رواية أغلال زمن الغيهب للكاتبة مرمر الدليمي الفصل السادس عشر
يحچي بأذني
ميثاق: هُذال فهميني أريدچ ومن شفتچ مالابسه حلقه تأكدت بعدچ تحبيني.
عضيت أيده حييل أزلغ بأيده ألي على حلكي
هُذال: وخررر ياحيوااان شوكتتت حابتككك انييي!
أبعد راسي من أيده فتحت عيني من بلحضه انجر مني وتكوم بلكاع حته صوت طكه عضامه سمعتهم التفتت غَهيب!
نزل غهيب خانگه ويضرب بي بوكسيات.
عطتت خايفه اجر بغهيب طلع أبو الاسواق يركض على صوت الصياح كلها ألتمت يجرون بغهيب من ميثاق وهوه تسوودن يريد يلوح ميثاق دفره حيل ببطنه حلك ميثاق
وخشمه يجرن دم
بچيت اشهك أسحب بغهيب من أيده
هُذال: غَهيب عوفه عَفيه غَهيب
طبكت سياره استاذ مرتضى نزل يرركض بس شاف الناس ملتمه.
لزمه استاذ مرتضى وميثاق شرد بسرعه كوه كاضين غَهيب والنااس كلها واكفه تباوع، دفع استاذ مرتضى وجرني من ايدي صعدني بلسياره وهاي اول مره اخاف من غَهيب من صدك، صعد بلسياره وطار بيه حاطه ايدي على گلبي وهوه طول الطريق ساكت حته ماتجرأت وحجيت كلمه، وكفني كبال البيت نزل ورگع الباب دك علجامه مالتي نزلت جرني من ايدي وكبل صعدني فوك، دخل للغرفه وسدها وراه لزم راسه بين ايديه عيونه حُمرر، سفانه وخاله ايات يدگن بلباب وهوَ عاط بصوت هَز البيت هَز.
غَهيب: روحوووو منااااا لحَد يججييي روحووو
حچيت بهدوء ارجف
هُذال: غهيب.
صد عليه عيونه حمر
غَهيب: تعرفيه مو تعرفينه؟
هَزيت راسي اي ارجف، شال الكرسي ركعه بلمرايه يفترر بلغرفه
غَهيب: تحبينه مو؟ تحبيييينه يلزززم ايييدج يلزمهاا؟ كداااامي كداااامي ويكلج تحبينيييي
بچيت خايفه جسمي كله يررجف
هُذال: لاا لااا غَهيب بس خل افهمك
غَهيب: لاااااا تفهمييييني لا تفهمميني
هُذال: غَهيب لاتخوفني الله يخليك أهدء.
سد اذنه يهز براسه لا
غَهيب: اسكتي اسكتتتي لاتحچيييين
وكفت كدامه وسحبت ايده حييييل دايره وجهة عليه
هُذال: لا لاااا ما احبه ورووووح امي وابويه ما احبه ولا اريده لا هسه ولا قبببللل افهممم غهيببب لاتصيييحح الامووور ماتمشييي هيجج
صاك عله سنونه عيونه حمر ووجهه يصب عرك احمرر خفتت حييل من شفت حالته وتذكرت حنان خالته ام حيذم من كالت
أبتعدي منه يشوفچ الشخص ألي خلاه عصبي.
بلعت ريك خايفه من التفت عليه كلت هسه راح يركعني سطره عباله ميثاق اني تقدم
لزم ايدي حيل عاصرها بين اديه يباوع بعيوني يحچي بعصبيه
غَهيب: حلقتچ ويييين؟ ها ويييين!
غمضت عيوني حيل ايدي واجعتنيي عاضه شفتي احچي بهدوء
هُذال: ناسيتها هنا.
نترر ايدي من ايده حيييل يصيح باعلى صوته
غَهيب: ويييييين ويييييييين لاتتتسوودنيييني.
ضغطت على صدريتي مغمضه
هُذال: عل ميز.
تلفت بسرعه يدور عليها شافها سحبها اجه بكل حيله عصر ايدي بين ايديه ولبسني الحلقه، ضاغط على ايدي قوي ويحچي بتحذير
غَهيب: تنگص ايدچ ومتطلع منها سمعتييي!
سمعتيييييي!
حجيت بنفس علو صوته أشهگ
: لاااا تصيححح لاتصيححح ماعليك انتتتتتَ جاييييي تأذينييي ااااصحى غهيببب
فتح عيونه على وسعهم متسودن من رديت عليه چن ذبيت ميه لتر نفط على ناره، كلب الغرفه من فوك ليجوه يكسر ويصيح بعلو صوته وأسمع سفانه وامه يحچون بهدوء.
: زوووجج اننيييي زوجج لاتنسييين.
ما انگر خفت وهم خفت حيل موشويه وتمنيت ماحاچيه وساكته، وكفت كدامه امثل انو مخايفه أله اني داخلي يرجف أحچي بهدوء
هُذال: غَهيب كتلك معندي شي وياه چان يكلي اريدچ واني اعرف نيته من البدايه وانتهت السالفه مييثاق هوَ مييثاق تذكرررر! مررره كتلك علييي.
باوعلي عيونه حمر خازرني ينترر بوجهي.
غَهيب: ويكلجج تأكدتت بعدج تحبيييني هااا؟ بعدج يكلللج بعددددج! أنحره وابوالحسن أنححررره وينننن ماااشوففه انحررره.
صيحت بكل صوتي روحي محترگه مامتعوده عليه هيچ يصييح ومايسمع مني
هُذال: غَهيب كتلك الييي عنديي متريد تصدك لاااتصدك لااا تصددك عوفنييي عوفنييي.
غمض عيونه حيل واردف يحچي من بين سنونه
غَهيب: طلعي لاا اذذيييچ طلعي.
: ما اطلع
: أماااسيييل طلعييييي.
: كتلكككك ماااطلعع عليمن ارتفع ضغطك هيچ هااا! على شنووو؟ علموود ميثااق؟! كتلكك ماعندييي شي وياه أنتَ مصررر متصدكنييي.
لزم راسها بين أديه يفتر بلغرفه
: كتلجج طلعيي راح اذيچ طلعيي.
: كتلك ماا اطلع.
كل إلى ببالي مثل هذاك اليوم يهدأء واحچي وياه ونتفاهم، شهگت متألمه من لزمني من معصمي حييل ضاغط عليه فتح قفل الباب ايده ترجف من العصبيه ودفعني بره الغرفه وسَد الباب على نفسه
رگضن عليه سفانه وخاله ايات يبچن.
ايات: يايمه سوده عليه يايمه سوده بوجهي.
سفانه: ضربچ هُذالل ضرربجج؟!
هزيت راسي لا، كمت وعيني علغرفه، هذا غَهيب؟ هذا إلى چنت اشوفه مثَل للهدوء؟ غهيب إلى يصيح عليه ويشمرني هيج؟، نفسه هوَ؟
اخذتني سفانه لغرفتها، بقيت كاعده يمها هووواي وهيه بس ساكته، اول مره اشوف غهيب بهلحاله وبهاي العصبيه
بلا ماابچي واصرخ كلت السفانه بهدوء
هُذال: سفانه كُتبي بلغرفه جيبيهم وملابس ألي خل ابدل.
هزت راسها تمام وطلعت بدون ماتحچي.
سفانه
بلعت ريگ واكفه بلباب دخلت بدون ما ادگه، منطيني ظهره ايده مجروح باطنها تقدمت خطوه باتجاهه خايفه عليه حيييل ورجعت اخذت كُتب هُذال وطلعت الها ملابس وطلعت، تنهدت ذابه نفس انطيتهم لهُذال كتبها حطتهم كبالها، تمسح دموعها كامت بدلت تقره ودموعها ينزلن
گلبي يوجعني عليها حييل عفتها براحتها ماحاچيتها.
هُذال:.
ضلييت فتره طوييله اقره طلعت من الغرفه اريد انزل للحمام توني دا انزل من الدرج صادفنا غهيب وكفت بمكاني كل ظني يعتذر على السواه لو بس يباوع بنظره نأدم بس لا صدمني من ضال خازرني ضاغط على سنونه وصل يمي دفعني وفات.
هذه غَهيب؟ هذه الشخص الچان واكف وياي بأصعب فترات حياتي؟ هذه ألي هوه هسه دفعني وفات؟! نزلت جوه امسح بدموعي لاتبچين أنتِ مابانيه قوتچ على احد.
سفانه:
أجت ماما بأيدها صينيه اكل
آيات: هُذال.
هُذال: ها خاله.
: يلا حبيبتي يوم تعاي اكلي.
: مااريد.
: تعاي يمه زوجج متعصب ومياكل أنتِ هم؟
سكتت تباوع على الكتاب صافنه
هُذال: مداعي عصبيته مو غَهيب هذا.
سكتت ماما دموعها بعيونها دارت وجهها ألي اندك الباب ودخل مُهاف شاف هُذال تبچي عكد حاجبه مفاهم أشرلي شكو بعيوني درتله الغرفه غَهيب كعد يم هُذال خايف عليها جر أيدها بهدوء يباوع عليها من شافها حمره صايره من المعصهم.
باوع عليها رفع راسه لامي ساكته تباوع بعيونها دارت عيونها الي
مُهاف: غَهيب؟!
هزيت راسي اي وهُذال بس ساكته، كام مُهاف معصب ضاغط على اسنانه، بوجهه لغرفه غهيب دك باب الغرفه حييل، وجهه مطعون من كد العصبيه صاح بكل صوته يصيح
مُهاف: غغغغهيبببببببب!
ركضنه كلنه وره مُهاف مامتوقعينها منه منا غهيب صاير جمره اي صوت لو صاح محد يسويها من تجي النوبه كلنه ندخل انذار، طلع غهَيب ايده يابس عليها الدم، بسرعه مُهاف دفعه من صدره جوه دخل وياه وسد الباب، مامرت دقايق والصياح رج البيت رج
، باوعت للباب مال غرفتي هُذال واكفه، شعرها نازل عله طوله، السواد الجوه عيونها، اشرت على نفسها يعني علمودي؟ ، هزيت راسي اسمه حچيهم وعياط غهيب
غَهيب: مااالك دخخخل ماالك.
مُهاف: وحگ عزيييز كلببي البنجف لاخوووه توككف بعييني ولا اكبرر مني البنييه مالها دخل بكل الصايرلك قبل لاتجي.
غَهيب: لكككك يلززززم اييدها كداااام عييينيي يجررررر بيها.
اسمع صوت طگه غَهيب يدك على ايد مُهاف يأشرله
: منااا منننااا لزمممم ايدددها.
صيح مُهاف دمه محترك
مُهاف: لزمممممها منووالچاان صححح غريببب.
غهيب: يحبهااا يكلها ادررري بعددجج تحبييني تكلييي ما اريددده ماحاجيه ويااااا.
مُهاف: اذا شخص يحبها لزم ايدها بسس وانتَ هم حاسب نفسك تحبها وانت بدال متلزمها تأذي ايدها!
غهيب: اطلللععع اطلععععع
صاح مُهاف بصوت اعلى من صوت غهيب
: مووو بكيييفككككك تعلق البت بيك مووبكيفك تصيررر الها اماان وساعات خوف
فتحت عيوني على وسعهم مصدومه اباوع لامي إلى مصدومه اكثر مني من مُهاف كال
مُهاف: اكسررر ايدك النووبه اذا مديتها على هذال.
هاي اول مره مُهاف يتجاوز على غهيب اول مره مُهاف ينفعل لهدرجه، صارت لحظه صمت بداخل الغرفه، تقدمت امي ترجف فتحت الباب غهيب واكف كدام مهاف يباوع بعيونه دفعه حيل وطلع بقه غهيب على نفس الوضع همس بهدوء
غهيب: اطلعو
الوضع بلبيت حيل متوتر، غهيب عازل نفسه بغرفه، ومهاف ميحجي وياه، امي تكعد يم هُذال وترجع تنزل، هُذال عايفه كلشي وراها وبس تقره
حضرت ملابسي للجامعه كعدت يم هُذال عافت كتابها تباوعلي.
هُذال: هم بعد حچه وياج غفار؟
سفانه: لا بس اخر مره راد يحجي كليتله عندي محاضره عفته واكف هو وسلار ورحت
هُذال: ليش متقبلين بي انتِ؟
سفانه: مادري هو حيل حباب وهم حلو، بس استحي اني اتوتر من يريد يحجي وياي
: اذا رادج بلحلال اقبلي
: مادري هُذال ماعرف اتصرف حتى.
: شوفي سفانه اذا هو خوش ولد ليش انتِ رافضته؟ المره الجايه خل يحجي وياج وكلشي افتهمي منه واذا صدك طلع رايدج من البدايه؟ كليله على اطباعج حتى لا تتندمون بعد ما تورطتو
باوعت عليها وهيه نزلت راسها للكتاب
سفانه: تحجين هيج لان عرفتي انطباعكم يختلف من تورطتو انتِ وغهيب؟
رفعت عينها إلى ورجعت نزلتها غيرت الموضوع
هُذال: من جنتي جوه من سويت عمليه استحليت غرفتج وهسه من رجعتي فوك هم استحليتها
: فدوه الچ.
هُذال:.
نامت سفانه واني نزلت جوه اريد احجي ويه مُهاف دكيت باب غرفته اجاني صوته ادخل طبيت وبسرعه اجت عيني ع صوره لكيته مكبر صوره اله هو ورسلان
رسلان يضحك شعره طاير ومُهاف يباوع عليه يضحك وماخذين الصوره معلگها بنص غرفته
وصافن عليها وكفت ساكته عيني على الصوره دموعي نزلت بهدوء مركزه بضحكه رسلان باوعلي مُهاف دخان الجگاير تارس الغرفه مسحت دموعي
هُذال: حلوه.
هز راسه اي
هُذال: مُهاف
مُهاف: ها بويه.
ابتسمت على كلمته هستوني ردت احچي وهوه كال
مُهاف: ادري باچر انه اوديج اساساً بعد ميداوم يومين لو اكثر.
هزيت راسي واتذكر مره من مره كالي عصبيتي مؤذيه وغاب 3 ايام
هُذال: ليش هوَ يعصب هواي؟
مُهاف: ميتحمل ايشي بلحاضر نتيجه كُتمان بلماضي.
هُذال: يأذي روحه ويأذي المقابيله
هز راسه اي ورفع عينه الي
: يحبچ هوَ.
ابتسمت باستهزاء
: اي هوااايه.
: ميكدر يتحكم بعصبيته.
: مو ذنبي.
: اعرف.
: تصبح على خير واسفه على الازعاج.
طلعت من الغرفه صعدت فوك اريد اسبح شلون؟ وملابسي بلغرفه؟ عضيب شفتي محتاره حته سفانه نايمه، بلعت ريگ تقدمت فتحت الباب بهدوء ودخلت حته ما باوعتله فتحت الكنتور طلعتلي ملابس درت وجهي اريد اطلع فتحت الباب انسحبت ايدي
غهيب: اماسيل.
باوعت لأيده بدون ما اباوعله.
هُذال: ايدك.
غَهيب: نامي هنا.
نترت ايدي منه
هُذال: مو اني الانطرد من غرفه وارجع أنام بيها ياغَهيب.
عفته وطلعت رگعت الباب ورايه واسمع صوت تكسير وراي بثواني، عفيه غرفه كلما ضاج كسر شي منها كملت طريقي ممهمته علمود يتعلم بعد يتحكم بعصبيته ولا يضل يصيح على الرايح والجاي
مثل ماكال مُهاف
مو ساعه يصير امان إلى وساعات خوف
سبحت وطلعت اخذت تلفوني والمشط وطلعت بره للحديقه فرشت فراش خفيف اخذت المشط امشط شعري مشغله قصيده لباسم الكربلائي
لا تظن بُعد الدرَب بينك وبيني
يكدر ينسيني لو يبرَد حَنيني
اني روحي بكربله.
ياماي عيني
بل ليالي الزينبيه أسمع ونيني
مانسيتك
خان دهري ومانصف
وياك دهره
مانسيتك
أدري ماترجعلي بس ضليت انطرك
مانسيتك
اني بلشام وبقت عيني إعلى كبرك.
صافنه البعيد دموعي تنزل وي نزلت المشط على طول شعري بلساعه اني امشط بي خلصت لفيته رفعت راسي غَهيب يباوعلي من شباك غرفته نزلت نضري منه ودخلت جوه.
اسينات
كاعده وبصفي نور صافنه ومبتسمه
اسينات: شبيچ؟
نور: ها
اسينات: عليمن تتبوسمين
نور: شلج دخل يااا.
هزيت ايدي وهيه رجعت تكمل بلطلبات، فتحت الانستا مُهاف ناشر صوره لرسلان صوره هوَ ويا ضليت اتأمل بيها هواي، كلشي حلو خلاه رسلان وراه من، ذكرياته، حب، مواقف، حزن، جنت اتمنى بيوم اشوفه اول يوم مدرسه وفرحه هُذال بي بس احنه نريد شي والي يصير ويانه شي ثاني رديت عليه
اسينات: عادي تدز لي الصوره؟
تأخر على ما دزها
: شُكرا، اذا عندك بعد اله دزلياهم.
دز صور هوايه هوَ ويا مره بلسياره كاعد بحضنه ومره صاعد بسيارات التصادم ومره واكفيت ولازم ايديه وغيرها هوايَ، دخلت على الستوري مالته هستوه خلاه، رسلان كاعد بحضنه وكدامهم ازدحام ومُهاف يكله
: نخبث عليهم؟
ورسلان يرد عليه بحماس
: اييييييييي
: ولك ملعون مو خطيه
: بس نطوط الهم؟
: يلا لعد
ضحك رسلان متونس ضحكه طفوليه يدوس على هورن السياره ومُهاف يضحك وياه كاتب علفيديو
فدوه اروح لضحگتَك يبو سولف غميجه.
شبعت بچي وكلساع اعيد الفيديو مال ضحكه رسلان
هُذال:
كعدت الصبح بدلت ونزلت جوه شايله جنطتي لكيت مُهاف مسوي صينيه چاي گلاصين واجبان وطاوه بيض يصب بلگلاص الثالث ابتسمت اباوع له، دخلت سفانه تعدل بشعرها وكفت من شافت مُهاف يطبخ غمضت وفتحت
سفانه: شنو بعدني نايمه؟
هُذال: لا هذا مُهاف جاي يطبخ
سفانه: هااا!
هُذال: وعلي
مُهاف: كلت عدهن دوام خطيه
سفانه: اووييي يعمرييي
هُذال: صدك يعمريي.
كعدنه ناكل ونسولف مُهاف يسويلنه لفات صغار
سفانه: عليك الله كملها واغسل المواعين
هُذال: لا اني اغسلهم، عاشت اسدك كُلش طيبه المخلمه
سفانه: انتِ بس لو تسكتين صاير لساانج هااطوله
مُهاف: لان احسن منچ تسكتينها مووو
غمزت لسفانه وضحكنه اني ومهاف من عافت الاكب تباوع النه، دخل غهيب للمطبخ ولا همتيت كأنما ماشفته
سفانه: لاتصيرين خبيثه ويه مُهاف
ضحكت هُذال وردت عليها
: ترحيله فدوه انتِ الخبيثه.
ضحك مُهاف متونس نغث بسفانه
مُهاف: حيييل.
مكمله كلامي حته مارفعت عيني لغهيب وهوا اخد بطل مي من الثلاجه وركع الباب وراه مال الثلاجه وطلع، هزيت ايدي وسفانه صدت الوره
سفانه: غهيب جان هنا؟
رد مُهاف واني كملت أكل سكتت سفانه تاكل بدون صوت، خلصنه شلت المواعين وغسلتهم ومُخاف اخذ سويچ السياره وطلع كدامي وصلني للمدرسه وراح، دخلت للصف جنه وزينه كاعدات يراجعن
: سلام عليكم
: وعليكم السلام
وكفت يمهن وطلعت الرياضيات.
جنه: عفيه هُذال هذا المثال مفاهمته
هُذال: سهل جيبي اشرحه الج
اخذت القلم منها وبديت اشرحه الها، عبرت الدروس واجه درس الامتحان دخل استاذ الرياضيات وزع الاسئله وطلع اجه ببداله استاذ مرتضىابو الاسلاميه بديت امتحن والحمدلله جاوبتهم كلهم، عبر استاذ مرتضى من يمنه سد الشبابيك اليم جهته جنه
استاذ مرتضى: لتتعورين بابا.
رفعت راسها اله ورجعت تمتحن، سلمت ورقتي وطلعت كعدت علمسطبه ساكته اباوع للشجره النوكف يمها اني واهيب واتذكره من لزمني من ايدي وذبني بره الغرفه بداعي شي اني مالي دخل بي اصلا.
فزيت من كعدت بصفي اسينات وحضتنتي حييل
اسينات: شلونجج
هُذال: زينه وانتِ؟
اسينات: زينه
هُذال: عندج امتحان اليوم؟
اسينات: لا شاغر وطلعت
هزيت رايي كعدنه شويه نسولف دك الجرس
سفانه:.
كاعده بلسنتر وحدي حسيت شخص فوك راسي رفعته استاذ غفار وهوَ بدون مقدمات كال:
غفار: نكعد هنا لو بمكتبي؟
سويت نفسي كلشي ما افهم
سفانه: عفواً دكتور؟
غفار: تفضلي وياي لمكتبي
هزيت راسي ومشيت كدامه دخل:
: ها؟
سفانه: اني؟ انتَ الدكتور صايحني
غفار: اححم اي، سفانه انتِ احد طلابي المتميزين حيل اعرفج واحترمج وصار فتره اريد افاتح بلموضوع بس اتردد لو انتِ تكونين ممجوده بوقتها
سفانه: اي صح.
غفار: اذا ماكو مانع اريد رقم احد من اهلج اجي اتقدم رسمي؟
سفانه: خل اكوم صريحه وياك من البدايه اني طبعي يختلف عن طبعك جذرياً، انتَ هادء، واني عصبيه واتحسس من اقل كلمه سواء بقصد او بغير قصد وهواي اشياء، لا اعرف اخبز وما اعتف ادير بيت وحدي ومو حريصه
جنت انطي مواصفات اشبهه بلفرض بس جان جوابه
: شتكولين انتِ وتقررين صار
هُذال:.
مرت 3 ايام وغهيب معتزل بغرفته هذه الاسبوع كله ماداومه خلال هاي ال4 ايام اني بوجهه ما اباوع من يجي كأنما مموجود اكمل سوالفي وياهم، مُهاف يوديني ويرجعني للمدرسه ما اكدر اكول نقص ماكو بيومي لا حيييل فراغ جبير حته شعري يفتقد لمسات ايديه.
سفانه:.
اندك الباب كمت من كيفي فتحته غهيب اكو غيره، كليوم يسوي مداهمه على غرفتي من ال 2 لل 5 الصبح يضل مگابل هذال وهيه نايمه، فتحتله الباب واشرلته نايمه دخل يمشي بهدوء الصبح اني الزم شفت كلشاع يدزني اطمن عليها واليل يتأكد كعدت علكرسي المكتب مالي وهوه كدامها كعد لازم ايدها إلى اذاها بيها يمسح عليها.
دنك راسه باس المعصم ايده الثانيه تمسح على شعرها ما استغرب لان صار 3 ايام ينعاد نفس الشي كدامي اول يومين دخلت صدمه وبعدين تعودت خاصتاً من هُذال سوتله ميوت من يكعد يمها وهيه تصب چاي يتعمد يحاجيها يكلها صبيلي وهيه تكمل سوالف وتخلي الچاي عباله بدون ماتنطق واني وماما حييل مأيداتها بهذا الموضوع علمود يتعلم بعد ميصيح
علي الاقل يساعد نفسه.
بعد البطانيه من كتفها ابتسم من صارت كدامه شامتها يتلمسها بأطراف اصابعه وهُذال ولا يمها رايحه بسابع نومه، سوه مجال بصفها وتمدد، دار وجهه عليه يهمس
غهيب: روحي نامي بغرفتي
رفعت حواجبي
: اني؟
: اكو غيرج؟
: مو انتَ متقبل احد ينام بيها
همس:
: قبلت روحي
باوعت الساعه ب 3 ونص، سحب تلفونه وتلفوني وتلفون هذال اشر لي اروح له حطهن بأيدي:
غهيب: قفلي الباب من بره اذا اني ما اكلج فتحي بلحديقه تسمعين اي دكه غلسي.
هزيت راسي واخذتهم وطلعت، اليوم ياهوه يا هيه ابتسمت بحماس.