رواية بين قلبها وعينيها كبرياء للكاتبة شمس العراقية الفصل الثامن والثلاثون
صباح الخيرات اعذروني والله يم اهلي واخواني واخواتي 6 وعدكم الحساب وكل وحده اربع خمس اطفال?? وكلنا مجموعين بيت واحد وهوسه كابه لستار ماكو هدوء نهائياً واذا اسحب نفسي اكتب سطرين ويعيطون عليه بالكوه كتبت الكم هلكد الخميس ارجع والتزم وياكم نفس قبل وادللكم تعرفوني شكد احبكم واعتذر منكم قسم بالله وغلاتكم ما عندي وقت ولا اكو هدوء وضجه وهوسه المهم قراءه ممتعه عمري???.
أسيل سترت نفسي وكمت وصارعندي وجع بطني تأذيني خليت إيدي على بطني وصلت الكنتور اخذت ملابسي هو تمدد على الجربايه وإيده فوك?أسه وصافن على السقف مشيت بالكوه طلعت رحت سبحت وشفت الدم وشهكت وبجيت واني كاتمه عبرتي وضليت جوه الدوش اريد اخفف نار جسمي كل اثار الضرب توجعني مورم كلشي بيه يوجعني وكملت عليه بطني لبست فوطه بالرف من اخذت الغسول شفت مخليات بعلبه ولبست ملابسي وطلعت لافه شعري بالمنشفه.
وصلت وفتحت الباب على كيف وقفلته بهدوء ومشيت والضوء داخل من الشباك من خلف البرده أناره خفيفه إنتقلت نظراتي ناحيته وركزت عليه لكيته نايم صفنت عليه وعلى هيئته وتالي ورجعت ذبيت المنشفه مشطت شعري ولفيته وكملت وباوعت الدوشك وتذكرت اللي صار بينا رفعت لحاف وشفت الوصله البيضه عباره عن قطعه دم شلتها وذبيتها بالزباله ورجعت اريد انام والفراش وسخ ما ينام عليه قرفت وعفته.
. ضليت واكفه وين انام باوعتله هو غارق بالنوم اي صوت ما اله عبالك ميت تقربت بهدوء رفعت الغطا متغطي بي بهدوء دخلت رجليه لامسن رجليه فزيت وغمضت عيوني بقوه خفت يحس بيه بس ما اصدر اي حركه وجسمه منتظم خفت عليه وگلبي وجعني تقربت عليه بهدوء خليت وجهي قرب وجهه اريد اشوفه عايش وفزيت من گالي
مروان شسوين فوك?اسي.
أسيل جفلت ورجعت للخلف
ويامن أحجي أني
ما أسوي شيء والله
نامي يله.
ابتعدت عنه ونمت على الحافه وأنطيته ظهري خايفه منه لايتقربلي وضليت عايشه شعور الخوف الا نمت وصحيت على صوت الكنتور ينفتح فتحت عيني يكلب ويدور على ملابسه بإزعاج
ما تجين طلعيلي تراكسودي الاسود وينه
وصلت يمه ابتعد وكفت ادور عليه انطيته اله گبل نزع فانيلته كدامي صديت وجهي ومشيت ارتب الجربايه وحجه
لبسي ولحكيني ننزل نتريك
هزيت?اسي جنت اعدل الجرجف اجه وطخ بظهري فزيت وابتعدت اخذ تلفونه والباكيت والجداحه ونزل.
عوفي الغرفه هسه
ماشي فتحت الكنتور لبست ثوب صباحية العروس مثل ما كالت عمتي وصال لبسته وخليت مكياج خفيف ورشيت عطر كمت ادور على شال وانفتح الباب باوعت هو واكف
ضبطي شالج ورگبتج وردان ثوبج اي اثر ينشاف اخلص عليج فاهمه
هزيت?أسي ولبست الشال وضبطته ومشيت وراه نزلنا سوه بس عمي وعمتي فارشين فراش بالكاع والريوك جاهز واجواء كلش حلوة تقدمت سلمت على عمي وعمتي تبوس بيه وتصلي على النبي وفرحانه بينا وباوست مروان.
مروان اني شكوو مباوستني ادري محرر الموصل
كمال عيب ولك شو ما تعرف تحجي.
وصال هو يستعدل عوفه اي يمه ليش نزلتوا حضرتلكم الريوك كلت هسه اصعده الكم بس انتظركم تطلعون لن ما سمعت صوت الباب انفتح.
مروان لا ما يحتاج شكو على رأسنا ريشه تصعدلينا الريوك فوك.
اسيل عمتي سگتت ما راضيه على كلامه اشرتلي اكعد بصفه كعدت ورفع عينه ما عاجبه انقهرت وعبرتها بإبتسامة عمي وعمتي ومديت ايدي أكل بس شيء كابس على أنفاسي لن هو كاعد بصفي اكل لكمتين وكام ومن عبرني جفص على أصابع رجلي عود ما متعمد بس اعرف شنو من حقد داخله ومتغلل بي.
اكلت وكمت وما رضوا عليه
كمال شگلتي يا عمي والبارحه ما تعيشتوا رجعي كملي ريوكج بنيتي
وصال يله رجعي كعدي.
أسيل لا عيني عمه عليكم بالف عافيه شبعت مشيت المغاسل لكيته بعده يغسل ويوغف بالصابون وطول واني واكفه خلص ونفض ايده بوجهي ومشه استغفرت ربي وغسلت ورجعت اشرلي اكعد يمه على الدوشك بالكاع واجتي اسيا خلت جود بحضن عمي وكمت وتقدمت باوستني
أسيا الف مبروك حبيبتي بالرفاه والبنين وسبع سعادات يارب.
أسيل تسلميلي حياتي أشكرج فتحت الثلاجه وجابت الريوك وطكت بيض واجه عصام سلم عليه وكعد بصف عمي مقابلنا وكرم اجه مطفي نام بحضنه ومروان بصفي يتصفح بالفيسبوك وعمتي صعدت تكعد ازهار ومجد وعمار ونزلت لوحدها
وصال تنابل مال نوم ردت حاولت ما يكعدون
كمال عوفيهم عالغده كعديهم وازهار تبقى تروح
وصال ما ادري ما سألتها بعد.
أسيل كعدوا يتريكون وعمتي أبتسمتلي ومروان اجه اتصال وحجه صوت رجال وكام يحجي بعيد ارتاحيت لن جنت متقيده بقربه.
ضليت كاعده واسيا تغسل المواعين وعمتي كامت تطبخ الغده واني صعدت لغرفتي وعمتي صاحتني
وصال هاا عيني شو كمتي خوما تعبانه نسيت اسألج
أسيل لا عيني عمه ما بيه شي بس اصعد ارتب الغرفه واغسل ملابسنا.
وصال ماشي عيني عود خابري أختج يمكن زعلت البارحه حتى عشه ما تعشن.
أسيل ماشي عيني عمه صعدت غرفتي ورتبتها وغسلت ملابسنا بالغساله وطلعت وصفنت على ملابسه وهنا بإيدي جانت ابسط امنياتي اتلمس قطعه تخصك وفزيت على صفنتي بصوته وبتوقيت مو مناسب أبداً
مروان يمتى تفض صفناتج
أسيل شلتهن ومشيت
لبسي أزار صلاة ونشريهن عالسطح اكو حبل وداخلياتج غطيهن مو تعرضيهن!
مشه لغرفة وعافني أتشعوط وراه رحت نشرتهن ورجعت الغرفه ما لكيته رتبت شگلي ونزلت ما جان موجود بس عمتي كعدت يمها ومستحيه ما اعرف شسوي بس افر بعيوني واجه وكت الغده وعمتي راحت تصلي واسيا اجتي كلبت جدر الدولمه واجه من برى وباوعلي
مروان ما تمشين تصلين.
أسيل ما جاوبته وصعد الغرفه ما ردت أصعد وراه رحت بغرفة عمتي لبست ازرار مالتها وصليت وتوني كملت لكيته واكفلي يم الباب مشيت لعنده سحبني من ايدي وضغط عليها لا عفيه مروان
مروان شيسموها عايفه غرفتج وتصلين بغرفة أمي تردين تجيبين العين علينا هاا مشتريه الفضاحه مو
لا والله مو قصدي
بعدين نحجي.
مشه لن عمتي صاحتنا مشيت وراه وكلهم كاعدين بالكاع كعدت بصفه وتغدينا سوه وشربنا جاي وبقينا نسولف بس اني ساكته استمع الهم واسيا منطلقه ويه الكل إجتماعيه وعصام يشاركها الرأي هم يجي يوم واتعود هيج باوعتله ساكت وكام واشرلي ترخصنا وصعدنا الغرفتنا بس خايفه منه لايعيد اللي صار كلبي قبضني ودخلت وراه وقفل الباب وتمدد ونمت بصفه بس بعيده عنه ضلينا ساكتين ومر وقت حسيته أستسلم لنوم حاولت انام ما كدرت باوعت الساعه ثلاثه عصراً.
وحسيت بقلبه يخفق قريباً من قلبي، وجسمه يلتصق بخصري، بهدوء لمساته وأنا أرتعش من الاقتراب ونبضاتي تتسارع، وروحي تتأرجح بين الخوف والحب همس بصوت هايم
التفتي عليه ديري وجهج لوجهي
أنفاسه ريحتة لمساته قربه الملاصق لجسدي انداريت والتقت وجوهنا وعيوني تناظر عيونه نعسان مسح على وجهي ونزع قراصتي وفتح شعري وصفن بوجهي
شتاقيتلج.
خله?اسه بشعري ويشم ونزل على رقبتي قبلني كل النواحي وترك أثاره بعمق وتحركت أحاسيسي وثارت نفسي في معركة بين الشوق والعناد، بين الكبرياء والمكابرة وأنا أتأرجح بين حبي واستسلامي وبين رغبتي في الابتعاد هل أندمج معه وأختفي في أحضانه؟ أم أبقى جثتي هامدة بين يديه، وأحتفظ بقلبي في قفص من حديد؟ ماذا أفعل؟
رفع نفسه وقربني لوجه واخذ شفايفي بعمق وضل مستمر وگلبي صار يريده بادلته برغبه وحضنته من وجهه وهو ازداد بشكل اسرع وتمسكت من رقبته واتلمس ظهره بإصابعي وتجرأت وبسته من رقبته وعشقتها أدمنتها ريحته دمار انسلب عقلي فقدت وفصلت عن العالم بإكمله ونسيت كلشي صار فقط اني بين احضانه وتحت رجولته رجعت بسته بعمق وهو تملل ونايم برقبتي وهمس بصوت ذايب.
مروان أسيل عوفي رگبتي رحمه لأهلج اشسويتي بيه راح تموتيني أسيل لاتخليني اقسي اسيل.
أسيل يروحها ونفسها أحبك مروان أعشقك اموت بيك مجنونه بتفاصيلك اني مو مصدكه اني بحلم تعرف شنو يعني أسيل تحبك يعني امك داعيتلك
ما خلاني اكمل اخذ شفايفي وسكتني ما عافهن الا ان ابتعد بس هالبعد جان صادم بكل معنى الكلام من گال بغضب وحقد.
هالمره رخصتي بعين نفسج قبل لاترخصين بعيني.
لن أنتِ من زمان رخيصه حتى الرخصيه ما تنزل لهل المستوى من دنائه النفس تفاعلتي بإرادتج وصرتي نار وتلهب بيدي هاي بدال ما تعزين نفسج وترزينها لا تنزلين نفسج للأسوء كل ثانيه اكتشف شيء بيج.
فزيت من أنركع الباب الغرفه خليت?اسي بالمخده وصرخت بصوت مكتوم أنت املتني أنت بثيت الأمل بگلبي ليش هيج ليش لعبت بگلبي وبعقلي وأفكاري وجسمي وتفاصيلي ليش مروان ليش الف نعلة على حبك والساعة الحبيتك بيها.
بقيت نايمه بفراشي ما تحركت بجيت الا طگت روحي وشكثر أستحرقت روحي وگرهتها اني شلون تفاعلت وياه وبادلته الحب بالعلاقه شلون يربي بعد كل الاذيه الشفتها منه من كلام وفعل شكد غبيه اسيل عاطفتج طيحت حظج وعزة نفسي وكرامتي بالحضيض...
ما نزلت والا اذن المغرب أنفتح الباب ورفع الغطا عني وصاح بيه بعصبيه وإنزعاج وقلة صبر.
مروان شعندج نايمه لهل الوكت الدنيا مغرب عيني ست الحسن أكعدي تغسلي كبي ماي على جسمج تنظفي وصلي لو متعرفين الصلاة شلونها لو عادي عندج تبقين بالجنابه والنجاسه شنو محد معلمج المره لازم تتنظف بعد العلاقه لو شنو بالضبط فهميني يا مره.
ما جاوبته كمت ولزمني وضغط على أيدي
من أحاجيج تجاوبيني
باوعت بعيونه ولزمني من شعري بقوة ولوه رگبتي بإيده مروان رگبتي تأذيني.
اذا ما متعلمه الاحترام اني اعلمجيها وهذا العقل الله يثبته ب?اسج عود يوحيلج تشيلين نفسج وخشمج تتصنعين الكرامه على مروان اطلعه واغسله واعيد تركيبته بيدي
دفعني وعثرت ردت أوكع على وجهي بس تلاحكت روحي طلعت ملابسي ورحت الحمام سبحت وبجيت شويه ودك الباب اجييت
نمتي بالحمام
راح اطلع مسحت وجهي عالسريع لبست بخبال ولفيت المنشفه على شعري وطلعت صفن بوجهي
عبرته رحت الغرفه لكيته شامر الجرجف بالكاع ودخل هو.
خلي جرجف جديد
ليش هذا شبي
وسخ
نظيف ما بي شيء
أسيل كلت وسخ وخلص وساخه بابا عقلج شبي يعني متعرفين هاي السالفه تتغابين ب?اسي علمود اكول غبيه وما تعرف واستخطيج تريدين اتعاطف وياج مو! عليمن ولج العابيج على مروان؟
لا ما أريدك تعطف عليه سگت وعبرته وطلعت جرجف جديد ولبسته الدوشك والشلته القديم غسسلته هو والملابس ونشرتهم بالصاله عالمنشر ودخلت ملابس الصبح رتبتهم وهو كاعد على التلفزيون يياوع لعبه ريالي لنخاع.
للعشه ما حجينا بعد ونزلنا تعشينا ولكيت ازهار رايحه لبيتها كعدونا ومروان كاعد گبالي بس عينه على التلفزيون وعمي يحجي إتصلالات مهمه وشويه وصعدت ظهري يوجعني تمددت وسمعت الباب انقفل تمدد بصفي وإثنينا ساكتين وكسر الصمت وگال.
كومي حضري بدلتي والجنطة الملابس مالتي باجر التحق.
كمت واني ساكته حضرت ملابسه شخلي الك مثلاً كم قطعه شنو تحتاج نهض وكام يطلع كدامي ويخليهن بالجنطه وشغلات نواعم ومعطرات وكمل وخلاها بصف الجربايه ورجع نام وبقيت واكفه وصافنه على تصرفاته هسه اني شمعرفني متزوجه عسكري قبل ياربي شيكظي العمر وياه شيخلصه.
أروح واحذرج وراي ما تطلعين وتصيرين أدامي وتجرين عدل ترى تخلين?اسج براسي اطيح حظ حظج ف صيري ادامي وكعدي وسكتي.
ماشي بعدها سكتنا تمددت ونمت واني تعبانه وظهري حيل يأذيني وكل شوي انكلب على جهه وانكلبت على جهته صار گبالي وحجه.
يله نامي ولاتضلين تحوصين لو تردين بعد أتقربلج عجبتج السالفه مو وبالواقع أحلى وأمتع يعني طفيت نارج ريحتج.
ضليت صافنه عليه وما مستغربه أذيته بالكلام والفعل ورجع صاح بيه الا كمزت وفزت روحي.
نزلي عيونج ولا هيج تباوعيلي بصلافه لما الفجر كسرتلج عينج بس أنتِ ما تنكسر عينج صلفه مو بيدج والنظرات مو مقياسج
ما جاوبته وانطاني ظهره واني كذلك أستسلمت لنوم وعلى نومه لصبح كعدت الشمس داخله الغرفه باوعت الساعه بالعشره فزيت وانداريت فراشه فارغ
التحق صفنت على مكانه وملابسه كمت شلتهن ورتبت الغرفه ونزلت لكيت اسيا تطبخ صباح الخير
أسيا هلا عيني صباح النور شلونج.
اسيل الحمدلله عيني عمه لعد وين.
راحت الاسواق محتاجين كم شغله واليوم لوحدنا عصام دزوا عليه بشغله وعمي هم طلع.
مروان هم
ليش التحق
اي
هاا اي احتمال عنده التزامات لن بفترة العرس تماهن بالدوام مالته عادي تتعودين هسه يومين وينزل ما يصبر على الفراك.
اي ابتسمت وبگلبي يا فراك هذا كعدت ساعدتها بشيء بسيط ما قبلت بس خما اضل كاعده واضوج لوحدي وعمتي كعدت يمي حسيتها تريد تحجي وياي
وصال أسيل أنتِ هم بنتي اريد احجي وياج
اي عمه كولي
مروان ليش التحق.
عنده دوام ما يكدر خابروا
هاا اكيد
اي عمه لايضل بالج
تفاهمتوا بينكم على هذيج يعني تمت الحمدلله
اي ماكو مشكله
خوما صار عندج نزيف
اي بس أول يوم وهسه زينه
يعني شسمه
شنو عمه
تردون طفل من اول يوم لو يعني ما ادري شلون اشرحلج
يا طفل عمه
هيج مو وكته هسه.
ما فهمت عن شنو تحجي وتغديت وصعدت وبقيت بغرفتي اباوعله لمكانه فارغ وارجع اصد وجهي واغمض عيوني وابجي وابجي وتذكرت أهلي محد وصلني ولا سألوا عليه على أقل كدام عيالي شصار لو أتصلتن على عمتي وصال وسألتن عليه.
مرت ثلاث أيام وعمار سافر رجع للخارج وكمت انزل اساعد عمتي واطبخ وياها على الرغم متخليني بالكوه ومن اكمل الشغله تفداني وتبوسني وتضل تسألني شنو احتاج والظهر متخليني اصعد الغرفتي تفرشلي انام يمها لن عمي ما موجود وما اصعد الا الكل ينامون واشغل التلفزيون واضل اباوع مسلسلات واتذكره واتذكر كلامه وأذيته.
أطخ ب?اسي اخابر أهلي واروح بس واكفه وتصيرلي سالفه شكدها شكبرها وهو وصاني وحذرني من هالخبالات لا اكعد واسكت لما تفرج عليه والله كريم
العصر بغرفتي جنت طالعه من الحمام لابسه ثوب قصير وشعري ناثرته وكاعده أباوع مسلسل واندك الباب لن قافلته كمت وصحت منو
مروان اني شعندج قافلته فتحي يله
أسيل فتحته على السريع دخل بدون كلام وهادئ ذب جنطته ونزع بدلته
حضريلي ملابسي.
اخذ المنشفه وراح حضرتهن ودخل لاف المنشفه وكف على المرايا يخلي معطرات جسم واني احير وين اضم روحي منه.
نزلي جيبلي الغده
نزلت باقي من الظهر مرگه وتمن ولحم حميته وصبيتله وخضروات وسلطه سويتله وقوطية بيبسي وماي اكو فوك بالثلاجه صعدت الاكل لكيته كاعد بالكاع كدام التلفزيون خليته كدامي وكال.
كعدي كابليني ما أعرف أكل لوحدي
متغديه أكل أنت بالعافيه
كعدي ميخالف.
كعدت بصفه بس اللكمه ما تنبلع وجسمي يرجف منه ومن قربه اتوتر وادوخ واثول اكوم دربي ما اندله بلعت كم لكمه كوه غصيت وكمت شربت ماي من الثلاجه وهو خلص وكام يغسل شلت الصينيه نزلت غسلت المواعين وسويتله الجاي وصعدت ولكيته كاعد على الجربايه وبيده الحزام يطبك بي!
حاجيته بحزن ودمعتي بطارف عيني لا مروان الله يخليك لاتضربني وتأذيني والله بعد يومين لموعد شهريتي وأني اعاني منها والله اموت واعدل الله يخليك عوفني وارحمني.
لا تعالي مشتهي اضربج وابرد واطفي نار گلبي بيج هاي النار البداخلي منو يطفيها غيرج اعصابي الفايره والمقبطه بيمن افرغها اذا مو بيج تعالي وعوفيلي الجاي هذا شغله بعدين مو وكته هسه لازم أربيج على طريقتي.
تقرب قفل الباب وسحب الكوب من ايدي ودفعني وأول ضربه اجتي على خلفيتي شاغت روحي رجع كررها على رجليه وأفخاذي وأيدي مروان امانه
ولا صوت ما اسمعلج حرف
ضربني الا تعب شمر الحزام وكعد على الجربايه يباوعلي وحالتي يرثى لها انعزلت بالزاويه ولامه رجليه لبطني شعري نازل على وجهي ودموعي تجري وامسح بيهن بطارف ايدي وجهي احمر عيوني ورمن من البجي وهو صافن على حالي ويدخن طفه الجكاره بالنفاضه واشرلي بإيده.
تعالي يمي يلا عيني
ما ما اجي
تجين لا تحبين اني اجيج يله ميخالف اجيج تدللي
لميت نفسي تقربلي رفعني من الكاع نترت عوفني
لاتزوملين اوكفي
عوفني مروان
كامت تنعوصلي امشي غسلي وجهج
اخذني جوه ايده للحمام فتح المغسله وغسلي وجهي بإيده ونشفه بالخاولي ورجعنا الغرفه كعدني وجاب القراصه لف شعري واني صافنه على تصرفاته
تحبين الحنان سوده عليه تعالي نامي يمي.
سحبني نومني بحضنه ويلعب بشعري واني مخليه ايدي على صدره وغركانه بحضنه قرب وجهه لوجهي
يله ميخالف تكبرين وتنسين لعد بيمن افرغ قهري غير بيج
باسني من رگبتي على الخفيف استمر واني احاول ما اضعف وياه ولا استسلم اله بس لماساته وحركاته واخذ شفايفي وتعمق حاولت وحاولت وضعفت وبادلته بشوك وحنيه مفرطه وهو تمتع على الاخير
وابتعد عني وصار أنسان ثاني ورجع مروان الأعرفه.
وعرفت عنده شخصيتين: شخصيه قويه ومتجبره في رجولته وطغيانه بإذيتي، وشخصيه رومانسيه وحنونه يمارس بيها كل فنون الأغراء والاغواء والحب، بفراش واحد يجمعنا اني وياه، نتفاعل ونبتادل القبل، في لحظات الحنين والشوق واللهفه والرومانسيه العميقه.
بقيت هادئه وشعور يأكل بيه هم بجيت مثل كل مره اعاني وأتعذب واكل بلحمي واسب والعن گلبي عرفت حبي اله هو نقطه ضعفي وهو استغل هالشي لصالحه لإرضاء نفسه وأفراغ شهوته وغريزته وبعدها يرجع مروان اللي يغلط ويجرح ويأذي.
أنداريت وباوعتله نايم وحتى نومته هادئه خليت?اسي على المخده وصفنت على ملامحه يالله شكثر جنت اتمنى أباوعلك واروي نظري من ملامحك وصارت وتحقق الأمنيه بس بظروف ما يحملهن الگلب بوجع وأذيه وكومة اغلاط تقربت وتلمست شعر لمسات خفيفه ودموعي تجري تلمست أصابعه وطخ أصبعي بحلقته!
. بعدت الغطا ورفعت إيده ونمت بحضنه وعلى صدره وحضنته ودمعتي على خدي خليت?أسي برگبته شميت عطره وكاتمه عبرتي وهو تملل بإنزعاج هدأت وغمضت عيوني وأستقرت أنفاسي واستقريت بإحضان معذبي...
فزيت على صوت التلفون يتصل وكعد باوعلي مستغرب واني هم أستغربت روحي مجرده من ملابسي وبحضنه طاح حظي أنجرفت ورا مشاعري وعاطفتي أبتعدت وغطيت نفسي وهو فتح الخط وجاوب.
مروان هاا هديل شتردين منها نايمه يمعوده أكولج نايمه شكد تلحين هاج اختج تريدج.
أسيل اخذته وجاوبتها هاا هديل ها عيني شلونج
هديل زينه الحمدلله أنتِ شلونج شخبارج.
الحمدلله عيني زينه أنتِ شلونج أهلي شلونهم بعدج يمهم لو رحتي لبيتج
لا بعدني اكولج هسه عوفيني من أهلي
خير حجيت ومروان باوعلي بشك اي جهالج شلونهم.
مروان حضريلي ملابسي.
هديل ما يحضر مكسرات إيديه اووي شكد اكرهه هاي الفقره حضري ملابسي ويتأمر ادري هنا شنو ملابسك قابل شتلبس يعني
أسيل اي هسه احضرهن اخذ المنشفه وطلع ورجعت صحت بيها شبيج أنتِ متعرفين تحجين جان يمي لو سامعج شحجيتي يعني من كل عقلج صاحيه أنتِ.
اي حبيبتي واصحى منج ليش عالخير هم ناويه تصيرين عبده لحضرة السلطان سليمان مثلج مثل العبوديه والراضخه حماتج التسس الحيه الصفره تلدغ وتضم?اسها
منو تقصدين.
منو قابل ليش أكو أنسانه راضخه وعبده لرجال وممسحه لقنادرهم تلحس ممشاهم وتقدس وتمجد تفاصيلهم الرجوليه الطاغيه الزوجه المثاليه والنادره اسيا؟
شنو هالحجي عيب عليج يمج كرباج هديل أحترمي وصيري أدامي وعوفي أسيا وعصام وجفي شرج عن البشريه لاتسوين مشاكل يمعوده عيب.
أحترم لا والله ما أحترم ولج أسيا هاي الحيه التس الحقيره الجلبه السرسريه الساقطه الناقصه الدك والنس منها النهار والليل كله تحش براس رجلها هي تحفر جواه يا كالت هديل يا كالت هديل خلتني على كل لسان سوتني حديث كل اثنين
وبعدين واني شمسويتلها كوليلي شمسويتلها والله حبيبته وخطيبته السابقه اي وشنو يعني شسويلج آذا هو متأثر بيه وما حجالج يخاف على مشاعرج تنجرح وتثورين مثل الثور.
هديل استحي على نفسج لاتفضحينه.
بس اني موو هديل اذا ما فينت حظج يا اسيا اذا ما رجعتج لجحر الطلعتي منه للخيسه الجنتي عايشه بيها بنت الفكر لج أنتِ رجلج سيادته المحترم عيرج بفقرج ولبسج برجله وهسه صايره خوش مره وشيخة الشيخات ومرت الضابط وادامي وام البيت ولبس ماركات والتوصيل شغال والصغيره والجبيره بيدها وتأمر وتنهي.
بصوت ناصي وأنتِ شعليج بيها صخامج وطين ب?اسج شنو هالحجي.
تردين أسكت على الأهانه اكلتها بسببها أنجرحت أحساسها الشيخه من كلت المعدان ومسته الحجايه واجه دخل عرض وكام يغلط عليه وجرحني لعد اني عصام يغلط عليه ويهيني كدام الكل اني يكولي لاتأكلين اني هديل بس اسمي كافي عليه يذكره
اجه وسگتت وكف يلبس وهي سگتت
أجه الشفيه زلمتج
أي حارث شلونهم والجهال شغل التلفزيون وكعد واني رحت بعد مسافه عالجربايه هديل كعدي عاقله.
لا والله لو اعرف بيتي ينهجم أسيا وحده قذره انسانه خاضعه (منحطه راضخه) النهار كله تمسحين قنادر يله انسحل وراج وصار سايق مرته.
وعصام ليش عافني لن اني ما ارضخ إمراه إلى شخصيتي وكياني ولا انطيته أهميه ولا بالغت بي ولا غرت عليه ولا كبرت?اسه ولا مجدت وقدست رجولته هو عربانه بس تدفعه يندفع هو هاي شخصيته اني انطيته حجمه وعافني اني ليش عفته اني ما ارضخ اله وشخصيتي ما تناسب ويه هيج شخصيه مسحوله.
ولا ما صرت عبده جوه ايده يكفخ بيه ويسب ويلعن بإهلي وعشيرتي ماخذ الدنيا حوض عباله الرجوله بالعياط والصياح والفشار وهي تحب هيج رجال وتنغرم بي وبصفاته وحده رخيصه خزي على نفسها وعلى اهلها شابعين سب من وراها عديمه كرامه.
اباوعله يباوع احم بعدين احجي وياج ديري بالج تلعبين وتسوين مشاكل.
ابقي ابقي صيري اسيا نمبر تو يله باي روحي قدسي
قطعت الاتصال واجه اخذ التلفون مني
هديل شتريد منج
هيج سألت عليه
بس هيج
اي.
منو هاي تحجون عليها
علي مرت اخويه سوالف نسوان وكف گبالي وحجه
شوفي أسيل أسحبي نفسج من علاقتج بإختج هديل وأهلج اوتوماتيكاً وعلاقتج تكون محدوده بالكل سؤاء أهلي او اهلج.
علي كد شغلتج تكملين شغلتج وترجعين لغرفتج منا منا كال وكلت أتخبل من هاي السالفه عقلي يطير منها اختي على كد السلام اساليها شلونج اخبارج وهاي هي لاتتعمقين بالعلاقات شصار بين عصام واسيا ما ادري شيصير بين امي وابويه ما ادري شتحجيلج اسيا ما عليج شتحجيلج هديل ما عليج.
ومن اني بالدوام لا تضلين دايحه كملي شغلتج ورجعي لغرفتج وكعدي على تليفزيونج أخذي وانطي كسري وجبري وما عليج بإحد نهائياً ولاتتدخلين بالصغيره والجبيره وتحشرين روحج بكل سالفه وتنبصين روحج وحجايتي على كدي نفعتني احجيها وما نفعتني اخليها بكلبي وعززي نفسج ارفعي من قيمة نفسج عزيز النفس كلها ادور وراه والرخيص مية قندرة ينركع على حلكه يشبع تكفخ.
وارفعي من شأنج بين الكل ولا تنزلين وترضخين.
ل أحد وتصيرين خوش مره كدام الكل سوي اللي عليج وبس وكلام زايد ناقص ما اريد فاهمه عليه
أي فهمت
يله كومي سبحي.
هزيت?اسي ورحت سبحت وتذكرت كلام هديل وأنشغل بالي يعني اني ناقصه كافي عليه البيه وزايد منين طلعتي بسوالفج الما تخلص والله شكلج ما ناويه على خير وراح تسويلنه سالفه.
سبحت ورجعت رتبت شكلي والغرفه ونزلت وراه لكيته مخلي سماعات ويسوي اندومي كمل وخله قوطيه البيبسي وكعد يأكل سويت ماعون فواكهه وأتصل تلفونه وفتح خط
مروان هاا هديل أنوب ماشي هاج أختج
اسيل أخذته منه هاا هديل
هديل راح اجي اني وامي عليج بس قبل لا اجي اسألج عصام موجود بالبيت
ليش
جاوبي على كد السؤال
لا
حرامات
هديل
يله راح اجي باي
قطعت الاتصال ورجعته اله باوعلي بشك
شتريد منج؟
تريد تجي هي وامي وبلغتني
بس هيج
أي.
خير أن شاءالله.
كمل وطلع برا اريد احجي وياها وخل تجي بقيت افتر واسيا بابها مفتوح بس لا عصام نازل يربي شلون سالفه طلعت اشوف سيارته ولكيتها موجوده يعني موجود وكتلها لا يا صخام شراح يفضها على?اسج أسيل بقيت احوص لوحدي بالمطبخ حضرت الضيافه ومروان طلع باوعت الكاميرات صحت يربي وصلوا.
عصام منو وصلوا؟
أسيل...