رواية عكد الظفيرة للكاتبة زينب جعفر الفصل السابع والأربعون
وصلني صوته هامس
كرم ياهوه؟
الساني انربط باقيه بس ارمش ودموعي ينزلن على كيفهن راجفه روحي
كرم جوري؟
المره باوعتلي والخوف بعيونها من نوح اشرتلي براسها بمعنى احجي بسرعه مسحت دموعي اكح اكثر من مره مختنكه جاوبت بصوت مبحوح
جوري اي انا
سمعت حسرته ذاب نفسه مختفي صوته الثواني
نزلت راسي ساكته وفزيت على صوت نوح ضارب على الباب اقوى
نوح جورري والكفل زينب اموتج ب ايدي اااطلعي!
طحت بلكاع كاعده مخليه ايدي على راسه منهاره كل ندبات جسمي
جوري تسمعه
كرم شبلاه؟
جوري امه، الله يخليك تعالي هسه اخذني
كرم اجي البغداد!
المره حطت شوي من حجابها على حلكها تأشرلي ب ايدها انطيها تلفون
شهكت اريد اوازن انفاسي
جوري اي تسوي خير اذا اجيت
ضليت افرك ب ايدي منتضره رد منه الخنكه ماليه صدري والالم كل ماله يزيد بگلبي سليمان ما وكف بجي ونوح سكت المره تريد تلفونها واني محتاره
كرم دحكي يامره.
بلع ريكه مكمل كلامه بكوه
كرم ماتحسبين علينه بعد ونوح رجلج الا حك بيج.
فتحت حلكي مصدومه ماحاجيه ولاكلمه بس صافنه نازله دمعتي الحاره بهدووء على خدي
كرم همن ماعرف شلون الج وجه تردين اجيج الغير محافضه وانزاح من بالج شنو سويتي بصاحبي
المره دكت على فخذها تهزهز سريع ب سليمان
يلا يمه طلعتي الگلبي دجيبي تلفون
ماتحركت بس ايديه قابضتهن على كيف ورعشه محتلتني هوه سمع صوت المره تحاجيني حجى مستغرب
كرم انتي وين؟
مسحت دمعتي منزله تلفون من اذني
كرم جوري مو احجي؟ وين انتي ياهيه التحاجيج
المره سحبته مني قوي سادته
الانسان مو مال واحد ينطونه وجه خلصتي رصيد بنتي لعد هوه هيج
كمت ملامحه جامده شايله غراضي مقدمه ايديه يمها اخذ سليمان
حبيبتي سالفه هنا مو هينه عشاير تصير لاعبالج حقيره اني لو خبيثه لاوالله بعيوني اخليج بس سالفه تخوف وداعت ابنج
تجاهلت كلامها لان صحيح ومابيه احجي خلصانه روحي اشرت السليمان
جوري جيبي.
وهذا رجلج راح صوته مادري وينه بس لايسويله مصيبه
تنهدت ساحبه ابني منها فاتحه الباب على كيف هيه طلعت وراي تباوع مشيت واني مامهتمه اذا نوح موجود او لا
سليمان سكت حاضني واني الغواش مسيطر على عيوني شوي وماكدرت ذبيت جنطتي بلكاع ماده ايديه ماسحه على عيوني
رجعت امشي ودك تلفوني انتبهت اني جايبته ضغطت على ايدي منقهره درت وجهي ماشايفه الاسم ليدك عليه...
عيوني دور بلمنطقه ماعرف امكانها صرت ادخل عشوائي سليمان ضل يبجي باوعتله
جوري عرفت ليش ماردتك تجي؟
ابتسمت بقهر جاره وجه بايسته
جوري امك الروحها ماتعرف تصرف مو نوب عليك
وهسه شنو محد يريدني مره ثانيه
اجه ضوه شمس علينه ضيكت عيوني مكمله مشي وگلبي يتگطع على سليمان صح هل موقف صارلي كبل
بس ماحسيت بلهم مثل هسه وابني ب ايدي.
باوعت للبيوت بحيره ضليت افرفر بشوارع الحد ماوصلت نهايه فرع بي شارع عام لكيت مخليين زرع وكرسي احمر على جه
جهتهم كاعيه متبلله مردود بابهم شوي طالعه صونده بلكاع مشموره مشيت جاره الكرسي على صفحه كاعده مخليه سليمان بحضني
لزمت ركبتي ماخذه نفس قوي ب ايدي افرك على ناحيه گلبي صايرلي تشنجات مره لخ
جوري عطشان؟
سليمان اببه
رفعت راسي عيونه ذبلانات تعب
جوري ابه ها
عدلت كعدته منومته على صدري اطبطب على خفيف.
جوري منين اجيبلك ابه
تذكرتهم واستحيت بس ما إلى حل طلعت تلفوني شايفه رصيدي قليل طلعت رقم حجي عبود مرمشه على بس وسادته
جوري هسه هوه يرجع يتصل
شبكت ايديه سويه اطكطك ب اصابيعي انفتح الباب طالع احد كمت بسرعه خايفه
لكيته رجال شايب لابس دشداشه رصاصيه شافني واستغرب
جوري تعبت وكعدت شوي اعتذر عمي
دنكت ماخذه جنطتي هوه رفع حاجبه مدنك وياي
بت منو انتي؟
ماجاوبته ماخذه جنطتي ومنطيته ضهري بسرعه رحت وصلت للنهايه ودرت لكيته بعده يباوعلي مبتسم
جوري شايب ومايكعد
طلعت رايحه على جهه ثانيه واكفه على صفحه مطلعه تلفوني وحجي عبود ما اتصل استغفرت مطلعه رقم هيله متصله عليها وماردت
جوري كلهممم راحواا كللهم
حضنت ابني منكسره رايده بيت اله اجت عيني السليمان حاسه بروحي
ما استاهل اصير ام. يمكن صح حجي نوح من كلالي ابو اولى بي لزمت خده اباوعله
جوري شلون انطيك الابوك؟
اخذ من طرف حجابي يعضعض بي جوعان جريت راسه بايسته
جوري ان شاء لله الكى حل مانضل هيج
دك تلفوني باوعت بسرعه كل بالي حجي عبود او هيله بس لكيت الاتصال من كرم ردت اجاوب الخاطر سليمان بس نصيته بسرعه شامره تلفوني بجنطه
جوري لو تريد تسوي انسانيه شكوو تشمرر هيج بكلامك والله لان صاحبي.
كلهم يفكرون بس بذياب وينقهرون على وانا؟ وضيمي؟ ايام وحدي محد انقهر واولهم امي سكتت من عرفت ضاله بيت الانطانياه فلاح وذياب يراقب بيه
جوري اطمنت عود
تذكرت ذياب ضاغطه على اسناني جاي بالي اول ضربه ضربها إلى وكل مهاناته ومقارنه بيني وبين هاله من غير اول كلام يجي عني يصدكه ويضربني ومانسى قبل لا يخطفوني بيوم وكلامه
جوري تدري ابوك شنو حجالي قبل لاعدوينه يخطفوني، اذا الج كرامه اطلعي!
ابتسمت ب استهزاء.
جوري وحتى من خفت على وضحيت ياهوه يصدك مره تسوي هيج وتروح الشغل رجلها لان خافت علي؟ هوه بدال مايشوف هل شي بعينه وضحيت بنفسي الا لحظه كارتونه لو ما طالعه منها جان مادري المن سلموني
حرگه احتلت بلعومي
جوري وهم قارني بهاله، كلهم يشوفوني ماعرف اتصرف بس همه الخلوني بهل حيره وبدايتهم امي وذياب بدال يحتويني كسرني.
وهسه والله لان طيحله دمعتين وحس حباني واني متزوجه يريدني ما انكر اكو شي غريب بيه ينجذبله بس لا لو هذا نوح هسه من امه ضربني
وكل بالي يعوضني ماضي الفات بس ماكدر. وضنوني غلط مكانها جانت
وهسه كرم الاعتبره اخويه يحجي وياي هيج وعايفني بشوارع
هزيت راسي بقهر باقيه ساكته رجع دك تلفون يهتز على صامت نزلت راسي وشفته هوه هم
جوري إلى اتحمل واعوفهم وادبر حالتي طبني مرض بس انت شلون ابني سليمان.
كرهت روحي رايحه ايدي على قبول فاتحه الاتصال مخليه تلفون يم اذني ماحاجيه
كرم شكثرر اتصل ماتررردين شبلاااج
ردت احجي وماكدرت بس تنهدت هوه حس
نصى صوته
كرم وين انتي بس استوعبيني
ماتحجييين لاتسودنيني بس احجي بيج شي؟ ليش ماشيه غاااد ياهيه المعليه صوتها عليج
جوري بقت عليها؟
سكت شويه من سمع نبرهه صوتي والغصه واضحه بيها بجيت منزله راسي
كرم وين انتي.
جوري ماعرف ولاتجيني بس دز احد ياخذني الامي وانطيك الفلوس من اصير هناك
كرم اش لج شنو هذا الحجي من يمتى بينه فلوس هساع جايج البغداد
جوري كرم اريد احد يوديني الامي بسرعه ماكدر انتضر بعد راح اطيح من طولي ولو عساني بمرض عادي بس ابني
كرم سهله ان شاء لله هدي اشربي مي
جوري اني ماعرف وين
كرم بديره بغداد غير؟
جوري اي نفس المنطقه بس دخلت افرع من يمي وماعرف وصلت شارع العام.
كرم لاااا نفس ديررره حجيتي واضح ماشيه الدرب كله
جوري تكسرن رجليه
كرم هساع اضبط سالفتج بس احجيلي شلون المكان البي
جوري راشين مي اهلها
كرم استغفرالله ربي
جوري شبيك؟
كرم هساع شنو عرفني ياهوه مسويها على روحه
جوري لا راشين مي صونده
كرم يول انطي معلوومات منضبط شنوهاي شتهترين
جوري ليش تصيح
كرم طلعتي روحي ياخويه لو احجيلج امشي للمكان الكبل شوي بي
درت كل جسمي اليوره ماده راسي اباوع من فرع
جوري مادري ماندل تيهت.
كرم مو كاضب الساني
جوري شبيييك شو تصيح يلا ولي
كرم شنو؟
سديته بوجه ضايجه باوعت السليمان حاط راسه على چتفي هوه رجع دك
كرم شبلااج
جوري دز واحد ياااخذني لاتخليني اصيح رجليه ماتن
كرم غير اعرف وين انتي يمصكوووعه
جوري بسرعه يلا
كرم اسألي مره صوبج حاجيها وين
جوري اكو رجال
كرم لا معليج بي
جوري دروح بكيفك
سديته بوجه قبل لاهاي سمعته يغلط عليه طاكه روحه رحت سألت رجال وحجالي رجعت اتصلت الكرم كايلتله
كرم كتيلي نفس ديره ها.
جوري شمدريني عبالي نفس المنطقه همه بطارف هاي قريبه عليهم
كرم هبلتي للزعطوط بيدج
جوري لاتاخذ ميااانه دخلي اوصل الامي وسهله الا احضرك
كرم شكثر بلا. ادب هساع اسويلج سالفتج يلا زتي حجيج مو اني بعدني مامسوي شي
جوري رحمه الله والديك
ضحك وسد تلفونه انتضرت شوي واجت سياره تباوع نزلت راسي تعبان جسمي اكثر من الوكفه
شوي وسمعت احد يكول ثول
رفعت راسي اباوع وشفته حاط ايده جوه حنجه يباوعلي وبيده ثانيه يهز بيها وغماني.
جوري استلم شدازلي
ابراهيم سوي صعود بوط بوط
رحت بسرعه فاتحه الباب الوراني صاعده لكيته مشغل تدفئه وراش عطر
ابراهيم عطر ريح طيب؟
جوري خايس
ابراهيم وجه مال انتا الخايس
سليمان داخ يغفي مددته مبتسمه
جوري لاطيب ريحته
ضليت منزله راسي افرك بين اصابيعي منملات
ابراهيم وجه انتا بي تعب
جوري اي تعبانه
ابراهيم هههههه من المقدم
بهتت ملامحي ماحاجيه حاطه ايدي على وجهي مغمضه عيوني وهوه يشرب مي ويحجي
ابراهيم وين زوج انتا.
ماجاوبت باقيه دايخه
ابراهيم انا طلعت الفجر من انبار البغداد حظ انتا انا اجه هني
جوري تسلم والله
ابراهيم لا انتا عزيز على انا اخت اخت الي
بس لو ما عايف المقدم
جوري ابراهيم كافي
ابراهيم كلمه حق سوي سكوت
جوري اي اسكت دايخه والله
دك تلفونه فتحه يحاجي بكرم شوي ومدلي تلفون
ابراهيم الخايس هاذ يحجي ويه انتا
كرم شكثر سزز
ابراهيم كلب اكسبر
جوري ها
كرم اعتذر يابه لاتزعلين
ماجاوبته استمعله.
كرم انتي احسبج من اهلي بس حجيت من يمي لان ذياب صاحبي و...
قاطعت كلامه مامخليته يكمل
جوري هذا هوهه عادي مازعلانه
انطيت تلفون بسرعه الابراهيم واني اصلا مادري وين اروح انسافر كبل الانبار كلشي مادري بس جان همي اوصل الامي بسلامه وارجع واعوف كلشي يخص انبار وبغداد.
رجعت ايدي على وجهي
ابراهيم اشوف انتا وين؟
كرم اطلع من بغداد والله كريم اني بدرب هساع
ابراهيم انا يسوي وصول ويجي ويه انتا
كرم المن تجي؟
ابراهيم انا يحب انتا ككلااام
كرم اذا اجيت نحسب وسيارتك؟
ابراهيم فدااوي الك ههههه لا انجب سياره مال انا اغلى من وجه انتا بس تسوي صعود ويانه
كرم ابراهيم امشي امشي
ابراهيم تف على انتا
كرم كلب مو اسكطك دمشي واكضب عيونك كضب بدرب
ابراهيم مو ابراهيم يسوي تعلوم اش يلااا
كرم سد الاتصال وهوه شمر تلفونه يعدل بشعره
ابراهيم سوي نوم انتا ثاني
جوري شعليك
ابراهيم اش يلا لاازرب انتا.
ماجاوبته هوه وكف سياره مندار وخرت ايدي اباوعله
جوري شبيك
ابراهيم لاتسوي سكوت من احجي على انتا گلبي يسوي بجي
جوري دكمل طريقك الله يخليك
غماني مكمل سياقه ضليت مخليه ايدي جوه حنجي صافنه للشوارع وبالي مو يمي افكر بوضعي
ابراهيم شطب انتا
جوري ها
ابراهيم شلونه المقدم؟
گلبت عيوني مستغفره
ابراهيم ماتسوي جواب
جوري ششمدريني بي قابل يمي كاعد لو عايشه وياه
ابراهيم اش لاتسوي ككلام كثير.
جوري ابراهيم مالي خلك سوالفك الله شاهد
ابراهيم حسب ثول العند انتا سوي حزور وين المقدم
جوري انت كلت الثول
ابراهيم اكو احد يكول على نفس هوه اثول
جوري فك ياااخه عني ابراهيم الولد نايم
ابراهيم اش سوي سكوت
طلعت من جنطه شال ذبيته على سليمان لزمت راسي رايده انام حتى ماسمع سوالف ابراهيم
وفعلا بديت اغفى اول حلم اجاني اني واكفه بمكان مابي ايي احد ولا غرض موجود بس مجرد بيدي
حمامه البيضه عَطوه.
لازمتها والخوف بيه ماعرف منين بس اندار واركض وعبالك ادور على شي لحد ما وكفت بمكاني صافنه
علي الكاعد بعيد على كب رجليه
لابس دشداشه ملحيه على اصفر قديم
وفاتح اول دكمتين شعره مخربط وعيونه واضح عليهن تعب ماتقدمت بس اباوعله وهوه اندار شافني
ابتسم نفس ابتسامته تك خد وغمازته بينت خفيف لا أرادي طارت الحمامه من ايدي رايحتله،
عكدت حواجبي سامعه صوت خفيف
خل تسمع العشاق قصه هوانه
موحب على المألوف، لابالكتب موصوف.
حبنه احنه طرف سيوف.
فزيت مصفر وجهي يابسه شفايفي اباوع بخوف لكيت ابراهيم مشغل القصيده
ابراهيم ها شطب سويت كعود على باب الجدود
نزلت عيني على حضني شفت سليمان ماكو
جوري وين سليمان وييين ابني
ابراهيم لاتعلي صوت هاذ ماتباوع انتا
مديت راسي للكشن يم ابراهيم لكيته كاعد بيده باكيت كلينس يلعب بي
جوري لابارده جيبه
ابراهيم ماتباوع انتا اسوق
مديت ايدي جارته مغطيته زين وشابگته.
ابراهيم انا سوى وكوف يم مطعم طيب صحت على انتا ماكعد بس اخذت سلمان وكلته تريد اكل في وره سوي دور وجه
درت وجهي لكيت علاكه فتحتها وشفت لحم غريب
جوري هاي دجاجه؟
ابراهيم هههههه لا مهارات انتا بالاكل قليل واجد
جوري جا شني شموكل ابني بس لا لحم مطايه
ابراهيم انت مطي هاذ لحم بط
جوري استغفرالله
ابراهيم ماسويت سب على انتا
دك تلفونه فتحه يحجي ويتعارك ويه مرته سداه وكف سياره مخابر احد ثاني
جوري احنه وين وصلنه؟
ابراهيم اش شطب اش، ها كلام انا هين هاي لافت موجود
كرم لافت شنو
حط ايده على وجه منطي نضره الصابر
ابراهيم انا شلون ويه ثول مال انتا ماتفيد بشغل انا
كرم ابن الكلب موكاااضب السااني دحجي
ابراهيم لااافت موووجود هنيي يلا اخذ الخياس الوره
جوري انجب حقير انت الخايس
ابراهيم لاتخلي انتا يسوي دور يرجع الشارع انتا
كرم يا لافته
ابراهيم بسماء سوي صعود الركبه زراف انتا تباوعلها غير بشارع هني.
ضلوا يتعاركون اني شفت مطعم قريت اسمه الكرم هوه عرف ابراهيم سد الاتصال
ابراهيم تسلم الانتا سوي اكل بط
جوري بربك اكو واحد ياكل بطه حتى مابيها لحم لو ماخذ دجاجه احسن الك
ابراهيم ههههه مو اكلك اثول
جوري وانت ذكي
ابراهيم بط اكل مال ملوك فهمت ياشطب
هزيت ايدي انتضرنه شوي وهوه بس يطكطك وكل شوي يرش عطر ويكح مختنك تاليها رش بلغلط على عينه فرفح كام يضرب براسه على ستيرن
جوري شجاك
ابراهيم عين مال انا سوه عمى شهيد.
هزيت ايدي ضاحكه اجتنه اضويه
ابراهيم والثول يسويلي عمه للعين ثاني ولك سوي طفيي كلوب ياخايس
فتحت باب سياره نازله بسرعه كرم بقى سيارته مشتغله نازل شافني نزلت عيني بسرعه على سترته الجلد لابسها بني لونها
بهتت ملامحي متذكره ذياب درت وجهي عاكده حواجبي
كرم شلونج
جوري الحمدلله
كرم ناوشيني سليمان
انطيته اله كام يبوس بي شابگه قوي على صدره
كرم سيدي شلونك
دك تحيه السليمان يضحك
كرم اطلعي للسياره خويه
جوري جنطتي.
كرم اني اجيبها امشي للسياره
رحت صاعده اليوره هوه ضل يحجي ويه ابراهيم وابراهيم يغمغم بي كرم اخذ جنطه وسد الباب صعد حاط سليمان بحضنه لابس حزام الامان حتى يتثبت على بطن ابني
شغل سياره طالعيين باوعت الشوارع الانبار ساكته
كرم امج مريضه بلياج
ما رديت اباوع السليمان ساكت بحضنه بس يحرك ب ايده فرحان
جوري خخاف يبرد جيبه
كرم لا خلي يتعلم على بروده احسن يطلع زلمه نچرره على كولتكم ها هههههه
جوري وديني الامي.
كرم هيه امج بيت عمج
جوري حاجيها تروح البيتها
كرم مريضه بلفراش خويه
جوري ليش؟
كرم من رحمها وماهي صوبها تضنين ليش؟
فهمت زادت خنكتي واني اشوف الكل متاذي مني ضل بالي الحلم حكيت حاجبي
جوري درع
كرم أمري
جوري ذياب شلونه
سكت كم دقيقه مستغرب من سؤالي مامتوقعه
كرم ماعرف وضعه
جوري ليش هوه ماكو مامفتهمه
كرم نوف حجتلي جوري
جوري شنو حجت؟
شغل تدفئه موجهه على ابني مسح على شواربه ساكت
جوري ماتحجي؟
كرم ماتدرين بسويتي بي؟
جوري ماسويت شي اني
كرم بعينج ماسويتي شي معليه بس صاحبي من الليله الفاتت طلع وبعد ما دحكناله لابدوامه ولابيته
جوري دكيتو علي؟
كرم تضنين ماتصلت؟
حسيت حجي ماراهم رفعت اچتافاتي ماراده
كرم مشتاكله صاحبي وحقج عليه ماكصدت احاجيج هيج بس گلبي منفطر علي
جوري كلامك يجرح
كرم صح واعتذرت، بس ما اضن كلامي جرحج الدرجه شهر واني ماعرف اي وضع انتي بي رغم عزيزه عليه
جوري مافهمت؟
كرم الانسان صوب الحب يزيح كرامته ب اكثر من سالفه اذا حب صدك او وصل درجه الهوس
طلع جكاره مورثها
كرم يصير الجدامه مهما سكط بسوالف وياه يسامحه گلبه لان يحبه بس من توصل بي يمشي مارايد اعذار للكبل يحبه او مارايد يدحكله يعني شنو؟
ماحجيت بس افرك على ايديه متوتره
كرم يعني هل انسان وكفت فرص العنده وتاذه حيل من اخر شي صار
جوري كرم لادافع صاحبك.
كرم تا احجي الصدك وينه هساع هوه اهله وامه امينه الاعز من روحه يشهك انفاسها لو تدرين شكثر يحجيلي ب امه وبحبه الها
وماتدري اوضاعه شنو ولااتصل عليها ولا اجه.
جوري ماكو مكان تتوقعونه هوه موجود بي
كرم مشيت جثير بدروب ادحك ومالاكيته
دخلنه للفرع وكف سياره يم فرعهم نزلت هوه نزل جنطتي وياي منطيني سليمان
جوري تسلم تعبتك
كرم مابينه ام كصايب.
ابتسمت بهوت دايرتله ضهري ماشيه خليت جنطه بلكاع واني مامستعده الحجيهم دكيته وسمعت صوت شخط سياره انداريت سياره كرم راحت طالعه من سلف.
جوري وين هسه انت ذياب؟
رفعت راسي بسرعه من انفتح الباب...
هاله
خليت ايدي جوه حنجي صافنه فزيت على صوتها
مريم هاله
هاله ها امي
مريم ماتجين تناوشين الاكل وياي شبلاج
كمت بسرعه رايحه للمطبخ اجيب الاكل
مريم اكضبي هاي وزتي هاي
انطتني جفجير ساحبه من ماعون بي زلاطه.
مريم هذا للتمن والغاد للدجاج ابوج يحب بلعشى تمن
هاله اني ابوي ميت
خزرتني تنهدت بقهر دايره وجهي اصب اكل وايديه يرجفن بالي مويمي
مريم لبن همن وياج جيبي موينزاح من بالج لايسويلنه سالفه
تذكرت ورد جنت اوكلها روبه صفنت مبتسمه بكسره شفايفي ارتعشن لا أرادي طاح مني ماعون فزيت راجعه اليوره خايفه
مريم مرررض صاااابج ان شاء لله سسووويتي
هاله بلغلط والله.
عضت اصبعها دور براسها تخاف لايجيني دنكت بسرعه المه ب ايدي بس مالحكت امي صرخت تريد تلزمه
مريم غلطت ماااتسويهاا مره ثانيه
بطرف عيني باوعتله وشفته هوه داخله كزازه ب اصبعي نزلت دمعتي برود اباوعله شلون كارهني ومماصدك سويت غلط لخ حتى لو بسيط.
لزمني من شعري وامي تصيح تريده يوخر مني ركضت غزاله جايه
غزاله صلي على محمدد ابو هاااله شسالفه شبلااكم
ابوي باوع الخالتي خازرها.
اكثر انتي تنلصممييين بنتي اطلكت وانتي صوبهااا ماعرفتي تخليها تچني بيتها
غزاله هساع اجه بالك مره ثانيه لو شنوو؟ عوفها للبنيه ما ارضى احد يكربلها
اندار الخالتي وامي اشرتله تبجي تكرط ب اضافرها جراني ساحبني بره بطرمه رغم اتاذه من قبضته القويه بس استاهل.
طيحني بلكاع قربت رجليه يم صدري بروده الجو صاكه بجسمي جانت صونده مركبتها امي بلحنفيه جراها طابكها نصين
ايدج.
رفعتها ضربني عليها عضيت شفايفي مغمضه عيني قوي راد الايد ثاني اني شايغه روحي قبضت ايديه
عاط اقوى
اييدج
انطيته ايدي وضربها اتفرفحت مخليه ايدي على وجهي صار يضربني على ضهري عطت اصيح الامي واسكت اتذكر ورد
هاله بووويه لااا
وحده منهن اجت على وجهي ماكدرت كمت بسرعه طالعه روحي ردت اركض وجراني من شعري ايده ضخمه وجان لابس محبس ضربني على عيني
امي طلعت تتوسل بي وهوه كل ضربه يصيح ويسب ويغلط.
انطيج الودام اغنياااء ترجعيلي تردين صحبانج الكبل ها!
اريد اطلع من قبضته لزم وجهي ب اثنين ايديه يباوعلي فاتح عيونه على حيلهن صايرات حمر يخزر بيه وكل ماله يضغط على وجهي
اني تزتين راسي جدام اهل سلف يامغزر بيج الربااه
دفعني قوي طحت رايح صوتي بس ابجي عيني ما احس بيها من كثر ماتاذيني دخل جوه وامي ركضت عليه ههي وخالتي غزاله.
كمت بسرعه خايفه منهم كلهم دخلت الغرفتي ساده الباب عليها وقافلته اكثر من مره اشهك وعيني تحركني رحت للمرايه اباوع الروحي زايد البجي مالتي
ناحيه مسافه بين خشمي وحلكي متعوره جرح بطول طالع دم نازل على شفايفي كعدت بزاويه اتلوى وا اون من الوجع
مرةة ساعات ونفس وضعي والمي كل ما اله يزيد تمددت بمكاني حاضنه رجليه ورعشه ماراحت من جسمي گلبي حسيته صار ضعيف نبضه.
ردت امسح دمعتي وتاذيت من عيني واصبعي تذكرت الكزازه جان حجمها وسط طالع نصها ملطخه دم جريتها
رافعه راسي عطت من الالم ماكدرت اتحمل اكثر طحت بلكاع نازل ضغطي لعبانه نفسي ماطولت ثواني وتقيأت على ملابسي
رجعت راسي صايرلي اذه بطني سمعت صوت اذان الفجر صار واني بعدني بلغرفه كمت للمرايه اشوف نفسي
لكيت عيني مورمه صايره زركه منفوخه درت وجهي بسرعه جاره من الميز فانيلتها اشمها
هاله استاهل العقاب حبيبتي.
شبگت ملابسها دموعي ينزلن عليها وحتى دمعتي تحركني.
هاله ادري بيج ماميته. روحج كرباي، ان شاء لله جسمج على جسمي
هزيت راسي اضحك
هاله هها. لو هم ماتردين اجي صوبج ها زعلانه بعدج مني، ماقصدي اني احبج جثير تدرين بيه انتي بنتي
عيني صارت على مرايه اشوف الاثر حرك اول شي سواه ابوي من سمع بلخبر واجيت مطلكه من ذياب
حركني يم حاجبي وقريب على عيني وصار اثر يشبه اثر ورد وتشوها...
لزمته مبتسمه بكسره.
هاله تشوهت مثلج بس لاتمشين وتعوفيني. انا امج ورد
خنكه صارت بصدري بجيت مقربه ملبسها يم شفايفي بايسته متلطخ ملبسها بدمي
هاله اكو يوم نتلاكه. اكو.
بس بوكتها تردين دحكين الامج. ها ورد؟
كعدت احجي واني محدبه ماكادره من الالم البجسمي كله ودموعي ينزلن يأذن جروحي
سمعت صوت الباب يندك واصلني صوته
جوري
ذبيت نفسي ب ارتياح من شفته
حشام جوري؟
جوري امي هنا؟
ضل ساكت يباوعلي حسيته يفكر ب اسأله كررت على سؤالي وهز راسه فاتح الباب
حشام ياهوه جابج؟
جوري تعبانه، عادي بعدين هاي الاسأله
حشام بنص ليل جايه؟
ضليت ساكته هوه تنهد مأشرلي افوت دخلت ولكيتهم كاعدين امي لازمه راسها كلهم انصدموا من شافوني
فرج لو ميته مو احسن الج
رمله جوري يمه
دار وجه فرج مورث جكاره كلهم داروا وجهم مني ماعدا مسره وامي وجاه ماجانت موجوده
فرج وين ضلي هين گربي انتي سلمي على امج.
اجيت يمها حضنتني تبوس بيه
لزمت وجهي فرحانه مالت راسها بايسه سليمان
رمله ليش تعوفينه حبيبتي ياعيني انتي والله هديتي الحيلي
فرج ياهوه جابج؟
ضليت ساكته ماعرف شنو اجذب لا اكدر اكله كرم ولا اكدر اكله اني متزوجه نوح
رمله نوح رجلها ياهوه يعني
فرج وهساع؟
جوري طلعت من وكت بس اتاخرت لان هوه يمشي بطيء
فرج غير يجي هين يسلم؟ شبلاه هذا
انصدمت يعرف نوح باوعت الامي وهيه هزت راسها
رمله طلعي الغرفه جاه.
فرج لا امشي للغرفه الغاد
حصه فرج
جوري بيبي شلونج
حجت وجها ثكيل
حصه الحمدلله بيبي هلا بيج
كمت اباوع النوف مسويه نفسها تلعب بتلفون وامينه ماكو مهى شافتني وسلمت على صوتها رايح
جوري بيج شي خاله مهى
مهى لاحبيبتي
طلعت وكل شوي اندار مسره رادت تجي وياي وحصه دزتها للمطبخ
جوري كله علمود ذياب هاي
ردت افوت الغرفتي هوه صاح
فرج ولج مو هي
جوري هاي غرفتي
فرج مامفتوحه امشي للغاد جدامج
جوري غراضي جوه.
فرج هساع دفوتي غاد يجي سمير ويجيب المفاتيح
مافهمت ليش مفاتيح يم سمير هوه ضل يباوعلي ويسبح بسبحته
فرج يلا بويه فوتي
هزيت راسي داخله صفنت متذكره نفس الغرفه الكعد بيها ذياب بلعت ريكي ساده الباب
جوري متغيره
كعدت على جربايه متربعه مدده سليمان اهزهزله ينام صفنت افكر بلجوه وبتصرفاتهم ونوف
جوري ماتحاجيني هم علمود ذياب، شبيهم ذول. زين بيبي حصه شبي وجها ثگيل
مايلت راسي جاي بالي
جوري وينك؟ كلها دور على كامت.
بقيت افكر وينه اذا حتى بدوامه ماكو
جوري كلشي مايجي هذا يطلع بفندق ابو الخمس نجوم متونس بنسوان وهمه هنا ملتهين بي
اتذكرت الحلم تنهدت ماعارفه تفسيره شنو وليش بيدي الحمامه وراحتله والمكان ماتذكر وين جنت واكفه بس اتذكر المكان ماجان بي اي احد وشبه اضلم او الليل بوكتها.
قاطع صفنتي صوت شخير عبالك مثل احد يصفر بصوت ناصي نزلت راسي ولكيته نايم فاتح حلكه ضحكت مدنكه بايسته قوي.
خليته على جربايه هوه فز اتمددت على طارف جربايه مغطيته اطبطب عليه
جوري اشش حبيبي نام يمك اني
سكت سامع صوتي مكمل نومته عيوني دور ب انحاء الغرفه متغير كل اثاثها وصاير افخم من قبل رجعت عيوني على لكيته يضحك متحلم
ابتسمت وياه ومرر الوكت ماحسيت الاغفيت تعبانه مترخيه ايدي
اثناء نومي حركت راسي بالعه ريكي حاسه انفاس حاره تلفحني وشي مبزبزني على فك مالتي.
شويه وشميت عطره!
كمت بسرعه اتنفس سريع صدري يصعد وينزل وجسمي كله متكزبر لكيت ضوه نفسه وسليمان نايم
رفعت ايديه اباوع يرعشن قوي وعركانه مكان فكي يحكني
جوري حلم لو شنو؟
كمت بطرف شال مالتي امسح على وجهي وركبتي
جوري هوه جان هنا.
درت كل جسمي اباوع وماكو احد رغم حسيت بي موجود ومتاكده مو مجرد احساس!
سمعت صوت اذان الفجر فتحت الباب طالعه لكيتهم كاعدين متجمعين وفرج مبدل ملابسه بيده سبحه سوده رغم مطفين بعض الاضويه الا لمعتها واضحه وبينهم نوف كاعده سمعته يحجي
نوف
اندارينه كلنا نباوع العمي عدل نهايه شماغه مباوعلهم واحد واحد حاجي عبالك بتحدي واحد يوكف كباله ويعارضه!
فرج ماطول جثير يومين ثلاثه وابوكم يكعدها هين.
ضلينه كلنا مصدومين وفاهمين قصده اجت عيني على ابنه مكور ايده يرجف طاك من عصبيه بس لان شاف دموع بعيون امه.
حصه هيه هين كاعده
امينه عرفتك تسويها ليش فرج؟
فرج مرة اخوي وما ازتها الغريب
حصه فرج ابني موعليه ترهه هيه الها بيتها.
فرج شنوو اللعب وياكم؟ لو مامصدكين بكلامي ماعندكم احساس المرره مريضه مادحكولها واني الحاط كل بالي عليها هاي بنتها وكل شوي وعايفتها وبناتها الغاد بدرب طويل مايكدرن يجن هين وانتوا لاجثيرر تحبونهاا وتهتمولها مو صح؟
فهد يابه مايصير هذا هوه بعد نهتم الها وكل بالنه عليها مره عمي وطبعا نحبها بس مو...
فرج رفع ايده بين اصابعه سبحته
حجيت اليمي اني ترضون ماترضون موسالفتي يابه المره اريدها بلحلال ولان عذر الها.
مهى موحجي هذا فرج
فرج انتي مو كبل تحبين رمله اكثر من غزاله؟ عجل شبلاج ماراضيه على رمله ورضيتي بغزاله
مهى ضنيت ماتزوج بعد
فرج وصدك لان مريضه المره
كام هوه معدل فروته وامينه صاحتله دار وجه يباوعلها
فرج امونتي
اجتي يمه ماسحه دموعها مشاورته بكلام تغيرت ملامحه
امينه موتحجي بس لان مريضه وتهتم الها وماتحرم عليك
فرج اي
امينه احجيلي كلمتك بلحجيته الك.
مسح على شواربه ساكت يباوعلها هيه مدت ايدها منتضرته يوعدها مايسوي الحجته اله
فرج ما اضن.
انكسرت منزله ايدها هوه تنهد وعافهم
فرج اليوم دربي طويل اتغدوا بلياي
فتح باب المطل على طرمه وطلع ساده.
نوف عوفي ان شاء لله يجي ذياب ويحاجي ذياب يعرف يخلي يغير كلامه
ماجاوبتني عافتني وراحت كلهم صعدوا وبيهم كاعدين محتارين وصافنين بحجي ابوهم حصه بيدها سبحه وتستغفر.
رفعت راسي وشفت كبالي جوري واكفه تسنط حسيت كرهتهها صعدت فوك هيه رادت تنزل
نوف احجيلي؟
اندارت مامستوعبه
جوري ها
نوف كسرتي خالو ذياب وهساع امج كسرت ام خالو فرحانه؟
جوري شعليه انا شبيج؟ تترا ماراضيه بحجيه وهم مايصير عمج يتحلم اهواي
نوف عمي اليتحلم؟ اي وخالو ذياب اليتوسل بيج شنو حاسبه نفسج متكليلي؟
جوري تردين عركه شبيج؟
حصه شتهترن؟
هيه سكتت اندارت تريد تروح الغرفه تفوت انقهرت اكثر اشوف دموعهم كلهم بسببها وبسبب امها حجيت مضوجتها
نوف بت زبال وماتكعد راحه
اندارت بسرعه فاتحه عيونها بكل حيلهن مصدومه من الحجي مالتي
نوف يمتى اخلص من يوم الفتوا هين ودحكنالكم مادحكنه بس للشر ومشاكل
جرتني بسرعه من ايدي ضاغطه عليها قوي خازرتني وعيونها مليانه دموع حمر متجاهله كل كلامي عليها ومركزه على انو حجيت على ابوها.
جوري تنجبين وماتجيبين سيره ابوي للسانج زفر فاهمه
حصه شبلااااجن تا تسون
عافتني ودخلت الغرفتها ساده الباب قوي نزلت بسرعه لكيت مسره كبالي
مسره ها ماردت افوت من حاجاكم شيخ فرج
ماجاوبتها ماخذه تلفوني ورايحه الغرفتي داكه على كرم وما ارد شمرته لازمه راسي ابجي
ماتحملت ورحت الغرفه خاله امينه لكيتها ضامه وجه بين ايدها تناشغ بجي سديت الباب حاضنتها
نوف لاتبجين مايتزوجون هيج يحجي
امينه يسويها فرج ادري بي.
نوف حسبي الله ونعم الوكيل
ضليت اواسيها وهي ماتحجي بس دموعها ينزلن كمت اتوضيت وهيه شافتني واتوضت متذكره ضلينه انا وياها نصلي خلصت صلاه كمت ذابه شال
واني اندار مانتبهت لعبه فراس شامرها بلكاع انلوت رجلي طايحه عطت جايني الم قوي
ركضت عليه امينه تشوف رجلي
امينه شبلاج بنتي
حصه شنو بيج نوف شكو
نوف رجلي جده رررجلي راح اموت
اجه حشام وشافني هز ايده وجراني على صفحه خاله امينه جابت ثلج تحطها على رجلي
نوف تاذيني جثير.
حصه ههساع تصيرين زينه
ضليت اعضعض بلمخده احس برجلي انكسرت مو انلوت بس. ضليت اتلوى نزلت جوري شافت محد بلهول عبالها نمنه
حصه ها جوريه مانمتي
فزت منداره رموشها بيهن دموعها واكفات خشمها احمر ابتسمت تك خد
جوري اريد اصلي
حصه شنو باجيه ولج؟
جوري لا بردانه.
مشت للمطبخ منزله راسها اتوضت وصعدت الغرفتها ضليت اباوعلها منتبه التصرفي احن الها لان صاحبتي ومرات تقهرني من تسكت لو تصير هادئه بس انقهر من اخر سالفه سوتها بخالو ذياب وامها ههسه.
نوف جده
حصه ها صرتي احسن؟
نوف اي بس دحكي
هزت راسها مبتسمه خفيف
نوف اني ضوجت جوري
حصه هههههه بس لا شورت بيج يول
نوف ها؟
حصه هيج ليش ضوجتيها البت كبل جم ساعه اجت.
سكتت ماحاجيه ماكادره اكلها حجيت على ابنج. راح تزعل مني هيه هم عافوني وراحوا جريت تلفوني لكيت جايني اتصال من كرم
ردت ادك بس تراجعت متمدده على كيفي مغمضه عيوني متاذيه من رجلي نايمه للصبح فزيت على طكطكه خفيفه
رفعت راسي وشفت جوري نازله بيدها ابنها وجنطتها وراها امها وجاه
نوف وين رايحين؟
رمله بكوه تمشي وياها جميله تفرك بعيونها نعسانه وجاه مسانده رمله كحت على كيفها طالعين للطرمه جوري سدت الباب.
كمت على كيفي اعرج وصلت باب طرمه فاتحته على كيف لكيتهن واكفات ورمله بيدها تلفونها تخابر تحجي شويه وهزت راسها
نوف بس لا جوري كلتلها الخاله
بلعت ريكي متفشله مارايدتهم يرحون صار صوت هورن فتحوا الباب طالعين فتحت باب طرمه على حيله طالعتلهم
نوف وين، جوري
باوعتلي خاطفتلي نضره ماحاجيه وراحت ساده الباب رئيسي .
جوري.
باوعت اخر نضره البيتهم ورجعت انضاري الها تأشرلي اصعد صعدت وبروده تاكل بجسمي اكل هوى الفجر جان ستوه بادي يطلع نهار حضنت اچتافي تاچيه راسي على جام مبتسمه بهدوء نازله دمعتي
جوري برد الهوى يكصب العضم ونيران جواي تگصبني.
تحركت السياره واني راجعه المحافضتي. عشت بيها طفولتي واحلى ايام ويه ابويه اثناء تفكيري نوم اخذني ماحاسه بلوكت
فزيت على صوت رجال يصيح
عماره عماره، يلاا
رمله يلا امي امشونه.
نزلنه وجاه هيه دفعت الفلوس اجرنه المقعد الوراني صاعدين ثلاثتنه امي يم جام واحنه يمها سليمان خليته بحضنها مغطيته بعبايتها وجميله بحضن جاه
سايق شافله نفر واحد اليكدام يكعد ضلينه منتضرين
جاه هاي فيديو قديم
مديت راسي اشوفه ولكيت سليمان جان كاعد بحضن فرج وهوه مغطي بفروته وسليمان يضحك نازل شعره على كصته
فرج هذا حفيدي الحلو سليماان سلطان هذا سلطان ههههههه.
رفعه ب ايد وحده وسليمان يحرك ب ايده فرحان نزله شوي باسه ابني غمض عينه ضايج من شواربه
ماحسيت على روحي الا مبتسمه
فرج هساع نخابر بابا يجيبلك جبس ها لو تريد سمج احجيلي حفيدي
خلص الفيديو امي ماعجبها دارت وجها مغطيته بلعبايه
جوري عود شنو هاي ذكريات؟
جاه اي قبل لانروح منهم، بس ذكره لان مسجلين بس هذا بتلفوني
باوعت من جام واجه سايق جايبله نفر صعدنه ورحنه والخوف بيه كلنه نسوان وماكو امان...
بس انجبرنه. امي مارضت بلبدايه بس من شغله وصلت يغلطون على ابويه لا قبلت.
ضليت اردد ايات بيني وبين نفسي اقره دعاء الفرج اريدها تنفرج ونوصل بخير من طلعنه من الانبار ودخلنه البغداد صار بين ضهر والعصر تلفون امي ماسكت من الدك
جاه عمي فرج؟
امي هزت راسها كاتمته ضليت اباوع التلفونها بس يدك عليها ودزلها رساله على رصيد شافتها انطعن وجها منداره اليوره
جوري شنو شكو
رمله لا هيج.
بلعت ريكها تمسح بعركها رغم بروده الجو حسيتها مامرتاحه رجع دك عليها وفتحته مامشغله اسبيكر وصلني صوته العالي
فرج هاااي سواااايه؟
سايق اندار بسرعه فاز ورجع كمل سياقه ضلينه خايفين كام يصيح ويغلط
فرج يعني ليش ااجي خرباانه ابو رروحي والاكيج ماكوو ليش وين تمشين تردين وين ررمله حبيبتي!
رمله راجعين للعماره
فرج وين انتوا هساع؟
رمله لاتسوي اي شي بيتنه ونرجعله ولاتتصل.
فرج ماااخذه نسوان اثنين وياج صدك تحجين ررمله وحفييدي استغفرالله العظيم وحك لا اله الا الله اذا ابو سياااره ماوكفها هساع تعرفين شنو اسوي
ما اجه بالج ابني شنو سوهه من اخذتي مرته
امي بهتت ملامحها متذكره يوم الاخذتني من ذياب ولحكنه يرمي طلق
رمله اتذكر
فرج الغاد ابن. عجل مافكرتي الاب شنو يسوي؟
جاه هذا يريد يفجرنه
سايق شكو خيتي؟
رمله هيج
فرج ناوشيني سايق يووكف بيكم سيارره
رمله اذا وكفها ويين نكعد شبييك.
سليمان فز يبجي اخذته منهم واني خايفه اكثر منهم
فرج معليج معلييج لاتفوتين نفسج بهل سوالف شراااره بويه بس سوي الاكلج علي
رمله فرج اني ما اضل بالانبار الله يخليك اريد ارجع للعماره
هيه حجت هيج وههو عبالك تسودن عاط بصوت عالي
فرج موبمزاااجج
سايق وكف سياره مامفتهم الوضع
رمله الفلوس انطيتهن اني بعد
فرج انطيهن الج واكثر علييهن معليج بلفلوس شكثر تردين انطيج بس لاترجعين
امي ضلت تباوعلنه محتاره.
فرج لاتحجين، بس ماعوفج صدكي بالله
رمله خويه نزلنه
جوري اامي!
ماستمتعتلي ساده الاتصال ونزلنه امي تفاهمت ويه سايق ورجعلها فلوس بس موكلهن اخذ على كد سفره البغداد وخابرها عمي فرج ضلت هيه وياه يتحاجون وهيه مابيها حيل بكوه واكفه دايخه
جوري شيسوي مثلاا؟
جاه ااني ماشايفه شيسوي يكلها ذياب شسوه من اخذتي جوري اسوي زايد يعني انتي تعرفين ذياب شسوه
سكتت دايره وجهي كارهتهم.
جوري مكروووهين موتوونه مايفكون ياخه وياهوه اجه من اهلهم خررط حجي علينه
جاه نضل واكفين
جوري جا نكعد بترابه
شفنه بسطيه على جهه تبيع مي رحنه واشترينه اشتريت هم جبس السليمان انتضرنه بنص ساعه واجت سياره انتبهنه البيها كرم
كرم ها خالاتي
جاه تخلخل اعضامك
سمعها بس نزل راسه لابس مناظره كلنا صعدنه اليوره عكد حواجبه
كرم عجل احد يمي ماكو شنو
رفعت سليمان حاطته يمه باوعله ضحك بصوت عالي مهتزه اجتافه جر وجه بايسه.
كرم ونعم زلم
رمله يمه شنو ببي شبسرعه اجيت
جاه غير متنه من الوكفه يابسرعه
جوري لا بالانبار البغداد
كرم دوامي هين واجيت
رمله اي مو اكول
ذب مناظره ماشي بينه
رمله فرج شحجالك وين تاخذنه
كرم عندي بيت هين اني اكعدكم بين ما تصفى سالفه
رمله اني ماريد هل خربطه الله يخليك ارجع للعماره اريد
كرم موييمي خاله ارمله
رمله ياا ولك يا ارمله
كرم ضال بالي اكصد خالتي رمله
رمله منين تعرف اسمي.
حمحم كاح مغلس ساد الموضوع باوعت من جام متنهده دقايق وكفنه يم بيت حلو طرمته جبيره وبيت طابق واحد بي غرفتين وهول نزلنه شامرين جنط اني وجاه عفنه امي تتفاهم ويه عمي فرج
ودخلنه منبطحين مكملين نومتنه
سليمان امممه تبس
جوري نام نام يا جبس
جاه خطيه نام اهواي
جوري اصير نفس جميله وامي
جاه ههههههههه
ضربتني ضايجه
جميله اني مانام اهواي
جوري يامانايمه حتى بسياره كرم نمتي دخذي ابني لعبي شمري بكيفج.
درت وجهي للجهه ثانيه متغطيه نايمه وجريتها نومه كل شوي افز وارجع انام كعدت شبعانه نوم لكيتها ب11ونص بليل
كمت لكيت كلهم نايمين وامي منومه يمها سليمان لبست شالي طالعه ادور المطبخ لكيته شغلت ضوه فاتحه الثلاجه شفت طاوه بيها طماطه محموسه
وجوه علاكه بيها دجاج وكباب طلعت الكباب وطاوه طماطه شغلت نار محميتها وحمستهن رشيت عليهن ملح وطفيتها كاعده بلكاع.
لكيت عنده بس خبز اسمر مال شوفان جربت منه شوي طعمه عادي كعدت ضليت اكل متلذذه بطعمها
جوري طباخه ماهرهه ماشاا
مرةة دقايق واني اكل من ردت اخلص انفتح الباب مطل على طرمه داخل فزيت هوه ضحك بخفوت
كرم صح النوم ام كصايب
جوري الله يصحيك
كرم رحمه الله والديج جدامج مريض نفسي
ماجاوبته مسويتلي لفه صغيره كايمه مرجعه طاوه بلثلاجه وماكله
كرم جوري
انداريت واني امضغ بلكمه
جوري ها
كرم اكو شغله اريدج بيها
جوري شنو هيه؟
بلع ريكه حاك راسه عكدت حواجبي مايله راسي
جوري ااحجي
كرم البسي شي ثخين
جوري ليش
كرم زرعدي رحمه الابوج
طلع وعافني ضليت صافنه مامفتهمه شنو شغله وتوتر صابني رحت الجنطتي دورت بيها لكيت جاكيت فرو اسود لبسته وطلعت لابسه شحاطه امي
جوري وينه
دورته سمعت صوت هورن فتحت الباب ولكيته اشرلي اصعد صعدت اليوره ساده الباب والبروده دك بلعضم
حضنت اجتافي ارجف
جوري شكو خوفتني؟
كرم شغله مهمه جثير
جوري اي شنو؟
ماحجى مشغل سيارته ماشي سريع گلبي طاح بطني
جوري وين رايح؟ رجعني مارروح
كرم لا المفروض تمشين جبر
جوري ليش شكوو؟
كرم اش بس انطي صبر ياخويه
سكتت خايفه اباوع للشوارع ضلمه قليل ناس كلش
مرةة دقايق واني كاعده
جوري كافي شنوو وين ماخذني
ماحجى عاكد حواجبه ضليت ضايجه فتحت الباب هوه وكف سياره قوي مندار
كرم هاي صدك تحجييين؟
جوري اذا ماحجيت وين ماااخذني انزل ههسه هناا
كرم سدي الباب جوري
جوري ااحجيي وييين مااخذني.
كرم شنو ماتثقين بيه؟
جوري لاا ما اثق بيك رجعني
كرم بيج خير زتي روحج
شغل سياره من صدك يمشي سريع اجاني هوى قوي سديت الباب بسرعه خايفه ضلت سياره تمشي وماندل اي شي من طريق وماعرف وين رايحين صارت المنطقه جوله
جوري ااحجي وييين
كرم عاجبني ادحكلج سوالف
جوري سوالفيش؟
كرم ذكريات
جوري وكت ذكرياااات هسه صدك تحجي رررجعني للبيت.
ماجاوب مامستمعلي وفاتت اكثر من ساعه واني خايفه وارجف من بروده وتوتر وكف سياره باوعت ماكو اي احد عباره عن جوله بس بيها زرع خفيف
جوري شنوهاي؟
نزل من سياره مصفك ب ايده
جوري شبيك؟
دكدك على جام مأشرلي انزل
جوري مما انزل رجعني يلااا
استغفر فاتح الباب قوي ردت اصيح وسكتت منتبه للمكان صافنه
كرم ها
بلعت ريكي متذكره نزلت بسرعه اباوع للزرع على جهه حسيت ثگل الساني بللت شفايفي بكوه حاجيه
جوري ه. هايه.
ماحجى مخليني اباوع درت وجهي للجه ثانيه وشفت المرجوحه
حسيت گلبي انعصر الغصه محتله بلعومي خطواتي راحن ناحيه البيت راجعتلي كل ذكريات الباب مردود جان
اتقربت فاتحته على كيفي وكل مكان تجي عيني بي اتذكر بي الطبرجي، مرجوحه ونار نشوي تكه دخلت جوه للبيت عبالك رجليه يمشن من وحدههم يردن يتأملن!
كرم مافات اني شفت مطبخ ابتسمت بكسره مجتمعات دموعي اجت عيني على غرفتنه القديمه اني وذياب.
فتحتها صار صوت النجره جانت ضلمه فتت اباوع
بهتت ملامحي من شفته كاعد بيده جكارتين شافني وكام متقرب واكف كبالي
رفعت راسي مركزه بملامحه وعيونه تعبانات.
فزيت على ايده سدت الباب.