رواية عكد الظفيرة للكاتبة زينب جعفر الفصل الثالث والعشرون
جوري
ضليت افر بؤبؤ عيوني اباوع للغرفه هوه وخر متنهد تاچي جبهته على جبهتي باوعتله لكيته مغمض عيونه أنفاسه تلوح وجهي
همس بصوت ناصي
ذياب جوري
بلعت ريكي شابكه ايدي سويه مامفتهمه شي بس أسمع صوت المطر والبيت هدوء فزيت على صوت رعيد
خليت عكس ايدي على شفايفي اضحك على فزتي هوه حس فتح عيونه ذبلانات يباوعلي
فرك عيونه قوي وكام بسرعه صافن عاكد حواجبه.
رفعت راسي اباوعله هوه رجع عيونه عليه فاتح ايده أتحرك راد يطيح كمت بسرعه لازمته هوه ثبت روحه محمحم
جوري شكو؟
ماجاوبني يعضعض باطن شفته منزل راسه عافني وراح راد يطخ بلباب
جوري البااب
انتبه وخر طالع بسرعه كعدت على جربايه اباوع على رجلي المضمده حركتها على كيفي متنهده
جوري لو ما رجلي اطلع بلمطر
مشيت على كيفي يم شباك موخره البرده اباوع للشارع
جوري هسه نوح وين.
لبست شالي عدل وطلعت اعرج لكيته كاعد يم راس درع ودرع نايم هوه متربع وصافن
جوري مايصير تطلع هيج
رفع راسه بسرعه يباوعلي باهته ملامحه
ذياب ها
جوري اكو مره هنا اللبس فانيله
نزل راسه شاف روحه دار وجه مستغفر
ذياب ناوشيل.
سكتت ذب حسره وكام عبرني ودخل للغرفه ساحب فانيله ضليت اباوعله
جوري عفيه لاتشغلني رجلي توجعني
ماجاوبني ولاباوع لبس فانيلته ماخذ مشط يمشط شعره اليوره
جوري لكيت الأعز من شواربك؟
تصنم جسمه عاكد حواجبه دار وجه مثبت بؤبؤ عينه عليه
اني تچيت روحي على الحايط منتضره جوابه
ذياب لا، بس مزاجي كال غير
جوري شواربك حلوات
ذب المشط تقرب يمي واكف كبالي رفعت راسي اباوع العيونه وهوه مال راسه
ذياب تحبينهن؟
جوري لا بس أحلالك شوارب
ماحجى شي مد ايده على جراره الخشب وراي ماخذ سلاحه مخلي بخاصرته
جوري اذا بعد موتت واحد اموتك
ذياب أخ يبه، تموتيني؟
عرفته يستهزاء عكدت حواجبي ضايجه هوه سكت وراح شويه وسمعت صوت الباب عرفته طلع
جوري ممو مطر
مشيت وراهه فاتحه الباب على كيفي اباوع لكيته مضيك عيونه لابس سترته جلد دار ضهره يمشي حاط ايده بجيوبه
جوري وين رايح هذا هسه
هزيت ايدي ساده الباب فايته لكيت درع كاعد صافن على الكاع ضليت واكفه اباوعله
جوري ليش صافن
فز منتبهلي
درع ها
جوري شو صافن
درع ههههههه مادري
دخلت جوه ساده باب الغرفه تمددت على الجربايه.
جوري هسه ابوي شجاي يسوي
زفرت نفسي بحسره بقيت اباوع الانحاء الغرفه
جوري بيش كيلو الليمون
كرطت أظفري افكر
جوري هسه وكتها
رفعت راسي معدله كعدتي لزمت رجلي جارتها
جوري شو اشوفلج
وخرت شاش من رجلي لكيت دم واكف نزف بس صاير شك بجلدي شبه عميق الجرح
جوري معقوله ماحسيت ب ذياب وهوه يعالجني
صفنت احاول اتذكر شي غرزت ايدي بفروه شعري
جوري مجرم بريئ.
رجعت شاش على رجلي لافته شلون ماجان وتمددت مرةة دقايق من تفكيري ب ذياب
نمت...
عصرت على فراشي متحلمه بيهم. نفسهم!
تمر كل ليالي الا ليلتين ألي. موته ابوي. وتعذيبهم ألي
مثل ماجان مكانهم ضلام زرعوا خوف وضلام بداخلي ضليت اريد احجي بلحلم اصيح اركض ماريدهم يضربوني بسلاسل ولا أريد يحبسوني
ب قفصهم!
اريد اكعد من الحلم ماكدرت ضليت احاول اتحرك بس جسمي متصنم صرت بين الكاعده ونايمه احس ب شي بس ماكدر اتحرك ولا اكدر احجي حسيت جسمي وحلكي أنشل.
بقيت احاول اتحرك وماكدرت استلسمت كل ماله يضيق تنفسي مماعرفت الجاي يصيرلي بقيت هيج الحد ماكدرت اتحرك بسرعه كمت شاهكه
هوه رفع راسه بسرعه يباوعلي
باوعتله الزم ببلاعيمي اتنفس حيل فاتحه عيوني على حيلهن
طفى جكارته وكام جايني بسرعه لازم وجهي
ذياب بيج شي جوريه بابا
رفعت عيوني اباوعله جسمي يرجف نازله دموعي على خدي تقرب باس شعري درت وجهي منتبه ذاب شالي ومغطيني
جوري يردون يجوني
ذياب أجرم بليتگربلچ يبه.
نزلت راسي كام يبوس بيه غمضت عيوني فاركتهن
جوري مجاي يطلعون من احلامي
ذياب افلعهم وحك السواج
جوري ذياب
ذياب حنين گلبه احجي
جوري مي
راح رجع المكانه ساحب كاسه مي لزمت گلبي حاسه بوجع اجه يمي فاتحه كاسه مي ولازم حنجي يشربني
ذياب هساع تهدين وان شاء لله جم يوم نتكحز الديرتنه
وخر كاسه مي اخذت نفس قوي هوه بيده مسح حلكي
ذياب يأذيج
جوري ها
ذياب گلبج.
رفعت راسي بكوهه عيوني ذبلانات حاسه گلبي يدك ضعيف وخر أيدي مفوت ايده لازم ناحيه گلبي عكد حواجبه
ذياب هدييي ادري شبلاااج هل رجيف كله من نثايه صويلح
وخر مني رايح يم قنفه فاتح جنطه مطلع علاكخ بيضه فتح صرنجه وكزازه دوه صفره صغيره كسرها بيده ساحب دوه بلصرنجه رجعلي
جوري ماريد
ذياب أشش.
جر أيدي رافع شوي من ملابسي مطلع چتفي باوعت الوجه مبين الملامحه ضايج ومعصب بس عاكد حواجبه ومنتبه الچتفي قرب ابره عضيت شفتي مغمضه عيوني قوي
جوري أييدي
دفع صرنجه ب أيدي ثانيه ردت اوخرهاا لزم ايدي بسرعه خازرني
جوري مجرررم
ذياب حررااگه فلوس
غرزها بسرعه موخرها شامر الصرنجه بلكاع
جوري لوماا سوالفك ماحررك فلوسك
رجعت لازمه گلبي مبرطمه
ذياب حدري
جوري شنو.
تنهد جار قماش من ناحيه چتفي شاكه شهكت وهوه شداه على مكان الغرز الابره
ذياب سالفه ترچفين من نثايه عوفيهن
رفع عينه مركز بعيوني التعبانات
ذياب ماخذتلچ زلمه أنباري، اليزامط أجرمه وأردلج حگچ واني أبن ابوي.
ماجاوبت بالعه ريكي خايفه من نبرته الخشنه واضح ضايج من موضوع خوفي منهم كام هوه راجع المكانه جان كاعد بي شبه تمدد مشغل جكاره ثانيه مضيك عيونه يدخن
وخرت الغطوه ماشيه على كيفي ماشوف زين من ضلمه.
جريت الكاسه شاربه البقيه من المي
جوري بعدها تمطر؟
همهم وهوه عينه على الحاسبه الكدامه
كعدت على طرف جربايه صايره مقابيله
جوري ذياب
ماجاوب باقي بملامحه المعصب ويكتب شيشوف بلحاسبه يكتبه بورقه وقلم
مديت راسي اريد اشوف ماكدرت اشوف
جوري ذيااب
ذياب أحجي
جوري گلبي بعده يوجعني
ذياب اضن مصارلي دقايق من طكيتلج الابره
جوري مال گلب مو
ماجاوب ماخذ الاسلكي فاتحه يحجي بي وسداه شامره معدل كعدته منتبه اكثر بلحاسبه
جوري احجي.
ذياب هيه تعرف دربها
جوري شنو هيه تعرف دربها غير اعرف مال شنو
ذياب لاتحجين جثير بويه تعبان
جوري شمسوي تعبان
بقيت اباوعله انتضره يجاوب
جوري موأحاجيك
طفى جكاره ب اصبعه والباب مفتوح صاير ضوه الاستقبال على انتبهت الأصبعه الابهام والوسط ندبات بني لونهن
جوري اكو نفاضه ليش طفي جكاره ب اصبعك
كمت يمه امشي بكوه وكعدت على جهه يمه جاره ايده اتلمس اصابيعه
جوري موزين
ذياب مو تلعب روحج من ايديه
جوري اي صدك ايع مجرم.
دفعت ايده ماحجى شي ولاباوعلي نزل راسه يكتب مديت راسي اشوفه شيكتب لكيت كلام انكليزي
جوري شنو جاي تكتب
فركت عيني منتبه اكثر احاول اتهجى الاحرف
جوري س، ب، هاي الاحرف بنهايه مو اذا سويه تنقري شين
ماجاوب فاتح كاسه مي لخ شارب منها باوعت التفاحه ادم مالته
جوري انطي صبر راح تاكل الكاسه
شمر الكاسه وره ماخلصها رجع يكتب ويباوع بلحاسبه
جوري لاتكتب انكليزي مجاي افتهم
ماحب الانكليزي
اتنرفزت لان مجاي يحاجيني.
جوري شنو رجعت الوضعك گبل؟ هاي اشتياقك وحنانك بس لان مشتاقلي وبلبدايات بس بعدين نفس
وكفت صايرتلي غصه حاجيتها
جوري نفس قبل مانخطف تريد تطلكني
باوع بعيوني ونزل عينه جوه دار وجه ساكت
جوري مو أحاجيك
سد الحاسبه قوي كايم رفعت راسي ماسحه دمعتي
جوري وي.
قبل لا اكمل مد ايده اثنينهن جوه چتفي شايلني بسرعه
جوري نزلني ويين
ذياب صوتج
سكتت مامفتهمه مشى يم جربايه جار شال مالتي ذابه عليه وطلعني باوعت ماكو احد بالاستقبال.
جوري صاحبك وينه
ذياب اتكحز
جوري حرامات وين جان مصبرني عليك
ذياب لا اله الا الله
سكتت اباوع للغرفه
جوري اديتا نايمه
انتبهت ضاربه ضهره
جوري وين ماخذني
فتح باب الحمام مفوتني ونزلني باوعتله وهوه سد الباب
ذياب اذا بعد رچفتي من نثايه وحك الله ازيحهم من بالج واخليج ترچفين مني اني
جوري شكو
رفع دشداشتي من جوه يشوفني
ذياب دحكي
باوعت لكيت ملابسي كلها دم خفت
جوري شنوهاي خاف لان مريضه.
ذياب جؤ مو من دورتج لان كل شوية راجفتلج وهزيتي جسمج
جوري شهااازه وعيب هل حجي
ذياب زرعدي
باوعتله يأشرلي على طاسه فهمت عود اترس مي
ذياب راح اجيب الج ملابس اصبريلي مفهوم؟
جوري أي
عافني وطلع ساد الباب نزلت راسي اباوع الروحي لا أرادي بجيت كارهه نفسي
ذبيت شالي متنهده
رحت للطاسه فاتحه المي عليها لزمته لكيته بارد ثلج
جوري من تلتم تلتم خوو.
ذبيت على روحي مي كمزت بردانه بس غسلت روحي واندك الباب فتحت الباب شوي مطلعه عيني
ذياب كضبي
مديت ايدي هوه خلاهن
ذياب اساعدج؟
جوري لا
سديت الباب لابسه الملابس اطك سن ب سن من بروده رجعت لابسه شال وفتحت الباب على كيفي طالعه لكيته واكف لابس فانيله تعلاكه وشابك ايده سويه وره ضهره
ذياب بلعافيه
جوري الله يعافيك
ذياب بوجج للغرفه مزرعده
جوري رجلي
نزل عينه شايف شاش نازل منترس مي.
حك حاجبه شوي وصار كدامي انطاني ضهره كاعد على كب رجله
رفعت حاجبي مستغربه
جوري شجاي تسوي
ذياب أطلعي
ضحكت مصدومه حضنت ركبته وهوه كام لازم رجليه باوع على قدم رجلي
ذياب تأذيج حيل؟
جوري لا اهون، ههههه شيخ ذياب شايلني
ذياب أشش
سكتت ضاغطه على ركبتي اكثر هوه مشى بيه للغرفه
جوري لا أرجع
ذياب ليش ولچ
جوري اريد مي
ذياب اكو مي هين
جوري لاااحبابب اريد يلي بلمطبخ ماريد كاسات
ذياب أستغفر الله
جوري يلا حباب يلا.
دار ضهره يمشي بيه ابتسمت وهوه دخلني للمطبخ
جوري هاي جدريه بلا شوفها
قلدني خالص صبره
ذياب شششوفها
جوري روحلها شوفها عاينلها امي عاين
تنهد يهز براسه طبطبت على چتفه
جوري يلا محسوبتك مريضه
رفعني اكثر رايح يم جدريه
ذياب نداري المريض
ماجاوبت هوه ثبتني بيد وحده وايد ثانيه فتح جدريه
جوري لا حرامات هم اكله بالكاري
ذياب يلا يبه راح يوصل الزلمه
جوري ياولد
ذياب ازلمه ياولد من وين تسمعين أنتي
جوري اي منو
ذياب درع
جوري ها.
قربت ايدي ساده جدريه
جوري رجعني
ذياب تتأمر بت أرمله
جوري يحقلي
ذياب لا
جوري جا ليش جاي تسوي كلشي اريده
وكف ماحاجي شي بالع ريكه قربت راسي اباوع الملامحه رفعت حواجبي مهمهمه
جوري ها
ذياب شنو مسوي؟
جوري ماعرف بس اكو اشياء حتى مطالبتهن منك اشوفك تعاملني غير
ذياب سالفه اطلعج على ضهري عاديه
كمل مشي داخل للغرفه وساد الباب نزلني صرت كدامه اباوعله
جوري هاله هم بمره شلتها هيج؟
بهتت ملامحه يباوع العيوني بقينه ثواني هيج عافني ورجع المكانه كاعد فاتح الحاسبه
ذياب هاله عاقله انتي زعطوطه ف اسوي وياج هيج سوالف حتى لاتخلين بالج غريبه
جوري ليش ضجت ترا اشاقه وياك اعرف بيك ماتحبني
خطفلي نضره سريعه وكام يطكطك اصابيعه
مشيت راجعه كاعده على جربايه رافعه رجلي موخره شاش منها جريت شوي من الغطوه ماسحه رجلي
جوري عيب من اديتا وصخت غطوتها
تنهدت كايمه رايحه للشباك فاتحته شفتها بعدها تمطر ابتسمت.
جوري من صبح ولحد هسه ماوكف المطر
ذياب لا
باوعتله لازم كصته يفرك بيها
ذياب جم ساعه وهمن مطرت
جوري أحب المطر بالاخص بليل احس ماعرف شعور حلو
ماجاوب جريت طبله كاعده عليها اباوع للمطر خليت ايدي جوه حنجي مبتسمه
جوري احس الغيوم بنيه كل مايزعلها الهلال تبجي
ذياب هلال
جوري اي لان سمينه يعيب عليها
ذياب حقه
باوعتله عاكده حواجبي
جوري عيب عليك مرتك سمينه
ذياب مرتي؟
جوري ايي
ذياب أنتي ضعيفه
جوري لاهاله
ذياب ها، لا مامتروسه.
جوري بعيونك لان ضابط
ذياب شنو؟
جوري هيج
درت وجهي راجعه مبتسمه صافنه على السماء
جوري بس الهلال ماتاب من سوالفه رغم شافها تبجي
سكتت شوي ماسحه على شباك حتى اشوف واضح
جوري ذياب، تسمعني؟
ذياب لا
جوري المهم فا بيوم اجاها القمرر
ذياب القمر نفسه هلال ياغمه
جوري معليك غلس بس ترا اكو فرق الهلال نص جنتل مان والقمر جنتل مان اصلي يعني واحد ذكر واحد
ذياب زلمه
جوري اي فا بقى يبجيها ومايحبها يضوج منها
ذياب حقه
جوري عليش يمه.
ذياب مايحبها الرجال جبر؟
جوري بس مويكسر مشاعرها مايصير هاي مشاعر عضيمه بالاخص عند نساويين كلمه تشوفها سهله بس يم ربك تكسر ضهرك
ذياب استغفر الله ياربي
جوري نكمل فا مره القمر اجاها كالها، سويت صوتي خشن
ياحلوووه ياغيمتي يامطري وياجميلتي
ذياب امم
جوري انا تعنيت الج حفاي وانا الدمعي ينزل عليج بهداي
ذياب هذا شعر؟
جوري اي صارلي اهواي مشاعره المهم هيه صح شافته هيج بس ماحبته موبيدها.
ذياب دحكتي موبيدها عجل ليش على الولد حجيتي مشاعر وليمون
جوري ماجررحت مشاعررره
ذياب عجل شنو سوت؟
جوري خليني اكملل، صدك بيش كيلو الليمون
ذياب جوري بابا نامي فريتي راسي
جوري لا اريد اكمل
ذياب دا اشتغل يبه مالي خلك اسمع هل تسفيط
جوري انا هسه صار كلامي تسفيط
ماجاوب زافر نفسه درت وجهي مكمله
جوري اي فا ضلت تحب الهلال من بعيد اله بيوم تسمع كوكب المريخ يصرخ
عدلت شعري باوعت الايدي كلها مي من شعري
مسحتها بملابسي.
جوري اي راحت من بعيد وشافت كوكب زحل كلتله شصاير كللالها الهلال يريد يتزوج وامه المريخه ماترضى
گلبت شفايفي بزعل
جوري اجتها للغيمه صدمه وصارت بين فتره وفتره تبجي، ذياب تسمعني
ماوصلني صوته بس اسمع صوت الحاسبه جاي يضغط عليها يكتب سكتت امسح بلشباك قربت وجهي نافخه صاير رطوبه رسمت حرفي مبتسمه
ذياب اي وشنو صار؟
انداريتله لكيت بحلكه جكاره ومنزل راسه يسوي شغله فرحت وكمت امشي ناحيته.
جوري اتقدملها القمر و وافقت بس ضل الهلال بالها
كعدت يمه اندارلي يباوعلي
ذياب بس موصح السوته
رفعت أچتافاتي
جوري ماعرف بس هيه نهايتها هيج
رفعني مخليني على رجليه يوخر بشعري المبلل اليوره
ذياب مايصير تغيرين النهايه؟
جوري لا، هاي قصه بابا جان يحجيلياها كل مامطرت و انا اريد انام فا يحجيها إلى وانام وهوه اختار النهايه هيج
ذياب بس الغيمه ماراح من بالها الهلال
جوري كرامه اهم من الحب
ذياب عفيه.
ابتسمت وهو باس خدي مغمض عيونه
ذياب احب تضلين چانيه
جوري يعني أستجن؟
همهم واني هزيت راسي نافيه
جوري هوه انا فقيره
ذياب جؤ وين
جوري ليش شبيه
ذياب أنتِ اخ منج اخ
جوري شمسويه
ذياب بلوه ياعثره بلوه
جوري اشو ماجاك بس الخير على وجهي
ضربني خفيف
ذياب ياخير
جوري هاا جا شنو
ذياب شنو صار بزواجنه غير البلاوي وطلايب
جوري خليت حياتك اكشن أمي جانت حياتك ملل
ذياب تردين ترضيني؟
جوري لاا صدك لاتلزمني مجرم
ذياب استوعبت.
ماحجيت اباوع بلحاسبه مالته لزم رجلي
ذياب اخليلها علاج؟
جوري لا جرح عادي من وحدها تشفى
ذياب زلاطه؟
جوري يازلاطه غير متت
ذياب هههههه
جوري شوكت نرجع للانبار
ذياب ان شاء لله ماضل شي
جوري ونطلك غير
سكت ماحاجي شي
جوري ها؟
ذياب ليش تردين؟
جوري انت تريد هيج واصلا اتفاقنه قبل هيج
ذياب جوري
جوري ها
ذياب اتكحزي لا اطكج
جوري ليش
نتر قوي
ذياب زيحي!
كمت بسرعه منه كاعده بلكاع مامفتهمه
جوري راح تخبلني ساعه عصبي ودقيقتين حباب.
ذياب ماهبلني غيرج حتى نفسي ماعرف شنو اسوي
جوري مافهمت
ماجاوبني مطلع جكاره ثالثه مخليها بين شفايفه مورثها اخذ نفس قوي وخرها رافع راسه مطلع دخان من حلكه اتنفس مرتاح
اندك الباب انداريت بسرعه خايفه
جوري يمه جني
ذياب اي بوجج درع زحفلنه
خلى جكاره على صفحه بدون مايطفيها وكام فاتح الباب طالع راد الباب بدون مايسده
ذياب شنو ليش اجيت ضل بالي
درع واني بدرب دحكت الهاي البلوه.
كمت ماشيه اباوع شوي لكيت اكو بنيه تبجي منزله راسها
ذياب منو هاي؟
درع نچسه من نچاسه عمار
ذياب بس لا جاسوسه
درع عجل شنو
ذياب زتها بره وأنحررها
شهكت خايفه درع جراها قوي من طرف ملابسها
لاا والله انيي يتيمه
جوري اطلع لو شنو اسوي عود صدك
درع أتكحزي
ذياب وين؟
درع انحرها
ذياب ااحجي هيج خابر على رافد ياخذها هوه يعرف وين يزتها
درع حاضر اتكحزي يلا ترا اهد عليج اليزرب انتاا.
اباوع الذياب ضحك ودار ضهره انتبهلي عكد حواجبه متقدم رجعت اليوره بالعه ريكي فات
ذياب ماحب التصنت
ضغطت على ملابسي ماشيه اريد اطلع جراني دافعني على الباب
ذياب وين
جوري وخرر لاتلزمني
ذياب جوررري
جوري شنوو جوريي ماخذذ ارواح ناس لعبه!
ذياب شبلاااج تراا نجذب راح يزتها يم الكواويد جماعتهاا ويتكحزز المحله
جوري جذابب وخررر مجرم
ذياب لج لاتهبليني أچني
جوري عوففني حرااام عليك والله.
ذياب ماتستوعبيين لو شنو شبلااج اطك مرره!
جوري ايي تسويهاا ماطولك مسويهاا وياي
ذياب انتي وهاله نسواني بس هيه لاا موعلى ذمتي
نزلت راسي منقهره
جوري عوف ايدي
اتنهد ماسح وجه
ذياب ليش تخليني ارفع صوتي
جوري ايدي
غمض عيونه عاض باطن شفته وخر ايده فاتحها مشيت بسرعه وانا اعرج من رجلي بس حاولت ابعد عنه
هوه فتح الباب طالع رحت ناحيه مكانه شفت كارتون كاسات على صفحه اخذت وحده اباوعلها احاول افتحها
جوري دصيري.
مايليت شفتي مركزه عليها اريد افتحها وانفتحت شربت منها ماخذه نفس قوي
جوري راح يجيبلي جلطه فد يوم
باوعت للجكاره لكيتها مشتعله دنكت اباوعلها موخره شعري وره اذني
جوري اخمطج؟
ابتسمت ب شر اخذتها ماخذه نفس قوي منهاا مقلده ذياب وخرتها اختنكت كمت اكح زافره نفسي اضرب على صدري
جوري يمه اختنكت
حسيت بهوى بارررد صار بلعومي ضحكت حابه هل شعور
ذياب بكثر أصبعي ودخنين يبه؟
انداريت بسرعه اله اباوعله ماخذه نفس ثاني زافرته رافعه راسي متقصده عود عليه بس طلع دخان قليل رفع حاجبه مبتسم
تقرب يمي جراها من حلكي هوه اخذ نفس منها زفره بوجهي غمضت عيوني من راح دخان فتحت عيوني اباوعله
ذياب تردين تصيرين نفس ذياب؟
جوري اي اريد ادخن مثلك
ذياب انا من اخلص تدخنين شنو اسوي؟
بلعت ريكي رافعه أچتافاتي
جوري شنو
ذياب ب شنو اطفي نار جكاره
فهيت بوجه عارفه شنو قصده هوه مال راسه مهمهم.
ذياب ها. تردين تسوين نفسي؟
جوري لا
ذياب جؤ ناوشيلي اصبعج الحلو
جوري ماريد احتررك
ذياب وذا؟
لزم ايدي يريد يجرها يطفي جكاره بيها وانا اجر ايدي خايفه
جوري لاحباب شبيك
ذياب ليش عجل مو تردين هيج؟
جوري لامارييد حباب
عاف ايدي وطفى جكاره ب اصبعه شامرها
ذياب تنامين
جوري اي
ذياب شبلاج تبجين
جوري لا اريد انام
مسح دموعي بايس اصبعه
ذياب نوم الهني ومري.
كمت بسرعه وهوه رجع المكانه اخذت مخده أشرلي ههوه هم يريد شمرت عليه المخده ثانيه خلاها وراه متچي
خليت مخدتي بلكاع متمدده نايمه صفح طابكه ايديه سوه جوه ايدي
ذياب تعي هين
ماتناقشت جريت مخدتي يمه ومخليه راسي مغمضه عيوني
ذياب موقبل شوي فزيتي من نوم
جوري اامم ملل شسوي غير انام
ذياب أللعبج
جوري لاتخاف ماحاسه بلغربه تكدر ماتسوي سوالف زعاطيط حتى ترضيني.
ماشفت رده فعله بس حسيت سد الحاسبه شوي وجر المخده فتحت عيوني لكيته مخلي مخدته يمي مقلد نومتي
جوري شنوهاي
ذياب نامي
باوعت الأيده انتبهت لابس محبس
لزمت محبسه هوه فتح عينه شاف ايدي رجع غمض
جوري حلو محبسك من وين الك
ذياب اليوم من طلعت خليت رصيد واشتريته على ذوق احد
جوري صصدك شكد حلوو ذوق الاختاره الك منو؟
درع
ذياب لا، حاجيت هاله اتصال
بهتت ملامحي موخره ايدي من المحبس ردت ادور للجهه ثانيه وجراني علي.
ذياب حلو هوه، بس سبحتج احلى
جوري سبحتي؟
ذياب المسويها من دمج.
ابتسمت متقربه يمه
جوري ذياب
ذياب حنيته
جوري شكد عمرك
ذياب كولي ماعندي سالفه
جوري اي صح ماعندي سالفه
ذياب نامي بابا
جوري لاصدك احجي
ذياب خمسه وخمسين
جوري لادخيلك
انرسمت ابتسامه على شفايفه مبينه غمازته
ذياب يبه موتعرفيني ثلاثيني
جوري بس نسيت شكد بضبط
ذياب سبعه وتلاثين
جوري حيللل ججبير
ذياب دحكتي شلون
جوري قربت تصير اربعيني
ذياب امم.
جوري وانا قربت اصير عشرينيه
ذياب تضلين زعطوطه بت ارمله
جوري شنو رايك نكتب قصتنه واسميها عشرينيه الاربعيني
ذياب ياهوه يقراها
جوري ليش
ذياب شنو بيها وحكج بس طكيتها وزامطته
جوري انا زامطتك
ذياب اش لج
جوري انت حجيت ههييهيهيه
ذياب نامي بابا
جوري لاصدك يلوكلي اصير بطله روايه
ذياب اامم. تلاكيهم كلهم يحجون عليج
جوري ليش يمه
ذياب من سوالفج
جوري شبيهن سوالفي
ذياب مال زعاطيط
جوري هيج صارت سيدي.
ابتسم ضاهره غمازه بكل خده فتح عيونه يباوعلي
ذياب مشتاگلها وحك السواج
جوري السيدي؟
جر راسي شام شعري وبايسه
ذياب هويتها.
صار صوت رعيد قوي
جوري الغيمه صارت عصبيه
الصباح...
فتحت عيوني حاسه بحركه لكيت ذياب يبوس ب أيدي جريت ايدي ضايجه طالعله شوارب بس صغار حيل وثخان يبزبزن درت نفسي للجهه ثانيه مغمضه عيوني مكمله نومتي
ذياب ايا سزز
ضربني خفيف باوعتله عاكده حواجبي ضحك يرجع بشعره اليوره بيده.
جوري نشف شعرك جاي يطيح مي عليه
ذياب ام الغيمه موتحبين المطر؟
جوري موهيج
ذياب يلا لاتنفردين عدنه شغل
جوري شغليش؟
رفعني فزيت اباوعله ضحك يشوف ملامحي المصدومه
ذياب شبلاج انزاح لونج
جوري والله راح انجلط منك
ذياب لا لا شنو سالفه
جوري كلساع مفززني
ذياب يلا بويه زتي عليج شالج
ضميت راسي مغمضه عيوني
جوري اريد انام
احجي وانا فاتحه كل حواسي اشمشم بعطره
جوري اكو واحد يخلي عطر من صباحيات
ذياب ليش اله وكت؟
جوري لا بس والله الك خلك
ذياب يلا يمتى تضل نايم أبني
جوري بنتك مو ابنك
باس خدي يمسح على شعري
ذياب دحكيلي عندي تمرين
فتحت عيوني اباوعله
جوري شنو هوه
غمزلي مأشرلي ناحيه شالي.
نوف: -
اندك الباب قوي باوعت ناحيه الباب خايفه
نوف ض. ضرغام الباب
ماجاوب بس يهلوس استغفرت خايفه رجع اندك قوي
نوف شنو سالفه ليش هيج يطكون
غلست عن الباب متمدده على جهه ثانيه اباوع الضرغام
نوف هساع تصير زين.
لزمت خده امسح على لحيته خليت ايدي ثانيه جوه راسي صافنه. اجت عيني على علبه المحبس فهت ملامحي منقبض گلبي قوي
بلعت ريكي موخره ايدي من لحيته حاطه راسي على المخده
قربت رجليه ناحيه صدري ولازمه اچتافي احاول ادفي نفسي باوعت الضرغام خفت من عنده رجفه
بللت شفايفي وغمضت عيوني محاوله
أنام.
أول مابديت اغفى فزيت على صوت ضربه الباب لزمت گلبي غامه ناحيه الباب
نوف بعد علكوا على الباب.
رجعت انضاري الضرغام لكيته رايحه منه رجفه نايم جريت منه غطوه وحده وانا تغطيت بيها
نوف خخلي المتهنيه تناوشلك لحافها
درت وجهي للجه ناحيه الحايط ضامه وجهي بلغطوه ونايمه صار الصبح وحسيت بهمسات كعدت على دفو قوي
رفعت راسي اباوع لكيت ضرغام مغطيني بلحافه هم
نوف شنو صوت هذا
كمت متقربه احاول اسمع
ضرغام مايصير الفجر فالته
نوف ياهيه فالته حبيبته؟
مادري شحاجته مديت راسي اباوع لكيت عاكد حواجبه ضايج يستمع الجاي يحاجي هز راسه وطلع ساد الباب
نوف وين طلع هذا
دخلت بسرعه الغرفتي مطلعه صايه ونقابي لابستهن واخذت جنطتي ردت اللبس حذائي وصفنت
نوف مومال تجسس
اخذت شحاطتي لابستها واخذت المفاتيح طلعت وسديت الباب
نزلت بسرعه اعدل بنقابي اباوع
نوف وينهم
طلعت اتمشى شفت سياره ضرغام ماشيه بنص شارع
نوف يااا
مشيت سريع وراه كمت مالحك ضليت اركض
نوف لاتمشي مزررعععد شبلااه هذا.
مشيت اسرع احاول الحك بي ماكو رحت على صفحه اباوع مالكيته
نوف اتكحز بعد
بقيت واكفه اتنفس حاسه گلبي يحركني
ماجنت منتبه للسياره الاجت
موعيون خيزرانه
تجاهلت دايره وجهي اريد ارجع
اطلعي أنونسج
انداريتلهم خازرتهم
نوف يولل افلعك فلعع مو اني الينحجي وياي هيج مستوعب!
شمروا عليه جكاره وخرت بسرعه خازرتهم شلت شحاطتي تك واحد وشمرته عليهم همه شخطوا سياره رايحين وشحاطه طاحت على صندوك سياره
نوف مهبولين.
شلت شحاطتي ثانيه متنهده امشي وسمعت صوت خشن
درع وبعطشَ ال بان بچفوفه، صگره!
انداريتله شفته لابس مناظر وبيده يب ماخذ نفس قوي منها
نوف اتكحزز مني انتَ ثاني
استغفرت امشي سريع
درع ردت افووت بنصهم بس ماكصرتي
ماجاوبت راجعه داخله وصعدت فوك فايته للغرفه وساده الباب سمعت صوت تلفوني يدك
نوف تعبت
ذبيت نقابي وصايتي ماخذه تلفون فتحت الاتصال
نوف ها خاله امون
امينه وين صرتي
نوف دا اطبخ ماسمعت صوت تلفون
امينه ماطالعه بعدج.
استغربت من نبرتها بيها غصه
نوف خاله اكو شي؟
صارت تبجي وتشهك سمعت صوت ضربه
نوف خاله شكو
امينه ماكو احد هين اخلي ياخذج خخليت درع
نوف شكو ليش صاحب ذياب اجه صاير شي احجي وين ولد عمي؟
لطمت زايد بجيها واسمع ام مسره تصيح
ام مسره حصه صحتت صحتتت
سمعت صوت بيبي حصه كامت تون وتصيح
نوف شنو صايرر خااله فهميني!
انسد الأتصال ويه دكه الباب گلبي رجف خايفه وعارفه اكو شي بس ماريد اعرف شنو هوه ولا اريد اتعايشه.
اخاف احد يتاذه او ينفقد
وره لچمات ابوي وامي إلى عافوني بهل دنيا وراحوا
صار خوفي الفراگ.
مشيت ناحيه الباب حلكي حسيته انشلل ومارمش بهل خطوات والمسافه كم ثانيه عندي صارن ساعات كلشي اتوقعت اله.
جريت شال مخليته انتبهت الايدي ترجف بلعت ريكي اريد انطق شهاده لا الا اله الله بس ماعرف اتصنمت
فتحت الباب مغطيه من وجهي شفته مندار لابس قمصله زركه بس مال وجه بدون مايباوعلي
درع جهزي نفسج خويه.
اريد احجي ماكدر شفايفي انشلن وره دقايق يلا بكوه نطقت
نوف شكو
درع البقيه بحياتج.
جوري
كعدت مخليه ايدي جوه حنجي متنهده بكوه فاتحه عيوني حاسه بنعاس
جوري هسه هذا شغلنه
ذياب اي
واكف ويعبي بطلق بنص ساحه مهجوره مابيها احد
جوري وين احنه
ذياب أش
جوري ذياب نعسانه مجاي اشبع نوم ليش
ذياب من الابره بويه
جوري اكول، تريد تخلص مني ها
سد سلاحه باوعلي مبتسم وأشرلي اجي
ذياب يلا تعي
جوري شكو شنو اتسوي
ذياب تدريب هين
جوري وانا شكو.
ذياب غير نلعب مو ضايجه؟
انتبه العيوني نعسانات بكوه فاتحتهن اتقرب مني مدنك لازم كب رجليه صافن البؤبؤ عيني
جوري ها
ذياب عيونچ خدرانات نفس چاي أهلنه
جوري هاي شنو غلبتني ب شعر
ابتسم كارص خدي متقرب بايسه
ذياب يلا جاهزه
جوري شنو
رجع اليوره ساحب اقسام موجه المسدس عليه
فكيت حلكي اباوعله هوه ملامحه جديه صارت عاكد حواجبه
ذياب واحد
جوري الله يخليك موشقه هذا
ذياب اثنين
باوعت الاصبعه انضغط اكثر
رفع حاجبه هامس بكل هدوء.
ذياب ثلاثه
ضرب طلقه صرخت مخليه ايديه على اذاناتي سمعت صوت ضحكته باوعتله راجفه تقرب يمي جارني
جوري وخررر والله موشققه شبيييك
ذياب ماريدك جبان أبني
جوري يااا اجبان يازباديي طاار گلبي
ذياب اسم الله على گلبج شو ادحكله
جوري شنو ادحك شبيك
ضحك لازم أچتافاتي دايرني وشبه حضني
ذياب يلا سوي
جوري ماريد وخر والله ايدي كامت ترجف تريد گلبي يوجعني
ذياب أشش يلا
جوري ماريد اريد اروح.
جر ايديه اثنينهن مخليني غصب الزم السلاح حط راسه على چتفي صافن على مكان
ذياب يلا دحكين الغاد المحل هين تصوبينه
جوري اشوفك كعدتني هناك متقصد
ضحك مهتزه أچتافه وكح مثبتني اكثر
ذياب يلا يبه انتِ مرة ذيب الديره صيري نچره
جوري شنو يعني
ذياب ددحكي وصوبي
جوري راح الوف السلاح على گلبك
ماحجى بس لزم سلاح وياي معدله
ذياب هيج
جوري اي
ذياب ماريد ترجفين تمام بويه
جوري موبيدي
ذياب لابيدج لاتخافين هساع ماترجفين.
بلعت ريكي مركزه عدل اصبعي ضاغطه
ذياب احسبي وصوبي
جوري واحد. اثنين، ثلاثه، اربعه
ذياب يالله غير للثلاثه
جوري خمسه
ذياب ايي صووبي
جوري سته، سبعه، ثمانيه.
ذياب استللم ويم عبرررتينه
ركزت اكثر ماخذه نفس
جوري تسعه. عشر.
باسني ماحسيت الى ضغطت قوي راميه طفرت بعيد عنه خايفه
وهوه حط ايده على كب رجليه يضحك على رده فعلي
جوري خوفتني
ذياب هساع اعترف أنتِ زوجه ذيب الديره الأنباري.
كعدت اريد اوازن أنفاسي وهوه دك تلفونه وراح شوي وتحولت ملامحه الجديه عاكد حواجبه باوعلي واندار راح بعيد يحجي
جوري بس لا سالفه جديده والله مالي خلك، طلع صدك وجهي مو خير على ذياب
باوعت الايديه يرجفن
جوري شلون اكدر اوازن نفسي
تنهدت ضامه وجهي بين ايديه حسيت بخطواته وخرت ايدي اباوعله لكيته ضايج ملامحه باهته
جوري ها ذياب
ذياب يللا امشينه
جوري وين؟
ذياب للأنبار
جوري ليش شكو فجاءه
ذياب يلا يبه لاتحجين جثير.
ماحجيت كايمه جر ايدي ماشيه وياه
جوري خلي نجيب الغراض
ذياب مالج دخل بيهن يبه بس اطلعي السياره
جوري سياره منو هاي
ذياب جورري
باوعتله صدك صاير عصبي وضايج ماحجيت
وياه بس همست بيني وبين نفسي
جوري بجهنم شسويلك
صعدت سياره وسديت الباب وهوه صعد شغل سياره وداسها الأعلى شي
فزيت خايفه من سرعته
جوري شكووو ذيااااب!
نوف الله يخليك احجيلي
درع شنو احجيلج خويه
نوف منووو ماااات مو راح اموت اني
درع هدي لاينسمع صوتج
رفع جامات مشغل تبريد حتى مايطلع صوت البجي مالتي ضليت ادك على فخذي
نوف يابويه يابووويه راح يمشي حيلي يابويه
درع كلنا بهذا درب اختي
نوف انت موونفسك تكلي صكررره
من صكروااا عيووونك اصبرلي اذا ماحجي الخالو ذياب
درع استغفر الله ياربي ترا والله احججيلج منو المات واخلليج طفرين.
نوف يااييييمه يعني عزيز گلبي يايمه يابووويه
درع لاينسمع حسج
نوف لك امشيي سرررييع عنديي فاتحه
درع غيرر تكعد ام الواجب هساع انت عرفتي ياهوه المااات
نوف عزيز گلبي
درع جذابه ماتعرفين بس تحجين من كيفج اصبري خلي ندحك الدربنه
نوف هوه شنو دربك نسواان
درع والله لو ما تصيرين الصاحبي
سكتت مخليه كلينس على وجهي نازلات دموعي ماتحملت ضليت اشهك
سمعته يستغفر دار الستيرن ماخذ نفس من الفيب مالته
نوف احجيلي منو.
درع من توصلين تعرفين
بجيت اكثر هوه ضرب على الستيرن
نوف بس للاا من ولد عمي امووتن وراهم اخواني همه اخواني
درع الله ينطيج صبر
زدت بجي من سمعت كلامه
درع حقج حقج
نوف راح نوصل
درع ماضل شي
نزلت راسي وههو كمل كلامه
درع وتغرك السياره
دقايق وصلنه نزلني وهوه نزل ضل واكف باب سياره فتحت الباب داخله شفتهم يتلاطمون ضليت اباوعلهم واحد واحد
درع لكيتي المفقود.
نصهم ماشفتهم صرخت كمت اللطم وياهم دخلونه جوه حتى مايسمعون صوتنه البره
نوف ولللكم بس احجووولي منوو المااات مو مات گلبي!
حجولي وصارتلي صدمه اخر احد جنت متوقعه موته! نطقت اسمه بصدمه مارامشه
نوف عمو.
جوري
ضل طريقنه طويل وانا ايدي على گلبي خايفخ لا نندعم كل شويه يريد يدعم ويدك هوررن
جوري الله يخليك احجيلي شصاير
ذياب اشششششش ماريد اسمع حس احد موبعقلي هساع صدكي بالله
خفت من كلامه اكثر درت وجهي متچيه على الكشن اباوع من جام بدت تمطر ومر الوقت وانا كاعده لو اكوم خايفه لا نندعم فتنه سيطرات وبسرعه يفوتونه لان يعرفونه
جوري عطشانه ذياب
ماجاوبني بس عاكد حواجبه ضايج تنهدت منزله راسي.
شوي ودار سياره سمعت صون شخط صرخت خايفه
جوري ذيااااااب
باوعلي خازرني
ذياب شكو؟
فتح الباب يريد ينزل جريت ايده
جوري وين عايفني حباب لاتعوفني
عاط بيه فاتح ايده
ذياب موترردين مي
سكتت هوه نزل ماطول بسرعه اجه شامر البطل وشغل سياره راججع بسرعه ازيد يمشي فتحت البطل مي شاربه منه
جوري ديربالك لانندعم
ذياب أسكتي يبه أسسكتي
ضليت ساكته وصار العصر انا غفيتلي شوي وفزيت على صوت هورن ذياب
جوري لاتمشي سريع.
ماجاوبني بالع ريكه باوعت واجت عيني على سبحه دمي طالعه شوي من طرف جيب بنطرونه الأسود.
ماحجيت شي درت وجهي اباوع احنه صرنه بشوارع الانبار بسرعه دخلنه للفرع واصليين كدام بيتهم صفنت على اطلاله شباك غرفتي راجعتلي ذكرياتي
جوري حماماتي
ذياب فتح الباب بسرعه نازل نزلت وراه امشي وهوه فتح الباب رئيسي بيتهم داخل بنص صافن يدور بعيونه على انحاء البيت
وكفت وراه بمسافه وفزيت على عيطته
ذياب اطلعوا!
ثواني وصاروا كلهم واكفيين كدام ذياب يباوعوله اولهم هاله بعيونها دموع ولابسه دشداشه خضره
ضليت متصنمه بمكاني مامفتهمه شي بسرعه حضن امه قوي يبوس بيها
امينه عافنيي عاااافني
ذياب لاااا ما اصدك ماصدك هديي!
باسها اقوى الدرجه. اسمع صوت بوساته الها وخرت منه ترجف لازمه ايدين ذياب بكوه واكفه
امينه انكسرت أبني انكسرت.
ضل ذياب صافن عليها مايعرف شنو ايسوي مصدوم ولامصدك الجاي يصيرله اجت هاله رافعه اقدام رجليها حتى تصير بطوله وحضنته قوي كدامنه
بللت شفايفي خايفه مادري شسوي بس باقيه واكفه وعيوني على ذياب وهاله حسيت ضجت
ماعرف بس هل احساس بدايات حبي الذياب بده يرجعلي
ضليت اباوعلهم ضاغطه على ملابسي هوه شويه وحضنها قوي مخلي راسه بركبتها بنص شالها
ذياب حبيبتي
هاله ذياب والله اتعذبنه بلياك.
ماجاوبها بس باقي حاضنها درت وجهي منداره صافنه حسيت بصوت طكه درت وجهي ولكيت سبحه دمي طاحت بلكاع
هاله لازمه وجه ذياب نازله دموعها وباسته وذياب ملتهي بيها عين عليها وعين على امه
صفنت مفكره بيني وبين نفسي
ششنو جاي اسوي. من كل عقلي ردت يحبني
تنهدت حاسه بغصه نزلت راسي ماشيه طالعه بره
درع ها
رفعت راسي وشفته رحت يمه مامتحمله نازله دموعي
جوري درع تكدر ترجعني للعماره
درع هساع!
جوري الله يخليك.
سكت ماحاجي شي وخر وأشرلي اصعد صعدت اليوره نازله دموعي باوعت اليوره لكيت هاله بعدها حاضنه ذياب
وذياب اجت عيونه ذبلانات عليه يباوعلي.
سديت الباب اباوع من جام رادت تمشي سياره وصاحت
نوف عمي فرج ماات!