رواية عكد الظفيرة للكاتبة زينب جعفر الفصل الثلاثون
شافني ركز بعيوني منزل ايده...
جوري ذياب
رمله انجبي لج وانتَ امشي يلااا
ذياب طبگ سيارته على صفحه امي جرتني قافله باب من ناحيتي وناحيتها
رمله سايقنه اقفل بابك
سايق خويه شورطتيني
جوري نزلللنيي
رمله انجببب، احم ي انجبي
نزل ذياب وراه ضرغام باوعت الامي تبلعم تخوزر بذياب
ضربت على چتف سايق
رمله هذا مخبل اقفل بابك وچفي الشر
سايق يچفي شر من انزلكم
رمله عابت
ذياب من جام كور ايده ضاربه على كيفه رافع حاجبه.
ذياب حرمله عش هيج ماتربزين بمحلج ها؟
رمله شكال؟
جوري ذياااب
رمله كافي انتي ذياب وذياب شكال منو حرملله؟
السايق نزل الجام ذياب چتف ايده يباوعله
ذياب تزتهم لو افجركم كلكم بشاجور
سايق عدل شعره صفح يباوع الذياب رافع ايده وساد على اصابيعه ذياب نزل عيونه مركز ب اصابيعه حجى ويحرك ب ايده.
سايق ابني على باب الله همه رادوني وصعدتهن شنو عرفني الكم سالفه وياهم يعني ها شنو عرفني خلوني امشي بدربي احسن شي والله ماسبب اذيه وماكول الاحد رميت بس خلوني اكمل باقي الكراوي ياتنزلهم وياك يا تعوفنه وبكيفك بعد انتَ
ذياب دار وجه محرك راسه دايخ رجع انضاره عليه
ذياب لا نزلهم يبه مايضلون هين
رمله بكيفك انتَ شني
ضرب على سياره اكثر من مره مأشر يحجي ويكح
ذياب يلا يلا، يلا
رمله مانننزل لو تضرب راسك بسبع حيطان.
ذياب وحك السواج ب اول سيطره تلاكيني نززللهم انتَ
سايق استهدو برحمن شنو سالفكم
جوري ماما عوفيني
امي فتحت عيونها عليه ضاغطه قوي على ايدي سكتت مجتمعات دموعي اجت عيني على ذياب يباوعلي مبتسم لان اريد انزل
جوري ايدي
انتبه ضيك عيونه مد ايده يضرب على كيفه
ذياب عوفي ايدها حرمله
رمله اني حررررمله!
ضليت اباوعلهم مادري شسوي وسيارات تفوت سريع الا دقايق وسمعنى صوت هورن عالي
ضرغام اجه ابويه.
ذياب رفع راسه منتبه للسياره وشافه جاي مطلع ايده من جام لازم سبحه لونها ذهبي
ذياب استغفر الله دحك حاجي لو جنازه ما ازيح من هين
رمله ما انطي بنتي لو ما فرج يجي اكبر واحد مانطي.
تنهدت اني لازمه راسي متألمه منه ومرة نصف ساعه واحنه راجعيين للبيت ذياب يطكطك بجداحه يريد يشغل جكاره واني بنص ورمله يم جام عاكده حواجبها طالعه عيونها من عصبيه
عمي فرج كدامنه يسوق ويضحك كل شويه يباوعلنه
فرج ههههههههههه.
رمله قروده كدامك كل شويه مندار وتضحك
ذياب جان منتبه ويه جداحه سمعها گبل باوعلها فاك عيونه على حيلهن
جوري مامااا
رمله اشش انتِ
سكتت واني ارمش اكثر من مره دايخه انداريت الذياب بعده يريد يشغل جداحه ضايج حاط جكاره بين شفايفه
ذياب يبه هي ماتشتغل
فرج ماعرف بيها ابني لاكيتها هين
ذياب خرابه هايه
خطفلي نضره سريعه شافني اباوع على ابتسم مبينه غمازته لزم حنجي وخر جكاره بايس خدي
امي انتبهت ضربت على فخذها.
رمله يااا يااااا شوففف شلووون فررررج
فرج ياطلابه حتى شباااج مانزله بعد من صوتج
رمله شوف ابببنك شوووف المستهتر ابن المستهتر
فرج مو مطلعج بسيارررتي احترمي روحج
ذياب حررمله
باوعتله امي وعيونها حمر ضايجه ذياب ابتسم حاط اصبعه على شفايفه
ذياب اششش
رمله لك انعللل امهاااتك اربببعتهم
جوري شجاااكم والله انزلل
ذياب اسكتي
رمله اشش نامي
جوري ماريد اناام دوختوني
فرج صوتج عمو
سكتت خجلانه.
رمله لاتعتبررريهم عمامج ذول وهذا هذااا مو رجلج
رادت تضربني ذياب لاف ايده على چتفي جايه ضربه على ايده
ذياب عوفيها شبلاج؟
رمله فرررج بنتي اطلكهااا اطلكها ومانسى خيانتك اليه
جوري خيانه!
ذياب لااا مو البالج، حرمله تثقين ب احد متزوج ثلاثه؟
رمله لااا اني صوووجي ثقيت بيكم كلت اخذ بنتي وترتاح منك
فرج هدي يامره
رمله ماااهدي شبييكم عليه ترا بنتي اريدها
ذياب اني رجلهاااا مايصير تفرين بيها واني ماعرف.
جرتني قوي من ايدي مخليتني عليها عضيت شفتي حاسه وجع قوي ب أيدي رجفت ضامه وجهي بملابسها باجيه بدون صوت
رمله اذا ماكدررتوا تحنون على هل يتيمه اني امهاا واحن عليها واصبرولي حتى حصه ماتوكف بوجهي
ذياب جوري؟
رمله لاتحاااجيهاا عوفهاااا
تنهد بنفاذ صبر داير وجه يباوع من جام الحد ماوصلنه رادت تنزلني وذياب ماقبل امي كامت تحجي وفرج مايخليها
فرج هساع اصبري واربزي الزلمه مايرضى مرته هيج تفوت.
رمله وذااا نزلت هيج شنو يعني
فرج هي محجبه تره تا تسوين ماتحاجيني
رمله معلييكم خليتوا بيها محجببه انتو
اجه ذياب طالع من بيت وراه هاله لمحتها واكفه مخليه ايدها على گلبها نزلت راسي دايخه اكثر ولعبانه روحي
نزلتني امي وذياب مشى سريع صاير مقابيلي لاف عبايه عليه مغطيني
رمله عوفهااا
ذياب اعوفها بس خلي بالج هيه مرتي.
ماحاجته حاضنتني تمشي بيه فتنه جوه ضميت وجهي مطلعه شوي من عيني مستحيه يشوفوني بهل منضر.
رمله ليش ضميتي وجهج
جوري ماما الله يخليج كافي
حصه جوريه بيبي
ضليت متوتره اريد اصعد الغرفتي امي لازمتني
باوعتلها نازلات دموعي اهز براسي نافيه
جوري ماما لاا شنو تسوين
رمله مو دافعيله خلي يشوفون شنو مسوي بيج
بعدني اريد اجاوبها وجرت العبايه مني طالع شعري القصير ولان منطيتهم ضهري شافوا جرحي مبين
سمعت صوت شهكاتهم.
فكيت عيوني اباوع الامي ردت اجر منها عبايه ذياب لازمتها قوي شهكت بصوت عالي ابجي صعدت فوك اركض كارهه نفسي!
فتت للغرفه ساده الباب بسرعه دفعته فايته عليه وقفلت الباب مشيت بكوه احاول اركز بطريقي صاير غواش قوي بعيوني طحت بلكاع
جوري ليش هييجي!
رمله اذا هيج دافعيله ومامسوي شي ليش تفشلتي منهم؟ ها
تقربت يمي كاعده منتبه الانفاسي
رمله شبيج تتنوطحين دايخه؟
رادت تلزمني وخرت ايدها نفسي يقل توازنه
جوري عوفيني.
رمله شجاج ولج
جوري شجااااني ارتاحيتي من سويتي هيج
سكتت اباوع النضراتها غريبه إلى بلعت ريكي منزله راسي هيه حست وضربتني راشدي درت وجهي عاضه شفتي گلبي يدك سريع صدري يصعد وينزل من تضارب تنفسي
رمله لچ شاااارببه شارببه! وييين انطييتج الهم هاا فوكاااها تحجيييين تحبين ابوج
لزمت وجهي قوي فزيت متوجعه ب اظافيرها غارستهن بخدي تحاجيني بعياط
رمله لو ابوج يشوفففج هيج راضي عنج! هاااا احجي.
مجاوبتها ابجي وارجف حاضنه رجليه تنهدت لازمه راسي وايدها ثانيه تحرك بحنجي
رمله كصيببببتج ويين جااانت الطايح الحظ مزيينج كرررعه وفوووكاها جاي تفضلينه عليه يا زماله
عافتني ضميت وجهي خايفه منها رفعت اصبعها سبابه متحلفه
رمله والله ماااطلع بنت ابويه اذا خليتج على ذمته.
جوري كااافي حتى رأي مجاييي تخللولي.
رمله انتي جاااااهله زعطوووطه عبالي طلعين مثل اخوااتج تصونين رجلج وبيتج بس اذا رجلج شمسوي وانتي بزااايد خووو هااا
جوري كافي تححجوون عليه حرام عليكم والله تعبت
رمله والله حرف واحد اجيب جداحه وأچويچ
غمضت عيوني قوي راجع عليه الماضي وفعلا مسويتها بيه تذكرت صراخي من ابوي يسافر وتضربني فتحت عيوني منقهره
تمددت بس صدري يصعد وينزل بتنفسي زايد ألم گلبي انتبهت على ركبتي جرت قميصي قوي شاكته
جوري امييي!
رمله هاي شنووو!
سديت قميصي بيدي منتهي كل حيلي
جوري ححاجي ذياب الابره
رمله ليش هل اثار؟
جوري ابره
فتحت قميصي قوي ذابته شايفه چتفي بي ندبات الأبر
رمله ههذاااا شنو
جوري اامي ابرره اثر ابره
رمله ابره شنو ولچ صخااام صخمج وصخمه
فركت وجهي بيدي مامتحمله غارزه ايدي بفروه شعري جرت شي مني مانتبهت اله من رفعت راسي شفت بيديها الورقه
رمله شنوهاي الورقه؟
ردت اجرها منها سحبتها قوي دافعتني تريد تشوف شنو بيها.
ماتحملت وفقدت الوعي.
فتحت عيوني على كيف حاسه بروده قويه باوعت بلغرفه ركزت بغرفتي مطفين الاضويه بس اسمع صوت المطر بسطح الغرفه وشوارع.
جوري ذياب
گلبت نفسي وگلبي بعده يوجعني كمت بؤبؤ عيني يدور بلمكان وماكو احد وحدي
جوري وينك
وخرت البطانيه مني رافعه روحي ومشيت طالعه برا الغرفه مشغلين ضوه واحد صاير اضاءه خفيفه على درج
كرطت اظفري اباوع مامفتهمه
جوري بيش ساعه.
تذكرت جان اكوساعه بغرفتي استغفرت رايحه للغرفه مالته واكفه كدام الباب متردده
جوري معقوله هنا لو يم هاله
كورت ايدي داكه الباب على كيفي بسرعه وخرت ضامه ايديه اثنينهن وره ضهري منتضرته يطلع بس
مرةة دقيقه، ودقيقتين وثلاثه وهوه ماكو رجعت اريد افتح الباب شفتها مقفوله
جوري ماموجود
باوعت الغرفه هاله وذياب ضاغطه على شفايفي منقهره
بسرعه خطيت خطواتي ناحيه غرفتهم داكه الباب
جوري ذياب.
دكيت اقوى انفتح الباب طالعه شعرها مخربط وذابه عدساتها
هاله شكو
چتفت ايدي خازرتها شافتني وگلبت عيونها حاطه راسها على الباب
هاله متحلمه بيه بهذا الليل؟
جوري وين ذياب
هاله معليج بي
رادت تسده لزمت الباب اريد اشوف شفته نايم على بطنه متغطي الحد ضهره ماكدرت وسدته قوي بوجهي
جوري حقيررره طابوكه عليج وعلي
غميتهم راجعه اليوره اانطخيت بلحايط وكعدت متچيه على مقدمه رجلي ناحيه صدري ساكته.
جوري امي وينها، اكيد شمروها للعماره
مديت رجليه صافنه شويه وزفرت نفسي قوي
جوري گلبي يوووجعني وذاااك متهني وياها
لزمت راسي افرك على ضايجه وضربته
جوري حتى راسي يوجعني كلكم تأذوني الله ياخذكم والله مايصير هيج
هاله وياخذج
جوري اانجبييي انتي
حقدت وكمت بسرعه ادكدك بلباب قوي
جوري ااااكعععد
هاله ششنو بيج شي انتي؟
جوري ولي مني
هاله مو اني الجايه
سمعت صوته رافع راسه مستغرب
ذياب شنو صاير
جوري ذياااب.
هاله صارت كدامي حتى مايشوفني كمزت الوح ب ايدي
جوري ذياااب
ذياب هاله زيحي ادحكلها
هاله مابيها شي متحلمه وجايه
جوري وخررري
ذياب جوري شبلاج يبه
جوري گلبي يوجعني
ذياب انطيتج حبايه
جوري شوكت
ذياب وانتي نايمه
جوري ها، شلون
هاله تحت السان
باوعتلها ناتره حاجيه بصوت ناصي
جوري اشوفج تحت كبرج ان شاءلله
رجعت صوتي طبيعي مايله راسي حتى يشوفني
جوري اريد الابره
ذياب ان شاءلله صبح هساع اتفردي شويه شويه تصيرين زينه.
جوري حجيتلك موزيينه مافادتني الحبايه اريد الابره اني
ذياب لاتعاندين نامي
ماحجيت عفتهم ونزلت جوه فتت للمطبخ فاتحه الثلاجه لكيت طماطيه اخذتها ساده الباب وطلعت ماعون وسجين كصكصته رشيت على ملح وعصرت اليمونه
جوري ماعندهم فلفل اسود
سكتت رافعه راسي طافيه الاضويه مديت ايدي على كيفي اتلمس واخذت طماطيه وحده ماكلتها
جوري طفت
شميت عطره وصوت خطواته مانداريت بقيت واكفه حضني من وره لافحني انفاسه
جوري انتَ طفيتهن؟
ذياب اي
جوري عود شنوهاي ليش هيج سويتها ضلمه
ذياب تا تسوين يبه
اخذت طماطيه ثانيه محركتها بلماعون تتغمس بليمون واكلتها
جوري معليك
ذياب جوري
جوري روح الهاله
ذياب تردين الابره
جوري جؤ خليها على گلبك وخر يلا
جانت طماطيه ب ايدي لازمتها مد راسه مقرب ايدي ماكلها فزيت معضوضات اصابيعي
جوري هاي ليش هيج
ذياب شنوهاي ولچ ليش هيچ
جوري موماتحب الطماطه
حط راسه على ركبتي ضاغط عليه ضحكت اهز ب ايدي.
جوري هسه هوه اليمون شحاطتلك قمبله
ذياب شعلتي الساني
جوري شني سالفه
اكلت اني وهوه عافني وراح شغل مولده البيت رجع ماخذ كاسه مي فاتحها ويشرب
ذياب لوچتي روحي ياغضب
جوري كل يوم مطلعلي لقب اانگس من ثاني
ذياب عثره؟
جوري هوه صدك صرت عثره
ذياب اطكج ب ابره
جوري ماريد بعد
جر ماعون مني فاتح الحنفيه يغسله
جوري ارييد اكل
ذياب خلص شنو تاكلين بعد
جوري عصير ليمون بيها اشربه
ذياب موزين وهذا مركز
جوري مركز شني
ذياب قوي.
ماحجيت راد يجر ايدي وخرتها
جوري عوفني يلجذاب
ذياب عش جذاب يول؟
اتذكرت صايره غصه ببلعومي
ذياب ها شنو؟
حجيت مختنگه
جوري كتلي حلو شعرج
ذياب ماحجيتلج حلو
جوري موحلو يعني
ذياب حجيتلج ححلوه صايره مضبوط عليج بنتي
جوري تضحك عليه
ذياب احجي صدك اني
سكتت منزله راسي تنهد متقرب شايلني
جوري شنو
ذياب نزرغلج ابره
جوره نزرغ شنو
ماجاوبني ماشيه بدرج يصعدني
جوري وين ماما
ذياب ععوفيها الحرمله عوفيها
جوري وديتها للعماره هاا.
ذياب لا يبه بغرفتها
درت وجهي ادور
جوري وين؟
ذياب النه غرفه هيه موجوده بيها گبل لاتجين
جوري ماريد تروح الغرفتي
ذياب عجل وين الغرفتي؟
هزيت راسي دنك راسه بايس شعري ونزلني راح شوي واجه بيده مفاتيح غرفته فتحها مفوتني وسادها
جوري جبت علاجي
ذياب جديد جبت كله
جوري وذاك بلبيت الحمامه
ابتسم مطلع من جراره العلاكه مال ادويتي
ذياب بيت الحمامه؟
كعد على قنفه فاتح رجله حاط بلكاع العلاكه منزل ايده يدور وايده ثانيه جوه حنجه.
جوري يلا
ذياب اصبري يبه
تمددت على قنفه صافنه بسكف انفخ نفسي
جوري جاي يطلع هوى
ذياب عجل شرب
جوري لاا هوى واضح مبين
ذياب ضباب
جوري بارده حيل خشمي يرجف
رفع راسه عاكد حواجبه من كلامي يضحك
ذياب خشمج يرجف شنو
جوري اي والله يصير بارد ويحكني
ذياب يحكج مو يرجف
جوري تدري جان عندي صديقه عندها قدرات
طلع الصرنجه من جيسها وبده يحط بيها دوه
ذياب شنو قدراتها
نمت على بطني متغطيه بغطوته
جوري تكدر تحرك اذاناتها
ذياب حيوان شنو.
جوري لاتححجي عليها ماقبل
ذياب عجل هاي قدرات على حجيج
جوري اي تره صعبه
سكتت اباوع بطرف عيني احرك بحنجي
ذياب تا تسوين
جوري اريد احرك اذاناتي كالت تكدرين تسوينها بشفايفج تحركينهن من جوه و يتحركن
ذياب اكعدي شنو سالفه
اجاني جارني مكعدني بحضنه لاف غطوه عليه مطلع بس چتفي
جوري توجعني بس احبها
ذياب الأبره؟
جوري اي
مال راسه غارسها بيه ضميت وجهي بصدره متوجعه على نص الابره ماتحملت رجفت طالع صوتي متألمه
ذياب هساع شويه.
خلصها وكسرها بيده شامرها على صفحه
بيدي فركت على مكان الابره
جوري ماما رزلتني من وراك
ذياب امج حتى عليه لعبت لعب
ضحكت مغطيه چتفي بغطوته ههوه لاف ايده عليه
جوري امي هيج تعودت
ذياب مايصير هل سوالف
جوري ادري بس شسوي امي واحنه صغار متعودين عليها هيج
ذياب صوتها هيج وابوج جدامها؟
جوري لا يعني باوع هيه تصيح علينه كدامه بس ماتضربنه وذا اكو شي عاجبها بس مانريده احنه تقنعه
ذياب ويرضى على سالفتها؟
جوري اي بابا فقير.
ذياب لا عش يحبكم اذا هيج يسويلكم
جوري من يجي يلكانه مقتنعين يشوفنه هيج فا يقبل
ذياب وليش ماتحجون ماتردون
جوري امي ماترضى تعصب علينه حيل شفتها اليوم
ذياب دحكي اني غلطت وياج جثير
باوعتله هازه راسي
جوري صح بس هيه زادتها عليه بتصرفها فا ماقبلت
حك حاجبه مبتسم
جوري ليش تضحك
ذياب مو اضحك بس ماضنيت ترديني
جوري باع هذا مصدك روحه
ذياب شنو ولج.
جوري ترا من اريد ارجع وحدي موهيج جرجرتني كوه واني شاربه ودايخه حيل وطلعتني بدون حجاب
ذياب مو ماترضين بلحجاب
جوري بعدني مامتعوده على بس شعري هيج متفشله منه
ذياب يصگع الميت وحك لا اله الا الله
جوري ماشفت اليوم سوت
ذياب دحكت
جوري لا من فتنه للبيت
ذياب شنو؟
جوري جرت مني عبايتك وشافوا شعري
بسرعه حسيت بدموعي بنص حجي باوعتله متنهده مارايده ابجي
جوري سمعت شهكاتهم انصدموا بجيت وصعدت فوك.
ذياب يبه مو لان موحلو بس كل بالهم شعرج طويل ضل
جوري حتلو انقهرت
ذياب اني حبيته هيج
جوري شعليه بيك
ذياب جوري
كمت نايمه على جربايته جاره الغطوه متغطيه مهمهمه
ذياب لو امج رادتج تمشين وياها؟
جوري للعماره؟
ذياب اي؟
جوري غير امي اكيد اروح
ذياب موضجتي؟
جوري ضجت لان جنت شاربه مامستوعبه كتلك
ذياب يعني تعوفيني؟
باوعتله لكيته صافن بعيوني منتضر جوابي مال راسه
ذياب ها حمامتي؟
درت وجهي بسرعه مغمضه عيوني.
جوري اي طبعا اروح شعندي يمك
ذياب اندحك ياهيه تتكحز
جوري اروح
ذياب ماتتكحزين
جوري اررروح
ذياب ماااتتكحزين للعماره
جوري حجيت ارررررررررررروح
ذياب بشاااجوررر افجررركم أنتِ وامج انعل امج لابو امج
جوري ادججك مسربت
نمت صفح مغطيه راسي
ذياب تريد تعوفني بت الكلب
كمت بسرعه خازرته
جوري منو كلب
ذياب كلبه
ضربته على فخذه
جوري ذيااااب لاتغلط على امي ماقبل
ذياب هساع شلونها
جوري حتلو ماقبل زعطوط
ذياب اني زعطوط.
جوري ايي خليني انام روح الأم الهالات
ذياب ياهي؟
جوري هاااله
ذياب تضلين هين؟
حجيت واني مغمضه عيوني
جوري ايي
ذياب مو الاكيج ترجفين
جوري اااني!
ذياب ذياااااااب
جوري ماحجي هيج اتنوص صوتي خشن
ذياب اي صح شو من كصيتو الشعرج اتبدلتي
جوري اتغيرت عود؟
ذياب اي اتغيرتي
جوري ليش شبيه
ذياب ماعرف مومثل گبل
جوري بس لاعود صرت قويه
ذياب لا
جوري مواكول قبل شويه امي رزلتني
ذياب ياگبل شويه صارلج نايمه خمس ساعات.
جوري صدك شو ماحسيت بلوقت؟
ذياب نامي
جوري هوه راح اكمل نومتي
ذياب لاصدك موترجفين ويضل بالج
جوري ليش يضل بالي وارجف شسالفه ماخاف
ذياب ماتخافين؟
جوري لا مو مرات تعوفني وحدي بلبيت
ذياب اول ايامج راح من بالج صاتج شكثر عالي
جوري مريضه جنت وتعبانه
ذياب اي حيل
جوري يلا عوفني انام
عافني وكام غمضت عيوني متنهده
ذياب هساع الاكي فليح فايتلج
جوري شنو
ذياب كل شوية يريد يغدرني
جوري ااهو راح اروح الغرفتي.
ذياب هههههه لانامي اني اضل هين
جوري ليش تبقى؟
ذياب صارلي جثير مامدحكلهن
ضيكت عيوني مستغربه
جوري ياهنه؟
اشرلي بعيونه ناحيه مكتبه اجت عيني على الاحجار حاط فوكاهن كزاز مغطيهن وجواه هنه مسفطهن
جوري شنو تستفاد من ذني
كعد على المكتب مموخر الكزاز منهن
ذياب احب هاي شغله اسويها واني عمري 16
جوري صدك والله عفيه
ذياب اول ايامي ماضبطهن وانكسرن ابوي بساعه الوكت حجى عليه
جوري غاليات لو عاديات؟
ذياب احجار كريمه غاليات يبه بس الاول وحده سويتها ابوي دحكلي سويتها خرابه جابلي عاديات من ضليت اتعلم شوية شوية ناوشلي مالاته غاليات
جوري شلون تسويهن
ذياب أتگلطي ودحكي
جوري ملقط ليش ما أملقط
نزل راسه ماخذ جهاز صغير تقربت يمه وشفته على الحجر مقرب جهاز بادي يتحفر الحجر
جوري جاي يتحفر
ذياب اي
جوري جا شلون تسوي محبس
ذياب شوي شوي موگبل مو اول شي وتضبط
جوري خلي اسوي
ذياب بمزاجج.
مديت راسي عاضه شفتي جوانيه اريد اختار حجر وجراني مكعدني على رجله يعدل بشعري
جوري ههوه كصير
ذياب شيبني
مديت ايدي ماخذه الحجر اخضر
جوري هذا بابا يحب لون الاخضر
ذياب يلا نسوي البابا خويلد
جوري جؤ خاالد
ذياب ندلعه
جوري امي افوتها بس بابا لا
ذياب سويت ترا احبه
باوعتله منصيه صوتي
جوري والله؟
ذياب والله احبه خويلد الله يرحمه جابلي الشطبه
جوري وماما
ذياب اني احجي البنيه ليش تصير متچنيه شويه وشوية تنهبل
جوري يا اني؟
ذياب اي طلعتي من خويلد وحرمله، حرمله مخرب النسل
جوري ذيااااب لاااا
ضحك يبوس بچتفي
جوري انتَ وابوك شاخطين
ذياب يندارلج فدوه شاخط
جوري هاي هسه شسوي
لزم ايدي وشغل جهاز
جوري اني اسوي
ذياب مو كاضبتها
جوري لاا وحدي اسويها اريد
ذياب أچني لاتخرب
جوري اني اسويهاا
عاف ايدي مخليني اسويها
جوري ياشكل
ذياب تردينها شنو
جوري محبس قلب
ذياب قلب؟
جوري اي اش يلا اني اسوي
ضليت اسوي وهوه شويه طفاها باوعتله باهته ملامحي
جوري ليش.
ذياب لاكملي
كام من كرسي مكعدني راجع مشغلها بده يورث جكاره واني اريد اسوي گلب ماتصير
جوري عوجه
ذياب راح تخلص يول
جوري مادا تضبط ماعندك اشكال
ذياب معجنات هيه
طفيتها ضايجه كام لازمها اخذها مني مشغل جهاز من طارف جوه مسويها بشكل عشوائي
ذياب تحبين النجمه؟
جوري اي
ذياب خسرتيني ملاييين ههساع
جوري مافهمت
ماجاوبني شوي وخلاها كدامي مسوي نجمه صغيره.
جوري حلوه شلون سويتها
اخذ علبه فاتحها مطلع ماده شفافه مخليها عليها.
جوري شنوهاي صارت تلمع
ذياب اي
باوعتله وهوه مركز بيها
جوري ضجت لان خربتها
ذياب اي
جوري غاليه؟
ذياب جثير
جوري اعوضك
ذياب ههههههه يمتى؟
جوري من اكمل دراستي واتوضف اعوضك
ذياب ثلث ملايين؟
جوري شنو ثلث ملايين
رفع حاجبه مأشرلي على الحجر
جوري ششدعووه
ذياب عجل شنو
جوري وين اكو حجر هيج سعره
ذياب واكثر همن حمدت ربي اخذتي هذا مو الاحمر
جوري ليش
ذياب اكثر سعره
جوري مومشكله اعوضك
ذياب تمام اكتب واحسبه وعد؟
جوري اي دين.
فتح جراره مطلع ورقه صفره ماخذ حبر كاتب وعد جوري ثلث ملايين
ذياب ها هيچ
جوري اي
عفته راجعه متمدده صافنه
جوري ذياب احس مختنكه
ذياب ليش؟
جوري ماعرف
ماجاوب عايف الحجر واجه يمي مشي ايده على راسي خفيف
ذياب اقرالج دعاء الفرج؟
جوري تعررفه؟
ذياب اي
جوري احبه هل دعاء دائما اسمعه جنت اني وبابا
سكتت مباوعتله
ذياب اهو جهزت البزبوز
جوري والله مشتاقتله
ذياب يدحكلج ويعرف بيج.
جريت ايده مخليتها جوه راسي بده يقره على راسي واني ابجي على ابوي
ذياب لاگلبج يضل يأذيج اش
جوري مرر اسبوع من موته طلعت بشارع شفته وصخ
ذياب شعلي ابوج ب بدرب؟
رفعت عيوني اباوعله
جوري بابا عامل نضافه
ذياب ها ينضف دربكم
جوري ايي كل مره صبح اطلع وياه بس مرات لا لان يتاخر وامي ترزلني تريدني اروح ماشبعت منه كل ما اجي تكلي عوفي تعبان
ذياب امج ماتعرف يموت.
جوري حتلو ملازم تمنعنه من ابونه تخاف لانحجيله كل ماهاي وخروا وعوفي وتصيح
ذياب شنو تحجوله؟
جوري كلشي مثل تطلع هوه مايرضى كل شويه تطلع وهيه دائما برا حتى المنطقه كلها تعرفها
ضحك واني ماحجيت عاضه شفتي دموعي ينزلن
ذياب نامي
غمضت عيوني حسيت ب أبهامه على خدي ماسح دمعتي اتقرب باس خدي مغمض عيونه هامس
ذياب أحبچ جوريه.
فتحت عيوني بسرعه اباوعله وهوه باوعلي بالع ريكه عافني وكام طالع ساد باب الغرفه.
ضليت صافنه مامستوعبه ضميت وجهي بلمخده.
الساعه 6: 00...
درع
طلعت واصل ل أكاديميه فتت بيها لكيت ضباط يفترون
فاروق صباح الخير نقيب كرم
دكيتله تحيه مبتسم
درع صباح النور سيدي
فات جوه بيده ملفات رحت كعدت شوي وأجاني بيده جاي
فاروق احجي فاروق مامتواضع
درع لامحشوم
فاروق اكضب
اخذته منه شارب
درع مادحكت المقدم ذياب
فاروق يدرب
درع ها
فاروق ليش ماتدرس مثله وتاخذ شهاده
درع تدريب؟
فاروق لا تركص جدي.
درع ههههههه ماحب ادرب كل ضابط وشغلته واحد
فاروق لاموصاحبك هوه صير وياه هوه على تدريب بس درس و اخذ شهاده تحقيق
درع لا تعب
فاروق حقير ذياب
درع حقير؟
تچه راسه على الكرسي حاط رجل على رجل
فاروق حقير ويه اليدربهم امشي دحك تدريبه
درع يضبطهم
فاروق صح افضل هيچ احبه
درع اليوم خفر اني
فاروق اي اعرف وياك مجموعه
درع ما تغير تعبان
فاروق بدالك
درع اي
فاروق لا هوه كل واحد و شغله وياك صاحبك
درع ذياب خفر.
فاروق اليوم اي تردون تجيبولكم اكل؟
درع هساع ادحك الجماعه
طلعت بره رايح للمكان تدريب و شفته جاي يدربهم فاتح عيونه واكف مقابيلهم ويحاجيهم عالي وهمه ينفذون رافعين روؤسهم
ذياب واااحد قم
كلهم رفعوا رجلهم منزلينها قوي ضاربينها بلكاع
ذياب أستريح
عافهم داير وجه معدل مناظره شافني ودار وجه فايت جوه
رحت وراه فايت لكيت كم ضابط كاعد وذياب وياهم بس داير ضهره بيده جنطه طولانيه سوده
طلع مي شارب منه
درع تجيبون اكل من بره؟
احمد شنو تجيبون
درع راح اسويلكم دولمه
بكر لك انت الحبيب والله الحبيب
ضحكت هوه ضرب على چتفي مبتسم دنك يلبس حذائه
احمد سويها حامضه
درع لا عدنه نفر مايحب الحموضه
باوعت الذياب لكيته مامهتم ولا اندار عفته وطلعت
دزيت ملازم يجيب الغراض وخليت صينيه بيها سلك وبتيته وبصل مسوي الحشوه وكعدت بلكاع
درع احمد جدريه
احمد مسوي بيها جاي
درع دناوشهاا إلى ماتريد دولمه
احمد هساع انضفها أمرنه ال الله.
انتضرته شوي مباوع للكرسي كدامي كعد ذياب فااتح بطل مي دنك يغسل بحذائه
درع بعده ضايج
تنهدت منزل راسي انتضرت شوي واحمد جابلي الجدريه بديت ألف دولمه رفعت راسي حاس بخطوات لكيته هوه بس عبرني فايت للمطبخ يغسل
درع اني وياج يا ام شامه
ذياب زيح
خليت انضاري على لكيته واكف ايده مبللات غاسلهن
درع تسوي وياي
ماحاجاني كاعد يمي ماخذ بتيته عاكد حواجبه يحط بلحشوه
اعرفه غاسل ايده بس سويت نفسي مادري حتى يحاجيني
درع غسلت ايدك.
هز راسه ماد ايده يدور قبقها
درع هذا
انطيته اله اخذه مخلي وضل يسوي وياي ابتسمت كل شوي اباوعله
ذياب بيك شي؟
درع لا ههههه
استغفر معدل مناظره شمسيه بطرف ايده
درع قناصي بعدك ضايج؟
ذياب اسكت لا اطكك مره ثانيه
درع تضل اخويه عادي
باوعلي واني كملت ساكت
ذياب اعزك اني
درع عجل اني ما اعزك؟
ذياب سالفتك بالي
درع ردتها بلحلال قناص
زفر نفسه كايم
ذياب انتَ كمل.
عافني فات جوه شويه وطلع لابس شفقه حاط ايده بجيوبه ومبقي مناظره بيده جكارته يدخن.
اني خلصت وكمت مخلي ومقبقها مرة ساعات صار الليل واحنه خفر بالأكاديميه نحرس
لبست كبوس بردان كاعد برا على الكرسي مغمض عيوني فتحت عيوني لكيته طالع يحاجي ب واحد وطالع من جيبه مداليه مفتاح
مايلت راسي منتبه اكثر وشفت مداليه حمامه شايله بحلكها ظفيره عرفت ابتسمت
درع يهواها الأم كصايب.
ورثت رافع راسي صافن شويه وطلعت تلفوني اگلب فتت الحسابها اخر ضهور قبل يومان
درع بس لا حاجاها ذياب
تنهدت طالع حاذف محادثه بيني وبينها ومابيها غير اتصالها عليه دخلت. للكامره مصور حذائي موضح الكامره الگطف جكاره مبينه ناره اخذت صوره
نشرته كاتب، خفر وبرد.
مامره دقيقه وصلني حاطه اعجاب
درع هاي راح تسويلي سالفه ثانيه ويه ذياب
سديت تلفوني رافع قمصلتي ضام نص وجهي مطلع بس عيوني شامر جكاره ومغمض عيوني.
درع هل برد يرجف الواحد شنو سالفه
طلعت ايدي من جيبي ماسح عيوني اجه اشعار من تلفوني فتحته وشفته منها مراسلتني دخلت للمحادثه كاتبه درع
درع ها خويه؟
شويه وكتبت
نوف خالو ذياب مايجي اليوم؟
درع لاخفر
نوف ها
درع ليش، تردين شي؟
نوف لا مرته سألت علي
درع ام كصايب
شافتها ومجاوبت مرةة كم دقيقه وكتبتلها
درع خالج ذياب يحاجيج
شوي واندزت رساله
كله يجي
درع شنو يجي بمزاجنه هوه خفر بابا
اريد ابره
درع ابره؟ ليش.
نوف عوفك منها هذا هوه تسلم اخويه
درع ياهيه؟
اريييد ابررره
درع ضرغام شربج حتى ياخذج ها
نوف شمشربني هاي مرة ذياب
ضحكت عرفتها
درع حاجيها ماكو ابره بعد
نوف شنو عرفك بالابره
درع ضلع ذياب أني اعرف
نوف شنو ابره
درع تخليها تعوف سوادينها
ماردت بس شافت ردت اطفي واندزت بصمه استغربت
درع هاي صدك راسله؟
نصيت صوت مقربه يم اذني مشغله فزيت على صوتها
جوري ارييييد ابررره كله يجي وانتَ وصاحبك وابو مسودنين
سمعت صوت بعيد
نوف لااااا.
جوري يحجي عليه ابو الباميه
خلصت بصمه رجعت راسي بلقمصله اضحك ضام تلفوني
درع والله متمنيج اختي تضحكيني بسوالفج
حركت رجليه اهمس
درع اني وياج، علگت بهاي الاغنيه شنو
صفنت اريد افكر ب اغنيه جديده مجاي بالي طلع ذياب كاعد وياه ضابط لاخ نحرس ثلاثتنه
احمد يسلمن ايدك كرم على دولمه
درع بلعافيه الحبيب.
جوري ارييييد ابرره والله
نوف ولج ناوشي احذفهااا سويتي والله لو يدري ذياب يور اذناتنه اني وياج.
جوري هوهه وييينه گلبي يوجعني
نوف هديي ليش تضوجين بروحج
باوعتلها ضايجه شديت ربطه اكثر
جوري جوعانه
نوف زتيها شنو هاي بس اني وياج هين
جوري لاعاجبتني
نوف طالع ماشا
جوري هههههه صدك
كمت اباوع النفسي للمرايه صدك نفس تسريحه طالع شعري على كصتي ونفس شده ربطه
جوري وخالج الدب
نوف اهوو جوري لاتحجين على ابن عمي
جوري ابن عمج لو خالج
نوف ابن عمي بس احجيله خالو
جوري نوفه اريد اشرب
نوف شنو اتشربين اسويلج ليمون؟
شديت بربطه هازه راسي نافيه وكعدت
جوري لا
نوف لبن تحبينه اكو
جوري لا اريد شرب
نوف شرب شنو برتقال؟ احجيلي
جوري عرك
شالت مخده شامرتها عليه لزمت چتفي عاكده حواجبي
جوري ليش
نوف حررااام ولچ
جوري والله ينسيني هل وادم اليمي
نوف ياهوه صوبج بس اني
جوري لا اكو، اهواي اكو
نوف امج ماكلت؟
جوري يا ما اكلت نزلت لكيتها كاعده يم ابوج وحاطه مخده عود مستحرمه
ضحكت حاطه مخده بحضنها
نوف عجل شنو اتسوي انتوا ماتتنقبون
جوري موقصه نقاب.
نوف ها شنو
جوري هيج لاصدك ماكو عرك
نوف صدك تحجين؟
جوري جا شنو والله اريد اكبسل
نوف حتى ماتعرفين هاي شنو وهاي شنو شرب مونفسه كبسله
جوري تعباانه
تمددت مقدمه شفتي بزعل
نوف نسهر اليوم؟
جوري لا ملااانه واريد الابره امي ضوجتني وگلبي وجعني شوي
نوف الا ابره؟
جوري اي
نوف ماكو بدالهن شي؟
جوري حبوب بس مايفيدني، يعني شويه حيل
نوف اذا گلبج يأذيج شوية اشربي الحبوب
جوري اريد الابره
نوف يمتى اخر مره اخذتي ابره؟
جوري البارحه بليل
نوف كل شوي مايصير
عفتها طالعه نازله من درج
جوري وينها جاه
كرطت اظفري اباوع لكيت باب اليطل على طرمه مفتوح جاي هوى بارد حيل
جوري هاي ليش فاتحينه
نوف ماشا
جوري اشش هسه اجي
مشيت طالعه اريد اسد الباب وشفتها تفتر
جوري هها ولج شتسوين
جاه هدووم اهوايه تعبني امج كلساع مبدله ادري فاتحين عرض ازياء
جوري امج خايفه منها
جاه من يوم يومنه نرجف من رمله
جوري لابغير سالفه
باوعتلي تعلج
جاه شنو ولچ سولفي.
جوري احسها قريبه من عمو فرج استغفر الله
هزت ايدها منداره تاخذ بلملابس
جاه على شنو استغفر الله ادري بشنو تفكرين ترا اني من زمان عاكده عليهم
جوري ياا صدك!
جاه باع ثوله شيخ كدامج
جوري شيخ مطفر انتي
جاه ههههههه لا تخيلي تخليني شاهد عليها اني وشاهد على المدكدك
جوري مدكدك شنو
جاه عندهم ابن عنده وشم ب اصابيعه
جوري وين شفتي
جاه غغير كاعده بلبيت شني يمعوده تره متزوجه اني
جوري صدك متزاعلين انتي ورجلج
جاه خخيولي طلكته.
جوري صدك؟
جاه اهو جوري
جوري ياا شكو
جاه لاتصيررين غبيه اقصد طلكته بعقلي
جوري واني شعرفني بعقلج لو
باوعتلي مصدومه من حجي مالتي
جاه شنوهاي شنو حجيتي
جوري اانجبي اجرشت فوتي
جاه حتى العلج طاح مني شحجيتي
جوري انعديتي من غدير بلعلج
جاه هوه علجها
جوري ايع بس لاعالجته
جاه لاولج جديد عندها اهوايه اخذت بوبي
جوري صدك طلعتلج ورقه؟
جاه اي جلب والعجيز
جوري شمكتوب؟
جاه مادري ذيج الورقه واقريها شمرتها اني.
مشيت بسرعه على اطراف رجليه
جاه بارده كاعيه
جوري اي وين شمرتيها
جاه اخذي نعالي
جوري وينها الورقه
اشرتلي ب اصبعها مسويه بحلكها بلعلج نفاخه وطاكتها
جاه ذيييج
دنكت ماخذتها مبتسمه ستوني فتحتها اريد اقراها وانفتح الباب باوعت بسرعه عبالي ذياب بس طلع موهوه اخو تنهدت ضايجه
جوري مما اجه
حشام امشي فوت جوه
فارس جورريه أتكلطي عمو جابلج اكل انتي واختج.
باوعت مستغربه لكيت جاه كامت تعلج سريع منزله راسها عاكده حواجبها مستغربه
جوري موحلك راح يصير مكنسه كهربائيه
فارس يلا
حشام فوت بارده هساع تجيك
جوري جايتك
مشيت افتح بلورقه قريتها مكتوب نعم انه الان بالمنزل والعجيز كاعده وراها بوبي واكف
جوري ياهوه مافهمت شنوهاي
عقچتها بيدي راجعه شامرتها لكيت جاه تمشي سريع فايته جوه بيديها الملابس
جوري شنو جبتولي
فارس اربزي
جوري ازبري
فارس لااا بارده يا ازبري
جوري ججا شنو.
فارس اكعدي موتيني
جوري انجب
كعدت مقابيله وهوه طشرهن مبتسم اخذت بيضه جبيره بيها حلويات
جوري هاي الي
فارس تحبين هيج؟
جوري اي حلو
فارس اخذي اكل شنو تسوين بهاي ماحبها اني
جوري ولاتحبها شعليه بيك
فتحت جيسها مطبطبه عليها
فارس ششنو بيها
جوري والله اعرفك حاط عينك بس تنكر
فارس لا على شنو احط عيني ماحبها بس اريد اعرف
جوري لاتعرف
ردت افتحها شفته ياكل جبس ويباوعلي خبثت وانطيته ضهري
فارس جورررري
حشام ججؤ جؤ صوتك.
ضحكت على وحشام فات الغرفته
جوري تعال شوفف
فارس اجي؟
جوري اي وذا تعال
زحف جايني
جوري الله المن خلقلك رجلين اذا تزحف
فارس مابيه حيل
شوفته طالعتلي لعبه
جوري لعبه مامركبه وصبغ اظافر
فارس هاي شنو همن
جوري هاي ورقه تعلمك شتسوي
فارس عمي يعرفلهن
جوري مموماتحب البيضه
فارس اي بس عمي حشام يجيبهن لان يحب يسويهن هوه
جاه بگتو حلوياتي
جوري انتي موصيه رجال يجيب حلويات النه
جاه لاوالله وين شايفته بس مرتين وحده بنهار وهاي كدامج.
كعدت ماخذه كيكه وعصير
جاه عمك حباب كله يعتمد على خطوه حبيتها
جوري ياخطوه
جاه حلويات
زحفت اليوره متچيه على المخده تاكل
جوري شبيكم كلكم زحفون
جاه تردين جوري
جوري لا اريد اشكل هاي لعبه
جاه طالعه جنج ماشا
فارس اييي ماشااا ههههههههههههههه
فكيت عيوني على ضحكته وضحكت
جوري شبي هذا ليش يضحك هيج
جاه ههههه اندري
ضليت اريد اشكلها كلساع اباوع للورقه
فارس لاتغشين
جوري انجب وين كاعده امتحان
رمله جوري تعاي اريدج.
رفعت راسي شفت امي واكفه ضايجه بهتت ملامحي عايفه العبه
جوري انتوا كملوا لعبه
فارس جاه كمليها
جاه والله ولا اعرفلها معليك بسوالف جوري اكل احسن الك
طلع حشام من غرفته منزل راسه لابس نعاله
فارس عمي حشام سويلي اللعبه هاي مانعرف نسويها
حشام اي هساع ثواني
عفتهم صاعده امي جرتني مدخلتني للغرفه ساده الباب
جوري شكو امي
رمله الورقه قريتها
صفنت شويه مستغربه مايله وجهي وتذكرت فاتحه عيوني ورقه فلاح!
بلعت ريكي حاجيه بتردد والتوتر واضح بملامحي
جوري ياورقه؟ شنو قريتي
اجت يمي مخليه الورقه يم وجهي
رمله ههاي اخر شي عندج حتى تنتقمين منهم
جوري مماما ماريييد ذياب رجلي مو عدوي
رمله لاتصيرين خبببله جورريي لج هذا دمرررج تعرفين شنو يعني دمررج لاتصيررين. مذله يمه
جوري مذله شنو
تنهدت مبلله شفتي حاجيه بهدوء
جوري امي صح هوه غلط وياي بس ماتوصل اغدره!
رمله منو كال تغدرينه راح تشهدين على سالفه هوه مسويها.
رفعت حاجبي مامستوعبه
جوري مافهمت؟
رمله تعرفين كلشي بس حلكج اريدج تسدينه وشنو اكلج تحجين تحجين فاهمه
جوري ماما شبيييييج صدك تحجين شسوي
رمله ببهيج راح نحصل فلوس اهواااي من اخوو ياغبيه و ندم ذياب
جوري اي واخو فلاح شلون يريد اندمه؟
رمله كله بيدج جوري بس تشهدين على سالفه وينسجن ذياب!
جوري شلون مجاي افتهم؟
عافتني مطلعه تلفونها تسجل رقم مكتوب بلورقه جريت من ورقه
جوري كافيي امي يضل رجلي شنوو اسسجنه.
ماحسيت اله على راشدي قوي جايني منها لزمت خدي اباوعلها راجفه ايدي
جوري مارضى كافي
عطت جاره شعري قوي ضاربه راسي بلحايط
رمله لاتنثوللللين وتصيرين زمااااله لاتصيررين هيج
ردت اوخر نفسي منها ماكدرت بجيت عايطه
جوري ااااااميييي راااااسي!
عافتني وطحت بلكاع حاسه ب ألم قوي اجاني ضليت فاكه عيوني على حيلهن هيه بسرعه سجلت رقم تريد تتصل طلعلها صوت بنيه ماعندها رصيد
باوعتلي وتفلت
رمله فگرتيني.
عافتني نازله جوه مادري شسوت لكيت ربطه طايحه على ركبتي ضليت لازمه راسي باوعت الايدي ماكو دم تنهدت براحه رايحه للمرايه اريد اشوف جرح راسي وشفته مابي شي
بس متألمه من داخل راسي
تمددت بسرعه متغطيه باجيه ضميت حتى وجهي
باقيه اشهك لحد مامرةة ساعات...
فزيت ععلى احد يدغني كمت بسرعه خايفه شفته گبالي
فارس اني جوري
باوعت اني بلغرفه اتنفست براحه
جوري رايد شي
فارس عمي ذياب ينتضرج بغرفته.
هزيت راسي اكثر من مره هوه طلع عايف باب غرفتي مفتوح كمت معدله ملابسي شامره ربطه طلعت وفتت الغرفته لكيته مطفي الاضويه بس مشتغل واحد
اجت عيني على ساعه بالخمسه ونص صبح.
جوري ذياب
جان مندار منطيني ضهره باوعلي وعيونه حمر ايده مكورهن يرجف من عصبيه
خفت من منضره راجعه اليوره عارفته معصب بسرعه جراني قوي قافل الباب لازم حنجي
غمضت عيوني متألمه حجيت بكوه شفايفي يرجفن
جوري ذياب شنو.
طخ كصته ب كصتي ضاغط قوي عيوني ذبلن باوعتله مال راسه هامس مخلي جسمي يرجف من كلامه.