رواية عكد الظفيرة للكاتبة زينب جعفر الفصل الثالث والأربعون
شفته واكف بعيد بضلمه...
بلعت ريكي صايبتني خوفه ورجفه حسيت گلبي راح يطلع من مكانه خوفي لاهوه
ضم سلاحه بسترته ضيكت عيوني بس اريد انتبه للملامح حجي عبود مندار خايف ونسوان طبن من صوت طلقات صار
نوح منو رمى؟
ماجاوبته مايله راسي خاطيه خطوه اليوره امشي وعرفت من دار ضهره صاعد بسيارته
جوري كرم.
نزلت راسي منداره امشي ويه نوح هوه ضل يباوع للسياره ضال باله
جوري لاتخاف موهوه
نوح ليش رمى؟ جوريه ماريد مشاكل.
جوري شمسويه اني وحجيت موههوه
نوح اي ليش رمى
جوري ماعرف
لزم ايدي رافعهها ناحيه وجه بايسها
نوح اذا اسكتله لان جنتي على ذمته بس هسه انتي حلالي ماخلي احد يتقربلج ولايسويلنه مشاكل
جوري موذياب هذا كرم
نوح حتى لو اي احد يعودله لو هوه ماخلي بعد يلمحج لان انتي مرتي وهذا هوه ذياب صار محرم عليج بعد
باوعتله حاسه بشعور غريب ابتسم لازم خدي معدل شال
نوح وماضي تنسينه.
ماحجيت وحجي عبود فتح باب سياره نوح مستأجرها نروح البغداد الاهله انكطع بالي من كلشي ماعرف حسيت گلبي اختنك ماكدر اتنفس اتحرك واسوي اليردونه بدون ماعرف رغبتي شنو
انسى الماضي الاذاني، لو خاف يضل ماضيي بالي وماكدر
هل جمله جانت خوف بنسبه إلى اخاف لا مانسى ماضيي وأذي نوح وهوه رجال طيب وساعدني اهواي صح اخر فتره تعاركنه لان خلصت ايام العده مالتي وهم اجلت خطوبتنه.
انتبهت يصيحلي اصعد بسياره باوعتله عيوني مليانه دموع ومفهيه
جوري ها
نوح اصعدي گلبي شبيج ترجفين
ركزت ب ايديه يرجفن قوي سديتهن مكورتهن هازه راسي نافيه
جوري مابيه
صعدت بسياره هوه صعد اليوره وحجي عبود صعد اليكدام يوصلنه باوعت واجت عيني على سليمان يبجي ويباوعلي انقهرت حسيت گلبي انعصر قوي
رافع ايده ويأشرلي يريدني مفرفح بجي وهيله تريد تسكته وتبجي وياه
سياره مشت واني انداريت بسرعه اباوع النوح نازلات دموعي.
جوري ماكدر نوح
نوح شنو؟
شهكت اباوع اليوره عيوني على سليمان
جوري حجي عبوووود الله يخليك وكف سياره
عبود شوي ويسكت لاتخافين
جوري حباب وكف سياررره عمو
وكفها واني فتحت الباب نوح يباوعلي مستغرب
نوح شجاجج؟
نزلت وركضت رافعه شوي من فستاني رحت الهيله ماخذه سليمان منها حضنته قوي ابجي وياه اردد بخوف
جوري ماروح ماعوفك حبيبي انتَ ماعوفك
ياروح گلب امك وحك ريشات گمرهم ماعوفك.
مانتبهت بلجاي احجي و اول مره احلف هيج حلفان نفس حلفان ذياب وحجيه السليمان
باوعت الابني جاره راسه ابوس بي
عسل هههههههه شنو بطلتي
ضليت حاضنته ساكته صدري يصعد وينزل سريع
باوعت النوح اجه ومبين ضايج
جوري ماكدر اعوفه
نوح ماكتلج عوفي جوريه بس جم يوم ونرجع هنا تشوفيهم وناخذ ابنه ويانه
جوري لا ماكدر اعوفه دراستي ماكملتها حتى ما التهي عنه
نسوان كلهم يباوعون مستغربين من تصرفاتي المتناقضه انداريت اباوعله بتوسل.
جوري حباب
نوح عادي گلبي اهم شي راحتج
لزم خدي يمسح على وماسح دموعي ابتسمت
جوري شكرا والله
نوح لاعلى شنو تتشكرين هههههه بلعكس افرح بسليمان اني
ضليت واكفه بربع ساعه وطلعت ايناس بيديها جنطه حاطه غراض سليمان
ايناس بقيت كم لبسه حتى نبوسهن
ابتسمت ماخذتها منها اتشكرت منهم كلهم ودعتهم حضنوني قوي ويبجون يبوسن بسليمان بالاكثر عسل صارت تشهك وتتوسل ماخذه
هيله لاماما غير ويه امه
عسل والله اتعودنه عليكم عيشوا يمنه.
ضحكت ورفعت ايد سليمان ماشرتلهم بباي وهمه كلهم سواا نفس الحركه يأشرولي ويمسحون بدموعهم مبتسمين بس بداخلهم كسره واني هم متعوده عليهم
تنهدت زايده الخنكه البيه بعد ماستوعبت اني رايحه صدك!
رغم ماحب الرحيل بس اكثر شخص ابتعد اني واتاذيت حيل اول شي رحيل ابوي ورحيل اخواتي
ورحيل امي ورحيلهم هسه.
نوح رجع صعد واني صعدت مخليه سليمان بحضني ضليت احاول اسكت بي لحد ماسكت عدلت كعدته مخليته يباوع من جام نوح ذب قاطه لافه على سليمان
نوح خاف بارده علي
باوعتله مبتسمه
جوري انت احن شخص اعرفه
فرح يباوع العيوني اخذ ب ايدي يبوس بيها وضل لازمها مدخل اصابيعه بين اصابيعي شابگها على صدره تضايقت من حركاتهم شوي ايد يمه وايد يم سليمان بس درت وجهي متچيه راسي على جامه.
مرة الوكت وسليمان نام بحضني ونوح غفى واثنينهم لازمين ايديه وخرت ايدي منهم متنهده جو برد كلش صار الفجر وحجي عبود يمشي بطيء
جوري عمو بس لانعست
عبود هههههه لا سايق اني شلون انام
جوري اي لاتنگلب بينه
ضحك يباوع من مرايه وزادت ضحكته
عبود هاي شنوهاي رجلج نام
باوعت النوح مبتسمه
جوري غفى غفى
عبود شلون ينام بهل ليله دكعدي يمعوده.
بهتت ملامحي متذكره ضليت امسح على نوح ادعيله يكمل نومته رجعت اباوع من جام حاضنه اچتافي بردانه وماكو سيارات وحدنه لو قليل كلش تفوت سياره تعبرنه وضلمه
عبود مليتي
جوري اي ضوجه ومختنكه
عبود لان تعوفينه
جوري اي
عبود هههههه لا وين قصرنه وياج هسه ارتاحيتي منه ومن هيله
جوري لاوين ولعباس منقهره عليكم اتعودت
عبود كلنا بهذا طريق عود هوهه للنسوان بس يتبجبجن بس خالتج خلتني اني هم ابجي على اهلي
جوري ههههههه ليش بجيت؟
عبود غير عزلنه جانت هيه وامي هيج وحده تنگر ثانيه
جوري لاخاله هيله فقيره
عبود خوش بسمار عود امي هيه التنگر
جوري لاموهيج
عبود ههوه بعد خرطتيها ياموهيج هههههه لاعادي اادري ب امي اني
سكتت حتى لا اجفص بعد هوه طلع تلفونه ماده إلى وعيونه على طريق
جوري شسوي بي
عبود اني مشترك على رصيد علمود عسل تقره نت هل ايام ضعيف ف شغلي وباوعي
جوري لاماريد ليش اصرف رصيدك تحتاجه.
عبود دباوعي احسلج هيج كاعده اني رجال شايب ماعندي سوالف حلوه
اخذت تلفونه مطلعه تلفوني مشغله انترنيت على رصيد دايسه على نقطه الاتصال رجعته اله فاتحه تلفوني دخلت للواتساب دزيت رساله الخاله هيله
جوري خخاله كاعده؟
طلعت اباوع الحساب كرم اجت عيني على نوح
احجي بيني وبين نفسي
جوري لازم احذف كلشي يخص ماضي مالتي، اسمي ارتبط ب انسان غير
شفته مخلي حاله ضليت احوس مادري اشوفه واحضرها لو احضره كبل.
قررت اشوفها واحضره وانهي كلشي نصيت تلفوني وعيني على نوح خايفه لايكعد وادري الاسوي غلط
شفته مخلي صورته بيده نركيله وبصفه كرسي فارغ كاتب شنو الفرحه بلياك قناصي.
طلعت من الحاله صافنه انسد تلفوني واني عيني على جام افكر ليش ماكو ويه كرم وين راح؟
وصلني اشعار فز گلبي اتذكرت ماحضرته فتحت تلفوني وصح منه بلعت ريكي داخله للمحادثه لكيته دازلي علامه استفهام راسلت دازتله رساله
جوري شكو؟
شافها ومارد وره دقايق يلا كتب
كرم هيج ماكو شي
ماحجيت طلعت اريد احضره لكيته يكتب...
ضليت منتضرته يدز نزلت شاشه كاتمه تلفوني وهو دز
كرم رجلج صوبج لو شنو؟
جوري شعليك؟
شافها ومارد رجعت كتبت
جوري يمي ليش
كرم مايرضى بيه احذفيني
جوري اي هوه ردت احذف حسابك بس راسلتني
كرم ها، الله يوفقج ام سليمان
وجعني گلبي ابتسمت بقهر
جوري اول مره تصير عاقل.
شافها واني سديت التلفون حسيت بدمعتي بارررده نزلت على خدي مسحتها وهوه دز بصمه ضليت متوتره خايفه اسمعها كدامهم
جوري عمو
عبود ها بنتي
جوري عندك سماعه؟
عبود لاوالله هاي سوالف عسل وشكران
هزيت راسي مبتسمه عليت صوت شوي مقربته يم اذني اسمعه يضحك
كرم ههههههه لا اني عاقل ترهه بس اطلع سواديني ودروبي يمج ام كصايب
سكت شوي سمعت طكطكه ماعرفت شيسوي ورجع يحجي صوته انصى
كرم هساع لا صرتي ماتعرفيني بعد.
جوري مانسى وكفتك وياي وصح حجيتله بس حافظت على سري بسنه ذيج وصدك اعزك ومثل اخوي انتَ ضجت حيل من صارت بينه مشكله ولكيتك مقهور بسببي ماحب اذي احد من وراي
ااختفى بربع ساعه هيج يلا شافها
كرم ماردت اعلي صوتي عليج ولاردت انو ما اسأل عليج بهاي الاشهر الفاتن على العده مالتج بس صدكي دومج بالي
قريتها ابتسمت ودز تكمله برسالته.
كرم وذياب همن بالي انفطر گلبي على تعرفين صديقي واني صغير ماكدر اضوجه ولا احب ادحكله ضايج او مريض او تعبان اني بلواجب اذا على طبخ اني اطبخ بداله ماحب ادحكله ابد تعبان
بهتت ملامحي ماعارفه شنو اجاوب شوي وكتبت
جوري شلونه هوه؟
كرم جوري صح احسبج اختي بس هذا هوه اتزوجتي حتى اني مايصير تحجين وياي بعد ادري تحسبيني اخوج وگلبج رهيف على الكل همن ماتحبين دحكين احد تعبان بس مايصير.
رفعت راسي اباوع النوح فز باوعلي وابتسم ابتسمتله وهوه رجع راسه على الكشن مكمل نومته
رجعت انضاري للرساله وخليت تفاعل الاعجاب بتمام شوي ورجع كتب
كرم تردين اخر مره احجيلج اوضاعهم؟
رفعت حاجبي مستغربه
جوري اوضاعهم؟
دزالي بصمه خليت تلفون يم اذني اسمع.
كرم امج زينه بس گلبها ياذيها عليج وتجي ايام طيح وكل شوي اختج كاضبتها لو تضل صوبها راد واحد يضل باله عليها واختج همن مشتاقتلج بس ماتكدر تسوي شي ومابيدهها شي ذياب موزين بس صحته اتحسنت شويه لان اجبره يشرب ادويته
وجميله تجينه تحب ذياب وزينه بس همن تسأل عل...
قبل لايكمل سمعت صوته من بعيد يحجي
ذياب تريد جاي؟
سداه بسرعه مخلصه البصمه اني اتخربطت احوالي سديت تلفون بسرعه متوتره شمرته على جهه اباوع النوح هوه حس عليه يباوعلي
لزم وجهي ب ابهامه يمسح على خدي
نوح شبيج گلبي؟
جوري م. م. مابيه بس بردانه شوي شويه اي
احجي وحلكي يرجف درت وجهي اباوع من جام هوه عكد حواجبه لازم كصتي
نوح وين بارده شو عركانه؟
جوري اي يمكن صخنت رجليه بردانات حيل
نوح مالبستي جورايب حبيبتي
ماحجيت هوه من قاطه مخلي على سليمان ضم چتفي هم.
جوري لا ابني يدفه اهم
نوح هسه بلكت نوكف يم محل شي اجيبلج جاي
تذكرت ذياب حسيت زادت الخنكه بصدري باوعتله مجتمعه دموعي عضيت شفايفي اهز براسي
هوه ابتسم اخذ ايديه بين ايده يدفي بيهن
نوح عمي شوكت نوصل؟
عبود راح ندخل البغداد
نوح يالله لعد هسه يلا ندخل البغداد جم ساعه صارلنه
عبود تريدني اطير بيكم غير الفجر خاف تطلعلنه شي چفت لاسامح الله نندعم
نوح بردانين
عبود ماكو محل شارع عام بلكت بعدين نلكه مطعم.
نوح باوعلي مد ايده ياخذ سليمان
جوري لاليش تاخذه
نوح حضني اكبر من حضنج خاف بردان وانتي هم عدلي كعدتج
ماحجيت اخذ سليمان حاطه بحضنه شابگه هوه اتحرك عاكد حواجبه ضايج اني رفعت رجليه داحسه روحي بزاويه بردانه كلش غطيت نفسي بشال فاتحته كله عليه وضليت اباوع من جام
وصلني اشعار فتحته لكيته من هيله
كاعده حبيبتي شنو وصلتوا؟
جوري لابعدنه هسه ندخل للبغداد
هيله توصلون بسلامه عمري
جوري الله يسلمج.
دزتلي ملصق بنيه بيديها گلب ابتسمت كتبتلها
جوري اشتاقيتلكم
هيله لاتحفرين گلبي قبل شوي جنت يم بنات ونبجي وكاعدين على جربايتج
نزلت دموعي منقهره
هيله ايناس تبوس بمكانج ومكان سليمان
جوري سلميلي عليها كليلها سليمان يدزلج بوساته
هيله الله يسلمج ياروحي العزيزه
طلعت من المحادثه لكيت كرم داز رساله
كرم انتي وين؟
جوري بطريق راح اروح البغداد
كرم ها
جوري درع شايل بخاطرك عليه؟
كرم لا. ان شاء لله تتهنين ام كصايب.
جوري راح اشتاقلكم كلكم واشتاق للانبار
كرم حتى الذياب؟
اتصنمت من جرأته كاتبلي ماعرفت شجاوب ضليت صافنه هوه كتب
كرم يلا روحي استودعتج الله توصلين بسلامه
جوري الله يسلمك وبوسلي جميله
كرم صار
طلعت ردت احضره وهوه كتب
كرم راح ارسلج شي
جوري شنو؟
شافها ومارد شوي ودز رقم
جوري رقم منو هذا؟
كرم نوف، اختج مشتاقتلج حاجيها منها
ضليت محتاره احفظ رقم او لا انتبهت كرم حضرني.
ماسويت شي حفظت رقم بلحافضه واني بس حذفت المحادثه بيني وبينه بدون ما احضره.
سديت تلفوني وانتبهت على لافته مكتوب
بغداد السلام ترحب بكم
نوح كعد واني الخوف وتوتر كل ماله يزيد بداخلي جان اكو ازدحامات اهواي باوعت واجت عيني على جوله بجهه وبيها بيتين صغار
اجه بالي بيت المرجوحه وضبع العض ايدي.
نزلت راسي مغمضه عيوني اريد انسى كل ذكريات فتحت عيني من وكفت سياره مقابيل بيت ونزلنه حجي عبود ضل ينزلهن وياه نوح ودك الباب فتحتلنه مره وياها حجيه جبيره
فتت كبل وهيه تباوعلي ضليت متوتره وحدي ماعرف شنو اسوي
جوري سلام عليكم
وعليكم السلام
الحجيه تباوعلي مبتسمه جرت وجهي بايستني وفوتوني كبل جوه
جوري خلي اكعد وياكم
دنيا ليل حبيبه شتتعرفين باجر عود هسه ارتاحي.
هزيت راسي فاتحه باب الغرفه لكيتها غرفه بطول عرضها زين وسيراميك حايط بلون ابيض بس قديم بي كم حفر وجربايه وكنتور وشباك ثلث طلگات وملزوك على لاصق سمائي فات نوح وراي مشغل ضوه
نوح ادخلي حبيبتي
دخلت وهوه حط سليمان على جربايه بنص ساد الباب اني ضميت ايديه بحضني ارجف من بروده
نوح اتغطي وادفي لاتتمرضين
صفنت متذكره نفس رجفتي وبرودتي ب اول زواجي وجنت كاعده بسيارته غطاني بفروته بس هم تمرضت.
ذبيت نفسي حاسه وجع براسي قوي من كثر تفكير كمت بسرعه هوه فتح دكم قميصه مطلع بلوز لابسه
نوح شتردين ملابس
جوري اني اطلعلي
هز راسه واتمدد على جربايه متنهد براحه
نوح تصدكين ماتوقعت يجي هذا اليوم الاتمناه
باوعتله برود مدنكه مطلعتلي من جنطه دشداشه
جوري دور وجهك
نوح شنو هههههه صرت رجلج بعد
جوري نوح لاتلح حباب دور
دار وجه حاضن سليمان يبوس بي اني غيرت ملابسي بسرعه مطلعتلي كلينس مرطب امسح بوجهي
نوح خلصتي؟
همهمت هوه اندار انتبهت يباوعلي وضايعه علومه
طفيت الاضويه ضاله بدون مكياج ولاعدلت بنفسي شي اتمددت يم سليمان متغطيه منطيتهم ضهري صافنه
نوح راح تنامين؟
جوري اي تعبانه
نوح براحتج
ماجاوبته مغمضه عيوني ضليت هيج الحد مابديت اغفى بتعب شوي وفزيت على بوسات قويه تنطبع عليه فتحت عيوني بخفوت
حجيت بصوت ناصي وتعب مالي عيوني
جوري شنو.
كرم
سديت تلفون اباوعله كعد ايده تهتز قوي قربه يم شفايفه يشرب جاي
ذياب بيك شي؟
كرم لا ليش
ذياب شو دحك الايدي
كرم ليش ترجف؟
انتبه الروحه مسح على وجه
ذياب ماتدري بتعبي؟
كرم شكثر فاتت اشهر ماكافي؟
رجع نفسه اليوره ذاب انفاسه
ذياب لا الجرح جرح يضل بگلبي يشوي وياذيني
كرم الجرح يتشافى بيوم
ذياب جؤ، جرح ذيب مايطيب مزرعد
كرم ماناوشتني الجاي مالتي
ذياب حجيتلك ضليت مدحكلي بهل سكط تلفون كوم صبلك انتَ.
كمت فايت للمطبخ فاتح قبق من القوري
كرم بي هيل؟
ذياب لا
كرم اني احب بي هيل
ذياب هساع زينيه مني سويتلك ياهوه يعبر خلقتك ويسويلك جاي
ضحكت مطلع هيل كاسره بسنوني واخلي باوعتله لكيته يباوعلي لعبانه روحه
كرم ها شنو
ذياب بحلكك هي قذر
كرم هساع ياهوه شارب بي بس اني
ذياب احب جاي ماتعرف بيه اشرب بعد
سويت صوتي بنيه
كرم تلعب روحك مني قنوصتي.
ماضحك بس ضل يباوعلي برود دار وجه مكمل يشرب جاي اتنهدت تعبان واني احاول اطلعه من جو مالته بس يذكر بنته وادري بي تعب اكثر من طلاكه من جوري وهاله.
كرم راح ترجع للدوام
ذياب لاموهساع
كرم لايحاسبونك
ذياب يدرون بنتي وحجالي صاحبي اجازه مفتوحه بس اذا صار شي مهم يدزون عليه
كرم وذا صار شي مهم تمشيلهم وداوم؟
ذياب ان شاء لله مايصير لان مابيه كل حيل
كرم لحيتك دحك وين وصلت يول
ذياب يامصكوع شعليك بيها دعوفها.
ضحكت منطي ضهري اصبلي جاي هوه اخذ تلفوني
ذياب اليوم شنو من الايام؟
كرم الثلاثاء
ذياب ماشغلت حديث الكساء
ضل يدور واني رجعت المكاني انتبهت ماخذ تلفوني بلعت ريكي اشرب بلجاي
ذياب وين اليوتيوب
كرم ناوشني اطلعه الك
مانطاني فايت لليوتيوب باحث رفع حاجبه يباوعلي
ذياب بيك شي؟
كرم لا
ذياب لايضل بالك مادور واطلع صاحباتك
ضحكت ههوه طلع حديث الكساء مخلي يم الطبله متمدد حاط عكس ايده على عينه متنهد يسمع
كرم قناص
ذياب اذيته.
كرم مو تحجي حنيته
هز ايده
ذياب منين إلى حنيه
كرم لاحنين انتَ
وخر ايده نايم صفح حاك لحيته
ذياب احجي
كرم شنو اسوي وتزيح من بالك كل هل حزن؟
باوعلي صافن
ذياب درع مابيه شي
كرم شلون مو ادحكلك متاذي
ذياب صح متاذي بس انت جثير مهتم السوالف التصيبني اهتم شغلك معليك مني ولايضل بالك
كرم غير اتاذه الاذيتك
ذياب لاتسوي روحك ضراير كل وحده دحك الثانيه شنو سوت تسوي مثلها اجني
كرم ضرايرك طلكتهن
ذياب يابه كافي استوعبت.
كرم هساع لومخلي وحده على الاقل
ذياب وحده موتت ابني وثانيه معلكتلي بلخنيث ذاك والسالفه ماكدر افوت نفسي وادخل لان مايصير اصلا احاجيها واني ضارب عليها طلاك
كرم حجيتها مره كبل
ذياب اي والمفروض عقد يرجعنه هم تنحسب محرمه بس اني انحسبلي هساع شكثر ذنوب من وراها
كرم ليش شسويت؟
باوعلي خاطف نضره ساكت طلع جكارتين طبك مخليهن بين شفايفه مدخن
كرم يلا دحكن الحياتهن
ذياب انت ناوشت الاوراق للبيت؟
كرم اوراق هاله بعدني.
ذياب عجل يمتى راح يصيرلك جم شهر؟
كرم بس اوراق جوري اانطيتهن الها لان تريد تزوج بس هل اشهر مانطيتهن الهاله ماريدها تتعب اكيد تلاكيها متفطر كلبها على بنتها وبعدين طلاكها لا شوي تهدء يلا
ذياب تريد تزوج؟
استوعبت اباوعله من كل حجي هوه مركز بسالفه جوري شربت من جاي
كرم لاهيج احجي
اخذ نفس من جكارته حاط ايده على راسه
ذياب اريد امشي ادحك الابني
كرم موهين
ذياب عجل وين؟
كرم حجي عبود مسافر واخذهم وياه
ذياب يمتى يجون؟
كرم ماعرف
انكطع فيديو حديث الكساء داك حجي عبود شلت تلفون بسرعه ذياب مد راسه يشوف ودار وجه اني فتحت الاتصال كايم مبتعد منه شوي
كرم ها حجي
عبود كرم مختنك هسه راجع للانبار
كرم عجل ماضليت تتفرد غاد بيتهم
عبود لاعيب ماكدرت
كرم دنيا ليل هساع وين دحك الدربك
عبود كم ساعه ويطلع النهار
كرم تعبان انت
عبود حيل والله مشكله نعست
كرم ناملك شوي بسياره واقفل بيبان
عبود ااحم لا وين اكدر
كرم هههههههه لايطلعلك جن؟
عبود لاولك ماخاف من جني اني شنو شكد كاتل جنانوهه يبوو
كرم ههههههههههه ماحسب انت بزمن سيدنا علي
عبود دخيله عليه السلام لاصدك يطلعلي جني
كرم لاسمي بالله ماكو شي ناملك شوي
عبود راح اخلي الاتصال مفتوح
كرم هاا ورصيدي
عبود غبي اني داك عليك
كرم ها راح من بالي
عبود يلا موتسده
كرم اقفل بيبان
باوعت الذياب لكيته يمسح على عيونه
ذياب حاجي يخلي باله عليهم
ماحجيت كاعد يم ذياب
ذياب احجيله شبلاك؟
كرم شنو احجي.
ذياب يخلي باله عليهم
كرم مايدري شنو
سكت كايم
عبود وين راح صوتك
فتحت الاسبيكر
كرم يلا نام
عبود هوه نعسان بس گلبي يوجعني على جوري تعودت عليها
باوعت الذياب اندار عاكد حواجبه طفى جكارته ب اصبعه شامرها بسله زبل
كرم ذياب يسلم عليك
عبود ها، الله يسلمه.
سكتنه كلنا وذياب راح الغرفتي متمدد نايم على بطنه عايف باب الغرفه مفتوح ومغمض عيونه
ذياب درع
كرم ها قناص
ذياب وين دوايه احس تا اتاذه.
كمت ماخذ دواه وجايبله مي اخذهن مني شاربه
كرم لادخن مو وكتها هساع انت مريض
ذياب اريد ابرد نار گلبي درع نار گلبي
كرم تاذيك جكاره
ذياب بس تريحني، مثلها تچوي روحي وتزت مي نفس الوكت
كرم ياهيه؟
ماحجى راجع متمدد غطيته ولزم ايدي موخره
ذياب مابردان
عفته طالع مطفي الاضويه وساد الباب ضليت كاعد لزمت تلفوني
كرم حجي عبود
وصلني صوت شخيره ضحكت اهز ب ايدي مخلي تلفون يمي وتمددت غافي على قنفه.
وخرته عركانه حاسه انكطع تنفسي.
نوح شبيج جوري
جوري موحجيتلك اريد انام تعباانه شبيك تبوس؟
نوح نامي على كيفي بستج
جوري لا كعدتني من شواربك جم مره اكولك لاتبوسني شواربك تبزبزني
نوح شواربي؟
انتبهت خليت ايدي على راسي احسه راح ينفجر
نوح شوكت بايسج جوري ستوج صرتي حلالي ومنيلي شوارب مو مزينهن لان انتي ماتحبيهم
جوري تعبانه والله دايخه راح ابجي ماجاي احس بشنو احجي
نوح هذا ههوه نامي ارتاحي اسف.
درت وجهي ناحيه سليمان حاضنته ضامه وجهي بجسمه هوه رجع المكانه نايم
حسيته نام شهكت باجيه ماعرف ليش ابجي بس صدري يوجعني مختنكه كلش حاسه راح اموت بمكاني وحشه جبيره رغم اني ردت هيج بس مادري دا انقهر وذياب كل شوي بالي
صار صبح كمت مبدله ملابسي حاطه مكياج خفيف لابسه حجابي ومبدله السليمان نوح لكيته ماكو طلعت وسلمت عليهم حجيه جانت بشوشه بس امه وجها ثگيل ماعرف لان ملامحها جاممده عبالك.
خليت سليمان يم الحجيه هيه ضلت تحاجي وتبوس بي هوه يلعب بببروش لابسته هيه مخليته بطرف شيلتها رحت للمطبخ يم ام نوح
جوري شلونج
باوعتلي بطرف عينها
الحمدلله وانتي شلونها ليلتج البارحه
جوري الحمدلله
باوعتلها لكيتها تسوي بيض سلك اخذت وصله منكعتها وانطتها الي
روحي نضفي ميز غرفتج مانضفناه احنه البارحه
جوري ها؟
شنو ها؟
جوري ياميز مال مكياجي؟
استغفر الله لاا ميز عليه تلفزيون شنو مادبريها جيبي اني اسوي.
جوري لاشنو اني غرفتي واسوي
ششنو ممنوع من هسه مادخل
جوري ههههه لاماقصد هيج بس ماريد اتعبج
ماضحكتلي ضلت بملامحها بارده سكتت ورحت للغرفه لكيت ميز على تلفزيون وتماثيل ومزهريه ونفاضات ورد كعدت امسح بيهم كلهن حتى ورد اصطناعي مسحته ونكته جان مترب
صفنت مشتاقه الهيله والامي ماحسيت بي من فات فزيت على شبگته إلى انداريت بسرعه هوه فرح
نوح شلونج؟
توترت وخرته مني بالعه ريكي
جوري الحمدلله
نوح جبت كاهي وكيمر تعاي ناكل.
هزيت راسي ورحنه اكلنه غسلت ودكت عليه هيله كعدت بلغرفه ويه سليمان وصرت احاجيهم مر اليوم واني بعد ماطلعت من الغرفه باقيه نوح رادني اشوفهم بس ماكدرت تعبانه وبالاخص سليمان تغير على الجو واتمرض ضليت سهرانه وياه صار الليل نام واني اغفي وافز اطبطب علي
نوح نام
باوعت السليمان شلته من حضني مخليته بلفراش نوح طفه الاضويه واني اتمددت اريد انام ستوني راح انام ونوح باسني.
جنت نعسانه حيل بس اريد انام حجيت بلا واعي واني حاسه على بوساته
جوري وخر ذياب.
وكف مبتعد عني اني ماحسيت بعدها نمت.
كعدت الصبح لكيته نوح ماكو وسليمان بعده نايم غيرت ملابسي حاطه شال اسود وطلعت لكيت حجيه نايمه بالديوانيه وامه كاعده تتريك صافنه
جوري صباح الخير
باوعتلي بدون ماتحجي شي ولاابتسمت مطنكره ورافعه خشمها دارت وجها مسويتلها لفه صغيره ماكلتها
ماعرفت شنو اسوي لان ادري بيها سمعتني واتقصدت متجاوبني.
جوري نوح وينه؟
شعليج بي؟
جوري غير رجلي شنو شعليه
رادت تحجي وسكتت تخوزر بيه كامت من الاكل فايته الغرفتها استغربت وهزيت ايدي رجعت للغرفه ساده الباب ضايجه
جوري بس لاهيه هم خبيثه مناقصه اني والله
ضليت كاعده منتضره نوح يجي طول فوك ساعه ونص يلا دخل للغرفه شافني ونزل راسه عاكد حواجبه راد يطلع مشيت بسرعه لازمه ايده
جوري شبيك ضايج؟
نوح ماضايج وخري.
جوري جا شبيك انت وامك هيج مطنكرين عليه ماحب هل تصرفات اني مو من بدايتها وهيج
باوعلي ساكت هزيت راسي
جوري ها شبيك؟
نوح جوري اني موتشوفيني ساكت معناها قابل تره لان احبج وعاذرج امشيهن
جوري شنو شتحجي شبيك؟
عافني كاعد على طرف جربايه باوعلي عيونه حمر
نوح كل هل اشهر ومانسيتي؟
انطعن وجهي فاهمه على منو يحجي
جوري شنو تحجي شقصدك؟
نوح ذياب نسيتي؟
جوري وليش مانساه لو مانسيته ماخليتك تكمل اوراق طلاكنه اني وياه.
نوح اني غبي ولحيت عليج ماخليتج فتره تنسينه بس ماجاي اتحمل ردتج الي
جوري شبيك نوح؟
نوح ماتخليني اتقربلج لان رجلج الاولاني بعده بالج
فركت عيوني هازه راسي نافيه
جوري لا لا. لاتحجي هيج
نوح لعد شنو جوري
جوري ليش مستعجل ترا ماصارلنه يوم وهذا يوم ثاني من تزوجنه وذا؟
نوح ليش شكد لازم اصبر بعد؟
جوري اني شسمه، مريضه ماتكدر تتقربلي
عفته فاتحه كنتوري ماخذه مجموعه من ملابسي مكمله اسفط بيهن بلخانه.
نوح زين مريضه اي وتحجين اسمه شنو هاي؟
رفعت راسي متذكره ليله فاتت ومامتهومه حجيت اسم ذياب بدال اسمه باوعتله هوه كام
نوح تدرين شكد جبيره هاي لو لا؟
جوري اعذرني والله بعدني مامتعوده واذا ماتتحملني ليش اتزوجت وحده مطلكه
صفن مستغرب وهوه يشوفني احاول اسوي الموضوع طبيعي
نوح جوررررررري تعرفين شنو تحجيييين!
جوري نوح لاتصيح عليه ترا هوه زوجي الاولاني شوي شوي انساه مو بيوم وليله.
نوح يااابيووووم وليله جورررري صارلج شكددد بدووونه شكدددد
اخذ مزهريه شامرها بلكاع يحجي ب انهيار وعيونه كلهن دموع مفرفحه روحه
نوح كل هل سنيييين ومانسييتي لعدد شوكت تنسي كليلي شوووكت وانتي شفتي منه احجيلي مواقفكم قليله انيي الجنت وياج بتعبج وبحزنج واصعب ايامج جنت وياج انتي وابنج ليش هيج ذياب محتل تفكيرج وعقلج كله الدرجه يخليج تغلطين ب اسمي وتتخيلينه بداااالي واني متقربلج!
جوري مااامتخيلته صدك تحجي شبيك؟ عيب هل كلام نوح ويعتبر دا تعايرني
نوح مو اعااايرج بس شنو فسرييهااا إلى كلتي اسمه كلتييي وخررر ذياب ماكلتي نوووح كلتي ذياب ليش هييج جوري ليش
شمرت ملابسي كايمه ذابه نفسي احاول اسيطر على روحي
جوري ذياب ماحبه اني وماضي ونسيته بس اكيد موبسهوله اكو ذكريات بس مومعناها احبه لو اتخيله بدالك الله يخليك لاتفكر هيج عيب
وهم جنت تعباانه ومكابله سليمان شفته البارحه انت.
لزمني من ايدي قوي لاويها عطت متوجعه اباوعله مصدومه من عصبيته
نوح ليش سليمان شدخله بزوجج الاولاني؟
ضليت اباوع العيونه هوه منتضر جوابي رفعت اجتافاتي حاجيه الصراحه
جوري سليمان يذكرني بي
نوح دار وجه يباوع السليمان ضغط على سنانه عايط شامر غراض على الميز فزيت خايفه
فز سليمان يبجي خايف شلته كاعدين نوح طاح بلكاع لازم راسه.
نوح جووورييي انتي إلى مرررتي مايصيررر هيج تتدرين بسواايتج الباررررحه تصير كعده عشائريييه لو غيريي ياكلج بسنونه لان حجيتي اسم غيره
جوري ماسويييت شي نووح اعذرررني تره موخاينتك او شي هوه رجلي قدييم ومو اني طلبت منك تزوجني انت ردت وتذكر شكد لحيت عليه قبلت بيك حتى انسى الماضي مالتي وابدي حياه جديده لاتسوي هيج وطلعني غلطانه
نوح تقبلين اذكر اسم بنيه غيرررج؟
جوري وضعك مو مثل وضعي وصح مايصير اجيب اسم غيرك بس والله موبقصدي جنت دايخه الله يخليك كافي وهم عيب تحجي الامك
نوح شعرفج؟
جوري مبين مطنكره عليه اذا من بدايتها طنكرون وتكسرون اني اروح ماجابره احد عليه عوفوني بحااالي موتوني اني ابني اعيش بوحدي احسن لازوااج ولابطيخ ماطولنه بلبدايه تريد تنهي انهي
من حجيت هيج سكت متنهد يتنفس سريع اجاني كاعد كبالي لازم ايديه اليرجفن.
نوح ماقصد اصيح عليج بس والله ماكدرت اسيطر على روحي
وخرت ايده مني ابجي عفته وكمت طالعه بره الغرفه خليت ابني بلكاع لكيت حجيه كاعده
يمه شبيج بنتي تبجين اسم الله شكو
مسحت دموعي هازه راسي نافيه
جوري مابيه بس عادي تسكتين سليمان
هزت راسها وعيونها عليه مبين عليه ابجي ومنقهره بس سكتت وما لحت عليه خلت الطفل بحضنها تسكت بي دخلت للمطبخ لكيت امه كاعده شافتني ودارت وجها عفتها صابتلي مي بلكلاص شاربه
نسوان هل وكت.
ماحاجيتها عفتها راجعه للغرفه متمدده ومتغطيه
نوح لاتنقهرين ادري عاذرج بس والله مايصير هيج
ماجاوبت مغمضه عيوني سمعت صوت حسراته عافني وراح فتحت عيني نازلات دموعي واني افكر كابوس ذياب الى متى يلاحكني؟..
جاه
اخذت جميله راشلتها عطر ولزمت ايدها
رمله ديربالج عليها يمه
جاه اي ههوه عيني عليها
فتحت الباب ردت اطلع لكيت سياره عمي فرج جاي
فرج وين؟
جاه راح اروح البيتكم
هز راسه يفر بسبحته
فرج امج جوه؟
جاه اي كاعده.
ماحجى شي فات واني رديت الباب ماشيه وعيوني دور خايفه لا المسودن يطلعلي وصلت بسلام
جميله وينه ذياب؟
فراس ماكو عمي بس اني هين تعاي اتكلطي تلعبين وياي؟
باوعت الجميله گلبت عيونها بغرور شامره ب ايدها ماشيه معدله جنطتها لابسه بدله حمره مكزكزه من جوه واني سويت شعرها ذيل حصان مخليتلها ملمع على بدايه شعرها واطراف خدودها
نوف جووويهه
جاه هههههه شجاي تسون
نوف نضف خضره تعاي يمنه
جاه شو ماكو احد بلبيت.
مسره ناس طلعت وناس نايمه
فراس رجع المكانه من شاف جميله مانطته وجه
كعدت بوسطهن ماخذه باگه خضره انضفها
جاه فراس شمشغل
جان متمدد مخلي ايده اثنينهن وراه راسه وحاط رجل على رجل مال راسه يباوعلي
فراس اغنيه
جاه بكد الكلاص اليمك وتسمع اغاني حب
گشر بوجهي ضايج من كلمتي ضحكت مسره نزلنه روسنه مكملين تنضيف وانفتح الباب فايته مصفر وجه شعرها طالع من حجابها وبكوه تمشي محدبه
مسره هاله.
بيديها اوراق باوعتلنه نازله دمعتها وكلمه وحده همستها بصوتها المبحوح
هاله طلكني.
شهكنه كلنا كايمين الها من طاحت بلكاع مغمى عليها
ضلينه نضرب على وجها نريدها تكعد ماكو نوف خلت شال على راسها راحت تركض بره
نوف شفته واكف لابس مناضره داير ضهره
نوف ليش حجيتلها
اندارلي شافني وذب نفسه مبتسم
كرم شلونج نوف
نوف طاحت البت ياشلونج وكتها
كرم جهزي نفسج الخميس
نوف شنو؟
كرم اخطبك من عمك ياحلو
نوف شنوووو!
دار ضهره يضحك مخلي ايده بجيوبه وصعد سياره باوعتله مصدومه هوه لوحلي باي وانطاني بوسه بلهوى
فكيت حلكي ماخذتلي صدمه ثالثه هوه شخط سياره رايح درت وجهي صافنه
حشام شبلاها ههاله
نوف هها
حشام سويليها عصير ليمون زرعدي
مسحت وجهي منتبه ركضت فايته جوه همه ضلوا يحاولون بنات يكعدن بيها وحشام يقنع بيهم ياخذها للمستشفى
جاه لاهسه تصير احسن ممايصير هل اشهر كل شوي ماخذيها مستشفى موزين عليها ادويه اهواي.
حشام عجل شنو انسوي جاه احجيلي
جاه ههسه اهدء نوف تسوي عصير ليمون الضغطها وترتاح شوي وتستوعب
حشام شصار؟
جاه كالت طلكني
حشام افتهم وكام عافنه راجع الغرفته اجت نوف بيدها عصير ليمون وبرتقال
نوف خليتلها شوي ملح
فتحت عيونها على كيف ردنه نشربها ماقبلت دارت وجها تبجي
جاه اشربي مايصير هيج تضلين بدون اكل وشرب
باوعتلي هاله تشهك فزيت من حضنتني قوي
هاله خسرتهم كلهم ليش هيج ليش جاه احجيلي.
ماحجيت شي مستغربه طاح شالها على ضهرها مسحت على شعرها
جاه الحياه هيج لازم نصبر على الابتلاء
هاله ليش كلها تتكرهني؟ اولهم ابوي وهين وهساع ذياب وبنتي همن لان ماخليت بالي يمها كرهتني وعافتني ليش هيج والله احبهم ماردت اسوي هيج بس شنو اسوي والله احبهم والله احجيلهم جاه احجيلهم لايعوفوني اريدهم.
انقهرت عليها ضلت تحجي هيج عشوائي لحد ماسكتت نايمه من مفعول علاجها خليتها على مخده ونوف جابت بطانيه غطيناها ضامين شعرها بلحجاب كمت وجميله اجت معصبه
جميله شوكت يجي ذياااب اريده
جاه اشششش لاتجيبين سيرررته امشي نروح
جريت ايدها وطلعنه مشيت ولكيت فلاح كدامي درت وجهي منه اريد اعبر وماخلاني
جاه ططالعه روحي وخر من وجهي
فلاح قنبص شبلاج
جاه فلاح وخر
عكد حواجبه منتبه الدمعتي نزلت على خدي
فلاح تبجين؟
جاه وخر حباب اريد ارجع البيتنه
جميله وخر كلب
فلاح اس انتي، وانتي شبلاج عش هل بجي شنو فرج الكواد بجاج؟
جاه ععيب هذا ابوك
فلاح احجي هوه؟
جاه لامقهوره
باوع الجميله
فلاح مايمج جفيه انتي؟
جميله منيلي
غماها مطلع من محفضته خمسين الف منطيها الي
فلاح ااكضبي
جاه جديت كدامك؟
فلاح لاولج امسحي دموعج مايمي جفيتي اني
باوعتله بصدمه
جاه صصدك مخبل
فلاح ها، ليش؟
جاه والله اطكها بجيه وخررر منيي.
فلاح دمشي بت ام زلم ميت عليج اني فوك ما اريد ازيح همومج
جاه لاتكول بت ام زلللم زاجل
فلاح ااني زاجل هوه انتي مسويه روحج باتمان بهل اسود هذا
باوعت الصايتي مرجعه انضاري على خازرته جريته من طرف قبوط لابسه
جاه عوفففني
فلاح اوف عنيفه
عفته جاره جميله ماشيه سريع باوعتله لكيته حاط ايده على جكارته يورثها ويباوعلي نازل شعره على كصته متخربط
جاه دومه هنا واكف صدك جنك زاجل شلون ابنهم هذا.
درت وجهي فاتحه باب بيتنه داخله لكيت امي كاعده لابسه چادرها وبيديها قرأن تقره
جاه ججا وين عمي فرج شفت سيارته موجوده
اشرتلي بعيونها انداريت ولكيته بلمطبخ يسوي لفه جبن حط وياها فلفل حار اثنين ولفاها ماكل منها اجاني شافني وضحك
فرج امج جوعتني اوففف منج شرارره من احل طلايب بلدروب اكل دليميه وصوبج توكليني جبن ها؟
ابتسمت امي هزت ايدها غامته منزله راسها مكمله تقره قرأن.
فرج تره انقض وضوئج وين اكو واحد يقره قرأن ويغمغم بليمه
رمله صدق الله العلي العظيم، استغفر الله ماقصد اغمك
فرج سجلوها بجاف ماتنمسح بعد وماباريلج الذمه
امي رجعت غمته مره ثانيه ضحكت فايته جوه
جميله عمو فرج
فرج ععيونه ولج اتكلطي ابوس
اجت يمه
جميله حدر اني ابوسك
ضحك مهتزه اجتافه
فرج تعرف انباري بت شراره
دنكلها وباست خده هوه ابتسم وشالها
جميله عمو اريد ذياب اشتاقيتله ليش ماكو
فرج ااجيبه الج صار.
هيه فرحت حاضنه ركبته اني دخلت جوه وصلني اشعار فتحت تلفون شفته من فلاح دازلي ايموجي البوسه لعبت نفسي حاضرته.
جوري
ضليت ما احجي ويه نوح يجي كل شوي يريد يراضيني واني اصده وامه تخوزر لان تشوفه هيج يسوي لحد مابليل اني كملت ملابسي واتمددت اريد انام
نوح نطلع هسه؟
ماحجيت هوه اتقرب مخلي سليمان على جهه ثانيه فتحت عيوني ضايجه لان وخره اجه مخلي وجه قريب على وجهي
نوح الهيله مو مشتاقتلها؟
جوري هسه؟
نوح اي بس لاتضلين زعلانه مني ماتحمل زعلج
جوري خليني نايمه كافي.
تنهد داير وجه ضليت احوس انقهرت حسيت زودتها على وصدك مشتاقه الهيله كمت رافعه راسي
فتحت كنتوري مطلعتلي كم غرض ضامتهن بجنطه هوه باوعلي مستغرب
نوح شنو تسوين؟
جوري موتكول نروح؟ يلا
ابتسم كام جار وجهي بايس خدي قوي كش جسمي ضاغطه على جنطه قوي وخر فرحان راح طلع يشوفله سياره واني ضمضمت غراضي سريع وطلعنه صار صبح وصلنه هناك دكيته وطلعلي حجي عبود مستغرب شافنه وفرح.
حضنه سويه ابتسمت حاسه براحه موطبيعيه ييمهم راجعلي الهوى فتنه بدون ماكعدهم نمت يم هيله وحجي عبود راح نام هوه و نوح بالديوانيه
فزيت من نومي على حضنتهم إلى فرحانين بيه ضحكت ابوس بيهم وايناس اخذت سليمان شابكته هوه كعد ضايج لان كعدوا من نومته
عسل اشتاقينالج اهوايي
شكران اي وعلي
جوري واني هم متت بدونكم حسيت بوحشه جبيره
شبكوني بقيت امسح على شعرهم فرحانه هنه راحن يسون ريوك واجت هيله شمرت نفسي بحضنها.
هيله شلونج يمه
جوري تتوقعين زينه بلياج
بجت لازمه وجهي بايسه خدي
هيله تدرين من صدك احسبج من بناتي نفس المعزه ياجوريه
اخذت ايدها بايستها هيه بسرعه جرتها وكومتني عسل خلت ريوك وكعدنه كلنا بهل لمه ناكل
بنص اكلي واندك تلفوني نوح كام يريد يشوف اني رحت بسرعه ماخذته
نوح منو
جوري بعدين احجيلك
رفع حاجبه اني كل بالي نوف بس طلع كرم حمدت ربي اني الزمت تلفون مجاوبت على كرم وحجيت النوح على رقم نوف
نوح ومنين جبتي؟
جوري حجي عبود انطانياه لان كبل هوه جان سايق يوصل بنتهم
نوح شو مادري
جوري ماتشوف علاقته وياهم قويه
نوح لاتحاجينها
جوري علمود اختي اني
سكت محتار سليمان راح ناحيه صوبه مشغلينها ركض نوح جاره مخلي بحضنه دخلت للمحادثه بسرعه لكيت كرم شايل حضر داز رساله ومخابر
كرم جايين هين؟
جوري شعرفك وليش دكيت تريد تخرب بيتي
شافها وغلس ماجاوب رجعت دزيتله علامه استفهام يلا ضل يكتب
كرم راح اجيكم ادحك السليمان.
جوري لاليش نوح وياي تره
كرم اريد احاجي حجي عبود بس انتي طلعي سليمان بس ابوسه وهمن سوي بلغلط على اساس
جوري شوكت؟
شافها واختفى بعدين رجع وكتب
كرم ساعه بسته ونص
ماجاوبته خايفه ومتردده اخذت ملابسي ورحت سبحت طلعت شايله شعري مكورته دائره للكيته طولان واصل نهايه ضهري
فتحته راجعه اظفره وبكل عكده يمر بالي مشهد يموت گلبي ويطلع روحه الف مره.
لحد ماخلصتها تنهدت ماسحه دموعي مترحمه الابويه بدلت السليمان مشطه شعره راشتله عطر وضليت انتضر ساعه صار ضهر واني انتضر اتمددت اني وسليمان
ماحسيت الاغفينه سويه فزيت على صوت تلفوني يدك باوعت لكيته كرم سديته بسرعه مباوعه للساعه لكيتها راح تصير بسبعه
خليت شال عليه شلون ماجان بدون مافكر بلموجودين طلعت بره شايله سليمان بيدي اكعد بي
جوري راح تشوف عمو.
اندك الباب مره ثانيه اجت وراي شكران شافتني راح افتحه وراحت بلعت ريكي
وفتحت الباب لكيته واكف منطيني ضهره من حس بحركتي اندار جايه عيني بعينه
همست بصوت رايح
جوري ذياب
نزلت عينه على عكده كصيبتي طالعه من الحجاب.