رواية عكد الظفيرة للكاتبة زينب جعفر الفصل الثالث عشر
جوري: -
الطريق كله وهو يسب ويلعن وماعرف شنو يحجي ودقايق يضرب على الستيرن ودقايق يورث جكارتين طبك يزفر النفس من خشمه
خلصت جبسي داحسه الجيس بليده ومدحوسه بلكشن اباوعله واهز بيدي
جاي يدردم وانتبهلي رافع حواجبه
ذياب تا تسوين ب أيدج؟
جوري توجعني ايدي بعدها
ذياب ول طره هي ب أيدج الثانيه
جوري تيهت خرعتني شبيك عصبي
ذياب اهخ ياشطبتي اهخ
جوري اهخ احجيلي
ذياب أنتِ شلج دخل؟
جوري اسأل بلكت تهده.
ذياب گلبي متور ور يبه شيهدي ناري
جوري احطلك ثلج ههههههه بس فاد ايدي تره
باوعتله لكيته يخوزر بيه بلعت ريكي دايره وجهي اباوع من جام
جوري كلشي اله حل
ذياب سوالفي موهينه
جوري بطلهن لعد شيرادلها
ذياب غير شغلي يايبه
جوري حتلو هم يجيك حل
ذياب أحسب اليوم يخلص يلا يرتاح بالي وهمن بنومتي مارتاح أيي لحظه يتصلون
جوري مافهمت؟
ذياب واجب شغل صعب واحط احتمال ب أي دقيقه يمكن تصير
جوري شتصير مجاي افتهم؟
نزل راسه رافع نفاضه مالته طالع منها ضوه ازرك وحط جكاير بيها
ذياب أموت
جوري كلنا نموت
ذياب هههههه أشو بارده
جوري جا شسوي موصدك كلنا نموت
ذياب هاله من احج...
قاطعته اباوعله
جوري نعيد ونكرر انا موهاله
ذياب هاله احسن
جوري رأيك هذا
باوعلي مضيك عيونه وهز ايده
ذياب غير مريه هاي
جوري شبيه
ذياب ماتغارين؟
جوري انا اغار عليك انتَ؟
ذياب ليش بيه شي؟
برم شواربه رافعهن وابتسم يسوق
ذياب اشو رافع عقول بنات كلهن
جوري موطابوكات هنه.
همس يهز براسه
ذياب السانچ اهخ منه يلسانج
جوري شبي
باوعلي بنضره مافهمتها ودار وجه داك هورن طلعت نوف مغطيه وجها مطلعه بس عيونها من شال وفتحت الباب دخل سياره ونزلت بيدي علاكتي
وانا امشي اجت عيني على نوف لكيتها تباوعلي مايله راسها ومبتسمه مانطيت أيي رده فعل الها درت وجهي داخله جوه للبيت
فتحت الباب ولكيت كاعدين وباب المجلس مسدود
ساره اكو زلم بلمجلس
جوري ياهوه السألج انتي.
خزرتني عفتها وصعدت فوك داخله الغرفتي وساده الباب كعدت على طرف جربايه فاتحه العلاكه اخذت اندومي وكسرته وهو بجيس رحت للبراد مخليه مي داخله وعلى بهاراته سديت الجيس اجعص بي وبديت اكل
جوري شو حار احتررركت
صبيتلي بلكلاص مي اشرب منه واكل نوب فتحت الجبس اكل رحت للسطح فاتحه الباب وشفت الحمامات
جوري تاكلن جبس؟
درت وجهي شايفه جيس مال اكلهن فتحته وبيدي طشرت عليهن وهنه بدن ياكلن
تقربت ناحيه القفص نسر.
جوري انت شتاكل، ذياب مجايبلك اكل؟
اخذت من جيس شوي ردت انطي وتحركت يده الباب
رجعت البيدي بجيس وفتحته شفت هاله
جوري شكو؟
بسرعه غمضت عيوني جايني راشدي منها
جوري شبيج؟
هاله لج عووفي الذياب عوووفي حدج الهين وخلص
عضيت شفتي مجتمعات دموعي رادت تحجي وسديت الباب وهي بعدها تحجي اعرف بس ماسمعها
جوري همزين الباب بي عازل
مسحت على خدي صايره غصه ببلعومي حارگتني.
كعدت فاتحه جيس جبس ثاني اكل منه ودموعي ينزلن شهكت امسح بيهن واكل لا أرادي متقدمه شفتي الجوانيه بزعل.
بقيت بغرفتي مانزلت جوهه وذياب راح حته غده ماتغديت بقيت اكل بلحلويات وشبعت نوعا ما
صار المغرب وبدت تضلم وذياب بعده ماكو ولا أحد صاحني على العشى
جوري مايكولون اكو بشر هنا بس بلتكفخ يجوني
تنهدت موخره العلاكه ذابتها وتمددت طابكه ايديه اثنينهن نايمه صفح ومخليه ايديه جوه راسي صافنه.
جوري راح انتضرهم ينامون واسويلي لفه جبن
انتضرت بساعه ونص وانا اتگلب بلفراش باوعت للوقت ولكيتها راح تصير بثمانيه اله وثلث
كمت فاتحه الباب على كيفي اباوع من حدايد الدرج شفتهم كاعدين بس موكلهم والثلاثي موجود
جوري دباع شلون ثلاثه. حصه. وهاله. وغزاله
دخلت ساده الباب اهز بيدي
جوري نوب كله بنهايته هاء
رجعت كاعده حاضنه المخده صافنه
جوري حته مسره بلهاء.
صفنت شوي اتذكر
جوري مهى هم تعتبر بلهاء. أمينه. ساره.
تثاوبت مخليه ايدي على حلكي مغمضه عيوني ومرة نص ساعه وراها وغفيت.
كزبر جسمي على شي يبززني بخدي فتحت عيوني شوية وشفته يلعب بخصل شعري بايس خدي
ذياب شطبتي نايمه وزاته زلمتج بحرب الساحه
رفعت راسي صافنه افرك بعيوني
جوري ياساحه
ب اصبعه سبابه دفع كصتي راجع راسي على المخده بس حاط ايده جواها
ذياب مطفي أبني
مارديت على مغمضه عيوني وهو يطلع بخصل شعري من الظفيرة يبوسهن
جوري خربت ظفيرتي
ذياب نسويلك جديده خادم للشطبه أني.
رجعت اغفى وفزيت يطبطب على بطني
ذياب نازل بطنك شوية
جوري غير موتيني جوع
ذياب عجل الجيس ياهوه چفز عليها؟
جوري من صبح ماماكله شي بس هايه حلويات
عكد حواجبه مضيك عيونه حاط جكاره بين شفايفه ومقدم الجداحه مورثها
ذياب ليش ما أكلتي وياهم؟
جوري جؤ، ولا وجبه وكلوني
عاط يفر بيده البيها جكاره
ذياب افاا، ول يبه اجنزهم الك شلون مايوكلونك
زفر نفسه يباوعلي
ذياب مايخلون بالهم أرميله تتكحز علينه بطبر؟
جوري عوففف امي.
ذياب جذبت؟ مومريه شادتلها محرك بسبع زلم تفوت وتكسر عينهم هل مصكوعه
جوري امي مصكوعه؟
ذياب لا أرمله تخبل القرد معاذ
باوعتله عاكده حواجبي نزل راسه يضحك مبينات سنونه وغمازته
ذياب من جمال تصكع صكع رميله يايببه تخبلل
جوري شوكت اجيت؟
ذياب قبل ساعتين هيج
شمر جكاره على جهه مخلي راسه المخده متنهد شعره مخربط ومبين على ملامحه التعب
بس يحاجيني مبتسم
جوري سيدي
ضحك داير راسه عليه مدخل اصابيعه بفروه شعري
ذياب حنيته يبه.
جوري تعبان؟
ذياب حيلل اشتعلت ارمله
سكتت متذكره هاله اخذت حسره زافره نفسي
ذياب يبه كمتي دكين حسرات شنو
جوري رحت الهاله؟
ذياب اي ليش؟
جوري لاهسه قصدي شفتها
ذياب اي فتت الغرفتها قبلك ابني
درت وجهي ناحيته اباوعله
جوري وبعدين؟
ذياب نامت واجيتك وليدي
ماحجيت شي وهو حط ايده جوه راسه
ذياب شصاير؟
جوري مصاير
ذياب لاصاير
جوري وداعتك مصاير
ذياب معناها جذب، احجي شصاير؟
اختنكت متذكره مبينات دموعي ركز بضلمه على ملامحي عاكد حواجبه
ذياب ها فتحنه البزبوز
جوري روح ماريدك
ذياب ماتردين الحنين
جوري ماشاقه روح
شافني جديه وصدك بجيت راد يلزم وجهي دفعت ايده
ذياب شبلاج شنو سوت هاله؟
جوري ماسوت روح مليت منك
رفع حاجبه
ذياب مليتي؟
جوري اي بس مگابلني وكاعد ماحب هيج جاي تضوجني
ذياب صايرتلي سالفه خطره بكثر شيب ابوي وجايج تحاجيني هيج يبه؟
جوري باوع.
ماحجه شي ولاسمعني وخر كايم وطلع من الغرفه ساد الباب
تنهدت راجعه متمدده ساكته
دقايق وكمت فاتحه الباب على كيفي اباوع وهدوء ماكو احد ونص الاضويه مطفينها صارت حركه من غرفه ذياب رديت الباب مخليته يبين مسدود
وانسد باب غرفته فتحت بابي شوي وشفته نازل من الدرج يفرك بعيونه شوي وصل رأسيه الدرج ولزم الرأسيه مغمض عيونه
تنهد يحاول يركز بكوهه وراح طلعت وراه على كيفي امشي
جوري معقوله طلع هسه؟
مشيت بلممر على ناحيه باب الطرمه و وكفت لامحته باوعت للمطبخ وشفته داير ضهره واكف على طباخ يحمي الطاوه
فتح بوابه الكاونتر صغيره الفوك وطلع بطل زيت مخلي فتح الثانيه حاط ملح وكركم وماجي طحنه بيده مخلي وحمس
فتح الثلاجه مطلع معجون وحط يحمس بيهن نصى النار واندار شافني
جانت نضرته سريعه وبارده
مشى يم السله مطلع اثنين بتيته ماخذ تخته وجر سجين مخلي على الكاونتر وبده يكصكصها
تقدمت جاره كرسي وكعدت
جوري جوعانه.
ماجاوبني غاسل البتيته وشمرهن على طاوه يحمس بيهن بقيت كاعده ساكته وهو طفى النار
خلاها بماعون صغير حاط صمونه وجواهن صينيه انطانياها
ذياب اطلعي فوك واكلي موهين
جوري ماتاكل
مجاوب راد يروح ردت الزم ايده وعفته دايره وجهي هو وصل يم الباب وهمس مايل راسه بدون مايباوعلي ولايدير جسمه
ذياب لاتدورين بشعرج أطلعي فوك
جوري أمرك
راح وسمعت صوت خطواته صاعد الدرج مشيت سريع وراه وشفته دخل الغرفه هاله ساد الباب.
نزلت كم خطوه من درج راجعه للمطبخ حاطه الأكل على الميز اخذت شوي من صمونه حاطه من البتيته وماكله منها
جوري ااحتركتوا ان شا...
كمت بسرعه محترك حلكي صبيتلي مي شاربه
مضغتها بسرعه اكل
جوري مو اكووول كل مايسوي زينيه يعورني، الطبرچي
رجعت مخليه الكلاص صفح وسويتلي لفه صغيرونه ثانيه اهفي عليها صارت شوي بارده اكلت منها بس حلكي يوجعني شوي صرت اكل واشرب مي ماكملتها كلها.
اخذت ماعون مخليته بثلاجه وصبيتلي بعد مي اشرب منه وحلكي صفحه منه توجعني
صعدت راجعه الغرفتي فتحت باب السطح طالعه اباوع للطرمه انداريت للحمامه البيضه لازمتها وكعدت متچيه على الحايط
جوري عطوه أحسني مختنكه، أشتاقيت البابا
اخذت حسره منزله راسي اباوعلها وقربتها بايسه راسها
جوري رغم يكولون ماتفتهمون. بس ماحس اكو شخص يفهمني غيركم
حضنتها اباوع للسما جاي عيوني على ضوه الگمر.
جوري كبرت يتيمه. قصة أليمه. قتلواا أخاها سمهو ألامُ، جائنا الضلامُ، فاهدئو ونامو
تنهدت نازلات دموعي
جوري في غداً نسافر، ما لنا مقامُ
الصباح
حسيت بحركه شي يلوح وهوى جايني فتحت عيوني ولكيت الحمامه عطي كبال عيوني تطير
ضحكت فاركه عيوني بيدي مباوعتلهن رجعت عيوني للسماء طالع الضوه وسيارات تفوت
جوري شكد ساعه
لزمت الحديده كايمه طالعه كم خصله من ظفيرتي رجعتهن وره اذني داخله وساده باب السطح.
فتحت كنتوري مطلعه دشداشه لون بني ودخلت للحمام فاتحه الدوش وفتحت ظفيرتي
دخلت جوه دوش أسبح غسلت شعري اباوع الروحي من المرايه تارسه شعري شامبو
خليت شعري صفح جاعصته بيدي طايح رغوه شامبو بلكاع غسلته بلمي وليفت مغسله اخر شي وشلت شعري كعكه بدون گيتره لابسه الدشداشه
طلعت اباوع للساعه وشفتها الضهر
جوري ذولي صدك ناسيني، زين عمو فرج موجان يصيحني، ذياب؟
شلت العلاكه صافنه
جوري معقوله زعل مني؟
تنهدت شامره الجياس بزباله الصغيره وفتحت الثلاجه مطلعه بطل مي فتحته وشربت
جوري الغرفه رادلها تنضيف
فتحت باب السطح مخليه ضوه شمس يدخل للغرفه اخذت شال اسود بس لفيته شلون ماجان ونزلت
تجاهلت انضارهم ودخلت للمطبخ ماخذه وصله وزاهي انداريت وشفته كبالي نزلت راسي وحاجاني
فهد شلونج مرة اخوي
جوري الحمدلله وأنتَ
فهد بخير
ردت اروح وحجه
فهد هل ايام ماكو تاكلين ويانه
جوري ماشتهي هلكد
فهد شلون تموتين
جوري لا اسويلي لفات هيج.
فهد لابويه مايصير تعي انزلي يمنه واكلي نفرح بيچ
ابتسمت وهو حط سويج بجيبه وطلع دخلت هاله بسرعه تخزرني
جوري شكو بعد؟
هاله ماحصلتي ذياب حجيتي مافوت اخو
جوري عيب عليج
وخرت ايدها من الباب طالعه اريد اصعد وهو بهل اثناء نازل انضربت بصدره موخره الوصله
جوري والله بلغلط
رفعت راسي لكيته ذياب لابس رسمي قميص ابيض وبنطرون وقاط أسود فحم وساعه فضيه
باوعلي بنضره سريعه داير وجه ومشى.
انا هم صعدت داخله الغرفتي ماخذه سطل من الحمام تارسته مي وحطيت من زاهي
جوري يصير احط وياه شامبو
قربت شامبو اشم ريحته
جوري تخبل عطره
خليت منه احرك المي وصابون بيدي صاير رغوه
ب الوصله وبديت أمسح الغراض والميز
جوري ياعمي ياكرعان امسح امسح أمسح. زين ترا نكرع راسك بلزيان
عدته مره ثانيه اهز براسي وأمسح الكاعيه همه شايليها ماعرف منو بس من اجيت لكيتها هيج لان صيف شايلين الزوالي
جوري أنضف الكاعيه هم.
خليت بسطل بعد مي وحركته بيدي وشمرته عصرت الوصله ومسحت بعد مخلصه لزمت ضهري موخره شعري
شمرتهن السطل والوصله بلحمام غاسله ايدي وشلت شعري مره ثانيه شلون ماجان
رحت للمخده منزعتهن الوجوه مالاتهن وضربتهن اثنينهن طبگ وشلت الفراش
كلهن شمرتهن بلحمام باوعتلهن اهز براسي
جوري بعدين اغسلهن
فتحت الكنتور مطلعه وجوه فراشات جديده لون ذهبي اخذت مخده الاولى وبديت البسها
جوري صرتن نضيفات.
خلصتهن ماخذ عطر جو ارشرش طلعت للسطح هم ارشرش
جوري بس لابيجن حساسيه من العطر، لا قابل بس تحبون ريحتكم الجايفه
رشيت وهنه طارن
جوري شووف والطبرجي يجيكم منكع روحه بلعطورات كاعدات يمه
هزيت ايدي غامتهن و دخلت جوه ساده باب السطح.
رمله خايببه دووووخري خنكتيني
جليله ماماا وعلى ماندريي بيييج بهل سالفه
رمله وهسه دريتن وهذا هوهه
جنان سوده بوجهي يا امي وجعتي گلبي
رمله عمي السوده بوجهي بس وخرررررن
وحده حاضنتني منا وثانيه منا وجميله بحضني وسياره تمشي اندارت جاه تهز بيدها من كشن كاعده يم فرج
رمله انتي شبيج كاشه ملامحج
جاه على ذني هاي كداممكم مابيها شي عليش هل خبيصه
سكتت تافله بكصتها
جاه اييع ماما.
رمله مايحننن گلبج على امج بس عليمن طلللعين
فرج على منو تا اخوي مدللج قبل
رمله على أمك تطلع ااااامك
فرج الا امي رملللللله
دفعت الكشن الكاعد بي
رمله كوول يامرره شني اعرفك تعرفني شكالولك عليه ماستحي لو شنو وتحجي اسمي
دارت جاه وجها وفرج انطاها كلينس تمسح كصتها
باوعت للجليله نايمه على ايدي دفعتها خازرتها
رمله ولججج وخرررررررري
كعدت جميله تبجي وركعتها مرجعتها نايمه
رمله ناقصه تنعوص اني
فرج ديلاا سيطررره اشش.
سكتنه وهو نزل جام مالته بس حاجاهم ومشى
قدمت ايدي الزم بلبردات
رمله سالفه جديده بردات بلجامات
فرج ماحب احد يدحك النسواني
باوعلي من المرايه الصغيره مطلع مناظره ولبسهن
جاه جا ليش مكعدني هناا ياعموو قابل زوجي ميغار عليه
رمله هسه شلونها خلقتج ويغار عليج
جاه وعلى يغارر عليه هسه اذا دك شكلله هاا شكلله
جليله انا هم زوجي يغار عليه
رمله مال الزمهم واكتلهم واكتلجن وحده وحده هي وزوجها.
نزل فرج مناظره شوي يباوع من المرايه الصغيره
فرج حدج الجوري
همست دايره وجهي
رمله طابوكه عليك وعلى جوري وعلى ابنك وعلى امك
فرج شحجيتي؟
رمله اكول امك شلووونها
فرج اشو امك احجي ام فرج ام خالد
رمله عود يغار على حصوايه
جنان عمو
فرج ها يبعد عمج
جنان شوكت نوصل
فرج بعد بعد
رمله دطير بينه من الفجر مطلعنه ولحد هسه ماواصليين
فرج غير الدرب شكثره
رمله جا شلون اجيتني تركض
اندارت عليه جاه تفرفر بحواجبها خزرتها دافعتها من كصتها.
جميله ماما
رمله نامي انتي
فرج شكثر تنوميها خليها دحك درب
رمله شتشوف وره البردات
جليله عموو حاره
فرج يابعد عمج هساع اشغلج
رفع جامات مالته ومال جاه وشغل تبريد كبل اجتنه بروده جاه دارتها عليها
جاه الله، هاي منو يدك. يمه زوجي
رمله راح تخليني من صدك اكتله
فتحت الخط وفرج شاخط بيها ماشي سريع مشغل اغنيه بلمسجل ويغني وياها ويفر بيده لحد ماوصل للمقطع.
فرج ناوي گليبگ هجر گليبي ناوي. على الفرگه والهجران مدري شغاوي، الله عليك ياس الله
هزيت ايدي اغم من وره
رمله ولايكعد ابن حصوايه.
جوري: -
صار العصر وسمعت من السطح جوه صوت هورنات قويه
جوري بدايه الفرع ويدكدك هورنااات
فتحت الباب سطح اباوع وشفت سياره عمو فرج هو نزل لابس عبايته على اچتافه لون كركمي وعگاله وبيده سبحته زركه ملطخه ب أسود تلمع
حطاها بجيبه وانفتح باب الوراني مال سياره بدون ماشوف دخلت جوه ساده الباب
جوري وحك على ملل
تمددت اباوع على سكف
جوري شسوي؟ اصب چيله شكر واعرف جم شكرايه بيها
تحركت يده الباب كمت فاتحته وشفته
جوري ها.
فارس أنزلي
جوري إلى خلك اشتغل روح
فارس ياشغل جدو فرج يكول خلي تنزل اهلها اجو
جوري شنو؟
صفنت اباوعله ودفعته على كيف
جوري موحرام تجذب
فارس زعطوط لاكيتني واجذب
جوري من هل ناحيه لا راسك مايأكدلي عمرك
فارس انزلي انزلي
راح وانا مديت راسي اباوع من الحدايد وصدك شفت امي كاعده وخواتي والثلاثي ماكو ونوف ومسره وامينه ومهى وباقي كم بنيه مگابلاتهن
جوري ياعزااا مامااا.
ركضت اريد انزل بس انتبهت على روحي رجعت الغرفتي فاتحه الكنتور طلعت الاتراك الجايبه ذياب
لونه ازرك ومرسوم على كرز احمر ونص ردان جهه الأچتاف صايرات مثل كركوشه
لبسته بسرعه مبتسمه رايحه للميز فتحت شعري مشطته سريع وهو بعده مبلل وظفرته كرصت خدودي قوي شاربه مي وخليت حمره
فتحت الباب ومالكيت احد من الزلم حته عمو فرج ماكو
جوري اي الحمدلله.
جريت شال للضروره ولازمته بيدي رشيت عطر ونزلت مبتسمه مخليه ظفيرتي صفح شابكه ايدي بعضهن شافني وكامن مبتسمات
جنان جوررريه
ذبيت شال على المخده ورحت بسرعه حاضنتهن ابوس بيهن نزلن دموعي مامتحمله
رحت الجاه وحضنتني
جاه سمنانه ولج
ضحكت وامينه جابت العصير بقينه كاعدين انا اسولف وياهن وشوي شوي كاموا خاله امينه راحت الغرفتها تكول اخليكم براحتكم وغدير ابنها بجى وراحت ومهى دخلت للمطبخ ونوف ومسره كاعدات صفح بس يباوعن.
جليله دائما اذكرج مشتاقيلج اهواي
جوري انا هم بجيتوني
جاه ااهوو كله دراما ترا مصارلها كم يوم من راحت تسع اشهر ضلت هناك
جنان اسكتي
جوري مامشتاقتلي يعني
جاه لامشتاقتلج ادبسز بس ميحتاج البجي هوه بوستين وحضنه هذا هوه
ضحكت دايره وجهي وبهل اثناء دخل ذياب عكد حواجبه داير وجه
ذياب ححياكم الله
رمله ويحيك موغربه البنات اكعد ابن عمهن انتَ
اندار وانتبهلي فتح عيونه خازرني
ذياب جوري
باوعتله وهوه أشر براسه الفوك
جوري ها.
ذياب أطلعي
جوري لا اريد ابقى هنا يم اهلي
قبض ايده ناتر بيه
ذياب ااااطلعي جورري
جوري لا
عاط وجاه جان بيدها بقلاوه وفزت
ذياب ييلا يبه
رمله دخيلك ربي خايبه كومي لاتعاندين
كمت اباوعله ضايجه وهو جر شال مالتي من المخده مخلي عليه صعدت وهو دخل وراي سد الباب
جوري شبيك
ذياب نازله هيج شنو؟
جوري ترا هذا شال
ذياب لچ سزز مادحكت أيي شال لوما ازته عليچ
مجاوبت ردت اطلع وجراني من چتفه قوي خازرني.
ذياب وحك الله اذا نزلتي بهل لبس اجرم بيچ
جوري چتفي شبيك
ضغط قوي كاز على سنونه
ذياب ألبسيلج شي
جوري ماكو احد بس اهلي
عاف ايدي جارني مضروبه بصدره لازم حنجي قوي رافعه يباوعلي فاك عيونه
ذياب وانا اصبر احد يفووت شنووو لو غيري فايت شيصير بيه؟
جوري مابي شي انتَ جبته ترا
ذياب جبته أتلبسي هين موو دورين بي تشعلين الوااحد
عافني يأشر ب اصبعه ناحيه الكنتور.
ذياب غيري لاوالله افلعهن عليج وهاي الحمره امسحيهاا ترا امسح شفايفج
عافني وطلع ساد الباب بجيت متفشله من اهلي طلعت صايه لبستها فوك ملابسي ماخذه كلينس ماسحه الحمره خليت شال ونزلت لكيت فرج كاعد وذياب على جهه مايحجي ومبين ضايج منزل راسه يتلمس ب اصابع ايده لو شعر مال اصابعه
نزلت وباوعلي وانا متفشله حسيت عرفوا رحت اكعد يمهن وأشرلي يمه كعدت يمه ضايجه تقرب هامس
ذياب بيج شي يبه؟
جوري جؤ
لزم چتفي وخرت شوي مطنكره.
ذياب بعدك لابس هل لبس ابني
عكدت حواجبي اباوعله وهو يباوع بعيوني كاتم ابتسامته مبينات غمازاته ورموشه مطبگات من كثر مامضيكهن
جوري مو لبست صايه
ذياب ليش شديتي النونه؟
جوري لان مابي شي لبسي
ذياب الحنيه كلها طالعه وين مابي شي
باوعتله خازرته وهو ضحك قدم اصبعه يعدل بحواجبي حته لا اعكدهم
رمله عتبانه عليك ذياب
فرج هساع انتي شنوسويتي ب ابو ذياب وجايه بعد
رمله رجاءاا اخي نسيبي واحجي وياه.
فرج يامرره ابنيي هذاا وبمزاجي افوت بسالفه
باوعت الذياب اهمس ضايجه
جوري خلي عمو يعوف امي
ذياب كثر يابوي كثر تحجي الشطبه
ضحك يفر بسبحته وامي تخزرني
جوري ماحجيت هيج والله
ضحك ذياب وطلع راح بنص ساعه واجه بيده علاليك
دخل للمطبخ وأشرلي رحت وراه
جوري شنو
ذياب هاي اكل اكلي انتي واهلج
جوري تسلم
ماحجه شي محمحم
جوري تذكرت طنكورتك.
كتم ضحكته ورجع ملامحه طبيعي وطلع من المطبخ خليتهن بصينيه كلهن وردت اوديهم واجتني امينه شاهكه
جوري شكو
امينه يايمه هوه هيج غير ترتبينهن شي
جوري عادي
امينه لاجيبي جيبي اسويهن
جوري لاوالله همه ياكلون هيج عادي
امينه غير يترتبن ياعيني مكتحزه الهم هيج
اخذتهم مني وبدت هي ترتبهن
جوري خاله
امينه ها عيني
جوري حصه وينها
امينه عيب كولي بيبي حصه
جوري اي وينها
امينه تعبانه وضلت بغرفتها.
جوري مو كل مره تفتر من سمعت اهلي اجو دخلت جوه
امينه يلا ياعيني غير مره جبيره
مجاوبت الباوع للتمن ويه دجاج فتحت جراره صغيره على كيف مطلعه خاشوكه واكلت من تمن ضربت على ايدي خفيف
امينه خلي ياكلون اهلج
جوري جوعانه، صارلي كم يوم ماماكله تمن
امينه ليش ماتنزلين وهمن طلعت هاله تناوشلج اكل وحجت ماتردين
جوري هاله حجت هيج
هزت راسها وانا اخذت خاشوكه ثانيه بتمن اكل
امينه عافيات.
ابتسمت داحسه تمن بحلكي هي رتبتهن سريع ودت سفره وانا بديت انگل وياي نوف ومسره
كعدنه اكلنا كلنا ورجعنه نسولف وانا انگل مواعين مرجعتهن للمطبخ سريع حته الحك عليهن وصار الليل وجاه تمددت هي وحجابها
جاه خلي نلعب
سمعنه صوت شخير باوعت ولكيت امي نايمه حاطه ايدها جوه راسها ضحكنه دايرين وجهنه وجنان نومت جميله ونامت بقينه بس احنه الثلاثي جليله وانا وجاه.
جليله شنلعب غميضان؟
جاه اي نفتر هنا ونسرح ونمرح دكعدي لاتصيرين جاهله
جوري محيبس؟
جاه حبسوا راسج ملل وماتشوفينه ثلاثه
جوري عادي يصير
جاه غيرها ماحبها
صفنت شوي وابتسمت كايمه
جاه كام بهلول شنو شعندج
جوري اصبررري هسه اجيب لعبه واجي
جليله وين رايحه
أشرتلهن بيدي يصبرن وصعدت فوك سريع داخله الغرفته گبل لكيته سابح لابس فانيله بلون بني وبرموده سوده لازم خاولي صغير ينشف بشعره
جوري نعيما
ذياب خوش فوته ها، نعم الله عليج يبه
جوري اريد لعبه.
ذياب لعبه؟
جوري أي
ذياب مو هساع يبه تعبان
جوري لا مو وياك ويه خواتي
ذياب سالفه بيها خيانه
جوري لا، يلا اريد العوده الصفره اللعب شناو
ذياب أنخووك ومنو يرفع
جوري انا اشيلهن
ذياب لك ابني انتَ بطول اصبعي، وبعدين اسمها ماتعرفينه
جوري هو شناو من لعبنه كتلك شناو كتلي شناو
ضحك قوي كاعد على قنفه متنهد
ذياب أثقال اسمها بس مشيتها عليك
جوري زين انطيني يلا
ذياب لا لاطك صرتج من ثگل
جوري انطيني ذياب
كام فاتح جام جارها وطلعها.
ذياب لعبوا ب هي
جوري شنوهاي
ذياب دومنه
جوري حرام؟
ذياب بدون رهن موحرام
ابتسمت ماخذتها وردت اطلع هو اتمدد على جربايه حاجي باوعتله حاط ايده على عيونه
ذياب باجر الفجر ادحكلج هين تنضفين الغرفه
جوري أمرك سيدي
ماحجه ولا وخر ايده بس ابتسم ابتسامه جانبيه وانا طلعت ساده الباب
نزلت بسرعه كاعده يمهن
جوري باعن بدووون رهن
هزن راسهن وانا طشرتها وبدت جاه تگلب بيهن واخذنه انا اول وحده حطيت وبدينه نلعب
جاه الله وها اها.
جوري هاي شلون ثاني مره تفوزين
جاه ذكاء بابا
جليله تأثير تفله امج على عقلها صحاها
انصدمت وضحكت قوي وجاه خزرت جليله ضاربتها
جاه ادبسز شكد فضيحه
جوري ديلا علساس ماعرف بسوالف امي
جاه بس والله عيب كدام عمي
جوري امي هيج شنسوي بعد
سكتنه ورجعنه نلعب وسهرنه وحجيتلهن على الثلاثي.
صار الفجر واحنه نايمات انا نمت يمهن غافيه والبيت هدوء صارت طكه فوك شوي وخطوات على الدرج.
حسيت ب احد شالني فتحت عيوني شفته وصعد الدرج وهو ينزل بلفانيله مالتي يضمضم بطني
ذياب شلون اني ب بطنك أبني
مجاوبت راجعه نايمه ماحاسه على شي غير شي بزاني بخدي عرفت شواربه.
الصباح، كعدت كايمه مبتسمه فتحت شعري مسويته كعكه ولبست دشداشه حمره لفيت شال سريع ورحت غسلت وجهي ونزلت بسرعه اركض بدرج ردت اوكع ولزمت الحديده
رمله ثوول
باوعتلها مبتسمه عدلت الداشداشه ونزلت يمها خواتي نايمات متغطيات وامي بيديها كوب جاي وحليب
جوري صباح الخير
رمله ياخير جان اتكسرتي على كيفج مطايرين احنه
كعدت يمها وهي تباوعلي
رمله اخلص من ذني المتخمات تجيني انتي.
مجاوبتها بس مبتسمه فرحانه بيها شافتني هيج وحضنتني
رمله اكلج
جوري ها
رمله حصوايه وينها
جوري بيبي حصه
رمله اي شو ماكو وجها
جوري سمعت انتوا جايين ضمت راسها
رمله ها هههههه هيج تكرهج
جوري اي
رمله ماتعرف اني امج؟
جوري اضن
رمله امداج صارلج شكد وياهم وماتعرف حفيدتها
جوري هي مجانت بلعرس؟
رمله لاعيني مسافرره لو تدري بنت خالد
صفنت هازه ايدها.
رمله ماعرف ياتشد اكثر وياج لان تكرهني يا اما تحبج اهواي لان بنت خالد او يمكن بعدها حاقده على خالد
جوري الله يرحم بابا.
باوعت للكوب وهي صفنت
رمله ها
جوري اشتهيته اريد اشرب شوي
رمله أخذي
ردت اخذه وشربته عكدت حواجبي وهي تضحك
رمله اشاقه وياج تعاي بي اشربي
اخذته منها شاربه شوي واخذته مني
رمله ككافي شني
سكتت دايره وجهي اباوع الخواتي اريد اكعدهن
رمله شعندج كاعده من هسه بس لاعلمودهن
جوري اي.
رمله ذني المتخمات وين يكومن
دك تلفون جاه فزت فاتحه الاتصال
جاه هااا شتررررييد
مادري شحجه ضحكت معدله حجابها
جاه لا اليوم اليوم
جوري شنو بس لااليوم ترحون
مجاوبتني وكامت رايحه للمطبخ تحجي وياه
جوري ماما
رمله مناقصه تنعوص لاتخلني الزمجن خمستجن حته هاي فصمه اكتلها
جوري البارحه ليش نمتي هنا اكو غرفتين زايدات
رمله لا احسن هنا اراقب الوضع ردت الكف حصه بس ماطلعت
جوري تراقبيها بلحلم ماشفتي شخيرج.
ضربتني على چتفي خازرتني ضحكت
رمله كومي سوي ريوك الرجلج
جوري وليش اني اسوي
رمله مايتريك؟
جوري خاله امينه هيه التسويله
رمله يلا احسن
هزيت راسي ااحرك ب اصابع ايدي صافنه لحد ماكعدت جنان ابتسمت ورحتلها بسرعه كاعده يمها
بقينه سويه للضهر صبينه غده وكلها كعدت ماعدا حصه نزلت انا وذياب اندار يشوف لبسي
جوري ها فحصت زين
ضحك يحك حاجبه وكعدنه على الغده اكلنا
جاب لحم يفلسلي
جوري ماريد شحم
تقرب هامس بس انا سامعته.
ذياب صح لازم نزل البطن
خزرته كارصه فخذه وهو يضحك سوه ملامحه عاديه محمحم داير الهاله منطيها اكل
بقيت انا اكل اباوع لامي تلف بتمن بيدها وتاكل و فرج ب اثنين ايديه عبالك يتسارعون
جوري ادري شسالفه
نزلت راسي وذياب اندار عليه فاتحلي بطل لبن مقرب يمي شعريه حاطلي بيده
جوري اكو واحد يلزم شعريه بيده
ويه لحم دارها كله بيده لافها
ذياب دكلي اكلي
دحسها بحلكي حاط ايده ثانيه جوه حنجي اكلت اباوعله مبتسم ياكل.
ذياب تعلمي شلون الذيابه تاكل
جوري ياذيابه أداب طعام لازم بخاشوكه
ذياب الرسول جان ياكل بيده حمامتي
جوري اللهم صل على محمد وال محمد
سوه لگمه ثانيه موكلنياها
ذياب كثري صلوات كثري ياغلاي.
خلصنه اكل اول ماغسلت ايدي رحت مدنكه اريد اشيل المواعين وذياب صاحني رفعت راسي لكيت بنص درج صاعد مأشرلي اجي
عفتهن ورحتله
جوري ها
جر ايدي ردت اوخرها ونترها مصعدني
جوري اريد اساعدهم
ماجاوبني مدخلني بغرفتي ساد الباب
جوري شكو
ذياب النسر ماعرف شنو صابه دحكيله بلا
جوري دكتور اني
جر ايدي فاتح السطح ومدخلني راد الباب حاط ايده على خصره مضيك عيونه اثنينه باوعنه للنسر واني رجعت انضاري علي
جوري هوه هيج مافهمت شبي.
ذياب تگلطي صوبه ودحكي
جوري شگلط
ذياب يعني اتقربي وشوفي
ماحجيت متقدمه صافنه اباوعله النسر مغمض عيونه يتحرك على كيف عبالك نايم
جوري اضن الاصابه توجعه
ذياب وبعد؟
جوري خاف جناحه يوجعه هو مو متعور بجناحه
ذياب صح
جوري ودي الطبيب بيطري
ذياب من قبل هوه هيج
جوري حتلو يجوز يوجعه هسه يأثر تره
انداريت مباوعتله شفته واكف وراي مطلع جكاره وجداحه مورثها
اخذ نفس زافره من خشمه بدون مايوخر الجكاره
ذياب وبعد؟
جوري بس هيج او يمكن جوعان
سمعت صوت شخط سياره باوعت بسرعه اريد اشوف بس مالحكت جراني ضاربني على الحايط
جوري شكو
ذياب اانتي حجيتيلي صرتي للارابع لو درستي
جوري اصبر السياره ليش هيج شخطت
ذياب هذا ابوي طلع عنده كعده
جوري ليش تمشون هيج سريع والله موزين اسم الله لايصير حادث
ذياب أمرچ شطبتي، عجبتج المفاجأه؟
جوري ياهيه
ذياب اهلج
جوري انت جبتهم؟
ذياب ابوي، بس انا حجيتله يجيبهم
كرص خشمي ب اصبعه السبابه والأبهام مبتسم.
ذياب الخاطرك وليدي
ابتسمت ودنكت موخره من جوه ايده الجان حاطها على الحايط ودخلت الغرفتي فاتحه الباب ردت انزل وماشفت احد
جوري وينهم
نزلت اكثر وردت اعيط جارني حط ايده على حلكي شايلني بيد الثانيه
ذياب اشششش
دخلني للغرفه ساد الباب
جوري شبيييك
ذياب ماريد تتبجبجين جوه
اجتمعن دموعي اباوعله
جوري راحوا؟
ذياب لاتبجي ابني اجيبهم الك بعدين
جوري لاحباب اريد اروح وياهم اهلي
ذياب اشتعلت ارمله
بجيت ضربته على صدره.
جوري ليش خليتهمم يرحووون
ذياب غير البيتهم
جوري اكرهك
ذياب افاا مو قبل شوية مبتسمه فرحانه بلهديه
جوري بس راحوا
ذياب بعدين همن اجيبهم
هزيت راسي نافيه وشهكت
ذياب اسم الله حمامتي
جوري روح ماريد احجي وياك ماريدك
ذياب يعني نتزاعل؟
جوري روحح ذياببب اكرررهك
ماجاوبني مبتسم باس شعري وطلع كعدت بلكاع اامسح بدموعي ويرجعن ينزلن ماعرف شبيه انقهرت حييل حسيت حرگه بگلبي.
كمت فاتحه الباب على كيف شفته كاعد على الدرجه رابعه وبيده تلفونه يحجي وصاير شبه عصبي يدخن ويفر بيده بس يحجي بصوت ناصي ماكدرت اسمعه
جوري بس يعصب ناقصله طبر وصدك يصير طبرجي
عكدت حواجبي مباوعتله نضره سريعه هو انتبه راد يندار بس بسرعه سديت الباب ماخليته يشوفني
رجعت كاعده بلكاع ماعرف شنو اسوي
جوري ان شاء لله تموت
تمددت على الكاع طابكه ايديه اثنينهن جوه راسي صافنه ماعندي شي اسوي والبنات مارجعن حاجني.
جوري اروح احاجي نوف ومسره، لو اجني اخر مره جان سامحتهن
زفرت نفسي ضاربه على الحايط
جوري ملللللللل ملللل
كمت فاتحه باب السطح كاشه ملامحي اباوع للباب اتذكرت امي عضيت شفتي جايتني الغصه
جوري ادري حمامه انا ومحبوسه هنا
كعدت يمهن وهنه يطيرن
جوري هنيالجن، تاكلن بصمون وطيرن براحتجن لاهم ولاحزن
شلت عطيه بيديه مباوعتله بسته وحركت ايديه منزلتهن شوي اكثر من مره وطيرتها.
اخذت عطي وعطوه وراه هم سويتلهم هيج رحت جوه ماخذه شال مالتي وبديت أشرلهم اهز بشالي
جوري طيرن طيرن
حركت شال وبعدين خليته على چتفي مقدمه ايدي مصوفره قوي اجاني عياطه
ذياب لچ انعلل امج فوووووتي تچررر نوب
باوعت جوه ولكيته خفت اباوعله
ذياب شمااخذذ مطيرررجيه
مجاوبت عاضه اصبعي اشر بشالي للطيور يجن
فتح عيونه يأشر بسبحه مالته الحمره
ذياب ماتفوت نوب جايج وحك الله جايج
جوري يييمه
ركضت داخله عايفه طيوري وسديت الباب.
جوري يايييمه ااجاانيي
احتاريت وين اختل ورحت وره البرده ضامه روحي بين جراره من خشب هم لونها اسود.
جعصت روحي حيل حته مابين لازمه البرده انفتح الباب ودخل سامعه خطوات رجله وشامه عطره
همس
ذياب تعجبني الطيور من تضم روؤسهم.
ضميت روحي اكثر حابسه أنفاسي تقرب وانا ضغظت على برده اكثر شوية وفزيت على ايده جاره البرده قوي
رفعت راسي اباوعله وهو عاكد حواجبه مضيك عيونه اخذ نفس من جكاره حجه مأشر بيده.
ذياب حمامتي لاطيرين چثير، ولايروح بالج بليل أريدج
هزيت راسي عاضه شفتي هوه طلع وسد الباب
تنهدت ماخذه نفس قوي زافرته
طلعت بطل مي شاربه منه وباوعت للساعه.
مرر النهار وانا بغرفتي واجه الليل، الساعه 2ليلاً
كعدت من نومي فازه على حلم ماتذكر منه شي غير انو ضلام ورعبني انداريت للجهه ثانيه سامعه صوت الباب غرفتي انسد
جوري منو هذا؟، ذياب؟
كمت صافنه وخايفه
جوري أستغفرالله ياربي
درت راسي شايفه الوقت و فركت عيوني.
جوري خخلي انضفله هسه واخلص
حطيت شال و طلعت من الغرفه تارسه سطل مي وماخذه وصله حسيت بحركه
انداريت بسرعه خايفه ماشفت شي تنهدت راجعه خليت زاهي وسمعت صوت خطوات حذاء
باوعت وشفته نازل من الدرج
ذياب شبلاك، لاماحجيت لاهلي، وذا متت شنويعني كلنا على هذا الدرب، هوه رايح محد يدري بس راح اخلي احد يرجع جوري لاهلها.
مافهمت شي من الكلام شنو موت؟ شنو يرجعني لاهلي شصاير وليش ماحجه شي لاهله؟
تقدم للمطبخ وانا ضميت روحي وره الباب مدنكه جاره سله مال خضروات قريب عليه
فتح الثلاجه مطلع خبزه حاط بيها شوي جبن لفاها واكلها صبله بلكلاص مي وهو كلساع يمسح على وجه
راح ناحيه الحنفيه مغسل وجه مغمض عيونه ساد الحنفيه
ذياب الدرب يموتني، بس أني اواجهه وبيدي.
ابتسم منشف وجه وذب حسره جبيره وطلع وخرت السله كايمه حاسه گلبي انحرك من كلامه وصوته وملامحه الواضح عليهن التعب.
رحت وراه امشي خايفه انتبهت انا عايفه سطل ولوصله
جوري الحمدلله مانتبه الهن
صعدت على كيفي لكيته بغرفته وفاتح الباب موجودات اهواي صناديك
جوري شنو هاي الصناديك
ذياب هساع جايك ننقلهن ونروح، اي جاهز.
سد الاتصال واجاه اتصال ثاني بس ماجاوب حط السلاح بجيب البنطرون انا فتحت باب غرفتي على كيف داخله ورادته مبين مسدود
حسيت بحركته مباوعه وطلعت ساده الباب ودخلت الغرفته اباوع للصناديك
جوري وين رايح بذني.
فتحت واحد منهن وشفت كله اسلاحات
جوري شنو هل كميه!
فتحت صندوك ثاني مطلعه منه الأسلحه واباوع خايفه لاييجي
حسيت بحركه وصوت حاجاني فزيت مخترعه حاطه ايدي على كلبي
غدير شنو تا تسوين؟
جوري تعاي حبابه
غدير شكو شنو؟
جوري باعي انا طلعت الاسلحه بس خليتهن بصندوك ثاني
غدير مافهمت؟
جوري بس سوي هيج اريد اروح ويه ذياب
غدير اكعدي شبلاج مفوته روحج بشغله
جوري حباببه يلا
استغفرت رادت تروح وجريتها مثله البجي مجهزه دموعي.
جوري الله يخليج بس هلل مره
غدير ماكدرر افهميني
جوري حبابه والله اسامحكم على كلشي بس هل مره ساعديني
باوعت للباب تطكطك ب اصابيعها خايفه نزلن دموعي لازمه ايدها اريد ابوسها
غدير لااااا موهييج
جوري خليني اروح
تنهدت دايره وراي وجرت شالها لافته على عيوني وربطته قوي عضيت شفتي متوجعه من قوه شده طالع صوت مني
غدير اشششش ولاصوت.
هزيت راسي ساكته وهي لزمتني وانا دخلت بلصندوك مامفتهمه ليش سدت عيوني وبسرعه سدت الصندوك عليه حاطه تيب رغم صندوك متوسط حجمه بس مايكفيني كلش اله اكمبص منزله راسي
بسرعه فتحت صندوكين ثانينن ودحستهن الاسلحه بيهن ماكفى وفتحت ثالث وهم خلتهن وسدتهم كلهن
غدير جوري تسمعيني؟
جوري لا
جرت شي وزرفت كم زرف للصندوك
غدير تكدرين تتنفسين؟
جوري ايي
غدير موتكولين انا سويت ألج هيج
جوري لاررروحي
غدير شنو عندج متكحزه؟
جوري غديرر عمري روححي راح يجي
راح صوتها وانا بقيت شوي واجه ذياب نزلت شال من عيوني شوي و كدرت اشوف من زروف صايرات على جهه وجهي تقدم وشالهن واحد واحد لو يطبك اثنين شايلهن
جوري خطيه تعب، انا اعلمك تريد تموت روحك
سكتت عاضه شفتي من شال الصندوك يلي بي اني
ذياب شو ثگيل هذا، استغفر الله عود كلتله سويهن مضبوط.
مشاني وانا خايفه لايطيح بيه اجاني هوى ماعرف ماشوف شي بس من زروف والعرفته طلعني بره بس موبسياره لا، مكشفه
درع جاهز للموت
ذياب هههه يلا
جوري شو ذول يضحكون، انا شوررطني ياربي
حسيت ركبتي تكسرت واشتغلت
جوري هاي ستوته؟
درع اانا اسوق
ماسمعت صوت ومشوا همه كاموا يسولفون بس ماسمع شي من الهوى مرةة الدقايق
وانا وجعني ضهري وماعرف وين رايحين وماعرف ليش سويت بروحي هيج واجيت وياهم!
جوري هسه غدير شبسرعه قبلت هم ماعرف شلونها
غمضت عيوني احاول انام وصدك كملت نومتي وانا متقيده بس نمت.
كعدت على هدوء اباوع ضلمه نزلت راسي اكثر اشوف من زروف لكيت نفس المكان بس طالع النهار
جوري ماتحمل بعد
ضربت على الصندوك اكثر من مره ماينفتح ضربت اقوى وانفتح طلعت راسي
ماخذه نفس قوووي حاسه راجعلي الهوى ولزمت ركبتي من وره متوجعه
جوري يايمه اتكسرررت.
سكتت اريد اكوم واتصنم جسمي حاسه من وره تقدم مثل السلاح يم راسي!