رواية عكد الظفيرة للكاتبة زينب جعفر الفصل الرابع
ذياب لاتفرين هين بلاحجاب خوش ياشطبة؟
رفعت عيوني اباوعله عارفه صوته، لنفسه لجان موجود بسياره ونفس صوت بلغرفه لحاجاني يعني هو، ذياب!
مجاوبت ومشيت سريع داخله جوه رفعت راسي اباوع منتبها لتفاصيل البيت
جوري ماشاءالله
رحت ناحيه درج اصعد و ووكفت على صوت مره
حصه وگفي
انداريت شفت مره جبيره بس موهلكد مبين عليها مرتبه روحها ومخليه مكياج ولابسه ذهب وثوب بني ومسويه تسريحه شعرها شايلته
جوري ها
حصه انتي جوري؟
هزيت راسي بدون ماحجي وخزرتني تباوع على لشماغ جرته من راسي قوي
حصه يلا روحي اطلعي فوك ولاتفرين هين موبيت ابوج هذا
صعدت بسرعه ساده باب غرفتي منقهره
جوري شبيه راح ابجي، يا نسيت حماماتي
تنهدت كاعده صافنه
جوري لازوج يريدني ولا اهله بس خاله امينه زينه
قربت رجليه لصدري حاطه راسي باقيه لهل وضعيه لحد ماغفيت مره ثانيه.
وكعدت على صوت ليده تتحرك عرفتهم جانوا يدكون لباب كمت فتحته وشفت خاله امينه كدامي وراها لمره لجبيره لصيحت عليه
امينه صباح الخير گلبي
جوري صباح النور
حصه بعدچ بهلبس؟
جوري مفهمت شبي لبس مالتي
حصه دحگي امينه شلون تگابلني بلحجي
امينه غير بغرفتها وتلبس براحتها
حصه غير صبح نازله تفر بهلبس وشنو عندج حتى لو بلغرفه رجلج ومامعبرج
مجاوبتها وخاله امينه اشرتلي اسكت وانا اصلا ماعرف ارد بس احس لغصه حرگت بلعومي.
حصه روحي ألبسي شي مستور وحجاب وانزلي اشتغلي ويه لبنوات
امينه شسالفه عمه حصه بعدها عروس
حصه انتي بذات تسدينوو لحلكج ماحبن احد يگابلني بلحجي
عافتنه وراحت واني سديت لباب طلعت دشداشه ردان وحجاب نزلت من درج وشفتهم كاعدين وبيهم ليفترون يشتغلون
امينه تعي هين اكلي
ابتسمت نازله وحصه اندارت خازرتني
حصه شبلاها أتكحزي اشتغلي بلمطبخ
جوري بس انا جوعانه
حصه لاتكثرين حجي أتكحزززيي
عضيت باطن شفتي متنهده وكعدت بنصهم.
جوري من اكول اريد اكل معناها اكل
باوعتلي فاكه عيونها اخذت من صمون شوي مغمسته بلكيمر ماكلته وهي كامت باوعتلها وبسرعه ضربتني راشدي طايحه طالع شعري صاير على وجهي
امينه عمه لااا
حصه بلا أدب وانتي اسكتي
لزمت خدي مامتحمله الزم دموعي اكثر بجيت كايمه اريد اصعد وجرتني من چتفي
حصه لاتتتفلتين فوتي للمطبخ اشتغلي
دخلتني للمطبخ شامرتني على بنيه لزمت چتفي متوجعه ابجي
حصه ترگهن شغل انتن خلي هيه تشتغل.
هاله ماسمعتن روحن من مطبخ
حصه تعي حبيبتي تعي اكلي وياي
ابتسمت رايحه وانا كعدت بلكاع ضامه ايديه بوجهي ابجي
نوف شنو طگتچ؟
جوري اي على خدي وجرتني من چتفي
نوف هي حقيره ويانه مو نوب انتي
جوري والله مامسويتلها شي
حصه رووححن يلا
راحن بنات كلهن بقيت بس انا ونوف ومسره
مسره هساع شنو؟
نوف ادري راح تلزك بيها
مسره جوري لبارحه ذياب حاجاج شي؟
رفعت راسي ماسحه دموعي
جوري خيولي ماريد اسمع اسمه
نوف ها تره ابن عمي
مسره شحاجاج؟
استحيت اكلها ومتفشله مجاوبت كايمه
ههاله شنو عدجن هين؟
مسره نحجي انا ونوف
هاله احجن غاد لاتگربن يمها
باوعتلها مامفتهمه معاملتهم وياي بس لفكرته انو يكرهون ذياب وهيج يتصرفون.
مسره اانا راح روح
طلعت هيه ونوف جرتني
نوف احجيلي خالي شحجالج
جوري كافي الله يخليج
مجاوبت طالعه من مطبخ باوعت متروس مواعين مال عرسي.
طلعت جدوره وبديت اصفي الاكل وغسلتهن
حصه لاتحطيين كومه صابون خلصتي.
مجاوبتها مكمله غسل مواعين جرت اذني قوي غمضت عيوني متوجعه
حصه من احجي وياج شي سوي فاهمه ياسلبچيه
طلعت برا لمطبخ ذبيت ماعون بيدي متنهده طلعت برا بطرمه ولكيت زوالي حاطين
جوري شنو هاي
حجت بنيه تجرجر بيهن
بيبي حصه تكول خلي تغسلهن كلهن حته لحوش تگشطها
تگشطها شني
تغسليها.
هزيت راسي ودورت لحنفيه شفت اكو اخذت صونده مركبتها وبديت اغسل مرةة اكثر من ثلث ساعات وانا بعدني تبللت كل ملابسي كاعده وبيدي لفرجه افرك على لزوليه قوي
حصه شكثر بطيئه دكومي كومي عوفي خربتهن
كمت حاسه براسي يضرب عليه من الألم باوعت ولكيت لازمه وحده من حماماتي
حصه شنوهاي لحمامات
جوري ذني مالاتي
حصه من وين صارن الج يصگعه؟
جوري جبتهن وياي من لعماره
حصه لاححلو مسره ناوشيلي سجين
جوري شنو شسوين بسجين.
حصه سدي لحلكج انتي
للحظه انعصر گلبي خايفه مسره واكفه عاطت بيها وراحت جابت لسجينه لزمت لحمامه لبيضه مقربه سجين عليها
جوري لااااااا!
ركضت بسرعه دافعتها طايحه بلكاع وجاره حماماتي ثلاثتهن راكضه متجاهله صرخاتها وغلطها عليه
امينه يمه شبلاج عش تركضين
مجاوبتها صاعده داخله لغرفتي ساده لباب وقافلته اتنفس سريع
جوري لاتخافن ماخلي احد يموتكم.
باوعت لليده مال باب يردن يفتحنها تتحرك بس ماكو صوت الهن لان باب عازل بلعت ريكي خايفه رحت للسطح اادور شي اضمهن بي
جوري وين اخليجن
انداريت رافعه راسي وانتبهت على قفص عالي مخلين بي نسر ومغمض عيونه
جوري هذا من لبارحه هنا؟
خليت لحمامات على صفحه رافعه رجليه احاول الوح لقفص بس ماكدرت
جوري شدعوه هلكد مخلينه عالي
دخلت للغرفه جاره كرسي ورحت يم لقفص مخليته صاعده عليه وصلت يم لقفص مبتسمه.
جوري راح اخلي لحمامات يمك امانه
لزمت قفص منزلته وكمزت على لكاع فتحت لقفص وهو نسر فتح عيونه لزمت راسه مبتسمه
جوري تبقيهن يمك؟
بهتت ملامحي من باب اندفر داخلات
حصه اطلعي بت لكلب!
خليت لحمامات ويه نسر ساده بوابه لقفص
جوري ديربالك عليهن اذا اكلتهن اموتك فاهم
رجعته لمكانه طالعه الهم
جوري مره جبيره وساده حلكي مننج بس اذا بعد جبتي سيره ابوي على لسانج والله اي احترام بينه مايبقى
امينه جوررري.
حصه ساره غدير كضبنها ودنها للمستودع زتنها هناك مثل جلب حته تتأدب
فتحت عيوني مصدومه على خباثتها وشلون جاي تهيني ومحد يوكفها
دفعت بنات خازرتهن رغم منقهره وبدي ابجي بس ماريد ابين
جوري وخرررن محد تلزمني وخررن
جرني اقوى صرخت اريد ادفعهن ماكو نزلني كوهه وذبني بغرفه ضلمه مابيها شي فاررغه ولانقطه ضوه بيها
جوري طلللعوووني لاتعوفوني هنا ماحب ضلمه.
كعدت ابجي موخره شعري من وجهي مرر لوقت ومررر وانا ماعرف شسوي ساعه اكوم الزم بلحيطان ساعه اكعد ابجي ساعه اصيح بيهم ومحد يسمعني.
ومررن يومين كاملات وانا بدون طلعه من هل مستودع!
جوري اريد اروح للحمام الله يخليكم. ماتحمل بعد.
لزمت بطني متوجعه من جوع وشفايفي بيض صارن تمددت بكوه فاتحه جفن عيني عركانه حسيت بطكطكه بسرعه رفعت راسي لكيت شباك صغير فتحته وطلعت منه هاله لاحظتها شعرها اصفر وبلمشكله جانت صافه ويه حصه.
هاله تردين طلعين من هين؟
مجاوبت مرجعه راسي لازمه بطني اقوى
هاله اعرف اطلعج ترا بس بشرط تبوسين ايدي جدام لوادم
جوري مامحتاجه مساعدتج.
سكتت ضايجه تباوع على لبنيه لوياها.
هاله عجل ابقي هين لحد ماتموتين، وانتن لاتگربن يمها ولا رشفه مي تنطنها
هزت راسها لبنيه لوياها وراحن
جوري عمي، هيج تعامل بنت اخوك؟ معقوله لهدرجه خبيثين.
غمضت عيوني راجفه على الم بطني فركت عيوني دايخه
لحد ماسمعت همس من يم شباك
مسره جوري، جورري
ساره شنو عندج هين؟
مسره اريد ادحگلها
ساره شعليج بيها اتكحزي
مسره مالج دخل وخررن غاااد
لزمت ايد مسره خازرتها ولاويتها
ساره لاتخليني احطج وياها اتكحزيي.
دفعتها مسره موخره ايدها
مسره اي راح ارووح
رادت تمشي وجرتها ساره منبهتها
ساره اذا حجيتي لشيخ ذياب او ابو حابسينها ياويلج
مجاوبتها مباوعتلها من فوك ليجوه وماشيه
مرةة دقايق وانا نفس وضعي باقيه لازمه بطني وبكوه فاتحه عيوني لحد ماندفر لباب قوي وداخليين.
باوعت سريع ولكيت ساره داخله وياها بنيه سدن لباب متقربات مني
جوري شكو؟
زحفت ليوره بالعه ريكي ارجف وهنه يتقربن لحد ماطخيت بلحايط يلا وكفن وحده باوعت للثانيه وتقربن صرررخت قوي اريد ادفعهن وحده ضربتني راشدي
جوري ووووخرروا مني
اجيت اكوم وجرني من شعري ضارباتني بقيت اتنفس سريع اي قوه ماعندي انداريت بيدي لازمه لحايط بكووه
وفتحت عيوني قوووي على سجين احتكت بجسمي!
رفعت انضاري فاتحه حلكي حته مالي صوت اصرخ حاسه راح اوكع من طولي ولثواني.
طحت بلكاع مضروب راسي على لكاعيه قوي وقبل لا يثگل جفن وينسد قربن سجينه يم وجهي يجرحني بيها بدون ضمير.
رغم الألم اله ماحسيت ب شي بعدها ضلااام تركز لحياتي ودم ملطخني.
ماحسيت بلوقت اله وانا فاتحه عيوني على كيفي
جوري ماما
حسيت بحركه يمي رفعت عيوني لكيتها خاله امينه وجه مخطوف اصفررر تباوعلي خايفه
امينه يبعد روحي يايمه
جرت راسي حاضنتني حاسه بعطر لمسك مالتها
امينه سوده بوجهي ياگلبي سامحييني حبيبتي سامحييني.
وخرت راسي اباوع لأيدي لافيها ومطلعين بطني هم عليها شاش لزمت وجهي سريع متذكره سجين اخررر مره وصلتني لهنا وفعلا وجهي متجرح!
وجهي لابوي مايروح لدوام اذا مايبوس كل جزء منه ليوم مجروح!
اجتمعن دموعي ماعرف شحجي رجعت راسي لمخده ابجي لحد مابده صوت شهكاتي يطلعن
امينه امي انتي لاتبجين حبيبتي
جوري حسبي يالله عليكم
حصه ايا بلا اخلاق هي على منو تتحسبين
امينه عمه دحگي شمسويين بيهااا تدرين اذا حجت لفرج او ذياب شيسوون؟
حصه شحدهاا
جرت شعري قوي صرخت متوجعه
حصه تحججيين يول؟
امينه مسحت دموعها ترجف لازمه ايد حصه تريد توخرها
امينه كافيي الله يخليج لاتموت بيدج شكول لاهلها
حصه ان شاءلله تنبلي بمرض هاله محد تجي عليها ضررره تستوعبونن!
عافتنه طلعت كامت امينه سريع قافله لباب جايه يمي تهدي بيه
امينه مره جبيره اعذريها حبيبتي اعذريها
سكتت كازه على سنوني اتنفس سريع كاعده وجسمي يروح ويجي وايديه يرجفن من قهر وعصبيه بس مابيدي شي.
امينه اشربي شوي شوربه دفي معدتج
مجاوبتها كايمه رايحه للحمام بدون ماحجي كلمه باوعت على نفسي بلمرايه وجهي ملفوف بشاش بس طالعه عيوني رمشت اكثر من مره خايفه من شكلي
نزعت هدومي وبؤبؤ عيني مايتحرك عن لمرايه بس دموعي ينزلن لحد مابدن شهكاتي يوضح صوتهن
ضربت لمرايه قوي كاسرتهاا متجرحه ايدي انفتح لباب بسرعه داخله امينه
امينه يايمه شجاج ياكلبي انتي ايدج تعورت؟
جرت ايدي شافت ايدي تنزف حضنتها قوي
جوري وجهي تشوهه.
امينه لاگلبي بس جرح على خدج واحد صدككي
جوري جاي تجذبين عليه
جرت طبله صغيره مال حمام مكعدتني عليها
امينه لاتخافين يمه انا اداويج كل جرح اداويج وصدكي اي اثر مايبقى
جوري شيلي شاش اريد اشوف وجهي
بلعت ريكي وصرخت عايده هزت راسها اكثر من مره متقربه يمي فاتحه شاش باوعت لوجهي ثلث جروح شخط شبه عميق واحد بخدي وثاني على كصتي وثالث صغير على حنجي.
شفايفي ضلن يرجفن حاسه ضاك تنفسي وانا اباوع للمرايه لمكسورهه لشكلي لمتشوه! شنو ذنبي؟
فتحت دوش عليه وانا بس بداخليه باقيه ماعرف شلون اعبر على حزني غير لبجي وكل بالي يدور كلمه، ليش؟
طلعتني مكعدتني على جربايه رايحه للكنتور مطلعه دشداشه بيضه عريضه وملابس داخليه
امينه يمه اذا تردين انا البسج لاتستحين مني
حجيت وانا ارجف حته كلماتي متقطعات
جوري ل، لا ا، انا ألبس.
هزت راسها طالعه ساده لباب لبست ملابسي متمدده ساكته دكت لباب اكثر من مره داخله وبيديها لحم
امينه هاي من اخليها عليج اي اثر مايبقى من جرح
بقيت نفس وضعيتي بس ارمش هيه تقربت تحط لحم على جروحي
امينه جم دقيقه اشيله امسحه واحطلج مرهم وتصيرين جوري لتخبل
كرصت خدي ثانيه بخفه تضحك شافت ماصدر مني اي رده فعل بهتت ملامحها ساكته كايمه مني
مرةة دقايق وشالت لحم جابت كلينس تمسح على لخفيف وخلت مرهم وطلعت.
كمت ناحيه لمرايه اباوع لنفسي شلت دشداشتي اباوع للجرح لبطني صار تنهدت ماشيه ناحيه جربايه وتذكرت
جوري حماماتي
رحت بسرعه ناحيه سطح فاتحه لباب متنفسه براحه خليت كرسي منزله لقفص لكيت اثنين مغمضات عيونهم بس عطوه كاعده ونسر لايف راسه على ركبتها
جوري حقيرر موتتهم
جريت عطوه بسرعه وهزيت ب عطي وعطيه طلعوا عايشين بس جانوا نايمين باوعت لنسر مبتسمه لزمته بدون ماطلعه من لقفص
جوري خوش طلعت حباب، اذا طلعتك تشرد؟
تنهدت بحيره بس سديت لقفص مناقصه مشاكل رجعته اباوع لحماماتي وعطوه تباوع للنسر
جوري خنتي عطي ها ولج
نوف شنو هي الأسماء
فزيت خايفه شفتها كبالي هي ومسره تقدمن يمي كاعدات
نوف عطي وعطيه وعطوه هههههه
مجاوبت مخليه بقيه شعري وره اذني
مسره شون صرتي؟
جوري متشوهه
نوف دروحي تخبلين مسره تكول عليج ملايه
جوري مافهمت؟
مسره موملايه لتقره عدنه يعني وجها حلو
ابتسمت حاطه ايدي جوه حنجي وخرتها بسرعه حاسه بوجع جرحي.
نوف هذا نسر خالوو
جوري ذياب؟
نوف اي
جوري شلون خالج وتصيحين لفرج عمو
نوف هو ابن عمي بس احترمو كومه فا اصيحله خالو
گلبت عيوني هامسه
شلون يستحق لحترام هوه
نوف وچ شحجيتي؟
جوري هيج
نوف لاسمعت مايستحق الاحترام
جوري جا ليش تجذبين عود ماسمعتي
نوف احب اغلس مرات بس لاصدك خالو محترم
جوري واضح حيل
نوف شوفي ماعرف شصار بينكم حجي بس هو صدك حباب حته عمو فرج معتمد على بكلشي ويحبه اكثر واحد.
جوري وعمج فرج شلونه عاد جدريه ولكت غطاها
نوف لسانج جوري تره عمي
جوري وحلو لسويتوا بيه؟
نوف لا بس همه مايعرفون
جوري ليييش؟ لان ناسييين انو اخذواا وحده من جنوببب ولاعبالك بنيه ماخذينها تكول طلي يومين ماكلفو نفسهم يسألون عليه؟
سكتت باوعتلها ميله راسي بمعنى ها؟
مسره كل انسان بي سلبيات وايجابيات
جوري بس ماشفت اي ايجابيه كلكم سلببين بس طلعي خاله امينه لوما هيه جان شردت
نوف ذياب احن من خاله امينه لو كسبتي.
جوري ترا متزوجته انا مو مسويه وياه علاقه حته اكسبه واجذبه واجيب راسه
وحده باوعت لثانيه ماعدهن اي حجي كامن وطلعن بقيت كاعده وحدي ساكته بلا ماسوي اي شي تقدمت لحمامه لبيضه كاعده بحضني
ضهرت ابتسامه خفيفه على شفايفي لازمتها
جوري عطوه شسوي؟ هذول مجرمين، مرات اتمنى لو تكدرن تحجن.
خليتها بلكاع تاجيه راسي على لحايط وهذا حالي لثلث اسابيع كامله حصه تريد تجي تشغلني بس امينه قنعتها بحجه اذا شافوني يمكن يسوون مشكله فا خلتني بلغرفه لحد ما أطيب.
جرح وجهي طاب والاثار صارن خفيفات اله بطني جان اثره واضح وايدي جرحها تشافى هم.
بيوم طلعت من لحمام نشفت شعري شلون ماجان ظافرته طلعت دشداشه زيتوني وربطه نفس لونها شادتها ليوره ضاهره ركبتي وشوي من شعري
حصه انزلي يللا.
مجاوبتها نازله وطلعت بوجهي هاله عرفت من نوف هي مرته بفتره علاجي. اخذت نضره وحلوه يمكن حته احلى مني. شعرها اشگر وتحط عدسات زرك وبيضه اما اني جنت ابيض منها شعري عكسها طوييل واسود او بني غامق وعيوني كبار لون بني
حصه وچ شهلبس
جوري شبي لبسي نوب؟
حصه طالع ركبتج وشعرج شدي ربطه من جدام
جوري اخذتوني مامحجبه غصبا ماعليكم ترضون هيج
فكت عيونها تريد تضربني ولزمت ايدها دافعتها.
جوري كافي مصختيهاا والله اكول لفرج وذياب وحته لامي وعشيرتي فاهمه لو لا
حصه تخوفيني ب امج يمعثوره!
جوري ههسه شتتوقعين وشتحجين اعذرج ماتعرفين رمله.
حصه تهي بهي دروحي انتي وامج
مجاوبتها وحاطه براسي اله اكول لامي لان وحيده تشك حلك اكبر واحد يفكه ويايه.
بس انا ماعرف عليمن طالعه ماخذ حقي وذا سويت خطوه بسرعه ابجي
طلعت للطرمه مشغله صونده اسگي زرع
جوري خوش زرع لو جايبه حماماتي يگرطفن منهن.
انفتح لباب وبنات ركضن جوه ماعرفت منو أشرلهن درت وجهي اكمل اسگي زرع وفزيت طايحه مني صونده على صوته
ذياب وچ فوتي جوه
مجاوبته محتاره و رحت صفح وهو دخللهم رحب بيهم ضليت صافنه ماكدر افوت جوه صار لباب مطبخ بعيد عني
جوري جان لازم اشرد مناك
انلزكت على لحايط حته مايشوفوني وهو انتبهلي مشى سريع جايني
جوري يمه شبي هذا نوب يخوزر
وكف كبالي لايف عبايته عليه حته شعري مغطي
ذياب احجيلج روحي تگربين هين يبه؟
جوري تيهت.
ذياب بلوه ياعثره بلوه.
مديت راسي اريد اشوف وهو ماد راسه وياي يباوعلي فاك عيونه باوعتله ورجعت راسي
ذياب سالفه لحراميه وتبصبص ماتخلينها؟
طلعت نوف راسها لابسه حجاب تأشر لذياب
ذياب استلم شون اثنين
ركضت انا وعبايته ملفوفه عليه ووهو وراي يمشي اجه وسمعت نوف تكله
نوف حصه طاحت
ذياب وشتردين اكلها ثول
نوف لاغير نوديها للمستشفى تحجي رجليه انعوجت
ذياب حطيلها ثلج وكليلها بطليهن.
عافها مطلع باكيت جكاير من جيبه داخل للمجلس زلم
ردت امشي وجرتني هاله
هاله هي موعبايه ذياب؟
وخرت ايدها منطيتها لعبايه
جوري ماميته عليها
مشيت اريد اصعد وشفت حصه مدده وهمه حوالينها باوعتلي تك عين وهي تنوح
حصه حطيتي عينج يامصگوعه ارتاحيتي كسرتيني
غميتها فتحت عيونها تريد تكوم
وشافت ذياب دخل رجعت تكح وتنوح بصوت عالي
امينه ها عمه صرتي زينه
حصه ماتشوفيني متكسره يازيييينه.
عفتهم صاعده واجن مسره ونوف وراي دافعاتني للغرفه وسادات لباب
جوري شكو؟
باوعتلي تغمز
مسره احجيلنه
جوري شحجي
مسره شنوصار ونطاج لعبايه وهي ثاني مره
جوري بس هيج حته زلم مايشوفوني
تقربت نوف تشم وخرت خازرتها
نوف و عطره بيج
جوري هو عطره قوي مخلص عطورات على دشداشته ملازم اسمه ذياب لازم تسمونه ابو عطورات
ضحكت نوف وطلعت بقينه انا ومسره هي عدلت حجابها مباوعتلي وصايره ملامحها شوي جديه.
مسره جوريه دحگي احجيلج شي
جوري شنو حبيبي
مسره صدكي حصه لواته ماتعوفج لحد ماتركضج بليله ضلمه
جوري احسن انا ماريد ابقى هنا اصلا
مسره تره بعضهم ماعنده رحمه صدكي بالله حته يحركون
جوري شيحركون؟
مسره ححيوان. غير بشر
جوري شسالفه!
مسره تا اكلج يم حصه كلشي توقعي دز احد مثل مادزت ذني بنات
جوري تساعديني
مسره بشنو؟
جوري اشرد
مسره حبيبتي احنه بلغربيه. انبار تدرين شكثر لبعد عن لعماره؟
جوري وشلون اضل هيج؟
مسره صيري ذكيه ولعبيها صح وكسبي
جوري منو
مسره ابو شيخ. وصدكي كلشي يصير بيدج
عافتني وطلعت ضليت صافنه مامفتهمه منو ابو شيخ؟ لأعرفه جدي ميت.
طلعت من لغرفه اباوع نازله كم درجه وشفت بوابه مفتوحه بيها مره حلوه وملامحها ناعمه مدده رجليها وحاطه طفل تحرك بي
غدير نام ياعيني راسك شكثر جبير
تقربت داكه لباب باوعتلي مضيكه عيونها مامستوعبه
غدير جوري
جوري ادخل؟
غدير فوتي كلبي فوتي.
دخلت كاعده وهي تباوع لكصايبي لزمتهن وهي تعلج
غدير حلو شعرج شنو تخلين
جوري مماما تهتم بي
غدير مواكول انا هم قبل شعري ثخين
جوري جا ليش كصيتي
غدير بيد امي جان ثخين من صار بيدي اتكطع وتكرطف وادري شصابه صرت صلعه
خليت ساعد ايدي على شفايفي ضاحكه وهي ابتسمت
غدير دنام انته راح اوريك ور
جوري عادي سؤال؟
غدير اسألي قلباي
جوري منو ابو شيخ
غدير لاولهنا، ماتعرفينه
جوري لا اعرف جدي ميت
غدير شجاب جدج؟
مافهمت ليش تكول هيج بس ذبت علجها لازكته بكصه ابنها
غدير ابو شيخ ذياب رجلج.
رفعت حواجبي مامستوعبه
غدير لقب انطو اله لان ياخذون شوره بكلشي فا يسمونه هيج ابو شيخ مو عبالج يعني ابو
جوري فهمت فهمت
غدير لاتزعلين مني بس انتي غبيه
جوري ليش
غدير ادوسهم بنعال واسد حلوكهم شبلاج مخليتهم يطكون بيج على كيفهم
جوري عيب اكبر مني يبقون وهم حجيت وضربوني
غدير اتمسكن على كولتكم واحجي لذياب.
جوري زين اذا تحجين هيج ليش ماحجيتي و وكفتي وياي؟
مجاوبت ساكته شالت علجها من كصه ابنها ماكلته
غدير وضعي مومثل وضعج
جوري يعني؟
غدير عمي فرج متزوج ثلاثه وكل وحده وجهالها يصيرون غير
جوري مافهمت
غدير اهو، دحگي ماما امينه جبيره اول وحده جايبه بس ذياب ومهى ثانيه جايبه سته
جوري ماشاءالله
غدير اي وغزاله جايبه ثلاثه
جوري يعني نكول صرتوا تقريبا، 14
غدير اي ومسره وامها ونوف
جوري نوف وين اهلها.
غدير توفوا بحادث وبقت هين ربوها وهم جناين اكو كلنه نصير، 22وحصه تسافر تروح وتجي
جوري ماتكعد هل عجيز
ضحكت حاكه راسها
غدير اي 23ومن غير جهال زعاطيط ذولي ماحسبتهم عود
جوري وانا 24
غدير اي ماشاءلله موعائله عشيره كامله ماخذين منطقه بس النه
جوري هههههه بس حلو
غدير ياحلو هوسه احنه وجدورتنه هل كبرها بس تمن نشغل جدريه مالته على خمس عيون طباخ
جوري شلون راح احفظكم.
غدير انا صارلي وياهم، 8سنين ومحافظتهم دوخين خليج هيج ياهو تشوفينه دكي سوالفي وانسي بعدين حسسي نفسج بمدرسه
جوري غدير حبيتج
غدير حقج مالومج دنام انته راح اوريك دحكي احجيلج خلي يمج نومي
جوري ماعرف انوم طفل
غدير تعلمي ب ابني اخذي
خلته بحضني وركضت نازله بقيت انا وياه اباوعله جبير راسه وشعره مكنكر
جوري شسمك؟
معليج
جوري وجع دكوم نوم روحك رجال شكبرك انته
كل عمري اربع سنين
جوري اربعين سنه يا اربع سنين.
فشر عليه فتحت عيوني على لسانه دفعته نازله جوه دخلت للمطبخ وشفتهم يفترن ومسره تمسح طباخ
جوري مسره
مسره ها
جوري اريد اندومي
مسره هههههه منين اجيبلج
جوري ماعندكم هنا
مسره شيخ فرج مايفوت اندومي مايقبل لاهو ولاذياب
جوري شنو سالفه
مسره وداعتج تردين رجلج هوه وقنعي
جوري فدوه شلون يسمع لحلكي اشو يومين ماكو ولاسأل عني
مسره زواجكم اجباري جوري وبيدج تكدرين تغيرين كلشي.
جوري تكدرين وتكدرين صدكي كلشي ماكو بسوالف زواج لو تسمعين كلامه بلغرفه اصلا ماتباوعين لوجه
مسره ليش شحجه بلغرفه؟
انتبهت محمحمه مامجاوبه
جوري لمهم سالفه اجيب راسه مستحيل
وكفت مسح تباوعلي صافنه هزيت راسي بمعنى شنو؟
جوري شبيج صفنتي
مسره اصبري غدير تعرف لهيج سوالف
جوري يا سوالف
عافتني ذابه لوصله وراحت تشاور لغدير شوي واجتني
مسره تكدرين تساعديني بشغله؟
جوري شنو هيه امريني حبيبي.
مسره اي حبيبتي هسه اناوشلج وصله اخذيها ومسحي لغرفه
جوري ياغرفه
مسره باعي موهاي غرفتج بصفها مو باب جبير
جوري اي شايفته لباب
مسره اي هاي لغرفه اريدج تنضفين سيراميك مالتها خوش؟
هزيت راسي مبتسمتلها راحت شوي وبيدها وصله و سطل بي مي وصابون اخذتههم صاعده واكفه
ناحيه لباب.
بوابه تختلف على باقي بيبان لغرف هاي اكبر شوي وبني غامق لونه فتحت لباب على كيفي. اباوع مالكيت احد ضوه خافتت وغرفه جبيره اكبر من غرفتين مرتين ومامفروش عليها زوليه او شي وعباره عن اسود وذهبي بس ماتشبه غرفتي بتاتا
جوري هاي المن
انداريت لكيت صفح مثل مكتبه خليت سطل بلكاع ذابه لوصله متقربه اباوع شفت احجار واحد منهم بلون بنفسجي يلمع
جوري وعلى حلو شهل حجر.
لزمته صافنه عليه وعلى نضافته لدرجه اشوف ملامحي بي بس منجعصه ضحكت مرجعته
جوري شته ومشغلين سبلت بيها خبال
طفيت سبلت مشغله كل الاضويه وساده لبردات
جوري شدعوه لبنكه على الاربعه شته شتهه
طفيتها مباوعه على جربايه فراشها اسود فحمي ومرتبه
جوري كئيبه هل غرفه ليش مايسون مثلا لحيطان بدل ذهبي ابيض وعلى فراشات مرسومه وهم لفراش ابيض وبي فلونكات واهواي تغير ماعجبتني.
رحت على ميز لكيت مصفطات اهواي عطوره اخذت وحده منهن كحيت
جوري ايع رجالي
اخذت ثاني جان اقوى منه وثالث ازرك جان رجالي هم بس حلوه ريحته خليت منه
جوري شنوهاي ماكو كنتور
كاعد امشي وبلغلط طيحت سطل استغفرت شايله لوصله مدنكه امسح لحد مانفتح لباب سامعه صوته.
شجابج هين ياعثره؟