رواية عكد الظفيرة للكاتبة زينب جعفر الفصل الرابع والأربعون
جوري ذياب.
نزلت عينه على كصيبتي طالعه من الحجاب
ضليت مامتحركه عبالك روحي طالعه بس واكفه وگلبي يدك مثل سعف
هوه دار وجه بسرعه مني عاكد حواجبه صاير ضوه شمس علي
انتبهت على لحيته مطولها حيل وشعره طولان مامزين نازل على وجه ضعفان كلش شواربه من كثر ماثخنانات مامبينات هلكد شفايفه
ماحجى شي مرةة كم دقيقه واحنه نفس وكفتنه اجه ابراهيم مفززني من صفنتي
ابراهيم انتا بيسوي صفن مال حمير كذا حتى موت روح؟
اندارله ذياب خازره هوه بلع ريكه معدل رباطه يأشر عليه اني
ابراهيم على شطب هذا مو على انتا والله
هيله منو بلباب جوري؟
ماحجيت حسيت انربط الساني
كرم احنه هين هين
هيله يااا شلونكم شخباركم
عدلت شيلتها لابسه شحاطتها تمشي سريع تريد تجيهم
هيله ادخلوا بيت بيتكم
ابراهيم انتا كريم واجد شنو مسوي اكل بطن؟
ضربه كرم هوه يباوعله ضايج ويحجي بصوت عالي
ابراهيم ليش تزربني كلام
كرم بلغلط ضل هين يمي لاتفوت
راد يفوت وجراه من رباطه.
كرم ضلللل هيييين ابن الحلااال
ابراهيم هي انت يالاثول
كرم على ياهوه اثول
هيله كافي شجاكم ادخلوا كلكم
كرم لانضل هين
ابراهيم اني معلي ب انتاا لاتسوي دوخه بصوت مال انتا الخايس
كرم فوت
كرم عافنه متمشي متچي على جام سيارته ابراهيم باوعله وابتسم
ابراهيم يلا كلاص ماكدر بدون انتا
راح وراه مقلد كرم بلوكفه كرم رفسه من جوه هوه يضحك اني عدلت حجابي منزله راسي رايده افوت
هيله ذياب ادخل.
مايلت وجهي اشوفه باقي منزل راسه مسح على لحيته
ذياب لا بس اجيت ادحك الابني
عبود كلكم ادخلوا شنو واكفين بلباب موعيب
ضلوا ماقابلين وابراهيم كل شوي يريد يفوت يباوع الكرم يخزره ومايقبل يفوت ضل حجي عبود يحاجيهم الحد مافات ذياب مأشر الكرم هوه جر ابراهيم داخليين
اني بس اباوع مفهيه شكران اشرتلي اجي وفتت انطيت سليمان الهيله ودخلت للمطبخ اتذكرت نوح مديت راسي اباوعلهم من بعيد ذياب شاف نوح كاعد
نوح شجابهم ذولي؟
كرم نعم؟
عبود اليوم شسمه نوح خطارنه
نوح ااني خطار لو همه؟
كرم اتقرب رافع حاجبه
ششنو شجابهم وتزت بحجيك على ياهوو هل حجي
هيله صلوا على محمد ولدي
نوح كام يباوع الخاله هيله
نوح اني اروح مابقى هنا
فزيت من كرم دفعه قوي مطيحه على الجراره
عايط بصوت عالي الدرجه گلبي انهبط
كرم وعسى ماااضليييت شنووو ميتين عليك احنه كلب
هيله انطت سليمان بسرعه الذياب راكضه يمهم وحجي عبود صار بينهم لازم كرم
عبود ااكعد كررم موهيييج.
ضل كرم فاك عيونه على حيلهن يباوع النوح كاز على سنونه متخبل الدرجه احد يريد يستنكص من صاحبه ذياب
نوح صيحوااا مرتي نرررروح مابقى هناا
عبود لاتوصلوهاا هيج وتتزاعلون شنوو سالفه عليمن تتعاركون اكعدوا
كرم خنيث
مجرد نطق هل كلمه نوح ضربه على وجه كرم لزم فكه يباوع الايده لاطالع دم رجع انضاره النوح
هيله ولكممم لاااااا.
كل هذا وذياب منزل راسه مسوي نفسه يلعب بسليمان وايده مكورهن قوي يعضعض بشفايفه جوه عركان مسح كصته عدل كعده سليمان مامدخل نفسه ولاباوع النوح
ابراهيم منخلس بس يباوع وراجع اليوره البنات يردن يباوعن ومايكدرن
شكران شراح يصير شبيهم
ماجاوبتها فاكه عيوني على كرم مد ايده الخاصرته مطلع سلاحه ساحب اقسام ركضت بسرعه طالعه
جوري لاا الله يخليك عليك الحسين نزل المسدس
نوح لج ادخلي شعليييج انتي
كرم ااكلخرره واكعد.
واحد ضل يغلط على ثاني وكل شوي واحد منهم يريد يهجم وحجي عبود يصير بينهم لزمت ضهري متوجعه حاسه انضربت بشي انداريت
ولكيت ابراهيم بيده جكليتات يشمر بيهن على ناحيه نوح
ابراهيم انعل ابو انتا يالخايس
جوري ابراااهيم!
ابراهيم اشش سوي سكوت
جوري ترردوون تموتونه شبييكم
ابراهيم اش مابيسوي موت
لزمت راسي وكرم بعده يصيح ويسب بس يريد حجي عبود يوخر.
باوعت الذياب ساكت ذبلانه ملامحه وسليمان بس دموعه ينزلن خايف من صراخهم الحد ماتحمل بجى بصوت عالي
نوح سليمان
شاله ذياب مطبطب على ضهره طالع بي بطرمه ابراهيم سد الباب ودنك يلم جكليتاته
كرم مو احااجييك
نوح احترررم واكعد
كرم اانت وحذائي مستوعب
نوح لا اله الا الله جوري امشي كومي نرجع عمي عبود اذا ماتطررد ذولي كعده هنااا ماتصيرررلي
عبود بس استهدواا برحمن ومحد على بثاني.
نوح ماضللل هذا هوه جورري كومي جيبي ملابسج واني اخذ ابنه
ابراهيم ابن المقدم هوه
نوح انجب انت لاادحس كل قنادر بحلكك مجدي
كمت بسرعه لازمه نوح عطت بصوت عالي من كرم هجم على مطيحه بلكاع من قوه سحبته النوح اني اتشخطت ايدي وياه
خليت ايديه على وجهي خايفه اصرخ مارايده اشوفهم حجي عبود صار فوك كرم يريد يوخره من نوح ماكو
فتحت بين اصابيعي مصدومه على ضرب كرم القوي الدرجه دم صار على وجه رجلي
جوري عوووفه كرررم عوووفه.
جراه من شعره باقي نايم على وايد ثاني عاصر فكه قوي خازره هيله ماضلت خافت وراحت اني ركضت فاتحه الباب
جوري ذيااااب
جان شابگ سليمان منطيني ضهره من صحتله بس مال وجه بدون مايباوعلي
جوري الله يخليك وخر كرم من نوح راح يمووته
ضل بوكفته سمعت صوت حسرته عافني ويريد يطلع مشيت سريع صايره كباله طايح شالي نازل على ركبتي
جوري ابوس ايدك حاااجي لاتسوي هييج.
باوع بعيوني منتبه الدموعي شهكت وصدري يصعد وينزل سريع مامتوازنه انفاسي
وجه صار احمر من عصبيه وهوه يشوفني اطلب منه بلع ريكه داير وجه مني لزمت ايده اريد ابوسها جراها عايط عليه
ذياب شببلااج!
جوري نوووح شوفه كله مدمه
ذياب امشي مني واحمدي ربج مامفوت روحي بسالفه السكط
جوري حباب الخاطر سليمان
لزم ركبتي قوي فاتح عينه الحمر بكل حيلهن ضاغط على سنونه للحظه حسيته راح يضربني اني انكطعت انفاسي بس اباوعله بخوف
حجه بنتر.
ذياب مستوعبه شنووو ترررردين مني!
ماحجيت بس دموعي ينزلن من شاف قهري على نوح ودموعي شدد بقبضه ايده على ركبتي خانكني
حجيت بكوه وبصوت مخنوك
جوري ذياب.
سليمان اندار حاضن ركبه ذياب ويبجي خايف ومخلوس يباوعلي
طخ خشمي بخشم ذياب لافحتني انفاسه الحاره
ذياب تردين تزوجينه؟
بقيت اباوع البؤبؤ عيونه ماكادره احجي وعرفت مايدري بزواجي منه.
نزلت عينه يباوع الكصيبتي ذبلن عيونه طايحه دمعته عافني بسرعه متحرره من قبضته!
طحت بلكاع اكح قوي لازمه ركبتي اخذ نفس قوي صايرلي الم بگلبي قوي
ذياب گبل حاسبج طير المحنه تالي ماهزج الحنين اليه يبه.
باوعتله لكيته يفرك بعيونه فاقد توازنه
ذياب البيه صارن جثير، صارن جثير
حط سليمان بلكاع ومشى طالع بره البيت كله باوعت جوه بعدهم واحد يضرب بثاني ويصيحون اجت عيني على سليمان يرجف خايف
جريته حاضنته ضامه وجهي ب ركبته ابجي شامه بي عطر ابو
جوري كافي حبيبي اسم الله عليك لاترجف.
ضليت افرك ب ايده ماريده يرتعش هيج ولاينقهر اندارلي سليمان رافع ايده يشهك
سليمان اممه
شبگته قوي شايلته امسح على ضهره
جوري يلا هذا هوه ماكو شي ماكو شي حبيبي
دخلته جوه لكيت نوح ضارب كرم على وجه طالع دم من حلكه ونوح منخرط وجه بدمايه حجي عبود هم منضرب وابراهيم لازم ايده
نوح اكسرلك ايدك اذا بعد مديتها
جراه من ملابسه خازره
كرم تااكل خرررره والله طلقتين براسك وانهي حياتك خنيث.
عبود كررررم مامحترمني شنو كافيي فضحتونا بين جيراان
حسيت بهيله اخذت سليمان مني وراحت الغرفتها تسكت بي اني طلعت كاعده بطرمه على الكرسي عيوني راحت على الباب كمت اتمشى فاتحته
لكيته كاعد بسياره منزل جام وبيده اكثر من حبايه خلاهن بحلكه كلهن دفعه وحده فاتح بطل المي شارب
اني تچيت على الباب تعبان گلبي وههوه لازم راسه يفرك بي تا يدور وجه وشافني.
بقيت اباوعله اكل بشفايفي بخوف رامشه اكثر من مره هوه مد ايده على جهه سايق دايس دكمه رافع جامته حتى ماشوفه
نزلت راسي فايته جوه بهل اثناء طلع كرم صاير اعصاب وراه ابراهيم باوعلي يحرك براسه
دخلت عايفتهم لكيت نوح كاعد متاذي ويون من الم وجه وضربات على جسمه
نوح باوعتي للمطايه؟
جوري ليش سويت مشكله
كام يريد يضربني رجعت اليوره هوه استغفر
نوح صررت اني مسوي مشكله جوري هيج سويتيني
جوري تريد تضربني؟
ضل يباوعلي يهز براسه نافي
نوح لا كسر ب ايدي اذا انمدت عليج
تقرب لازم ايديه مخليهن يم شفايفه بايسهن كش جسمي موخره
جوري وجهك حيل متاذي
نوح خلي نروح
جوري لاشلون تعالج وجهك اول
نوح ماريد ابقى هنا دخيلج خلينه نروح
ماناقشت اكثر فايته الغرفه هيله لكيتها هيه وبنات كاعدات بلكاع وهيله مغطيه سليمان بشيلتها هوه حاضنها ب اثنين ايده ساكت بس دمعته على خده
جوري خاله ليش سويتي هيج؟
هيله ردت يشوف ابنه موعلمود شي صدكيني.
جوري تدرين ذياب مايعرف اني متزوجه نوح لو يدري شيسوي!
عسل شعليها امي بذياب متخطيج لو مامتخطيج؟
جوري لان جبرتهم يفوتون واني اصلا ماردت اشوفه يعني هسه مشكله شكبرها صارت ورجلي اتاذه وجه من وراج
ايناس شبيج جوري هاي صدك؟
ماجاوبتها واكفه كدامها ساحبه ابني من حضنها
هيله ححبيبتي ماقصدي عبالج قابله بعركتهم موشفتيني شلون خفت.
جوري ماكتلج قابله لو ماقابله بس من بدايه ماجان لازم تخلين ذياب يدخل جوهه ولاكرم وتعرفين زين ذول كرم وذياب يكرهون زوجي
رادت تحجي عفتها فاتحه الباب اريد اطلع
شكران مره ثانيه تحاجين ب امي باحترام
باوعتلها بطرف عيني اريد اسد الباب وهيله كامت بسرعه
هيله وين ترحين
جوري ارجع البيتي انبار شفت منها غير مشاكل؟
قبل لاتحجي سديت باب بوجه محترك دمي اخذت جنطتي معدله شالي ولابسه صايه طلعت لكيت حجي عبود يحاجي بنوح يريدنه نبقى
نوح تعبان والله بس بكيفك تريد هاي جوري وحاجيها
عبود اي جوريه تقبل ابقوا شعندكم
جوري لا ماريد ابقى نوح امشينه يلا
عبود ليش بنتي هسه اجيبلكم دجاجه من بره
جوري حجيت مارييد اريد اروح كافي
باوعلي نوح مستغرب من نبرتي طلعت كبله
جوري يلا نوح
طلعت ولكيت سياره كرم بعدها واكفه ونوح طلع مامنتبه السيارتهم.
نوح شبيج تحاجينه هيج
جوري اريييد اروح تعبت ماريد الانبارر خلينه نروح البغداد
نوح صاحبي جان جيرانه راح يودينه بس ماكتله هسه
جوري حاجي هسه
هز راسه رايح يدك الباب اني بقيت واكفه سليمان اندار يباوعلي
جوري ماتنام؟
حسيت طاكه روحي ماعرف شنو احجي ولا اعرف شنو اتصرف ومادري شنو صح والغلط
حسيت بطكطكه درت وجهي لكيت هيله واكفه بعيد طكطك ب اصابيعها ودموعها بعيونها تباوعلي.
رجعت وجهي مارايده اباوعلها منقهره منتبه الحجي الحجيته وياها ومتندمه غمضت عيوني لازمه راسي
كل مره اعود نفسي شي عودت نفسي بدون ابويه واتزوجت عودت نفسي اعوف اهلي وذياب واجي هنا وهسه دا اعود نفسي اعوف خاله هيله واضل ويه نوح
فتحت عيني اباوع للسياره لحد هسه ماماشيه لكيت ذياب يباوعلي والقهر بعيونه
جوري او يمكن ما اضن تعودت ونسيت الماضي.
كرم خخلينا نمشي خويه عش دحكلهم خيولون.
ذياب هذا ليش صوبها وين يريدون يفلون؟
كرم شعلينه بيهم عسى ما انحفر كبرهم خلينا نمشي
ضليت اباوعله يباوع الجوري لازم سبحته ضاغط عليها قوي متنفس بكوه
ابراهيم ايد مال انا سوه انشلال
كرم خلي يولي يندارلك فدوه
مسح على وجه يهز براسه يضحك
ابراهيم والله
كرم كافي انجب
باوعت الذياب وماحسيت الا ايده على كصتي غامني
ابراهيم غم بوجه انتا يالاثول
رفست ايده عاض شفتي خازره هوه ضم راسه.
شغلت سيارتي محرك سياره على جهه ثاني اريد امشي سريع باوعلي
ذياب حجيييتلك امشي؟
كرم ليش دحكلهم شعلييك بيهم قناص
ذياب عوفف سيارررره هييييج هذاا كواد وين ماخذهااا ويييييين!
وكفتها اطبطب ب اصابيعي على الستيرن متنهد
اجه نوح بسياره وياه واحد نزل ماخذ جنطه من جوري وراحوا يصعدون
ذياب فتح الباب يريد ينزل لزمته
كرم وين
ذياب لك اخذهااا
كرم عوفهممم كافييي ذياب
ابراهيم اطلع اطلع نمشي لاتسوي اهتمام اللشطب.
دفع ايدي يريد يروحلهم نزلت بسرعه وراه ماملحك على ضرب على سيارتهم خازرهم يعيط
بصوت راجهم
ذياب انزللل كلبب وين تريييدد تاخذهاا!
كرم عوفهم اني احجي ويااه
ماستمعلي رايح بجهه نوح وهوه قفل الباب
ذياب انزلل يللااا
يريد يفتح الباب على ونوح قافله ياشر للسايق يمشي راح ذياب على جهه جوري فاتح بابها جارها من ايدها
نوح مرررتي
كرم ذياااب
عاطت جوري خايفه لازمه سليمان قوي ذياب دفع الباب برجله.
ذياب هيج يلا تكدر تمشي سكط وحك السواك احفر كبرك واشوي راسك اذا تتگربلهااا وتجي صوبهاا مستوعب!
جوري عوفنيي
نوح فتح الباب نازل
عوفهممم والله اشتكي علييكم
جوري تريد تروح وذياب لازمها قوي سحب سليمان منها
جوري اااببني
نوح اخذ ابنك ورووح يلاا
سليمان فرفح من بجي خايف اخذت سليمان منه وذياب يهز براسه بتوعد
نوح جوري اصعديي خيولي اني اجيب ابنج واعرف شلون اتعامل وياهم
جوري لااا ماررروح اريد ابني سليمااااان.
نوح راد يلزم جوري يصعدها وذياب دنك شايلها على ضهره
جوري ذياااب!
ضليت مصدوم هوه مشى عايفنه نوح راح وراه يريد يلزمه ضليت محتار شنو اسوي وجوري تضرب على ضهر ذياب تريده ينزلها
كرم ذياب مايصير هيج
نوح جيبهااااا والله احبسك بلسجووون يلمقدم
ذياب اشرلي استغفرت مخلي سليمان يم ابراهيم نزل سايق وياه نوح من شافني متوجههله
جوري نزلنييي.
لزمت نوح مامخلي يروح وراهم ضل يرافس محترك دمه عارف سالفه ذياب تودينه بمشكله بس مشيت بكلامه
صعدها بسياره وراح الناحيه سايق صاعد هيه رادت تنزل وجراها قافل باب
ضليت اباوعلهم بكوه لازم نوح من اثنين ايده ابراهيم صعد وياهم غمضت عيني من انضربت من سايق
جوري صدك تحجيييي انت مخبلل!
شخط سياره رافع جامات عاكد حواجبه ضربته على جتفه
جوري خبلل
ذياب كافي بويه.
انداريت السليمان لكيته بحضن ابراهيم رجعت اباوعله فاتح قفل اريد انزل صار صوت سيارات وهورن سحبني ساد باب
عاط بوجهي
ذياب انهبلتي؟
جوري عووووفنيي شبيييييك حرااام شهل سوالفف
ذياب مو اول مره انسوي حرام
دار وجه مزود سرعته طحت على الكشن وگلبي يدك سريع خايفه
جوري وين ماخذني
حط سبابته مأشرلي
ذياب اشششششش
جوري والله حرام مايصير لاتسوي هيج برجلي الله يخليك اعتقني كافي
حجه وگلبه محترك.
ذياب حرام بس عليه وعلى الغااد الكلب لا ابددد مومشكله موحراام موو
باوعت السليمان يبجي انفطر گلبي مديت ايدي
احاجي ابراهيم
جوري جيبه
سحبني ذياب مكعدني
اجني بمحلج خلي الزعطوط يمه
جوري الله ياخذذك ياحقيررر احجيلك ماريييدك ماتفهم شبييييك
ذياب ههساع اني الميت عليج
جوري جااا هذا شنو شجاي تسوي متكلي
ذياب على ابني اني اريده ماخليج تزتينه ب احضان ال مستوعبه
جوري التفشر على اشرف منك
ضحك بصوت عالي وسكت خازرني.
ذياب ضحكتيني والله
جوري سم سمم ان شاء لله سمم الا فد يوم احطلك سم واسممك يامسموم
ذياب تسممني بت الخره
جوري لاتسب امي زمال
ذياب اليصنتلج ميته على امج اشو سنين زاتتهم ولاسأله عليها
جوري معليييك ب امي ومعليك بيه عوفني ارجع النوح
ذياب لاتخليني اسكطج انتي ونوح كافي تعبان ومابيه احجي
جوري تعبااان وكل هل مشاكل لو صاحي شتسوي
باوعلي بطرف عينه عاكد حواجبه
ذياب تعرفين شنو اسوي لو صاحي.
لزمت راسي مامستوعبه الجاي يصيرلي ضميت وجهي ابجي
ذياب ابجي ابجي، ياهوه كلج عوفيني وتتندمين يامصكوعه
جوري ياهوووه باجي عليك راح اموت ولكم نزلوووني
ضليت اضرب على جام اسمع صوت ضحك انداريت ولكيته ابراهيم
جوري جيب ابني انته ابو المزروب
ذياب ضحك يمسح بلحيته باوعتله ضايجه
ابراهيم صح اني زارب شكثر ناس خايس مثل انتا شنو انتا بيسوي عود معاير؟
ضليت اباوع الذياب منقهره كبل هجمت على لحيته جارتها
جوري اشلعهاا هااا.
ذياب هااا يول ولج زيحي انهبلتي
دفعني طايحه على جام
جوري اني مخبله من يوم العرفتك بي
ابراهيم اريد يصير شيخ مال عشير انا
جوري اكلخره كهوجي مايخلونك
ابراهيم لاتسوي غلط واجد ترا ابن اثول مال انتا يم انا
جوري انت اثول لاتحجي على ابني
رفع ذياب عيونه يباوع بلمرايه
ذياب تحجي على ابني ولك
ابراهيم لا كملو مشكل اني يسوي تفكير بشيخوخه
جوري هوه ياهوه واجه صار شيخ
درت وجهي فاير دمي اطكطك ب اصابيعي هوه باوعلي بطرف عينه.
ذياب اشو احس كلامج تكصدين احد؟
جوري اي ابوك
رفع حاجبه عايف الستيرن مورث جكاره
ذياب وشنو بي شيخ فرج لج
جوري ابو نسوان
ضحك بتلاعب خاطفلي نضره سريعه
ذياب الشرع حلل اربعه شنو بيها اذا اخذ امج؟
جوري اتزوج امي! مارييد اشوفكم روحوا اطلعوا من حياتي ماريد لاتوديني الامي ولابطيخ متبريه منكم كلكم رجعني النوووح
ذياب سكط هل صوت لاتعلينه ياهوه حجالج اخذج الحرمله
رجعت اضرب بجام
جوري ياناس ياعالم ساعدووني ذول خاطفيني.
حط ايده يكح
ذياب كافي يبه الطفل تا يبجي
جوري منك غيرر سوالفك مال مخابيل
وكف سياره فاتح الباب مطلع راسه يكح جر بطل المي شاربه كله يمسح على گلبه متاذي
استغليت الفرصه فاتحه الباب هوه لزم ايدي بسرعه
جوري عوفني مارييييدك
ذياب اذا مشيتي صدكي مادحكين الابنج بعد
فتحت عيوني منطعن وجهي
جوري الا ابني ذياب لاتصير اناني هيج
سد الباب شامر جكارته جارني حيل.
ذياب لا اناني واكدر اخذه منج بالاكثر وره سالفتج سويتيها وتعرفين شنو هيه
ضليت اباوعله ساكته عاف ايدي بنتر مكمل سياقه
ماتحملت خليت ايدي على وجهي ابجي
ابراهيم سوي سكوت الطفل مال انتا بي خوف
ماسكتت باقيه الوضعي هوه طبگ على صفحه جار ايديه قوي من وجهي
ذياب ليش هلل بجي ليش
جوري عوفني وخر
ذياب لا اله الا الله، بيج شي انتي؟
ماجاوبته دايره وجهي نازلات دموعي
ذياب صوبه ماتبجين
جوري لان ماماذيني مثلك.
ضغط قوي على ايديه لازمهن عضيت شفتي متوجعه من قبضته عافني
ذياب حجيتلج هساع تردين تمشين اله امشي بس ابني يضل گرباي لاتحسبين ازت سليمان يمج وانتي كاعده وياه الكلب
كلشي ماحجيت مرجعه راسي على الكشن ماعارفه وين يوديني حجيت واني اشهك
جوري وين توديني؟
مارد مرر الوكت وصار هدوء انداريت لكيت سليمان على جهه جام مخلي ابراهيم بحضنه وساكت وابراهيم يغفي
ردت الزم ودفعني
ذياب ضلي هيج ماتجيسينه
جوري ابني تره شبيك.
ذياب حتى لو اعرف ابنج
جوري ااكرهك ياحقير
طلع جكاره مورثها وبكوه يدخن ويكح عبالك يجبر روحه على جكاره
خليت ايديه جوه حنجي وهوه داس مشغل بتلفونه على صوت وسمعت موسيقتها
كبر حبي وملا گلبي صرت دنياي كلها انتَ شمعه ونورت دربي وهواك كل درب شفته.
باوعتله هوه منتبه بطريقه باقي عاكد حواجبه ومضيك عيونه يدخن بجكاره عبالك هواه ويشتمه
بقيت استمع للاغنيه راجعتلي ذكريات كلها وصل للمقطع.
هلك والعاذل يريدون واني وياك راده نريد وحجي الناس مرمرني وخلاني كصير الهيل
جوري نوح مايسكت
ذياب يصيبه مرض شنو اسويله؟
جوري رجعني
ذياب بمزاجج افر سياره هساع وارجعج؟
جوري ابني وياي
ذياب ماكو
عطت منهاره
جوري موبكيفك
ذياب اششش زعطوطج نام
انداريت سليمان نايم باوعتله بتوسل
جوري ذياب اموت بدون سليمان
ذياب عش هل خوف ماطولج تزامطين ب نوح؟
جوري لان ادري بيك شنو واعرف زين كل التريده يصير الك.
ذياب ياهوه حجالج كل الاريده صار الي؟
جوري مبينه ذياب انت ضابط وشرطه ومن ابوك شيخ معارفك اهواي نوح ابو وماكو مادري وين رايح خطيه ماعدنه احد وتعبان هوه طبيعي انقهر ماشفت كرم شلون ضربه انقهرت حيل يعني تستقون علي؟
حجه بغصه متجاهل كل كلامي
ذياب بس اني ردتج
باوعتله هوه وكف سياره مطفيها منزل راسه ذاب نفسه
ذياب بس صرتي اله وتردينه
جوري ركز بكلامي
ذياب ياهوه حجالج مامركز؟
گلبي ميت بيج جوريه
جوري بعد طلكنا.
ذياب كسرتيني جثير هيج استاهل تسوين بيه يبه؟
جوري اانت سويت بيه اكثر
كزبر جسمي على ملمس ايده الخشنه لازم خدي يمسح ب ابهامه عليه
ذياب مو نتراضى شما يصير بينه ينزاح زعل كله مايجي بالج ايام من إلى واجب وكعدنه بلبيت بغداد موماتنامين ليله الا بحضني ها بويه؟
اريد اوخر ايده ماكدرت بس الغصه احتلت بلاعيمي مختنكه
عيني اجت على ابراهيم وسليمان نايمين توترت ماباوع العيونه
ذياب وبطيحتي ياحمامه تردين طلاك؟
همهم يريدني اباوعله رفعت بؤبؤ عينه لكيت وجه بهتان يريد مني جواب
جوري وخر ذياب
ذياب موگبل تحجين سيدي؟ لو طبرجي راضي بيها بس لاتسوين هيج
اندحست كلشي بلحايط محتره رجف جسمي مغمضه عيوني بسرعه حاسه بوسته على خدي
يهمس
ذياب احجيها جوريه، حتى لو بس هل مره
حصرتني البجيه هوه يحاجيني ويتوسل احجيها
ذياب بس هل مره احجيها سيدي يلا يبه بداعه حمامتج
همست بصوت ناصي
جوري سيدي.
سكت الثواني فتحت عيوني لكيته مغمض وجه قريب عليه متنفس اعتيادي عبالك روحه رجعتله
استوعبت قربه مني دفعته من اچتافه دايره منطيته ضهري شابگه ايديه سويه هوه ضل يردد
ذياب قبضتي روحي يول. قبضتي روحه للقناص ياصيده
گربي الج ذنب، و اول مره اعشگن ذنبي
صگعتيني وحك السواج ياگلبي
خليت عيني بعينه لكيت عيونه محمرات باوع السليمان
ذياب وهوه روح گلبي.
افتهمت ليش جان يصيح السليمان روح گلبي
جوري ماراح ترجعني؟
حط راسه على الستيرن يباوعلي
ذياب هيج كارهتني ومايرف گلبج؟
حسيت بدمعتي نزلت مسحتها بسرعه منلچم گلبي واني اشوف حاله المتبهذل ومن اخذني عرفته تعبان وبس يدخن ضايج بس مايبين
شلون اكله حمامتك اتزوجت؟ وحرام تضل يمك
ماحجيت هوه شغل سياره ودخل للديره
جوري ليش لحيتك طويله؟
ذياب مامدوام
جوري لايعاقبونك
ذياب تخلين بالج عليه جوريه؟
جوري موهيج، بكيفك معليه داوم مداوم.
ذياب كسرتي الاولى بيج اتعاقبت لان مامشي الدوامي وكسرتي الاكبر، اخذ نفس وزفره، بنتي
جوري الله يرحمها
ماحجى شي واني انتبهت الديره نفسها بيها بيتهم ضليت اعضعض بشفايفي متوتره حاسه گلبي طلع من مكانه واني بلحظه وحده رجع ماضي كلها وبرجليهة!
ذياب من دحكتلج تردينه ردت اجنزج
ورث جكاره لخ يباوع الراسي قصده على شعري
ذياب بس غفرلج عكد الظفيرة.
عدلت حجابي.
ذياب حاجيها كبل واحجيها كل ما اعصب عليج من عشكي الج ماريد تغلطين ولا اريد تصيرين الغيري...
بس ماعرف شطبه راح تخليني اغلط همن
جوري اني؟ بشنو خليتك تغلط
ذياب يايوم ابوسن مره مو حلالي
وكف سياره كبال البيت ضليت كاعده واكل بروحي مماريد انزل
نزل وفتحلي الباب اشرتله هازه راسي نافيه دنك حاط ايده على كشن رجعت اليوره
ذياب يلا شطبه.
جوري مرتك لاتشوفني
ذياب موهين
جوري ججا وين
ذياب يم اهلها وماصارت مرتي بعد.
مافهمت هوه ضل منتضرني انزل
جوري ماريد حباب رجعني
ذياب ماتبطلين عنادج
جوري مو اني العنيده انت
ذياب اني؟
جوري ايي شكو شي ماريده الاتسوي وتكول عنيده
ذياب صار شنو تردين هساع
جوري ماريد هنا
ذياب هذا هوه
باوعتله هوه ابتسم كارص خدي ساد الباب لزمت خدي رجع صعد ومشاني مسافه وكف سياره
جوري شسويت هسه
ذياب غيرتلج البيت
جوري شنو؟
نزل داك الباب ضليت اباوع مستغربه اشرلي انزل
مانزلت دايره وجهي
جوري اني شلون هسه ار...
باوعت بسرعه على فتح الباب ولكيتها جاه شهكت فاتحه الباب بسرعه نازله هيه رادت تسلم على ذياب من شافتني سكتت
جوري جاااه
ضلت صافنه مامتحركه ومامصدكه اني كبالها
مشيت سريع فاتحه ايديه حاضنتها قوي هيه بس فاتحه عيونها ماترمش ولاحضنتني
وخرت راسي اباوعلها لكيتها تبجي
جاه جوري
جوري مشتاقتلكم اهوايه
ذياب ياهيه كبل شويه عاكده الننونه ماتريد تنزل؟
جاه وين جنتي.
سحبتني حاضنتني قوي طحنه بلكاع اثنينه وذياب يباوعلنه مرسومه ابتسامه على شفايفه
رمله شكو اسم الله
شافتني وعاطت طاكه روحها
رمله يييمه ييمه جوررريه
فز سليمان على علو صوتها يبجي رفعتني حاضنتني من قوه حضنها حسيت راح ادخل بضلوعها
ذياب اهخ بس
باوعتله كاشه روحي حط ايده بجيوبه رايح يجيب سليمان امي ضلت حاضنتني وتحاجيني مشتاقتلي وشلون اتمرضت بدوني والبواجي مني ومن جاه ومن امي.
رمله مردتي گلبي بنتي حبيبتي سامحيني ياروحي
اخذت ايدي تريد تبوسها ماخليتها مستغربه شلون وضعها وضعفانه حيل صايره صغيره عكس قبل مبينه ضخامتها
بجيت فوتوني جوه مكعديني صح بالي يم نوح بس حسيت نفسي طايره من فرح من شفتهم كل خوفي راح
دخل ذياب بيده سليمان وابراهيم ماكو
ذياب وهذا وليدي سليماان
امي ابتسمت مصدومه راحت بسرعه شايلته تبوس بي ههوه مستغرب بس ساكت يباوعلي يريدني.
رمله افيش حفيدي فدوه لالله عود صدك هذا ابنج بنيتي كبرت وصارت ام
ابتسمت كاعده جاه اجت حضنتني مخليه راسها على چتفي مرةة فوك ساعتين واحنه كاعدين نعاتب ونبجي وشوي ونضحك ويه سليمان من حركاته
ذياب راح وبعدين رجع بس مبين مو على بعضه كل شوي يجي اتصال ويخابر لو يجيب ادويته ويشرب لو يدخن
كعد على الكرسي لازم راسه مغمض عيونه
رمله ذياب حبيبي بيك شي
باوعلها مبتسم بتعب
ذياب لاتعبان شويه.
رمله عرفتك راح ترجعها رادلك بوسه
جوري شنو يمه
ذياب ضحك مبينات غمازاته جاه ابتسمت تباوعلي حاجيه بصوت ناصي
جاه من ماتت بنته وهوه ماضاحك
ماحجيت خليت ابني يم امي تسويله اكل وجاه انطتني ملابس فتت للحمام سبحت وطلعت داخله الغرفه جاه لكيتها ماكو
فتحت جراره صغيره لكيت بيها مشط كريمي
سرحته ماخذه واحد من عطورات راشه منهن ناحيه ركبتي.
ضليت اباوع الروحي بلمرايه قاسمه شعري اريد اظفره وانفتح الباب باوعت بلمرايه ولكيته واكف
درت كل جسمي بسرعه هوه سد الباب متقدم
جوري اطلع
ماستمعلي يمشي وبؤبؤ عينه مركزه عليه وكف كبالي رفعت راسي خازرته
جوري رروح شبييك مايمي حجاب
مد ايده لازم شعري موخره وره اذني مقرب راسه مستنشق عطري بقوه
ضغطت على ملابسي ارجع اليوره وهوه يتقدم بخطواته يشم بيه
ذياب مشتاك الكصيبتج وحك ريشات گمرهم.
عفته راكضه طالعه بره الغرفه مخليه ايدي على گلبي باوعت الايديه بيهن مثل حبوب صغار طالعات من كزبره جسمي
جاه شبيج
جوري تسويلي ظفيره؟
ضحكت مأشرتلي اجي كعدت
جاه ماجايبه مشط
جوري مسرحته بس اظفري
جاه تدلل خيتي الحلوه
جعصت خدودي بايستني ابتسمت وهيه بدت تظفرلي شعري
جاه هيج تنسينه شلون عشتي هناك بغربه؟
جوري مابيه حيل احجي والله
جاه براحتج بعدين عود
ذياب طلع من غرفه رايح بره جاه رفعت حاجبها مستغربه.
باوعتلها وهيه ابتسمت معدله راسي مكمله تظفر شعري
جاه مشتاقلج اهواي هوه
جوري جذاب
جاه ياجذاب دباعي لحيته رجال حتى دوامه عافه شسويتي بي
جوري من بنته الله يرحمها مو اني
جاه ها تعرفين ببنته
جوري اي
جاه صح من بنته بس هم منج مو نوف تحجيلي واني اروحلهم اشوف
جوري شعندج رايحتلهم؟
جاه ماتدرين انتي علاقتنه قويه وياهم بالاخص
شاورتني
جاه امي وعمج
جوري هلووو
ضحكت مخلصه ظفيرتي
جاه تردين گيتره؟
جوري اي گيتراتي نسيتهن بلحمام.
مدت ايدها يم برده جاره گيتره فاتحه شدتها وشدتها بكصيبتي
جوري هاي بس انتي گيتراتج هنا
جاه احتاجهن بكل مكان مخليه
سمعنه صوت ضربه هيه فزت تباوع سمعتها استغفرت بصوت ناصي
جوري شكو
جاه هيج هسه اجي
جوري امي وين
جاه بغرفتها جاي تصلي وسليمان يمها
جاه راحت صاعده فوك اني مشيت وحده من غرفه لكيت بابها مردود مديت راسي ولكيت امي كاعده مخلصه صلاه بيدها سبحه ولابسه چادرها.
تباوع السليمان وتضحك ملبسته سبحه وهوه عاكد حواجبه يريد يوخرها يضرب عليها
رمله ها ضجت منها
باوعلها يرفع بحواجبه حاط طرف سبحه بحلكه يعضعض بيها
رمله يايمه فدوه
جرته تبوس بي ابتسمت رافعه عيني واجت على صوره ابوي مخليتها على جهه جبيره ومن جام لابس دشداشه وشماغ ابيض
بهتت ملامحي باقيه اباوع للصوره ابويه رفعت ايدي ملوحتله احجي بيني وبين روحي
جوري شلونك بويه. مشتاقتلك. شفت حال بنتك هسه؟
جاه.
صعدت فاتحه باب سطح داخله وسديته لكيته واكف
جاه موكتلك لاتجي بعد شبييك صدك تحجي ابن فرررج؟
فلاح اني مو ابن سكط
جاه رروح فلاح
كعد على جهه بلكاع رافع رجل وحده مقربها يم صدره مخلي ايده على راسه
جاه روح
فلاح تعبان
جاه ليش شصايرلك؟
طبطب على كاعيه يريدني اجي اكعد رحت مسافه بيني وبينه كعدت بلكاع حاضنه رجليه
جاه ها يلا كول شبيك
باوعلي ثواني وكام ضحك مغمض عيونه
جاه بدت سوادين
ردت اكوم وجر ايدي
فلاح اكعدي عليج الحسين.
جاه تعرف الامام الحسين انت
فلاح مدحكلتي مسودن لو ملحد
رفعت اصبعين مني مأشرتله معناها اثنينهن
فلاح
جاه لايصير السانك زفر فوك مامكابلتك اكول خطيه مراهق
فلاح خوش احسبيني مراهق بس اكعدي
جاه انت مرافق
خزرني ضاربني على رجلي رفسته على بطنه كام يضحك بصوت عالي
جاه لاتموتني احجي يلا و ولي
فلاح نفسيتي تعبانه جاه نفسسيييتي
جاه طبك طوب جا شسويلك
فلاح بت ام زلم شنو شتسويلي زتيلي حل من حلولج.
جاه روح بجيم تلعب رياضه وعضلات غير؟
رفع مقدمه حواجبه شعره مبلل نازل على كصته
جاه ها شبيك؟
كام ذاب قبوط مالته شامره عليه كشيت شامرته
جاه اييي شنيه
انطاني ضهره رافع ايده ضاغط عليه مشوفني عضلاته
فلاح دحكي دحكي عضلات ابن عمج
جاه كام ينفخ شيفشه بعددد
فلاح ههههههههه لاصدك دحكي مو كسرتي مشاعري مامبينات
جاه غير لابس قبوط شخثنه وين اشوفهن بس مبين من راسك هل كبره
كعد متربع بيده رافع شعره اليوره.
جاه وين الخمسين الف مالتك
فلاح راح تبجين؟
جاه لاجيبها اريد اشتريلي شي وامي ماعندها فلوس
طلع من محفضته ميه الف منطينياها شمرت وحده منهم عليه
جاه اني مو طماعه
فلاح رجلج المصگوع وينه
جاه يريد يجيني
فلاح تنحسبين مطلكه مو؟
جاه لاليش؟
فلاح شكثر مهاجرج شنو سالفه
جاه اني شيعيه
فلاح وذا؟
جاه عدنه عادي ابقى على ذمته
فلاح ها
جاه يلا روح
فلاح والله موتيني بهل كلمه دكافي عاجبتني كعده هين
جاه انت بعد اسميك خفاش.
ضحك مهتزه اچتافه رافع حاجبه
فلاح ليش ولج
جاه اربعه وعشرين ساعه على سطوح وكله لو مغرب لو ليل
اتمدد شابك ايده سويه مخليهن جوه راسه
فلاح مو جم مره اجيتج بنهار
جاه شو تمددت
فلاح هساع بيت الخلفوج دخليني، وصدك مبارك جوريه اجتكم
جاه مماعندك شغل وعمل بس تراقب بينه
فلاح عجل شنو اسوي غير اراقبك بسبسي
جاه ايع
فلاح الحضر اذا ضل اموتج
جاه ماشيله اريد احضرك بلواقع هم مو بس بلمواقع
نام صفح مخلي ايده جوه راسه
فلاح دناوشيني.
جاه شنو
رفع حواجبه ياشرلي على قبوطه ضليت اهزهز بحواجبي
فلاح ههههههههه
جاه والله ذبحتني بحواجبك ماتحجي كل ماهاي وهزيت حواجبك
فلاح لاوالله ضايج شبلاج ماتصدكيني لاتضحكيني
جاه عمي اني ضايجه
فلاح ااختج صوبج وضايجه؟
جاه اي صح فرحانه بيها بس من شفتك تشائمت لان انت فكر
غماني رديتله الغمه
فلاح على امج بس تغمغمين
جاه شحلاتني واني مثل امي اشو ابوك ميت بيهها
فلاح ابوي سكط ممايحب بس
جاه اي كمل؟
مسح عيونه مبتسم انتبهت الايده يسار بيها اثر حرك رغم شبه ضلمه بس واضح
جاه شبيها ايدك؟
فلاح ها تسمونها چويه؟
جاه اي حرك
فلاح اي من كبل هايه
جاه بس واضح اثرها
مديت راسي اشوفها اوضح هوه نزل ملابسه داير وجه كايم
جاه ركبتك هم بيها اثر
فلاح ماعندي نسوان
جاه مو مال نسوان ادبسز مال جرح
فلاح هههه ادري بويه بس لاتثبتين عيونج عليهن وزيحيهن من بالج
جاه ليش؟
فلاح سوي روحج مادحكتيهن بيه.
جاه ليش بيك هل جروح؟ اهواي ملاحضه ممره جنت لابس قبوط ونزعته لابس فانيله انتبهت بدايه ضهرك على ركبتك هم اكو
سكت بالع ريكه مايلت راسي مهمهمه
جاه ماتحجي؟
فلاح كبل ذني
جاه اي منين شنو ليش هيج اهواي متعور وكل جرح مبين شعقمه جان
فلاح ابويه
جاه عمي فرج؟
مسح على شواربه ساكت انصدمت جايه يمه
جاه ليش؟
فلاح جثير هنه بس منهن مال ضهري وچويه من سجن
جاه سجن؟ شنو سالفه
فلاح بوكتها سويت سالفه وعاقبني جاب وادم عليه يطكوني.
جاه شنو؟
غمض عيونه بالع ريكه مكور ايده
فلاح زتوني حجولي احدر و سكروا عيوني مادحك الشي
انتبهت الايده صارت ترتعش عركان حجى مخنوك
فلاح طكوني جثير على ضهري واحد منهم بالي مايزيح طكاني بلحديد لحد ماغشيت
فتح عيونه صايرات حمر اندار منطيني ضهره وكام ذاب فانيلته فكيت عيوني من شفت الاثار وندبات
كل جرح على طول ضهره وعلى جهه من جسمه صاير خياط درت وجهي بسرعه لعبانه نفسي
فلاح لعبت روحج
جاه لاا.
فلاح عادي شنو سالفه واضح عليج
لبس فانيلته كاعد لابس فوكاه قبوط مالته
فلاح مادحكين دوم البس جثير
جاه ماصدك عمي فرج هيج يسوي
فلاح لا هوه هيج عصبي مادحكين كل سلف حاسبيله الف حساب ويجبر على كلشي وكل يريده صاير مايصير احد يعارض كلامه
جاه زواج ذياب منهم؟
فلاح مو بس اختج جبره زواجه الاول من هاله همن جبره وعذبه لان ماقبل بس من اخذها شويه شويه حباها
جاه مايصير هيج
فلاح عندي اخو تعرفينه سمير؟
جاه اي بس قليل اشوفه.
فلاح اي لان ماكمل دراسته موزين بدراسته هوه ف خلاه يشتغل عماله
جاه زين
فلاح لاموزين سمير عمره بوكتها 14سنه بس ويكعده من الاربعه الفجر بلبرد اليصكع صكع ويطلعه ومره انزت من طابق ثاني راد يموت لوما ودام موجوده بوكتها وكاضبينه بس همن حجى على وخلاه يكمل شغل
جاه وانت سويت حتى هيج خلوهم يضربونك
فلاح بوكتها طفل اني وغلطت بس هوه ماتفاهم وسوه هيج
جاه اي شسويت؟
كام بسرعه مامجاوبني.
فلاح طكاته اليه خلتني اطلع من دربي الدرجه اتز...
سكت مامكمل كلامه
جاه اتزوجت؟
فلاح لااا راح امشي
جاه خوش
كمت منكته نفسي ههوه لوحلي بمعنى باي ابتسمت مأشرتله
فلاح الحضرر
جاه ماشيله
غماني ضحكت وغميته نزل انداريت فايته جوه ساده باب سطح
جوري عفتهم ماخذه حجاب من جاه ورحت توضيت كعدت بغرفتها بديت اصلي خلصت صلاه ورفعت ايدي ادعي
طلعت اصابيعي مسويه تسبيح الزهراء فتحت عيوني متنهده بالي يم نوح
جوري شجاي يصيرلي اني.
سمعت صوت دكه تلفون كمت واجت جاه ماخذته
جاه ها نوف، شنو!
جوري شنو شكو
جاه ليش بلمستشفى
انهبطت جايه يمها اريدها تسد تلفون وتحجيلي
جاه وثاني ليش اخذواا للشرطه شكوو نوف!
اندارينه كلنا على دكه الباب سامعين صوت شرطه.
نوح جوري افتحي الباب.