رواية بين قلبها وعينيها كبرياء للكاتبة شمس العراقية الفصل الثامن والعشرون
أزهار كعدت الصبح وروحي منشرحه واحساس حلو سكن گلبي رفعت الغطا وكفت أباوع روحي بالمرايا وأبتسمت وحضنت نفسي يعني اني هسه حلاله صرنا لبعض والمعانات والحزن ولت
لك الحمد يالله
تمنيت اسمع صوته واحس بشعور فرحته من صرت ملكه بعد معانات طاحنه ومألمه بس منين يحظي ولا أكدر احجي واطلب حتّى تلفون أمي استحي اتقرب ناحيته يله الحمدلله عدت هيج.
غيرت ملابس النوم بملابس البيت سشورت شعري وكملت عنايتي ورششت عطر ونزلت فرحانه البيت نظيف ويلمع وريحه العطورات فايحه والشمس داخله الشبابيك كلها مفتوحه لكيت بابا وماما ومجد صباح الخير تقربت حضنت بابا من راسه وابوس بي صباحك عافيه باباتي
كمال يا روحه ل أبوج صباحج وايامج كلها فرح وسعاده كعدي تريگي وياي وصال صبي جاي لحبيبة ابوها
وصال تدلل هي وابوها.
ازهار أبتسمت بحب وكعدنا نتريك ومجد ساكت الظاهر منضم الهم أكل كم لكمه وكام بإنزعاج بابا وماما تجاهلوا وبقينا نأكل ونسولف وشفت الراحه والفرح بعيونهم.
كمال يله اني رايح تاخرت ووصال أهلي يجون على? الغده وامي زعلانه حاولي تخففين عنها بينما ارجع لن اذا شافتني تعرفينها بعد
وصال يعني خليتني بلحك المدفع ليش هيج كمال.
كمال شسوي ياعيني فهمت فاضل وفهمها وما قابله وحاجيه عليه وهسه هما ما يتحاجون قافله علينا كلنا ما عدا مروان لن الأفندي بايت يمهم وبيض صفحته قبل بوقت الله يدري شحجالها وهالايام صاير دماغ زز
وصال هو بايت يمها اكيد شحنها زين ابني وادري بي حبيب جديته
كمال على? العموم خليتها عليج لن أعرفج بهيج مواقف كدها يله عيني
وصال ماشي عيني سهله ان شاءلله روح الله وياك.
ازهار بابا راح وماما كامت طلعت اللحم تحضر الغده واجتي مره متوسطه العمر بيدها خاوليات مسح وسله بيها منظفات ماما منو هاي
وصال البيت جان مكلوب ومن الصبح كعدت اسيا من الصبح اجت تنظف الكزاز وتلم الهوسه السواها مروان عقله شاخط.
عاد ابوج ما خلاها كالها مو مجبوره تنظفين مخلفات حماج عوفيهن روحي كملي نومتج كافي عليج جهالج وخابر على ام شامل واجتي خطيه صاحبة أيتام من الصبح ما خلت ما نظفت والكزاز كله نظفته والحوش شكول قليل بحقها تعالي ام شامل تريگي أنتِ منا وبينا لاتستحين ولدي وبنتج حسبة اولادج.
ام شامل الله يوفقكم ويجبر بخاطركم مثلما جبرتوا بخاطري وافضالكم ما انساها وان شاءلله
ما اقصر وياكم.
ازهار ابتسمت الها وجهه محبوب وشكلها حزين أنقهرت عليها وامي ما قصرت وياها.
جنت كاعده اساعد ماما وام شامل تلمع بالجام الخارجي مطل على الحديقه وانفتح الباب ودخل مروان وياه جديتي وعمتي زينب وعمه فريال عفت من ايدي ورحتلها بست ايدها واخذتني بحضنها وتبوس بيه ياروحي يا بيبي.
الحجيه نعيمه كل هذا يصير وياج واني اخر الناس ادري ليش ولج زهره مو اني جديتج بس العتب مو عليج العتب على الواح العندج عصام وينه صيحولياه شمصخم ويه العالم الما يستحي
ازهار موجود بغرفته وصاحت بصوت عالي عليه
الحجيه نعيمه عصام عصام شو اكعد شكو نايم لظهاري
ازهار فتح الباب وطلع وتقدم عليها ودفعته بالعوجيه وما راضيه عنه.
عصام حقج علينا بس السالفه كلها صارت مو براضاتنا تردين تزعلين وتحاسبين روحي على سيادته هو يفهمج ولو اظن الاستخبارات كلها عندج
من الليل بايته يمج.
ازهار حجه وباوع على مروان ومروان غير نظراته ورفع حواجبه بإنذار لعصام وضربتهم بالعوجيه اثنيهم
ول الاستقبال.
الحجيه نعيمه كدامي اريد افهم علتكم شنهي لن اذا تضلون هيج تخربون فرحة زهره وما تخلونها تعرس مثل البنات يله امشو لا بارك الله بيكم من زلم عبالكم ما دريت بسالفتك الناقصه ويه ابن العالم الله يصخم وجهك على هالدگه درينا انتوا دوله مو هيج تنجلبون على خلك الله شنهي عبيد عدكم.
ازهار مشوا كدامها وهي تصيح عليهم وباوعت على امي وصاحت بيها.
الحجيه نعيمه عفيه عليج جنتي ونعم منج ومن طيب اصلج يا أصيله بس أنتِ شريفه بيهم ما ادري شلون عايشه وياهم وجارعتهم هالبغال هذول الله يعين نسوانهم عليهم صيحولي اسيا وفروخها خل تجي اتنعنش بوستها الترد الروح.
ازهار دخلت وامي سلمت على عمتي فريال وزينب
فريال حبيبي ازهار سبع سعادات يارب شلون راح ابدع بعرسج اني وبناتي وبنات عمج متحزمات ودزلج طن سلام وحب ومباركات تستاهلين كل الخير وسمعنا يكولون حلو هواي.
ازهار ضحكنا اي حلو هواي فدوة لكلبج عمه وربي يبارك بيج وبالبنات كلامهن كافي والف هلا بيجن يروحي حضتنتي وتبوس بيه وعمتي زينب غمزتلي
زينب فدوة لهل الوجه يروح عمتج كلمة مبروك ما تكفيج هواي فرحانلج والله.
ازهار يروحي ياعمه عسل عائلتنا فدوه لروحج الحنينه، امي تقدمت تسلم عليهن واخذتهن واني طفرت على اسيا لكيتها مدلعه والكفشه لستار والغرفه مفجوره ملابس عصام والمميات والحليب وكرم والعابه ووساخته مبين عليج دايخه منين تبلشين تنظيف.
اسيا لك هلا بعروستنا فدوة لهل الوجه اليوم وجهج مورد ردتلج العافيه
اي والله الحمدلله
لن تستاهلين كلشي حلو كعدي كعدي ليش واكفه اعذريني على المنظر هسه لحظات وكلشي يتنظم.
لا وين اكعد ايدي على ايدج لن وراج جديتي طلبتج أنتِ وفروخج تبوسج وتنعنش بوستج
يا عيني فدوه ولج هاي حكومه لا عصام ولا خبره راح ادخل جهالي اسويلهم غسل وتشحيم يله عليها.
عليها اخذناهم هي تسبح واني انشف والبس وعطرناهم وكملنا وجود نومتها وكرم دعبلته عليهم وهي دعبلتها تسبح واني نظفت مملكتهم على گولت اسيا وعطرتها وغيرت الجراجف وكملت گلشي حتّى ملابس لعصام كويتهم وهي طلعت سابحه وغاسله كل ملابس جيبهم انشرهم وانتي كملي باقي الترتيب.
ابوس روحك
اخذتهن نشرتهن وهي لكيتها طالعه صاروخ لابسه وكاشخه وتلمع لمع عمي نيال عصام هالقطعه.
مو بالله.
اي والله يله لا تنغر امشي تاخرنا هسه ننعلس من الحكومه، شالت جود بحضنها وطلعنا اني وياها ورحنا الهم كلهم موجودين كعدت بصف عمتي وتمسح على شعري وتبوس بيه وتقدمت اسيا ولزمتها بيبي تبوس بيها شلعت خدودها وكالت
الحجيه يا غصن الريحان شحلاتها ريحتج شلونج
اسيا بخير الحمدلله انتي شلونج صحتج عافيتج نور بيتنا بجيتج
فدوة لوجهج شلونج وياه خوما شالع گلبج
لا والله مدللني ومخليني على رأسه.
أزهار كالت كلمتها وعصام وجهه ضحك وضل بس صافن عليها وبيبي استبشرت بكلام اسيا لن من بعد اخر مشكله واللي صار بينهم ضلت خايفه عليهم ويارب بعد ما يتعاركون والسعاده ترافقهم.
كمت جبت الضيافه وقدمت الهم اخذوا من ورا خشمهم ومروان يباوع بحقد عاد بيبي كالت
الحجيه اظن فهمتوا كلامي صار ساعه ارطن عليكم.
وختام كلامي تخلون اختهم تفرح بعرسها وخطيبها ما تتقربون اله وما تسمعونه حجايه تغثة لا هو ولا اهله وتقومون بواجبه وتهلون وترحبون بيهم هذا ساتر عرضكم وشرفكم وصار منكم وبيكم.
عصام ما يصير منا وبينا لو يموت
الحجيه نعيمه صار وغصباً على راسك وراس اخوك ترضون تزعلون كيفكم بس ما نريد عيب ونتخزى من وراكم الناس مستورين واودام ف احترموا نفسكم وزهره شتريد يصيرلها خطوبه وحنه وعرس.
مروان خطوبه ليش شعدنا ليكون تردين حفله وحلقات وقبلات وركص.
عصام ماكو هيج شي عرس وابوك الله يرحمه يسويلها عرس ويجي ياخذها من بيتي بزفه ضخمه مو يجيببلي أربع سيارات وهاي هي واذا على الاحترام ف هذا تربيتي وواجبي واسوي مو لعيونه السود اسوي لن العيب الواكف براسيى.
الحجيه وين وكفتوا شو كعدوا لا انعنع هالعوجيه على ظهوركم وخطوبه اسويلها ترضون ما ترضون وكل بنات عمامكم يحضرن ويفرحن وياها وحلكم ما تفتحونه.
عصام جده
مروان ترة ماكو هيج شي لعد تعالي شديلي كرون ستيل
الحجيه نعيمه شد منو لازمك
مروان جده جبناج عون طلعتيلنا فرعون شهل الحجي
الحجيه نعيمه لن الولد ما غلط وياكم وجاكم من الباب وخطبها منكم مرتين ورفضتوا وهنتوا كدام ناسه وقللتوا من قيمته وفضحتونا بدكتكم الخايسه وياه انفعلوا من حقكم بس مو هيج كدام خلك الله وبعدين هشام عمك فاضل سأل عليه نبش اهل اهله رجال فقير ومستور وناس خوش ناس كلها تحلف بسمعتهم.
عصام ادري كله ادري بي
الحجيه نعيمه لعد ليش ميبس راسك وشايف نفسك عليه
عصام ما شايف نفسي على أحد بس ما جاي اتقبله ما جاي ابلعه واني خليني ساكت جده يرحم اهلج شتحجين كسر عيويننا واخذها مو برضاتنا طب بنص عيني واخذها هيج واحد صلف ما شايف
الحجيه هذا هو صار اللي صار وأختكم صارت حلاله
مروان اي ولازم اباركله وادبج بعرسه شضل بس اروح اجيبله اليسا وتغني الهم ويرقصون الرقصه الملكيه ومروان يسكت ما يحجي مو.
الحجيه نعيمه وانت كلتها يسكت وما يحجي
ازهار انزعجوا ومثلوا الرضا وبالكوه كاموا باسوها من راسها بس غصب وعصام طلع واشرلي وامي كالت
وصال روحي ورا اخوج شيكولج كولي اي
ازهار هزيت راسي ولحكته لغرفته لكيته كاعد كعدت مقابيله وباوعلي واني حيل فشلانه ومستحيه منه.
عصام لازم احجي وياج بمواضيع مهمه والمفروض مني احجي بيهن قبل لاتعقدين بس الامور صارت بسرعه كلشي صار مخربط وبكلام سيادته مو بكلامي ولا كلام مروان ولا حتّى عمار اللي خابرني مقهور محد مبلغه وابويه ما كايله خلف الله على عمي فاضل كايله وطالب منه يحضر ويانا من نسلمج لهشام بس رافض وزعلان لن الوقت تأخر واخر الناس يله صار عنده علم ومن هالحجي
عالعموم مو اهنا موضوعي وياج
ازهار بقيت ساكته ورجع گال.
عصام شوفي خيتي اللي صار بينكم بلعته غصب عني وانفرض عليه اتقبله واني ساكت وأني ما رافض هشام لن فقير حال ولن مو من مستوانا رفضته لن فرق الطبقات شاسع بينج وبينه ف اخليهن كدامج ماطول الطريق بأوله اذا راضيه تكملين وياه كملي واذا لا كولي واني أخوج اللي تردينه يجرالج ومن هاي عيني اشلعها الج.
تعرفين بعدد افرار عائلته اربع نسوان وامه مريضه وما عدهم راتب وهو وحيدهم والمعين الهم واخته ارمله وراها اطفال واخواته الباقيات طالبات وما عدهم راتب عيشتهم كلهم على شغل هشام سايق تكسي وبيتهم 150 متر وبيتهم تعبان وبناءه قديم يعني تنصدمين بتغير واقعج.
اي ادري وعندي علم مسبقاً
يعني تدرين بكلشي والظروف عندج علم بيها.
اي كلشي عندي علم بي وأعذرني مع ذلك موافقه ومن زمان وافقت موافقتي ما اقتصرت من عقدت سيد هو لوما يعرف بيه موافقه بكل ظروف معيشته ما اجه وتقدملي.
أهنا الحجي يعني ماخذ منج الاوك
هزيت رأسي
وشجابرج تذبين نفسج بالتهلكه احنه ظالمينج وما ندري معذبينج طالبه شيء وما جايبي الج مانعيج من الطلعه اكو شي تعانين منه احد مضايقج كوليلي علمود اعرف اربط لن عقلي وكف وياج
لا والله أبداً.
خوما من وراي لن ادقق عليج وأحاسبج وعلمود السيارقه والوظيفه غثيتج بالحجي لو علمود الجم مم منعتج تروحين اله كولي لاتبقين ساكته
ولا وحده منهن انتوا أهل ينشد الظهر بيهم وارفع راسي بفخر لن عندي اهل مثلكم واخوان مثلكم انتوا عزوتي وسندي وفخر وافتخاري
ونضل هيج ما يتغير كلشي بس أزهار بنييتي راجعي نفسج ابويه انتي كوليلي ولاتخافين والله ما اسمح لاحد يغثج بحجايه والله اقضي على عمره اللي اليغثج واني اخوج.
مستحيل اخلي احد يلومج كولي اذا ما مقتنعه ومتردده لن واقعج يتغير وعيشتج تتبدل جذرياً كوليلي أنهيلج گلشي ومثل ما دخل علينا واخذج يطلع بدونج انتِ مو رخيصه عليه اشمرج هالشمره أنتِ گلبي المحترك عليج حرك ولو ما اخاف الله واعصي جان خالفت أمر ابويه وغضبته ونهيت هالشي وطردته.
لا خويه مقتنعه الحمدلله ولاتشغل بالك عليه
روحي الله يسعدج.
كالها وأختنك ودخل الغرفه خليت وطلعت ولكيت عمتي فريال وزينب يساعدون امي وكعدت وياهم واسيا راحت على عصام وصار وقت الغده وصبينا واجه بابا وعمو فاضل واجتمعنا كلنا على سفره وحده وبعدها غسلنا المواعين وشربنا جاي.
للعصر كاعدين كلنا بس أخواني ساكتين ومروان بس صافن صفناته تقلق؟ وبابا گال.
كمال هشام راح يجيب أهله ويجي يجيب السياك المهر حضروا نفسكم وحضروا الضيافه ما اريد اي قصور وحجي زايد ناقص فهمتوا عليه.
أزهار محد حجه رجع اكيد عليهم عمي فاضل
فاضل سمعتوا كلام ابوكم عصام مروان مشاكل ما نريد لاتفضحونا خوش
الحجيه غصباً عليهم يحترمونه اني موجوده اريد اشوف واحد منهم يغلط ويسوي تصرف اعوج زهره كومي تجهزي اسيا ساعدي حماتج
ازهار اثنينهم باوعلي ما راضيين بس سگتوا وأسيا اخذتني وصعدنا وعصام باوعلنا ما مرتضي لزمتني ترتبيات ولبست فستان مستور بس كلش حلوو وحجاب وصعدت عمتي زينب وگالت.
زينب يله ولجن نزلن بالطريق راح يجون
أزهار بلعت ريگي بخوف وأسيا لزمت ايدي ونزلنا سوا واخواني كاشخين ويفترون واحد يدعم الثاني شافوني رادوا يحجون بيبي رفعت العوجيه وسكتوا
أندك الجرس ومروان باوع الكاميرات بعد ماهو نصبهن بنفسه وگال
مروان جايينا بسيارته التكسي جان أستحى يعني عليكم الله انتوا مقتنعين بي هذا من مستوانا ويصير نسيبنا على شنو مجبورين اناسب واحد حافي ومنتف
عصام دنجب واسكت
مروان أنت شگو تغلط عليه.
عصام گيفي
الحجيه وتالي وياكم هسه وكته
ازهار طلعوا بابا وعمي فاضل وعصام ومروان بالكوه يمشي ودخلت سيارته نزل منها لابس رسمي طلع يجنن ومحلق وفتح الباب ونزل أمه بالكوه تمشي سندها وياه وحده متوسطه العمر يمكن اخته.
تقدموا أهلي عليه وسلموا ورحبوا بي وعصام تقدم لزم ايد الحجيه وسندها لن هشام كام يسلم على اهلي دخلوا الاستقبال دخلن النسوان واني واسيا ضلينا واكفين برا شويه وامي طلعت.
وصال تعالي سلمي على خطيبج واخته وبوسي ايد امه وراسها تكسر بالگلب بس مشيتها كافي على اخوانج تبين فقيره وكلبها قطعه ثلج بس الحزن مخيم على وجهه
ازهار ماشي دخلت بس اسيا ضلت لوحدها سوده عليه دخلت وشعور واحساس يجنن لهفه اللقاء واني حلاله صار گبالي وعيونه تلمع بالفرح بلعت ريگي ونزلت عيني وحجيت السلام عليكم گبل نزل راسه وحجايه بتعثلم ورجفه بكل جسمه توتر خوف
هشام وعليكم السلام ورحمة الله وبركاته.
ازهار اخته كامت كبل اخذتني بحضنها وتبوس بيه واني جاي اسلم عليها باست ايدي وكامت تبجي هشام حجه
هشام ايمان مو وكته
ايمان دموع الفرح ما مصدكه صارت الك عيني هي شحلاتها غزاله عين النبي تحرسج
ازهار تسلمين حياتي تقدمت على الحجيه راد تكوم وعصام اشرلي نزلت بستها من ايدها وراسها وشبكتني وتبجي وتمسح على وجهي وكالت
ام هشام والله حبج بالحلال حتّى ما يسولف بيج من كثر ما يخاف الله بيج فدوة لهل الوجه الحلو.
ازهار كعدت بصفها ولازمه ايدي وكل شوي تباوعلي وتباوع لهشام واني ابتسم الها وصار هدوء وكلما اريد أباوعله واحد من أخواني يخزرني بالاخص مروان يبووه سلني سل تالي سگتت وكلت احترم روحي لما تفض على خير
ومروان جاب الضيافه قدم الها وهي ايديها يرجفون توني اريد امد ايدي وعصام كام جر الصينيه من مروان ونزل الضيافه كدامها وتشكرته
ام هشام الله يرضى عليك يا يمه.
ازهار وصار الحجي بينهم وخله المهر كدام ابويه وعمي فاضل وعصام صافن عليهم وساكت وعاد بابا گال.
كمال أبني خلي المهر عندك اني ما تهمني الفلوس بكثرما تهمني سعادة بنتي ويه رجال يخاف الله بيها ويسعدها ويصونها ويحترمها ويقدرها هذن بعيني ولا شيء كدام وحيدتي مهجة گلبي زهرة بيتنا.
ومن يوم اجت لدنيا ورده بنص أخوانها صارت ومهرها عليها سؤاء انت او غيرك لو وزير بمكانك كاعد جان سويت نفس الشيء خاف تكول لن اني فقير حال لا ابني الفقر مو عيب والفقير عند الله محبب وكلنا فقراء الله وحده هو الغني.
والمهر خلي الك مصاريف وتكاليف عرسك ومهر بنتي وتجهيزها عليه.
هشام بس عمي.
فاضل ما بيها شي ابني وانت حسبة ابنه بعد اخذهن ولا ترد عمك بمقام والدك لن ما ناخذهن وهم وراك غرفه وتكاليف العرس سوي اللي عليك واحنه نسوي اللي علينا بنيتنا احنه نجهزها.
هشام والله عمي غركتوني بإفضالكم ما اعرف شحجي بحقكم ويشهد الله عمي من يوم شفتك شفت بيك ابويه الله يرحمه وحسبتك بمقام والدي وانتوا اهلي ان شاءلله وازهار اخليها بطن عيني.
ازهار كام راد يبوس ايده وسحبها وابويه حضنه واخذه بحضنه ويطبطب على اكتافه بحنيه لن هشام كام يبجي واخته وامه خطيه هم لن ذكر ابوه.
كعد وابداً ما باوعلي بس يسولف ويه بابا ومروان وعصام ساكتين ما شاركوا وطلعت عمتي فريال وشوي واجت وحجت ويه بيبي وعمي فاضل بس مروان حس وخله ايده على شفايفه بحركه ممنوع.
ما فهمت شيء وشبيهم خلصوا كلامهم وهشام انتقلت عيونه عليه يباوع بسرعه ويغير نظراته مشتاقتله ومشتاقه لحبه وحنيته عليه ولا كدرت اتمعن بشوفته احتراماً ل اهلي كاعدين كلهم.
وصار الوقت يرحون كام سلم عليهم وعصام ومروان سلموا بس مروان من بعيد مد ايده وعصام دفعه لن امه كاعده تباوع ويخزر بي.
عبر من يمي باوعلي خطف توه راد يحجي ومروان وكف كدامه واني صرت بظهر مروان ومشه وطلعوا وياه بس مروان ضل يفتر وجديتي تحجي عليه
الحجيه شعندك مثل الديج نافش ريشك
مروان شهل التمسلت هذا الشيء كله مو عاجبني
الححيه وطبك مرض لا يعجبك عاد انت منو ولك لاتضل نافش ريشك مثل الديج لاتجيك وحده وتهلسن الك ريشه ريشه بس حلاات عليها اخ لو تكدرلك.
مروان زلمه يحاجيح وبعدين شنو هالتخطيط بينجن وخل يكعدون لوحدهم وين عايشين احنه
فريال شبيك يا مروان ترى خطيبته وحلاله
مروان عمه عليج الله منو طلب منج
فريال محد اني كلت ليش
مروان لا اعرف مو أنتِ لن تخافين من عمي هذا طلب أسيا هي بلغتج مو
ازهار عمتي سگتت وجديتي تأفف منه ودخلت اسيا خطيه على نياتها
أسيا سمعت ذكرتوا اسمي بالخير بالشر
مروان منو سمحلج تتدخلين وتطلبين طلبات ما الها معنى وتافهه
أسيا مو قصدي بس حبيبت.
ازهار قاطعها قبل لاتكمل كلامها
مروان قصدج مو قصدج سوالف مخطوبين ماكو كعدات وسوالف ومسكات ورد وهل الأمور الخايسه
وصال أنت شبيك گبيت شو صاير ما تحترم عقلك وين طار مو جنت سكوتي وماكو أعقل منك
ازهار ما حجه وامي راحت على اسيا تتعذر منها
وصال حقج علينا هو متخبل وكاعد لاتزعلين
اسيا لا عمه ما ازعل مروان حسبة اخويه ويمكن فعلاً مو من حقي اتدخل اني عصام منعني بس گلبي الطيب مو بيده.
ازهار حجت ومروان مثل التندم وكال الها
مروان ما قصدي أجرحج بالكلام بس جنت متحمل واجت بوجهج حقج عليه واعتذر منج
الحجيه بيش يفيد كلامك اخ منك صاير فلاتنجرع
ازهار طلع اضرب من عصام بعقليته ودخلوا وصار الحجي وعصام انطه رأيه
عصام سيادتك اعذرني بس تصرفك گلش غلط
كمال ليش وين الغلط.
عصام أنت بهذا تصرفك تكون رخصت بنتك وهذا الشي مو حلو الرجال من اجه ونوه يتزوج لازم يكون كدها ويتحمل بتكاليف وجامع مهرها حتى لو جان قليل تاخذه عود بعدين اصرف عليها محد مانعك اني هم اصرف عليها وغصباً عليه بس مال ترجع مهرها بيده وتكوله اني اجهزها الك لا هاي واكفه
فاضل ابوك سوه هيج لخاطر اختك.
عصام ادري والله العظيم ادري بس هذا الشي مو وارد باجر عكبه مع تقدم الحياة الزوجيه كلمه منا وكلمه منا راح يعيرها واهلج جهزوج وانطوج اليه
كمال عصام گافي تخربط بسوالف شو كمت ما تعرف تحجي شنو هالحجي بدال ما تقدر وضعه وهذا صار زوج اختك ونسيبك.
عصام هذا اللقب يمشي عليه بس يمشي عندي شوفوا اني ساكت ومتحمل وتعاملت وياه بطيب اصلي بس دام طلعت اني اخربط وما اعرف احجي اني اسحب نفسي واصلاً وجودي وعدم وجودي واحد شتسون سوا وازهار بيدكم ذبيتوها بالتهلكه اني بري من خطيتها لن اجيتكم بكل طريقه وكل الكلام خليته كدامكم وانتوا انتوا وبالاخير طلعت ما اعرف احجي
ازهار طلع مزعوج ومروان أبتسم بخباثه ولحكه واني كمت صعدت لغرفتي واسسيا شافتني وحجيت الها كلشي.
أسييا ميخالف سهله خليها عليها اني اقنعه بطريقتي
ازهار فدوة لكلبج يله اروح اغير ملابسي ترخصت وصعدت ونزلت لكيتهم يردون يرحون وتقدمت عمتي فريال وكالت
فريال عود خابري من تلفون أمج
مروان ماكو مخابرات
فريال بس خطيه
مروان عمه كلت ماكو وخلص
أزهار سكتت وعمتي خطيه ما حجت وراحوا وحجيت لامي وكالت.
وصال شو هذا مستجلب فدمره صاير زقنبوت والله حتّى اسيل حرامات بي عود ردت ازوجها اله اشيل خطيتها وياه لن فد حقير صاير حتّى عصام مو مثله عود كلنا العاقل والسكوتي طلع ما ينجرع
ازهار ما حجيت ومشت مزعوجه فرحتنا ما تكمل أبداً ومروان ضلت عيونه تراقبني وسمعت هشام يريد يجي ومروان موصله كلام ماكو زيارات ومسكات ورد وفترات خطوبه وما اجه خطيه وامي انزعجت من تصرفه كلش بس ضلت ساكته ومتحمله عليه.
وصال كلبي مفوخ منه على ساعه اهفه بالمزهريه ولج مجلوب حتّى مشيته متغيره وصاير فد نكناني طلعت ل الاسواق يگولي شعندج طالعه تفرفرين هذا مال اشيل شحاطتي واركعها بيها.
اسيا عوفي عمه ولا تزعلين هاي فتره تجي بيها الزلم ينجلون لن اكو وحده لو ساحتلهم لو هما مسحلوين عليها بالحاليتين مسحولين ف شلون يبينون هما مو مال سحل ينفش نفسه ويستجلب على اهل بيته وتلكي يمها يرجف ويخرط الاول والتالي
ازهار ههههههه شمعرفج ولج.
اسيا والله شبيج بس زلمتي مو منهم لن ادامي
ازهار صايره تعشقي بجنون
اسيا سكتي لاتحنين گلبي وين انطي وجهي هسه وهو بالدوام انوب شغل دك ماكو مجال يخابرنا كلما ما اخابره اجتماع لو لقاء الوزير حالي بالضيم.
سوده عليه عصام جان ملتحق ومن هذاك اليوم ما تتدخل أبداً وفعلاً سحب روحه لن كلام بابا خلاه ينغث سوده عليه والله اني النغث ولا انت.
ومرت الايام واجه يوم نعقد محكمه والصبح بابا طلب من مروان هو يروح ويانا.
مروان وليش اني
كمال شنو ليش انت غير اخوها خوما ادزها لوحدها
مروان ماشي
ازهار تفاهموا وصعدت لبست وصعدتلي اسيا وساعدتني بالمكياج وتضحك
اسيا اني فلا اتوب بعد كلام مروان وملاحكتج گلبي ما ينطيني اخليج لوحدج
ازهار يا بعد روحي أنتِ صدك عصام شخباره هم فهمتي منه حجيتي وياه.
اسيا سحب نفسه نهائي گال بعد ما عليه لا من بعيد ولا من قريب بس تدرين لو ضالين على عصام اشرفلنا انوب هذا صاير فد مره ولازك بالبيت حتّى دوامه متغير نظامه كلت لعصام اخوك ليش هيج كال لاتتدخلين شعليج بي وسگتت
ازهار شنسوي نتحمله تجاهلنا ونسولف ونضحك وكملت ونزلنا ومروان كاشخ ولابس رسمي كشخته مثل السيف تذبح حتّى الحذاء يلمع مثل المرايا والعطر تارس الصاله ويفتر ويباوع الكاميرا وصاح على أمي وكال الها.
مروان اجه الشفيه بسيارته هذا شارب من صباحيات الله طلعي عليه وفهمي نروح بسيارتي
وصال الشفيه تحجي عليه تاج راسك
مروان تاج راسي هشام تاج راسسسسسي
وصال اي ليش لعد
ازهار تعصب واعصابه فولت ذب الجكاره وسحكها وكال
مروان بسيارته ما اروح هذا العندي واني ما متحرك من مكاني لو بسيارتي لو ما اروح
وصال ولا تروح بعد احسن ماخذينك بس تتنفض علينا هو الرجال متواضع شيجيبك عليه.
مروان يعني اني هسه صرت ما اعجبج بس هشام شديد الاعجاب مو
وصال اي نسيبي وزوج بنتي وحيدتي
مروان اني طالع عليه وافهمه اوكفيلي
ازهار طلع وامي ركضت جلبت بي
وصال لا تسويلنا سالفه وتفضحنا خلاص لاتروح هسه اخابر ابوك يجي ويروح ويانا
مروان وكشختي المن
وصال افتر بالفرع وخل البنات يشوفنك بلكي مصخمه الوجه تنعجب بيك وتاخذك وتخلصني من خبالك علينا.
مروان سهله وصال سهله
وصال وين رايح
مروان بيت عمي ابو حارث؟
وصال شعندك رايلحهم
مروان مو كلتي افتر بالفرع وخل البنات يشوفنك اني رايح افتر واجيبها واجيج اصبريلي بس الا اشيبج من وراها.
وصال اذا رايح تشوف طولك وكشختك ل اسيل
ف بطلنا ما نزوجك ونشيل خطيتها وياك لن انت مخبل كافي عليك هناس وينها تجي تاخذك لن بس هي تكدرلك من ساعة العفتها وانت متخبل علينا
مروان منو گالج عايفها؟
أزهار عافنا وطلع اذا ما عايفها شعنده بيت عمي ابو حارث.
وصال على ولد عمه شعنده قابل بابا هذا ما يتزوج اسيل مو من اعجاب حضرته شاف الذهب وگال مزنجر هو هالايام متخبل خبال رسمي لو ضالين على عصام مو اشرفلنا امشي يمه شتلنا الرجال خطيه واكف ينتظرنا حتّى يستحي يدك الباب غير يبتلي على عمره شلون وكع بقسمه كشره.
ازهار ومن يروح ويانا
وصال ابوج جاي لن جان حاس مروان ما يعديها على خير وخابره كاله لاتروح اني جاي بس الافندي عند الا يروح شكد صاير ادبسزز ولسان كح.
أزهار طلعنا بالحوش ومجد فتحله الباب وامي طلعت عليه وشكد انقهرت من مروان طلع وما گاله تفضل بجيت واسيا تواسيني ليش هيج اخواني يسوون شيصير عليهم هو هم بشر مثلهم
اسيا الله يهديهم بس لاتنقهرين والله تعصرين گلبي سوده عليه يله مسحي دموعج هشام اجه شوفي عمتي شلون تبوس بي ياعيني باس ايديها يمه فدوة.
ازهار مسحت دموعي وابتسمت من شفت امي تبوس بي وباسها من ايدها واجه هو وياها ناحيتنا بعد مسافه ومجد دخل البيت بس امي واسيا وهو صافن سلم نسيت گلشي بشوفته تقدمت عليه شعور مالكه الدنيا گبل حضنته وبجيت وهو حضني بقوه ويسگت بيه
هشام شو هيج ياعيني شو گافي باوعيلي
ازهار مسحي دموعي وجهي گبال وجه وباسني من كصتي وگال
هشام هاي بوسة حلال شكد تعبت علمودها مبروك يا حلالي.
ازهار الله يبارك بيك يروحي حس وتفشل منهن وسلم على اسيا
هشام اعذرونا خيتي شلونج
اسيا بخير الله يسلمك مبروك عليكم تستاهلون كل الخير دير بالك عليها هاي غاليتنا وعزيزتنا
هشام بنص گلبي وبطن عيني.
وصال أتفضل يمه بينما يجي عمك بالطريق
هشام لا عمه انتظره اهنا
ازهار بقينا واكفين واحد صافن بوجه الثاني ما مصدگين وناسين الدنيا كلها بعيون بعض
هشام اسعد أنسان من ملكتج ووفيت بوعدي الج مو گتلج ما اعوفج.
ماكو كلام يعبر عن شعوري وفرحتي وياك وتمنيت احجي وياك من يوم العقد بس تعرف الامور شلون صارت
ادري وتعدي ان شاءلله اني وياج كتف على كتف نتجاوزها كلشي سهل دام انتي يمي، صدك اريد اسألج تلفونج وين؟
يم اخواني
ما أكدر اتواصل وياج
لا واستحي اطلبه منهم
أجيبلج واحد
لاتضايق روحك اني اكدر اشتري بس
لا عادي ولا يهمج اني اجيبلج واسويلج حساباتج كامله باجر تلفونج يمج تمام
تمام گلبي واجتنا اسيا.
اسيا عمي اجه.
ازهار هاا ماشي كبل ابتعد وگال
هشام اني رايح افتحله
ازهار خطيه هو راح فتحله الباب ونزل سلام ومباوس هو وياه وطلعت امي وطلعنا بسيارته عادي
وصلنا المحكمه وكعدت بصف امي وابويه وهو واكف بعد مسافه عنا ما يكدر يباوعلي يستحي من بابا وصار الموعد ندخل واجت الساعه اللي نحلم ومنتظرينها اتسجل بأسمه وبعد كلام طويل تم العقد.
طلعنا للبيت وبابا عزمه على الغده واني واسيا انخبصنا وفرحانين ونسولف ونضحك وامي تطبخ وكل شوي عايطه بينا وطلع بابا وهو ضل لوحده
كمال مروان وين خابري شوفي وين خل يجي
وصال خابرته گال بيت جدي يتغدى يمهم
كمال لا اله الا الله.
ازهار رجع يمه وحزت بگلبي وسگتت وكلت ميخالف مع الوقت يتقبلونه بينهم وصار وقت الغده وصبينا وما كدرت اشوفه ولا اكدر استخف واضل رايحه جايه عيب من بابا تغده وراح وثاني الصبح اجه وجان بس مروان موجود بس نايم عاد امي كالت
وصال خلي نايم لاتكعدينه اني رايحه ادخله وانتي حضري الضيافه
ازهار تمام راحت وركضت طياره كشخت تراك قديفه لون احمر طوخ وشعري نثرته وخليت مكياج ونزلت حضرت الجاي واجتني امي.
وصال غضب على يومج شنو لابسه هشام اليوم ما ينشلع منا تردين تخبلينا خطيه دتمشي جيببي الضيافه ولحكيني
ازهار طايره من الفرح شلت الصينيه ولحكتها تمنيت اسيا كاعده وتشاركني فرحتي بس نايمه فتحت الباب جان يكلب بالتلفون شافني وبلع ريگه سلمت وخليت الصينيه ضيفيته صافن بوجهي احم
هشام تردين تموتيني اني منا طاكه روحي عليج انوب لابستلي احمر وطالعه تشتعلين.
ازهار خجلتني كعدت بصفه وامي مستحيه عاد كالت.
وصال اخذوا راحتكم خاف تردون تسولفون من حقكم يمه واعذرنا وليدي ماكو احد بالبيت واستقبلك كلهم دوامات وشغل بالمعرض
هشام لا عمه صدك جذب قابل جاي اجربكم
ازهار راحت بس لزم ايدي والله حتى ما باسني بعدنا واحد صافن بوجه الثاني هو سارح بتفاصيلي ولبسي وشعري واسمع صوت مروان هو وامي وانفتح الباب بقوه وشافه لازم ايدي كبل سحبتها وهشام ما قبل ضل متمسك بيها وصرت بصفه باوعلنا وگال بعصبيه ويأشر بيده بإنزعاج.
مروان سوالف المخطوبين ويه العسل ما أجرعها ف ما اطول الكلام عليك الطبه والطلعه ثكيلات على? گلبي
هشام شنو هالحجي مروان اليسمعك يكول سالب لو ناهب ترى أختك حلالي وبشرع الله وكل خاطب يجي يشوف خطيبته
حلالك على? عيني ورأسي سويلها عرس وجيبلها رتل واخذها بس مال يوميه مشوفني طولك ما تمشي عندي وانت علمك كفايه وشلون صارت حلالك.
حجيك مردود عليه واني ما غلطت ويه اختك.
لاادوس بكلامك وتعمق الكدامك ما راضي ولا مقتنع ف ياريت تعرف حدودك وتتلزم بيها.
اعرف حدودي ما يحتاج تعلمنيها ومشكور على حسن استقبالك
ازهار طلع التلفون وخلاه بيدي ومشه ومروان شاف تلفون لو تخبل بس ضل ساكت وامي لحكت هشام تبررله وتتعذر منه
وصال يمه حقك علينا لاتزعل
هشام لا عمه ليش الزعل اني ما اخسر ازهار علمود واحد متهور وما يعرف يتفاهم ما عنده مشاعر مثل البشريه عن اذنج وسلميلي على
عمي مع السلامه عمه.
وصال الله وياك أبني
ازهار راح حتّى محد وصله للباب مشه لوحده ومروان سحب التلفون من ايدي ويتمثل بي
مروان افشل وارخص نوعيه يله تتعودين على الكوبي الله يرحم ايام الايفونات.
وصال خليهن الك يكفي رجال يخاف الله ويحب اختك ويسعدها
مروان اي من الفگر العايش بي يسعدها لا واصل
وصال انت شو مستهتر وبعدين شعندك متروح لدوامك مكابلنا وكاعد.
ليش لازم مضايقجن وبعدين وين اروح عصام سحب ايده بس اني موجود وازهار عبالج الساحه تفرغ الج لا اني مروان كاعدلج لما الشفيه يجي ياخذج.
وصال أنت شنو من گلب گلبك
مروان عبالج اني عصام گلبه طيب لا اني مروان عقلي وگلبي اسود.
أزهار طلع ومسحت دموعي وصعدت لغرفتي فتحت التلفون لاحظت عليه مستعمل مو جديد سگت وكلت ميخالف مو مهم المهم هشام لكيته مسويلي فيسبوك واتساب دخلت راسلته لاتزعل
هشام وعيونج الاحبهن ما زعلان.
هو هيج طبيعته عصبي وما يتفاهم
عادي تعودت عليهم دام اخذت اختهم ما يهمني بعد خل يحجون مطنشهم لخاطرج لن أحبج وما مستعد اخسرج بعد.
ولا اني حاربت الكل علمودك أنت روحي وحبي الما اتخلى عنا بيوم
لو تدرين فرحة أهلي وعمامي من صرتي اللي وحالفين الا يسولي عرس ما صار واخوانج مو يردون رتل الا اجيبلج رتلين شررط زفتج تترس الشوارع وتقبط ووالهورنات تشيلكم شيل.
هيجي لهل الدرجه شنو داخل علينا متحزم.
لعد شعبالج مو گتلج لا كاتل لو مكتول الحمدلله طلعت عاشك مسحول ابن عمي يگولي هشام محد سحله بس ازهار ولج سويتني مزق بالعشيره كلها تصيح هشام يحب ازهار وعشگها عشگ ماصار
نوب سالفة اخوج عصام خبلت الاوادم ويقنعون بيه عمي جايز من روحك هذول اخوانها ما يتفاهمون اقل مشكله يهدون عليك بالتفك واني عندت الا انتِ من ورا حبج حاركني گلبي حرك دخيل الله شحبج
مو بگدي
تجين يمي ونشوف
ماشي متفقين
ماطول بهذا الشهر أخذج
هاا.
اي والله ما اريد تصير مشاكل أكثر وهذا مروان مو مرحمن ما مرتاحله يسمعني حجايه والشيطان شاطر اني هم بشر مثله شصير
حقك حبيبي
نتزوج ومع الوكت يتقبلون لاتنقهرين عاذرهم
يعني ما زعلان منهم
لا أبداً بس شويه مروان غثيث حجايته مدسوسات بالسم عصام شكد عصبي وما يتفاهم بس عمي وين.
يحجي يكسر ويجبر انقهرت عليه وانقهرت على روحي المفروض نسيبهم وحيدتهم يخلونه على راسهم بس وين واني جرحتهم بعلاقتي بهشام وبالاخص بعد ما شافوا المحادثات وانتشرت
الصور زاد الوضع سوء
ضلينا فترة نتواصل اكثر شي أتصال وهو ملتهي بالتجهيزات ويبلغني اول بإول بس جان بنفسي حفلة خطوبه بس اهلي ما وافقوا والمعارضه اجتي من اخواني وهشام كال هذا هو اسويلج حنه وعوضي بس ما اقتنعت وضجت هي مره بالعمر...
نزلت ولكيت امي فرحانه ابتسمت وكالتلي
وصال تدرين أسيا يوم عن يوم تكبر بعيني
ازهار عيني هي شبيها
مو بس اني راضيه عنها ابوج هم راضي عليها وموقفها وكفتها وياج ما ناسيهن وكبرت اكثر من أجتني عمه خل نسوي حفله خطوبه ل ازهار على الرغم عصام ما موافق بس مقنعته وجايبته لطريق وحتى موصيتلج على فساتين من الخارج الج والها واني هم وياكم شنو ربكم وحد
ازهار صدك ماما عليج والله احلفي
وصال شبيج قابل اجذب عليج.
يا بعد روحي يا اسيا بيش اجازيها يمه اسيا ذهب صافي من اول ما شفتها من خطبناها لعصام دخلت گلبي وتربعت بوسطه حبابه وحنينه وأصيله.
وصال بس عدها طبگات
أزهار كلنا عدنا طبگات ههههههه واجتنا شنو أنتِ يوم عن يوم حبج يزيد شلون اجازيج اني.
اسيا دام أخت حبيب روحي تدللي عليه
ربي يحفظه الج ولا يحرمنا منج
وصال هسه بس بلغي هشام واخذي الاوك علمود نبلش بالتجهيزات لن ورانا جهازج يريد منا وقت.
ازهار تمام ماما صعدت الدرج واسيا تضحك
اسيا لاتتكسرين ولج ورانا ركص لصبح
ازهار عشقي انت شمرتلها بوسه بالهوا وصعدت أتصلت عليه وجاوبني هاا حبيبي وين أنت
هشام طالع ويه ابن عمي علمود الغرفه اليوم نشدها
ازهار يا غرفه؟
شنو يا غرفه غرفتنا گلبي
ليش ما عندي علم مو لازم تكولي قبل
ليش زعلتي
اي طبعاً أزعل هاي غرفتي ولازم اني وياك نختارها مو تختارها لوحدك وبالاخير يله تبلغني
ترى حبيت اسويها الج مفاجأة.
هشام عفيه ليش ما حجيت
وهسه حجيت شصار قابل انكلبت الدنيا
لا بس الغيها ونختار سوا
ما اكدر بعد اتفقنا على السعر واشتغلها عيب وواكفه
ليش هيج
ازهار لا علمود الغرفه تسويلنا زعله
لا والله ليش مو من حقي
من حقج والله من حقج بس اني رجلج وما بيها شيء اذا غرفتنا صارت على ذوقي.
تمام
زعلتي
لا
ازهار
كتلك لا
اسف حبيبتي زعلتج والله ردت اسويها الج مفاجئة
هذا هو بقيها مفاجأة
يعني ما ادزلج صورها خاف ما تعجبج.
لا مو هي مفاجأة بقيها مثل ما هي واكيد حلوه دام ذوقك
ماشي حبيبي
اجيتك بموضوع
شنو هو حبيبتي
اريد اسوي حفلة خطوبه؟
بس بعد وكت عليها
لا وين أصلاً من زمان لازم نسويها نلبس الخواتم
ليش مو قبل العرس بيوم
لا هذيج حنه هاي خطوبه
هاا حبيبي عادي تنطي وقت كم يوم واسويلج احلى خطوبه
ليش
هيج بس كم يوم
حبيبي الخطوبه عليه اني اسويها
لا ما اقبلها هيج هواي
هدية اهلي اليه.
ما اقلبها ازهار كافي ابوج ما اخذ مهرج لا لا مصاريف هواي اني اسويلج عوفي اهلج
حبيبي حباب
هي شراد الها يا عيني كيكه وضيافه وفستان الج وخواتم غير
لا
لعد شنو
بقيها عليه بس وافق انت وما عليك
ازهار يعني والله عيب من اهلج كتلج اني اسويها كوليلي شنو تحتاج واني اجيبهم
ادري تكلف هواي لن اقاربنا كلهم يحضرون ف اختصرتها عليه ما اريد خلص صارلي عمر انتظر هذا اليوم وانت رفضت
منو كالج رافض يا عيني
بس وافق ولا تفكر بالباقي.
واهلج
شعليك بيهم واني بنتهم قابل غريبه
ما ادري شگولج
لاتكول شيءحبيبي انت
ماشي هذا هو سوي كلبي
تمام احبك اني
واني هم
شبيك عبالك زعلت
لا ما بيه شيء
يله گلبي اروح ابلغ ماما علمود نبلش بالحجوزات
حاولي لاتكلفين عليهم
تمام حبيبي باي
الله وياج گلبي.
نهيت الاتصال وياه ونزلت فرحانه وبلغت ماما وتبوس بيه وفرحانتلي واجت اسيا وكعدنا نختار الكوشات والكاميرا والموسيقى وگلشي من احسنه واكمله وخلال ايام جهزنا گلشي وما دزيت اي صور لهشام على الرغم خبصني دزي ودزي كلت اسويها مفاجأة
وصلن الفساتين وكملنا كلشي وامي عزمت كل اقاربنا وعمامي وخوالي بس تعذروا ولا واحد منهم يحضر هي بس بنات بس ما يقبلون والسبب واضح...
البيت هوسه والبنات ينصبون الكوشه وعمتي فريال وزينب ينظفن ويه امي واني واسيا وبنات عمي محتلين غرفتها ونرتب بنفسنا نروح لصالون وهي انثولت بجهالها سوده عليه عفت كلشي واخذت منها جود بينما لبست وتجهزنا وطلعنا للصالون ومجد وبابا وعصام راحوا بيت جدي وعافوا النا مروان ياريت لو مبقين عصام ولا مروان كاعد بالسياره ويراسل وشافنا نزل وراح يغير ملابسه
واسيا نغزتني وكالت.
اسيا فهمت من عصام يريد يتزوج بس ما كايل منو
ازهار اكيد هناس
اسيا لعد شو عصام گالي لا مو هي
لعد منو شنو عصام يعرفها وما يكول
ما ادري اخوان وبينهم اسرار
بعدين تنعرف واكيد تبقين أنتِ الاول ومحد ياخذ مكانج زوجة الكبير بعد عيني هي شحبها
مو بكدي يله امشي تاخرنا مروان وين صار ادري صعد يبدل لو ينام
وصال ولج سكتي لا ينزلج لن مفول على الكل وعمج كال عوفنه لا عليجن بي ولا تحاجنه خل يمر هل اليوم على خير فدواتج.
اسيا لخاطر ازهار راح اسكتت
ازهار خفت منج ضربتني وضحكنا ونزل العريس كاشخ ويتنفض وعاكد الحواجب ويباوع للكل بنص عين مبين المزاج مو تمام مشه سريع بيده السويج
مروان وراي دقايق تتاخرن امشي واخليجن تتوسلن ارجعلجن
اسيا دخيلك
مروان اسيا ترى نتخارب
لا لا اتشاقه شبيك ما تتحمل
زعاطيطج ما يصعدون سيارتي
ليش يابه عشتوا سيارتك من حورها
والله من حورها هذا العندي ما عدكم بديل غيري.
وشكوو ماخذتهم وياج شمريهم على ابوهم شكوو بس لازم التلفون
وشمدريك لازم التلفون ليش تصير خبيث
هو اني خبيث شصير اكثر هاا اصير داء الخباثه قصدج
يمه ولا عرفتك
وراي
اجيينا باشا
الباشا مروان لاتنسين ال التعريف
امشن لا اني اسوق السسياره واسحكه
ازهار تشعوطت واجت ويانا امي وبالبيت ضلت بيبي ومرت عمي داوود
مروان المفروض بالاول اودي اليحبهن كلبي بعدين اوديجن
وصال ترى انزل
مروان شبيج بس تنعوصين مثل فدوحده ابالي.
وصال اللهم صبرني على هالولد
ازهار شغل وطلعنا وصلنا للصالون ورجع يجيب عمتي فريال وزينب وبنات عمي اثنين جايات واثنين الباقيات من تبدي الحفله يجن.
وبلشنا شغل ولزمتني ام الصالون واجتي عمتي فريال وياها بناتها اربعتهن وعمتي زينب وعرفنا مروان رايح جايبهن من بيوت رجالهن لن هو علاقته قويه بيت عمي وجدي معتبرينا ابو البيت.
واجتمعنا وجانت اللمه احلى من الخطوبه كلها.
واسيا تصور وادز لعصام بس يشوف ميجاوب وهي تنكز لن ما يجاوبها بعدين امي وعماتي كالن الها
فريال عوفي وينه وين الصور والله العظيم من شفته تفاجأت وجهه سماد حتّى عيونه مخوخات
زينب يكول كسر ظهري من اخذها
وصال سوده عليه اخيته وهو اخوها الجبير
ازهار ما حجيت بس نزلت دمعتي مسحتها على السريع وقررت بس تخلص الحفله اروح عليه واكع على راسه واعتذر منه اموت وما اطلع من البيت وهو مقهور مني وعليه.
اتصل هشام وجاوبته هاا حبيبي
هشام هاا كلبي شلون الامور
كلشي تمام حاليا بالصالون
واحنه هم العشيره كلهن راح يجن
الف هلا بيهن لعد اني المن مسويتها
أصيله وبنت اصول وكل يوم تكبرين بعيني اكثر
بعد روحي يله حبيبي من اطلع من الصالون اخابرك
ما عندي شيء بس البس القاط واجيج احنه مو مثلجن.
هههههه يله باي نتواصل عود قطع الخط ورجعت تكملي مكياج واسيا توثق اللحظات الحلوه عشتها بكل فرح بوجودها والخطوبه صارت بفضلها هي قنعت عصام ووافق وصلتي على فستان اليه ولامي وصلن وياخذن العقل من جمالهن بس مالاتها احلى جان ذوق عصام وهذنيج ذوقنا وفاز ذوق عصام وكسر الساحه وراح يكسر الخطوبه كلها من جماله.
أسيل تمر الايام وماكو أي شيء عنه وامي اخذتني لطبيب فعلاً طلع عندي أبو صفار وامي احتارت منين اجاج ابو صفار وضلت خايفه وكالت
جنان لاتكولين لأحد
اسيل ليش المرض عيب
لا مو عيب بس أنتِ بنت بيت ويلطشن بيج على مريضه مريضه ويكطعن بنصيبج والا أنتِ ما بيج الا العافيه التزمي بالبهريز والعلاج تصيرين زينه.
سگتت وأنصدمت بتفكير أمي ورجعنا البيت والتزمت بالبهريز وانوب ضعفت بالزايد وشهيتي مصفره وصاروا يصحيوني بدال اسيل صفيره
الزفره لن ما أكل حيل أنقهرت وضميتها بگلبي.
وتعدي الايام وهو ماكو أختفى بس جنت اشوفه يفتح نت ويتواجد عطول عادي وقتها قررت أبتعد عنه وأنسى ولا اضل مراقبته وكل شوي ادخل اشوفه فاتح الانترنت لن من اخر مره گالي اخصمها وياج خلاني عايشه بخوف وقلق وتفكير وبعد ما راسلني.
كلت هاي هي گافي اللي صار بينا وكافي عليه الغلط والفشار والاهاين السمعتهن منه دام ابتعد وفضل السكوت أذن انسحب بهدوء والمقطع حذفه من تلفوني وضمن اني حذفت گلشي واثنينا غلطنا وكل هالايام ما حجه وما جاب طاريه بعد ما يحجي وليش يحجي هو هم مشترك بالذنب هل من المعقول يفضح روحه بروحه لا.
حيل افتقدته واكذب اذا كلت ما يخطر على بالي.
وكمت اذب حرگتي بالتنظيف كملت كنس البيت وشغلت الماطور وبلشت اغسل الحوش وأندك الباب جنت ما لابسه شال وكل عقلي جهال جوارين فتحته ومديت راسي ولان الحكومه واكفه بكامل الاناقه ضليت فاتحه حلكي وصافنه عليه
مروان فتحي حلكج بعد فتحي
اسيل تداركت نفسي وصرت ورا الباب شتريد
اجيتج اشوفج شريد قابل شنو هذا شكلج وطالعه للباب شو امشي انكبري داخل
وشكوو جاي انت من الصباحيات حلمان بينا
اي أشتهيتج وحلمت بيج
أستغفر الله.
امشي ولي عن خلقتي
رديت الباب ودخلت وكلت لأمي وطلعت عليه ضلت واكفه وياه ما فهمت عن شنو يحجون واجتني هاا شيريد
جنان هيج سأل على عمج واخوانج كتله ما موجودين كلهم بالدوام كال امرلهم بعدين
هاا
هو شافج
اي من فتحت اله الباب شمدريني هو
هاا زين
شو هاا زين شتقصدين
شقصد قابل.
مشت وهي مبتسمه وما مرتاحه الها وهو شعنده جايني كاشخ ويتنفض المسقط ابو البنات شكد كرهته لسانه زفر، رجعت كملت غسل ومن هذاك اليوم ما شفته ولا راسل واني هم ما اهتميت اله
سمعنا أخته انخطبت وكلش فرحتلها وخابرتنا عمتي وصال عزمتنا على الخطوبة ازهار وامي گالت نروحلهم تباركلها وخايفه تأخذني وياها وهو موجود شيكول عليه ساحله نفسها مثل ما جانت ساحله نفسها بالخاص ويضل يفشر ويغلط.
كملت شغلي وحسيت أمي أبالها شيء لن جابتلي فستان كلش حلو شسوي بي يمه وبعدين وين طالعه هي خطوبه
جنان شنو وين طالعه مو نروح لخطوبة بنت عمج وهسه كلها اهناك بنات عمج داود وجناينهم كلهن وبنات فاضل كلهن يحضرن تلگين الكرايب كلهن بيت كمال بعد خطوبة بنته وحيدته هاج اخذي بين ما نسرين تخلص ونروح الصالون
صالون بعد.
شبيج أنتِ شو صايره فدمره جنتي تموتين على هاي السوالف وضعج أبداً ما جاي يعجبني تاخذين علاجاتج على الموعد مو
اي
يله الله كريم
اسيل سگتت وصعدت غرفتي وباوعت للفستان ولبسته حيل مخصر ومفصل الجسم تفصال قالب.
خليته وحضرت جنطتي وشلت تلفوني شفته فاتح نت تجاهلته ونزلت وگبل طلعنا للصالون والشغل المعتاد وسويت شعري خصل ملتفه ونثرتها على ظهري وتسريحه بسيطه مفتوحه مو كبايه ومكياج مكياج مناسبات طلعت صاروخ اباوع لنفسي واضحك وامي اجتيى ترشش بالعطور والله خليت كافي
جنان لبسي كعبج يله اخوج حارث هو واسماء راح يجينا
اسيل ونسرين وين تكفي السياره
جنان حسن يجي يجيب اختج هديل ويمر ياخذها كملي بسرعه.
اسيل كملت وكمت لبست الكعت وشلت تلفوني وجنطتي وطلعنا ونسرين حسن هسه يجي عليها وتذكرت هديل اليوم تلتقي بإاسيا لاول مره بحياتها يا ترى شلون يكون اللقاء؟
. وصل حارث واسماء نزلت ليورا طالعه فد شيء لبس ومكياج تحفه ما عرفتها صعدت بصفي وامي ليكدام وتوجهنا لبيتهم
وصلنا حارث واتصل عليهم واسماء تعدل بروحها دوختني بشالها وامي التفت عليه وكالت
جنان أسيل لبسي شالج زين أمي.
أسيل لابسته يمه شعري نازل على? خصري ويه تسريحه مكوي خصل ومكياج مال حفلات ويه الفستان بنفسجي طوخ مال حفلات ومفتوح من جهه الصدر ولابسه كعب عالي وأكسسورات كلشي تمام التمام.
فز گلبي من سمعت حارث يحجي على? التلفون
حارث مرروان افتحلنا الباب الاهل اجو عليكم يله استعجل مو تمشيلي على? بيض اعرفك تخطي مثل الطفل هههه يله فضني تجلب.
اسيل أنفتح الباب والعينتين لابس اسود واني جنت من جهة الجامه وبحضني رهف وهو من يم الباب عبرنا يمه وصارت عيونه عليه گبل تهربت والخوف أحتلني هم موجود شيخلصج يا أسيل
امي نزلت واسماء لابست عبايه فوك ملابسها والتهت بحهالها وصحت على? امي وين عباتي
جنان بس لا نسيتها ع الباب يبووه
اسيل ونسيانج بس يم اسيل يشتغل شلون انزل هسه والفستان لازك على? جسمي بشرفج يمه صدك تحجين هذا هم موقف ما تبطلين سوالفج.
جنان شسويلج هسه نسيته
اسماء شبيج انهديتي على? امج شگو قابل هما بيت عمج ومن اكو بس مروان قابل ما شايف جهرتج نزلي وفضينا ولاادكين ثكل براس امج
اسيل يابه ردت اشرب من دمها احتركت حرك نزلن وخلني وحارث واكف ويه مروان هسه شلون انزل صحت عليها يمه يمه من بعيد عاطت بيه
جنان وغمه التغمج شگوو نزلي مو هياتنهن بنات عمامج كلهن اجن نزلي وما لابسات عبي تعجزين بنفسج نزلي قابل يأكلج.
اسيل رجعيلي عبايه اسماء خوما انزل بهذا لبسي وفستاتي لازك على? جسمي يمه وين رايحه رجعي راحت هي واسماء وجهال وعافتني وضليت لوحدي
. أرتفعت اصوات الاغاني وشكت طبله اذني ودخلن سيارات اربعه عاليات بيت عمي داود ونزلن كومه بنات وجهال كلت هاي فرصتي خل انزل واضيع بينهن شلت تلفوني ولكيته دازلي رساله
مروان شعندج كاركه بالسياره ما تنزلين لو تردين اجي اني انزلج.
اسيل يبوووه يبووع فتحت الباب ونزلت وشعري انثر? خصري والشال وكع وانخبصت بي والكعب والجنطه وتلفون ومروان دخت دوخه لستار يول حالي
رفعت راسي واكف بعد مسافه ويحجي ويه وحده من نسوان عمامي وبصفها بنات اثنين ويسولف مشيت واندار ناحيتي شايله الفستان من جهتين لن طويل وناسيه رجليه طالعات درت عيني لكيته صافن عليه بلعت ريگي ويييي ويييي استعلجت بمشيتي وانحشكت بصف البنات ازدحام والاغاني يبوو بالضيم.
. بقيت بصف البنات وهو بعيد بس عيونه ناحيتنا كأنما يدورني بينهم كلهن دخلن ومشيت وصرت گباله صعدت الدرجات وتوجهت الباب وتجاهلته
بالدخوليه عمتي وصال طالعه تجنن اللبس والمكياج النازك ولا عرفتها وبصفها أسيا هاي لوحدها قصه طالعه صاروخ ولابسه فستان شكيت بي مو منا لن مبين فخم وراقي بشكل مو معقول وطالعه شيخه لن شخصيتها هيبه مثل الشيخات.
تقدمت وعمتي شبگتني وتبوس بيه وسلمت? اسيا وعبرتهن هوسه اريد اشوف ششوف الجمال النزاكه الرقه الترتيب شيء على شيء ممزوج بجمال وفخامه
مسوين البيت عباره عن قاعه اعراس من الكوشه والورد الطبيعي والبوفي الجاهز الكيك انواع واشكال وعصائر كذلك والتزيين الجمال والفخامه كلها بيت عمي كمال.
ادور على أمي ماكو والكاها واكفه ويه أهل العريس اجتماعيه الله يسلمها امشي ودايخه مروان طك برأسي فيوز خبلني ابن خوش اوادم وصلتني رساله من على? الواتساب
مروان شعندج جايه تسويلي أغراءات بهذا للبسج
اسيل ليش ما أجي وبعدين وين أضل الأهل كلهم اجو محد ضل بالبيت
هاا صحيح ما تنعافين لوحدج أنتِ.
تجاهلت رسالته وما جاوبته وفصلت الانترنت قسم بالله طلعها لروحي سوه الطلعه عليه سم سممني بكلامه? الرغم ما غلطان بس مو لهل الدرجه على الأساس هو ما غلط المسقط ابو البنات شعندك باقي بالبيت.
اشتغلت الأغاني والصوت صار كلش عالي والبنيه تعلي وعمتي وصال صاحت بيها
وصال ولج عيني نصي أبني ما يقبل
خاله ابنج شعنده باقي وحفلة بس بنات خلينا نتونس وعوفيلي العقده ابنج
غير يصركعنا.
أسيل دزيتله صدك شعندك باقي اهنا الحفله بس للبنات حتى عيب
مروان اوي فديت المتكلم منو المتحدث أنتِ
أسيل انت زلمه وتكول اوي
زلمه بس ما مكسر رأسج وشبيها اوي ليش تحبينها؟
غميت نفسي شكد سخيف
باقي اشوف نعمة الله المطشره هيج فرصه ما تتفوت مره بالعمر تجي.
شوف منو لازمك
شايفهن كلهن بس أنتِ لو تصبين نفسج بالذهب ما أشوفج
انقهرت منه وفصلت النت ورجعت يم البنات توني كعدت وصلتني رساله على من رقمه كاتب بيها.
مروان عن قريب اعرس عليج.!