رواية أغلال زمن الغيهب للكاتبة مرمر الدليمي الفصل الرابع
هُذال الاماسيل: عفواً؟
رجع ضهره على الكرسي يباوعلي بسخريه
غَهيب: لاه لاه لاه هاي شنو متدرين؟
صافنه بوجهة وحته ما أعرف حچيه جاي يتجاوز لو لا علمود أعرف اعاركه لو شنو
هُذال الأماسيل: شعرف شدا تحچي أنتَ!
أبتسم مستهزء ورفع أصابع ايده الخمسه وفردهم وأشر على الحلقه البأصبعه
: البأيدچ مالتي.
فتحت عيوني مصدومه، يعني أنتَ!
أبتسم تك خد وهز راسه وباوعلي بنضره كره وبأصابعه الفاردهم بده يعدد وكل ميحچي شي يحسبه بأصبعه
: عنده فلوس، متوضف، سُمعه، سيارات، بيوت، مَحلات ليش ما أوافق؟ حته لو اكرهة
عرفته يقصدني ويطلع زيناته كدامي.
: أنتَ شنو شايف نفسك! محور الكون؟ ماميته عليك ولا على فلوسك ولا تنسى أنتَ الداز عليه موو اني وهمات لو أدري اموت وما اقبل بيك أنتَ، أنتَ شنو عبالك كل الدنيا فلوس؟ وكلها تريد فلوسك لا وألف لا وارجع أصقل واعيد انت! اكبر مني ومو مال أعلمك على هلنقاط!
حچيت محترك كلبي من صدك ضوجني، فوك ما أمه هيَ ألي اجت وطلبتني بنفسها وفوك ما أني كوه عليه طايقه هلخطوبه كلهاا.
حط القلم على الميز بأيده ركعة على المكتب خازرني يحچي بعصبيه
غَهيب: أنتي منين جايبه الوكاحه واللسان!؟
محد لازمچ؟ عايفيچ تيهانه؟ ولو هيچ تعرفين الاخلاق وشلون لازم الشخص يتصرف ويحچي علمي نفسچ وعدلي طريقه كلامچ!
حسيت صارت نغزه خفيفه بكلبي وجعتني حيل كعدت على التخم مختنگه ورديت عليه
: اني هذه طبعي اطير الوين ما أريد اذا معاجبك تسوي فضل أذا تكنسل الخطوبه وكلشي.
اريد بس عذر علمود أخلص منه رغم أني چنت راضيه ومقرره وي نفسي بس اكمل دراسه اعوفه بس من عرفته هوه نفسه تغير كلشي
: واني طبعي اذا اريد أيَ شي اغير بي، وأذا معاجبج تكدرين تلغين كلشي.
واحد ميريد الثاني وواحد مطايق الثاني، زين اني مجبوره على هلشي هو شجابره؟! يمه سجينه يفتحها ويسدها تنطبك، سكتت اباوعله شنو حياتي وي هذه الشخص؟ شلون راح اواجهة واتعايش وياه، فتح السجينه ودار عيونه إلى بدون لا يرفع راسه.
غَهيب: ما أفسخ بس خلي ببالچ لا تطيرين ليفوك، أذا چنتي صاعده السابع سمه أنزلچ الأولها.
أبتسمت اباوعله وحچيت عيني بعينه...
أوصل للسمه الواصلتها أول، بعدين عود نزلني.
رد عَليه بنفس الأبتسامه المستفزه، أذا ما اكدر اصعدلچ، أخلقلچ مشاكل بلسمه الأوله تعيق حركتچ بلسمه السابعه وتجبرج تنزلين.
صديت على جهة أباوع ورجعت باوعتله
- ضَعيف.
دار راسه ألي ودنگ يفتح السچينه ويرجع يسدها
- چؤ، ما أحب الخساره!
صديت عليه وباوعت لعيونه، أذا فقدت الأمل بلنجاح تحتال؟
هز راسه لا بعده مدنك
- أفكر بعقل، ما أحتال!
رفع راسه يباوعلي، يمكن عباله راح أسكت؟ أبتسمت بوجهة - العب عَليك، وأغلبك أذا ردت تلعب عليه.
أبتسم وادر وجهة وحچه، الزمن قادر يثبت كُلشي، تكدرين ترحين الصفچ.
رديت عليه بنفس الجمله، وكفت قريب على المكتب مالته سحبت القلم وورق يمه بيض كتبت عليهم التاريخ وقدمتها بأتجاهة
: تذكر هذه اليوم!
عفته وطلعت رجعت للصف مالي ومرت باقي الدروس واني ما مركزه ب ولا واحد بيهم افكر شنو ضامتلي الأيام الجايه؟، وشلون راح اعيش وي انسان مثل غَهيب؟، مسحت وجهي واسينات تسولف فوك راسي
اسينات: والله اني اجت ببالي بس كلت لا مو هوه ونور كالت مدرس انكليزي بس كالتلي شنو بس هوه مدرس قابل
رفعت شعري وعصرت راسي: اسينات فدوه اروحلچ اسكتي ترى راسي مسطور كلش.
عافتني من اجاها الخط وأني امشي وأبعد بلحجار برجلي رفعت راسي لفيت شعري كبه ضحكت بستهزاء على كميه الذل الأني بيها واتذكر مشكله سميحه وي خالي علمود الخط
فزيت من افكاري على صوت هورن بصفي سياره حَديثه مضلله، جريت نفس ضايجه ياربي شوكت ينقرضون هذول البشرر ما اهتميت وكملت مشي وأكثر من 4 مرات يدك هورن
التفتت معصبه ادور طابوكه افلش سيارته بيها شلتها مخنزره وكفت من شفته منزل الجامه وطلع غَهيب.
خزرني وأشر اصعدي بس لو اعرف هوه مخترع الخزراتتت!؟ 24 ساعه بس يخزر ماكو هيج بشر ملامحه ما تتعب مايتشنجن!
ذبيت الطابوكه ونكتت أيدي: احمد ربك نزلت الجامه قبل لا اطرب الطابوكه
نزل الجامات يباوعلي معاجبه وأشر مره ثانيه صعدي: لا شكراً أنتَ كمل طريقك.
رفع حاجبه ورد، أصعدي لا تتعبيني ما عندي مانع هسه أنزل واشيلچ واحطج بلسياره؟
درت وجهي بعدت كذلتي من عيوني هزيت ايدي
: ههه خاف ما ترضه؟!، شوبلا تعال.
رفع مناضره لعيونه وصعد الجامه كلت راح يروح بس صدمني من فتح الباب ونزل تقدم بأتجاهي وصل يمي وأشر براسه بمعنى: ها اكمل؟
خزرته من تقدم اكثر: وخر اني اصعد، تقدمت على الباب الوره افتحه وهوه صاح
غَهيب: هوب هوب وين؟ ليكدام
ضغطت على اسناني ضايجه ركعت الباب الفتحته، افتريت وصعدت ليكدام معاجبني السياره دافيه ونضيفه حيل من الداخل.
بيها عطر حلو وهادء، صعد وبطل مي بصفه قدمه ألي امه تقدم كيك وببسي وهوه مي ههههههههه، استغفر الله حصرتني الضحكه
بس راحت من كال
: اشربي مي نشف ريكج من الملاسن من الصبح ليهسه
درت وجهي للجامه كالبه عيوني: لا شكراً أنتَ اشرب، وعلى فكره المي ميتقدم بهيچ طريقه انت چبير مو مال اعلمك.
درت أبعد جنطتي من كتفي على وجهة ابتسامه خفيفه، حرك السياره هدوء تام كسر الصمت من كال بهدوء
: أهلچ شلون ماتو؟
ميلت راسي على الجامه اباوع للطريق، بحادث.
سكت وأني بقيت مميله راسي على الجامه اتأمل الطريق هادئه
غَهيب: همَ نفسهم الشفتهم وياچ بلمول؟
درت وجهي عليه عاكده حاجبي: يا مول؟
باوعلي ورجع نضره على الطريق: المول الشفتچ بي اول مره.
: شنو يا مول شوكت؟
: مول ال قبل اقل السنه.
صفنت أتذكر فتحت عيوني على وسعهم ودرت راسي عليه مصدومه: أنتَ!
هز راسه أي عينه على الطريق واني درت وجهي للجامه استرجع الموقف من كبيت عليه عصير وكتله ثول اليعميك واني أكول شبي دائماً يخزر بيه اول ما دخل النه وشافني بس ونبي ما اتذكر هوَ شلون أتذكر
دليته على الفرع مالتنه احچي بهدوء واحترام ما ادري شجاني هسه متفشله وكفني كبال بيت خالو ضبط أخذت جنطتي وكتله: شكراً، نزلت من السياره باوعت الوجهة مبتسمه
: بس بعد لا تعيدها.
رجعت وجهي الطبيعي وسديت الباب شخط سيارته وراح.
دخلت للبيت ومن عساني لا دخلت محسيت الى احد لازمني من شعري يشد بي
: لچ هذه منو سا الجابج بلسياره شفته من فوك لچ انتي شنووو.
: آآي شبيچ وخري
دفعتها مني احچي: هذه خطيبي مو احدد.
عبالي راح تسكت فتحت عيونها خازرتني واجتني بأيدها عود الماسحه: تفرفرين وياه الحيوانه متستحيين دازتج اني تدرسينن هوه يلااام عمجج من بطلج ادبسززز
: مدرسيييي بلمدرررسه!
عفتها ودخلت جوه وهيه ضلت تحچي مسحت وجهي دخيلك ربي صبرك، لكيت رسلان كدامي أبتسمت وفتحتله ايدي اجه يركض حضنته حيل أشم بشعره أخ ياروح اختك
صعدت أبدل اسينات همات هستوها واصله نزلنه سوه جوه سويت أكل وكعدنه ناكل سوه وهيه تسألني شنو كلج وشلون عرفتي
: اساساً من وراچ عرف لان كلتي أماسيل امه تصيحلي اماسيل ف يجوز مايعرف اسمي الكامل هُذال الأماسيل.
كامت غسلت أمواعين اخذيت اغراض النتضيف وصعدت نضفت الطابق الفوك كله وفتحت كتبي اقره، وقريت كلشي الى الانكليزي لان لا افهة ولا أطيقه
لليل بقيت فوك ما نزلت حيل صايره انغث وخاصتاً من كالت سميحه مجاي نكدر نكعد سوه عائله وحدنه كمت دائما ابقه فوك علمود ياخذون راحتهم، أبين اني مو حساسه واني الكلمه اذا نحچت كدامي يضل اثرها بكلبي
راسلتني نور هيه كاعده جوه: وين أنتِ
: فوك
: تمام هاي ام الولد تريد رقمچ
: انطي الها.
: خوش.
مرت تقريب الربع ساعه نومت رسلان، ودزت رساله
- هلاو اني ام غَهيب
أتصلت واني عدلت كعدتي ورديت على الأتصال
ام غَهيب: الو السلام عليكم
- وعليكم أهلاً خاله
- هَلا حبيبه شلونچ
- الحَمد الله بخير الله يسلمچ، أنتي شلونچ
- بخير عيوني.
- عساها دوم
- أكول عيوني أني دكيت عليچ علمود بلكت تطلعون انتي وخطيبج تتعرفون على بعض لأن محد بيكم شايف الثاني.
ضحكت ورديت عليها، لا خاله ميحتاج شنو غَهيب ما كلج
- شكلي؟
- ههههه، خاله غَهيب مدرسي واعرفه ويعرفني واصلاً اليوم هوه وصلني للبيت.
- ياا ياعيني شلون صدفه حلوه، ههههه لا ماكلي.
- يجوز نسه.
- خوش مدام هيچ شوكت متفرغين كليلي علمود تطلعون تختارون الغرفه على ذوقكم
- ان شاء الله حبيبتي
- يلا يروحي اخذي راحتچ.
سديت الاتصال منها أضحك على نفسي، نزلت جوه وأني على الدرج سمعت صوتها عالي تحچي وي خالي
سميحه: حاامدد تجيي وياه وحدهم! تسمعني أنتَ؟!
رد عليها خالو بعصبيه، خل يوصلهاا! أنتِ مو ماردتي اسويلها خط! خل خطيبها يوصلها مالچ دخل.
طلع خالو ضايج وركع الباب وراه، أخذت نفس أهدي نفسي معليچ بيها هُذال شتحچي خل تحچي عوفيها
طلعت تباوع وتخزر بيه، شكد اضوج لان كلشي ممسويته الها وهيه هيج تغيرت عليه
طلعت امشي تحت انضارها لكيت خالو بلطرمه كاعد على الكرسي
: خالو
دار وجهة عليه: ها بابا
: ام الولد خابرتني تكول نطلع نختار الغرفه
هز راسه: أيَ روحي.
دخلت جوه كعدت بلصاله كلهن كاعدات وسميحه هم درت على نور حاچيتها
: أكُلچ نور نريد نطلع نختار غرفه سوه بوحدنه اني و غَهيب شتكولين شلبس؟
شتت نضري من سميحه الخزرتني ونور ردت بعدم لا مُبالاه، ألبسي وردي يلوكلج.
- أمم خوش.
في مكان آخر.
: ها شكالت؟
هزت ايدها تضحك: ولچ يعرف البنيه ومدرسها
فتحت عيوني بصدمه
سَفانه: عزززه عليچ الحسيين؟! ههههههههه شكككدد حلووو
ضحكت مكمله كلامها: وجماله اليوم موصلها للبيت.
كمزت أصفك واضحك فرحانه: اوييي اوي شكدد حلوووويننن
سكتت من دخل غَهيب بهدوء، دار عليه حتى ميباوع على امي
غَهيب: سفانه اكويلي قميصي الأبيض.
هزيت راسي ساكته وأمي كلتله: شوكت تختارون الغرفه؟ اني اكول على وقت فراغ البنيه
رد، تمام.
عافنه وطلع باوعت الأمي وهيه حطت شيلتها على وجها وبچت رحت يمها احچي: يمه شبيچ شسالفه.
وخرت الشيله من وجهة الدموع تنزل من عيونها: يمه چا غير اني الخاطره اكله ازوج غير اريد اشوف جهاله قبل لا اموت تالي ميحاچيني لان خطبتله.
: اسم الله عليچ يمه، هوه ضاج لان ما حچيتي وياه وانجبر يوافق الخاطرج هوه لو مايعزج يقبل يزوج وحده ميعرفها بس لان زعلتي عليه؟ چان كلج ما اريد بس يعزج، وبعدين هوه ميكدر على فراكج يوم يومين ويراضيج.
أحچي وياها ومتأثره الحچي مالتي حلو وطبيعي شالت المخده بصفها وشمرتها عليه غمتني
: خايبه شو ولي أنتِ الثانيه صايره فهيمه والله لو مو هيج ميزوج ابد.
هزيت ايدي عود جايه اخفف عليها، امداني
هُذال:
اليوم همَ دوام، لبست ملابسي السود ضفرت شعري صاير نوعاً ما خفيف لان بلفاتحه وكع هواي.
بست رسلان نايم، لكيت اسينات بلمطبخ مسويه ريوك ما اكلت طلعت أتمشى على الشارع صافنه هاي مرت اشهر برمشه عين شكد تغيرت حياتي كلها بس بهاي الأشهت اول شي وفاة أمي وابوي ومن انتقلت البيت خالي ومن رحت البيت عمي وهسه خطوبتي من استاذ غَهيب حطيت كذلتي ورا أذني
رفعت راسي من سمعت هورنات السياره بصفي نزل الجامه وأشر براسه صعدي، صعدت ساكته هادئه وبالي مو وياه أبد
هُذال: صباح الخير.
غَهيب: صباح النور.
عيني على الطريق وأفكر بس ارجع أكول الخالي بس ادري سميحه راح تسوي مشكله وياه
- ساكته اليوم رشاشتج شوكت تثور
درت راسي عليه، يارشاشه؟
سوه حركه بأيده بمعنى حچي، السانچ السانچ
سكتت مالي خلك أحاچي وكُل تفكيري بروحه النجف وصلنه وهوَ صف السياره
قبل لا أنزل كال، ماجايبه شي يدفيچ؟
باوعت بعيونه وهزيت راسي ب لأ
نزع لفافه وقدمه بتجاهي، شكراً مابردانه.
: هسه الجو يبرد.
اخذته منه بدون ما اناقشه لفيته على ركبتي نزلت بأيدي جنطتي كدامه دخلت للصف وكعدت اسينات عَليه طلعنه للساحه نتمشى ايدي بأيدها، وأني الضوجه مبينه على وجهي
هُذال: اريد اروح للنجف بس اخاف امچ تسوي مشكله.
هزت راسها ساكته ومتحسره تعرف أمها شنو
اسينات:
دارت عيونها مني هُذال متريد تبچي وكعت دموعها اخذتها على صفحه جوه الشجر جريتها الحضني وهيه بچت بسرعه بحسره وصوت ناصي
هُذال: مشتاقتلهم كلبي راح يطك عليهم والله.
مسحت على راسها اصبر بيها مابأيدي شي ابتعدت عني ومسحت دموعها توخر بشعرهازمن وجهة انتبهت للفاف العلى ركبتها عكدت حاجبي
- هذه منيلچ؟
- مال غَهيب.
وأبتسمت بستهزاء، مسحت وجهها وحطت أيدها على كلبها وعقچت ملامح وجها
- بيچ شي اماسيل؟
- لا هيچ وجع خفيف.
دك الجرس وهيه راحت متوجهة الصفها، درت وجهي اريد اروح الصفي فززني صوت استاذ غَهيب من صاح بأسمي تمشيت عليه واكف بعد مسافه علينه حاط أيد بجيبه وأيد لازم كوب بيها يشرب چاي، لابس قميص أبيض رسمي فاتح اول دكمتين منه وشعره مرجعه وره وبنطرون اسود
: نعم أستاذ.
أشر على المكان الچنه واكفين بي اني وهذال
: عليمن چانت تبچي؟
صفنت بوجهة وين شافنه حتهه ما أنتبهت اله: تريد تروح الأهلها
عكد حاجبه ورد: للنجف؟
هزيت راسي أي وهوَ كال مستغرب - لعد ليش متروح؟
عضيت على شفتي ساكته رفعت عيوني الوجهة عدنه ضروف بلبيت متسمح تروح
: عايشه وياكم هيَ؟
هزيت راسي أي من شفت شت وجدان تتمشى للصف ترخصت منه وركضت كدامها دخلت للصف شكد اكررها تضل كومه تحچي وياريت لو هيه تنصح روحها، مرت الدروس.
هُذال:.
مرت باقي الدروس، دخل النه غَهيب همات شرح النه وفتش على الحل اني حاله، كملت الدروس والدرس الأخير شاغر طلعت كعدت بلساحه من دك الجرس اخذت جنطتي انتضرت غَهيب علمود انطي اللفاف مالته
ماكو اعتقد جاي ياخذهم اضافي سادس، مشيت للمكتب مالته دكيت الباب هم ميرد فتحتها ذبيت اللفاف وخليته على المكتبه ودرت وجهي اريد اروح اجاني صوته يضحك ضحكه رجوليه أول مره اسمعه يضحك.
كل مره بس معبس يحچي بلطف وهدوء الضحكه مبيته بصوته: أي حبيبتي وبعد غير النوتيلا شتردين، تمام فراوله وبعد، بعيوني صار، لا ما اعتقد اكدر اليوم على باچر، تمام هَلا بيچ يا كلبي باي.
عقچت ملامح وجهي هذه يحچي وي بنات ايع، بعدين كلت لا يجوز اخته شعلي بي دخل تفاجأ من شافني ذب الستره وبقه بس بقميص ابيض مفصل على جسمه
: أحمم، هذه اللفاف مالتك شكراً.
اخذ نضره على اللفاف حاطته على ميز المكتب مالته هز راسه ورفع أيده بطرف أصبعه حاط الستره ورا ضهره وكتوفه برزت بعد أكثر وانضب القميص اكثر عليه
بلعت ريك ودرت وجهي اريد اروح، أنتضري اني اوصلچ.
جاي اريد احچي وياه واكله لا اني اروح شمر السويچ على المكتب بصفي، صعدي كدامي.
كلبت عيوني بملل اخذت البصمه مال سياره وصعدت وهوه تقريب الخمس دقايق يلا اجه لابس مناضره ويمشي بأتزان ماشاءالله.
شتت نضري منه وهوه صعد وحرك السياره درت وجهي للجامه من صدك حيل ضايجه اليوم ومالي خلك مشينه مسافه وهوه وكف نزل المحل أشتره فراوله ونوتيلا وعلاكه بيها حلويات ثانيه وصعد ساكت أنطاني بطل مي اخذته منه
طول الطريق ساكتين وكفني كبال بيت خابو وقبل لا أنزل كال، باچر لا تداومين حضري نفسچ اجيج نروح للنجف
فتحت عيوني على وسعهم فرحانه، صدك!
هز راسه بعدم لامبالاه وباوع للساعه
غَهيب: ب 9 هذه هو؟
هزيت راسي أي مبتسمه: ايي هاهيه كلش كافي.
اخذت جنطتي وتذكرت كتله: المن تروح؟
رد، الوالدي.
- الله يرحمه.
نزلت وطبكت الباب وراي فرحانه حيل، حايره شلون اكول الخالو هوه يرضه بس اكيد راح يتعارك وي مرته
بليل رحتله اكله وتفاجأت من كال اتصل غَهيب وستأذن مني من الصبح.
ارتاحيت بلزايد ورحت حضرت إلى ملابس واخذت عبايه من نور عدها هواي مرات تسوي بيهم جلسات لو مجالس تروح بيهن امنت رسلان على اسينات.
وللصبح اني كاعده حته عيوني متاخذ نوم.
سفانه:
كاعدين كلنه على العشه ساكتين ناكل غَهيب ياكل ساكت وأمي هم واني بس اباوع عليهم، غَهيب يحاول ميباوع على امي واني اضحك بيني وبين نفسي طب مهاف يفر بسويچ السياره
مُهاف: أياخونه تاكلون وماتنتضروني؟
ردت عليه أمي، اذا أنتَ دايح 24 ساعه نموت صايمين يا يمه؟
بعد شعره من عيونه يضحك وكف يم أمي وربت على كتفها
مُهاف: حلوه حلوه هاي حجيه صايره تنكتين.
رفعت حاجب امي ونزلت حاجب هزت ايدها وغمته ضحك حيل يموت على هاي الحركه من أمي وماما من النوع إلى 24 ساعه تنكت وصدك هيه جبيره بس مبينه اصغر بهواي لان ابد مامكبره نفسها دنك باس ايدها
دار عليه چان يضحك راحت ضحكته وكلب عيونه ضايج: عليمن تباعين انطيني خبزه من يمچ.
كلبت عيوني اعيب عليه بوجهي، غَهيب ساكت انطيت خبز المهاف اخذ الخبزه وضل لازم ايدي باسها يحچي، فدوه اروح الهل أيد.
ابتسمت على كلامه اريد اكله اني الاروحلك فدوه وهوَ دنك ياكل وكمل كلامه، المابيها ذره أنوثه
راحت ابتسامتي ضايجه درت وجهي الغهيب مدنك ياكل وعلى وجهة أبتسامه خفيفه كلت الأمي
سفانه: يمه صيحي بأبنچ.
لفتها بأيدها تاكل بيها، شهل عياره ولچ مو باس ايدچ بعد شكو.
هز راسه مهاف لكمته بحلكه مأيد كلامها: أيَ والله بعد شكو؟
سفانه: ها هيچ صارت مهااف! خوش
صديت على غَهيب اريد احچي، غَهيب باوع ذاك اليوم مهاف.
بعدني ما مكلمه وأيد مهاف شكبرها صارت على حلكي وخمشي كمت حته ما اتنفس وغهيب ذب الخاشوكه ورفع حاجبه
غَهيب: ليش سكتتها خليها تحچي.
ومهاف ميوخر أيده كالتله امي، اخيتك اختنكت ولك
ومهاف يسوي، انطيچ خمسه وعشرين بس اسكتي، خمسيين خمسيين انطيج والله
هزيت راسي أيَ اريده بس يوخر اختنكت
خزره غَهيب: وخر ايدك منها حيوان.
وخر ايده مهاف وغهيب باوع على خدي وحلكي أثر شويه احمر: حيوان سويت خدها أحمر، بلا شضام وهيج يخاف.
غلست اني شويه وشلنه الاكل وبين شقه مهاف وامي ومناكرهم وكفت بلمطبخ اغسل مواعين ودخل غَهيب
كال، صعدلي الچاي فوك عيني.
- تمام
كملت غسل مواعين صبت چاي وديت المهاف وامي ورجعت صبيت الغهيب وصعدت فوك اخذه من أيدي جر محفضته وطلع منها خمسينات ثنين
سفانه: عندي والله
- حته لو
رجع طلع 125 وحطهم بأيدي: هذن أنطيهم ل أمي وتحضرو باچر نروح للنجف اني وهذال وانتم ويانه.
- الله صدكك؟
هز راسه واني عفته ونزلت اركض مكيفه.
وامي صاحت، ها شبيچ
نزلت من اخر بايه ومهاف صفك، خرب انه لو واكعه.
كلبت عيوني وردت وجهي منه: أكُلچ يمه هذن من غَهيب الج دزهم وكال تحضرو باچر نروح للنجف وويانه هُذال خطيبته
فتحت عيونها متفاجأة: هاه هوه كال هيچ؟
- أيَ والحسين.
رفعت راسها للسكف ورفعت ايدها تدعي ورجعت نزلتها.
عفتهم وركض الغرفتي احضر ملابس فرحانه اولاً مشتاقه البابا وثانياً خطيبه غَهيب ويانه
هُذال الاماسيل:.
ضليت كاعده كمت توضيت كعدت اقره قران وصليت صلا الفجر مرت فتره وكعدت اسنيات بدلت وراحت للدوام صارت ب 8 ونص بدلت بسرعه قميص اسود جوه الورك وبنطرون اسود عريض شلت الجهاز ام غَهيب تدك عليه
: ها خاله.
: هَلا يمه احنه بلباب طلعي.
- جيت
سديته منها اخذت سماعات وياي ونزلت اركض شايله العبايه بعلاكه وياي بأيدي
الكل نايم طلعت الشمس بعيني وام غَهيب كلش حبابه بس شافتني نزلت هيه وبنتها.
ام غَهيب: فدوه الهل وجه صباح الخير شلونج يمه
ابتسمت على بوجهةة: هَلا خاله صباح النور الحَمد الله زينه
اجت باوستني هيه وبنتها
وسفانه كالت، هلاو شلونج
- هلاو بيج الحَمد الله أنتِ شلونچ.
وكفت اريد اصعد وام غَهيب دفعتي بخفه ليكدام: اصعدي أنتِ هنا.
- لا والله خاله ما اصعد
فتحت الباب الخلفي تريد تصعد واني كتلها، والقران خاله ما اصعد بعد حلفت.
- خايبه شمالج اني اريد وره
- لا ميصير.
فتحت الباب الوره وصعدت وهيه صعدت ليكدام
هُذال: السلام عليكم.
غَهيب: وعليكم السلام.
شلت راسي اباوع يباوعلي من المرايه الاماميه عيونه مبينات وحاجبه المطبور اشرتله بحواجبي شكو؟
وخر عيونه مني واني سولفت شويه وي البنيه كلش حبابه مرت ساعه والسياره هدوء بس ام غَهيب تسألني اسئله عشوائيه واني ارد عليها
وكف غَهيب يفول بانزين نزل وامه دارت عليه
- خوما تختنكين من ريحه البانزين.
ابتسمت الها - لا شنو السالفه اصلاً احبها
سفانه: اني هم احبها همزين أنتِ مثلي ههههه عبالي بس اني
ام غَهيب: وصخونه كمزتيني عبالي نمتي.
ضحكت على شكلها وهيه تناكر بنتها چنها اني وامي قبل همات هيچ
صعد غَهيب واني دمعت عيوني اتذكر امي وابويه وسوالفهم وحبهم البعض واتذكر امي من تكلي اذا متت هم تجين وتزورين كبري لو تنسيني وجهي دايرته للطريق دموعي تنزب وحده وره الخ وكف غَهيب نزل اشتره نمنميات وانطاهم السفانه.
: اكلن خاف جوعانات لو انزل المطعم تتريكون؟
كالت ام غَهيب: ها اماسيل ننزل تتركين
- لا خاله شكراً ما اريد انتو اذا تردون تريكو.
باعت للمرايه الاماميه غَهيب عيونه عليه رموشه مفروشات وذخان وسود حيل مثل حواجبه ولحيته وشاربه بعدت نضري منه
وسفانه بسرعه حطت راسها على كتفي ونامت مرت ساعه ونص ثانيات ودخلنه النجف الأشرف نزلت الجامه وشميت الهوى أخخخ هنا اهلي هنا روحي مدفونه هنا.
اول شي رحنه للمقبره الأبو غَهيب لان صاير بلبدايه صار اكثر من 17 سنه متوفي قرينه الفاتحه ورحنه
مشينه للسياره وغهيب وكف بصفي وحچه، تندلين اهلچ؟
بلعت ريك الغصه ما اكدر اضمها وواضحه بصوتي: أيَ
دليته على مكانهم كلبي يدك حيل والنفس كوه اجره أمشي وبلخطوه اعثر مرتين لمحت صورهم من بعيد رجليه بأدن شلت ايدي اشر عليهم، ذولاك همه ذولاك.
امشي بسرعه بس اريد اوصلهم كلبي لوما ضلوعي چان طلع من مكانه وأني وصلت قريب عنهم وطحت رجليه ما اكدر أمشي عليهم مو كادره اكمل لزمني غَهيب وكومني تقربت ام غَهيب ساندتني تبچي وياي
كمت كوه عليه حيلي ذابته على ام غَهيب شهگت حيل روحي رايحه ابچي بصوت وأحس كلبي نشگ من هاي الشهكه
مديت روحي على كبر أمي ابچي بصوت عالي واعاتبها: ولچ يمه عفتيني اجيتكم يمه جيتكم موو تكليليي اذا متت هم تجييين تزورين كبرييي جيتچ.
بچيت بحسره شاهكه وسفانه وام غَهيب يبچون وياي وغهيب واكف على صفحه يدخن
درت على كبر ابوي اباوع اله: چاا يابه مو تكليي عزززيزتيي؟ مووو هيچ تكلييي عزيزتك اجتك كوووم حاچيها كوووم تيتمنييي يابه تيتمونييي واني بهلعمررر
دكيت على عيوني ألطم وام غَهيب لزمتني: كافي يمه يعيوني اقريلهم الفاتحه.
ردت عليها احاچيها صوتي نبح: خاله والله والله كلولي روحي ويانه ماررحتت مااارحتت انيييي المااارحتتت سوده بوجهييي مااارحتت.
دكيت على صدري وهيه تبچي جرتني الحضنها: سوده عليه حبيبتي
هُذال: ماتطفه حركت كلبي عليهم جمر فراكهم عايش بروحي ومستوطنه
رفعت ايدي اقرالهم الفاتحه وغهيب انطاني مي اغسل كبرهم، وكت يخليني اغسل بكبركم واني عايشه واشم الهوه
كومتني ام غَهيب وسفانه تنفض بملابسي مشيته مسافه واني كلساع التفت الهم وام غَهيب تكلي لاتلتفتين يمه.
وكفنه يم لبسنه العبايات اني وسفانه، دخلنه زرنه الأمام على صارت الساعه بل5 العصر بقينه كاعدين زرت ودعيت من كل كلبي الله يريح بالي وما اعرف شنو الينتضرني بس اريد صبر
صار المغرب اخذنه غَهيب للمطعم تعشينه وأني اكلت شويه وخلصت لحت ام غَهيب اكل واني ما اكلت استحيت منهم مامتعوده عليهم
كملنه دفع غَهيب ووكفو يشترون واني اخذت كم غرض الرسلان وللبنات انطاني غَهيب فلوس واني كتله ما اريد بس أصر اخذهم.
رجعنه للسياره وغهيب دخل للمطعم واني رچيت راسي على الجامه افكر وحته التفكير تعب كد ما افكر، طلع غَهيب من المطعم بأيده علاكه لابس قميص اسود ضاب على جتفه فاتح اول دكمتين وعاكد حاجبه المطبور ركز نضره عليه واني بقيت على نفس الحركه
صعد ودار وجهة إلى قدم العلاكه مال اكل بتجاهي
: انتي ما اكلتي
: ليش زحمت نفسك.
سكت حرك السياره وأمه واخته بسرعه غفن واني حطيت السماعات بأذني رفعت عيوني للمرايه الأماميه غَهيب عيونه عليه دار عيونه من باوعتله
بقه نضري عليه شنو نهايتي وياك؟ وأذا انت مهاوي هيچ خطبه ليش خطبت أصلاً.
شتت نضري منه السماعات بأذني والصوت يردد
كلت هلفركه بلميت
شهر شهرين!
طالت يا على لا سنه ولا سنتين
أناشد عل صبر
ما ادري دربه منين
خذن ثلثين حييلي
مخلفات البين.
تنزل دموعي وي القصيده وتهيج الوجع البداخلي، مانمت أبد فززني صوت غَهيب من كال
- عطشانه؟
- أيَ
- راح انزل اجيب مي تردين شي بعد؟
- لا
نزل جاب مي بارد اخذته منه وهوَ صعد وحرك السياره
وهوَ سأل: باچر تداومين؟
- اكيد
هز راسه وأني فركت أيدي متوتره أهله نايمين حطيت عيوني بعيونه من المرايه وهمست
هُذال: غَهيب.