رواية المنجمة للكاتبة كفاية كاظم الفصل الثامن
ضغيم: كواكب شنو قضيتها
نجمة: ها استاذ شنو يعني
تدرين بيها ورقتها احتركت؟
صفنت افهم معنى كلامة بس مافهمت شنو ورقتها احتركت شيقصد؟ باوعتلة وعلامات الاستفهام على وجهي رفع شعرة السرح عن كصتة وذب نفس عالي باوعلي وكال: -هي من دونجن مشلوع كلبها ليش هيج؟!
بلعت ريگي وسكتت شنو اجاوبة وباي صيغة صدك متعوبة مو مثلنة الكل يكدر يميز هالشي من يشوفها هزيت راسي باسى ماعرف شحجي كال.
ضغيم: القانون مايرحم شوفن شنو وراها ويامن تمشي تعوفنها
نجمة: استاذ انت تعرف شي عنها؟
ليش هي تخلي الواحد يعرف شي عنها؟
ها
بير اسرار هاي ادوخ الواحد وتبقة مجهولة هويتها غريبة اطوار تدخل بمتاهة وتطلع من متاهة
كالها بحركة وراح بقيت مفهية وراة كلامة قلقني شنو احتركت صفحتها ردت اساله مرة ثاني بس شفتة راح رجعت لميس اصعد وياها صافنة افسر كلامة الشمرة فجاة محتارة بيه هو شلون يعرفها لهاي الدرجة!
وين يحلوة.
ها ميوسة وياج
مو بمزاجج شنو راد منج ضيغم
والله شكلج ماعرفت شيقصد يسالني على كواكب يكلي انتهت ورقتها
رفعت عيونها تفكر واني صافنة بوجهة انتظر شتكول ابتسمت من شافتني قلقانة كالت: -يمكن حب يسال عليها لان سولفتيلي شلون تعرفة هي وصاير بينهم فد موقف
ها هيج دكولين
اي بس انتن هم شوفنها وين تروح شو بعد اجتمعتن سوى
اي والله صدك كلامج بس بعدج ماتعرفينها على كولتة بير اسرار تعصرينها عصر ماتطلع كلمة ماتحجيلنا هواي.
غامضة اووفر
بالضبط
رفعت شعرها وطلعت اكلنس مرطب وكعدت تمسح مكياجها.
ميس: احس بشرتي اختنگت من المكياج
نجمة: مخلية طن مكياج عاااااع
خزرتني وقلصت عيونها كالت بشك: -اي عيني ايي شنو هاي حمرة طووووخ متطورين ست نجوم
نجمة اني استاذ مو نجوم
كلتها وخليت ايدي على حلكي اضحك اتذكرت استاذ فقار من يكلي نجوم واني واكفتلة وكف على الكلمة بقت ميس خازرتني يمة راح تموتني لو ماحجيت.
شبيج هاي روان خلتلي من عدلت مكياجها تعرفين اني مو بالي هاي السوالف
اي بس تخبببببل عليج ولج طالعة تسحلين سسسحل
وانتي تجلطين جلططط
اني دوم اجلط
ديلا انجبي الجربة الملحة المعفنة
ها نجوم سالمممين هاي القاب ذاك الواحد
نفس الشي انتي وياة واحد
عشتووو.
التفتنا ثنينا للجامة التندك طفرت ميس بخرعة من شافتة لان جانت كعدتها تخزي خزرتة بطرف عيني اباوعلة رجعلي الخزرة وميس فتحت الجامة وصاحت بينة: -تماالخو تمالخو يلة كداامي شبيكم بابا شنو هذا الحقد الشايلينة على بعض!؟
قبس: اسأليها
نجمة: خو اسألك ابو العصابات الخطاف
قبس: كاااافي بااابا كاااافي ماتنسين ااانتي
نجمة: لااااا ما انسة من خطفتني وخوفتني ولا انسة من خنگتني الاعووب
قبس: شلون راح اكص لسانج العووبة.
نجمة: يااااااا ولك هاي عليمن العوووبة
قبس: اكو غيرج هنا عووبة؟
ميس: يبووووو ولكم اسكتو لاتتعاركون
قبس: هي بس تحب تتعارك
نجمة: خير انت غير
ميس: اسكتي نجوم بداعة امج
نجمة: سكتت بس بعد لاتحلفيني بيهم
هزت راسها موافقة واني درت وجهي عنهم عكر مزاجي الخايس الحموضة ذبيت نفس اسمعهم.
ميس: كول قيس على شنو اجيت
قبس: اجيت اشكرج لان كملتي الشغل كلة وحدج ما ردت اتعبج لو عايفتة.
ميس: سهلة اني اتونس بالشغل وتعرف جديده بعدني بواهسي اي شغل عندك اني اساعدك بية
قبس: كون يتعلمون منج ماكو
سكتت هي واني اعرفة يقصدني امداك اي والله اني اكملك شغل عمت عيني.
قبس: يلة يابة اخذن راحتجن
ميس: باي
راح هو بقت تباوع وراة مبتسمة دفرتها التفتت علية بضوجة ماحجت شي: -هاا عيني اشو تضحكين شكوووو
ميس: بس لا بالج شي ترة لاااا
هو شفتهمنا من الاا مالتج
قيس صديقي لا اكثر
قبس اسمة وجهة جنة خبز مگسب.
يا نجوم كافي تنمر
اساس التنمر، انتي هو منو علمني على التمنر غيرج
اي بس مو هنا ذولاك يستاهلون نتنمر عليهم يس ذولة لا ترة كلهم اصدقائي
اي ما شاء الله كلش تلبگينهم تلبك خوش اصدقاء
اي عيني قديمة على الوضع
كلبت عيوني ودرت وجهي عرفتني ضايجة لان ما اشوفها هواي مو مثل الدوام النهار كلة لازكين سوة
نغزتني بزندي وكالت بفرحة.
لج نجووم مو انتن كعدتن بيت وحدجن اريد اوصلج واسلم على اخووواتج فد مشتاقة لشهبة واريد اشوف كواكب ام دچة
ضحكت وتحمست وياها ميس شايفة اخواتي بس كواكب لا لان ماتكعد بالبيت وصفتلها العنوان قريب من بيتنا التفتت علية فاتحة عيونها بصدمة ذبلت ملامحي وبطني خبطت خفت صاير شي كتلها.
يمة فدوه لاتخوفيني بس لاتكولين البيت مقتولة بية عائلة ولكوهم مدفونين ولهذا السبب خلونة نكعد بية هو وغراضة يمااااا.
وسماااا ولج لاا لااااا
شكووو ولج بس لا بية جنانوة ترى راح ابول على روحي من الخوف
ولججج نجوم انجبيييي واسمعي.
دخيلج يالزهرة اسمع الجريمة التي حدثت هنا
لج هذا بيت ضرغااااام
عكمشت وجهي استوعب كلامها ذبيت نفس مرتاحة كتلها: -اي شبيج ضرغام اعرفة شفتة هذا بيتة اجرناة بيبيتة اجرتة بدون مايدري
عزاااا
والله حتى دخل للبيت واحنا بية بس تعاااالي ولج منين تعرفين ضررررغام.
لججج ضررررغام وعلى يصيرررون ولد عم فقار وقبس وضغيم
فتحت عيوني على وسعهن من الصدمة لااا ماصدك شلوون هيج كلهم طلعو اقارب صفنت صفنت وصفنت وهم صفنت اريد استوعب ماكدر هزتني ميس تكلي: -ولج نجوووم الووو
لج ميس اني مصدومة شلون طلعو كلهم ولد عم شلوون
ميس: والله ياعيني ماعرف شلون بس كلهم ولد عم هما ولد ليث تلاثة.
بس تخيلي الصدفة يا عليييي نيزك تعرف ضرغام ملتقية بية ب وكواكب ملتقية بضيغم مدري وين واني التقيت وي قبس بعدين طلعو اخوان بنفس الشركة وعرفتهم وبعدين طلعو كلهم ولد عم
يماااااااا لج اضربيني خل استوعب
ماحسيت الا راجدي سطرني سطر فتحت عيوني بصدمة وهي كالت بضحكة؛-انتي كلتي اضربيني اني مدخلني.
اريد اهجم عليها وانفتح الباب التفتت اشوف كواكب تصيح بعصبية: -دنزلي انزلييي خل اطيح حظهااا الج هالس شلون تتجرا وتضربج وهي يم بيتيييي انزلي خل ادبها
اباوع لميس صار وجههة اصفر تباوعلي بخوف نزلت لكواكب لازمتها كوة افهما: -ولج لااا افتهمتي غلط هاي ميس صديقتي ما تضربني تشاقة تشاقة اني كلتلها اضربيني
كواكب: واكو واحد يتشاااقة هيج يضرب بقووة
عوبة غير عوبة دعوفي البنية اختلست عود هي رايدة تشوفج
كواكب: هااا.
والله أصلاً هي تحبج اكثر مني اجت على مودج
ابتشرت ملامحها وعدلت شعرها تحاول تبتسم الها نزلت ميس وكفت بصفي كالت بابتسامة: -هلو كواكب شلوونج طبعاً اني من المعجبين بيج كلشش هواي معجبة بشخصيتج
جاوبتها بضحكة: -هلا حبيبتي مو لهاي الدرجة ترة وجهي املح اجلج
ميس: ولج غير تخبلييين
نجمة: تفلشش تفليششش
ميس: شگااااگية اختتتج نجوم
هزت ايدها كواكب باستهزاء وكالت: -دكافي لاتحجن زايد ترة اني ماتهمني هاي السوالف اخر همي.
ميس: يااا هاي شبيها والله دنحجي جد
نجمة: هي هيج عبالها نستهزأ
ميس: كواكب هاي تسريحة شعرج وين مسويتها
كواكب: اني كصكصتة بيدي ديلا ادخلن جوة ناس منا
دخلت ادفع بميس كدامي كواكب راحت تشغل بالدراجة ميس تباوعلي وتاشرلي بعيونها تريدني احجي خليت ايدي على حلكي وتقربت اهمسلها
لج هاي الدراجة اشترتها توصل بيها طلبيات اكل
ميس: والله حلو شكلها مثل ذني الاجنبيات حتى شكلها مثلهن ولا يكول عراقية.
نجمة: اي ولج مملوصة ملص بس حلوة وتخوف اذا خزرتج
ميس: عيونها خرز كرشت اني
كواكب: اكول ادخلن جوة يم البنات ارتاحن مو تعبانات من الدوام
نجمة: يلا داخلين
طلعتلنا شهب ابتسمت وسلمت على ميس شكد فرحت بشوفتها وميس مامصدكة تكرص بخدودها وتضحك دكلها: -لج شنو هاي عجينة مختمرررة فدووة ينمطن خدودج لج نجووم شوفي
نجمة: دعوفي اختي يلا
ميس: مو خدود ضيييم صاكااات انتن اااااء.
شافت نيزك اجت سلمت عليها ام هلا هاي والله حسيتي نفسي خطارة وي ميس كثر مارحبت بيها كعدت ميس تلعب وي اموري وتسولف وي شهب واني لحكت نيزك اشوف شمسوية غدا لكيتها تحظر بالصينية دخلت كواكب دكلها: -يلا وين الطلبيات خل اوصلهن
نيزك: يلا هسة اجيت.
نكتت اديها وراحت جابتلها الطلبيات مجهزتهن بجداري سفري وعلاكات كبار توصيل مخليتهن اخذتهن تخليهن بصندوق الدراجة كواكب تلبس بالخوذة براسها ونيزك دكلها على العناوين ذبت نفس وكملت دكلها.
هاي الطلبية لبيت ضرغام اخذيها وياج هم
كواكب: خزرتها بحدة وهزيت راسي اي سكتت ماحجيت شي وهي كالت مبررة: -رزقنا هذا بعد لازم تتعاملين وياة حتى لو ماتحبينة.
كواكب: ماعندي شي وياة ماطولة بعيد عن حياتنا ما يهمني اتعامل وياة كغريب ويا مكثرها الناس الغربة بحياتنا.
شغلت الدراجة وطلعت من البيت وهي سدت الباب وراي رحت وصلت الطلبيات بقت اخر طلبية للبعيجي لا فوكاها يطلب كل يوم شكل اكلة البنات كامن يسون وي الدولمة اكلات مثل الكبب واذا يوصونهن على فد اكلة معينة نيزك تسويها طبعاً اني اجيبلهن كلشي يريدنة ما اخليهن يطلعن من الباب ماعدا نجمة لدوامها تطلع واني اوصلها بيدي اخاف عليهن كلشي يصير حياتنا مو امان بعدها.
طوطت بالدراجة مابية حيل انزل كلت بلكت يسمعون بس محد طلعلي مليت ونزلت دكيت الباب هم محد فتح الباب شلون بيهم ذولة وين راحو؟
عبست ملامحي ورجعت تسليقيت الباب اباوع بالكراج مالهم الباب مفتوح يعني اكو بشر بالبيت خليت ايدي يم حلكي وصحت بصوت عاالي.
كواكب: علييييييش ووينككك الووووو
طلع ضرغام ينشف بشعرة بيدة المنشفة صاح بية
ومررض كووون مرررض هجرتينا هجر المنطقة راح تشيل من صوووتج.
كووون مرض اليمرضككك الككك الخايسسس البعيجي الازرگ
طفرت من الباب وركضت لدراجتي ركبتها وسقتها بعدت من بابهم وهو فتح الباب كتلة: -جبتلك الطلبية يلاا لا تسوي مشاكل
هاي شلون وياها بابا منو كلج تجيبين الطلبية شنو بس انتي بالبيت
كواكب: تريد ام امير تجيب الطلبية لووووو تمووووت ما اخليك تشوف شكلهاااا
شبيج بابا شبيج حبيبتي شكوو
دخذ طلبيتك بلا مشاكل اريد امشي عندي شغل
اي ماتجيبينها اشو شاردة شلون استلمها.
بقيت اخزر بية ارتجة على الباب بملل واني كتلة
راح اخلي الطلبية بالباب انت فوت جوة
لا والله
اي ديلا خلصني
جيبيها
ادخل واني اخليها الك بالباب غير هيج ارجعها للبيت
ذب نفس واستغفر هز راسة ودخل جوة صحت وراة
الشريف يستغفر لو ماشريف ماتستغفر
دار وجهة وكال رافع حاجبة: -وهسة شتريدين؟
انطيك الاكل واروح
هز راسة بيأس ووكف بنص الكراج عفت الدراجة مشتعلة ونزلت الطلبية خليتها بالباب وهو يباوعلي كتلة: -كون سم بگلبك تاكل.
ركضت للدراجة شغلتها وكفت بنص الشارع طلع هو وراي غمني بثنين ادية وشال علاكة الاكل وركع الباب وراة اي كون سم حتى سم بسيطة بس تصير عدنا زبائن هواي بعد ما اخليهن يسولة اكل.
لفت الدراجة اريد اتحرك وصارت سيارة بوجهي جفلت بمكاني جانت سريعة كلش همزين ما لطشتني بالكاع گلبي صار يدك قوي ربك ستر والا هي شخطت شخط لان وكفت بسرعة اباوع للسايق يمسح بوجهة خل راسة على الاستيرن بعد ما رفعة نزلت من الدراجة يمكن اتخربط هذا، دكيت الجامة اكثر من مرة وهو راسة ما رفعة صدك متخربط ماعرف يمكن سكر عندة وهبط تخبلت علية صرت ادك بالجام وهو ماكو اباوعلة واكول خطية كواكب اتحركي سوي اي شي لا يموت هاي روح انقذيها مال طول بعدة يتنفس اتحركي.
ركضت ماصار كدامي غير بيت ضرغام رحت اركض علية بعدني ما داكة الباب وهو انفتح طلع ضرغام كلتة بسرعة اشر بيدي على السيارة.
الحك الحك ولك الزلمة راح يموت خل نساعدة
ركض كدامي واني وراة صار يدك بالجام ويصيح بخوف وقلق: -افتح الباب يااابة البااااب
ابوة هذا معقولة! على صوت ضرغام العالي شال راسة الرجال وجهة باهت تعبان فتح الباب بروح منتهية ورجع نفس وضعة ضرغام تخبل دخل يرفع راسة ويصيح بية: -شبيك ما تكلييي شبيييك.
جاوبة بكلمات متقطعة: -السكر هبط يمكن
مثل ماتوقعت سكرة هابط وراح يموت مبين مصفر ضرغام صار مايعرف شيسوي من الخوف جمد بمكانة يباوع على ابوة واني صار عندي فكرة ركضت للاسواق قريبة علينة اخذت عصير وجكليت ورجعت اركض لكيت ضرغام على وكفتة وصافن ابوة على وضعة دفعت ضرغام بعيد ورفعت راس ابوة فتحت العصير احاول اشربة كوة كوة ملابسي وملابسة انترست عصير بس شرب فتحت جكليتة وخليت بحلكة اكلة: -امضغها عمي امضغها حاول.
هز راسة يباوع بوجهي بقت الجكليتة تفر بحلكة واني كمت اهز بضرغام شكلة مو طبيعي لحد الان هو ما سوى اي شي انتبة إلى من صيحت بوجهة
وووولك اخذة للمستشفى ررررراح يمووت
غمض عيونة وفتحها باوع بوجهي وكال: -ها شاسوي
امشي سوق السياره امششششي ديرة للجهة الثانية وانت سووق بمكانة.
هز راسة اي واجة ساعدني خليناة بالكرسي الثاني وهو بمكانة اني صعدت وياهم بعد لان الرجال شكلة يقهر خفت يموت بيدي بطل العصير اشرب بية شوية شوية اخذت كلنس امسح بية وضرغام ساكت ما حجة شي بس يسوق بسرعة حجة الرجال بصوت تعبان.
اجيت اني اجيت
ضرغام: ما تجي هيج شصاير كوووول شصخمتت
خسرت كلشي خسروني كلشي.
ضرب الستيرن بعصبية يصيح والرجال منتهي بيدي وهذا يكلة: -ااااانت ماتعرررفنة بس من تطيييح هسسة ارتاحيييت ارتاحيييت كتتتلك عوف الاكحاب عووفهن هاي تاليتهااا.
اني بقيت ساكتة لان ضرغام عصبي ولو احجي كلمة يكوملي يخلي راسي جوة السيارة لان هذا مخبل اعرفة، كلت بس اوصلة وارجع خطية ابوة وصلنا للمستشفى اخذوة واني رحت وراة كعد ضرغام على الكراسي بقيت واكفة اباوعلة مدنك راسة يحجي وي نفسة لا والله يتعارك وي نفسة رفع راسة خزرني واني كتلة...
شبيك بس اشوف ابوك عاش لو مات وارجع ما اطول
مارد علية دك موبايلة طلعة يحجي بحركة: -بالصخام وين.
هبط سكرة من الحركة والله لو يموت ويخلصنة من شرة
الطرف المقابل ماقبل على كلامة وهو بس انطة العنوان وسدة بوجهة ماتحرك من مكانة ابتعدت عنة افتر بالممر اكو واحد يكول على ابوة خل يموت! لو ماعرف شمسوي يبقة اب ومكانة بالحياة ما يتعوض بس الواضح شالع كلبهم بقيت كل ما اريد اروح اكول لا خطية خل اشوف شيصير وياة بله مات اني اجيت اجيت.
طلعت الممرضة سالتها علية كالت: -صار احسن همزين تلاحكتو جان مات لو ماجاي بالوقت
الحمدلله كونة زين
ضرغام يسمع كلامها تقربت شوية منه مسافة وكتلة: -الحمدلله على سلامة الوالد مايشوف شر
كلتها ودرت وجهي اروح واسمع صوتة يكلة ملهوف.
ضيغم: شلونة عمييي؟
صارت عيني بعينة فحطان والوجهة احمر شعرة نازل على عيونة ضرغام كلة برود: -مايموت شبيك.
وخرت منة ومشيت اروح يعني ذولة ولد عم مو اصدقاء مثل ما عرفت هسة وضحت عندي هما ولد عم حتى فقار ابن عمهم بس فقار غير عنهم غير ماعرف شنو المحبة النزلت علية من شفتة عجيب هالشي اول مرة احب شخص اول ما شفتة.
وكفت من صاح وراي: -اوكفي كواكب
التفتت علية عيوني بعيونة وشي طبيعي عندي اول ما اباوع بوجهة شخص اباوع بعيونة رفعت حاجبي بمعنى شكو كال.
ضغيم: ها كواكب شجابج.
والله بعد اجيت مو عمك صار كبالي راد يلطشني وكف بلحظة بعد صارت واجيت وياة
ها
اي ضيم اي
شلونكم؟
ابتسمت وكتلة: -الكل زين ضاهرياً اطمن
ضيغم: على فكرة اني ذهب كالتلي عنجن بس ماعرفتجن الا من شفتج بالمنطقة ذاك اليوم
وهسة شتريد
اريد اعرف عنج فضولي جببر وي المنجمة
المنجمة انتهت بذاك اليوم الكالتلك بية هي منجمة وكشفت وجوهم الك.
ضغيم: بس.
كواكب: ابتسمت وكتلة مقاطعتة اني وياك مثل صداقة و بالسجن بس اعبر الباب لا ارجع ولا اشتاك لاحد
ضغيم: تقصدين فترة وانتهت شلون ماكان
اي صح
ضغيم: هزت راسها ومشت تنزع الابتسامة الانرسمت على وجههة مشت وابتعدت عن ناظري التفتت على ضرغام يكلي.
ماعندك جكارة؟
اي هسة
طلعت الباكيت من جيبي انطيتة اله ورثلة وحدة ضرغام: -طلعت بطرك روحي حتى اكل ما اكلت طلع سم علية
دك بابكم؟
تؤ شفتة بالكامرات همزين ما دعم الخشبة ربك سترها.
انت بس حاط راسك براسها
اشتعلت روحها
هاي لان كشفتلك؟ بس ترة كلامها مضبوط ابد ما تجذب ههههه كالتلك راح ينكسر خشمك اليابس وتتوسل وتبجي ومثل ماسويت بالناس يصير بيك
دنجب انجب انت وهاي الخشبة مدري منين جبتها
اخذت جكارة ورثتها: -هي اجت بطريقي
ماكو داعي تركض وراها
كشفت حقيقة ناسي وحذرتني من صبا ومنذر اول ماشافتني بس اني ما استوعبت كلامها وغدروني.
اي بس انت ماقصرت وياهم ولك احس هاي تراقبك وجابت هاي المعلومات ترة ماصايرة واحد يعرف هيج معلومات منين عرفت صبا وذاك النغل
هي كالت الناس الجنت وياهم قبل لاتطلع احذر منهم ناويلك نية واني جنت وياهم
ضرغام: خاف تسخر الجن حتى تعرف
لا يمعود شنو السالفة
اي جا شلون
والله يخوي بعد مانعرف اني هم سالت وكالو اكو ناس عدها بصيرة مكشوفة بحيث يباوعون بالواحد يعرفون شبية يتخيللهم هيج شي
تنجيم هذا
مو تنجيم بس هي منجمة.
هز ايدة باستهزاء واني ضحكت علية صدك شحجي وياة ضرغام كلش يضوج منها وهي هم، طلع يدخن برا واني بس خلصت الجكارة رحت اشوف عمي
واطمن على صحتة باوعتلة من بعيد تعبان شكلة شوية ماميت رن موبايلي فتحت خط واجاني صوتها يلعلع.
ذهب: ووووين عمممك الساااقط سقووط
شتريدين منة
ووولكممم سااقطين دايحيين موقعتة هاي الكح
علي سيارة وبيت وشقة وعافتة تريدة يطلكها
شدراج حجية؟
اجتني الساقطة تريدة يطلكها ماتشوفهة انتهى الاغم خل يموت لان ماتريدة من امدة بطني النگلتة الساقط سقووط تفووووووووووو
التفال تطشر على الممرضات شنو سالفتج ذهب
اريد هاي التفلة توصلها الها بنص وجهة اريدة تتفل
دلفري اني انوب اوصل تفال!
الساقطين الدايحين ابو النسوان والدايحات المثلكم.
تحجي منفعلة بعصبية انسحب الموبايل منها شوية خف صوتها من اذني طرشني طرش عرفتة على الاخذة منها لان كالتلة: -يروحولك فدوووة هالغماان والساقطين والدايحين كلهم يفدونك يبعدي يروحي بس انت و ابو ود خوش زلم
ضحكت وسديت الموبايل على روحها من الدنيا هو وابو ود بس على غير على وحقها تحبة لان ماكو واحد مايحب على نسمة باردة بعز الصيف على.
كلش مهتم بيها بعلاجها باكلها بطلعاتها وياها وياها ويخاف عليها كلش اجاني ضرغام كالب خلقتة.
ضرغام: فلوسي راحن لكحا
ضيغم: بحلكي حجاية خليني بالعها
ضحكت ادك على جتفة خزرني بضوجة ودور عيونة عني كتلة: -فكس لهاي العيوون كون
ضرغام: انعديت منها بعد بعد
ضحكت ورحت شفت عمي صار احسن بس ساكت مايحجي مثل المصدوم تحمدتلة على السلامة وطلعتة للبيت ضرغام رجع قبلي حتى ما شافة من فاق بنص الطريق كال.
فرقد: وين ماخذني عمو؟
للبيت وين بعد
هسة ذهب تطين عيشتي
شوية وتهدأ مثل كل مرة قابل جديد الوضع عليها
هز راسة وسكت صافن ردت احجي وياة وسكتت من شفتة تعبان بنص الطريق ذب حسرة وكال.
فرقد: دللتها والله دللتها ليش هيج سوت مو هي تحبني كالت احبك اني!
ضغيم؛ انت مصدك وحدة بكد ابنك تزوجك لان تحبك!؟
كالت العمر مجرد رقم
كلام مجرد كلام شافت عندك فلوس هواي وانت ماشاء الله كبل مسجل باسمها املاك اكو واحد يسوي سوايتك هاي.
فرقد: ردت افرحها هي تفرح بهيج شي
ابتسمت ارفع شعري هسة هذا شحجي وياة ذاك هو تضحك عليك وعلى املاكك تزوجتك اي واحد يشوفهم سوى يعرف هالشي بنية صغيرة وحلوة شتسوي بشخص اكبر من عمرها اضعاف؟
فرقد: علمني شلون اتخطى ضيغم
ضيغم: الخاين والغدار مالة مكانة بالگلب
ماكدرت اتخطى سهلة كلت انساها بلكت بلكت وحدة تحبني من صدك مو بس هي ماتريدني غيرها تريدني
راح تخسرها للابد!
خسرتها بس اريد اعوض اريد اطلعها من نفسي.
ذب حسرة يمسح بوجهة سكت دقايق ورجع كال تقنعني بعدك ما تحبها؟
عرفتة يقصد صبا ابتسمت باستهزاء وكتلة: -التتفق وي صديقي حتى ادمرني وادمر شغلي ومستقبلي گلبي يحنلها!
وحبك العظيم الها
تبخر وانتهى
فرقد: وجرحك لو رجع يلجم بيش تداوية؟
ضيغم: ادوسن فوگ جرحي والچم الملچوم واخلي الساكنات يشوغن لربهن.
رفعت موبايلي شفت الساعة ودستلها بانزين ماكو دقايق واني بالكراج نزلت و ورد صارت كدامي تباوعلي مبتسمة ضمت شعرها الطالع وتقدمت تكلي.
ورد: هلو ضغومي
بادلتها الابتسامة وسحبتها علية ابوس راسها خليت عيني بعينها اكلها: -اني زين بعد روح ضيغم وعمرة انتي شلونج
خلت اصبعها بحلكها بس تضحك كالت: -زينة اني بشوفتك
ورد: كرص خدي ضيغم ودخل جوة احس گلبي يريد يطلع من الفرح واخيراً اخوي رجع مثل قبل ورجع للبيت حالة حالنة.
بقيت واكفة اباوع لعمي فرقد نزل وجهة باهت رحت اكلة: -مابيك غير العافيه عمو
ابتسم بتعب وكال: -حبيبتي عمو ورد يسلمج
لزمت ايدة ودخلنا سوى للصالة كلها متجمعة عمي اسامة جاي من السفر وولدة فقار وقبس وابوي جواد وضيغم كاعد يم امي يسولفون وضرغام وعلى وسهلة وبيبي ذهب تطحن بروحها طحن وصايرة هوسة من السوالف دخلنا كلها سكتت تباوع لعمي باوعلهم وكال بتعب.
فرقد: السلام عليكم.
كلهم ردو السلام الا ذهب خازرتة باوعلها كلها: -ها يمة شلونج؟
ذهب: امك ياهي امك ولك؟ ياااء خايبين هذا مشتبة عبالة امة ولك اني ما عندي ولد غمان مثلك امشيي فوووت فووت عني
فرقد: يمة شنو السالفة
ذهب: كون غمة التغمك يالاغم هم يكول يمة اكلة انا مو امك يكلي يمة! هسة انت ماعندك عقل تفكر افتهمنا بس مال ماتسمع لا هاي واكفة.
هز راسة بيأس والله لو بعد مدري منو اليجي ما يخلصة منها ومن السانها راح كعد يم ابوي يعصر براسة كال: -عصير عمو وياج
ورد: صار عمو
ردت امشي اسويلة وذهب لزمتني من ملابسي تصيح بية: -تسويلة سم حتى سم اكعدي يمي لا اكوم اكسر العصا على راسج
بس خطية
ذهب: تريدين تتكسرين؟
هزيت راسي لا وكعدت يمها باوعت لعمي فرقد باسى ورفعت اكتافي غمض عيونة بمعنى اعرف وسكت ما حجة شي كتفتت ادية اباوع لامي اروحلها فدوه شلون فرحانة وتسولف وي ضيغم بعد روحي اخوي ابوي يباوعلهم من بعيد يخزر بيهم ويرجع يسوي روحة ما يباوع والسبب ابوي وضيغم ما يتحاجون هاي قبل بس هسة احسن يعني يتواجدون بمكان واحد نعمة من الله هسة.
ذهب: تعالو يمة تعالو.
كلها التفتت عليها كالت: -احفادي النشامة اريدهم اريد اشبع منهم كبل لا اموت والشغل لاهيهم عني
كلنا گلنا بصوت واحد: -الله يطول بعمرج ذهب
اجاها فقار مبتسم باس ايدها وراسها وكعد يمها وهي استلمتة تبوس وتعدل بشعرة وتمسح على امتونة تمطرة بانواع الدعوات الحلوة والتفتح النفس وهو مبتسم بامتنان.
ذهب: يروحلك كل واحد صايع ودايح بعد جبدي
ذبت حسرة ودكت على رجلها تكلة بحركة.
ذهب: تشبهة المرحوم جدك عيناً نفس الهدوء والشكل الحلو بعد جبدي ماكو منك ثنين
ضرغام: طلعتي ماتحبينة منج لله لان يشبهة زوجكِ المغدور تحبينة
ذهب: تروحلة فدوه انت بس تغار منه تصير بادبة تصير باخلاقة ساقط مثل ابوك سقووط
فرقد: يا طركاعة ابوة الماتخلص
ضرغام: راح ابدل جنسيتي من وراج
ذهب: لا يحبوبا يروحلك فدوه ابوك جا انت هم عزيز وصلة من الگلب انت شعندي غيرك احبل بعد
ضرغام: تحبلين بعدج شابة هسة ازوجج.
ذهب: ياااء من كون دهر اليدهرك يمدهور وتكلي مو ساقط سقوط
ضرغام: اتشاقة وياج الماسة
ءهب: تعالي احبك
كام من مكانة يضحك ويهز بحواجبة لعلي وضيغم
دنك عليها باسها ودفعني يكلي: -كومي حبيبتي ورداية خليني يم فلذة كبدي
هزيت ايدي وكمت اخزر بية كلي: -صدك جذب كلها تخازر بس يلة عيونج جنهن زروف جفجير مو نفس ذولاك الناس كلوبات ضاوية يكول
ضحك بصوت وكعد حضن ذهب ويبوس براسها دفعتة عنها تكلة: -جعصتني يمدهور ولي غاد مني.
ضرغام: هسة ماعرفت اروح ابقة تضحكين علية انتي؟
ذهب: ضل بس لاتخنگني
ضرغام: هذا لو جدي ما حاجيتية جان كيفتي على الجعص مالتة
خزرة فقار يكلة لا وهو عادي عندة يضحك رفعت عوجيتها ذهب ورادت تضربة لزمها ما خلاها وصار يتلاوة وياها فحطاها مستمتع على الاخير كام على بضوجة سحب العوجية من ضرغام وهي تتنفس بصوت وتضرب بضرغام تكلة.
ذهب: الساقط تروح فدوة لعليش امداك اي والله
ضرغام: طائفية تسوين بين الاخوان مو بيدج.
ذهب: تعال حبوبا عليش كومني ذولة رعنان
انطتة ايدها لزمها كامت غمت ضرغام وباوعت لقبس يباوعلها من شافها تخزرة دنك راسة خافي ابتسامتة
غمتة تكلة: -الاصيفر يضحك اهمداك
قبس: لا حول ولاقوة الابالله شلون وياج
ذهب: تعال اخذلك راجدي مني تعااال
قبس: خو اخذ بوسة منج صايرة تضوين جنج فافونة.
هزت ايدها وراحت لغرفتها تدعي وتحجي على ولدها واحفادها الصالة صارت هدوء طلع على بيدة طاسة مي راح يترسها اشرتلي امي اروح للمطبخ والولد بقو بالصالة.
جوري: بعد وكت هسة يلا اجيتي
ورد: جوري الحلوة شبيهاااا
ضربتني على متني تكلي صوتج ضحكت ورحت افتح الاكدورة طلع البخار بوجهي يحرك صاحت جوري: -لا تنترسين ريحة اكل
ورد: شلون اني عندي اخت اووووف
رجعت القبق وصرت كدامها اكلها: -هاي انتي سويتي الاكل كلة؟
جوري: لا وين امي طبختة اني جنت اقرا ماكاعدة
امممم حلو شفتي قبس؟
خزرتني بضوجة وكالت: -اييي وشتردين هسة
ورد: ههههههههااااي
سدت حلكي بيدها وجههة صار احمررر عضيت ايدها وابتعدت عنها اكلها: -شبيج هيج تضوجين غير خطيبج المستقبلي
جوري: وردة عيبببب
ورد: هسة اني شگلتتتت.
سكتنا ثنينة من دخل ضيغم اباوعلها وجههة انبلع عبالها سمعني يمة شكد تستحي ابتسمت ارفع الها بحواجبي وهي تخزرني تكلي اسكتي رحت لضيغم حضنتة ابتسم وردلي الحضن يمسح بخدي...
ورد: روح روحي حبيبي مشتاقيلك
بنيتي وردة
راح تبقى هنا يمنة؟
ضيغم: اي
وووووالله يعني تصالحتو انتو وبابا
ماعندي شي وياه راح الزعل
ضحكت اضم راسي بصدرة اضحك منتعشة روحي حبيب روحي هذا اعتبرة ابوي الثاني ربانة هو باوع لجوري.
ضيغم: جوريتي تعالي حبيبتي
جوري: اجي ليش ما اجي قابل اعوفك بس لوردة
ورد: بس لا تغارين
ضيغم: ماكو وحدة تغار من الثانية ثنينجن قطعة من الروح
حضن جوري يبوسها براسه ويباوع بوجهة يسالها
شلونج بالدراسة؟
جوري: ماشية الحمد الله
ضيغم: هديتجن ما ناسيها ترة
جوري: وجودك بحياتنا اكبر هدية حبيبي
دخلت امي مستعجلة سرفنت ردنها تكول
ياسمين: دعوف اخواتك يساعدني لاالحجية تبلينة اذا تاخرنا.
ركضت جوري تساعد امي واني سحبت روحي وي ضيغم فلتت من الشغل ورحت يم عمي فرقد وابوي كعدت العب بموبايلي ابوي كال لعمي.
جواد: ذهب زعلت منك امشي راضيها
فرقد: هي طايحتلنة بالرزايل شراضي منها هسة بس اروح تزفني بالرزايل ولا يكول زلمة ولدي المثلهم مخلف
ضحك ابوي يكلة: -جا ما تكل لروحك ولدي كبار واعوف هاي السوالف التعبانة
فرقد: على سنة الله والرسول مامسوي حرام شلون اخلص عمري بدون مرة؟
جواد: وسهلة شناقصها؟
فرقد: سهلة بعد خسرتها لو شيصير ماترجع تباوع بوجهي من تزوجت عليها وعفتها شالتني من قاموسها
جواد: حاول وياها هنا النسوان بالكلام الحلو يلينن
فراقد: هسة لو اصيغلها النجم كلادة ماتباوع بوجهي انت شتحجي خوية
ذب ابوي حسرة يباوعلها تحجي وي الولد بعدها شابة تخبل مهتمة بنفسها كلش احبها اني هو اكو واحد مايحب سهلة بالعشيرة!
كام عمي فرقد وي ابوي لذهب يراضونها كمت وراهم اشوف الدراما واتونس فدوة لكلبها بيبي تونس بسوالفها ماكو هيج جانت كاعدة وعلى بصفها كاعد بيدها موبايل تحجي وي على دكلة.
ذهب: هسة انا اريد اطلب شيلان الزهرة منين اطلب
اخذة منها يعلمها ويوصفلها هي تهز راسها تباوعلة وتفتهم منه كالتلة: -خوش كون افتهمت رفعت راسها شافتنا سوت روحها تحجي وي على دكلة.
ذهب: حبوبا عليش يكول الشيخ هاي الام الربت والكبرت جهنم تدخل بيها زرك كونها ماتت وما راضية عليك يمة لاتزعل امك والموت ما يعرف جبير لو صغير انا باجر اعض لساني واموت
كالولها عمرج طويل يمة
خلت شيلتها على حلكها وبجت: -انا ردت الولد للعازة تالي الولد صارلي كزازة. ضليت اهدم بحيلي وابني وماكو فاگد فگدني يعليش يا حبوبا يا يمة.
دنك عليها عمي باس راسها وكعد يمها وابوي هم حاوطوها يعتذرون منها سحلو رواحتهم سحل يلة رضت تكلهم: -روحو يمة الله يهديكم ويصلحكم وينور دربكم بحق الزهرة الزچية
ضحكو مبتشرين وصار هجوم بالدخولية كلها دخلت عمي اسامة والولد سدو الباب سد كلة واحد شطولة وشضخمة رفعت راسها وكالتلهم.
تعالو يمة حاوطوني اريدن اشبع منكم شوف.
عمي اسامة كعد بصفهم والولد تطشرو يمها يباوعولها وهي تسولف عليهم عمي اسامة سولفنا على سفرة شوية كالتلة.
ذهب: ماترجع للشغل يما خطية الوليدات وحيدتهم يشتغلون
اسامة: يمة ترة ذولة زلم مو جهال دايرين الشركة واني هم اراقب وياهم ماعايفهم
ذهب: اي يمن فدوه اروحلك وليداتي ذولة اتعب على تعبهم
ضرغام: بس اني تفرحين على تعبي.
ذهب: خايب شمالك يمتها كلت هيج انا مو احبك واعزك ولو ما احبك واعزك ما خطبتلك الزيبك ام عيون طاكة
سكت دنك راسة كلها كامت تباوعلة كال عمي فرقد
الله وايدج يمة اريد ازوجة كافي دياحة منين هاي البنية؟
ذهب: يمة البنية خوش بنية جنها كمر عيونها تتلاصف ملاصف بعد جبدي حبوبا الباري يحرسجن ويبعدجن من اولاد الحرام
جواد: يمة انتي من مية واحد تحبيلج واحد منين ذني الحبيتيهن؟
ذهب: بنيات يتيمات شردن من عمامهن الغمان مو خوش اوادم واجن لخالهن طلع ممسافر بعد كعدتهن بيت ضريغيم
جواد: يمة ذني وراهن مشاكل شلون تكعدينهن بالبيت شتعرفين منهن هسة الدنيا صايرة تخوف
ذهب: ولكممم يعععع تعلمني شسوي وما اسوي اهمدة بطني النگلتكم مو انا اكول غمان ما طلعتو علية واذا وراهن مشاكل ماتدرون انا ذهب راسي فارغ ادور طلايب!؟
جواد: ها هية يمة براحتج سوي اليعجبج اني مالي شغل انتي مرة تدورين مشاكل ودوخة راس
ذهب: عمت عين الاغم من يسمع بطاريهن كون ترضة الزيبك هنا يم البنين ترضة بالمزنجر
فرقد: شنو قلة نسوان ضرغام النسوان تشمر رواحتها علية.
ذهب: النسوان الغمة تشمر برواحتها مو النسوان الزينة المثلها جا انتم تركضون ورة النسوان الغمة الما بيهن حظ ومن هسة اكلكم احفادي انا ازوجهم كلهم ها خو ما ترضون ترة كلشي ماتستفادون لو طلعتو من شوري
خزرت الولد متشمتة بيهم وذبت حسرة.
اسامة: يمة ولدي زوجيهم مو طك كلبي اريد جهال العب عليهم
ذهب: جا قيس مرتة موجوده بس يكول ياخذها
رفع عيونة قبس فاتحهن كالتلة: -خايب ما تلكة مثلها بعلي.
اباوع لضيغم كام ينافخ بضجر وقبس يخزر بية ذهب وعمي يردون جوري لقبس وهي ماتقبل اما قبس ساكت ماعرف شنو موقفة من هذا القرار.
ضيغم: جوري تكمل دراسة بعدها صغيرة
ذهب: اااهئ صغيرة دخلت جامعة وبعدك تكول صغيرة
ضيغم: عوفيها تفهم الحياة
ايبااا وانت ضال مغسول ماتاخذ مرة وتخلصنة نايم على جبدي شكبرك بعد تصير ما تكلي؟
ضيغم: رجعت علية
ذهب: ارجع عليكم كلكم اريد افرح بيكم كبل لا اموت.
ضرغام: اني زوجيني مستعد افرحي بية ذولة خيولون
ذهب: هو انت فكر حتى البت ماتريد تعرس عود هاي لبختك الها لبخ
فرقد: شوفيلة غيرها يمة ما طولة يريد يتزوج
ضرغام: دخل نحاول وياها هسة
توجهت الانظار كلها علية يخزرون بية وهو صاح بيهم: -عمي ماعندي شي وياهااا بس عجبني سترها وحيائها اريد استقر مليت
ذهب: سهلة يمي حتى انا حبيتها بعد طبت براسي اجيبها اجيبها.
رحت للمطبخ لا امي تجي تطيح حظي وهي اول ماشافتني صدك طيحت حظ حظي نقلت الاكل وياهم وكعدنا ناكل كوة جوري اجت ويانة ولو ماجاية جان رزلتها ذهب كدام الكل وفشلتها اباوعلها راسها مارفعتة من الصحن خطية انكسرت ركبتها كسر وجههة احمر من الخجل.
اكل واباوعلهم كلهم كاعدين ولد شباب ماعندة بنات شنو هاي لا جذب عدنا شنو ماعدنا بنات اخوات فقار تلاثة بس حرامات متزوجات مو دائماً نلتقي على الرغم متزوجات اقاربنة وعمي فرقد ماعندة بنات للاسف بس اقارب اي عدنا.
شلنا السفرة عزلت المواعين وكتلهن رضا يبجي كعد هو جذب رضا نايم خطية بعد روحي اخوي الصغير هذا بزر الكعدة عبالي اني الختامية بس امي غدرتني وجابت هذا النتفة الجنة مرشملو غطيتة عدل ونزلت اتسحب للاستقبال كلهم انتقلو هناك بعد الاكل.
استحيت ادخل والانظار تتوجهة علية رحت للحديقة مناك اسمع سوالفهم اكيد هسة ذهب تشمر بالكلام وتشبعهم ضحك كون تكعد يمنة بس الا تروح يم سهلة هيج تموت عليها وعلى على روحها من الدنيا ماتكدر تعوفهم لان ضرغام ماكاعد بالبيت دوم وعمي فرقد خطار عليهم.
ردت اعبر للشباك وكفت من سمعت ضيغم وقبس يحجون وكفت اتسمع عليهم وامد راسي شوية.
ضيغم: قبل بداية الشهر اعلنو افلاسهم
قبس: لابرربك شو ماسمعت اني بهذا الخبر.
ماعلنو ولا احد غريب يعرف بهذا الشي
وانت شلون عرفت
تسربت اخبارهم إلى من الداخل
احووووي بعد مايوكفون؟
يحاولون بس مايرجعون مثل قبل
انت السبب مو؟
لا هما السبب اني ماكلتلهم يندكون بية
صوفر قبس يضحك وضيغم يشرب جكاير يحجي بجمود
قبس: والفلوس الاخذوهن وين صارن
فلوس دولة هاي انشفطن شفط عبالكم تهنو بيهن هنا ذني الفلوس هدمتهم
لو اني جايبهن الكم هم احنا رحنا بيها
ليش احنا غشما نتسقبلهن.
سكتو وقبس يباوعلة يريد يحجي ويسكت اخر شي كلة: وين راحت صبا؟
بالخارج سافرت
ومنذر؟
موجود
وين موجود؟
بالدنيا يدور شغل بعد ذاك العز اصبح ذليل بحصرة الفلس ضل
هاي تاليتها لليخون الملح والزاد ويعض الايد التنمدلة، صدك مايكدر يقدم على شغل بعد
اي لان علية علامات محد يستقبلة
يستاهل
كمل ضيغم يطحن بالجكاير وقبس يشاركة ابتعدت عنهم شوية وذبيت حسرة شكد صعبة على ضيغم وشكد حارب على مود صبا تالي ماتالي طلعت حية.
صبا خطيبة وحبيبة ضيغم قبل لاتكون خطيبتة زميلتة بالدراسة ورغم اهلها ويانا اعداء ما اثر علية ولا نقص من حبة الها ابوي ولا احنة راضين على زواجة منها بسبب اهلها ابوها صاحب شركة وعقارات بالعراق والخارج منافس لشركتنا وعدو النة من ايام زمان بس محد يسبب للثاني مشاكل الا في حالات معينة.
ابوي جان رافض الفكرة رفض قطعي بس من شاف تمسك اخوي بيها خيرة بين الشغل وبينها واختارها اكيد طلع ضيغم من الشركة بعد مشاكل وي ابوي وراح اسس شغل وحدة هو واصدقائة صافي ومنذر وصبا اجت وياة.
مرت فترة طويلة بقت خطوبة بدون زواج والسبب منها هي تاجل امي كل ماتحاجية يكول ماريد اضغط عليها يمكن ما مستعدة بس هي بالحقيقة حية من تحت تبن نفس ابوها حاقدة وتريدنا الهلاك.
لفت على صديقة منذر وصارو يشتغلون ضد ضيغم بشركتة وبمالة مأمنهم على كلشي ويعرفون كلشي
طلعو يحفرولة من جوة ليجوة رايدين يوقعونة على عقود تشمرة بالتهلكة جانو بالوجة امراية وبالگفة سلاية
ضيغم بعد الصار محد شاف وجة وبعد فترة باع كلشي رغم خسر هواي رجع وطرحو علية يرجع يشتغل بالشركة الصارت من حصة ولد اسامة شاركهم ضيغم والحمد لله رجعو سوى يشتغلون
ورجع ضيغم يتخطى الصار بس ثقتة صفر بالناس صارت.
عدلت وگفتي من شفت ضرغام جاي عكمش وجهة من شافني ابتسمت بوجهة وهو سحبني من تشيرتي.
ياا يااا ضرغام شبيك
شتسوين هناا لج فصعونة
هههه هنا شبيك
هزني هز وضربني راجديات خفيفات تالي دفرني يكلي: يلا منا بعد لاتراويني شكلج
نفس شكلك غير اخبل احلى منك
ام عيون الزروف
المزنجر
كلتها وشردت راح يم الولد اسمع قبس يگلة
اهووو لا هلة ولا مرحبا
ضرغام: امشي لكك اشگراني
قبس: هاي لان انت اسمر تغار.
ضرغام: كلها اغار منها اني عمي والله لكيتولكم سالفة هاي
ضحكت ورحت امشي ادخل جوة اسمع بيبيتي تسولف.
ذهب: يمة اسامة انا مطلوبة نذر اريد اوفية كبل لا اموت
اسامة: عمرج طويل يمة
ذهب: بعد روحي عزيزي الجبير اريد اسوي عزيمة
سهلة يمة على الفلوس شكد ماتردين موجود
ذهب: سلامتك جا انا عندي فلوس بس اريدكم كلكم تجتمعون عالعزيمة ماريد واحد مايجي ارريدها عزيمة الكل يسولف بيها.