ارمله
خزرته رافعه اصبعي
جوري لاتغلط
قدم راسه عاض اصبعي صرخت موخرته بسرعه
جوري هايي شبييك
لزم حنجي يضربني راشديات عشوائيه خفيف
ذياب سزز اصبعج بعد ماينرفع عليه
وخرت ضايجه مچتفه أيديه دايره وجهي
هو نزل ساد لباب
جوري كون تنتل
رجع راسه ميله
ذياب تا تحجين على يول؟
جوري انا لا
ذياب عجل؟
جوري ماحجي وياك روح.
ضحك ساد لباب درت وجهي عاكده حواجبي شامه شوي من قمصلته لابستها
جوري طيب عطره لطبرجي
انضربت السياره فزيت دايره صعد هوه ضايج ساد الباب قوي
جوري شكو
ذياب لك ماخذهن انا اله لكلب ابن لكلب
جوري ياهوه
فتح تلفونه داك ومحد رد شمره صفح
ذياب أستلم شارب السم مالته شنو يفلته مني بس خلي يصيرر بييدي صبر
سكتت خايفه مبين صاير عصبي صدك رجع تلفون مطلع رقم وداك هم محد جاوب
فشر فتحت عيوني مصدومه
جوري عيب.
ذياب أنتي اذا سمعتلچ حس هساع أزتچ من هين
انخلست ساكته ومستغربه على اعصابه شلون تتغير بسرعه قبل شوي جان يضحك هسه دمه فاير
ذياب يعني هساع شون نروح
مجاوبت ودار وجه عليه
ذياب ماتحچين
جوري خبلتني هسه اسكت لو احجي
ذياب أحجي
جوري خلي نبقى هنا وذا بلعكس اجواء رومانسيه
شال بطل لمي دحست نفسي بسرعه مغمضه عيوني ثواني وفتحتهن شفته يگلب بتلفون مطلع أرقام
جوري ذيبو
ماسمعني زين ملتهي بتلفون طلع صوت وهو عاض شفته
ذياب همممم.
جوري دقايق بعد ولمطر يوكف شبيك مشعوط وتعضعض
ذياب اي مو مگابله هاسكي
جوري ههههههههههه
خزرني يكرص بفخذ رجلي
ذياب لاتتمضحكين شنو هل بلوه
جوري انا شعليه انته تحجي هيج على روحك
ذياب هاله بلا ماحجي شي تكلي تاج راسي
جوري وشعليه بيها
ذياب طفله ماتفهمين حقج
جوري شفتهم؟
ذياب احترام الزلمه
مجاوبته كايمه اباوع ليوره لكيت قاط بجيس شفاف مخلي
ذياب شنو تسوين ولچ؟
حجيت وانا اشيل لقاط
جوري سالفتنه مطوله فا اناملي شوي احسن.
ماحسيت اله من وره دافعني بيده طايحه على الكشن لوراني
ذياب بعد احسن
شمرت عليه لقاط
جوري أأستلم هاك
ذياب يابت ارمله هيج تزتينه هاذ
مجاوبته متمدده لامه رجليه شوي حاطه ايدي جوه راسي
ذياب نوم النهار مايكفيچ
جوري جؤ
ضحك داير وجه يباوعلي باوعتله عاكده حواجبي هازه راسي
جوري ها
ذياب شبلاج شديتي لنونه
جوري ماشديتها
ذياب لان عضيتج؟
مجاوبته ساكته اتلزم بشحفوره اصبعي اريد اشلعها بس توجعني رفعت عيوني لكيت ماد ايده
ذياب عضي.
جوري أيي مو انا ذياب واعضعض
ضحك مهتزه أچتافه وكح
ذياب لاصدك يبه اخذي حقج
جوري ماريد
ذياب على راحتچ بس لاتشدينها
جوري ياهيه
ذياب لنونه
كتمت ابتسامتي هازه ايدي دايره للناحيه ثانيه
ذياب حمامتي
جوري هااااااااا
ذياب تعي هين
كمت مباوعتله ضايجه باوعلي يمسح على شواربه
جوري ليش
ذياب أريدچ مأگدر تغيبين من عيني يابعد عيني وميها
هزيت وجهي كاشه ملامحي اعيب علي
جوري فدوه صدكتك
ذياب هههههههههه لاصدك تعي هين
جوري ماريد.
ذياب وچ مچتونة اريد انام اني
جوري شكبرك وين يكفيك لمكان
ذياب ازحگ الكرسي اريد
جوري أيي وانا؟
رفع حواجبه وشواربه لافهن موكفهن كل وحده من نهايه وغمز
ذياب يمي
ضربته على چتفه خازرته هو ضحك قوي مغمض عيونه
جوري احجي عدل
حط ايده على حلكه يكح
ذياب لا انتي أزحگ كرسيج همن وتنامين
سكتت مباوعتله خازرته وهو هز راسه منتضر أجابتي تنهدت راجعه للكشن مالتي وهو تقرب يباوع لوجهي ونزل لكشن مالتي.
نزعت شالي شامرته ليوره حاطه راسي على لكشن متنهده وهو نزل لكشن مالته متمدد مخلي ايده على كصته ومانكر لبروده لحلوه جايه رغم مسدسدينه لبيبان وهو قفلهن
شوي وضحك باوعتله مرجعه. انضاري للجام
جوري شبيك تضحك
ذياب سبع سنين وي هاله ولاخلت بالها ترفع ايدها
افتهمت قصده على ضربه لضربتها اله
ذياب انتي مصار ألج أشهر حته وهل كثرج
باوعت يأشر لاصبعه
ذياب وهيچ
انداريت نايمه صفح مخليه ايدي جوه راسي
جوري أنا مو هاله سيدي.
ذياب ولاتصيرين
جوري عفيه
رجعت راسي مغمضه عيوني متنهده
ذياب زعلتي صدك من العضه يول؟
مجاوبت شوي وكام جاي يم وجهي بايس خدي مغمض عيونه وانا فتحتهن بسرعه وخر مبتسم
لازم خدي يمسح عليه ب اصبعه
ذياب لاتشدين لنونه شطبتي
رجع للكرسي مالته رمشت اكثر من مره مامستوعبه درت وجهي للناحيه ثانيه بالعه ريكي.
دقايق وبديت أغفى مدفيه بقمصلته وحاسه بروده ناعمه تحيط بيه وبي وماكو احد بسياره او بشارع وجوه لمطر ورعيد لقوي، غير انا وهو.
الصباح...
فتحت عيوني بهدوء فاركتهن وكاعده على صوته
ذياب شطبه
جوري ها
كمت بكوه فاتحه عيوني مطنكره وصافنه
ذياب ليش تطنين
جوري ماعرف
ذياب خذي اشربي
درت وجهي لكيت بيده كوب بي جاي وحليب
اخذته من ايديه مدفيه ايديه شربت منه
ذياب حجيت اله يحط اربع مغرفه أنجلط للرجال
جوري منين جبت مافهمت.
ذياب من بيتنه غير من هذا
ميلت راسي اريد اباوع وهوه هم ميل راسه وياي يباوعلي انتبهت مباوعتله عاكده حواجبي ضاربته
جوري لاتصيرر سرسري
ذياب هههههههه ولچ حاسبچ بنتي
جوري موبنتك اني
ذياب لابنتي
درت وجهي اشرب من لكوب وهو خلى أستكانه على صفحه يوخر بشعري من وجهي وكم شعرايه واكفات نزلهن مخلينهن صفح وكارص خدي
جوري طيب بابا جان دائما يسويلي جاي وحليب قبل لا اروح للمدرسه
ذياب ياصف؟
جوري جان لازم اروح للرابع
ذياب أيي؟
جوري شنو اي غير فارس الأحلام اجاني وبطلوني
ذياب ههههه حبيتها فارس الأحلام على شنو اجيتج
جوري على حمار
ضرب خدي خازرني
ذياب لسانچ
خخليت كوبي على صفحه متثاوبه خاله ايدي على شفايفي
جوري شوكت نرجع
ذياب هسه درعي يجي وياه بانزين
مجاوبت ساكته وهو دخل رجله ساد باب سياره ماخذ أستكانه شارب منه
ذياب تحبين المدرسه؟
جوري لا بس مو مال ابطل
ذياب شونج بلمدرسه شاطره؟
جوري اممم عليك يالله
ذياب شنو هاي.
جوري أي يعني حسب مرات اجيب بتسعين وبنفس ليوم غير ورقه بلخمسين
ذياب حتى المدرسه حيرتهم بمستواج ياعثره
جوري وانته
ذياب ضابط اني
جوري اعرف بس من جنت بلمدرسه شلون شاطر؟
شرب شوي ميل راسه
ذياب يعني، صدك لا شكثر اجتني ضربه من المعلم
ضحكت مخليه ساعد ايدي على شفايفي
جوري كسولي و أرعن
ذياب مو أرعن بس مدرسين قبل شادين حزاماتهم ويانه
جوري شلون نجحت اذا ترسب
ذياب بدعاء اهلي
ضحكت هو هم ضحك هاز ايده باوع لكى سياره تقدمت.
ذياب أجه الدرع
جوري ياا بس لاشافني
ذياب مضلله سياره
سكتت وهو جر خشمي
ذياب حمامتي محد يلمحج
مجاوبت مبتسمه رافعه راسي شاربه الجاي والحليب كله
جوري طيب حلو
خليته على صفحه ونزل درع ذياب شفته من نوع ذولي عبالك عاقدين حواجبهم وعضمهم خشن وعندهم كرش صغيرون
جوري هذا عنده كروشه
ذياب لزم ايده واحد ضرب ثاني بچتفهم
جوري شجاي يسوون ذولي.
حجوا وضحكوا راح درع بطلين وتقرب يم سياره يصب بانزين بيها وذياب متچي على سيارته مطلع باكيته مال جكاير ماخذ وحده مورثها
درع ااحجيلي بطولاتك سويتهن البارحه
ضحك ذياب زافر نفسه من جكاير
ذياب خالتك احسن
فكيت عيوني مصدومه ودرع يضحك ولاهمه
شوي وصعد مشغل سياره
ذياب هااا أهاا هساع نروح مثل بببي
جوري: -شلون تحجي هيج عن خالته
ذياب ماعنده خاله هوه
جوري حتلو عيب شلون يقبل
ذياب لادخل نفسك بهيج سوالف ابني.
لزم حنجي جاره بايس خدي وساق شاخطها
جوري نزلي جامه
ذياب شالج
مديت ايدي اريد الزم شال ولزمت شي جريته مبتسمه
جوري باوع شلكيت
اخذ نفس من جكارته عاكد حواجبه
ذياب شنو يلعثره
شوفته شفقه سوده مرسوم عليها نسر بلون ذهبي مكتوب جوه جمهوريه العراقيه
جوري اويلي على الجمهوريه
ذياب ههههههه ألبسيها تصيرلچ راح
لبستها مطلعه ظفيرتي من وره باوعتله ميله راسي
جوري حلوه؟
ذياب جؤ
جوري لاحلوه.
انداريت كاعده ودقايق وصلنه يم الباب نزعت شفقته مخليتها براسه ضحك مطفي جكارته وانا لبست شالي اريد انزل وجر ايدي
ذياب دحكيلي يبه
جوري ها
ذياب ينحسبن على الأصابع الايام واروح لدوامي
جوري اي
ذياب نضفيلي غرفتي قبل لا اروح اريد
جوري تددلل سيدي
كرص خشمي مبتسم
ذياب بلوه يلعثره وريتي گلبي
مجاوبته نازله وساده الباب هو ساق بسياره ماشي ليوره أشرتله ملوحه بيدي باي بس ماشوفه لان مضلله.
انداريت وسمعت صوت هورنه باوعتله نزل جامه هم ملوحلي ضحكت داخله للبيت
فتت للصاله وهدوء ماكو احد صعدت امشي على كيفي انضربت بيها رافعه راسي بالعه ريكي
انتبهت لعيونها واضح جانت تبجي وعينها حمره
هاله نورتي تونستي بحضنه؟
جوري وخري مني لاتبدين سوالفج
ماوخرت نازله دموعها وانا مشيت داخله لغرفتي متنهده
باوعت لنفسي بلمرايه مبتسمه فتحت شعري ماخذه مشط مشطته بهدوء، نهيتها بوسه بلمرايه.
ومرةة الأيام وحصه زودت شغل عليه بس محد منهن تحاجيني لحد ما أجه اليوم يلي يروح بي ذياب للدوام،
الفجر...
لزمت الوصله عاصرتها وكملت مسح الغرفه باوعتله هو واكف على المرايه يمشط بشواربه
جوري حته شواربك مسويلهن مشط
ذياب عزيزات چثير على گلبي
جوري احس اريد بيوم اشوفك بدون شوارب
ذياب لو بالحلم همن لا
جوري ليش غير موكله شوارب
ذياب مازينهن اله اذا راح مني الأعز منهن.
جوري اممم انشوف بعدين واذكرك سيدي.
ضحك متقرب يمي لازم وجهي
ذياب خلي بالج على روحج
جوري ميحتاج توصي روحي اعز منك
تقرب بايس خدي بوسه طويله بقيت واكفه مبتسمه وخر مخلي كصته على كصتي مغمض عيونه
ذياب بلوه أنتي
جوري يلا روح اتريك حته تمر لدرعك
ذياب هههههههه
مشى ماخذ محبس شذرته حمره لابسه وطلع
خلصت مسح باوعت للساعه راح تصير بسبعه
جوري يرجع بسلامه ان شاء لله
خليت الوصله بسطل شايلته نازله دخلت للمطبخ شفت امينه ماكو وريوك على حطته
جوري شعجب لريوك قليل.
فتحت لحنفيه غاسله لوصله وسمعت صوت وراي
غزاله صباح الخير
انداريت مستغربه
جوري صباح النور
غزاله بالج على أمينه؟ راحت من الفجر
جوري وين؟
غزاله لأختها
هزيت راسي دايره وجهي ثواني وصار هدوء
سديت لحنفيه ردت ادور وحسيت بضربه قويه اجت على راسي
بسرعه لزمت راسي طايحه مني لوصله وعيوني متغوشه من قوه ضربه فتحت عيوني بشويش اريد اشوف وشفتهها هاله وراها غزاله
ماتحملت مغمضه عيوني ولزمتني غزاله ذابه لضربتني بي بيدها.
هاله يمه هي طلع منها دم!
غزاله لاتخلين بالج بين ما يجي ذياب صايره زينه
حصه ها يلا
غزاله دفنتي بلمخزن زين
حصه اي
وبعدها ماحسيت بشي، ومامفتهمه شنو دفنت!
ماعرف شكد مر الوقت وانا فاقده الوعي
فتحت عيوني على كيف حاسه ألم براسي قوي
جوري وين اني
ماشوف شي غير ضلام وطالع ضوه خفيفف حيل من بين حيطان
جوري جاي احلم؟
قربت ايدي لازمه راسي وخرتها بهدوء فاتحه عيوني مصدومه وراجفه ايدي على دم ضاهر من كصتي.
جوري و ووين اني! باوعت ليوره لكيت حدايد عرفت بلمستودع اجتمعن دموعي عاضه شفتي خايفه
جوري طلعوني حبابين
انفتح شباك لصغير طالع وجها سدته وفاتحه لباب داخله يمي
هاله كعدتي حلو
حطت صينيه اكل يمي
هاله اكلي يلا
جوري حرام عليج تحبسيني شبيج صاحيه انتي؟
مجاوبتني تريد تطلع
جوري اريد اروح للحمام، جاااووبيني
هاله سويها هين
طلعت ساده لباب بجيت تاچيه راسي على الحايط.
مرر يوم كامل وانا نفسي وضعي بس ابجي ومحد دخل عليه والاكل نفس وضعيته
اتلمست الكاع لاكيه صينيه قربتها عليه حسيت بخبزه موجوده ردت اخذها وشي مشى على ايدي جريت ايدي بسرعه صارخه قوي
جوري مامماااا، ذياب
بجيت مخليه ايديه على وجهي ارجف داحسه روحي بزاويه لحايط
حسيت شي نفخ على اذني وخرت ايدي بسرعه خايفه شابكه ايدي بعضهن
جوري بسم. بسم الله اعوذ بالله من شيطان رجيم.
رغم ضلام لموجود بلمستودع اله شفته وجان اضلم من كل الضلام، ماشفت اي وجه غير سواد واكف
تصنمت بمكاني ماكادره اتحرك بس ارجف خايفه مامتحمله حاسه سويتها على روحي
بجيت ضامه وجهي بين ايدي لحد مانضربت، صرخت صرخه قويه طايحه بلكاع مضروب راسي من قوه ضربه لأجتني.
ذياب: -
اجه ليوم لأرجع بي ضحكت طالع من لمكان ماشي وشفته يطبخ
ذياب هساع هي همن باميه
درع اشكر ربك تره ماطبخ
ضربته على راسه من وره كاش ملامحي مثل اصرخ.
ذياب وين اكو باميه بلا معجون
دفع صينيه مثل صوت لبنيه
درع يبووووو طللللكني ذياب
ذياب هههههههههه لك سزز لايسمعك احد
درع طلكني
ذياب درعايتي انتي طالك بثلاث يابيتي
درع وجاهل بطني؟
ذياب خره على شواربك على هيج صوت مال
درع اسمعني
ذياب ها
درع احجيلي لعثره مثل مريتك الاولى لا
ذياب لاووين
درع ها احسن
ذياب يا احسن من سالفه سياره طكتني مرتين
فك عيونه ضاحك
درع لابربك
ذياب وحك عيناك لسانها شطوله ام كصايب.
درع والله خوش كدرتلك بنت أرمله
اخذت نفس من جكاره متمدد حاط ايدي جوه راسي صافن متذكر هاله ابتسمت مقرر اجيبلها هديه شوي وتذكرت جوري ضحكت كايم
درع ساحله شواربك ام كصايب
ذياب اانجب لك
درع دحك الضحكه من طول للطول
ذياب سوالفها مثل جهال صدك مهبوله شنو تسوي اريد اضحك بدل ما اعصب بس ما أبين الها
درع هم تجيب الها هديه لو بس لخاله
ذياب والله گالب اساميهم لو تسمع بيك هاله تصيحلها هيج
درع تنگلب عليه ها.
ذياب لاهاي فقيره ماتسوي شي بس ام كصايب لو تعرف تصيح لامها ارمله اني حجيتلها وطكتني عود رجلها
درع هههههه بس تره حلو لمهبوله راح تحبها چثيرر حته من هاله
ذياب لايابه محد يجي بمحل هاله
درع انا طبكت ويه ام كصايب
ضحكت كايم وتغدينه وطلعنه بنص طريق وكفت للمحل اليبيع ورد
نزلت ماخذ ورد هاله ردت اروح و وكفت شايف نوع ورد الجوري.
ذياب حجيه
ههلا يمه
ذياب حطيلي من هي ورد الجوري.
تدلل ابني هساع احطلك احلى ورد جوريه عطرهم طيب وها يخبلن
صح حييل يخبلن.
اخذت وربطتهن بشريط احمر تذكرت محبسها ضحكت وصعدت بسياره مكمل سياقه لحد ماوصلت للبيت نازل
لاكيتهم مسلم عليهم
فرج هلا بلمعلي راسي
ذياب وين امي؟
فرج راحت من ايام لأختها باجر اجيبها ان شاء لله
هزيت راسي صاعد ردت اروح لهاله بس تراجعت رايح الغرفه جوري فتحت الباب ماشفت احد
ذياب شطبتي وينج يبه.
دكيت باب الحمام ومحد رد فتحته وهم ماشفتها وباب سطح مسدود
ابتسمت
ذياب تنضفيلي غرفتي اكيد
طلعت ساد الباب ورحت الهاله شافتني حضنتني قوي تبوس بيه
هاله تاج راسي
ذياب شلونج حبيبتي
هاله بخير من لاكيتك
ابتسمت منطيها الورد ضحكت جاره ايدي
هاله خلي اسويلك تدليك اكيد تعبان
ذياب لا اريد اروح
انتبهت على الورد البيدي
هاله وين
ذياب الغرفتي
طلعت داخل الغرفه مالتي عكدت حواجبي الغرفه ضلمه ماشوف غير ضوه الشموع
وينج يبه؟
حسيت ب أيدين لزمت اچتافي من وره
ذياب جوري؟
ضغطت مكعدتني على لكرسي درت وجهي اباوعلها لابسه قناع لون ازرك بس حوالين عيونها ومن نهايه بي ريشه صغيره صفنت عليها تقربت يمي تباوعلي وايدها الثانيه تمسح بهدوء على ركبتي وابتسمت ابتسامه جانبيه
درت وجهي مامستوعب لحد ماحسيت بهمسها يم اذني
جوري ذياب.
ذياب ليش ضلم، خلت اصبعها على شفايفي ساكت.
وكفت كدامي لابسه ثوب ضيك ازرك ساده ملطخ ب اسود نزعت لقناع شامرته شاده على خصرها شال ذهبي
بقيت ساكت ماعرف شنو احجي شغلت اغنيه لابسه برقع ذهبي لمنطي الها.
لوت ايديها يم وجها مقربتها ونزلتهن على دكه الاغنيه وهزت خصرها لافه شعرها طويل يمين يسار ودارت تركص بلعت ريكي ما ارمش
غنت ويه الاغنيه تهز براسها وتتمايل
جوري نطير بجناح الفراشه. وي كل نسمه عليله. أجمل اثنين أيي انا وحبيبي، يادنيه غني ويانسمه طيري.
ضحكت وهي دارت تلف بشعرها كمت جار ايدها مضروبه بصدري رفعت عيونها لمكحلتهن تباوعلي وصوت نبضها أسمعه من كثر مايدك سريع
ذياب حسبيني جرة كحل مديني بعيونچ.