رواية المنجمة للكاتبة كفاية كاظم الفصل العاشر
نيزك: ثراء فاحش جدران رصينة اعمدة متينة طويلة، اعين مترفة نظام سائد ناس يطلق عليهم بلقب عائلة الليث وهو الجد والاب المتوفي لهذة العائلة منذ زمن.
دخلنا بيت او بالاحرى القصر اي وبدون مبالغة اكولها قصر كد ما جبيررر وراقي يجمع بين البناء الكلاكيسي الحديث والريفي مثل الحديقة الواسعة على جهة باجمل منظر تحسونها مزرعة مو حديقة منطية نكهة ريفية هيج حسيتها ومن جهة كراج للسيارات طابكة والممر بالنص يوصل لداخل البيت تمشينا سوة خجلانة على متوترة بقيت استمع لكلامها واني امشي على كيف وي مشيتها وابتسامتي على وجهي من تكلي...
ذهب: والله انتي معدلة من نخيتج ماقصرتي واجيتي وياي عبالي تفشليني
تدللين حجية والله اني ما اطلع لو غير وحدة كايلتلي بس لان كلتي نذر مسوية واريدج تطبخينة إلى هل اجيت
ذهب: لو ما جاية جا طلعتي من عيني لان رفضتي طلبي
نيزك: لهسبب وبدون اي تفكير زايد اجيت لان عندي ثقة بيج واني والله من اول ماحجيتي وياي گلبي ارتاحلج ومشيت وياج عمياوي.
ذهب: دهر صابني كون جا انا ماعرف ارد كون الحجي حلو مثلج تعاي حبوبة احبج انتي معدلة وبت حمولة
ابتسمت وهي باستني وصاحت
ياسميين وولج تعاااي اخذي البنيات
طلعت مرة شابة تقريباً مو ذاك الكبر اصغر بشوية من سهلة طلعت تركض شافتنا ابتشرت واجت من بعيد ترحب وتهلي بينة...
ياسمين: يا هلا ومية هلا نورتو عيني تفضلو
نيزك: زاد فضلج حبيبتي.
باوعتنا تضحك وتباوع لخالة سهلة دخلنا جوة للمطبخ ومايحتاج اشرح على الفخامة والترتيب والنظافة كعدنا وذهب تكلها.
ياهو هنا بالبيت من الولد
ياسمين: محد عمة كلهم طالعين البيت فارغ بس اني والبنات بية
باوعتنلنا وكالت: روحن حبوبا شوفن شغلجن وي ياسة واخذن راحتجن محد بالبيت فرغتة الجن
هزيت راسي وطلعت وي ياسمين للحديقة هناك خزانات وكل المواد والمسواك مرتب اجت بنية تركض مثل الطلقة وتصيح.
ورد: يمااااااااااااااا الحگيلييييييييي
صارت ورة امها وياسمين تريد تشلعها منها ماكو بقت ترزل بيها بدون ماتفهم السالفة شنو.
ورد: يمة فدوه راااح تكتلنييي اجت اجتت
دخلت بنية ثانية فحطانة والوجهة احمررر هجمت عليها وياسمين بينهن تفازع بعدتهن عن بعض تصرخ بيهن بعصبية.
شبيجن جهاااال
جوري: يمة صيحي بيهاااا لاتقربلي ثانييي مرة.
حجتها بحركة ودموعها نزلت بقهر راحت تركض وياسمين لزمت البنية الخاتلة وراها دك على ظهرها طاحتلها وهي تصيح بالم.
ورد: وووووالله ماسوويتلهاااا شي والله
ياسمين: ليشش تتحرگييين گلب اختتتج ولج مو تعرفينها تتمرض بس تنقهر
طلعت روحها من ايدها تعدل بروحها وتكلها
ورد: اممداني اذا احجي بعدددد انتوو شنووو من بشررر حصرة احجيلي كلمة كبتتت الحساسية عدهااا.
هزت ايدها امها تصيح بيها: وررررد امشيي وراها راضيها لاتخلينها تبقة زعلاااانة
هزت راسها وراحت سهلة فرشت حصيرة بالكاع الجو حلو كلش بدينا نشتغل بالدجاج وسهلة تسولف وي ياسمين.
سهلة: بعدهن يتعاركن ولا يجوزن
ياسمين: جوري تعارك منين من عمت عيني عليها مال عرك هالفقيرة بس هاي الملسونة شوف شحاجية وياها ومخليتها ناطة
سهلة: صدك جوري ماينسمع صوتها بس هاي ام لسان.
اجت ذهب يمنا كعدت على الكرسي تباوعلنة واحنا نشتغل سهلة انطتها الخضرة تسويها وهي كاعده ما كالت لا كيفت شهب مخلية اموري بحضنها وكاعدة تباوعلنة اجة طفل صغير وكف يباوعلنة صاحت بية ياسمين: تعال حبيبي يم ذيج البنية اكعد لاتحترك
اشرتلة على شهب وهو راح بدون مايستغرب كعد يمهم يباوع لاموري كالتلي ياسمين.
هذا ابنج مو
اي ابني
الله يخلية الج يشبهج حليو
تسلمين عيني
بس هذا عندج مو؟
اي
ذهب: خايبة عوفي البت دكافي.
ياسمين: ياااا هسة اني شكلت غير نسولف حتى يخلص الشغل بدون مانحس بية
نيزك: خليها حجية نتونس بالسوالف
ذهب: مو انا ماريد تضوجين خاف تذكرين شي مو زين
نيزك: ليش هو منو الناسي حتى يتذكر
ياسمين: عليج الله سولفيلي احس اكو سالفةة
لا ماكو شي بس اني منفصلة وهاي السواالف التعبانة
سهلة: وضرغام هم منفصل.
التفتت عليها بصدمة جانت مدنكة وتحجي رفعت راسها باوعتلي واني راساً خفيت صدمتي سويت نفسي طبيعية ولا توقعتة متزوج أصلاً كملت تكول
سهلة: صارلة فوك الخمس سنوات من طلگ وليومج هذا بعد ماتزوج
شكبرة ومتزوج اذا هيج!
سهلة: بعمر مناسب تزوج مو كلش صغير. ياسمين: ترة ضرغام شايب لا تشوفينة هيج
سهلة: منين شااايب يااا صدك غير فقار اكبر منه
ذهب: ابو ود اروحلة فدوه كوون بعدة شبااب بعد روحي.
ياسمين: مو هواي فرق بينهم المهم عيني سهلة طليقتة وين راحت تزوجت؟
سهلة: تزوجت وصار عدها جهال
ياسمين: ترة هي خوش بنية حبابة
سهلة: الله يستر عليها ماريد احجي بيها واخذ غيبتها
ياسمين: والله كلشش حبابة بس ابنج ماينجرع
بعدها مامكملة كلامها وشمرت عليها ذهب خاشوكة ضربتها تصيح بيها: وماال الغسل كووون تحجين على ضريغيم زلمة معدل هذا
ياسمين: هو نفسة الساقط سقوط ترة.
ذهب: خاب كون اكوملها اكسر راسها تكسر روحي لابنج الشفية النسوان تضحك علية ضال جنة وحدة ارملة ميت رجلها وكاعدة بالايجار
ياسمين: انوب رجعت على ضيغم
ذهب: اسمة يسوي بية جالي لو لفضتة خفة كون الج ولابنج
ياسمين: هو هم حفيدج حالة حالهم
ذهب: انا ماعندي احفاد غير ابو ود وعليش بعد روحي
ياسمين: وضرغام صارلج ساعة تلبخين بية لبخ
ذهب: خاب كون مرض عليمن البخ بية هو ازرك ازرك وعصبي ماينجرع ويغث وين البخ البختة؟
ضحكنا كلنا وسكتنا محد رد عليها لان صارت عصبية همست ياسمين تكمل بصوت خافت بس احنا نسمعة
ياسمين: هذا ضرغام ترة عصبي كلش هو طلك مرتة مو هي طلبت الطلاك
سهلة: مو على ماية جانت تعصبة وانفصلو الله يوفقهم ثنينهم
ياسمين: تحجي على ابني شبية ابني والله ماكو مثلة معدل ولا ابو نسوان وهاي السوالف هو بس حب بنية وراد يتزوجها تالي غدرتة سودة علية يايمة شكد تلوعت.
تحجي وانصبغ وجهة والقهر بين بية سكتت بعد ما كملت وكمنا نطبخ ونحظر ريحة الاكل بدت تترس المكان رجعن البنات ثنينهم مبدلات سلمن وبقن واكفات اجت ورد يمنة تشتغل وتسولف وياي تكلي بصوت ناصي.
اكلج انتي زيبگ
ضحكت وباوعت لذهب انوب زيبگ طلعتلي هذا اللقب شيخلصني كتلها اي وهي فتحت عيونها تباوع بملامحي ضحكت بفرح.
ورد: والله حلوووة عمي هنيالة ضرغام بيج
رفعت حاجبي بتعجب كتلها بعصبية: شنووووو!
اختفت ضحكتها وكالت بتوتر من شافت ملامحي
ورد: يا شبيج هاا هاا اتشاقة هيج
عيب تتشاقين بهيج كلام شنو حبيبة ضرغام ليش هو شوكت اني عندي علاقة بضرغام؟
اسفة مو قصدي بس لان بيبي خطبتج اله وشسمة
ابتسمت بفشلة وسكتت تحك براسها كاطعة كلامها كتلها: كملي ليش سكتي
شبيج عبالي حبيبتة لان هو كال لبيبي اخطبيها مرة ثانية وهو مايريد يتزوج
رفعت حاجبي مرة ثانية وهي كملت مبررة.
لا كال خوش بنية ومستورة يعني لهذا السبب ترة ضرغام شكد يخطبولة مايقبل بس الج قبل فتفاجأت عبالي حبيبتة طلع لا بس هو يحبج
كالتها وكامت طگتها ركضة وره الطفل الصغير امها تصيح وراها: اخذي اخوج بدليلة امشيي لاتفترين علينة جنج خفاش
ورد: مو هسة من تجي الناس ابدلة هسة يوصخ نفسة.
اشوف شهب كامت وياها هي وامير راحلو ليكدام واحنا نحظر ونطبخ جوري البنية تساعدنة شغلها كلش بطيء مبينة نااازكة كلش وجمييييلة كلش هدوء على جمال على برائة ما شاءلله كلهن جامعتهن
جاي اسوي بالشعرية وذهب اسمعها تخابر يمي
ذهب: ماتجن خطاار انتن، من طاح حظجن كوون يلا خوووش
نزلت التليفون وصاحت بجوري
حبوبا اجة قيس جاب امة والبنات روحي افتحي الهم الباب.
عبست وجهة وباوعت لامها كالت ياسمين اني رايحة دخلت جوة جوري وذهب تهز بيدها وتحجي وراها
ذهب: تلگن مثلة قيس كون ترحلة فدوووة ضلن ضلن الا ازوجة تاج روسجن شني فد نموونة انتن سهلة انا اعرف شلون اكسر روسجن
تحجي بحركة كلب ومنفعلة سهلة تحجي وياها تكلها
علي كيفج عمة لا تتمرضين
ذهب: شفتتتيهن خووو كدااامج.
سكتت من اجن بنات تلاثة ثنين عدهن اطفال والصغيرة لا وحدها وامهن مبينة اكيد وياهن بس شكلها مريضة وحدة منهن لازمتها ولد يمشي وراهن اني جنت لابسة صاية مريحة ومستورة جوة عباتي حسبت حساب هالشي.
اجن البنات سلمن على الحجية وامهن وابتعدن سهلة بقة الولد اشگر بطريقة حلوة كلش طويل باس ذهب من راسها وهي بقت ساكتة ماحجت وياة شي كاللها
قبس: شنو مريضة ذهب؟
ذهب: لاععع.
لا مريضة شو بلة احجي ترة بديت اقلق عليج لاتسوينها وتموتين ورة العزيمة
ذهب: اااانااا اامك ياسامة اموت وانتم صايعين دايحين اعوفكم
شنو السالفة انفضحنا
دنكت راسي سويت روحي مو وياهم واني داخلي ميتة ضحك على سوالفهم وعلاقتهم الغريبة.
ذهب: يستحي عود الخايس
قبس: خليتي بيها مستحة امة الثقلين كلها ضحكت علينة
يا صلووواتك يمحمد طلعت تعرف امة الثقلين؟
يهووودي انييي يهوودي
خاب دروح اليهود احسن منك بالف مررة.
هز ايدة وراح بقت تحجي علية ولا التفتت عليها رجعت شهب هي ورد وامير وياها اجة يمي بستة بخدة اكلة: جوعان حبيبي
هز راسة بلا و ورد كالت: راح اخذهم نسوي عزيمة جهال واكل وياهم
ذهب: بكد البعير وتسوي عزايم جهال
ورد: هسة شبيج يا حبيبتي مو خطية محد بحالهم
ذهب: يلة حبوبا روحي الله يوفقج وينطيج على كد نيتج
شمرتلها بوسة بالهوى ودخلت جوة شهب باوعتلي تريد تدخل وياها ولان البيت مابية زلم دخلت وياها.
شهب: دخلت امشي ورة ورد لازمة امير وتهفي بديها من تمشي سحبتها اهمس بخفوت.
اوكفي وردة شبيج
ورد: امشي نسوي عزيمة لا تستحين ترة اني جعت
دخلنا للمطبخ وهي تفتح بالجرارات اخذت كرسي صعدت علية وفتحت الجرارات الفوك طلعت علاكة نزلتها تضحك رفعت حواجبها تاشرلي عليها.
ورد: هاي خزينتي يلا راح اخليكم تاكلون وياي حتى الله يوفقني بحياتي
شهب: اني ماريد
ورد: مو بكيفج حبيبتي تاكلين غصباً ما عليج
مو بكيفج
ترة ااااااازعل.
يلا خوش اكل بس لاتزعلين
شمرتلي بوسة ونزلت صينية تفرغ بيها الحلويات والجبوسة المطبخ فارغ لان الشغل مو بية التفت لداخل البيت البنات كاعدات يلعبن بتليفوناتهن والجهال نفس الشي عقال كلش مبينين وهادئين
جهزت ورد الصينية وصاحت بصوت عالي
رررررضااااوي حبيبي تعااال
ذبت نفس كالت: انطرشت اذنج؟
شوية صوتج جان عالي
يلا فدوه الييي
اجة يركض رضا يصيح: هااا وردة صحتيلي واوو
ورد: ابووووس الووواو تعال اكعد اكعد.
كعدنا ناكل اني واموري بهدوء وهي واخوها بسرعة ياكلون يكول عدهم سباق يعبون تعبي.
رررررااااح تغصووون
التفتنا كلنا على صوت الولد الواكف بالباب بيدة جكارتة مشتعلة اشر بيها على ورد عافس وجهة
قبس: ماشايفة؟
ورد: ايي ماشايفة كمزتني امدااك
دخل هي جانت تاكل من تقرب طفرت من مكانها تركض عافتنا وحدنا بقيت اباوعلة وگلبي يدك من الخوف رفع حاجبة كلي: هاا.
رفعت كتفي وسكتت ما حاجيتة باوع بالصالة يشرب بالجكارة رجع كال: الا اخرب، خلقتهااا العوووووبة
جمدت بمكاني حتى نفسي كطعتة مثبت ايدة على الطاولة قريب مني نفخ الدخان وعيونة جوة رجع باوعلي بخزرة وكال.
شبيج انتي خرسة
هزيت راسي لا ابتسم باستهزاء وكال: خرسة طلعتي يلة انتم الخرسان لطيفين
حجاها وراح حتى ماكلت شي وياة هسة عبالة صدك خرسة بس يلا احسن اني مابية حيل احجي.
دخلت ورد مادة راسها علينة كالت: راح قبس.
هزيت راسي اي وهي اجت تعدل بنفسها
ورد: ترة يخاف مني هذا لا تشوفينة هيج اخوفة اني
هزيت راسي وهي واكفة تاكل وتباوع للباب كالت
ترة جذب يخوف هذا شايفة راجديييية يسطررر سطررررر دخيل الكعبة لو ضربج تنسين حتى اسممج
سالتها بخوف: هو يضرب؟
كعدت وسرفنت ردنها تهز راسها وتضرب على رجلية
ورد: يموووت يموووت مو بس يضررب اغثث واحد بالعشيرة هووو فد نحسسس ومزاجي وعصبييييي.
كطعت كلامها من دخلت ام البنات درت وجهي اباوعلها كالت ورد: هاي امة وام فقار وذني اخواتة
بقت واكفة تباوعلنة شوية وتقدمت علينا مررت ايدها على راس اموري تلعب بشعرة وسوت نفس الحركة لرضا انرسمت الابتسامة على وجهة وكالت
الله يحفضكم يا روحي انتم
طلعت من المطبخ للخارج ورد كالت روحي صيحي الجهال تاكل ويانة خطية
ايدتها ورحت للصالة استحيت احجي ماعرفهم ولا عرف البنات رغم شكلهن لطيفات وحدة منهن كالتلي.
محتاجة شي حبيبتي؟
لا بس ورد كالت صيحي للجهال اكو حلويات عدها
صاحت بالجهال: امشو للمطبخ اذا تردون حلوياات
طفرو الجهال رحت وراهم وهي كالتلي: روحي شوفي امي اطلعي وراها
هزيت راسي بالرضا وطلعت الجهال التمت بالمطبخ ورد رافعة الصينية فوك راسهم تصيح بيهم
ورد: اني اوزعلكممم اكعدوو
ضحكت عليها كتلها: انتي مو صحتيهم تحملي
ورد: سوي زين وذب بالشطط امدااني لو ماكلة ومنجبة مو احسلي.
طلعت اضحك ورحت ادور على ام فقار وكفت اباوع باستغراب لكيتها كاعده تحجي وي نفسها تقربت اكثر اريد اسمعها شنو تحجي مبينة منفعلة تشمر بديها وتحجي بحركة تقربت اكثر اسمعها.
هاجر: رراح فقار الثاني وعافاني كلهم عافوني وحدددي تسمعوون؟
مسحت وجههة تكمل بنفس الحركة: ليش ليش ماتجيني لا انتي ولا هي والله گلبي طاگ عليجن سودة علية يايمة شلون اعيش وانتن ما راضيات علية
ضربت على رجلها ودموعها نزلت بغزارة.
حتتتى انتتتت يمة فقااار عفتتتني ورررحت حتتى انتتتت
كعدت يمها بالكاع مترردة اسوي شي الها
شهب: لاتسوين هيج بنفسج خالة فدوووة
رفعت راسها على صوتي دموعها مغرگة وجهة باوعت بعيوني وكالت بزعل تاشر على الباب
: عافووني هما كلهم عافوني تقبلين؟
هزيت راسي بلا: اكيد ما اقبل محد يعوفج انتي خالة
اني والله اكرة نفسي ومالي خلگ للدنيا كلها بس احبهم اكثر من روحي
وهما يحبونج
اخذو ود حبيبتي اخذوها اني اشتاقيتلها.
لزمت ايدي بقوة تعصر بيها دمعت عيوني ونزلت دموعي على حالها ماتحملت اكثر من هيج اني صح ماعرف شنو بيها بس اعرف گلبها متلوع بحيث دموعها تنزل بالكاع كدامي منزلة راسها بالكاع حانية ظهرها حضنتها اضمها لصدري وهي تحجي بخفوت.
هاجر: حتى اسامة مالة علاقة بيه بس من اتمرض يجيني ويروح من اصير زينة كلها عافتني عبالهم اني مخبلة بس والله والله يا يمة ضميري يموتني كل يوم احاسب نفسي كل يوم وماتغير شي اني بس اريد اموت وارتاح هنا منتظراتني هناك.
غطت راسها بصدري تبجي بحرگة وتزيد بالبجي مجلبة بية بقوة دموعي ينزل عليها قهرتني بكلامها من تحجي مبين بصوتها التعب والحزن رفعت راسي خفضت انفاسي شفتة واكف كدامنا عينة على امة غمض عيونة باسئ وكعد نص كعدة خلة ايدة على ضهرها بخفوت كلها: يمة
سكتت من البجي بمجرد ما سمعت صوتة خففت قوة قبضتها مني رفع راسها بيدة باوعتلة ورجعت باوعتلي مسحت وجهة بردنة تكلة
اني ماجنت ابجي اسالها مو حبيبتي اني ما ابجي.
هزيت راسي الها: اي صح ما جنتي تبجين
ابتسمت بفرح كلتلة: شفت عبالك اجذب عليك
نهضت بسرعة كالت: اروح جوة اساعدهن حبيبي
دخلت بسرعة بقيت اني على كعدتي كام هو من مكانة كلب عيونة يمسح بوجهة سحب باكيت الجكاير واني كاعده كتلة.
امك تخاف منكم؟
خلة الجكارة بحلكة يشغلها هز راسة رافض كلامي كمت من مكاني سالتة مرة ثانية وهو منطيني ظهرة: احسها تخاف من ردة فعلكم ما لازم تفرضون عليها شي خلوها براحتها.
طلع وكال ان شاءلله حتى مادار وجهة علية رجعت يم اموري غسلتلة واخذتة يم نيزك هي تطبخ وهنا يساعدنها هواي طبخن اعتقد الناس هواي لا مو اعتقد اكيد لان ذهب كالت عزيمة رنانة.
كعدت وسكت يمهن شوية شوية صارت ناس تجي وحتى ولدهم الاكبار مثل اسامة العرفتة من ورد اكبر الاخوان وفرقد الثاني والصغير جواد ابوها.
زلم ترست الاستقبال ونسوان جوا ذهب مجلبة بنيزك يمها ماتكوم ماخلتها تساعدهن بشي بس الطبخ حاجزتها حجز تكلها تعبتي.
نسوان تجي كل ماتشوفنا تسال ذهب علينة
منين ذني البنيات؟
واستغربت من ذهب تكللهن بنات اخوي ومن يكللها مخطوبات لا تكلهن محجوزات!
خلت النسوان تكوم من يمها وصاحت بورد اجت يمها وهي كالتلنا: روحي حبوبا اخذيهن بغرفة فارغة محد يدخللها بين ماتخلص العزيمة
نيزك: خلينة يمج.
لا حبوبا اصعدن فوك ارتاحن هاي النسوان عيونها نگسة تطير البعير عيونهن ليزر
ورد: شو ماتخافين علية من الحسد؟
ذهب: انتي عليمن يحسدونج على عيونج الدگر
ورد: والله انتم بس تنغارون مني ومن جمالي خو عيوني كتااالة
ذهب: ديلا يا حبيبتي اخذيهن
صعدنا وي ورد غرفة فارغة مأثثة كاملة انبطحت ورد على القنفة تكول: اضل يمجن بعد كلساع صايحاتلي روحي تعاي وياريت يكولن سويتي شي
نيزك: اكعدي اذا هيج
ورد: هو راح اكعد.
بقينا بيها اخذنا راحتنا نسمع هوسة جوة بس ماننزل من تخلص نرجع وي ذهب للبيت وماضل شي حتى تخلص واذا طولت نخلي واحد يرجعنا.
نزلنا جوة بعد ماذهب دزت علينا لابسة عبايتها كاعدة وحواليها ولدها ثنينهم باوعولنا ساكتين ضميت روحي ورة ورد ونيزك اخجل كلهم مجتمعين باثناء نزولنا دخل دخل رجال لازم بيدة بنية صغيرة مخلية اصبعها بحلكها وعيونها مدمعة تباوع للكل باستغراب
بصوت جهوري كال: السلام عليكم.
كلهم ردو السلام والحجية فتحت ذرعانها تصيح من مكانها بفرح ولهفة: هلااا ببنية الغالي هلا بود عزيزة ابوها تعاي إلى حبوبا احبج
ضمت راسها ورة الرجال وهو يحاول وياها يكلها
اسامة: امشي جدو حبيبتي سلمي على بيبي
ود: ما اريد ماحب
اسامة: بس بيبي خطية هي تحبج وتحب بابا
ود: صدك تحب بابا؟
هز راسه الها وذهب كالتلها: فقار عزيز روحي مو بس احبة تعاي حبيبة تعااي.
راحت بخطوات متترددة كل شوية تلتفت لجدها مثل ماعرفت هي بت فقار وهو ابوة صارت قريبة وذهب سحبتها تبوس بيها وتعدل بشعرها فلتت روحها الطفلة منها ورجعت تركض لجدها حضنها واخذها كعدها بحضنة وهي مثل الحمامة خاتلة بحضنة.
ذهب: شوكت يجي فقار وضيغم من السفر؟
اسامة: طبيعي يخلصون شغلهم ويرجعون
ذهب: اادري شكد جم يووم
اسبوع بالهواي
اسبوع والبت تضل وياك
اي وياي.
مسح على راسها يباوعلها كالتلةة: مو تغفل عنها ترة فقار يتسودن لو صار بيها شي
اسامة: لا ماعوفها
اي على ما يجي ابوها
كاطعت حديثهم ام فقار بصوت تعبان وخافت كالت
هاجر: اريد اروح لبناتي ازورهن اسامة
اسامة: مو قبل فترة رحتي كل اسبوع هي
تجمعت الدموع بعيونها وقبضت ايدها بعصبية تجاوبة: رجعت تجيني اريد اروح احجي وياها وخل يبرني الذمة.
هز راسة بهدوء سكت عنها رجعت كالت والدموع تجمعت بعينها: اريد اسوي الهن ثوابات هم جوعانات هنا بناتي ماياكلن
نزلت دموعها وحدة من بناتها اجت حضنتها دفنت راسها بحضنها تناشغ والبنية تكلها: كافي ماما نسويلهن كلشي تريدين وناخذج الهن بس لاتنقهرين
هاجر: القهر ماعافني من ذاك اليوم الكسرت بية خاطرهن وما لبيت طلبهن ياقهر تحجون عنة واني بناتي ماتن زعلانات منييي.
كام اسامة والطفلة شايلها بحضنة مخلية ادينها على اذنها ميتة خوف وجدها يكلها: لاتخافين حبيبتي
طلعو من المكان كلة وام فقار اخذنها بناتها دخلنها جوة كامت ذهب تعدل بعباتها تاشرلنا كاللها واحد من الكاعدين: وين يمة رايحة ما تبقين؟
ذهب: لا يمة اروح يم سهلة هناك نفسيتي ترتاح
جود: عود كلت تبقين
ذهب: الناس وطشت المن ضالة بعد واخوك خلي يمك لايجيني ويحرك گلبي
فرقد: خوش تطرديني عود انتي امي.
ذهب: بس شلعان الكلب من وراك ضل يمك لاتمشي منا ومنا
فرقد: هاي كعدتي بعد ماعندي شي صفرت
طلعنا كدامها وهي ورانا تمشي ورد جلبت بينة وتبوس بامير بسرعة تعلقت بينة حتى احنا حبيناها كلش محبوبة وتختلط عكس اختها هادئة كلش ماينسمع الها صوت.
سهلة تلبس بعباتها وذهب صاحت بيها
وين عشة الفرخة لاتنسينة
سهل: مال كواكب شوفي جا نسيتة
حتى ارجعج علية دمشي جيبية هسة تلكينها راجعة من الشغل عمت عيني عليها.
جابت سهلة سلة بيها علب مليانة ملي كالت ذهب
عوافي لگلبها تاكل
نيزك مبتسمة بهدوء وساكتة وذهب تمشي وتكول
عمت عين الاغم من يسمع بطاريج
طلعنا ورد جلبت بينة ماتخلينه نطلع تصيح
ارروح وياجن لو تبقن عدنا
ذهب: شلون بيها هاي الملكوفة
ورد: بيبي خليني اروح وياهن اتونس هنا مو عايشات وحدهن
ذهب: حتى تخلينهن يشردن بليلة ظلمة دولي خلينا نمشي لبيوتنا
ارررروح ويااااجن ماااا
نيزك كالت لذهب: خليها تجي وتبقى عدكم.
ذهب: حتى ضرغام يركعها بالحايط
ورد: بطلت ما اروح ذكرتيني بية ايععع
ضرغام ولج عليمن اليعععع
فتحت عيونها بخوف وصاحت: يماااا
طكتها ركضة جوة وهو يحجي عليها: هم عيونها دكم وهم تعيب جنها لهانة
ذهب: ديلا يالحلو اخذنة
يباوع بينة اموري غافي بحضن نيزك تقرب عليها باس ركبتة بهدوء وابتعد: نايم
نيزك: تعب بس يفتر ويلعب.
راح كدامنة صعد يشغل بالسيارة صعدنا وحركت نيزك مخلية راسها على الجامة تباوع على الطريق لافة اموري بعباتها وساكتة خليت راسي على جتفها ساكتين انتبهنا لضرغام من سأل بصوت واضح.
شكو صاير شي اليوم؟
جاوبتة امة تكلة: لا الحمدلله ماكو شي
شبيها نازك
رفعت عيونها نيزك تباوعلة من الجامة هزت راسها مابية شي وبقت ساكتة سهلة كالتلةة: تعبت البنية.
ضرغام: وانتن عشيرة كااااملة ماتعرفن تشتغلن لو تطبخن ناقصجن كبر ومخلياتها بس هي التطبخ
سهلة: كلنة اشتغلنا سوة
ضرغام: واضح وحدتجن تهد الحايط وين الشغل الاحجن
ذهب: هسسة انت شتريد تثبر بروسنة
ضرغام: فوك ماشايلها بسيارتي تصيح علية خليني ساكت خليني
ذهب: عوزك بس تاخذلك راجدي مني
ضرغام: اخذة بس نوصل
ذهب: مال الغسل
هزت ايدها وسكتت ونيزك ولاحجت بحرف حتى من ضرغام سال وحجة همست الها بخفوت
شبيج حبيبتي.
باوعت بعيوني بتعب وهم ماردت عيونها تعبانة مو مثل ما اجينة مليانة حماس طافية اختي.
وصلنا للمنطقة نزل ضرغام اهلة بقينة بس احنة رادت نيزك تنزل بس ضرغام اعترض وكال
اوصلجن للباب ضلن ابنج لايفز.
بقينا كاعدين وصلنا للبيت نزلت قبل نيزك فتحت الباب بس انصدمت بية مفتوح نيزك هستوها نزلت تريد تحاجي ضرغام وصرخت بصوت عاااالي احس گلبي وكع بين رجلية سالم وولدة كلهم طلعولي هي صرخة وهي سحبة سحبني سراج من شعري بقوة وكعني جوة رجلية داس راسي بحذاتة صرت اصرخ وارجف ونيزك تصرخ حسيت سراج اندفر وانشمر جوة البيت وضرغام سحبني من الكاع شمرني ورة ضهرة وهف سامر بوكس خلة دمة يترس وجهة وهو رجعلة الضرب بس صدة صاح بينة ضرغام بصوت عالي نروح لبيتهم نيزك سحبتني عليها واموري نط من البجي بيدها فرفح.
ضرغام وهو وسامر صايرين بوكسيات بس سامر انتهى ضرغام يعادلة مرتين بالطول والضخامة سالم يدفع بضرغام عنة ويصيح علينة يسب ويشتم رجع سامر واحنا ركضنا لبيتهم الجيران طلعت على الصوت وصلنا لبيتهم دكينا الباب قوووي طلع على ونيزك صرخت بوجهة تكلة.
الحككك اخوووك ذووولة غدررراين امشييييي
علي مافتهم شي لطمت نيزك على وجهة تصرخ
بيتنة بيتنة صارت عركة.
فتح عيونة بقوووة وراح يركض نيزك شمرت امير علية تدفعني جوة جلبت بيها بكل قوتي متخبلة وهي اززيد مني تصيح بخبال.
الووولد راح يررروح من وررانا غدرراين ذووولة
طلعت ذهب على صوتنا واني مجلبة بنيزك هي تعت بروحها مني واني اررجف ررجيف ذهب سدت الباب راساً ولا انطت ردة فعل لاخوف ولا صرخت فكرنا ماتعرف بالصار نيزك دفعتني تريد تطلع هي صايرة كدامها تكلها ودموعها تنززل.
نيزك: اااجة سااالم الفكررر اجة مانشووف الراحة بعددد خلينييي امشي احفادج لايروحن خلينييي
دفعتها تكلها بثبات وشموخ: انا مربية زلم تلاوي الموت شنهي هذا سالم ويوكف كدامهم لو يمس شعرة منهم
نيزك تلطم على وجهة روحها جاي تطلع تكلها
غدارين ذوولة هسة يكتلونا بسببنا خليني اطلع شنو ذنبكممم انتووو.
سكتت ماجاوبتها ونيزك زادت اني بس ارجف وموعي تنزل راسي احسة يريد ينفجر من الوجع والالم كون كسر برجلج يا سراج الحيووان حتى الحيوان احسن منك.
مرت فترة وقت واحنا على وضعنا فزت كلوبنا من سمعنا سالم يصيح بصوت عالي.
انطووونا بناتتنا احنا مالنا شغل يمكم بس انطونا البنااات
بصوت اعلى واقوى من صوتة والله احس المنطقة كلها سمعت صوتة من كال.
ضرغام: بنااااتكم نسووووانا على اي اسااااس ننطي نسوانا.
اختفى صوت سالم ونيزك احس الدنيا فرت بيها
رجع صاح واحد من الولد بغلط وفشار وضرغام سكتة يصيح بية والناس لازمتة.
اخلي طلقة بين عيوونة اليجيب طاري نسوانا بلسااانة
سب، غلط، فشار، ضرب، صوت عالي من كثر الخوف فصلت عن العالم احس وشوشة كلشي اخلتط ببعضة كلنا خايفين وميتين خوف عدا ذهب.
اندفر الباب ودخلو ضرغام وعلى ضرغام وجهة ددممممم وعروگة تريد تطلع من بعيد واضحات يتنفس بسرعة يباوع بوجهة ذهب ابتسمت هي وطبطبت على ظهرة نيزك بالكاع طايحة حالتها حالة ثنة ركبتة وكعد يمها يحجي بعصبية.
افصم ضهرة اليجيب طاريج بلسانة مو يمسج لاتبجين وحگ حيدر اسويهم وصلتين
بخوف ودموع جاوبتة: ماتعرفهم ذولة خلينة نطلع قبل لايرجعون طلعنة منا راح تصير مشاكل.
ضرغام: اني ابو المشاكل ادور عليها دوارة وهي اجتني برجليها.
ذهب: هسة انت حفيد ذهب ام الطلايب والحرايب
ابتسمت هالمرة بنص الحراب ودخلت جوة تصيح
فووتن حبوبا فوتن دخلتن هنا ما تطلعن واحد يمسجن
كاعدين على اعصابنا هنا وضرغام يفتر على روسنة وكف كدام نيزك الخانسة يكلها بهدوء.
ضرغام: كتلهم انتي مرتي ترة
فتحت عيونها على وسعهن وهو كمل
عبالة سالم وحدجن جاي هو ولدة بطرك روحة مايدري اكو زلم تشگة شگ و.
مسح وجهة وكمل يفهمها: راح يجي الشيخ اعقدلج وازور التاريخ ولو مايهم بعد باسمي صرتي بس لا اله اكسر خشمة واثبتلة متزوجج اول ماطلعتي
هزت راسها بنفور تصيح بعصبية: لااا لاااااا ماتزوج هسة نشرررد منهم
ذهب صاحت بيها: وين تشردين يلزمج يلزمج.
شكد تضلين شاردة مو هل اجة واندل مكانجن تهاجرن من العراق كبل لاتلتم العالم خل نخلص السالفة.
شالت ابنها وسحبتني من ايدي: احنا مو وحدة وثنين احنا اربعة شتحمون وشتعوفون نطلع احنا على الله اليصير يصير فضلكم ومعروفكم مانساة
لازمة ايدي ترجف رجيف مجرد ما عتبنا الباب جمدت كلوبنا وارواحنا راحت وي كلام ضرغام الصار مثل الطلقة وكف حركتنا.
ضرغام: منين اربعة منين وحدة منجن راحت للسجن والثانية بعيدة وبخير ضليتن بس انتن منين تطلعن والمنطقة ولد عمهم لزموها وحتى لو طرتن لاخر مكان يلزمونجن ويكتلونجن كدام العالم كلها كلت انتن نسوانا شلون اطلعن بعد!
راحتلة نيزك رجليها ماعانتها وطاحت بالكاع ركضلها شالها خلاها بحضنة يدك بخدها وهي لزمتة من قميصة بصوت خاوي تكلة.
كواكب اختي اخذتها الشرطة
اطلعها بس تنحل طلابتجن.
غمضت عيونها فاقدة قوتها شالها دخلها جوة وطلع بقيت يمها اريد اموت روحي تنسحب مني هذا هو الكابوس الاسود التحقق طشرنا سالم مرة ثانية وخلة الدنيا سودة بعيونا عساة لاشاف الضوة بعيونة على هذا الخوف العشناة بسببة.
نيزك نخرست خرررس حتى حجي هذا الحجي ما تحجي ولا تبجي وهاي من يصير شي يهدمها توصل لهاي الحالة اسوء شي توصلة هوسة صارت بالبيت ماعرف منو اجة من عدهم بس اسمع اصوات غير صوت ضرغام ومتاكدة ابوة وعمامة ذهب يمهم اجت سهلة حضنت نيزك تبجي على حالنة لزمت وجهة تكللها.
سهلة: عمج ماناوي خير تروحن يمة ضرغام كدام العالم كال نسوانة خلية يعقد عليج حتى محد يتقربلج منهم لان صرتي النة تابعة واليمسج شيخلصة منة محد يتجرا يحاجيجن بعد
نيزك: خلي سالم يكتلني ويخلصني بعد ماريد اعيش.
سهلة: عزيزتي لا تكولين هيج ابنج واخواتج منو الهن انتي الجبيرة الفاهمة العاقلة اسمعي منا وامشي بشورنا بس عقد سيد نعقدلجن انتي واخيتج بس تفض السالفة شوفن شتقررن ماتريدنهم هم نفس الشيخ يطلگكم ومثل ماطبيتن طلعتن
نيزك: ماريد اتزوج
ضرغام: بس عقد مااجبرج اني وداعت عيونج ما اجبرج كدام الكل واخلي شهود بس تريدين تتطلكين اطلگج لا اماطل ولا اطولها انتي واختج نفس الحجي.
هو من رادجن ماكدر امنعة الا بهذا الحجي كلها وياه محد يعوف بناتة اذا اجو وماكو عقد ياخذونجن ومحد يكدر يفك حلكة بعد لان الهم بس من تطلع منهم لا افلشهمممم تفلشش بس يحجون كلمة عليجن
نيزك: تطلكني بعدين كدامهم واختي هم نطلع من بيتكم بيوم مثل ما دخلنا بسهولة نطلع بسهولة
هز راسة مواقف وهي بجمود تحجي باوعتلي اشرتلي براسها وذهب تصيح علينة طلع ضرغام واني گلبي من البجي يريد يوكف ماريد اتزوج.
فدوه نيزك حبااابة لااا مارريد مارريد
نيزك: ورق على ورق بس نخلص من سالم المجن واشرد بيجن بس تعدي هالفترة هادرين دمنا هدر ماكو غير هذا الحل.
شهب: مااا ماااا
ضربت على خدي خفيف تصحيني بكلماتها
سراج منتظرج بس تعتبين هذا الباب مايتزوجج لا يخليج تشوفين جهنم ويرجعج للدنيا وهيج منا لمن تطلع روحج
ارتعش جسمي بخوف واسناني اصتكت ببعضها هزيت راسي مثل المجنونة وطفرت من مكاني مجلبة بيها طلعت ذهب حضنتنة ثنينة وكالت.
ذهب: وحگ عيونج التردنة يصير اكسر روس احفادي بس لو نزلو دموعجن والتريدنة يصير ما نجبرجن على شي بس هسة انجبرنا نجبرجن
بدا الشيخ يحجي ودموعنا تنزل نتراجف من الخوف لازكين ببعض كطعنا حتى النفس من كال بوضوح.
الشيخ: نيزك جبار هل تقبلين بالزواج من ضرغام فرقد على سنة الله ورسوله
كررها مرة وثنين وتلاثة واربعة ونيزك ماتجاوب سكت وعم الهدوء رجع مرة اخيرة كال: موافقة لو اتوكل.
هم سكتت هزيتها بخوف سمعنا صوت الشيخ يلم غراضة كالت بصوت واضح: نعم قبلت
كمل يعقدلها وهي روحها رايحة بس خلص لزمت الحايط دايخة بس تحاول تقاوم وتبقى واكفة على رجليها.
انخفضت انفاسي وگلبي تعالت دكاتة احس صار عندي خفقان بلحظتها من كال: شهب جبار هلتقبلين بالزواج من قبس اسامة
صارت صورة سراج كدامي نزلت دموعي وغمضت عيوني كلت بصوت يرجف: نعم قبلت.
خلص العقد واني بالي مو يمة بالي يم سراج لو عرف شيسوي والله يتخبل عقلة يفقدة بس يعرف صرت لغيرة سراج مو يحبني لا سراج مخبل بية مهووس بحيث اذا شافني عيونة يطبعن بية وينسى نفسة بس يشوفني.
ختلت بحضن نيزك اضم روحي امير من الخوف نام واني مجلبة بنيزك وخايفة اريد اموت والله كلشي يهون بس سراج اعرفة كلش زين مايعوفني هس يكتلهم كلهم بدون عقل واني شستفاد هم اتخبل.
طفرت من مكاني عيوني نار نيزك حتى ماكدرت تحجي شي الصار مامتوقعينة ونيزك من سمعت بكواكب انسجنت يلا وافقت والله لو مو كواكب بالسجن تطلع مايهما اكبر راس لان تتسبع بكواكب ومن راحت فقدت كل قوتها حتى تفكير ماكاعد تفكر رجعت ضعيفة بس تريدها يمها.
صارت بوجهي سهلة واني ارجف احجي وياها احاول افهمها من الرجفة المحتلتني.
خالة خالة هذا الولد لايشوفة سراج يكتلة والله.
صار ضرغام كبالي رحتلة اكلة: لا تكولون لسراج اني عقدت يكتل ابنكم بس يدري هو عقد علي
هز راسة وطلع مستعجل صوت زلم بالبيت يدوي دوي على بالمطبخ يصب جاي اخذ صينية ودخل جوة بقيت بالمطبخ غسلت وجهي بمي بارد عيوني وجهي نار اريد بس اشوف دربي وافهم شي من هاي الهوسة بس مافهمت صوت اعلى من صوت
وبس على يجي للمطبخ اشوفها وكل ماريد اسألة اتذكر، هو مايحجي واسكت باوعلي يطمني بعيونة.
راح واني بقيت افتر بمكاني وگلبي يوكف كل ماتكب العيطة التفتت بكامل جسمي من دخل شخص وهو نفسة امة المريضة دخل يباوعلي بجمود بخوف سالتة.
شنو صار فدوه احجيلي راح امووووت
قبس: جلاب ينبحون شوية ويروحون على شنو تموتين؟
سراج وين سراج
يهمج؟
مخبل هذا حباب لاتوصل يمة والله يكتلك بس يعرف عقدت علية
هو اني اريد اموت خل نشوف اموت على ايد.
كالها وطلع كعدت بعد ماعندي طاقة ولا حيل هذا مايعرف الشخص الفاقد عقلة شيسوي يكتل يذبح يحرگ عشيرة كااااملة وما يحس وسراج هيج
خليت راسي على الطاولة وادية على عيوني هوسة والصياح يصدع براسي صدع غفيت الخوف ماكلني
اريد حضن يلمني ايد تطبطب على ظهري نجوم اريدها اريد امي ابوي وحدي اني وحدي الخوف حاضني.
حسيت نفسي بالفراش ماعرف منو نقلني يمكن اني كمت بس ما اتذكر فزيت من مكاني مخروعة ادور على نيزك لكيتها كاعدة شمرت روحي عليها احضن بيها شميت عطرها تطمنت وردت روحي رفعت راسي اسالها.
شنو صار وين راح سالم وسراج؟
سراج لا تجيبين سيرتة بلسانج بعد وسالم مايكدر يمس شعرة من عندنا لان مو كد بيت الليث واحنا نسوانهم صرنا سالم مايربطنا شي بية.
رجعت راسي لحضنها احجي بخنكة: نجوم وكواكب وين صارن.
نجمة زينة قبس خلاني احاجيها وي صديقتها ميس بيتها هسة هي بامان محد يكدر يوصللها طمنتني عنها
ضربت على رجلها بحركة احس رجلها راحت من الضرب لزمت ايدها وهي تشهك بقهر والاه مالتها تهدم الگلب.
نيزك: احنا كاعدين بالبيوتتت وكواكب بالسجووون ااااخ يااااا گلبيييي ااااخ
صارت تضرب على صدرها بحركة كوة لازمة ايدها وجهة انصبغ دم بعصبية تحجي.
ووولج گلبي ناااار، ناااار اريدة يطفة ماااااكو كووواكب مو يمي واني ارتاح يا ررراحة هاي ضيعوها من ادية ضيعوها المها بيدي المها مثل الخرز وهما يطشرونها
نيزك: لو تسألوني شنو اعز من روحج اكلكم اختي كواكب لو تطلب روحي انزعها مثل ماينزع الثوب وانطيها الها تستاهل اختي تستاهل الروح ماتستاهل الجاي يصير، بيها كلنة هسة بخير بس هي مو بخير مانعرف شي عنها بيا سجن وشنو سوالها محد يعرف.
طلعت البيت هدوء صار كلها طشت صار بوجهي ضرغام كاعد يدخن وكفت وراة اكلة.
ضرغام اختي ضرغام
التفتت علية نهض فوراً من مكانة واني كلني ارجف حتى صوتي كررت: اختي وينها اريدددها
ضرغام: تجيج بس اصبري
ما اصبررر اريدها هسة اريد اشوفها
بالسجن هي
اخذني الهااا اخذني راح اتخبل عليها الحگلي ضرغام
دار علية لزمني من جتفي واني منتهية ماعندي قوة عيوني احسهن نار الدمع متخزن بيهن مايرضة ينزل ويريحني همست بخفوت وصوت رايح.
اريدها اخذني الها
اي بس صيري زينة
غمضت عيوني بحيل رايح ماحس الا شايلني بحضنة يمشي بية جلبت بية قوي خفت لا اوكع نزلني على الفراش يغطيني نهضت من مكاني ورجعني اتمدد دفعت ايدة ما انزاحت ولا شوية
رجعلي اختي اريدها هسة
الصبح الصبح نامي نيزك لا تموتين
اموت من القهر، عليها للصبح اموت
خررب شنو من حظ عدها.
عدلت نفسي شوية سندت ضهري وهو كاعد كدامي كلش قريب مني بس ماجاي احس بشي لا خجلانة منة ولامتوترة من قربة عادي لان مشاعري ميتة.
مسحت عيوني مرة وثنين وتلاثة باوعتلة اكلة
اريد ابجي عيوني عيوووني موووتني اررريد ابجي راح اموووت
بحركة مامتوقعتها سحبني لحظنة خلة راسي بصدرة يمسح على ظهري رفع راسي بيدة غمضت عيوني خلة ايدة عليهن واني احجي بلا وعي.
هي ماتقبل ابجي ومن يصير شي عليها عيوني تجف من الدمع تأذيني.
هسة هي بالسجن
سمعت
حققو وياها من الصبح
شهگت
طلعوها من المنطقة وهي مثل الطير تريد تفر، منهم وهما محاوطينها اخذوها مثل المجرمين
لطمت على عيوني لزمهن يكمل
بملابس الشغل جانت تشتغل الجن ومناك اخذوها
گلبها ضل عليجن
ابيع روحي واشتريها اطلعها
متهمة ب محاولة قتل شخصين.
هنا انهاريت وجن جنوني بوسط ذرعانة محاوطني.