رواية عكد الظفيرة للكاتبة زينب جعفر الفصل الأربعون
همست بصوت ناصي وصوتي مخنوك
جوري ذياب.
جان مغمض عيونه طايح على درع وكرم بكوه لازمه متبللين اني حسيت جسمي اتصنم مامستوعبه وره سنتين شفته
كرم فوتينه زرعدي
نزلت دمعتي عيوني بس على ذياب مافاهمه شعوري حقد الشايلته عليه انسلب بنضره
فزيت على صوته مباوعتله
كرم يلا الله يخليج
مسحت دمعتي فاتحه الباب هوه فات لازم ذياب وداخليين جوه سديت الباب قافلته ماشيه سريع بطرمه الجوه القمريه قريب على مطبخ
جوري وين فايتين.
كرم مادحكين وضعه
جوري شسمه
سكتت مغمضه عيوني شوي بالعه ريكي حاسه بدوخه
جوري مايعرفون واكو بنات
مسح وجه من المي
كرم اكو احد هين بلمجلس؟
جوري لا بس بنتهم صغيره
كرم هذا هوه
رفع ذياب مفوته واني وراهم سديت الباب خلاه على قنفه فاتح دكم قميصه
جوري شبي؟
كرم جرحه طلع دم همن
اتقربت ماده راسي اباوعله جرح بصدره وجه مصفر
جوري اضن نازل ضغطه
كرم اي بس هساع جرحه اريد مايطلع دم
جوري صبر هسه اجيك.
هز راسه رحت ركضت الغرفه حجي عبود داكه الباب قوي فزوا وكاموا بسرعه فاتحين
عبود خيرج شكو؟
جوري درع وذياب جوه وذيابب جاي ينزف
مافتهموا من خوفي مدو راسهم وشافوا ذياب هيله فزت ضاربه على خدها حجي عبود طلع اني ضليت واكفه ماعرف شنو اسوي
عبود شنو شصارله؟
درع هوه متاذي جرح اكو بصدره وهساع همن طلع دم
عبود بويه خلي ناخذه للمستشفى رجال فاقد وعيه
درع مانكدر هساع مطر مادحك عمي
عبود عجل شنو طلعكم بليالي.
درع موو وكتهااا جوري دحكيلي علاااج شي
انداروا اثنينهم عليه اني خليت ايديه الرجفن وره ضهري شابگتهن سويه
عبود جوري يلا
رفعت اچتافي حاجيه وبكوه طالعه الحروف من حلكي
جوري شسويله؟
درع موتعرفين بذني سوالف
جوري حتى بهاي تدري
عبود مو وكتها بويه الرجال جاي ينزف
ماحجيت باقيه ساكته واكفه بمكاني
لحد ماسمعت صوتها
هيله جوري
باوعتلها لكيتها تاشرلي اروحله تنهدت راجعه اليوره منضربه بلحايط.
جوري ماكدر اعالجه هنا بنات اكو خلي هنه يجن هنا وهوه يروح للغرفه
عبود يامره ام ايناس
هيله ها امرني
عبود كعدي البنات بسرعه يلبسن حجاباتهن ويرحن الغرفتنه
هيله صار
راحت مكعدتهن بسرعه اني اخذت نفس قوي احاول اسيطر على اعصابي مشيت للغرفه مامستوعبات بكوه فاتحات عيونهن وشكران ماتقبل تكعد نايمه
هيله وللجنننن يلاااا رجال راح يموت
عسل يمه يارجال؟
هيله لاتصير ملگوفه روحي الغرفه ابوج يلا.
راحن وهيه نزلت على شكران تكعد بيها وماكو وهيه بفراشها جرتها فزت
هيله وللج يلاا
شكران اريد انام
هيله بغرفه ابوج يلاا نامي على جربايه يم سليمان
كامت بدون حجاب وطلعت خزرتها وهيه ماتدري تمشي
جوري همه مناك مايشوفوها
هيله جوري تعرفين تعالجينه
جوري ماعرف شنو دكتوره اني تره كل التعلمته من جيرانه اضرب ابره واقيس
هيله ماتعرفين تخلينه مايذب دم
جوري ششمدريني ماعرف
هيله هوه وين متعور
جوري بصدره.
هيله يااا خاف حرام تشوفين صدره
باوعتلها ساكته هيه هزت راسها وطلعت صايحتهم
درع جاب ذياب واشرتله ينومه على جربايه ثانيه بس ماستمعلي ونومه على جربايتي
جوري على جربايه ذيج موهاي
درع يلا خويه وكت جربايات مادري شسمهن
ماحجيت هوه ضل واكف اني باوعتله خازرته رفع حاجبه
كرم ها شنو
جوري متقصد؟
كرم رجال راح يموت شنو متقصد بيج شي؟
جوري هسه شمعنى هناا ومنين اجيبلك ابره اني
كرم يعني مو تچقين الناس دچقي صاحبي
جوري اچقچق راسك.
هز ايده متمدد على جربايه
كرم ماكو هين غاد؟
جوري اكو بس وحده مال ام رسول تريدها باجر
كرم دچقي
رفعت ايدي خازرته هوه ضحك داير ضهره مغمض عيونه يريد ينام
جوري وييييين نايم صدك تحجي جربايه البنيه
كرم دعالجي صاحبي صدك جذب
جوري شعليه بيكم شععللللييه عسى ناركم تاكل حطبكم طريقكم مايجيبكم بس على هل مكروده
رفع راسي مندار عاكد حواجبه
كرم ياهيه المكروده؟
جوري اني
كرم دعالجي رجال راح يموت.
غميته وهوه كام طالع بره الغرفه وساد الباب باوعت الذياب راسه مايله استغفرت كايمه جريت كلينس فاتحه دكم قميصه مسحت الدم حوالين جرحه شامره ب ثلث كلينسات
كمت فاتحه الباب طالعه شفت درع كاعد يم حجي عبود
عبود ها شنو صار
جوري راح اجيب ديتول
فتحت باب الحمام فايته اخذت ديتول ورجعت للغرفه سادتها خليت بكلينس جديد على جرحه
جوري بعد وحده
طلعت ثانيه هم خليت عليها ديتول وفوكاهاا
جوري هسه شنو شعرف اني.
هزيت ايدي كايمه مطلعه ابره شلعت چيسها كاسره دوه معبيته بيها وكفت كدامه مدنكه كاعده على طرف جربايه جاره ايده ورافعه ردن قميصه الأسود
درت جسمي طاكه على الابره اكثر من مره التفتت مدنكه اكثر على غارسه الابره
التفت ذبلانه عيونه فاتحهن شويه طاخ خشمي بخشمه كزبر جسمي بسرعه موخره
رحت الزاويه الغرفه كاسره الابره وشامرته بسله باوعت من شباك على المطر القوي.
مايلت وجهي بطرف عيني اباوع شفته رجع ساد عيونه ماحاس على روحه
جوري هذول جاي يقشمرون عليه لو شنو خبل هذا الاكي مجرح روحه. بس علمودي تهي بهي
سديت البرده رايحه مغطيته الحد صدره داحسه اطراف بطانيه جوه ضهره حتى مايتحرك ويجي على جرحه
اجيت يم اذنه هامسه
جوري تسمعني؟ كعدت لو لا
ماوصلني رد خليت شفايفي قريب كلش يم اذنه
جوري ذياب.
ماحجى تنهدت وكمت متمدده على جربايه ثانيه نايمه صفح وشابگه ايديه سويه مخليتهن جوه راسي وجهي علي
جوري شجابك؟
ذبيت نفسي بحسره ومرر الوكت و وكف المطر وبده يطلع النهار وهوه نايم ولاراجعله وعيه
فركت عيوني بتعب نعسانه رفعت راسي اباوع للساعه لزمت ركبتي حاسه بوجع
خليت شال عليه واكفه كباله اصبعين مني مقربتهن يم خشمه حاسه ب انفاسه منتضمات
جوري الحمدلله.
طلعت من الغرفه لكيتهم كلهم نايمين وحتى درع نايم على قنفه وداحس روحه كلش بردان
جوري ههسه يبرد
رجعت جاره بطانيه مغطيته فز بسرعه وخرت
كرم كعد؟
جوري لا كمل نومتك
كام يرمش اكثر من مره عيونه حمر
كرم خاف صارله شي اخذه هساع للمستشفى؟
جوري انفاسه منتضمات وجرحه وكف نزيف بس باقي نايم اضن تعبان حيل وضغطه نازل
درت جسمي اروح للمطبخ هوه همس
كرم مايحجي بس اعرف بي تعبان.
مادري يقصد او لا بس تجاهلت حجيه ومشيت اسوي ريوك طلعت طاوه مگليه طماطه وبيض راشه عليهن ملح وحبه سوداء ابوي جان يسميها حبه البركه خليتهن كلهن بصينيه بيض سلك وطاوه وصبيت راشي ودبس بماعون حجي عبود يحبه واجبان وجاي طلعت مخليتهن بلكاع ودرع ماكو درت وجهي لكيت باب الغرفه مفتوح عرفته راح يم ذياب
جوري بس لايكعد ويشوفني.
لزمت راسي بحيره وخوف حجي عبود طلع سألني على ذياب ونفس كلام كررته فتت لكيت سليمان كاعد وهيله ايدها على ونايمه
جوري ها يفصعون شكعدك
سديت الباب شايلته امسح على شعره معدلته بيدي اشرلي بحلكه مثل بوسات يكررهن بمعنى يريد مي
جوري ههسه اشربك مي
باوعت انحاء الغرفه لكيت هيله ماحاطه مي
جوري مو وكتها تنسه المي
فتحت الباب اتلفت خايفه طلعت لكيت حجي عبود بلحمام فاتح الباب مغمض عيونه حاط على وجه صابون يغسل.
ركضت سريع للمطبخ وسليمان يضحك خزرته اريده يسكت جريت بطل مي مخليته على كاونتر اشربه مي وغسلت وجه ماخذه مشط مشطتله رجعت المشط ب العلبه معلكه بلحايط اليفصل بين حمام والمطبخ
خليته بلكاع مبعده قوري جاي عنه رجعت للغرفه لكيت كرم لازم ايد ذياب يطبطب عليها يريده يكعد
شافني خطف نضره ودار وجه
رحت على زاويه الغرفه ماخذه من سله سليمان ملابس اله مطلعتله دشداشه ملحيه
كرم شكثر صار عمره؟
انداريت بسرعه فاتحه عيوني.
جوري لاتحجي بي
رفع حاجبه
كرم ليش؟
جوري لايكعد ويسمعك
كرم وذا عرف؟
جوري مارييييد اصلا ضايجه من وجوده هناا
انداريت طالعه
كرم بلوكت الفات من تتمرضين همن يحجي هيج؟
باوعتله عاكده حواجبي
كرم لو من انكصت الظفيرة...
قبل لايكمل كلامه حجيت بحده ونتر
جوري هسه مو اني سبب اذيته وكل ماتمرضت عالجني اتذكر هوه جان سبب خاف ماحاجيلك اغلاطه
سكت يباوع الصاحبه عفته رايحه للصاله حاسه بدموعي نازلات على خدودي احجي بصوت ناصي.
جوري ششكدد ماتمر سنين نفسهم مايتغيرون الحقير يضل حقيررر وهسه اني شنوو يمهم گرباهم حتى جايني وفوكاااها حاقدييين شلون هيج متمرض يحسسوني اني الدججته بسجين وفدوه هوه راح يموت
اندارلي حجي عبود لگمه بحلكه
عبود خيرج شنو سالفه دردمين
جوري هيج عمو هيج
عبود تعاي اكلي خوش راشي ودبس عاشت ايدج تعبناج بلريوك
جوري لاعافيه اني راح اروح
عبود وين بنتي؟
ضليت صافنه باقيه بلممر بضلمه حتى لا اتقرب ويشوف دموعي مسحتهن افكر بجذبه
جوري سليمان يرداله بعد من هذا دوه
عبود شعجب ماتنحس البارحه
جوري لاوين نحس بس يم خاله هيله سكت واريد انطي ادول كبل لايتمرض بعد
عبود اجيبله اني
جوري لاا شوي واروح للصيدليه وهم اجيب كم غرض الي
عبود براحتج بنيتي تردين اخذي خالتج
جوري مايحتاج.
اخذت عبايه هيله لابستها مطلعه فلوس من محفضتي وطلعت بره ساده الباب لكيت شوارع مبلله بس جانت هل منطقه مبلطه ماصاير بيها طين الا قليل مدموج بتراب
مشيت اتلفت وفزيت على صوتها
ام بشير ها ام سليمان
هسه وكتها تجي ضجت ذابه نفسي انداريتلها مبتسمه بتصنع
جوري ها خاله
ام بشير بنتي مريضه والبارحه مشيتها خمس ابر كالوا بين يوم ويوم طك ابره نجيج؟
جوري براحتج خاله شوكت هسه؟
ام بشير لاعود بليل
جوري هذا هوه.
ام بشير فاتها يوم كالوا مفروض البارحه طك الابره بس انزاح من بالنه عادي؟
جوري خاله اني مودكتوره ولاممرضه
ام بشير اي بس عادي؟
بللت شفايفي هازه راسي
جوري عادي
ام بشير اي الحمدلله يلا الله وياج
درت وجهي ماشيه رحت البيته داكه الباب وعيني على بابنه لا احد يطلع فتح الباب بسرعه مبتسم
نوح جوري فوتي جوه
جوري لا بس ردت اكلك لاتجي اليوم
نوح صاير شي لاسامح الله؟
جوري ذياب اجه
نوح شنوو!
جوري مايدري بيه هنا بس متمرض يتعالج ويروح
نوح شمعنى اجه هناا صدكتي بهل جذبه من عنده
جوري شبيك تصيح؟
حس على روحه سكت شوي وحجى بهدوء
نوح اسف بس مبينه والله
جوري لا كرم متقصد يجيبه بس هوه فاقد وعيه مايدري
نوح صبح هسه خلي ياخذه
جوري رجال بعده ماكاعد
نوح جوري لاتبدين تحنين
جوري ما احن بس على الاقل يكعد
نوح اذا شافج راح يلزك
جوري ماخلي يشوفني اطمئن بس اكلك لاتجي اليوم لان يشك واني اقنع كرم مايحجي.
نزل طالع واكف كبالي
نوح جوري اريد اكلج شي
جوري ماكدر هسه مستعجله
نوح اجي بليل
صفنت افكر
نوح صدك ليش ماراسلتيني؟
جوري ها
نوح ههههههه جذبتي جذبه واجيتي
جوري نسيت والله
اجه يم وجهي حاجي بصوت ناصي
نوح احجي تردين تشوفيني
فهيت ماحاجيه شي شوي وخزرته ضربته
جوري ادبسز ميته عليك اني
نوح هاي عليه ليش
جوري اشاقه وياك
نوح يلا ارجعي راح اوكفلج هنا
هزيت راسي مبتسمه انطيته الفين
جوري اشتريلي.
ضحك ماخذ مني الفلوس مقربهن يم شفايفه بايسهن
اشرتله باي بيدي ورحت راجعه فتحت الباب مالكيت احد باب الاستقبال مفتوح وعايفين القفص حمامات مفتوح وجاي يطيرن
اتقربت ردت ادخل وكفت بسرعه فاز گلبي
لكيتهم كاعدين حجي عبود ناحيه الباب منطيني ضهره ويمه هاله وبنتها الصغيره يمهم وذياب كاعد يمها وكرم
هيله يلا اكل يمه لاتستحي.
لزم ناحيه صدره ماخذ نفس كوه يباوعلهم مبتسم وملامحه تعبانه صبوله جاي منطينه وكرم يباوع الذياب وبعيونه الخوف تمنيت عندي صديقه تحبني مثل حب كرم الذياب مهما يغلط وياه او يغلط ويه ناس يضل كرم يتذكر العشره بينه وبين ذياب ويسامح ويوكف وياه
ضميت راسي اكثر محتاره وين اروح بنص صفنتي سليمان اجه يمه يعضعض ب طرف اصبعه ماجان منتبه بسرعه باوع وابتسم تك خد شايله مخلي يم وجه عاكد حواجبه
ذياب ها يبه، تريد تمرعدني؟
هيله هههههه طالعه سنون صغار ومستقوي علينه
ذياب قدم رجله وثبت سليمان على كباته ضارب راسه على كصته
ذياب شو حدر حدر
بسرعه سليمان برطم عباله يصيح عليه ضحك شابگه مخلي على صدره بجهه ثانيه يطبطب علي
ذياب لا يلا بويه مامعلي صوتي عليك حبيبي
ماتحمل ضل يبجي انطاه الهيله وسكت يباوع الذياب ومقدم شفايفه بزعل
عبود يعرف بيك صيحت
ذياب مو كبل شوي مطلع عضلاتك ومعصب ها شنو ولك؟
مد ايده كارص خده وهوه رجع يبجي ضام وجه على هيله
هيله يلا يلا عادي مامتعود عليكم يستغرب
عبود لاوين هذا يستغرب امه مو تضرب ابر للناس اهل منطقه هاي يشوفنه يحاجنه لو يردن يبوسنه لا عاكد حواجبه ومخوزرهن
لزمت خدوده تحرك بي على كيفها
هيله ماعاجبه ماعاااجبه
اندار هوه راجع يباوع الأبو وذياب كتم ضحكته يخزر بي رجع يبجي ضام وجه
كرم اكضب
باوعله ذياب بيده لفه صغيره اخذها منه ماكلها
هيله عمو عصبي
عبود ههاك خبز شيخ ذياب.
جان عيونه على سليمان التفت الحجي عبود ماخذ الخبز منزل عيونه منتبه للطاوه حك حاجبه صافن
عبود شنو ماتحب المخلمه
ذياب ها لا احبها
عبود اكل هاي عليها حبه سوده
شلع شوي من الخبز ماخذ منها ماكل اني ماعرفت شنو اسوي انداريت اباوع للحمامات
جوري افوت لو لا؟
رحت على صفحه كاعده مخليه ايدي على راسي منتضرتهم يخلصون اكل مرةة دقايق ومديت راسي سامعه صوت هيله لكيتها تمشي وسليمان يبجي يريدها.
رجعت كايمه اباوعله منقهره ماحب اشوفه يبجي
اتقدم ذياب ساحبه اني بسرعه ختلت خفت لالمحني
حسيت ب ايديه من قوه فزه رجفن وماله باقيه انتضر هوه خلى سليمان بحضنه لازمه ب ايد وحده يبوس بخدوده
ذياب يامصگوع شو بس فاتح البزبوز مانعضعض نفسك احنه
ضل هوه صافن على ابو حاصر البجيه خايف منه حط ايده على شوارب ذياب وابو يقدم بشفايفه بايسهن
عبود شو امه تاخرت
كرم اني راح اجيب ابره
ذياب لاكرم بدرب نمشي للصيدليه.
عبود ليش تروح للصيدليه هيه ابره كرم يجيبها وام هل صغير تضربك
ذياب مره شلون مايصير
عبود انت تريدها ومغذي لو للشسمه
ضحك ذياب قوي مهتزه أچتافه مبينات غمازاته وسنونه طالعات خليت ايدي جوه حنجي اباوعله من سنتين ومناسيه هل ضحكه.
ذياب لا ادحك ابو صيدلاني شنو يحجيلي
عبود اي ابره تجي هين
ذياب تعبتكم وماكصرتوا بس بدربي بعد
عبود والله لا نشوفك للعشى نريد حتى تبات يمنه
ذياب تتسلم والله بس لا ماكدر.
طلع ذياب من جيبه سبحه سليمان شافها يسبح بيها انطاها اله
كرم مو متاذي من جرحك
عبود اني اريد اشوف ج...
من بده ينطق اسمي فتت بسرعه دايره وجهي لازمه طرف العبايه عليه مامخليه يشوفون وجهي
عبود ها بنتي تاخرتي
ماحجيت دخلت بسرعه للغرفه بقيت كاعده اسمعهم يسولفون
عبود شلون منين انجرحت
كرم اني جبرته يطلع ويااي هيج وكت لان ضايج وهوه مارضى بالاول بس شنو ايسوي جبرت وهمن دا نفر بدرب هين ما اندحك الا سياره طكتنه.
عبود لا اله الا الله
كرم مو قوي طكانه بس انطك ذياب على جرحه وطلع دم وهوه من گبل منجرح هين
عبود الحمدلله على سلامتكم بس سياره شنو بقت بشارع؟
كرم ها. اي خابرت صاحبي الصبح يجي تعرف المطر
عبود استغفر الله ياربي همزين عدت سلامات هسه اجي
راح داخل للمطبخ سمعت صوت ضربه قويه
طلعت متقربه اكثر اسمعهم يتهامسون
ذياب سياره وطكتنه ابو راسين
كرم عجل شنو احجي
ذياب ماتحجي ايدك السكط طكيتني بيها وتدري إلى جرح هين.
كرم ممادري تره
ذياب شلون ماتدري عجل من وين اتاذيت غير واني ادرب السكط الغاد
كرم سويتنه كلنا سكط
ذياب الغبي الغااد حجيييتله تدرريب هيج بدل ابو ابو تدريب وجرحني
كرم مايدري الزلمه مقدمنه مايصير هيج تسوي وياهم
ذياب شنو مسوي؟
كرم مامدحكلك وكلها بالاكاديميه والمركز يحجون بتدريبك شكثر صعب عليهم وتمرعدهم تمرعد
ذياب حقير بتدريب اني
كرم اي
ذياب احسن گلب الرهيف بهيج شغل مايضبط
كرم موهيج حتى نفسيتهم تنخرب بسببك.
ذياب تدريب هيج شنو امسوي دافنهم جدامك وحزنان هيج
كرم عاكد رجليهم وتكضبهم
ذياب اي؟
كرم وبعدين شنو تزتههم بلماي
ذياب حبيبي هل تدريب مو يمي اكثريه مراكز هيج
كرم صعب
ذياب موصعب ههل شغل طلع زلم
كرم وذا مات احد
ذياب شنو يموت شبلاك تتره تدريب مو اموتهم
كرم ماعرف بعد بس صعبات
ذياب شغلك موتدريب ف ماتعرف
كرم ليش ماعرف بتدريب شنو بيه
راد يجاوبه ذياب وسليمان طلع صوت يحكحك ب اسنانه
ذياب يول تصكع الميت انت شو اطكك بوسه.
درع راد يكوم وذياب حجى وعيونه على سليمان
ذياب احجي الاحد يجينه لو دحكلنه سياره تمشينه
درع وين؟
ذياب عاجبك هين؟ النسوانهم سزز
كرم يانسوان وين مدحكلهن لايصنتون ويحسبون صدك حجيك
ذياب هههههه يلا يبه دحكلنه سياره حشمه من الوادم كاعدين هين
عبود وين ترحون
ذياب ماضل هين تعبان والله وماكصرت
عبود ماكو روحه
ذياب لاخالي والله تعبان الله شاهد يلا كرم امشي.
درع عكد حواجبه انتبهلي ضميت راسي بسرعه بس عرفت شافني ماشفت شنو صار سمعت عاط ذياب
لك كلب...
سكت رايحه روحه عبود شال سليمان ماعرفت شنو سوه بس كرم يعتتذر منه وعود موبقصده
عبود بس لاهم نزفف
ذياب خررره بلجررح امشي دحكللنه سيارره تولينه
كام ذياب بسرعه جاي يم درع وشفته فاتح عيونه كل حيلهن وعيونه حمر مكور ايده قوي
كرم خلي اجيب دوه الك
ذياب حجيييييت ماريييييد دحك سياررره لو تضل هين!
بجى سليمان خفت من نبرته فتحن الباب بنات مادات روسهن يردن يشوفن كرم ماخاف من ذياب رغم منضره واعصابه المحتركه خوفني اني
كرم هدي الطفل ضل يبجي
راد يحجي ذياب بس رفع ايده يصبر روحه ما ناطق
ذياب امشي كررم امشي
عبود ابني اهدء الله يخليك مايدري بلغلط طخاك
ذياب طخه؟، استغفر الله ربي
عافهم طالع كرم راح وراه هوه وحجي عبود يردون يحاجونه وهوه معاند محتركه روحه.
اني فتت بسرعه للاستقبال لكيت سليمان بلكاع مفرفح بجي هيله طلعت مخليه طرف شيلتها على وجها خايفه رايح لونها
جوري هوه دائما هيج ماعنده اسلوب ولاذره من الحنيه والهدوء
درت وجهي ضايجه شايله ابني وهيه حجت
هيله تعرفينه؟
سكتت بالعه ريكي ماعارفه شنو احجي درت كل جسمي عليها حاجيه بصوت ناصي احاول اسكت ب ابني
جوري ذياب نفسه رجلي الحجيتلج عنه
خلت ايدها على حلكها مصدومه
هيله يااا صدك حجيتيلي انتي.
تنهدت اباوع الابني عيونه متروسات دموع حاضني قوي خايف
جوري هاي بس اول يوم اجه وبجى ابنه ثلث مرات جا لو عايشه وياه؟
مشيت اريد اروح للممرر المتوجه الغرفه بنات وسمعت صوتهم يحاجونه
كرم جرحك ياذيك شبلاك خلي نداوي
بطرف عيني شفت ذياب لازم جرحه بكوه يتنفس مغمض عيونه يبلع بريكه
جوري جرحه عميق صدك. يستاهل.
درت وجهي طابعه بوسه بخد سليمان
هيله كرم عن قصد يسوي هيج؟
جوري مادري.
ماحجت ههيه تباوعلهم كرم جر ذياب جبر عنه يفوته وهوه مايقبل
كرم لاصدك ذياب شبلاااك
ذياب شتريييييد انيي امشي الغاااااد اداوي نفسي عوفني كافيي
انفجر بوجه كرم وحجي عبود سكت يباوعله
عفتهم فايته جوه ضل كرم راجع يحاجي يقنعه وهوه قافل يريد يطلع يداوه بره
حجي عبود ابني شنو بيتنه ماعجبك قصرنه بحقك اعذرنه والله.
ذياب حجي موووهيج بس شنو تسوولي هين جرحي مو مال احد يداوي مزرعد اني منطك بسجين ممو شي بسيط بس عوفوني امشي شبلاكم تردوني هين
كرم فوت فوت اني اجيب علاجات هين احسن واني مشتاق الحجي عبود موصح هل حجي
حجي عبود ميه ميه
ذياب خلي يضل اريد امشي الله يخلي...
ماخلو يكمل حجي يجرجرونه مفوتينه اني ردت ادخل للغرفه خفت مالحك بسرعه دخلت للحمام ساده الباب سليمان اندار يباوع الروحه بلمرايه
جوري ها حبيبي هذا انته.
باوعتله امسح بدموعه لزم اطراف دشداشتي يلعب بيها ويتحرك ماثابت رغم عنده خدود بس بعده صغير مايثبت بس اعوفه يوكع الا يتجي على شي
واني اباوع السليمان سمعت صوته قريب يم الحمام
ذياب يبه مارييييد كافي
كرم دفوووووت شنو هوهه
فتحت الباب شوي شفته يباوع الكرم خازره كاز على سنونه
عبود خلي اشوفك زين حبيتك اني وحجيتلك بات هنا اليوم وهسه كرم يجيبلك العلاجات ودواك هذا هوه شيردالها لعد الغريب احسن من عدنه؟
ذياب موهيج بس جرحي راد.
قاطعه مطبطب على اچتافه
عبود كافي لاتلح وفوت للغرفه ارتاح
فوتوه وكرم ركض طالع يجيب العلاج اني طلعت اباوع الحجي عبود ضايجه هوه اخذ مني سليمان
عبود ليش مدخلته للحمام
قبل ما اجاوب فتح باب الغرفه حطو بيها ذياب وه سليمان يمه
عبود بجيته تدري لو لا
ماحجى ذياب وماجنت اكدر اشوفه لان متمدد على جربايه بس اسمع صوتهم
عبود ها ماتراضي دباع لابسلك دشداشه بنيه شحلاتها
ذياب ماردت ابجي.
عبود ردت ماردت بجه راضي يلا
رحت على جهه ثانيه رافعه راسي اريد اشوف شيسويله لكيته شايله مخلي على بطنه مبتسم بس مبين على ملامحه مصفر وجه رايحه روحه من الم جرحه بس مايريد يبين يطلع الم وجعه بعصبيته
لزم نفس خد سليمان البسته بي وهوه رفع راسه بايسه مغمض عيونه ذاب راسه مرجعه للمخده متنهد بصوت عالي
ذياب اوف يلعطرك حلو، شنو ولك دشداشه لابس ابن شيوخ ممو
عبود اي ابو وجده شيخ
ذياب ابنك؟
عبود لا اني عندي خمس بنات وهذا حفيدي
ابتسمت على كلام حجي عبود حسبني ويه بناته
ذياب ها الله يحفضه عجل وين ابو
عبود هيج اشاقه وياك ابو مطلك بنتي
ذياب وعايف هل گمر
عبود همزين مشايفه لو شايفه جان اخذه من حضن امه
ذياب ولو اذيه مايصير بس على هل ححلاوه اخذه لو اني بداله
عبود وگلب امه
ذياب احجي هيج لو
هز راسه هوه وخر رجلي راد سليمان يوكع لزمه بسرعه يضحك
ذياب ماتربز بمحلك ولك
عبود شو بلا اشوف وين منضرب.
فتح كم دكمه بقميصه مشوفه
ذياب هين
عبود استغفر الله ربي
ذياب اذيه ها
رجع انضاره السليمان مدده يمه مخلي ايد سليمان كلها تلزم اصبعه السبابه قربها يم حلكه بايسها
ذياب اسف لان بجيتك بويه
وخر سبابته شوي يبوس بخدوده ضام وجه متنهد
عبود جرحك بعده يوجعك
ذياب يطك بلعضم الاذيه
عبود هسه كرم يجيب دوه وان شاء لله تصير زين
ماحجى ذياب ملتهي يلعب سليمان لحد مافزيت على صوت عسل
عسل مو اسمع صوت ذياب؟
باوعتلها مصدومه ومخترعه.
جوري صوتج
ماحجت راجعه ساده الباب فتحت الباب كاعده يمهن ومرر الوكت واجه كرم دخلت هيله وصاحتني اروح اعالج جرحه
گلبي ضل يدك سريع مامتوازنه انفاسي عدلت شالي طالعه اخذت العلاكه شفافه مال دوه وكلهم طالعين عرفته بس هوه جوه الغرفه وياه سليمان
فتحت الباب على كيفي متخربطه اوضاعي اجت عيني لكيته حاضن سليمان دافن راسه بركبته الصغيره و سليمان كاعد بس مامتحرك.
سديت الباب وحس على حركتي رفع راسه بسرعه يباوع المصدر صوت لحد ماشافني جايه عيني بعينه.
هاله
كاعده واباوع الورد وعلى الوحمه البراسها
اتقربت يمها اباوعلها تلعب ب العابها
هاله كبل ضال بالي ذياب يدري ب سري مريضه وطلعتي همن هيج وجج؟
لزمت وجها هيه مامفتهمه بس تباوعلي وترمش ابتسمتلي
هاله هسه لو بس مريضه التهاب بكليتج زين مو هيج بعد
هزيت ايدي كاعده ضايجه
هاله حضي هيج
كمت وهيه ضلت تبجي تريدني يمها.
هاله هساع اني كاعده صوبج حتى تردين تلاكيني
لكيت فراس كبالي بيده سلاح لعبه
هاله اتكلط
فراس ها خاله
هاله لعبها يلا
هز راسه رايحلها كاعد يمها عفتهم نازله جوه وصلني مسج بتلفون فتحته وشفته منه
ذياب دزي صوره الورد
فرحت مخابرته فتح الاتصال صوته مبحوح
ذياب ها ام ورد
هاله ليش ماجيت البارحه شنو صارلك شغل؟
ذياب لا بس متاذي من جرحي
هاله شبلاه؟ وين هساع انته
ذياب كرم جابني هين يعالجوني.
هاله البارحه ليل كله فات وكت وانت ماكو
ذياب اي ماحسيت الروحي تعبان حيل وتور ابو ابويه على الجرح ياذيني جثير
هاله بيه ولابيك
ذياب اسم الله عليج. ورد گرباج؟
هاله لا بلغرفه واني جوه
ذياب شلون تعوفيها بس هيه بيج شي؟
هاله فراس يلعبها
ذياب فراس طفل مايعرف يتعامل وياها اانتي امها واكعدي صوبها شبلاااج عايفتلج جاهله وحدها صدك تحجين
هاله غير اجي هين مو يردون شغل.
ذياب محد يريد يشغلج عوفيهم واطلعي فوك جثير بلبيت يشتغلون لو ورد تنام همن وياج جوه لو تزتيها يم حصه
ردت احجي وسمعت صوت مناغات طفل
هاله ااكو احد صوبك؟
ذياب اي طفل هذا ماعرف اسمه بس حلو دحكيله؟
هاله لاماريد ماحب غير بنتي
ذياب هههههه يلا لايضل بالج اليوم اجي انتضريني
هاله منتضرتك كل عمري، افتح كامره ادحكلك
ماطول بسرعه فتحها حاضن طفل بحضنه مبين صغير بس سمين لابس دشداشه بنيه يحرك ب ايديه فرحان
ذياب ها دحكتي.
باوعت الذياب ملامحه ذبلانه
هاله تعبان
ذياب جثير
هاله اليوم تجي هين من وكت
ذياب صار بويه بس اطلعي للبنيه
هاله اي
هوه مد ايده الحاط عليها راس طفل وسد الاتصال طلعت بره اباوع ماكو شي
هاله هل بيت انزاااح كل واهسي منه
اندك الباب اني فتت جوه وطلع ضرغام فاتح الباب سمعت صوته
ابراهيم اني بيسوي زهق كل يوم وجه خايس
ضرغام ياهوه انتَ يول؟
ابراهيم عم وانتا
ضرغام امشي
حصه ها ابراهيم
ابراهيم عيون ابراهيم انتا
ضرغام ششنو؟
ابراهيم سوي لصم سكوت
هزيت ايدي غامته رحت للمطبخ لكيت نوف تحاجي بتلفون بس شافتني سدت تلفونها بسرعه
هاله ويه ياهوه تحجين؟
نوف ياهوه؟
هاله اي ليش ماحجيتي جدامي
نوف بمزاجي شنو العليج انتي؟
هاله شنو معليه لاتصيرين بلاا ادببب احجيي ويه ياهوه
رحتلها ردت اجر منها تلفون خزرتني دافعتني عطت طايحه بلكاع منضرب راسي بطرف يده طباخ
نوف لاتعلكين هيج شبلاج
هاله لج رااااااااسي والله اليووووم احجي الخالج يا سززز يااا كلبه.
عافتني وطلعت من المطبخ اني گلبت الدنيا بلعياط اجو كلهم محتارين وحصه تريد تسكتني رحت ركضت حاسه محتركه اعصابي ولكيتها كبالي
لزمتها من شالها جارته طالع شعرها صاير بين ايدي صاحت
نوف جددده خاله امييييينه
هاله الكلبه تحااااجي الوووولد سكتتلج شكثرر
ابراهيم بيسوي عرك ازرب على انتا سوي سكوت خايس
ضرغام لك اطلع انتتتَ.
ابراهيم بسرعه طلع ساد الباب وبقوا حايرين بلحجي الحجيته ضرغام اتقرب يريد يضرب نوف وحشام رافع حواجبه صاير عصبي ضايج من كلامي اني
امينه يووول كاااااااافي شبلاااااكم صار
ضرغام ما احسبهاا جذبه من مرة اخويي لان سويتيها كبل
حصه ياااا ضرغاام صدك تحجي!
هيه ضلت تباوعله وتبجي ترجع اليوره خايفه منه ماحسينه الا على راشدي قوي من قوته رنت اذني
حصه يااا فررررج!
جوري.
ضل صافن بعيوني مامستوعب اني ضغطت على ملابسي قوي متوتره لحد ماهمس ب استغراب
ذياب جوريه.
امشي ورجليه يهتزن قوي من كثر مارجف دنكت ماخذه سليمان من ايده لافحني عطره
ردت اطلع وكام
ذياب وين
طلعت سليمان بره منطيته الهيله رجعت ساده الباب كاعده يمه مدنكه منزله راسي
اشرتله ينطيني ايده
ذياب تحجين صدك؟
مارفعت عيني باقيه ساكته عدل كعدته فاتح رجليه صايره بوسطهن اني شبكت ايديه سويه مامسويه شي
ذياب ليش اجيتي؟
جوري اانطيني ايد...
قاطعني لازمني قوي من اچتافي مقربني اله وايده ثانيه ععاصر فكي مخلي يم وجه رفعت عيني اباوعله عيونه من كثر مافاتحهن منطعن وجه وعيونه حمر صايرات
جوري ذي...
ماخلاني اكمل ضاغط على وجهي قوي غمضت عيوني متألمه
ذياب وحك السواج لو مااا الوادم احفر كبرج هين
نزلن دموعي كارهته ردت ادفعه ماكدر
جوري وخر
ماستمعلي يباوع التفاصيل وجهي عاكد حواجبه عطت ادفعه
جوري وخررررر ككافيي تسوي هيج كافي.
كمت منه وهوه اتسودن على صوتي كام جارني قوي منشك مقدمه دشداشتي
ذياب لج مووو انيي تعلييين صوتج على مستوعببببه بت الكلب
بجيت اباوعله مفرفحه روحي على حجيه الابوي
حجيت ودموعي ينزلن على خدودي
جوري تنجببب ابوي يسواااك ويسوه عشيرررتك ياحقيررر الله ياخذك
عافني مكور ايده قوي يهدي بروحه اني ضليت اغلط على واشهك
جوري ياااكلب ابن ستين الف كلب
هيله صلوااا على محمددد راح افتح البااااب
ذياب اني تحجين على ابوي.
جوري تروح فدوه الابوي فااااهم مارضى تعاملني هيج مااااارضى
شلت المزهريه شامرتها طاحن على مقدمه رجليه متكسرات وهيله تفتر بره تريد تفوت بس خايفه
ماحجى لازم راسه وايده يرجفن قوي اني فتحت الباب امسح بدموعي شافتني هيه وحجي عبود وراها كرم يباوعون عفتهم ودخلت للحمام ساده الباب عليه
كعدت على صفحه مكمبصه ابجي بحركه حاسه الم موطبيعي بگلبي ضربت على الحايط
جوري ليش اااجه ليش ليش الله ياخذك.
ضميت وجهي بين رجليه اشهك قوي عاصره على شفايفي قوي اريد اسكت روحي وابطل رجيف سمعت صوتهم على وطبه قويه
كرم ذيااااب
عبود ياا ابني
رفعت راسي زايد حقدي عليه
جوري عساك بمرض لا تشفى منه
مرةة دقايق وهمه يدكدكون الباب عليه يردوني اعالجه
كرم يلاااا خويييه
كمت ضاربه على الباب قوي
جوري انيييي موو دكتورره حتى جايبييينه إلى روحوا عسى نارركم تاكل حطبكم شسويللكم
هيله يلا حبيبتي بس شوفي ضغطه نزل خطيه ويروح بعد.
ماحجيت ابجي كرم صاح يريد ياخذه مايبقي هنا وعبود يقنع بي وهيله تقنع بي
هيله بداعت ابنج
استغفرت فاتحه الباب طلعت كلهم يباوعولي وسكتوا فتت للغرفه ساده الباب بوجهم لكيته على جربايه لازم راسه وشرايينه بارزات قوي
جوري شببييك؟
حجى وصوته رايح
ذياب لاتجين هساع شويه وامشي
مارديت اخذت جهاز قياس ضغط مدنكه جاره ايده وخرها مني حاجي بكوه فاتح عيونه رافع راسه
ذياب عوفيني
جوري جيب.
جريت ايده جبر عنه ضليت اضغط قايسه ضغطه لكيته نازل كلش باوعتله دايخ وشفايفه بيض
وخرت الجهاز جايبتله مي ومطلعه ادويته رفعت راسه بيدي
ذياب زيحي
جوري اسكت
صار راسه على صدري متچي خليت الحبايه بين شفايفه مشربته المي رجعت راسه للمخده هوه زفر نفسه بتعب
طلعت تعقيم وقطن ضليت امسح بدم شبه يبس على مسحته كله ومعقمته خليت علاج على قطن وعلى جرح لزكتها فوكاها
جوري كوم الفه بلفاف صاحبك ماجايب لزكات.
ماحجى يكح قوي عدل كعدته منزل راسه يضبط انفاسه گلبت عيوني منزله ايده بدون ما اباوع فتحت دكم قميصه منزعته اله رفع عيونه ذبلانات يباوعلي
ذياب ليش هيچ سويتي
ماجاوبته فاتحه الفاف باديه الفه على ناحيه ضهره وصدره مشيته حتى تثبت كطن على جرحه دنكت اكثر اعبر لفاف على ضهره
طاح راسه على ركبتي يشتم بيه كزبرت من انفاسه وشواربه موخره بسرعه لازمه چتفه لكيته مغمض عيونه يبلع بريكه متخربطه احواله وجسمه حار
جوري اثبت.
همس ضايعه علومه
ذياب موذياب، ذايب.
ربطت نهايه لفاف ويه الباقي رافعه قميصه دافعته متمدد
جوري راح اخلي احد يسويلك لبن علمود ضغطك
ماحجى مغمض عيونه عفته كايمه طالعه بره كرم راح واجه المغرب اطمن على ورجع راح اني ضليت مافايته للغرفه صار الليل وكعدنه نتعشى وذياب بعده نايم بس قبل. بنهار يشرب لبن
جوري ليش سويتوا هيج؟
عبود شنو بنتي
جوري هسه شوفوا همات مبينه راح يبات والبنات وين.
عسل عادي ذياب ينام اني انام يم امي وذا بردان موجوده بطانيتي
ضحك عبود يمسح على شعرها
عبود بنيتي عفيه اهتمي للاخرين دائما
اني ضليت اباوعلها مفتهمه قصدها وضايجه منها بس رغم هذا اضوج من روحي لان كم مره جذبت على حجي عبود حتى اشوف نوح وهوه ميستاهل احد يجذب عليه
تنهدت ماخذه من شوربه موكله سليمان بره وضلمت الدنيا كلش كلهم راحوا للغرفه اني غسلت ودخلت للغرفه مالتي
عسل راح تضلين هننا؟ ماتجين
جوري ااخذ ملابسي.
عسل اني اجيبهن الج
هيله هيه تروح معليج انتي فوتي نامي
عسل امي رجال غريب
هيله علساس موغريب عليج د ادخلي ادخلي
فاتت هيه وهيله وراها شايله ابني سدت الباب اني مديت راسي لكيته نايم على ضهره مخلي عكس ايده على وجه
جوري شكد ينام جاي يطلعهن كل مره مانام بلخفر
سديت الباب مطفيه الأضويه كلهن صايره ضلمه فتحت شباك شوي لكيتها تمطر
رحت للكنتور مطلعه ملابس إلى بس ماشوف واضح بس طلعت دشداشه سمعت صوت اشعار.
رحت فتحت تلفوني لكيت اشعار من نوح كاتب هوه واكفلي باب بيت
جوري جاي تمطر وين اكدر اطلع
نوح خفيف اطلعي اريد اشوفج
بللت شفايفي ماخذه نفس سديت تلفوني ماخذه نضره سريعه الذياب لكيته بعده نفس وضعه
انداريت ذابه ملابسي بسرعه لابسه غير دشداشه موخره الگيتره من شعري مسويه ذيل حصان عدل ضميته جوه دشداشتي مطلعه شال لابسته اخذت تلفوني وياي فزيت على صوته يكح.
نام صفح مچتف ايده مشيت على كيفي وعيوني على اخاف لايكعد فتحت الباب بهدوء وطلعت سادته رحت للباب خارجي وطالعه لكيته واكف بلطرمه
جوري شلون دخلت؟
اشرلي من ناحيه الباب ضحكت فاهمه طفر چتفت ايديه متقربه واكفه كدامه
جوري ياموضوع ردت تحجي بي
نوح ليش عيونج حمر؟
سكتت متنهده
جوري تعبانه شوي
نوح يخسى التعب احجيلي ليش تعبين روحج ماريدج تذبلين
ابتسمت راد يلزم خدي وخرت بسرعه
جوري مايصير تلزمني
نوح منو صبح ضربني على صدري.
جوري ههههه يلا احجي بسرعه لايكعد احد
صار جدي مختفيه الابتسامه من وجه
نوح جوريه اني مبين عليه احس
جوري بشنو؟
نوح كل هل سنين سكتت لان كلت تتخطينه واضن نسيتي
جوري ذياب
نوح ماريد تجيبين اسمه
لزم ايديه فزيت ردت اوخرهن بس ضغط
نوح جوريه احنه مناسبين البعض وصدكي اي شخص يشوفنه يكول متفقين اني وياج احسن من زواجج سابق
جوري عندي طفل ماكدر
نوح اعتبره ابني ماباوعتي احبه اهواي السليمان والله ومايتغير حبي اله وره مانتزوج.
وخرت ايدي منه ساكته ماعرف شنو ارد اتقرب اكثر مدنك شوي يهمس بصوت ناصي
نوح ماريد جسمج وايدج يرجفن ب ايد شخص غيري اني رايدج من زمان بس. ضروف قويه وهسه ماعدنه شي
باوعتله وهوه حجى بوهن
نوح اني احبج جوري.
حسيت گلبي صار بطني من كثر مايدك عفته وركضت داخله جوه ساده الباب اتمشيت متوتره والبيت اضلم زايد المطر واني امشي بلممرر سمعت صوت الحنفيه مفتوحه.
استغربت جايه عيني على باب الغرفه مفتوحه عرفته هوه كعدت شوي منتضره وخايفه لاسمع شي واقنع بروحي اذا سمع مايعوفني بحالي طول بلحمام وخفت
رحت دكيت الباب حمام على مافتحه همست
جوري ذياب بيك شي؟
انسدت الحنفيه صاير هدوء الثواني وانفتح الباب عطت منجره قوي مفوتني وياه وساد الباب
باوعت لكيته واكف جسمه كله مبلل وشعره نازل على كصته واكف كبالي.
بلعت ريكي راجعه اليوره سامعه صوت نبض گلبي انضربت بلباب الحمام وعيوني عليه وكف كبالي لازم حنجي همست بخوف
جوري ذي.
قبل لا اكمل حسيت بملمس شواربه مخلي جسمي كله راجف بين ايده.