رواية عكد الظفيرة للكاتبة زينب جعفر الفصل الثامن والأربعون
فزيت على ايده ساده الباب...
ضغطت على ملابسي بالعه ريكي وكل ماله قبضتي تقوه متوتره بارده اطرافي
حسيت عيونه لمعن مستغرب صافن بيه وجه ضعفان ومسمر اكثر طالعتله لحيه خفيفه ريحته عباره عن عطره وجكايره بنكه النعناع
بقينه بلخمس دقايق واحنه بلوكفه هاي الحد ماهمس
ذياب انتِ جن؟
جوري ها
رجع اليوره يفرك بعيونه ويباوعلي ويرجع يمسح الوجه يستغفر دار منطيني ضهره كاعد بلكاع لازم راسه.
اريد احجي بس حسيت اتخيط حلكي ومامفتهمه ليش كرم جابني هنا وليش هوه اساساً هنا!
جوري ذياب
ذياب أستغفر الله العظيم
مايل راسه ماخذ نفس قوي من جكارتين زافر نفسهن من خشمه مغمض عينه
باوعت انحاء الغرفه وضلامها
جوري ليش كاعد هنا؟
ذياب ضيمج جابني هين يول ضيمج
جوري دكوم شهل سوالف اهلك يدورون عليك وانت هنا
ذياب جن يحجي
اندار ضهره وجه عليه يباوعلي عاكد حواجبه ويسحب انفاسه من جكاير
ذياب احسبن روحي انهبلت ها؟
فكيت عيني مصدومه صدك عباله جن
جوري لك لاااا حقيقيه اني
ضيك عيونه يهز ب ايده راجع وجه يباوع للحايط حاط ايده ثانيه جوه حنجه رافع رجل وحده
ذياب والله انهبلت يلقناص ماتت روحك بكبرك صويلح ال
جوري رجال ميت وبعدك تسب بي
ذياب نفس السوالف السكط من لسانها
رجع يدخن من جكارته اخذ نضره عليهن ويكح
ذياب راح يخلصن
صرت كدامه خازرته
جوري شدعووه هيج تشرب جكاير راح تموت
ماحجى بس يباوعلي رجع يمسح على وجه متنهد بحسره.
ذياب وين الخرابه
ضل يتلمس الكاعيه يدور على باكيت جكايره مامكفي البأيده كعدت كدامه عاكده حواجبي هوه باوع مورث جكاره ثالثه
جوري مخبل
ذياب بيج
جوري شجاي تسوي بروحك
بينت غمازاته راجع اليوره خفت عبالي راح يطيح بس سند ايده على كاعيه يباوعلي دايخ
ويأشر ب ايده البيها جكاير
ذياب هاي بس انتي جنيج ضابط لهجتج
جوري لك موجني مخبل وين اكو جني هيج يمنعك من جكاير
عكد حواجبه صافن بقيت خازرته مديت ايدي اجر جكاير وهوه وخرها.
ذياب اشش، عوفيها
جوري موزين التسوي بروحك
ذياب اتكحزي بابا
جوري ها، هاي عليه؟
ذياب اي ترا اتعوذ من شيطان واخليج تمشين لاتغريني ب هاي الاوجوه
كرصت فخذه قوي دفعها فاز متقرب يم وجهي توترت موخره ايدي بسرعه ضل عاكد حواجبه يباوعلي مستوعب اني كدامه
ذياب جوري
باوعت الوجه هوه صافن وعينه دور كل انحاء وجهي ب استغراب بللت شفايفي خايفه نزلت عينه عليهن
كمت بسرعه متخربط توازن انفاسي
جوري صاحبك ينتضرك بره كوم.
جر ايدي مطيحني بلكاع منشمر شالي لزمت ايدي ضايجه اعدل بحجابي
جوري شبيك تعورت
ذياب انتي جدامي
جوري لاوراك
بلع ريكه طيف ابتسامه خفيف صارت على شفايفه
ذياب ليش اجيتي
جوري مو اني الاجيت كرم جابني
ذياب هل سكط يفر بيج من كيفه بلياي
جوري ساعدنه اهواي الله يوفقه ويحفضه
ذياب واني
جوري ها
ذياب ما إلى دعوه يبه
فهيت بوجه ماحاجيه هوه سند ايده بلكاع كايم مطفي جكاير ب ايده وشامرهن دايس عليهن راح على جهه كاعد لازم راسه دايخ.
جوري بيك شي؟
ذياب ودرع شنو عرفه اني هين؟
جوري مادري بس ههوه جابني هسه
وخر ايده من وجه عيونه منحمرات
ذياب وانتي طلعين مزرعده بهل ليالي؟
جوري اثق بكرم اني
ذياب ليش؟
جوري صاحبك غير
ذياب واني تثقين بيه
عدلت حجابي رافعه اچتافاتي هازه راسي نافيه
جوري لا
حجه كلمه عيب لعبت روحي غامته
جوري لايصير السانك هيج
ذياب لج موتيني شجابج ماتكليلي شجابج
جوري شمدريني
فتح عينه على اجوبتي
ذياب لاااا اندارلج فدوه ماتدرين؟
جوري انت خبل شنو سويتني جني انا جن؟
ذياب دحكي وضعي وبهل ليالي فايتتلي بطول الدنكه شنو يجي بالي تحسبين؟
جوري ايا ادبسز اني بطول الدنكه
ذياب الجن دومهم
اشر ب ايده بمعنى قصار فكيت عيني ضايجه كمت بسرعه افتح بلباب
جوري افتحه مثل ماسديته
ماجاوبني ساكت ضال لازم راسه
جوري ماريد اضل هنا
ذياب لايضل بالج ماخليج هين
حط ايده على الحايط كايم مغمض عينه متوجع مشى يعرج واصل اشرلي اوخر وخرت داحسه نفسي على الحايط.
جوري شبيك تعرج
ذياب متاذيه رجليه
رفع عينه يدفع بلباب مايندفع ضغط اقوى طالع صوت قوي مال نجرته وانفتح
مد راسه وره الباب
ذياب تكدرين تمشين
جوري ماتجي؟
اشر براسه لا تقدمت خطوه يم الباب
جوري لازم تجي اهلك يردونك
ذياب ماريدهم
جوري امك امينه ومرة ابوك مهى وحتى غزاله كلهن يبجن عليك ويردنك
باوعلي راد يحجي وسكت عاض شفته داير وجه
ذياب امشي جوري وبعد لاطلعين بليالي حتى لو ويه كرم
جوري بس هسه راح ارجع بليل ويه كرم.
ذياب عجل بيد ياهوه تمشين؟ ما أمن بي غيره وبعد جابج شنو بيدي
جوري لو تأمن عليه صدك تجي انت
رخت ملامحه يمسح على ركبته عركان متجاهل يباوعلي
ذياب يلا بويه
اشرلي ب ايده اطلع رجعت عيني على مكان الغرفه بنص تذكرت اول يوم خفت بي ونمت بحضنه حسيت خنكه توسطت صدري باوعتله محاوله اقنعه
جوري احاجيك شويه
ذياب بشنو؟
جوري ترج...
ماخلاني اكمل كلامي رجع يمشي كاعد بلكاع متنهد براحه وكاتم حرگه گلبه
ذياب رجعه ما ارجع.
جوري ماتنقهر على اهلك؟ ابوك صح عصبي بس يريدك ترجع
طلع جكاره ثانيه مخليها بين شفايفه يريد يورثها
جوري هوه يكول مطمن عليك لان يدري بيك رجال وتكدر تحافظ على روحك مامحتاج مراقبه بس يريدك ومشتاقلك ودمعه امك زين
حط ايده يكح اتنرفزت رحت يمه اجر بجكارته وخرها يباوعلي ضايج
جوري جيبهااا لاتستهاان بلحجي مالتي
ذياب عوفيها
سحبتها منه غصب طفيتها ب ايدي واحس شاغت روحي شمرتها بسرعه متاذيه
ذياب صدك تحجيين؟
جوري من احاجيك لاتسوي هيج
صاح بوجهي فاك عيونه على حيلهن
ذياب وانتي شعليج هسه؟ هاا!
فزيت من صياحه ساكته استغفر داير وجه مني بقيت بس ارمش مجتمعات دموعي
حجه بدون مايباوعلي مهدي نبرته
ذياب لاتطنين بخلقتي امشي روحي دحكي الدربج
ماجاوبته باوع وجهي رخت ملامحه من شاف دمعتي نزلت عفته وكمت منطيته ضهري
ذياب جو...
ماكملها ساكت عاض شفته جوانيه طلعت امسح بدموعي لكيت كرم يرجف من بروده الجو حاضن اجتافه ومتچي على سيارته.
شافني وخر خايبه أماله من شافني وحدي
كرم ما اجه؟
جوري خلي نروح
كرم وذياب؟
جوري مايقبل يجي خلي نروح
ضل ساكت محتار صعدت اليوره شابكه ايديه سويه منقهره كرم صعد اليكدام مشغل السياره
تحركت السياره وذياب طلع درت كل جسمي بسرعه اباوعله من جام كعد على المرجوحه يباوعلي رفع ايده مأشرلي معه سلامه.
بجيت طالع صوت شهكاتي بعدت وجهي من جام مخليه ايديه اخذ نفس بكوه اريد تروح الخنكه.
كرم شافه وكمل طريقه كل شوي يتنهد وماحجى شي بطريق كله
اني بس ضامه وجهي واعضعض بشفايفي اكتم شهكاتي ودموعي ينزلن لا أرادي ماحسيت بطريق الا وكرم حجه بخيبه وكسره
كرم انزلي خيتي
فتحت الباب بسرعه نازله لافحني الهوى البارد على وجهي اخذت نفس بكوه راجعه انفاسي الباب مردود دخلت بسرعه والغواش بعيوني من دموع امسح وينزلن على خدي.
دخلت للغرفه شفتهم بعدهم نايمين سديت الباب على كيفي شامره حجابي وجاكيت متمدده حاطه ايدي جوه راسي
جوري موجان يكول حنيته، وين حنيتك؟
ضميت وجهي بلمخده ثواني وشهكت ابجي صار الصبح وانا نوم ماجاني بعد كعدت امي واختي عبالهم اني نايمه يكعدون بيه
رفعت راسي افرك بعيوني
جوري صباح الخير
جاه شبيها عينج؟
جوري تعبانه مانمت زين
دخلت امي تخابر غاسله وجها لابسه شالها
رمله فرج شبيك
فرج شبيه يعني شبببيه؟
كعدت على كرسي ساكته هوه يصيح ويحجي ومحترك دمه لحد ما امي لعبت نفسها وسدت الاتصال شامره تلفونها
رمله يصيح موتنه
جاه هسه احنه شنو وين نروح
رمله دخلي نشوف هذا يكول جايكم
جوري اامي اني اريد ارجع للعمااااره
رمله احجي وياه وجه الوجه احسن ماتشوفين ماينطي مجال احجي
جاه افاااا رمله مايكدرون للسانهااا وسفه ياذاك الوكت
رمله طاح حضج غير مريضه إلى خلك اتناقش اني
وفرج ادري بي وبسواياته معاشرته كبل
جوري شوكت هاي.
كامت امي تكعد بجميله
رمله قبل لا ابوج يروح للعماره عايشين يمهم جنه موحاجيتلج شنو
جوري ها نسيت
امي طلعت واني كعدت سليمان مشربته مي اختي تباوعله وتضحك
جوري ها ولج شو تضحكين على ابني
جاه باع كفشته
لزمت ايد سليمان رافعه اصبعه سبابه مسويه صوتي ينوص
جوري كلها امشي لج اني شعري حلو وماعندي اي كفشه امي تموتج اذا حجيتي على كفشتي بت ارمله
جاه والله لوتسمعج امي
جوري هههههههه البارحه بضيمي وردت اضحك من درع اقصد كرم.
جاه ياا غير خليت طرف شيلتي واضحك يكلها ارمله وهيه رفعت حاجبها
ضحكت بصوت عالي وامي فتحت الباب خازرتنه
رمله ولجن ادبسززيات كومن بيتنه احنه
جوري امي سويلنه ريوك
رفعت رجلها صايره شحاطتها بيدها تريد تشمرها علينه بسرعه وخرت
جوري يااا ابني
جاه جاا مو مريضه فلك
رمله اكو وحده تكول الامها فلك
جاه انحبج وانمون
رمله والله مريضه شبيجن ماتصدكن
جوري اامي راس ابني ردتي طيرينه همزين ما اجت بي.
رمله انتي شلونج عاد وخرتي صماخج وبقيتي المكرود هذا
ضحكت شايلته هوه يجرجر بشعري
جوري شبيك ابوك يجرجر بلحجاب وانت بشعري
جاه وين شفتي ابو
جوري على نوح
جاه نوح مو ابو
سكتت واني مامتقصده نوح عدلت حجابي طالعه شفت كرم مسوي ريوك على طباخ ومغطي الطاوه وطالع للشغل
رمله شكد حباب هل رجال شلون صديق بيت فرج لو شامره على جاه
جاه يا ماما شسالفه
رمله احسن من المطي هذا ولو حقه سنين وانتي ماكو مهاجرته شنو.
جاه هوه مارادني وماتدرين شسوه بسوالفه
رمله جا هيج
جاه ييتحمل وراح نطلك ان شاء لله اول مارجع للعماره
دورت تلفوني مالكيته اخذت تلفون جاه فاتحته مطلعه اليوتيوب اشغل السليمان
جوري خوش مكنكه على نت
جاه اي ماضل بدون نت اني
دخلت لليوتيوب ولكيت اشعارات اهواي بلبرده نزلتها ومنهن اشعار بل واتساب قريت اسم جنان اختي ويمه گلب بنفسجي دخلت على ولكيتها دازه صوره طفل صغير
جوري هذا طفل منو؟
رمله ياا بس لا جليله جابت.
جوري حامل هيه؟
سحبوا تلفون يشوفون ضحكنه
جوري شومادري بيها حامل
جاه شايفيج احنه حتى نكلج
رمله فدوه لالله شعره سرح
جوري امي شو احسه بسمار
اندارلها سليمان يباوعلها
جوري شفتي مايرضى ابني وبعدين وين هل زعطوط ستوه اجه منيله شعرايتين هنه دباعي شعر ابني ماشاءالله من ثخن واكف
امي ضحكت جاره وجه سليمان بايسته بهل اثناء انفتح الباب فزينه كلنا ولكيناه عمي
فرج ها يلشراره تتبوسين هين واني متور دمي.
جاه راحت تحمي الطاوه بيها كباب وكرم طاك فوكاهن بيض شغلت هصيصان السليمان وكعدته بلكاع هوه شافه وضحك
فرج حفيدي السلطااان
راحله شايله يبوس بخده قوي فرحان
جوري عمو شلونك
فرج امشي غاد سزز
سكتت مصدومه رجعت اليوره هوه يباوعلي ويخوزر بيه ويرجع يبتسم السليمان يعضعض بخدوده
فرج اكضب سبحتي تريدها ها
انطانياه وجر خشمي
جوري ها عمو
فرج تردين تفرين بحفيدي بمزاجج؟
جوري شعليه انا
فرج امج ال.
سكت يباوعلها رفع ايده بمعنى يسكت افضل
فرج امشوا سياره بدرب
رمله ارجع للعماره انا
فرج والله العظيم ماتخلصين مني يا مره وحكج ماتخلصين حفيدي يضل بگربي انا جده
رمله واني بيبيته
فرج اي تضلين صوبه شنو بيها؟ مو خليت البيت الغاد من بيتنه بعد شنو تردين عيشي يمنه ولو من كبل هيج بس ماردتي وخليت البيت احجيلي شنو تردين
جوري تريد عماره
فرج اسكتي انتي وين رجلج صدك راضي تفرين هيج؟
جوري اني اطلك منه ماضل وياه.
فرج صار وهاي بنتج تطلك همن اني اسويلها موطبعي اخرب بيوت بس هيه تريد
رمله لاجوري تصالح ويه رجلها وجاه تصالح هم وارجع للعماره اني
جاه امي ماااتصالح ويه رجلي اني
فرج البت ماتريده تجبريهااا؟ ماعندج ضمير انتي يلشراره
رمله جهالك ماجبرتهم
تحمحم حاط ايده
فرج موسالفتنه
رمله ههسه صارت موسالفتك تريد اطلك بناتي هيج كاعدات يمي؟
فرج جوري موجود رجلها وجاه ماشاءالله عندي زلم جثير
جاه اي واسوي قاله باله واختار
فرج اش لج.
رمله فرج صدك تحجي
فرج يلا بويه لاتصعبيها
رمله شصعبها ليش ماتريد ارجع للعماره
سكت ماحاجي يباوعلنه احنه درنه وجهنه رحت يم جاه ماخذه شوي من الخبزه وطاوه وهي على نار غمست لحد ما عمي حجى
فرج رايدج بلحلال
طلعت لگمه من حلكي اكح قوي محتركه ومصدومه رغم ادري
جاه شنوو؟
رمله فرررج
امي حطت شال على وجها مستحيه واني اكح مفرفحه روحي كمزت اختي بسرعه ركضت جايبتلي مي شربته والساني يوجعني كام
جوري هاي صدك الحجي.
فرج مو دحكتلج واكفه تصنتين للحجي بوكتها
جوري انا
فرج الليله الفاتت!
جوري صح بس مادري انصدمت هم
رمله شهل حجي عووود صدك استغفرالله ربي استغفرالله
عافتنه ودخلت جوه هوه وراها يقنع بيها
فرج وشنو بيه ماراضيه؟
رمله عيب عيب شنو مراهقين احنه لو شايفني بكد جوري وذياب
جوري شمعنى احنه ترا حتى ذياب شايب مومال سوالف التحبحب
كعد على قنفه يفر بسبحته لازم سليمان.
فرج سالفه ماترضين ماتمشي عندي واضح عليه من كبل اريدج شنو تسوين نفسج ماتعرفين
رمله مره اخوك!
فرج الله يرحمه ويسكنه فسيح جناته ياهوه اقرب الج بعده؟
رمله محدد فرج محدد مانسى خالد انا
فرج بعدج صغيره تره؟
رمله حتلو
جاه ياحتلو ياصغيره اثنينكم شياب
فرج بعدني صغير اني شنو تكبرين بيه انتي
ضحكت جاه واني ضجت
جوري اني ويه امي مارضى على ابوي
فرج كافي جوري لاتفوتين روحج بهل سوالف
جوري لاصدك عمي.
امي أشرتلي اسكت كعدت على صفحه
فرج معليج بهل سالفه هساع امشي نرجع للانبار
رمله مارجع كافي شبيك خليني عايشه حياتي بيتي
فرج وحدج غاد؟
رمله اي تعودت وحدي ومن زمان وحدي مو اول مره تره حتى المرحوم خالد ماشايفته اهواي لان يروح الدوامه ويجي تعبان ينام اني وحدي واطلع ويه نسوان المنطقه موشي جديد ومايحتاج خوفك عليه
فرج سنين واني جدام وجج.
بسرعه باوعت العمي اشوفه منتضر رد من امي وامي بس تفرك ب ايديها اول مره اشوفها متوتره هيج وعركت
رمله لافرج عيب احفاد صارعدنه شهل سوالف
فرج يابه مو من طبعي احجي
رمله شتحجي؟
بلع ريكه ماسح على حاجبه
فرج ترا ماشاءالله جثير حلوه كل ماكبرتي بعيني تصغرين مادحكين اصيحلج شراره لان تورين گلبي
فكينه عيونه مصدومين امي كامت بسرعه عايفتنه وداخله للغرفه هوه اندارله متحمحم وكام
فرج انتضركم بسياره يلا زرعدوا رحمه الابوكم.
اخذ سليمان وطلع اني صافنه فاتحه حلكي جاه اجت يمي تزحف وكعدت
جاه هذول شنو
جوري لج غرت على امي منه
جاه شو ماغرت اني بلعكس حسيت شي يزاكط بطني
غميتها وكمت هيه تضحك وتهز ب ايدها راحت تركض عابرتني فاتحه الباب على امي
جاه اووووف يلشراره
رمله ادبسزز لاتصيرين مطيه
جاه شعليه اني غير عمي راح يموت عليج
استغفرت امي وجها منطعن من الخجل منزله راسها
طكطك ب اصابع ايدها
جوري اخذ ابني
جاه اي غير نروح وياه.
جوري لاشنو اريد ارجع للعماره اني
جاه تعودت بالانبار غير صدك
جوري ترضين يحجون على ابوج؟
جاه نوف موبقصدها ادري
رمله اي نسامحها بحجه موبقصدها؟
جاه لاطبعا مانسامحها بس بنسبه إلى ماضجت بس بنسبه الها هيه معتبره هل شي استهزاء ومانحاجيها احنه بيتنه اليريد هوه يجينه كافيين شرنه ومانروحلهم ابد.
وبنسبه الابوي تكول عليه زبال فا بكل فخر اكول اي يشيل زباله الناس شنو العيب بلموضوع؟ من يمتى الينضف يستهزأون بشغله يعني شغلته حرام جانت لو شنو
جوري عامل نضافه هوه مو زبال زبال معناها يوصخ وداخل بزبايل
رمله اني اعرف شلون اخليها توب وتتربى لمن غراضجن انتن بدون ماتحجن كلمه بعد
جوري راح نروح ويه عمي؟
رمله لا، نرجع للعماره!
عافتنه وطلعت العمي فرج مادريت بشنو بعد الصار والحجي بينهم جانت كم غرض رجعناها بجنطه وبدلنه طالعين مخليهن بطرمه فتحت الباب وشفت عمي فرج يأشر بيده بس يريد يحاجيها
امي بيديها سليمان دخلته جوه واني انطيتها عبايتها
رمله حتى فلوسك ما احتاجهن وكول البت اخوك رجلي مو زبال
فرج اكسرلج راسهاا والله السانها اشوي بس لاتمشين موهيج شنو معليه اني بلحجته رمله عجل تضوجين مني اني ومادري اصلا بسالفه.
رمله فرج الك فضل جبير شكد ايام وانت يمي وشكرا كلش اهواي ماقصرت ابد بس ماحب تضغط عليه واني اريد ارجع البيتي
فرج كبل ماردتي تفلين للعماره من نوف يلا
رمله لا منزمان افكر بس علمود جوري اني وهسه بنتي ويمي وراح تطلك تضل يمي هذا هوه
فرج رم...
رمله الله يخليك كافي
سكت يباوعلنه احنه درنه وجهنه
فرج اوصلكم للعماره
رمله لا نشوفلنه سياره ونروح
فرج موووهيج كافي اني اوصلكم اصعدوا يلا.
باوعنه الامي تنهدت واشرت نصعد سدينه الباب صاعدين بسياره وهوه صعد الجنط وياه جاه تنگله شغل تدفئه ومشت سياره رايحين للعماره.
مرر الوكت وكل شوي احد يدك على عمي فرج وينصي اني مخليه بحضني سليمان صافنه على شوارع اباوع من جام جميله تلعب سليمان وتحاجي
جميله جوعانه ماما
رمله جاه ماسويتي لفات من ريوك
جاه لا مالحكت
جميله سليمان هم جوعان يعضعض ب اصبعي.
نزلت راسي اباوعله عمي فرج وكف سياره كدام مطعم وجابلنه كباب وخبز وعلاكه حلويات امي ضلت تسوي لفات صغار وتنطينه
رمله هاج جوري
جوري لاماشتهي
فرج اكلي عمي
جوري لا ماريد
رمله وكلي ابنج
جوري ياكل بسكت هذا يحبه
امي سكتت محتاره بلفه باوعت العمي مقدمتها اله ابتسم واخذها منها ياكل رجعت اباوع من جام متنهده كل بالي وتفكيري بليله البارحه
جوري ليش هيج تسوي بروحك.
مرر الوكت وكلهم كاعدين ماعداي ماحسيت بروحي غفيت تعبانه مانايمه ليل من وراه
كل شوي اتحلم بي وافز اكعد ايدي ترخه على ابني وهم افز مارتاحيت جاه حست بيه واخذته مني رجعت متچيه على الكشن لافه جاكيت فرو عليه مدفيه شويه رجعت انام
ونفس مشهد ليله البارحه ينعاد نضراته إلى وجكارته عطره اشمه عبالك انفاسي وكل ماتذكره احسه بخشمي تصير الريحه من كثر ماحافضتها.
فزيت مره لخ على صوت عمي يحجي بتلفون ردت انام مره ثانيه بس ماصارت بقيت مغمضه متخيله تكمله حلم من يمي. استوعبت وفتحت عيوني افركهن
فرج فتنه للعماره، اي. ب على الغربي احنه تسلمين حبيبتي
سد الاتصال شامر التلفون ذاب نفسه وهدوء كلها ساكته باوعت السليمان كاعد بحضن جاه وساكت بس يرمش وبيده البسكت ماكل منها شوي وباقي لازمها
فرج هاي امينه تسأل عليكم
رمله الله يسلمها
ابتسم لازم سبحته يباوع من المرايه على سليمان.
فرج هها سليمان على حضك ماصارت ودحكت الابوك
رمله رجع
فرج اي اليوم رجع للبيت مادحكتي صوتها ماكو من تغاريد
رمله غير ابنها وتهلهله اكيد تفرح بي وبشوفته
فرج حسابه بلبيت
رمله عوفه لايعوفكم همات
فرج موبمزاجه مشتاقله
ابتسمت من عرفت ذياب رجعلهم اخذت نفس وزفرته براحه درت وجهي الجميله راسها طاح على جتفي نايمه
شويه وقريت لافته ميسان ترحب بكم، اهلا بزائر الكريم.
جوري ان شاء لله اشوف الخير بعد بلعماره وماتصير مشكله لا إلى ولا الذياب ويبقى الاهله ومايعوفهم.
نوف
ضليت حاضنته قويه ابجي
ذياب شنو سالفه شبلاكم؟
مهى مشتاقيلك جثير يول ساره الخاااثر
ضحك ذياب متقرب يم مره ابو يريد يحضنها وعيونه دور ب انحاء البيت عبالك يدور على احد
مهى هيج تعوفنه
ذياب هنه جم شهر عمري
حضنها ويباوع مستغرب
نوف خالو على شنو دور
ذياب وينهم؟
امينه خالتك غزاله؟
ذياب لا، اكصد اي وخاله رمله همن ماكو.
ام مسره طلعت من المطبخ هيه الجايبه لبن مبتسمه مشربه شوي الذياب
ام مسره ااني بيدي الجبتلك خاثر
ذياب شلونج
ام مسره صرت بخير من دحكتلك
ابتسم تك خد يباوعلنه منتضر جواب
مهى خالتك غزاله مشت بيت ابو هاله
ذياب ها تمام
كعد على قنفه متنهد
امينه يمه شبلاك ليش هيج متاذي
ذياب هيج بسيطات
رحت كاعده يمه حط ايده على چتفي ب ابهامه يمسح على خدي
ذياب شلونه كرم وياج بس لايدحكلج جثير سكط
نوف هههههه لاتاب ما اجه.
هز راسه ضاحك بتعب سكت مرجع راسه على رأسيه قنفه مغمض عيونه
نوف اليوم سويت كيكه من وكت خلي اناوشلك منها اكل واحجيلي طيبه لا
ردت اكوم وحجى
ذياب وينها؟
نوف هساع.
ذياب موالكيكه المسويتها، اكصد كيكتي
نوف شنو
تحمحم معدل كعدته ماسح على وجه
ذياب خاله رمله موحجيتلكم وينها وين بناتها؟ بيتهم؟
نوف مشوا
عكد حاجبه مختفيه ابتسامته
ذياب وين مشوا؟
نوف الديرتهم عماره.
رخت ملامحه ساكت كمت اني داخله للمطبخ فرحانه مطلعه الكيكه من الفرن
ساره طفيتي؟
نوف اي من كبل بس عفتها هين
جبت سجينه وماعون كاصه منها وساره اتقربت يمي تشاورني
ساره موحجيتلج
نوف شنو؟
ساره بعدهم ماوصلين للعماره وذياب رجع شنو حجيتلج همه من دحكنالهم بس دحكنه للشر
سكتت صافنه هيه اخذت قطعه الكيكه الكصيتها مبتسمه وراحت تاكل بيها نزلت راسي كاصه ثانيه مرجعه الكيكه بلفرن رحت للهول وشفته ماكو
نوف وين خالو ذياب.
امينه طلع الغرفته سوده بوججي واضح تعبان شكثر
صعدت وراه ردت ادك الباب ولكيته مردود باوعت وشفته متمدد مغمض عيونه يشتم بلمخده
نوف خالو
رفع راسه بسرعه يباوعلي
ذياب ها
نوف كيكه
ذياب لاماريد تعبان راح انام
هزيت راسي ردت اروح وحجى
ذياب ااكو احد نام هين؟
نوف اي
رفع حاجبه مايل راسه
ذياب ياهوه؟
نوف جوري وسليمان
صار طيف ابتسامه على شفايفه هز راسه شامر روحه على جربايه ذاب حسره قويه فاتح دكم قميصه
ذياب سدي الباب وياج.
نوف ححباب دحك للكيكه
نام صفح جار المخده شابگها قوي ساكت
نوف خالو حباب
ذياب اطلعي نوف
نوف راح اخليها هين
ماحجى ولا اندار خليتها على جراره وطلعت ساده الباب
كلهم بلبييت فرحانين ب ذياب وخابروا على خاله غزاله ورجعت علموده بس ماطلع من غرفته لليل فات عمي فرج اول ماهاي صرت بوجه
نوف الحمدلله على سلامه
فرج اطلعي الغرفتج.
خفت من برود وجه اشرلي يعني بسرعه رحت وهوه دخل سلموا على وتجاهلهم كبل سد الباب عليه و اني الخوف مله جسمي
فرج شنو حاجيه عن اخوي
فتحت عيوني من عرفته درى ماحجيت مجتمعات دموعي
نوف ماحاجيه
فرج تجذبين؟
نوف لا عمو والله بلغلط حجيتها
فرج اخوي زبال؟ ها
لزم راسي قوي ب اثنين ايديه فاتح عيونه بكل حيلهن صرت ارجف طايحه بلكاع منخلسه عصر فكي قوي
فرج من يمتى تحجييين هيج هاا هاي ترباتي الج.
طكاني راشدي قوي من قوته سمعت رنه صفير ب اذني لزمت وجهي خايفه جر شعري خازرني
فرج هساع تلبسين حجابج وتصلين
اريد احجي ماكدر خدي نمل من الألم رجع ضربني خليت ايدي اشهك بدون صوت
فرج ميه، ميه ركعه تصللين وتهديهاا الاخوي مستوعبه ااكعد جداامج واحسبن ركعه ناكصه اذبح راسج
بقيت ابجي خاله امينه دكت الباب خايفه
امينه شكو فرج
صاح بصوت عالي رج
فرج معلييج!
اندارلي كاعد يمي اني حضنت رجليه ورعشه مافاركت جسمي كدرت انطق بصوت مخنوك ودموعي ينزلن على خدي
نوف والله موكصدي والله ساره تعرف بيه عمو ما احجي هيج اني والله بلغلط اعتذر ابوس ايدك
فرج معليه اني تبوسين ايدي وانعل استغفرالله لاتخليني احجي ساره ماتكربين صوبها واني اعرف حسابهاا اشوي اذاناتهااا بس انتي لاتصيرين هيج وتمشين بكلام الكل وتاليها بترباتي لج ولدي.
شطولهم زلم واتحكم بيهم واحاسبهم وانتي لاا لان حاسبج من روحي وكل سوالف ترديهن يجرالج وتحجين على اخوي وميت هوه!
مسحت دموعي اشهك بصوت عالي مد ايده ماسح دموعي
فرج يلا كومي صلي
هزيت راسي اكثر من مره هوه كعد على جربايتي متنهد حاط عكس ايده على كصته جريت الچادر مالتي ماسحه بي دموعي وطلعت خاله امينه شافتني.
رادت تحاجيني وفرج خزرها سكتت رحت توضيت ورجعت للغرفه اصلي وبديتهن مرةة ساعتين واني اصلي وهوه يحسبلي صرت بكل ركعه اقره الفاتحه والقدر حسيت دخت وهوه يسبح
فرج يلا كملي
مرةة نص ساعه وهوه غفى نايم تعبان من طريق اني ضلتلي خمس ركعات كملتهن رافعه ايدي طالبه سماح من رب العالمين ومن عمي خالد.
درت وجهي ذابه چادر غطيت عمي رايحه للمرايه شفت شخط اثنين على خدي واحمر صاير فركت خفيف على متمدده بلكاع نايمه.
فزيت على طكطكه خفيفه يمي لكيتها خاله امينه تغطي بيه بايسه خدي ابتسمتلها وهيه هم ابتسمت تمسح على شعري درت وجهي للجه ثانيه مكمله نومتي
أجلوا الحنه مالتي وكل ما خاله غزاله تكول العمو فرج يسوي حفله الذياب لان رجعلنه وحتى تتغير نفسيته شوي وعمي فرج يأجلها
اني وكرم ما اتصلنا بس مرات يحاجيني يسأل عليه واجاوبه ويرد متاخر يكول هل ايام عندي خفر مرةة اسبوعين تقريبا وعمي فرج قرر يسوي الحفله الذياب.
اول شي من سمع ذياب ماراد بس من شافنه متحمسين للتجمع وضايجين هيج قبل وكل شوي يكول بينه سالفه مومال حفله شكثرها.
جوري ماروووح
جاه عيب عازمينه
جوري بربج عزيمه علمود والله رجع ذياب وهسه يلا تذكروا
رمله فرج يكول أجلتها علمودكم ترتاحون بيتكم بلعماره
جوري واني بعدني مامرتاحه وتعبانه كلش
جاه لج ملل خلي نروح ناكل وهمه يرجعونه وماشاءلله سيارتهم سريعه نوصل بسرعه
رفعت اچتافاتي هازه راسي نافيه
جوري ما اقتنعت.
جاه امي اني اريد اروح
رمله شبيج انتي شو صايره تحبين الانبار؟
جاه تخبل الانبار اكبر محافضه غير نفتر بيها
جوري يلجذابه وين شايفين الانبار لو اهلها شو بس كاعدين بيت عمج
جاه اي نخليهم هل مره يفرونه لان بعد مانروح
جوري عمج راح يضل كل شوي مطلعله حفله لو بعد جم يوم يكلج عرس نوف
جاه احنه ناس مانحجي ويه نوف فا شنكله لاااا بس هل مره شبيج
اندك الباب سكتنه وجاه فتحت
جاه هذا انت شجابك
اامشي للبيت يلا.
جاه ااطلك منك ماضل وياك روح المرتك
شلونج بالاول؟
مشيت وراها اباوع شفته يباوعلها مستغرب من وجها
جاه الحمدلله امشي نطلك
رمله ها يمه ادخل
جاه شعنده داخل نطلك والله ما اضل على ذمته
هزيت ايدي عايفتهم داخله للغرفه ساده الباب لكيت جميله تلعب ب سليمان تمددت افكر واحس ماريد اروح تنهدت ومرر الوكت بنص ساعه وهمه يحجون لحد ما جاه هلهلت فاتحه الباب
جوري ها
جاه راح نطلك بس موهسه من اروح للحفله وارجع واتفرغ ان شاء لله.
جوري والله بطرانه النه خلك طلاك
جاه اريد اخلص
امي دخلت غاسله ايدها بيدها خياره ناعمه كصمتها بنص منطيتها السليمان ونص ثاني الجميله
رمله حضرن روحجن نروح
جوري امي شسالفه
رمله عيب عزمونه بعد وصارلي اهواي مشايفه ذياب
جوري هسه حبيتي؟
رمله من زمان احبه اني ماتشوفيني انطيتج اله لان اتذكره وهوه طفل شنو
جوري شنو
رمله يلا كومن كومن شوفن شعدجن ملابس البسن اي شي.
جوري يعني امي من الانبار للعماره هوه بس بغداد وعماره طريق اربع ساعات مو نوب الانبار شبعدها
جاه قريبه على بغداد تاخذ ساعه او ساعتين زياده وهمه سيارتهم سريعه
جوري وهمه موتيني بسيارتهم
جاه اي غير طريق يصير اقصر
جوري تردون انتوا روحوا اني اضل هنا
رمله اخذ وياي سليمان
جوري لاليش
رمله غير ابنه شبيج بنتي ترا مايصير تحرمين ابن من ابو
جوري ماطالب يشوفه هوه
جاه تتوقعين ذياب مايريد يشوف سليمان؟
سكتت اباوعلها هيه رفعت حاجبها مبتسمه جريت المخده شامرتها عليها وصار العصر وصلنه سايق جيرانه جاه لبست فستان ابيض كريمي وحجاب اوف وايت صبغت اظافرها احمر وكعبها بي فلونكه هم احمر
اني لبست فستان قديم عندي ذهبي وشال جرجيت اسود ومكياج بس كحل خليت وحمره بلون بني فوكاها نوع حمره ثاني ماروني شعري سويته كصيبه وحده...
لبست فوكاها عبايه من عبايات امي وسليمان دشداشه ملحيه وحذاء صغير اسود ساعات وسايق وصلنه للانبار بدايتها استقبلنه فرج يخوزر من الحمر مالتنه
نزلت وبسيارته هوه اخذنه جاه طوخت حمرتها راشه عطر ورشتلي وياها اختنكت اهفي
انطتني المرايه شفت وجهي لكيت الكحل رايح شوي اخذت قلم كحل مطوخته هوه والحمره البني
وصلنه للديره وفتحت الباب اول مانزلت.
لكيته بوجهي لابس دشداشه نيلي وشماغ لافه على راسه حاط مناظر سود وبيده جكارته
ضل صافن بوجهي بوهن ضايع كل علومه ويبلع
صوت دك زلم يرن ب اذني مشغلين مسجل ويغنون وياها لحد ماضرغام اجه يغني
ضرغام عليش انشد عل لمامي وشتعني شكثر انشد على الينشد عليه ودلل بوياي وتعذب بوياي
درت وجهي بسرعه ماشيه متبرده اطرافي سليمان عرفه اندارله مبتسم
ذياب فوتي واجيج.
تصنمت خاطفتله نضره سريعه شفته يفر باطراف شواربه اليفوك دخلت بسرعه من جهه ثانيه ماشايفه زلم بس اسمع صوتهم عالي يغنون بهل اغنيه حجاها ضرغام وبصوت ناصي ودك قوي وعبالك عرس
جاه وياهم تغني وتمشي وراي
وشلون ردحج يلعماررره هيج وهيج هههههههه
جوري صارت ويه فوتتنه ها
ضحكت وگلبي يدك سريع شفت نسوان كاعده مافتت بقيت بطرمه وهوه دخل بسرعه شافني وابتسم رحت على صفحه واجه
ذياب شلونج
جوري الحمدلله
رفعت عيني بالعه ريكي.
جوري تريد سليمان
ذياب مو بس سليمان
نزلت عينه يباوع الوجهي حسيت احتركت من حراره جسمي رغم بردانه حيل من جو
ذياب عاجبني البني اليوم
خليت سليمان ب ايده مموخره من قبضته راكضه بسرعه بعيد عنه سمعت صوت ضحكاته
وصلت يم الباب انداريت شفته يشمشم ب سليمان ويبوسه طلع بي بره اني ذبيت نفسي راجعلي الهوى هفيت على وجهي ودخلت يمهن اسلم على نسوان اكثريتهن ماعرفهن بس اسلم وكعدت.
اكلنا وسولفنه اني ومسره جاه اختفت ماعرف بيها وامي دور عليها لليل خلصت الحفله وضلينه بلغرفه
رمله مسره ماشفتي جاه وينها
مسره قبل شوي نزلت للمطبخ تسوي جاي مادري المن
رمله الحمدلله عبالي من حماسها راحت وياهم
ضحكت ماسحه مكياجي خليت شال على راسي فتحت الباب صارت يم درج كدامي نوف شافتني ابتسمت احتاريت ماسويت درت وجهي
نوف سليمان وجميله بغرفه ذياب
ماجاوبتها ساده الباب كعدت يم امي متنهده.
اجاها اشعار اخذت شوي من الفستق اكل
جوري منو راسلج
ركعتني بضهري فزيت اباوعلها
رمله ايا ادبسز شقصدج
جوري بس لاعمي فرج اشوف
رمله ولج ادبسز اختج جنان
جوري هسه شمدريني
رمله ما اراسل عمج فرج
جوري شهل جذب
رجعت ركعتني اقوى ضحكت كايمه اباوع للساعه
جوري تأخر الوكت
كمت فاتحه باب الغرفه طالعه رايحه باب غرفه ذياب دكيتها
ذياب ياهوه؟
جوري انا
جميله فتحتلي الباب دخلت لكيت ذياب بملابسه متمدد حاط على صدره سليمان يبوس ب ايده.
ذياب ها ام سليمان
جوري اريد انومه
ذياب اي گربي اكضبي
جوري جميله جيبي وتعاي
ذياب جميله صغيره واكو درجه تنزليها وين تكدر؟
جميله موصغيره اكدر اشيله جيب
ذياب جوري
حكيت حاجبي جايه يمه مدنكه ساحبته منه لزمت ايد جميله ومشيت طالعه من غرفته امي نومت جميله يمها واني ضليت اهزهز السليمان
لزمت وجه خده وركبته اثار احمر
جوري شمسوي بيك هذا
هزيت ايدي ذابه على الغطوه شويه ورخه ايده نام.
جاه ماتروح لزكت هذا جاي.
فلاح يمتى تطلكين؟
جاه والله مهتم سالفه طلاكي اكثر مني
فلاح هيج اسأل غير صاحبج
جاه ايع شهل كلمه
فلاح عجل شنو ماحاسبتني صاحب
جاه ابن عمي
فلاح ااني ماحاسب روحي ابن فرج
سحب نفس من جكاره يباوعلي
جاه راح اروح انزل
فلاح اضن اجي للعماره
جاه لادخيلك
ضحك مهتزه اچتافه اخذت استكان مالته ضامته جوه شال ولازمه كوبي
فلاح شنو تحضنينه بليل تردين؟
جاه انجب شسوي بي بس همه يكرهون خلقتك غير يشمروني اذا دروا شربتك من جاي مالتهم.
فلاح ديلا هساع شنو على اساس
جاه اطفر يلا
فلاح هساع روحي
هزيت ايدي كاشه منه هوه بس يضحك يرفرف بحواجبه مشيت اروح فاتحه باب سطح ردت انزل ولكيت نوف كاعده ب اول درجه حاطه ايدها جوه حنجها صافنه
رجعت بسرعه داخله خايفه شفت فلاح منطي ضهره مخلي تلفون على اذنه يحاجي احد
فلاح حجيتلج هساع جايج بويه.
رفعت حاجبي مستغربه
جاه ويامن تحجي؟
فتح عينه مصدوم اندار بسرعه يباوعلي...
جوري.
سليمان نام واني تعبانه من طريق السفر مخليه ايدي جوه راسي اامي وجميله نامن وجاه ماكو ضل بالي عليها
شلت سليمان مخليته بفراشه حاسه برجليه منمله فركتهم على كيف متوجعه واندك الباب
جوري دكدك الباب جاه
كمت بكوه فاتحته وشفته هوه اندار
جوري ذياب؟
ساكت يباوعلي مچتف ايده
جوري تريد شي
ذياب جبت تكه تردين
جوري ها لا بلعافيه
ذياب نشويها سويه؟
جوري هسه؟
حك حاجبه مبتسم مبينه غمازته
ذياب ليش لا.
جوري مورجليك توجعك وضهرك مادري شبي روح ارتاح
ذياب لاجوعان
جوري هيه مال تكه هسه وطماطه مشويه
رفع مقدمه حواجبه يهز براسه
جوري بس لا اريد انام
ردت اسد الباب وحط ايده عاكد حاجبه
ذياب ليش لا
جوري دنيا ليل شبيك
راد يحجي وانتبه باب سطح مفتوح
ذياب دحك زعاطيط شكثر اذيه
راح ساد الباب وقافله
ذياب يلا تكه جوه تنتضرج
جوري ماريد والله
ذياب ترا اخطفج
نفخت بوجه ضايجه هوه ضحك يأشرلي براسه يلا
جوري شكد غثيث.
خليت شال عليه هوه يباوع يشوف اذا اكو احد
ذياب يلا
همست بصوت ناصي
جوري جااايه جايه
طلعت وسديت الباب نزلنه وطلعنه بطرمه على جهه جاب المشوايه حاط بعد وفحم وشغلها كبت وخر شوي يضحك
جوري راح تحركنه
كمبص بلكاع فاتح جيس مطلع الدجاج جايب شياش وسجين
ذياب يلا طلعي عضلاتج
جوري والله ولا الزم دجاج
ذياب ياعثره يلا
جوري بيه حيل اروح اني
جراني من طرف ملابسي مكعدني خزرته هوه ضل يكصكص
ذياب انتي خليهن بشيش.
جوري لا اني اشوي انت شيش
هز ايده صار يشيش وانطاني
كعدت ايد حاضنه چتفي ارجف من بروده الصاكتني وايد لازمه الشيش اشوي تكه
ثواني واجاني دفو مايلت راسي وشفت فروته صارت على جسمي يغطيني بيها كعد على جهه لاف شماغه على راسه وكاضبه
ورث جكاره وب أبهامه صار يمسح على شاربه
ذياب گربي ايدج للنار يبه.
انطاني شيش ثاني هوه بيده ثلث شياش طفى جكارته شامرها
جوري ايدك كلها اثار من كثر ماطفي جكاره بيدك
ذياب تعودت
سكتت شوي وهمست.
جوري ششنو خلاك ترجع؟
ما اجاوبني باوعتله لكيته يباوعلي تحمحم هامس
يمي
ذياب شطبه.
ابتسمت دايره وجهي مرر الوكت واحنه ساكتين وخرت واحد مقربته يمه
جوري استوهه
ذياب ها خوش مزرعد شيشج اكلي
انطيته شيش ثاني
جوري هذا بعده مامستوي الزم
ذياب شكثر سكط انتي
هفيت على شيش عاضه منه اباوعله
جوري ليش
ذياب مخليتني كاضب اربع شياش شنو عندي
ماجاوبته محترك حلكي ضحك مضيك عيونه
ذياب شوي شوي اكلي
جوري طيب صارلي اهواي ماماكلته.
اتقرب يم نار يشويهن اجاني اشعار بتلفون فتحته وشفته من نوح دازلي صوره دخلتلها وانتبهت مصور ورقه طلاك اني وياه.!
ضليت صافنه مصدومه درت وجهي بسرعه لكيت ذياب يباوع للحمره مخليتها ذبلانه عيونه
ذياب حرگتيني بحمرتج.